ဖီလိပညာရပ်......

[TN/ ဖီလီ....မိုးကြိုးသွား....]

လော့လန်အိမ်တော်၏ ကောင်းကင်ရွှေခန်းမထဲတွင်......

လီလော့သည် ခန်းမအလယ်တွင် တင်ပျဉ်ခွေထိုင်နေပြီး မျက်လုံးများကို တင်းတင်းမှိတ်ထားကာ လက်ဟန်အချို့ပြုလုပ်နေသည်။ ထိုအခါ သဘာဝစွမ်းအင်များက သူ့ပတ်ဝန်းကျင်တွင် တဟုန်ထိုး ခုန်တက်လာပြီး မြေနတ်ဆိုးစွမ်းအင်များ သူ့ခန္ဓာကိုယ်ထဲသို့ ဝင်ရောက်လာသည်။

မြေနတ်ဆိုးစွမ်းအင်များ သူ့ခန္ဓာကိုယ်ကိုပျက်စီးအောင်မစွမ်းဆောင်နိုင်ခင်မှာ နဂါးတစ်ကောင်ရဲ့ အသွင်အပြင်တစ်ခု သူ့ရှေ့မှာ ပေါ်လာပြီး မြေနတ်ဆိုးစွမ်းအင်များကို အစာသဖွယ်ဝါးမြိုပစ်လိုက်သည်။

မြေနတ်ဆိုးစွမ်းအင်များသည် ချော်ရည်ထဲတွင် နစ်မြုပ်နေသကဲ့သို့ နဂါးငွေ့တန်းအတွင်းမှ စွမ်းအင်များ ဆက်လက် ခုန်ပျံကာ ရုန်းကန်နေပါသည်။ နောက်ဆုံးတွင်၊ သန့်စင်သော လုပ်ငန်းစဉ်ဖြင့် ၎င်း၏ ရိုင်းစိုင်းသော သဘာဝကို ရှင်းရှင်းလင်းလင်း သုတ်သင်ပစ်လိုက်သည်။

ဤလုပ်ငန်းစဉ်တစ်ခုလုံး ပြီးမြောက်ရန် တစ်နာရီအပြည့် အချိန်ယူရသည်။

နဂါးငွေ့တန်းများ ပျောက်ကွယ်သွားပြီးနောက် အလင်းတန်းငါးခုသည် လီလော့၏ ခန္ဓာကိုယ်အတွင်း၌ ငါးများကဲ့သို့ ကူးခတ်နေကြသည်။

"ဒါတွေက အဲ့မိုကွမ်းစွမ်းအင်တွေလား...?"

လီလော့သည် နဂါးငွေ့တန်းသုံးသွယ်ပညာရပ်ဖြင့် သန့်စင်ထားသော အနက်ရောင် အလင်းတန်းငါးခုကို ကြည်နူးစွာ ကြည့်ရှုခဲ့သည်။ ရက်ပေါင်း မရေမတွက်နိုင်အောင် ကြိုးစားခဲ့ရပြီး ဒါဟာ သူ့ရဲ့ ပထမဆုံး အောင်မြင်မှုပင်......

အဲ့မိုကွမ်းစွမ်းအင် အလင်းတန်းငါးခုသည် ပဉ္စမအဆင့်နတ်ဆိုးကျင့်စဉ်၏ စွမ်းအားကို ထင်သာအောင်ပြသနေခဲ့သည်။

လီလော့သည် စူးစူးဝါးဝါး ဖြာထွက်နေသော အလင်းတန်းများထဲမှ တစ်ခုကို စူးစူးစိုက်စိုက် ကြည့်နေမိသည်။ အတွေးတစ်ခုဖြင့်၊ ၎င်းသည် ရေအလင်းပဲ့တင်ထပ်သံနန်းတော်ထဲသို့ တိုက်ရိုက်ဝင်ရောက်ကာ ရေအလင်းဝိဥာဉ် ရေကန်ထဲသို့ကျဆင်းသွားပြီး စူဠလိပ်ရေထဲလွှတ်သည့်နှယ် ပျော်ရွှင်စွာကူးခတ်နေသည်။

ထို့နောက် မျက်လုံးဖွင့်ကာ လက်ကိုဆန့်လိုက်သည့်အခါ ပဲ့တင်ထပ်သ့စွမ်းအားများသည် သူ့လက်ဖဝါးတစ်ဝိုက်တွင် စုစည်းနေပြီး ကြောက်မက်ဖွယ်ရာ ထိုးဖောက်နိုင်စွမ်းနှင့် တောက်ပသော လျင်မြန်စွာ ရွေ့လျားနေသော ရေစီးကြောင်းအဖြစ် ပြောင်းလဲသွားသည်။

ဤသည်မှာ ရေတစ်ထောင်ဓားချက်ဖြစ်သည်။ အတွေးတစ်ခုဖြင့်၊ သူ၏ ပဲ့တင်ထပ်သံနန်းတော်မှ စူးစူးဝါးဝါး အလင်းတန်းများ ဖြာထွက်လာပြီး တောက်ပနေသော ရေဓားသွားနှင့် ပေါင်းစပ်သွားသည်။

ခဏအကြာတွင် လီလော့ ယသည် ဓါး၏အစွန်းတွင် အနက်ရောင်အလင်းအလွှာပါးတစ်လွှာကိုတွေ့လိုက်ရသည်။ထိုအခါ ကြည်လင်နေသောရေဓားသွားက ပိုမိုပြင်းထန်ပြီ ရက်စက်ကြမ်းကြုတ်မှုအဖြစ်သို့ပင် ပြောင်းလဲသွားပုံရသည်။

ထို့နောက် ပေါ့ပေါ့ပါးပါး ဓားချက်ထုတ်ဖော်လိုက်ပြီး အစမ်းသပ်ခံကျောက်တုံးကိုပိုင်းဖြတ်လိုက်လေသည်ယ

ဤကျောက်တုံးသည် ထိခိုက်ပျက်စီးမှုကို ခံနိုင်ရည်ရှိစေရန် ဒီဇိုင်းထုတ်ထားသည့် အထူးပစ္စည်းတစ်ခုဖြင့် ဖန်တီးထားခြင်း ဖြစ်သည်။ခိုင်ခံမာကျောသော ကျောက်တုံးပေါ်တွင် သုံးပေအနက်ရှိသော တိကျပြတ်သားသည့်ဓားရာတခုထင်ကျန်နေခဲ့သည်။

လီလော့သည် တိုက်ခိုက်မှု၏ သက်ရောက်မှုကို ခံစားသိရှိရန် ကျောက်တုံးကိုစစ်ဆေးကြည့်သည့်အခါ သူ့အကြည့်ထဲတွင် အံ့အားသင့်စရာ အရိပ်အယောင်တစ်ခု ထွက်ပေါ်လာသည်။ နတ်ဆိုးခန္ဓာအဆင့်သို့မ၀င်မီ ရေတစ်ထောင်ဓားချက်ဖြင့် နှစ်ပေခန့်သာ နက်ရှိုင်းစွာ ဓားချက်ကျန်ရစ်ခဲ့သည်ကို ရှင်းရှင်းလင်းလင်း သတိရမိသည်။ ပဲ့တင်ထပ်သံစွမ်းအားအသစ်ကို ချဲ့ထွင်ခြင်းဖြင့် ပညာရပ်၏ အကျိုးသက်ရောက်မှုသည် 50% နီးပါး တိုးလာခဲ့သည်။

ဤသည်မှာ အဲ့မိုကွမ်းစွမ်းအင်ကြောင့်ပင်လော.....

လီလော့ သဘောကျစွာ သက်ပြင်းချလိုက်သည်။

အဘယ်ကြောင့်ဆိုသော် မြေနတ်ဆိုးခန္ဓာအဆင့်ရောက်မှသာ ပဲ့တင်ထပ်သံစွမ်းအား ကျင့်ကြံခြင်းလမ်းကြောင်းမှန်ပေါ်သို့ အမှန်တကယ်ဝင်ရောက်နိုင်ပြီဟုသတ်မှတ်ကြသည်။ဆရာသခင်အဆင့်ဟူသည် ခရီးလမ်းစတင်ရန် ကနဉီးလျှောက်လှမ်းရမည့်အဆင့်များသာပင်......

"အဲ့မိုကွမ်းအလင်းက အံ့သြစရာကောင်းတဲ့ အရာပဲ"

သူသည် နဂါးငွေ့တန်းသုံးသွယ်ကျင့်စဉ်ကို စတင်လေ့ကျင့်ရုံဖြင့် အလင်းတန်းငါးခုကို ဖန်တီးနိုင်ခဲ့သော်လည်း သင်ယူရန် အချိန်အတော်ကြာခဲ့သည်။

မြေနတ်ဆိုးစွမ်းအင်များကို ပိုမိုသန့်စင်နိုင်ရန် ကျင့်စဉ်ကိုပိုပြီးကျွမ်းကျင်ပိုင်နိုင်အောင်လေ့ကျင့်ရပေဉီးမည်။

တိမ်မြုပ်နေသော နတ်ဆိုးအလင်းရောင်၏ စွမ်းအားကို တွေ့ကြုံပြီးနောက် ပဲ့တင်ထပ်သံပညာရပ်အသစ်ကို စတင်လေ့ကျင့်ဖို့ပြင်ဆင်လိုက်တော့သည်။

ဒါက သူပထမဆုံး သင်ယူရမယ့် အဆင့်နိမ့် နဂါပညာရပ်ဖြစ်တဲ့ ဖိီလိပညာရပ်ပင်.....

၎င်းသည် အရှိန်မြှင့်တင်ရန် အာရုံစိုက်သည့်ပညာရပ်တစ်ခုဖြစ်ပြီး ယခု သူ့တွင် မိုးကြိုးပဲ့တင်ထပ်သံရှိနေသဖြင့် မိုးကြိုးနှင့်ပတ်သက်သော ပဲ့တင်ထပ်သံပညာရပ်ကို စတင်လေ့လာတော့မည်ဖြစ်သည်။

ဖိီလိပညရပ်သည် အိမ်တော်၏စာကြည့်တိုက်အတွင်း လီလော့ ရှာဖွေတွေ့ရှိခဲ့သော အရာတစ်ခုဖြစ်သည်။

လီလော့သည် ထိုနေရာတွင် ရပ်နေကာ သူ့ခန္ဓာကိုယ်အနှံ့ ပဲ့တင်ထပ်သံ စွမ်းအားများ ဖြန့်ကျက်ကာ အများစုကို သူ့ခြေထောက်ဆီသို့ပို့လွှတ်ပြီး မျက်လုံး မှိတ်ထားလိုက်သည်။

ဤအချိန်တွင် သူ၏ခြေဖဝါးများမှတဆင့် မိုးကြိုးများ အက်ကွဲနေသည်ကို တွေ့မြင်နိုင်သည်။ ထူးထူးခြားခြားဖြစ်လာတာက ဒီမိုးခြိမ်းသံတွေဟာ လီလော့ရဲ့ခြေထောက်တွေကနေတစ်ဆင့် သူ့အသွေးအသားနဲ့ သွေးကြောတွေကို အဆက်မပြတ် လှုံ့ဆော်ပေးနေသလိုပင်.....

ထိုအချိန်တွင် မိုးကြိုး ပဲ့တင်ထပ်သံ စွမ်းအားများသည် သူ့ခြေသလုံးရှိ သွေးကြောများတစ်လျှောက် ချောမွေ့စွာ စီးဆင်းနေသည်။

တဖြည်းဖြည်းချင်း စွမ်းအားများ ဆက်လက် စီးဆင်းနေသဖြင့် သူ၏အသွေးအသား တစ်လျှောက် နာကျင်ကိုက်ခဲလာသည်။

ဤအခိုက်အတန့်တွင် အာရုံစူးစိုက်လိုက်သည့်အခါ မျက်ဆံများထဲတွင် လျှပ်စီးကြောင်းများကို မြင်လိုက်ရသည်။ ထို့နောက် ခြေထောက်ကို မြှောက်ကာ ခြေတစ်လှမ်း လှမ်းလိုက်သည်။

ဝုန်းးးးးးးးးး

ကောင်းကင်ရွှေရောင် အခန်းတစ်ခုလုံးတွင် မိုးခြိမ်းသံများ ပဲ့တင်ထပ်သွားသည်။

လီလော့သည် တစ်ချက်တည်းဖြင့် မီတာများစွာ ရွေ့လျားသွားခဲ့သည်။ ဒါပေမယ့် သူ့ခြေထောက်တွေရဲ့ အနေအထားကို မြင်လိုက်ရတော့ ရလဒ်ကို မကျေန်နိုင်ခဲ့ပေ။ ခြေဖဝါးပေါ်ရှိ ချွေးပေါက်တိုင်းမှ သွေးများစီးကျနေပြီး အရေပြားနှင့် အသားများသည် ကွဲအက်သွားသည့် လက္ခဏာများ ပြသနေသည်။

"နဂါးအဆင့်ပညာရပ်ကို သင်ယူဖို့ခက်ခဲလိုက်တာ.... "

ဖိီလိပညာရပ်ကို အောင်မြင်စွာ မလေ့ကျင့်နိုင်ခဲ့ပေ။ နဂါးအဆင့်ပညာရပ်တစ်ခုအနေဖြင့်၊ ၎င်းကိုရောက်ရှိနိုင်သည့်အမြင့်ဆုံးအဆင့်မှာ အလင်းငါးချက်အဆင့် ဖြစ်ပြီး သုံးစွဲသူအား မျက်စိတစ်မှိတ်စာအတွင်း မည်သည့်နေရာမဆို မီတာတစ်ထောင်အတွင်း သွားလာနိုင်စေမည်ဖြစ်သည်။ လက်ရှိအချိန်မှာတော့ အလင်းတစ်ချက်အဆင့်ကိုတောင် မအောင်မြင်နိုင်သေးပေ။

သို့သော်လည်း ပညာရပ်တခုကိုလေ့ကျင့်ရန် အချိန်များစွာလိုအပ်သောကြောင့် မလျင်မလိုခဲ့ပေ။ သူသည် ခေတ်အဆက်ဆက် ပဲ့တင်ထပ်သ့ပညာရပ်ကို နားလည်သဘောပေါက်နိုင်စွမ်းမြင့်မားသော ပါရမီရှင်တစ်ဦးဖြစ်နိုင်သော်လည်း ဤပညာရပ်ကိုကျွမ်းကျင်ရန် အချိန်အတိုင်းအတာတစ်ခုအထိ လိုအပ်နေသေးသည်။ သေချာမကျွမ်းကျင်သေးသည့်တိုင် သူ့အရှိန်ကို သိသိသာသာ တိုးလာစေပြီး သူ့ရဲ့ အားနည်းချက်အချို့ကို ဖုံးကွယ်ထားနိုင်ခဲ့သည်။

ထိုပညာရပ်ကိုအသုံးပြုနေစဉ်အတွင်း သူ့ခန္ဓာကိုယ်အနှံ့ မိုးကြိုးစွမ်းအားများ စီးဆင်းမှုကို တွေးတောနေစဉ်တွင် သူ၏ခန္ဓာကိုယ်ကို လျင်မြန်စွာ ကုစားရန် အခြား ပဲ့တင်ထပ်သံစွမ်းအားနှစ်ခုကို အသုံးပြုကာ တပြိုင်နက် နာကျင်ကိုက်ခဲမှုများကို ဖယ်ရှားပေးခဲ့သည်။

ခြေထောက်များ ပြန်လည်ကောင်းမွန်လာပြီးနောက် ကောင်းကင်ရွှေခန်းမှ ထွက်ခွာကာ တစ်နေ့တာလေ့ကျင့်ခြင်းကို အဆုံးသတ်ခဲ့သည်။

ထို့နောက် ဧည့်ခန်းမဆီသို့ရောက်တော့ ကျန်းချင်းအာက သူမ၏လေးလံသောဓားကို ဆွဲထုတ်နေသည်ကို တွေ့လိုက်ရသည်။ သူမ၏ ပိန်ပါးနေသော ခန္ဓာကိုယ်သည် လက်ရှိတွင် လှုပ်ရှားမှုများစွာကို ဆက်တိုက်ဖြတ်သန်းနေပြီး သူမ၏လက်ထဲမှ ဓားသည် ၎င်း၏အသက်ကို ပိုင်ဆိုင်ထားသကဲ့သို့ လှုပ်ရှားသွားကာ လမ်းကြောင်းများအားလုံးကို ဖြတ်တောက်ပစ်လိုက်သည်။

ဓားကိုဝှေ့ယမ်းလိုက်တိုင်း ၎င်းတို့ပတ်ဝန်းကျင်ရှိ သဘာဝစွမ်းအင်အားလုံးကို နှိုးဆွနေပြီး ချင်းအာ၏ခန္ဓာကိုယ်ထဲသို့ ကြောက်မက်ဖွယ်ကောင်းသော နှုန်းဖြင့် သွန်းလောင်းနေသည်ကို ခံစားလိုက်မိသည်။

တစ်ချိန်တည်းမှာပင် သူမ၏ သွယ်လျပြီး သိမ်မွေ့သော ခန္ဓာကိုယ်သည် အောက်ခြေမရှိသော တွင်းနက်ကြီးတစ်ခုလို ဖြစ်နေကာ သူမသွားရာလမ်းမှ ထွက်လာသည့် စွမ်းအင်မှန်သမျှကို အဆက်မပြတ် စုပ်ယူနေသည်။

သူမ၏ လုပ်ရပ်သည် မည်မျှ နက်နဲပြီး တိုင်းတာ၍မရသော လုပ်ရပ်ဖြစ်သည်ကို နားမလည်နိုင်ပေ။

လီလော့ ယသည် ကျန်းချင်းအာ၏ ခန္ဓာကိုယ်ကို ဆက်လက်အာရုံစိုက်ကာ တဖြည်းဖြည်း မူးဝေလာသည်။ သူမသည် ကြောက်မက်ဖွယ်ကောင်းလောက်အောင် လှပသော်လည်း မည်သူတစ်ဦးတစ်ယောက်မှ မနှောင့်ယှက်နိုင်သော ရက်စက်ကြမ်းကြုတ်သော နတ်သားရဲနှင့်တူသည်။ မှားယွင်းသော လုပ်ရပ်သည် ကြောက်စရာကောင်းသော တန်ပြန်တိုက်ခိုက်မှုဆီသို့ မလွဲမသွေ ဦးတည်သွားမည်ဖြစ်သည်။

ဝုန်းးးး

ဤခဏတွင်၊ လီလော့ နံဘေးမှ လေဟာနယ်များစုတ်ဖြဲခံလိုက်ရသည်။

လေးလံသောဓားသည် သူ့ရှေ့က လေဟာနယ်ကို အသံမထွက်ဘဲ ခွဲထွက်သွားပြီး လီလော့၏လည်ချောင်းရှေ့တွင် ရပ်တန့်သွားသည်။

လက်မြှောက်အရှုံးပေးရင်း လီလော့ တစ်သံမျှမထွက်ရဲတော့ပေ.......

ထို့နောက်တွင်၊ ကျန်းချင်းအာ၏ ခံစားချက်ကင်းမဲ့သော ရွှေရောင်မျက်လုံးများအတွင်းတွင် ပျော်ရွှင်မှုအရိပ်အမြွက်ပေါ်လာသည်။

"ချင်းအာ.... နင်အဆင့်တက်ဖို့ ပြင်ဆင်နေပြီလား"

လီလော့က စိတ်ဝင်တစား မေးလိုက်သည်။

ကျန်းချင်းအာက ပြန်မဖြေဘဲ ပြုံးပြလိုက်သည်။

"သွားဖို့အချိန်တန်ပြီ....ဒီနေ့ ကျောင်းပြန်တက်ရမဲ့နေ့......"

လီလော့က ခေါင်းညိတ်ပြီး သက်ပြင်းချလိုက်သည်။

"ဒီနေ့က ကောင်းကင်ကိုတောင် အံ့အားသင့်စေမယ့် နေ့တစ်နေ့ပဲ.... ကြယ်တာယာခရီးရှည်ကောလိပ်မှာမော်ကွန်းသစ်တခုရေးထိုးနိုင်တော့မယ်......"

အဘယ်ကြောင့်ဆိုသော် ကျန်းချင်းအာသည် ဓူဝံအဖွဲ့မှ အဖွဲ့ဝင်တစ်ဦးအား တရားဝင် စိန်ခေါ်မည့်နေ့ဖြစ်သည်။

[ TN/ အမာခံခုနှစ်ဉီးအစား ဓူဝံအဖွဲ့ဟုပြောင်းလဲသုံးနှုန်းပါမည်...]

သူမသာ အောင်မြင်ခဲ့ရင် ဒါဟာ ဒဏ္ဍာရီဆန်ဆန် စွမ်းဆောင်မှုတစ်ခု ဖြစ်လာမည်ဖြစ်ပြီး ကြယ်တာယာခရီးရှည်ကောလိပ် ၏သမိုင်းကြောင်းကို လုံးဝပြောင်းလဲသွားစေလိမ့်မည်။