ကြယ်စင်များ ဆင်းသက်ခြင်း..... ကမ္ဘာကြီးကို ပေါင်းစည်းရန် မျှော်လင့်ချက်.....

“ရွှေခန္ဓာနယ်ပယ်…”

ကျန်းရှုက ကျန်းဂျန်ကို ကြောင်တက်တက်နဲ့ ကြည့်နေသည်။ သူ စိတ်လှုပ်ရှားနေပေမယ့် စိတ်ငြိမ်သွားပြီးနောက်မှာတော့ ကြောက်စိတ်ဝင်လာသည်။

ကျန်းချန်ရှန်း မတ်တပ်ထရပ်ပြီး တစ်ဖက်ခြမ်းရှိ ခြံဝင်းဆီသို့ လျှောက်မသွားမီ အဝေးက သုံးခွချွန်လှံရှည်ကို ဖယ်ထုတ်လိုက်သည်။ အလေးချိန်ထပ်တိုးပေးရတော့မည်......

ကျန်းဂျန် လေထဲတွင် သူ၏ခွန်အားကို စုစည်းနေဆဲဖြစ်သည်။ ကျန်းရှု တိတ်တဆိတ် ထွက်ခွာမသွားမီ အချိန်အတော်ကြာအောင် စောင့်ကြည့်နေခဲ့သည်။

ပိုင်ချီက ကျန်းဂျန်ကို မော့ကြည့်ပြီး ....

"ဘီလူးတစ်ကောင် မွေးလာပြန်ပြီ" ဟု ရေရွတ်လိုက်သည်။

ကျန်းဂျန် တိုက်ပွဲတွင် မည်မျှ ထက်မြက်မည်ကိုကြိုတွေးကြည့်နိုင်သည်။သူက ပင်အန်းထက်တောင် ပိုသန်မာသည်။ ပင်းအန်းက လူဆယ်ယောက်ကို ခွန်အားသက်သက်ဖြင့် အနိုင်ယူနိုင်သော်လည်း ကျန်းဂျန်က အစွမ်းထက်သောသိုင်းပညာများပါတတ်ကျွမ်းထားသည်။

ဓားနတ်ဘုရားက သူ့မုတ်ဆိတ်မွေးတွေကို ပွတ်သပ်ပြီး ပြုံးနေကာ သူ့မျက်လုံးတွေက မျှော်လင့်ချက်တွေနဲ့ ပြည့်နေသည်။

"တစ်ယောက်ယောက်ကတော့ တစ်ကမ္ဘာလုံးမှာ နာမည်ကြီးလာတော့မယ်...."

ခုနစ်ရက်အကြာတွင် ကျန်းဂျန်သည် အံ့ဖွယ်ကံကြမ္မာကုန်သည်အသင်းမှ ပေးအပ်သော ငွေသံချပ်ကာကို ၀တ်ဆင်ခဲ့သည်။ သူသည် လက်ထဲတွင် သုံးခွချွန်လှံကို ကိုင်ထားပြီး ခေါင်းမော့ရင်ကော့၍နန်းတော်ထဲသို့ဝင်လာခဲ့သည်။သူသည် နုပျိုဆေးများကိုသောက်သုံးထားသဖြင့် အသက်နှစ်ဆယ့်ငါးနှစ်အရွယ်လို့ပင်ထင်ရသည်။

လမ်းတစ်လျှောက်တွင် ဘုရင်ခံများ၊ မိန်းမစိုးများနှင့် နန်းတွင်းအစေခံများက သူ့ကို ထိတ်လန့်တကြားကြည့်နေကြသည်။

ဘယ်လောက်တောင် ချောမောတဲ့ ဗိုလ်ချုပ်လဲ!

ညီလာခံခန်းမတွင် အရာရှိများစုရုံးနေကြသည်။

နဂါးပလ္လင်ပေါ်တွင်ထိုင်နေသော ကျန်းရှုက ကျန်းဂျန်ကို မြင်လိုက်သည်နှင့်....

“ တာဝန်ရှိသူတို့...တကျန်းရဲ့ နံပါတ်တစ် ဗိုလ်ချုပ်ကြီးနဲ့တွေ့ဆုံကြပါစို့...!”

အားလုံး လှည့်ကြည့်လိုက်တော့ ကျန်းဂျန်က နဂါးတစ်ကောင်လိုဝံ့ကြွားစွာ ခန်းမထဲသို့ လျှောက်လာသည်ကို တွေ့လိုက်ရသည်။

အံ့ဖွယ်ကံကြမ္မာကုန်သည်အသင်းမှပေးသောချပ်ဝတ်တန်ဆာသည် အမှန်ပင် တန်ခိုးကြီးသည်ဟု ဆိုရပေမည်။ အလွန်လက်ရာမြောက်ပြီး ကြီးစိုးတဲ့ ချပ်ဝတ်တန်ဆာကို သူတို့ ပထမဆုံးအကြိမ် တွေ့ဖူးခြင်းပင်......

ကျန်းဂျန်က ခန်းမအလယ်မှာရပ်ပြီး ကျန်းရှု ကို အရိုအသေပြုနေသည်။ သူ့စိတ်လှုပ်ရှားမှုကို ထိန်းထားဖို့ ခက်ခက်ခဲခဲ ကြိုးစားနေရရှာသည်။

ကျန်းရှုက ကျန်းဂျန် ကို ငုံ့ကြည့်ကာ.....

"ဒီနေ့ မင်းကို တာဝန်တခုပေးအပ်မယ်....ကျန်းဂျန်ကို နတ်ဘုရားဗိုလ်ချုပ်အဖြစ်ခန့်အပ်မယ်.....ညီတော်ကိုး မင်း ဘယ်တပ်ကိုဦးဆောင်ချင်လဲ ...."

အရပ်ဘက်နှင့် စစ်ဘက်အရာရှိများအားလုံး ကျန်းဂျန်ကို ကြည့်လိုက်ကြသည်။

ကျန်းဂျန်က ဂုဏ်ယူစွာဖြင့် .....“ဒီညီငယ်က စစ်တပ်ကို ဦးဆောင်ဖို့ မလိုပါဘူး....ငါကိုယ်တိုင် တပ်ဖွဲ့မယ်.....အရှင်မင်းကြီး..ဒီညီငယ်ကို စစ်မြေပြင်သို့ အမြန်စေလွှတ်တော်မူပါ.... ဒီညီငယ်က တိုက်ပွဲဝင်ချင်စိတ်ကို အနှစ်သုံးဆယ်ကြာအောင် ထိန်းထားခဲ့တာ!”

ထို့နောက် နဖူးပေါ်ရှိ အဝတ်စကို ဆွဲချွတ်ကာ တတိယမျက်လုံးကို ထုတ်ဖော်လိုက်ရာ အရာရှိများ အံ့အားသင့်စွာ အော်ဟစ်လိုက်ကြသည်။

ကျန်းဂျန်သည် ယခုနှစ်တွင် အသက် 45 နှစ်ရှိပြီဖြစ်ပြီး ကျန်းချန်ရှန်းထံတွင် သိုင်းပညာ လေ့ကျင့်ခဲ့သည်။

ဒီနေ့ကစပြီး သူ့တတိယမျက်လုံးကို ဖုံးကွယ်တော့မှာ မဟုတ်ပေ။

သူ့မျက်ခုံးကြားက ဒေါင်လိုက်မျက်လုံး ပွင့်သွားပြီး ကျန်းရှုရဲ့ နှလုံးခုန်နှုန်းကို ပိုမြန်စေခဲ့သည်။

မျက်လုံးသုံးလုံး ......

ကျန်းဂျန်သည် မြင့်မြတ်သော ဗိုလ်ချုပ်၏ အမူအရာရှိပြီး အလွန်ဂုဏ်သိက္ခာရှိသည်။ ကျန်းရှု ဒါကိုမြင်ဖူးတာ ပထမဆုံးမဟုတ်ပေမယ့် ထပ်တွေ့တဲ့အခါ ထိတ်လန့်နေဆဲပင်.....

"မင်းကို ထျန်းကန် စီရင်စုလေးခုကို သွားခွင့်ပြုမယ်.... ဟုန်ရွှမ်းကို အနိုင်ယူခဲ့ပါ...."

“ဟုတ်!”

ကျန်းဂျန် ပြုံးပြီး ချက်ချင်း လှည့်ထွက်သွားသည်။

လှည့်ကြည့်လိုက်တော့ အားလုံးက သူ့မျက်ခုံးကြားမှာ ဒေါင်လိုက်မျက်လုံးကို မြင်လိုက်ရပြီး အံ့သြသွားကြသည်။

မျက်လုံးသုံးလုံး? ဘယ်လို ဖြစ်နိုင်မှာလဲ.....

ကျန်းဂျန်သည် ရွှေရောင်အလင်းတန်းတစ်ခုအဖြစ်သို့ ပြောင်းလဲသွားပြီး ညီလာခံအခန်းမှထွက်ကာ မိုးကုတ်စက်ဝိုင်းသို့ ပျောက်ကွယ်သွားခဲ့သည်။

“ ဗိုလ်ချုပ်မှာ တတိယမျက်လုံးရှိနေတယ်....”

"ဒါဆို တော်ဝင်မိသားစုရဲ့ မွေးရာပါအမှတ်အသားဖွင့်လို့ရတယ်ပေါ့...."

"အရမ်းမိုက်တယ်.... သူက တကယ့်စစ်မှန်တဲ့ဘုရားသခင်ပဲ!"

“နဝမမင်းသားက တာအိုဘိုးဘေးနဲ့ သိုင်းပညာ လေ့ကျင့်နိုင်တာ အံ့သြစရာမရှိတော့ဘူး.... သူက တကယ်ကို အရည်အချင်းရှိတယ်......”

" အခု ဟုန်ရွှမ်းမင်းဆက် ဒုက္ခရောက်တော့မယ်......ဟားဟား!"

ကျန်းရှုက တာဝန်ရှိသူများ၏ ဆွေးနွေးချက်ကို နားထောင်ရင်း ပြုံးလိုက်သည်။ ထိုအချိန်တွင် သူသည် စိုးရိမ်မှုများကို လျှော့ချလိုက်ပြီး အဆုံးမဲ့မျှော်လင့်ချက်များနှင့် ပြည့်နေခဲ့သည်။

ဟုန်ရွှမ်းမင်းဆက်၏ အပြောင်းအလဲသည် သူ့အပေါ် ကြီးမားသော ဖိအားဖြစ်စေခဲ့သည်။တုံးဟိုင်မင်းဆက်နဲ့ ယှဉ်ရင် ဟုန်ရွှမ်း မင်းဆက်ကို ပိုမုန်းတီးသည်။

“ဧကရာဇ်ဟုန်ရွှမ်း၊....ငါ့ရဲ့ မယုံကြည်နိုင်လောက်တဲ့ ရွှေကိုယ်ခန္ဓာ နယ်ပယ် ကျွမ်းကျင်သူ ရောက်လာပြီ....မင်းဘယ်လို ခုခံမှာလဲ......"

ကျန်းရှု၏နှုတ်ခမ်းများ တွန့်ကွေးသွားပြီး သူ့မျက်လုံးများထဲတွင် ကြည်နူးမှုအပြည့်နှက်နေသည်။

ခြံဝင်းထဲတွင် ပိုင်ချီ နှင့် ဓားနတ်ဘုရားတို့က ကျန်းဂျန် ထွက်သွားသည်ကို စောင့်ကြည့်နေခဲ့သည်။

ပင်းအန်းက ရုတ်တရက်.... “ဆရာ… ပင်းအန်း… နောက်ပြီး… ပင်းအန်း… ကာကွယ်ချင်တယ်…"

စိတ်လှုပ်ရှားနေသဖြင့် စကားလုံးတွေအဆီအငေါ်မတည့်တော့ပေ။

ကျန်းချန်ရှန်းက ပြုံးလိုက်ပြီး . “သွားပါ....ဂျန်အာရဲ့ စကားကို နားထောင်ပြီး ဝုန်းဒိုင်းကြဲမပစ်ရဘူး နားလည်လား...”

ပင်းအန်းက ခေါင်းညိတ်လိုက်ပြီး ချက်ချင်းပင် သူ့လက်ကို မြှောက်လိုက်ပြီး ရွှေတူတူကြီးနှစ်ချောင်း သူ့လက်ထဲသို့ ပြေးဝင်လာသည်။ ထို့နောက် ကျန်းဂျန် နောက်ကို လိုက်သွားခဲ့သည်။

ပိုင်ချီ က... "ဒီနှစ်ယောက် လက်တွဲရင် ဟုန်ရွှမ်းမင်းဆက် ပျက်စီးမှာသေချာတယ်...."

ပင်းအန်း နဲ့ ကျန်းဂျန် က လက်ချင်းချိတ်ပြီး...စစ်တပ်ကို ဘယ်လိုရင်ဆိုင်ရမလဲ မတွေးဝံ့တော့ပေ....

ဒီမှတ်ချက်က ဓားနတ်ဘုရားကို ရယ်မောစေခဲ့သည်။ သူ့တံမြက်စည်းပေါ်လက်တင်ကာ ပြုံးပြုံးလေးဖြင့် ...."အင်း...ဒီကောင်လေးနှစ်ယောက်က ပြီးပြည့်စုံတဲ့ လိုက်ဖက်မှုပဲ"

ကျန်းချန်ရှန်းက ပြုံးပြီး တရားထိုင်ဖို့ မျက်လုံးမှိတ်ထားလိုက်သည်။

သူ့ရဲ့နောက်ဆုံးအောင်မြင်မှုဟာ လေးဆယ့်တစ်နှစ်ကြာခဲ့ပါပြီ။ တတ်နိုင်သမျှ ဖြတ်ကျော်ဖို့ ကြိုးစားအားထုတ်ရမယ်....

လွန်ခဲ့သည့်ရက်အနည်းငယ်က သူ့ခွန်အားက အမွှေးတိုင်အရေအတွက် 1,700,000 နှင့် ညီမျှကြောင်း တွက်ချက်ခဲ့သည်။ သူတော်တော်လေး တိုးတက်လာသည်ဟုဆိုရမည်။

ထျန်းကန်နယ်စပ်တွင်.....

မြို့ရိုးပေါ်တွင် ချပ်ဝတ်တန်ဆာ ၀တ်ဆင်ထားသည့် ချန်းလီက စိုးရိမ်မှုဖြင့် အဝေးကို လှမ်းကြည့်သည်။ သဲကန္တာရရဲ့ အဆုံးမှာ ထူထပ်တဲ့စစ်တပ်ကို မြင်နေရသည်။ ထိုနေရာသည် ဟုန်ရွှမ်းမင်းဆက်၏စစ်တပ် တပ်စွဲထားသောနေရာဖြစ်သည်။ မိုင်ရာပေါင်းများစွာ လွှမ်းခြုံထားသောကြောင့် ၎င်းတို့၏ ခွန်အားကို အတိအကျ တွက်ချက်ရန် ခက်ခဲသည်။

စစ်သူကြီးတစ်ဦးက ချန်းလီ၏ဘက်သို့ ရောက်ရှိလာပြီး ...."ဗိုလ်ချုပ်... အနားယူလိုက်ပါဉီး.... ဒီမှာနေဖို့က အရမ်းအန္တရာယ်များတယ်...."

ရန်သူဘက်တွင် အစစ်အမှန်နတ်ဘုရားနယ်ပယ်ရှိခဲ့သဖြင့် မြှားဖြင့်ပစ်ခတ်လိုက်မယ်ဆို ချန်းလီ သေဆုံးသွားနိုင်သည်။

သူတို့ဘက်တွင် အစစ်အမှန်နတ်ဘုရားနယ်ပယ်များလည်းရှိသော်လည်း အစစ်အမှန်နတ်ဘုရားနယ်ပယ်များလည်း အနားယူရန် လိုအပ်ပါသည်။

ချန်းလီက သက်ပြင်းချလိုက်ပြီး.... “ရန်သူအင်အားတွေ တိုးလာနေတုန်းပဲ။ ငါဘယ်လိုအိပ်နိုင်မှာလဲ....."

သူ့နည်းဗျူဟာတွေက ပြောင်မြောက်တယ်လို့ ယုံကြည်ပေမယ့် အင်အားကွာဟချက်က တိကျတဲ့ နည်းဗျူဟာတွေ ဘယ်လောက်ပဲ ပြောင်မြောက်နေပါစေ၊ အသုံးမဝင်တော့ပေ။

လက်ရှိတွင်၊ ဟုန်ရွှမ်းမင်းဆက်၏ အင်အားသည် ၎င်းတို့ထကိ ဆယ်ဆကျော်လွန်ကာ တိုးမြင့်နေဆဲဖြစ်သည်။

ဗိုလ်ချုပ်စကားပြောခါနီးတွင် မြေငလျင်လှုပ်သွားသကဲ့သို့ ပြင်းထန်စွာ တုန်လှုပ်သွားသည်။ စစ်သားအားလုံး တုန်လှုပ်ခြောက်ခြားစွာဖြင့် လက်နက်များ ကိုင်ဆောင်လိုက်ကြသည်။

အနားယူနေသော ဟုန်ရွှမ်း ၏စစ်တပ်လည်း ထိတ်လန့်သွားသည်။

အစစ်အမှန်နတ်ဘုရားနယ်ပယ်တစ်ယောက် တဲမှထွက်၍ အဝေးမှ အထီးကျန်မြို့ကို လှမ်းကြည့်လိုက်သည်။

ဖြစ်ပျက်ခဲ့တာကို မသိပေမယ့် ဘေးဆိုးကြီးရောက်လာသလို လွန်စွာ စိတ်မသက်မသာ ခံစားနေရသည်။

ရုတ်တရက် မျက်လုံးပြူးပြီး တစ်မြို့တည်းသောမြို့၏နောက်ကွယ်မှ တိမ်ပင်လယ်ကိုဖြတ်ကျော်လာသော လူရိပ်နှစ်ခုကို သတိထားမိလိုက်သည်။

ဒီအော်ရာ......

"ရန်သူလာပြီ.... တိုက်ပွဲအတွက် ပြင်ဆင်ကြ!”

အစစ်အမှန်နတ်ဘုရားနယ်ပယ်က ကျယ်လောင်စွာအော်လိုက်သည်။ သူ့အသံက စစ်တပ်စခန်းတစ်ခုလုံး ကျယ်လောင်စွာ မြည်ဟီးနေတာကြောင့် လူတိုင်းကြားနိုင်သည်။

အဆိုပါလူရိပ်နှစ်ခုမှာ ကျန်းဂျန်နှင့်ပင်းအန်း တို့ဖြစ်သည်။

"ဟားဟား၊ အကိုကြီး၊ ဘယ်သူ ပိုသတ်နိုင်လဲ ကြည့်ရအောင်!"

ကျန်းဂျန်က ကျယ်လောင်စွာ ရယ်မောလိုက်သည်။ ဆင်းသက်ပြီး သူ့ရာထူးကို မြို့စောင့်ဗိုလ်ချုပ်တွေဆီ သတင်းပို့ဖို့ မရည်ရွယ်ထားပေ။

ဟုန်ရွှမ်းရဲ့ စစ်တပ်အလံကို သူမြင်ဖူးပြီးသားမို့ 'ဟုန်ရွှမ်း' ဟူသော စကားလုံးသည် ရန်သူများဖြစ်ကြောင်း သက်သေပြရန် လုံလောက်ပါသည်။

ရန်သူတွေဆိုမှာတော့ သေကြတော့ပေါ့....

သူစကားပြောပြီးသည်နှင့် ရုတ်တရက် လျှပ်စီးလက်သလို မြန်ဆန်လာသည်။

ဝုန်းးးးးး

သူတို့နှစ်ဦးစလုံး အလွန်လျင်မြန်ပြီး သူတို့၏အော်ရာက ကြောက်မက်ဖွယ်ကောင်းလှသည်။ ချန်းလီနှင့် မြို့ရိုးပေါ်ရှိ စစ်သားများသည် ကောင်းကင်ကြီး ပြိုကျသွားသလို ခံစားလိုက်ရသည်။ သူတို့ မသိစိတ်က မျှော်ကြည့်ရင်း မြို့တံတိုင်းကိုဖြတ်ပြီး ရန်သူ့တပ်စခန်းဆီသို့ အလွန်လျင်မြန်သော အရှိန်ဖြင့် ဆင်းသက်သွားသူနှစ်ယောက်ကိုမြင်လိုက်ရသည်။

မကြာခင်မှာပဲ ချန်းလီနဲ့ တခြားသူတွေ အံသြသွားကြပြီး သူတို့ ဘဝမှာ ဘယ်တော့မှ မေ့မရနိုင်တဲ့ မြင်ကွင်းတစ်ခုကို တွေ့လိုက်ရသည်။

ကျန်းဂျန် နှင့် ပင်းအန်းတို့သည် ကောင်းကင်မှ ကြွေကျလာသော ဥက္ကာခဲများကဲ့သို့ အဝေးမှ မြေပြင်ပေါ်သို့ ဆင်းသက်ခဲ့ကြသည်။ သူတို့၏ ကြောက်မက်ဖွယ်အရှိန်အဟုန်သည် ရေလွှမ်းမိုးမှုကဲ့သို့ ဖုန်မှုန့်များနှင့် ကျောက်စရစ်များကို ဖြိုခွင်းကာ မြေကြီးကို တုန်လှုပ်စေပြီး ကြီးကျယ်ခမ်းနားသော မြင်ကွင်းတစ်ခု ဖန်တီးခဲ့သည်။

ကြောက်မက်ဖွယ်ကောင်းသော တိုက်ခိုက်မှုများကြောင့် စစ်သားများစွာ မြေပြင်ပေါ်သို့ လဲကျသွားသည်။ ချန်လီတောင်မှ သူ့မျက်နှာကို ဖုံးထားဖို့ကလွဲလို့ ရွေးစရာမရှိတော့ပေ။

“ဘယ်သူလဲ… ဒီလို အသွင်အပြင်မျိုးနဲ့ဆို အစစ်အမှန်နတ်ဘုရားနယ်ပယ်မဟုတ်တာသေချာတယ်.....တကျန်းရဲ့ ရွှေခန္ဓာနယ်ပယ် ကျွမ်းကျင်သူဆို... ဗိုလ်ချုပ်ပင်းအန်းပဲဖြစ်ရမယ်.... ဒါပေမယ့် နောက်တစ်ယောက်က ဘယ်သူလဲ......"

ချန်းလီ အံ့သြသွားသော်လည်း သူ့စိတ်ထဲတွင် ရှုပ်ထွေးမှုများနှင့် ပြည့်နှက်နေသည်။

ဟုန်ရွှမ်း စစ်စခန်းသည် သက်ရှိငရဲဖြစ်လာသည်။ ကျန်းဂျန်သည် လက်တစ်ဖက်ဖြင့် လှံရှည်ကိုကိုင်ကာ မြေပြင်ပေါ်သို့ ဆင်းသက်လာသည်။ အစစ်အမှန်နတ်ဘုရားနယ်ပယ်သုံးယောက်သည် ချက်ချင်းပင် ပြေးလာသည့်အခါ ကျန်းဂျန် ဟစ်အော်လိုက်ပြီး တစ်ခဏချင်းတွင်၊ အစစ်အမှန်နတ်ဘုရားနယ်ပယ်သုံးယောက်ကို ဖြိုခွဲလိုက်သည်။ ၎င်းတို့၏ခန္ဓာကိုယ်များ တစ်ချိန်တည်းတွင် ပေါက်ကွဲထွက်ကာ စစ်မြေပြင်တွင် သွေးများ စီးကျလာခဲ့သည်။

ကျန်းဂျန်၏ မျက်နှာပေါ်တွင် သွေးများစွန်းထင်းနေသည်။ သူ၏ ဒေါင်လိုက်မျက်လုံးသည် သွေးများဖြင့် စွန်းထင်းနေပြီး စူးရှသော အေးစက်သော အလင်းရောင်ဖြင့် ဖျတ်ခနဲ တုန်ခါသွားသည်။ ထို့နောက် သူသည် လူအုပ်ဆီသို့ ပြေးဝင်သွားသည်။

ပင်းအန်းသည်လည်း သတ်ဖြတ်ခြင်းနတ်ဘုရားအဖြစ်သို့ ပြောင်းလဲသွားခဲ့သည်။ သူ၏ တူနှစ်ချောင်းသည် ရန်သူစစ်သားများကို လေကဲ့သို့ ရိုက်လိုက်သဖြင့် စိတ်လှုပ်ရှားစွာ ဟောက်လိုက်သည်။ သူ့ကို ဘယ်သူမှ မတားနိုင်ခဲ့ပေ။

ဟိန်းဟောက်သံများနှင့် အော်ဟစ်သံများ ရောယှက်နေသဖြင့် အဝေးမှ တကျန်း၏ စစ်သားများ ကြောက်ရွံ့တုန်လှုပ်သွားကြသည်။ အဝေးမှပင် အစုလိုက်အပြုံလိုက် သတ်ဖြတ်ခံရမှု ဘယ်လောက်ထိ ကြောက်စရာကောင်းသည်ကို သူတို့ ခံစားသိရှိနိုင်သည်။

နိုဝင်ဘာလအစတွင်......

ရွှေနန်းတော်တွင် တာဝန်ရှိသူများ တိတ်ဆိတ်နေ၏။ ကျန်းရှုပင်လျှင် မှုန်ဝါးသောအမူအရာရှိသည်။

အရာရှိဟောင်းတစ်ဦးက ခန်းမအတွင်းရှိအစောင့်တပ်သားကို စိုက်ကြည့်ကာ တုန်လှုပ်သောအသံဖြင့် “ထပ်ပြောပါဉီး…"

အစောင့်တပ်သားက ကျယ်လောင်သောအသံဖြင့် .....“ဗိုလ်ချုပ်ကျန်းဂျန်နဲ့ဗိုလ်ချုပ့ ပင်းအန်းအတူလက်တွဲပြီး စစ်သည် ၁.၂ သန်းကို ချေမှုန်းခဲ့တယ်..."

ကျန်းရှုသည် ကျန်းဂျန် ကျိန်းသေအနိုင်ရမည်ဟုသိသောကြောင့် ဝတ်ဖြူတော်

အစောင့်များအား ခန်းမအတွင်း သတင်းပို့ရန် တောင်းဆိုခဲ့သည်။ သို့သော်လည်း ရလဒ်ကြောင့် သူ အံ့အားသင့်နေဆဲပင်....

၎င်းတို့နှစ်ဦးသည် စစ်သား ၁.၂ သန်းကို သုတ်သင်ခဲ့သည်။

အဲဒါက သာမာန်မင်းဆက်မဟုတ်ဘူး.....

ဤစစ်သား 1.2 သန်းသည် သိုင်းပညာရှင်များဖြစ်ပြီး အစစ်အမှန်နတ်ဘုရားနယ်ပယ်များလည်းပါဝင်သည်။

ခန်းမအတွင်း အကြီးအကျယ် ရုန်းရင်းဆန်ခတ်ဖြစ်ခဲ့ပြီး အသံလှိုင်းများ လွှမ်းမိုးသွားခဲ့သည်။

အရပ်ဘက်နှင့် စစ်ဘက်အရာရှိများသည် တန်ခိုးကြီးသော စစ်ဗိုလ်ချုပ်ကြီးနှစ်ဦး၏ အင်အားကြောင့် အံ အလွန်စိတ်လှုပ်ရှားခဲ့ကြသည်။ ဤအခိုက်အတန့်တွင် သူတို့သည် တိုက်ကြီးကို ပေါင်းစည်းရန် တကျန်း၏ မျှော်လင့်ချက်ကို နောက်ဆုံးတွင် တွေ့လိုက်ရသည်။

ကျန်းရှု ငြိမ်သက်သွားပြီး အသက်ပြင်းပြင်းရှူလိုက်ကာ....“ကျွန်ုပ်ရဲ့အမိန့်ကို အတည်ပြုပြီး ဒီရလဒ်ကို စီရင်စု ၇၂ ခုစလုံးမှာ ကြေညာပါ..... ငါ့ညီငယ် ဘယ်လောက် အစွမ်းထက်တယ်ဆိုတာ တကျန်းက နိုင်ငံသားအားလုံးကို သိစေချင်တယ်......”

“ဟုတ်!”

အရပ်ဘက်နှင့် စစ်ဘက်အရာရှိများ စိတ်လှုပ်ရှားနေကြပြီး တည်ငြိမ်မှု မရှိသေးပေ။

ကျန်းချန်ရှန်းက သစ်ပင်ပေါ်တွင် ထိုင်ကာ လီကျွင်း၏ စိတ်လှုပ်ရှားဖွယ်ရာ သတင်းကို နားထောင်သည်။ သို့သော် သူ့တွင် တုံ့ပြန်မှု များများစားစား မရှိပေ။ လက်ရှိတွင် သူက ကျန်းဂျန်နှင့်ပင်းအန်းတို့ကို အကန့်အသတ်မရှိသော မျက်လုံးများဖြင့် စိုက်ကြည့်နေပြီး စကြဝဠာနယ်ပယ် ကျွမ်းကျင်သူပေါ်လာပြဖိး ၎င်းတို့ကို တိုက်ခိုက်မည်ကို စိုးရိမ်နေသည်။

ဒီကလေးနှစ်ယောက်က အရမ်းမိုက်မဲလွန်းတယ်.....နောက်လိုက်တပ်တွေကို မစောင့်ဆိုင်းဘဲ ဟုန်ရွှမ်းမင်းဆက်နယ်မြေထဲကို တိုက်ရိုက်ဝင်ရောက်သွားကြတယ်....

နဂါးသွေးကြောတိုက်ကြီးတွင် အင်အားစုအမျိုးမျိုးစိမ့်ဝင်နေသောကြောင့် စကြဝဠာနယ်ပယ် ကျွမ်းကျင်သူ သို့မဟုတ် ရွှေခန္ဓာနယ်ပယ် ကျွမ်းကျင်သူများစွာ ရှိကောင်းရှိနိုင်ပါသည်။

ပိုင်ချီက သက်ပြင်းချလိုက်ပြီး.... "မျှော်လင့်ထားသလိုပဲ၊ ဒီကလေး ကျန်းဂျန်လည်း လူသတ်နတ်ဘုရားပဲ...အတော်အာဏာရှင်ဆန်တယ်...."

ဓားနတ်ဘုရားက ဘာမှမှတ်ချက်မပေးခဲ့ပေ။ မင်းဆက်တွေကြားက စစ်ပွဲတွေမှာ လူသေကောင်တွေ တောင်လိုပုံပြီး သွေးချောင်းစီးမည်ကိုရှောင်လွှဲလို့မရပေ။

ဟုန်ရွှမ် မင်းဆက်သာ လက်နက်ချခဲ့ရင် အသေအပျောက် လျော့နည်းသွားပေလိမ့်မည်။