သက်တော်ရှည်ခေတ်နှင့် အင်မော်တယ်နတ်ဘုရားများ၏အုပ်စိုးရှင်....

ကောင်းကင်စစ်သူကြီး ၃၆ ဦးတို့ ရွှေရောင်အလင်းတန်းအောက်တွင် အထက်သို့​ပျံတက်ကြပြီး နတ်ဘုရားအဖြစ်အပ်နှင်းခြင်းစာလိပ်ထဲသို့ ဝင်ရောက်ကာ အခြားအမည် ၃၆ ခုကိုလည်း ထည့်သွင်းခဲ့သည်။ သူတို့သည် နတ်ဘုရားအဖြစ်အပ်နှင်းခြင်းစာလိပ်၏ကျောဘက်မှ ပြေးထွက်လာကြပြီး သူတော်စင်လေးပါး၊ ကောင်းကင်သခင်သုံးပါးတို့ထက် တဆင့်နိမ့်သောနေရာသို့ ဆင်းသက်ခဲ့ကြသည်။ သူတို့သည်လည်း ကြီးကျယ်ခမ်းနားသော ရောင်ဝါဖြင့် တန်းစီကာ ရပ်နေကြပြီး ၎င်းတို့နောက်တွင် ကိုယ်စားပြု ရုပ်တုတစ်ခုစီရှိနေကြသည်။ သို့သော် အထက်က အင်မော်တယ် နတ်ဘုရားများလောက် ကြီးကျယ်ခမ်းနားမှု မရှိခဲ့ပေ။ ဒါတောင်မှ မြင်ကွင်းက အလွန်အံ့မခန်းပင်.....

ကောင်းကင်မှာ ပြည့်နေတဲ့ အင်မော်တယ် နတ်ဘုရားတွေရဲ့ ဧရာမရုပ်ထုကြီးတွေက ထိတ်လန့်တုန်လှုပ်စရာပင်.....

သိုင်းတာအိုကမ္ဘာသည် ယခုအချိန်အထိ တည်တံ့နေသဖြင့်၊ အနည်းဆုံး သောင်းနှင့်ချီသော မျိုးနွယ်စုများ ရှိနေပြီး မည်သည့်မျိုးနွယ်စုမဆို အင်မော်တယ် နတ်ဘုရားများအကြောင်းကို စိတ်ကူးယဉ်ကြမည်ဖြစ်သည်။ ၎င်းတို့သည် အလုံးစုံသော တန်ခိုးရှိသော တည်ရှိမှုကို အင်မော်တယ်နတ်ဘုရားများအဖြစ် စိတ်ကူးယဉ်ကြမည် သို့မဟုတ် ရှေးပညာရှင်များ၏ လုပ်ရပ်များကို ၎င်းတို့၏ သားစဉ်မြေးဆက်များက လုပ်ဆောင်ပြီး အင်မော်တယ် နတ်ဘုရားများအကြောင်း ပုံပြင်များအဖြစ် ပြောင်းလဲသွားမည်ဖြစ်သည်။

သက်ရှိသတ္တဝါအားလုံး အင်မော်တယ်နတ်ဘုရားများအကြောင်း စိတ်ကူးယဉ်ကြလိမ့်မည်။

ယခင်က 'အင်မော်တယ်နတ်ဘုရား' ဟူသော အသုံးအနှုန်းသည် ထင်ယောင်ထင်မှားတစ်ခုမျှသာ ဖြစ်သည်။

ယနေ့ တာအိုဘိုးဘေးသည် သူတို့၏အိပ်မက်ကို အမှန်တကယ်ဖြစ်လာစေခဲ့သည်။

ကောင်းကင်ပေါ်က တန်ခိုးကြီးတဲ့ အင်မော်တယ် နတ်ဘုရားတွေကို ကြည့်လိုက်တော့ ပရိသတ်အားလုံးရဲ့ ခံစားချက်တွေ တဟုန်ထိုးမြင့်တက်လာသလို ခံစားနေရကာ စိတ်လှုပ်ရှားပြီး သွေးတွေ ဆူပွက်နေကြသည်။

ကျင်းချန် အပြင်ဘက်တွင် များပြားလှသော မျိုးနွယ်စုများက ဒူးထောက်ကာ နတ်ဘုရားများကို မျှော်ကြည့်ကြသည်။

စိတ်ဝိဉာဉ်ကင်းလွတ်ခြင်းနယ်ပယ်ရှိ မရေမတွက်နိုင်သော ယုံကြည်သူများသည် ပို၍ပင် အတ္တဆန်ကြသည်။

နာမည်များကြေညာပြီးသည်နှင့်၊ သက်ရှိသတ္တဝါအားလုံး ရူးသွပ်သွားကြသည်။

"ချင်းအာ...ကျူထျန်းဇီ....ကျာယဲ့...ချီယွမ် တို့ကို ကောင်းကင်ဆရာလေးပါးအဖြစ် ရာထူး အပ်နှင်းခြင်းခံရသည်!"

တာအိုဘိုးဘေးရဲ့ အသံ ထပ်ပြီး ထွက်ပေါ်လာပြီး လေးယောက် အထက်သို့ပျံတက်သွားပြန်သည်။ လုံချီ ဘုရားကျောင်း၏ သိုင်းတောင်ထွတ်ကနေ ကျယ်လောင်သော အားပေးသံများ ထွက်ပေါ်လာသည်။ တာအိုဘိုးဘေးက လုံချီ ဘုရားကျောင်းကို မမေ့ခဲ့ပေ။

ကောင်းကင်ဆရာသခင်လေးပါးခန့်အပ်ပြီးသည်နှင့် အထက်ပိုင်းနယ်မြေလေးခုကို စတင်သတ်မှတ်ပေးခဲ့သည်။ ၎င်းတို့မှာ မိုးကြိုး၊မီး၊ ကပ်ဘေးနှင့် တိုက်ပွဲဌာနခွဲတို့ဖြစ်သည်။ဌာနတစ်ခုစီအတွက် လူလေးဦးကို ရွေးချယ်မည်ဖြစ်သည်။

တယောက်ပြီး တယောက် ရွေးချယ်ပြီးနောက် ကျန်းမျိုးရိုးထဲမှ ရွေးချယ်ခံရသူ အနည်းစုရှိသော်လည်း၊ ရွေးချယ်ထားသော အင်မော်တယ်နတ်ဘုရားအများစုမှာ ကျန်းမိသားစုမှမဟုတ်သောကြောင့် တာအိုဘိုးဘေး တရားမျှတသည်ဟု ဆိုလိုကြောင်း နိုင်ငံသားများ တွေ့ရှိခဲ့သည်။ ထို့အပြင် တာအိုဘိုးဘေး ရွေးချယ်ခဲ့သော ဆွေမျိုးများ အားလုံးသည် ကမ္ဘာကို ထိတ်လန့်တုန်လှုပ်စေကာ မင်းဆက်အတွက် ကြီးမားသော ပံ့ပိုးကူညီမှုများ ပြုလုပ်ခဲ့ကြသူများ ဖြစ်ကြသည်။ အငယ်ဆုံး ကျန်းရှန်သည် ထျန်းကျင်းအတွက် ရှေးဟောင်းအပျက်အစီးများစွာကို သိမ်းပိုက်ခဲ့ပြီး ၎င်းတို့အတွက် သိုင်းပညာနှင့် ရတနာများစွာကို ရယူခဲ့သည်။

နောက်တစ်ခုကတော့ အင်မော်တယ်ဌာနလေးခုဖြစ်သည်....

နက္ခတ်တာယာဌာန၊ တောင်သုံးလုံးနှင့် တောင်ထွတ်ငါးခု၊မိုးတိမ်နတ်ဘုရားများနှင့်အကောင်းဆိုးနတ်ဘုရားတို့ကိုပါရွေးချယ်ပေးခဲ့သည်။ ၎င်းတို့ထဲတွင် ပိုင်ချီ၊ပိုင်လုံ၊ရွှေကျီးကန်း၊ တိုင်ရှီးနှင့်တိုင်ဝတို့အပါအဝင် ဌာနခုစီတွင် နတ်ဘုရားတွေ အများကြီးရှိသည်။

ကျန်းချန်ရှန်းက သူ့သူငယ်ချင်းဟောင်းတွေကို ကောင်းကောင်းဂရုစိုက်ပေးသည်။ နှစ်ပေါင်းများစွာကြာပြီးနောက် သူ့တွင် သူငယ်ချင်းကောင်းများစွာမရှိခဲ့ပေ။ အခုချိန်တွင် သူငယ်ချင်းကောင်းများအတွက် ပြန်လည်ပေးဆပ်​နေပြီဖြစ်သည်။ သို့သော် ဤလူအုပ်စုက အလွန်ကြီးမားသည်မဟုတ်ပေ။ အခြားသော အင်မော်တယ်နတ်ဘုရားများ၏ ရာထူးအများစုကို သူ၏ယုံကြည်သူများထဲမှ ရွေးချယ်ခဲ့သည်။ယုံကြည်သူအများအပြားရှိသော်လည်း လူအနည်းစုသာ ကြီးကျယ်သော ကုသိုလ်တရားများ ရရှိခဲ့ကြသည်။

ကောင်းကင်ပေါ်၌ အင်မော်တယ်နတ်ဘုရားများ ပိုများလာသည်။ သူတို့၏ အဆင့်အတန်းကိုကိုယ်စားပြု

ရုပ်ထုများ၏အရွယ်အစားကို ကြည့်ရုံဖြင့်သိနိုင်သည်။

တဖြည်းဖြည်းနှင့် ကြယ်ဘုရင်များ၊ ကြယ်မင်းသားများ အစရှိသည့် အင်မော်တယ် နတ်ဘုရားများ ပိုများလာခဲ့သည်။

အရွေးမခံရသူများ ပို၍ပင် စိုးရိမ်လာကြသည်။

ကျန်းချန်ရှန်းအနေဖြင့် တရားဝင်နတ်ဘုရားရာထူး 365 နေရာလုံးကို ဖြန့်ဝေရန် မရည်ရွယ်ဘဲ အနာဂတ်ရွေးချယ်မှုအတွက် ချန်လှပ်ထားခဲ့သည်။

"အခုကစပြီး ကောင်းကင်စစ်သည်အရေအတွက်သည် 100,000 ရှိလိမ့်မယ်..."

ကျန်းချန်ရှန်းရဲ့အသံက ထပ်ပြီးထွက်ပေါ်လာပြန်သည်။ ကောင်းကင်စစ်သည် 100,000 က တစ်မြို့လုံးကို စိတ်လှုပ်ရှားစေသည်။

မျှော်လင့်ချက်ပျောက်ဆုံးသွားသော လူများစွာသည် ၎င်းတို့၏ မျှော်လင့်ချက်များကို ပြန်လည်ရှင်သန်စေခဲ့သည်။ သူတို့သည် ကောင်းကင်စစ်သည်များဖြစ်လျှင်ပင် ၎င်းတို့ကို အင်မော်တယ်အဖြစ် သတ်မှတ်နိုင်သေးသည်။

"လီယန်...ချန်ရှန်...တန်ကွမ်းပု...ကျူကျိ...လျို့ပေါ်....ယန်ကျဲ့..ကျူးယီယီ...လုခွန်း....ကျန်းရှင်းကု...ကျန်းကျောက်....ဟန်လုံ....."

တာအိုဘိုးဘေးက တယောက်ပြီး တယောက် နာမည်တွေ ကြေငြာလိုက်သည်နှင့် ရွှေရောင်အလင်းတန်းအောက်တွင်၊ ရွေးချယ်ထားသောသူများကို တိကျစွာ လင်းထိန်စေသည်။

ရွေးချယ်ခံရသော ကောင်းကင်စစ်သည်များစုသည် တာအိုဘိုးဘေး ၎င်းတို့၏ အမည်များကို သိရန်ပင် မမျှော်လင့်ခဲ့ပေ။

သာမန်လူများ၊ သိုင်းပညာရှင်များနှင့် တိုင်းတစ်ပါးသားမျိုးနွယ်များအားလုံး သိချင်နေကြသည်မှာ တာအိုဘိုးဘေးက ကောင်းကင်စစ်သည် အယောက်တစ်သိန်းလုံးရဲ့ နာမည်တွေကို ဘယ်လိုမှတ်မိနေသနည်း.....

ကောင်းကင် စစ်သည်များသည်လည်း နတ်ဘုရားအဖြစ်အပ်နှင်းခြင်းစာလိပ်ထဲသို့ စုပ်ယူခံရပြီး အင်မော်တယ်နတ်ဘုရားများအောက်သို့ ဆင်းသက်ခဲ့ကြသည်။

စိတ်ဝိညာဉ်ကင်းလွတ်ခြင်းနယ်မြေရှိ သက်ရှိသတ္တဝါများကတော့ မနာလိုစိတ်များဖြင့် ပြည့်နှက်နေခဲ့သည်။ သူတို့ တာအိုဘိုးဘေးထံ အမြန်ဆုံးသွားသင့်ပြီး ကောင်းကင်စစ်သည်များ ဖြစ်လာနိုင်သည်မဟုတ်လော.....

"ချန်တဆိုတဲ့တယောက်ကို ငါသိတယ်။ သူက ကောင်းကင်နယ်ပယ်မှာပဲရှိသေးတာကိုဘယ်လိုလုပ် ကောင်းကင်စစ်သည်တစ်ယောက် ဖြစ်လာနိုင်မှာလဲ....."

"အေးဗျာ...ကျုပ်က ကွမ်းထျန်းမှာနေတာ။ ထျန်းကျင်းနဲ့ အရမ်းဝေးတယ်...ငါအရင်က မတွန့်ဆုတ်ခဲ့သင့်ဘူး။'

"ဒုတိယမြောက် အခွင့်အရေးရှိလာနိုင်ပါ့မလား....."

“ဒီတက်လမ်းဟာ တကယ်ကို ကြီးကျယ်ခမ်းနားတယ်...တရားဝင်နတ်ဘုရားတွေရဲ့ နာမည်တွေကို မှတ်သားထားပြီးပြီ...အနာဂတ်မှာ အခွင့်ရေးရှိလာနိုင်ပါ့မလား...."

“စိတ်ဓာတ်မကျပါနဲ့၊ ငါတို့က ကျင့်ကြံရေးလမ်းကြောင်းကို စတင်ခဲ့ပြီး သက်ရှိသတ္တဝါအားလုံးထက် သာလွန်နေပြီပဲ..."

“ဟုတ်တယ်... အနာဂတ်မှာ တခြားသူတွေ ငါတို့ကို မယုံရင် သူတို့ကို ဆွဲဆောင်ဖို့ မလိုတော့ဘူး”

ယုံကြည်သူများက ကောင်းကင်နတ်ဘုရားများ၏ မြင်ကွင်းကို မျှော်ကြည့်ရင်း ဆွေးနွေးနေကြသည်။

မြို့တော်ထဲ၌....

နတ်ဘုရားဇီဟွမ်း၏ လက်အောက်ငယ်သားများ အကျပ်ရိုက်နေခဲ့သည်။ ဤအချိန်တွင် နတ်ဘုရားဇီဟွမ်းကို ဆက်သွယ်သင့်ပါသလား..... သို့သော် တာအိုဘိုးဘေးက အင်မော်တယ်နတ်တစ်ပါးဖြစ်သည်။ သူတို့သာ နတ်ဘုရားဇီဟွမ်းကို ဆက်သွယ်ခဲ့ပါက တာအိုဘိုးဘေးသိသွားပေလိမ့်မည်.....

ထို့အပြင်၊ ချန်ယောင်လင်းသည်လည်း နတ်ဘုရားအဖြစ် အပ်နှင်းခံရသည်ကို သူတို့မြင်ပြီး သူတို့ နှလုံးသားထဲတွင် လှိုင်းလုံးကြီးများ ဖြစ်ပေါ်စေခဲ့သည်။

သူတို့လည်း နတ်ဘုရားဖြစ်နိုင်ပါ့မလား.....

သူတို့ဟာ ချန်ကလန်မှာရှိပေမဲ့ သူတို့ရဲ့ အရည်အချင်းက ပျမ်းမျှလောက်သာပင်.... သူတို့၏တာဝန်များအောင်မြင်ပါက အများစုမှာ နတ်ဘုရားဇီဟွမ်းထံမှ ဆုလာဘ်ကို ရရှိကြမည်ဖြစ်သည်။ သို့သော်၊ ဆုလာဘ်သည် အင်မော်တယ်ဖြစ်လာခြင်းနှင့် မည်သို့နှိုင်းယှဉ်နိုင်မည်နည်း။

ချန်ယောင်လင်းကြောင့်သာ မဟုတ်ရင် သူတို့ ဘယ်လောက်ပဲ ထိတ်လန့်နေပါစေ တုန်လှုပ်နေမှာ မဟုတ်ပေ။ သို့သော် ချန်ယောင်လင်းကတော့ နတ်ဘုရားဖြစ်သွားချေပြီ.....

လူလတ်ပိုင်းအရွယ်အမျိုးသားက အသက်ပြင်းပြင်းရှူပြီး “ဘာလို့ မလုပ်တာလဲ….."

"ကျန်းလီ!"

တာအိုဘိုးဘေးရဲ့ အသံ ထွက်ပေါ်လာပြီး လူလတ်ပိုင်းအရွယ် အမျိုးသား အံ့အားသင့်သွားသည်။ ကျန်းလီဆိုသည်မှာ သူ့အမည်ရင်းဖြစ်သော်လည်း အောက်ကမ္ဘာကို ရောက်ကတည်းက နာမည်အတုကိုသာ သုံးခဲ့သည်။

အခြားသူများလည်း ထိတ်လန့်သွားကြသည်။ သူတို့ ထိတ်လန့်နေစဉ် ရွှေရောင်အလင်းတန်းတစ်ခုက လူလတ်ပိုင်းအမျိုးသားကို ဖုံးအုပ်ကာ ကောင်းကင်သို့ ဆွဲတင်သွားသည်ကို တွေ့လိုက်ရသည်။

သိပ်မကြာခင်မှာပဲ တာအိုဘိုးဘေးက အခြားမျိုးရိုးအမည်များကို ကြေငြာခဲ့သည်။ သူတို့ထဲက တစ်ယောက်က ရွှေရောင်အလင်းတန်းကြောင့် ထွက်သွားပြီး ကျန်တစ်ယောက်ကတော့ တုန်လှုပ်သွားပြီး ဒူးထောက်ထိုင်ချလိုက်သည်။

အဲဒါ ဘာကို ဆိုလိုတာလဲ.....

တာအိုဘိုးဘေးက တကယ့်ကို နတ်ဘုရားပဲ....

ချန်ယောင်လင်းပင်လျှင် ၎င်းတို့၏ အမည်ရင်းကို မသိခဲ့ပေ။ အောက်ကမ္ဘာသို့ ဆင်းသက်ပြီးသည်နှင့် တပြိုင်နက် ၎င်းတို့၏ အမည်ရင်းများကိုလည်း မဖော်ပြခဲ့ပေ၊ ထို့ကြောင့် တာအိုဘိုးဘေး မည်သို့ သိနိုင်မည်နည်း။

သူတို့ နားမလည်နိုင်ဘဲ သူတို့ရဲ့ သံသယတွေကို ကြည်ညိုလေးစားမှုနဲ့ ရိုသေမှုအဖြစ် ပြောင်းလဲသွားစေခဲ့သည်။

တာအိုဘိုးဘေးသာ ၎င်းတို့၏ အမည်ရင်းများကိုသာ အသိအမှတ်မပြုပါက ၎င်းတို့ ကြောက်ရွံ့ခြင်းမျှသာ ဖြစ်လိမ့်မည်။ သို့ရာတွင်၊ ၎င်းတို့ထဲမှ အချို့က ကောင်းကင် စစ်သည်များ ဖြစ်နေပြီဖြစ်သည်။ သူတို့လည်း ကောင်းကင်က စစ်သည်တွေ ဖြစ်လာနိုင်မလား.......

ထိုအချိန်တွင် သူတို့အားလုံး နတ်ဘုရားဇီဟွမ်းကို စွန့်ပစ်၍ မိမိတို့အတွက်သာ ဆုတောင်းကြချေပြီ.....

အချိန်အတော်ကြာ ကြွေးကြော်ပြီးနောက်၊ ကောင်းကင်၌ စစ်သည်များ ပိုများလာသည်။ ၎င်းတို့အားလုံးသည် ပေဒါဇင်နှင့်ချီသော ကိုယ်စားပြုရုပ်ထုများပိုင်ဆိုင်ထားသော်လည်း ဂုဏ်သိက္ခာနှင့် ကြီးကျယ်ဆဲဖြစ်သည်။

နောက်ဆုံးတွင် နတ်ဘုရားဇီဟွမ်း စေလွှတ်လိုက်သော လူတိုင်း ကောင်းကင် စစ်သည်များ ဖြစ်လာကြသည်။

ကျန်းချန်ရှန်း သူတို့နာမည်အရင်းကို သိရတဲ့ အကြောင်းရင်းက သူအရင်က သူတို့ရဲ့မှတ်ဉာဏ်တွေကို ဖတ်ဖူးလို့ပင်.....

၎င်းတို့ကို ကောင်းကင် စစ်သည်များအဖြစ် ခေါ်ဆောင်ကာ ၎င်းတို့၏ စိတ်နှလုံးကို ချုပ်ကိုင်ထားရမည်။

ညချမ်းအထိ၊ ကောင်းကင်စစ်သားတစ်သိန်းကို ရွေးချယ်ပြီးသောအခါ၊ သူတို့အားလုံးက ကောင်းကင်နယ်ပယ်တွင် ရှိနေကြသည်။ ဤလှိုင်းလုံးများသည် ထျန်းကျင်း၏ တိုက်ခိုက်ရေးအင်အား ထက်ဝက်ကျော်ကို ဆွဲထုတ်လိုက်သော်လည်း ကျန်းဇီယုကတော့ စိတ်ထိခိုက်မှု မခံစားရပေ။

ယင်းအစား သူသည် အဆုံးမရှိသော မျှော်လင့်ချက်များဖြင့် ပြည့်နေခဲ့သည်။ ဤအခမ်းအနားပြီးဆုံးပြီးနောက် ထျန်းကျင်း၏ဂုဏ်သတင်းသည် ကန့်သတ်ချက်သို့ရောက်ရှိသွားမည်ဖြစ်ပြီး၊ အကြောင်းမှာ ထျန်းကျင်းသာလျှင် နတ်ဘုရားအဖြစ်ကို ပေးအပ်နိုင်သောကြောင့်ဖြစ်သည်။

ဤမျှလောက် ကြီးကျယ်ခမ်းနားပြီး မယုံနိုင်စရာ အခမ်းအနားမျိုးကို သူ မမျှော်လင့်ခဲ့ပေ။

" အခမ်းအနား ပြီးဆုံးပြီ..... နောက်ပိုင်း မင်းတို့တွေ ကုသိုလ်ကောင်းမှုတွေ လုပ်ပြီး အင်မော်တယ်နတ်ဘုရားစာရင်းမှာ အဆင့်သတ်မှတ်ခံဖို့ အခွင့်အလမ်းတွေ ရလိမ့်မယ်!"

ကျန်းချန်ရှန်းက အင်မော်တယ်နတ်ဘုရားများ၏ထက်တွင် ထိုင်နေသည်။တရားဝင်နတ်ဘုရားများနှင့် နှိုင်းယှဉ်ပါက၊ သူသည် အရေးမပါပုံပေါက်သည်။ ဒါပေမယ့် သူဒီလိုပိုနေလေလေ၊ သူ့အဆင့်အတန်းက ပိုမြင့်လေပင်....

"အင်မော်တယ်နတ်ဘုရား​တွေ

ကောင်းကင်တရားရုံးသို့တက်လာကြပါ....."

ကျန်းချန်ရှန်း ပြောပြီးတာနဲ့ သူ့ရဲ့ မှော်အစွမ်းက အင်မော်တယ် နတ်ဘုရားတွေနဲ့ ကောင်းကင်စစ်သား 100,000 ကို ရွှေရောင်အလင်းတန်းအဖြစ် ပြောင်းလဲပြီး တိမ်ပင်လယ်ထဲက ပျောက်ကွယ်သွားခဲ့လေသည်။

"နှုတ်ဆက်ပါတယ် အရှင်မင်းကြီး..... နှုတ်ဆက်လိုက်ပါ တာအိုဘိုးဘေး!"

ကျင်းချန် မြို့သူမြို့သားများ တညီတညွတ်တည်း နှုတ်ဆက်နေကြသည်မှာ မြေကြီးကွဲအက်လုမတတ်ပင်....

အင်မော်တယ်နတ်ဘုရားများ မျက်လုံးပြန်ဖွင့်လိုက်သောအခါတွင် ခမ်းနားထည်ဝါသော ခန်းမတစ်ခုထဲတွင် သူတို့ကိုယ်သူတို့ တွေ့လိုက်ရသည်။ ကျန်းချန်ရှန်းက ကောင်းကင်ဧကရာဇ်၏ ပလ္လင်ပေါ်တွင် ထိုင်နေချိန်တွင် မုလင်းလော့သည်လည်း သူ့အနားတွင် ထိုင်နေလေသည်။

လင်းရှောင် နန်းတော်.....

အင်မော်တယ်နတ်ဘုရားများက ၎င်းတို့၏ပတ်ဝန်းကျင်ကို အတိုင်းအတာတစ်ခုအထိ စူးစမ်းနေကြသည်။လင်းရှောင် နန်းတော်၏ အဖြူရောင်တိုင်လုံးများကို နဂါးများနှင့် ဖီးနစ်ရုပ်ပုံများဖြင့် ထွင်းထုထားပြီး ကွက်ကွက်ကွင်းကွင်းနှင့်အသက်ဝင်လွန်းလှသည်။ ခန်းမအပြင်ဘက်တွင် တိမ်ပင်လယ်များကို မြင်နိုင်သဖြင့် ၎င်းတို့ ကောင်းကင်မှာ ရှိနေခဲ့တာ ထင်ရှားနေပြီဖြစ်သည်။

"အခုကစပြီး ကောင်းကင်သခင်သုံးပါးက ကောင်းကင်တရားရုံးကို တာဝန်ယူလိမ့်မယ်...သူတော်စင်လေးပါးက ကောင်းကင်စစ်သည်တွေကို လေ့ကျင့်ပေးလိမ့်မယ်.... .."

“တရားဝင်နတ်ဘုရားတွေရဲ့ သက်တမ်းဟာ ကောင်းကင်ရဲ့သက်တမ်းနဲ့အတူတူပဲ..... ငါမသေမချင်း မင်းတို့​ရဲ့ သက်တမ်းတွေ ပျောက်ကွယ်သွားမှာ မဟုတ်ဘူး..... ကောင်းကင်ရဲ့ ပြင်ပက သတ္တဝါတွေကို ဒီအကြောင်းတွေ ထုတ်မပြောမိစေနဲ့..... နောက်ပြီး နောင်အနာဂတ်မှာ ကောင်းကင်စည်းမျဉ်းတွေ ချမှတ်မယ်.... တရားဝင် နတ်ဘုရားတွေ ကောင်းကင်စည်းကမ်းတွေကို ဖောက်ဖျက်ရင် သေမျိုးလောကဆီ နှင်ချခံရမယ်..ဒါ့အပြင် လူဝင်စားခြင်းဒုက္ခကိုခံစားရမယ့်အပြင်

ကောင်းကင်နန်းတော်ကို ပြန်လာဖို့ ကုသိုလ်ကံကို စုဆောင်းရမယ်.... မင်းတို့ရဲ့နာမည်တွေကို ကောင်းကင်နန်းတော်ရှေ့မှာ ရေးထိုးထားတယ်...."

ကျန်းချန်ရှန်း သူ့လက်ကို ဝှေ့ယမ်းလိုက်သည်။

အင်မော်တယ်နတ်ဘုရားများ ဦးညွှတ်ပြီး ထွက်ခွာသွားသောအခါ စိတ်လှုပ်ရှားနေကြသည်။

သူတို့၏ သက်တမ်းက ကောင်းကင်နှင့် အတူတူပင်ဖြစ်သည

ဒါက သူတို့တွေ အရမ်းစိတ်လှုပ်ရှားဖို့ လုံလောက်ပြီး မူးမေ့လဲသွားလောက်စေသည်......

များမကြာမီတွင်၊ ကျန်းချန်ရှန်း၊ မုလင်းလော့၊ ချန်းလီ၊ယန်ချယ်နှင့် ကိုယ်တော်ပိုင်တို့သာ လင်းရှောင်နန်းတော်ထဲတွင်ကျန်တော့သည်။

ချန်းလီနှင့် အခြားနှစ်ယောက်က ငြိမ်သက်နေကြသည်။ သူတို့တွေ နတ်ဘုရားဖြစ်လာမည်ကို မျှော်လင့်ခဲ့ကြသော်လည်း ယင်းကို လျှော့တွက်မိခဲ့ကြသည်။

ကျန်းချန်ရှန်းက "နောက်ဆို ဧကရီက ရွေးချယ်ထားတဲ့ နတ်သမီးတွေ ရှိလိမ့်မယ်.... နတ်သမီးတစ်ထောင်ကို ရွေးချယ်မယ်..... ကောင်းကင်နန်းတော်ရဲ့ နတ်သမီးအားလုံးကို ဧကရီကပဲ ချုပ်ကိုင်ထားမယ်.... ကောင်းကင်သခင်၊ မင်းရဲ့ တာဝန်က ငါ့ဆီ မရောက်ခင် တရားဝင် နတ်ဘုရားတွေရဲ့ တန်ခိုးအာဏာနဲ့ ရင်းနှီးဖို့ပါပဲ....."

"နားလည်ပါပြီ!"

ချန်းလီ၊ယန်ချယ်နှင့်ကိုယ်တော်ပိုင်တို့က တညီတညွတ်တည်း ပြန်ပြောပြီး ကျန်းချန်ရှန်း၏ ညွှန်ကြားချက်အတိုင်း ထွက်ခွာသွားကြသည်။

မုလင်းလော့က .... “တစ်ထောင် အရမ်းများနေသလား” ဟု မေးလိုက်သည်။

ကျန်းချန်ရှန်းက "တစ်ထောင်က လက်ရှိ ခွဲတမ်းပဲလေ.... အဲဒါတွေအားလုံးကို ချက်ချင်းရွေးဖို့ မလိုဘူး.... နောက်ပိုင်း မင်း လေ့ကျင့်နေတုန်းမှာ ကုသိုလ်ကောင်းမှု ရှိတဲ့ မိန်းမတွေကို ရွေးပြီး လူ့လောကကနေ တက်လာခွင့်ပေးလိုက်ပါ....."

နတ်ဘုရားအဖြစ်အပ်နှင်းခြင်းစာလိပ် တွင်တရားဝင်သောဘုရား 365 ပါးသာလျှင် နတ်ဘုရားအဖြစ်အပ်နှင်းခြင်းစာလိပ်နှင့်တူညီသောသက်တမ်းရှိသည်။ အခြားသော ကောင်းကင်စစ်သားများနှင့် ကောင်းကင်အရာရှိများသည် နတ်ဘုရားအဖြစ်အပ်နှင်းခြင်းစာလိပ်၏ ကံကောင်းခြင်းကိုသာ လက်ခံခဲ့ရသည်။ သီအိုရီအရ၊ ကောင်းကင်အရာရှိများ၏ အရေအတွက်ကို ကန့်သတ်မထားနိုင်ပေ။

မုလင်းလော့က ခေါင်းညိတ်လိုက်ပြီး.... "ကောင်းကင်တရားရုံးက ဒီလိုမျိုး ဖြစ်မယ်လို့ မမျှော်လင့်ထားဘူး.... အဲဒီ အင်မော်တယ်နတ်ဘုရားဆိုတဲ့ နာမည်က ကမ္ဘာပေါ်က အရာအားလုံးကို လွှမ်းခြုံထားသလိုပဲ....အင်မော်တယ် နတ်ဘုရားတွေက သူတို့ရဲ့ တာဝန်တွေကို ထမ်းဆောင်ရင် သတ္တဝါအားလုံး ကောင်းချီးခံစားရလိမ့်မယ်...."

ကျန်းချန်ရှန်းက လင်းရှောင် နန်းတော်အပြင်ဘက်ရှိ အပြာရောင်ကောင်းကင်ကြီးကို မော့ကြည့်ကာ......

"ထာဝရကောင်းချီးဆိုတာမရှိဘူး..... အနှေးနှင့်အမြန်ဆိုသလို၊ ကောင်းကင်တရားရုံးက ယိုယွင်းပျက်စီးလာပြီး မကောင်းမှုတွေဖြစ်လာမှာပဲ...ဒါပေမယ့် ကောင်းကင်တရားရုံးရဲ့ ပန်းတိုင်က သက်ရှိသတ္တဝါအားလုံးကို ကာကွယ်ဖို့ မကောင်းမှုပြုလုပ်ရင် အပြစ်ဒဏ်ပေးဖို့နဲ့ ကောင်းမှုတို့ကို မြှင့်တင်ပေးဖို့ပဲလေ..."

မုလင်းလော့က သူ့ဘေးနားက အမျိုးသားကို သဘောကျစွာ ကြည့်လိုက်သည်။

ဒီနေ့ ကျန်းချန်ရှန်းနဲ့ အတူထိုင်ရင်း တစ်သက်လုံး ကုန်ဆုံးသွားသလို ခံစားလိုက်ရသည်။

ကျန်းချန်ရှန်း၏မျက်နှာသာပေးမှုကို

ရရှိသည့်အတွက် သူမတကယ်ကံကောင်းသည်ဟု ခံစားမိသည်။ သူမ၏ယခင်ဘဝက ကျန်းချန်ရှန်းနှင့် မတော်တဆတွေ့မိခြင်းအတွက် အရာအားလုံးက ကျေးဇူးတင်စရာပင်။

“သွားကြရအောင်....လေ့ကျင့်ဖို့ ခရမ်းရောင်တိမ်တိုက်နန်းတော်ထဲကို လိုက်ခဲ့”

ကျန်းချန်ရှန်း မတ်တပ်ရပ်ပြီး ပြောလိုက်သည်။ နတ်ဘုရားအဖြစ်အပ်နှင်းခြင်းသည် အင်မော်တယ် နတ်ဘုရားများ၏ တာဝန်ကို ကျော်လွန်ပြီးဖြစ်သည်။ ကောင်းကင်သခင်သုံးပါးကို တာဝန်ပေးအပ်ထားသဖြင့် သူ့အနေဖြင့် အလွန်ကြိုးစားအားထုတ်ရန် မလိုအပ်ပေ။

လက်ရှိ ကောင်းကင်တရားရုံးက အားနည်းနေဆဲဟု ယူဆနိုင်သည်။နတ်ဘုရားအဖြစ်အပ်နှင်းခြင်းအားကောင်းလာသည်နှင့်အမျှ၊ အနာဂတ်တွင် သန့်ရှင်းသော ရတနာသုံးပါး၊ တော်ဝင်မင်းမြတ်လေးပါးနှင့် ဧကရာဇ်ငါးပါးကဲ့သို့သော အဆင့်မြင့် အင်မော်တယ်ရာထူးများရှိလာမည်ဖြစ်သည်။

နောက်တစ်ခုက ချန်းလီနှင့် တခြားနှစ်ယောက ညှိနှိုင်းပုံပေါ်မူတည်နေသေးသည်။

မဟာတောကြီးသည် အင်မော်တယ်နတ်ဘုရားများခေတ်မှ ထွက်ခွာသွားပေလိမ့်မည်။