နဂါးငွေ့တန်းကိုးသွယ်ပညာရပ်....လျို့ဝှက်သောပင်လယ်ရောင်ခြည်.......

လုချင်းမိန်၏နောက်ကွယ်တွင် တောက်ပနေသော ကိုးရောင်ခြယ်ရွှေသမင်ကြီး ပေါ်လာသောအခါ၊ ဖန်သားကျိုင်းသည် အရိပ်တခုသဖွယ် ကောင်းကင်သို့ လွင့်ပျံသွားလေသည်။ ၎င်းသည် မြင့်မြတ်သောအကြေးခွံတံခွန်အဖွဲ့၏ ပထမတပ်ခွဲမှ စုစည်းထားသော သဟဇာတဖြစ်မှုအခြေအနေမှ ထုတ်လွှတ်သော စွမ်းအင်အားလုံးကို လှုံ့ဆော်ပေးသည့် စွမ်းအင်များကိန်းအောင်နေသော ကောင်းကင်ထောက်တိုင်တစ်ထုအဖြစ်ပြောင်းလဲသွားသလိုပင်......

တစ်ချိန်တည်းမှာပင် ဆူနာမီကဲ့သို့ ကြောက်စရာကောင်းသော ဖိအားတစ်ခု ကျဆင်းလာကာ အောက်ဘက်ရှိ လူတိုင်းကို မွန်းကြပ်စေခဲ့သည်။

လုချင်းမိန် ပြောခဲ့သလိုပင်.... သူမသည် သူတို့ကို အနိုင်ရရန် အခွင့်အရေးပေးခဲ့သော်လည်း ယှဉ်ပြိုင်တိုက်ခိုက်ချိန်တွင် သနားညှာတာမှုကင်းမဲ့နေလိမ့်မည်။

ထို့ကြောင့် လီလော့ မိုးကြိုးနဂါးအသက်ရှုသံကို အသက်သွင်းလိုက်သောအခါ သူမသည်လည်း ကိုယ်ပိုင် နဂါးငွေ့တန်းကိုးသွယ်ပညာရပ်ကို အသက်သွင်းခဲ့သည်။

ကောင်းကင်၌ စုစည်းထားသော စွမ်းအင်များသည် လှိုင်းလုံးကြီးများဖြင့် ပြည့်နှက်နေသော မုန်တိုင်းထန်သော သမုဒ္ဒရာကြီးကဲ့သို့ ပျက်ပြယ်သွားကာ အဆက်မပြတ် ရိုက်ခတ်နေလေသည်။

ထိုအချိန်တွင် လုချင်းမိန်သည် ဖန်သားကျိုင်းကို အောက်သို့ လွှဲယမ်းလိုက်သည်။

သမုဒ္ဒရာ နှစ်ခြမ်းကွဲသွားသလိုပဲ၊ နက်နဲတဲ့ အလင်းတန်းကြီးတစ်ခု ထွက်လာပြီး ၎င်းသည် အာဏာရှင်ဆန်သည့် ခံစားချက်ကို ထုတ်လွှတ်လိုက်ပြီး သဘာဝ စွမ်းအင်အားလုံးကို ဖြတ်သွားသည်နှင့်အမျှ အပိုင်းပိုင်းကွဲသွားခဲ့သည်။

အလင်းတန်းများ ဖြတ်ကျော်သွားသောအခါ သူမ၏အောက်ရှိ တောင်တန်းများပြိုကျကုန်ပြီး မြေပြင်သည်ပင် မှန်ကဲ့သို့ ချောမွေ့သွားသည်။

နဂါးငွေ့တန်းကိုးသွယ်ပညာရပ်...လျို့ဝှက်သောပင်လယ်ရောင်ခြည် ......

လီလော့ အလင်းတန်းကြီးကို စိုက်ကြည့်ရင်း ဆံပင်မွှေးများထောင်လာသလိုပင် ခံစားရသည်။ လုချင်းမိန်သည် အမှန်တကယ်ပင် ရက်စက်ကြမ်းကြုတ်ပြီး သနားညှာတာမှုမရှိပေ။

နှောင်းပိုင်းကောင်းကင်ပဲ့တင်ထပ်သံအဆင့်ပင်လျှင် ဤတိုက်ခိုက်မှုကို တားဆီးရန် အခက်အခဲရှိမည်ဖြစ်သည်။

အလင်းတန်းများက ကောင်းကင်ကို ထိုးဖောက်ဝင်ရောက်ကာ အနည်းငယ်အကြာတွင် တဟုန်းဟုန်းတောက်နေသော နဂါးမီးတောက်များနှင့် ထိမှန်သွားသည်။

ဝုန်းးးးးးးးးးးး

ပြင်းထန်သော စွမ်းအားမျာစ ထိပ်တိုက်တွေ့ဆုံရာတွင် မုန်တိုင်းတစ်ခုလို အရှိန်အဟုန်ကြောင့် အရာရာပြိုလဲပျက်စီးကုန်သည်။

မရေမတွက်နိုင်သော ရှေးဟောင်းသစ်ပင်များ အပိုင်းပိုင်းပြတ်တောက်ကာ သစ်တောများ လုံးဝနီးပါး ပျက်စီးလုနီးပါး ဖြစ်ခဲ့သည်။

ပဲ့တင်ထပ်သံပညာရပ်တိုက်ပွဲကို သတိပြုနေရသဖြင့် တံခွန်အဖွဲ့နှစ်ခုလုံး မလှုပ်မယှက် ဖြစ်နေသည်။ သို့သော် သူတို့၏ အမူအရာမှာ အနည်းငယ် ကွဲပြားသည်။ အစိမ်းရောင်နယ်သာတံခွန်မှသူများသည် အနည်းငယ်စိုးရိမ်နေကြသော်လည်း မြင့်မြတ်သောအကြေးခွံတံခွန်အဖွဲ့ မှသူများသည် အနည်းငယ်စိတ်အေးလက်အေးရှိပုံရသည်။

စွမ်းအင်များ ထိပ်တိုက်တွေ့မှုသည် အချိန်အတော်ကြာသည်အထိ မငြိမ်မသက်ဖြစ်နေသည်။

ထိုအချိန်တွင် လီလော့ ၏ အကြည့်များ တုန်လှုပ်သွားသည်။ အလင်းတန်းများ တလစပ် ဆင်းသက်လာမှုကြောင့် အလင်းတန်းတွေ ဖြတ်သွားတိုင်း နဂါးမီးတောက်တွေ လွင့်ပါးပြီး ကွဲအက်နေတဲ့ အလင်းတန်းတွေအဖြစ် ပြောင်းလဲသွားသည်။

နဂါးငွေ့တန်းကိုးသွယ်ပညာရပ်ချင်းတူသော်လည်း ၎င်းတို့နှစ်ခုကြားတွင် နှိုင်းယှဉ်မရသော ခွန်အား ကွာဟချက် ရှိပြီး လုချင်းမိန်ဘက်က အံ့အားသင့်ဖွယ် အသာစီးရခဲ့သည်။

လျှို့ဝှက်ဆန်းကြယ်သော အလင်းတန်းများ တဖြည်းဖြည်း အားနည်းသွားသော်လည်း ၎င်း၏အရှိန်အဟုန်မှာ အတားအဆီးမရှိ ဆက်လက်တည်ရှိနေပြီး အစိမ်းရောင်နယ်သာတံခွန်အဖွဲ့၏ ပဉ္စမတပ်ခွဲ တည်ရှိရာ ဧရိယာဆီသို့ တိုက်ရိုက် ရွေ့လျားနေဆဲပင်......

လီလော့သည် သဟဇာတဖြစ်ခြင်းမှရရှိသော စွမ်းအင်များကို လျင်မြန်စွာ စုဆောင်းပြီး လျို့ဝှက်သောပင်လယ်ရောင်ခြည်ကို ကာဆီးဖို့ အလွန်ကြီးမားသော လက်ဖဝါးကြီးတစ်ခုကို ဖန်တီးလိုက်သည်။

အလင်းတန်းသည် ထောပတ်ကို ဓားပူပူဖြင့် လှီးဖြတ်လိုက်သလို ကြီးမားသော လက်ဖဝါးကြီးကို ဖြတ်တောက်သွားသည်။ အားပျော့သွားသော်လည်း ပဉ္စမတပ်ခွဲကို ကာကွယ်သည့် စွမ်းအင်အတားအဆီးကို ထိမှန်သွားခဲ့သည်။

ဒိုင်း!

သူတို့အောက်ရှိ မြေပြင် တဆတ်ဆတ်တုန်ကာ အက်ကွဲသွားသည်။

ပဉ္စမတပ်ခွဲအတွင်း ပရမ်းပတာဖြစ်ပွားခဲ့ပြီး လူတစ်ရာကျော် ဒဏ်ရာပြင်းထန်စွာရသွားခဲ့ပြီး လှိုဏ်ဂူအပြင်ဘက်သို့ ပြန်ပို့ခံလိုက်ရသည်။

လီလော့တို့ဘက်က ပထမအကြိမ် ထိပ်တိုက်တွေ့ဆုံမှုတွင် ကြီးမားသောတန်ကြေး ပေးဆပ်ခဲ့ရသည်။

လုချင်းမိန်၏ နတ်ဆိုးခန္ဓာပြီးဆုံးခြင်းအဆင့်ခွန်အားသည် သူ့ထက် သိသိသာသာ သာလွန်ကြောင်း နားလည်ခဲ့သည်။ ယေဘုယျအားဖြင့်၊ သူမ၏တံခွန်အဖွဲ့သည် လီလော့တို့နှင့် မတူညီသောအဆင့်တွင် ရှိနေသည်။ ၎င်းတို့သည် မြင့်မြတ်သောအကြေးခွံတံခွန်အဖွဲ့ ၏ ရှေ့ပြေးအဖွဲ့ဖြစ်ပြီး ၎င်းတို့၏ရလဒ်များသည် အစိမ်းရောင်နယ်သာတံခွန်အဖွဲ့ ၏ ပဉ္စမမြောက်တပ်ခွဲ အောင်မြင်မှုထက် သာလွန်ခဲ့သည်။

လုချင်းမိန်၏ ပထမဆုံးလှုပ်ရှားမှုကို ထိန်းထားနိုင်ခဲ့သည့် အဓိကအကြောင်းရင်းမှာ လီလော့၏ နဂါးငွေ့တန်းကိုးသွယ်ပညာရပ်ကြောင့်ဖြစ်သည်။

ဤတိုက်ခိုက်မှုနှင့်သာကြုံရလျှင်

ကျုံးလင် အပါအဝင် တခြား ခေါင်းဆောင်မှန်သမျှဟာ ပိုဆိုးတဲ့ အနေအထားဖြစ်ကုန်လိမ့်မည်။

လုချင်းမိန်သည် သူမ၏ အကြည့်တွင် ငြိမ်သက်ခြင်းအရိပ်အမြွက်ဖြင့် သူတို့ကို ဆက်လက်ကြည့်နေသည်။သူမ၏ ပင်ကိုယ်စရိုက်ကြောင့် မလိုအပ်သော စကားလုံးများဖြင့် နှောင့်ယှက်ခြင်း မပြုခဲ့ပေ။

သူမသည် ကျောက်စိမ်းနှင့်တူသော လက်ကို မြှောက်လိုက်ပြီး ဟာရီကိန်းကဲ့သို့ ကြီးမားသော စွမ်းအင်ပမာဏကို ဆုပ်ကိုင်ထားသည်။

တစ်ဖန် ပြိုးပြိုးပြက်ပြက်လင်းလက်လာသော အလင်းတန်းတစ်ခု ပေါ်လာပြန်သည်။

ရှင်းနေသည်မှာ၊ သူမသည် လျို့ဝှက်သောပင်လယ်ရောင်ခြည်ကို တစ်ဖန်အသက်သွင်းရန် ရည်ရွယ်နေခြင်းဖြစ်သည်။

ဒါက တိုက်ပွဲကို အမြန်အဆုံးသတ်စေနိုင်သည်။

လီလော့ အသက်ပြင်းပြင်းရှူလိုက်ပြီး အလားတူပင် သမုဒ္ဒရာတစ်စင်းတမျှ များပြားသော စွမ်းအင်ပမာဏကို စုပ်ယူလိုက်သည်။ လက်ဟန်အစီအရင်အချို့ ဖန်တီးနေချိန် သူ့မျက်လုံးများတွင် ကြောက်ရွံ့မှု ကင်းစင်နေသည်။

စွမ်းအင်တွေ မြင့်တက်လာတာနဲ့အမျှ လီလော့ရဲ့ လက်ဖဝါးထဲမှာ သေးငယ်သော အနက်ရောင်အလံအဖွဲ့တစ်ခု ပေါ်လာသည်။

"အိုး? မြို့စားအဆင့်ပညာရပ်?"

လီလော့၏လက်မှ ထွက်လာသော နဂါးနက်တံခွန်၏ အော်ရာကို ခံစားလိုက်ရချိန်တွင် လုချင်းမိန်၏အမူအရာ ပြောင်းလဲသွားခဲ့သည်။ လီလော့သည် နတ်ဆိုးနန်းတော်အဆင့်တွင်ရှိနေသော်လည်း မြို့စားအဆင့်ပညာရပ်ကို အသုံးချနိုင်ခြင်းကြောင့် သူမအတော် အံ့အားသင့်နေသည်။

ဒီလိုအရည်အချင်းမျိုးက ချီးကျူးစရာပင်.... လီလော့နှင့်သူမသာ အဆင့်တူပါက အသေအကြေတိုက်ခိုက်ရမည့်အ​ခေနေသို့ရောက်သွားနိုင်သည်။သူမ၏ နှလုံးသားထဲတွင် နောင်တအရိပ်အမြွက်အချို့ရှိနေသော်လည်း တုံ့ဆိုင်းမနေဘဲ လက်ဖဝါးကို ရှေ့သို့ ဆောင့်တွန်းလိုက်သည်။ ထိုအခါ များပြားလှသော စွမ်းအင်များ သူမအပေါ်တွင် စုစည်းကာ တစ်ဖန် ခွဲထွက်သွားပြီး အလင်းတန်းတစ်ခု ထွက်ပေါ်လာသည်။

ဤ လျို့ဝှက်သောပင်လယ်ရောင်ခြည် သည် ယခင်တစ်ခုထက် ပိုမိုပြင်းထန်သည်။

ပဲ့တင်ထပ်သံနှစ်ခု ထွက်ပေါ်လာပြီး ပဲ့တင်ထပ်သံစွမ်းအားများကို ပေါင်းစပ်လိုက်သောကြောင့် လီလော့၏ အမူအရာ မှိန်ဖျော့နေသည်။

သူ၏ ပဲ့တင်ထပ်သံစွမ်းအားနှစ်ခုကို နှိုးဆော်လိုက်ပြီး အနက်ရောင်အလံကို အသက်သွင်းလိုက်လေတော့သည်။

သူ့လက်ထဲက အလံကို အာရုံစိုက်နေချိန် လုချင်းမိန်ရဲ့ ကြောက်စရာကောင်းတဲ့ တိုက်ခိုက်မှုကို ခံစားလိုက်ရပြီး ခန္ဓာကိုယ်အစိတ်အပိုင်း တခုချင်းစီကနေ အန္တရာယ်အငွေ့အသက်ကို အာရုံခံစားခဲ့သည်။

သို့သော် မြို့စားအဆင့်ပညာရပ်ကို သူ့တွင်ရှိသမျှအရာအားလုံးဖြင့် အသက်သွင်းဖို့ကိုသာ အာရုံစိုက်ခဲ့သည်။

သူ့ခန္ဓာကိုယ်အတွင်းက ပဲ့တင်ထပ်သံစွမ်းအားနှစ်ခုလုံးဟာ ဒေါသကြီးသော နဂါးတစ်ကောင်လို သူ့ခန္ဓာကိုယ်အနှံ့ ပျံ့နှံ့နေချိန်မှာ သူ့နှလုံးခုန်သံကိုပါ ပြန်ကြားနေရသည်။

ခဏလောက်ကြာတော့ လီလော့ ကျေနပ်သွားပုံရသည်။ ဤအခြေအနေတွင်၊ သူသည် စွမ်းအားရှိသမျှဖြင့် ထုတ်လွှင့်နေသော ပဲ့တင်ထပ်သံနှစ်ခု၏စွမ်းအားများကို အာရုံခံနေမိသည်။

လီလော့၏ ပဲ့တင်ထပ်သံနှစ်ခုပေါင်းစည်းထားသောစွမ်းအားများနှင့် ပဉ္စမတပ်ခွဲထံမှ ရရှိသော စွမ်းအားများ လိုက်လျောညီထွေပေါင်းစည်းသွားကြပြီဖြစ်သည်။

ဤပေါင်းစပ်မှုသည် မှော်ဆန်သော အရာတစ်ခုကို ဖန်တီးနိုင်ပေလိမ့်မည်။

လီလော့သည် ပဲ့တင်ထပ်သံနှစ်ခုပေါင်းစည်းထားသောစွမ်းအားသည် အရင်တုန်းကနှင့်မတူလဲ အသက်ရှိသော

အရာတစ်ခုအဖြစ် ပြောင်းလဲသွားသလို ခံစားလိုက်ရသည်။

တစ်ချိန်တည်းမှာပင် သူသည် စိတ်ငြိမ်းချမ်းမှု အခြေအနေကို ရောက်ရှိနေပုံရသည်။ သူ့ကို ဘယ်အရာကမျှ မနှောင့်ယှက်နိုင်တော့ဘဲ လက်ရှိအာရုံစိုက်ထားသောအရာအပေါ်ပို၍ နားလည်လာသည်။

ဤသည်မှာ ပဲ့တင်ထပ်သံနှစ်ခုပေါင်းစည်းခြင်း၏တတိယနယ်ပယ်ဖြစ်သည်။

လီလော့သည် ပဲ့တင်ထပ်သံနှစ်ခုပေါင်းစည်းခြင်း၏ ဒုတိယနယ်ပယ်သို့ ရောက်ရှိနေပြီဖြစ်သည်။ လက်ရှိတိုက်ပွဲက သူ့ကို နောက်နယ်ပယ်သို့ တွန်းပို့ခဲ့သည်။

လီလော့၏ အကြည့်များထဲတွင် လေဟာနယ်ထဲသို့ ထိုးဖောက်ဝင်ရောက်လာသော အလင်းတန်းများ ရောင်ပြန်ဟပ်နေသည်။ တစ်ချိန်တည်းမှာပင် သူ့လက်ထဲက နဂါးနက်အလံတော် ဖျတ်ကနဲပျောက်ကွယ်သွားခဲ့သည်။

ဝေါင်းးးးးးးးး

ထိုစဉ် လေဟာနယ်ထဲကနေ အနက်ရောင်မြစ်တစင်းထွက်ပေါ်လာပြီး မြစ်ရေထဲတွင် အနက်ရောင်နဂါးကြီးတစ်ကောင်ကူးခတ်နေသည်။

သို့သော်၊ လီလော့သည် မရဏမြစ်ထဲမှမဟူရာနဂါးတွင် ကိုယ်ပိုင်အသိဉာဏ်ရရှိသွားကြောင်း ရှင်းရှင်းလင်းလင်း ခံစားနိုင်သည်။

ဤသည်မှာ ကမ္ဘာပေါ် ဆင်းသက်လာသည့် သက်ရှိနဂါးတစ်ကောင်လိုပင်......

ရက်စက်ကြမ်းကြုတ်မှုအပြည့်ဖြင့် ဟိန်းဟောက်သံက တောအုပ်တစ်ခုလုံးကို ပဲ့တင်ထပ်နေသည်။

အနက်ရောင်နဂါးကြီးသည် မြစ်ရေထဲမှ ပျံသန်းလာပြီး အလင်းတန်းထဲသို့ တိုးဝင်သွားခဲ့သည်။

ထိုစဉ် လုချင်းမိန် အံ့အားသင့်သွားစေသည်။