အခန်း (၁၄၁-၁၄၅)

စာစဉ် ၁၀။ အခန်း ၁၄၁ အခြေအနေကိုအခွင့်ကောင်းယူခြင်း

အစပိုင်းတွင်၊ အကြီးအကဲမင်ကျဲ့သည် ဤရွှေမီးတောက်သည် မဟာကျိုး တော်ဝင်မိသားစုမှ ဆင်းသက်လာသည်ဟု ထင်မြင်ခဲ့သည်။

သို့သော်လည်း မဟာကျိုး တော်ဝင်မိသားစုစေလွှတ်သောတပ်များသည် ဤရွှေမီးတောက်ကို ခုခံနိုင်စွမ်းမရှိသည်ကို သူမြင်သောအခါ၊ ဤမီးတောက်သည် မဟာကျိုးတော်ဝင်မိသားစုမှမဟုတ်ကြောင်း သူနားလည်ခဲ့သည်။ ဤမီးလျှံသည် ဘယ်ကလာမှန်း သူမသိပေမယ့် အကြီးအကဲမင်ကျဲ့သည် ပို၍ပင် ဘဝင်မြင့်လာသည်။ သူ၏စွမ်းအားကို ထုတ်လွှတ်ရန် ဤမီးတောက်၏ ခွန်အားကို သူအားကိုးခဲ့သည်။

ယခုအချိန်တွင် သူသည် ဘုရင်အဆင့် ကျွမ်းကျင်ပညာရှင်တစ်ဦးကို သတ်ခဲ့ပြီးဖြစ်၍ မဟာကျိုး ဧကရာဇ်မိသားစုတပ်တွင် ဘုရင်အဆင့် ကျွမ်းကျင်ပညာရှင် သုံးဦး ကျန်နေသေးသည်။ ကျန်သုံးဦးအနက် နှစ်ဦးမှာ လက်တစ်ဖက်ဆုံးရှုံးခဲ့ပြီး ၎င်းတို့အနက် တစ်ဦးမှာ ခြေတစ်ဖက်ဆုံးရှုံးခဲ့သည်။

ဧကရာဇ်အဆင့်မှ ကျွမ်းကျင်သူနှစ်ဦးသည်လည်း ၎င်းတို့၏ လက်ချောင်းများကို ဖြတ်တောက်ပစ်ခံခဲ့ရသည်။

ထိုအချိန်တွင် ဧကရာဇ်မိသားစု၏ ကျွမ်းကျင်သူများ၏ အမူအရာများသည် လွန်ကဲစွာ လေးနက်နေတော့သည်။

ရွှေမီးတောက်ကြောင့်သာမဟုတ်ပါက၊ သူတို့သည် အကြီးအကဲ မင်ကျဲ့ကို သတ်နိုင်မည်မှာကြာလှပြီဖြစ်သည်။

ကံမကောင်းစွာ ဤထူးဆန်းသောမီးလျှံကြောင့် သူတို့လုံးဝမချဉ်းကပ်နိုင်ခဲ့ပါ။ မဟုတ်လျှင် မီးလျှံတွေ ကူးစက်ခံရပြီးသည်နှင့် မီးလောင်ကျွမ်းသည့်နေရာက ဝိညာဉ်တွေကို မဖြတ်တောက်နိုင်လျှင် ရွှေမီးတောက်တွေက သူတို့ကို တိုက်ရိုက်သေစေလိမ့်မည်။

"အားလုံးသတိထားကြ။ သူ့ကို ဒေါသမထွက်နဲ့။ ဒီမီးတောက်က တကယ့်ကို ထူးဆန်းတယ်။ အနီးကပ်အကွာအဝေးကနေဆို ကူးစက်ဖို့လွယ်တယ်။ လူတိုင်း၊ သူ့ခွန်အားကို ကုန်ခမ်းအောင်လုပ်ဖို့ရန် အဝေးကနေ ဖြန့်ကျက်တိုက်ခိုက်တာကို အာရုံစိုက်ပါ။”

“ဒါ့အပြင် မင်းတို့ရဲ့ ခံစစ်ပစ္စည်းတွေအားလုံးကို ယူလာပါ။ အဲ့မီးတောက်က ကောင်းကင်ဘုံအထက် ကာကွယ်ရေးပစ္စည်းကိရိယာတွေကို ချက်ခြင်းထိုးဖောက်ဝင်ရောက်နိုင်မှာမဟုတ်ဘူး။ ကောင်းကင်ဘုံအောက်က ခံစစ်ပစ္စည်းတွေကတော့ အဲ့မီးတောက်ကို ခံနိုင်ရည်ရှိမှာ မဟုတ်ဘူး၊ ချက်ခြင်းလောင်ကျွမ်းသွားလိမ့်မယ်။”

ဘုရင်ကျီနဉ်က အံကြိတ်ကာ “ဦးရီးတော်တို့၊ ကျုပ်တို့ နန်းတော်တွေရဲ့ သားသမီးတွေက အဲဒီနေရာမှာ တိုက်ခိုက်နေကြတုန်းပဲ။ လူဆိုးတွေ များလွန်းတယ်။ သူတို့အရည်အချင်းနဲ့က မလောက်ဘူး။ သူတို့ သေချာပေါက် နတ်ဆိုးအငွေ့အသက်တွေ ကူးစက်ခံရပြီးရင် ဒုက္ခရောက်လိမ့်မယ်။”

ဧကရာဇ်အဆင့်မှ ကျွမ်းကျင်ပညာရှင်နှစ်ဦးက မျက်မှောင်ကြုတ်လိုက်ကြသည်။

“ကျီနဉ်၊ အခု ဦးစားပေးက အကြီးအကဲမင်ကျဲ့ကို ကိုင်တွယ်ဖို့ပဲ။ ငါတို့ သူ့ကို ဒီနေ့ မသတ်ရင် နောင်အနာဂတ်မှာ ငါတို့ရဲ့ မဟာကျိုးအတွက် ကြီးမားတဲ့ ခြိမ်းခြောက်မှု ဖြစ်လာမှာ သေချာပါတယ်။ ဝူရှန်နဲ့ တခြားသူတွေကတော့ သူတို့မှာ မဟာကျိုး တော်ဝင်မိသားစုရဲ့ အသွေးအသားဖြစ်တာကြောင့်၊ သူတို့ဟာ ကျိုး အင်ပါယာအတွက် ယဇ်ပူဇော်ဖို့ ပြင်ဆင်ကြရမှာပဲ။ ငါတို့ အမြင်ကျယ်ကျယ် ထားရမယ်။”

ဘုရင်ကျီနဉ်သည် လက်သီးများကို တင်းတင်းကြပ်ကြပ်ဆုပ်ထားကာ သူ၏လက်သည်းများသည် သူ၏လက်ဖဝါးထဲသို့ပင် မြုပ်သွားခဲ့သည်။ ကျန်တဲ့ ဘုရင်နှစ်ပါးသည်လည်း စိတ်မချမ်းသာပေ။

အောက်ကလူတွေအားလုံးက သူတို့၏ သားသမီးအရင်းတွေပါ။ သူတို့သားသမီးသေတာကို ဘယ်သူကများ မြင်ချင်ကြမတဲ့တုန်း။

သို့သော် ဦးရီးတော်နှစ်ယောက်ပြောတာ မှန်သည်။ အကြီးအကဲမင်ကျဲ့သည် အမှန်တကယ်ပင် တော်ဝင်မိသားစုအတွက် ကြီးမားသောခြိမ်းခြောက်မှုတစ်ခုဖြစ်သည်။

ဧကရာဇ်အဆင့် ကျွမ်းကျင်သူနှစ်ဦးနှင့် ဘုရင်အဆင့် ကျွမ်းကျင်ပညာရှင် လေးဦးတို့ ပူးပေါင်းပါဝင်ခဲ့ကြသော်လည်း သူတို့သည် အနည်းငယ်မျှသာ အားသာချက်ရခဲ့သည်။ ထိုအစား သူတို့ထဲက တစ်ယောက်က သေဆုံးသွားပြီး ကျန်သူအားလုံး ဒဏ်ရာရသွားခဲ့သည်။

ဤအောင်မြင်မှုသည် မဟာကျိုးကို ကြောက်လန့်သွားစေလောက်အောင် ဖြစ်ခဲ့သည်။

ယနေ့ သူ့ကို မသတ်လျှင် နောင်မှာ နတ်ဆိုးဂိုဏ်းက ပြန်လည် အုပ်စိုးလာလိမ့်မည်။ ထိုအချိန်တွင် ဧကရာဇ်မိသားစု ပေးဆောင်ရမည့် တန်ဖိုးသည် ပို၍ပင် ကြီးမားပေလိမ့်မည်။

ဒါကို တွေးကြည့်တော့ သူတို့ အနည်းစုက သူတို့၏ ခန္ဓာကိုယ်ထဲမှာ ဝိညာဉ်စွမ်းအင်ရဲ့ အရှိန်ကို တိုးမြင့်ပြီး သူတို့၏ အရှိန်အဝါတွေ ဆက်တက်လာစေလိုက်သည်။

“အားလုံး မြန်မြန်လုပ်။ ဘာပဲဖြစ်ဖြစ်၊ ဝူရှန်နဲ့ တခြားသူတွေက ဆက်မထိန်းနိုင်တော့တဲ့အထိ မရောက်ခင်မှာ အကြီးအကဲမင်ကျဲ့ကို သတ်ရမယ်။"

အကြီးအကဲမင်ကျဲ့သည် လျှာသပ်လိုက်ပြီး သွေးဆာနေသော အနီရောင် အလင်းတန်းများ သူ၏မျက်လုံးထောင့်မှ ဖြတ်သွားသည်။

ဒီလူတွေကို ထိတ်လန့်စေချင်သည်။

သူတို့သည် သူ့ကို တိုက်ခိုက်ချင်လေလေ၊ ထိုသူ့ကို ပစ်မှတ်ထားဖို့ လွယ်လေလေပါပဲ။ သူသည် မင်ကျဲ့မြင့်မြတ်သောမီးလျှံကို လွှတ်ရန် အခွင့်အရေးကို စောင့်နေသည်။

သူသတ်လိုက်သော ဘုရင်အဆင့် ကျွမ်းကျင်သူ၏ သွေးအနှစ်သာရကို သူ၏ ကောင်းကင်နတ်ဆိုးအနုပညာမှ စုပ်ယူထားပြီးဖြစ်သည်။ ယခုအချိန်တွင် သူ၏ ကျင့်ကြံဆင့်သည် ဧကရာဇ်အဆင့်၏ ဒုတိယအဆင့်သို့ ပြန်လည်ရောက်ရှိနေပြီဖြစ်သည်။

အကယ်၍ သူသည် ဤလူများ၏ သွေးအနှစ်သာရကို ဝါးမျိုနိုင်ခဲ့ပါက၊ သူသည် ဧကရာဇ်အဆင့်၏ ဆဋ္ဌမအဆင့်သို့ ပြန်လည်ရောက်ရှိနိုင်ရုံသာမက နောက်ထပ်ခြေတစ်လှမ်းကိုပင် တက်လှမ်းနိုင်မည်ဖြစ်သည်။

တစ်ခဏမျှ မောပန်းပြီးနောက် တိုက်ပွဲ ထပ်မံဖြစ်ပွားသည်။ ကောင်းကင်တွင် မိုးကြိုးများလက်လာပြီး တိုက်မိကာ ပေါက်ကွဲကြသည်။ ကောင်းကင်နှင့် မြေကြီးကို ထိတ်လန့်စရာကောင်းသည့် ဖြစ်စဉ်တစ်ခု ဖြစ်စေသည်။

အောက်တွင် ကျီဝူရှန်နှင့် အခြားသူများသည် ထိန်းမထားနိုင်တော့သည်မှာ ရှင်းသည်။

နတ်ဆိုးကျင့်ကြံသူ အများအပြားရှိသည်။ အရေအတွက်မှာ နှစ်ထောင်ကျော်ဖြစ်သည်။ သူတို့ လူတစ်ရာနှင့် နှိုင်းယှဉ်လျှင် အချိုးသည် အံ့သြစရာကောင်းလောက်အောင် ၂၀ အချိုး ၁ ဖြစ်နေသည်။

ဒါတင်မကသည်မှာ တဖက်သူသည် တခြား နတ်ဆိုးကျင့်ကြံသူတွေ၏ သွေးအနှစ်သာရကို စုပ်ယူပြီးလည်း သူတို့ကိုယ်သူတို့ အားကောင်းလာစေသည်။ ထို့အပြင်၊ သူတို့သည် နတ်ဆိုးဂိုဏ်း၏ မကောင်းဆိုးဝါး နတ်ဆိုးအစီအရင်အတွင်းတွင် ရှိနေသရွေ့ ၎င်းတို့၏ ခွန်အားများလည်း တိုးလာကာ ကျီဝူရှန်နှင့် အခြားသူများက အားပိုနည်းသွားမည်ဖြစ်သည်။

ဤအချက်တွေကို ခြုံငုံကြည့်ခြင်းအားဖြင့် ကျီဝူရှန် နှင့် တခြားသူတွေအတွက် အခြေအနေက အဆင်မပြေလှပေ။ ၎င်းတို့ကို ဖြိုခွင်းပြီး အစီအရင်မှ ရုန်းထွက်နိုင်ရန်မလွယ်ကူလှပေ။

ပိုကြောက်စရာကောင်းသည်မှာ ဤနတ်ဆိုးကျင့်ကြံသူတွေ၏ ပန်းတိုင်ကလည်း သူတို့ကို သတ်ဖို့မဟုတ်ဘဲ ထောင်ချောက်ဆင်ပြီး နတ်ဆိုး ရောင်ဝါတွေ ကူးစက်စေဖို့ပင်။

ထိုအချိန်တွင်၊ လောဘ၊ သွေးဆာခြင်းနှင့် အမျိုးမျိုးသော အပျက်သဘောဆောင်သော စိတ်ခံစားမှုတို့သည် သူတို့၏ စိတ်များကို လျင်မြန်စွာ ထိန်းချုပ်လာပြီး နတ်ဆိုးဂိုဏ်း၏ လက်အောက်ခံများအဖြစ်သို့ ပြောင်းလဲသွားကြသည်။

"အားလုံး... ငါ မထိန်းနိုင်တော့ဘူး။ ငါအရင်ထွက်မယ်။ ငါ့မှာ မဟာကျိုး တော်ဝင်မိသားစုရဲ့ သွေးတွေစီးဆင်းနေတယ်။ ငါသေရင်တောင် ငါ နတ်ဆိုးဂိုဏ်းရဲ့ လက်ပါးစေအဖြစ်ခံမှာ မဟုတ်ဘူး။"

ဖူး..

စူးစူးရှရှအသံဖြင့် တော်ဝင်နန်းတော်မှ မင်းသားတစ်ပါးသည် မိမိကိုယ်ကို သတ်သေသွားခဲ့သည်။

နောက်ဆုံးအခိုက်အတန့်တွင် သူ၏ဆင်ခြင်တုံတရားကို မထိန်းချုပ်နိုင်ဟု ခံစားလာရသောအခါ တော်ဝင်မိသားစု၏ဂုဏ်သိက္ခာကို ကာကွယ်ရန် ပြတ်ပြတ်သားသား အသေခံရန် ရွေးချယ်ခဲ့သည်။ "ကျိုးအင်ပါယာကြီး အဓွန့်ရှည်ပါစေ။"

ဖူး..

အော်ဟစ်ပြီးနောက် တော်ဝင်နန်းတော် မင်းသားတစ်ပါးသည် မိမိကိုယ်ကို သတ်သေရန် ရွေးချယ်ခဲ့သည်။

သူ့ကိုယ်သူ မကယ်တင်နိုင်၍ သတ်သေရုံသာ ရှိတော့သည်။

တော်ဝင်မိသားစု၏ အမျိုးအနွယ်သည် ၎င်း၏မာနရှိသည်။ သူတို့ကိုယ်သူတို့ နတ်ဆိုးတွေရဲ့ နင်းချေခြင်းကို မခံတာ အသေအချာပင်

သူတို့ကိုယ်သူတို့ သတ်သေသွားတာကို မြင်လိုက်ရတော့ နတ်ဆိုးကျင့်ကြံသူတွေရဲ့ နဂိုက ညစ်ညမ်းတဲ့ အမူအရာတွေက ချက်ချင်း အေးစက်သွားသည်။

“မြန်မြန်၊ ပိုများတဲ့ အငွေ့အသက်ကို လွှတ်ပြီး ကူးစက်မှုကို အရှိန်မြှင့်လိုက်။ မဟုတ်ရင် သူတို့အားလုံး သတ်သေကြလိမ့်မယ်။”

တော်ဝင်မိသားစုတစ်စုကို ကူးစက်ခြင်းသည် ၎င်းတို့အား တော်ဝင်သွေးဖြင့် ပါရမီရှိသော ကျင့်ကြံသူများကိုသာ ရရှိစေမည်ဖြစ်သည်။

အရေးအကြီးဆုံးကတော့ မဟာကျိုးကို မျက်နှာပျက်သွားစေနိုင်သည်။

မဟာကျိုး၏ နှစ်ပေါင်းများစွာ အကျဉ်းချခြင်းခံခဲ့ရသည့် ဤကျင့်ကြံသူတွေအတွက် ၎င်းထက် ဘယ်အရာက ပိုစိတ်ကျေနပ်နိုင်မည်လဲ။

အစီအရင်ထဲတွင်၊ ကျီဝူရှန်သည်လည်း ပြိုလဲတော့မည်။

သူ၏စိတ်က ကမောက်ကမ ဖြစ်နေသည်။ နတ်ဆိုးရောင်ဝါသည် သူ၏ခန္ဓာကိုယ်ထဲသို့ ဝင်ရောက်လာပြီး သူ၏ဝိညာဉ်ကို သိမ်းပိုက်လိုကာ သူ၏ စိတ်ဝိညာဉ်ကို အရူးအမူး ကျူးကျော်ဝင်ရောက်လာသည်။

သူ၏ခန္ဓာကိုယ် အစိတ်အပိုင်းက သူ၏အမိန့်တွေကို နားမထောင်နိုင်တော့ဘူးလို့ ခံစားရသည်။

သို့သော်လည်း ထိုအချိန်တွင် ကျီဝူရှန်၏ မျက်ခုံးကြားမှ ရွှေရောင်အလင်းတန်းတစ်ခု ရုတ်တရက် ထွက်ပေါ်လာသည်။ ၎င်းသည် အမှောင်ထုကို ထိုးဖောက်သွားသည့် ထက်ရှသောဓားတစ်လက်ဖြစ်ပြီး သူ၏ပတ်ဝန်းကျင်ရှိ နတ်ဆိုးရောင်ဝါကို တိုက်ရိုက်ခွဲထုတ်လိုက်သလိုပင်။

၎င်းသည် လုရှောင်ယန်က ကျီဝူရှန်အပေါ်မှာ ထားခဲ့သည့် စိတ်ပိုင်းဆိုင်ရာ အမှတ်အသားဖြစ်သည်။

ဤစိတ်ပိုင်းဆိုင်ရာအမှတ်အသားသည် ကျီဝူရှန်၏ နောက်ဆုံးအသိစိတ်၏ခြေရာကိုကာကွယ်ပေးခဲ့ပြီး နတ်ဆိုးအငွေ့အသက်မှ သူ၏ဉာဏ်ရည်ကို လုံးဝဝါးမျိုသွားခြင်းမှကာကွယ်ပေးခဲ့သည်။

နတ်ဆိုးကျင့်ကြံသူများ၏ မျက်လုံးများသည် ချက်ချင်းပင် နာကြည်းလာသည်။

"ဒီကောင်က ဒီလိုဟာကို ဖုံးကွယ်ထားတာပဲ။"

"မင်းတို့ အာရုံစူးစိုက်ပြီး ဒီကောင့်အပေါ် နတ်ဆိုး အငွေ့အသက်အားလုံးကို စုစည်းကြ။ သူ့ကို အရင်ကူးစက်ရအောင်...။"

နတ်ဆိုးကျင့်ကြံသူများအနေဖြင့် ၎င်းတို့၏ နတ်ဆိုးအငွေ့အသက်များကို ချက်ချင်းကြီးချဲ့ထွင်လာမည်ဖြစ်သည်။ ယင်းတွင် မနာလိုမှုလည်း ပါဝင်သည်။

၎င်းတို့အားလုံးသည် အကြီးအကဲမင်ကျဲ့ထံမှ ကူးစက်ခံထားရခြင်းဖြစ်သည်။ ကျီဝူရှန်က အဘယ်ကြောင့် ခုခံနိုင်ရသည်လဲ။

ထို့ကြောင့် သူတို့သည် ဤစိတ်ပိုင်းဆိုင်ရာ အမှတ်အသားကို ဖျက်ဆီးပစ်ရမည်။ ဘာပဲဖြစ်ဖြစ် သူတို့ဟာ ကျီဝူရှန်ကို ကူးစက်ပြီး ဂိုဏ်းထဲကို ဆွဲခေါ်သွားကြမှာ ဖြစ်သည်။

သို့သော်~~

ထိုအချိန်မှာပင် နန်းမြို့တော်၏ ဦးတည်ရာမှ အလင်းတန်းတစ်ခု ထွက်ပေါ်လာသည်။ ၎င်းသည် လျှပ်စီးထက်တောင် ပိုမြန်သည်။

ချွမ်း...

ကျီဝူရှန်၏ မျက်ခုံးကြားက ရွှေရောင်အလင်းထက် အဆမရေမတွက်နိုင်အောင် ပြင်းထန်သည်။

ထိုရွှေရောင်အလင်းတန်းများသည် ကျီဝူရှန်၏ရှေ့တွင်ရှိသော နတ်ဆိုးအငွေ့အသက်များကိုသာ ဖြတ်တောက်ပစ်လိုက်သည်။

ဤရွှေရောင်အလင်းတန်းသည် တောင်တစ်ခုလုံးကို ပြည့်နှက်နေသော နတ်ဆိုးအငွေ့အသက်များကို ဖြတ်တောက်ပစ်လိုက်သည်…..

***

ပြိုင်ဘက်ကင်းအသန်မာဆုံးသခင်ကြီး

စာစဉ် ၁၀။ အခန်း ၁၄၂ ခြိမ်းခြောက်ခြင်း

အလင်းသည် မီတာတစ်သန်းအထိ ပျံ့နှံ့သွားပြီး တောင်တစ်ခုလုံးနှင့် ကုန်းမြေတစ်ခုလုံး ပြည့်နေသည့် နတ်ဆိုးအငွေ့အသက်များကို ပျက်စီးစေသည်။

အုန်း...

မြေပြင်ပေါ်တွင် နတ်ဆိုးဂိုဏ်း၏ နတ်ဆိုးအစီအရင်သည် ချက်ချင်း ပျက်စီးသွားခဲ့သည်။ ၎င်းနှင့်အတူ ရာနှင့်ချီသော နတ်ဆိုးဂိုဏ်းမှ ရာနှင့်ချီသော နတ်ဆိုးကျင့်ကြံသူများသည် ထိုအလင်းကြောင့် အချင်းများ ကွဲကြေသွားကာ ပြာဖြစ်သွားသည်။

ဤမြင်ကွင်းသည် နေရာရှိလူတိုင်းကို ထိတ်လန့်စေဖို့ လုံလောက်သည်ထက် ပိုသည်။

“ဘာလောက်တောင်… ပြင်းထန်တဲ့ တိုက်ခိုက်မှုလဲ။”

တော်ဝင်နန်းတော်မှ မင်းသမီးလေးသည် မျက်လုံးများ ပြူးကျယ်လို့နေကာ ဤတိုက်ခိုက်မှုကို မယုံကြည်နိုင်စွာ ကြည့်နေလေသည်။

ဒါက ဧကရာဇ်အဆင့် ကျွမ်းကျင်သူထက် အားမနည်းဘူး မဟုတ်လား။

တော်ဝင်မိသားစုမှ အကြီးအကဲ နှစ်ဦး၏ တိုက်ခိုက်ခြင်း ဖြစ်နိုင်ပါသလား။

ဧကရာဇ်အဆင့်မှ ကျွမ်းကျင်သူတစ်ဦး၏ အရှိန်အဝါသည် တောင်တစ်ခုထက်ပင် ပို၍ကြီးမားသည်။ ၎င်းမှာ အစွမ်းထက်လွန်း၍ အမှန်ပင် တောင်ကြီးကိုယ်တိုင် ကျရောက်လာဟန်ပင် တူသေးသည်။

ဒါကို သူမ နားမလည်နိုင်ပေ။

တော်ဝင်မိသားစု က တခြားအကြီးအကဲတွေကို အကူအညီပေးဖို့ စေလွှတ်ခဲ့ခြင်းများလား။

ကျီဝူရှန်၏ မျက်လုံးများသာ တဖျက်ဖျက်ခတ်နေသည်။

“ဒါက အကြီးအကဲပဲ ဖြစ်ရမယ်။"

ကောင်းကင်မှ လူတိုင်းလည်း အံသြသွားကြသည်။

“အင်မတန် အားကောင်းတဲ့ ရောင်ဝါက အလျင်အမြန် ချဉ်းကပ်လာနေပါတယ်။”

"ဒီဦးတည်ချက်။ နန်းမြို့ကလား။ တော်ဝင်မိသားစုက ထိပ်သီးလား။"

“မဟုတ်ဘူး၊ ဒီရောင်ဝါက တစ်ခါမှ မခံစားမိဖူးဘူး။”

လူတိုင်း ထိတ်လန့်တုန်လှုပ်နေစဉ် မဝေးလှသော ေရာမှ အတားအဆီးသည် တိုက်ရိုက် ကွဲထွက်သွားသည်။

ချက်ချင်းပင် အနက်ရောင်ဝတ်ရုံနှင့် ဦးထုပ်ဆောင်းထားသည့် အသွင်အပြင်သည် အကွဲအပြဲကြားမှ ဖြည်းညှင်းစွာ ထွက်လာသည်။

သူ၏လှုပ်ရှားမှုတွေက နှေးကွေးနေပေမယ့် ခြေလှမ်းနှစ်လှမ်းလောက်နှင့် ဤနေရာကို ရောက်လာသည်။

ဧကရာဇ်အဆင့်၏ ဖိအားများ ကျဆင်းလာသည်နှင့်အမျှ နတ်ဆိုးကျင့်ကြံသူများသည် ကြီးမားသော ဖိအားကို ချက်ချင်း ခံစားခဲ့ရသည်။

အင်အားကြီးသော ဖိအားသည် ၎င်းတို့အား လွတ်မြောက်ရန် ရည်ရွယ်ချက်ပင် မထားရှိနိုင်ပေ။

လုရှောင်ယန်သည် သူ၏ လေကို ဖြုန်းတီးရန် စိတ်မ၀င်စားပေ။ ရက်စက်ကြမ်းကြုတ်သူတွေဖြစ်နေပြီဖြစ်တဲ့ ဒီလူတွေအတွက် သူ အချိန်ဖြုန်းနေစရာ မလိုပါ။

ခေါင်းကို အနည်းငယ်မော့ပြီး စစ်မှန်သောအမြင်အာရုံသုံးပါးကို သုံးကာ ၎င်း၏စွမ်းအားကို ထုတ်လွှတ်လိုက်သည်။ နတ်ဆိုးကျင့်ကြံသူ တစ်ထောင်ကျော် နေရာတွင်ပင် ပေါက်ကွဲခဲ့သည်။

ဒုန်းဒုန်းဒုန်း …

မီးရှူးမီးပန်းများကဲ့သို့ နက်မှောင်သော သွေးအနှစ်သာရ အမှုန်အမွှားများ ထွက်လာသည်။

မြင်ကွင်းက ထိတ်လန့်စရာကောင်းပြီး လှပလွန်းသည်။

နတ်ဆိုးအစီအရင်များ ကျိုးပဲ့သွားကာ နတ်ဆိုးကျင့်ကြံသူများအားလုံး ပျက်စီးသွားသဖြင့် ကျီဝူရှန်နှင့် အခြားသူများသည် ချက်ချင်းပင် ပို၍ စိတ်အေးလက်အေး ခံစားခဲ့ရသည်။

သို့သော်၊ သူတို့၏ကိုယ်ခန္ဓာအတွင်း၌ သူတို့၏ဝိညာဉ်များကို ညစ်ညမ်းစေသော နတ်ဆိုး ရောင်ဝါတစ်ခု ရှိနေသေးသည်။

လုရှောင်ယန်သည် ကျီဝူရှန်ကို နတ်ဆိုးဖြစ်ရန် ခွင့်မပြုနိုင်ခဲ့ပေ။

အဇူရာသက်ရှည်အနုပညာ ကိုသုံးလိုက်သည်။ အမြင့် ၁၀၀ မီတာမြင့်သော စိမ်းပြာရောင် နဂါးကုလားထိုင်ပေါ်တွင် ထိုင်နေသော ဧကရာဇ်ရုပ်ကြီးသည် ရုတ်တရက် သူ၏နောက်တွင် ပေါ်လာသည်။ စစ်မှန်သောအမြင်အာရုံသုံးပါးနှင့် စစ်မှန်သောရည်ရွယ်ချက်ကို ဖော်ထုတ်ခြင်းဖြင့် လုရှောင်ယန်သည် ကျီဝူရှန်၏ခန္ဓာကိုယ်ရှိ မကောင်းသောအငွေ့အသက်များကိုဖယ်ရှားရန် အဇူရာသက်ရှည်အနုပညာကိုအသုံးပြုခဲ့သည်။

စိမ်းပြာရောင်အလင်းတန်းတစ်ခု လင်းလက်သွားပြီး ကျီဝူရှန်နှင့် အခြားသူများ၏ ခန္ဓာကိုယ်မှ နတ်ဆိုးအငွေ့အသက်များ သူတို့ခန္ဓာကိုယ်မှ ချက်ချင်း ဖယ်ထုတ်ပစ်လိုက်သည်။

ဤမြင်ကွင်းကိုမြင်သော် အကြီးအကဲမင်ကျဲ့ ချက်ခြင်းဒေါသဖြစ်သွားတော့သည်။

"ခွေးကောင် ငါ့အကြံအစည်ကို မင်းဘယ်လိုဖျက်ရဲတာလဲ။ သေစမ်း.."

ကြွေးကြော်သံနှင့်အတူ သူ၏ရုပ်သွင်သည် အနက်ရောင်မီးခိုးများအဖြစ်သို့ ပြောင်းလဲသွားပြီး လုရှောင်ယန်ဆီသို့ လျင်မြန်စွာ ပြေးလာသည်။

လုရှောင်ယန် လှည့်ကြည့်လို့လာသည်။ တဖက်သူသည် ယခုဧကရာဇ်အဆင့်၏ ဒုတိယအဆင့်တွင်ရှိသော တိုက်ခိုက်မှုသာ ထုတ်လွှတ်နိုင်သောကြောင့် စိတ်ပူစရာမရှိပါ။

သူ၏လက်ကောက်ဝတ်ကို လှန်လိုက်ခြင်းဖြင့် မြင့်မြတ်သောသစ်သားမီးလှံသည် ချက်ချင်းပင် သူ့လက်ထဲတွင် ရောက်လာသည်။ သူသည် ရှေးဟောင်းဧကရာဇ်ကျမ်းကို ခွန်အားအပြည့်ဖြင့် လှည့်ပတ်လိုက်ပြီး ခြေလှမ်းတစ်လှမ်းနှင့်ပင် မီတာတစ်ရာအတွင်း ကျောက်ဆောင်များကို ချက်ချင်း ဖြိုခွဲပစ်လိုက်သည်။

ထို့နောက် တိုက်ခိုက်မှုသည် ပျံ့နှံ့သွားခဲ့သည်။ ပျံ့နှံ့သွားတိုင်း မီတာတစ်ရာအတွင်းရှိ အရာအားလုံး ပျက်စီးသွားလိမ့်မည်။ စုစုပေါင်း ကိုးကြိမ်အထိ ပျံ့နှံ့ခဲ့ပြီး အချင်း မီတာတစ်ထောင်ကျော်ရှိသည့် ချောက်တစ်ခုဖန်တီးလိုက်သည်။

လုရှောင်ယန်သည်လည်း ကောင်းကင်ကို အံတုရန် ဤစွမ်းအားကို အားကိုးခဲ့သည်။

သူတို့နှစ်ဦးစလုံးသည် ဧကရာဇ်အဆင့်၌ရှိကြ၏။ တစ်ယောက်က ပဉ္စမအဆင့် အထက်မှာ ရှိပြီး နောက်တစ်ယောက်က အောက်တွင်ရှိသည်။ ၎င်းတို့သည် နဂါးနှစ်ကောင်နှင့်ပင် တူလှသည်။

အုန်း..

၎င်းတို့နှစ်ဦး တိုက်မိသည့်အခိုက်တွင်၊ ၃၆၀ ဒီဂရီ ကြယ်ရောင်ခြည်အတက်အကျသည် တိုက်ရိုက် လွင့်ထွက်သွားပြီး လေထု အက်ကွဲသွားသည်။

၎င်း၏ အရှိန်အဝါသည် အရူးအမူး ပျံ့နှံ့သွားကာ ကောင်းကင်တွင်ရှိသော တိမ်တိုက်များကို ဆုတ်ခွာသွားစေသည်။

ယခင်က တော်ဝင်မိသားစု မှ ကျွမ်းကျင်သူများသည် အကြီးအကဲမင်ကျဲ့ကို တိုက်ခိုက်သောအခါတွင် တိမ်များကို အများဆုံး မီတာ ၁၀၀,၀၀၀ အတွင်း လွင့်ပစ်နိုင်ခဲ့သည်။

သို့သော် သိုင်းဘုရင်အဆင့် လက်နက်ကိုကိုင်ဆောင်ပြီး သိုင်းဘုရင်အဆင့်ကျင့်ကြံခြင်းနည်းလမ်းကိုအသုံးပြုခဲ့သော လုရှောင်ယန်သည် မီတာဆယ်သန်းအတွင်းတိမ်အားလုံးကိုတိုက်ရိုက်လွင့်စင်သွားစေခဲ့သည်။

ပြင်းထန်လှသော လှိုင်းလုံးကြီးသည် ကောင်းကင်ရှိ ဘုရင်အဆင့်မှ ကျွမ်းကျင်ပညာရှင်သုံးဦးကိုပင် ခွန်အားအပြည့်ဖြင့် တွန်းလှန်ရန် တွန်းအားပေးခဲ့သည်။ ဧကရာဇ်အဆင့် အကြီးအကဲ နှစ်ယောက်သာ သက်သာရာရမည်ဟု ယူဆရပါသည်။

သို့သော်လည်း ပါးစပ်အဟောင်းသားဖြစ်သွားသည်အထိ သူတို့နှစ်ဦး ထိတ်လန့်သွားကြသည်။

သူတို့အားလုံးသည် ဧကရာဇ်အဆင့်ကို ကျင့်ကြံသူများဖြစ်သော်လည်း သူတို့၏တိုက်ခိုက်မှုများသည် ဤလျှို့ဝှက်ဆန်းကြယ်သောလူ၏တိုက်ခိုက်မှုနှင့်နှိုင်းယှဉ်ပါက ကလေးကစားပုံကဲ့သို့ အဘယ်ကြောင့်ခံစားရသနည်း။

သူတို့နှစ်ယောက် ဒီတိုက်ခိုက်မှုကို ခံရရင် အနည်းဆုံးတော့ ဒဏ်ရာတွေ ရလိမ့်မယ်ဆိုတာ သံသယမရှိကြပါ။

ရုန်းရင်းဆန်ခတ် ငြိမ်သက်သွားသောအခါတွင် သူတို့နှစ်ဦး၏ အခြေအနေသည် လူတိုင်း၏မျက်လုံးထဲတွင် ထင်ဟပ်နေသည်။

လုရှောင်ယန်သည် ဒဏ်ရာလုံးဝမရရှိခဲ့ဘဲ အကြီးအကဲမင်ကျဲ့၏လက်ကိုသာ ကွဲကြေသွားစေခဲ့သည်။ သူ၏ပခုံးသည် သွေးများဖြင့် ဖုံးလွှမ်းနေပြီး သူ၏တစ်ကိုယ်လုံး အဆုံးမရှိ တုန်လှုပ်သွားသည်။ သူ၏ဘယ်ဘက်လက်က ကျောက်စိမ်းကြွေပုလင်းဖြူကို သူ့လက်ထဲမှာ တင်းတင်းကြပ်ကြပ်ဆုပ်ကိုင်ထားသည်။

“ဟစ် ဘယ်လောက် အစွမ်းထက်လဲ။"

ဤအခိုက်အတန့်တွင်၊ ကောင်းကင်ရှိ တော်ဝင်မိသားစု ကျွမ်းကျင်သူများ သို့မဟုတ် မြေပြင်ပေါ်ရှိ တော်ဝင်မိသားစု ငယ်ရွယ်သူများဖြစ်ပါစေ၊ လူတိုင်းသည် ဤအရာကို မြင်သောအခါတွင် ကျောရိုးများအေးစက်သွားသည်ကို မထိန်းနိုင်ပေ။

ကြောက်စရာကောင်းလွန်းသည်။

တော်ဝင်မိသားစုမှ ကျွမ်းကျင်ပညာရှင်နှစ်ဦးသည် ဧကရာဇ်အဆင့်၏ ပထမအဆင့်တွင်ရှိကြသည်။ ထို့အပြင် ၎င်းတို့ကို ဘုရင်အဆင့် ကျွမ်းကျင်ပညာရှင်လေးဦးမှပင် အကူအညီပေးခဲ့သည်။ သို့သော်လည်း အချိန်အတော်ကြာ တိုက်ပွဲဝင်ပြီးနောက်၊ သူတို့သည် အကြီးအကဲမင်ကျဲ့ကို အသာစီးမရနိုင်သေးပေ။ တကယ်တော့ အကြီးအကဲမင်ကျဲ့သာ အသာစီးရနေခဲ့ခြင်းဖြစ်သည်။

ဤအခိုက်အတန့်တွင်၊ ဤလျှို့ဝှက်ဆန်းကြယ်သောလူသည် အကြီးအကဲမင်ကျဲ့ကို ပြင်းပြင်းထန်ထန် ဒဏ်ရာရစေရန် တိုက်ခိုက်မှုတစ်ခုတည်းကိုသာ အသုံးပြုခဲ့သည်။

ဒီကောင်က သိပ်မဆန်းဘူးလား။

အကြီးအကဲမင်ကျဲ့သည် အံကို တင်းတင်းကျပ်ကျပ်ကြိတ်ကာ လုရှောင်ယန်၏လက်ရှိ မြင့်မြတ်သောသစ်သားမီးလှံကို စိုက်ကြည့်နေသည်။

"မင်းဘယ်သူလဲ။ ဘယ်လိုလုပ်ပြီး မင်းမှာသိုင်းဘုရင်အဆင့် လက်နက်ရှိနေတာလဲ။"

‘သိုင်းဘုရင်အဆင့်’ ဆိုသည့် စကားလုံးကိုကြားသည်နှင့် လူတိုင်း ချက်ချင်း အေးခဲသွားသည်။

"သိုင်းဘုရင်အဆင့် လက်နက်"

လူတိုင်း၏ မျက်လုံးများ နီရဲလာသည်။ သူတို့ အသက်ရှူသံတွေတောင် ပူလာပြီး နှလုံးခုန်တွေ မြန်လာသည်။

သူတို့၏ တုံ့ပြန်မှုတွေကို နားလည်ပေးလို့ရပေသည်။ နောက်ဆုံးတွင် သိုင်းဘုရင်အဆင့်လက်နက်များသည် ဒဏ္ဍာရီဆန်ဆန်တည်ရှိနေခဲ့သည်။

မဟာကျိုး တစ်ခုလုံးတွင်ပင် သိုင်းဘုရင်အဆင့်လက်နက်များကိုင်ဆောင်ထားသူ နှစ်ဦး သို့မဟုတ် ၃ ဦးသာရှိသည်။

ထို့အပြင် ၎င်းသည် အဆင့်နိမ့် သိုင်းဘုရင်အဆင့် လက်နက်နှစ်ခုနှင့် အလယ်အလတ်တန်းစား သိုင်းဘုရင်အဆင့် လက်နက်ဖြစ်သည်။

တိုက်ပွဲတွင် သိုင်းဘုရင်အဆင့် လက်နက်၏ ထိရောက်မှုမှာ စိတ်ကူးဖြင့်ပင်မယဉ်နိုင်ပေ။

၎င်းသည် ကိုင်ဆောင်သူ၏ ခွန်အားကို တိုးမြင့်လာသောကြောင့် တိုက်ခိုက်မှုစွမ်းအားကို တိုးစေမည်ဖြစ်သည်။

ထို့ကြောင့်၊ ယခုအချိန်တွင် တော်ဝင်မိသားစုဝင်များသည် နတ်ဆိုးအငွေ့အသက်များမလွှမ်းမိုးထားသော်လည်း လုရှောင်ယန်၏ သိုင်းဘုရင်အဆင့် လက်နက်ကို လိုချင်တပ်မက်မှုကို မထိန်းနိုင်ကြသေးပေ။

၎င်းသည် လုရှောင်ယန် ဝါးဦးထုပ်ကို ၀တ်ဆင်ရသည့် အကြောင်းရင်းလည်း ဖြစ်သည်။ ၎င်းသည် သူအမြဲလိုလို ဖုံးကွယ်ဖို့ ရွေးချယ်ရသည့်အကြောင်းအရင်းပင်ဖြစ်သည်။

အခု သူအရမ်းချမ်းသာလွန်းနေပြီ။

ရတနာနှစ်ပါးသည် လောကကို မနာလိုဖြစ်စေရန် လုံလောက်သည်။

သို့သော် ယခုအချိန်တွင် သူသည် ဝါးဦးထုပ်ကို ၀တ်ထားသည်။ သူမည်သူမည်ဝါဖြစ်သည်ကို မည်သူမှမသိသောကြောင့် စိတ်ပူစရာမလိုပါ။

"တကယ် သိုင်းဘုရင်အဆင့် လက်နက်တစ်ခုပဲ။ ဧကရာဇ်အဆင့် ဧကရာဇ်အဆင့်ကျွမ်းကျင်သူတစ်ယောက်အနေနဲ့ ဒီလောက်အထိအားကောင်းတဲ့ တိုက်ခိုက်မှုမျိုး ထုတ်လွှတ်နိုင်တာ အံ့ဩစရာမဟုတ်တော့ပါဘူး။"

ကောင်းကင်ပေါ်ရှိ လူအနည်းငယ်တို့သည် အချင်းချင်း ယောင်ဝါးဝါးပြောဆိုနေသကဲ့သို့ တစ်ယောက်ကိုတစ်ယောက် ကြည့်နေကြသည်။

အကြီးအကဲမင်ကျဲ့က ထပ်ပြောပြန်သည်။

"ဒါပေမယ့် မင်းမှာ သိုင်းဘုရင်အဆင့် လက်နက်ရှိရင်တောင် ငါ့ရဲ့အကြံအစည်ကို မင်းဖျက်ဝံ့ရင် မင်းဒီနေ့ မင်းရဲ့ ကြေကွဲစရာကောင်းတဲ့သေခြင်းကို ငါဖန်တီးပေးရတော့မှာပေါ့။”

"မင်းရဲ့ သိုင်းဘုရင်အဆင့် လက်နက်ကိုတော့ ငါက ယူပေးမယ်။"

သူပြောပြီးသည်နှင့် သူ၏လက်ထဲတွင်ရှိနေသည့် ကြွေထည်ဖြူပုလင်းကို မြှောက်လိုက်သည်….

***

ပြိုင်ဘက်ကင်းအသန်မာဆုံးသခင်ကြီး

စာစဉ် ၁၀။ အခန်း ၁၄၃ နတ်ဆိုးအရှင်

"မင်းမှာ သိုင်းဘုရင်အဆင့် လက်နက်ရှိပေမဲ့ မင်းထက်မနိမ့်ကျတဲ့ အရာတစ်ခု ငါ့မှာရှိတယ်။ ငါ့ရဲ့ လျှို့ဝှက်ရတနာရဲ့ရှေ့မှာ၊ မင်းမှာ သိုင်းဘုရင်အဆင့်လက်နက်ရှိရင်တောင် အသုံးမကျဘူး။ သေဖို့ပြင်ထား!!”

လုရှောင်ယန်၏ အမူအရာ ရုတ်တရက် အေးခဲသွားသည်။

အကြီးအကဲမင်ကျဲ့သည် သူ၏ အဆုံးစွန်သော လှုပ်ရှားမှုကို ထုတ်ဖော်တော့မည်ကို သူသိသည်။

အကြီးအကဲမင်ကျဲ့သည် ယခု ဧကရာဇ်အဆင့် ဒုတိယအဆင့် တိုက်ခိုက်မှုတစ်ခုကို ထုတ်လွှတ်နိုင်ပြီဖြစ်သည်။ သို့သော် သူသည် ဧကရာဇ်အဆင့်မှ ကျွမ်းကျင်သူနှစ်ဦးနှင့် တော်ဝင်မိသားစု၏ ဘုရင်အဆင့် ကျွမ်းကျင်သူ လေးဦးတို့ကို အားနည်းချက်မရှိဘဲ တိုက်ခိုက်နိုင်ခဲ့သည်။ ဒီနည်းလမ်းကို သူ အားကိုးရမည်။

လုရှောင်ယန်သည် အကြီးအကဲမင်ကျဲ့၏လျှို့ဝှက်ဘဏ္ဍာများသည် ဧကရာဇ်အဆင့် ကျွမ်းကျင်သူများထံ သေစေလောက်သောပျက်စီးမှုများရှိနေသည်ဟု ကနဦးထင်မြင်ယူဆခဲ့သည်။

တစ်စုံတစ်ယောက်သည် သတိလက်လွတ်ဖြစ်လျှင် ထိခိုက်ဒဏ်ရာရနိုင်ခြေများသည်။

သူ သတိလက်လွတ်ဖြစ်၍မရပေ။

"သွား!! မင်ကျဲ့ မြင့်မြတ်သောမီးလျှံ!”

လုရှောင်ယန် တွေးတောနေစဉ်၊ အကြီးအကဲမင်ကျဲ့သည် မင်ကျဲ့မြင့်မြတ်သောမီးလျှံကို စတင်ထုတ်လွှတ်နေပြီဖြစ်သည်။

တော်ဝင်မိသားစုဝင်များသည် လုရှောင်ယန်၏လက်တွင် သိုင်းဘုရင်အဆင့် လက်နက်ကို လိုချင်ကြသော်လည်း၊ ၎င်းတို့သည် လူသားဆန်မှုအနည်းငယ် ရှိသေးသည်။

လုရှောင်ယန်သည် သူတို့၏ အငယ်မျိုးဆက်တွေကို ကယ်တင်ခဲ့သည်ကို သိသဖြင့် ၎င်းတို့သည် သူ့ကို သတိပေးရုံမှတစ်ပါး မကူညီနိုင်ခဲ့ကြပေ။

“ဆရာကြီး၊ သတိထားပါ။ ဒီ မင်ကျဲ့ မြင့်မြတ်သောမီးလျှံက အလွန်အစွမ်းထက်တယ်။ ဝိညာဉ်ကိုတောင် လောင်ကျွမ်းစေနိုင်တယ်။ သင့်ခန္ဓာကိုယ်ပေါ် မီးတောက်လောင်ပြီးတာနဲ့ မီးလောင်နေတဲ့ သင့်ခန္ဓာကိုယ်အစိတ်အပိုင်းကို ဖြတ်တောက်လိုက်မှသာ အသက်ရှင်ဖို့ အခွင့်အလမ်းရှိလိမ့်မယ်။”

သူစကားပြောနေစဉ်တွင်၊ မင်ကျဲ့မြင့်မြတ်သောမီးတောက်သည် အဖြူရောင်ကျောက်စိမ်းကြွေပုလင်းထဲမှ ထွက်လာပြီးဖြစ်သည်။

လုရှောင်ယန်သည် မူလက ခုခံကာကွယ်လိုသော်လည်း မီးတောက်ကိုမြင်သောအခါ ချက်ချင်းပင် အံ့အားသင့်သွားခဲ့သည်။

မင်ကျဲ့ မြင့်မြတ်သောမီးလျှံ...တဲ့လား

ခြေရာမဲ့အစီအရင်နှင့် စစ်မှန်သောထုတ်ဖော်ခြင်းကို ပေါင်းစပ်ပြီးနောက် ဤအရာသည် သူဖန်တီးခဲ့သော အရာမဟုတ်ပါလား။ မင်ကျဲ့မြင့်မြတ်သောမီးလျှံ မည်သို့ဖြစ်လာသနည်း။

တစ်ခုခုတော့ မှားနေသလိုပဲ…

လုရှောင်ယန်၏ စိတ်သည် အလွန်လျင်မြန်စွာ အလုပ်လုပ်သည်။ မျက်စိတစ်မှိတ်အတွင်းမှာပဲ ဒီကိစ္စကို သူနားလည်သွားသည်။

ယခင်က၊ အကြီးအကဲမင်ကျဲ့၏တပည့်ဖြစ်သော ကောင်းကင်ဘုရင်သွေးနတ်ဆိုးသည် သွေးကန်ကူးပြောင်းခြင်းအစီအရင်ကိုအသုံးပြုသောအခါ လုရှောင်ယန်သည် ၎င်းတို့အား အသံတိတ်စေရန် မီးတောက်များကို ထုတ်လွှတ်ခဲ့သည်။

အကြီးအကဲမင်ကျဲ့သည် မသေသေးဘဲ မီးတောက်ကိုငြိမ်းသတ်ရန်အတွက် ကောင်းကင်ဘုံဓမ္မရတနာတစ်ခုကို အသုံးပြုခဲ့သည်ဟု သူထင်မှတ်ခဲ့သည်။ အဘယ်ကြောင့်ဆိုသော် ကောင်းကင်ဘုံဓမ္မရတနာ ပစ္စည်းသည် ဤမီးတောက်ကို ခုခံနိုင်နေပြီဖြစ်သောကြောင့်ပင်။

ဤမီးသည် အဓိကအားဖြင့် သက်ရှိသတ္တဝါများကိုသာ လောင်ကျွမ်းစေသည်။ အထူးသဖြင့် ၎င်းသည် ကောင်းကင်ဘုံအထက်ရှိ သက်မဲ့အရာဝတ္ထုများကို တိုက်ဖျက်ရာတွင် သိပ်ထိရောက်မှု မရှိပေ။

ထို့နောက် မီးတောက်ကို သူ၏သွေးအနှစ်သာရဖြင့် ကျွေးခြင်းဖြင့် မီးတောက်မသေစေရန် တားနိုင်ခဲ့သည်။

ထို့ကြောင့် နောက်ဆုံးတွင် သူ၏ လူသတ်လက်နက် ဖြစ်လာခဲ့သည်။

ဤနည်းဖြင့် သူသည် ဧကရာဇ်အဆင့်မှ ကျွမ်းကျင်ပညာရှင်နှစ်ဦးနှင့် မဟာကျိုး တော်ဝင်မိသားစု၏ ဘုရင်အဆင့်ကျွမ်းကျင်သူလေးဦးတို့ကို အညီအမျှ တိုက်ထုတ်နိုင်ခဲ့သည်။

ယခုအချိန်တွင် လုရှောင်ယန်တစ်ယောက် စိတ်ရှုပ်ထွေးလို့နေခဲ့သည်။

သူ၏ စိတ်ရှုပ်ထွေးမှုကို အခွင့်ကောင်းယူပြီး မီးတောက်များက သူ၏ခန္ဓာကိုယ်ကို ဖုံးလွှမ်းသွားသည်။

"မကောင်းတော့ဘူး။"

တော်ဝင်မိသားစုဝင်များ၏ အမူအရာသည် ချက်ချင်းပြောင်းလဲသွားပြီး အကြီးအကဲမင်ကျဲ့သည် မိုက်မဲစွာ ရယ်မောခဲ့သည်။

"ဟားဟားဟား... မင်းရှုံးပြီ! ဒီမီးလျှံကူးစက်ပြီးနောက် မင်းဘာသာ သိုင်းဘုရင်အဆင့်ကျွမ်းကျင်သူတစ်ယောက်ဖြစ်နေရင်တောင်မှ သေခြင်းတရားကနေ လွတ်မြောက်နိုင်မှာမဟုတ်ဘူး။"

သို့သော် သူစကားမဆုံးမီတွင် လုရှောင်ယန်၏ခန္ဓာကိုယ်ကို ဖုံးအုပ်ထားသည့် မီးတောက်များသည် တဖြည်းဖြည်း ငြိမ်းသွားခဲ့သည်။ "ဘာ..."

အကြီးအကဲမင်ကျဲ့၏အပြုံးသည် ချက်ချင်းရပ်တန့်သွားပြီး သူ့မေးရိုးမှာ ပြုတ်ကျလုနီးပါးဖြစ်သွားသည်။

တော်ဝင်မိသားစုဝင်များသည်လည်း လုံးဝကြောင်အကာ မြေပြင်ပေါ်တွင် ရပ်နေသည်။

အဲဒါက မင်ကျဲ့ မြင့်မြတ်တဲ့ မီးတောက်ပဲ။ မပျက်စီးနိုင်သော မြင့်မြတ်သောမီးလျှံလို့လည်း သူတို့သိထားကြတယ်လေ။

အကြီးအကဲမင်ကျဲ့သည် တော်ဝင်မိသားစု၏ ဘုရင်အဆင့်ကျွမ်းကျင်သူကိုသတ်ရန် ၎င်းကိုအသုံးပြုခဲ့သည်။ တကယ်တော့ ဧကရာဇ်မိသားစုရဲ့ ကျွမ်းကျင်ပညာရှင် ဘယ်နှစ်ယောက်ကို ဒီအရာနဲ့ သတ်ပစ်ခဲ့တယ်ဆိုတာ မသိနိုင်ပါ။

ယခု ဤလျှို့ဝှက်ဆန်းကြယ်သော ပုဂ္ဂိုလ်အပေါ် ၎င်း၏ ထိရောက်မှု ဆုံးရှုံးသွားပြီ။

ဒါက ဘယ်လိုဟာသမျိုးလဲ။

ဤလျှို့ဝှက်ဆန်းကြယ်သောလူသည် အလွန်ကြောက်စရာကောင်းသည်မဟုတ်လော။

လုရှောင်ယန်သည် ပြန်လည်ကောင်းမွန်မလာမီ ခဏမျှ တိတ်ဆိတ်နေခဲ့သည်။

ဒီမြင်ကွင်းကိုမြင်တော့ အကြီးအကဲ မင်ကျဲ့ ရုတ်တရက် တုန်လှုပ်သွားသည်။

"ငါပြေးတာ ပိုကောင်းတယ်။"

မဆိုင်းမတွဘဲ သူ့သွေးအနှစ်သာရအစက်နှစ်စက်ကို ဖောက်ခွဲလိုက်ပြီး လွတ်မြောက်ရန် သွေးကန်ကူးပြောင်းခြင်းအစီအရင်ကို အသုံးပြုခဲ့သည်။

မီးနီတဖျပ်ဖျပ်တောက်ပြီး နေရာတွင်ပင် ပျောက်သွားသည်။

ထို့အပြင်၊ လုရှောင်ယန်သည် ပေါ့ပေါ့ပါးပါး ကြွေးကြော်ပြီး သူ၏ စစ်မှန်သောအမြင်အာရုံသုံးပါးကို လှုံ့ဆော်ပေးခဲ့သည်။ သူကလည်း လေထုကို ဖြိုခွဲပြီး တဖက်သူကို လိုက်ရှာသည်။

သူတို့နှစ်ယောက် ထွက်သွားပြီးနောက် တောင်ချိုင့်ဝှမ်းတစ်ခုလုံး တိတ်ဆိတ်ငြိမ်သက်သွားသည် ။

ကောင်းကင်က ကျွမ်းကျင်သူတွေပဲ ဖြစ်ဖြစ်၊ အောက်ခြေက အငယ်တွေပဲ ဖြစ်ဖြစ်၊ သူတို့ နှစ်ယောက် ပျောက်ကွယ်မသွားခင် ရှိနေခဲ့သည့် နေရာကို စူးစူးစိုက်စိုက် ကြည့်နေကြသည်။

အချိန်အတော်ကြာပြီးနောက် ဘုရင်ကြီးသည် ကျီနဉ်၏လက်ကိုဆွဲကာ “တတိယညီတော်၊ ဤလျှို့ဝှက်ဆန်းကြယ်သောလူကို သိလား။” ဟုဆိုလေသည်။

ကျီနဉ်သည်လည်း အံသြသွားသည်။

“ကျွန်တော်လည်း မသိဘူး။”

"ဒါဆို ငါတို့က သူတို့နောက်ကို လိုက်ရမှာလား။"

"လိုက်ရင်ရော ဘယ်ကိုလိုက်မှာလဲ။ ဘယ်လိုလဲ။ မင်းရဲ့ ကျင့်ကြံဆင့် လုံလောက်သလား ဒါမှမဟုတ် မင်းရဲ့ အစီအရင် ဖွဲ့စည်းမှု လုံလောက်နေလို့လား။ အဲ့အရှိန်နဲ့ ဧကရာဇ်အဆင့် ဦးရီးတော်နှစ်ယောက်သာ အမှီလိုက်နိုင်လိမ့်မယ်။”

၎င်းတို့ အနည်းငယ်သည် ဧကရာဇ်အဆင့်မှ အကြီးအကဲနှစ်ဦးကို ကြည့်ကြသည်။ အကြီးအကဲ နှစ်ယောက် တစ်ယောက်ကို တစ်ယောက် ကြည့်ရင်း နားတွေ ပူလောင်လာသည်။

ရိုးရိုးသားသား ပြောရရင် သူတို့ နှစ်ယောက်တောင် လိုက်မမီနိုင်ပါ။ လုရှောင်ယန်နှင့် အကြီးအကဲမင်ကျဲ့ မည်ကဲ့သို့ လွတ်မြောက်သွားသည်ကိုပင် သူတို့ မြင်ပင်မမြင်နိုင်ခဲ့ကြပေ။

၎င်းတို့အားလုံးသည် ဧကရာဇ်အဆင့် ကျွမ်းကျင်သူများဖြစ်ကြသော်လည်း အကြီးအကဲမင်ကျဲ့၏အစီအရင်နှင့် လုရှောင်ယန်၏လှုပ်ရှားမှုနည်းပညာနှစ်ခုလုံးကို လိုက်ဖက်ရန် ၎င်းတို့အတွက် ခက်ခဲနေသေးသည်။

လူတိုင်းက အတန်းတစ်ခုတည်းမှာ စာသင်နေကြခြင်းဖြစ်ပေမယ့် တစ်စုံတစ်ယောက်ကတော့ အမှတ်တွေ ပိုကောင်းနေတုန်းပဲ ဆိုသလိုပဲပေါ။

သူတို့ဟာ တူညီတဲ့ အဆင့်မှာ ရှိမနေပေ။

“အဟွတ် အဟွတ်... ပညာရှင်က အကြီးအကဲမင်ကျဲ့ကို သတ်နိုင်မယ် ထင်တယ်။ ငါတို့အားလုံး ဒဏ်ရာအပြင်းအထန်ရနေတာကြောင့် အနားယူဖို့ နန်းမြို့တော်ကို ပြန်သွားတာ အကောင်းဆုံးပဲ။”

ဘုရင်ကျီနဉ်က အံ့ဩသောအမူအရာဖြင့် ပြောသည်၊

“ဦးရီးတော်တို့၊ သူတို့နောက်ကို လိုက်မကြည့်သင့်ဘူးလား။ အတည်ပြုဖို့မလိုဖူးလား။”

ဧကရာဇ်အဆင့်မှ ကျွမ်းကျင်သူနှစ်ဦးသည် ဘုရင်ကျီနဉ်ကို ချက်ချင်းပင် စူးစူးရဲရဲစိုက်ကြည့်နေကြသည်။

"မင်းစကားမပြောရင်လည်း မင်းကိုဘယ်သူမှ အ,တယ်ထင်မှာမဟုတ်ဘူး။"

အခြားတစ်ဖက်တွင်၊ အကြီးအကဲမင်ကျဲ့သည် သွေးကန်ကူးပြောင်းခြင်းအစီအရင် ကိုအသုံးပြုပြီး ကီလိုမီတာ ၂,၀၀၀ အကွာအဝေးသို့ ချက်ချင်းသတင်းပို့ခဲ့သည်။

“အဟွတ် အဟွတ် … ဒီကောင် ဘယ်က လာတာလဲ။ သူ တကယ်ကို မူမမှန်တာပဲ ကံကောင်းထောက်မစွာ၊ ငါအမြန်ပြေးခဲ့တယ်၊ မဟုတ်ရင်…”

သူစကားမဆုံးခင်မှာ ကျွမ်းဝင်သည့် ထိတ်လန့်တုန်လှုပ်ဖွယ် အငွေ့အသက်တစ်ခု သူ၏နောက်ကနေ ရုတ်တရက် ထွက်ပေါ်လာသည်။

"ဟင့်အင်း၊ သူဘာလို့ ဒီလောက်မြန်နေတာလဲ။"

အကြီးအကဲမင်ကျဲ့သည် အလွန်ထိတ်လန့်သွားပြီး သူ၏ ဦးရေပြား ထုံသွားခဲ့သည်။ သူ့ရဲ့ သွေးကန်ကူးပြောင်းခြင်းအစီအရင်သည် ထိပ်တန်း နေရာအကူးမအပြောင်း အစီအရင်ပင်။ ၎င်းသည် လူများကို အလွန်လျင်မြန်သော အမြန်နှုန်းဖြင့် တယ်လီပို့နိုင်ပြီး အခြားသူများကို သတ်ဖြတ်လုယက်ရန် အကောင်းဆုံးနည်းလမ်းဖြစ်သည်။

နတ်ဆိုးဂိုဏ်းတွင်၊ ၎င်းသည် ထိပ်တန်းတည်ရှိမှုတစ်ခုဖြစ်သည်။

လုရှောင်ယန်က ဘာကြောင့် သွေးကန်ကူးပြောင်းခြင်းအစီအရင်ကို အမီလိုက်နိုင်တာလဲ။

သို့သော် သူ ထိတ်လန့်သွားသော်လည်း သတိလက်လွတ်ဖြစ်ရန် လုံးဝမဝံ့ရဲပေ။

သူလှည့်ကြည့်လိုက်တော့ အဖြူရောင်ကျောက်စိမ်းကြွေပုလင်းထဲက မင်ကျဲ့ မြင့်မြတ်တဲ့မီးတောက်ကို တိုက်ရိုက်ထုတ်လွှတ်လိုက်တယ်။

ဒီတစ်ကြိမ်မှာတော့ မီးတောက်တစ်စက်မကျန်လွှတ်ခဲ့သည်။

သူသည် မဟာကျိုး ကျင့်ကြံသူများကို သတ်ဖြတ်ခြင်းဖြင့် မီးတောက် ကုဗမီတာ တစ်ရာကျော်ကို စုဆောင်းထားပြီးဖြစ်သည်။ ယခင်က သူ့နောက် လိုက်လာသူများကို ကိုင်တွယ်ဖြေရှင်းရာတွင် များစွာအသုံးပြုခဲ့သည်။ ယခုမူ သူ့မှာ ကုဗမီတာ ရှစ်ဆယ်ပဲ ကျန်တော့သည်။

သို့သော် လှည့်ကြည့်ရုံဖြင့် ကျိန်ဆဲခြင်းကို မထိန်းနိုင်ပေ။

“သေစမ်း..”

သူ့ရှေ့တွင် အမှန်တကယ် မပျက်စီးနိုင်သော မီးတောက်များ ကုဗမီတာ တစ်သိန်းကျော်ရှိပြီး လုရှောင်ယန်သည် မီးတောက်ထဲတွင် ရပ်နေသည်။

ဤအချိန်တွင် အကြီးအကဲမင်ကျဲ့သည် အရာအားလုံးကို နားလည်ခဲ့သည်။

လုရှောင်ယန်သည် ဤမီးတောက်၏ သခင်အစစ်ဖြစ်သည်။ ရယ်စရာကောင်းသည်က သူက ဒီမီးတောက်ကို တစ်ဖက်လူနဲ့ တိုက်ခိုက်ရာတွင် အသုံးချဖို့ တကယ်ကိုစိတ်ကူးခဲ့တာပင်။

ကံဆိုးသည်၊ သူ လုံးဝ ဘဝတော့ အကျည်းတန်သွားပြီ။

ဒီကောင်က တော်တော့်ကို မူမမှန်မှန်းသိရင် သူ့ကို ရန်စမှာ မဟုတ်ဘူး။ သူ့ကိုတွေ့တာနဲ့ ထွက်ပြေးခဲ့မိမှာ။

ဒါပေမယ့် အခုတော့ အရာရာနောက်ကျလို့သွားပေပြီ။

ဤကမ္ဘာတွင် နောင်တအတွက် ဆေးဝါးမရှိပေ ။

သူသည် တွန်းလှန်ခြင်းကို စွန့်လွှတ်ခဲ့ပြီး စိတ်ပျက်လက်ပျက်ဖြင့် မျက်လုံးများကိုမှိတ်ထားသည်။

လုရှောင်ယန်၏ရှေ့တွင်၊ သူသည် ခံနိုင်ရည်မရှိဟု ခံစားလာရပြီး ပြင်းထန်သော စွမ်းအားမဲ့မှုကို ခံစားခဲ့ရသည်။

သို့သော်လည်း ကောင်းကင်တွင် ပြည့်လျှံနေသော မီးတောက်များက သူ့အား ဝန်းရံလာခါနီးတွင် အနက်ရောင် အလင်းတန်းများ ရောစပ်မှု အဝေးမှ ပျံ့လွင့်လာခဲ့သည်။

၎င်း၏ အရှိန်သည် အကြီးအကဲမင်ကျဲ့ထက်ပင် ပိုမြန်သည်။

၎င်း၏နတ်ဆိုးအငွေ့အသက်သည် အကြီးအကဲ မင်ကျဲ့ထက်ပင် ပိုမိုအားကောင်းသည်….

***

ပြိုင်ဘက်ကင်းအသန်မာဆုံးသခင်ကြီး

စာစဉ် ၁၀။ အခန်း ၁၄၄ ရှေးဟောင်းလူဝံနယ်မြေမှာ ငါမင်းကိုစောင့်နေမယ်

ပြင်းထန်သော မကောင်းဆိုးဝါး အငွေ့အသက်ကို ခံစားလိုက်ရသဖြင့် အကြီးအကဲမင်ကျဲ့ ချက်ခြင်း မျက်လုံးပွင့်လာပြီး မျက်ရည်များ ကျလာသည်။

“ဒါ နတ်ဆိုးအရှင် အဲဒါ နတ်ဆိုးအရှင်။ ဟားဟား... နတ်ဆိုးအရှင် လာပြီ။ ငါမသေတော့ဘူး။"

လုရှောင်ယန်သည် သူ၏ စစ်မှန်သောအမြင်အာရုံသုံးပါးကို ကြည့်သောအခါ တုန်လှုပ်သွားပြီး သူ၏အမူအရာက မကူညီနိုင်ဘဲ အနည်းငယ် လေးနက်လာသည်။

၎င်းသည် စိတ်ပိုင်းဆိုင်ရာ ဝိညာဉ်ကိုယ်ပွားတစ်ခုသာဖြစ်ကြောင်း သူခံစားနိုင်သည်။

ယွဲ့ယင်း၏ ဝိညာဉ်ကိုယ်ပွားကဲ့သို့ပင်။

သို့သော်၊ ယွဲ့ယင်းသည် ကွဲအက်သော စိတ်ဝိညာဉ်ဖြင့် သိုင်းဘုရင်အဆင့် ကျွမ်းကျင်သူဖြစ်ပြီး သူမ၏ ကျင့်ကြံဆင့်သည် ဘုရင်အဆင့်၏ ဒဿမအဆင့်တွင်သာ ရှိသေးသည်။ ထို့ကြောင့် သူမ၏ကိုယ်ပွားသည် အစွမ်းထက်ခြင်းမရှိပေ။

ဤကိုယ်ပွား၏ ခွန်အားသည် ဘုရင်အဆင့်၏ ဒဿမအဆင့်သို့ ရောက်ရှိနေပြီဖြစ်သည်။ ထူးထူးခြားခြားဖြစ်သည်။

တဖက်သူသည် သိုင်းဘုရင်အဆင့်၏အထက် သို့မဟုတ် ... ဒဏ္ဍာရီဆန်သော အမြင့်မြတ်ဆုံးနယ်ပယ်အဆင့်သို့ ရောက်ရှိနေပြီဖြစ်နိုင်ဖွယ်ရှိသည်။

အမြင့်မြတ်ဆုံးနယ်ပယ်အဆင့်။

သူတွေးနေစဉ် အရိပ်မည်းကြီးက အေးစက်သည့်အသံကို ထုတ်လွှင့်နေပြီ။

“သူက ငါ့ကျွန်။ မင်းသူ့ကိုထိဝံ့လား၊"

လုရှောင်ယန်သည် မျက်လုံးများကို ကျဥ်းမြောင်းလိုက်ပြီး ရှေ့သို့ ခြေတစ်လှမ်းတိုးလိုက်သည်။ မီးတောက်များသည် အလွန်လျင်မြန်ပြီး အရှိန်အဟုန်ဖြင့် တိုးလာသည်။ တခဏချင်းမှာပဲ သူတို့ အကြီးအကဲမင်ကျဲ့ကို မျိုချလိုက်သည်။

“အား..”

မီးပင်လယ်ထဲမှ အော်သံများ ချက်ခြင်းထွက်ပေါ်လာသည်။

မီးတောက်များသည် လုရှောင်ယန်၏ ကျင့်ကြံဆင့်တွင်သာ ကန့်သတ်ထားပြီး ဧကရာဇ်အဆင့်မှ ကျွမ်းကျင်ပညာရှင်ကို ချက်ချင်းမသတ်နိုင်ဘဲ လောင်ကျွမ်းရန် အချိန်အတိုင်းအတာတစ်ခုအထိ လိုအပ်နေသေးသော်လည်း မီးတောက်များက မီးပင်လယ်ဖြစ်လာသောအခါ အလွန်ကြောက်စရာကောင်းနေသေးသည်။

အကြီးအကဲမင်ကျဲ့သည် နှစ်စက္ကန့်မပြည့်မီတွင် လုရှောင်ယန်၏ သတ်ဖြတ်ခြင်းကို ခံခဲ့ရသည်။

မီးတောက်များ တဖြည်းဖြည်း ငြိမ်းသွားပြီး အနက်ရောင်အလင်းသည် လုရှောင်ယန်ရှေ့သို့ ရောက်ရှိနေပြီဖြစ်သည်။

"ဘယ်လိုတောင်... မင်း သူ့ကို သတ်ရဲတာလဲ။"

လုရှောင်ယန်သည် ဝါးဦးထုပ်အောက်မှ မျက်လုံးများကို မှေးထားသည်။

သူသည် လူအမဟုတ်ပါ။ နှစ်ဘက်စလုံးက ရန်သူတွေ ဖြစ်နေပြီ။ အကြီးအကဲမင်ကျဲ့ကို လွှတ်ပေးရင်တောင် တစ်ဖက်က သူ့ကို ခွင့်မလွှတ်နိုင်ပေ။

လုရှောင်ယန်သည် နှစ်သစ်ကို အတူတကွ ကျင်းပရန် သူ့ကို အသက်ရှင်နေစေသင့်သလား။

ထို့အပြင် တစ်ဖက်လူ ပေါ်လာသည့်အခိုက်တွင် လုရှောင်ယန်သည် အကြံတစ်ခု တွေးနေပြီဖြစ်သည်။

လုရှောင်ယန်က ရယ်မောလိုက်သည်။

“သူဟာ ပုရွက်ဆိတ်တစ်ကောင်ပဲ။ သူက မင်းရဲ့အချိန်တွေကို ထိုက်တန်ရဲ့လား။"

သူဒီလိုပြောလိုက်သည်နှင့် တစ်ဖက်လူ၏ သတ်ဖြတ်ရန် ရည်ရွယ်ချက်က ရုတ်ချည်း တိုးလာသည်။

"မင်းက သေလမ်းရှာနေတာပဲ။"

စကားလုံးတိုင်းနှင့် တစ်ဖက်သား၏ လေသံက ပိုလေးလံလာသည်။

သို့သော် သူမပြောပြီးသည်နှင့် လုရှောင်ယန်၏လှံသည် တုန်လှုပ်သွားပြီး မီတာတစ်သောင်းကျော်ရှည်သော လှံအလင်းတန်းသည် ကောင်းကင်ကိုဖြတ်ကာ သူမ၏ကိုယ်ပွားမှတစ်ဆင့် တိုက်ရိုက်ထိုးဖောက်သွားခဲ့သည်။

လုရှောင်ယန်၏ ကျင့်ကြံဆင့်သည် မူလတည်းက သူမထက် မြင့်မားသည်။ သိုင်းဘုရင်အဆင့် လက်နက်ကို တိုးမြှင့်ခြင်းဖြင့်၊ သူမ၏ကိုယ်ပွားကို ချက်ချင်းသတ်ပစ်ရန်မှာ မခက်ခဲပါ။

တစ်ဖက်လူကို လှံဖြင့်ထိုးပြီးနောက်၊ လုရှောင်ယန်သည် အေးစက်စွာ လှည့်ကြည့်လိုက်သည်။

“ဆူညံလိုက်တာ။”

ဒီစကားကြောင့် တစ်ဖက်လူ၏ ခန္ဓာကိုယ်ကို ဝန်းရံထားတဲ့ အနက်ရောင် အခိုးအငွေ့တွေက ပြင်းထန်စွာ တုန်လှုပ်သွားသည်။

ရှင်းနေသည်မှာ တဖက်သူသည် ဒေါသကြောင့် ပြိုလဲသွားခဲ့ပြီဖြစ်သည်။

အရိပ် ပျောက်ကွယ်လုနီး ဖြစ်နေချိန်တွင် တဖက်သူက ၎င်းကို ထိန်းသိမ်းရန် သူမ၏ ခွန်အားအပြည့်ကို အသုံးပြုကာ နောက်ဆုံးမေးခွန်းကို မေးခဲ့သည်။

"ခွေးကောင် မင်းမှာ သတ္တိရှိရင် မင်းနာမည်ကို ချန်ထားခဲ့။"

လုရှောင်ယန်က နောက်ပြန်ဆုတ်လိုက်သည်။

"ရှေးဟောင်းလူဝံမျိုးနွယ် ၊ ဖုန်းအောက်ထျန်း"

သူစကားပြောပြီးသည်နှင့် လုရှောင်ယန်သည် စစ်မှန်သောအမြင်အာရုံသုံးပါးကို အသက်သွင်းခဲ့ပြီး ဤကမ္ဘာမှ လုံးဝပျောက်ကွယ်သွားခဲ့သည်။

အနက်ရောင်မြူခိုးသည် နာကြည်းဖွယ်ကျိန်စာထုတ်ပြီးနောက် ၎င်း၏ကိုယ်ပွားပုံစံကို လုံးဝမထိန်းနိုင်ဘဲ ပျောက်ကွယ်သွားခဲ့သည်။

"ရှေးဟောင်းလူဝံမျိုးနွယ်က ဖုန်းအောက်ထျန်း။ ငါမင်းကိုဘယ်တော့မှခွင့်မလွှတ်ဘူး!"

…

အချိန်အနည်းငယ်အကြာတွင် လုရှောင်ယန်သည် ခရမ်းရောင်ငြိမ်းချမ်းရေး ဧကရာဇ်နန်းတော်သို့ ပြန်သွားခဲ့ပြီး သူ၏အဝတ်အစားများကို ချက်ချင်းချွတ်လိုက်သည်။

“နောက်ဆုံးတော့ ပြီးသွားပြီ။ ဒီတစ်ကြိမ်၊ ငါ ကျီဝူရှန်ကို ကယ်တင်ခဲ့ရုံသာမကဘဲ ရှေးဟောင်းလူဝံမျိုးနွယ်ကို ပစ်မှတ်ထားဖို့ နတ်ဆိုးဂိုဏ်းကိုလည်း ရခဲ့တယ်။ ခဲတစ်လုံးနဲ့ ငှက်နှစ်ကောင်ကို ပစ်ခဲ့နိုင်တာတယ်။ ငါက တကယ့်ကို ပါရမီရှင်တစ်ယောက်ပဲ။"

နတ်ဆိုးဂိုဏ်းသည် ရှေးဟောင်းလူဝံမျိုးနွယ်ကို ကိုင်ဆွယ်ပြီးနောက် ဖုန်းအောက်ထျန်း၏ ခွန်အားတစ်စိတ်တစ်ပိုင်းကို စားသုံးနိုင်မည်ဖြစ်သည်။

လုရှောင်ယန်သည် ပြိုင်ဘက် ပိုအားကောင်းလေလေ မြင်းနက်၏ ကံကောင်းမှုပြင်းထန်လေလေဖြစ်ကြောင်း သိထားသည်။

စင်စစ် လင်းဖေးက ရှောင်ပိုင်ထက် အများကြီး ပိုသန်မာပါသည်။

ဖုန်းအောက်ထျန်း၏ ပြိုင်ဘက် ဖုန်းထျန်းယွမ်သည် SSS အဆင့် ဉာဏ်ကြီးရှင် ဖြစ်သောကြောင့် ဖုန်းအောက်ထျန်း၏ ခွန်အားမှာ သေချာပေါက် အားကောင်းမည်။

သူသည် နတ်ဆိုးဂိုဏ်းကို ဦးစွာ ရေအပူချိန် စမ်းသပ်ခွင့်ပေးပြီး အချင်းချင်း တိုက်ခိုက်စေခဲ့သည်။

အမှန်မှာ၊ သဲပိုက်နှင့် ဂုံးတို့ ရန်ဖြစ်လျှင် တံငါသည် အကျိုးရှိမည်။ ထိုအချိန်တွင် သူသည် အခြေအနေကို တိုက်ရိုက် အခွင့်ကောင်းယူနိုင်သည်။

အခုတော့ သူ ငြိမ်းချမ်းစွာ ကျင့်ကြံနိုင်ပြီ။

တစ်လခွဲကျော်ကြာပြီးနောက်၊ ရှေးဟောင်းတားမြစ်နယ်မြေတွင် သူသည် ကိစ္စနှစ်ခုကို တစ်ပြိုင်နက်တည်း ပြီးမြောက်နိုင်တော့မည်ဖြစ်သည်။

တစ်ခုမှာ လင်းဖေးကို သတ်ရန်ဖြစ်ပြီး ကျန်တစ်ဦးမှာ ကျီဝူရှန်ကို ထောက်ပံ့ရန်နှင့် အခြားသူများကို ရှေ့တိုးစေရန်ဖြစ်သည်။

ထိုအချိန်တွင် သူသည် မဟာကျိုးတွင် ပို၍ သက်တောင့်သက်သာရှိကာ ခရမ်းရောင်ငြိမ်းချမ်းရေး တော်ဝင်နန်းတော်တွင် စိတ်ပူစရာမလိုဘဲ နေနိုင်သည်။

ခရမ်းရောင်ငြိမ်းချမ်းရေး တော်ဝင်နန်းတော်မှာ မနေချင်ဘူးဆိုရင်တောင်မှ သူ့ကို ဂိုဏ်းတစ်ခုတည်ဆောက်ဖို့ ဒါမှမဟုတ် တစ်ခုခုကို ကူညီပေးဖို့ ကျီဝူရှန်ကို ခေါ်နိုင်ပါသေးသည်။ မဟာကျိုးတွင် ဂိုဏ်းတစ်ခုကို တည်ထောင်လိုပါက တော်ဝင်မြို့တော်ထံမှ ခွင့်ပြုချက်ရယူရမည်ဖြစ်သည်။

ဟုတ်ပါသည်၊ သူတို့တကယ် ဂိုဏ်းတစ်ခုကို တည်ထောင်ချင်တယ်ဆိုရင်တော့ ဒါဟာ တရားဝင်သာ ဖြစ်မှာပါ။

သို့သော် လုရှောင်ယန်သည် တပည့်များစွာကို ခေါ်ယူရန် မဖြစ်နိုင်ပေ။

သူ့အတွက် အကျိုးမရှိတဲ့အရာကို တစ်ခါမှ မလုပ်ဖူးပေ။

အခမဲ့စေတနာ့ဝန်ထမ်းတစ်ဦးဖြစ်ခြင်းသည် လုရှောင်ယန် လုပ်မည့်အရာမဟုတ်ပါ။

ဂိုဏ်းတစ်ခုကို တည်ထောင်ခဲ့လျှင် တပည့်များနှင့်အတူ နေထိုင်ပြီး ကျင့်ကြံရန် အသုံးပြုမည်ဖြစ်သည်။

ဘာမှလုပ်စရာမရှိတဲ့အခါ အချိန်တွေကုန်တာ အရမ်းမြန်သည်။ လုရှောင်ယန်သည် တရားထိုင်ပြီး လေ့ကျင့်ရုံသာဖြစ်သည်။ မျက်စိတစ်မှိတ်အတွင်းမှာပဲ ကျန်တဲ့လတစ်ဝက်လောက် ကုန်သွားသည်။

လကုန်တွင် လုရှောင်ယန်သည် သူ၏ကျင့်ကြံမှုမှ နိုးလာခဲ့သည်။ နန်းမြို့တော်ကြီးတစ်ခုလုံး၏အထက် ကောင်းကင်တွင် လေနှင့်တိမ်တိုက်များ တဟုန်ထိုးတက်လာပြီး ကမ္ဘာကြီးသည် ပြောင်းလဲသွားသည်။

သို့သော်၊ မကြာသေးမီက မဟာကျိုး နန်းမြို့တော်တွင် အဖြစ်အပျက်များ များပြားလွန်းသောကြောင့် ဖြစ်ကောင်းဖြစ်နိုင်သော်လည်း လူတိုင်းက ၎င်းကို ကျင့်သားရနေသောကြောင့် ကြည့်ရန် နံရံထိပ်သို့ ကျွမ်းကျင်သူများ ပြေးမလာခဲ့ပါ။

သို့သော် လမ်းပေါ်တွင် အဘွားအိုတစ်ဦး သို့မဟုတ် နှစ်ယောက်က ချွေးမကို မလွဲမသွေ အော်ဟစ်နေလိမ့်မည်။

“မိုးခြိမ်းပြီး မိုးရွာနေတယ်။ မင်းအဝတ်အစားတွေရုတ်ဖို့ မြန်မြန်အိမ်ပြန်သွား။"

…

အခန်းထဲတွင် လုရှောင်ယန်က သူ၏မျက်လုံးတွေကို ဖြည်းညှင်းစွာဖွင့်လိုက်သည်။ သူတို့ဆီက လျှပ်စီးတွေ ရပ်တန့်နေပြီ။ သို့သော် လုရှောင်ယန် ပါးစပ်ကို အနည်းငယ်ဖွင့်ပြီး အသက်ရှူသွင်းလိုက်သောအခါ အခန်းထဲတွင် အားနည်းသော လှုပ်ရှားမှုတစ်ခု ရှိနေသည်။

လုရှောင်ယန် ထွေးထုတ်လိုက်သည့်အရာသည် မှုန်ဝါးသောလေမဟုတ်တော့ဘဲ ရွှေရောင်ဝိညာဉ်စွမ်းအင်ဖြစ်သည်။ ဝိညာဉ်စွမ်းအင်သည် အလွန်သိပ်သည်းပြီး မြူများအဖြစ်သို့ ပေါင်းစပ်လုနီးပါးဖြစ်ခဲ့သည်။ လေထဲတွင် ဝိညာဉ်စွမ်းအင်များ တုန်လှုပ်သွားစေသည်။

“ငါ့ရဲ့ လက်ရှိခန္ဓာကိုယ်က ဝိညာဉ်စွမ်းအင်တွေနဲ့ ပြည့်နေတယ်။ အညစ်အကြေးတွေ အလွန်နည်းတယ်။ ငါ့ခန္ဓာကိုယ်တောင် ဝိညာဉ်စွမ်းအင်အဖြစ်သို့ တဖြည်းဖြည်း ပြောင်းလဲလာတယ်။ ကျင့်ကြံခြင်း၏ အနှစ်သာရမှာ အသွေးအသား ခန္ဓာကိုယ်မှ သန့်စင်သော ဝိညာဉ်ခန္ဓာဆီသို့ တိုးလာတာကိုဆိုလိုတာဖြစ်မယ်။ ငါ သိုင်းဘုရင်အဆင့် ရောက်တဲ့အခါ ငါ့ခန္ဓာကိုယ်တစ်ခုလုံးဟာ သန့်စင်တဲ့ စွမ်းအင်ကိုယ်ထည် ဖြစ်သွားလိမ့်မယ်လို့ ငါထင်တယ်။"

ကျင့်ကြံဆင့်မြင့်မားလေ ကလေးမွေးရန် ခက်ခဲလေဆိုသည်မှာ အံ့သြစရာမဟုတ်ပေ။ ဒီနှုန်းနဲ့ဆို မဖြတ်ဘဲနဲ့တောင် ကလေးမမွေးနိုင်သေးဘူး မဟုတ်လား၊

တကယ်ဆိုရင် သိုင်းပညာသမားတစ်ယောက်အနေနဲ့ အမျိုးသမီးတွေရှိတာက အသုံးမ၀င်ပါဘူး။

တစ်သက်မှာ ချစ်သူရည်းစားကို ဘယ်တော့မှ မတွေ့ချင်ပေ။

သို့သော် သူသည် ဤပြဿနာကို လျင်မြန်စွာ ရပ်တန့်လိုက်ပြီး သူ၏ အတွေးအမြင်များကို ပြုစုပျိုးထောင်ခဲ့သည်။

"မဆိုးပါဘူးကွာ။ ဧကရာဇ်အဆင့်ရဲ့ ခုနစ်ခုမြောက်အဆင့်ကို ရောက်နေပြီထင်တယ်။ သိုင်းဘုရင်အဆင့် ခြင်ဆီဆေးလုံးနဲ့ သိုင်းဘုရင်အဆင့် ဝိညာဉ်ဆေးလုံးတို့ရဲ့ အကျိုးသက်ရောက်မှုက ငါ့တပည့်တွေ စားတာ ပိုပြီးသိသာထင်ရှားလောက်တယ်။ ပြီးတော့ ငါက အခု တံခါးပိတ်ကျင့်ကြံထားခဲ့တာဆိုတော့ ငါ့အဆင့်တွေ တိုးလာတယ်ဆိုတာ အသိအသာချည်း။"

"ဝမ့်ခိုက်"

[လာ၊ လာပါပြီ သခင်ရေ ငါဒီမှာပါ]

***

ပြိုင်ဘက်ကင်းအသန်မာဆုံးသခင်ကြီး

စာစဉ် ၁၀။ အခန်း ၁၄၅ ငါ့တပည့် လီကော က အဆင့်တက်တော့မှာလား

"ယွင်လီကောရဲ့ အချက်အလက်ကို ပြပါ။"

[ကောင်းပါပြီ သခင်]

မကြာခင်မှာပဲ ဝမ့်ခိုက်က သူ၏တပည့်တွေရဲ့ အချက်အလက်ဇယားကို ဖွင့်ပြလိုက်သည်။

လုရှောင်ယန်က တစ်ချက်ကြည့်လိုက်ပြီး

“အင်း၊ မဆိုးဘူး။ ဒီကလေး လီကောက အာကာပြင်လေ့လာခြင်းအဆင့် တတိယအဆင့်ထိ တက်လှမ်းနေပြီ။ မဆိုးဘူးပဲ။ သိုင်းဘုရင်အဆင့် ခြင်ဆီဆေးလုံးရဲ့ အကျိုးသက်ရောက်မှုက တကယ်ကိုမဆိုးဘူး။ ဒါ့အပြင်၊ သူက နောက်ထပ် တိုက်ပွဲနတ်ဘုရားအနုပညာကို ကျင့်ကြံပြီး ၎င်းရဲ့စုပ်ယူမှုအမြန်နှုန်းကို မြှင့်တင်ဖိူ့ သိုင်းဘုရင်အဆင့် ကျင့်ကြံခြင်းနည်းလမ်း နှစ်ခုရှိသေးတယ်။ ဒီနည်းနဲ့၊ သူ့ ကျင့်ကြံဆင့်က အနည်းဆုံး ဝူရှားကို ကျော်လွန်နိုင်လောက်တယ်။"

“နောက်ဆုံးတော့ လီကောက အောက်ဆုံးမှာမဟုတ်တော့ဘူးပေါ့။ နောက်ဆုံးတော့ သူထမြောက်သွားပြီ။”

လုရှောင်ယန် အလွန်စိတ်သက်သာရာရသွားသည်။ သူ၏ ကျင့်ကြံခြင်းနည်းလမ်းနှင့် ဆေးဖက်ဝင်ဆေးလုံးများ အလွန်တိုးတက်စေသော်လည်း ရလဒ်အတွက် အထောက်အကူဖြစ်စေခဲ့သည်မှာ လီကောရဲ့အားထုတ်မှုဖြစ်သည်။

ယွင်လီကောသာ လုံလုံလောက်လောက် အလုပ်မကြိုးစားခဲ့ဘူးဆိုရင် ဒီအဆင့်ကို ရောက်ဖို့ သူ့အတွက် မဖြစ်နိုင်ပေ။

လက်ဆောင်အိတ်သေးသေးတစ်ဒါဇင်နှင့် လက်ဆောင်အိတ်ကြီးတစ်ခုလည်း ပါခဲ့သည်။

လုရှောင်ယန်က ၎င်းတို့ကို တစ်ခုပြီးတစ်ခု လက်ခံထားလိုက်သည်။

ထို့နောက် ကျီဝူရှား၏ အချက်အလက်ဘောင်ကို ဖွင့်လိုက်သည်။

ခဏတာ တိတ်ဆိတ်သွားပြီးနောက် လုရှောင်ယန်သည် နောက်ဆုံးတွင် သက်ပြင်းချလိုက်သည်။

"ဒါအားလုံးကံတရားပဲ။"

ကျီဝူရှား၏ကျင့်ကြံဆင့်သည် ယွင်လီကောထက် နှစ်ဆပိုမိုမြင့်မားသော အာကာပြင်လေ့လာခြင်းအဆင့်၏ပဉ္စမအဆင့်သို့ရောက်ရှိနေပြီဖြစ်သည်။

သို့သော် သူမပျော်နိုင်ခဲ့ပေ။ နောက်ဆုံးတော့၊ ကျီဝူရှားကို ယွင်လီကော ကျော်တက်ဖို့ အချိန်ပေးဖို့ ကျီဝူရှားကို မကျင့်ကြံရန် တားဆီး၍မရပေ၊၊

တိတ်တိတ်ဆိတ်ဆိတ်နေပြီး လုရှောင်ယန်သည် ကျီဝူရှား၏ အဆင့်မြှင့်လက်ဆောင်အိတ်ကို လက်ခံရရှိခဲ့သည်။

ထို့နောက် လုရှောင်ယန်သည် တတိယတပည့် ထျန်းယွမ်၏ အချက်အလက်ဇယားကို ဖွင့်လိုက်သည်။

အာကာပြင်လေ့လာခြင်း၏ သတ္တမအဆင့်။

တတိယတပည့်သည် ဤကဲ့သို့ ဖြစ်နေပြီဖြစ်သောကြောင့် စတုတ္ထတပည့်၏ ကျင့်ကြံမှုကား အဘယ်နည်းဟု ခန့်မှန်းနိုင်နေပြီဖြစ်သည်။

အမှန်မှာ၊ လုရှောင်ယန်သည် လီချန်းရှန်၏ အချက်အလက်ဘောင်ကို ဖွင့်လိုက်သောအခါ လီချန်းရှန်၏ အင်အားသည် ဖန်ဆင်းမှုနယ်ပယ် ပထမအဆင့်သို့ ရောက်ရှိနေပြီဖြစ်သည်။

ဖန်ဆင်းခြင်းဘုံသို့ရောက်ပြီးနောက်၊ သူသည် အာကာပြင်ပြိုကွဲခြင်းအဆင့်သို့ ရောက်ရှိသွားမည်ဖြစ်သည်။ လီချန်းရှန်သည် လုရှောင်ယန်၏ ကျင်ကြံမှုအဆင့်သို့ လိုက်မီသည့် ပထမဆုံးတပည့်လည်း ဖြစ်လိမ့်မည်။

သိုင်းဘုရင်အဆင့် ဝိညာဉ်ဆေးလုံး အလုံအလောက်မရှိခဲ့သော်လည်း လီချန်းရှန်သည် ထိုသိုင်းဘုရင်အဆင့် ဝိညာဉ်ဆေးလုံးတစ်လုံးကိုသာ မရရှိခဲ့ခြင်းဖြစ်ကြောင်းကိုတော့ သိထားရမည်။

ဤအခြေအနေတွင်တောင် လီချန်းရှန်သည် တိုးတက်နိုင်နေသေးသည်။ ထို့ကြောင့် ရလဒ်သည် ဆေးဖက်ဝင်ဆေးလုံးပေါ်တွင် မမူတည်ကြောင်း ဆိုလိုခြင်းဖြစ်သည်။

လုရှောင်ယန်သည် ဖုန်းထျန်းယွမ်နှင့် လီချန်းရှန်၏ အဆင့်မြှင့်ထားသောအိတ်များကို လက်ခံရရှိပြီး ယွင်လီကောအတွက် သုံးစက္ကန့်ကြာ နာကျင်ခံစားခဲ့ရသည်။

ယွင်လီကောသည် ဤတစ်သက်တာတွင် သူ့ဆရာတူညီငယ်၊ညီမငယ်များကို ကျော်တက်ဖို့ရန်ခက်ခဲလိမ့်မည် ။

"လီကော ငါက ဘက်လိုက်နေတာ မဟုတ်ဘူး။ မင်းရဲ့အရည်အချင်းက သူတို့သုံးယောက်ထက် နိမ့်နေတာပဲလေ။ ငါ့မှာ တခြားရွေးချယ်စရာ မရှိပါဘူး။"

သုံးစက္ကန့်ကြာအောင် နာကျင်ခံစားရပြီးနောက် လုရှောင်ယန်သည် သူ့ရှေ့ရှိ လက်ဆောင်အိတ်ပုံကြီးကို ကြည့်လိုက်သည်။ သူ့မျက်နှာပေါ်က ကြွက်သားတွေက မထိန်းနိုင်ပဲ ပြေလျော့သွားသည်။

"လျှို့ဝှက်သေတ္တာကို ဖွင့်ဖို့ အချိန်တန်ပြီ။"

ထုံးစံအတိုင်း သူသည် ကောင်းသောအစာကို မစားမီ ဆိုးသောအစာကို အရင်စားသည်။ လက်ဆောင်အိတ်လေးကို အရင်ဖွင့်ပြီး ကောင်းတဲ့ပစ္စည်းတွေကို နောက်ဆုံးမှဖွင့်သည်။

ထိပ်တန်း သူတော်စင်အဆင့် လုံဟူယန်ချပ်ဝတ် x 1

မဆိုးပါဘူး။ လက်ဆောင်အိတ်ငယ်တစ်ခုတွင် ထိပ်တန်း သူတော်စင်အဆင့် ပစ္စည်းတစ်ခုပါရှိသည်။ ဤလက်ဆောင်အိတ်မှရရှိသောပစ္စည်းများမှာ နည်းပါးနေပုံရသည်။

ထိပ်တန်း သူတော်စင်အဆင့် လေတိမ်တိုက်ဆေးလုံး x 120

လေတိမ်တိုက်ဆေးလုံးသည် အနာကျက်ဆေးဖြစ်သည်။ ဤဆေးဖြင့် ဒဏ်ရာများကို အချိန်တိုအတွင်း ပြုပြင်နိုင်သည်။ ထို့အပြင်၊ ၎င်းသည် ဘေးထွက်ဆိုးကျိုးလုံးဝမရှိဘဲ ဆုံးရှုံးသွားသော ဝိညာဉ်စွမ်းအင်ကိုပင် ပြန်လည်ပြုပြင်နိုင်သည်။

အခြားသူများကို သတ်ရန်၊ လုယက်ရန် စိတ်ထက်သန်စေသော ဆေးလုံးဟု ဆိုနိုင်သည်။

အကယ်၍ သူသည် ဘေးတွင်မရှိ၍ အဇူရာသက်ရှည်အနုပညာကို အသုံးမပြုနိုင်ပါက ယွင်လီကောနှင့် အခြားသူများသည် ဆေးဖက်ဝင်ဆေးများကို အချိန်အတော်ကြာ မှီခိုနိုင်သည်။

အဆင့်မြင့် သူတော်စင်အဆင့် ပေါက်ကွဲမှု မိုးကြိုးဆေးလုံး x 800

ထိပ်တန်း သူတော်စင်အဆင့် အရိပ်မဲ့ဓား x 1

လုရှောင်ယန်သည် သူရရှိသော ဆေးလုံးများနှင့် လက်နက်အများအပြားကို အလွန်ကျေနပ်လို့နေသည်။ အခြေခံအားဖြင့်၊ ၎င်းတို့အနက်မှ အညံ့ဆုံးမှာ အလယ်အလတ်တန်းစား သူတော်စင်အဆင့် လက်နက်ဖြစ်သည်။

ကောင်းကင်ဘုံ ပစ္စည်းတစ်ခုဖြစ်ခဲ့လျှင်တော့ သူ့အတွက် အမှိုက်နှင့် မခြားတော့ပေ။

သူတော်စင်အဆင့်ဆိုလျှင်၊ သူ၏တပည့်တွေကို အသုံးပြုခွင့်ပေးတုန်းပင်။

မကြာခင်မှာ လက်ဆောင်လေးတွေ သုံးမျိုးပဲ ကျန်တော့သဘ်။ လုရှောင်ယန် က သူတို့ကို ဖွင့်လိုက်သည်။

အဆင့်နိမ့် သိုင်းဘုရင်အဆင့် သွေးဆေးလုံး x 200

အလယ်အလတ်တန်းစား သိုင်းဘုရင်အဆင့် ဝိညာဉ်ဆေးလုံး x 100

အဆင့်နိမ့် သိုင်းဘုရင်အဆင့် သရဲဘုရင်ချပ်ဝတ် x 1

"သေတာပဲ။"

လုရှောင်ယန် မထိန်းနိုင်ဘဲ အော်လိုက်မိသည်။

လက်ဆောင်အိတ်သေးသေးလေးမှာ သိုင်းဘုရင်အဆင့်ပစ္စည်းတွေတောင် ပါဝင်နေပါပြီ။ အခြေခံအားဖြင့် အဆင့်နိမ့်ပြီး အလယ်အလတ်တန်းစား ပစ္စည်းများစွာမရှိသော်လည်း၊ ၎င်းတို့သည် သိုင်းဘုရင်အဆင့် ပစ္စည်းများဖြစ်နေဆဲဖြစ်သည်။

ဝမ့်ခိုက်သည် ယခုအချိန်တွင် အစွမ်းထက်လွန်းနေပြီဖြစ်သည်။

နောက်တစ်ခုကတော့ လက်ဆောင်အိတ်ကြီးလေးလုံးဖြစ်သည်။ လက်ဆောင်အိတ်သေးသေးလေးကို ဖွင့်ပြီးပြီမို့ လက်ဆောင်အိတ်ကြီးထဲမှာ ဘာပါမလဲ မသိပေ။

အဆင့်နိမ့် နတ်ဘုရားအဆင့် တောင်နတ်ဘုရားကျောက်တိုင်။

နတ်ဘုရားအဆင့် လက်နက်များသည် အနှိုင်းမဲ့သည်။ ၎င်းတို့ကို အလျား ကီလိုမီတာ ၉၀,၀၀၀သို့ ချဲ့ထွင်နိုင်သလို သို့မဟုတ် မော်လီကျူးအဆင့်သို့ ကျုံ့သွားနိုင်သည်။

"တကယ်ပဲ ငါသိနေတယ်။"

ထို့အပြင်၊ သူသည် လက်ဆောင်အိတ်ငယ်များမှ သိုင်းဘုရင်အဆင့်ပစ္စည်းများကို လက်ခံရရှိပြီးဖြစ်သည်။ လက်ဆောင်အိတ်ကြီးထဲတွင် နတ်ဘုရားအဆင့် လက်နက်များပါရှိသည်မှာ အံ့သြစရာမဟုတ်ပေ။

ဤအရာသည် ကျင်းကုပန်၏ဝိသေသလက္ခဏာများနှင့်နှိုင်းယှဉ်နိုင်သည်။ နောင်တွင်၊ ဖုန်းထျန်းယွမ်အား ပေးနိုင်သည်။ နောက်ဆုံးတွင်၊ သူသည် ရှေးဟောင်းလူဝံမျိုးနွယ်မှဖြစ်သည်။ သူ့ခန္ဓာကိုယ်ထဲတွင် ရှေးခေတ်မသေမျိုးလူဝံမျိုးနွယ်၏ အသွေးအသွေးများရှိသည်ဟု ဆိုထားသော်လည်း မှန်ကန်ခြင်း ရှိမရှိကိုမူ မသိပေ။

အမှန်ဆိုလျှင် သူစိတ်ပျက်မည်မဟုတ်ပေ။

ထို့နောက် လုရှောင်ယန်သည် ဒုတိယလက်ဆောင်အိတ်ကြီးကို ဆက်လက်ဖွင့်လိုက်သည်။

အလယ်အလတ်တန်းစား မြင့်မြတ်စိတ်ဝိညာဉ်စုစည်းခြင်းဆေးလုံး x 10

မြင့်မြတ်စိတ်ဝိညာဉ်စုစည်းခြင်းဆေးလုံးသည် အလယ်အလတ်တန်းစား နတ်ဘုရားအဆင့် ဆေးလုံးဖြစ်သည်။ လူတစ်ဦးစီသည် ၎င်းတို့၏ တစ်သက်တာတွင် ဆေးတစ်လုံးသာ သောက်နိုင်ပြီး ၎င်းတို့၏ အရည်အချင်းကို မြှင့်တင်ရန်အတွက် အသုံးပြုနိုင်သည်။

“အင်း၊ အရည်အချင်းတွေတောင် တိုးလို့ရတယ်။ အခုအချိန်မှာတော့ လီကောက တိုးတက်လာဖို့ အခွင့်အရေးရှိနေပါပြီ။”

လုရှောင်ယန်သည် သူ၏ကိုယ်ပိုင်အရည်အချင်းများ တိုးလာသောအခါထက်ပင် ပျော်ရွှင်နေခဲ့သည်။

နောက်ဆုံးတော့၊ ယွင်လီကောက တကယ်ကို ဝမ်းနည်းစရာကောင်းလွန်းသည်။ သူ ယွင်လီကောကို မကူညီနိုင်၍ သနားမိသည်။

လုရှောင်ယန်က စိတ်အခြေအနေပိုကောင်းလာပြီး နောက်ထပ်လက်ဆောင်နှစ်ခုကို ဆက်ဖွင့်လိုက်တယ်။

ထိပ်တန်း နတ်ဘုရားအဆင့် ရှန်းထီကျောက်ရှင်အမှတ်အသား x 1

ရှန်းထီကျောက်ရှင်အမှတ်အသားသည် ထိပ်တန်း နတ်ဘုရားအဆင့် လက်နက်တစ်ခုဖြစ်သည်။ သွေးအနှစ်သာရတစ်စက်ကို စုပ်ယူခြင်းဖြင့်၊ လူတစ်ဦး၏ စိတ်ဝိညာဉ်သည် ကြီးထွားလာမည်ဖြစ်သည်။ လူတစ်ဦးသေဆုံးပြီးသည်နှင့်ပင် ၎င်းတို့သည် ရှင်ပြန်ထမြောက်နိုင်သည်။ ရှင်ပြန်ထမြောက်ပြီးနောက် ၎င်းတို့သည် မသေမီတွင် ၎င်းတို့၏ အထွတ်အထိပ်အခြေအနေသို့ ပြန်လည်ရောက်ရှိသွားကြသည်။

ပြန်လည်ရှင်သန်ချိန်သည် တစ်ဖက်သား၏ ကျင့်ကြံဆင့်အပေါ် မူတည်သည်။ ကျင့်ကြံဆင့် မြင့်မားလေ,လေ နိုးကြားလာလေလေ ဖြစ်သည်။

အလယ်တန်းအဆင့် နတ်ဘုရားအဆင့် မြင့်မြတ်တာအိုစိတ်ဝိညာဉ်ကျောက်တုံး x 5

မြင့်မြတ်တာအိုစိတ်ဝိညာဉ်ကျောက်တုံးသည် အဆင့်နိမ့်လက်နက်များကို နတ်ဘုရားအဆင့် လက်နက်အဆင့်အထိ တိုးမြှင့်အသုံးပြုနိုင်သော နတ်ဘုရားအဆင့် ပစ္စည်းတစ်ခုဖြစ်သည်။

ဟစ်..

လုရှောင်ယန် ဦးရေပြား ထုံကျင်သွားသည်ကို မထိန်းနိုင်ဘဲ ဖြစ်နေသည်။

ဤအရာနှစ်ခုသည်လည်း ထိပ်တန်းဖြစ်ပြီး အားကောင်းလွန်းသည်။

မြင့်မြတ်တာအိုစိတ်ဝိညာဉ်ကျောက်တုံး၏ အခြားသော သက်ရောက်မှုများကို မပြောနှင့်၊ သူပိုင်ဆိုင်ထားသော မည်သည့်လက်နက်ကိုမဆို နတ်ဘုရားအဆင့် လက်နက်အဖြစ် အဆင့်မြှင့်တင်နိုင်ခြင်းကြောင့် အနာဂတ်တွင် သူသည် နတ်ဘုရားအဆင့် လက်နက်ငါးမျိုး ပိုင်ဆိုင်မည်ဟု ဆိုလိုခြင်းဖြစ်သည်။

ရှန်းထီကျောက်ရှင်အမှတ်အသားက ပိုလို့တောင် မူမမှန်သေးပေ။

သူသည် စိတ်ဝိညာဉ်၏ အမြှေးပါးနှင့် သွေးတစ်စက်ကို စုပ်ယူနိုင်သရွေ့ သူ၏ခန္ဓာကိုယ်ကို ပြန်လည်တည်ဆောက်နိုင်မည်ဖြစ်သည်။ ၎င်းသည် ဂိမ်းတစ်ခုတွင် ပြန်လည်နိုးထလာစေရန် တိုကင်တစ်ခုကို ဝယ်ယူခြင်းနှင့် ညီမျှသည်မဟုတ်လော။

သူ၊ ယွင်လီကောနှင့် အခြားသူများ၏ သွေးအနှစ်သာရနှင့် စိတ်ဝိညာဉ်ကို ကြိုတင်သိမ်းဆည်း ထားသရွေ့၊ နောင်တွင်၊ လီကောနှင့် အခြားသူများသည် ၎င်းတို့၏ရန်သူများကို အနိုင်ယူနိုင်ဘဲ အသတ်ခံရပါက၊ ၎င်းတို့သည် ပြန်လည်ရှင်သန်ရန်အတွက်လည်း ဤအရာများကို အသုံးပြုနိုင်သည်။

ဆိုလိုတာက သူတို့ ဘေးကင်းပေလိမ့်မည်။ ထိုအခြေအနေမျိုးတွင်၊ အနာဂတ်တွင် မြင်းနက်များနှင့် ရင်ဆိုင်ရပါက သူ့အတွက် အန္တရာယ်နည်းပါးမည်ဖြစ်သည်။

တဖက်သူ ကောင်းကင်ဘုံမင်းကြီး၏သားအရင်းဖြစ်လျှင်တောင် သူ၏လူများကို အဆုံးမသတ်နိုင်သော ပြန်လည်ရှင်သန်နိုင်စွမ်းရှိသဖြင့်၊ ထိုသူသည် သေသည်အထိ ဒေါသထွက်သလားလိမ့်မည်။

လုရှောင်ယန်သည် သူ၏သွေးအနှစ်သာရတစ်စက်နှင့် သူသေဆုံးပြီးနောက် တစ်စုံတစ်ဦးမှ ရှင်ပြန်ထမြောက်နိုင်စေရန် သေချာစေရန်အတွက် သူ၏သွေးအနှစ်သာရတစ်စက်နှင့် စိတ်ဝိညာဉ်၏ဆန္ဒကို ဦးစွာသိမ်းဆည်းခဲ့သည်။ အမှန်တော့၊ သူရုတ်တရက်သေဆုံးပြီး ပြန်မထနိုင်ဘူးဆိုရင် ဒါဟာ ကြီးမားတဲ့ဆုံးရှုံးမှုတစ်ခုပင်။

ဟုတ်ပါတယ်၊ သူ့ကိုယ်သူ လုံခြုံအောင် အရင်လုပ်ရမှာပေါ့။

အားလုံးကို လုပ်ပြီးနောက် လုရှောင်ယန်က အရာအားလုံးကို ပျော်ရွှင်စွာ ဖယ်ထုတ်လိုက်သည်။

သူ့တပည့်တွေကို ရှာဖို့လည်း အချိန်တန်ပြီ။

လကုန်နေပြီဖြစ်၍ ရှေးဟောင်းတားမြစ်နယ်မြေကို ဖွင့်တော့မည်။

လူတိုင်းဟာ တစ်လလောက် ဝီရိယစိုက်ထုတ်ခဲ့သည်။ အခြေခံ စာမေးပွဲ ဖြေဆိုပြီး ၎င်းတို့၏ စစ်မှန်သော အဆင့်ကို စမ်းသပ်ရန်လည်း အချိန်တန်ပြီ ဖြစ်သည်။

ဤစမ်းသပ်မှုအတွင်း လင်းဖေးကို သတ်ပစ်ရမည်……

***