အမှတ် ၃.၆ ဘီလီယံ

ကောင်းကင်နှင့်မြေကြီးကို ထိန်းချုပ်နိုင်စွမ်းရှိသော သက်ရှိသတ္တဝါများသည် ကြီးမားသော ကံကြမ္မာကောင်းချီးဖြင့် မွေးဖွားလာကြသည်။

ကျီဝူကျွင်း ၏ နိဒါန်းကို နားထောင်ပြီးနောက် ကျန်းချန်ရှန်း သည် ကျန်းကျန့် နှင့် အခြားသော ကံကြမ္မာ ကောင်းချီး မျိုးစိတ်များနှင့် ကြုံတွေ့ရသူများကို စောင့်မျှော်လာသည်။ ဤနည်းအားဖြင့်၊ တောင်များနှင့် ပင်လယ်များ၏ သိုင်းကျမ်းသည် လျင်မြန်စွာ အားကောင်းလာနိုင်သည်။ ၎င်းတို့သည် လုံလောက်သော ကံကြမ္မာ ကောင်းချီး မျိုးနွယ်များကို ရလာသည်နှင့် တောင်နှင့်ပင်လယ်များ သိုင်းကျမ်းသည် သိုင်းပညာကမ္ဘာ၏ စွမ်းအားကို ထိန်းချုပ်နိုင်မည်ဖြစ်သည်။

မကြာမီတွင်၊ ကျန်းချန်ရှန်း သည် ရေခဲချိတ်စည်း စွမ်းရည်၏ မှတ်ဉာဏ်များကို လက်ခံရရှိလိုက်သည်။

နာမည်တွင် ဖော်ပြထားသည့်အတိုင်း ရေခဲချိတ်စည်းစွမ်းရည်စည် စွမ်းအားကြီးသော ရေခဲဒြပ်စင် ဖြစ်သည်။ ပြန်လည်ဝင်စားခြင်းကို တားဆီးရန် ၎င်းသည် ကမ္ဘာကြီးနှင့် အသေကောင်များကို အေးခဲစေပြီး ၎င်းတို့၏ ဝိညာဉ်များကို ၎င်းတို့၏ ခန္ဓာကိုယ်ထဲတွင် ချိတ်ပိတ်နိုင်သည်။ တံဆိပ်ခတ်ပြီးသည်နှင့် မည်သည့်အာရုံခံစားမှုများ၊ နာမ်ဝိညာဏ်များ သို့မဟုတ် စိတ်ဆန္ဒများမှ အတွင်းသို့ စိမ့်ဝင်သွားနိုင်မည်မဟုတ်ပေ။ အလွန်အစွမ်းထက်သည်။

ကျန်းချန်ရှန်းသည် ဤမှတ်ဉာဏ်ကို အမွေဆက်ခံပြီးနောက် ချက်ချင်း မကျင့်ကြံခဲ့ပေ။ အဲဒီအစား သူက ဆေးအိုးဆီ လျှောက်သွားပြီး အသားတစ်ပိုင်းကို အဲဒီထဲကို ပစ်ချလိုက်သည်။

၎င်းသည် မြိုင်ဟေဝန် ၏ ချီလင်ရေလွှမ်းနဂါးဆီမှ အသားအပိုင်းအစလေးဖြစ်သည်။ ဤအသားက သူလုပ်ထားသော ရိုးတွင်းသန့်စင်ဆေး ကို ပိုစွမ်းအားကြီးအောင် လုပ်ပေးနိုင်မလားဆိုသည်ကို စမ်းသပ်ချင်သည်။

နောက်သုံးရက်အကြာ…

အဝေးရှိ စွန့်ပစ်တောင်တန်းတွင် ကျန်းကျန့်က သူ့မျက်လုံးများကို ဖွင့်လိုက်သည်။ ထိုအချိန်တွင်၊ မဟာတာအို ၏ မျက်လုံးအနားတစ်ဝိုက်တွင် မီးတောက်အရိပ်အယောင်များ ထွက်ပေါ်လာပြီး သူ့ကို မီးတောက်နတ်ဘုရားကဲ့သို့ ဖြစ်စေသည်။

လင်းဟောက်ထျန်း ရောက်လာပြီး "ဘယ်လိုနေလဲ”

ကျန်းကျန့်က သူ့လက်များကို ကြည့်ပြီး "ကံတရား ကောင်းချီးက များလွန်းတယ်။ အများစုကို ငါ့မျက်လုံးထဲမှာ ခေတ္တသိမ်းဆည်းထားတယ်။ ငါ့ရဲ့ ခန္ဓာကို ဖြည်းဖြည်းချင်း ထိန်းဖို့ အချိန်လိုသေးပေမယ့် ငါ့ကံတွေ ပြောင်းလဲသွားတယ်လို့ ခံစားရတယ်။ ငါလည်း စွမ်းအားတစ်ခုခု ရှိလာတဲ့ပုံပေါ်တယ်။ ဒီစွမ်းအားက ကမ္ဘာ သွေးကြောရဲ့ မီးနဲ့ ဆက်စပ်နေတယ်။”

လင်းဟောက်ထျန်း က ပြုံးပြီးပြောသည်။ "ဒါက ကောင်းတာပဲ။ ဒီလိုဆို အနာဂတ်မှာ ငါတို့အမဲလိုက်နဲ့အခါ ငါက သွေးစုပ်မယ်။ မင်းက ကံကြမ္မာကောင်းချီးကို စုပ်ယူ။ အစ်ကိုဖင်အန်းက အသားစားလိမ့်မယ်။ ဘယ်သူမှ အရှုံးမရှိဘူး။ ငါတို့ အတူတူ ပိုသန်မာလာလိမ့်မယ်”

ကျန်းကျန့် က ခေါင်းညိတ်ပြပြီး စိတ်လှုပ်ရှားနေသော အမူအရာကို ထုတ်ဖော်လိုက်သည်။ နောက်ဆုံးတွင် သူ့ကိုယ်သူ လျင်မြန်စွာ သန်မာစေရန် အခြားနည်းလမ်းကို ရှာဖွေတွေ့ရှိသွားပြီ။

“ဒါပေမယ့် ဒီကောင်က တခြားသားရဲတွေနဲ့ မတူဘူး။ ငါတို့အရင်က တွေ့ကြုံခဲ့ရတဲ့ သားရဲတွေက ကံကြမ္မာ ကောင်းချီး မရှိဘူး” ကျန်းကျန့်က စဉ်းစား၍ ပြောလိုက်သည်။

လင်းဟောက်ထျန်း က သူ့လက်ကို ဝှေ့ယမ်းပြီး “ငါတို့ အနာဂတ်မှာ နောက်ထပ်ကြုံတွေ့ရလိမ့်မယ်။ ကံကြမ္မာ ကောင်းချီရှိတာ ဒီတစ်ကောင်တည်း မဖြစ်နိုင်ဘူး”

“ဟုတ်တယ်”

တစ်လကြာသော်…

ကျန်းချန်ရှန်း၊ မူလင်းလော့၊ ကျီဝူကျွင်၊ ရဲရွှင်းနှင့် ဓားနတ်ဘုရားတို့သည် ပိုင်ချီကို စိုက်ကြည့်နေသည်။

ပိုင်ချီ သည် မြေပြင်ပေါ်တွင် လဲလျောင်းနေပြီး ညှဉ်းပန်းနှိပ်စက်မှုကို သည်းခံနေသည်။

ကျန်းချန်ရှန်း ၏ အသစ်ဖွဲ့စည်းထားသော ရိုးတွင်းသန့်စင်ဆေး ကို သောက်လိုက်ပြီး ယခုအခါ ဆေးအာနိသင်ကို တောင့်ခံနိုင်သည်။

လူတိုင်း၏ အကြည့်များကို ပိုင်ချီက အတင်းပြုံးပြီးပြောသည်။ "အဆင်မပြေပေမယ့် ကြွက်သားတွေနဲ့ အရိုးတွေ ပြောင်းလဲသွားတာကို ခံစားရတယ်။ မာစတာ၊ ဒီဆေးလုံး အောင်မြင်သွားပြီ။"

ကျန်းချန်ရှန်း က "မင်း အရမ်း မသက်မသာ ခံစားနေရတာ ဆိုတော့ နတ်ဘုရားစစ် အဆင့်အောက်က ဘယ်သူမှ အလောတကြီး သောက်ဖို့မသင့်ဘူး ထင်တယ်”

ပိုင်ချီ က ပြုံးပြီး "မာစတာ၊ နာမည်ပေးလိုက်လေ”

ကျန်းချန်ရှန်း က “ချီလင်းနဂါးရိုးတွင်းးသန့်စင်ဆေး”

လူတိုင်းသည် ထိုအမည်ကို စတင်တွေးတောလာကြသည်။ ကျန်းချန်ရှန်း ထည့်လိုက်သော လျှို့ဝှက်ဆန်းကြယ်သော အသားက ချီလင်းရေလွှမ်းနဂါးနှင့် ဆက်စပ်နေပုံရသည်။

ကျန်းချန်ရှန်း သည် ခြံဝင်းအတွင်းရှိလူတိုင်းအား ချီလင်းနဂါးရိုးတွင်းးသန့်စင်ဆေး ကို ပေးသည်။ ဤဆေးလုံးသည် မည်သည့်သိုင်းပညာရှင်မဆို၏ ခန္ဓာကို ပျော့ပျောင်းစေသော အာနိသင်ရှိသော်လည်း စွမ်းရည် အားနည်းလေ၊ အကျိုးသက်ရောက်မှု အားကောင်းလေဖြစ်သည်။

သူသည် ဆေးဖက်ဝင် ဆေးပြားများကို ဆက်လက် ပြုပြင်သည်။ ဆေးဖက်ဝင်ပစ္စည်းများအားလုံးကို ထည့်ပြီးနောက် အပူကို ထိန်းချုပ်ကာ မျက်လုံးမှိတ်ကာ ကျင့်ကြံလိုက်သည်။

ကျန်း မိသားစုနှင့် လုံချီ ဘုရားကျောင်းကို ပိုမို သန်မာ လာစေရန်အတွက် လုံချီဘုရားကျောင်း နှင့် ကျန်းချဲ အတွက် ချီလင်းနဂါးရိုးတွင်းသန့်စင်ဆေး အတွဲလိုက်ကို ပြုပြင်ပြင်ဆင်ထားသည်။

ဤမြေပေါ်ရှိလူအများစုသည် သူ၏နောက်လိုက်များဖြစ်သော်ငြားလည်း ကြိုတင်ကာကွယ်မှုအချို့ကို ချမှတ်ရန်လိုအပ်နေသေးသည်။

နဂါးသွေးကြောတိုက်ကြီး သည် မြိုင်ဟေဝန် သို့ ပြောင်းရွှေ့ပြီးကတည်းက မဟာကျင်း နှင့် ၎င်း၏ လက်အောက်ခံနိုင်ငံများသည် သိုင်းပညာအရ အရှိန်အဟုန်ဖြင့် ဖွံ့ဖြိုးတိုးတက်လာသည့် ကာလတစ်ခုသို့ ရောက်ရှိခဲ့သည်။ ပြင်ပရန်သူများ၏ စိုးရိမ်ပူပန်မှု မရှိတော့ဘဲ စဉ်ဆက်မပြတ် ပြန်လည် ပြုပြင်ခြင်း နှင့် စဉ်ဆက်မပြတ် အားကောင်းလာနေသော အဖွဲ့အစည်း ဖြစ်လာသည်။

ငါးနှစ်တာက မြန်မြန်ဆန်ဆန် ကုန်လွန်သွားသည်။ မဟာကျင်း၏ သိုင်းညာသင်တန်းကျောင်းများကို နေရာတိုင်းတွင် ဖွင့်လှစ်ထားသည်။ ပြည်နယ် အသီးသီးတွင် သိုင်းပညာ အကယ်ဒမီများ ရှိပြီး ကောင်းကင်ချီမြေ တွင် ခရီးသွား အစီအရင်ပေါင်း တစ်သောင်းကျော် ရှိသည်။

ဤသည်မှာ မြိုင်ဟေဝန်၌ မရေမတွက်နိုင်သော အာကာသကျောက်တုံးများပါရှိသော မိုင်းများ၏ ကျေးဇူးကြောင့် ဖြစ်သည်။ သို့သော် ဤသတ္တုဓာတ်များကို ကောင်းကင်ဂူ အဆင့် သားရဲများက မကြာခဏ စောင့်ကြပ်နေကြသည်။ ရလဒ်အနေဖြင့် မဟာကျင်း ကသာ မိုင်းခွဲယူနိုင်ကာ၎င်းတို့ကို ဗျူဟာမြောက် အရင်းအမြစ်များအဖြစ် ထူထောင်နိုင်ခဲ့သည်။

လွန်ခဲ့သည့်ငါးနှစ်အတွင်း၊ ကျန်းချန်ရှန်း သည် သူ၏ဝတ်ပြုကိုးကွယ်သူများအား ၎င်းတို့၏အခက်အခဲများကိုဖြေရှင်းရန် တစ်လလျှင်တစ်ကြိမ်ကူညီသည့်အကြိမ်ရေကို ထိန်းသိမ်ထားသည်။ ရလဒ်အနေနှင့် သူ့အား ဝတ်ပြုကိုးကွယ်သူများ တဖြည်းဖြည်းတိုးပွားလာခဲ့သည်။

သူ့မှာ တစ်ခုတည်းသော နောင်တမှာ ကျန်းကျန့်နှင့် အခြားနှစ်ယောက်က နောက်ထပ် ကံကြမ္မာ ကောင်းချီး မျိုးစိတ်များကို မတွေ့ရတော့သည်ပင် ဖြစ်သည်။ ထို့အပြင် လွန်ခဲ့သည့်နှစ်အနည်းငယ်အတွင်း ကျန်းချန်ရှန်း သည် နောက်ထပ်ရှင်သန်ခြင်းဆုလာဘ်များကို ရယူရန်အခွင့်အရေးမရှိခဲ့ပေ။

ကျန်းကျန့်နှင့် လင်းဟောက်ထျန်း တို့၏ အရာင်အဝါများ အထူးသဖြင့် ကျန်းကျန့်၏ အရောင်အဝါ သည် လျင်မြန်စွာ အားကောင်းလာနေသည်။ သူသည် သူ့ခန္ဓာကိုယ်ကို နေ့တိုင်း နှိုးဆွရန် ချီလင်းနဂါး၏ ကံကြမ္မာ ကောင်းချီးကို အားကိုးပြီး ကောင်းကင်ဂူအဆင့်နှင့် အလွန်နီးကပ်နေပြီ ဖြစ်သည်။ သူသည် လင်းဟောက်ထျန်းကို ကျော်တက်သွားပုံရသည်။

၎င်းကိုကြည့်ခြင်းအားဖြင့် ဤသားရဲများ၏ ကံကြမ္မာ ကောင်းချီးသည် ၎င်း၏သွေးနှင့်ချီ ထက် ပိုတန်ဖိုးရှိသည်။

ကျန်းကျန့် သည် ကမ္ဘာမြေမီး၏ အခြေခံများကို ကျွမ်းကျင်နေပြီဖြစ်သည်။ မီးတောင်နှင့် မီးဒြပ်စွမ်းအင်များ ပေါများသော အရပ်တွင် သူတိုက်ခိုက်နေသရွေ့ ကျန်းကျန့် ၏ ခွန်အားသည် နှစ်ဆတိုးလာသည်။

ကျန်းချန်ရှန်း သည် သူ၏တိုးတက်မှုအတွက် ကျေနပ်နေသည်။

ထိုက်ဟယ် ခေတ် ၂၇ နှစ်၊ မေလအစောပိုင်း။

ကျန်းချဲသည် ကျန်းချန်ရှန်းသို့ လာရောက်လည်ပတ်ခဲ့သည်။

“အရှင်ပေးခဲ့တဲ့ ချီလင်းနဂါးရိုးတွင်း သန့်စင်ဆေးက အစွမ်းထက်လွန်းတယ်။ သောက်လိုက်တဲ့ သူတိုင်းက ၎ ကြွက်သားတွေနဲ့ အရိုးတွေ ပြောင်းလဲသွားတယ်။ ပြီးတော့ အဲဒါက သိုင်းလေ့ကျင့်တဲ့အခါ အစွမ်းသတ္တိက ခုန်တက်သွားတယ်။ ဒါက ကျန်း မိသားစုရဲ့ ခွန်အားကို အများကြီး တိုးလာစေပြီး မိသားစုဂိုဏ်းတွေကလည်း မနာလို ကြောက်ရွံ့မှုတွေ ဖြစ်စေတယ်။”

ကျန်းချဲ က သူ့မုတ်ဆိတ်မွေးများကို ပွတ်သပ်ပြီး ပြုံးလိုက်သည်။ သူ စိတ်ကောင်းဝင်နေသည်။ ဆေးပြားနှင့်ပတ်သက်သည့် သတင်းသည် ပျံ့နှံ့နေပြီဖြစ်ပြီး ထိုသိုင်းပညာမိသားစုများနှင့် ဂိုဏ်းခွဲများကို ခြိမ်းခြောက်ရန် ၎င်းကို တမင်ဖုံးကွယ်ထားခြင်းမရှိပေ။ အမှန်တကယ် ထိရောက်မှုရှိပေသည်။

ကျန်းချန်ရှန်းသည် ချီလင်းနဂါးရိုးတွင်းသန့်စင်ဆေး စုစုပေါင်း 10,000 ကို သန့်စင်ခဲ့သည်။ သို့သော် သူသည် မြိုင်ဟေဝန် ရှိ ချီလင်းရေလွှမ်းနဂါး ၏ ခြေသည်းအားလုံးကို မသုံးရသေးပေ။ တာအိုကမ္ဘာတွင် ၎င်း၏ခြေသည်းများ အေးခဲနေသဖြင့် ၎င်းကို အနာဂတ်တွင် အခြားအရာများတွင် အသုံးပြု နိုင်သေးသည်။

ရဲရွှင်းက ကျန်းချဲကို "ဧကရာဇ်မင်း၊ ဒီနှစ် မင်းအသက် ဘယ်လောက်ရှိပြီလဲ"

ကျန်းချဲ က ပြုံးပြီး “၈၁ နှစ်ရှိပြီ”

ရဲရွှင်းက သက်ပြင်းချလိုက်သည်။ “မင်းရဲ့အချိန်က မကုန်သေးဘူးထင်တယ် ။ မင်းက တက်ကြွနေတုန်းပဲ”

ကျန်းချဲ ၏ အပြုံးသည် နက်ရှိုင်းလာသည်။ “ဟုတ်တယ်။ ငါ အသက်တစ်ရာကျော်လောက် အသက်ရှင်ရင် ရှင်နိုင်တယ်။ မြိုင်ဟေဝန်က ကောင်းချီးပေးခံရတဲ့ မြေကြောင့်နေမှာ”

ကျန်းချန်ရှန်း အပါအဝင် အားလုံးက သူ့အတွက် ပျော်ရွင်ကြသည်။

ကျီဝူကျွင်းက က “မြိုင်ဟေဝန်ရဲ့ သိုင်း ပညာဝိညာဉ်စွမ်းအင်က အကြောင်းရင်းထဲက တစ်ခုပဲနေမှာပါ။ နောက်တချက်က နဂါးသွေးကြော အောက်က နတ်ဆိုးသူတော်စင်ဟာ ထွက်ခွာသွားပြီလေ။ မူလက အချုပ်အခြာအာဏာပိုင်မင်းဆက်တစ်ခုရဲ့ ဧကရာဇ်မင်းက သက်တမ်းတစ်ရာကျော်အထိ အလွယ်တကူနေထိုင်နိုင်တယ်။ နတ်ဆိုးသူတော်စင်က မဟာကျင်းရဲ့ ကံကြမ္မာ ကောင်းချီးကို ထိခိုက်စေတာနေမှာ။ အခုက ပုံမှန်အခြေအနေကို ပြန်ရောက်သွားတာ.နေမှာ”

သူမ၏ရှင်းပြချက်သည် လူတိုင်းအတွက် အဓိပ္ပာယ်ရှိလှသည်။ ကျန်းချဲ က သူ့ဝန်ထုပ်ဝန်ပိုး၏ နောက်ဆုံးအလွှာကို ဖယ်ရှားလိုက်သကဲ့သို့ ပိုပျော်သွားသည်။

ခဏလောက်ကြာတော့ ခြံဝင်းကြီးက ပိုအသက်ဝင်လာသည်။

ကျန်းချဲ သည် သူ မထွက်ခွာမီ ခြောက်နာရီကြာအောင် နေခဲ့သည်။

မဟာကျင်း သည် ပြိုင်ဘက်ကင်းသော်လည်း သူအလုပ်များနေသည်။ မဟာတောနက်ကြီးသို့ မရောက်မီကထက် သူ့တွင် မှတ်ဉာဏ်အမွေခံများ ပိုများလာသည်။ ကံကောင်းထောက်မစွာ၊ အရာအားလုံးသည် သူ၏ထိန်းချုပ်မှုအောက်တွင် ရှိနေခဲ့သည်။

ယခုအချိန်တွင်၊ ကောင်းကင်ချီမြေ သည် ပိုမိုအားကောင်းလာသည်။ လွန်ခဲ့သည့် တစ်နှစ်ခွဲတွင် နေ့တိုင်း ကံကြမ္မာကောင်းချီး ဖြစ်ရပ်များ ဆယ်ခုကျော် ဖြစ်ပွားခဲ့သည်။ တစ်နည်းဆိုရသော်၊ မြင့်မားသောအဆင့်တွင်ရှိသူများအပါအဝင် ရွှေကိုယ်ထည်အဆင့် ကျွမ်းကျင်သူ အနည်းဆုံး ဆယ်ဦး နေ့စဉ်မွေးဖွားလာခြင်း.ဖြစ်သည်။

မဟာကျင်း သည် ဘုရင်ခံနိုင်ငံအသီးသီး၏ ကံကြမ္မာကောင်းချီးကို ပေါင်းစည်းခဲ့ပြီး ၎င်း၏ အမှတ်သည် သန်း ၁၀၀ ကျော်သွားခဲ့သည်။

ကျနိးချန်ရှန်း သည် သစ်ပင်အောက်တွင် ထိုင်ကာ အမှတ်များကို စစ်ဆေးသည်။

[လက်ရှိ အမှတ်: 3,643,327 ,701]

အမှတ် ၃.၆ ဘီလီယံ။

လက်ရှိတိုးတက်မှုနှုန်းသည် နှေးကွေးခြင်းမရှိသဖြင့် ကျန်းချန်ရှန်း သည် နောက်ထပ် ဖြတ်ကျော်မှုကို စောင့်မျှော်ေနသည်။

နောက်ဆုံးအကြိမ် ဖြတ်ကျော် ဝင်ရောက်တုန်းက အမှတ်ပေါင်း သန်း ၂၀ ပဲရှိသည်။ ယခု အလွန်တိုးများလာသောအခါ၊ သူသည် ဆင်းရဲဒုက္ခကို မည်သို့ အောင်မြင်စွာ မကျော်ဖြတ်နိုင်ဘဲ နေမည်နည်း။

ဒါကိုစဉ်းစားရင်း ကျန်းချန်ရှန်းက စိတ်ကောင်းဝင်နေသည်။

မဟာ တောနက်ကြီးကို ပြောင်းရွှေ့လိုက်တာက တကယ့်ကို ဉာဏ်ကောင်းတာပဲ။

သူအပါအဝင် မဟာကျင်း ၏လူများအားလုံးသည် အနာဂတ်အတွက် မျှော်လင့်ချက်အပြည့်ရှိနေကြသည်။

ကျန်းချန်ရှန်း သည် သူ၏နောက်ထပ် ဖြတ်ကျော်မှုကို နီးကပ်လာခဲ့သည်။ တာအို သစ်သီး သည် ခွန်အား စုဆောင်းနေပြီး အသွင်ပြောင်းတော့မည်ကို သူ ရှင်းရှင်းလင်းလင်း သိနိုင်သည်။

ထျန်းဟိုင်သည် ကောင်းကင်ချီမြေ ၏တောင်ဘက်တွင်တည်ရှိသည်။ နဂါးသွေးကြော တိုက်ကြီး သည် မြိုင်ဟေဝန် နှင့် ပေါင်းစပ်ထားသောကြောင့် ထျန်းဟိုင် သည် မဟာကျင်း နှင့် ဘုရင်ခံပြည်နယ်တစ်ခုလုံးရှိ အကြီးဆုံးဆိပ်ကမ်းဖြစ်လာခဲ့သည်။ မဟာတော၌ သယံဇာတပေါများသော်လည်း ပင်လယ်ထဲတွင်လည်း သယံဇာတများစွာ ရှိသည်။ ထို့ကြောင့်၊ ထျန်းဟိုင် သည် ကုန်သည်ကြီးများ အများအပြား ၎င်းတို့၏ ရုံးချုပ်ကို ထူထောင်ရာ နေရာ ဖြစ်လာခဲ့သည်။

ဤနေ့တွင်၊ နဂါးစံအိမ်ကြီး၏ သခင် ကျူးထန်းကျစ် သည် ကောင်းကင်ဂူ အဆင့် သိုင်းပညာရှင် သုံးဦးနှင့်အတူ ပျံသန်းသွားသည်။ လွန်ခဲ့သောနှစ်အနည်းငယ်က ကျန်းချန်ရှန်း သည် အချိန်မဖြုန်းမိစေရန် လမ်းပြ အိပ်မက်တစ်ခု ပေးပို့ခဲ့သည်။ သို့သော် သူတို့သည် သမုဒ္ဒရာထဲတွင် ရက်စက်ကြမ်းကြုတ်လွန်းသော သားရဲများနှင့် တွေ့ကြုံခဲ့ရပြီး ခရီးရှည်ကြီးနှင့် အတူ ယနေ့မှပင် ရောက်ရှိလာခဲ့ကြသည် ။

"အိမ်သခင်၊ အဲဒါ ထျန်းဟိုင် လား"

နဂါးစံအိမ်တော် မှ သိုင်းပညာရှင် တစ်ဦးက မနေနိုင်ဘဲ မေးလိုက်သည်။ ၎င်းတို့အားလုံးသည် ကောင်းကင်ဂူ အဆင့်၌ ရှိကြပြီး ၎င်းတို့အားလုံးသည် ကောင်းကင်ဂူ အဆင့်၃ အထက်တွင် ရှိကြသည်။ ထုံးစံအတိုင်း၊ သူတို့၏ အမြင်အာရုံသည် လူသားများထက် သာလွန်သည်။

ထျန်းဟိုင် ၏ တောင်ဘက်အကျဆုံး ကျွန်းစုသည် အလွန်ကြီးမားပြီး အထူးဆိပ်ကမ်းနှင့်တွဲလျက်ရှိသည်ကို သူတို့အားလုံး ရှင်းရှင်းလင်းလင်း မှတ်မိနေသည်။

ကျူးထန်းကျစ်i က သူ့စိတ်လှုပ်ရှားမှုကို ထိန်းလိုက်ပြီး “ဟုတ်တယ်။ တာအိိုဘိုးဘေး ပြောတာ မှန်တယ်။ သူ့ကို နဂါးသွေးကြော တိုက်ကြီးနဲ့ ထျန်းဟိုင် ကို တကယ်ခေါ်ဆောင်လာနိုင်မယ်လို့ မမျှော်လင့်ထားမိဘူး။ ငါတို့ဘာမှ မပြီးမြောက်နိုင်ခဲ့တာကို ငါတကယ်ရှက်မိတယ်”

ကျန်တဲ့သုံးယောက်က ချက်ချင်း အံ့သြသွားသည်။ တာအိုဘိုးဘေး၏ တန်ခိုးစွမ်းအားကို သူတို့ စိတ်ကူးပင် မယဥ်နိုင်။

သူတို့ထဲက တစ်ယောက်က “စံအိမ်သခင်၊ တကယ်တော့ ငါတို့ ဘာတစ်ခုမှ မရရှိခဲ့တာ မဟုတ်ပါဘူး။ လမ်းတလျှောက် ပင်လယ်လမ်းကြောင်းတွေကို မှတ်သားလာတယ်လေ။ အနာဂတ်မှာ၊ မဟာကျင်းက အားကောင်းလာတဲ့အခါ၊ ကျွန်တော်တို့က တောင်ဘက်ကို သေချာပေါက်သွားရမှာပဲ။ အဲဒါက အကျိုးဆောင်တာ ဖြစ်နေပြီ မဟုတ်လား”

ကျူးထန်းကျစ် က ခေါင်းညိတ်ပြီး "မင်းပြောတာမှန်တယ်။ နဂါးစံအိမ် ကို ပြန်သွားပြီး ကြည့်ကြရအောင်။"

မဟာကျင်း သည် သူတို့ကို ပို၍ပင် ထိတ်လန့်စေမည်ကို သူတို့ မသိခဲ့ကြပေ။

ထိုက်ဟယ် ခေတ် ၂၈နှစ်။ တောင်အနည်းငယ်ကြားတွင်…

ကျန်းကျန့် သည် ကောင်းကင်နှင့်မြေကြီးကြားရှိ သိုင်းပညာစွမ်းအားကို လှုံ့ဆော်ပေးသည့် လေပြင်းများဝန်းရံကာ လေထဲတွင် ထိုင်နေလေသည်။

လင်းဟောက်ထျန်းနှင့် ဖင်အန်း တို့သည် အသားကင်နေကာ မနီးမဝေးတွင် ရပ်နေကြသည်။ လင်းဟောက်ထျန်း က ကျန်းကျန့် ကို မျှော်လင့်တကြီး ကြည့်နေသည် ။

ကျန်းကျန့် သည် ဖြတ်ကျော် ဝင်ရောက်ခဲ့ပြီး သူ့ထက်အရင် ကောင်းကင်ဂူ အဆင့်တစ်သို့ ဝင်ရောက်ခဲ့သည်။

ဒါတောင် သူက ချီလင်းရေလွှမ်းနဂါး၏ ရဲ့ ကံကြမ္မာ ကောင်းချီးကို အကုန်မသုံးရသေးပေ။

လင်းဟောက်ထျန်း သည် မကြာမီ ဖြတ်ကျော်တော့မည်ဖြစ်သောကြောင့် မနာလို မဖြစ်ပေ။ သူ၏ ထူးခြားသော ခန္ဓာကြောင့်၊ အောင်မြင်မှုတစ်ခုစီတိုင်းတွင် သူစုဆောင်းထားသော အရာများသည် သူနှင့်ရွယ်တူများထက် များစွာကျော်လွန်သည်။ ၎င်းသည် သူ၏ရွယ်တူချင်းများထက် သာလွန်သော တိုက်ခိုက်ရေးအင်အားကို ထုတ်လွှတ်နိုင်သည့် အကြောင်းရင်းတစ်ခုဖြစ်သည်။

ကျန်းကျန့် ဖြတ်ကျော်ပြီးရင်တော့ သူ ဖြတ်ကျော်ရမယ့်အလှည့်ပင်။ ဖင်အန်း ရဲ့ ဉာဏ်ပညာက နိမ့်ပါးတဲ့အတွက် သူ့အဖော်နှစ်ယောက်ရဲ့ အောင်မြင်မှုအပေါ် သူ သိပ်မခံစားခဲ့ရပေ။ သူသည် ကင်ထားသော အသားများကို ဆက်လက် အာရုံစိုက်နေ၏။

ကျန်းကျန့် ၏ အငွေ့အသက်များ ပေါက်ကွဲလာသည်နှင့်အမျှ ကောင်းကင်နှင့်မြေကြီးကို တုန်လှုပ်သွားစေသည်။ သူသည် ကောင်းကင်ဂူ အဆင့်တစ်ကို လုံးလုံးဝင်ရောက်ခဲ့ပြီ ဖြစ်သည်။ သူ၏အမိုက်စား ကောင်းကင်ဂူ ပုံသဏ္ဍာန်သည် သူ့နောက်တွင် ကျဉ်းမြောင်းလာသည်။ ၎င်းသည် ကမ္ဘာတစ်ဝှမ်းရှိ ကျောက်ရည်ပူ မီးတောင်တစ်ခုဖြစ်သည်။ တဟုန်းဟုန်းတောက်နေသော တိမ်မည်းများသည် ရှေးခေတ်စစ်မြေပြင်တစ်ခုနှင့် ဆင်တူပြီး အလွန်ဖိအားပြင်းပုံရသည်။ သူ၏မျက်ခုံးကြားရှိ တတိယမျက်လုံးမှာလည်း မီးတောက်များဖြင့် တောက်လောင်နေသဖြင့် သူ့ကို အလွန် ခံ့ညားစေသည်။

လင်းဟောက်ထျန်း သည် သူ၏ အစွမ်းထက်သော ရောင်ဝါကို ခံစားခဲ့ရပြီး သူ့အတွက် စိတ်ရင်းမှန်ဖြင့် ပျော်ရွှင်နေသည်။

တစ်ချိန်တည်းမှာပင် သူတို့နှင့် အလွန်ဝေးသော မြေကွက်ပေါ်တွင် ပေတစ်သောင်းကျယ်သော ကြောက်မက်ဖွယ်အက်ကွဲတစ်ခုက ကမ္ဘာမြေကို နှစ်ခြမ်းကွဲသွားစေသည်။ အောက်ခြေမရှိသော တွင်းနက်ကြီးတစ်ခုကဲ့သို့ပင်။

မြေပြင်ရှိ အက်ကွဲကြောင်းများမှ လေအေးများ ထွက်လာပြီး လေးလံသော အသက်ရှုသံများ ထွက်လာသည်။

သွေးရောင် ရေခဲပုံဆောင်ခဲများ နစ်မြုပ်နေသော အနက်ရောင်ခြေသည်းတစ်ချောင်းသည် အက်ကွဲကြောင်းမှ ချောက်ကမ်းပါးပေါ်သို့ တွယ်တက်လာသည်။ လျှို့ဝှက်ဆန်းကြယ်သော သားရဲတစ်ကောင်သည် မြေပြင်မှ ဖောက်ထွက်ကာ ထွက်လာတော့မည်။

“အရသာရှိတဲ့ အနံ့ပဲ။… ဘယ်သူများလဲ…

ကျယ်လောင်ကာ အိုမင်းနေသေ အသံသည် တစ်ပြည်လုံးတွင် ပဲ့တင်ထပ်၍ မကြာမီ မြေကြီးတစ်ခုလုံး တုန်လှုပ်စပြုလာသည်။