မိုးကြိုးဝိညာဉ် လေးပညာရပ်

အခန်း (၅၉) မိုးကြိုးဝိညာဉ် လေးပညာရပ်

ချင်ယွင်သည် လမ်းမတလျှောက် လျှောက်လာရင်း နောက်ဆုံးတွင် အဆောက်အဦ၏ အဆုံးတွင် မီးဖိုချောင်ကို တွေ့လိုက်ရသည်။

မီးဖိုချောင်စီမံခန့်ခွဲသူသည် လူဝကြီးတစ်ဦးဖြစ်သည်။ ချင်ယွင်ဆီမှ လွှဲပြောင်းပေး လိုက်သော တံဆိပ်ပြားကို မြင်သောအခါတွင် ခက်ထန်သော အမူအရာ မရှိပေ။ ယင်းအစား သူက "ဂျူနီယာညီလေး ၊ ဒီနေ့ကစပြီး မင်းက ငါတို့ရဲ့ မီးဖိုချောင်အဖွဲ့ဝင် တစ်ယောက်ဖြစ်သွားပြီ။ အနာဂတ်မှာ မင်း အပြင်မှာ အနိုင်ကျင့်ခံရရင် ငါ့ကို လာရှာလိုက်ပါ။ ငါ့နာမည်က ချန်တာဖန်။ မင်းငါ့ကို စီနီယာအစ်ကို ဖက်တီးကြီးလို့ ခေါ်နိုင်တယ်။ ."

ချင်ယွင်က ခေါင်းညိတ်လိုက်သည်။ သူသည် ချန်းတာဖန်ကို အထင်ကြီးပြီး ပြန်လည် မိတ်ဆက်လိုက်သည်"ဖက်တီးကြီး၊ငါ့နာမည်ကလင်း ယွင်ပါ။ နောင်အနာဂတ်မှာ မင်း ငါ့ကို ဂျူနီယာညီလေး လင်းယွင်လို့ ခေါ်နိုင်ပါတယ်" ဟု ပြန်ပြောလိုက်သည်။

"ကောင်းပြီ၊ဂျူနီယာညီလေး လင်းယွင်!" ချန်တာဖန်က ချင်ယွင်၏ပခုံးကို ပုတ်ပြီး "သွားကြရအောင်။ ငါတို့ မီးဖိုချောင်မှာရှိတဲ့ ညီအစ်ကိုတွေနဲ့ တွေ့ဖို့ မင်းကို ခေါ်သွားလိုက်မယ်။"

ထို့နောက် ချန်တာဖန်သည် ချင်ယွင်ကို အလွန်ကြီးမားသော မီးဖိုချောင်သို့ ဆွဲခေါ်သွားသည်။ ထိုနေရာတွင် အိုးအလုံးတစ်ရာကျော်ရှိပြီး တစ်လုံးစီသည် အချင်းတစ်မီတာ ရှိသည်။ အလွန်ကြီးကျယ်ခမ်းနားပုံရသည်။

အနီးနားရှိ လူအုပ်ကိုကြည့်လိုက်လျှင် သူတို့အားလုံး မီးခိုးရောင်အဝတ်အစားများကို ဝတ်ဆင်ထားပြီး သူနှင့် အသက်တူသည်။ ချင်ယွင်သည် ဟိုဟိုဒီဒီ လှည့်ပတ် ကြည့်လိုက်တော့ ဒီမှာ စုစုပေါင်း လူ ၇၉ ယောက် ရှိတယ် ၊ သူ့ကို ထည့်တွက်လျှင် လူပေါင်း၈၀ တိတိ ရှိသည် ။

ထိုလူများထဲတွင် ကျင့်ကြံမှုအဆင့် အမြင့်ဆုံးလူ သုံးဦးရှိသည်။ ၎င်းတို့အားလုံးသည် ပဉ္စမအဆင့် ကောင်းကင်အလွှာ သိုင်းပညာရှင်များ ဖြစ်သည်။ သူတို့သည် ဆဋ္ဌမအဆင့် ကောင်းကင်အလွှာ သိုင်းပညာရှင်

နယ်ပယ်သို့ ရောက်ရန် ခြေတစ်လှမ်းသာ လိုတော့ပြီး အပြင်စည်းဂိုဏ်း၀င် တပည့်များအဖြစ် ဝင်ရောက်ရန် အရည်အချင်းများ ပြည့်မီသည်။

"အားလုံး ရပ်လိုက်ပါ။ ငါ အားလုံးနဲ့ မိတ်ဆက်ပေးပါရစေ။ ဒါက ငါတို့ မီးဖိုချောင်က ဂျူနီယာ အလုပ်သင်ညီလေးအသစ်ပဲ။ သူ့နာမည်က လင်းယွင်တဲ့ ။ နောင်အနာဂတ်မှာ အားလုံးက တစ်ယောက်နဲ့တစ်ယောက် ဂရုစိုက်ကြ ရလိမ့်မယ်။" ချန်တာဖန်က ကြေညာလိုက်သည်။ ထို့နောက် ဘေးတဖက်တွင် ထင်းခုတ်နေသော အရပ်ရှည်ရှည် ပိန်ပိန်ပါးပါး လူငယ်လေးအား "ဇောင်ယု၊ ငါ လင်းယွင်ကို မင်းလက်ထဲမှာ ထားခဲ့လိုက် မယ်။ အခုကစပြီး သူက မင်းရဲ့ လူတွေထဲက တစ်ယောက်ဖြစ်လာလိမ့်မယ်"

အရပ်ရှည်ရှည်ပိန်ပိန်လူငယ်က သူ့ကို အေးစက်စွာ စိုက်ကြည့်ပြီးနောက် စကားလုံးတစ်လုံးတည်းဖြင့် တုန့်ပြန်လိုက်သည် "ကောင်းပြီ!"

အရာအားလုံးပြီးဆုံးပြီးနောက် ချန်တာဖန်နှင့် ချင်ယွင်သည် စကားအနည်းငယ် ပြောပြီး ထွက်သွားသည်။

ချင်ယွင်နှင့် ဇောင်ယုဟုခေါ်သော အရပ်ရှည်ပြီး ပိန်လှီသော လူငယ်တစ်ယောက်သာ ကျန်ရှိတော့သည်။

"ငါ့ နောက်လိုက်ခဲ့ပါ!" ပိန်ရှည်ရှည်လူငယ်က ချင်ယွင်ကို ကြည့်ပြီး အေးစက်စွာ ပြောလိုက်သည်။

"ဟုတ်ကဲ့ပါ အစ်ကိုကြီး!" ချင်ယွင်က ခေါင်း ညိတ်လိုက်သည်။ သူ၏ရှေ့မှ လူငယ်လေး ဇောင်ယုသည် ယခင်က သူရှာဖွေတွေ့ရှိခဲ့သော ပဉ္စမအဆင့် ကောင်းကင်အလွှာ သိုင်းပညာရှင်သုံးဦးထဲမှ တစ်ဦးဖြစ်သည်။

ဇောင်ယုသည် စကားအနည်းငယ်သာပြောခဲ့သည်။ လမ်းတစ်လျှောက်တွင် သူက ချင်ယွင် အား စည်းကမ်းများကို အတိုချုံးပြောပြီး အခြားဘာမှ မပြောပေ။

လမ်းမှာ လူတစ်ယောက်က သူ့ကို နှုတ်ဆက်နေတာတွေ့တော့ သူက အေးစက်စက် ခေါင်းညိတ်ပြလိုက်တယ်။

ဤမြင်ကွင်းကို မြင်ရလျှင် ချင်ယွင်လည်း ဇောင်ယု၏ ပင်ကိုယ်စရိုက်ကို နားလည် သွားခဲ့သည်။

ဒီလူဟာ သူ့အတွက်သာမက လူတိုင်းအတွက်ပါ အေးစက်နေတယ်ဆိုတာ သိလာရပါ သည်။ ချင်ယွင်သည် ဤဇောင်ယုသည်အေးစက်စက် မွေးဖွားလာသည်ဟု ခန့်မှန်းမိ သည်။

"ဒီအခန်းက မင်းပိုင်တယ်။" ဇောင်ယုက တံခါးကိုတွန်းဖွင့်ပြီး ချင်ယွင်ကို ပြောလိုက် သည်။

ချင်ယွင်သည် အခန်းထဲကို လှမ်းကြည့်လိုက်တော့ အခန်းက အနည်းငယ် သေးပေမယ့် အလွန်သန့်ရှင်းသပ်ရပ်ပြီး ပရိဘောဂအစုံရှိနေသည်ကို တွေ့ရသည်။

"မိုးကြိုး၀ိညာဥ်ဂိုဏ်းဟာ ကြီးမားတဲ့ ကျင့်ကြံခြင်းဂိုဏ်းကြီးဖြစ်တာကြောင့်၊ အစေခံ တပည့်များတောင် ကျင့်ကြံမှုကို မစွန့်လွှတ်နိုင် ကြဘူး။ ကျင့်ကြံမှုမှာ အတားအဆီး အဖြစ်ဆုံးအရာက အခြားလူများက မင်းကို အနှောက်ယှက်‌ဖြစ်စေတဲ့အရာတွေဘဲ။ ထို့ကြောင့် တပည့်တိုင်းဟာ သီးခြားကိုယ်ပိုင် အခန်းတစ်ခုစီ ရရှိကြ တယ်။" ဇောင်ယုက ရှင်းပြသည်။

ချင်ယွင်က ခေါင်းညိတ်လိုက်သည်။ ချင်ယွင်သည် ဤကိစ္စနှင့်ပတ်သက်ပြီး အလွန် ကျေနပ်သွားသည်။

"ဒါဆို စီနီယာ အစ်ကိုဇောင်ယု၊ ငါ ဘယ်တော့

အလုပ်စရမလဲ၊ ငါ့ရဲ့ တာဝန်က ဘာလဲ။" ချင်ယွင်က ဆက်မေးတယ်။

ဇောင်ယုက ချင်ယွင်ကို တစ်ချက်ကြည့်လိုက်ပြီး "ဒီနေ့ မင်း အနားယူလိုက်ပါ။ မနက်ဖြန် ထင်းခန်းကို လာတဲ့အခါ မင်းကို တာဝန်ပေးမယ်။ မင်းရဲ့ အလုပ်သမား ၀တ်စုံကို ပြောင်းဖို့ လည်း မမေ့နဲ့ဦး"

ချင်ယွင်က ခေါင်းညိတ်ပြီး "ကောင်းပါပြီ၊ ကျေးဇူးတင်ပါတယ် စီနီယာ အစ်ကိုဇောင်ယု"

ဇောင်ယုက ပြန်မဖြေဘဲ လှည့်ထွက်သွားသည်။

သို့သော် သူအခန်းထဲမှ ထွက်ခါနီးတွင် သူသည် ချင်ယွင်ကို ရုတ်တရက် လေးလေးနက်နက် ပြောသည် " မိုးကြိုးဝိညာဉ်လေး ပညာရပ်ကို ကျင့်ကြံဖို့ ဒီအချိန်ကို အသုံးချတာ ပိုကောင်းတယ်။ ဒီနေရာမှာ အရာအားလုံးက ခွန်အားကို အခြေခံထားတယ်"

ချင်ယွင်သည် အနည်းငယ် အံ့အားသင့်သွားပြီး ခေါင်းညိတ်ကာ "မင်းရဲ့သတိပေးမူ အတွက် ကျေးဇူးတင်ပါတယ် စီနီယာ ဇောင်ယု၊ ငါ ကြိုးစားပါ့မယ်။"

ဇောင်ယုက ပြန်မဖြေသလို နောက်ပြန်မလှည့်ဘဲ ထွက်သွားသည်။

ချင်ယွင်သည် ထွက်သွားသော ဇောင်ယု၏ နောက်ကျောကို ကြည့်လိုက် သည်။ ဤစီနီယာ ဇောင်ယုသည် အပေါ်ယံကြည့်ရသလောက် အေးစက်နေပုံ မပေါ်ကြောင်း သူ ရုတ်တရက် ခံစားလိုက်ရသည်။ သူ၏ နောက်ဆုံးစကားလုံး များမှတဆင့် သူ့ကို ကြင်နာစွာဖြင့် သတိပေးစကား ပြောကြားသည်ဟု ပြောနိုင်သည်။

ချင်ယွင်သည် သိပ်အများကြီး မတွေးတော့ဘဲ တံခါးကို ညင်သာစွာ ပိတ်လိုက် သည်။ သူသည် သူ၏ သိုလှောင်အိတ်ထဲမှ မိုးကြိုးဝိညာဉ်လေးပညာရပ်၏ လက်ရေးမူမိတ္တူကို ထုတ်ယူပြီး ၎င်းကို စတင်ဖတ်ရှုခဲ့သည်။

နာရီဝက်အကြာတွင် ချင်ယွင်သည် မိုးကြိုးဝိညာဉ်လေးပညာရပ်ကို ပိတ်လိုက်သည်။

သူသည် ဤမိုးကြိုးဝိညာဉ်လေးပညာရပ်စာအုပ်ပါ အားလုံးကို အလွတ်ကျက်မှတ်ပြီး ဖြစ်၍ ၎င်းတို့ကို ကျွမ်းကျင်သွားပြီ ဖြစ်သည်။ သူသည် ၎င်းပညာရပ်ပါ နည်းလမ်းအတိုင်း ညင်သာစွာ လှည့်ပတ်နေသရွေ့ သူသည် ၎င်းပညာရပ်ကို လုံးဝ အောင်မြင်စွာ ကျင့်ကြံနိုင်ပါလိမ့်မည်။

သို့သော် သူ၏ထင်မြင်ချက်အရ၊ ဤမိုးကြိုးဝိညာဉ်လေးပညာရပ်သည် အကြမ်းထည် ဆန်လွန်းလှသည်။ လှည့်ပတ်မှုလမ်းကြောင်း မှားယွင်းနေသည့်နေရာတစ်ခု သို့မဟုတ် နှစ်ခုပင် ရှိခဲ့သည်။ အမြင့်မြတ် ဆုံးရတနာဖြစ်သင့် ရှေး ဟောင်းခေတ် အစိမ်းရောင် ကြာပန်းပညာရပ်ကို ကျင့်ကြံထားသော ချင်ယွင်အတွက် ဤ မိုးကြိုးဝိဉာဉ်လေး ပညာရပ်သည် ကောင်းကင်နှင့်မြေကြီးအလား ကွာခြားလွန်းလှသည်။

ထို့အပြင်၊ ဤ မိုးကြိုးဝိညာဉ်လေးပညာရပ် သည် အခြားကျင့်ကြံနည်းစနစ်တခု၏ ရိုးရှင်းသောမူကွဲဖြစ်ကြောင်း သူဆုံးဖြတ်နိုင်သည်။ ဤပညာရပ်၏ မူလကျင့်ကြံခြင်း နည်းစနစ်ကို မဟာမိုးကြိုးဝိညာဉ်နည်းပညာရပ်ဟု ခေါ်ခြင်းရှိ၊ မရှိနှင့် ပတ်သက်ပြီး ချင်ယွင် မသိပေ။

ချင်ယွင်သည် ဤကဲ့သို့ အဆင့်နိမ့်အဆင့်ကျင့်ကြံခြင်းနည်းစနစ်ကို ကျင့်ကြံခြင်းရကို အထင်သေးသော်လည်း၊ သူသည် မိုးကြိုး၀ိညာဥ်ဂိုဏ်းတွင် ရှေ့ဆက်တိုးလိုပါက ဤမိုးကြိုးဝိညာဉ်လေးပညာရပ်ကို ကျင့်ကြံရမည်

ဖြစ်သည်။ ထို့ကြောင့် ချင်ယွင်သည် မိုးကြိုးဝိညာဉ်လေးပညာရပ်ကို မွမ်းမံပြင်ဆင်ရန် အတွက် သူ၏ ရှေးဟောင်းခေတ် အစိမ်းရောင်ကြာပန်းပညာရပ်၏ အခြေခံအုတ်မြစ် ကို အသုံးပြုရန် သူ ဆုံးဖြတ်ခဲ့သည်။

ထို့ကြောင့် ချင်ယွင်သည် ကုတင်ပေါ်တွင် တင်ပျဉ်ခွေထိုင်ကာ မိုးကြိုးဝိညာဉ်လေး ပညာရပ်ကို စတင်ပြင်ဆင်ခဲ့သည်။

နှစ်နာရီကြာပြီးနောက် ချင်ယွင်သည် နောက်ဆုံးတွင် သူ၏မျက်လုံးများကို ဖွင့်လိုက်သည်။ မိုးကြိုးဝိညာဉ်လေးပညာရပ်ကို အောင် မြင်စွာ ကျင့်ကြံနိုင်ခဲ့ရုံသာမက မိုးကြိုးဝိညာဉ်လေးပညာရပ်ကိုလည်း အလွန်တိုးတက် ကောင်းမွန်စေခဲ့သည်။

သူအဆင့်မြှင့်တင်ထားသော မိုးကြိုးဝိညာဉ်လေးပညာရပ်သည် အဆင့်နိမ့်အဆင့် အဆင့်နိမ့်တန်းစား ကျင့်ကြံခြင်းနည်းပညာရပ်မှ အဆင့်မြင့်အဆင့် အဆင့်နိမ့်တန်းစား နည်းပညာရပ်အဖြစ်သို့ တိုက်ရိုက် ခုန်တက်သွားသည်ဟု ဆိုရမည် ဖြစ်သည်။ ဤအလယ်အလတ်အဆင့်

တခုလုံးကို ကျော်တက်သွားခြင်းဖြင့် အဆင့်ခြောက်ဆင့် ခုန်တက်သွားခဲ့ပြီး ဝိညာဉ်စွမ်းအင်၏ လည်ပတ်မှုအမြန်နှုန်းသည်လည်း ယခင်ကထက် ဆယ်ဆ ပိုမိုမြန်ဆန်လာသည်။ ဤနည်းပညာရပ်သည် မဟာမိုးကြိုးဝိညာဉ်ပညာရပ်ထက် လုံး၀ နိမ့်ကျခြင်း မရှိတော့ပေ။

အမှန်တကယ်လည်း ချင်ယွင်၏ ခန့်မှန်းချက်က မှန်ကန်ပါသည်။ ဤမိုးကြိုး ဝိညာဉ်လေးပညာရပ်ကို မိုးကြိုး၀ိညာဂိုဏ်း၏ မဟာမိုးကြိုးဝိညာဉ်ပညာရပ်မှ ရိုးရှင်းစွာ ပြုပြင်ထားသည့် မူကွဲဖြစ်သည်။ ဤမဟာမိုးကြိုးဝိညာဉ်နည်းပညာရပ်သည် အတွင်းစည်းဂိုဏ်း၀င်တပည့်များ ကျင့်ကြံရန်ပေးရမည့်

ကျင့်ကြံခြင်းနည်းပညာရပ်တခုဖြစ်ပြီး သူပြုပြင်ထားသည့် ဤကျင့်ကြံခြင်း နည်းပညာရပ်ထက် အဆင့်နိမ့်ပါသည်။

ချင်ယွင်၏စိတ်သည် ရွှေ့လျားသွားပြီး မိုးကြိုးဝိညာဉ်လေးပညာရပ်ကို ချက်ချင်းပင် ဖြန့်ကျက်လိုက်သည်နှင့် လျှပ်စီးနှင့် သက်ဆိုင်သည့် လျှပ်စီးဟုယူဆရမည့် ဝိညာဉ်စွမ်းအင်သည် လျှပ်စီးလက်သကဲ့သို့ တောက်ပသည့် ခရမ်းရောင် အလင်းတန်းများ ထွက်ပေါ်လာလေသည်။

မိုးကြိုးဝိညာဉ်လေးပညာရပ်၏ ဤမွမ်းမံထားသောမူကွဲပညာရပ်ကို ကျင့်ကြံခြင်းသည် သူ့အပေါ် များစွာသက်ရောက်မှုမရှိပေ။ ယခုအချိန်တွင် သူ၏အဓိက ကျင့်ကြံခြင်း နည်းပညာရပ်မှာ ဖရိုဖရဲ အစိမ်းရောင်ကြာပန်းပညာရပ် ဖြစ်နေဆဲဖြစ်သည်။ သို့သော်၊ သူသည် လျှပ်စီးစွမ်းရည်ဝိညာဉ်ချီကို ပြောင်းလဲ

ရန် လိုအပ်သောအခါတွင် ၎င်းကို အတွေးတစ်ချက်ဖြင့်ပင် မိုးကြိုးဝိညာဉ်လေး ပညာရပ်၏ ဝိညာဉ်ချီအဖြစ်သို့ ချက်ချင်း ပြောင်းလဲနိုင်ခဲ့သည်။

ကျင့်ကြံခြင်းနှင့်ပတ်သက်၍ ချင်ယွင်သည် သိုင်းပညာရှင်နယ်ပယ် ပထမအဆင့် ကောင်းကင်အလွှာ ကျင့်ကြံမှုအဆင့်ကို ထုတ်ဖော်ပြသထားခဲ့သည်။ ပထမအဆင့် ကောင်းကင်အလွှာ သိုင်းပညာရှင်အဖြစ်သို့ ရောက်သွားသည်မှာ အနည်းငယ် ထိတ်လန့်စရာဖြစ်သော်လည်း ချင်ယွင်သည် အဆင့်တစ်ဆယ်ဝိညာဉ်အရင်းအမြစ်ကို ပိုင်ဆိုင်ထားသည့်ကိစ္စမှာ ရှာဖွေတွေ့ရှိထားပြီး ဖြစ်သည်။ ပထမအဆင့်ကောင်းကင် အလွှာ သိုင်းပညာရှင်တဦးအဖြစ် ပထမဆုံးစတင်ကျင့်ကြံသည့်အချိန်မှာ ရောက်ရှိနိုင်ခြင်းသည် အဓိပ္ပာယ်ရှိပေမည်။

နောက်ပိုင်းတွင်၊ ချင်ယွင်သည် ဤ မိုးကြိုးဝိညာဉ်လေးပညာရပ်တွင် ရောထွေးနေတော့မည် မဟုတ်ပေ။သူလုပ်ရမှာက လေထုဖြတ်တောက်ခြင်း သဘောတရားစွမ်းရည်ကို ဆက်လက်နားလည်ရန်အတွက် ကောင်းကင်ဘုံကိုးအလွှာ ကြယ်စင်စုပုံကြမ်းထဲသို့ ဆက်လက်ဝင်ရောက်နေပြီး အချိန်ရသည့်ခဏတိုင်းမှာ သူ၏ ကျင့်ကြံခြင်းအဆင့်ကို တိုးမြှင့်ဖို့ဖြစ်သည်။