ပင်လယ်သမုဒ္ဒရာအောက်မှာ

Vol. 148 Ch. 2206

ဤကိစ္စသည် ကမ္ဘာမြေအဆင့်သတ်မှတ်ချက်ပြိုင်ပွဲတစ်ခုလုံး၏ အသေးအဖွဲ့ကိစ္စတစ်ခုသာဖြစ်ပြီး သိပ်မကြာခင်မေ့ပျောက်သွားပေလိမ့်မည်။

သို့သော်လည်း ထိုဖြစ်ရပ်အပြီးမှာ ဤတက္ကသိုလ်တပည့်ဂိုဏ်းသားအပေါ် များစွာသောဂိုဏ်းများ၊ အဖွဲ့အစည်းများနှင့် ကျင့်ကြံသူများ၏ စိတ်နေသဘောထားက သိသိသာသာ ပြောင်းလဲသွား၏။

အစကတော့ လူအများစုသည် ပြပွဲကိုစောင့်ကြည့်ပြီး ဆူဇီမိုနှင့် မဟာကျင်းအင်မော်တယ်နိုင်ငံနှင့် အင်မော်တယ်ပျံဂိုဏ်းကြား ရန်ပွဲကို အူမြူးအားရနေကြရုံသာဖြစ်၏။

ယခုအခါမှာတော့ တက္ကသိုလ်၏ ဤတပည့်ဂိုဏ်းသားက ကမ္ဘာမြေအဆင့်သတ်မှတ်ချက်မှာ သူ၏နာမည်ကိုချန်ထားရစ်ခဲ့နိုင်ပြီး မိုးကောင်းကင်ကိုးလွှာမှာ အန္တရာယ်ကိုရှောင်လွှဲနိုင်ဖို့ သူတို့က မျှော်လင့်မိလာကြ၏။

မသိလိုက်မသိဘာနှင့်ပင် လူသားနှလုံးသားက ပြောင်းလဲလာကြပြီဖြစ်၏။

“ဒါနဲ့... ဆူဇီမိုရဲ့ညာဘက်လက်က ပြန်ကောင်းသွားလောက်ပြီဆိုတာ မင်းတို့သတိထားမိလား”

ထိုစဥ်မှာပင် ကျင့်ကြံသူတစ်ယောက်သည် ဆူဇီမိုမြားပစ်သောမြင်ကွင်းကို ပြန်အမှတ်ရသွားပြီး သိပ်မသေချာသော ပုံစံဖြင့်မေးလိုက်၏။

“အဲ့ဒါဟုတ်တယ်ထင်တယ်”

“မဟုတ်လောက်ဘူး... ဆူဇီမိုက အင်္ဂါဂြိုလ်ကျောက်တုံးကြောင့် ထိခိုက်ဒဏ်ရာရပြီး သူ့လက်ဖဝါးပေါ်က အသားတွေက ပြာကျသွားပြီ... သူကဒီလောက်အချိန်တိုအတွင်းနဲ့ ဘယ်လိုလုပ်ပြန်ကောင်းနိုင်ပါ့မလဲ”

တစ်ယောက်ကအဲ့ဒါကို အစဖော်လိုက်ချိန်မှာ လူတိုင်းကတုံ့ပြန်လိုက်ကြ၏။

စောစောကဖြစ်ပျက်ခဲ့သည့်အရာကိုပြန်လည်စဥ်းစားရင်း ကောင်းကင်အင်မော်တယ်များစွာကလည်း ပြန်လည်တုံ့ပြန်လာကြ၏။

“ဘယ်လောက်တောင်ကြောက်စရာကောင်းတဲ့ ပြန်လည်ကုသနိုင်စွမ်းလဲ”

ရှဲ့ချင်းချန်က အံအားတသင့်ရေရွတ်လိုက်၏။

ရှဲ့လင်ကလည်း သူ့ဘာသာသူခေါင်းညိတ်လိုက်၏။

သူ၏ အသားသည် အင်္ဂါဂြိုလ်ကျောက်တုံးကြောင့် လောင်ကျွမ်းပြာကျသွားခဲ့၏။ သူသည် ဤကဲ့သို့သောအချိန်တိုအတွင်းမှာ အဲ့ဒါကိုပြန်လည်ကုသနိုင်သည့်အချက်သည် သူ၏ ပြန်လည်ကုသနိုင်စွမ်းက သွေးကနေပြန်လည်မွေးဖွားခြင်းနှင့် ယှဥ်နိုင်သလောက်နီးပါးဖြစ်သည်ဟုဆိုလိုလေသည်။

အဆင့်-၂..။

ဆူဇီမိုက တက်လှမ်းလာပြီးနောက် သူသည် အထီးကျန်ကျွန်းတစ်ကျွန်းပေါ်သို့ ရောက်ရှိလာခဲ့၏။

သူတွေ့မြင်နေရသည်မှာ အဆုံးမဲ့သမုဒ္ဒရာရေပြင်သာဖြစ်၏။

သို့သော်လည်း ဘေးပတ်ဝန်းကျင်မှာရှိသောပင်လယ်ရေက ငွေရောင်အလင်းဖြင့်တောက်ပနေပြီး သာမန်ပင်လယ်ရေနှင့် အလွန်တရာကွဲပြားခြားနားနေ၏။

ဆူဇီမိုက ဆောင့်ကြောင့်ထိုင်ချပြီး ပင်လယ်ရေကိုလက်ဖြင့် သဲ့ယူလိုက်၏။

သူ၏ လက်ကောက်ဝတ်က အနည်းငယ်နစ်မြုပ်သွား၏။

'အဲ့ဒါက တကယ်ပဲ ဧကအမြုတေလေးလံရေလား'

ဆူဇီမိုက တီးတိုးရေရွတ်လိုက်၏။

ဧကအမြုတေလေးလံရေက အလွန်တရာရှားပါးလေသည်။

လူတစ်ယောက်သည် ရေကန်တစ်ကန်ကို သန့်စင်မည်ဆိုလျှင် သူတို့သည်ရေစက်တစ်စက်ကိုသာ ရရှိကောင်းရရှိပေလိမ့်မည်။ ထိုရေတစ်စက်က ကီလိုဂရမ်သောင်းချီလေးလံလေသည်။

နေရာလွတ်တစ်ခုလုံးက ဧကအမြုတေလေးလံရေဖြင့် ပြည့်နှက်နေ၏။

ကောင်းကင်ဘုံကိုးလွှာသို့ ဝင်ရောက်မလာခင်က သူသည် ပင်လယ်လောကတစ်ခုနှင့် ကြုံတွေ့ရမည်ဆိုလျှင် အဲ့ဒါကို ဧကအမြုတေလေးလံရေဖြင့် စုဖွဲ့ထားခြင်းဖြစ်ပြီး ပို့ဆောင်ရေးဝင်္ကပါက ပင်လယ်၏ အောက်ခြေမှာရှိမည်ဟု မင်းသမီးသက်တံနီက သူ့ကိုပြောခဲ့ဖူး၏။

ဧကအမြုတေလေးလံရေထဲမှာ ကျင့်ကြံသူများတောင့်ခံရမည့်ဖိအားကလည်း စဥ်းစားကြည့်၍မရနိုင်အောင် ဖြစ်လာပေမည်။

ဧကအမြုတေလေးလံရေတစ်စက်က အလေးချိန်ပေါင်သောင်းချီ လေးလံနိုင်လေသည်။

ဘေးပတ်ဝန်းကျင်က ဧကအမြုတေလေးလံရေဖြင့် ပြည့်နှက်နေပြီး ဖိအားကလည်းမွန်းကျပ်ဖွယ်ရာကောင်းနေ၏။

ပင်လယ်၏ အောက်ခြေမှာရှိသော ပို့ဆောင်ရေးဝင်္ကပါကိုရောက်ဖို့အတွက် သူတို့သည် အဆက်မပြတ်ငုပ်လျှိုးရပေလိမ့်မည်။

သူတို့သည် အနက်ပိုင်းထဲသို့ရောက်ရှိလာလေလေ ပင်လယ်၏ ဖိအားကလည်း ပို၍ကြီးမားလာလေလေဖြစ်ပေလိမ့်မည်။

နောက်ဆုံးမှာ သူတို့တွင် အသန်မာဆုံးကိုယ်ကာယနှင့် သူတို့ကိုကာကွယ်ဖို့အတွက် နတ်ဘုရားစွမ်းအားများ မရှိဘူးဆိုလျှင် ပင်လယ်အောက်ခြေမှာရှိသောဖိအားက သူတို့၏ ခန္ဓာကိုယ်များကိုခြေမွှဖျက်ဆီးပစ်ပေလိမ့်မည်။

အဲ့ဒါသည် ပင်လယ်ဒေသ၏ အဟန့်အတားအနှောက်အယှက်များသာဖြစ်လေသည်။ ပို၍ပင် ကြောက်စရာကောင်းသည့်အရာမှာ အဆင့်-၁ နေရာလွတ်နှင့် ဆင်တူစွာပင် သမုဒ္ဒရာထဲမှာ သက်ရှိများစွာနှင့် အပြောင်းအလဲများစွာက ရှိနေပေလိမ့်မည်။

ငလျင် သို့မဟုတ် ဆူနာမီတစ်ခုပေါ်ထွက်လာမည်ဆိုလျှင် ကျင့်ကြံသူများအပေါ် သက်ရောက်လာမည့်ဖိအားက အဆပေါင်းများစွာတိုးလာပေလိမ့်မည်။

ဆူဇီမိုသည် တွေဝေတုံ့ဆိုင်းခြင်းမရှိဘဲ ပင်လယ်ထဲသို့ခုန်ဆင်းကာ ရေအနက်ပိုင်းထဲသို့ ဦးတည်လိုက်လေသည်။

အစိမ်းရောင်ကြာပန်း အစစ်အမှန်ခန္ဓာသည် ဧကအမြုတေလေးလံရေကနေ စုဖွဲ့ထားသောပင်လယ်ထဲမှာ ဖိအားများစွာကိုမခံစားရပေ။

သူက အနက်ပိုင်ထဲသို့ဝင်ရောက်လာစဥ်မှာပင် ဧကအမြုတေလေးလံရေက အဆင့်-၁၀ အစိမ်းရောင်ကြာပန်း အစစ်အမှန်ခန္ဓာအပေါ် ပျက်စီးထိခိုက်မှုများစွာ မဖြစ်စေပေ။

သို့သော်လည်း သိပ်မကြာမီ သက်ရှိများစွာသည် ဆူဇီမို၏ ဘေးပတ်လည်မှာ စတင်ပေါ်ထွက်လာ၏။

အရေအတွက်များပြားလွန်းသောငါးတစ်အုပ်စုက ကူးခပ်လာပြီး မွန်းကျပ်ဖွယ်ရာကောင်းသော သေခြင်းအော်ရာနှင့်အတူ ကြီးမားသောအရိပ်တစ်ခုက သူ့အပေါ်လွှမ်းခြုံလာခဲ့၏။

မလှမ်းမကမ်းမှာ ကျင့်ကြံသူတစ်ယောက်သည် သူ၏ နတ်ဘုရားစွမ်းအားများနှင့် အင်မော်တယ်ပညာရပ်များကို ထုတ်ဖော်ပြီး အချိန်ဆွဲချင်လေသည်။ သို့သော်လည်း တစ်ခဏချင်းမှာပင် သူသည် ငါးများ၏ စားသုံးခံလိုက်ရပြီး အရိုးစုတစ်ခုသာကျန်ရစ်ခဲ့ကာ ပင်လယ်ရေအနက်ပိုင်းထဲသို့ နစ်မြုပ်ကျဆင်းသွား၏။

ဆူဇီမို၏ အမူအရာက ပြောင်းလဲသွားခြင်းမရှိဘဲ လက်နှစ်ဖက်ဖြင့် လက်ဟန်ချိပ်စည်းများကို လှုပ်ရှားကာ သူ၏ စိတ်ဝိညာဥ်အသိစိတ်ကို လှည့်ပတ်လိုက်၏။ ကောင်းကင်နှင့် မြေကြီးအမြုတေချီက လျင်မြန်စွာစုစည်းလာပြီး သူ့ရှေ့မှာ လက်သီးဆုပ်အရွယ် အနက်ရောင်ရေလုံးတစ်လုံးကိုဖြစ်ပေါ်လာစေ၏။

အနက်ရောင်ရေက ပေါ်ထွက်လာပြီး ဆူဇီမို၏ ဘေးပတ်လည်မှာ နေရာလွတ်တစ်ခုကိုဖြစ်ပေါ်စေကာ ဘေးပတ်လည်ရှိ ဧကအမြုတေလေးလံရေများကို တွန်းဖယ်ထုတ်လိုက်၏။

သူ့စိတ်ဝိညာဥ်အသိစိတ်၏ အတွေးတစ်ချက်နှင့်အတူ ဆူဇီမိုသည် အနက်ရောင်ရေကို ပျံ့နှံ့ပြီး သူ့ကိုယ်သူလွှမ်းခြုံစေကာ အဝတ်အစားများနှင့်ဆင်တူသော အကာအရံအလွှာတစ်ခုကိုဖြစ်ပေါ်လာစေ၏။

ရှေ့မှာရှိသောငါးများက ချဥ်းကပ်လာသော်လည်း သူတို့သည် ရုတ်တရက်ကြောက်ရွံ့ထိတ်လန့်သွားသည့်အလား သူ့ကိုရှောင်ကွင်းသွားကြလေသည်။

ဆူဇီမိုက ညင်သာစွာပြုံး၍ ပင်လယ်အောက်ခြေဆီသို့ ဆက်လက်ကူးခပ်သွားလေသည်။

အနက်ရောင်ရေသည် ငရဲဖိနှိမ်မီးဖိုထဲရှိ မဟူရာကုန်းလိပ်အထွတ်အမြတ်ဝိညာဥ်ကနေ ဆက်ခံရရှိထားသော လျှို့ဝှက်အတတ် ကောင်းကင်ဘုံပကတိရေဖြစ်လေသည်။

ကောင်းကင်ဘုံပကတိရေက အထက်တန်းလွှာဖြစ်ပြီး ရေများအားလုံး၏ အမြုတေဖြစ်၏။ ရေစက်တစ်စက်က ကျယ်ပြန့်သောပင်လယ်တစ်စင်းအဖြစ် အသွင်ပြောင်းလဲနိုင်ပြီး အဲ့ဒါသည် ဧကအမြုတေလေးလံရေထက် အဆများစွာပိုမိုသန်မာလေသည်။

အစကတော့... ဆူဇီမိုသည် ရေတစ်စက်ကိုသာစုဖွဲ့နိုင်ခဲ့၏။

အဆင့်-၈ ကမ္ဘာမြေအင်မော်တယ်တစ်ယောက်အနေဖြင့် သူသည်ရေလုံးတစ်လုံးကို စုဖွဲ့လာနိုင်ခဲ့ပြီဖြစ်၏။

ကောင်းကင်ဘုံပကတိရေသည် မဟူရာကုန်းလိပ်အထွတ်အမြတ်ဝိညာဥ်ကနေ ဆင်းသက်လာခဲ့ပြီး ၎င်းမှာ မဟူရာကုန်းလိပ်၏ အော်ရာပါဝင်နေ၏။

ပင်လယ်နေသတ္တဝါများအတွက်တော့ ထိုအော်ရာက နတ်ဘုရားသက်ရှိတစ်ပါးကဲ့သို့ဖြစ်၏။

“အဲ့ဒါက ဘယ်လိုနည်းစနစ်မျိုးပါလိမ့်”

“ဆူဇီမိုမှာ ဝှက်ဖဲတွေအများကြီးရှိနေတာပဲ”

ရင်ပြင်ပေါ်မှကျင့်ကြံသူများစွာက ထိုသည်ကိုတွေ့မြင်သောအခါ နောက်တစ်ဖန် အုန်းအုန်းကျက်ကျက်ဖြစ်သွားကြ၏။

တောင်တန်းပင်လယ်အင်မော်တယ်ဂိုဏ်းမှ ကောင်းကင်ချောက်နက်၏ အမူအရာက အနည်းငယ်ပြောင်းလဲသွားပြီး သူကဖြည်းဖြည်းချင်းပြောလိုက်၏။

“ငါထင်တာမမှားဘူးဆိုရင် အဲ့ဒီကောင်လေးက ကောင်းကင်ဘုံပကတိရေကို စုဖွဲ့ထားတာဖြစ်ရမယ်”

“ကောင်းကင်ဘုံပကတိရေလား”

ပကတိအင်မော်တယ်ရှဲ့လင်က အံ့အားတသင့်ရေရွတ်လိုက်၏။

ခဏမျှရပ်တန့်ပြီးနောက် ရှဲ့လင်က ပြောလိုက်၏။

“သူ့မှာ ကာကွယ်ဖို့အတွက် ကောင်းကင်ဘုံပကတိရေရှိတယ်ဆိုရင်... အဆင့်-၂က သူ့အတွက်ပြဿနာတစ်ခုဖြစ်မှာ မဟုတ်တော့ဘူး”

“ဒီလိုမျိုးစွမ်းအားကြီးမားတဲ့ လျှို့ဝှက်အတတ်တစ်ခုကို ကြိုတင်ထုတ်ဖော်တာက အဲ့ဒီကောင်လေးအတွက် ကောင်းတဲ့အရာတစ်ခုမဟုတ်လောက်ဘူး”

ကောင်းကင်ချောက်နက်က သူ၏ ခေါင်းကို ညင်သာစွာ ခါယမ်းလိုက်၏။

သူ၏ ထင်မြင်ချက်အရ ကောင်းကင်ဘုံပကတိရေကဲ့သို့ စွမ်းအားကြီးမားသော လျှို့ဝှက်အတတ်ကို ဖုန်းယင်၊ ထိုက်ဟွာနှင့် အခြားသူများနှင့် ရင်ဆိုင်တိုက်ခိုက်ရမည့် အဆင့်သတ်မှတ်ချက်တိုက်ပွဲမှာသာ အသုံးပြုသင့်လေသည်။

သို့သော်လည်း တကယ်တမ်းမှာတော့ အဲ့ဒါသည် ဆူဇီမို၏ နည်းလမ်းများစွာထဲမှ တစ်ခုသာလျှင်ဖြစ်၏။

သူသည် အဲ့ဒါကို ကြိုတင်အသုံးပြုသည်ဆိုလျှင်တောင် အဲ့ဒါက သူ၏ တိုက်ခိုက်ရည်ခွန်အားအပေါ် များစွာသက်ရောက်စေလိမ့်မည် မဟုတ်ပေ။

ကောင်းကင်ဘုံပကတိရေ၏ ကာကွယ်မှုနှင့်အတူ ဘေးပတ်လည်မှာရှိသော ဧကအမြုတေလေးလံရေက အစိမ်းရောင်ကြာပန်း အစစ်အမှန်ခန္ဓာကို ခုခံမှုမရှိသလောက်နီးပါးဖြစ်ပြီး ဆူဇီမို၏ အလျင်အဟုန်က ၎င်း၏ အကန့်အသတ်ထိ ရောက်ရှိလာခဲ့၏။

သူသည် မြေပြင်ပေါ်မှာ သွားလာနေသည့်အလား သမုဒ္ဒရာအနက်ပိုင်းထဲသို့ ထိုးဆင်းသွားပြီး သူ၏ အလျင်အဟုန်က တိုးလာခဲ့၏။

သူ၏ အဆင့်သတ်မှတ်ချက်ကလည်း လျင်မြန်စွာမြင့်တက်လာနေခဲ့၏။

ယခင်က သူသည် အင်္ဂါဂြိုလ်ကျောက်တုံးကြောင့် လူနှစ်သိန်းကျော်၏ နောက်မှာကျန်ရစ်ခဲ့၏။

သူက အဆင့်-၂ ၏ ပို့ဆောင်ရေးဝင်္ကပါသို့ မရောက်ခင်မှာ ဆူဇီမိုသည် ထိပ်ဆုံးတစ်သောင်းထဲသို့ ပြန်လည်ဝင်ရောက်လာခဲ့ပြီဖြစ်ပြီး သူ၏ အဆင့်သတ်မှတ်ချက်က လျင်မြန်စွာ မြင့်တက်လာနေဆဲဖြစ်၏။

သို့သော်လည်း ဖုန်းယင်နှင့် ထိုက်ဟွာကလည်း ဤတစ်ခေါက်မှာ နှေးကွေးမနေခဲ့ပေ။

ဆူဇီမိုက ပို့ဆောင်ရေးဝင်္ကပါသို့ ရောက်ရှိလာချိန်မှာ သူ့ရှေ့တွင် လူရှစ်ယောက်ရှိနေ၏။ ဖုန်းယင်နှင့် ထိုက်ဟွာက ထိပ်ဆုံးနှစ်နေရာမှာ ရပ်တည်နေဆဲဖြစ်၏။

ပို့ဆောင်ရေးဝင်္ကပါပေါ်မှာ မတ်တတ်ရပ်ရင်း ဆူဇီမိုက လှည့်ပတ်၍ ကြည့်ရှုလိုက်၏။

ပို့ဆောင်ရေးဝင်္ကပါနှင့် မလှမ်းမကမ်းမှာ အဆုံးမဲ့သော နက်ရှိုင်းမှောင်မည်းနေသည့် ချိုင့်ဝှမ်းတစ်ခုရှိပြီး အေးစက်အော်ရာတစ်ခုဖြာထွက်နေ၏။

ဖျတ်ခနဲဆို ဆူဇီမိုက ထိုချိုင့်ဝှမ်းဆီသို့ ကူးခပ်သွား၏။

ချိုင့်ဝှမ်း၏ အစပ်သို့ ရောက်ရှိလာချိန်မှာ သူ၏ အသိစိတ်ထဲရှိငရဲဖိနှိမ်မီးဖိုက တကယ်ပင် အနည်းငယ်တုန်ခါလာခဲ့၏။

ဆူဇီမို၏ မျက်လုံးက ဝင်းလက်သွားလေသည်။ ခဏမျှတွေဝေတုံ့ဆိုင်းပြီးနောက် သူက ချိုင့်ဝှမ်းထဲသို့ ခုန်ဆင်းကာ အနက်ပိုင်းထဲသို့ ကူးခတ်သွားလေသည်။

ရင်ပြင်ပေါ်မှာ...။

ကျင့်ကြံသူများစွာသည် ဆူဇီမိုပြုလုပ်နေသည့်အရာကို မသိရှိတော့ဘဲ သူတို့က ကြောင်အ,မှင်တက်နေကြ၏။

ရှဲ့ချင်းချန်က ပကတိအင်မော်တယ်ရှဲ့လင်ကို တစ်ချက်လှမ်းကြည့်ပြီး ညင်သာစွာချောင်းဟန့်ကာ ပြောလိုက်၏။

“ဒုတိယအစ်ကို... အဲ့ဒါက...”

ရှဲ့လင်က အံကိုကြိတ်ပြီး ပြောလိုက်၏။

“အဲ့ဒီလူကတကယ့်ကို အစစ်အမှန်လုယက်သူပဲ”