အခန်း (၉၉)

မနက်ခင်းက ကြောင်ဇုန်မှာ ကျန်းရှောင် ဝေဖန်ခြင်းကို ခံရပြီးတဲ့နောက်မှာတော့ သူတို့ရဲ့ အထပ်ပေါ်ရှိလေထုက တစ်မနက်လုံး အတူတူပင်။ နောက်ဆုံးတွင် သူတို့အားလုံးသည် ကြီးကြီးမားမားပွဲများတွင် ကျင့်သားရနေကြပြီး ဒီအသေးအဖွဲ အနှောင့်အယှက်တွေက ဘာမှမဟုတ်ပေ။

ဒါပေမယ့် နေ့လယ်မှာတော့ ကြောင်ဇုန်တွင် နောက်ထပ်ပို့စ်တစ်ခု ရှိနေသည်။

[နာမည်ကြီး လူငယ်သရုပ်ဆောင်တစ်ဦး၏ မန်နေဂျာက အနုပညာရှင်အရင်းအမြစ်တွေအတွက် သိက္ခာမဲ့တဲ့နည်းလမ်းနဲ့ အိပ်ပေးတာတွေ ပိုက်ဆံပေးတာတွေလုပ်နေတယ် ...]

ဖိုရမ်အသုံးပြုသူများ ရုတ်ရုတ်သဲသဲဖြစ်ခဲ့ကြသည်။

ငါးပျံ - OP က ပိုပြီး တိုက်ရိုက်ဖြစ်နိုင်လို့လား။ ဒီလို မရေရာတဲ့ စွပ်စွဲမှုတွေက လူတွေကို အများကြီး ဒုက္ခပေးနိုင်တယ်နော်။

Baby Must get Skinny - ဖယ်ရှားတဲ့လုပ်ငန်းစဉ်ကို အတူတူသုံးကြစို့။ တစ်နှစ်တာလုံး ရေပန်းစားနေတဲ့ လူငယ်သရုပ်ဆောင်ဖြစ်တဲ့ ZWA, HQ, SYW.....

လုကျားရဲ့ဘေဘီ - ဒီနေ့ ဒီမန်နေဂျာတွေက ဘာတွေလဲ။ စုန့် မိသားစုရဲ့ မန်နေဂျာလား။

လ နံပါတ် ၁ - စုန့်မိသားစု? Song Joong-ki oppa?

....

SYW Fangirl - တကယ်ရီးလား! OP က ငါ့လူ အကြောင်းပြောနေတာ မဟုတ်ဘူးမလား။ အစ်မကျန်း ကိုတွေ့ဖူးတယ်၊ သူမက အရမ်းတော်တယ်၊ အရမ်းလည်းဖော်ရွေတယ်။

လုကျားရဲ့ဘေဘီ - လူတစ်ယောက်ရဲ့မျက်နှာကို သိနိုင်ပေမယ့် သူတို့ရဲ့နှလုံးသားကို မသိနိုင်ဘူး။ ညီမလေး၊ ညီမလေး မမြင်နိုင်တဲ့ အရာတွေ အများကြီးရှိတယ်။

စန်းယွဲ့ နိဟောင် - "အဆုံးအဆမဲ့တဲ့ဓားနဲ့ နဂါး သတ်ဖြတ်သူ " ဇာတ်ကားထဲက ခေါင်းဆောင် မင်းသားနဲ့မင်းသမီး နှစ်ဦးစလုံးက ဒီမန်နေဂျာရဲ့ လက်အောက်က အနုပညာရှင်တွေ။ အထင်ကြီးလောက် စရာပဲ! သူမမှာ ခိုင်မာတဲ့ ဆက်သွယ်မှုတွေ ရှိနေပုံပဲ။

...

နောက်ဆုံးတော့ ဖန်တွေက ဒီကိစ္စကို စပြီး ဆွေးနွေးခဲ့ကြသည်။

တစ်ချိန်တည်းမှာပင် Weibo မှ ဖျော်ဖြေရေးဆိုင်ရာ လွှမ်းမိုးမှုရှိသူ အများအပြားက မက်ဆေ့ချ်များကို စတင်ပိုစ့်တင်ကာ ရေးသားခဲ့ကြသည်။

[မန်နေဂျာတစ်ယောက်ရဲ့ စည်းမျဉ်းတွေက ဘယ်မှာလဲ။ အဓိကအချက်က ဘယ်မှာလဲ။ မန်နေဂျာတစ်ယောက်က သူတို့အနုပညာရှင်ရဲ့ အရင်းအမြစ်တွေကိုထောက်ပြီး ဘယ်အတိုင်းအတာအထိ သွားနိုင်မှာလဲ]

၎င်းတို့သည် မည်သူ့ကိုမျှ အမည်တပ်ကာမဖော်ပြထားသော်လည်း မျိုးရိုးအမည် ကျန်းနဲ့ မန်နေဂျာတစ်ဦးအား မှတ်ချက်များပေးခဲ့သည်။

ကျန်းရှောင်မှာတော့ လက်ဖက်ရည်သောက်ကာ ပို့စ်တွေ ကြည့်ရင်း အဲ့တာက ရယ်လည်းရယ်စရာကောင်းသလို ဒေါသလည်းထွက်သွားသည်။

"ငါက ဒီလောက် နာမည်ကြီးနေတာလား။ ပရိသတ်တွေက ဘာလို့ ငါ့ကို သိနေတဲ့ပုံစံလိုဖြစ်နေတာလဲ"

ရှောင်ယွိ စိတ်ဆိုးပြီး စိတ်ပျက်သွားသည်။ "ဒါက သေချာပေါက် အခကြေးငွေပေးပြီး trolls ရတဲ့ အလုပ်ပဲ။ မဟုတ်ရင် သူတို့ ဘယ်လိုလုပ် ကောမန့်တွေပေးကြမှာလဲ၊ ဒီလူက ဘယ်သူလဲ၊ တခြားသူတွေကို နောက်ကွယ်မှာ ဆဲရေးဖို့ ကြိုးစားနေတာ"

ကျန်းရှောင် စစ်ဆေးဖို့ နှိပ်လိုက်ရာ “ဖြောင့်မတ်တဲ့ ပုဂ္ဂိုလ်” ဆိုတဲ့လူက ကောမန့်များစွာဖြင့် သူမအား အရှက်ကင်းမဲ့စွာ ရှုတ်ချသည်ကို တွေ့လိုက်ရသည်။ အဲဒီလိုကောမန့်တွေ ခြောက်ထောင်ရှိနေပြီ။ ဒီအခိုက်အတန့်မှာ လူတော်တော်များများက သူမရဲ့ Weibo ဆီကို ပြေးလာကြသည်။

"အစ်မ ကျန်း၊ ကောမန့်တွေကို ဘာလို့ မပိတ်ပစ်တာလဲ" ရှောင်ယွိက အကြံပြုခဲ့သည်။

ကျန်းရှောင် ခေါင်းခါလိုက်သည်။ "ငါအရင်က သူတို့ကိုပြောထားတယ် နာမည်ကြီးချင်ရင် စိတ်ဓါတ်ကြံ့ခိုင်ဖို့လိုတယ်လို့"

"အစ်မကျန်းက နာမည်ကြီးချင်လို့လား"

"မဟုတ်ပါဘူး ဒါပေမယ့် သူများတွေ ငါ့ကို နာမည်ကြီးစေချင်နေကြတယ်"

"ဘုရင်က လောနေတာမဟုတ်ဘဲ မိန်းမစိုးတွေကလောနေကြတာမျိုးပေါ့ မဟုတ်ဘူး နန်းတော်ကအစေခံတွေက လောနေကြတာ"

"အလျင်စလို လုပ်စရာမလိုဘူး၊ သူတို့အင်္ကျီလက်တွေမြှောက်ရင် ဘာတွေကျန်သေးလဲဆိုတာ ကြည့်ရအောင်"

ဖိုရမ်မှာ ပရမ်းပတာဖြစ်နေပြီပင်။ ဇာတ်ကား ရိုက်ကူးနေတဲ့ ချင်ယီလုတောင်မှ တိုက်ပွဲတွင် ပါဝင်ခဲ့သည်။

ပိုငိပိုင်ရဲ့ ချစ်စရာကောင်းတဲ့ ဖန် - ဒီကိစ္စကိုပိတ်ပစ်။ OP မှာ ညစ်ပတ်တဲ့စိတ်ရှိတယ်၊ လူတိုင်းက သူတို့လိုပဲ မိုက်မဲတယ်လို့ ထင်မိတယ်။ OP ဘယ်မန်နေဂျာအတွက် အလုပ်လုပ်နေနေတာလဲ။ မနာလို၊ သဝန်တိုပြီး မုန်းတီးတာတွေက အထောက်အကူမဖြစ်ဘူး။ မင်းပိုကြိုးစားပြီး မင်းရဲ့အနုပညာရှင်အတွက် ပိုမိုကောင်းတဲ့ ဇာတ်ညွှန်းတွေကို ရှာသင့်တယ်။

ငါက OP - ကံမကောင်းစွာပဲ၊ ငါ့အစွမ်းအစတွေက လူတချို့ရဲ့ နည်းလမ်းတွေလောက် မလိမ္မာဘူးပေါ့ ဟုတ်လား။ ဌက်မွှေးတွေ စုကြ။ ကျောက်ရှင်းရန်က တတိယလူဆိုတာ အားလုံးသိကြတယ် ပြီးတော့ဒီကတစ်စုံတစ်ယောက်က သူမရဲ့ လက်ထောက်ပဲ။ မကြာသေးခင်နှစ်တွေအတွင်းမှာ သူတို့ အရမ်းအမြန်ကြီး အမြင့်တက်သွားခဲ့တယ် ဒါကို ဘယ်လိုဖြစ်ခဲ့တာလဲလို့ ထင်ကြလဲ"

ပိုင်ပိုင် ရဲ့ ဖန်- ပျောက်သွားပါစေ။ ခွေးတိုင်းမှာ သူ့ရက်တွေရှိကြတယ် ကြိုးချည်ထားရင် ဟောင်တတ်ကြတာချည်းပဲ။

အိပ်မက်နောက်လိုက်သူ - ငါမေးပါရစေ။ အပေါ်က "ပိုင်ပိုင် ရဲ့ ချစ်စရာကောင်းတဲ့ ဖန်"၊ နင်က ပိုင်ပိုင် ရဲ့ fan group ကလား?

ချင်ယီလုက အလွန်အမင်း ထုတ်ဖော်ခံလိုက်ရမှာကို ကြောက်လန့်ကာ ထိတ်လန့်ပြီး ချက်ချင်း ထွက်သွားခဲ့သည်။

အဲ့တာက ပိုအသက်ဝင်သည်ထက် အသက်ဝင်လာသည်။

ကျန်းချင်မှာ ရွှင်မြူးနေတဲ့အမူအရာဖြင့် အပေါ်ထပ်မှဆင်းလာသည်။ "မဒမ်၊ အိုး၊ မဟုတ်ဘူး၊ အကြီးအကဲ ကျန်း အနေနဲ့ အခုကစပြီး ပြောသင့်တာ"

ကျန်းရှောင် ပဟေဠိဖြစ်သွားသည်။ "လက်ထောက် ကျန်း၊ ရှင် ဘာတွေ ထပ်တွေ့လာပြန်ပြီလဲ"

ကျန်းချင်က သူမကို စာရွက်စာတမ်းတစ်ခု ပေးလိုက်သည်။ "မစ္စတာ ကျိုးရဲ့ လက်ဆောင်"

ကျန်းရှောင် အဲဒါကို ယူပြီးမေးလိုက်သည်။ "ဒါက ဘာလဲ" သူမ သေသေချာချာ စစ်ဆေးကြည့်လိုက်သည် "မူရှောင် မီဒီယာ -" မူရှောင်သည် 'မူမူ' မှ 'မူ' နဲ့ သူမရဲ့အမည်ကို ပေါင်းစပ်ထားတာဖြစ်သည်။ ကျန်းရှောင် မျက်နှာပေါ်တွင် အပြုံးတစ်ခုပေါ်လာခဲ့သည်။

"မစ္စတာ ကျိုးက ဒါကို မဒမ် အတွက် အထူးပြင်ဆင်ထားတာ။ ဒါကို ဘယ်တော့ကြေညာဖို့ အစီအစဉ်ရှိလဲ"

ကျန်းရှောင်ကသာ မစ္စတာ ကျိုးရဲ့ ရည်ရွယ်ချက်ကို နားလည်သည်။ "လက်ထောက် ကျန်း၊ အပေါ်ထပ်တက်ပြီး ကျွန်မကိုယ်စား မစ္စတာကျိုးကို ကျေးဇူးတင်ကြောင်းပြောပေးပါ"

"မစ္စတာ ကျိုးက မဒမ်ကို လူကိုယ်တိုင်လာပြီး ကျေးဇူးတင်တာ ပိုသဘောကျမယ်လို့ ကျွန်တော် ယုံကြည်တယ်"

ကျန်းရှောင် တုံ့ဆိုင်းသွားသည်။ "အခု အရမ်းအလုပ်များနေလို့"

"အဲ့တာဘယ်သူ လုပ်တာလဲဆိုတာ သိလား"

ကျန်းရှောင် တွေးတောလိုက်သည်။ "လူတစ်ယောက်က ပိုထူးချွန်လာလေလေ၊ ရန်သူတွေကို မရည်ရွယ်ဘဲ ဖန်တီးမိလေလေပဲ"

ကျန်းချင် တိတ်ဆိတ်နေခဲ့သည်။

သူတို့စကားပြောနေစဉ် ရှောင်ယွိမှာ စိတ်လှုပ်ရှားစွာ ပြေးဝင်လာခဲ့သည်။ "အစ်မကျန်း၊ Weibo ကို မြန်မြန်ကြည့်။ ယိကော စကားပြောနေတယ်!"

စုန့်ယိဝမ် V - ဒါက ငါ့မန်နေဂျာ၊ ငါ့မိသားစု၊ သူ့ကို ငါယုံကြည်တယ်၊ @မန်နေဂျာ ကျန်းရှောင်

ယီဟန် (Easy Cold) V - ဒါက ငါ့မန်နေဂျာ၊ ငါ့မိသားစု၊ ငါ သူ့ကို ယုံကြည်တယ်။ @မန်နေဂျာကျန်းရှောင်

ချင်ယီလု V - ဒါက ငါ့မန်နေဂျာ၊ ငါ့ မိသားစု၊ ငါ သူ့ကို ယုံကြည်တယ်။ @မန်နေဂျာ ကျန်းရှောင်

ရှုကျားအာ V - ဒါက ငါ့မန်နေဂျာ၊ ငါ့မိသားစု၊ ငါ သူ့ကို ယုံကြည်တယ်။ @မန်နေဂျာ ကျန်းရှောင်

ဟွားရှ ရုပ်ရှင်နှင့် ရုပ်မြင်သံကြား - ကျွန်ုပ်တို့ ကုမ္ပဏီ၏ @မန်နေဂျာ ကျန်းရှောင်နှင့် ပတ်သတ်၍ အွန်လိုင်းပေါ်တွင် ပျံ့နှံ့နေသည့် အသရေဖျက်မှုနှင့် ကောလာဟလများနှင့် ပတ်သက်၍ စီမံဆောင်ရွက်ရန်အတွက် ဥပဒေရေးရာဌာနသို့ လွှဲပြောင်းပေးထားပါသည်။

@မန်နေဂျာ ကျန်းရှောင်သည် ကျွန်ုပ်တို့၏ ကုမ္ပဏီသို့ဝင်ရောက်ပြီးကတည်းက ရုပ်ရှင်နှင့်ရုပ်မြင်သံကြားလုပ်ငန်းကို ချစ်မြတ်နိုးသောကြောင့် ဇွဲလုံ့လရှိရှိနဲ့ စိတ်အားထက်သန်စွာ လုပ်ဆောင်ခဲ့သည်။ ဟွားရှ သည် ကျွန်ုပ်တို့၏ဝန်ထမ်းများအား အချို့သောပုဂ္ဂိုလ်များမှ ဆဲဆိုခြင်း၊ အသရေဖျက်ခြင်းများကို သည်းခံမည်မဟုတ်ပေ။ ဤကိစ္စကို အဆုံးထိ ဆောင်ရွက်သွားပါမည်။

ရှောင်ယွိက သူမ၏ စိတ်လှုပ်ရှားမှုကို မထိန်းနိုင်ခဲ့ပေ။ "ပြီးတော့ မစ္စတာကျိုးလည်း ရှိတယ်။ မစ္စတာကျိုးက ဒီမှာ! မစ္စတာကျိုးရဲ့ ပထမဆုံး Weibo ပို့စ်"

ကျိုးရှို့လင်း - ကျွန်တော်က ကျိုးရှို့လင်းပါ ကျန်းရှောင်က တစ်ချိန်က ကျွန်တော့်ရဲ့ လက်ထောက်။ ကျွန်တော် ဒီမှာပြောချင်တာက သူမက ဘယ်သူ့ကိုမှ မျက်နှာလိုမျက်နှာရ လုပ်စရာမလိုဘူးဆိုတာပဲ။ @မန်နေဂျာကျန်းရှောင်

ကျန်းရှို့လင်းက ကျန်းရှောင်အတွက် ထွက်ပြီးစကားပြောလိမ့်မယ်လို့ ဘယ်သူမှ မမျှော်လင့်ထားကြပေ။ ဒါက ကျန်းရှောင်သည် ဟွားရှ တွင် ထူးထူးခြားခြား ရာထူးတစ်ခုကို ပိုင်ဆိုင်ထားကြောင်း ပြသခဲ့သည်။ ဟွားရှ မှ Chief Talent Agent ဆိုတဲ့ သူမရဲ့အခန်းကဏ္ဍက စစ်မှန်သည်။

ရှောင်ယွိ မျက်ရည်များ ကျလာခဲ့သည်။ "မစ္စတာ ကျိုး က သူ့ဝန်ထမ်းတွေကို တကယ် ဂရုစိုက်တာပဲ။ အစ်မကျန်း၊ ဘာလို့ မစ္စတာ ကျိုးကို အာရုံမစိုက်ခဲ့တာလဲ"

ကျန်းရှောင် မေးလိုက်သည်။ "သူ့ Weibo အကောင့်ကို ဘယ်တုန်းက ဖွင့်ထားတာလဲ"

ကျန်းချင် ပြန်ဖြေလိုက်သည်။ "မကြာသေးခင်ကမှ ဖြစ်နိုင်တယ်"

ဒါကြောင့် နောက်ဆုံးမှာတော့ ကျန်းရှောင်က ဒီဒရာမာကို နိဂုံးချုပ်လိုက်သည်။

သူမ ခဏလောက်တွေးပြီး ဖုန်းထဲက ဓာတ်ပုံတစ်ပုံကို ယူလိုက်သည်။ အဲ့တာက အပန်းဖြေပန်းခြံတစ်ခုမှာ သူတို့သုံးယောက်ရဲ့ အရိပ်တွေနဲ့အတူ ချစ်ခင်ပျော်ရွှင်နေပုံရသည်။

မန်နေဂျာ ကျန်းရှောင် V - ဝဝပိန်ပိန်နဲ့ ငါ့နောက်မှာ လူနှစ်ယောက်ရှိတယ်။ ငါကြိုးစားပါ့မယ်! မင်းတို့ရဲ့ယုံကြည်မှုအတွက် အားလုံးကို ကျေးဇူးတင်ပါတယ်။

ရုပ်ပုံက ကာတွန်းပုံဖြစ်တာကြောင့် သူတို့ကလည်း ပဲပင်ပေါက်လေး၏ အသံကိုလည်း အသံဖမ်းထားသည်။

"မေမေ၊ သား ရေခဲမုန့်နည်းနည်း စားလို့ရမလား" ပဲပင်ပေါက်လေး၏ ချစ်စဖွယ်အသံက ကြည့်ရှုသူများ၏ နှလုံးသားကို အရည်ပျော်စေခဲ့သည်။

"သူတို့ရဲ့ အရိပ်တွေကို ကြည့်ရုံနဲ့ သူတို့က ပျော်ရွှင်စရာကောင်းတဲ့ မိသားစုလို့ ပြောလို့ရတယ်!"

"ငါတို့ မျက်နှာအစစ်ကို မြင်ချင်တယ်၊ ချစ်စရာကောင်းတဲ့ မျက်နှာအစစ်ကို မြင်ချင်တာပေါ့။ တီတီက မင်းအတွက် ရေခဲမုန့် သွားဝယ်ပေးမယ်!"

“ခင်ပွန်းသည်ရဲ့ အရိပ်က ဘယ်လောက်တောင် ချောမောတယ်ဆိုတာ ဘယ်သူမှ သတိမထားမိကြဘူးလား”

"အပေါ်ထပ်က ချောတယ်ဆိုတာကို ဘာအတွက်သုံးလိုက်တာလဲ။ သူက အဖေဖြစ်နေပြီ!"

ကျန်းရှောင်ရဲ့ အချစ်ရေးအခြေအနေနဲ့ ပတ်သက်ပြီး ထင်ကြေးပေးနေကြတဲ့ ပရိသတ်တော်တော်များများက ထင်မြင်ယူဆခဲ့ကြသည်။ "သူမလို လှပတဲ့ အမျိုးသမီး မန်နေဂျာတစ်ယောက်က ဟိုးအရင်ကတည်းက ခေါ်သွားခံခဲ့ရတာ ဖြစ်မယ်"

ကုမ္ပဏီတစ်ခုလုံး အံ့အားသင့်သွားကြသည်။ ကျန်းရှောင်ကို သိတဲ့လူတောင်မှ အဲ့တာကို မယုံနိုင်ဘူး။ သူမက အိမ်ထောင်ကျရုံတင်မကဘဲ ကလေးလည်းရထားသည်။

ကျန်းရှောင်ရဲ့ဖုန်းက မက်ဆေ့ချ်များနှင့် သတိပေးချက်များကို အဆက်မပြတ် လက်ခံရရှိနေသည်။

negative သဘောဆောင်တဲ့ ကောမန့်တွေကို ပို့စ်တင်သူတွေက အခုအခါမှာ လှောင်ပြောင်ခံနေရသည်။ ခွေးစာတွေ ကျွေးတာနဲ့ ဘယ်လိုအဆုံးသတ်လိုက်တာလဲ။ ဒါက တခြားသူရဲ့ဘဝဖြစ်ပြီး သူတို့လည်း အဲဒီအကြောင်းကို မသိခဲ့ပါဘူး။ အခြားသူတွေ ပျော်ရွှင်စွာ နေနေကြတယ်။

ကျန်းရှောင် ဖုန်းချလိုက်ပြီး သက်ပြင်းတစ်ချက်ချလိုက်သည်။ ထိုအချိန်တွင် သူမ၏ဖုန်းက ထပ်မြည်လာကာ စခရင်တွင် မစ္စတာ ကျိုး၏ အမည်ကို ပြသခဲ့သည်။

"မစ္စစ် ကျိုး၊ မင်း ဘယ်တော့မှ အလုပ်ပြီးအောင် လုပ်ဖို့ စီစဉ်ထားလဲ" သူ့အသံက ရွှင်မြူးမှုအပြည့်နဲ့ ကျန်း ရဲ့ ထိပ်တန်း အရည်အချင်းရှိတဲ့ အေးဂျင့်နောက်ကွယ်က အမျိုးသားတစ်ယောက်အနေနဲ့ နောက်ဆုံးမှာအသွင်အပြင် တစ်စိတ်တစ်ပိုင်းကို ရရှိခဲ့သည်။

"ဘာလို့ ကျွန်မကို ဘာမှ မပြောခဲ့တာလဲ။ မူရှောင် မီဒီယာနဲ့ပတ်သတ်ပြီးတော့ " ကျန်းရှောင် မေးလိုက်သည်။

"အဲ့တာက ရှီးချီ ပွဲတော်လက်ဆောင်"

ကျန်းရှောင် တစ်ခဏမျှ တိတ်ဆိတ်သွားပြီး စိတ်လှုပ်ရှားမှုတွေ မြင့်တက်လာသည်။ "မစ္စတာ ကျိုး၊ ကျွန်မကို လအနည်းငယ်လောက် အချိန်ပေး ပြီးရင် သူတို့အားလုံးအတွက် အခွင့်အရေးကောင်းတွေ ရှာပေးမယ်။ ပြီးတော့ ကျွန်မ ဒီလုပ်ငန်းကနေ နှုတ်ထွက်မယ်" သူမရဲ့ လေသံက ပြတ်သားပြီး နှလုံးသားထဲကအတိုင်းပင်။

ကျိုးရှို့လင်း ခဏတာ နှုတ်ဆိတ်နေခဲ့ပြီး ကျန်းရှောင် ကို ဒီလုပ်ငန်းမှ အနားယူမည့်အကြောင်းကိုပင် သူ မတွေးခဲ့မိပေ။

"ကျိုးရှို့လင်း -"

"ကိုယ် ရှိတယ်"

"အလုပ်ပြီးရင် ကျွန်မကိုလာခေါ်"

"ကောင်းပြီ"

အဲဒီနေ့မှာပဲ သူတို့ နှစ်ယောက် သူတို့မိဘတွေဆီ အတူတူ ပြန်ခဲ့ကြသည်။

မေမေနဲ့ ဖေဖေကျိုးတို့က အွန်လိုင်းမှာ မရှိခဲ့သလို ဘာဖြစ်ပျက်ခဲ့လဲဆိုတာကို မသိကြပေ။ ကျိုးရှို့လင်းက ကျိုးစစ်မူကို သရုပ်ဆောင် အငယ်တန်း လေ့ကျင့်ရေးစခန်းဆီပို့ဖို့အတွက် သူ့မိဘတွေကို အသိပေးခဲ့သည်။

မေမေကျိုးက ထိုအယူအဆကို ကန့်ကွက်ခဲ့သည်။ "ကလေးက ငယ်သေးတာကို သူ အခက်အခဲတွေကို ဘယ်လိုလုပ် ခံနိုင်ရည်ရှိမှာလဲ"

ဖေဖေကျိုးက စိတ်ကိုဆက်ထိန်းထားပြီး သဘောထားကို မဖော်ပြခဲ့ပေ။

ကျိုးရှို့လင်း ပြောလိုက်သည်။ "စစ်မူလည်း သွားပြီးတော့ လေ့ကျင့်ချင်နေတာ"

မေမေကျိုးမှာ သူမ၏ ရပ်တည်ချက်တွင် ခိုင်မာသည်။ "ငါ ကန့်ကွက်တယ်။ စစ်မူ ဖျော်ဖြေရေးလောကထဲ ဝင်မှာကို ငါ ပြင်းပြင်းထန်ထန် ကန့်ကွက်တယ်။ ကလေးကို မင်းတို့ မပြုစုချင်ဘူးဆိုရင် သူ့ကို ငါတို့ ပြုစုမယ်"