ငါ့အမျိုးသမီး

အခန်း (၉၃) ငါ့အမျိုးသမီး

အရိပ်ဝံပုလွေ၏ ချွန်ထက်သော သံခြေသည်းများက ကျန်းရွန်ရှင်း၏ဓားနှင့် တိုက်မိပြီး သံအချင်းချင်း ထိခိုက်မိသည့်အသံ ထွက်ပေါ်လာသည်။ ထို့နောက် ကျန်းရွန်ရှင်းအား တွန်းထုတ်လိုက်သည်။

ကျန်းရွန်ရှင်းသည် အေးစက်စွာ ဟစ်အော်လိုက်သည်။ သူမသည် သူမ၏ဓားကို ထပ်မံ ဝှေ့ယမ်းကာ အရိပ်ဝံပုလွေဆီသို့ အလင်းတန်းတစ်ခု ပစ်လွှင့်လိုက်သည်။

သို့သော်လည်း အရိပ်၀ံပုလွေသည် လိမ္မာပါးနပ်ပြီး ရက်စက်ကြမ်းကြုတ်သူ ဖြစ်သည်။ ကျန်းရွန်ရှင်းနှင့် ထိပ်တိုက်ရင်ဆိုင်မှု လုံးဝ မရှိခဲ့။ ယင်းအစား၊ ၎င်းသည် ကျန်းရွန်ရှင်း ပစ်လွှင့်ခဲ့သော ဝိညာဉ်စွမ်းအင် သက်တံအားလုံးကို လျင်မြန်စွာ ရှောင်တိမ်းရန် ၎င်း၏ သွက်လက်သော ခန္ဓာကိုယ်ကို အားကိုးခဲ့သည်။

ထို့အပြင်၊ သူသည် ကျန်းရွန်ရှင်းအား အနိုင်ယူပြီး သူမနောက်ကွယ်မှ ချင်ယွင်ဆီကို ကျော်ဖြတ်သွားနိုင်ရန် သူ၏ထူးဆန်းသော ပုံသဏ္ဍာန်ကိုပင် အသုံးပြုခဲ့သည်။

ကျန်းရွန်ရှင်းသည် ၎င်း၏ဆန္ဒအတိုင်း မည်ကဲ့သို့ လုပ်ဆောင်ခွင့်ပေးမည်နည်း။ သူမသည် အရိပ်ဝံပုလွေကို တိုက်ခိုက်ရန် သူမ၏ဓားနည်းပညာရပ်ကို ချက်ချင်း အသုံးပြုခဲ့သည် ။

သို့သော် အရိပ်ဝံပုလွေသည် ရုတ်တရက် လမ်းကြောင်းပြောင်းသွားသည်။ ၎င်း၏ ခန္ဓာကိုယ်သည် တစ္ဆေသရဲအလင်းကဲ့သို့ တစ်ဖန်ပြန်၍ ပျောက်ကွယ်သွားခဲ့သည်။ ကျန်းရွန်ရှင်း၏ဓားသည် လွဲချော်သွား၏။ သူမသည် သူမ၏ဓားကို ပြန်ဆွဲထုတ်ကာ ပြန်လှည့်ကြည့်လိုက်စဉ် သူမ၏နောက်ကွယ်မှ ရုတ်တရက် ထွက်ပေါ်လာသော အရိပ်ဝံပုလွေ၏ ခြေထောက်တစ်ဖက်နှင့် ရင်ဆိုင်လိုက်ရပြီး သူမ၏နောက်ကျောတွင် သွေးစွန်းနေသော အမှတ်အသားသုံးခုကျန်ခဲ့သည်။

ကျန်းရွန်ရှင်းသည် သူမ၏ကျောတွင် နာကျင်မှုကို ခံစားခဲ့ရသော်လည်း သူမသည် သူမ၏ခွန်အားကို အသုံးပြုကာ အရိပ်ဝံပုလွေ၏ခါးတွင် အရိုးထိနက်သည်ဟု ထင်ရသည့် သွေးထွက်သံယို ဒဏ်ရာတစ်ခုကို ချန်ထားနိုင်ခဲ့သည်။

ယင်းတိုက်ခိုက်မူအပြီးမှာ ကျန်းရွန်ရှင်းနှင့် အရိပ်ဝံပုလွေတို့ နှစ်ယောက်စလုံး ဒဏ်ရာ အပြင်းအထန် ရခဲ့ကြသည်။ ၎င်းတို့သည် အကွာအဝေးမှ တစ်ယောက်ကို တစ်ယောက် အငမ်းမရ ကြည့်နေကြသည်။

"ခွေးကောင် လင်းယွင်၊ နင် ဒီတစ်ခါတော့ ငါ့ကို အကြွေးတင်သွားပြီ မဟုတ်လား။" ကျန်းရွန်ရှင်းသည် သူမ၏ နောက်ကျောမှ ထွက်လာသော ပြင်းထန်သော နာကျင်မှုကို ခံနိုင်ရည်ရှိ အောင်ကြိုးစားပြီး ဉာဏ်အလင်းတွင် နှစ်မြုပ်နေဆဲဖြစ်သော ချင်ယွင်ကို ကြည့်လိုက်သည်။

ကျိန်ဆဲခြင်းမပြုမီ သူမ၏မျက်နှာပေါ်တွင် ခပ်ဖျော့ဖျော့ အပြုံးတချက် ပေါ်လာသေး သည်။

အရိပ်ဝံပုလွေ၏ ဝမ်းဗိုက်တွင် ဒဏ်ရာပြင်းထန်စွာရပြီး သွေးများစီးကျလာသည်။ သို့သော် ၎င်းသည် ဤဒဏ်ရာကြောင့် ထွက်ခွာမသွားခဲ့ပေ။ ယင်းအစား ၎င်းသည် ၎င်း၏ အစွယ်ကိုဖွင့်ကာ ကျန်းရွန်ရှင်းကို ပြင်းပြင်းထန်ထန် ကြည့်နေခဲ့သည်။ ၎င်း၏ ရှေ့ခြေသည်းများကို မြေပြင်ပေါ်မှာ ချထားရင်း လှုပ်ရှားရန် အခွင့်အရေးကို စောင့်ဆိုင်းရန် အသင့်ပြင်ဆင်ထားသည်။

ကျန်းရွန်ရှင်းသည် သူမ၏လက်ထဲတွင် ဓားကိုကိုင်ကာ ကြီးစိုးသောအမူအရာဖြင့် ချင်ယွင်၏လမ်းကြောင်းကို ပိတ်ဆို့လိုက်သည်။

ဝှီး!

အရိပ်ဝံပုလွေသည် ၎င်း၏စွမ်းအားကုန်ကို အစွမ်းကုန်အသုံးပြုကာ ထပ်မံ တိုက်ခိုက် လာပြန်သည်။ ၎င်း၏တစ်ကိုယ်လုံးသည် သရဲတစ္ဆေအလင်းအဖြစ်သို့ ပြောင်းလဲသွား ပြီး ၎င်း၏ချွန်ထက်သော လက်သည်းများက ကျန်းရွန်ရှင်း၏နှလုံးသားဆီကို ထိုးဖောက် ဝင်ရောက်လာသည်။

ကျန်းရွန်ရှင်း၏လှပသော မျက်လုံးများသည် အေးစက်နေပြီး သူမ၏မျက်နှာပေါ်တွင် ဒေါသအရိပ်အယောင် ပေါ်လာသည်။ လက်သီးအရွယ်အစား ရာနှင့်ချီသော ရေဘောလုံးများသည် သူမပတ်ဝန်းကျင်တွင် အမှန်တကယ် လွင့်မျောနေခဲ့သည်။

"ရေစက်များ ဓားတချောင်းအသွင်ပြောင်း!"

ကျန်းရွန်ရှင်းသည် သူမလက်ထဲရှိ ဓားကို ‌ ဝှေ့ယမ်းလိုက်ပြီး ရေဘောလုံးများသည် ထက်ရှသော ရေဓားရှည်များအသွင်သို့ လျင်မြန်စွာ ပြန့်ကျဲသွားပြီး အရိပ်ဝံပုလွေဆီသို့ ဦးတည်သွားလေသည်။

အရိပ်ဝံပုလွေသည် သိသိသာသာ တုန်လှုပ်သွားခဲ့သည်။ ၎င်းသည် ကမန်းကတန်း ထွက်ပြေးချင်သော်လည်း ရာနှင့်ချီသော ရေဓားများက ပိတ်ဆို့ထားသည်။ ၎င်းသည် ကူကယ်ရာမဲ့ဖြစ်နေပြီး ဤတိုက်ခိုက်မှုကို ခုခံရုံကလွဲပြီး ရွေးချယ်စရာမရှိတော့ပေ။

ရာနှင့်ချီသော ရေဓားများသည် ပြုတ်ကျလာပြီး အဆုံးတွင် ပေါက်ကွဲသွားသည်။

အရိပ်ဝံပုလွေသည် မြေပြင်ပေါ်တွင် လဲလျောင်းပြီး အော်လိုက်နေသည်။ ၎င်းသည် မတ်တပ်ရပ်ရန် ကြိုးစားပေမယ့် အကြိမ်ကြိမ် မအောင်မြင်ခဲ့ပေ။ ဒဏ်ရာ အပြင်းအထန် ရသွားပုံရသည်။

ကျန်းရွန်ရှင်းသည် အရိပ်ဝံပုလွေဆီသို့ တစ်လှမ်းပြီးတစ်လှမ်း လျှောက်လာရင်း နာကျင်နေသော အရိပ်ဝံပုလွေမျက်နှာကို တည်ငြိမ်သော မျက်နှာထားဖြင့် ကြည့်လိုက်သည်။

သို့သော်လည်း ကျန်းရွန်ရှင်းသည် အရိပ်ဝံပုလွေ၏ ရှေ့သို့လမ်းလျှောက်ပြီး သူမ၏ ဓားကို မြှောက်ကာ အရိပ်ဝံပုလွေကို လုံးလုံး သတ်ပစ်ရန် ပြင်ဆင်နေချိန်တွင် အရိပ်ဝံပုလွေသည် ၎င်း၏ ပါးစပ်မှ သာရဲတစ္ဆေအလင်းတန်းကဲ့သို့ အလင်းတန်းတစ်ခု ထွက်ပေါ်လာသည်။

ကျန်းရွန်ရှင်းသည် အံ့အားသင့်သွားသည်။ သူမ အလျင်အမြန် ရှောင်တိမ်း ချင်သော် လည်း အရိပ်ဝံပုလွေနှင့် အလွန်နီးကပ်လွန်းလှသည်။

သရဲတစ္ဆေအလင်းသည် လျှပ်စီးလက်သကဲ့သို့ လျင်မြန်ပြီး ကျန်းရွန်ရှင်း၏ ဘယ်ဘက် ပခုံးကို တိုက်ရိုက်ထိုးဖောက်ကာ သွေးများ ထွက်လာသည်။

ကျန်းရွန်ရှင်းသည် ရုတ်တရက် ဒဏ်ရာကို ခံစားလိုက်ရပြီး သူမ၏ခန္ဓာကိုယ်သည် လျင်မြန်စွာ ပြန်ဆုတ်သွားပြီး သူမ၏အငွေ့သက်များ ချက်ချင်း အားနည်းလာ တော့သည်။

"ဒီကောင်က ကောက်ကျစ်လွန်းတယ်။" ကျန်းရွန်ရှင်းသည် ဒဏ်ရာမှ သွေးများကို ရပ်တန့်ရန် သူမ၏ ကျင့်ကြံခြင်းနည်းပညာရပ်ကို ဖြန့်ကျက်ရန် ပြင်ဆင်ရင်း သူမ၏စိတ်ထဲတွင် ကျိန်ဆဲလိုက်သည်။

သို့သော် ကျန်းရွန်ရှင်းသည် သူမ၏ခန္ဓာကိုယ်အတွင်း ဝိညာဉ်စွမ်းအင်များ စီးဆင်းမှု အလွန်နှေးကွေးလာသည်ကို တွေ့ရှိလိုက်ရသည့်အတွက် သူမ အံ့အားသင့်သွားခဲ့ သည်။

"ဒီသရဲတစ္ဆေအလင်းတန်းက အဆိပ်ပြင်းထန်တယ်!" ကျန်းရွန်ရှင်းသည် ချက်ချင်းပင် မှန်းဆပြီး သူမ၏စိတ်ထဲတွင် အော်လိုက်မိသည်။

သို့သော် ယခုအချိန်တွင် ကျန်းရွန်ရှင်းသည် တစ်စုံတစ်ခုနှင့်ပတ်သက် ပို၍ပင် စိတ်မသက်မသာ ဖြစ်သွားသည်။ အလွန်လိမ္မာပါးနပ်သော အရိပ်ဝံပုလွေသည် အမှန် တကယ်ပင် မတ်တပ်ထရပ်ရန် ရုန်းကန်လာပြီး ကျန်းရွန်ရှင်းအား ပစ်၀င်တိုက်ခိုက်ရန် ပြင်ဆင်ကာ ၎င်း၏ အစွယ်များကို ထုတ်ပြလိုက်သည်။

" ကောက်ကျစ်တဲ့ကောင်!" ကျန်းရွန်ရှင်းသည် စိတ်ထဲမှာ ကျိန်ဆဲလိုက်သည်။

ဝှီး! အရိပ်ဝံပုလွေ၏ ရှေ့ခြေထောက်သည် အနည်းငယ် ကျဆင်းပြီးနောက် ၎င်း၏ ခန္ဓာကိုယ် တစ်ခုလုံးသည် ကျန်းရွန်ရှင်းဆီသို့ စိုးရိမ်တကြီး ပစ်၀င်သွားခဲ့သည်။

ကျန်းရွန်ရှင်းသည် သူမ၏သွားများကို တင်းတင်းကြိတ်ကာ ဝိညာဉ်စွမ်းအင်များကို လည်ပတ်ရန် အတတ်နိုင်ဆုံး ကြိုးစားခဲ့သော်လည်း သူမ၏ ခန္ဓာကိုယ်ရှိ ဝိညာဉ် စွမ်းအင်များသည် တောင့်တင်းမာနေပုံရသည်။ သူမသည် မည်ကဲ့သို့ မြန်ဆန်အောင် လှည့်ပတ်နေပါစေ လိပ်ကဲ့သို့ တွားသွားသွားနေ၏။

"အားလုံး ထွက်လာခဲ့စမ်း!" ကျန်းရွန်ရှင်းသည် ဒေါသတကြီး ဟောက်ပြီး အရိပ်ဝံပုလွေကို ခုတ်ပိုင်းရန် သူမလက်ထဲရှိ ဓားကို တိုက်ရိုက်သုံးလိုက်သည်။

သို့သော် သူမ၏ဝိညာဉ်စွမ်းအင် ပံ့ပိုးမှုမရှိဘဲ၊ သူမသည် သူမခန္ဓာကိုယ်ကို မည်သည့်အခါမှ ကျင့်ကြံထားဖူးသူ မဟုတ်ပေ။ သူမလက်ထဲရှိ ဓားသည် အရိပ်ဝံပုလွေ၏ အလွယ်တကူ ပုတ်ထုတ်ခြင်းခံလိုက်ရပြီး သူမ၏ဝမ်းဗိုက်မှာ ခြစ်ရာ ၃ ခု ကျန်ရစ်ခဲ့သည်။

ဓားရှည်သည် လက်မှလွတ်သွားကာ ဝိညာဉ်စွမ်းအင်များလည်း မလှည့်ပတ်နိုင်‌တော့။ ထို့အပြင်၊ သူမခန္ဓာကိုယ်ပေါ်တွင် ခြေသည်းရာ အမြောက်အမြားရှိနေသဖြင့် သူမ ရပ်တည်ရန် လုံးဝမဖြစ်နိုင်ပေ။

ယခုအချိန်တွင်၊ အရိပ်ဝံပုလွေသည်နောက်ထပ် တိုက်ခိုက်မှုတစ်ခုကို စတင်ခဲ့သည်။ ယခုတစ်ကြိမ်၊ ၎င်းသည် ကျန်းရွန်ရှင်း၏လည်ပင်းအား လုံးလုံးလျားလျား အဆုံးသတ်ရန် ပြင်ဆင်နေသကဲ့သို့ ကျန်းရွန်ရှင်း၏လည်ပင်းကို ချိန်ရွယ်ထားသည်။

ကျန်းရွန်ရှင်းသည် သူမ၏မျက်နှာပေါ်တွင် ပြတ်သားသည့် ညှိုးနွမ်းနေသော အမူအရာဖြင့် သူမနောက်မှ ချင်ယွင်ကို စိုက်ကြည့်လိုက်သည်။ သူမသည် “ငါ မင်းကို အကြွေးဆပ်ပြီးပြီ” ဟု တိုးတိုးလေးပြောလိုက်သည်။

ထိုစကားကို ပြောပြီးနောက် သူမမျက်လုံးများကိုမှိတ်ကာ အရိပ်ဝံပုလွေ၏ တိုက်ခိုက်မှုကို လက်ခံရန်ပြင်ဆင်ထားသည်။

သို့သော် ယခုအချိန်တွင် ကျန်ရွှမ်ရှင်း၏ နားထဲတွင် နူးညံ့သိမ်မွေ့သော အသံတစ်ခု ရုတ်တရက် ထွက်ပေါ်လာသည်။

" ငါ့ရဲ့ ဉာဏ်အလင်းပွင့်ခြင်းက ဒီလောက်အရေးကြီးလို့လား။

ကျန်းရွန်ရှင်းသည် ရုတ်တရက် မျက်လုံးဖွင့်လိုက်သည်။ ထို့နောက် သူသည် တုနှိုင်းမရ အောင် ကြံ့ခိုင်မူရှိသော ကိုယ်ဟန်အနေ အထားဖြင့် အရိပ်ဝံပုလွေ၏ ခြေသည်းများကို လက်သီးနှင့် ထိုးချလိုက်သည်။

"အက်!"

အရိုးများကွဲအက်သံများ ထွက်ပေါ်လာသည်။

"အူး!"

နာကျင်စွာ အော်သံတစ်ခု ထွက်ပေါ်လာသည်။

အရိပ်ဝံပုလွေ၏ ခြေသည်းများ လုံးဝ ပျော့ကျသွားသည် ။

ကျန်းရွန်ရှင်းသည် အံသြသွားသည်။ ဤ အရိပ်ဝံပုလွေသည် ဒေါသထန်ပြင်း ဧရာမ လူဝံကြီးကဲ့သို့ မသန်မာသော်လည်း ၎င်း၏ခန္ဓာကိုယ်ကို အလွယ်တကူ လျှော့တွက်လို့ မရပေ။ သို့သော် ၎င်း၏ခန္ဓာကိုယ်သည် ချင်ယွင်၏ရှေ့တွင် စက္ကူနှင့်တူပြီး တစ်ချက်ချက်မျှပင် ခံနိုင်ရည်မရှိပေ။

"မင်းက ငါ့အမျိုးသမီးကို ဒဏ်ရာပေးရဲတယ်ဆိုမှတော့ လျှပ်စီးဖျက်ဆီခြင်းနဲ့ ပတ်သက်ပြီး ငါ့ရဲ့ နားလည်မှုအသစ်အရသာကို မင်းကို မြည်းစမ်းခွင့်ပေးမယ်။"

သူပြောပြီးသည်နှင့် ကောင်းကင်တစ်ခုလုံး ပေါက်ကွဲသွားသလိုပင်။ ပေါင်လုံးခန့် ထူထပ်သော လျှပ်စီးကြောင်းတစ်ခုသည် အရိပ်ဝံပုလွေဆီသို့ ဖြတ်သွားသည်။

အရိပ်ဝံပုလွေသည် ဤမြင်ကွင်းကိုမြင်သောအခါ ချက်ချင်းပင် ရှိုက်ကြီးတငင် အော်သည်။

သို့သော်၊ လျှပ်စီးကြောင်းသည် အရိပ်ဝံပုလွေကို အညှာအတာမဲ့စွာ ဗုန်းကြဲသကဲ့သို့ တိုက်ခိုက်ပြီး မီးသွေးအဖြစ်သို့ ပြောင်းလဲသွားခဲ့သည်။

ယင်းမြင်ကွင်းကို မြင်လိုက်ရလျှင် ကျန်းရွန်ရှင်းသည်လည်း အလွန်တုန်လှုပ်သွားပြီး စကားမပြောနိုင် ဖြစ်သွားရသည်။

ဒါက လျှပ်စီးရဲ့ သသဘောတရားလား။ သူ ဘယ်လိုများ ဒီလောက် သန်မာနိုင်ရမှာလဲ။

စောစောလေးက သူပြောလိုက်တဲ့ ငါ့အမျိုးသမီးဆိုတာကရော ဘာကိုဆိုလိုတာလဲ။

ကျန်းရွန်ရှင်းသည် သူမ၏ နှလုံးသားထဲတွင် လှိုင်းလုံးများ ခုန်တက်သွားသကဲ့သို့ ခံစားလိုက်ရသည်။ သူမရှေ့မှာ ရပ်နေသည့် အမျိုးသား၏ နောက်ကျောကို ကြည့်လိုက်ရင်း သူ၏နောက်ကျောက အရမ်းမြင့်မားပြီး ခံ့ညားလာသည်ဟု ရုတ်တရက် ခံစားလိုက်ရသည်။

"ရှင်းရှင်းလင်းလင်း ပြောပါ။ မင်းရဲ့အမျိုးသမီးဆိုတာက ဘာလဲ" ကျန်းရွန်ရှင်းက ဒေါသတကြီး အော်လိုက်သည်။

ချင်ယွင်က လှည့်ကြည့်လိုက်ပြီး ကျန်းရွန်ရှင်းကို အဆင်မပြေသော အပြုံးဖြင့် ကြည့်ကာ "မဟုတ်ပါဘူး... ဘာမှ မဟုတ်ပါဘူး၊ ငါက ဒီလိုဘဲ ပေါ့ပေါ့ပါးပါးပဲ ပြောလိုက်တာပါ"

ပေါ့ပေါ့ပါးပါး ပြောလိုက်တာ ဟုတ်လား။

ကျန်းရွန်ရှင်းသည် ချက်ခြင်းပင် ဒေါသထွက်သွားသည်။ ယခုလိုမျိုး ပေါ့ပေါ့ပါးပါး ပြောလို့ ရလို့လား။

ကျန်းရွန်ရှင်း၏ ဒေါသထွက်နေသော မျက်နှာကို မြင်လိုက်ရလျှင် ချင်ယွင်သည် ခေါင်းစဉ်ကို အမြန်ပြောင်းလိုက်ပြီး "ကောင်းပြီ၊ မင်း အဆိပ်သင့်နေပုံရတယ်။ ငါ မင်းကို အရင်ဆုံး အဆိပ်ထုတ် ပေးပါရစေ!"

ချင်ယွင်က သူမကို ပွေ့ဖက်လိုက်သည့်အချိန်မှာ ကျန်းရွန်ရှင်းသည် ပြန်လည် ချေပတော့မည် ဖြစ်သည်။

"နင် ဘာလုပ်ချင်လို့လဲ?" ကျန်းရွန်ရှင်းသည် ချက်ချင်းပင် စိတ်လှုပ်ရှားစွာ အော်လိုက်သည်။

"မင်းအဝတ်ကို ချွတ်လိုက်!" ချင်ယွင်က ခေါင်းကို ကုတ်လိုက်ပြီး ပြောသည်။

ယင်းစကားကြားလျှင် ကျန်းရွန်ရှင်းသည် ချင်ယွင်ကို ပါးရိုက်လိုက်သည်။

"မင်းဟာ အရိပ်ဝံပုလွေရဲ့ ထူးခြားတဲ့ အအေးဆိပ်ဒဏ်ကို ခံစားနေရတယ်။ အဆိပ်ကို ဖယ်ရှားဖို့အတွက် မင်းရဲ့အဝတ်အစားတွေကို ချွတ်ပြီး မင်းရဲ့ဒဏ်ရာတွေထဲကို ဝိညာဉ်

စွမ်းအင်တွေ ထည့်သွင်းဖို့လိုတယ်။ ချင်ယွင် ၏ အမူအရာက ညှိုးငယ်နေသည်။

ချင်ယွင်၏စကားကိုကြားလျှင် ကျန်းရွန်ရှင်းသည် ချက်ချင်းပင် ရှက်ရွံ့စွာ ပြုံးပြလိုက် သည်။ ထို့နောက် သူမမျက်နှာပေါ်တွင် ရှက်ရွံ့မှုအရိပ်အယောင်တစ်ခု ပေါ်လာသည်။ "ငါ... ငါကိုယ်တိုင်လုပ်မယ်။ မင်းခေါင်းကို ဟိုဘက်လှည့်"ဟု မပြောခင် အချိန်အတော်ကြာအောင် လွန်ဆွဲနေသေး၏။

ချင်ယွင်သည် ချက်ချင်းပင် စကားမပြောနိုင်အောင် ဖြစ်သွားရ၏။