အပြိုင်အဆိုင်ဝန်ခံခြင်း ဒုန်း! ဒုန်း!
Vol. 15 Ch. 249
တစ်စုံတစ်ယောက် တံခါးခေါက်သံကို ကြားလိုက်ရလေသည်။
မေမေရှောင်သည် ခြံတံခါး ထဖွင့်ပေးလိုက်သည်။ သခင်ကြီးကုန်း နှင် သူ့မြေးကိုတွေ့ချိန်တွင် သူမသည် အိမ်ထဲဝင်ရန် ဖိတ်လိုက်လေသည်။
သူတို့နှစ်ယောက် အိမ်ထဲ ဝင်လာသောအခါ ရှောင်လင်းယွီသည် ယန်စစ်မင်ကို ငြင်းဆိုသည်ကို ကြားလိုက်ရလေသည်။
သူတို့နှစ်ယောက်၏ ပါးစပ်ထောင့်များသည် အလိုအလျောက် ကွေးသွားလေသည်။
ယန်စစ်မင်သည် ယခင်က ရှောင်လင်းယွီအား ထိုသို့ ပြောဖူးခဲ့သည်။ ဘယ်လိုဆိုးဝါးတဲ့လူလဲ။
ရှောင်လင်းယွီသည် သူ့စကားကို အသုံးပြုကာ ငြင်းဆိုလေသည်။
"ဟဟ ရှောင်ယန် မင်းငါ့ကိုတွေ့ဖို့ ဒီကို လာတယ်သာပြောတာ ဘာဘို့ ဒီအိမ်ကိုရောက်နေတာလဲ။" သခင်ကြီးကုန်းသည် ရုတ်တရက် ကျယ်လောင်စွာ ရယ်မောလိုက်ပြီး "ဒီအဖိုးကြီး မင်းအစား မင်းကို ရှာဖို့ လာခဲ့ရတယ်"ဟု ပြောလိုက်လေသည်။
ယန်ကျန့်သည် သခင်ကြီးကုန်း ကိုမြင်သောအခါ သူ၏အမူအရာသည် ချက်ချင်းပင် အလွန်စိတ်လှုပ်ရှားသွားပြီး သူ့မျက်လုံးများတွင် မျက်ရည်များဖြင့် ပြည့်လျှံလာသည်။
သူသည် လမ်းလျှောက်တုတ်ကို လက်ထဲတွင်ကိုင်ကာ သခင်ကြီးကုန်းဆီ သွားကာ မျက်ရည်များ စီးကျလာသည်။
"ခေါင်းဆောင်..." သူသည် တုတ်ကို ပစ်ချလိုက်ပြီး သခင်ကြီးကုန်း ကို ပွေ့ဖက်လိုက်သည်။ ငိုရင်းဖြင့် "ခေါင်းဆောင်ကို ပြန်တွေ့ရတာ အရမ်းဝမ်းသာတာပဲ!"
လူတိုင်း၊ "..."
'သူဘယ်သူလဲ? ကလေးတစ်ယောက်လို ရုတ်တရက် ဘာလို့ ငိုနေတာလဲ။'
သခင်ကြီးကုန်းသည် ယန်ကျန့်ကို ပြန်ပွေ့ဖက်လိုက်ပြီး "ရှောင်ယန် မင်းက အဖိုးတောင်ဖြစ်နေပြီ၊ ဘာလို့ ဒီလောက် ငိုနေသေးတာလဲ။"
သခင်ကြီးယန်သည် "တွေ့ရတာ အရမ်းစိတ်လှုပ်ရှားလွန်းလို့ မျက်ရည်ကိုတောင် မထိန်းနိုင်တော့ဘူး"
ယန်မောင်နှမ၊ 'အဖိုးက အငိုသန်တဲ့ ကလေးမှန်း မသိလိုက်ဘူး။'
သခင်ကြီးကုန်းသည် "ဟုတ်တယ်၊ မင်းနဲ့ထပ်တွေ့ရမယ်လို့ မထင်ထားဘူး"ဟု ပြောလေသည်။
တစ်ယောက်နဲ့တစ်ယောက် မတွေ့သည်မှာ ဆယ်စုနှစ်ပင် ကြာခဲ့ပြီဖြစ်သည်။
"ခေါင်းဆောင်ကျန်းမာနေတာ တွေ့ရတော့ ဝမ်းသာမိတယ်" လို့ သခင်ကြီးယန်သည် ငိုရင်းဖြင့် ပြောလေသည်။ သူ၏ ခေါင်းဆောင်ဟောင်းသည် နှလုံးတွင် ကျည်ပစ်ခံထားရပြီး ကျည်ဆန်ကို ဖယ်ရှားရန်မှာ အန္တရာယ်များခဲ့ပေသည်။
သခင်ကြီးကုန်းသည် ခေါင်းညိတ်ပြီး "ထောင်ယွမ်ရွာ ရွာကို ပြောင်းပြီးကတည်းက ငါ့ကျန်းမာရေးက ပိုကောင်းလာတယ်။ ရှောင်ယန် မင်းလည်း ကျန်းမာရေး ကောင်းတာပဲ"
သခင်ကြီးယန်သည် ခေါင်းညိတ်ပြီး "ဒါက အရင်တုန်းက ခေါင်းဆောင်ဟောင်းရဲ့ ဂရုစိုက်မှုကြောင့်ပါ ကျေးဇူးတင်ပါတယ်" သခင်ကြီးကုန်းနှင့် အတူရှိစဥ်က နောက်ခံအင်အားပံ့ပိုးမှုမှာ တာဝန်ယူထားသောကြောင့် ပြင်းထန်ဒဏ်ရာများ မရခဲ့ပေ။ ထို့အပြင် ပြင်းထန် သေနတ်ဒဏ်ရာအနည်းငယ်ရရှိခဲ့သူမှာ သခင်ကြီးကုန်း ဖြစ်လေသည်။ ကံကောင်းထောက်မစွာဖြင့် သူသည် အသက်ဘေးမှ လွတ်မြောက်ခဲ့လေသည်။
"အဖိုးအရင်ထိုင်သင့်တယ်နော်" ကုန်းထျန်းဟောက်သည် ပြောလေသည်။ အသက်ကြီးသူများသည် ကျန်းမာရေးကို အထူးဂရုစိုက်သင့်ပေသည်။
သခင်ကြီးယန်သည် သခင်ကြီးကုန်းကို ခေါင်းဆောဆောင်ဟောင်းလို့ ခေါ်တဲ့အကြောင်း ရှောင်ကျန်းယန်နှင့် သူ့ဇနီးကြားသောအခါ သူတို့ အံ့သြသွားလေသည်။ ပညာမတတ်သော်လည်း ခေါင်းဆောင်ဟူသော အသုံးအနှုန်းကို သိနေကြလေသည်။ အများအားဖြင့် တပ်မတော်မှ ဗိုလ်ချုပ်များကိုသာ ထိုသို့ ခေါ်ကြခြင်းဖြစ်လေသည်။ သူတို့သည် ယခင်က ရုပ်မြင်သံကြားတွင် မြင်ဖူးလေလေသည်။
သို့သော် သူတို့ ဘာမှ မပြောခဲ့ချေ။
မေမေရှောင်သည် လက်ဖက်ရည်ပြင်ရန် သွားလိုက်လေသည်။
ရှောင်ကျန်းယန်သည် "လူကြီးမင်းတို့၊ ကျေးဇူးပြုပြီး ထိုင်ပါ!"ဟု ပြောလေသည်။
အဖိုးကြီး နှစ်ယောက် ထိုင်ပြီးသောအခါ အတိတ်ကို သတိရလာလေသည်။ တခြားမည်သူမှ ထိုထဲသို့ မပါဝင်နိုင်ပေ။
သခင်ကြီးယန်သည် အစောက လက်ထပ်ဖို့ ပြောစဥ်က ယန်မောင်နှမသည် မတ်တပ်ရပ်နေခဲ့ကြသည်။ သို့သော် ယခုတွင် သခင်ကြီးကုန်း သည် ထိုနေရာတွင် ရှိနေသဖြင့် သူတို့သည်လည်း ထိုင်နေကြရသည်။
ဤစားပွဲဝိုင်းတွင် အဖိုးကြီးနှစ်ယောက်သည် ထိပ်တွင်ထိုင်ပြီး လူငယ်နှစ်ယောက်သည် ဘေးတစ်ဖက်စီတွင် ထိုင်ကြလေသည်။
သူ့အဖိုးဘေးတွင် ထိုင်နေသော ကုန်းထျန်းဟောက်သည် မျက်လုံးများ တောက်ပလာပြီး "မစ္စတာယန် ဒါ လင်းယွီအပေါ် ခင်ဗျားရဲ့အမြင်ပေါ့"ဟု ပြောလေသည်။
ယန်စစ်မင်၏ ပါးစပ်ထောင့်တွင် ကွေးသွားလေသည်။ သူသည်ဘယ်လိုဖြေရမှန်းမသိပေ။ ထိုအချိန်တွင် သူသည် ရှောင်လင်းယွီနှင့် နီးစပ်ချင်သော်လည်း ရှောင်လင်းယွီသည် သူ့ကို ငြင်းဆန်ခဲ့သောကြောင့် သူသည် သူမအား နှိမ့်ချသော စကားများစွာ ပြောခဲ့ဖူးသည်။
ဤစကားများသည် သူအား ငြင်းဆိုရန် ရှောင်လင်းယွီ၏ အကြောင်းပြချက်ဖြစ်လာလိမ့်မည်ဟု သူမမျှော်လင့်ခဲ့ပေ။ သူသည် အရမ်းအံ့သြသွာလေသည်။
ယန်စစ်မင်သည် ပြုံးပြီး "မစ္စတာကုန်း ကျွန်တော်နဲ့ လင်းယွီက သူငယ်ချင်းတွေဆိုတာ သိတယ်မလား။ အဲဒါတွေက ဟာသအဖြစ်ပြောခဲ့တာတွေပါ" ထိုအချိန်တွင် သူသည် ရှောင်လင်းယွီကို လှည့်ကြည့်လိုက်ပြီး "လင်းယွီ၊ ငါက မင်းကို နောက်နေတာကို မင်းက အရမ်းအတည်ယူလွန်းတယ်"ဟု ပြောလေသည်။
ရှောင်လင်းယွီ စကားကိုပင် မစောင့်ဘဲ ကုန်းထျန်းဟောက်သည် ပြုံးကာ သူ့ကို လှောင်ပြောင်လိုက်လေသည်။ "ဟာသလား။ မစ္စတာယန် ခင်ဗျားက သုံးနှစ်သားလား။ မဟုတ်ရင် ဘာလို့ စကားနဲ့ အနိုင်ကျင့်တာရဲ့ အန္တရာယ်ကို မသိတာလဲ။ စိတ်ကြီးဝင်နေတဲ့ ဘဲရုပ်ဆိုးလေးလို့ထင်တယ်ပေါ့။ ဒါပေမယ့် ခင်ဗျားနဲ့ ယှဥ်ရင် အမျိုးသမီး အများစုက တကယ်ကို ရုပ်ဆိုးတဲ့ ဘဲလေးတွေပဲ"ဟု သူက ပြောလေသည်။
အားလုံး၊ "... "
ဤလူသည်လည်း နောက်မဆုတ်ချေ။ သူသည် ယန်စစ်မင်က အမျိုးသမီးအများစုထက် ပိုလှသည်ဟု ဆိုလေခြင်းဖြစ်သည်။
ယန်စစ်မင်သည် မည်မျှ ယဉ်ကျေးသိမ်မွေ့သည်ဖြစ်စေ ဤကဲ့သို့ ပြောခံရလျှင် ဒေါသထွက်လိမ့်မည်ဖြစ်သည်။
သူ့မျက်နှာသည် မည်းမှောင်သွားပြီး "မစ္စတာကုန်း၊ ကျွန်တော်ပြောတာကို နားမလည်ဘူးလား။ ဒါက လင်းယွီနဲ့ ကျွန်တော့်ကြားက ဟာသတစ်ခုလို့ ပြောတယ်လေ။ လင်းယွီအစား ပြောရအောင် ခင်ဗျားကဘယ်သူလဲ။ လင်းယွီနဲ့ ဘယ်လိုပတ်သက်လို့လဲ"
ဤစကားသည် ကုန်းထျန်းဟောက်၏ နှလုံးသားအထိ ထိမှန်သွားလေသည်။
ထို့နောက် ကုန်းထျန်းဟောက်သည် "ကျွန်တော်က အခုအချိန်မှာ လင်းယွီနဲ့ ဘာမှ မပတ်သက်သေးဘူးဆိုပေမယ့် အနာဂတ်မှာ ကျွန်တော် သူနဲ့လက်ထပ်ဖို့ စိတ်ကူးထားပါတယ်"ဟု ယုံကြည်ချက်ရှိစွာ ပြောလေသည်။
သခင်ကြီးကုန်းမှလွဲ၍ လူတိုင်းသည် ပါးစပ်အဟောင်းသားဖြစ်သွားလေသည်။
ရှောင်လင်းယွီ၏ လက်ထဲမှ ပန်းသီးသည် မြေပြင်ပေါ် ပြုတ်ကျသွားလေသည်။ ယခုတစ်ကြိမ်တွင် သူမ၏အမူအရာသည် အံ့အားသင့်၍ ထိတ်လန့်တကြားဖြစ်ကာ သူမ၏မျက်လုံးများတွင် ထိုအရိပ်အယောင်များကို တွေ့ရလေသည်။
ကုန်းထျန်းဟောက် ယခုတစ်ကြိမ် ထောင်ယွမ်ရွာသို့ လာရခြင်း ရည်ရွယ်ချက်မှာ သူမဖြစ်သည်ဟု မထင်ထားပေ။
ထိုအချိန်တွင် ရှောင်လင်းယွီ၏ စိတ်ထဲတွင် အတွေးတစ်ခု ပေါ်လာလေသည်။ 'သူက ငါ့ဗိုက်ထဲက ကလေးက သူနဲ့ရတာမှန်းသိလို့ ဒီလိုလုပ်နေတာလား။ သူ့အခြေအနေအရ အဲ့တုန်းက ဖြစ်ပျက်ခဲ့တာတွေကို စုံစမ်းဖို့ဆိုတာ သူ့အတွက် အလွယ်လေးပဲ ။ ကုန်းထျန်းဟောက် က ငါ့ဗိုက်ထဲက ကလေးကြောင့် ငါ့ကိုလိုက်ချင်နေတာလား။ မဟုတ်ဘူး! ကလေးက ငါ့ကလေးပဲ။ ရှောင်ထုန်ကို ဘယ်သူမှ ငါ့ဆီကနေ မယူသွားရဘူး!'
ရှောင်လင်းယွီ သည် သူမဗိုက်ကို ကိုင်လိုက်လေသည်။ သူမသည် မျက်လွှာချလိုက်ပြီး သူမှ အမူအရာသည် လေးနက်လေသည်။
ကုန်းထျန်းဟောက်သည် သူမကို ကြည့်နေလေသည်။ သူသည် ရှောင်လင်းယွီ အမှန်အတိုင်း သိသွားပြီဟု သူချက်ချင်းနားလည်လိုက်လေသည်။
သူ့မျက်လုံးထဲတွင် စိတ်အနှောင့်အယှက်ဖြစ်နေသည့် ပုံစံပြနေသော်လည်း သူဘာမှ မတတ်နိုင်ချေ။
သူသည် စိတ်မရှည်ခဲ့ပေ။
ရှောင်လင်းယွီကို လိုက်ရန် သူတစ်ဆင့်ခြင်း လုပ်ခဲ့သင့်သော်လည်း ယန်မိသားစုက လက်ထပ်ရန် ကမ်းလှမ်းသည်ကို ကြားလိုက်သောအခါ သူသည် စိတ်ရှုပ်သွားလေသည်။
စကားသည်ပြောပြီးဖြစ်သဖြင့် ပြန်ရုတ်သိမ်း၍ မရတော့ချေ။
ထို့ကြောင့် မထူးဇာတ်ခင်းကာ ဖုံးကွယ်မထားတော့ချေ။ သူ့ရည်ရွယ်ချက်ကို ပွင့်ပွင့်လင်းလင်းပြောပြလျှင် ထောက်ခံမှု ပိုရနိုင်လေသည်။
ယန်စစ်မင်သည် စိတ်တိုလာလေသည်။ သူသည် နောက်ကျမကျန်ချင်သဖြင့် "ရှောင်လင်းယွီ၊ သေချာနားထောင်။ အတည်ပြောနေတာ။ ငါမင်းကို တစ်ကယ် သဘောကျတယ်။ လနည်းနည်းတော့ကြာပြီ မင်းကို ကြိုက်ခဲ့တာ။ မင်းကို လက်ထပ်ချင်တယ်"ဟု ပြောလေသည်။
ယန်စစ်မင် ပြောပြီးသည်နှင့် တစ်အိမ်လုံး တိတ်ဆိတ်သွားလေသည်။
ဤကိစ္စသည် ချစ်ခြင်းမေတ္တာကို ဝန်ခံခြင်းပြိုင်ပွဲအဖြစ်သို့ ပြောင်းလဲသွားလိမ့်မည်ဟု မည်သူမျှ မမျှော်လင့်ထားပေ။
ရှောင်လင်းယွီကို ဝန်ခံခဲ့သူမှာ ထူးချွန်သော အမျိုးသားနှစ်ဦးဖြစ်လေသည်။
ရှောင်ကျန်းယန်နှင့် ချန်ချိုးယင်းသည် ဤကိစ္စနှင့် ပတ်သက်ပြီး မည်သို့လုပ်ရမယ်မှန်း မသိချေ။
ပထမဦးစွာ ယန်စစ်မင်နှင့် ရှင်းရလေသည်။ ရှောင်လင်းယွီသည် ယန်စစ်မင်က သူမကို စိတ်ဝင်စားသော်လည်း သူမကို လက်ထပ်ချင်သည်ဟု မပြောခဲ့ပေ။ ယန်စစ်မင်သည် ရှောင်လင်းယွီကို သူ့ချစ်သူဖြစ်ရန် နှစ်ကြိမ်သုံးကြိမ် တောင်းဆိုခဲ့သော်လည်း ရှောင်လင်းယွီက အကြိမ်တိုင်း ငြင်းပယ်ခဲ့သည်။ ယန်စစ်မင် သည် ရှောင်မိသားစုကို အကြိမ်များစွာ ကူညီခဲ့သော်လည်း ရှောင်လင်းယွီသည် သူ၏ချစ်သူဖြစ်ရန် အတင်းအကြပ်မလုပ်ဆောင်ခဲ့ပေ။ သာမန်သူငယ်ချင်းဟုပင် သူ့ဘက်က ပြောခဲ့သည်။
ထို့ကြောင့် လက်ထပ်ရန် ကိစ္စက ဘယ်ကရောက်လာတာလဲ။
သို့သော် အမှန်တကယ် အံ့အားသင့်စရာမှာ ကုန်းထျန်းဟောက် ဖြစ်သည်။ သခင်ကြီးကုန်း သည် ထောင်ယွမ်ရွာတွင် အခြေချနေထိုင်ပြီးနောက် ကုန်းထျန်းဟောက်သည် ရောက်ခဲလှလေသည်။ သူလာလျှင်ပင် အမြန်ထွက်သွားတတ်သောကြောင့် သူသည် ရှောင်လင်းယွီနှင့် လုံးဝအဆက်အသွယ်မရှိပေ။
ဒီတော့ သူကရော ဘာလို့ ဖွင့်ပြောရပြန်တာလဲ။
ရှောင်ကျန်းယန်နှင့် သူ့မိန်းမသည် ကုန်းထျန်းဟောက်ကို သံသယဖြင့် ကြည့်ပြီး ယန်စစ်မင်ကို ကြည့်လေသည်။ နှစ်ယောက်လုံးသည် တုန်လှုပ်သွားကြလေသည်။
ထို့နောက် အံကြိတ်နေသော သမီးဖြစ်သူကို ကြည့်လိုက်ကြသည်။
လင်မယားနှစ်ယောက်သည် အချင်းချင်း ကြည့်လိုက်ကြပြီး မျက်လုံးမှိတ်ပြလိုက်ကြသည်။
မေမေရှောင်သည် စိုးရိမ်စိတ်ဖြင့် ချက်ချင်းမေးလေသည်။ "ယွီအာ ဘာဖြစ်တာလဲ သမီး?"
ရှောင်လင်းယွီသည် အာရုံပြန်ရလာပြီး သူမ၏ မျက်လုံးများမှ မျက်ရည်များဖြင့် "အမေ၊ ဗိုက်နာတယ်!"ဟု ပြောလေသည်။
အကြောင်းတစ်ခုခုကြောင့် ကလေးသည် သူမ၏ဗိုက်ထဲတွင် ကန်နေသဖြင့် နာကျင်ခံစားရခြင်း ဖြစ်ပေသည်။
ရှောင်ထုန်သည် သူ့အဖေ၏ စကားကိုကြားပြီး အရမ်းစိတ်လှုပ်ရှာနေခြင်းကြောင့်လား။
ရှောင်လင်းယွီ ဗိုက်နာသည်ဟု ကြားသောအခါ သူတို့သည် ချက်ချင်းပင် "ဗိုက်နာနေတာလား?"ဟု ဝိုင်းမေးကြလေသည်။
သခင်ကြီးကုန်းသည် စိတ်လှုပ်ရှားနေလေသည်။ သူသည် ကုန်းထျန်းဟောက်ဘက်လှည့်ပြီး "မင်းဘာရပ်နေတာလဲ။ မြန်မြန် ကောင်မလေးကို ဆေးရုံပို့လိုက်။ ဒါက ကိုယ်ဝန်သည်အတွက် အသေးအမွှားကိစ္စမဟုတ်ဘူး!"ဟု ပေြာလေသည်။
ကုန်းထျန်းဟောက်သည် ထလိုက်ပြီး ရှောင်လင်းယွီ၏ဘေးကို သွားကာ ငုံ့လိုက်ပြီး ရှောင်လင်းယွီကို ပွေ့ချီရန် ပြင်လေသည်။
ရှောင်လင်းယွီသည် အထိတ်တလန့်ဖြင့် နောက်သို့ ခြေနှစ်လှမ်းဆုတ်ကာ "မလုပ်နဲ့...ကျွန်မ ဆေးရုံသွားစရာ မလိုဘူး။ ရှင်...ကျွန်မကို မချီနဲ့။"ဟု ပြောလေသည်။
ရှောင်လင်းယွီသည် သူ့ကို ငြင်းလိုက်သောအခါ ကုန်းထျန်းဟောက်၏ အေးစက်သော မျက်နှာသည် မျက်မှောင်ကြုတ်သွားလေသည်။ "ကိုယ်ဝန်ဆောင်အမျိုးသမီးတွေ ဗိုက်နာတာ အရမ်းအန္တရာယ်များတယ်။ ဆေးရုံသွားရမယ်"
ထိုသို့ပြောပြီးနောက် ငုံ့လိုက်လေသည်။
"ခဏ" ရှောင်လင်းယွီသည် စိုးရိမ်တကြီး တားလိုက်လေသည်။ "ကျွန်မ... ဗိုက်မနာတော့ဘူး။ ဆေးရုံသွားစရာ မလိုတော့ဘူး"
သခင်ကြီးကုန်းသည် ကြားသောအခါ "လင်းယွီ မင်းဒီကိစ္စက ဟာသလုပ်စရာမဟုတ်ဘူး။ မင်းဗိုက်တကယ်နာရင် ဆေးရုံသွားရမယ်။"ဟု ပြောလေသည်။
မေမေရှောင်သည် "ယွီအာ ၊ သခင်ကြီးပြောတာ မှန်တယ်။ ဒီကိစ္စက ဟာသလုပ်စရာမဟုတ်ဘူး။ မင်းဗိုက်နာရင် ဆေးရုံသွားရမယ်။"ဟု ထောက်ခံလေသည်။
ရှောင်လင်းယွီသည် အသက်ပြင်းပြင်းရှူပြီး "အဖိုး၊ အမေ စိတ်မပူပါနဲ့။ ကျွန်မ နေကောင်းပါတယ်။ ကလေးက ကျွန်မကို ကန်တာ ပြင်းသွားလို ဗိုက်နာသွားတာပါ အခုနေကောင်းနေပါပြီ။ အမေ သမီး နည်းနည်းတော့ ပင်ပန်းနေပြီ။ ခဏလောက် အနားယူဖို့ အခန်းထဲ ပြန်သွားလိုက်ဦးမယ်။"
ထိုသို့ပြောပြီး သူမထွက်သွားလေသည်။
မေမေရှောင်က "ကလေးကို သူ့အခန်းထဲပြန်ပို့လိုက်ပါဦးမယ်"ဟု ပြောလေသည်။
နှစ်ယောက်သား ထွက်သွားပြီးနောက် ထိုနေရာသည် တိတ်ဆိတ်သွားလေသည်။
ဘေးမှကြည့်နေသော ယန်ရူယွီသည် အခြားသူများကို ဂရုတစိုက်ကြည့်လိုက်လေသည်။ ထို့နောက် သူမသည် သူမ၏အဖိုးကို ဂရုတစိုက်ကြည့်ကာ တံတွေးမျိုချလိုက်လေသည်။ 'ရှောင်လင်းယွီက တကယ်ချစ်စရာကောင်းတယ်။ သူတရားမ၀င်ကလေးနဲ့ ကိုယ်ဝန်ရှိနေတာတောင် ဒီလိုလူတော်နှစ်ယောက်က ချစ်ကြတယ်' သူမသာ ထိုနေရာတွင်ဖြစ်လျှင် လွန်စွာပျော်နေမည်ဖြစ်သည်။
သို့သော်၊ ယန်ရူယွီသည် တစ်ချိန်လုံး နှုတ်ဆိတ်နေသော သူမ၏ အဖိုးကို ကြည့်ကာ ဝမ်းကွဲအစ်ကိုကို သနားမိလေသည်။ 'အစ်ကိုက ရှောင်လင်းယွီကို လက်ထပ်ဖို့ ခက်ခဲလိမ့်မယ်။ ရှောင်လင်းယွီက ငြင်းတဲ့အပြင် အဖိုးက ခွင့်မပြုဘူး။ သခင်ကြီးကုန်းသာ ရှိမနေရင် အဖိုးက ဒေါသပေါက်ကွဲနေလောက်ပြီ'
သခင်ကြီးကုန်းသည် ယန်စစ်မင်ကို ကြည့်ပြီး ယန်ကျန့်ကို ကြည့်လိုက်လေသည်။
သခင်ကြီးကုန်းသည် ချက်ချင်းပြုံးပြပြီး ရှောင်ကျန်းယန်အား "ကျန်းယန်၊ ငါ့မြေးက မင်းရဲ့သမီးကို အရမ်းကြိုက်တယ်တဲ့။ မင်းမတားဘူး မဟုတ်လား"ဟု ပြောလေသည်။
သူ့မြေးဖြစ်သူ ဝန်ခံလိုက်ပြီးချိန်တွင် သူ့အနေဖြင့် ကူညီရတော့မည်ဖြစ်သည်။ သူသည်လည်း သူ့မြစ်ကို တတ်နိုင်သမျှ မြန်မြန်တွေ့ချင်လေသည်။
ရှောင်ကျန်းယန်သည် အံ့သြသွားလေသည်။
သခင်ကြီးကုန်းသည် ကုန်းထျန်းဟောက်ကို တားမည်ဟု သူထင်ခဲ့လေသည်။ ပုံမှန်အားဖြင့် အကြီးအကဲများသည် ၎င်းတို့၏သား/မြေးကို အမည်မသိဖခင်တစ်ဦး၏ ကလေးလွယ်ထားသော မိန်းကလေးတစ်ဦးနှင့် လက်ထပ်ခြင်းမပြုစေလိုသောကြောင့် တားမြစ်တတ်ကြပေသည်။
တကယ်ပဲ ဘာတွေဖြစ်ကုန်တာလဲ။
***