ဇာတ်ခုံ(ဃ)

သူသည် ဤဇာတ်ခုံ၏ ဖန်တီးရှင်ဖြစ်သည်။ သို့သော် သူသည်လည်း ကစားပွဲထဲမှ ဇာတ်ကောင်တစ်ကောင် ဖြစ်သည်။ သူက သူ့ကိုယ်သူ ပုံရိပ်ပန်းချီထဲသို့ ပေါင်းစပ်ထားပြီး သူ၏ အသက်စွမ်းအားကို အသုံးပြု၍ ကခုန်နေခြင်း ဖြစ်သည်။

သူ၏ အကသည် ထူးခြားပြီး ချောက်ချားဖွယ်ကောင်းသော်လည်း ယင်းက ဘာသာတရားကိုင်းရှိုင်းသော အပြုအမူကို ဖြစ်ပေါ်စေသည်။

အဘယ့်ကြောင့်ဆိုသော် ယင်းက ယင်ယန်ပန်းပွင့်ဂိုဏ်း၏ ယဇ်ပူဇော်အကဖြစ်သောကြောင့် ဖြစ်သည်။

ယဇ်ပူဇော်အကသည် အနီရောင်လဗိမာန်မှ လူများအတွက် မဟုတ်ပေ။ ယင်းက နတ်ဘုရားကို ဖျော်ဖြေပေးရသော အကဖြစ်သည်။

ထိုအကသည် နတ်ဘုရားများရှိသော ဒေသကြီးများတွင် တည်ရှိသည်။ ယင်း၏ ဇစ်မြစ်သည် နီလာနတ်သမီးကဲ့သို့ အိပ်စက်ခြင်းကို နှစ်သက်သော နတ်ဘုရားများ၏ အလေ့အကျင့်မှ ဖြစ်ပေါ်လာခြင်း ဖြစ်သည်။

သို့သော်လည်း အတိတ်တွင် နီလာနတ်သမီးသည် အိပ်စက်နေခြင်းမှ အချိန်မရွေး နိုးထလာနိုင်သည်။

သို့သော်လည်း လက်ရှိအခြေအနေအရ သူ့အတွက် နိုးထရန် အတော်လေး ခဲယဉ်းပေသည်။

မည်သို့ဖြစ်ပါစေ နတ်ဘုရားတစ်ပါးက နှစ်ချိုက်စွာ အိပ်မောကျနေစဉ် သူတို့သည် အိမ်မက်စွမ်းအားကို ထုတ်လွှတ်လိမ့်မည်။

နတ်ဘုရားများ၏ အိမ်မက်များသည် ဤအက၏ ဇစ်မြစ်စွမ်းရည်ဖြစ်သည်။ သူတို့က နတ်ဘုရားများ၏ အိမ်မက်ကို အသုံးပြု၍ ဧရိယာတစ်ခုကို လွှမ်းခြုံပစ်နိုင်သည်။

ထိုဧရိယာအတွင်းရှိ အရာအားလုံးသည် သက်ရောက်ခံရလိမ့်မည်။ ကံကြမ္မာသော်လည်းကောင်း ဘဝသော်လည်းကောင်း သက်ရောက်ခံရလိမ့်မည်။ သက်ရှိအားလုံး၏ အတွေးများသည် ဗလာဖြစ်သွားအောင် ပယ်ဖျက်ခံရလိမ့်မည်။

ယဇ်ပူဇော်အကသည် သူတို့၏ ဆန္ဒအတိုင်း ကိုယ်ပိုင်အဆိုကို သက်ရှိများထဲသို့ ထည့်သွင်းနိုင်စေပြီး အရောင်အသွေးစုံလင်သော အိမ်မက်တစ်ခုကို ဖန်တီးနိုင်စေမည်။

နတ်ဘုရားများသည် နှစ်ချိုက်စွာ အိပ်ပျော်နေစဉ် အိမ်မက်အကြောင်းကို မသိရှိနိုင်ကြပေ။ သူတို့နိုးလာသည့်အခါမှသာ အိမ်မက်များသည် ပေါ်ထွက်လာကြပြီး သူတို့ကို ဖြေဖျော်ပေးလိမ့်မည်။

သူတို့က အိမ်မက်ကို သဘောကျသည့်အခါ ယင်းကို ကောင်းချီးပေးလိမ့်မည်။

ယင်ယန်ပန်းပွင့်ဂိုဏ်း၌ ဂိုဏ်းခွဲအများအပြားရှိနေရသည်မှာ ထိုအကြောင်းရင်းကြောင့်ပင် ဖြစ်သည်။

ဂိုဏ်းခွဲတိုင်းတွင် ယဇ်ပူဇော်အကရှိသည်။ သူတို့၏ ကျင့်ကြံခြင်းနှင့် အတိတ်တုန်းက ကောင်းချီးရရှိခဲ့မှုများပေါ်မူတည်၍ သူတို့လွှမ်းခြုံနိုင်သော ဧရိယာနှင့် စွမ်းရည်များသည် ကွဲပြားခြားနားကြသည်။

အဆုံးမဲ့ကောင်းကင်နွားတောင်တန်းဒေသကို လွှမ်းခြုံထားသော နတ်ဘုရားအိမ်မက်နယ်မြေ၏ ဖန်တီးရှင်ဖြစ်သည့် အဖိုးအိုသည် ဤတစ်ကြိမ် သူ၏ ယဇ်ပူဇော်အကကို နတ်ဘုရားက သဘောကျလိမ့်မည်ဟု ခံစားနေမိသည်။

“ ပြီးတော့ ဒီတစ်ခေါက် အိမ်မက်ထဲမှာ အပြင်လူတချို့လည်း ပါဝင်နေတယ်… ”

“ အဲ့ဒါက ပိုပြီးစိတ်ဝင်စားစရာကောင်းလာပြီ ”

အဖိုးအိုသည် တဖန်တင်ပျဉ်ခွေထိုင်လိုက်သည်။ သူ၏ မျက်လုံးထဲမှာ အဓိပ္ပာယ်ရှိသော အကြည့် ထွက်ပေါ်လာပြီး အက်ရှရှအသံဖြင့် ပြောသည်။

တူညီသော စကားသည် ခေါင်းဆောင်၏ နှုတ်မှ နူးညံ့စွာ ထွက်ပေါ်လာသည်။

သူ၏ မျက်နှာပေါ်မှာ လေးနက်သော အဓိပ္ပာယ်ဖြင့် အပြုံးတစ်ခု ရှိသည်။ သို့သော်လည်း ယင်းက မျက်တောင်တစ်ခါခတ်ချိန်မျှသာ ကြာမြင့်ခဲ့သည်။ သူက ကျောဆန့်လိုက်ပြီး လှပသော မျက်လုံးဖြင့် သူ၏ ဘေးမှ အစောင့်တစ်ဦးကို ကြည့်လိုက်သည်။

ထိုအစောင့်သည် အမူအရာကင်းမဲ့စွာ လိုက်ပါလာနေသည်။ ထိုသူသည် ရုပ်ဖျက်ထားသော ရွှီချင်းမှလွဲ၍ တခြားလူမဟုတ်ပေ။

ရွှီချင်း၏ စိတ်သည် အနည်းငယ် ပရမ်းပတာဖြစ်နေသည်။ ဖြစ်ခဲ့သမျှကိစ္စများနှင့်ပတ်သက်ပြီး တစ်စုံတစ်ခု လွဲမှားနေသည်ဟု သူခံစားမိသည်။ အရာအားလုံးက အဆင်ပြေချောမွေ့စွာ ဆက်သွားနေခြင်းသည် သူ၏ သံသယများထဲမှ တစ်ခုသာ ဖြစ်သည်။

ဥပမာ ဤအခိုက်အတန့်တွင် သူက ကောင်းကင်ပေါ်မှ ငှက်တစ်ကောင်ကို ကြည့်နေသည်။

ငှက်သည် လေထဲမှာ အသက်ရှူချိန်အနည်းငယ်ကြာ ရပ်သွားခဲ့သည်။ ၎င်းက ထိုနေရာတွင် ပိတ်မိနေသည့်အလားပင်။

မူးဝေသော ခံစားမှုသည် ရွှီချင်း၏ အသိစိတ်ထဲသို့ ရိုက်ခတ်လာပြီး သူ၏ အမြင်အာရုံသည် ဝေဝါးလာသည်။ ထပ်ဆင့်ပုံရိပ်လွှာများသည် လုံးလုံးမပျောက်ကွယ်သွားခင်အထိ တဖြည်းဖြည်း အားနည်းလာသည်။

ဤသည်မှာ ငှက်က ထိုနေရာတွင် မည်သည့်အခါကမှ မရပ်သွားခဲ့သည့်အလား အဝေးသို့ ပျံသန်းသွားနေပြီ ဖြစ်သည်။

ရွှီချင်းသည် မျက်လုံးမှေးကျဉ်းလိုက်ပြီး ရုတ်တရက် သူ၏ ညာလက်ကို မြှောက်လိုက်ကာ အဝေးမှ ငှက်ကို ဖမ်းဆုပ်လိုက်သည်။ ထိုငှက်က အတုလား အစစ်လား သူစစ်ဆေးချင်သည်။

ငှက်၏ ခန္ဓာကိုယ်သည် တုန်ယင်လာပြီး ၎င်း၏ လမ်းကြောင်းသည် ပြောင်းလဲသွားသည်။ ၎င်းက ရွှီချင်းဆီသို့ ပျံသန်းသွားသည်။

သို့သော်လည်း ငှက်က ရွှီချင်း၏ လက်ထဲသို့ ပြုတ်ကျသွားသည့်အခိုက် ဘေးပတ်ဝန်းကျင်သည် ရုတ်တရက် ပုံပျက်တွန့်လိမ်လာသည်။ ဝေဝါးပြီး မူးနောက်သော အာရုံခံစားမှုသည် ထပ်မံထွက်ပေါ်လာသည်။

ဤတစ်ကြိမ်သည် ယခင်အကြိမ်များထက် ပိုပြီးပြင်းထန်သည်။ အဘယ့်ကြောင့်ဆိုသော် ဘေးပတ်ဝန်းကျင်မှ မင်္ဂလာယာဉ်တန်းအဖွဲ့သည် ဤအခိုက်အတန့်မှာ အမှန်တကယ် ရပ်သွားကြသည်။

သူတို့အားလုံးသည် ခေါင်းလှည့်လိုက်ကြပြီး ရွှီချင်းကို တစ်ပြိုင်နက်တည်း ကြည့်လိုက်ကြသည်။ သူတို့၏ အမူအရာသည် ရုပ်သေးရုပ်ပမာ တောင့်တောင့်ကြီးဖြစ်နေပြီး မျက်လုံးသည် အသက်ဓာတ်ကင်းမဲ့နေသည်။

ရွှီချင်း၏ ခန္ဓာကိုယ်သည် ရုတ်တရက် ရပ်သွားသည်။ သူ၏ လက်ထဲမှ အထိအတွေ့အရ ဤငှက်သည် အစစ်အမှန်ဖြစ်ကြောင်း ရှင်းလင်းစွာ သူနားလည်လိုက်သည်။ ငှက်သည် နှလုံးခုန်နေပြီး ကိုယ်တွင်းအပူချိန်လည်း ရှိသည်။

ဘေးပတ်ဝန်းကျင်မှ လူတိုင်းက သူ့အား ဝိုင်းကြည့်နေကြသော မြင်ကွင်းသည် အလွန်ထူးဆန်းသောကြောင့် ရွှီချင်းသည် ဦးရေပြားထုံကျင်ခြင်းကို ခံစားသွားရသည်။ အသက်နှစ်ခါရှူချိန်ကြာပြီးနောက် ရွှီချင်းသည် ငှက်ကို ပြန်လွှတ်ပေးလိုက်သည်။

ငှက်သည် လေထဲသို့ မြန်ဆန်စွာ ပျံသန်းသွားပြီး မူလလမ်းကြောင်းဆီသို့ ပြန်ရောက်ရှိသွားသည်။ ၎င်းက ယခင်ကအတိုင်း ဆက်လက် ပျံသန်းသွားသည်။

ဤသည်မှာ ထိုလမ်းကြောင်းသို့ သွားရမည်ဟု ကံကြမ္မာက ၎င်းကို သတ်မှတ်ပေးထားသည့်အလားပင်။

ဘေးပတ်ဝန်းကျင်မှ လူများသည် ဘာမှမဖြစ်ခဲ့သည့်အလား ခေါင်းပြန်လှည့်လိုက်ကြပြီး အရှေ့သို့ ဆက်လက် ရွေ့လျားသွားကြသည်။ သူတို့၏ အမူအရာသည် ချက်ချင်း ပုံမှန်ပြန်ဖြစ်သွားပြီး ဝမ်းသာပျော်ရွှင်မှုဖြင့် ပြည့်နှက်လာသည်။

တေးသီချင်းသံသည် ဆက်လက် ပျံ့လွင့်နေပြီး ပန်းပွင့်များသည် မြေပြင်ပေါ်သို့ ပြန့်ကျဲသွားနေကြသည်။

ရွှီချင်းသည်သာ နှလုံးခုန်မြန်လာပြီး ခေါင်းဆောင်ကို ကြည့်လိုက်သည်။

ခေါင်းဆောင်သည် ရွှီချင်းကို လေးနက်သော အဓိပ္ပာယ်ဖြင့် ကြည့်လိုက်သည်။

ထိုအကြည့်က သူ့ကို မကြာခဏ ခေါင်းဆောင်ပြောခဲ့ဖူးသော စကားတစ်ခွန်းကို ပြန်အမှန်ရသွားစေသည်။

“ ချင်းလေး… ငါ့ကို ယုံကြည်ပါ ”