သဟဇာတဖြစ်မှု.....

လာမည့်ရက်အနည်းငယ်အတွင်း လီလော့ သည် နဂါးငွေ့တန်းကိုးသွယ်ကျင့်စဉ်ကို အာရုံစိုက်ရန် အစိမ်းရောင်နယ်သာ လေ့ကျင့်ရေးကွင်းတွင်သာ နေထိုင်ခဲ့သည်။ ထို့ထက် ပိုအရေးကြီးသည်မှာ သူသည် စည်းလုံးညီညွတ်မှုရရှိစေရန် အရေးကြီးသောကြောင့် ၎င်းသည် တံခွန်အဖွဲ့ဝင်များနှင့် ကောင်းမွန်သော ဆက်ဆံရေးကိုတည်ဆောက်လိုသည်။

သူသည် နဂါးဘိုးဘေးကျမ်းစာအတွက် ဓာတ်ကူပစ္စည်းမျှသာဖြစ်သောကြောင့် အထူးတလည်လေ့ကျင့်ဖို့ မခက်ခဲပေ။ တပ်ခွဲခေါင်းဆောင်၏ ငွေတံဆိပ်ရှိနေသ၍ အဆင်ပြေနေပေလိမ့်မည်။

၎င်းတွင် နဂါးဘိုးဘေးကျမ်းစာကို အသုံးပြုနိုင်သည့် လျှို့ဝှက်ပညာရပ်တစ်ခုပါရှိသည်၊

၎င်းသည် ရှပြည်ထောင်စုမှ တပ်မှူး၏တံဆိပ်နှင့် အနည်းငယ်ဆင်တူသည်။

ဤအရာသာမရှိလျှင် တပ်ခွဲခေါင်းဆောင် သည် တံခွန်အဖွဲ့ဝင်များ၏ခွန်အားကို စုစည်းနိုင်မည်မဟုတ်သလို၊ တစ်ဦးတည်းသာ ကျန်ရှိနေမည်ဖြစ်သည်။

ဒါဟာ အံ့သြစရာတော့ မဟုတ်ပေ။အရေးကြီးဆုံးအချက်မှာ တံခွန်နှစ်ဆယ်သည် ကောင်းကင်ဧကရာဇ်လီသွေးမျိုးဆက်အတွက် လူငယ်အရံတပ်များဖြစ်သည်။ ထိုသို့သောစွမ်းရည်သည် တပ်ခွဲခေါင်းဆောင်သို့မဟုတ် တံခွန်ကိုင်တစ်ယောက်တည်း၏အပိုင်မဟုတ်ဘဲ ကလန်တစ်ခုလုံးနှင့်သက်ဆိုင်ပါသည်။

တံခွန်ကိုင်များသည် အချိန်ကြာလာသည်နှင့်အမျှ စီးဆင်းသွားသော ရေနှင့်တူပေသည်။

တကယ်တော့ တံခွန်အဖွဲ့ဝင်တွေလည်း မထူးမခြားနားပင်......

နှစ်အနည်းငယ်ကြာတိုင်း၊ ထိပ်ပိုင်းခေါင်းဆောင်အချို့သည် ကောင်းကင်နဂါးကလန်ငါးခု၏ အုပ်ချုပ်ရေးပိုင်းသို့ရောက်သွားမည်ဖြစ်ပြီး အအချို့သောသူများသည် အခြားမျိုးရိုးစဉ်ဆက် သို့မဟုတ် စီရင်စုများတွင် အရာရှိများအဖြစ် ရာထူးတိုးကုန်ကြမည်။ နှစ်အနည်းငယ်ကြာတိုင်း၊ အထူးသဖြင့် ထူးချွန်ထက်မြက်သူများသာ မြို့စားအဆင့်သို့တက်လှမ်းပြီး ကမ္ဘာပေါ်တွင် စစ်မှန်သော အထက်တန်းစားများ ဖြစ်လာမည်ဖြစ်သည်။

ထို့အပြင်၊ ဘုရင်အဆင့်သို့ရောက်နိုင်သည့် အထူးအရည်အချင်းရှိသူတစ်ဦးရှိပါက၊ ကောင်းကင်ဧကရာဇ်လီသွေးမျိုးဆက်တွင် ကိုယ်ပိုင်ကလန်တခုကိုပါ စတင်တည်ထောင်နိုင်မည်ဖြစ်သည်။

မျိုးရိုးမတူသူဖြစ်လျှင်ပင် ဘုရင်အဆင့်သို့ရောက်သရွေ့ ၎င်းတို့သည် ထိုသို့လုပ်ဆောင်ရန် အရည်အချင်းပြည့်မီလိမ့်မည်ဟု ဘိုးဘေးများက မိန့်ကြားခဲ့ဖူးသည်။

ထိုအချိန်ရောက်သောအခါ၊ ကောင်းကင်နဂါးကလန်ငါးခုမဟုတ်တော့လဲ ကောင်းကင်နဂါးကလန်ခြောက်ခု ဖြစ်လာပေမည်။

.........................

အစိမ်းရောင်နယ်သာ ပဉ္စမတပ်ခွဲ လေ့ကျင့်ရေးကွင်းတွင်...

ဤသည်မှာ တောင်စောင်းပေါ်တွင် တည်ဆောက်ထားသော ကျယ်ဝန်းသော နယ်မြေဖြစ်ပြီး တစ်ခုစီတွင် နဂါးရုပ်ပုံ ထွင်းထုထားသည့် ထောင်ပေါင်းများစွာသော ကျောက်သားစင်မြင့်များဖြင့် ပြည့်နှက်နေသည်။

ယင်းတို့ကို နဂါးကျောက်တုံးများဟု လူသိများသော တံခွန်အဖွဲ့ဝင်များအတွက် ကျင့်ကြံရာနေရာဖြစ်သည်။

လက်ရှိတွင် စင်မြင့်တစ်ခုပေါ်၌ လူတစ်ယောက် ထိုင်နေသည်။

ပဉ္စမတပ်ခွဲမှတပ်သား ထောင့်ငါးရာစလုံး ဤအရပ်၌ စုဝေးနေကြသည်။

ကျောက်ယန်ဇီ၊ လီရှိနှင့် မုဘီ တို့သည် ငွေနဂါးကျောက်တုံးစင်မြင့်ဆီသို့ လှမ်းကြည့်နေပြီး လူအုပ်ကြီးရှေ့တွင် အံကြိတ်ကာ ရပ်နေကြသည်။

လီလော့ကတော့ အေးအေးဆေးဆေး ထိုင်နေသည်။

လီလော့သည် နဂါးဘိုးဘေးကျမ်းစာကိုအသုံးပြုရာတွင် အဖွဲ့သားများနှင့် သဟဇာတဖြစ်ရန် ပထမဦးဆုံးအကြိမ်အဖြစ်လေ့ကျင့်တော့မည်ဖြစ်သည်။ ထိုသို့အောင်မြင်ပြီးမှသာ ပဉ္စမတပ်ခွဲ၏ ငြင်းမရနိုင်သော ခေါင်းဆောင်အဖြစ် သတ်မှတ်ခံရမည်ဖြစ်သည်။

သို့မှသာ သူသည် ငွေတံဆိပ်ဖြင့် အဖွဲ့ဝင်ထောင့်ငါးရာ၏ စွမ်းအားကို ကွပ်ကဲနိုင်မည်ဖြစ်သည်။

လူများစွာက သူ့ကို ငေးကြည့်နေသော်လည်း လီလော့ စိုးရိမ်သောလက္ခဏာများ မပြခဲ့ပေ။ သူသည် အပြင်ပိုင်းနတ်ဘုရားတိုက်ကြီးမှ လာခဲ့သော်လည်း သူ ကြုံတွေ့ခဲ့ရသော အန္တရာယ်များနှင့် အတွေ့အကြုံများသည် လက်ရှိအဖွဲ့သားများ ဖြတ်သန်းခဲ့သည့် အရာထက် များစွာ ကျော်လွန်နေပါသည်။

"အားလုံးပဲ စလိုက်ကြရအောင်....."

လီလော့၏ အမိန့်ကို လိုက်နာပြီးနောက်၊ အဖွဲ့ဝင် ထောင့်ငါးရာစလုံး ၎င်းတို့၏ စွမ်းအင်များကို ထုတ်လွှင့်ကာ ကျင့်စဉ်များကိုအသီးသီးအသက်သွင်းနေကြသည်။ များမကြာမီ ကွင်းပြင်၌ ၎င်းတို့၏ ပဲ့တင်ထပ်သံစွမ်းအားများမှ တောက်ပသော အလင်းရောင်များ ဖုံးလွှမ်းသွားကာ ပြင်းထန်လွန်းသော နဂါးရိပ်များ တစ်ခုပြီးတစ်ခု လွင့်ပျံလာသည်။

ပြင်းထန်သော အော်ဟစ်သံများကြောင့် ကွင်းပြင်တခုလုံး ပွက်လောရိုက်နေလေသည်။

သို့သော် ဤအော်ဟစ်သံများသည် ကွပ်ကကဲသူမရှိသော တေးဂီတအဖွဲ့ကဲ့သို့ ဖရိုဖရဲဖြစ်ပြီး စည်းမဲ့ကမ်းမဲ့ ဖြစ်နေသည်။

ဒါကိုမြင်တော့ လီလော့ အသက်ပြင်းပြင်းရှူပြီး တပ်ခွဲခေါင်းဆောင်၏ ငွေတံဆိပ်ကိုဆုပ်ကိုင်ပြီး နဂါးငွေ့တန်းကိုးသွယ်ကျင့်စဉ် ကို ချက်ချင်းအသုံးပြုခဲ့သည်။

ထိုအချိန်တွင် သူ၏ခန္ဓာကိုယ်မှ ရွှေရောင်အလင်းတန်းတစ်ခု ဖြာထွက်လာပြီး ကြီးကျယ်ခမ်းနားသော နဂါးအရိပ်တစ်ခု ထွက်ပေါ်လာသည်။ ထို့နောက် ထိုအရိပ်က ကျယ်လောင်စွာ ဟိန်းဟောက်လိုက်လေသည်။

တုန်လှုပ်ချောက်ချားဖွယ်ကောင်းသော ဟိန်းဟောက်သံကြောင့် ကြောက်လန့်တကြား ပျံဝဲနေသော နဂါးအများအပြား တုန်လှုပ်သွားကြသည်။

လီလော့၏ နတ်ဆိုးကျင့်စဉ်သည် အဆင့်အမြင့်ဆုံးဖြစ်ပြီး အဖွဲ့သားများကတော့ တူညီသောကျင့်စဉ်ကိုမှအဆင့်နိမ့်သောကျင့်စဉ်ကိုကျင့်ကြံကြသဖြင့် ၎င်းတို့၏နဂါးအရိပ်က လီလော့ထက် အားနည်းနေမည်မှာသေချာသည်။

ကျောက်ယန်ဇီ၊လီရှိနှင့်မုဘီ တို့ပင်လျှင် လီလော့၏ ရွှေရောင်နဂါးအရိပ်မှ ထွက်ပေါ်နေသော ကြီးစိုးနေသော တည်ရှိမှုကို ခံစားခဲ့ရသည်။

ဒါက သူတို့တွေကို မနာလိုစိတ်နဲ့ ထိတ်လန့်စေခဲ့သည်။ ၎င်းသည် ဒဏ္ဍာရီလာ နဂါးငွေ့တန်းကိုးသွယ်ကျင့်စဉ်ဖြစ်ပြီး တကယ်ကို ထူးခြားပေသည်။

လီလော့သည် ၎င်းတို့ထက် ကြံ့ခိုင်မှု အားနည်းသော်လည်း ထုတ်လွှတ်လိုက်သောနဂါးရိပ်က ၎င်းတို့ထက် များစွာ ဖြူစင်သည်။ ထိုသို့သောကျင့်စဉ်ကို အသုံးပြု၍ အဲ့မိုကွမ်းစွမ်းအင်များကိုသန့်စင်လျှင် မည်မျှထိရောက်မည်ကို စိတ်ကူးကြည့်နိုင်သည်။

ဒါပေမယ့် လီလော့ကတော့ သူတို့သုံးယောက်ရဲ့ မနာလိုမှုကို သတိမပြုမိခဲ့ပေ။ သူသည် နောက်ထပ်ပညာရပ်ဖြစ်သည့် နဂါးဘိုးဘေးကျမ်းစာကို အကောင်အထည်ဖော်ရန် အာရုံစိုက်နေပြီဖြစ်သည်။

ထို့ကြောင့်၊ လီလော့ပတ်လည်ရှိ ရွှေရောင်နဂါးအရိပ်တွင် တဖြည်းဖြည်းနှင့် ဝိညာဉ်စွမ်းအားများ ပြည့်နှက်နေပုံရပြီး ၎င်း၏မျက်လုံးများသည်လည်း တောက်ပနေပါသည်။

နဂါးအရိပ်သည် လူအုပ်ထဲသို့ ဖြည်းညှင်းစွာပျံ့လွင့်သွားပြီး အဖွဲ့သားများ၏ နဂါးအရိပ် ထောင့်ငါးရာနှင့် ရောနှောသွားသည်။

၎င်းထံမှ ရွှေရောင်အလင်းတန်းများ ဖြာထွက်ပြီး အားလုံးကို လွှမ်းခြုံထားသည်။

ဤအခိုက်အတန့်တွင် အချို့သော နဂါးအရိပ်များက ခုခံခြင်းနှင့် ရုန်းကန်ခြင်း လက္ခဏာများ ပြသလာကြသည်။ သို့ရာတွင်၊ ခမ်းနားထည်ဝါသော ရွှေရောင်အလင်းတန်းများ ၎င်းကို ဖုံးအုပ်ထားသည့်အခါ လျင်မြန်စွာ ငြိမ်သက်သွားကြသည်။

နဂါးအရိပ်အများစုကတော့ နာခံစွာဖြင့် ရွှေရောင်အလင်းတန်းနှင့် တစ်ခုပြီးတစ်ခု ပေါင်းစပ်သွားကြသည်။

ဒါကိုမြင်တော့ လီလော့ရဲ့ သဟဇာတဖြစ်အောင် ကြိုးစားမှုဟာ မျှော်လင့်ထားတာထက် ပိုကောင်းလာတာကြောင့် ကျောက်ဇီယန် အနည်းငယ် စိတ်သက်သာရာရသွားခဲ့သည်။

ဤသည်မှာ တပ်ခွဲခေါင်းဆောင် ဖြစ်လာရန် အရေးကြီးဆုံးခြေလှမ်းဖြစ်သည်။

လီလော့သည် သူ၏တံခွန်အဖွဲ့ဝင် ထောင့်ငါးရာနှင့် အောင်မြင်စွာ သဟဇာတဖြစ်ပြီးနောက် စစ်မှန်သော တပ်ခွဲခေါင်းဆောင် အဖြစ် သတ်မှတ်ခံရမည်ဖြစ်သည်။

ပြန်တွေးကြည့်တော့ ဒါဟာ မျှော်လင့်စရာထားသည့်အတိုင်းပင်.....

လီလော့သည် အစိမ်းရောင်နယ်သာခန်းမကို အခုမှ ရောက်ဖူးပြီး သူ့ရဲ့ ခွန်အားက အနည်းငယ် မယုံနိုင်စရာ ဖြစ်နေပေမယ့် နဂါးငွေ့တန်းကိုးသွယ်ကျင့်စဉ်ကို ဆည်းပူးနိုင်ခဲ့သည်။

ပြတ်ပြတ်သားသားပြောရလျှင် နဂါးငွေ့တန်းကိုးသွယ်ကျင့်စဉ်ကိုရရှိခဲ့သည့် လီလော့ကို ကျေးဇူးတင်ရပေမည်။

ပဉ္စမဌာနခွဲတွင် နဂါးငွေ့တန်းကိုးသွယ်ကျင့်စဉ်ကို အသုံးပြုနိုင်သည့် တပ်ခွဲခေါင်းဆောင် တစ်ဦးရရှိလိမ့်မည်ဟု မည်သူမျှထင်မထားကြပေ။

အခုဆို နဂါးကလန်တွင် ရွှေအလင်းတံခွန်ရဲ့ တျန်ဖုန်းရှန်ကလွဲပြီး နဂါးငွေ့တန်းကိုးသွယ်ကျင့်စဉ်ကိုရယူနိုင်သူရှိလာခဲ့ချေပြီ။

ရွှေရောင်အလင်းတန်းထဲသို့ပေါင်းစပ်သွားသော နဂါးအရိပ်များ ပိုများလာကာ ရွှေနဂါးအရိပ်သည်လည်း အံ့အားသင့်ဖွယ်ရာ အရှိန်အဟုန်ဖြင့် ကြီးထွားလာသည်။

ဆယ်မိနစ်လောက်ကြာသောအခါ....

လီလော့ ထိုနေရာတွင် ခဏရပ်ပြီး အံသြသွားသည်။ ကြီးမားလှသော ရွှေနဂါးအရိပ်ကြီးသည် ရွှေရောင်အလင်းတန်းကို သမုဒ္ဒရာထဲတွင် ဖြည်းညှင်းစွာ ကူးခတ်နေပြီး သူ့ရှေ့ရှိ တံခွန်အဖွဲ့ဝင်များကို စိုက်ကြည့်နေသည်။

၎င်း၏ နဂါးအကြေးခွံများသည် အသက်ဝင်သော တောက်ပမှုတို့ဖြင့် တောက်ပနေသည်။

တစ်ချိန်တည်းမှာပင်၊ အလွန်အားကောင်းသော စွမ်းအင်အတက်အကျများ ပင်လယ်လှိုင်းများကဲ့သို့ အရပ်လေးမျက်နှာလုံးတွင် လွင့်ထွက်သွားပြီး လေထုထဲတွင် ကျယ်လောင်သောအသံဖြင့် ပေါက်ကွဲသွားစေသည်။

လီလော့ နှလုံးသားထဲတွင် ထူးဆန်းသော ခံစားချက်တစ်ခု ပေါ်လာသည်။

ဤနဂါးအရိပ်ရှေ့တွင် ကောင်းကင်ပဲ့တင်ထပ်သံအဆင့်များပင်ဒူးတုန်နေပေလိမ့်မည်။

အရေးအကြီးဆုံးမှာ၊ သူသည် ဤအာဏာကို ထိန်းချုပ်ထားကြောင်း ရှင်းရှင်းလင်းလင်း ခံစားရနသည်။

"ဒါဆို သဟဇာတဖြစ်နေပြီပေါ့......"

လီလော့၏ နှလုံးသား ရင်တထိတ်ထိတ်ဖြင့် ခုန်နေသည်။ သူသည် လက်ရှိတွင် အစောပိုင်းနတ်ဆိုးနန်းတော်အဆင့်တွင်သာရှိသော်လည်း သူ၏ကွပ်ကဲမှုအောက်တွင်ရှိသော တံခွန်အဖွဲ့ဝင်များ၏ စွမ်းအားဖြင့် သူ့အဆင့်ထက်ကျော်လွန်သော ရန်သူများကို ချေမှုန်းရန်မှာ တို့ဖူးကိုဓားနှင့်လှီးသလိုလွယ်ကူနေမည်ဖြစ်သည်။

"အစိမ်းရောင်နယ်သာတံခွန်အဖွဲ့ဝင်တွေကို အပြည့်အ၀ စည်းရုံးတဲ့အခါ ဘယ်လောက် အားကောင်းမယ်ဆိုတာ သိဖို့ မစောင့်နိုင်တော့ဘူး"

လီလော့ သူ့အတွေးထဲတွင် ပျောက်ဆုံးနေချိန်တွင် ကျောက်ယန်ဇီ၊မုဘီနှင့်လီရှိ တို့သည် အင်အားပေါင်းစပ်မှုကို ခံစားနိုင်ပြီး လီလော့ကို အံ့သြထိတ်လန့်စွာ ကြည့်နေကြသည်။

"ဂုဏ်ယူပါတယ် အဖွဲ့ခေါင်းဆောင်....သဟဇာတဖြစ်အောင်လုပ်ဖို့ အောင်မြင်ခဲ့ပြီ....."

အနောက်ဘက်ရှိ တံခွန်အဖွဲ့ဝင်များက လီလော့ကို လေးလေးစားစား နှုတ်ဆက်ကြသည်။

"ဂုဏ်ယူပါတယ် အဖွဲ့ခေါင်းဆောင်!!"

လီလော့သည် နူးညံ့သောအပြုံးဖြင့် လက်ကိုဝှေ့ယမ်းလိုက်သည်။ အားလုံးက စီစဉ်ထားတဲ့အတိုင်း ဆက်လက်လည်ပတ်နေသည်။

ယခု သူသည် တံခွန်အဖွဲ့ဝင်များ၏ စွမ်းအားကို စုစည်းနိုင်ခဲ့ပြီး၊ သူ၏နောက်ထပ်စိန်ခေါ်မှုဖြစ်သော နတ်ဆိုးလှိုဏ်ဂူ ခုနှစ်ဆယ့်နှစ်အလွှာအတွက် အဆင်သင့်ဖြစ်နေခဲ့ပြီ.....