ပဉ္စမတပ်ခွဲ၏ ပထမအောင်ပွဲ....

ကြီးမားလှသော စွမ်းအင်ကွင်းဆက်သည် မြွေတစ်ကောင်လို လေဟာနယ်ကိုဖြတ်သွားကာ နတ်ဆိုးခေါင်းဆောင်၏ အကာအကွယ်များကို ထိုးဖောက်ကာ ၎င်း၏ရင်ဘတ်ကို ထိုးဖောက်ဝင်ရောက်သွားသည်။

ရုန်းကန်နေရသော်လည်း၊ စွမ်းအင်ကြိုးများ တဖြည်းဖြည်း စုပုံလာပြီး နတ်ဆိုးခေါင်းဆောင်သည် ပိတ်မိနေခဲ့သည်။

ကျုံးလင် ထိုမြင်ကွင်းကြောင့် ဝမ်းသာသွားပြီး ပြုံးလိုက်မိသည်။

ပထမတပ်ခွဲသည် ကျုံးလင်၏ နာမည်ကို စိတ်လှုပ်ရှားစွာ ကျယ်လောင်စွာ အော်ဟစ်လိုက်လေသည်။

ယခင်ထိပ်တိုက်ရင်ဆိုင်မှုတွင်၊ နတ်ဆိုးခေါင်းဆောင်ကို ကျုံးလင်ကသာ ဖိနှိပ်ခဲ့ရသည်။ ယင်းက ကျုံးလင်၏ စွမ်းဆောင်နိုင်မှုနှင့် သဟဇာတဖြစ်မှု၏ စွမ်းအားကို ရှင်းရှင်းလင်းလင်းပြသနေခြင်းပင်.....

တစ်နည်းအားဖြင့် သူသည် အစိမ်းရောင်နယ်သာ တံခွန်တွင် အငြင်းပွားစရာမရှိသော နံပါတ်တစ်ဖြစ်သည်။

ကျုံးလင် နတ်ဆိုးခေါင်းဆောင်ကို ချောင်ပိတ်ပြီးနောက် သူသည် လက်ဟန်တံဆိပ်များစွာကို ဖန်တီးခဲ့သည်။ ဤတံဆိပ်ခတ်နည်းသည် နဂါးပါးစပ်ဖွင့်ခြင်းကဲ့သို့ ထူးခြားသည်။

တံခွန်အဖွဲ့ဝင်များသည် လက်ဟန်တံဆိပ်ကြောင့် အံ့အားသင့်သွားပြီး.....

"ခေါင်းဆောင်...နဂါးခံတွင်းပညာရပ်ကိုသုံးတော့မလို့လား.... ဒါက ကောင်းကင်နဂါးလျှပ်စီးကြိမလေ့လာခြင်းရဲ့ ရလဒ်လို့ကြားဖူးတယ်....."

"နတ်ဆိုးခေါင်းဆောင် ဒီတစ်ခါ အဆုံးသတ်ပြီ....."

"ဟား၊ ပထမတပ်ခွဲက နောက်ထပ် အလွှာတစ်ခုကို ရှင်းဖို့ တာဝန်ယူမယ်!"

တံခွန်အဖွဲ့ဝင်များက အောင်ပွဲခံနေကြသည်။

ထိုအချိန်တွင်၊ ကျုံးလင်၏ ပါးစပ် ရုတ်တရက် ဖောင်းလာပြီး သူဖန်တီးထားသောစည်းတံဆိပ်ပေါ်သို့ မှုတ်ထုတ်လိုက်သည့်အခါ လွှမ်းမိုးချုပ်ကိုင်ထားသော စွမ်းအားများ လွှမ်းခြုံထားသော စွမ်းအင်များ ထွက်ပေါ်လာသည်။

ထိုစဉ် ကောင်းကင်မှ မြစ်တစ်စင်းက ရုန်းကန်နေရသော နတ်ဆိုးခေါင်းဆောင်ဆီသို့ ခမ်းနားသော စွမ်းအားများဖြင့် စီးဆင်းသွားသလိုပင်....

ကျုံးလင်၏ အပြုံး ပို၍ကျယ်ပြန့်လာသည်။

နဂါးငွေ့တန်းနှင့် နတ်ဆိုးခေါင်းဆောင်တို့ထိမိတော့မည်ဖြစ်သောကြောင့် ပထမဌာနခွဲ၏တံခွန်အဖွဲ့ဝင်များအားလုံး သူတို့ပတ်ဝန်းကျင်တွင် ပြင်းထန်စွာလှုပ်ခတ်လာသည်ကိုတွေ့ရှိသည့်အတွက် တုန်လှုပ်သွားကြသည်။ ငြိမ်သက်နေသောရေမျက်နှာပြင်ကို ရိုက်ခတ်လာသော ကျောက်စရစ်ခဲများကဲ့သို့ လှိုင်းလုံးများ ပြန့်ကျဲလာသည်။

သူတို့ သတိပြန်ဝင်လာသည့်အခါ သဟဇာတဖြစ်မှုအခြေအနေကနေ ဖယ်ထုတ်ခံလိုက်ရသည်ကို ခံစားလိုက်ရသည်။ တစ်ချိန်တည်းမှာပင် ၎င်းတို့သည် နတ်ဆိုးတောင်ထွတ်၏ အနက်ရောင်ခန်းမအပြင်ဘက်သို့ ရောက်နေကြသည်။

ကျုံးလင် အပါအဝင် ပထမတပ်ခွဲတစ်ခုလုံး တုန်လှုပ်ချောက်ချားသွားခဲ့သည်။

ရုတ်တရက်ကြီး ဘာလို့ဒီလိုပြီးဆုံးသွားတာလဲ ....

ကြည့်ရတာ ကျုံးလင် အောင်မြင်ခဲ့ပြီထင်တယ်..

"ခေါင်းဆောင်ကျုံးလင်၊ ပထမတပ်ခွဲက ထပ်ပြီးအောင်ပွဲခံခဲ့ပြန်ပြီ . တခြားတပ်ခွဲတွေအားလုံး ငါတို့ကိုကျေးဇူးတင်ရမှာ...."

အလားတူပင်၊ အစိမ်းရောင်နယ်သာတံခွန် ၏ အခြားသော တပ်ခွဲလေးခုစလုံး အနက်ရောင်ခန်းမအဝင်ဝတွင် စတင်ပေါ်လာသည်။ ဒုတိယ၊ တတိယနှင့် စတုတ္ထတပ်ခွဲမှ လက်အောက်ခံခေါင်းဆောင်များက ကျုံးလင်ကို ပြုံးပြပြီး ချီးကျူးစကားဆိုနေကြသည်။

ထိုသုံးသင်းထဲက အဖွဲ့ဝင်တွေကလည်း သဘောကျစွာ ခေါင်းညိတ်နေကြသည်။

"မင်းကတကယ်ပဲ အစိမ်းရောင်နယ်သာတံခွန်ရ​ြ့ အသန်မာဆုံး ခေါင်းဆောင်ပါ....ပထမတပ်ခွဲက အလွှာနှစ်ဆယ်ကို အရင်ရှင်းပစ်လိုက်တာပဲ...."

"အနာဂတ်မှာ ခေါင်းဆောင် ကျုံးလင်သာ ဦးဆောင်မယ့်ဆို အစိမ်းရောင်နယ်သာတံခွန် အတွက် ပိုမကောင်းဘူးလား..."

လူအုပ်ကြီး၏ ချီးမွမ်းသံများကြားနေရသည့်တိုင် ကျုံးလင်သည် အပြုံး သို့မဟုတ် ဂုဏ်ယူသည့် အရိပ်အယောင်မျှ မပြခဲ့ပေ။ အဲဒီအစား သူ စိတ်ရှုပ်နေခဲ့သည်။

ပထမတပ်ခွဲ၏ တံခွန်အဖွဲ့ဝင်များသည်လည်း တိတ်ဆိတ်ငြိမ်သက်နေကြသည်။

ထိုအချိန်တွင် လက်အောက်ခံအဖွဲ့ခွဲ (၃)ခုမှ ခေါင်းဆောင်များ တစ်စုံတစ်ခု မှားယွင်းနေကြောင်း သဘောပေါက်လာသည်။

"ဟဲဟဲ၊ နင်တို့အားလုံး လူမှားပြိး ဂုဏ်ပြုနေကြတာပဲ.....နှစ်ဆယ့်ရှစ်လွှာကို ပဉ္စမတပ်ခွဲက ရှင်းပစ်လိုက်တာ...."

ထိုအချိန်တွင် ဘေးမှ ရယ်မောသံများ ထွက်ပေါ်လာသည်။

တစ်ဖက်ကိုလှည့်ကြည့်လိုက်တော့ ပဉ္စမတပ်ခွဲကိုတွေ့တော့ အားလုံး အံ့ဩသွားကြသည်။

ထိုစကားလုံးများသည် ကျောက်ယန်ဇီဆီမှထွက်လာ​ခြင်းပင်.....

"ခေါင်းဆောင်လီလော့က အလွှာနှစ်ဆယ့်ရှစ်က နတ်ဆိုးခေါင်းဆောင်ကိုအနိုင်ယူခဲ့တာလား"

ဒုတိယတပ်ခွဲခေါင်းဆောင်က အံ့အားသင့်စွာမေးလိုက်သည်။

"ဒါက လိမ်လို့ရတဲ့အရာမှမဟုတ်တာ.... အတည်ပြုချက်ရဖို့အတွက် အကြီးအကဲတွေကို စစ်ဆေးခိုင်းလို့ရနေတာပဲ" ဟု မုဘီက ရယ်မောကာ ပြန်ပြောခဲ့သည်။

အခြားတပ်ခွဲလေးခုမှ အဖွဲ့ဝင်များအားလုံး စကားတစ်ခွန်းမှ မပြောဘဲ လီလော့ဘက်သို့ လှည့်ကြည့်ကာ တုန်လှုပ်သွားကြသည်။

အရင်တုန်းကတော့ ပဉ္စမတပ်ခွဲက သူတို့ကြားထဲမှာ တိုးတက်မှုအနှေးကွေးဆုံးဖြစ်ခဲ့သည်။

ထိုသို့သော အစွန်းရောက်ပြောင်းလဲမှုသည် ၎င်းတို့၏ အဖွဲ့ခေါင်းဆောင်အသစ် လီလော့နှင့် ပတ်သက်မှုတစ်ခုခုရှိခဲ့ကြောင်း ထင်ရှားနေသည်။

အခြားသူများ၏အကြည့်များကို ခံစားရသောအခါ ပဉ္စမတပ်ခွဲအဖွဲ့ဝင်များ မိမိတို့ကိုယ်ကို ဂုဏ်ယူ​နေကြသည်။ထို့ကြောင့် ၎င်းတို့၏ ခေါင်းဆောင်အပေါ် အသိအမှတ်ပြုမှုနှင့် ပံ့ပိုးမှုအသစ်များ ​​ဖြစ်ပေါ်လာခဲ့သည်။

"ဟီးဟီး.....ခေါင်းဆောင်လီလော့က တကယ်ကို အံ့သြစရာပဲ.... အနာဂတ်မှာ နောက်ထပ် သူရဲကောင်းတစ်ယောက် ထပ်ပေါ်လာဦးမှာပါ...."

အခြားတပ်ခွဲသုံးခုမှ ခေါင်းဆောင်များက လီလော့ကို ကြင်နာ၍ဖော်ရွေသောလေသံဖြင့် ချီးကျူးကာ ပြုံးပြကြသည်။

နောက်ဆုံးတော့ သူတို့နဲ့ လီလော့ ကြားမှာ ပြိုင်ဆိုင်မှု သိပ်မရှိခဲ့ပေ။ တံခွန်ကိုင်ရာထူးက သူတို့အတွက် မရည်ရွယ်ဘူးဆိုတာ သူတို့သိကြသည်။ ယခု လီလော့အနေဖြင့် ထိုကဲ့သို့ အံ့သြဖွယ်ကောင်းသည့် စွမ်းရည်များကို ဆက်လက်ပြသနေသဖြင့် နောင်တွင် ကျုံးလင်ကို ကျော်တက်သွားနိုင်သည်မှာ အမှန်ပင်ဖြစ်ပေသည်၊ ထို့ကြောင့် သူ့အပေါ် ရန်လိုနေကြမည်မဟုတ်ပေ။

လီလော့ကလည်း ပြန်ပြုံးပြပြီး ယဉ်ကျေးစွာ တုံ့ပြန်ခဲ့သည်။

ပထမတပ်ခွဲမှာ နာမလိုသူအချို့က.....

"မင်းတို့ ဘာကို ဂုဏ်ယူနေတာလဲ....ကံကောင်းလို့ တစ်ကြိမ်လောက်လေး အောင်ပွဲခံနိုင်ခဲ့တာမလား.... ငါတို့က နတ်ဆိုးခေါင်းဆောင်ကို သတ်ခါနီးနေပြီ......"

သို့သော် ဤစကားလုံးများကို အားလုံးကမကြားချင်ယောင်ဆောင်နေကြသည်။ ဒုတိယနေရာက ပထမနေရာနဲ့ ဘယ်လောက်နီးနီး ဘယ်သူမှ ဂရုစိုက်ကြမည်မဟုတ်ပေ။

ကျုံးလင်၏အမူအရာ ခဏတာပြောင်းလဲသွားပြီးနောက် ခံစားချက်များကို ထိန်းထားနိုင်ခဲ့သည်။ သူ့မျက်နှာမှာ ဘာအမူအရာမှမရှိဘဲ လက်ဝှေ့ယမ်းပြီး .....

"ပထမတပ်ခွဲ.... အလွှာနှစ်ဆယ့်ကိုးထဲကို ဝင်ဖို့ ပြင်ဆင်ကြတော့" ဟု အနည်းငယ် အုံ့မှိုင်းသော အသံဖြင့် အမိန့်ပေးခဲ့သည်။

ပထမတပ်ခွဲကလူတိုင်းက တစ်ယောက်ကိုတစ်ယောက် ကြည့်နေကြသည်။နာရီပေါင်းများစွာကြာအောင် ပြင်းထန်သောတိုက်ပွဲများဆင်နွှဲခဲ့ရပြီး ယခုတော့ အနားယူခြင်းမရှိဘဲ အလွှာနှစ်ဆယ့်ကိုးကို စိန်ခေါ်တော့မည်လား။

ယခင်အတွေ့အကြုံများကို အခြေခံ၍ ဤအချိန်တွင် အနားယူသင့်သည်။ အထူးသဖြင့်၊ ၎င်းတို့၏ တံခွန်အဖွဲ့ဝင် အများအပြားသည် အလွှာနှစ်ဆယ့်ရှစ်ကို သိမ်းပိုက်ပြီးချိန်တွင် ဒဏ်ရာရပြီး စစ်မြေပြင်မှ ဖယ်ရှားခံခဲ့ရသည်။ ခဏလောက် အနားယူလိုက်ရင် တချို့က ပြန်ကောင်းလာပြီး နောက်ပိုင်းမှာ တိုက်ပွဲအတွက် ပြန်ပါဝင်လာနိုင်သည်။

တံခွန်အဖွဲ့ဝင်အချို့က ကျုံးလင်ကို ဖြောင်းဖျဖို့ ကြိုးစားခဲ့သော်လည်း သူ့အုံ့မှိုင်းသောအမူအရာကိုမြင်သောအခါတွင် မည်သူမျှ ထပ်မံပြောဆိုဝံ့ခြင်းမရှိခဲ့ပေ။

ကျုံးလင်နှင့်ပထမတပ်ခွဲအဖွဲ့ဝင်များ နတ်ဆိုးလှိုဏ်ဂူသို့ ပြန်သွားသည်ကိုကြည့်ရင်း ကျန်တပ်ခွဲလေးခု အနည်းငယ် အံ့အားသင့်သွားကြသည်။ နောက်ဆုံးတွင် ဒုတိယ၊ တတိယနှင့် စတုတ္ထတပ်ခွဲခေါင်းဆောင်များက မချိပြုံးပြုံးနေကြသည်။

"ပဉ္စမတပ်ခွဲ....ဒီနေရာမှာ ခဏအနားယူကြမယ်...."

လီလော့ ခပ်အေးအေး အမိန့်ပေးလိုက်သည်။

ကျုံးလင်၏ လုပ်ရပ်သည် စိတ်ပျက်အားငယ်နေပုံပေါ်သည်။ ထုံးစံအတိုင်း သူသည် လိုက်လျောညီထွေ ဖြစ်မည်မဟုတ်ပေ။

ကျောက်ယန်ဇီကလည်း....

"ကုသရေးပိုင်းကျွမ်းကျင်တဲ့ တံခွန်အဖွဲ့ဝင်တွေ.... အစောပိုင်းက ဖယ်ရှားခံခဲ့ရတဲ့ ဒဏ်ရာရအဖွဲ့ဝင်တွေကို ကုသပေးဖို့ လိုက်ခဲ့ကြ...."

ဒါကိုကြားတော့ တံခွန်အဖွဲ့ဝင်တချို့က ထလာပြီး ဒဏ်ရာအပြင်းအထန်ရပြီး စောစောက ဖယ်ရှားခံခဲ့ရသူတွေကိုကုသပေးဖို့ ကျောက်ယန်ဇီနောက်ကို လိုက်သွားကြသည်။

လီလော့ကတော့ တင်ပျဉ်ခွေထိုင်ကာမျက်လုံးများကိုမှိတ်ထားပြီး ရေအလင်းပဲ့တင်ထပ်သံနန်းတော်ကိုအာရုံစိုက်နေသည်။

နန်းတော် အတွင်းပိုင်းကို အာရုံစိုက်လိုက်သောအခါ၊ နှစ်ဆယ့်ရှစ်အလွှာတွင် သူ၏အစောပိုင်းအောင်ပွဲမှရရှိသော အဲ့မိုကွမ်းစွမ်းအင် အမျှင်တစ်ရာ့နှစ်ဆယ် ခံစားသိရှိနိုင်သဖြင့် ဝမ်းသာမှုများသူ့နှလုံးသားကို လွှမ်းခြုံသွားသည်။

၎င်းသည် အဆင့်မြင့် မူလနတ်ဆိုးဆေးလုံး နှစ်ဆယ်ကျော်နှင့် ညီမျှသည်။

၎င်းသည် အစိမ်းရောင်နယ်သာတံခွန်ကိုင်အတွက် လစဉ်ထောက်ပံ့ကြေးနှင့်လည်း ညီမျှသည်။

နတ်ဆိုးလှိုဏ်ဂူမှ ဆုလာဘ်များသည် နတ်ဆိုးနန်းတော်အဆင့်များအတွက် တကယ်ပင် အံ့ဩစရာဖြစ်သည်။

အရေးကြီးဆုံးအချက်မှာ ဤအရာသည် အလွှာနှစ်ဆယ့်ရှစ်မျှသာဖြစ်သည်။ နောက်ထပ်အလွှာတွေ တိုးလာရင် ဆုလာဘ် ဘယ်လောက်ကြီးမားလာမည်နည်း.....

ယင်းကြောင့် လီလော့လို အေးဆေးတည်ငြိမ်သူတစ်ဦးပင်လျှင် မတုန်လှုပ်ဘဲမနေနိုင်တော့ပေ။

ဤအခိုက်အတန့်တွင်၊ ၎င်းသည် ကောင်းကင်နဂါးကလန်ငါးခု၏ တံခွန်အဖွဲ့ နှစ်ဆယ်များကြားတွင် နတ်ဆိုးလှိုဏ်ဂူနာမည်ကြီးနေရခြင်းအကြောင်းအရင်းကို နောက်ဆုံးနားလည်သဘောပေါက်ခဲ့သည်။

"အလွှာနှစ်ဆယ့်ရှစ်ကိုရောက်ဖို့ ဆယ်နာရီလောက်ကြာတယ်... ငါတို့အနားယူချိန်အပါအဝင်၊ သုံးရက်အတွင်း အလွှာသုံးလွှာရှင်းနိုင်ရင် ကောင်းမှာပဲ.....အဲဒါက ငါ့အတွက် အဲ့မိုကွမ်းစွမ်းအင်အမျှင် ငါးရာလောက် ပေးလိမ့်မယ်.....“

ဤအရှိန်အဟုန်ဖြင့်၊ သူသည် သုံးလအတွင်း သူ၏ ပဲ့တင်ထပ်သံနန်းတော်နှစ်ခုကို နှောင်းပိုင်းအဆင့်ထိရောက်အောင်မြှင့်တင်နိုင်မည်ဖြစ်သည်။

အမှန်တော့....ဒီထက်တောင် ကျော်လွန်သွားနိုင်ပေသည်။

ယင်းနောက် လီလော့သည် အဖွဲ့သားများကို လေးနာရီကြာ အနားယူစေပြီး ကျောက်ယန်ဇီနှင့် အဖွဲ့သားအချို့က တံခွန်အဖွဲ့ဝင် အယောက်နှစ်ဆယ်ကျော်ကို သက်သာအောင်ကုသဖို့ ကြိုးပမ်းခဲ့သည်။ ၎င်းတို့သည် တိုက်ပွဲအင်အားအများစုကို ပြန်လည်ရရှိပြီး နတ်ဆိုးလှိုဏ်ဂူ တွင် ဆက်လက်တိုက်ပွဲဝင်ရန် အဆင်သင့်ဖြစ်ခဲ့ကြသည်။

သို့သော်လည်း ဒါဇင်နဲ့ချီတဲ့ တံခွန်အဖွဲ့ဝင်တွေ ဒဏ်ရာအပြင်းအထန်ရခဲ့ပြီး နောက်တိုက်ပွဲမှာ မပါဝင်နိုင်ကြတော့ပေ။

ပဉ္စမတပ်ခွဲသည် လီလော့၏ဉီးဆောင်မှုအောက်တွင် စိတ်ဓာတ်မြင့်မားပြီး ခွန်အားများစွာကို စုစည်းထားသည်။ ယင်းက တစ်ချိန်တည်းတွင် အတူဝင်တော့မည့် ဒုတိယ၊ တတိယ၊ စတုတ္ထတပ်ခွဲတို့ကို အံ့အားသင့်စေခဲ့သည်။ ပဉ္စမတပ်ခွဲ၏ အံ့မခန်းစွမ်းဆောင်ရည်များနှင့် ယုံကြည်မှုများ ပြန်လည်ရောက်ရှိလာသည်မှာ သံသယဖြစ်စရာပင်။

ဒါတွေအားလုံးဟာ ပဉ္စမတပ်ခွဲခေါင်းဆောင်အသစ် လီလော့ရဲ့ ကျေးဇူးကြောင့်ပင်.....

လီလော့ကတော့ တည်ငြိမ်နေပြီး ရိုးရှင်းစွာ အမိန့်ပေးပြီးနောက် ခွန်အားပြည့်ဝသော ပဉ္စမတပ်ခွဲနှင့်အတူ သူ၏ဒုတိယမြောက်အောင်ပွဲအတွက် နတ်ဆိုးလှိုဏ်ဂူသို့ ချီတက်ခဲ့ကြသည်။