အခန်း (၁၈၆-၁၉၀)

အပိုင်း  ၁၈၆ မြင်းနက်တွေက တကယ်​ကြောက်ဖို့​ကောင်းတယ်

ကျူးကောကျီချုံသည် နွေးထွေးသော ခံစားမှုရပြီး နှလုံးသား တုန်လှုပ်သွားသည်။ သူမ၏မျက်လုံးများသည် အနည်းငယ်နီနေ၏။

  တကယ့်ကို ကိုယ်ကျိုးမဖက်တဲ့ ဆရာပင်။ သူ့တပည့်တွေကို အကောင်းဆုံးလက်နက်တွေ ပေးခဲ့ပြီး သူကိုယ်တိုင်ကျ သာမန်အရာတွေကို အသုံးပြုနေသည်။

 သူမ ရှာတွေ့ခဲ့သူမှာ ဆရာကောင်းဖြစ်သည်။

 လုရှောင်ယန်က ယွင်လီကောကို "ခဏ​နေ တိုက်ပွဲစတဲ့အခါ မင်းရဲ့ညီမလေးကို ကာကွယ်ဖို့ အာရုံစိုက်ပါ။ ဘာပဲ​ပြော​ပြော မင်းရဲ့ ကျင့်ကြံမှုအဆင့်က သူ့ထက် ပိုမြင့်တယ်။"

 "ဟုတ် စိတ်မပူပါနဲ့ ဆရာ၊ ကျွန်တော် ညီမ​လေးကို သေချာကာကွယ်ပေးမှာပါ။"

  လုရှောင်ယန်က ခေါင်းညိတ်လိုက်ပြီး ဖုန်းထျန်းယွမ်နဲ့ တခြားသူတွေကို သူတို့ရဲ့ တိုက်ပွဲအစီအစဉ်ကို လမ်းညွှန်ပေးဖို့ သွားသည်။

 ဥပမာအားဖြင့်၊ သူသည် အစီအရင် ဖွဲ့စည်းပုံကို ထိန်းချုပ်မည့်သူ၊ ပင်မတိုက်ပွဲတွင်တာဝန်ယူထားသူ၊ အရံနှင့်အယောင်ဆောင်မှုတာဝန်ခံ၊ လမ်းညွှန်မှုတာဝန်ခံမည်သူဖြစ်သည်ကို လူတိုင်းသိကြောင်း သေချာစေရန်လိုအပ်သည်။

  သူ့အတွက်ကတော့ တစ်ဖက်လူက ထွက်ပြေးမရအောင် အပြင်မှာ အစီအရင်ချပြီး တာဝန်ခံရမှာ သဘာဝပါပဲ။

  "ငါတည်ဆောက်ထားတဲ့ ဒီ သိုင်းဘုရင်အဆင့် တိုက်ခိုက်ရေးအစီအရင်​တွေနဲ့ ​ထောက်ပို့အစီအရင်​တွေပါတယ်။ အဲ့တာ​တွေက မင်းတို့ လေ့ကျင့်မှုကို တိုးမြင့်စေပြီး တစ်ချိန်တည်းမှာ ပြိုင်ဘက်​တွေရဲ့ တိုက်ခိုက်နိုင်စွမ်းကို လျှော့ချနိုင်တယ်။"

  " ငါ့ရဲ့ ကနဦးခန့်မှန်းချက်အရ၊ ဒီအစီအရင်​တွေက မင်းတို့ ကျင့်ကြံဆင့်​တွေကိုမြှင့်​ပေးနိုင်တယ်။  ဥပမာအားဖြင့်၊ ထျန်းယွမ်က အာကာပြင်ပြိုကွဲခြင်းအဆင့်ရဲ့ ဒသမအဆင့်ကို ရောက်ဖို့ ပြဿနာမရှိ​လောက်ဖူး။  ချန်းရှန်က ဘုရင်အဆင့်ကို ဖြတ်ကျော်နိုင်ရမယ်။ ဖုန်းအောက်ထျန်းက​တော့ ဒီ အစီအရင် ဖွဲ့စည်းမှုမှာ၊ ပိုမိုမြင့်မားသောအဆင့်နှစ်ခုကို တိုက်ခိုက်နိုင်တဲ့ သူ့စွမ်းရည်က လုံးဝ ရပ်တန့်သွားမယ်။ တစ်နည်းဆိုရရင်တော့ သူက သာမန်ပထမအဆင့် ဘုရင်အဆင့် ကျွမ်းကျင်သူနှင့် အတူတူပင်။ ဒါ​ပေမယ့် သိပ် သတိလက်လွတ်မ​နေနဲ့။ ဘာလို့ဆို သူက သူ့ထက် မြင့်မားတဲ့ အဆင့်ရှိတဲ့သူ​တွေကို မတိုက်ခိုက်နိုင်​ပေမယ့် သူ့မှာ သိုင်းဘုရင်အဆင့် လက်နက်တွေရဲ့ ပံ့ပိုးမှုရှိတယ်။”

 လုရှောင်ယန်သည် မမောမပန်း အလုပ်လုပ်နေပြီး သူ့တပည့်များကို လေးလေးနက်နက် သွန်သင်ဆုံးမသည်ကို အဝေးကနေမြင်လိုက်ရသဖြင့် ကျူးကောကျီချုံက သက်ပြင်း ချမိသည်။

 "ဒီလို ဆရာရှိတာ တကယ်ကံကောင်းတယ်။"

  ယွင်လီကောက ခေါင်းညိတ်လိုက်သည်။

  "မှန်တယ်။ ဆရာက ငါတို့အတွက် အကောင်းဆုံးပဲ။"

  "ဒီလို ဆရာကောင်းတစ်ယောက်နဲ့တွေ့ရတာ ဘယ်လောက်ကံကောင်းလဲဆိုတာ ငါတကယ်ကို တွေးကြည့်လို့တောင်မရဘူး။ ဆရာ ကိုယ်တိုင်က သာမန်လက်နက်ကိုသုံးနေတဲ့အချိန်မှာ ကျွန်မတို့ကို သိုင်းဘုရင်အဆင့် လက်နက်တွေကို သုံးခွင့်ပေးတယ်။"

 ယွင်လီကောသည် ခေတ္တမျှ တိတ်ဆိတ်သွားသည်။

 "အမ်... ဂျူနီယာညီမလေး၊ ဆရာဟာ ငါတို့အတွက် တကယ်တော်တယ်။ ဒါပေမယ့် တစ်ချို့သော ကဏ္ဍတွေနဲ့ ပတ်သက်ရင် မင်းအရမ်း အတွေးလွန်​နေတာထင်တယ်။"

 ကျူးကောကျီချုံက မကူညီနိုင်ဘဲ ခေါင်းကို ငုံ့ကာ ရှုပ်​ထွေးသောအကြည့်ဖြင့် သူ့ကို ကြည့်လိုက်သည်။

 "အစ်ကိုကြီး ၊ အစ်ကို​ပြောတာ ထူးခြားလိုက်တာ..."

 "ဘာမှမဟုတ်ပါဘူး၊ သာမာန်" ဟူသော စကားလုံးက ငါတို့အတွက်ဆိုသာမန်ပဲ ဒါ​ပေမယ့် "သာမန်" ဆိုတဲ့ စကားလုံးက ဆရာ့ရဲ့ နှုတ်က ဆင်းသက်လာရင် သာမန်ဆိုတဲ့ အဓိပ္ပါယ်ရှိမှာမဟုတ်တော့ဘူး ဆိုတာကို သတိရပါ။"

  ကျူးကောကျီချုံ သည် ပို၍ပင် ပဟေဠိဆန်သွားသည်။ ယွင်လီကော၏ အဓိပ္ပါယ်ကို သူမ အမှန်တကယ် နားမလည်ပါ။

 ဆရာ့မှာ ပိုကောင်းတာ ရှိတာ ဖြစ်နိုင်မလား။

  မဖြစ်သင့်ဘူး။ သူသည် သူတို့အား ထိပ်တန်း သိုင်းဘုရင်အဆင့် ပစ္စည်းများ ပေးထားပြီးဖြစ်သည်။ ထိပ်တန်းအဆင့် သိုင်းဘုရင်အဆင့် ပစ္စည်းထက် ပိုကောင်းတာ ဘယ်လိုရှိနိုင်မလဲ။

 ကျူးကောကျီချုံသည် မသိနားမလည်သူမဟုတ်ပေ။ သူမသည် ယခင်က နတ်ဘုရားအဆင့် အကြောင်း ကြားဖူးသည်။

 သို့သော်၊ သူမ၏ဆရာသည် ထိုအဆင့် လက်နက်အထိရှိရန်မဖြစ်နိုင်သင့်ပေ။

  ဤသည်မှာ သဘာဝသာဖြစ်သည်။  မဟုတ်ပါက၊ သူမ၏ဆရာသည် နတ်ဘုရားအဆင့်သို့ဝင်ရောက်ပြီးသော ထူးထူးခြားခြား ကျွမ်းကျင်သူဖြစ်မည် မဟုတ်​လော။

  လုရှောင်ယန်သည် သူ့တပည့်တွေကို နည်းဗျူဟာတွေ ရှင်းပြနေချိန်မှာပဲ သူက ရုတ်တရက် မျက်မှောင်ကြုတ်သွားသည်။

  "ဆရာ ဘာဖြစ်လို့လဲ။"

 ကျီဝူရှားက စိတ်ရှုပ်ထွေးစွာဖြင့် မေးလိုက်သည်။

 လုရှောင်ယန်က လေးနက်သော အမူအရာဖြင့် ပြောသည် ။

 "အင်ပါယာမြို့တော်မှာ တစ်ခုခုဖြစ်​နေပြီ။"

 "ဘာ၊ ကျွန်မ အဖေနဲ့ တခြားသူတွေလား။"

 ကျီဝူရှား၏ အမူအရာ ပြောင်းသွားပြီး သူမသည် ရုတ်တရက် စိုးရိမ်လာသည်။

 လုရှောင်ယန်က "မင်းစိတ်မပူဖို့ မလိုပါဘူး။ ဖုန်းအောက်ထျန်းက လင်းရှင်းရွှယ်ကို တိုက်ခိုက်နေတုန်းပဲ။ ငါသွားကြည့်မယ်။ မင်းတို့နည်းနည်းလေး သတိထားပြီး ကောင်းကောင်း ပူးပေါင်းပါ။"

 "ဟုတ်..."

 သူစကားပြောနေစဉ်တွင်၊ သူသည် ကောင်းကင်ဖြိုခွဲလွန်း ​နေရာလွတ် ခုန်ခြင်းကိုဖွင့်ပြီးဖြစ်သည်။

 တကယ်တော့ ဒီအရေးကြီးတဲ့အခိုက်အတန့်မှာ သူ ထွက်ခွာမသွားသင့်ပါဘူး။ သို့သော် ကျီဝူရှန် သေတော့မည်ကို သူခံစားနိုင်သည်။

  ကျီဝူရှန် ကွယ်လွန်ပြီးနောက် မဟာကျိုး ဧကရာဇ်မိသားစုသည် ခရမ်းရောင်ငြိမ်းချမ်းရေး တော်ဝင်နန်းတော်ကို သေချာပေါက် ပြဿနာရှာတော့မည်ဖြစ်သည်။  ကျီဝူရှားလည်း ရှောင်နိုင်မည်မဟုတ်ပေ။

 နောက်ပြဿနာတစ်ခုကတော့ သူ့မှာ ရှန်းထီကျောက်ရှင်အမှတ်အသား ရှိသည်။ သူသည် တပည့်အားလုံး၏ စိတ်ဝိညာဉ်နှင့် သွေးအနှစ်သာရကို စုဆောင်းထားပြီးဖြစ်သည်။ သူတို့တကယ် တစ်ခုခုဖြစ်ခဲ့ရင်တောင် သူတို့ကို အသက်ပြန်ရှင်နိုင်ပါသေးသည်။

  ဤသည်မှာ သူသည် ထိုသူတို့ကို ကယ်တင်ရန် နန်းမြို့​တော် သို့ ပြန်သွားရန် ဆုံးဖြတ်ခဲ့ခြင်း အ​ကြောင်းရင်း ဖြစ်သည်။

  မဟုတ်ရင် ကျီဝူရှန်က ဘယ်လောက်ပဲ အရေးကြီးနေပါစေ သူ၏အဖိုးတန် တပည့်တွေကို ဒီမှာ ထားခဲ့ပြီး ကျီဝူရှန် ကို ကယ်တင်ဖို့ သူ့အတွက် မဖြစ်နိုင်ပါဘူး။

 …

 ဤအခိုက်အတန့်တွင် ရှေးလူဝံအနွယ်အနီးတွင် လင်းရှင်းရွှယ်နှင့် ဖုန်းအောက်ထျန်းတို့သည် အချင်းချင်း တိုက်ခိုက်နေကြသည်။

  လင်းရှင်းရွှယ်သည် ပထမအဆင့် အကြီးမြတ်ဆုံးအဆင့် ကျွမ်းကျင်သူဖြစ်သည်။ ထို့အပြင်သူမသည် သိုင်းဘုရင်အဆင့်လက်နက်ကိုကိုင်ဆောင်ထားပြီး သိုင်းဘုရင်အဆင့် ချပ်ဝတ်တန်ဆာကိုဝတ်ဆင်ထားသည်။

  ဖုန်းအောက်ထျန်းသည် ဘုရင်အဆင့်၏ပထမအဆင့်တွင်ရှိသော်လည်း သူ၏တိုက်ခိုက်ရေးစွမ်းအားကို အချိန်တိုအတွင်း တိုးမြှင့်ပေးနိုင်သည့် လျှို့ဝှက်နည်းပညာတစ်ခုရှိပုံရပြီး ဆေးဖက်ဝင်သည့်ဆေးများလည်းရှိသည်။

  သူ့တွင် နောက်ထပ် သိုင်းဘုရင်အဆင့် လက်နက် နှစ်ခုလည်း ရှိသည်။ ထို့ကြောင့် နှစ်ဖက် တိုက်ကြသောအခါတွင် သူသည် အမှန်တကယ် မရှုံးနိမ့်ပေ။

 ဒါက လင်းရှင်းရွှယ်ကို သွေးအန်လုမတတ် ဖြစ်​စေသည်။

  ဤအခိုက်အတန့်တွင် သူမသည် မည်မျှကြောက်စရာကောင်းပြီး အစစ်အမှန်ဟု ခေါ်ဆိုသည့် သီအိုရီကို နောက်ဆုံးတွင် သူမ ခံစားသိရှိလိုက်ရသည်။

  အဘယ်ကြောင့်ဆိုသော် ဘုရင် ပထမအဆင့် ကျွမ်းကျင်သူသည် အကြီးမြတ်ဆုံး ပထမအဆင့် ကျွမ်းကျင်သူနှင့် အညီအမျှ တူညီလိမ့်မည်ကို မည်သူမျှ တွေးဝံ့မည်မဟုတ်သောကြောင့်ဖြစ်သည်။

 ဒါဟာ ရိုးရိုးရှင်းရှင်း မယုံနိုင်စရာပါပဲ။

  ကျွမ်းကျင်သူများကြား တိုက်ပွဲတွင်၊ တိုက်ပွဲ၏ရလဒ်သည် တခဏအတွင်း အလွယ်တကူ ပြောင်းလဲသွားနိုင်သည်။ သို့သော် သူတို့နှစ်ဦးကြား တိုက်ပွဲသည် အမွှေးတိုင်တစ်ချောင်းလုံးကုန်သည်အထိ အချိန်ကြာမြင့်ခဲ့သည်။ ဤသည်မှာ အချိန်ကြာမြင့်စွာ အသာစီးရခဲ့သော လင်းရှင်းရွှယ်သည် အခွင့်ကောင်းကို ဆုပ်ကိုင်နိုင်ခြင်း မရှိကြောင်း သက်သေပြရန် လုံလောက်ပါသည်။

 တိုက်ပွဲ၏ ပြင်းထန်မှုကို ထိန်းထားနိုင်သည်ကို မြင်လိုက်ရသဖြင့်၊ လင်းရှင်းရွှယ်သည် ဖုန်းအောက်ထျန်းကို တိုက်ခိုက်ရန် အမှားလုပ်ပုံ ရုတ်တရက် ဟန်ဆောင်လိုက်သည်။

 "ပြီးသွားပြီ။"

 ဖုန်းအောက်ထျန်း သည် လှောင်ပြောင်ပြီး လင်းရှင်းရွှယ်၏လက်ရှိ သိုင်းဘုရင်အဆင့် လက်နက်ကို ထိန်းထားရန် ဘယ်ဘက်လှံဖြင့် ရှေ့သို့ ပြေးသွားခဲ့သည်။ သူ့ဘယ်ဘက်လက်ပေါ်မှ လက်နက်ကို လေထဲတွင် မြှောက်ထားပြီး ကြီးမားသော ဝိညာဉ်စွမ်းအင်များကို စုစည်းကာ ပတ်ဝန်းကျင်တစ်ခုလုံးကို လေဟာနယ်ထဲသို့ ချက်ချင်းစုပ်ယူလိုက်သည်။ ဝိညာဉ်စွမ်းအင်သည် အလွန်သိပ်သည်းနေသဖြင့် ၎င်းသည် သိုင်းဘုရင်အဆင့်ဓားသွားကို အလွန်တောက်ပသော ငွေရောင်အလင်းတန်းတစ်ခု ထုတ်လွှတ်စေသည်။

  ဓားသွားရောင်ခြည်သည် ရှည်လျားသောဟောက်သံကို ထုတ်လွှတ်ကာ ကောင်းကင်ယံသို့ မီတာတစ်သောင်းကျော် လျင်မြန်စွာ ပျံ့နှံ့သွားသည်။

 အကယ်၍ ဤဓားကို ခုတ်လှဲလိုက်လျှင် လင်းရှင်းရွှယ်သည် ဒဏ်ရာများစွာ ရရှိမည်မှာ သေချာသည်။

  သူမခန္ဓာကိုယ်ကို ကာကွယ်တဲ့ သိုင်းဘုရင်အဆင့် ချပ်ဝတ်တန်ဆာ ရှိတုန်းကတောင် ဒီလိုပါပဲ။

 ဤအဆင့်တိုက်ပွဲတွင်၊ မည်သည့်အချက်သေးသေး​လေးမဆို ပြီးပြည့်စုံသောဆုံးရှုံးမှုကို ဦးတည်သွားနိုင်သည်။

 သို့သော်လည်း ဖုန်းအောက်ထျန်းက လင်းရှင်းရွှယ်ကို အနိုင်ယူတော့မည်ဟု တွေးထားစဉ် လင်းရှင်းရွှယ်၏ မျက်လုံးများတွင် ရက်စက်ကြမ်းကြုတ်သော အမူအရာ ရုတ်တရက် ပေါ်လာသည်။

 ထို့နောက် သူမ၏ ဘယ်ဘက်လက်ကို မြှောက်လိုက်သည်နှင့် သူမ၏ လက်ဖဝါးတွင် ကြာနက်တစ်ပွင့် ပေါ်လာသည်။ ၎င်းသည် နတ်ဆိုးဂိုဏ်းမှ သူမဆက်ခံသော သိုင်းဘုရင်အဆင့် လက်နက်ဖြစ်သည်။

  ယခင်က သူ့ကိုယ်သူ ကာကွယ်ရန်အတွက် လင်းရှင်းရွှယ်သည် သိုင်းဘုရင်အဆင့် ပေါက်ကွဲခြင်းကို တားဆီးရန် ဤလက်နက်ကို အသုံးပြုခဲ့သည်။ ယခုအချိန်တွင် လက်နက်ကြီးသည် အနည်းငယ်ပျက်စီးနေပြီဖြစ်သည်။ ယခုအခါ လင်းရှင်းရွှယ်သည် ဤ သိုင်းဘုရင်အဆင့် လက်နက်ကို တိုက်ရိုက်ထုတ်ပြီး အနီးကပ်အကွာအဝေးတွင် ဖောက်ကွဲခဲ့သည်။

 အုန်း..

 ပြင်းထန်သောပေါက်ကွဲသံနှင့်အတူ အလင်းရောင်သည် ကမ္ဘာတစ်ခုလုံးကို တောက်ပစေခဲ့သည်။

 ပေါက်ကွဲသံသည် ဖြည်းဖြည်းချင်း ရပ်တန့်မသွားမီ အကြိမ်ပေါင်းများစွာ အသက်ရှုသွင်းခဲ့သည်။ ကမ္ဘာပေါ်တွင် မှိုတိမ်တိုက်ကြီးတစ်ခု တက်လာပြီး ကောင်းကင်တွင် ကြယ်များ၏ အလင်းရောင်ကို ပိတ်ဆို့ထားသည်။

  အချိန်အတော်ကြာပြီးနောက်၊ နောက်ဆုံးတွင် မြေပြင်ပေါ်ရှိ ဖုန်မှုန့်များသည် ဖြည်းဖြည်းချင်း ပြေသွားပြီး အချို့သော အကွက်များကို တဖြည်းဖြည်းမြင်လာရသည်။

  "အဟမ်း…"

  လင်းရှင်းရွှယ်သည် ပေါ့ပေါ့ပါးပါး ချောင်းဆိုးလိုက်ပြီး ပြောသည်။

  "ဒီ ဖုန်းအောက်ထျန်းရဲ့ နည်းလမ်းတွေက တကယ်ကို ထူးထူးခြားခြားပါပဲ။ ဒါပေမယ့် ကံကောင်းထောက်မစွာပဲ သိုင်းဘုရင်အဆင့် လက်နက်နှစ်ခု အဖေ့ကို တောင်းဆိုခဲ့လို့ပေါ့။"

 အကယ်၍သာ ယခင်ကဆိုလျှင် လင်းရှင်းရွှယ်သည် သူမ၏ သိုင်းဘုရင်အဆင့် လက်နက်ကို ဖောက်ခွဲရန် ဆန္ဒရှိမည်မဟုတ်ပေ။

 လင်းရှင်းရွှယ်သည် သိုင်းဘုရင်အဆင့် လက်နက်တစ်ခုသာရှိသောကြောင့်ဖြစ်သည်။ ထို့အပြင် သိုင်းဘုရင်အဆင့် လက်နက်ဆိုတာ ဘယ်လောက် အဖိုးတန်လိုက်သလဲ။ သိုင်းဘုရင်အဆင့်လက်နက်ကို ဘယ်သူက ဖောက်ခွဲဖို့ ဆန္ဒရှိမည်လဲ။ သေရမည်ဆိုလျှင်ပင်၊ သူတို့၏ သိုင်းဘုရင်အဆင့် လက်နက်ကို ပျက်စီးသွား​စေရန်  လုံးဝ ဆန္ဒမရှိကြပေ။

  သို့သော် ယခုတော့ ခြားနားနေပြီဖြစ်သည်။ လုရှောင်ယန်က သူမကို ပံ့ပိုးပေးခြင်းဖြင့် လင်းရှင်းရွှယ်သည် သိုင်းဘုရင်အဆင့် လက်နက်နှစ်ခုကို အလွယ်တကူ ရရှိခဲ့သည်။ ဤနည်းဖြင့် သူမသည် သိုင်းဘုရင်အဆင့်လက်နက်များကို သိပ်ဂရုမစိုက်တော့ပါ။

 သူမသည် သိုင်းဘုရင်အဆင့် လက်နက်ကို ဖောက်ခွဲရန် ဆန္ဒမရှိခဲ့သည့် အကြောင်းရင်းမှာ ဤလှုပ်ရှားမှုသည် အလွန်အစွမ်းထက်ပြီး ထိန်းချုပ်ရန် မလွယ်ကူသောကြောင့်ဖြစ်သည်။ လင်းရှင်းရွှယ်သည် အကြီးမြတ်ဆုံးအဆင့် ကျွမ်းကျင်သူဖြစ်သော်လည်း သိုင်းဘုရင်အဆင့် လက်နက်ကို ပေါ့ပေါ့ဆဆ ပေါက်ကွဲဝံ့ခြင်းမရှိပေ။ ယခင်က ဖုန်းအောက်ထျန်း ပေါက်ကွဲခဲ့သော သိုင်းဘုရင်အဆင့် လက်နက်ကြောင့် သူမသည် ပြင်းထန်စွာ ဒဏ်ရာရခဲ့ပြီး ခုခံရန် သူမ၏ အဆင့်နိမ့် သိုင်းဘုရင်အဆင့် လက်နက်ကို အားကိုးခဲ့ရပါသည်။

သူမ၏ သိုင်းဘုရင်အဆင့် လက်နက်သည် အလွန်ပျက်စီးသွားသည့်အထိပင်။

  လုရှောင်ယန်ထံမှ သိုင်းဘုရင်အဆင့် ချပ်ဝတ်တန်ဆာကို ရရှိပြီးမှသာ သူမသည် နောက်ဆုံးတွင် သိုင်းဘုရင်အဆင့် လက်နက်ကို အနီးကပ် အကွာအဝေးတွင် ဖောက်ခွဲနိုင်ခဲ့သည်။

  သိုင်းဘုရင်အဆင့် ချပ်ဝတ်တန်ဆာ၏ ခံစစ်စွမ်းရည်ရှိမှသာ သူမ ထိခိုက်ဒဏ်ရာရမည်မဟုတ်ကြောင်း အာမခံနိုင်မည်ဖြစ်သည်။

  သို့သော်~~

  လင်းရှင်းရွှယ် အနည်းငယ် စိတ်လျှော့လိုက်စဉ်တွင် ကြီးမားသော စွမ်းအားတစ်ခု ရုတ်တရက် ထွက်ပေါ်လာသည်။

 "မကောင်းတော့ဘူး"

 လင်းရှင်းရွှယ်သည် ဤကြောက်စရာကောင်းသော စွမ်းအားကို ခံစားသိရှိပြီး သူမကိုယ်သူမ မကာကွယ်နိုင်ခင်မှာပင် အပစ်ခံခဲ့ရသည်။

 အုန်း..

  ကြီးမားသော စွမ်းအားကြောင့် လင်းရှင်းရွှယ်၏ခန္ဓာကိုယ်သည် တောင်ခြောက်ခုကို 

အဆက်မပြတ် ​ဖောက်ထွက်ခဲ့သည်။ သိုင်းဘုရင်အဆင့် ချပ်ဝတ်တန်ဆာတွင် အက်ကွဲရာတစ်ခု ပေါ်လာသည်။

 ခဏအကြာတွင် အလင်းတန်းတစ်ခု လျင်မြန်စွာ လင်းလက်လာပြီး လင်းရှင်းရွှယ်ရှေ့သို့ ဖြတ်သွားသော တောင်တန်းများ၏ လိုဏ်ခေါင်းများနောက်သို့ လိုက်လာသည်။

  အလွန်အစွမ်းထက်သော သတ်ဖြတ်လို့သည့်အော်ရာတို့ နီးကပ်လာသည်ကို ခံစားလိုက်ရသဖြင့် လင်းရှင်းရွှယ်သည် လုံးဝ သတိမလွတ်ဝံ့ပေ။ သူမသည် ချက်ချင်းဆိုသလိုပင် သူမ၏ခန္ဓာကိုယ်အတွင်းရှိ ဝိညာဉ်စွမ်းအင်များကို ဖြန့်ကျက်ကာ ဖုန်းအောက်ထျန်းကိုခုခံရန် သူ၏သိုင်းဘုရင်အဆင့်လက်နက်ကို ​မြှောက်ခဲ့သည်။

 အုန်း..

 သိုင်းဘုရင်အဆင့် လက်နက်ကြီးနှစ်စင်း တိုက်မိသွားသည်။ ကြီးမားသော စွမ်းအားကြောင့် လင်းရှင်းရွှယ်၏ လက်များကို ထုံကျင်သွားသည်အထိ တုန်လှုပ်စေခဲ့သည်။ မြေပြင်ကို တွန်းအားက မြေပြင်ကို တိုက်ရိုက် အက်ကွဲစေသည်။ မီတာ ၂၀,၀၀၀ အချင်းဝက်ရှိ ကျောက်တုံးများသည် နှစ်စက္ကန့်မပြည့်မီတွင် ကွဲအက်သွားကာ မီတာရာနှင့်ချီနက်သော တွင်းနက်ကြီးတစ်ခုကို ပေါ်လွင်စေသည်။

 လင်းရှင်းရွှယ်သည် အသက်ရှုကြပ်လာကာ သူမ၏မို့မောက်မောက်ရင်ဘက်တစ်ခုလုံး မြင့်ချည် နိမ့်ချည်ဖြစ်​နေသည်။ သူမ၏မျက်လုံးများသည် ဖုန်းအောက်ထျန်းကို စိုက်ကြည့်နေသည်။

 သူမခန္ဓာကိုယ်တစ်ဝက်လောက်က ပြာတွေဖြစ်ကုန်ပြီ။ ရင်တွင်းရှိ နှလုံး၏ ခုန်သံကိုပင် သူမ မြင်နိုင်သည်။ ၎င်းသည်  အသက်ရှင်သန်မှုများဖြင့် ပြည့်နှက်နေသေးသည်။

 "မင်း အရမ်းတုန်လှုပ်နေလား ၊ မင်းက ငါ ဖုန်းအောက်ထျန်းကို မာနကြီးပြီး မိုက်မဲနေတာလို့ မင်းတကယ်ထင်နေတာလား။

အကြီးမြတ်ဆုံးအဆင့် ကျွမ်းကျင်သူကို တိုက်ခိုက်ဖို့  သိုင်းဘုရင်အဆင့် လက်နက်ကိုပဲ အားကိုးရမယ်လို့ တကယ်ထင်​နေတာလား။

ငါမင်းကိုပြောပါရစေ၊ ငါ သိုင်းဘုရင်အဆင့်​ဆေးလုံးကိုသောက်နေတာကြာပြီ။

 တစ်နာရီအတွင်း ငါ့ခန္ဓာကိုယ်ဟာ လက်တစ်ချောင်းသာကျန်ခဲ့ရင်တောင် အချိန်တိုလေးအတွင်းမှာပဲ ပြန်လည်ရှင်သန်နိုင်တယ်။

 မင်းက အကြီးမြတ်ဆုံးအဆင့် ကျွမ်းကျင်သူတစ်ယောက်ဆိုရင်ကောဘာဖြစ်လဲ။ မင်းတို့တွေက နတ်ဆိုးဂိုဏ်းက ဆိုရင်ကော ဘာဖြစ်လဲ။

 ကောင်းကင်က ငါ့ကို သေစေချင်ရင် ငါ ကောင်းကင်ကြီးကို ဖျက်ဆီးပစ်ရဲတယ်။

မြေကြီးက ငါ့ကိုသတ်စေချင်ရင် ​မြေကြီးကို ငါဖျက်ဆီးဝံ့တယ်။

 ဒီကမ္ဘာမှာ ဖုန်းအောက်ထျန်း ကို ဆန့်ကျင်ဝံ့သူက သေရလိမ့်မယ်။

 ငါ ဖုန်းအောက်ထျန်း ရှိနေသရွေ့ ကောင်းကင်နဲ့ မြေကြီးတောင် ငါ့ကို စော်ကားဝံ့မှာ မဟုတ်ဘူး။

 ငါ့အလိုကို မနာခံတဲ့သူတို့က အကြိမ် ၃၀၀၀ သေကြလိမ့်မယ်။

 သေစမ်း!!!”

 ဖုန်းအောက်ထျန်းက ဒေါသတကြီးအော်လိုက်ပြီး သူ့လက်ထဲက သိုင်းဘုရင်အဆင့်လှံကို တိုက်ရိုက် ဖောက်ခွဲပစ်လိုက်သည်။

 "​သေပြီ..."

  လင်းရှင်းရွှယ်၏ မျက်လုံးများသည် ကျဉ်းမြောင်းလာပြီး သူမ၏ ခန္ဓာကိုယ်ပေါ်ရှိ ဆံပင်များက ​ထောင်နေလေသည်။

 ဤဖုန်းအောက်ထျန်းသည် အလွန်ကြောက်စရာကောင်းသည်။

 သူ့ကို အနိုင်ယူဖို့ မဖြစ်နိုင်ဘူး။

  ထိုအချိန်တွင်၊ ဖုန်းအောက်ထျန်း ရှေ့မှာ သူမ၏သိုင်းနှလုံးသား လုံးလုံးကွဲအက်သွားခဲ့ပေပြီ....

***

အပိုင်း ၁၈၇ မင်းကို အခါတစ်​သောင်းသတ်မယ်

အုန်း...

 နောက်ထပ် ထိတ်လန့်တုန်လှုပ်ဖွယ် ပေါက်ကွဲသံတစ်ခု ထွက်ပေါ်လာပြီး ကမ္ဘာကြီးသည် နေ့ခင်းဘက်ကဲ့သို့ အဖြူရောင်ဖြင့် ဖုံးလွှမ်းသွားသည်။

 တွင်းနက်ကြီးဖြစ်သွားပြီဖြစ်သော နေရာသည် ပို၍ကြီးမား၍ နက်ရှိုင်းစွာ ပေါက်ကွဲသွားသည် ။

 အလင်းပျောက်ပြီး အရာအားလုံး ပျောက်ကွယ်သွားသောအခါ ဆယ်မိနစ်ပင် ကုန်ဆုံးသွားခဲ့ပြီဖြစ်သည်။

 လေထဲတွင် သွေးတစ်ဆုပ်သည် တဖြည်းဖြည်း သိပ်သည်းလာပြီး နောက်ဆုံးတွင် ဖုန်းအောက်ထျန်း အဖြစ်သို့ ပြောင်းလဲသွားသည်။

 ယခုအချိန်တွင်၊ ဖုန်းအောက်ထျန်း၏အဝတ်အစားများ လုံးလုံးကွဲကြေနေပြီး၊ သူ၏ သိုင်းဘုရင်အဆင့်ချပ်ဝတ်တန်ဆာသည်လည်း အပိုင်းပိုင်းကွဲသွားခဲ့ပြီဖြစ်သည်။  သူ့အဝတ်အစား၏ ပိုးချည်မျှင်များသည် လေထဲတွင် လွင့်နေ၏။

 "လင်းရှင်းရွှယ်၊ မင်း ဒီတစ်ခါ ဘယ်လို ရှင်သန်မလဲ ငါသိချင်တယ်။"

 ဖုန်းအောက်ထျန်း၏ ပါးစပ်ထောင့်သည် အနည်းငယ် ကွေးသွားသည်။ သို့သော် သူ ဘဝင်မြင့်​နေစဉ် နောက်တစက္ကန့်တွင် မတော်တဆမှုတစ်ခု ထပ်မံဖြစ်ပွားခဲ့သည်။

 ပြင်းထန်စွာ ဒဏ်ရာရသွားသော ဝိညာဉ်သည် လေထုထဲမှ လွတ်​မြောက်သွားကာ မြေပြင်ပေါ်သို့ လဲကျသွားသည်။

 ဖုန်းအောက်ထျန်း အံ့အားသင့်သွားသော်လည်း သူသိပ်မတုန်လှုပ်ပေ။ ခဏကြာတော့ သူက လှောင်ရယ်သည်။

 "မင်းက တော်တော် အရည်အချင်းရှိတယ်။ မင်းရဲ့ ဝိညာဉ်ကို လွတ်သွားအောင်လုပ်ပြီး ငါ့ရဲ့ တိုက်ခိုက်မှုကို ရှောင်ရှားဖို့ လျှို့ဝှက်နည်းကို မင်းတကယ်သုံးခဲ့တယ်။"

 ဒါ​ပေမယ့် မင်းရဲ့ အထွတ်အထိပ်ခွန်အားနဲ့တောင် မင်းဟာ ငါ့ကို မယှဉ်နိုင်ခဲ့ဘူး။ အခု မင်းရဲ့ ဝိညာဉ်ပဲ ကျန်တော့တဲ့အချိန် ပြောဖို့တောင် လို​သေးလို့လား။”

 သူစကားပြောနေစဉ်တွင် ဖုန်းအောက်ထျန်းသည် လေးလံသောခြေလှမ်းကိုလှမ်းကာ လင်းရှင်းရွှယ်ဆီသို့ ချက်ချင်းပြေးသွားသည်။

 သူ၏အရှိန်က မြန်​သော်လည်း လင်းရှင်းရွှယ်၏ အရှိန်က ပိုမြန်သည်။ စကားတစ်ခွန်းမှ မပြောဘဲ ခြေထောက်ပေါ် ဆီလိမ်းပြီး လှည့်ကာ ကောင်းကင်တိမ်တောင်ဆီသို့ တန်းတန်းမတ်မတ် ပြေးသွားသည်။

 ဖုန်းအောက်ထျန်းက ကဲ့ရဲ့ပြီး သူ့နောက်ကို လိုက်လာသည်။

 "မင်းက ပြေးချင်တာလား? ငါ့ရှေ့က​နေ မင်းပြေးနိုင်မယ်ထင်လို့လား?"

 သူတို့နှစ်ယောက်သည် အရှိန်အဟုန် အမြင့်ဆုံးသို့ ရောက်ရှိခဲ့သည်။ လင်းရှင်းရွှယ်သည် သူမ၏ ဝိညာဉ်သာ ကျန်ရှိတော့သော်လည်း သူမ သတိမလွတ်ဝံ့ပေ။ အဘယ်ကြောင့်ဆိုသော် သူမသည် ယခုတစ်ကြိမ် ဖမ်းမိပါက လုံးလုံးသေမည်ဟု သူမသိသောကြောင့်ဖြစ်သည်။

 ထို့ကြောင့်၊ သူမ၏ ပျံသန်းမှု အမြန်နှုန်းကို မြှင့်တင်ရန် သူမ၏ ဝိညာဉ်စွမ်းအားကို သုံးစွဲရန်ပင် မတွန့်ဆုတ်ခဲ့ပေ။

 သူမသည် ကောင်းကင်တိမ်တောင်ပေါ်သို့ လျင်မြန်စွာ ပြေးသွားကာ အဝေးက လှမ်းအော်လိုက်သည်။

 "ဖေဖေ၊ ကယ်ပါဦး။"

 ဖုန်းအောက်ထျန်းသည် ဤစကားကိုကြားသောအခါ ပို၍ပင် ​လှောင်​ပြောင်ခဲ့သည်။

 "ဟားဟား... သိက္ခာရှိတဲ့ နတ်ဆိုးအရှင်က ဒီလိုအချိန်မျိုးမှာတောင် နောက်ပြောင်နေတာ၊ ဒါက နည်းနည်းတော့ ရယ်စရာ မဟုတ်ဘူးလား။"

  နတ်ဆိုးအရှင် လင်းရှင်းရွှယ်၏ နောက်ခံကို သူ မည်သို့ မသိပဲ​နေလိမ့်မည်နည်း။

 သူမမှာ အဖေ လုံးဝ မရှိ​ပေ။

 ဖုန်းအောက်ထျန်း၏ စိတ်ထဲတွင် လင်းရှင်းရွှယ်သည် သူ့ကို ရပ်တန့်ရန် လှည့်စားဖို့ ကြိုးစားနေခြင်းဟုသာထင်သည်။

 ကံမကောင်းစွာ၊ သူလုံးဝမရပ်တန့်​ပေ။

  သူ၏ အမျိုးသမီး အများအပြားသည် လင်းရှင်းရွှယ် လက်ထဲတွင် သေဆုံးသွားခဲ့သည်။ သူ သူမကို ဘယ်လို လွှတ်​ပေးနိုင်မလဲ။

 ထို့အပြင်၊ ရှေ့တွင် အမှန်တကယ် ထောင်ချောက်ရှိနေလျှင်ပင် အဘယ်မှာ အရေးကြီးသနည်း။

 သူသည် ထိပ်တန်းအဆင့် သိုင်းဘုရင်အဆင့်​ဆေးလုံးကို သောက်သုံးခဲ့ပြီး တစ်နာရီအတွင်း လျင်မြန်စွာ ပြန်လည်ကောင်းမွန်လာနိုင်သည်။

 သူတကယ် တိုက်ခိုက်ခံရရင်တောင် အချိန်တိုအတွင်းမှာ မြန်မြန်ဆန်ဆန် ပြန်လည်ရှင်သန်နိုင်ပါသေးတယ်။

  ဘာကိုကြောက်ရမှာလဲ။

 ထို့ကြောင့် ဖုန်းအောက်ထျန်းသည် ကောင်းကင်တိမ်တောင်၏ ချိုင့်ထဲသို့ တိုက်ရိုက်ခုန်ဆင်းသွားသည်။

 ချိုင့်ထဲသို့ ဝင်ရောက်လာသောအခါတွင် ဆိုးရွားသော ခံစားချက်တစ်ခု ရုတ်တရက် ထိုးနှက်လာကာ သူ့မျက်လုံးများကို ချက်ခြင်း ကျုံ့သွားစေသည်။

 "မကောင်းတော့ဘူး။"

 သူ၏ ဆဋ္ဌမအာရုံသည် ပြင်းထန်သော အချက်ပြမှုတစ်ခုကို ထုတ်လွှတ်ကာ ဆုတ်ခွာရန် ချက်ချင်းပြင်ဆင်သည်။

 ကံမကောင်းစွာပဲ၊ တစ်ဖက်သားရဲ့ အရှိန်က တကယ်ကို မြန်လွန်းသည်၊ သူ့ကို တုံ့ပြန်ဖို့ အချိန်မပေးတဲ့အထိ မြန်သည်။

 "ရှေးဟောင်းနဂါးအစီအရင်၊ စတင်!"

 "ကြယ်ကြွေအင်ပါယာ အစီအရင်၊ စတင်!"

 "ကောင်းကင်စည်းတံဆိပ်၈ခုအစီအရင်၊ စတင်"

 "လေးဘက်မြင်အစီအရင်၊ စတင်!"

 …

  အစီအရင်များ ဆက်တိုက် ဖြစ်ပေါ်လာပြီး ပတ်ဝန်းကျင်ရှိ ဝိညာဉ်စွမ်းအင်များ ရုတ်တရက် အရူးအမူး စုစည်းသွားစေသည်။ စုပ်ယူလိုက်သော စွမ်းအင်သည် တခဏအတွင်း အားကောင်းလွန်းသောကြောင့်၊ ၎င်းသည် ကီလိုမီတာ ဒါဇင်ပေါင်းများစွာသော အချင်းဝက်ရှိ ဝိညာဉ်စွမ်းအင်ကိုပင် စုပ်ယူခြောက်သွေ့စေပြီး လေဟာနယ်တစ်ခုအဖြစ် ဖြစ်ပေါ်စေခဲ့သည်။

 ပိုကြောက်စရာကောင်းတာက ကောင်းကင်က တိမ်တိုက်တွေ အားလုံး တည်ငြိမ်နေပြီး ကြယ်ရောင်ကောင်းကင်ကြီးက အဆက်မပြတ် တဖျပ်ဖျပ်ခတ်နေတာပါပဲ။

သိုင်းဘုရင်အဆင့်အစီအရင် အများအပြား တစ်ချိန်တည်းတွင် ပေါ်ပေါက်လာသောကြောင့် ဤကမ္ဘာရှိ ကြယ်များသည် ဆွံ့အတုန်လှုပ်သွားသကဲ့သို့ ဖြစ်နေသည်။

 လင်းရှင်းရွှယ် အံသြသွားသည်။

 ဒါက သူမအဖေရဲ့နည်းလမ်းလား။

  တကယ့်ကို အစွမ်းထက်တဲ့ သိုင်းဘုရင်အဆင့် ရောင်ဝါပါပဲ။ ဤ သိုင်းဘုရင်အဆင့်အစီအရင်များသည် မရိုးရှင်းပါ။ ၎င်း၏ အဆင့်သည် မြင့်မားလွန်းသဖြင့်  သိုင်းဘုရင်အဆင့် ကျွမ်းကျင်သူတစ်ဦး ကိုယ်တိုင်ရောက်ရှိလာသကဲ့သို့ ခံစားရသည်။

 ကြောက်စရာကောင်းလွန်းသည်။

 သို့သော် သူမသည် ထူးဆန်းသော ဝတ်ရုံများနှင့် ဝါးဦးထုပ်များပါရှိသည့် လူအချို့ကို လျင်မြန်စွာ တွေ့လိုက်ရသည်။

 ယင်းက လင်းရှင်းရွှယ်၏ နှလုံးခုန်နှုန်းကို မြန်သွားစေသည်။ ဘာလို့ရုတ်တရက် လူတွေ ဒီလောက်များနေတာလဲ။

 သူမ အဖေက တစ်ယောက်တည်းနေပေမယ့် ဒီမှာ လူတွေ အများကြီးပဲ။ ရှင်းပါတယ်၊ သူတို့ထဲက တစ်ယောက်မှ သူမအဖေမဟုတ်ဘူး။

 ဒါ့အပြင် အကြောင်းတစ်ခုခုကြောင့် ဒီဝတ်စုံကို အရင်က တစ်နေရာရာမှာ မြင်ဖူးတယ်လို့ ခံစားခဲ့ရသည်။ အတန်ငယ် ရင်းနှီး​နေသည်။

 သို့သော် ယခုအခိုက်အတန့်တွင် သူမသည် အသက်အန္တရာယ်နှင့် ရင်ဆိုင်​နေရပြီး အခြားမည်သည့်အရာကိုမျှ မစဉ်းစားနိုင်တော့ပေ။

 "ဘယ်သူလဲ မေးလို့ရမလား...?"

 လင်းရှင်းရွှယ် ဂါရဝပြုပြီး မေးလိုက်သည်။

 "ငါတို့က ဆရာ့ရဲ့ တပည့်တွေပဲ။"

 "ဆရာ"

 လင်းရှင်းရွှယ် က သူမအဖေရဲ့ တပည့်​တွေဖြစ်ရမယ်လို့ ချက်ချင်း တွေးလိုက်သည်။

 ၎င်းတို့မှလွဲ၍ ဤနေရာတွင် သိုင်းဘုရင်အဆင့်အစီအရင်များစွာကို မည်သူက အသုံးပြုနိုင်မည်နည်း။

 "ဒါဆို စီနီယာအစ်ကိုတွေ​ပေါ့..."

 သူမစကားပြောပြီးသည်နှင့် ကြီးမားသော နဂါးဟိန်းသံ ထွက်ပေါ်လာပြီး ကောင်းကင်သို့ ပြေးတက်သွားသည်။

 ခဏအကြာတွင် ကြီးမားသော နဂါးသဏ္ဍာန်ဝိညာဉ်သည် မြေပြင်ပေါ်ရှိ အစီအရင်ထဲမှ တွားသွားကာ ဖုန်းအောက်ထျန်းထံ တည့်တည့်သို့ ဦးတည်သွားခဲ့သည်။

 နဂါးဝိညာဉ်သည် မီတာတစ်ထောင်နီးပါးရှည်လျားသည်။ ၎င်း၏ အရွယ်အစား တစ်ခုတည်းကပင် နှလုံးသားကို ရင်တုန်စေကာ ၎င်း၏ ရောင်ဝါသည် ပို၍ပင် ထူးကဲလှသည်။

 နဂါးဝိညာဉ်က ထုတ်လွှတ်တဲ့ နားမလည်နိုင်သည့် အရာတွေကို အာရုံခံပြီး ဖုန်းအောက်ထျန်းက လုံးဝ ဂရုမစိုက်ပဲမ​နေဝံ့​ပေ။ သူသည် ချက်ချင်းပင် သိုင်းဘုရင်အဆင့်ချပ်ဝတ်တန်ဆာကို ၀တ်ဆင်ကာ လက်နှစ်ဖက်စလုံးတွင် ကိုင်ဆောင်ရန် သိုင်းဘုရင်အဆင့်လက်နက်နှစ်လက်ကို ထုတ်ယူလိုက်သည်။ သူသည် လျှပ်စီးလက်သလို အသွင်ပြောင်းကာ တိုက်ခိုက်မှုကို ထိပ်တိုက်ရင်ဆိုင်ရစဉ် လုံးဝမရှောင်တိမ်းခဲ့ပေ။

 အုန်း..

 နှစ်ခု တိုက်မိသည့်အခိုက်တွင် အဖြူ​ရောင် အလင်းလှိုင်းတစ်ခု လေထဲသို့ ရုတ်တရက် ထွက်ပေါ်လာပြီး နဂါးဝိညာဉ်နှင့် ဖုန်းအောက်ထျန်းတို့ကို တစ်ချိန်တည်းတွင် ​နောက်ဆုတ်သွားခဲ့သည်။

 ပြန်မထမီ နဂါးဝိညာဉ်သည် နှစ်ခါတုန်ခါသွားသည်။

 ဤသည်မှာ အစီအရင်များ၏ ခြိမ်း​ခြောက်မှုဖြစ်သည်။

 သို့သော် ဖုန်းအောက်ထျန်းသည်လည်း အချဉ် မဟုတ်ပေ။

 သိုင်းဘုရင်အဆင့် လက်နက်များကိုင်ဆောင်ထားခြင်းဖြင့် နဂါးဝိညာဉ်ကို တွန်းလှန်နိုင်သည်။ သိုင်းဘုရင်အဆင့် ချပ်ဝတ်တန်ဆာဖြင့်၊ သူသည် တိုက်ပွဲမှလှိုင်းကို ခုခံနိုင်သည်။

 ဤအချက်နှစ်ချက်ကြောင့် သူသည် နဂါးဝိညာဉ်၏ စွမ်းအားကို မကြောက်ခဲ့ပေ။

 ဤအခိုက်တွင် နဂါးဝိညာဉ်က တိုက်ခိုက်ပြန်သည်။

 "အချိန်ကောင်းပဲ။"

 ဖုန်းအောက်ထျန်းသည် သိုင်းဘုရင်အဆင့် လက်နက်များကို ကိုင်ဆောင်ကာ တိုက်ခိုက်မှုကို ထပ်မံကြိုဆိုခဲ့သည်။

 သို့သော် ဤတစ်ကြိမ်တွင်၊ နဂါးဝိညာဉ်ထက် မနိမ့်ကျသော စွမ်းအားကြီးသော အခြားစွမ်းအားတစ်ခုသည် ကြယ်ရောင်အလင်းကို ပေါင်းစပ်ကာ ရုတ်တရက် ပြုတ်ကျလာသည်။

 အုန်း...

 ဤအလင်းကျလာသည်နှင့်အမျှ ဖုန်းအောက်ထျန်းသည် ထူးကဲသော ရောင်ဝါရှိသော ကိုယ်ခံပညာရှင်၏ အသွင်အပြင်ဖြစ်ကြောင်း ရှင်းရှင်းလင်းလင်း မြင်လိုက်ရသည်။ ၎င်းသည် အသွင်အပြင်မျှသာဖြစ်သော်လည်း၊ ၎င်းသည် လင်းရှင်းရွှယ်၏ဝိညာဉ်ထက် အဆများစွာ ပြင်းထန်သည်။

  ပညာရှင်တစ်ဦး၏ အသွင်အပြင်နှင့် ရှေးနဂါးဝိညာဉ်သည် တစ်ပြိုင်နက် တိုက်ခိုက်ခဲ့သည်။ ဖုန်းအောက်ထျန်းမှာ ပစ္စည်းဘယ်လောက်ပဲရှိရှိ မခံနိုင်​ပေ။

  ထို့အပြင် ဤနှစ်ခုသည် အစီအရင်ကြောင့် ဖြစ်ခြင်းဖြစ်ပြီး  အစစ်များမဟုတ်ပေ။ တိုက်ခိုက်သည့်အခါတွင်လည်း လုံး၀ ထိန်ချန်ထားမည်မဟုတ်​ပေ။

 ဤတိုက်ခိုက်မှုသည် သူ၏ရှင်ခြင်းနှင့် သေခြင်းကို ဆုံးဖြတ်ပေးလိမ့်မည်။ သူသည် ၎င်း၏ တိုက်ခိုက်မှုကို မြှင့်တင်ရန် သူ၏ ခွန်အားအားလုံးကို တိုက်ရိုက်အသုံးပြုကာ ခုခံကာကွယ်မှုပင် မလုပ်ခဲ့ပေ။

 သူတို့ သုံးယောက် ထိတွေ့မိပြီး ပြင်းထန်သော တိုက်ခိုက်မှုတစ်ခု ထွက်ပေါ်လာသည်။ အလင်းသည် ပေါက်ကွဲသွားပြီး ချိုင့်ဝှမ်းတစ်ခုလုံးကို ဖြတ်ကျော်သွားတော့မည်။ စွမ်းအင်လှုပ်ခတ်မှုလှိုင်းက ပတ်ဝန်းကျင်တစ်ခုလုံးကို လုံးလုံးလျားလျား ဖျက်ဆီးတော့မည်။

 သို့သော်လည်း အင်အားအလွန်ပြင်းသောကြောင့် ​လေထုကို ပြိုကျစေခဲ့သည်။ ပေါက်ကွဲစေတတ်သော စွမ်းအင်အားလုံးကို ထပ်မံစုပ်ယူလိုက်ပြီး ပတ်ဝန်းကျင်အပေါ် သက်ရောက်မှုကို မဖန်တီးနိုင်တော့ပါ။

 ဤအခိုက်အတန့်တွင်၊ နဂါးဝိညာဉ်၊ ပညာရှင်၏ဝိညာဉ် သို့မဟုတ် ဖုန်းအောက်ထျန်းပင်ဖြစ်ပါစေ၊ ရှုပ်ထွေးနေသော ​လေထုစွမ်းအားကြောင့် ကွဲအက်ကြေကွဲကာ၊ စုတ်ပြတ်သတ်ပြီး...အဆုံးတွင် အရာအားလုံးသည် ဖုန်မှုန့်အဖြစ်သို့ ပြောင်းလဲသွားသည်။

 "ငါတို့အနိုင်ရပြီလား.."

 ကျူးကောကျီချုံ မကူညီနိုင်ဘဲ ရေရွတ်လိုက်သည်။ သို့သော် သူမဘေးတွင်ရှိနေသည့် ယွင်လီကောက လေးနက်သောအမူအရာဖြင့် ပြောသည်။

 "ညီမငယ်၊ မင်းသတိလွတ်လို့မရဘူး၊ ဒါက မြင်းနက်ပဲ။ အစီအရင် နှစ်ခုက သူ့ကို သတ်နိုင်မှာ မဟုတ်ဘူး။"

 ဝါးဦးထုပ်အောက်ရှိ ကျူးကောကျီချုံ၏ ပါးစပ်ငယ်လေးသည် အနည်းငယ်ပွင့်လာပြီး သူမ၏မျက်နှာသည် ထိတ်လန့်သွားလေသည်။

 သိုင်းဘုရင်အဆင့်အစီအရင် အများအပြားကို တစ်ပြိုင်နက်တည်း စတင်လုပ်ဆောင်ခဲ့ပြီး ကမ္ဘာကိုတုန်လှုပ်စေသော တိုက်ခိုက်မှုနှစ်ခုကို ပြခဲ့သည်။ ဖုန်းအောက်ထျန်းကိုတောင် သတ်ခဲ့ကြသည်။  သူရှင်သန်နိုင်​သေးသည်လား။

 သို့သော် သူမတွေးနေချိန်တွင် လင်းရှင်းရွှယ်က အော်ပြောလိုက်သည် ။

 "သတိမလွတ်ကြပါနဲ့၊ သူက ထိပ်တန်းအဆင့် သိုင်းဘုရင်အဆင့် ဆေးဖက်ဝင်ဆေးကို မျိုချထားတယ်။ သူ့သွေးတစ်စက်သာကျန်ခဲ့ရင်တောင် တစ်နာရီအတွင်းမှာ သူပြန်ရှင်သန်လာမှာ!"

သူပြောပြီးသည်နှင့် ဖုန်းအောက်ထျန်း၏သွေးများသည် လေထုထဲတွင် ဆက်လက်သိပ်သည်းသွားခဲ့သည်။ နောက်ဆုံးတွင် လှည့်ကွက်ဖြင့် သူသည် သူ၏ မူလအသွင်အပြင်သို့ လျင်မြန်စွာ ပြန်လည်ကောင်းမွန်လာခဲ့သည်။

 ဒီမြင်ကွင်းကိုမြင်တော့ ကျူးကောကျီချုံ အံ့ဩသွားသည်။ မကောင်းဘူး။

 ဒါဟာ သူမ မြင်းနက်ကို ထိုးစစ်ဆင်တာ ပထမဆုံးအကြိမ်တော့ မဟုတ်ပါဘူး။ ယခင်ကလည်း သူမ ညီမ နှုတ်ခမ်း​ကောက်ပြီး ပြုံးပြတဲ့ အမျိုးသမီးမှာလည်း မြင်းနက်ပင်။ သို့သော်လည်း တဖက်သူက သူမ၏ အထောက်အထားကို ထုတ်ဖော်သောအခါ ကျူးကောကျီချုံသည် ပွဲချင်းပြီး သေဆုံးသွားခဲ့သည်။ အတိအကျပြောရလျှင် သူမသည် ယခင်က မြင်းနက်ကို တိုက်ခိုက်ခြင်း မပြုခဲ့ရပေ။

 ယနေ့တွင် ဖုန်းအောက်ထျန်း မည်မျှကြောက်စရာကောင်းသည်ကို မြင်ပြီးနောက်၊ သူမသည် မြင်းနက်တွေ အလွန်ကြောက်မက်ဖွယ်ကောင်းသည်ကို နောက်ဆုံးနားလည်ခဲ့သည်။

 တဖက်သူသည် သေပြီးနောက်တွင်ပင် သူ့ကိုယ်သူ ပြန်လည်ရှင်သန်နိုင်ခဲ့သည်။ သူ့ဆရာလို ဉာဏ်ရည်ထက်မြက်တဲ့ ပညာရှင်တောင်မှ သူတို့ကို ကြောက်နေတာ မဆန်းပါဘူး။

  သို့သော်လည်း ဖုန်းအောက်ထျန်း ပြန်လည်ရှင်သန်လာချိန်တွင် နဂါးဝိညာဉ်နှင့် ကျွမ်းကျင်ပညာရှင်၏ ဝိညာဉ်တို့လည်း ပြန်လည်ရှင်သန်လာပြန်သည်။

 အစီအရင် ဖွဲ့စည်းခြင်း မပျက်စီးပါက ၎င်းတို့ကိုလည်း ဖျက်ဆီးမည်မဟုတ်ပါ။ ဖျက်ဆီးခံရပြီးတိုင်း သူတို့ ရှင်ပြန်ထမြောက်လာမည်။

 သူပြန်လည်ရှင်သန်လာချိန်တွင် သူတို့နှစ်ဦးသည် ဖုန်းအောက်ထျန်းနှင့် ထပ်မံတိုက်ခိုက်ကြတော့သည်။

 ဖုန်းအောက်ထျန်း၏ အမူအရာသည် အလွန်ပင် မှိုင်းနေ၏။

 "မင်းငါ့ကို ဒီသိုင်းဘုရင်အဆင့်အစီအရင် ပုံစံနှစ်မျိုးနဲ့ သတ်ချင်နေတာလား။ ငါ ဖုန်းအောက်ထျန်းက အလကားလို့ မင်းတကယ်ထင်နေတာလား။"

 ဒေါသတကြီးဟောက်သံနှင့်အတူ ဖုန်းအောက်ထျန်းသည် သူ့လက်ထဲရှိ သိုင်းဘုရင်အဆင့် လက်နက်နှစ်လက်ကို ပစ်ချကာ အစီအရင်  ပုံစံနှစ်ခု၏ မျက်လုံးကို တိုက်ရိုက်တိုက်ခိုက်ခဲ့သည်။

 နဂါးဝိညာဉ်နှင့် ကျွမ်းကျင်ပညာရှင်၏ဝိညာဉ်သည် တစ်ချိန်တည်းတွင် တိုက်ခိုက်ခဲ့ပြီး ဖုန်းအောက်ထျန်း၏သိုင်းဘုရင်အဆင့်လက်နက်ကို ချက်ခြင်းရပ်တန့်လိုက်သည်။

 သိုင်းဘုရင်အဆင့်အစီအရင်ကနေ ဖန်တီးထားတဲ့ တိုက်ခိုက်မှုတွေကြောင့် သူတို့မှာ အသိစိတ်အဆင့်တစ်ခုရှိနေပါပြီ။ အစီအရင် ပျက်သွားလျှင် ဖျက်ဆီးခံရမည်ကို သူတို့သိသည်။ ထို့ကြောင့် ဖုန်းအောက်ထျန်းကို အစီအရင်ကို ဖျက်ဆီးခွင့်မပြုပေ။

 "အရူး ....အစီအရင်က အစီအရင် ပဲ။ အသိဉာဏ်ရှိရင်တောင် အမှိုက်ဖြစ်နေတုန်းပဲ။"

 ဖုန်းအောက်ထျန်းသည် လှောင်ပြောင်သော အမူအရာ ပေါ်လာသည်။ သူသည် သိုင်းဘုရင်အဆင့် လက်နက်နှစ်ခုကို တိုက်ရိုက် ဖောက်ခွဲခဲ့သည်။

 ဤရိုးရှင်းပြီး ကြမ်းတမ်းသောတိုက်ခိုက်မှုသည် လူတိုင်းကို ထိတ်လန့်စေပါသည်။

 ဒီလူဟာ သိုင်းဘုရင်အဆင့် လက်နက်တွေကို တိုက်ရိုက် ဖောက်ထုတ်တဲ့အတွက် ရဲရင့်လွန်းသည်။ သူ့တွင် သိုင်းဘုရင်အဆင့် လက်နက်မည်မျှရှိသနည်း။

 အုန်း...

 နောက်ထပ် ထိတ်လန့်ဖွယ်ရာ ပေါက်ကွဲသံတစ်ခု ထွက်ပေါ်လာသည်။ အလင်းရောင်သည် ပတ်ဝန်းကျင်ရှိ အရာအားလုံးကို အရူးအမူး ဝါးမျိုသွားသည့် တွင်းနက်ကြီးနှစ်ခုကို ဖန်တီးထားသကဲ့သို့ အာကာသအတွင်းသို့ တိုက်ရိုက် ဆုတ်သွားသည်။

 အားကောင်းသော ကိုက်ဖြတ်နိုင်သော စွမ်းအားတစ်ခုသည် မြေပြင်ပေါ်ရှိ သိုင်းဘုရင်အဆင့်အစီအရင် များကို အညှာအတာမဲ့စွာ ဖြိုခွဲလိုက်ရာ နဂါးဝိညာဉ်နှင့် ကျွမ်းကျင်သူ၏ဝိညာဉ်ကို ပြာအဖြစ်သို့ တိုက်ရိုက်ပြောင်းလဲသွားစေခဲ့သည်…..

***

အပိုင်း ၁၈၈ အဲ့တာမင်း​ပေါ့

လူတိုင်း၏ အမူအရာများ ပြောင်းလဲသွားသည်။ ဖုန်းအောက်ထျန်း သည် သိုင်းဘုရင်အဆင့် လက်နက်နှစ်လက်ကို တိုက်ရိုက်ပေါက်ကွဲရန် အလွန်ရဲရင့်မည်ဟု သူတို့ မမျှော်လင့်ထားခဲ့ကြပေ။

 သိုင်းဘုရင်အဆင့်လက်နက်၏ စွမ်းအားသည် အစတည်းက ထိတ်လန့်ဖွယ်ရာ အစွမ်းထက်သည်။ အစီအရင်တွင် အစွမ်းထက်သော လုရှောင်ယန်၏အောင်မြင်မှုများ ဖြစ်​စေ သူ၏ အစီအရင်သည် မည်မျှပင် ပြီးပြည့်စုံသည်ဖြစ်စေ သူ၏ အစီအရင်များသည် သိုင်းဘုရင်အဆင့် လက်နက်၏ပေါက်ကွဲခြင်းကို ခံနိုင်ရည်ရှိမည်မဟုတ်ပေ။

 သိုင်းဘုရင်အဆင့် အစီအရင်နှစ်ခု ကွဲအက်သွားပြီး ဖုန်းအောက်ထျန်း၏ ခန္ဓာကိုယ်ကိုလည်း ခွဲထုတ်ကာ သွေးစွန်းနေသော မြူခိုးများအဖြစ်သို့ ပြောင်းလဲသွားသည်။

 သို့သော် သိုင်းဘုရင်အဆင့် ဆေးဖက်ဝင်ဆေးကြောင့် ဖုန်းအောက်ထျန်းသည် သူ၏ဒဏ်ရာများကို လျင်မြန်စွာ ပြန်လည်ကောင်းမွန်လာပြီး ပြုပြင်ပေးခဲ့သည်။

 "တိုက်ကြ~"

 "သူရဲ့ဒဏ်ရာကို ရက်အကန့်အသတ်မရှိ ပြုပြင်နိုင်ရင်တောင် ငါတို့က သူ့ကို ရက်အကန့်အသတ်မရှိ သတ်နိုင်ပါသေးတယ်။ သူကြာရှည်နေနိုင်မယ်လို့ ငါမယုံဘူး။ သူ့ကို အကြိမ်တစ်သောင်းလောက် သတ်လိုက်ကြရအောင်။"

 လီချန်းရှန် သည် အစီအရင်ထဲသို့ ပြေးဝင်သွားသည်။  သူ၏ ကျင့်ကြံမှု အဆင့်သည် အာကာပြင်ပြိုကွဲခြင်းအဆင့်၏ ပဉ္စမအဆင့်တွင်သာ ရှိသည်။  သို့သော်၊ လုရှောင်ယန် သည် မြေပြင်ပေါ်တွင် အဆင့်မြှင့်တင်မှုအစီအရင်တစ်ခုကို တပ်ဆင်ထားပြီးဖြစ်သည်။

 လေးဘက်မြင်အစီအရင်နှင့် ကောင်းကင်စည်းတံဆိပ်၈ခုအစီအရင်အပြင် ဒြပ်ငါးပါးအစီအရင်၊ ကမ္ဘာ့ဝိညာဉ်အစီအရင် ဖွဲ့စည်းမှုနှင့် အခြားသော သိုင်းဘုရင်အဆင့်အစီအရင်များလည်း ရှိသည်။

 ဤ သိုင်းဘုရင်အဆင့် အစီအရင်များ၏အကူအညီဖြင့် လီချန်းရှန်၏တိုက်ခိုက်ရေးစွမ်းအားသည် ဘုရင်အဆင့်၏ဒုတိယအဆင့်သို့ရောက်ရှိနိုင်သည်။ ဖုန်းထျန်းယွမ်သည် အာကာပြင်ပြိုကွဲခြင်းအဆင့်၏ အဆင့်တစ်ဆယ် ခွန်အားကို ထုတ်လွှတ်နိုင်ကာ ကျီဝူရှားသည် အာကာပြင်ပြိုကွဲခြင်းအဆင့် အဆင့်ခုနစ်၏ ခွန်အားကို ထုတ်လွှတ်နိုင်သည်။

 ၎င်းတို့ သုံးဦးသည် အစီအရင်မှ အားပျော့နေပြီဖြစ်သော ဖုန်းအောက်ထျန်းအား ထိခိုက်မှုအချို့ ဖြစ်ပေါ်စေနိုင်သည်။

 ဖုန်းအောက်ထျန်းသည် သူ့ခန္ဓာကိုယ်ကို ပြန်တည်​ဆောက်ပြီးသည်နှင့် လီချန်းရှန်က သူ့ကို ခုတ်ထစ်လိုက်သည်။

 နတ်ဝိညာဉ်နှင့်ရောနှောထားသောဓားရည်ရွယ်ချက်သည် ဤကမ္ဘာ၏ဓားရည်ရွယ်ချက်၏စံအဆင့်ကိုကျော်လွန်သွားခဲ့ပြီးဖြစ်သည်။ တစ်ချက်ခုတ်လိုက်ရုံဖြင့် ခန္ဓာကိုယ်နှင့် စိတ်ဝိညာဉ်ကို ထိခိုက်ပျက်စီးစေပါသည်။

 ဖုန်းအောက်ထျန်းသည် ဤဓား၏ ကြောက်မက်ဖွယ် ရည်ရွယ်ချက်ကို သဘာဝအတိုင်း ခံစားနိုင်သော်လည်း သူသည် အေးစက်စွာ ပြုံးကာ သူ့ဓားကို ခုတ်ထစ်ရန် သူ့လက်ကို မြှောက်လိုက်သည်။

 "မင်းကိုကြောက်တယ်ထင်လား။"

 အုန်း..

 ထိတ်လန့်တုန်လှုပ်ဖွယ် ပေါက်ကွဲသံ ထွက်ပေါ်လာပြီး ပျံ့နှံ့သွားသည်။  မူလက လီချန်းရှန်ကို မထီမဲ့မြင်ပြုခဲ့သော ဖုန်းအောက်ထျန်းသည် ရုတ်တရက် မြေပြင်ပေါ်သို့ ပေါက်ကွဲသွားခဲ့ပြီး မြေပြင်သည် ပြင်းထန်စွာ တုန်လှုပ်သွားပြီး ဖုန်မှုန့်များသည် မီတာရာနှင့်ချီ၍ ပျံ့နှံ့သွားခဲ့သည်။

 ချက်ခြင်းပင်၊ ဖုန်းအောက်ထျန်းသည် အပေါက်ထဲမှ ချက်ချင်းထွက်ကာ ပြင်းထန်စွာ တံတွေးနှင့် ထွေးလိုက်သည်။

 "ခွေးကောင်၊ မင်းရဲ့ ကျင့်ကြံမှုအဆင့်က အာကာပြင်ပြိုကွဲခြင်းအဆင့်မှာပဲ ရှိတယ်။ ငါ့ကို ဘယ်လို နှိမ်နှင်းနိုင်မလဲ။"

 သူပြောပြီးသည်နှင့် ဖုန်းထျန်းယွမ်သည် အာကာပြင်ဖြိုခွဲတူကိုကိုင်ပြီး ဖြိုချပစ်လိုက်သည်။

 သိုင်းဘုရင်အဆင့်လက်နက်သည် လေထုကို ပွတ်တိုက်ကာ မုန်တိုင်းထဲတွင် ပြင်းထန်သော မိုးကြိုးများကဲ့သို့ ကောင်းကင်တွင် ပျံ့နှံ့နေသော လျှပ်စီးလက်သည့် မီးပွားများ ထုတ်လွှတ်သည်။

 ဖုန်းအောက်ထျန်းသည် ဤတိုက်ခိုက်မှု၏ စွမ်းအားကို သတိပြုမိပြီး ဂရုမစိုက်ပဲမ​နေဝံ့တော့ပါ။ သူ ချက်ချင်း ဘေးနားကို ရှောင်ထွက်သွားသည်။

  အရာအားလုံးက မြန်သည်။ ထိုအချိန်တွင် ကျီဝူရှားသည် စစ်မှန်သောဇာမဏီမှန်ကြည်ဓားကို ကိုင်ဆောင်ကာ ဖုန်းအောက်ထျန်း၏ နောက်ကျောကို ခုတ်ထစ်ကာ ဖုန်းအောက်ထျန်း၏ သွေးများ ဆူပွက်လာ​စေသည်။ ဖုန်းအောက်ထျန်းသည် ဖုန်းထျန်းယွမ်၏အာကာပြင်ဖြိုခွဲတူအောက်သို့ တစ်ဖန်ပြန်​ရောက်သွားသည်။

အုန်း..

 ဖုန်းထျန်းယွမ်၏ အာကာပြင်ဖြိုခွဲတူသည် သူ့ခေါင်းပေါ်သို့ တည့်တည့် တိုးဝင်သွားပြီး ဖုန်းအောက်ထျန်း၏ ဦးခေါင်းကို အချင်းများ ကွဲထွက်သွား​စေသည်။ သူ၏အလောင်းကို မြေပြင်ပေါ်တွင် ထပ်မံရိုက်ချိုးလိုက်သဖြင့် မြေပြင်သည် တုန်ခါသွားပြီး ဖုန်မှုန့်များသည် ကောင်းကင်သို့ မီတာရာနှင့်ချီ၍ လွင့်သွားခဲ့သည်။

 ခဏအကြာတွင် မြေပြင်က ပေါက်ကွဲသွားသည်။ ဖုန်းအောက်ထျန်းသည် မြေပြင်မှ ခုန်တက်သွားသော်လည်း သတိမလွတ်ဝံ့ပဲ ၎င်းတို့ သုံးဦးကို ရှောင်ရှားခဲ့သည်။

 တစ်ခုခုမှားနေပြီလို့ သူခံစားမိသည်။ ဤနေရာတွင် တည်ဆောက်ထားသည့် အစီအရင်ပုံစံနှစ်မျိုးရှိရုံသာမက မြှင့်တင်မှုနှင့် လျှော့ချအစီအရင်များလည်း ရှိကြောင်း တွေ့ရှိရသည်။

 တစ်ဖက်တွင်၊ တိုးမြှင့်မှုအစီအရင်သည် လီချန်းရှန်နှင့် ကျန်သူများ၏ တိုက်ခိုက်နိုင်စွမ်းကို တိုးမြင့်စေသည်။ အခြားတစ်ဖက်တွင်၊ လျှော့ချရေးအစီအရင်သည် သူ့ကို ဖိနှိပ်ပြီး သူ၏ တိုက်ခိုက်ရေးစွမ်းအားကို လျော့ကျစေသည်။ အဲ့ဒါကြောင့် သူရှုံးနိမ့်ပြီးရင်း ရှုံးနိမ့်​နေခဲ့ရသည်။

 မူလက သူ့ရန်သူမှာ လင်းရှင်းရွှယ် ဖြစ်သည်ဟု သူထင်ခဲ့သည်။ ယခုမူ လင်းရှင်းရွှယ်သည် ငါးစာမျှသာဖြစ်ပုံရသည်။

  သူသည် ဤတစ်ကြိမ်တွင် တွက်ချက်မှု မှားယွင်းခဲ့ပြီး နောက်ကွယ်တွင် ဖုံးကွယ်ထားသော ကြီးမားသော အန္တရာယ်ကို သတိမထားမိခဲ့ပေ။

  လျှို့ဝှက်ရန်သူသည် မည်သူမည်ဝါဖြစ်သည်ကို သူ မသိပေ။

  ဘယ်​အချစ်​ပြိုင်​ဘက်များလဲ။

 ဒါမှမဟုတ် သူ မိသားစုတစ်ခုလုံးကို သတ်ခဲ့တဲ့သူတစ်ယောက်လား။

 သို့သော် ယခုစဉ်းစားရမည့်အချိန် မဟုတ်ပေ။ အရေးကြီးတာက သူ့ရှေ့က ခက်ခဲတဲ့အခြေအနေတွေကို ဘယ်လိုကျော်ဖြတ်နိုင်မလဲဆိုတာကို စဉ်းစားဖို့ပါပဲ။

  သူ၏ ခွန်အားကို ဖိနှိပ်ထားသဖြင့် မြင့်မားသော အဆင့်ရှိသူများကို သူ မတိုက်ခိုက်နိုင်တော့ပေ။ သူသည် ဘုရင်အဆင့်၏ပထမအဆင့်၏ခွန်အားသာကိုထုတ်လွှတ်နိုင်ခဲ့သည်။ ထို့အပြင် ၎င်းတို့ထဲမှ တစ်ဦးသည် သူ့ထက် သန်မာကြောင်း ထင်ရှားသည်။

 ထို့ အပြင် တဖက်သူတွင်လည်း သိုင်းဘုရင်အဆင့် လက်နက်များ ရှိသည်။ တစ်ဖက်သူမှာလည်း အလားတူ ကျင့်ကြံနည်းလမ်းတွေ ရှိတယ်ဆိုတာ သဘာဝကျကျ ပြောပြစရာ​တောင်မလိုပါဘူး။

 ထို့အပြင်၊ သူ၏ သိုင်းဘုရင်အဆင့်​ဆေးလုံး၏ သုံးပုံနှစ်ပုံသည် လွန်သွားခဲ့ပြီဖြစ်သည်။ အချိန်၏ သုံးပုံတစ်ပုံပဲ ကျန်တော့သည်။ တစ်နည်းဆိုရသော် လက်ကျန်အချိန်များ ကုန်လွန်သွားပြီးနောက် သူသေဆုံးသွားသည့်တိုင် ပြန်လည်ရှင်သန်နိုင်မည်မဟုတ်ပေ။ ထိုအချိန်တွင် သူတကယ်သေပေလိမ့်မည်။

 ရှေးဟောင်းကြေးနန်းခန်းမတွင် သိုင်းဘုရင်အဆင့်လက်နက်များစွာ မကျန်တော့ပါ။ အနည်းငယ်သာကျန်တော့သည်။ သိုင်းဘုရင်အဆင့် လက်နက်များကို ဖောက်ခွဲခြင်းအပေါ် ဆက်လက်မှီခိုနေရန်မှာ မဖြစ်နိုင်ပေ။

 ဤတစ်ကြိမ်တွင် သူသည် ကြီးမားသော အကျပ်အတည်းတစ်ခုထဲသို့ ကျရောက်သွားခဲ့ပြီ။

 သူ၏ တစ်ခုတည်းသော မျှော်လင့်ချက်မှာ ရှင်သန်ရန်ဖြစ်ပြီး ၎င်းတို့နှစ်ဦးကို သတ်ရန် ကြိုးပမ်းပြီး အပြင်းအထန် တိုက်ခိုက်ရမည်။ အကယ်၍ ၎င်းသည် တဦးချင်း တိုက်ပွဲဖြစ်ပါက၊ တဖက်သူမှ သိုင်းဘုရင်အဆင့် ဖွဲ့စည်းထားလျှင်ပင် သူကြောက်နေစရာ မလိုပါ။ သူသည် အခြားသော သိုင်းဘုရင်အဆင့် လက်နက်ကို လုံးဝ ဖောက်ခွဲပြီး တဖက်သူကို သတ်နိုင်သည်။

 မည်သို့ပင်ဆိုစေ တဖက်သူတွင် သိုင်းဘုရင်အဆင့် လက်နက်များစွာရှိသည်။ သူသည် သိုင်းဘုရင်အဆင့်လက်နက်များကို ဖျက်ဆီးခဲ့​သော်လည်း တဖက်သူ၏ သိုင်းဘုရင်အဆင့် လက်နက်များကို လုယူနိုင်သရွေ့ သူ့ဆုံးရှုံးမှုကို ပြန်လည်ဖြည့်တင်းရန် လုံလောက်မည်ဖြစ်သည်။

 ပါးစပ်ထဲမှ သွေးများ ထွက်လာပြီးနောက် ဖုန်းအောက်ထျန်း၏ မျက်လုံးများသည် ရုတ်တရက် ရက်စက်မှုများဖြင့်ပြည့်နေသည့်ပုံစံသို့ ပြောင်းလဲသွားသည်။ သူသည် သိုင်းဘုရင်အဆင့်လက်နက်ကို လက်နှစ်ဖက်လုံးတွင် ကိုင်ဆောင်ထားပြီး ၎င်းတို့ သုံးဦးထံသို့ ပြေးဝင်သွားသော အပြာရောင်အလင်းတန်းတစ်ခုအဖြစ် ပြောင်းလဲသွားသည်။

 ဖုန်းထျန်းယွမ်သည် သူ့ဦးလေးမှာ အတုအယောင်မျက်နှာဖုံးအောက်တွင် ရက်စက်ကြမ်းကြုတ်စွာ နေတတ်သည်ကို သဘာဝကျကျ သိသည်။

 သူ့တို့ ညီအကိုတွေကို အသုံးချနိုင်တဲ့သူတွေကို ဆက်ဆံမယ်။ သူ အသုံးမချနိုင်တဲ့သူတွေကိုတော့ ဖိနှိပ်ပြီး လုံးလုံးလျားလျား ချေမှုန်းပစ်ဖို့ အမျိုးမျိုးသော ရက်စက်ကြမ်းကြုတ်တဲ့ နည်းလမ်းတွေကို အသုံးပြုဖို့ တွန့်ဆုတ်နေမည့်သူ မဟုတ်ပါ။

 "သတိထား။ သူက အသေခံ​ဖောက်ခွဲချင်နေတာ၊ သူ့ကို အနားမကပ်စေနဲ့။"

 သူပြောပြီးသည်နှင့် ဖုန်းထျန်းယွမ်သည် ရှေ့သို့ ပထမဆုံး ပျံသန်းသွားခဲ့သည်။ သူက ဖျက်ဆီးလို့မရတဲ့ ရွှေကိုယ်ထည်ကို ခွန်အားအပြည့်နဲ့ အသုံးပြုပြီး ရွှေဘီလူးကြီးက သူ့ခန္ဓာကိုယ်ရဲ့ မျက်နှာပြင်ကို ဖုံးအုပ်ထားသည်။ အာကာပြင်ဖြိုခွဲတူကို လက်ထဲတွင် ကိုင်လျက် ဖုန်းအောက်ထျန်း၏ ဦးခေါင်းဆီသို့ လှမ်းရိုက်လိုက်သည်။

 "အရမ်းနှေးတယ်။"

 ဖုန်းအောက်ထျန်း၏ မျက်လုံးများတွင် အေးစက်သော အရိပ်တစ်ခု လင်းလက်လာသည်။ အတွေးတစ်ခုဖြင့် သူသည် သူ၏ လှုပ်ရှားမှုနည်းပညာကို အသုံးပြုကာ သူ့နေရာမှ ချက်ချင်း ပျောက်ကွယ်သွားခဲ့သည်။ သူပြန်ပေါ်လာသောအခါတွင်၊ ဖုန်းထျန်းယွမ်၏နောက်သို့ သူရောက်ရှိနေပြီဖြစ်သည်။

 "သေစမ်း"

 အေးစက်စက်အော်သံနှင့်အတူ သူသည် သိုင်းဘုရင်အဆင့် လက်နက်ကို လက်နှစ်ဖက်စလုံးဖြင့် ကိုင်ဆောင်ကာ အတူတကွ ခုတ်ထစ်လိုက်သည်။

 သိုင်းဘုရင်အဆင့် လက်နက်ပေါ်ရှိ အလင်းရောင်သည် လူကို ထိတ်လန့်စေသည့် သွေးဆာနေသော အအေးဓာတ်နှင့် ပြည့်နေပါသည်။

 ဖုန်းထျန်းယွမ်မှာ ဒီလှုပ်ရှားမှုကို ခံရလျှင် သူ မသေရင်တောင် ပြင်းထန်စွာ ဒဏ်ရာရသွားလိမ့်မယ် လို့ တွေးကြည့်နိုင်ပါသည်။

  "အရမ်း ဘဝင်မြင့်မနေနဲ့။"

 အရေးကြီးသောအခိုက်အတန့်တွင် ဖီးနစ်ပုံရိပ် ရုတ်တရက် တိုက်ခိုက်လာသည်။

 ကျီဝူရှား၏ ကျင့်ကြံနည်းလမ်းသည် ထက်မြက်မှုနှင့် အရှိန်အဟုန်ကို ဦးတည်သည်။

သူမ၏အရှိန်ဖြင့်၊ သူမသည် ဖုန်းအောက်ထျန်းကို ဦးစွာတိုက်နိုင်သည်။ သာမန်လူတစ်ယောက်ဟာ ရှောင်လွှဲလို့မရနိုင်ဘူးဆိုတာ သေချာပါသည်။

 သို့သော်လည်း ဖုန်းအောက်ထျန်းသည် လုံးဝရှောင်တိမ်းခြင်းမရှိပဲ ကျီဝူရှားကို တိုက်ခိုက်ရန် ခွင့်ပြုခဲ့သည်။

 ဓားအလင်းတန်း ကျိုးကျသွားသည့်အခိုက်တွင်ဖုန်းအောက်ထျန်း၏ လက်တစ်ဖက်သည် တိုက်ရိုက်ကွဲသွားသည်။ သို့သော်လည်း ယခုအချိန်တွင် ဖုန်းအောက်ထျန်း၏ တိုက်ခိုက်မှုသည် ဖုန်းထျန်းယွမ်ပေါ်သို့ ရောက်သွားသည်။

 သိုင်းဘုရင်အဆင့် လက်နက်နှစ်ခု၏ တိုးမြှင့်မှုသည် ဖုန်းထျန်းယွမ်၏ ကျင့်ကြံမှုထက် သာလွန်ခဲ့ပြီး မပျက်စီးနိုင်သော ရွှေကိုယ်ထည်ရှိ အပေါက်ကြီးကို တိုက်ရိုက် ကိုက်ဖြတ်နိုင်စေခဲ့သည်။ ထို့နောက် ဖုန်းထျန်းယွမ်၏ ခန္ဓာကိုယ်ကို ခုတ်ထစ်ကာ မြေကြီးပေါ်သို့ ပစ်ချလိုက်သည်။

 ဖုန်းထျန်းယွမ်တွင် တိုက်ခိုက်မှုကို ခုခံရန် သိုင်းဘုရင်အဆင့်ရှိ လက်နက်တစ်ခု ရှိသော်လည်း တိုက်ခိုက်မှုသည် သူ၏ ကိုယ်တွင်းအင်္ဂါများကို ကွဲကြေစေပြီး ပါးစပ်မှ သွေးများ အန်စေခဲ့သည်။

 တစ်ချိန်တည်းမှာပင် လီချန်းရှန်၏ဓားသည်လည်း ခွန်အားကို စုဆောင်းပြီးသွားလေသည်။ သူသည် ဖုန်းအောက်ထျန်းကို ချက်ချင်းပင် ခုတ်ထစ်ကာ သူ့ခန္ဓာကိုယ်ကို နှစ်ပိုင်းခွဲလိုက်သည်။

 သို့သော် အခြားသူသည် ၎င်း၏ဒဏ်ရာကို လျင်မြန်စွာ ပြုပြင်ပေးနိုင်သော ထိပ်တန်းအဆင့် သိုင်းဘုရင်အဆင့် ဆေးလုံးကို သောက်သုံးထားပြီးဖြစ်ကြောင်း သိရှိသဖြင့် လူတိုင်း သတိမလွတ်ဝံ့ကြဘဲ နောက်ထပ်တိုက်ခိုက်မှုကို ချက်ချင်း စီစဉ်ခဲ့ကြသည်။

 ဖုန်းထျန်းယွမ်သည် သူ့ပါးစပ်ထဲသို့ ဆေးလက်တစ်ဆုပ်စာ ဆေးလုံးများကို တိုက်ရိုက်ထည့်ကာ ဒဏ်ရာများကို ကုသပေးရင်း တိုက်ပွဲတွင် ပြန်လည်ပါဝင်ခဲ့သည်။

 ဖုန်းအောက်ထျန်းသည် ၎င်းတို့ သုံးဦး ထပ်မံတိုက်ခိုက်သောအခါတွင် သူ၏ ခန္ဓာကိုယ်ကို ပြုပြင်မှု ပြီးသွားခဲ့သည်။

 သူတို့ သုံးယောက်၏ ပေါင်းစပ်အင်အားအောက်တွင် ဖုန်းအောက်ထျန်းသည် ကြိမ်ဖန်များစွာ ပြင်းထန်စွာ ဒဏ်ရာရသွားခဲ့သည်။

 သာမာန်လူဆိုရင် သေပြီးသားဖြစ်မှာပါ။ သို့သော် ဖုန်းအောက်ထျန်းသည် သိုင်းဘုရင်အဆင့် ​ဆေးလုံး၏အကျိုးသက်ရောက်မှုဖြင့် အထပ်ထပ်အခါခါ ပြန်လည်ရှင်သန်စေခဲ့သည်။

 ဒီမြင်ကွင်းက ကျူးကောကျီချုံနဲ့ လင်းရှင်းရွှယ်ကို ထိတ်လန့်စေသည်။

 ဒါက ဘယ်လိုမျိုး ပုံမှန်မဟုတ်တဲ့ တိုက်ပွဲမျိုးလဲ။

 တစ်ဖက်တွင်၊ ဖုန်းအောက်ထျန်းသည် မြင့်မားသောအဆင့်ရှိသူများကို တိုက်ခိုက်နိုင်သည်။ သူသည် တစ်ဖက်တွင်မူ မည်ကဲ့သို့ တိုက်ခိုက်ခံရသော်လည်း မ​သေနိုင်ပေ။

 ဒါဟာ အခြေခံအားဖြင့် နတ်ဘုရားတွေကြားက တိုက်ပွဲတစ်ခု မဟုတ်ဘူးလား?

 သို့သော် သူတို့၏တိုက်ခိုက်ရေးစွမ်းအားသည် နတ်ဘုရားကဲ့သို့ ကြောက်စရာမဟုတ်ပေ။

 သို့သော်လည်း သူတို့သည် အခြားသူများ ယှဉ်နိုင်သော လူများ မဟုတ်ကြသေးပေ။

 ရူးလွန်းတယ်။

 ဒါက မြင်းနက်လို့ ခေါ်တာလား။

 ဒါက လုရှောင်ယန်ရဲ့ တပည့်ရဲ့ ခွန်အားပဲလား။

 ယခုအချိန်တွင် လုရှောင်ယန်၏တပည့်ဖြစ်လာသည့် ကျူးကောကျီချုံ သို့မဟုတ် လင်းရှင်းရွှယ် ပင်ဖြစ်ပါစေ၊ သူတို့၏နှလုံးသားထဲတွင် ကျိန်ဆဲရုံမှတစ်ပါး မကူညီနိုင်ပေ။

 "ဘယ်လိုမှ မူမမှန်ဘူး။"

  ခဏအကြာတွင် ကျူးကောကျီချုံသည် တုံ့ပြန်ပုံရပြီး ယွင်လီကောကို ချက်ချင်းကြည့်လိုက်သည်။

 "အကြီးဆုံး အစ်ကိုကြီး၊ မင်းဘာလို့ တိုက်ပွဲမှာ မပါဝင်တာလဲ။"

 ယွင်လီကောက သူမကို မော့ကြည့်ပြီး ပြောသည် ။

 "အကြောင်းပြချက်နှစ်ခု။ ပထမအကြောင်းရင်းက မင်းကိုကာကွယ်ဖို့ လိုအပ်လို့ပါ။"

 "ဒုတိယအကြောင်းပြချက်ကဘာလဲ"

 "ငါက အရမ်းအားနည်းပြီး မပါဝင်နိုင်ဘူး"

 ကျူးကောကျီချုံ : "..."

 တကယ်တော့၊ ယွင်လီကောဟာ သူ့ရဲ့လက်ရှိကျင့်ကြံမှုအဆင့်ဟာ အတော်လေးနိမ့်ပါးတယ်ဆိုတာကိုလည်း ကောင်းကောင်းသိပါတယ်။ သူတက်သွားလျှင် ခွန်အားများစွာ ထုတ်နိုင်မည်မဟုတ်ပေ။ အဲဒီအစား သူ့ညီမညီမငယ်တွေနဲ့ ညီအကိုတွေကို  ​နှောင့်​နှေးစေလိမ့်မည်။

 ယင်းအစား၊ ဤအချိန်၌ တိုက်ပွဲတွင် မပါဝင်ဘဲ ကျင့်ကြံရန်နှင့် နောက်ပိုင်းတွင် သူ၏ ကျင့်ကြံမှုကို တိုးပွားစေမည့် နည်းလမ်းကို စဉ်းစားခြင်းသည် ပိုကောင်းသည်။

 သူသည် လာမည့်တိုက်ပွဲတွင် ပါဝင်ချင်သည်။

 ထို့အပြင်၊ သူ၏ဆရာသည် မြင်းနက်များကို ကိုင်တွယ်ရန်၊ ၎င်းတို့သည် အဓိကအဖွဲ့ကို လိုအပ်ရုံသာမက ပံ့ပိုးကူညီမှုလည်း လိုအပ်သည်ဟုလည်း ပြောခဲ့သည်။

 သူသည် ​ထောက်ပို့ လုပ်ဖို့ ဆုံးဖြတ်ခဲ့သည်။

 ချိုင့်ဝှမ်းတွင် တိုက်ပွဲများ ပိုမိုပြင်းထန်လာသည်။ ဖုန်းအောက်ထျန်းဟာ သူ့ကိုယ်သူ ကုသဖို့ အချိန်တွေ တိုးလာတာကြောင့် သူ့ကို အနည်းငယ် စိတ်ရှုပ်သွားစေသည်။

  သိုင်းဘုရင်အဆင့် ​ဆေးလုံးသည် ရှေးဟောင်းကြေးနီနန်းခန်းမရှိ တစ်ခုတည်းသော သိုင်းဘုရင်အဆင့်ဆေးလုံးမဟုတ်သော်လည်း ၎င်းသည် အပြင်းထန်ဆုံးဖြစ်သည်။

 သိုင်းဘုရင်အဆင့် ဆေးကို သိုင်းဘုရင်အဆင့်ကျွမ်းကျင်သူက သူ့ရဲ့ အနှစ်သာရ၊ စိတ်ဝိညာဉ်၊ ရိုးတွင်းခြင်ဆီနဲ့ သူ့ရဲ့ ဆည်းဆာနှစ်တွေမှာ သေဆုံးချိန်မှာ ကျွမ်းကျင်သူရဲ့ ခန္ဓာကိုယ်တစ်ခုလုံးမှာ ကျန်ရှိနေတဲ့ အစွမ်းထက်တဲ့ အရာတွေကို အသုံးပြုပြီး ဖန်တီးခဲ့တာဖြစ်ပါသည်။

 ၎င်းသည် သိုင်းဘုရင်အဆင့်ကျွမ်းကျင်သူ၏ ဆယ်ပုံတစ်ပုံနီးပါးနှင့် ညီမျှသည်။

 ထို့ကြောင့် လူတို့သည် တစ်နာရီအတွင်း ၎င်းတို့၏ ခန္ဓာကိုယ်ကို အဆက်မပြတ် ကုနိုင်စေခဲ့သည်။

 သို့သော်ငြားလည်း ကန့်သတ်ချက်ရှိသေးသည်။ ဤကန့်သတ်ချက်ကို ကျော်လွန်ပါက၊ တစ်ဦးတစ်ယောက်သည် အကူအညီမဲ့ဖြစ်ဆဲဖြစ်သည်။

 အခြားနည်းလမ်းမရှိခဲ့ပါ။

 ဖုန်းအောက်ထျန်းသည် အံကြိတ်ကာ နောက်ထပ် သိုင်းဘုရင်အဆင့် လက်နက်ကိုသာ ထုတ်နိုင်ခဲ့သည်။

 သူ့လက်ထဲမှ သိုင်းဘုရင်အဆင့် လက်နက်က အဖျက်စွမ်းအားတစ်ခု စတင်ထုတ်လွှတ်လာသည်ကို မြင်လိုက်ရသည်နှင့် ဖုန်းထျန်းယွမ်သည် လီချန်းရှန်နှင့် ကျီဝူရှားတို့ကို သူ့နောက်ကွယ်မှ ချက်ချင်းကာကွယ်ခဲ့ပြီး အလွန်ဖျက်ဆီးနိုင်သော သိုင်းဘုရင်အဆင့်ကို တွန်းလှန်ရန် ခွန်အားရှိသမျှကို အသုံးပြုခဲ့သည်။

  ထိုအချိန်တွင် အကြောင်းတစ်ခုခုကြောင့် ဖုန်းအောက်ထျန်းသည် သူ့ရှေ့တွင် ကြီးမားသော ရွှေမျောက်ဝံကြီး ပေါ်လာသည်ကို မြင်လိုက်ရသည်။

 "ဒီခံစားချက်က..."

***

အပိုင်း ၁၈၉ သူ​ရောက်လာပြီ...

အုန်း..

 နောက်ထပ် ထိတ်လန့်တုန်လှုပ်ဖွယ် ပေါက်ကွဲသံနှင့်အတူ ကောင်းကင်သည် နေ့ခင်းဘက်ကဲ့သို့ အလင်းရောင်ဖြင့် တောက်ပလာပြန်သည်။

 တစ်ညလုံး ဒီ​နေရာသည် အမှောင်လုံးလုံးမကျခဲ့​ပေ။

 သက်ရှိသတ္တဝါအားလုံးသည် ကီလိုမီတာ တစ်ထောင်နီးပါး ဆုတ်ခွာသွားခဲ့ကြသည်။

 ၎င်းတို့သည် ပေါက်ကွဲမှု၏ သက်​ရောက်မှုမှ ဒဏ်ရာမရရှိစေရန် ရှောင်ရှားကြသည်။ ဤအကွာအဝေးတွင် သူတို့သည် သက်​ရောက်မှုလှိုင်းမှ အားနည်းသောလေကိုသာ ခံစားနိုင်ကြသည်။

 သို့သော်လည်း အလင်းရောင်သည် အဆက်မပြတ် မှိန်ဖျော့နေပြီး မရေမတွက်နိုင်သော လူများကို ကြောက်ရွံ့ထိတ်လန့်စေသည်။

 ဤညသည် လူတိုင်း၏စိတ်ထဲတွင် ထာဝရတည်ရှိနေမည့် နက်နဲသောအကျိုးသက်ရောက်မှုကို ချန်ထားခဲ့ပြီးသားဖြစ်ကောင်းဖြစ်မည်။

 ရှေးလူဝံမျိုးနွယ်စု၏ လူအုပ်ကြီးတွင်၊ လှပသောသူအချို့သည် တိုက်ပွဲကို ထိတ်လန့်တကြားကြည့်ရှုနေစဉ် တစ်​ယောက်လက်ကိုတစ်​ယောက်ကိုင်ထားကြသည်။ သူတို့၏မျက်လုံးများသည် စိုးရိမ်ပူပန်မှုများဖြင့် ပြည့်နှက်နေသည်။

 "ရှေ့က တိုက်ပွဲက အရမ်းပြင်းထန်တယ်။ အစ်ကိုအောက်ထျန်း ဘယ်လိုနေလဲ သိချင်လိုက်တာ"

 …

 "စိတ်မပူပါနဲ့ ညီမတို့၊ သူ့မှာ ဘယ်လိုရန်သူရှိပါစေ အစ်ကိုအောက်ထျန်းက သူတို့ကို အနိုင်ယူနိုင်မှာ သေချာပါတယ်။"

 …

 "မှန်ပါတယ်။ ငါတို့အစ်ကိုအောက်ထျန်းက အသန်မာဆုံးပဲ။"

 …

  "ဖြတ်သန်းလာတဲ့တစ်လျှောက်မှာအစ်ကိုအောက်ထျန်းက ငါတို့ကို ဘယ်တော့မှ စိတ်မပျက်​စေခဲ့ဘူး။ အချိန်တိုင်း သူ့ရန်သူတွေကို အနိုင်ယူပြီး ရန်သူတွေရဲ့ သွေးတွေနဲ့ ပြန်လာခဲ့တယ်။ ဒီတစ်ခါတော့ သူက အဲဒီလူတွေကို အနိုင်ယူပြီး အရင်လို ငါတို့ဆီ ပြန်လာလိမ့်မယ်။"

 …

 "ဖုန်းအောက်ထျန်းက ကောင်းကင်ဘုံရဲ့ အရင် မွေးဖွားခဲ့တာ...။ ကောင်းကင်ဘုံကို တိုက်ခိုက်ရင်​တောင်အစ်ကိုအောက်ထျန်းက ရှုံးမှာ မဟုတ်ဖူး။"

 …

 စစ်မြေပြင်တွင် သိုင်းဘုရင်အဆင့်လက်နက်၏ ပေါက်ကွဲသက်ရောက်မှုသည် ပျောက်ကွယ်သွားခဲ့ပြီဖြစ်သည်။ ဤတိုက်ပွဲတွင် ဖုန်းထျန်းယွမ် ဒဏ်ရာအပြင်းအထန်ရခဲ့ပြီး သူ၏ သိုင်းဘုရင်အဆင့်သံချပ်ကာ စုတ်ပြဲသွားခဲ့သည်။

 သူသည် မပျက်စီးနိုင်သော ရွှေကိုယ်ထည်ကို ကျင့်ကြံခဲ့သော်လည်း အတွင်းပိုင်းအားနှင့် အပြင်ပိုင်းအား သန်မာစေသည့် ဤမမြဲသောကိုယ်ခန္ဓာကို ကျင့်ကြံသည့်နည်းပညာသည် ကျန်လှုပ်ခတ်မှုများကို ခံနိုင်ရည်မရှိသေးပေ။ ရင်ဘတ်ပေါ်ရှိ အသားများ ကွဲအက်သွားကာ နံရိုးခြောက်ခု ကျိုးသွားခဲ့သည်။ နှလုံး ခုန်​နေပုံကိုပင် ယောင်ဝါးဝါးမြင်နိုင်သည်။

 သို့သော် ဤအရာသည် အရေးကြီးဆုံးမဟုတ်ပါ။ အရေးအကြီးဆုံးအချက်မှာ သိုင်းဘုရင်အဆင့် လက်နက်ပေါက်ကွဲမှုကြောင့် သူ၏ဝါးဦးထုပ်နှင့် မျက်နှာဖုံးကို ဖျက်ဆီးခဲ့ပြီး သူ၏အသွင်အပြင်ကို လုံးဝထင်ရှားစေခဲ့သည်။

 ဖုန်းထျန်းယွမ်၏ မျက်နှာကိုမြင်လိုက်ရတော့ ဖုန်းအောက်ထျန်းရဲ့အမူအရာက လုံးဝကို မှုန်မှိုင်းနေသည်။

 "ဘယ်သူက ရူး​နေလို့ ငါ့ကို တိုက်ခိုက်လဲဆိုတာ ငါသိချင်နေခဲ့တာ..။ မင်းဖြစ်မယ်လို့ ငါမမျှော်လင့်ထားဘူး။"

 ဖုန်းထျန်းယွမ်သည် လက်တစ်ဆုပ်စာ ဆေးလုံးများကို ပါးစပ်ထဲသို့ထည့်ရင်း ​မောဟိုက်နေသည်။

 "ဖုန်းအောက်ထျန်း၊ မင်း ငါ့မိဘတွေကိုသတ်ပြီး ငါ့ရှေးလူဝံအနွယ်ကို ခိုးတယ်။ ဒီနေ့ မင်းကိုသတ်ပြီး ငါ့မိဘတွေအတွက် လက်စားချေမယ်။"

 "ဟာဟားဟား...သူတို့က ငါသတ်ပစ်ဖို့ ထိုက်တန်ပါတယ်။ ရှေးလူဝံမျိုးနွယ်က ငါ့ကို စွန့်လွှတ်ပြီး တောထဲမှာ ဝံပုလွေတွေနဲ့ ယှဉ်ပြိုင်ပြီး ဒုက္ခခံ​စေခဲ့တယ်​လေ..။"

 "ဗရမ်းပတာ​တွေ ရှေးလူဝံမျိုးနွယ်ရဲ့ အကြီးအကဲတွေက မင်းကို စွန့်ပစ်ဖို့ ဆုံးဖြတ်လိုက်တာ...။ ဒါက ငါ့အဖေနဲ့ ဘာဆိုင်လို့လဲ။"

 “ဘာလို့မဆိုင်ရမှာလဲ၊ သူက ငါ့ကြောင့် ရှေးမျောက်နွယ်ရဲ့ အကြီးအကဲ ဖြစ်လာခဲ့တာ အသိသာကြီးပဲ။ 

ငါတို့က တူညီတဲ့ မိဘတွေကနေ မွေးဖွားလာခဲ့တာ ထင်ရှားပါတယ်။ သူက ရှေးလူဝံမျိုးနွယ်ရဲ့ အကြီးအကဲဖြစ်လာပြီး၊ ငါကျစွန့်ပစ်ခံရတယ်။ သူက အကြီးအကဲပဲ ရှေးလူဝံမျိုးနွယ်ရဲ့ အမှားအတွက် ပြစ်တင်ရှုံ့ချခြင်းခံရမယ်။"

 သူစကားပြောပြီးသည်နှင့် လီချန်းရှန်က သူ့ကို ဓားနဲ့ ချက်ချင်းခုတ်ပစ်လိုက်သည်။ ဖုန်းအောက်ထျန်း၏ အံ့သြမှုကို အခွင့်ကောင်းယူပြီး ဖုန်းအောက်ထျန်း၏ ပခုံးနှင့် လက်မောင်းတစ်ဝက်ကို ဖြတ်လိုက်သည်။

 "ညီငယ်၊ မင်း ​လေကုန်ခံစရာ မလိုဘူး။ အောင်နိုင်သူက အမြဲ မှန်တယ်။ အမှားအမှန်ဆိုတာ မရှိဘူး။ အောင်နိုင်သူက အမြဲတမ်း ဖြောင့်မတ်တယ်။ ရှုံးတဲ့သူက အမြဲတမ်း ဆိုးသွမ်းသူဖြစ်လိမ့်မယ်။"

 ဖုန်းအောက်ထျန်းက ရယ်ပြီး သူ့ပခုံးကို ပြန်ကုလိုက်သည်။ သိုင်းဘုရင်အဆင့် လက်နက်နှစ်ခုကို လက်ထဲမှာကိုင်ထားပြီး လေကိုစီးသည်။

 "မှန်ပါတယ်။ အမှားအမှန်ကို ပြောနေစရာ မလိုပါဘူး။ ဒီကမ္ဘာကြီးမှာ တန်ခိုးရှိသူက မှန်မယ် ရှေးလူဝံအနွယ်က တန်ခိုးကြီးတဲ့အတွက် သူတို့က ငါ့ကို စွန့်လွှတ်နိုင်ခဲ့တယ်။ အခု ငါ တန်ခိုးကြီးပြီး ဘယ်သူ့မဆို သတ်နိုင်တယ်၊  မင်းကလည်း ခြွင်းချက်မဟုတ်ဘူး။"

ဖုန်းထျန်းယွမ် သက်ပြင်းချရင်း သူ့မျက်လုံးထဲက အမုန်းတရားတွေက ကြည်လင်ပြတ်သားတဲ့ အလင်းရောင်တစ်ခုအဖြစ် ပြောင်းလဲသွားသည်။ ၎င်းကို အစားထိုးခြင်းသည် အဆုံးမဲ့တိုက်ပွဲ ရည်ရွယ်ချက်ဖြစ်သည်။

 သူတို့မှန်တယ်။

 သမိုင်းကို အောင်နိုင်သူတွေက အမြဲရေးတယ်။

 သူ့အကျီကို ဆုတ်ဖြဲပြီးနောက် ဖုန်းထျန်းယွမ်၏ ခန္ဓာကိုယ်အပေါ်ပိုင်းသည် အဝတ်ဗလာဖြစ်နေသည်။ သူသည် မပျက်စီးနိုင်သော ရွှေရောင်ကိုယ်ထည် ကျင့်ကြံနည်းလမ်းကို အသုံးပြုကာ သူ့ခန္ဓာကိုယ်အနှံ့ ရွှေရောင်စွမ်းအင်ကို အသုံးပြုခဲ့သည်။

 ယခုအချိန်တွင် ကျင့်ကြံနည်းလမ်းကို နားလည်သဘောပေါက်မှုက တစ်လှမ်းချင်းတိုးလာခဲ့သည်။ သူအဆင့်မြင့်သွားပြီ။

 သူသည် တိုက်ပွဲတွင် အရှိန်မြှင့်ခဲ့ပြီး အာကာပြင်ပြိုကွဲခြင်းအဆင့်၏ ပထမအဆင့်သို့ ဖြတ်ကျော်သွားခဲ့သည်။ သူ့ဆရာ တည်ဆောက်ခဲ့သည့် အစီအရင်ဖွဲ့စည်းမှုအကူအညီဖြင့်၊ သူသည် ဘုရင်အဆင့်၏ ပထမအဆင့်နှင့် ယှဉ်နိုင်သော တိုက်ပွဲစွမ်းအားကို ထုတ်လွှတ်နေပြီဖြစ်သည်။

 သူ၏ခန္ဓာကိုယ်တွင် ခရမ်းရောင်မျောက်ဝံသဏ္ဍာန်တစ်ခုလည်း တရားဝင်ဖွဲ့စည်းထားသည်။

 …

 လုရှောင်ယန်သည် မဟာကျိုး၏ နန်းမြို့တော်သို့ ရောက်ရှိနေပြီဖြစ်ပြီး ရုတ်တရက် သူ၏ ကျင့်ကြံမှု များပြားလာသည်ကို ခံစားလိုက်ရသည်။

 မူလက သူသည် အကြီးမြတ်ဆုံးအဆင့်၏ ဒုတိယအဆင့်သို့ တက်လှမ်းခဲ့ပြီး သူ၏ ကျင့်ကြံမှုသည် ဒုတိယအဆင့်၏ ကနဦးအဆင့်တွင်သာ ဖြစ်သည်။ သို့သော်လည်း သူ၏ ကျင့်ကြံမှု တိုးတက်လာပြီး တတိယအဆင့်သို့ ရောက်ရန် ၅၀% သာ ဝေးကွာသည်ဟု သူခံစားခဲ့ရသည်။

 သူ့ရဲ့ ကျင့်ကြံမှုဟာ ဒီတစ်ကြိမ်မှာ အများကြီး မတိုးလာပေမယ့် အကြီးမြတ်ဆုံးအဆင့်မှာ သူ့ရဲ့ လက်ရှိအင်အားနဲ့ တိုးလာတာကကို မဆိုးပါဘူး။

 ဘာပဲ​ပြော​ပြော ကျင့်ကြံမှုမြင့်​လေ​လေ တိုးတက်မှု​နှေး​လေ​လေပင်။

 ထို့အပြင် လုရှောင်ယန် အံ့အားသင့်သည်မှာ နောက်ထပ် ခရမ်းရောင်ရှေးဟောင်းမျောက်ဝံသဏ္ဍာန်သည် သူ၏ ခန္ဓာကိုယ်ထဲတွင် ပေါ်လာသည်။

 ဆိုလိုတာက ဖုန်းထျန်းယွမ်ရဲ့ ခန္ဓာကိုယ်ထဲက ဝိညာဉ်ဟာ အပြည့်အဝ ဖြစ်ပေါ်လာသည်။

 "ဒီကောင် ဘာဖြစ်နေတာလဲ၊ သူက တိုက်ပွဲမှာ အဆင့်တက်သွားတာလား။"

 လုရှောင်ယန် မျက်မှောင်ကြုတ်မိသည်။

 တိုက်ပွဲမှာ သူတို့ ဖြတ်ကျော်ဖို့ဆိုတာ မဖြစ်နိုင်တာမဟုတ်ပါဘူး။ နောက်ဆုံးတော့၊ မြင်းနက်တွေ ဒါမှမဟုတ် မြင်းနက် တွေရဲ့ပြိုင်ဘက်​တွေက ၊ သူတို့ရဲ့ အရည်အချင်းက အလွန်အစွမ်းထက်သည်။ တိုက်ပွဲမှာ ဖြတ်ကျော်နိုင်ခြေက သာမန်လူတွေထက် ပိုများသည်။

 သို့သော်လည်း အကြောင်းတစ်ခုခုကြောင့် လုရှောင်ယန်သည် ထူးထူးခြားခြားခံစားမိသည်။

 ဒါက သူ့ကို အရမ်းထူးဆန်းစေသည်။ အကြောင်းမှာ ဖုန်းထျန်းယွမ်သည် တိုးတက်ကောင်းမွန်လာသောကြောင့် တိုက်ပွဲတွင် ရှင်သန်နိုင်ခြေလည်း ပိုများသင့်သည်။

 သူ မသက်မသာခံစားရသည်မှာ၊ သူ၏အကြီးဆုံးတပည့်ဖြစ်သူ ယွင်လီကော၏ အကိုကြီးနေရာသည် အန္တရာယ်ကျရောက်နေပြီဟု ခံစားမိသောကြောင့်ဖြစ်နိုင်သည်။

  သို့သော် မေ့လိုက်ပါ။ ယခုအချိန်တွင် သူသည် နန်းမြို့တော်သို့ ရောက်ရှိနေပြီဖြစ်သည်။  သူ့ဆီ အလျင်စလို ပြန်ဖို့ အရမ်းနောက်ကျနေပြီ။ ကျီဝူရှန်ကို အရင်ကယ်သင့်သည်။

 ဒါကိုတွေးပြီး လုရှောင်ယန်ဟာ သူ့အရှိန်ကို မြှင့်တင်လိုက်ပြီး နန်းမြို့တော်ကို ချက်ချင်းသွားလိုက်သည်။

 ခရမ်းရောင် ငြိမ်းချမ်းရေးတော်ဝင်နန်းတော်တွင် တိုက်ပွဲသည် အဆုံးသို့ ရောက်နေပြီဖြစ်သည်။

 အုန်း~~

 တုန်လှုပ်ချောက်ချားဖွယ် ပေါက်ကွဲသံနှင့်အတူ လုရှောင်ယန် တပ်ဆင်ထားသော ကြီးကျယ်ခမ်းနားသော အခင်းအကျင်းအထက် ကွက်လပ်ရှိ နေရာလွတ်အတားအဆီးကို တော်ဝင်အကြီးအကဲမှူး၊ ကျီရှန်းရုန်က ဖြိုချလိုက်သည်။

 လုရှောင်ယန်၏ အစီအရင် ဖွဲ့စည်းခြင်းကို မဟာကျိုး နန်းမြို့တော်၏ အစီအရင် ဖွဲ့စည်းမှုအောက်တွင် တည်ထောင်ခဲ့သည်။ သူသည် လုရှောင်ယန်၏ သိုင်းဘုရင်အဆင့်အစီအရင်ကို ဖျက်ဆီးပါက၊ သူသည် နန်းမြို့​တော်၏ အစီအရင်ကို သေချာပေါက် ဖျက်ဆီးပစ်မည်ဖြစ်သည်။

 ကျီဝူရှန်ကို သတ်ချင်ပေမယ့်လည်း ဒီလိုမျိုး ​တော့ မလုပ်နိုင်ဘူး။

 သို့သော်၊ ဤအရာသည် တဖက်သူမှ ကျီဝူရှန်ကိုသတ်ခြင်းမှ ရပ်တန့်ရန် မလုံလောက်ပါ။

 သူ၏ သိုင်းဘုရင်အဆင့် ကျင့်ကြံမှုနှင့် သိုင်းဘုရင်အဆင့် ​လက်နက်၏အကူအညီဖြင့် အစီအရင်ဖွဲ့စည်းမှုကို မဖျက်ဆီးနိုင်သော်လည်း၊ သူသည် အကြီးမြတ်ဆုံးအဆင့် ကျွမ်းကျင်သူနှင့် ယှဉ်နိုင်သော ပြင်းထန်သောတိုက်ခိုက်မှုကို ထုတ်ဖော်နိုင်သေးသည်။

 ​လေထုကို ဖောက်ထွင်းဝင်ရောက်ခြင်းဖြင့်၊ သူသည် အစီအရင် ဖွဲ့စည်းခြင်းကို ရှောင်ရှားနိုင်ပြီး ကျီဝူရှန် ရှေ့သို့ ရောက်ရှိသွားနိုင်သည်။

 "ပြီးသွားပါပြီ။"

 ဘုရင်ကျီနဉ်၏ အမူအရာမှာ သိသိသာသာ ပြောင်းလဲသွားသည်။ သူ့သားကို ချက်ချင်း ဖမ်းပြီး ပြေးချင်သည်။ ကံမကောင်းစွာပဲ၊ ကျီရှန်းရုန်က သူ့ကို ဒီအခွင့်အရေးကို ဘယ်လိုပေးနိုင်မှာလဲ။

  "မင်း လွတ်မြောက်နိုင်မယ် ထင်လား။"

  သူ၏အကြည့် တစ်ချက်ဖြင့် ဘုရင်ကျီနဉ်ကို မလှုပ်ရှားနိုင်​အောင် တိုက်ရိုက်ဖိနှိပ်လိုက်သည်။

  ဘုရင်အဆင့် ကျွမ်းကျင်သူနှင့် ဧကရာဇ်အဆင့် ကျွမ်းကျင်သူကြား ကွာခြားချက်မှာ ထူးထူးခြားခြားဖြစ်သည်။ 

 ထို့အပြင် ဘုရင်ကျီနဉ်သည် သူ့ထက် အားကောင်းသော ရန်သူကို တိုက်ခိုက်နိုင်စွမ်းမရှိပေ။ သူသည် သာမန် ဘုရင်အဆင့် ကျွမ်းကျင်သူ တစ်ဦးသာ ဖြစ်သောကြောင့် သူ မည်သို့ ခုခံနိုင်မည်နည်း။

 ကျီရှန်းရုန်သည် ဓားနှင့် ရှေ့ကို တိုးလာပြီး ပါးစပ်ထောင့်က ကွေးနေသည်။

 "ကံမကောင်းစွာနဲ့၊ မဟာကျိုး ရာဇပလ္လင်ကို ငါ့ သွေးရင်းသားရင်း​တွေကပဲ အမွေဆက်ခံရ​တော့မယ်။"

 သူစကားပြောပြီးသည်နှင့် သူသည် သိုင်းဘုရင်အဆင့် လက်နက်ကို သူ့လက်ထဲတွင် တိုက်ရိုက်မြှောက်ကာ လွှဲချလိုက်သည်။

 ဤဓားသွားလှုပ်ရှားမှုသည် ရှုပ်ထွေးခြင်းမရှိသလို ဝိညာဉ်စွမ်းအင်များစွာလည်း မပါဝင်ခဲ့ပေ။ ဒါဟာ အလွန်ရိုးရှင်းတဲ့ ဓားသွားလှုပ်ရှားမှုတစ်ခုပါပဲ။

 သို့သော် လုံလောက်ပါသည်။

 ကျီဝူရှန် သို့မဟုတ် ဘုရင်ကျီနဉ် ဖြစ်ပါစေ၊ ဤတိုက်ခိုက်မှုကို ခုခံရန် ၎င်းတို့အတွက် မဖြစ်နိုင်ပေ။

 သားအဖနှစ်ယောက် ဆုံးပါးသွား၍ သူ အနှစ်တစ်ထောင် ထောင်ကျရင်တောင် ထိုက်တန်ပါသည်။

 ဘုရင်​ဟောင်းကြီး၏ မျက်လုံးများ ပြူးကျယ်သွားသည်။

 "ကျီရှန်းရုန်၊ မင်း သူတို့ကိုသတ်ရင် ငါသေရင်တောင် မင်းရဲ့သွေးသားအားလုံးကို ငါသတ်ပစ်မယ်။"

 ကျီရှန်းရုန်သည် လှည့်တောင်မကြည့်ဘဲ လွန်စွာအထင်အမြင်​သေးစွာဖြင့် ပြုံးလိုက်သည်။

 ငါ့သွေးသားကို သတ်မှာလား။

 မင်းက​လေ...

 ထို့နောက် သူ၏ဓားသည် လဲကျသွားသည်။

 ကြီးမားသော တွန်းအားတစ်ခု ကျဆင်းသွားသည်။

ဤအခိုက်တွင်၊ ကျီရှန်းရုန်၏ မျက်မှာ​ပေါ်ရှိ ဘဝင်မြင့်မှုသည် ဘုရင်ကျီနဉ်၏ မျက်နှာပေါ်ရှိ စိတ်ပျက်အားငယ်မှုနှင့် သိသိသာသာ ကွဲပြားသည်။

 သို့သော် ဤအရေးကြီးသောအခိုက်အတန့်တွင်၊ အလွန်အကျွမ်းတဝင်မရှိသော အေးစက်သောအသံတစ်ခုသည် ကျီရှန်းရုန်၏နားထဲတွင် ရုတ်တရက်ထွက်ပေါ်လာသည်။

 "ရှေးဟောင်းဧကရာဇ်လက်သီး၊ မဟာယနဓားတာအို၊ အလင်းတန်းတစ်သောင်းလက်သီး၊…"

 သူ မတုံ့ပြန်နိုင်ခင်မှာ ပြင်းထန်လွန်းတဲ့ စွမ်းအားတစ်ခုက သူ့ကို အလျင်အမြန် ဖုံးအုပ်ထားတာကြောင့် လုံးဝမခုခံနိုင်ခဲ့ပါ။

  ထိုအချိန်တွင် သူ့ဘဝတွင် ပထမဆုံးအကြိမ်အဖြစ် စိတ်ပျက်အားငယ်မှု ခံစားခဲ့ရသည်။

 သူ့အသက်အန္တရာယ်ကို ခြိမ်းခြောက်နေသလို ခံစားရသည်။

 ​နောက်​တစ်​စက္ကန့်​တွင်​ သူ့အသိစိတ်​သည်​ အ​မှောင်​ကျသွားသည်​။

 အုန်း..

 မြေပြင်ပေါ်တွင် ထိတ်လန့်တုန်လှုပ်ဖွယ်အလင်းရောင်တစ်ခု လင်းထိန်သွားသော်လည်း ၎င်းကို သိုင်းဘုရင်အဆင့်အစီအရင်ဖြင့် ဖုံးအုပ်ထားကာ မပျံ့နှံ့နိုင်ပေ။ ပတ်ဝန်းကျင်မှာ ဘယ်သူမှ သတိမထားမိ​ပေ။

 တိုက်ခိုက်မှုသည် ကျီဝူရှန်နှင့် ဘုရင်ကျီနဉ်တို့လည်း ပါဝင်ခဲ့သည်။

 သို့သော်လည်း သူတို့မထိခိုက်မီ အခိုက်အတန့်တွင် အင်အားတစ်ခုက အချိန်မီတုံ့ပြန်ခဲ့ပြီး ၎င်းတို့ကို တိုက်ခိုက်ခြင်းမှ ဖယ်ထုတ်ခဲ့သည်။

 "ဟား၊ နောက်ဆုံးတော့ ငါရောက်ပြီ။"

 လုရှောင်ယန် သက်ပြင်းတစ်ချက်ချလိုက်သည်။

 " အကြီးအကဲက အချိန်မီ လုပ်နိုင်မယ်ဆိုတာ ငါသိတယ်။"

 "အဲဒီလိုအချိန်မျိုးမှာ မင်းဘယ်လိုရယ်နိုင်တာတုန်း၊ ငါတစ်လှမ်းနောက်ကျရင် မင်းပြာဖြစ်သွားလိမ့်မယ်၊ အဲ့ခါကျ ငါက သေမျိုးကမ္ဘာကို ဆင်းသက်လာတဲ့ မသေမျိုးဆိုရင်တောင် ကယ်နိုင်မှာမဟုတ်​တော့ဘူး။  "

 ထို့နောက် လုရှောင်ယန်သည် ကျီဝူရှန်၏ဒဏ်ရာများကိုပြုပြင်ရန်အတွက် အဇူရာသက်ရှည်အနုပညာကို ချက်ချင်းအသုံးပြုခဲ့သည်။

 အလင်းရောင်သည် အခြားသူများကို လင်းလက်စေပြီး ဘုရင်ဟောင်းအပါအဝင် အခြားသူတို့၏ ဒဏ်ရာများမှ အမြန်ပြန်ကောင်းလာစေသည်။

 သို့သော် ယခုအချိန်တွင် ဘုရင်​ဟောင်းသည် သိသိသာသာ အံသြသွားလေသည်။

 ဘုရင်ကျီနဉ်က ငြိမ်ငြိမ်လေးနေ​နေသည်။ ကျီဝူရှန်သည် လုရှောင်ယန်အကြောင်းကို ယခင်က ပြောခဲ့ဖူးသောကြောင့် သူ အတိုင်းအတာတစ်ခုအထိ စိတ်ပိုင်းဆိုင်ရာ ပြင်ဆင်ထားပြီးဖြစ်သည်။ သူ ထိတ်လန့်နေသေးသော်လည်း သူ့အဖေလောက် မတုန်လှုပ်​ပေ။

 ဤသည်မှာ ဘုရင်ဟောင်းသည် လုရှောင်ယန် မည်မျှထိတ်လန့်စရာကောင်းသည်ကို ပထမဆုံးအကြိမ် မြင်ဖူးခြင်းဖြစ်သည်။

 အဲဒါက ဧကရာဇ်အဆင့် ကျွမ်းကျင်သူတစ်ယောက်ပါ။

 ဧကရာဇ်အဆင့်လေ။

 ထို ဧကရာဇ်အဆင့်ကျွမ်းကျင်သူကို တုံ့ပြန်ရန်အခွင့်အရေးပင်မရှိပဲ ဖုန်မှုန့်အဖြစ်သို့ တိုက်ရိုက်​ရောက်​စေခဲ့သည်လား။

 အမှားတစ်ခုရှိပါသလား။

 ဒါ့အပြင် သူ၏ဒဏ်ရာက ချက်ချင်းသက်သာလာခဲ့ပါသည်။

 သူသည် ဘုရင်အဆင့် ကျွမ်းကျင်သူတစ်ဦးဖြစ်ကြောင်း သိထားရမည်ဖြစ်သည်။ ထိုကဲ့သို့ ပြင်းထန်သော ဒဏ်ရာကို ခံစားရပြီးနောက် အဖိုးတန် အရင်းအနှီးပမာဏနှင့် ကာလကြာရှည်စွာ ပြန်လည် ထူထောင်ရေး မရှိဘဲ ပြန်ကောင်းလာရန် မဖြစ်နိုင်ပေ။

 သို့သော် ယခုတော့ သူသည် ဦးခေါင်းမှ ခြေဖျားအထိ အဆုံးမရှိ ခွန်အားကို အမှန်တကယ် ရရှိနေပြီဖြစ်သည်။ သူ့အဝတ်အစားတွေ စုတ်ပြဲပြီး လေအေးကြောင့် ဘောင်းဘီ လွင့်သွားတာကလွဲလို့ သူ့မှာ ဒဏ်ရာ လုံးဝမရှိခဲ့ပုံရသည်…

***

အပိုင်း ၁၉၀ မဟာကျိုး၏ အထိတ်တလန့်..

"ဖေဖေ၊ အဆင်ပြေရဲ့လား။"

 ဘုရင်ကျီနဉ်သည် လျင်မြန်စွာ တုံ့ပြန်ပြီး သူ့အဖေကို ရှာရန် ချက်ချင်း ပြေးသွားခဲ့သည်။

 ဘုရင်​ဟောင်းကြီးသည် ခေါင်းယမ်းသည်။

 "ငါ အခုအဆင်​ပြေနေပြီ၊ ဘာဒဏ်ရာမှ မရှိဘူး။"

 ထိုစကားနှင့်အတူ သူသည် ရှေ့သို့လှမ်းကာ အရိုအ​သေ​ပေးကာ လုရှောင်ယန်ကို ဦးညွှတ်လိုက်သည်။

  "ငါတို့ ခရမ်းရောင်ငြိမ်းချမ်းရေးတော်ဝင်နန်းတော်ကို ကူညီပေးသည့်အတွက် ကျေးဇူးတင်ပါတယ် အကြီးအကဲ။"

 လုရှောင်ယန်က သူ့လက်ကို ဝှေ့ယမ်းလိုက်သည်။

 "ကိစ္စမရှိပါဘူး။ ခရမ်းရောင်ငြိမ်းချမ်းရေး တော်ဝင်နန်းတော်နဲ့လည်း ပူးပေါင်းဆောင်ရွက်ဖို့ လုပ်နေတာပဲကို..။"

 ဘုရင်​ဟောင်းကြီး၏ မျက်လုံးများသည် ရှုပ်ထွေးသောအမူအရာတစ်ခုကို ဖော်ထုတ်ပြသလိုက်သည်။

 "အစက၊ ဝူရှန်နဲ့ ဝူရှားတို့ဟာ သူတို့ရဲ့ ကျင့်ကြံမှု ဘာလို့ ရုတ်တရက် တိုးလာလဲဆိုတာကို တွေးနေမိတယ်။ အခု အကြီးအကဲရဲ့ ကျေးဇူးကြောင့် ဖြစ်​ကြောင်းသိရပြီ။ မင်းရဲ့ ကျေးဇူးကို ပြန်ဆပ်ဖို့ ခက်ပါတယ်။"

 "အဲဒီ အသုံးမကျတဲ့အရာတွေအကြောင်း မပြောပါရစေနဲ့။ လက်တွေ့ကျတဲ့အကြောင်း ပြောကြရအောင်။ ကျီဝူရှန် နန်းတက်ဖို့ ဘယ်လောက်လို​သေးလဲ။"

 "ဒီ…"

 ဘုရင်ကြီးသည် လုရှောင်ယန်သည် ဤမျှ ရိုးစင်းသည်ဟု မမျှော်လင့်ခဲ့ပေ။

 "သီအိုရီအရ၊ ဝူရှန်က နန်းတက်ရန်အတွက် မနက်ဖြန်ကို ကျီထျန်းမင်ကိုအနိုင်ယူရန်သာလိုတယ်။ မဟာကျိုး နန်းမြို့​တော်ရဲ့ စည်းမျဉ်းအရ၊ သူက အာကာပြင်ပြိုကွဲခြင်းအဆင့်ထိ ကျင့်ကြံပြီးရင်၊ သူက သဘာဝအတိုင်း ထီးနန်းကို အောင်မြင်စွာယူနိုင်မယ်။ ဧကရာဇ်မိသားစုရဲ့ အရင်းအမြစ်​တွေကို လက်ခံရယူပြီးနောက် ဧကရာဇ်အဆင့်ကို ကျင့်ကြံနိုင်လိမ့်မယ်။"

 " ဒါ​ပေမယ့် အခုပြဿနာတစ်ခုရှိတယ်။ မင်းက တော်ဝင်အကြီးအကဲမှူးကို သတ်လိုက်တာပဲ။ မနက်ဖြန်မှာ ကြီးမားတဲ့ ရုန်းရင်းဆန်ခတ်ဖြစ်မယ်လို့ ငါထင်တယ်။”

 လုရှောင်ယန်သည် မျက်ခုံးမွှေးများကို ပွတ်သပ်ပြီး လေးနက်သော အမူအရာဖြင့် ပြောသည်။

 "မဟာကျိုး ဥပဒေအရ၊ ဒီလူအိုကြီးက ကျီဝူရှန်ကို သတ်ဖို့ လာပြီး ဥပဒေကို ချိုးဖောက်ခဲ့တာ မဟုတ်ဘူးလား။ တော်ဝင်မိသားစုရဲ့ နောက်ကွယ်က အကြီးအကဲ အုပ်စုက လက်ပိုက်ကြည့်မ​နေသင့်ဘူး မဟုတ်လား။"

 ဘုရင်ကြီးသည် ရယ်ရမည်လား ငိုရမည်လား မသိ​ပေ။

 " အကြီးအကဲလု ၊ ဝူရှန်ဟာ ​​ဧကရာဇ်​နေ​နေသာသာ အိမ်ရှေ့မင်းသား​တောင် မဟုတ်သေးပါဘူး ၊ သူက သာမာန်နန်းတော်ရဲ့ အမွေဆက်ခံသူမျှသာဖြစ်ပါတယ်။ တော်ဝင်အကြီးအကဲမှူးကတော့ တကယ့်ဧကရာဇ်အဆင့် ကျွမ်းကျင်ပညာရှင်ကိုမှ ပြီးပြည့်စုံ​သောအဆင့်​ရောက်​နေပါပြီ။"

 "အစီအရင်ကြောင့် သူ သေဆုံးတဲ့သတင်း မပြန့်ပွား​သေးတာပါ။ ဒါ​ပေမယ့် အစီအရင်ပိတ်သွားရင် မဟာကျိုး အင်ပါယာက သူအသတ်ခံရကြောင်း သိသွားလိမ့်မယ်။"

 "အဲ့တာဆို သူတို့ အပြစ်​ပေးချင်ရင် အခြား​ တော်ဝင်နန်းတော်​တွေရဲ့ အကြီးအကဲ​တွေကို စည်းရုံးလိုရင်​တောင် ဝူရှန် ထီးနန်းကို မရယူနိုင်ပါဘူး။"

 "ပြီးပြည့်စုံတဲ့အဆင့် ဧကရာဇ်အဆင့် ကျွမ်းကျင်ပညာရှင်က ဘယ်​လောက်တန်ဖိုးရှိလဲကို သိထားရမယ်။”

 လုရှောင်ယန်တစ်ယောက် ခေါင်းကိုက်သွားတော့သည်။

 ဘုရင်​ဟောင်းကြီးပြောတာ မှန်သည်။ ဤကိစ္စအားလုံးသည် ကျီရှန်းရုန်၏အမှားပင်ဖြစ်သော်လည်း၊ သူသည် ဂုဏ်သိက္ခာရှိသော ဧကရာဇ်အဆင့် ကျွမ်းကျင်သူဖြစ်နေဆဲဖြစ်သည်။

 ထိုကဲ့သို့သော ကျွမ်းကျင်သူသည် မဟာကျိုး အင်ပါယာအတွက် အလွန်ရှားပါးသော တိုက်ခိုက်ရေးအင်အားလည်းဖြစ်သည်။

 ကျီဝူရှန်သည် အခုချိန်တွင် အရည်အချင်းကောင်းရှိပုံပေါ်သည့် ကောင်လေးတစ်ယောက်သာ ဖြစ်သည်။ သူသည် အနာဂတ်တွင် အဆင့်မြင့်ဧကရာဇ်အဆင့် ကျွမ်းကျင်သူဖြစ်လာနိုင်ချေ ရှိမရှိကို မသိရသေးပေ။

 အကယ်၍ သူသည် ဧကရာဇ်မိသားစုကို ဆုံးရှုံးခြင်းအတွက် ဖြည့်ဆည်းရန် နည်းလမ်းရှာနိုင်လျှင် ကျီဝူရှန်၏ ဧကရာဇ်ထီးနန်းအစီအစဉ်သည် ချောမွေ့နေမည်ဟု အာမခံနိုင်ပါမည်လား။

 ထိုအချိန်တွင် လုရှောင်ယန်၏ မျက်လုံးများသည် ဘုရင်ဟောင်းနှင့် ဘုရင်ကျီနဉ်ထံ ရုတ်တရက် ရောက်သွားလေသည်။

 ဤအခိုက်အတန့်တွင် သူသည် ရုတ်တရက် မျက်လုံး​မှေးလိုက်သည်။

 အခွင့်အလမ်းက ရှိ​နေပြီးသား မဟုတ်ဘူးလား?

 "တကယ်လို့ ငါသာ ဧကရာဇ်အဆင့် ကျွမ်းကျင်သူနဲ့ ဧကရာဇ်အဆင့်က အစောပိုင်းအဆင့် ကျွမ်းကျင်သူကို အချိန်တိုအတွင်းမှာပဲ ငါဖန်တီးခဲ့မယ်ဆိုရင်၊ မဟာကျိုးအတွက် ခရမ်းရောင်ငြိမ်းချမ်းရေး တော်ဝင်နန်းတော်က တာဝန်ခံဖို့ မလိုဘူးမဟုတ်လား။"

 "အမ်"

 ဘုရင်ဟောင်းနှင့် ကျီနဉ် တို့ နှစ်ယောက်လုံး ပဟေဠိဖြစ်ခဲ့ကြသည်။

 ဧကရာဇ်အဆင့် ကျွမ်းကျင်သူနှစ်ဦးကို ဖန်ဆင်းခြင်းသည် မတွေးဝံ့စရာဖြစ်နေပါပြီ။ ထို့အပြင်၊ ၎င်းတို့အနက်မှ တစ်ဦးသည် ဧကရာဇ်အဆင့် ​နှောင်းပိုင်းဟုဆိုလိုသဖြင့် ၎င်းတို့အနက်မှ တစ်ဦးသည် ဧကရာဇ်အဆင့်၏ ပဉ္စမအဆင့်ကို ကျော်ရန် လိုအပ်သည်ဟု ဆိုလိုခြင်းဖြစ်သည်။ ဒါက ဘယ်လိုဖြစ်နိုင်မှာလဲ။

"အကြီးအကဲလု၊ ငါတို့ရဲ့ ကျင့်ကြံမှု အဆင့်နိမ့်ပြီး ငါတို့က အတွေ့အကြုံမရှိပေမယ့် မင်း ငါတို့ကို ဒီလိုလိမ်လို့မရဘူး မဟုတ်လား။"

 "မှန်ပါတယ်။ မင်းဧကရာဇ်အဆင့် ကျွမ်းကျင်သူနှစ်ယောက်ကို ဖန်တီးဖို့ အဆိုပြုနေတာ တကယ်ကို မယုံနိုင်စရာပါပဲ။ နောက်ပြီး သူတို့ထဲက တစ်ယောက်က ဧကရာဇ်အဆင့် ​နှောင်းပိုင်း ကျွမ်းကျင်သူတစ်ယောက်တောင် ဖြစ်ရမယ်။ မင်းဘာလို့ ဧကရာဇ်မိသားစုတစ်ခုလုံးကို ဖျက်ဆီးပစ်တော့မှာလို့ မပြောတာလဲ။  အဲဒါက ပိုယုံနိုင်စရာလို့ ထင်တယ်။"

 ဘုရင်ကျီနဉ်က နောက်နေတာမဟုတ်ပေ။

 လုရှောင်ယန်၏ ကျင့်ကြံမှုသည် အလွန်အစွမ်းထက်ကြောင်း သူသိသောကြောင့်ဖြစ်သည်။

 ဧကရာဇ်မိသားစုမှ ဧကရာဇ်အဆင့် ကျွမ်းကျင်သူကို သတ်ဖြတ်ခြင်းသည် ပြဿနာမဟုတ်ပါ။ တကယ်တော့ လုရှောင်ယန်ဟာ တော်ဝင်မိသားစုထဲက 'အဲဒီလူကို' တိုက်ခိုက်ဖို့ အရည်အချင်းပြည့်မီမယ်လို့တောင် သူယုံကြည်သည်။

  သို့သော်၊ လုရှောင်ယန်သည် အချိန်တိုတိုအတွင်း ဤကဲ့သို့သော အစွမ်းထက်သော ပညာရှင်နှစ်ဦးကို ဖန်တီးနိုင်မည်ဟု ၎င်းတို့ ဘယ်သောအခါမှ ယုံမည်မဟုတ်ပေ။

 နောက်ဆုံးတွင်၊ ဖျက်စီးခြင်းနှင့် ဖန်ဆင်းခြင်းတို့သည် လုံးဝကွဲပြားသော အယူအဆနှစ်ခုဖြစ်သည်။ သူသည် ကမ္ဘာပေါ်ရှိ ရန်သူအားလုံးကို သတ်နိုင်သည့် သိုင်းဘုရင်အဆင့် ကျွမ်းကျင်သူဖြစ်လျှင်ပင်၊ အလွန်အစွမ်းထက်သော တည်ရှိမှုကို ဖန်တီးနိုင်သည်ဟု သူ မပြောဝံ့ပေ။

 လုရှောင်ယန် ခေါင်းယမ်းလိုက်သည်။

 "မင်းတို့က သိပ်အမြင်ကျဉ်းတာပဲ။"

 သူစကားပြောနေစဉ် လက်ဖဝါးကိုဖွင့်လိုက်ပြီး ဆေးလုံးလေးလုံး ချက်ချင်းပေါ်လာသည်။

 ဆေးလုံးမှ ထုတ်လွှတ်သော ကြောက်မက်ဖွယ် အငွေ့အသက်​ကြောင့် ဘုရင်ကျီနဉ်နှင့် သူ၏အဖေတို့ ချက်ချင်းပင် မျက်လုံးများ ပြူးကျယ်သွားသည်။

 “ဒီ… ဒီ… ဒီရောင်ဝါ၊ ဒါက သိုင်းဘုရင်အဆင့် ဆေးလုံးလား?”

 ဘုရင်ကျီနဉ်က မယုံကြည်နိုင်စွာ ပြောလိုက်သည်။

 ဘုရင်​ဟောင်းကြီးသည် စိတ်လှုပ်ရှားစွာ ခေါင်းညိတ်သည်။

 "မှန်တယ်၊ အဲဒါက သိုင်းဘုရင်အဆင့်ဆေးပဲ။ ငါတို့ရဲ့ မဟာကျိုး ​တော်ဝင်မိသားစုရဲ့ အိမ်ရှေ့မင်းသားတိုင်းဟာ သူတို့ရဲ့ ခွန်အားကို မြှင့်တင်ဖို့အတွက် သိုင်းဘုရင်အဆင့်ဆေးလုံးကို စားပိုင်ခွင့်ရှိတယ်။ မဟာကျိုး ဧကရာဇ်စားခဲ့တဲ့ ဆေးလုံးမှာ  အရင်က ဒီရောင်ဝါရှိခဲ့ဖူးတယ်။ အကြီးအမှူးက လက်ရှိဧကရာဇ်ကို ပေးခဲ့တာကို ကိုယ်တိုင်တွေ့ခဲ့ရတယ်။"

 မဟာကျိုး ​တော်ဝင်မိသားစု အကြီးအကဲအုပ်စု၏အဖွဲ့ဝင်တစ်ဦးအနေဖြင့်၊ သူသည် သိုင်းဘုရင်အဆင့် ဆေးလုံးအချို့ကို အနည်းနှင့်အများတွေ့ဖူးသည်။

 လုရှောင်ယန် ပြုံးပြီး ခေါင်းညိတ်သည်။

 "မှန်ပါတယ်၊ အဲဒါတွေက သိုင်းဘုရင်အဆင့် ဆေးတွေပဲ။ သူတို့ထဲက နှစ်ခုက အဆင့်နိမ့် သိုင်းဘုရင်အဆင့် ​သွေး​ဆေးလုံးတွေပါ။ ကျန်နှစ်ခုကတော့ အလယ်အလတ်တန်းစား သိုင်းဘုရင်အဆင့် ခြင်ဆီ​ဆေးလုံးတွေပါ။ မင်းအဲ့တာ​တွေကို စားပြီး သန့်စင်ရင် မင်းတို့နှစ်ယောက်အတွက် အဆင့်အနည်းငယ်ကို ဖြတ်ကျော်ဖို့ ပြဿနာမဖြစ်သင့်ဘူး။"

 ဂလု~~

 ဒီအချိန်တွင် ဘုရင်ကျီနဉ် မ​ပြောနှင့်။ အတွေ့အကြုံရှိတဲ့ ဘုရင်ကြီးတောင်မှ သူ့တံတွေးကို မျိုချဖို့ မထိန်းနိုင်တော့ဘူး။

 အဲဒါက သိုင်းဘုရင်အဆင့် ​ဆေးပဲ။

 မဟာကျိုး ဧကရာဇ်မိသားစုတွင်ပင်၊ ဧကရာဇ်များသာလျှင် ဤဆေးလုံးကို စားသုံးရန် အရည်အချင်းပြည့်မီသည်။

 သူတို့ဘ၀မှာ အဲဒါကို ထိဖို့ အရည်အချင်းတောင် မရှိသလောက်ပါပဲ။

 နောက်ဆုံးတွင်၊ လုရှောင်ယန်သည် ၎င်းတို့စားရန်အတွက် သိုင်းဘုရင်အဆင့် ဆေးလေးလုံးကို သာမန်ကာလျှံကာထုတ်ယူခဲ့သည်။

 ဒါက သူတို့နှစ်ယောက်ကို မယုံနိုင်အောင် ဖြစ်သွားစေသည်။

 ခဏအကြာတွင် ဘုရင်​ဟောင်းကြီးသည် သံသယစိတ်ဖြင့် "အကြီးအကဲလု၊ မင်းက ငါတို့ကို နောက်ပြောင်နေတာလား။ မင်း ငါတို့ကို ဒီလောက် အဖိုးတန်တဲ့ ပစ္စည်းတစ်ခု ပေးချင်တာလား။"

 "မလိုချင်ဘူးလား ဒါဆို မေ့လိုက်တော့။"

 "ဟင့်အင်း၊ မဟုတ်ဘူး၊ မဟုတ်ဘူး၊ ငါတို့လိုချင်တာတော့ ဟုတ်ပါတယ်။"

 ယခုအချိန်တွင် ဘုရင်ကျီနဉ်နှင့် သူ၏အ​ဖေတို့သည် ၎င်းတို့၏ပုံရိပ်ကို လုံးဝလျစ်လျူရှုထားပြီး ဆေးသောက်ရန် ချက်ခြင်းပြင်ဆင်ခဲ့ကြသည်။

 သို့သော် လုရှောင်ယန်သည် ရုတ်တရက် သူ့လက်သီးများကို တင်းတင်းကြပ်ကြပ်ဆုပ်ထားသည်။ သူတို့မျက်နှာပေါ်ရှိ အပြုံးများသည် ရုတ်တရက် ပျောက်ကွယ်သွားပြီး ထိတ်လန့်စပြုလာသည်။

 လုရှောင်ယန် ​နောင်​တရလို့လား။

 လုရှောင်ယန်သည် သဘာဝအတိုင်း နောင်တရခြင်းမရှိပေ။

 "ကျီဝူရှန် နန်းတက်ပြီးနောက်…"

 နှစ်ယောက်သား ခေတ္တတိတ်ဆိတ်သွားကြသည်။  

ထို့နောက် ဘုရင်​ဟောင်းကြီးသည် လေးနက်သော အမူအရာဖြင့် မိန့်တော်မူ၏။

 "အကြီးအကဲလုက ငါတို့ရဲ့ မဟာကျိုး ​တော်ဝင်မိသားစုကို ပစ်မှတ်မထားသရွေ့ မင်းပြောသမျှကို ငါတို့ နားထောင်မှာပါ။"

 "အဲဒါကောင်းတယ်။"

 လုရှောင်ယန်အတွက် သိုင်းဘုရင်အဆင့် ဆေးဖက်ဝင်ဆေးလုံးသည် ဂေါ်ဖီထုပ်များကဲ့သို့ဖြစ်ပြီး သူလုံးဝဂရုမစိုက်ခဲ့သော်ငြားလည်း ၎င်းသည် သူ့ပစ္စည်း ဖြစ်နေဆဲဖြစ်သည်။

 နောက်ဆုံးတော့ သူ့ပစ္စည်းတွေကို ဘာကြောင့် အလကားပေးရမှာလဲ။

 အနည်းဆုံးတော့ သူတို့ကို တစ်ခုခုနဲ့ လဲလှယ်ရမယ်။

 လုရှောင်ယန်သည် ဘုရင် ကျီနဉ်နှင့် သူ၏အ​ဖေတို့ကို ဂရုမစိုက်ပါ။ သစ္စာရှိမှုသာ အသုံးဝင်သည်။

 ဟုတ်ပါတယ်၊ သူတို့နှစ်ယောက်က သူ့ကို သစ္စာဖောက်မှာကို မကြောက်ဘူး။

 ကျီဝူရှားနှင့် ကျီဝူရှန် နှစ်ယောက်လုံး သူ့လက်ထဲတွင် ရှိသည်။ သူတို့နှစ်ဦးသည် ခရမ်းရောင်ငြိမ်းချမ်းရေး တော်ဝင်နန်းတော်အား ၎င်းတို့၏ အနာဂတ်သွေးကို ဆုံးရှုံးစေလိုခြင်းမရှိပါက ၎င်းတို့သည် မည်သည့်အရာကိုမျှ လုပ်မည်မဟုတ်ပေ။

 ထိုသို့သောရလဒ်ကို မလိုချင်ပါက နာခံမှုရှိဖို့က  အကောင်းဆုံးဖြစ်သည်။

ထို့အပြင် ၎င်းတို့သည် အမှန်တကယ် နာခံမှုမရှိပါက လုရှောင်ယန်သည် စိတ်ပျော့မည်မဟုတ်ပေ။  

 "ဒါပေမယ့်၊ ငါတို့နှစ်ယောက် ခွန်အားတိုးဖို့ သိုင်းဘုရင်အဆင့် ဆေးတွေကို ချက်ခြင်းစုပ်ယူဖို့က လွယ်မှာမဟုတ်ဘူး။"

 "အိုး၊ ဒီအတွက် ရိုးရှင်းတဲ့ အဖြေတစ်ခု ရှိတယ်။"

  လုရှောင်ယန်သည် တောင်နှင့်မြစ် ပန်းချီကို တိုက်ရိုက်ထုတ်ယူခဲ့သည်။

 "မင်းတို့ နှစ်ယောက်က အတွင်းထဲမှာ ကျင့်ကြံလို့ရတယ်။ ဒီလိုမျိုး ကြုံလာရင် ပြိုင်ပွဲက နှောင့်နှေးလိမ့်မယ်လို့ ငါ ခန့်မှန်းရတယ်။ အပြင်မှာ တစ်ရက်က ဒီထဲမှာ ရှစ်ရက်လောက် ရှိတယ်။ တစ်နေ့ဆိုရင် မင်း တို့ ကျင့်ကြံဖို့ လုံလောက်လိမ့်မယ်။"

 သူတို့နှစ်​ယောက် တိတ်ဆိတ်သွားပြန်သည်။

 လုရှောင်ယန်သည် ကံကြမ္မာ၏ ဘုရားသခင်ဖြစ်သည်ဟု အဘယ်ကြောင့် ခံစားရသနည်း။

 သူသည် ရတနာမျိုးစုံကို ထုတ်ယူနိုင်သည်။

 အနည်းဆုံးတော့၊ ဒီတောင်တန်းနဲ့ မြစ်ပန်းချီ၏ အဆင့်က သိုင်းဘုရင်အဆင့် ဖြစ်သင့်တယ်မဟုတ်လား။

 ဒီကောင်က ဒီ​လောက် ချမ်းသာသလား။

 ဤအခိုက်အတန့်တွင် သူတို့ကိုယ်သူတို့ပင် သံသယဝင်လာကြသည်။

 အဲဒါက သူတို့ အတုအယောင် မင်းဆက်ထဲ ရောက်နေသလားလို့ တွေးမိသည်။

  အဘယ်ကြောင့်ဆိုသော် မဟာကျိုးအင်ပါယာသည် လုရှောင်ယန်နှင့် နှိုင်းယှဉ်ပါက အလွန်နိမ့်ကျပုံပေါ်သည်။

 ယခုအချိန်တွင်၊ အစီအရင် ဖွဲ့စည်းခြင်းကို ရုပ်သိမ်းပြီးဖြစ်သည်။ ဤအခိုက်အတန့်တွင် မဟာကျိုးဧကရာဇ်သည် သူ့ခမည်းတော်သည် သူ့အလုပ်ကို  အနည်းနှင့်အများ ပြီးနေပြီဟု တွေးထင်နေပေမည်။

 "ကောင်းပြီ၊ ငါလည်း သွားသင့်ပြီ။ မင်းတို့နှစ်ယောက် မြန်မြန်ထပြီး မင်းရဲ့ ကျင့်ကြံမှုကို တိုးအောင် လုပ်လိုက်။ မဟုတ်ရင် မင်းရဲ့ ခရမ်းရောင် ငြိမ်းချမ်းရေးတော်ဝင်နန်းတော်အတွက် ခက်ခဲ​အောင်လုပ်ခံရတဲ့အခါ မင်းတို့ နှစ်ယောက် တခြားဘာမှလုပ်နိုင်မှာ မဟုတ်ဘူး။  "

 "ဟုတ်တယ်.."

 သူတို့နှစ်ဦးသည် ချက်ခြင်းပင် တောင်တန်းမြစ် ပန်းချီသို့ ဝင်လာကြသည်။ လုရှောင်ယန်အတွက်မူ ကောင်းကင်ဖြိုခွဲလွန်းကို ချက်ချင်းထုတ်ပြီး မဟာကျိုး နန်းမြို့​တော်မှ ထွက်ခွာပြီး ​ကောင်းကင်တိမ်တောင်ဆီသို့ ပျံသန်းသွားခဲ့သည်။

 လုရှောင်ယန်သည် ကောင်းကင်ဖြိုခွဲလွန်းပေါ်မှ ထွက်ခွာသွားသည်ကို မြင်လျှင် ဘုရင်ကျီနဉ်သည် အံ့အားသင့်သွားသည်။

 "ဖေဖေ၊ အကြီးအကဲလု စီးနေတဲ့အရာက သိုင်းဘုရင်အဆင့် လက်နက်တစ်ခု ဖြစ်ပုံရတယ် ဟုတ်တယ်မလား?"

 ဘုရင်ကြီးက ခေါင်းညိတ်သည်။

 "သူဝတ်ထားတဲ့ အတွင်းခံတွေတောင် သိုင်းဘုရင်အဆင့်မှာ ရှိမယ်ထင်တယ်။"

 ဘုရင်ကျီနဉ် :"…"

 ဤနေရာ၌ အချင်းချင်း စ​နောက်နေကြသော သားအဖနှစ်ယောက်နှင့် မတူဘဲ၊ ခရမ်းရောင်ငြိမ်းချမ်းရေး တော်ဝင်နန်းတော် အစီအရင်ကို ဖွင့်လှစ်လိုက်သည့်အခိုက်တွင် မဟာကျိုး နန်းမြို့​တော်၏ ​တော်ဝင်မိသားစု တစ်ခုလုံး ထိတ်လန့်တုန်လှုပ်သွားခဲ့သည်။

 "ဒီသေမင်းရဲ့ အသွင်အပြင်။ ကျီရှန်းရုန်ပဲ၊ ကျီရှန်းရုန် သေသွားပြီ!"

 အကြီးအကဲအများအပြားသည် မဟာကျိုး ဧကရာဇ်မြို့အထက် ကောင်းကင်ယံသို့ ချက်ချင်း ပျံတက်သွားပြီး သူတို့၏ နတ်အာရုံများကို ရှာဖွေရန် စတင်ခဲ့သည်။

 ယခင်ဧကရာဇ်မင်းမြတ် မဟာကျိုး၏ဧကရာဇ်မင်းမြတ်​ဟောင်းသည် အမှန်တကယ်သေဆုံးသွားခဲ့ပြီဖြစ်သည်။

 သိုင်းဘုရင်အဆင့် ဖောက်ခွဲရေးအမြု​တေ​ဆေးလုံးကို နန်းမြို့​တော်ထဲသို့ ပစ်ချလိုက်သလိုပင်။

 ဘုရင်ဟောင်းသည် ဧကရာဇ်နန်းတော်၏ အစီအရင်မှုကို တိုက်ရိုက်ဖွင့်ကာ လူတိုင်း၏ နတ် အာရုံကို ပိတ်ဆို့ခဲ့သည်။

 ခရမ်းရောင်ငြိမ်းချမ်းရေး ဧကရာဇ်နန်းတော်၏ အစီအရင်ကို စတင်အသက်သွင်းနိုင်သည်မှာ ဧကရာဇ်မင်းတစ်ပါးသာ မဟုတ်ပါ။ ခရမ်းရောင် ငြိမ်းချမ်းရေး တော်ဝင်နန်းတော် ကိုယ်တိုင်လည်း ၎င်းကို လွတ်လပ်စွာ ဖွင့်နိုင်သည်။

 အရင် ကျင့်ကြံကြမယ်။ ဘုရင်ဟောင်းသည် နှောင်းပိုင်းဧကရာဇ်အဆင့်သို့ ရောက်သွားပြီး သူ၏သားတော်သည်လည်း ဧကရာဇ်အဆင့်သို့ တက်လှမ်းပြီးနောက် အကြီးအကဲများနှင့် စကားပြောဆိုရာတွင် ပို၍ယုံကြည်မှုရှိလာမည်ဖြစ်သည်။

 ဤအခိုက်အတန့်တွင်၊ အလွန်အားကောင်းသော အရှိန်အဝါတစ်ခုသည် မဟာကျိုး အပြင်ဘက်ရှိ တစ်ခုတည်းသောချောက်ကမ်းပါးမှ ရုတ်တရက် ထွက်ပေါ်လာပြီး လုရှောင်ယန်၏လမ်းကြောင်းကို ပိတ်ဆို့လိုက်သည်။

 "ငါတို့ မဟာကျိုး နဲ့ မင်းကြားက ရန်ငြိုးတွေ မရှိပါဘူး ဟုတ်တယ်၊ ငါတို့ရဲ့ မဟာကျိုး ဧကရာဇ်မိသားစုရဲ့ အကြီးအကဲသူကို ဘာလို့ သတ်ချင်တာလဲ၊ ငါ့ကို ရှင်းပြပေးနိုင်မလား။"

 လုရှောင်ယန် အံ့ဩသွားပြီး ရုတ်တရက် ရပ်တန့်သွားသည်။

 ဤအရှိန်အဝါသည် အကြီးမြတ်ဆုံးအဆင့်၏ တတိယအဆင့်တွင် ရှိသည်တဲ့လား။ မဟာကျိုး ​တော်ဝင်မိသားစု၏ အကြီးအကဲအုပ်စု၏ တာဝန်ခံ အကြီးအကဲအဖိုးကြီးများ ဖြစ်မလား။

 တစ်စက္ကန့်ငြိမ်သက်ပြီးနောက် လုရှောင်ယန်က ဆက်ပြောလိုက်သည် ။

 "ထွက်သွားစမ်း…."

***