တော်ဝင်မိသားစု၏သဘောထားကွဲလွဲမှု........

ကြယ်တာယာခရီးရှည်ကောလိပ်၏ အရိပ် လှိုဏ်ဂူကျိုးပေါက်ခြင်းသတင်းသည် နောက်ရက်များတွင် ကျယ်ကျယ်ပြန့်ပြန့် ပျံ့နှံ့သွားခဲ့သည်။

အခင်းဖြစ်ပွားရာနေရာတွင် ကျောင်းသားများစွာရှိနေခဲ့သောကြောင့် ဤသတင်းကို မည်သို့မျှ ဖုံးဖိထား၍မရပေ။

သတင်းများ ပြန့်နှံ့လာသည်နှင့်အမျှ ၎င်းသည် သိသာထင်ရှားသော ရုန်းရင်းဆန်ခတ်မှုတွေကို ဖြစ်စေခဲ့သည်။ ရှမြို့တော်သည် ကြယ်တာယာခရီးရှည်ကောလိပ်နှင့် အနီးဆုံးမြို့ဖြစ်ပြီး ထိုနေရာတွင် နေထိုင်သူတိုင်း ထိတ်လန့်သွားကြသည်။တပ်ဖွဲ့ဝင်များ၏ ပံ့ပိုးကူညီမှုဖြင့်ပင် ထိတ်လန့်မှု မပြန့်ပွားအောင် တားဆီးနိုင်ခဲ့သည်။

မရေမတွက်နိုင်သော လူများ ဒေါသူပုန်ထကာ အဆောတလျင်အထုတ်အပိုးပြင်နေကြရပြီ။

ဒီလိုအခြေအနေမျိုး ကြုံလာရတဲ့အခါမှာတောင် တော်ဝင်တရားရုံးက ပြည်သူတွေကို စွန့်ပစ်ဖို့ မကြိုးစားခဲ့ပေ။ ယင်းအစား ၎င်းတို့သည် အခြေအနေကို တည်ငြိမ်စေရန် တက်ကြွစွာ ကြိုးပမ်းခဲ့ကြပြီး ဘေးလွတ်ရာသို့ ပြောင်းရွှေ့ရန် ကူညီခဲ့ကြသည်။

ရှမြို့တော်၏ များပြားလှသော အင်အားစုများကလည်း အလားတူ ပြင်ဆင်မှုများ ပြုလုပ်ခဲ့သည်။ အထူးသဖြင့် သူတို့သည် မြို့ထဲတွင် နှစ်ပေါင်းမရေမတွက်နိုင်အောင် နေထိုင်ခဲ့ကြပြီး အသက်သွေးနှင့် အရင်းအမြစ်များကို အဆုံးမရှိ မြှုပ်နှံထားသဖြင့် မည်သူမှ မထွက်ခွာချင်ကြသော်လည်း၊ အခြားရွေးချယ်စရာ မရှိပေ။ လူများကို ဘေးလွတ်ရာသို့ ရွှေ့ပြောင်းနိုင်သော်လည်း စီးပွားရေးလုပ်ငန်းများနှင့် စက်မှုလုပ်ငန်းများကို အပြီးတိုင် စွန့်ပစ်ရမည်ဖြစ်သောကြောင့် ကြီးမားသော ဆုံးရှုံးမှုများ ဖြစ်ပေါ်စေခဲ့သည်။

သို့သော်လည်း ရွေးချယ်စရာမရှိခဲ့ပေ။ အမှောင်စွမ်းအင်ကို တွန်းလှန်ရန် ခက်ခဲပြီး အချို့သော အင်အားကြီး ပုဂ္ဂိုလ်များကသာ အကျိုးသက်ရောက်မှုများကို တားဆီးနိုင်သော်လည်း လူအများစုကတော့ ခိုကိုးရာမဲ့ ဖြစ်နေကြသည်။ အမှောင်စွမ်းအင်က ပတ်ဝန်းကျင်ကို ဖြည်းဖြည်းချင်း ပြောင်းလဲသွားစေမယ့် အဆိပ်တစ်ခုလိုပင်.....

ရှမြို့တော်သည် သေမင်း၏နယ်မြေဖြစ်လာပေတော့မည်။

ထို့ကြောင့် ဖက်တွယ်နေစရာ အကြောင်းမရှိပေ။

ဒီလို ဖရိုဖရဲ အခြေအနေတွေအောက်မှာ တော်ဝင်နန်းတော်က အစည်းဝေးပွဲတစ်ခုကျင်းပခဲ့ပြီး ရှမြို့တော်မှာရှိတဲ့ အင်အားစုများကို ပါဝင်ဖို့ ဖိတ်ခေါ်ခဲ့သည်။

အစည်းဝေးပွဲကို မင်းသမီးနှင့် ဧကရာဇ်ငယ်တို့က ဖိတ်ကြားခဲ့ခြင်းဖြစ်သည်ယ အတိအကျပြောရလျှင် နန်းတက်ပွဲအမှန်တကယ်မပြီးသေးသောကြောင့် ဧကရာဇ်ငယ်၏ရာထူးမှာ အနည်းငယ် အဆင်မပြေဖြစ်နေသည်။ တစ်ချိန်တည်းမှာပင် လက်ရှိအခြေအနေများသည် ဒုတိယအကြိမ် နန်းတက်ပွဲကျင်းပရန် ခွင့်မပြုသောကြောင့် ဧကရာဇ်ငယ်သည် မှန်ကန်သောဧကရာဇ်ဖြစ်ကြောင်း အများစုက တိတ်တဆိတ် လက်ခံခဲ့ကြသည်။

"မင်္ဂလာပါ လေးစားအပ်ပါသော ဧည့်သည်တော်များ..... လွန်ခဲ့တဲ့ ရက်ပိုင်းအတွင်း စုံစမ်းစစ်ဆေးမှုတွေ ပြုလုပ်ခဲ့ပြီး အရိပ်လှိုဏ်ဂူကနေ အမှောင်စွမ်းအင်စီးဆင်းမယ့် လမ်းကြောင်းကို ခန့်မှန်းခဲ့ကြတယ်.... ကျောင်းအုပ်ကြီးရဲ့ လုပ်ဆောင်ချက်ကြောင့် အမှောင်စွမ်းအင်ဆိုးရွားစွာ မပြန့်ပွားနိုင်ပေမယ့် အချိန်ကြာလာသည်နှင့်အမျှ၊ အမှောင်စွမ်းအင်တွေက မြစ်ကြီးတစ်စင်းနီးပါးဖြစ်လာပြီး ရှပြည်ထောင်စုရဲ့အလယ်ဗဟိုကိုဖြတ်သန်းပြီး နိုင်ငံတော်ကိုတစ်ဝက်ပိုင်းပြီးစီးဆင်းနေလိမ့်မယ်...."

နန်းတော်၏ ခမ်းနားထည်ဝါသောခန်းမအတွင်း၌ မင်းသမီးသည် သူမ ဖိတ်ကြားထားသော အဖွဲ့ခွဲခေါင်းဆောင်များစွာကို တစ်ချက်ကြည့်လိုက်သည်။ လွန်ခဲ့သည့်ရက်အနည်းငယ်က သူမကို မငြိမ်မသက်ဖြစ်စေခဲ့သောကြောင့် သူမ၏အလှတရားများ အနည်းငယ် မှုန်ဝါးသွားပုံရသည်။

မင်းသမီး၏ရှေ့တွင် ရှပြည်ထောင်စု ၏ကြီးမားသောမြေပုံကိုပြသသည့်ကျောက်တုံးကြီးတစ်ခုရှိသည်။

မြေပုံပေါ်တွင် ဧရာမမြစ်နက်ကြီးတစ်ခုသည် ရှပြည်ထောင်စု တစ်ခုလုံးကို နှစ်ခြမ်းခွဲထားသည်။

လီလော့နှင့် ကျန်းချင်းအာတို့လည်း ထိုနေရာတွင် ရှိနေကြပြီး မြေပုံကို ဂရုတစိုက် စောင့်ကြည့်နေကြသည်။ သူတို့ အကြည့်ချင်းဖလှယ်ရင်း တိတ်တဆိတ် သက်ပြင်းချလိုက်ကြသည်။ အမှောင်စွမ်းအင်ဒဏ်ခံရသော ဧရိယာသည် အရေးပါဆဲဖြစ်ပြီး မြို့ပေါင်းမြောက်မြားစွာ ပျက်စီးမည်ဖြစ်သော်လည်း အများစုကတော့ လွတ်ကင်းမည်ဖြစ်သည်။ ပိုကြီးတဲ့ ပုံရိပ်ကိုကြည့်ရင် ဒါက အတော်လေး လက်ခံနိုင်လောက်တဲ့ ရလဒ်တစ်ခုပင်....

ဤသည်မှာ ကျောင်းအုပ်ကြီး စည်းတံဆိပ်ခတ်ခြင်းမပြုမီ နောက်ဆုံးပေးခဲ့သော အကူအညီဖြစ်သည်။

အစည်းဝေးပွဲကို ဒုကျောင်းအုပ် စုရှင်း လည်း တက်ရောက်ခဲ့ပါသည်။ သူမသည် အတိတ်က နွေးထွေးပြီး လိမ္မာပါးနပ်သည့်အပြုအမူနှင့် နှိုင်းယှဉ်ကြည့်ပါက အနည်းငယ်ကွာခြားနေသည်။ ယခု သူမသည် အနည်းငယ် စိတ်ဓာတ်ကျနေပုံရသည်။ သူမ၏ကောလိပ်၏ပျက်စီးခြင်းကို သူမ ကိုယ်တွေ့မြင်ခဲ့ရသောကြောင့် ထိုကဲ့သို့ဆိုးရွားသောဖြစ်ရပ်ကို ရှောင်ဖယ်ရန် ခက်ခဲပေမည်။

"နောက်ဆုံးတော့ သတင်းကောင်းလေး တစ်ခု ပြောပါရစေ....."

ယုဟုန်ရှီသည် ဒုကျောင်းအုပ်စုရှင်း ကို ခေတ္တမျှ ငုံ့ကြည့်ကာ သူမ၏ ငြိမ်သက်နေသော မျက်နှာကို မြင်လိုက်ရပြီး သက်ပြင်းချလိုက်သည်။

"အနည်းဆုံးတော့၊ အမှောင်စွမ်းအင်က သတ်မှတ်ထားတဲ့ ဧရိယာမှာ ချုပ်နှောင်ထားပြီး ပျံ့နှံ့သွားမှာ မဟုတ်ပါဘူး... ရှပြည်ထောင်စုဟာ အမှောင်စွမ်းအင်ကင်းစင်တဲ့ နယ်မြေ အများအပြားကို ထိန်းသိမ်းထားနိုင်မှာပါ...."

"ဒီအခြေအနေက နှစ်အနည်းငယ်သာ ကြာမှာကိုပဲစိုးရိမ်ရတယ်... ကျောင်းအုပ်ကြီးရဲ့ စည်းတံဆိပ် အကျိုးသက်ရောက်မှု ပျက်ပြယ်သွားတဲ့အခါ အမှောင်စွမ်းအင်တွေ နောက်တစ်ကြိမ် ထပ်ပြီး ပျံ့နှံ့သွားမှာကို စိုးရိမ်ရတယ်.." ဟု ဒူဇီယန်က ဆက်လက်ပြောကြားခဲ့သည်။

"အချိန်ဆွဲထားနိုင်သေးတာ ကောင်းတဲ့အရာပဲ"

စီချင်းက ခပ်မဲ့မဲ့ ပြုံးလိုက်သည်။

မင်းသမီးက ခေါင်းညိတ်လိုက်ပြီး ....

" ဆုတ်ခွာခြင်းလမ်းကြောင်းကို ဆွေးနွေးဖို့ ဒီနေ့ ဒီနေရာကို အားလုံးကို ဖိတ်ခေါ်လိုက်ရတာပါ... ရှပြည်ထောင်စုဟာ နိုင်ငံအနှံ့ ပျံ့နှံ့နေတဲ့ အမှောင်စွမ်းအင်တွေကြောင့် နှစ်ပိုင်းကွဲသွားတော့မှာမို့ ကျွန်မကတော့ တောင်ပိုင်းကိုသွားဖို့ရွေးချယ်ထားတယ်... တစ်ချိန်တည်းမှာပဲ ကမ္ဘာခြားသက်ရှိတွေ တဖြည်းဖြည်း ပေါ်လာတာကို တွေ့ရမှာဖြစ်ပြီး သူတို့ကို ချေမှုန်းဖို့ လူတိုင်းရဲ့အကူအညီကို လိုအပ်ပါလိမ့်မယ်...."

မင်းသမီးသည် ဧည့်သည်များကို စိတ်ရင်းမှန်ဖြင့် ပန်ကြားခဲ့သည်။

ကိုယ်စားလှယ်အများအပြားက ခေါင်းညိတ်လိုက်ကြသည်။ သူမ၏စကားများက ယုတ္တိတန်ပါသည်။ နောင်ဖြစ်လာမယ့် အဖြစ်အပျက်တွေအတွက် ကြိုတင်ပြင်ဆင်နိုင်ဖို့ စည်းလုံးညီညွတ်ဖို့ လိုအပ်သည်။ ဒါက လည်း ပညာအရှိဆုံး ရွေးချယ်မှုပင်....

သို့သော် အားလုံး ဆုံးဖြတ်ချက်တစ်ခုချပြီးချိန်တွင် မှုန်ကုပ်ကုပ်အသံတစ်ခု ထွက်ပေါ်လာသည်။

"တောင်ပိုင်းဒေသကိုသွားဖို့ ငါသဘောမတူဘူး"

လူတိုင်း လှည့်ကြည့်လိုက်ကြပြီး ဆဲဖို့ပြင်လိုက်ချိန်တွင် ကုန်းယွမ် ဖြစ်နေသဖြင့် ပါးစပ်ပိတ်နေကြရသည်။

"ဉီးရီးတော်.... ဒါက ဘာအဓိပ္ပာယ်လဲ"

မင်းသမီး၏အကြည့်များ အနည်းငယ်ပြောင်းသွားပြီး သူမ၏လေသံကလည်း အေးစက်လာသည်။

ကုန်းယွမ်က သူမကို လျစ်လျူရှုပြီး....

"ကျုပ်ကတော့ မြောက်ဘက်ကိုသွားဖို့ အကြံပေးချင်တယ်... ရှပြည်ထောင်စုမှာ တပ်သား အများအပြား ရှိပြီးသားမို့ မြောက်ပိုင်းမှာဆိုပိုအဆင်ပြေလိမ့်မယ်..."

မင်းသမီး၏ ဖီးနစ်သဏ္ဍာန်မျက်လုံးများတွင် ဒေါသအရိပ်အယောင် ပေါ်လာသည်။

"ဒါက တော်ဝင်တရားရုံးရဲ့ ဆုံးဖြတ်ချက်ပဲ၊ ဉီးရီးတော်က တော်ဝင်တရားရုံးရဲ့ ဆန္ဒကို ဆန့်ကျင်ဖို့ ရည်ရွယ်ထားတာလား...."

"လွမ်ယု နန်းတက်ပွဲအခမ်းအနားမှာ ဖြစ်ပျက်ခဲ့တာနဲ့ ပတ်သတ်ရင် တော်ဝင်နန်းတော်က ငါ့ရဲ့ ထိန်းချုပ်မှုအောက်မှာ ရှိနေတုန်းပဲ"

"ဉီးရီးတော်က ပုန်ကန်ချင်နေတာလား..."

"မင်းဘာလို့ ငါ့ကိုစွပ်စွဲနေတာလဲ... ဒီလိုတွေဖြစ်လာတာ မင်းအဖေ ဧကရာဇ်ကြောင့်ပဲလေ... အာဏာကို ဆုပ်ကိုင်ထားဖို့အတွက် ကျင်းယောင်ရဲ့ လိင်အမျိုးအစားကိုပြောင်းလဲဖို့ လျှို့ဝှက်နည်းလမ်းတွေကို အသုံးပြုခဲ့တယ်။ နိုင်ငံတော်ကာကွယ်၀င်္ကပါ ကို လှည့်စားပြီး ဘိုးဘေးတွေရဲ့ဆန္ဒကို ဖောက်ဖျက်တာ ရာဇဝတ်မှုတစ်ခု ကျူးလွန်တယဆိုရင် ရာဇဝတ်သားက မင်းအဖေပဲ !သူဟာ အရက်စက်ဆုံး ရာဇ၀တ်မှုတွေကို ကျူးလွန်ခဲ့သူပဲ၊ မြေအောက်ကမ္ဘာက ဘိုးဘေးတွေကို သူ ဘယ်လိုရင်ဆိုင်မလဲမစဉ်းစားတတ်တော့ဘူး... !"

"ရှင် မမိုက်ရိုင်းနဲ့."

မင်းသမီးက သူ့အဖေကို ဆဲဆိုသံကြားတော့ ဒေါသ ထွက်နေလေ၏။ တစ်ချိန်တည်းမှာပင် သက်တော်စောင့် အများအပြားနှင့်အတူ စောင့်ရှောက်သူချင်သည် မင်းသမီး၏နောက်တွင် ပေါ်လာပြီး ကုန်းယွမ်ကို တိတ်တဆိတ် စိုက်ကြည့်နေသည်။

ရုတ်တရက်အခြေအနေ တင်းမာသွားကာ နိုင်ငံ၏အင်အားစုများ၏ မရေတွက်နိုင်သော ကိုယ်စားလှယ်များ တစ်ယောက်ကိုတစ်ယောက် ကြည့်လိုက်ကြသည်။ နန်းတက်ပွဲ အခမ်းအနားအတွင်း ၎င်းတို့၏ အတွင်းရေး ခိုက်ရန်ဖြစ်ပွားမှုကို ဖော်ထုတ်ခဲ့ပြီးဖြစ်သော်လည်း ကောလိပ်တွင် မမျှော်လင့်ထားသည့် အပြောင်းအလဲများဖြစ်လာသောကြောင့် နန်းတက်ပွဲကို ခေတ္တရပ်နားထားခဲ့သည်။ သို့တိုင် အချိန်ဆွဲနေခြင်းသည် ဤပြဿနာကို မဖြေရှင်းနိုင်ဘဲ ပိုမိုဆိုးရွားလာသည်။

ဒုကျောင်းအုပ်စုရှင်းက မျက်မှောင်ကြုတ်လိုက်သည်။ တော်ဝင်နန်းတွင်းရေးမှာ ခေါင်းခဲစရာဖြစ်ပြီး ဖြေရှင်းချက်မရှိပေ။

ကိုယ်စားအုပ်ချုပ်သူက ဧကရာဇ်ရာထူးကို မက်မောနေပြီး ကုန်းကျင်းယောင်သည် နိုင်ငံကာကွယ်ရေး၀င်္ကပါကို ထိန်းချုပ်ရန် ပျက်ကွက်ခဲ့ပြီး နောက်ဆုံးတွင် ကုန်းယွမ် အား အာဏာရယူရန် ပြီးပြည့်စုံသော အကြောင်းပြချက်ဖြစ်စေခဲ့သည်။

ဒီလိုအခြေအနေမျိုးမှာ ကုန်းယွမ်ကို နောက်ဆုတ်ဖို့ မည်သူ တွန်းအားပေးနိုင်မည်နည်း။

ကုန်းယွမ်ကို တားမြစ်နိုင်သူဆိုလို့ကျောင်းအုပ်ကြီးတစ်ယောက်သာရှိသည်။

ဆွေးနွေးပွဲကျင်းပသည့် ခန်းမအတွင်းတွင် ကုန်းယွမ်သည် တင်းမာသောမျက်နှာနှင့် ပြတ်သားသောအကြည့်ဖြင့် ထိုင်နေခဲ့သည်။

"မင်းတောင်ဘက်ကို ဆုတ်ခွာဖို့စိတ်ကူးထားရင် မင်းရဲ့ဆန္ဒကို ငါ မလိုက်နာဘူး.... ငါ့လူတွေကို မြောက်ဘက်ကိုခေါ်သွားမယ်..."

သူ့စကားကြောင့် မင်းသမီး၏ ဒေါသများ တဟုန်ထိုးတိုးပွားလာပြီး သူမ၏ ခန္ဓာကိုယ်တခုလုံး တုန်ရီသွားသည်။

"ကုန်းယွမ်...ရှင်က မြောက်ပိုင်းကို ခွဲထွက်ပြီး ရှင့်ကိုယ်ရှင် ဧကရာဇ်လို့ ကြေငြာမယ်ပေါ့....."

သေချာသဘောပေါက်လာသောအခါ လူတိုင်း၏အသုံးအနှုန်းများ ပြောင်းလဲသွားသည်။ ကုန်းယွမ်သည် ရှပြည်ထောင်စုကို ခွဲထုတ်ရန် ကြိုးစားနေပုံရသည်။

ယုဟုန်ရှီ၏အမူအရာသည်လည်း လေးနက်လာသည်။

"ကုန်းယွမ်၊ ရှပြည်ထောင်စုက အကျပ်အတည်းနဲ့ ရင်ဆိုင်နေရတာမို့ စည်းလုံးညီညွတ်ရမယ်.... တော်ဝင်နန်းတွင်းမှာတောင် သဘောထားကွဲလွဲနေရင် ပြည်သူတွေပိုပြီး တုန်လှုပ်နေမှာ...."

ဤသည်ကို ကုန်းယွမ်က တည်ငြိမ်သော တုံ့ပြန်မှုဖြင့် တုံ့ပြန်ခဲ့သည်။

"ဒါကြောင့် မင်းတို့အားလုံး ငါ့ကို ကူညီပေးဖို့ တိုက်တွန်းချင်ပါတယ်.....လက်ရှိ ရှပြည်ထောင်စုမှာ အုပ်ချုပ်ဖို့ အရည်အချင်းပြည့်မီတဲ့ ပုဂ္ဂိုလ်တစ်ဦးလိုတယ်....ကုန်းကျင်းယောင်ရဲ့ စွမ်းပကားက ငါနဲ့ ယှဉ်နိုင်မယ်လို့ မင်းထင်လား....."

ပြတ်ပြတ်သားသား မေးခွန်းက အားလုံးကို ငြိမ်သွားစေသည်။

ကုန်းယွမ်သည် အာဏာကို နှစ်ပေါင်းများစွာ ချုပ်ကိုင်ထားခဲ့ပြီး သူသည် ရည်မှန်းချက်ကြီးသည့်တိုင် သူ၏ကိုယ်ပိုင်ခွန်အားကို မည်သူမျှ ငြင်းဆန်နိုင်မည်မဟုတ်ပေ။ အနည်းဆုံးတော့ တော်ဝင်နန်းတော်ဟာ သူတာဝန်ယူစဉ်မှာ သိသိသာသာ အားကောင်းလာခဲ့သည်။

ဒုကျောင်းအုပ်စုရှင်းက ယုဟုန်ရှီကို အဓိပ္ပါယ်ပါပါ စိုက်ကြည့်နေသည်။ ကုန်းယွမ် ၏ ခွန်အားသည် သံသယဖြစ်ဖွယ်မရှိသော်လည်း သူသည် ရိုင်းလွန်းပြီး အာဏာပိုမိုရရှိရန် အဆက်မပြတ်ကြိုးစားနေသည်။ ထို့ကြောင့် ရွေးချယ်ရမယ်ဆိုရင်တော့ မင်းသမီးကိုသာရွေးချယ်ချင်ကြသည်။

ဇူချင်းဟောင်က ရုတ်တရတ် ရယ်မောလိုက်မိသည်။

"ကုန်းယွမ်ရဲ့ ခွန်အားကို အားလုံးမြင်ပြီးသားပါ.... ကမ္ဘာခြားသက်ရှိတွေ ခုခံကာကွယ်ရမယ်ဆိုရင်တော့ ကုန်းယွမ်ကိုသာ တော်ဝင်နန်းတော်ကို ချုပ်ကိုင်ခွင့်ပေးလိုက်ရင် လူတိုင်းစိတ်အေးနိုင်ပါလိမ့်မယ်... ဒါကြောင့် ကျုပ်ကတော့ ကုန်းယွမ်နောက်ကို လိုက်ပြီး မြောက်ပိုင်းဒေသကိုသွားမယ်လို့ ဂျိယန်အိမ်တော်ကိုယ်စား ကြေညာပါရစေ.... "