ကွမ်းထျန်၊ နတ်ဆိုးကြီးစိုးမှုကို တွန်းလှန်ခြင်း

“ ကျန်းရင်၊ လူကြီးမင်း ဘယ်ကျန်းရင်ကို ပြောနေတာပါလဲ” စားပွဲထိုးက တက်ကြွစွာ ပြုံးပြသည်။

အသစ်ရောက်လာသူမှာ အပြာရောင်ဝတ်စုံ ဝတ်ထားသည်။ သူ့နောက်ကျောတွင် အဝတ်ဖြူနှင့် ပတ်ထားသည့် တောင်ဝှေးရှည်နဲ့ ဆင်တူသော အရာတစ်ခုကို ထမ်းထားသည်။ သူသည် အသက်ငါးဆယ်ကျော်အရွယ်ရှိပုံရပြီး စူးရှသောမျက်လုံးများက စားပွဲထိုးကို တည့်တည့်ကြည့်နေသည်မှာ စားပွဲထိုးအား ကျောချမ်းသွားစေသည်။

ကြင်နာတတ်တဲ့လူမဟုတ်ဘူးပဲ။

စားပွဲထိုးက ပြုံးပြီး သူ့ကိုယ်ဟန်အနေအထားက အရမ်းနှိမ့်ချထားသည်။

အပြာရောင်ဝတ်ထားသူက အော်ဟစ်ပြီး “ဟန်ဆောင်မနေနဲ့။ ကြမ္မာဆန်းကြယ် ကုန်သွယ်ရေးခန်းမရဲ့ ခေါင်းဆောင်ငယ် ကျန်းရင် ရဲ့ အသုံးစရိတ်နဲ့ ဒီတည်းခိုခန်းကို တည်ဆောက်ထားတာကို ငါသိတယ်။ သူနဲ့ ဆွေးနွေးစရာတွေရှိလို့ သူ့ကို အကျပ်မကိုင်ပါဘူး ပြောလိုက်ပါ”

ရှောင်ပုခူ သည် ထိုစကားကိုကြားသောအခါတွင် သူသည် မျက်လုံးပြူးသွားသည်။

ထို့နောက် သူ့မျက်လုံးများ မှိန်သွားပြန်သည်။

စားပွဲထိုးက သူ့ကို နောက်တစ်ကြိမ် ထပ်လှည့်စားပါက သွေးထွက်သံယို ဖြစ်သွားနိုင်သည်ကို စားပွဲထိုးက မြင်သောအခါ သူက ချက်ချင်း ပြုံးပြလိုက်ပြီး “ဒါဆို လူကြီးမင်း အချိန်အတိုင်းအတာ တစ်ခုအထိ စောင့်ရပါဦးမယ်။ . ဧည့်သည်ခန်းထဲမှာ စောင့်ချင်ပါသလား "

အပြာရောင်ဝတ်ထားသူက ပိုက်ဆံအိတ်ကိုထုတ်ပြီး ကောင်တာပေါ်ပစ်ချလိုက်သည်။ ထို့နောက် လက်ကို မြှောက်ကာ စားပွဲထိုးကို လမ်းပြခိုင်းသည်။

ပိုက်ဆံကိုမြင်သောအခါ စားပွဲထိုးက ချက်ချင်းပင် ဝမ်းသာအားရနှင့် ခေါင်းညိတ်ပြပြီး လမ်းပြလိုက်သည်။

ဆိုင်ရှင်သည် ပိုက်ဆံအိတ်ထဲရှိ ပိုက်ဆံများကို စတင်ရေတွက်ပြီး မျက်ခုံးမွှေးများကို ဖြေလျှော့လိုက်သည်။

ထိုက်ဟယ် ခေတ် ၈ နှစ်၊ ဖေဖော်ဝါရီလနှောင်းပိုင်း။

ကျန်းရင် သည် နှလုံးအေး တည်းခိုခန်း သို့ ရောက်သောအခါ စားပွဲထိုးသည် သူ့ထံသို့ ချက်ချင်းရောက်လာပြီး အခြားဧည့်သည်များကို မနှောင့်ယှက်ဘဲ အပေါ်ထပ်သို့ ခေါ်သွားသည်။

စားပွဲကို သုတ်နေသော ရှောင်ပုခူရ သက်ပြင်းချလိုက်ပြီး အလုပ်ဆက်လုပ်နေသည်။

အမွှေးတိုင်တစ်တိုင်စာခန့် ကြာပြီးနောက် နားနေခန်းထဲတွင်….

ကျန်းရင် ၏ အမူအရာက လေးနက်သည်။ သူ့ခွက်ကိုချပြီး မေးလိုက်သည်။ “အဲဒါ အမှန်ပဲလား”

ဝတ်ရုံပြာ ဝတ်ထားသူက သူ့ရှေ့တွင်ထိုင်ပြီး “ဟုတ်တယ်၊ ငါမင်းကို ဒီမှာစောင့်နေမယ်။ တာအိုဘိုးဘေးကို ငါ့အခြေအနေကို ပြောပြလိုက်ပါ။ မင်းမကျေနပ်ရင် နောက်မှပြောလို့ရတယ်။"

ကျန်းရင် တုံ့ဆိုင်းသွားသည်။

အပြာရောင်ဝတ်ထားသူက “တာအိုဘိုးဘေးရဲ့ စွမ်းဆောင်မှုက လောကတစ်ခုလုံးမှာ နာမည်ကြီးနေတာ သေချာပေါက် နတ်ဆိုးတွေကို အပြစ်လုပ်မိတာပဲ။ အကျိုးဆက်ကို တစ်ယောက်တည်းခံနေရမဲ့အစား ကွမ်းထျန်ထဲ ဘာလို့မဝင်ရမှာလဲ။ ကွမ်းထျန်က မဟာကျင်းဒေသကို​တောင် လက်ခံပြီးတော့ ဧကရာဇ်စနစ်ကို ဆက်လက်ထိန်းသိမ်းထားလို့ ရတယ်။ မဟာကျင်းဒေသ က လက်ဆောင် ပဏ္ဍာကို အချိန်မီပေးရင်ရတာပဲ”

သူက ခဏရပ်ပြီး “ကွမ်းထျန်ကို ကို မြင့်မြတ်တဲ့ မင်းဆက်က စစ်ပွဲနတ်ဘုရား ဦးဆောင်တယ်။ လူသားမျိုးနွယ်ရဲ့ နောက်ဆုံးမျှော်လင့်ချက်ပဲ။ နတ်ဆိုးတွေ တိုက်ခိုက်လာတဲ့အခါ အုတ်မြစ်အခိုင်ဆုံးက ကွမ်းထျနိပဲ ဖြစ်မှာ

"ကောင်းပြီ ငါ တာအို ဘိုးဘေးကို မေးလိုက်မယ်"

ကျမ်းရင် မတ်တပ်ထရပ်ပြီး အမြန်ထွက်သွားသည်။

ဝတ်ရုံပြာ အမျိုးသားက သက်ပြင်းတစ်ချက်ချလိုက်သည်။ သူက မိုးကုပ်စက်ဝိုင်းကို ကြည့်ပြီး “ တာအိုဘိုးဘေး၊ ငါ့ကို စိတ်မပျက်စေပါနဲ့။ လူသားမျိုးနွယ်က မင်းကို လိုအပ်တယ်။"

အောက်တိုဘာလလယ်တွင် ကောင်းကင်မြင့်မားပြီး လေသည် လတ်ဆတ်နေသည်။

ကျန်းချန်ရှန်း မျက်မှောင်ကြုတ်လိုက်သည်။

သူ တွက်ချက်လိုက်ပြန်သည်။ နဂါးသွေးကြော တိုက်ကြီး အနီး ပင်လယ်ရှိ အသန်မာဆုံး နတ်ဆိုးသားရဲသည် အမှတ် ၁၃ သန်း တန်ဖိုးရှိပြီး စနစ် ခြေရာခံမှု၏ အကွာအဝေးအတွင်း အသန်မာဆုံး နတ်ဆိုးသားရဲသည် အမှတ်ပေါင်း ၁၁၁ သန်း တန်ဖိုးရှိသည်။

လွန်ခဲ့သည့်တစ်နှစ်နှင့် နှိုင်းယှဉ်ပါက စနစ်၏ အာရုံခံနယ်မြေအတွင်းရှိ အသန်မာဆုံး နတ်ဆိုးသားရဲ၏ အသားတင်တန်ဖိုးမှာ အမှတ်ပေါင်း ၁၀ သန်းအထိ တိုးလာပြီး ထိုအချိန်တုန်းက ထိုနတ်ဆိုးသားရဲမှာ အမှတ် သန်းတစ်ရာသာ ရှိနေသေးသည်။

တစ်နည်းဆိုရသော်၊ လွန်ခဲ့သည့် နှစ်နှစ်အတွင်း ရွှေဒင်္ဂါးသန်းတစ်ရာကျော်တန်ဖိုးရှိ ကြောက်မက်ဖွယ် ကောင်းသော နတ်ဆိုးကောင်နှစ်ကောင် ပေါ်လာခဲ့သည်။

စနစ်၏ ထောက်လှမ်းမှု အကွာအဝေး တိုးလာသော်လည်း၊ တစ်ဘက်လူက သူ့ဆီ လာရန် အလားအလာ အလွန်များသည်။

ဒါဟာ ကောင်းတဲ့ ကိစ္စမဟုတ်ဘူး။

ကျန်းချန်ရှန်း ၏ အသားတင်တန်ဖိုးသည် အမှတ်ပေါင်း သန်း 90 သာရှိပြီး ၎င်းသည် ငယ်ရွယ်စဥ်က မဟာယနနဂါးမျှော်စင်နှင့် ရင်ဆိုင်ခဲ့ရသည့်အချိန်ကို ပြန်ရောက်သွားသကဲ့သို့ ခံစားရစေသည်။

အရမ်းကို အနိုင်ကျင့်တာပဲ။

ယခုအချိန်တွင် ကျန်းချန်ရှန်း က သူတို့ တတ်နိုင်သမျှ နောက်ကျမှ ရောက်လာဖို့သာ ဆုတောင်းနေခဲ့သည်။

နေပစ်ခွင်းမှု ဖြစ်ရပ်သည် အမှတ်များ တိုးလာစေသော်လည်း ၎င်းသည် လူအများ၏ ဝေဖန်မှု ပစ်မှတ်ဖြစ်စေသည်။ ဤသည်မှာ ရှေ့ထွက်လိုက်ခြင်း၏ ရလဒ်ဖြစ်သည်။

ကျန်းချန်ရှန်း နောင်တမရပေ။ နောင်တရခြင်းက အသုံးမဝင်ပေ။ သူ ရှေ့ကိုသာစောင့်မျှော်သည်။

ယနေ့တွင် ကျန်းရင် ရောက်လာသည်။

ထုံးစံအတိုင်း သူသည် ကျန်းချန်ရှန်း အား သူ၏ရည်ရွယ်ချက်များကို မရှင်းပြမီ လူတိုင်းအား ဦးညွတ်ခဲ့သည်။

မြင့်မြတ်သောမင်းဆက်၏ စစ်ပွဲနတ်ဘုရားက ကွမ်းထျန် အမည်ရှိ မင်းဆက်တစ်ခုကို တည်ထောင်ခဲ့ကြောင်း၊ ကမ္ဘာပေါ်ရှိ သိုင်းပညာရှင်များအားလုံးကို ဖိတ်ခေါ်ကာ လူသားမျိုးနွယ်အား ပြန်လည်ပေါင်းစည်းရန် ဖိတ်ခေါ်သည်ကို သူကြားလိုက်ရသောအခါ ကျန်းချန်ရှန်း သည် မျက်ခုံးပင့်မိသွားသည်။ သူ တိတ်တဆိတ် စိတ်မချမ်းသာဖြစ်​ေနသည်။

စကားလှအောင်ပြောရမယ်ဆိုရင် သူက စိုးမိုးချယ်လှယ်ခြင်တာ မဟုတ်ဘူးလား။

အကယ်၍ ထိုလူသည် လူသားမျိုးနွယ်ကို အမှန်တကယ် ပေါင်းစည်းလိုလျှင် စစ်နတ်ဘုရား သည် အဘယ်ကြောင့် ရှေ့သို့ လှမ်း၍ ကောင်းကင်ကျီးကန်းကလန် ကို ရင်မဆိုင်ရသနည်း။

ကွမ်းထျန် သည် ကောင်းကင်ကျီးကန်းလန် ကို ဖျက်ဆီးနိုင်သရွေ့ ၎င်းတို့၏ ဂုဏ်သတင်း တက်လာမည်ဖြစ်သည်။ သိုင်းပညာရှင်များ စုဝေးကာ ရောက်မလာဖို့ စိတ်ပူနေရမည်လား။

ကျီဝူကျွင်း က မျက်မှောင်ကြုတ်ပြီးပြောလိုက်သည်။ "ကွမ်းထျန်၊ လင်းဟုံချန် က သူ့ကိုယ်သူ မချုပ်တည်းနိုင်တော့ဘူးလို့ ငါမထင်ခဲ့မိဘူး”

ရဲရွှင်း က စပ်စုမေးသောအခါ "လင်းဟုံချန်က မြင့်မြတ်တဲ့ မင်းဆက်ရဲ့ စစ်နတ်ဘုရားလား။ သူက ဘယ်အဆင့်မှာလဲ”

ကျီဝူကျွင်း က “သူက မြင့်မြတ်တဲ့ မင်းဆက်ရဲ့ အဆင့်အမြင့်ဆုံး စစ်ပွဲနတ်ဘုရား သုံးယောက်ထဲက တစ်ယောက်ပဲ။ သူက ကောင်းကင်ဂူ အဆင့်ကိုးကို Nine ကျော်ပြီး သိုင်းဘုရင်အဆင့်ကို ရောက်နေပြီ။ သူက ကွမ်းထျန်လို့ ခေါ်တဲ့ ဂိုဏ်းတစ်ခုကို တည်ထောင်ချင်တဲ့အကြောင်း တစ်ခါ ပြောခဲ့ဖူးတယ်။ ကွမ်းထျန် ဟာ ကံတရား မင်းဆက်ဖြစ်လာလိမ့်မယ်လို့ မမျှော်လင့်ထားခဲ့ဘူး။ ဟမ့်၊ သူက တကယ်ကို အရှက်မဲ့တာပဲ။ စစ်နတ်ဘုရား ဆိုတဲ့ နာမည်ကို စော်ကားလိုက်တာပဲ”

“မြင့်မြတ်တဲ့မင်းဆက်မှာ စစ်နတ်ဘုရားတွေ အများကြီးရှိတယ်။ အဆင့်အမြင့်ဆုံး စစ်နတ်ဘုရားသုံးယောက်က အသန်မာဆုံး မဟုတ်ပေမဲ့လည်း သူတို့က မြင့်မြတ်တဲ့ မင်းဆက်ရဲ့ဂုဏ်သိက္ခာကို ကိုယ်စားပြုတယ်။ တခြား စစ်နတ်ဘုရားနှစ်ယောက်က တိုက်ပွဲမှာ သေဆုံးသွားပြီး ပျောက်ကွယ်သွားခဲ့တာ။ လင်းဟုံချန်တစ်ယောက်တည်းပဲ မတိုက်ခိုက်ခဲ့တာ။ အခုတော့ သူက အမှန်တရားတွေအကြောင်း လျှောက်ပြောနေပြီပေါ့။ အောက်တန်းစားပဲ။

သူမပြောလာလေလေ ဒေါသထွက်လာလေလေ.ဖြစ်သည်။ နတ်ဆိုးများကို အပြစ်တင်ခြင်းမှလွဲ၍ လင်းဟုံချန် သည် သူမ၏ တည်ငြိမ်မှုကို ဆုံးရှုံးစေသော ပထမဆုံးလူဖြစ်သည်။

ကျန်းချန်ရှန်း သည် လင်းဟုံချန် မည်မျှ တန်ခိုးကြီးသည်ကို တိတ်တဆိတ် တွက်ချက်လိုက်သည်။

အမှတ် သန်း ၁၂၀။

သူသည် ယခင်က သူ တွက်ချက်ခဲ့သော မြင့်မြတ်သော မင်းဆက်မှ သိုင်းပညာရှင် ဖြစ်နေသည် ။

ဒါပေမဲ့ ကျီဝူကျွင်း က သူ့ဟာ အသန်မာဆုံးမဟုတ်ဘူးလို့ ဘာလို့ပြောတာလဲ။ တချို့ စစ်နတ်ဘုရားတွေက စနစ်ရဲ့ ထောက်လှမ်းမှုအကွာအဝေးအတွင်းမှာ ရှိမနေတာများလား။

ကျန်းချန်ရှန်းက နားမလည်နိုင်ဖြစ်ပြီး ကွမ်ထျန် မည်မျှ အင်အားကြီးမားသည်ကို တွက်ချက်ရန် ကြိုးစားခဲ့သည်။

[အမှတ် 1,029,056,000 လိုအပ်ပါတယ်။ ဆက်လုပ်လိုပါသလား။]

ဘုရားသခင်

အမှတ် တစ်ဘီလီယံ။ အရမ်းကြောက်စရာကောင်းတာပဲ။

ကျန်းချန်ရှန်း ထိတ်လန့်သွားသည်။ တခဏချင်းမှာပဲ၊ ကွမ်းထျန်နှင့် ပူးပေါင်းချင်စိတ် ပြင်းပြလာသည်။

သို့သော်လည်း ဒုတိယအတွေးတွင်၊ ကွမ်းထျန်က နတ်ဆိုးများဘက်မှာ ဆူးနှောင့်ခလုတ် ဖြစ်လာမှာ။ ပြီးတော့ အလွယ်တကူ ဝင်နိုင်မဲ့ အဖွဲ့အစည်းမဟုတ်ဘူး။ ပြီးတော့ လင်းဟုံချန်က သူ့ကို အကြောင်းမဲ့သက်သက် အာရုံစိုက်လာမည် မဟုတ်ပေ။ သူနေ့တိုင်း ရုန်းကန်ပြီး အလုပ်သမား လုပ်မနေချင်ဘူး။

ကျန်းရင် သည် ကျီဝူကျွင်း ၏ သရုပ်မှန်ကို အမြဲ သိချင်နေခဲ့သည်။ သူမက ကွမ်းထျန် ကို ကောင်းကောင်းသိကြောင်း ကြားလိုက်ရသောအခါ "စီနီယာ၊ မြင့်မြတ်မင်းဆက်အကြောင်း ဘယ်လောက်သိသလဲလို့ မေးလို့ရမလား"

ကျီဝူရှင် က သူ့ဒေါသကို ဖြေလျှော့ပြီး “ရှင် သိဖို့ မလိုပါဘူး။ လင်းဟုံချန်က သူတော်စင် မဟုတ်ကြောင်းကိုပဲ ရှင်သိဖို်လိုအပ်တယ်။ သူက မြင်မြတ်မင်းဆက်နဲ့ ကွမ်းထျန်ကို စွန့်ပစ်နိုင်တယ်။”က

ကျန်းချန်ရှန်း က “ လင်းဟုံချနိ က အရှက်မရှိလွန်းရင် ကွမ်းထျန် ကို ဘယ်လိုတည်ထောင်နိုင်မှာလဲ"

ကျီဝူကျွင်း က “လင်းဟုံချန် ဟာ ကိုယ်ကျင့်သိက္ခာ ကင်းမဲ့တယ်။ မရေမတွက်နိုင်တဲ့ မိန်းမတွေရှိတယ်။ သူသွားလေရာမှာ အနွယ်အဆက်တွေ ချန်ထားခဲ့တတ်တယ်။ နှစ်ပေါင်းများစွာ ကြာလာပြီးတဲ့ နောက်မှာတော့ သူ့မှာ မရေမတွက်နိုင်တဲ့ သားသမီးတွေ ရှိနေပြီ။ သူရဲ့ ထူးကဲတဲ့ ကိုယ်လုံးကိုယ်ပေါက်အပြင် သူ့သားစဉ်မြေးဆက်တွေက အရည်အချင်းကလည်း ဆိုးရွားနေမှာ မဟုတ်ဘူး။ နှစ်ရာပေါင်းများစွာမှာ သူတို့လည်း ကြီးပြင်းလာကြမှာ သေချာတယ်။ သူက သူ့သားသမီးတွေကို စုဆောင်းပြီး ကွမ်းထျန် ကို တည်ထောင်ခဲ့တာလို့ ကျွန်မ သံသယရှိတယ်။ သူက အရှက်မရှိပေမယ့် မိတ်ဆွေဖွဲ့တာတော့ တကယ်တော်တယ်။ သူ့သူငယ်ချင်းကောင်းတွေ စုစည်းလိုက်ရင် ကွမ်းထျန် က ပျော့ညံ့မှာမဟုတ်ဘူး။”

ပိုင်ချီ က "မင်းအရမ်းဒေါသထွက်နေတာက...."

ကျီဝူကျွင်း က သူမကို အေးစက်စွာ တစ်ချက်ကြည့်လိုက်ပြီး “လင်းဟုံချန် က အရှက်မရှိပေမယ့် သူငါ့ကို မထိဝံ့ပါဘူး။ ကျီမိသားစု ရဲ့ ကံကြမ္မာကောင်းချီး ရှောင်ဖို့ သူ မစောင့်နိုင်တော့ဘူး။ ပြီးတော့ ငါ သိုင်းပညာကို တစ်သက်လုံး လေ့ကျင့်ခဲ့တာ။ ယောက်ျားတွေနဲ့ တစ်ခါမှ မပတ်သက်ဖူးဘူး။ ကမ္ဘာပေါ်မှာ ငါ့နှလုံးသားကို လှုပ်ရှားနိုင်တဲ့လူ မရှိဘူး” အကြောင်းတစ်ခုခုကြောင့် သူမသည် ကျန်းချန်ရှန်း ကို မသိစိတ်မှ စိုက်ကြည့်နေမိသည်။

ကျန်းချန်ရှန်း က ကျန်းရင် ကိုကြည့်ကာ "ပြန်သွားပြီး သူ့ကို ငြင်းလိုက်ပါ။ မင်းက ပိုလိမ္မာပါးနပ်ပါတယ်။ ငါ ကောင်းကင်ကျီးကန်းကလန် ကို ဖျက်ဆီးပြီးကတည်းက နတ်ဆိုးတွေက လက်စားချေမှာကို ကြောက်လို့ မဟာကျင်း ကို မထားခဲ့ဝံ့ဘူး။ ငါ့ကို အတင်းအကြပ် တွန်းလှန်ရဲကြမှာ မဟုတ်ဘူးလို့ ငါယုံကြည်တယ်။”

ကျန်းရင် ခေါင်းညိတ်ပြသော်လည်း တုံ့ဆိုင်းသွားသည်။ " တာအိုဘိုးဘေး ကျွန်တော် ကြောက်တယ်...'

ကျန်းချန်ရှန်း က သူ့လက်ကို မြှောက်လိုက်ပြီး သူ့လက်စွပ်ထဲက ရွှေရောင်ကျောက်စိမ်းရွက်လေး ထွက်လာသည်။ ၎င်းက ကျန်းရင် ထံ ပြေးသွားပြီး "ယူသွားပါ။ မင်းအသက်ကို ကယ်တင်နိုင်တယ်။”

ကျန်းရင် သည်လည်း သူ၏ယုံကြည်သူဖြစ်ပြီး၊ နတ်ဘုရား ဖိတ်ခေါ်သော ဖန်ရှင်ကို စတင်လုပ်ဆောင်ရန်အတွက်လည်း သူ့အပေါ် လုံလောက်သော ယုံကြည်ချက်ရှိသည်။ ကြမ္မာဆန်းကြယ် ကုန်သွယ်ရေးခန်းမသညွ ဤနှစ်များတစ်လျှောက်လုံး မဟာကျင်း အား ကြီးမားသောအကူအညီဖြစ်ခဲ့သည့်အတွက် သူ ကျန်းရင် ကို ထောက်ပံ့ရန် ဆန္ဒရှိသည်။

ကျန်းရင် စိတ်လှုပ်ရှားသွားသည်။ သူသည် ရွှေရောင်ချထားသည့် ကျောက်စိမ်းရွက်ကို အလျင်အမြန် ယူလိုက်ပြီး ကျေးဇူးတင်စကား ပြောလိုက်သည်။

သူထွက်သွားပြီးနောက် ကျီဝူကျွင်း က “တာအိုဘိုးဘေး၊ ရှင်က ဉာဏ်ရှိပါတယ်။ လင်းဟုံချန်နဲ့ ပူးပေါင်းတာက ကျားဆီမှာ အရေခွံတောင်းရသလိုပဲ။ ဘယ်သူသိမလဲ၊ ရှင့်တစ်နေ့ သူ့ဆီမှာ ရောင်းစားခံရနိုင်တယ်"

ကျန်းချန်ရှန်း က ပြန်မပြောပေ။ မျက်စိမှိတ်ပြီး ကျင့်ကြံနေသည်။ အမှတ် သန်း ၁၀၀ ကျော်တန်ဖိုးရှိသော ထိုတည်ရှိမှုနှစ်ခုကို ကြိုဆိုရန် ပြင်ဆင်နေသည်။

၎င်းတို့နှစ်ဦးမှလွဲ၍ ရှင်ပြန်ထမြောက်လာသော နတ်ဆိုးသူတော်ခုနစ်ပါးလည်း ရှိသေးသည်။ ရေလွှန်းမြစ်နဂါးသူတော်စင် က သူ့ကို မမုန်းသော်လည်း သမုဒ္ဒရာမင်းဆက်များ၏ အမှောင်ဆုံးနှစ်များ ရောက်လာတော့မည်ဟု ဆိုလိုခြင်းဖြစ်သည်။

လရောင်အောက်တွင် ဝတ်ရုံဖြူဝတ်လူတစ်ယောက်က ချောက်ကမ်းပါးမှာ ထိုင်ပြီး တောက်ပနေသော လကို လှမ်းကြည့်နေသည်။ သူဘာတွေတွေးနေလဲ ဘယ်သူမှမသိပေ။

မျက်နှာဖုံးစွပ်ထားသည့် အမျိုးသားသည် လေထဲမှ ပေါ်လာပြီး ဒူးတစ်ဝက် ထောက်ချလိုက်၏။ “အရှင်၊ နေကိုပစ်ချသူခဲ့တဲ့သူက တကယ်ပဲ တာအိုဘိုးဘေးပါ။ ကျွန်တော့ရဲ့ လက်အောက်ငယ်သားတွေက နဂါးသွေးကြော တိုက်ကြီးကို ဦးတည်နေတဲ့ နတ်ဆိုးကြီးနှစ်ကောင်ကိုလည်း တွေ့ရှိခဲ့ပါတယ်။ ပြီးတော့ ကွမ်းထျန်စစ်နတ်ဘုရားက ကံကြမ္မာကောင်းချီး မင်းဆက်ကို သည် တည်ထောင်ခဲ့ပြီး လက်အောက်ငယ်သားတွေ အများကြီး လက်ခံခဲ့ပါတယ်။

ထိုအရာကို ကြားသောအခါ ဝတ်ရုံဖြူက မျက်မှောင်ကြုတ်ပြီး “ ကွမ်းထျန် ဟုတ်လား။ တကယ့်ဟာသပဲ။ ဘုရင်မင်းမြတ်ရဲ့ ဟောကိန်းက မှန်တဲ့ပုံပဲ။ လင်ဟုံချန်က အရင်ကတည်းက ပုန်ကန်ဖို့ ရည်ရွယ်ချက်ရှိနေတာပဲ။ အဲဒီတုန်းပ ဘုရင်မင်းမြတ်က နတ်ဆိုးတွေကို ချေမှုန်းပြီး သူတို့ရဲ့ သြဇာအာဏာ လွှမ်းမိုးမှုကို အဆက်ဖြတ်လိုက်ဖို့ ခိုင်းခဲ့တယ်။ နတ်ဆိုးတွေရဲ့ သြဇာလွှမ်းမိုးမှုကို တိုးပွားစေခဲ့တာ ဒီလူရဲ့ ပေါ့ဆမှုပါပဲ။ သူ့ရဲ့ ရာထူးနှင့် အဆက်အနွယ်တွေကြောင့်သာ မဟုတ်ရင် ဘုရင်မင်းမြတ်က အစောကြီးကတည်းက သူ့ကို ရာထူးက ချလိုက်ပြီးနေပြီ။ ကံမကောင်းစွာနဲ့ပဲ၊ သူ ကျရှုံးမသွားခင် စွမ်းအားကြီးနတ်ဆိုးက ပေါ်လာခဲ့တယ်”

မျက်နှာဖုံးစွပ်ထားသော အမျိုးသားသည် ခဏတာ နှုတ်ဆိတ်နေပြီး “ကွမ်းထျန်ရဲ့ ေခါင်းဆောင်က တာအိုဘိုးဘေးကို လိုချင်နေပါတယ်။ တာအိုဘိုးဘေးရဲ့ ကောင်းကင်ကျီးကန်းကို သတ်ဖြတ်လိုက်တာက သူ့အတွက် သေချာပေါက် ဒုက္ခဖြစ်စေလိမ့်မှာပါ။ သူလည်းကွမ်းထျန်နဲ့ ပူးပေါင်းပြီး ခိုလှုံရာ ရှာလောက်တယ်”

ဝတ်ရုံဖြူက မတ်တပ်ထရပ်ပြီး “ဒါဆိုရင် တာအို ဘိုးဘေးကို ပြန်သုံးသပ်ရမှာပေါ့။ သူက ကံကြမ္မာစီရင်တဲ့ သိုင်းဧကရာဇ်မဟုတ်နိုင်ဘူး။"

မျက်နှာဖုံးစွပ်ထားသူက လှမ်းကြည့်ကာ “သခင်၊ ကွမ်းထျန်

ကွမ်းထျန် မင်းဆက်က နောက်လာမဲ့ မြင့်မြတ်တဲ့ မင်းဆက်ဖြစ်လာမလား?"

သူသည် ကွမ်းထျန် အကြောင်း သိခဲ့ရပြီး ၎င်း၏ လွှမ်းမိုးမှုမှာ အလွန်ကြောက်မက်ဖွယ်ရာ ဖြစ်သည်။

“ဧကရာဇ်က တွက်ချက်ခဲ့တယ်။ သိုင်းဧကရာဇ်ကျွန်းရဲ့ အရှင်သခင်လည်း တွက်ခဲ့တာပဲ။ ကံကြမ္မာစီရင်တဲ့ သိုင်းဧကရာဇ်က ဘေးဥပဒ်စတင်ပြီးနောက်မှာ ပေါ်ထွန်းလာမှာ။ တစ်နည်းပြောရရင် ယင်းမတိုင်ခင်က ပေါ်လာခဲ့တဲ့ သိုင်းဧကရာဇ်က သိုင်းဧကရာဇ်မဟုတ်ဘူး။ ခွန်အားဖြစ်စေ ကျော်ကြားမှုဖြစ်စေ လင်းဟုံချန်က လွန်ခဲ့တဲ့နှစ်အနည်းငယ်အတွင်းမှာ ပေါ်လာတာမဟုတ်ဘူး"

၀တ်စုံဖြူကြီးက တည်ငြိမ်စွာပြောသည်။

မျက်နှာဖုံးစွပ်ထားသောလူက တိတ်ဆိတ်နေ၏။

ဝတ်ရုံဖြူက လှည့်ကြည့်ကာ “သူရော ဘယ်လိုလဲ”

မျက်နှာဖုံးစွပ်ထားသူက “သူဟာ နတ်ဆိုးသူတော်စင်ရဲ့ အလောင်းကို ရှာတွေ့တယ်။ ကျွန်တော့်ရဲ့

လက်အောက်ငယ်သားတွေက ကမူးရှူးထိုးနဲ့ အနားမကပ်ရဲပါဘူး။ သူဘာလုပ်နေတယ်ဆိုတာကို ကျွန်တော်တို့ကို သိ​ေစချင်ပုံမပေါ်ဘူး။”

ဝတ်ရုံဖြူက မျက်မှောင်ကြုတ်လိုက်သည်။ သူက ခဏလောက် တုံ့ဆိုင်းသွားပြီး “သူကလွဲရင် တာအိုဘိုးဘေးကို ဆက်ပြီး အာရုံစိုက်လိုက်ပါ။ သူ ကွမ်းထျန်ကိုငြင်းလိုက်ရင် မြင့်မြတ်တဲ့မင်းဆက်ရဲ့ ကောင်းကင်ဝင်ပေါက်ကို ခေါ်လာခဲ့"

ထိုအရာကိုကြားသောအခါ မျက်နှာဖုံးစွပ်ထားသော အမျိုးသားက ရုတ်တရက် ခေါင်းကို မြှောက်လိုက်ပြီး မျက်လုံများ ပြူးသွားသည်။ သူက တုန်လှုပ်သောအသံဖြင့် “သခင်၊ အရှင်က မဟာကျင်းဘက်ကို လောင်းကြေးထပ်နေတာလား။ မဟာကျင်းက တာအိုဘ်ုးဘေးရဲ့ ကံကြမ္မာကောင်းချီး မဟုတ်မှာကိုပဲ ကြောက်မိပါတယ်။ ကျွန်တော် အရင်က လေ့လာဖူးတယ်။ မဟာကျင်း​သေ ရဲ့ ကံကြမ္မာက အားနည်းပြီး သမုဒ္ဒရာကောင်းချီး မင်းဆက် ထိပ်တန်း၁၀၀ မှာတောင် မပါဝင်ပါဘူး။ မြင့်မြတ်တဲ့ မင်းဆက် ဘယ်လိုဖြစ်လာနိုင်မှာပါလဲ”

ဝတ်ရုံဖြူက မျက်လုံးများ မှိတ်လိုက်သည်။ “မဟာကျင်းဒေသကး က အားနည်းတာ အမှန်ပဲ။ ငါတို့က အဲဒါကို ကူညီရမယ်။ ဝူကျွင်းလည်း မဟာကျင်းဒေသမှာပဲမလား။ ဒါက သူ့ရဲ့ ရွေးချယ်မှုလည်း ဟုတ်တာပဲ”

“ကောင်းပြီ၊ တခြားဘာမှ ပြောစရာ မလိုဘူး။ ငါပြောတဲ့အတိုင်းလုပ်!"

ဝတ်ရုံဖြူဝတ်အမျိုးသားက သူ့လက်စွပ်ကို ဝှေ့ယမ်းပြီး ငြင်းမရသော လေသံနှင့် ပြောလိုက်သည်။

မျက်နှာဖုံးစွပ်ထားသော အမျိုးသားသည် အမိန့်ကိုလက်ခံပြီး ထွက်ခွာမသွားမီ ခဏမျှ တုံ့ဆိုင်းနေခဲ့သည်။