ကီလိုမီတာငါးရာကျယ်ဝန်းသော မြေအောက်လောကနယ်ပယ်(က)

ရွှီချင်း၏ အသံက ပင်လယ်ရေအောက်ထဲမှာ ပဲ့တင်ထပ်သွားသည်။

ရေစီးသံသည် ဘေးပတ်ဝန်းကျင်မှာ ထွက်ပေါ်လာသည်။

အနီးနားပတ်ဝန်းကျင်မှ ပင်လယ်ရေထဲမှာ ကူးခတ်နေကြသော ငါးများ၏ အတောင်ပံခတ်သံ၊ ပင်လယ်သားရဲများ၏ မာန်ဖီဟိန်းဟောက်သံများနှင့် ပင်လယ်အနက်ပိုင်းထဲမှ အသက်ရှူသံ…

ဤအခိုက်အတန့်မှာ ရွှင်းထိုင်နတ်ဆိုး၏ သားနှင့် သူ၏ တာအိုအစောင့်အရှောက်ကိုးပါးထံမှ နှလုံးခုန်သံများ၊ သွေးစီးဆင်းနေသော အသံများနှင့် သူတို့၏ လှုပ်ရှားမှုများမှ ထွက်ပေါ်လာသော အသံများက တစ်ခုတည်း ပေါင်းစည်းသွားကြသည်။

ထိုအသံများက လက်ပြတ်က တီးခတ်နေသော လကြိုဆိုကောင်းကင်ဘုံတေးသံနှင့် ပေါင်းစပ်သွားပြီး အလွန်ကျယ်ပြောသော စွမ်းအားတစ်ခုကို ဖန်တီးလိုက်သည်။ စက္ကန့်ပိုင်းအတွင်းမှာ ယင်းက အရပ်မျက်နှာအဘက်ဘက်ဆီသို့ ပျံ့ပွားသွားသည်။

တေးသံကို တီးခတ်လိုက်သည်နှင့် သေစေနိုင်သော စွမ်းအားက ထွက်ပေါ်လာသည်။

ရလဒ်အနေဖြင့် ထူးဆန်းသော စွမ်းအားတစ်မျိုးက ကောင်းကင်ပေါ်သို့ မြှောက်တတ်သွားပြီး ဘေးပတ်ဝန်းကျင်ဆီသို့ ပျံ့လွင့်သွားကာ ကြောက်မက်ဖွယ်ကောင်းသော အစွမ်းကို ထုတ်ဖော်လိုက်သည်။ ယင်းက ပင်လယ်ကို ပရမ်းပတာဖြစ်သွားစေပြီး အလွန်ကြီးမားသော ဖိအားကို ဖြစ်ပေါ်လာစေသည်။

ကမ္ဘာတုန်ဟီးစေနိုင်သော စွမ်းအားက အရာအားလုံးကို ဖိနှိပ်လိုက်သည်။

ရွှင်းထိုင်နတ်ဆိုး၏ သားနှင့် သူ၏ တာအိုအစောင့်အရှောက်များသည် နှလုံးတုန်ယင်သွားကြသည်။ သူတို့အားလုံးက နတ်ဘုရားအစွမ်းများကို အသီးသီး ထုတ်ဖော်လိုက်ကြသည်။ ထိုအခါ သူတို့၏ ခန္ဓာကိုယ်က စတင်ဖောင်းကားလာကြသည်။ ဤသည်မှာ သူတို့၏ အသွေးအသားက မြန်ဆန်စွာ ကြီးထွားလာနေသည့်အလားပင်။

ယင်းက သူတို့၏ မွေးရာပါစွမ်းရည်ဖြစ်ပြီး သူတို့လုယက်ထားသော တခြားမျိုးနွယ်စုများထံမှ အသွေးအသားအားလုံးကို အသက်သွင်းပေးနိုင်သည်။ ထို့ပြင် ထိုအသွေးအသားများက သူတို့နှင့် တစ်ဘဝလုံး ပေါင်းစပ်နေလိမ့်မည်။

သူတို့က ကြောက်စရာကောင်းသော မိစ္ဆာများနှင့် ဆင်တူကြသည်။ သူတို့၏ အသွင်သဏ္ဍာန်သည် တစ်ယောက်နှင့်တစ်ယောက် မတူညီဘဲ ကိုးရိုးကားရားနိုင်သည်။

ဤအခိုက်အတန့်မှာ သူတို့အားလုံးက ရွှီချင်း၏ အသံမုန်တိုင်းကို ခုခံတားဆီးရန် မိစ္ဆာအသွင်ကို ထုတ်ဖော်လိုက်ကြသည်။

ကျယ်လောင်သော မြည်သံသည် ကောင်းကင်နှင့် မြေပြင်ကို တုန်လှုပ်သွားစေသည်။ အသံနတ်ဘုရားအခွင့်အာဏာ၏ စွမ်းအားသည် အရပ်ရှစ်မျက်နှာဆီသို့ ပျံ့ပွားသွားပြီး လူတိုင်း၏ ခန္ဓာကိုယ်များကို ရိုက်ခတ်သွားသည်။

နောက်အခိုက်အတန့်မှာ ဧရာမဝဲကတော့တစ်ခုက ပင်လယ်ရေအောက်ထဲမှာ ဖြစ်ပေါ်လာသည်။

ဝဲကတော့သည် ကီလိုမီတာငါးရာကျယ်ဝန်းသော ဧရိယာကို လွှမ်းခြုံသွားပြီး အကာအကွယ်နှင့် ချိပ်တံဆိပ်ကို ဖွဲ့စည်းလိုက်သည်။

အဝေးမှကြည့်လျှင် ယင်းက ဧရာမရေဘာလုံးတစ်လုံးနှင့် ဆင်တူသည်။

အနီးနားမှာဖြစ်စေ အဝေးမှာဖြစ်စေ ပင်လယ်ရေအောက်ထဲမှ အသံအားလုံးက မြန်ဆန်စွာ ဆွဲထုတ်ခံလိုက်ရပြီး ကီလိုမီတာငါးရာဧရိယာအတွင်းသို့ ထည့်သွင်းခံလိုက်ရသည်။ ယင်းက ဝဲကတော့အတွင်းမှာ အဆုံးမဲ့သော အသံပေါက်ကွဲမှုများကို ဖြစ်ပေါ်လာစေသည်။

ရွှီချင်း၏ သတ်ဖြတ်ခြင်းစိတ်ဆန္ဒက ရုတ်တရက် ဆင်းသက်လာခြင်း ဖြစ်သည်။

မကောင်းဆိုးဝါးသူတော်စင်ကုန်းမြေမှ ကျင့်ကြံသူများက အံ့ဩထိတ်လန့်သွားကြပြီး နှလုံးတုန်သွားကြစဉ် ရွှီချင်းက အမူအရာကင်းမဲ့စွာ မတ်တတ်ရပ်လိုက်သည်။

အေးစက်စက်အလင်းက သူ၏ မျက်လုံးထဲမှာ ဖြတ်ပြေးသွားသည်။ ကီလိုမီတာငါးရာဧရိယာအတွင်း၌ မကောင်းဆိုးဝါးသူတော်စင်ကုန်းမြေမှ ပုံရိပ်များသည် အသံပေါက်ကွဲမှုစွမ်းအားကြောင့် အတင်းအဓမ္မ လူစုကွဲသွားကြသည်။ သို့သော်လည်း သူတို့က ရွှီချင်း၏ နတ်ဘုရားစိတ်အာရုံအောက်မှာ ရှိနေကြဆဲပင်။

ကီလိုမီတာငါးရာကျယ်ဝန်းသော ဧရိယာသည် သူ့အတွက် တိုက်ပွဲမြေပြင် ဖြစ်လာသည်။

အစက သူသည် ဤတိုက်ပွဲမြေပြင်ကို ရွှေကျီးကန်းနဂါးရထားလုံးနှင့် ဘီလူးအတွက် ကြိုပြင်ဆင်ထားခြင်းသာ ဖြစ်သည်။ သို့သော်လည်း ဘီလူးက ရောက်မလာသေးသောကြောင့် မကောင်းဆိုးဝါးသူတော်စင်ကုန်းမြေမှ ကျင့်ကြံသူများက ယင်းကို အရင်ဦးစွာ မြည်းစမ်းရလိမ့်မည်။

ရွှီချင်းသည် အစက သူတို့ကို သတ်ဖြတ်ရန် မရည်ရွယ်ထားပေ။ သို့သော်လည်း ထိုလူများက သူ့အပေါ် မကောင်းကြံစိတ်ရှိနေမှတော့ သူတို့ကို သူသတ်ပစ်ရလိမ့်မည်။

ဤအခိုက်အတန့်မှာ သူက အရှေ့သို့ ခြေတစ်လှမ်း လှမ်းလိုက်သည်။

သူက အသံပေါ်သို့ ခြေချလိုက်သည့်အခါ နေရာမှ ရုတ်ချည်း ပျောက်ကွယ်သွားသည်။ သူက ပြန်ပေါ်လာသည့်အခါ အသံထဲမှာ ဆက်ရှိနေဆဲပင်။

သူက တာအိုအစောင့်အရှောက်တစ်ဦး၏ အရှေ့မှာ ထွက်ပေါ်လာသည်။

ထိုလူ၏ အသွင်သဏ္ဍာန်သည် လူသားများနှင့် အလွန်ခြားနားသည်။ သူ၏ ခန္ဓာကိုယ်က ပေရာပေါင်းများစွာ ရှည်လျားပြီး လက်လေးဖက်ရှိသည်။ သူ၏ ခန္ဓာကိုယ်က ပိန်ပါးပြီး သူ၏ ဦးခေါင်းက သေးငယ်သည်။ သူ၏ ရင်ဘက်နေရာသည်သာ ဖောင်းကားပြီး လူးလွန့်လှုပ်ရှားနေသည်။

သူ၏ အသွင်သဏ္ဍာန်သည် ရက်စက်ကြမ်းကြုတ်ပြီး ထူးခြားသည်။ ဤအခိုက်အတန့်မှာ သူက ချိပ်တံဆိပ်လက်ဟန်များကို ဖွဲ့စည်းလိုက်လေရာ သူ၏ ခန္ဓာကိုယ်ထဲမှ အလွန်သိပ်သည်းသော အသက်ဓာတ်က ထွက်ပေါ်လာသည်။ သူက ဘေးပတ်ဝန်းကျင်မှ အသံများကို ဝါးမျိုနေရင်း အနောက်ဆုတ်သွားနေလေရာ သူ၏ ရင်ဘက်က ပိုပြီးလူးလွန့်လှုပ်ရှားလာသည်။

ဤမကောင်းဆိုးဝါးကျင့်ကြံသူသည် ထူးခြားသည်။ အတိအကျဆိုရလျှင် သူ၏ နှလုံးက ထူးခြားသည်။ ယင်းက အသံများကို အမှန်တကယ် ဝါးမျိုနိုင်သည်။

ရွှီချင်းထွက်ပေါ်လာသည်နှင့်ချက်ချင်း ထိုကျင့်ကြံသူက တစ်စုံတစ်ခုကို အာရုံခံမိသွားပြီး ဆတ်ခနဲ ခေါင်းမော့လိုက်သည်။ သူက လက်လေးဖက်စလုံးဖြင့် ချိပ်တံဆိပ်လက်ဟန်များကို ဖွဲ့စည်းလိုက်ပြီး အောက်သို့ ဖိချလိုက်သည်။

သို့သော်လည်း သူ့ကို စောင့်ကြိုနေသည်မှာ အေးစက်စက် နှာခေါင်းရှုံ့သံဖြစ်သည်။

နှာခေါင်းရှုံ့သံက အရပ်မျက်နှာအဘက်ဘက်တွင် ပေါက်ကွဲသွားပြီး အသံနတ်ဘုရားအခွင့်အာဏာ၏ စွမ်းအားက အကြမ်းပတမ်း ထွက်ပေါ်လာသည်။ ယင်းက အရပ်ရှစ်မျက်နှာဆီမှ အသံအားလုံးကို ဆွဲယူလိုက်ပြီး ထိုကျင့်ကြံသူကို လွှမ်းခြုံသွားကာ ကီလိုမီတာငါးရာကျယ်ဝန်းသော အသံဘောလုံးထဲတွင် သေးငယ်သော အသံဘောလုံးတစ်လုံးကို ဖွဲ့စည်းလိုက်သည်။

အသံဘောလုံးထဲတွင် ကြီးမားသော တုန်ခါမှုများနှင့် အသံလှိုင်းများက အလွန်အားကောင်းသော ပဲ့တင်ထပ်မှုကို ဖန်တီးလိုက်သည်။ ယင်းကို အာရုံခံမိသွားသောအခါ မကောင်းဆိုးဝါးကျင့်ကြံသူသည် အမူအရာပျက်ယွင်းသွားပြီး သေခြင်းရှင်ခြင်းအန္တရာယ်ကို ခံစားမိသွားသည်။

ထိုသို့အရေးကြီးအခိုက်အတန့်မှာ မဟာလောကသုံးခုသည် သူ၏ ခန္ဓာကိုယ်ပေါ်မှာ တိတ်တဆိတ် ထွက်ပေါ်လာကြသည်။ မဟာလောကများ ဒြပ်ထည်ဖြစ်ပေါ်လာသည်နှင့်ချက်ချင်း သူ၏ ရင်ဘက်က ဟက်တက်ကွဲသွားပြီး ထူးခြား‌သော အဖြူရောင်နှလုံးက ထွက်ပေါ်လာသည်။

ရှေးဟောင်းမှော်သင်္ကေတများက သူ၏ နှလုံးပေါ်မှာ ပျံ့နှံ့နေကြသည်။ ထိုနှလုံးထွက်ပေါ်လာသည်နှင့်ချက်ချင်း ယင်းက ဝဲကတော့တစ်ခုသို့ ပြောင်းလဲသွားသည်။ အသံကို ဝါးမျိုနိုင်သော စွမ်းအားက သိသာစွာ ပိုပြီးအားကောင်းလာပြီး ယင်းက ဘေးပတ်ဝန်းကျင်ပေါ် သက်ရောက်သွားမည့် မိစ္ဆာအတွေးလှိုင်းများကို ဖွဲ့စည်းလိုက်သည်။

ထူးခြားသော ထိုနှလုံးကို အတွေးကိုးခုမိစ္ဆာနှလုံးဟု ခေါ်သည်။ ယင်းက ကြယ်တာရာကောင်းကင်မှ လျှို့ဝှက်ဆန်းကြယ်သော မျိုးနွယ်စုတစ်ခု၏ နှလုံးဖြစ်သည်။ ထိုမျိုးနွယ်၏ လူငယ်များသည် ဝိညာဉ်နတ်သူငယ်အဆင့်မှာ ရှိကြသည်။ လူကြီးများသည်တော့ အထွတ်အထိပ်အဆင့် ဝိညာဉ်စုစည်းခြင်းအဆင့်ထိ ရောက်နိုင်ကြသည်။

အတိတ်တွင် ဤမကောင်းဆိုးဝါးကျင့်ကြံသူသည် ထိုမျိုးနွယ်စုထံမှ နှလုံးကို လုယက်ရန် ကြီးမားသော တန်ဖိုးကို ပေးဆပ်ခဲ့ရသည်။ ထိုနှလုံးကြောင့်ပင် မကောင်းဆိုးဝါးသူတော်စင်ကုန်းမြေထဲမှာ သူ၏ အဆင့်အတန်းက တစ်ဟုန်ထိုး မြင့်တတ်သွားခဲ့ပြီး မထင်မရှား ကျင့်ကြံသူဘဝမှ လက်ရှိအခြေအနေထိ ရောက်ရှိလာခဲ့သည်။

ဤအခိုက်အတန့်မှာ သေခြင်းရှင်ခြင်းအခြေအနေဖြင့် ရင်ဆိုင်ရသောအခါ သူက အစွမ်းကုန် ထုတ်သုံးလိုက်ပြီး ထိုနှလုံး၏ အစွမ်းကို လှုံ့ဆော်လိုက်သည်။

ထိုနှလုံးက ထူးခြားသော်လည်း ယခု သူရင်ဆိုင်နေရသော ရွှီချင်းက ထိုနှလုံးထက် အများကြီး ပိုပြီးထူးခြားသည်။

အထူးသဖြင့် ဤတိုက်ပွဲမြေပြင်က ကြေးရထားလုံးနှင့် ဘီလူးအတွက် သူပြင်ဆင်ထားသော အစီအစဉ်ဖြစ်သည်။ သူက ဤနေရာမှာ အသံများကို ကြိုတင်မြှုပ်နှံထားခဲ့သည်။ ယခု သူက ထိုအသံများကို ကိုယ်တိုင်ထိန်းချုပ်လိုက်သည့်အခါ အသံနတ်ဘုရားအခွင့်အာဏာ၏ စွမ်းအားက ပိုပြီးကြောက်စရာကောင်းလာသည်။

အသံများစွာက ဒလဟော ပျံ့နှံ့သွားကြသည်။

သူ၏ ထူးခြားသော နှလုံးသည်ပင် ထိုမျှများပြားသော အသံများကို မဝါးမျိုနိုင်ပေ။ နှလုံးသည် အပြင်းအထန် တုန်ယင်လာပြီး နောက်ဆုံးမှာတော့ ဆက်လက် မတောင့်ခံနိုင်တော့ပေ။ ယင်းက အသံဘောလုံးထဲမှ ပဲ့တင်ထပ်မှုအောက်မှာ အပိုင်းပိုင်းအစစ အက်ကွဲသွားသည်။

အော်ဟစ်ညည်းတွားသံက မြည်ဟိန်းထွက်လာသည့်အခါ အသံက ဆေဘာဓားအဖြစ် အသွင်ပြောင်းလဲသွားပြီး မကောင်းဆိုးဝါးကျင့်ကြံသူကို ခုတ်ပိုင်းလိုက်သည်။

သွေးမြူသည် ပြန့်ကျဲသွားပြီး ခန္ဓာကိုယ်နှင့် ဝိညာဉ်သည် အမြစ်ဖြတ်သုတ်သင်ခံလိုက်ရသည်။

ရွှီချင်းသည် ရွှေကျီးကန်းအဖြစ် အသွင်ပြောင်းလိုက်ပြီး ပြိုကွဲသွားသော အသံဘောလုံးထဲမှ ပျံသန်းထွက်လာသည်။

လေထဲမှာ သူက မှိတ်တုတ်မှိတ်တုတ် လင်းလက်သွားပြီး အနက်ရောင်လှံတစ်ချောင်းအဖြစ် အသွင်ပြောင်းလဲသွားကာ အသံထဲသို့ ပေါင်းစပ်သွားသည်။ သူက တခြားဦးတည်ရာမှ မကောင်းဆိုးဝါးကျင့်ကြံသူဆီသို့ ပျံသန်းသွားသည်။

သူ၏ ရွေ့လျားမှုကို အမြန်နှုန်းဖြင့် မတိုင်းတာနိုင်ပေ။ ဤသည်မှာ သူက တစ္ဆေတစ်ကောင်အလား အသံထွက်ပေါ်နေသည့်နေရာတိုင်းမှာ ရှိနေလိမ့်မည်။

ယင်းက ထူးခြားဆန်းကြယ်ပြီး ချောက်ချားဖွယ်ကောင်းသည်။ အထူးသဖြင့် ယင်းက လုပ်ကြံသတ်ဖြတ်ခြင်းအတွက် အထူးအသုံးဝင်သည်။

ဤအခိုက်အတန့်မှာ အနက်ရောင်လှံသည် ဟင်းလင်းပြင်ကို ချက်ချင်း ချိုးဖောက်သွားပြီး တခြားမကောင်းဆိုးဝါးကျင့်ကြံသူတစ်ဦး၏ အရှေ့မှာ ထွက်ပေါ်လာသည်။ လှံသည် မရပ်တန့်သွားဘဲ အကြင်နာမဲ့စွာ ဆက်ပြီး ထိုးဖောက်သွားသည်။

ရွှင်းထိုင်နတ်ဆိုး၏ သား၏ တာအိုအစောင့်အရှောက်တစ်ပါးဖြစ်လာရန် တစ်စုံတစ်ယောက်၏ ကျင့်ကြံခြင်းသည် အခြေခံလိုအပ်ချက်မျှသာ ဖြစ်သည်။ အဓိကအရေးကြီးဆုံးမှာ အလားအလာ ဖြစ်သည်။ အလားအလာရှိသော မျိုးနွယ်ဝင်သည်သာ တာအိုအစောင့်အရှောက်တစ်ပါးဖြစ်လာရန် အရည်အချင်းပြည့်မီသည်။