မကောင်းဆိုးဝါးသူတော်စင်ကုန်းမြေ(က)

ဥက္ကာပျံတစ်စင်းသည် ကောင်းကင်ပေါ်မှ ကျဆင်းလာသည်။

ယင်းက တားမြစ်ပင်လယ်ပေါ်သို့ ကျဆင်းသွားသည်။

ဥက္ကာပျံမှ ထုတ်လွှတ်နေသော အလင်းရောင်ကို နန်းဟွမ်ကုန်းမြေနှင့် ယင်ဟွမ်ပြည်နယ်မှ လူတိုင်းက မြင်နိုင်ကြသည်။ လူတိုင်းက ထိတ်လန့်တုန်လှုပ်သွားကြသည်။

ဤအတောအတွင်းတွင် သူတော်စင်ကုန်းမြေများက တစ်ခုပြီးတစ်ခု ဆင်းသက်လာနေကြောင်း လူတိုင်းက သိရှိထားကြသော်လည်း ယင်းက သူတော်စင်ကုန်းမြေတစ်ခု ဤဧရိယာပေါ်သို့ ပထမဆုံးအကြိမ် ဆင်းသက်လာခြင်း ဖြစ်သည်။

ဤဧရိယာအတွင်းမှာ ရှိကြသော အင်အားစုများနှင့် ဂိုဏ်းများသည် သူတော်စင်ကုန်းမြေများ၏ ဆင်းသက်လာမှုနှင့်ပတ်သက်ပြီး စိုးရိမ်ကြောင့်ကြနေကြသည်။

အထူးသဖြင့် ထိုသူတော်စင်ကုန်းမြေ ဆင်းသက်လာသည့်အချိန် ဖြစ်သည်။ ယင်းထံမှ ထုတ်လွှတ်နေသော ဖိအားသည် မုန်တိုင်းတစ်ခုအသွင် ထွက်ပေါ်လာပြီး ကောင်းကင်ပေါ်သို့ သက်ရောက်သွားသည်။ တစ်ချိန်တည်းမှာ ဖိနှိပ်သော စိတ်ခံစားမှုက အနောက်မှ လိုက်ပါလာပြီး အရပ်ရှစ်မျက်နှာဆီသို့ ဆက်လက် ပျံ့ပွားသွားသည်။

ကျယ်လောင်သော မြည်သံသည် ပဲ့တင်ထပ်သွားသည်။

ယင်းက တစ်စုံတစ်ယောက်၏ အသိစိတ်ကို လှုပ်ခါစေနိုင်သော ကောင်းကင်ပေါ်မှ ဟိန်းသံတစ်သံနှင့် ဆင်တူသည်။

အကြီးမားဆုံး သက်ရောက်ခံလိုက်ရသည်မှာ အလောင်းကောင်တားမြစ်နယ်မြေ၏ အနီးနားမှ ဧရိယာဖြစ်သည်။

မျက်စိတစ်ဆုံးကြည့်မည်ဆိုလျှင် ထိုဧရိယာ၏ ပင်လယ်ရေမျက်နှာပြင်သည် ကီလိုမီတာတစ်သိန်းကျော်သော ဧရာမဝဲကတော့တစ်ခုအသွင် အောက်သို့ နစ်မြုပ်သွားသည်။ ရလဒ်အနေဖြင့် ဆူနာမီလှိုင်းလုံးများက ထွက်ပေါ်လာကြပြီး အရပ်မျက်နှာအဘက်ဘက်သို့ ရိုက်ခတ်သွားကြသည်။ နစ်မြုပ်သွားသော ဧရိယာထဲတွင် တစ်စုံတစ်ယောက်သည် ပင်လယ်ကြမ်းပြင်၏ ပုံသဏ္ဍာန်ကို ရိပ်ခနဲ မြင်နိုင်ပေသည်။

ဆူနာမီလှိုင်းလုံးများမှ ဖြစ်ပေါ်လာသော ဧရာမရေလှိုင်းများသည် ကျယ်ပြောသော ဧရိယာကို ဖုံးလွှမ်းသွားသည်။ အနီးနားမှ ကျွန်းစုတချို့သည်ပင် ရေလှိုင်းများ၏ ဖုံးလွှမ်းခံလိုက်ရသည်။

ကံကောင်းစွာဖြင့် ယင်းက သိပ်မကြာခဲ့ပေ။ ထို့ပြင် ထိုကျွန်းစုများပေါ်မှာ နေထိုင်ကြသူများသည် ကြိုတင်သတိပေးခံထားရသောကြောင့် ကြိုတင်ပြင်ဆင်နိုင်ခဲ့ကြသည်။

သို့မဟုတ်လျှင် ယင်းက ကပ်ဘေးတစ်ခု ဖြစ်လာလိမ့်မည်။

ယင်းကိုကြည့်ခြင်းအားဖြင့် သူတော်စင်ကုန်းမြေမှ ထုတ်လွှတ်လိုက်သော အင်အားက မည်မျှပြင်းထန်ကြောင်း စိတ်ကူးကြည့်နိုင်ပေသည်။

မရေမတွက်နိုင်သော ပင်လယ်သားရဲများသည် ချက်ချင်း တုန်ယင်သွားကြပြီး ဤဧရိယာနှင့် ဝေးရာသို့ ရွှေ့ပြောင်းသွားကြသည်။ ယင်းက ကောင်းကင်က အရောင်မပြောင်းလဲသွားခင်အထိ ကြာမြင့်ခဲ့သည်။ ထို့နောက် ဥက္ကာပျံနှင့်ဆင်တူသော သူတော်စင်ကုန်းမြေသည် ဤဧရိယာပေါ်သို့ ဖြည်းညင်းစွာ ဆင်းသက်လာသည်။

နောက်ဆုံးမှာတော့ တားမြစ်ပင်လယ်ပေါ်တွင် ထွက်ပေါ်လာသည်မှာ အလွန်ကြီးမားသော ရေခဲတောင်တစ်လုံး ဖြစ်သည်။

ရေခဲတောင်သည် အလွန်ရှည်လျားလေရာ ကောင်းကင်နှင့် ထိစပ်နေဟန် ရ၏။

ထိုတောင်၏ အကျယ်အဝန်းသည် ပြည်နယ်တစ်ခုနှင့် နှိုင်းယှဉ်နိုင်သည်။

ယင်းက ပင်လယ်ထဲသို့ မကျဆင်းသွားပေ။ ယင်းအစား ပင်လယ်ရေမျက်နှာပြင်၏ ပေတစ်သောင်းအထက်မှာ မျောလွင့်နေသည်။ အဝေးမှကြည့်လျှင် ယင်းက မျောလွင့်နေသော ဧရာမကျွန်းစုတစ်ခုနှင့် ဆင်တူသည်။

ထိုနေရာ၏ အောက်ခြေသည်တော့ ယခင်က ရွှီချင်းသတ်ဖြတ်ခဲ့သော ဝိညာဉ်စုစည်းခြင်းအဆင့် ကျင့်ကြံသူနှစ်ယောက်၏ နေရာဖြစ်သည်။ ယင်းက အချက်ပေးစည်းချအစီအရင်တည်ရှိသော နေရာဖြစ်ပြီး အလောင်းကောင်တားမြစ်နယ်မြေ၏ အပေါ်မှာ ဖြစ်သည်။

အလောင်းကောင်တားမြစ်နယ်မြေသည် ယင်ဟွမ်ပြည်နယ်နှင့် နန်းဟွမ်ကုန်းမြေကြားတွင် တည်ရှိသော တားမြစ်ဒေသကြီးတစ်ခု ဖြစ်သည်။ ထိုနေရာက တစ်နှစ်ပတ်လုံး ပင်လယ်အောက်ခြေမှာ ပုန်းကွယ်နေသည်။ နှစ်ပေါင်းမြောက်များစွာအတွင်း အလောင်းကောင်တားမြစ်နယ်မြေ၏ အရှင်သခင် နိုးထလာသည့်အချိန်မှလွဲ၍ ကျန်သည့်အချိန်အများစုတွင် ထိုတားမြစ်ဒေသကြီးသည် တိတ်ဆိတ်ငြိမ်သက်ခဲ့သည်။

သို့သော်လည်း အရာအားလုံးသည် လွန်ခဲ့သော နှစ်အနည်းငယ်ခန့်က ရှေးဟောင်းဂိတ်တံခါး ထွက်ပေါ်လာပြီး အလောင်းကောင်တားမြစ်နယ်မြေ၏ အရှင်သခင် သေဆုံးသွားပြီးနောက် သိသိသာသာ ပြောင်းလဲသွားခဲ့သည်။ ထိုအချိန်မှစ၍ အလောင်းကောင်တားမြစ်နယ်မြေသည် အသက်ဓာတ်ကို ဆုံးရှုံးသွားသည့်အလား သက်ဝင်လှုပ်ရှားခြင်း မရှိတော့ပေ။

လူအနည်းစုသာလျှင် ထိုကိစ္စကို အသေးစိတ် သိရှိထားကြသည်။

ယနေ့ သူတော်စင်ကုန်းမြေ၏ ရောက်ရှိလာမှုနောက်ကွယ်မှာ နက်နဲသော အဓိပ္ပာယ်တစ်ခုရှိကြောင်း ထင်ရှားပေသည်။

ဤအခိုက်အတန့်မှာ နတ်ဘုရားစိတ်အာရုံများသည် ယင်ဟွမ်ပြည်နယ်၊ နန်းဟွမ်ကုန်းမြေနှင့် တားမြစ်ပင်လယ်ထဲမှ ထွက်ပေါ်လာကြပြီး သူတော်စင်ကုန်းမြေတစ်ခုဖြစ်သော ဧရာမရေခဲတောင်ပေါ်သို့ ပစ်မှတ်ထားလိုက်ကြသည်။ ထိုစဉ် ရေခဲတောင်သည် တုန်ယင်သွားသည်။

အက်ကွဲသံသည် မိုးခြိမ်းသံသဖွယ် ပဲ့တင်ထပ်လာသည်။

မရေမတွက်နိုင်သော အက်ကွဲကြောင်းများသည် တောင်ပေါ်မှ ရေခဲအလွှာပေါ်မှာ ပျံ့နှံ့ထွက်လာကြသည်။

ဆယ့်ငါးမိနစ်ကြာပြီးနောက် အက်ကွဲကြောင်းများသည် တောင်တစ်ခုလုံးကို ပျံ့နှံ့သွားကြသည်။

နောက်အခိုက်အတန့်မှာ ရေခဲအလွှာက အပိုင်းပိုင်းအစစ အက်ကွဲသွားပြီး အရပ်မျက်နှာအဘက်ဘက်တွင် ပေါက်ကွဲသွားသည်။ ထိုအခါ အထဲမှ အဖြူရောင်တောင်က ရှင်းလင်းစွာ ထွက်ပေါ်လာသည်။

အပြာရောင်ရေခဲအပိုင်းအစများသည်တော့ ပင်လယ်ထဲသို့ ကျဆင်းသွားကြပြီး အရည်ပျော်သွားကြသည်။ ဘေးပတ်ဝန်းကျင်မှ အပူချိန်သည် မြန်ဆန်စွာ နိမ့်ဆင်းသွားသည်။ သူတော်စင်ကုန်းမြေ၏ အောက်မှ ပင်လယ်ရေမျက်နှာပြင်ပေါ်တွင် အပြာရောင်ရေခဲအလွှာတစ်ခု ရေးတေးတေး ထွက်ပေါ်လာနေကြောင်း မည်သူမဆို မြင်နိုင်လိမ့်မည်။

အဖြူရောင်တောင်သည်တော့ သိပ်သည်းသော အသက်ဓာတ်ဖြင့် ပြည့်နှက်နေသည်။ အသက်ဓာတ်ထွက်ပေါ်လာသည်နှင့်ချက်ချင်း မြက်ခင်းစိမ်းများက ထွက်ပေါ်လာကြပြီး ရှည်လျားသော သစ်ပင်ကြီးများက မြေကြီးထဲမှ မြှောက်တတ်လာကြသည်။ အလွန်သိပ်သည်းသော ဝိညာဉ်စွမ်းအင်သည် တောင်ပေါ်မှာ စီးဆင်းနေသည်။ မှော်ဝင်သားရဲများသည် အိပ်မောကျနေရာမှ နိုးထလာသည့်အလား စတင်ပျံသန်းလိုက်ကြပြီး ဟိန်းဟောက်လိုက်ကြသည်။ ယင်းက အသက်ဓာတ်နိုးထလာမှုကို အပြည့်အဝ ဖော်ပြနေသည်။

ကောင်းချီးမင်္ဂလာတိမ်တိုက်များသည် ကောင်းကင်နှင့် ဘေးပတ်ဝန်းကျင်မှာ ထွက်ပေါ်လာကြပြီး လွင့်မျောနေကြသည်။

မကြာမီ သူတော်စင်ကုန်းမြေက ကောင်းကင်ဘုံတောင်တစ်လုံးနှင့် ဆင်တူသွားသည်။

ပေတစ်ထောင်ရှည်လျားသော ပုံရိပ်တစ်ခုသည် ကောင်းကင်ဘုံတောင်ထဲမှ ထွက်လျှောက်လာသည်။

ထိုဧရာမပုံရိပ်သည် ရွှီချင်းသတ်ဖြတ်ခဲ့သော ဝိညာဉ်စုစည်းခြင်းအဆင့် ကျင့်ကြံသူနှစ်ယောက်နှင့် မျိုးနွယ်တစ်ခုတည်း ဖြစ်ဟန်မရချေ။

သူ၏ မျက်နှာအသွင်အပြင်သည် လူသားတစ်ယောက်နှင့် ဆင်တူသော်လည်း သူ့မှာ ဆံပင်မရှိပေ။

သူ၏ အရေပြားသည် ကျောက်စိမ်းဖြင့် ပြုလုပ်ထားသည့်အလား ဖြူဖွေးပြီး မြင့်မြတ်ထည်ဝါသော ခံစားမှုကို ပေးသည်။

သူ၏ အသက်အရွယ်ကိုတော့ အတိအကျပြောရန် မဖြစ်နိုင်ပေ။ သို့သော်လည်း သူ၏ ခန္ဓာကိုယ်မှ ရှေးဟောင်းအရှိန်အဝါကို ထုတ်လွှတ်နေသည်။

အံ့ဖွယ်အကောင်းဆုံးမှာ သူ၏ ခန္ဓာကိုယ်မှ ထုတ်လွှတ်နေသော ကျင့်ကြံခြင်းအရှိန်အဝါ ဖြစ်သည်။

ထိုကျင့်ကြံခြင်းအဆင့်သည် ကျင့်ကြံသူအများစု၏ နားလည်နိုင်စွမ်းထက် ကျော်လွန်နေသည်။ ယင်းက သူတို့၏ ဘဝတစ်လျှောက်တွင် တစ်ခါမှ မျက်မြင်မတွေ့နိုင်သော အကြောက်တရား ဖြစ်သည်။ ပညာရှင်ကျင့်ကြံသူများသာလျှင် သူတို့၏ နတ်ဘုရားစိတ်အာရုံဖြင့် ယင်းကို စူးစမ်းနိုင်ကြသည်။

အဲ့ဒါက အုပ်ချုပ်သူတစ်ပါးပဲ…

ထိုလူ၏ ထွက်ပေါ်လာမှုကြောင့် လောကသည် အရောင်ပြောင်းလဲသွားပြီး ပင်လယ်သည် ပရမ်းပတာဖြစ်သွားသည်။ ဤနေရာတစ်ဝိုက်မှ ဥပဒေသများနှင့် နိယာမများသည် ထိုလူ၏ ထွက်ပေါ်လာမှုကို ကောင်းချီးပေးလိုက်ကြသည်။

ကောင်းကင်ဘုံတာအိုများသည်ပင် ထိုကျင့်ကြံသူကို အသိအမှတ်ပြုလိုက်ကြသည်။

အဘယ့်ကြောင့်ဆိုသော် ထိုလူက အုပ်ချုပ်သူအဆင့်၏ အထွတ်အထိပ်မှာ ဖြစ်သည်။

သူက မျိုးနွယ်စု၏ ကမ္မနှင့် ပြင်ပအထောက်အပံ့မရှိဘဲ စစ်မှန်သော အထွတ်အထိပ်အဆင့် အုပ်ချုပ်သူတစ်ပါး ဖြစ်သည်။ ထို့ကြောင့် သူက ပြစ်ချက်မဲ့အဆင့်နှင့် နှိုင်းယှဉ်နိုင်သည်။

သူက ကောင်းကင်ဘုံတောင်ထဲမှ ထွက်လျှောက်လာပြီး တားမြစ်ပင်လယ်ထဲသို့ ခြေချလိုက်သည်။ ထို့နောက် သူက အလောင်းကောင်တားမြစ်နယ်မြေထဲသို့ ဝင်ရောက်သွားသည်။

အလောင်းကောင်တားမြစ်နယ်မြေထဲတွင် ထိုလူဝင်သွားသည်နှင့်ချက်ချင်း နှလုံးကွဲကြေသော အော်ဟစ်သံများက အဆုံးမဲ့စွာ ပဲ့တင်ထပ်လာသည်။ အနက်ရောင်သွေးသည် အလောင်းကောင်တားမြစ်နယ်မြေထဲမှ စီးကျလာပြီး ပင်လယ်ရေနှင့် ပေါင်းစပ်သွားသည်။

ထိုသွေးသည် ခုနစ်ရက်တိုင်အောင် စီးဆင်းခဲ့သည်။

အော်ဟစ်ငိုကြွေးသံများသည် ခုနစ်ရက်တိုင်အောင် ကြာမြင့်ခဲ့သည်။

လူတိုင်း၏ အာရုံစိုက်မှုအောက်မှာ ရှစ်ရက်မြောက်နေ့တွင် အထွတ်အထိပ် အုပ်ချုပ်သူအဆင့် ကျောက်စိမ်းဖြူကျင့်ကြံသူသည် ပခုံးပေါ်တွင် ရှေးဟောင်းကျောက်တံခါးကို ထမ်းလျက် အလောင်းကောင်တားမြစ်နယ်မြေထဲမှ ပြန်ထွက်လာသည်။

ထိုတံခါးသည် အတိတ်တွင် အလောင်းကောင်တားမြစ်နယ်မြေအတွင်းမှာ ဖွင့်လှစ်သွားခဲ့သော ရှေးဟောင်းဂိတ်တံခါးမှလွဲ၍ တခြားမဟုတ်ပေ။

အတိတ်တွင် ပုပ်သိုးဆွေးမြေ့သော လက်တစ်ဖက်သည် ထိုဂိတ်တံခါးထဲမှ ဆန့်တန်းထွက်လာပြီး အလောင်းကောင်တားမြစ်နယ်မြေ၏ အရှင်သခင်ကို သတ်ပစ်ခဲ့သည်။

ယခု ထိုလျှို့ဝှက်ဆန်းကြယ်သော ဂိတ်တံခါးသည် သူတော်စင်ကုန်းမြေဆီသို့ ကျောက်စိမ်းဖြူကျင့်ကြံသူ၏ ယူဆောင်သွားခြင်းခံလိုက်ရသည်။

ထို့နောက် အရေအတွက်များပြားသော သူတော်စင်ကုန်းမြေကျင့်ကြံသူများက ထွက်ပေါ်လာကြပြီး အော်ဟစ်ချီးမြှောက်လိုက်ကြသည်။

ဤသူတော်စင်ကုန်းမြေသည် အတော်လေး ထူးခြားသည်။

ထိုမျိုးနွယ်ဝင်များ၏ အသွင်သဏ္ဍာန်သည် အံ့အားသင့်ဖွယ်ကောင်းစွာ ထူးခြားသည်။ တချို့သည် ယခင်က ရွှီချင်းသတ်ဖြတ်ခဲ့သော ကျင့်ကြံသူနှစ်ယောက်နှင့် ဆင်တူကြသည်။ တချို့သည်တော့ သူတို့၏ ခန္ဓာကိုယ်များက အတူတကွ ပေါင်းစပ်နေကြသည်။

တချို့သည် လူသားအသွင်ရှိပြီး တချို့သည် သားရဲအသွင် ရှိကြသည်။ ထူးဆန်းသော အသွင်သဏ္ဍာန်များနှင့် အကောင်များလည်း ရှိကြသေးသည်။