ကျင်းထန်ရှုနှင့်ဒုတိယအကြိမ်တိုက်ခိုက်ခြင်း....

ပြင်းထန်သော တိုက်ပွဲတစ်ခုသည် ပေါက်ကွဲထွက်နေသော မီးပွားတစ်ခုနှင့်တူသော အလင်းတစ်ခုဖြင့် စတင်ခဲ့သည်။

ကြီးကျယ်ခမ်းနားသော တိုက်ပွဲသည် ပျက်စီးယိုယွင်းနေသော မြို့အပြင်ဘက်တွင် ပြင်းထန်သော ပဲ့တင်ထပ်သံစွမ်းအားသုံး အသီးသီး တောက်လောင်ကာ အရပ်ရပ်သို့ ထွက်ပေါ်လာသည်။

ဖမ်းစားနိုင်ဆုံးသော မြင်ကွင်းမှာ မင်းသမီးနှင့် လန်လန်တို့၏ တိုက်ပွဲဖြစ်သည်။ သူတို့နှစ်ဦးသည် ကောင်းကင်ပုလဲခုနစ်သွယ်ပါသော ပဲ့တင်ထပ်သံစွမ်းအားကို ပိုင်ဆိုင်ထားပြီး၊ ချက်ချင်းပင် မဆိုင်းမတွ အင်အားအပြည့်ဖြင့်၊သော စွမ်းအားကို ပိုင်ဆိုင်ထားသည်။

လန်လန်က အရင်အချီတုန်းကမင်းသမီးကို အနိုင်ရခဲ့ပေမယ့် ကျေနပ်အားရမှု မရှိခဲ့ပေ။ သူတို့၏ ခွန်အားသည် များစွာကွာခြားမှုမရှိဘဲ၊ သူမအပေါ် သူ၏ တစ်ခုတည်းသော ဝှက်ဖဲမှာ မင်ဘုရင်ကျမ်းစာဖြစ်သည်။

တစ်ချိန်တည်းမှာပင် သူသည် အနိုင်ရရန် ကျမ်းစာကိုသာ အားကိုးရမည်ဟု နားလည်လာခဲ့သည်။

ထို့ကြောင့်၊ ထိုးနှက်ချက်စတင်သည့်အချိန်မှစ၍ မြို့စားအဆင့်ပညာရပ်ကိုပြင်ဆင်ရန်အခွင့်အရေးတိုင်းကိုရယူပြီး ဤပညာရပ်ကိုတိတ်တဆိတ်ဖြန့်ဝေခဲ့သည်။

ထိုအချိန်တွင်၊ စပ်စုသောအကြည့်များသည် ကျန်းချင်းအာနှင့် လုဂျင်းစီတို့၏တိုက်ပွဲကို အာရုံစိုက်လာခဲ့သည်။ မင်းသမီး၏ ရည်ရွယ်ချက်မှာ ကျန်းချင်းအာကို ကစားပွဲပြောင်းပြန်လှန်ရန် အခွင့်အရေးပေးရန်အတွက် အချိန်ဆွဲထားပေးသည်ကို လူတိုင်းသိသည်။လုဂျင်းစီကို ဖမ်းမိလိုက်သည်နှင့် လန်လန်၏လက်များကို သေချာစွာ ချည်နှောင်ထားနိူင်မည်ဖြစ်သည်။

အဘယ်ကြောင့်နည်း...?

ရောနှောအဆင့်ပြိုင်ပွဲ၏ စည်းမျဉ်းများကို အခြေခံ၍ အဖွဲ့တစ်ဖွဲ့ရှိ အဖွဲ့ဝင်တစ်ဦးကို ဖယ်ရှားလိုက်သည့်အခါ၊ အသင်း၏ စုစုပေါင်းရမှတ်များကို လျော်ညီစွာ နုတ်ယူမည်ဖြစ်သည်။

သို့သော် ဤသည်မှာ လုဂျင်းစီကိုယ်တိုင် ရှင်းရှင်းလင်းလင်း သိရှိခဲ့သည့် လွန်ကဲသော လုပ်ကြံမှုတစ်ခုဖြစ်သည်။ သူတို့နှစ်ဦးကြားရှိ ခွန်အားကွာဟမှုအကြောင်းကိုလည်းရှင်းလင်းစွာ နားလည်ထားသည်။ အခြားသော ကြယ်သုံးပွင့်ခန်းမ ကျောင်းသားအားလုံး သူမကို အုပ်စုဖွဲ့လိုက်သည့်တိုင် မထင်မှတ်ဘဲ မျက်စိတစ်မှိတ်အတွင်းမှာပင် အရိုက်ခံခဲ့ရသည်။ သူ့ခန့်မှန်းချက်အရ ဆယ်စက္ကန့်သည် သူမကို အကြွင်းမဲ့ ခံနိုင်ရည်အရှိဆုံးဖြစ်နိုင်သည်။

ထို့ကြောင့် သူသည် တုံ့ဆိုင်းမနေဘဲ ဒရောသောပါးပြေးရန် ရွေးချယ်ခဲ့သည်။

လုဂျင်းစိီသည် ကြောက်လန့်မှုကို လုံးလုံးလျားလျား လျစ်လျူရှုကာ ထွက်ပြေးရန် ကြိုးပမ်းမှုအားလုံးတွင်သာ အာရုံစူးစိုက်နေခဲ့သည်။

ဒါက အချိန်ဆွကစားရမည့်ပွဲပင်...

လုဂျင်းစီထွက်ပြေးနေသည်ကို ကျန်းချင်းအာ အံသြမနေခဲ့ပေ။ နှစ်ယောက်ကြား အကွာအဝေးတိုသော်လည်း၊ ကွာဟချက်ကို ပေါင်းကူးရန် အချိန်အနည်းငယ်သာ လိုအပ်သည်။ လုဂျင်းစီသည်လည်း နတ်ဆိုးခန္ဓာပြီးဆုံးခြင်းအဆင့်တွင်ရှိနေသောကြောင့် လိုက်ဖမ်းဖို့က ထင်သလောက်မလွယ်ကူနိုင်ပေ။

တောအုပ်ထဲတွင် ပုန်းအောင်းနေသော လူအချို့၏ အကြည့်များကလည်း မည်းမှောင်စပြုလာသည်။ မင်ဘုရင်ရုပ်ပုံသည် လန်လန်၏နောက်ကွယ်တွင် ရုပ်လုံးပေါ်လာပြီး ဖော်ပြ၍မရသော ဖိအားကို ဖြစ်ပေါ်စေသည်။

အချိန်သည် ဤခဏ၌ ရပ်တန့်လုနီးပါး ဖြစ်နေပုံရသည်။

ဝုန်းးးးးးး

အထွတ်အထိပ်အဆင့် တိုက်ပွဲနှစ်ခုကို အာရုံစူးစိုက်ထားသော်လည်း တစ်စုံတစ်ဦးကို မေ့လျော့နေခဲ့သည်။ ပြင်းထန်သော ပဲ့တင်ထပ်သ့စွမ်းအားများသည် ဆရာသခင်အဆင့် လေ့ကျင့်သူများကြားတွင် ပိုမိုငြိမ်သက်သော တိုက်ပွဲကို လွှမ်းမိုးထားသည်။

ကျင်းထန်ရှုသည် ရွှေသစ်ရွက်ကို လှုပ်ခတ်ပြီး မရေမတွက်နိုင်သော အစိမ်းရောင်လေဓားများကို ခေါ်ယူကာ သူ၏ အဆင့်ကိုးတပိူင်းဝိဉာဉ်၏စွမ်းအားဖြင့် အားဖြည့်ပေးနေသည်။

သို့တိုင် ဆိုးရွားလှသော အဖြစ်မှန်တစ်ခုအနေဖြင့် လျင်မြန်စွာ လှည့်ပတ်နေသော ဓားတစ်ချောင်းကြောင့် လေဓားများ လျင်မြန်စွာပျက်စီးကုန်သည်။

"မင်း...ပုံသဏ္ဍာန်ပြောင်းလဲခြင်း စတုထ္တအဆင့်ရောက်နေပြီလား...."

ခန်းမအဆင့်ပြိုင်ပွဲ အတွင်း၊ လီလော့သည် စတုတ္ထအဆင့်ကို ယာယီရောက်ရှိရန် ထူးဆန်းသောလှည့်ကွက်အမျိုးမျိုးသုံး၍ အခွင့်ကောင်းယူခဲ့သည်။ လက်ရှိအခြေအနေတွင် လီလော့၏ စွမ်းအားများက အမှန်တကယ် ပိုပို၍ အားကောင်းလာသည်ကို ခံစားရပြီး သူ၏ အောင်မြင်မှုကို ညွှန်ပြနေသည်။

တစ်ဖက်တွင်၊ လီလော့သည် ကျင်းထန်ရှု ၏မေးခွန်းကိုပြန်မဖြေဘဲ....

"ကဲ၊ နောက်တစ်ခါ အောင်မြင်နိုင်ဉီးမလား" ဟု ဓားကို တင်းတင်းကြပ်ကြပ် ဆုပ်ကိုင်ရင်း တီးတိုးပြောလိုက်သည်။

မြင့်မြတ်သော ဆင်နတ်ဘုရားစွမ်းအား....ပထမအလွှာ.....

လီလော့၏ ခြေလက်များ တုန်လှုပ်သွားကာ ဒေါသကြီးသော စွမ်းအားများ သွေးကြောမှတဆင့် ပြေးဝင်လာသည်။ သူအရင်တုန်းက ဒီဒဏ်ကို ခံနိုင်ရည်ရှိနိုင်ပေမယ့် သူ့အရေပြားနဲ့ ကြွက်သားတွေ ကွဲထွက်သွားပြီး ဒဏ်ရာပေါင်းများရရှိခဲ့ဖူးသည်။ ဒါပေမယ့် အခုအချိန်မှာတော့ ကွဲပြားသွားပြီဖြစ်ပြီး လုံးလုံးလျားလျား မထိခိုက်ဘဲ ဆင်နတ်ဘုရား၏စွမ်းအားကို ထိန်းကျောင်းနေခဲ့သည်။

ဤအရာအားလုံးသည် တော်ဝင်ရေကန်မှရရှိသောအကျိုးကျေးဇူးများကြောင့်ဖြစ်သည်။

သူ့ခန္ဓာကိုယ်ကို အဆင့်သစ်တစ်ခုသို့ မြှင့်တင်နိုင်ခဲ့ပြီ......

ပြဿနာမရှိဘဲ သွေးကြောများအတွင်းဖြတ်သန်းနေသည့် စွမ်းအားကို ခံစားရခြင်းကြောင့် လီလော့ ပြုံးလိုက်မိသည်။ အတွေးတစ်ခုဖြင့် သူသည် လျှပ်စီးကြောင်းကို အရှိန်လွန်စွာ တွန်းပစ်လိုက်သည်။

ဝုန်းးးးးး

လျှပ်စီးကြောင်းများ ထွက်ပေါ်လာသေယအခါ သူ့ ခန္ဓာကိုယ်အတွင်း၌ လျှပ်တစ်ပြက် မိုးခြိမ်းသံများ ဆူညံစွာထွက်ပေါ်လာသည်။

မိုးကြိုးပစ်သံများ ၊ သူ့အသွေးအသား၊သွေးကြောများ၊ အရိုးများ ၊ ၎င်းတို့ အားလုံးသည်လျှပ်စီးစွမ်းအားကြောင့် နိုးကြား လာပုံ ရပြီး ပုံမှန် မဟုတ်ဘဲ တက်ကြွကာ ဆူပွက် လာသည် ။

ဤအရာအားလုံး သူ့ခန္ဓာကိုယ်အတွင်း၌ ဖြစ်ပျက်ခဲ့ပြီး တစ်ခုတည်းသော အပြင်ပန်းလက္ခဏာမှာ လျှပ်စီးကြောင်းအနည်းငယ်သာအရေပြားပေါ်တွင် ထင်ဟပ်လာသည်။

ထို့ကြောင့ သူသည် မဆိုင်းမတွဘဲမြင့်မြတ်သော ဆင်နတ်ဘုရားစွမ်းအား၏ဒုတိယအလွှာကို အသက်သွင်းခဲ့သည်။

ဝုန်းးးးး

ကျင်းစဲ့ယွီရှန်းဓား တုန်လှုပ်သွားပြီး ရှေးခေတ်ဆင်တစ်ကောင် တိုက်ရိုက်နင်းမိသွားသလို အပြင်ဘက်မှာ ကြောက်စရာကောင်းပြီး ပြင်းထန်တဲ့ စွမ်းအင်လှိုင်းတွေ ပေါက်ကွဲထွက်လာသည်။

သူ့လက်နှစ်ဖက်စလုံးသ ဖောင်းကားလာကာ ယခုသူပိုင်ဆိုင်ထားသည့် ထိတ်လန့်ဖွယ် ခွန်အားကို ပြသနေသည်။

အပြာရောင်သွေးပြန်ကြောများသည် သူ၏လက်များကို ဖြတ်ကျော်ကာလှုပ်ရှားနေသော သန်ကောင်များကဲ့သို့ တဆတ်ဆတ်တုန်နေကာ မည်သည့်အချိန်တွင်မဆို ပေါက်ကွဲရန် အသင့်ဖြစ်နေသော စွမ်းအားကို ဖုံးကွယ်ထားသည်။

ကြီးမားသော စွမ်းအားဖြင့် ပြင်းထန်စွာ တင်းမာလာသောကြောင့် သူ၏ခန္ဓာကိုယ်သည် ၎င်း၏ခံနိုင်ရည်ကန့်သတ်ချက်ကို အနည်းငယ်ကျော်လွန်သွားပြီး သူ၏လက်မောင်းများပေါ်တွင် သေးငယ်သောရောင်စုံသွေးစက်များ တဖြည်းဖြည်း စတင်ပေါ်လာသည်။

နာကျင်ခံစားရသော်လည်း လီလော့ ပြုံးနေခဲ့သည်။

ဒီတစ်ခါတော့ သူ့လက်တွေ လုံး၀ ပျက်မစီးသွားဘူး.......

ဇာတိခန္ဓာ၏ ကြံ့ခိုင်မှုနှင့် မိုးကြိုးနတ်ဘုရား၏ အကျိုးကျေးဇူးများနှင့်အတူ၊ ကုသရေးစွမ်းအင်များကိုသုံးစရာမလိုဘဲ ဆင်နတ်ဘုရားစွမ်းအား၏ဒုတိယအလွှာထိ သုံးနိုင်ခဲ့ပြီ.......

နောက်ဆုံးတော့ သူအဆင်သင့်ဖြစ်နေပြီ။ အေးစက်သောအကြည့်ဖြင့် ကျင်းထန်ရှုကို စူးစိုက်ကြည့်နေသည်။

အခြားတစ်ဖက်တွင်၊ ဤမြင်ကွင်းသည် သူ၏ပြိုင်ဘက်ကို ထိတ်လန့်စေခဲ့သည်။ ကျင်းထန်ရှုသည် လီလော့ကို နားမလည်နိုင်သောအကြည့်များဖြင့်သာကြည့်နေခဲ့သည်။

"ဒီကောင် ဒီလောက် သန်မာအောင် ဘာလုပ်လိုက်တာလဲ"

အေးစက်သော ချွေးများက သူ့နောက်ကျောဘက်သို့ စီးကျလာသည်ကို ခံစားလိုက်ရပြီး ချက်ချင်း နောက်ဆုတ်လိုက်သည်။ သူ၏ ရွှေသစ်ရွက်ကို ဝှေ့ယမ်းလိုက်ရာ အစိမ်းရောင် စွမ်းအားတန်ပေါင်းများစွာ စုပုံလာကာ နဂါးဟောက်သံကိုပင် အရိပ်အမြွက်မျှ ကြားလိုက်ရသည်။

"နဂါးအဆင့်ပညာရပ်.... လေနတ်ဆိုးရဲ့ အမျက်ဒေါသ!"

ရွှေသစ်ရွက်၏နောက်ထပ်လှိုင်းနှင့်အတူ၊ စုစည်းလိုက်သော ပဲ့တင်ထပ်သံစွမ်းအားများသည် နားမလည်နိုင်သောစွမ်းအားကို ပိုင်ဆိုင်ထားသည့် အပြာရောင်လှံအဖြစ်သို့ ပြောင်းလဲသွားသည်။ ၎င်းသည် လီလော့ဆီသို့ ပျံသန်းသွားကာ ၎င်းအနီးတစ်ဝိုက်ရှိ လေဟာနယ်ကို ပုံပျက်သွားစေခဲ့သည်။

လီလော့ကို ကိုင်တွယ်ဖြေရှင်းရန် သူ၏ အပြင်းထန်ဆုံး လူသတ် လှုပ်ရှားမှုကို ထုတ်ပြရန် တုံ့ဆိုင်းနေစရာမလိုတော့ပေ။

ဤတူညီသောလှုပ်ရှားမှုသည် နောက်ဆုံးယှဉ်ပြိုင်မှုအတွင်း လီလော့ကို ဖယ်ရှားလုနီးပါးဖြစ်ခဲ့သည်။

လှံ တဟုန်ထိုး ဖြတ်သွားစဉ် လေကို ဆုတ်ဖြဲကာ အရှိန်အဟုန်ဖြင့် ကျယ်လောင်သောလေခွင်းသံကို ဖြစ်ပေါ်စေသည်။

လီလော့ထံသို့ ချဉ်းကပ်လာသည်နှင့်အမျှ လှံသည် တဖြည်းဖြည်း ပိုမိုကြီးမားလာသည်ကို တွေ့လိုက်ရသည်။ လီလော့ သူ့ကိုယ်သူ ထိန်းကာ၊ ရေအစွန်အဖျားပညာရပ်ကို အသက်သွင်းပြီးနောက် တိုက်ခိုက်မှုဆီသို့ တိုက်ရိုက် ချဉ်းကပ်သွားသည်။

ဝုန်းးးးးးး

ထိတ်လန့်တုန်လှုပ်ဖွယ်ကောင်းသော ပဲ့တင်ထပ်သံစွမ်းအားများသည် သူ့ပတ်ဝန်းကျင်ကို တုန်လှုပ်သွားစေသည်။ တစ်ချိန်တည်းမှာပင်၊ ပေဒါဇင်များစွာသော ဓားရှည်တစ်ချောင်း သူ့ရှေ့တွင် ခုန်တက်သွားသည်ကို မြင်တွေ့နိုင်သည်။

ဤသည်မှာ ခုခံမှု စွမ်းအားဖြစ်သည်။ လီလော့ အခုချိန်တွင် လှုပ်ရှားသမျှတိုင်းက နှိုင်းမရအောင်ပြင်းထန်နေသည်။

ချွင်.....

ဓားအလင်းက လေးလံသောလှံနှင့် တိုက်ရိုက် ထိမှန်သွားသည်။

ပြတ်သားကြည်လင်သော သတ္တုချင်းထိခတိသံထွက်လာသည်။ ထို့နောက် နားအူလောက်သည်အထိ ကျယ်လောင်သော မိုးခြိမ်းသံတစ်ခု ထွက်ပေါ်လာခဲ့လေသည်။