အခန်း (၂၀၆-၂၁၀)

အပိုင်း ၂၀၆ ဓားနှစ်လက်

မဆိုင်းမတွဘဲ သူ့ခန္ဓာကိုယ်က လွတ်မြောက်ဖို့ တွေးလိုက်တာနဲ့ တုံ့ပြန်လိုက်သည်။

 အကြီးမြတ်ဆုံးအဆင့် ပညာရှင်တစ်ယောက်၏ စိတ်နှင့် ခန္ဓာကိုယ်ကြား လိုက်ဖက်ညီမှုသည် အတော်လေး ပြီးပြည့်စုံနေပြီဖြစ်သည်။

 သူ့စိတ်ဝိညာဉ် တွေးခေါ်မှု ဖြစ်ပေါ်လာသည်နှင့် သူ့ခန္ဓာကိုယ်က တုံ့ပြန်နေပြီဖြစ်သည်။

 မျက်စိတစ်မှိတ်အတွင်းမှာပင် သူသည် လျှပ်စီးကြောင်းအဖြစ် ပြောင်းလဲကာ ထွက်ခွာသွားခဲ့သည်။

 နာလန်ဟုန်ယွီသည် ချက်ချင်းပင် မထိန်းနိုင်ဘဲ ​အော်လိုက်သည်။

 "ကျင်းထျန်ရှန်းကျွင်း ၊ မင်းဘယ်သွားမလို့လဲ?"

 ကံမကောင်းစွာပဲ၊ ကျင်းထျန်ရှန်းကျွင်းသည် သူမအား အကြောင်းပြန်ရန် လှည့်တောင်မကြည့်ခဲ့ပါ။

 ရှင်းရှင်းလေးပါပဲ၊ သူကြောက်လွန်းလို့ တစ်စက္ကန့်လေးတောင်မှ ဆက်မနေရဲတော့ဘူးလေ။

 ကံမကောင်းစွာပဲ၊ သူသည် ကီလိုမီတာ ၅၀ အောက်သာ ပျံသန်းနိုင်ခဲ့ပြီး ပြင်းထန်သောစွမ်းအင်ဖြင့် ပိတ်ဆို့ခံခဲ့ရသည်။

 အုန်း...

 အစီအရင်ကို သူသတိမထားမိသောကြောင့်၊ သူသည် အစီအရင်နှင့် တိုက်ရိုက်တိုက်မိပြီး ပြန်ကန်ထွက်လာသည်။

 "မဖြစ်ဘူး…"

 သနားစရာကောင်းလှသည့် ငိုငြီးသံတစ်သံထွက်လာပြီး  နောက်တစ်စက္ကန့်တွင်ပဲ လုရှောင်ယန်သည် ရှေ့သို့ ခုန်တက်ကာ ခုတ်ထစ်လိုက်တော့သည်။

သူသည် လုရှောင်ယန်၏တိုက်ခိုက်မှုကို ရင်ဆိုင်ရန် သိုင်းဘုရင်အဆင့် လက်နက်ဖြင့် ခုခံခဲ့သည်။ သူ၏ ဓားရှည်ဖြင့် ဓားသွားများ တိုက်မိကာ ကောင်းကင်ယံတွင် လင်းလက်နေသော အလင်းတန်းများမှ လင်းလက်နေသော ခရမ်းရောင်အလင်းတန်းများစွာ ထွက်ပေါ်လာသည်။

 တစ်ချက်တည်း တိုက်ခိုက်လိုက်တာနဲ့ လုရှောင်ယန်၏ ဓားရှည်ဟာ တစ်ဖက်လူ၏ဓားမှာ အပေါက်တစ်ပေါက်ကို ဖြစ်​​ပေါ်​စေသည်။

 လုရှောင်ယန်၏လက်နက်သည် ထိပ်တန်း သိုင်းဘုရင်အဆင့် လက်နက်ဖြစ်သောကြောင့်ပင် မဟုတ်ပါ။ တစ်ချိန်တည်းမှာပင် လုရှောင်ယန်၏ ကျင့်ကြံမှုသည် တစ်ဖက်သူထက် များစွာ သာလွန်နေသောကြောင့် ဖြစ်သည်။

 ထို့အပြင် ကြီးမားသော စွမ်းအားသည် တစ်ဖက်သားကို တုန်လှုပ်စေကာ သူ့သွေးများ တက်လာသည်အထိပင်။ သူ့ခန္ဓာကိုယ်က ချက်ချင်း တုန်လှုပ်သွားသည်။

 ကျွမ်းကျင်သူများအကြား ထိပ်တန်းတိုက်ပွဲတစ်ခုတွင်၊ အနည်းငယ်သောအမှားသည် ပြုပြင်၍မရသော ဘေးဥပဒ်ဖြစ်စေနိုင်သည်။

 "ငါ့ကိုမသတ်ပါနဲ့..။"

 လုရှောင်ယန် က သူ့ဓားကို ​မြှောက်ပြီး သိုင်းဘုရင်အဆင့် လက်နက်ကို ကိုင်ထားတဲ့ လက်မောင်းကို ဖြတ်လိုက်ချိန်မှာတော့ တဖက်သူက အော်ဟစ်မိတော့သည်။ သွေးမထွက်နိုင်သေးခင်မှာပဲ လုရှောင်ယန်ဟာ အောက်ခြေကနေ အပေါ်အထိ ထောင့်ဖြတ်ဖြတ်ပြီး တခြားသူ၏ ခန္ဓာကိုယ်တစ်ဝက်ကို ချက်ချင်းဖြတ်ပစ်လိုက်သည်။

  "မဟုတ်ဘူး!"

  တစ်ဖက်သူက သူ့ခန္ဓာကိုယ်ကို ပြုပြင်ဖို့ ချက်ခြင်းပဲ သူ့ရဲ့ ကျင့်ကြံနည်းကို ဖြန့်ကျက်လိုက်သည်။

 တဖက်သူတွင် အဇူရာသက်ရှည်ပညာရပ်နှင့်ဆင်တူသော ကုသရေး ကျင့်ကြံနည်းလမ်းတစ်ခု ရှိသည်မှာ သိသာလှသည်။ သို့သော် ဤကျင့်ကြံနည်းလမ်းသည် အဇူရာသက်ရှည်ပညာရပ်ကဲ့သို့ အစွမ်းထက်မည်မဟုတ်ပေ။

 သို့သော်လည်း လုရှောင်ယန်သည် တစ်ဖက်လူအား ပြန်လည်ကောင်းမွန်ရန် အခွင့်အရေးမပေးပေ။

 မြန်မြန်သတ်ပစ်ရမည်။

 တုံ့ဆိုင်းမှု မှန်သမျှသည် ထိန်းချုပ်၍မရသော အပြောင်းအလဲကို ဖြစ်စေသည်။

 စစ်မှန်သောအမြင်အာရုံသုံးပါး ကို သုံးပြီး အခြားသူ၏ အသိစိတ်ပင်လယ်ကို တိုက်ရိုက် ကျူးကျော်ဝင်ရောက်ခဲ့သည်။  ပြင်းထန်သော စိတ်ပိုင်းဆိုင်ရာ တိုက်ခိုက်မှုကြောင့် တစ်ဖက်သား၏ ဝိညာဉ်ကို ခွဲခွာသွား​စေခဲ့သည်။

 တစ်ဖက်လူ၏မျက်လုံးများ မှိတ်ထားလိုက်သည့်အခိုက်တွင် လုရှောင်ယန်သည် ရှေးဟောင်းဧကရာဇ်ကျမ်းကို ဖြန့်ကျက်ဝြီး သူ၏ဓားနှစ်လက်ကို တပြိုင်တည်းအသုံးပြုလိုက်သည်။ ထိုဓားနှစ်လက်အချင်းချင်း ထိခတ်သွားသည်နှင့် တုနှိုင်းမရတဲ့ အဖျက်စွမ်းအားဖြင့် ပေါက်ကွဲထွက်လာသည်။ ၎င်းသည် ​လေထုကို ကွဲလွဲစေပြီး အရာအားလုံးကို ဖြိုခွဲလိုက်ကာ တစ်ဖက်လူ၏ အစွမ်းထက်သော အကြီးမြတ်ဆုံးအဆင့် ခန္ဓာကိုယ်ကို လုံးဝကွဲထွက်သွား​စေကာ အသားအနည်းငယ်မျှ မကျန်ခဲ့ပေ။

 ဒါကိုမြင်တော့ ကျန်တဲ့ အကြီးမြတ်ဆုံးအဆင့် ပညာရှင်လေးဦး၏ အမူအရာတွေက အလွန်ရုပ်ဆိုးသွားတော့သည်။

  လူအချို့ဆိုလျှင် တုန်လှုပ်စပြုလာသည်အထိပင်။

 သေစမ်း၊ ဒီကောင်က ဘယ်လိုနည်းနဲ့များ အကြီးမြတ်ဆုံးအဆင့် ကျွမ်းကျင်သူဖြစ်လာတာလဲ။

  သူတို့အားလုံးသည် အကြီးမြတ်ဆုံးအဆင့် ကိုယ်ခံပညာရှိများဖြစ်ကြသော်လည်း ကြောင်နှင့်တွေ့သော ကြွက်များကဲ့သို့ အဘယ်ကြောင့် ခံစား​နေကြရသနည်း။ သူတို့၏ ပုံမှန် ခွန်အားဟာ ဒီအချိန်မှာ လုံးလုံးလျားလျား ဖိနှိပ်ခံခဲ့ရသည်။

  သူတို့သည် သေခြင်းတရား၏ ခြိမ်းခြောက်မှုကို နားမလည်နိုင်စွာ ခံစားခဲ့ရသည်။

  သူတို့သည် အကြီးမြတ်ဆုံးအဆင့် ကျွမ်းကျင်သူများ ဖြစ်လာပြီးကတည်းက ဤကဲ့သို့ မခံစားခဲ့ကြပေ။

 အကြီးမြတ်ဆုံးအဆင့် ကျွမ်းကျင်သူတစ်ယောက်၏ ခွန်အားဟာ အင်ပါယာတစ်ခုကို ထူထောင်ဖို့ လုံလောက်ပါသည်။

 ယနေ့ လုရှောင်ယန်ကို ရင်ဆိုင်ပြီးနောက်မှာတော့ သူတို့ ရုတ်တရက် ကြောက်လန့်သွားကြသည်။

 အကြောက်တရားက သူတို့ခန္ဓာကိုယ်ကို လွှမ်းခြုံထားသလို ဒေါသတွေလည်း တိုးလာခဲ့သည်။ သို့ပေမယ့် သူတို့အားလုံးသည် နာလန်ဟုန်ယွီအ​ပေါ်သာ ဒေါသထွက်နေကြခြင်းဖြစ်သည်။

 "နာလန်ဟုန်ယွီ၊ မင်း မ​ကောင်းတဲ့မိန်းမ! သူက အကြီးမြတ်ဆုံးအဆင့်ပဲလို့ မင်းပြောခဲ့တယ် မဟုတ်ဘူးလား?"

 နာလန်ဟုန်ယွီက အေးတိအေးစက်နဲ့ "မင်းကို ငါဘယ်တုန်းက လိမ်ခဲ့လို့လဲ၊ သူက အကြီးမြတ်ဆုံးအဆင့် မဟုတ်လို့လား?"

 "ဗရမ်းပတာ​တွေ... သူ့အငွေ့အသက်က အကြီးမြတ်ဆုံးအဆင့်မှာရှိတယ်၊ ဒါပေမယ့် သူက အကြီးမြတ်ဆုံးအဆင့်မှာရှိနေတယ်လို့ မဆိုလိုဘူး။ ဒီကောင်လေးက အကြီးမြတ်ဆုံးအဆင့် မှာမဟုတ်တာတော့ သေချာတယ်။ ဘယ်လိုမှ မဖြစ်နိုင်ဘူး။"

 "မှန်တယ်! မင်း နာလန်ဟုန်ယွီ မ​ကောင်းတဲ့မိန်းမ၊ မင်း ငါတို့ကို သတ်ပြီး ငါတို့ရဲ့ သိုင်းဘုရင်အဆင့် လက်နက်တွေကို လုယူဖို့ ငါတို့ကို တမင်လိမ်ခဲ့တာမလား။"

 "နာလန်ဟုန်ယွီ၊ ငါ့မှာ သိုင်းဘုရင်အဆင့် လက်နက်တစ်ခုပဲ ရှိတယ်။ မင်း ငါ့ရဲ့ သိုင်းဘုရင်အဆင့် လက်နက်ကို လုဝံ့ရင် မင်းကို ငါ လွယ်လွယ်နဲ့ လွှတ်​ပေးမှာမဟုတ်ဘူး၊ ငါ သူ့ဆီ အသတ်ခံရမယ်ဆိုရင်တောင် ငါ သေချာပေါက် မင်းအသက်နဲ့ ပေးဆပ်ရ​အောင်လုပ်မယ်။"

နာလန်ဟုန်ယွီက ဒေါသထွက်ဟန်ဆောင်ပြီး "အရူး၊ မင်းကို လိမ်ခဲ့မယ်ဆိုရင် ငါက ဘာလို့ သူ့ကိုအတူတိုက်​နေမှာလဲ၊ မင်းရဲ့ ဝက်ဦးနှောက်တွေကို ​ကောင်း​ကောင်းအသုံးပြုပါ။ သူ့ရဲ့ အစွမ်းထက်တဲ့ ကျင့်ကြံမှုနဲ့ဆို ငါ့ကို လိုအပ်နေသေးသလား။ မင်းကို ဘယ်နည်းနဲ့မဆို ရှာပြီးသတ်နိုင်တယ်!"

 "ဟမ့် မင်း သူနဲ့ ပေါင်းနေမလား ဘယ်သူသိမလဲ?"

 နာလန်ဟုန်ယွီက လှောင်ပြောင်ပြီး "ဒီမှာ မိုက်မဲတဲ့ စကားတွေ တော်လိုက်တော့။ မင်းရောက်စတုန်းကတော့ သိုင်းဘုရင်အဆင့် လက်နက်တွေရှိနေတယ်ဆိုတာနဲ့ မင်းရဲ့ မျက်လုံးတွေ တောက်ပလာခဲ့တယ်။ အခု သူ့ကို မရိုက်နိုင်တော့ ငါ့လို မိန်းမတစ်ယောက်အ​ပေါ် အရာရာကို အပြစ်တင်နေတာပဲ။ မင်းကိုယ်မင်း ယောက်ျားလို့ ခေါ်ထိုက်တယ်လို့ ထင်လား။”

 "မင်း!"

 "ကောင်းပြီ၊ ဒီမှာ ငြင်းခုံမနေကြနဲ့တော့။"

 အရေးကြီးသောအခိုက်အတန့်တွင် အသက်ကြီးသော အကြီးမြတ်ဆုံးအဆင့် သိုင်းပညာရှင်တစ်ဦးက လေးနက်သောအမူအရာဖြင့်ပြောသည်၊

  "ကောင်းပြီ၊ ဒီနေရာကနေ ရိုင်းစိုင်းတဲ့စကားတွေကို ပြောမနေကြနဲ့တော့။ အခု ငါတို့အားလုံး လှေတစ်စင်းတည်းမှာ စီးနေတာ။ ဘယ်သူမှ မလွတ်နိုင်ဘူး။ ငါတို့ အတူတူ အလုပ်လုပ်ရင် အကောင်းဆုံးပဲ။ မဟုတ်ရင် ငါတို့ ဒီနေ့ ထွက်မသွားနိုင်မှာကို ငါကြောက်တယ်။ ဒီကောင်ကြီးရဲ့ဓားရှည်အောက်မှာ အားလုံးသေကုန်လိမ့်မယ်။"

 ဒီစကားက လူတိုင်း၏ ရင်ကို ထိသွားသည်။

 အခုအချိန်မှာ လူတိုင်း ဘယ်လောက်ပဲ စိတ်ပျက်ငြီးငွေ့နေပါစေ လုရှောင်ယန်ကို ရင်ဆိုင်တဲ့အခါ သတိထားရမည်။

 ဒီကောင်က တကယ်ကို ပုံမှန်မဟုတ်တာ။

 တစ်ခုခုမှားသွားရင် သူတို့အားလုံး ဒီမှာသေကြလိမ့်မယ်။

 "ငါ့မှာ ဒီလိုမျိုး ကျင့်ကြံမှုရှိတဲ့ လူငါးဦးလောက် လိုအပ်မယ့် သိုင်းဘုရင်အဆင့် အစီအရင်တစ်ခုရှိတယ်။ ဒီမှာ ငါတို့ ငါးယောက်ပဲရှိပြီး ငါတို့အားလုံးကလည်း အကြီးမြတ်ဆုံးအဆင့် ကျွမ်းကျင်သူတွေပဲ။ ဒီလှုပ်ရှားမှုကို အသုံးပြုမယ်ဆိုရင် ဒီ​ကောင့်ကိုသတ်ဖို့ အခွင့်အရေးရနိုင်တယ်။  "

 "သူ့ကိုသတ်ရအောင်!!"

 ဤသည်ကို လူတိုင်းကြားသောအခါ မျက်လုံးများ ချက်ချင်းလင်းလာသည်။

  ဒီမှာ သူတို့ရဲ့ ပန်းတိုင်က ဘာလဲ။

 လုရှောင်ယန်ကို သတ်ဖို့ပဲ ။

 သို့သော်လည်း ယခုအချိန်တွင် လုရှောင်ယန်၏ ကျင့်ကြံမှုမှာ အစွမ်းထက်လွန်းသဖြင့် ၎င်းတို့ကို အနည်းငယ် ထိန်းထားနိုင်ခြင်းမရှိကြောင်း ထုတ်ဖော်ခဲ့သည်။

 သို့သော် လုရှောင်ယန်ကို မသတ်ချင်ဟု မဆိုလိုပါ။

 အခွင့်အရေးရှိသရွေ့ လုရှောင်ယန်ကို ဘယ်လိုလုပ် လွှတ်ထားနိုင်မလဲ။

 နာလန်ဟုန်ယွီကတော့ ဂရုမစိုက်ပေ။

 ဒီလူတွေ ဘယ်လိုနည်းလမ်းတွေပဲသုံးသုံး လုရှောင်ယန်ကို အောင်အောင်မြင်မြင် မသတ်နိုင်ဘူးဆိုတာ သူမသိပြီးသားပင်။

 သူမက အတိုင်းအတာတစ်ခုအထိ အချိန်ဆွဲထားချင်ရုံသာဖြစ်သည်။

 ဖုန်းအောက်ထျန်းနှင့် လီလျှို့ရွှေတို့သည် လုရှောင်ယန်၏ တပည့်များကို အောင်မြင်စွာ သတ်ဖြတ်ပြီး ဤနေရာတွင် စုရုံးပြီးနောက်တွင် အောင်မြင်ရန် အခွင့်အလမ်း မြင့်မားလာပေလိမ့်မည်။

 သူမသည် သူတို့ကို အရင် စိတ်တည်ငြိမ်အောင် လုပ်ရပေမည်။

 "ကောင်းပြီ၊ အစ်ကိုထော့ပါ၊ မင်းမှာ လုရှောင်ယန်ကိုသတ်နိုင်တဲ့ သိုင်းဘုရင်အဆင့် အစီအရင် တစ်ခုရှိလို့၊ မင်းရဲ့အမိန့်ကို အခုကစ ငါတို့အားလုံး နားထောင်မှာပါ။ အစ်ကိုထော့ပါ လုရှောင်ယန်ကိုသတ်ပြီးရင် မင်း သိုင်းဘုရင်အဆင့် လက်နက်ကို အရင်ရွေးလိုက်ပါ။"

 "ကောင်းပြီ၊ ဒီလိုဆိုမှတော့ ငါယဉ်ကျေးမနေတော့ဘူး။"

 သူစကားပြောပြီးသည်နှင့် ထော့ပါရှန်းကျွင်းသည် ၎င်း၏ သိုင်းဘုရင်အဆင့်အစီအရင်ကို ၎င်းတို့ အနည်းငယ်အား တိုက်ရိုက်ပေးခဲ့သည်။

 ရိုးရိုးသားသားပြောရလျှင် ဤအခိုက်အတန့်တွင် သိုင်းပညာရှင်ထော့ပါ၏မျက်နှာသည် အဆုံးမဲ့နှလုံးသားနာကျင်မှုကို ထုတ်ဖော်ပြသခဲ့သည်။

 ၎င်းသည် ခက်ခက်ခဲခဲရရှိသော သိုင်းဘုရင်အဆင့် အစီအရင် ဖြစ်သည်။ အဲဒီတုန်းက သူဒါကိုရှာတွေ့ဖို့အတွက် သိုင်းဘုရင်အဆင့် သင်္ချိုင်းမှာ အများကြီးကြိုးစားခဲ့ရပါသည်။

 ဤအစီအရင်အတွက် သူသည် သူ့အကြိုက်ဆုံးတပည့်ကို စတေးခဲ့သည်။

 ဤအစီအရင်သည် သူ့အတွက် အလွန်အဓိပ္ပာယ်ရှိလှသည်ဟု ဆိုနိုင်သည်။

 သူသည် အစီအရင်ကို လူတိုင်းထံ ပို့​ပေးပြီးနောက်၊ လူတိုင်းက ၎င်းကို ချက်ချင်း စတင်အသုံးပြုခဲ့ကြသည်။

 သူသည် အစီအရင်၏ ညွှန်ကြားချက်များနှင့်အညီ အစီအရင်ကို သတ်မှတ်သည်။

 ဤမြင်ကွင်းကို လုရှောင်ယန်လည်း သေချာပေါက် မြင်တွေ့နေရသည်။ လုရှောင်ယန်အနေနှင့် အတော်လေးရယ်စရာကောင်းသည့်အခြေအနေကို ကြည့်နေရခြင်းဟုပြောလျှင်ပင် ချဲ့ကားပြောဆိုခြင်းမဟုတ်ပေ။

 တဖက်သူက ဘာကြောင့် သူ့ရှေ့မှာ အစီအရင် ဖွဲ့စည်းမှု လုပ်ရတာလဲ?

 သူတို့ငါးယောက် သူ့ကို တိုက်ရိုက်တိုက်ခိုက်တာကိုမှ ပိုကြိုက်သေးတယ်။

  ဤအခိုက်အတန့်တွင် ၎င်းတို့ငါးဦးသည် အစီအရင်ဖွဲ့စည်းမှုကို စတင်လုပ်ဆောင်နေပြီဖြစ်သည်။

 ဦးဆောင်သူမှာ ထော့ပါရှန်းကျွင်း ဖြစ်သည်။ သူ့အကြည့်တွေက နက်နဲပြီး မာနကြီးတဲ့အမူအရာနဲ့ သူ့နောက်ကျောကို လက်ပစ်ထားသည်။

 "ငါ့ရဲ့အစီအရင်က အလွန်အစွမ်းထက်တယ်။ အဲဒါက ငါတို့ရဲ့ ကျင့်ကြံမှုအားလုံးကို တစ်မှတ်တည်းအဖြစ် စုစည်းပြီး ငါတို့ရဲ့ တိုက်ခိုက်မှုတွေထက် ပိုပြင်းထန်တဲ့ တိုက်ခိုက်မှုကို ထုတ်လွှတ်နိုင်တယ်။ လူတိုင်း၊ မင်းရဲ့ စိတ်ဓာတ်စွမ်းအင်တွေကို တစ်ခုပြီးတစ်ခု ထည့်သွင်းလိုက်ကြ။ အစီအရင်ဖွဲ့စည်းပြီးတာနဲ့တိုက်ခိုက်မှုကိုစတင်မယ်။"

 နောက်တစက္ကန့်တွင်၊ အကြီးမြတ်ဆုံးအဆင့်မှ ကိုယ်ခံပညာရှင်ငါးဦး၏ ခန္ဓာကိုယ်မှ ရွှေရောင်အလင်းတန်းများ ထွက်ပေါ်လာသည်။ အလင်းသည် အနည်းငယ် စိမ့်ဝင်သွားပြီး နောက်ဆုံးတွင် ထော့ပါရှန်းကျွင်း၏ ခန္ဓာကိုယ်အတွင်းသို့ ပေါင်းစပ်သွားခြင်းမပြုမီ ၎င်းတို့ငါးဦးကြားတွင် တုန်ခါသွားသည်။

 ချက်ခြင်းတွင်၊ ထော့ပါရှန်းကျွင်း၏ အရှိန်အဝါသည် ရုတ်တရက် မြင့်တက်လာသည်။ အကြီးမြတ်ဆုံးအဆင့်၏နှောင်းပိုင်းကိုတောင် ရောက်လုနီးပါးပါပင်။

 အုန်း..

 ကောင်းကင်ကိုးပါးထက်မှာ ခရမ်းရောင်ကောင်းကင်ကြီးရဲ့ အလင်းတန်းက သတိပေးတဲ့ လက္ခဏာတစ်ခုလို ​မြည်ဟီးလိုက်သည်။

 သို့သော်၊ ထော့ပါရှန်းကျွင်းသည် လုံးဝထိခိုက်ခြင်းမရှိပါ။ သူ့လက်သီးတွေကို ဆုပ်ထားရင်း သူ့ပါးစပ်ထောင့်တွေက အနည်းငယ် ကွေးကောက်သွားသည်။

 အစွမ်းထက်ခြင်း အရှိန်အဟုန်ပြင်းပြင်းကို ခံစားလိုက်ရတော့ သူ့မျက်လုံးများက စိတ်လှုပ်ရှားခြင်း၊ မာနကြီးခြင်းနှင့် ရွှင်လန်းမှုကို ထင်ရှားစေသည်။

 "ဒီလောက် အစွမ်းထက်တဲ့ ခွန်အားနဲ့ လုရှောင်ယန်တောင် ကြောက်သင့်တယ် မဟုတ်လား?"

 သူစကားပြောနေရင်း သူ့အကြည့်တွေက လုရှောင်ယန် ပေါ်ရောက်သွားတယ်။

 "​ကောင်စုတ်၊ မင်းရဲ့နောက်ဆုံးစကားတွေအတွက် တွေးပြီးပြီလား…."

 …

တစ်ချိန်တည်းမှာပင်၊ မဟာကျိုး၏ အရှေ့တောင်ဘက်ထောင့်တွင် လူသဏ္ဍာန် နှစ်ခုသည် အရှိန်အဟုန်ဖြင့် ချီတက်လာသည်။ မရေမတွက်နိုင်သော တောင်များကို ဖြတ်ကျော်ပျံသန်းပြီးနောက် နောက်ဆုံးတွင် ၎င်းတို့သည် အဇူရာကြာပန်းဓားဂိုဏ်း နယ်မြေထဲသို့ အောင်မြင်စွာ ဝင်ရောက်လာခဲ့ကြသည်။

 အဇူရာကြာပန်းဓားဂိုဏ်းသည် မဟာကျိုးတွင် ပထမတန်းစားဂိုဏ်းဖြစ်သည်။

 ဤဂိုဏ်း၏အခြေခံအုတ်မြစ်သည် မဟာကျိုး တော်ဝင်မိသားစုထက် အနည်းငယ်သာနိမ့်ကျသည်။

 အဲဒီအထဲမှာ ဧကရာဇ်အဆင့် ကျွမ်းကျင်သူတွေလည်း ပါဝင်သည်။ သူတို့မှာ အကြီးမြတ်ဆုံးအဆင့် အကြီးအကဲတစ်ဦးလည်း ရှိသည်။

 သို့သော် ထိုအဖြစ်အပျက်ပြီးကတည်းကပင်၊ အဇူရာကြာပန်းဓားဂိုဏ်း တစ်ခုလုံးသည် အခြားဖြစ်တည်မှုတစ်ခုကို ရန်စရန် မတတ်နိုင်တော့ဘဲ ရန်စမိမည်ကို ကြောက်ရွံ့နေသကဲ့သို့ အတော်လေးနှိမ့်ချစွာ ​နေခဲ့သည်။

 "စီနီယာအစ်ကိုလီ၊ ငါတို့ အဇူရာကြာပန်းဓားဂိုဏ်းကိုရောက်ပြီ။"

 လီချန်းရှန် ခေါင်းညိတ်လိုက်သည်။

 ရောက်လာတဲ့လူနှစ်ယောက်ကတော့ သေချာပေါက် လီချန်းရှန်နဲ့ ကျူးကောကျီချုံတို့ဖြစ်သည်။

 သူတို့ နှစ်ယောက်သည် ဆရာသခင်၏ အမိန့်ကို လိုက်နာကြပြီး လုံးဝမလျှော့​ပေါ့ဝံ့ကြပေ။ အဆုံးတွင် သူတို့သည် အတိုဆုံးအချိန်အတွင်း အဇူရာကြာပန်းဓားဂိုဏ်းသို့ ရောက်ရှိခဲ့ကြသည်။

 တစ်ချိန်က သူချစ်သောမွေးရပ်မြေသို့ ခြေချပြီးနောက် လီချန်းရှန်၏ မျက်လုံးများသည် အနည်းငယ် စိုစွတ်နေခဲ့သည်။

 သူ ဒီကို ပြန်လာဖို့ အခွင့်ရှိမယ်လို့ တခါမှ မမျှော်လင့်ထားဘူး။

 သို့သော် ယခုအချိန်သည် ထိုသို့သော ခံစားချက်များအတွက် အချိန်မဟုတ်ပေ။

 အသက်ပြင်းပြင်းရှူပြီး လေးနက်သောအမူအရာဖြင့် ပြောသည် ။

 "နှစ်ပေါင်းတစ်သောင်းကြာခဲ့ပြီ။ ငါ လီချန်းရှန် နောက်ဆုံးတော့ ပြန်လာခဲ့ပြီကွ!"

 ကျူးကောကျီချုံ : "..."

 ခဏတိတ်ဆိတ်သွားပြီးနောက် သူမသည် “စီနီယာအစ်ကို၊ ဒါက နည်းနည်းချဲ့ကားလွန်းတယ်မဟုတ်လား? မင်းအသက် ၂၅ နှစ်တောင်မပြည့်သေးပါဘူး၊ အနှစ်တစ်သောင်းက ဘယ်ကရောက်လာတာလဲ?”

 လီချန်းရှန် ခေါင်းခါလိုက်သည်။

 "မင်း နားမလည်ဘူး။ ငါကံကောင်းအောင် ကြိုးစားနေတယ်။ အရေအတွက်များလေလေ ပိုကောင်းလေပဲ။"

 ကျူးကောကျီချုံက အနည်းငယ် မျက်မှောင်ကြုတ်လိုက်သည်။

 ဒါက တကယ်အလုပ်လုပ်မှာလား။

 ထို့နောက်မှာတော့..…

***

အပိုင်း ၂၀၇ စွမ်းအားကြီးဓား

ဤအခိုက်အတန့်တွင် အဇူရာကြာပန်းဓားဂိုဏ်း၏ခန်းမအတွင်း၌ အကြီးအကဲများနှင့် တပည့်များအားလုံးသည် ခန်းမ၏ရင်ပြင်ပေါ်၌ ထူထပ်သောစက်ဝိုင်းတစ်ခုဖြင့် စုရုံးနေကြသည်။

 သို့သော် ကြီးမားပြီး လွတ်နေသော ရင်ပြင်သို့ မည်သူမျှ ခြေမချရဲ။

 ရင်ပြင်ပေါ်တွင် ငြိမ်သက်စွာ အနားယူနေသကဲ့သို့ သူ့ကျောနောက်တွင် လက်နှစ်ဖက်ပစ်ကာ မျက်လုံးများကို မှိတ်ထားသည့် လူတစ်ဦးသာရှိသည်။

 အဇူရာကြာပန်းဓားဂိုဏ်း၏ တပည့်များအားလုံးသည် သတ်ပစ်ရန် ပြင်းပြသော ရည်ရွယ်ချက်နှင့် ကြောက်ရွံ့မှု အပြည့်ဖြင့် နီမြန်းသော မျက်လုံးများဖြင့် ထိုလူကို စိုက်ကြည့်နေကြသည်။

 ခဏအကြာတွင် ခန်းမအပြင်ဘက်မှ လူတစ်ဦး ဝင်လာသည်။ ခြေလှမ်းတစ်လှမ်းဖြင့် သူချက်ချင်းရောက်လာပြီး ရင်ပြင်ပေါ်သို့ ဆင်းသက်လာသည်။

 ဆံပင်ဖြူပြီး မုတ်ဆိတ်မွေးနဲ့ အဘိုးကြီး။

 သူ့ရှေ့က ချောမောတဲ့ လူငယ်ကို ကြည့်လိုက်တော့ သူ့မျက်လုံးတွေက ရှုပ်ထွေးတဲ့ အမူအရာတွေ ပေါ်လာတယ်။

 လူငယ်ကို လေးစားမှု၊ လူငယ်ကို မုန်းတီးမှုနှင့် အကူအညီမဲ့မှုအချို့ ရှိခဲ့သည်။

 အသက်ပြင်းပြင်းရှူရင်း ငြိမ်သက်သွားပြီး "လီလျှို့ရွှေ၊ မင်းဒီမှာ ဘာလုပ်နေတာလဲ၊ မင်း ငါတို့ရဲ့ အဇူရာကြာပန်းဓားဂိုဏ်းကို ဘာလို့ပြန်လာတာလဲ။"

 လီလျှို့ရွှေသည် မျက်လုံးများကို မဖွင့်ဘဲ စကားလုံးသုံးလုံးမျှသာဆိုကာ နှုတ်ဆိတ်နေခဲ့သည်။

 "တစ်ယောက်ယောက်ကို စောင့်နေတာ"

 "တစ်ယောက်ယောက်ကို စောင့်နေတာလား?"

 ဓားဂိုဏ်း၏ ဂိုဏ်းချုပ်သည် မျက်ခုံးပင့်တင်ကာ ချက်ချင်း အေးစက်စွာ ပြောလိုက်သည်။

 " မင်းဖြစ်နေရင်တောင်မှ ဒီနေရာက မင်းအနေနဲ့ တစ်ယောက်ယောက်ကို စောင့်ဖို့အတွက် မဟုတ်ဘူးထင်တယ်။"

 လီလျှို့ရွှေသည် နောက်ထပ် တုံ့ပြန်မှု မပေးဘဲ ဓားဂိုဏ်း၏ ဂိုဏ်းချုပ်ကို အနည်းငယ် အကူအညီမဲ့ ခံစားရစေသည်။

 သူသည် အကြီးမြတ်ဆုံးအဆင့် ကျွမ်းကျင်သူဖြစ်ပြီး သူ့ရှေ့ရှိ လီလျှို့ရွှေသည် ဧကရာဇ်အဆင့် ကျွမ်းကျင်သူတစ်ဦးသာဖြစ်သော်လည်း၊ တကယ်စစ်တိုက်လျှင် သူအနိုင်ရမည်ဟု မယုံဝံ့ခဲ့ပေ။

 အချိန်တွေ တရွေ့ရွေ့ ကုန်ဆုံးသွားသည်။ ဓားဂိုဏ်း၏ ဂိုဏ်းချုပ်သည် နောက်ထပ် ညှိနှိုင်းရန် နီးနေချိန်တွင် လီလျှို့ရွှေသည် ရုတ်တရက် မျက်လုံးပွင့်လာသည်။

 သူ့မျက်လုံးနှစ်လုံး ပွင့်လာပြီး ဓားသွားမီးများကို ပစ်လွှတ်လိုက်ပုံရသည်၊ ဓားဂိုဏ်း၏ ဂိုဏ်းချုပ်၏ အမူအရာ ချက်ချင်း ပြောင်းလဲသွားသည်။

 "သူ ဒီမှာပဲ။"

 လူတိုင်းက ဘယ်သူလဲဆိုတာ သိချင်စိတ်နဲ့ အပြင်ကို ကြည့်လိုက်ကြတယ်။

 လီချန်းရှန် ပေါ်လာသည့်အခိုက်တွင်၊ ဓားဂိုဏ်းတပည့်အားလုံး၏ အမူအရာများသည် စိတ်ရှုပ်ထွေးခြင်းမှ စိတ်လှုပ်ရှားခြင်းသို့ ပြောင်းလဲသွားသည်။

 "ဒါ ချန်းရှန်၊ ချန်းရှန်ပဲ"

  "ချန်းရှန် ပြန်လာပြီ!"

 ဓားဂိုဏ်း၏ဂိုဏ်းချုပ်၏ ခန္ဓာကိုယ်သည် တုန်လှုပ်သွားပြီး ချက်ချင်းပင် မယုံနိုင်စွာ မျက်လုံးများ ပြူးကျယ်သွားသည်။

 သို့သော် ထိုရင်းနှီးသောရုပ်သွင်သည် သူ့မျက်လုံးထဲသို့ တကယ်ရောက်လာသောအခါ သူ့မျက်လုံးများသည် ချက်ချင်းပင် ရီ​ဝေသွားသည်။

  အဲဒါ သူကိုယ်တိုင် ကြီးပြင်းလာတာကို ကြည့်ခဲ့ရတဲ့ ကလေးတစ်​ယောက်ပဲ။

 တဖက်သူက သူ့မြေးလိုပဲ။

  တစ်ဖက်လူသည် တစ်ချိန်က အဇူရာကြာပန်းဓားဂိုဏ်း၏ ဂုဏ်ယူမှုတစ်ခု ဖြစ်ခဲ့သည်။ ဂိုဏ်းချုပ်ကလည်း သူ့အတွက် အလွန်ဂုဏ်ယူခဲ့သည်။

  လီလျှို့ရွှေနဲ့တွေ့တာ​ကြောင့်မဟုတ်ရင် သူ့ဘ၀မှာ ပြည့်စုံနေမှာ အသေအချာပင်။ ထို့အပြင်၊ သူ့အဖေကဲ့သို့ပင်၊ သူသည် အဇူရာကြာပန်းဓားဂိုဏ်း၏နောက်ထပ်ဂိုဏ်းချုပ်ဖြစ်လာမည်ဖြစ်သည်။

 ဂိုဏ်းချုပ်အနေနဲ့ကတော့ အကြီးအကဲရာထူးကို ယူလိုက်နိုင်သည်။

  ခြေလှမ်းတစ်လှမ်းပြီးတစ်လှမ်း လျှောက်သွားခဲ့သော  လီချန်းရှန်နောက်မှ လိုက်လာသော ကျူးကောကျီချုံသည် သူမ၏ စီနီယာအစ်ကို ပြန်လာခြင်းကြောင့် လူများစွာ မျက်ရည်ဝဲနေကြသည်ကို သူမမြင်လိုက်ရသောအခါတွင် အလွန်ထိတ်လန့်သွားခဲ့သည်။

 စတုထ္ထမြောက်အစ်ကို ဖြစ်သူမှာလည်း အရင်တုန်းက သူ့ကို လေးလေးနက်နက် ချစ်တဲ့သူတွေ အများကြီးရှိခဲ့တယ် ဆိုတာပါပဲ။

 အဇူရာကြာပန်းဂိုဏ်းကိုပျက်စီးစေတာထက် အသေခံဖို့ဆန္ဒရှိနေတာ အံ့သြစရာမရှိပါဘူး။

  ဤနေရာသည် သူ့ရဲ့ဇစ်မြစ်ပဲ။

 လီချန်းရှန်သည် တစ်လှမ်းပြီးတစ်လှမ်း လျှောက်လာကာ လီလျှို့ရွှေကို တိုက်ရိုက်ဖြတ်သွားခဲ့သည်။ သူလုံးဝမပြင်ဆင်ထားပေ။

 လီလျှို့ရွှေက သူ့စရိုက်ကိုသိသလို သူလည်း လီလျှို့ရွှေရဲ့ စရိုက်ကို သိသည်။

 သူတို့နှစ်ယောက်ဟာ သေ​ရေးရှင်​ရေး ရန်သူတွေဖြစ်ပြီး တစ်ယောက်နဲ့တစ်ယောက် ကောင်းကောင်းသိကြသည်။

 လီလျှို့ရွှေက သူ့ကို မတားဘဲ ဘေးနားမှာ ငြိမ်ငြိမ်လေး စောင့်နေလိုက်တယ်။

 လီချန်းရှန်သည် လီလျှို့ရွှေကို ကျော်ဖြတ်ပြီး ဓားဂိုဏ်း၏ချုပ်အား လေးလေးနက်နက် ဦးညွှတ်ပြသည်။

 "အဘိုးလင်း ၊မ​တွေ့ရတာ ကြာပြီ"

 "ကောင်းတယ်၊ ကောင်းတယ်၊ မင်းနောက်ဆုံးတော့ ပြန်လာပြီပေါ့။"

 ဓားဂိုဏ်း၏ဂိုဏ်းချုပ်သည်  လီချန်းရှန်ကို ကူညီရန် အလျင်အမြန် ပြေးသွားခဲ့သည်။ လီချန်းရှန်၏ လက်ရှိကျင့်ကြံမှု ပြန်လည်ကောင်းမွန်နေပြီဖြစ်ပြီး ယခင်ကထက်ပင် ပိုမိုအားကောင်းလာကြောင်း သူသဘောပေါက်နိုင်သည်။

 ဒါတင်မကသေးဘဲ သူ့အငွေ့အသက်ကလည်း အရင်ကနဲ့ အရမ်းကွာတယ်။

 အရင်တုန်းကတော့ လီချန်းရှန်ဟာ ​​မာနကြီးပြီး တားမရပါဘူး။ မာနကြီးပြီး လူတိုင်းကို နှိမ့်ချတယ်။

 သို့သော် ယခုတော့ သူသည် နူးညံ့သိမ်မွေ့သည်။

အထိန်းအကွပ်မရှိသော လူငယ်တစ်ဦးသည် ရင့်ကျက်တည်ငြိမ်သော အမျိုးသားတစ်ဦးအဖြစ်သို့ ကြီးပြင်းလာသကဲ့သို့ပင်။

 "အဘိုးလင်း ၊ ပြန်လာဖို့ တော်တော်ကြာခဲ့တာ စိတ်မကောင်းဖြစ်ရပါတယ်။ ဒါ့ပြင် ကျွန်တော်ပြန်ရောက်တာနဲ့ အဇူရာကြာပန်း ဓားဂိုဏ်းအတွက် ဒီလောက်ကြီးမားတဲ့ပြဿနာကိုပါ ခေါ်ဆောင်ခဲ့မိသေးတယ်။"

 ဓားဂိုဏ်းချုပ်က ခေါင်းယမ်းသည်။

 "တောင်းပန်စရာ မလိုပါဘူး။ ဒါ မင်းအိမ်ပဲလေ။ မင်းလိုတဲ့အချိန်တိုင်း လာလို့ရတယ်။"

 လီချန်းရှန်က ခေါင်းညိတ်ပြီး ချက်ချင်းပြောတယ် "အဘိုးလင်း၊ ဒီနေရာကို ခဏ ငှားပါ"

 ဓားဂိုဏ်း၏ဂိုဏ်းချုပ်က လီလျှို့ရွှေကို ကြည့်ကာ လေးနက်သောအမူအရာဖြင့် ပြောသည် ။

 "မင်း ဒီကောင်နဲ့ ပြိုင်မှာလား။ စိတ်မပူပါနဲ့၊ ငါ ထပ်တူ အမှားမျိုး ထပ်မလုပ်တော့မှာ သေချာတယ်။ ငါအနားမှာရှိရင် သူ မင်းကို လုံးဝ ဒုက္ခပေးမှာ မဟုတ်ဘူး။"

 အရင်တုန်းကတော့ လီချန်းရှန်နဲ့ သူ့မိဘတွေရဲ့အဖြစ်အတွက် သူ့ကိုယ်သူ လေးလေးနက်နက် အပြစ်တင်ခဲ့ဖူးသည်။ သို့သော် ယခုတော့ သူဒီလိုနောင်တတွေ မလိုချင်တော့ပါ။

 အဇူရာကြာပန်း ဓားဂိုဏ်း၏ဂုဏ်သိက္ခာကို စွန့်စားရလျှင်ပင် လီချန်းရှန်ကို ကာကွယ်ရမည်။

 သို့သော်လည်း လီချန်းရှန် က ခေါင်းခါလိုက်သည်။

 "အဘိုးလင်း ၊ ဒါ ကျွန်တော့်ပြဿနာပဲ၊ ကျေးဇူးပြုပြီး ကျွန်​တော် ကိုယ်တိုင် ဖြေရှင်းပါရစေ။"

 "ဟင့်အင်း၊ ငါ မင်းကို ဘာမှ ခွင့်မပြုဘူး။ မင်းမိဘတွေ ဆုံးသွားပြီ။ မင်းကို ကောင်းကောင်း မကာကွယ်ရင် ​နောင်ဘဝမှာ မင်းမိဘတွေရှေ့မှာ ငါ ဘယ်လို ခေါင်းမော့လို့ ရမလဲ။"

 လီချန်းရှန် တည်ငြိမ်စွာပြုံးလိုက်သည်။

 "စိတ်မပူပါနဲ့ အဘိုးလင်း ။ ကျွန်​တော်က အရင်က ကျွန်​တော် မဟုတ်ဘူး။ လီလျှို့ရွှေ ဘယ်လောက်ကြောက်စရာကောင်းတယ်ဆိုတာ သိတယ်။ ကျွန်​တော်သာ လီလျှို့ရွှေကို တကယ် အနိုင်မယူနိုင်ရင် ကိုယ့်ကိုယ်ကိုယ် အတင်းတွန်းအားမပေးဘူးလို့ အာမခံတယ်။"

 ဒါကိုကြားတော့ ဓားဂိုဏ်းရဲ့ ဂိုဏ်းချုပ်ရဲ့ စိတ်တွေ တုန့်ဆိုင်းသွားပြီး လီချန်းရှန်ကို သေချာပြန်ကြည့်လာသည်။

 လီချန်းရှန်ကို မတိုက်ခိုက်စေလိုသော အကြောင်းရင်းမှာ လီချန်းရှန်က သူ့ကိုယ်သူ 

တွန်းအားပေးမည်ကို စိုးရိမ်သောကြောင့် ဖြစ်သည်။ သူသာ လီလျှို့ရွှေကို အနိုင်မယူနိုင်ခဲ့ပါက၊ သူသည် လီလျှို့ရွှေ၏ အနိုင်ယူခြင်းကို ခံရတော့မည်ဖြစ်သည်။

 သို့သော်လည်း ယခုအချိန်တွင် သူသည် လီချန်းရှန်၏မျက်လုံးများကို ဆုံတွေ့သောအခါ လီချန်းရှန်သည် အစွဲအလမ်းမရှိတော့ကြောင်း သူပြောနိုင်သည်။

 ဒါက လီချန်းရှန်ရဲ့မျက်လုံးထဲမှာ ယုံကြည်မှုနဲ့ တည်ငြိမ်မှုကို သူမြင်လိုက်ရလို့ပါပဲ။

 ဒီလူငယ်က တကယ်ကို ပြောင်းလဲသွားခဲ့တယ်။

 လီချန်းရှန်ကို ဘယ်သူက ပြောင်းလဲခဲ့တာလဲ ဒါမှမဟုတ် လီချန်းရှန်က ဘာကြောင့် ပြောင်းလဲနိုင်တယ်ဆိုတာ မသိပေမယ့် အခုအချိန်မှာတော့ လီချန်းရှန်ဟာ ​​သူ့ယုံကြည်မှုနဲ့ ထိုက်တန်တယ်လို့ သူခံစားမိတယ်။

 သူသည် မလှမ်းမကမ်းတွင် လီလျှို့ရွှေကို ကြည့်ကာ အသက်ပြင်းပြင်းရှူလိုက်သည်။

 "ကောင်းပြီ၊ အဲဒါဆိုရင် မင်းသူ့ကို တိုက်ခွင့်ပေးမယ်။ ဒါပေမယ့် မင်းအန္တရာယ်တစ်ခုခုကြုံလာရင် ငါသေချာပေါက် ဝင်စွက်ဖက်ပေးမယ်ဆိုတာ စိတ်ချထား။"

 "ကျေးဇူးတင်ပါတယ် အဘိုးလင်း"

 လီချန်းရှန်က လက်နှစ်ဖက်ကိုဆုပ်ကာအရိုအသေပေးလိုက်သော်လည်း ဓားဂိုဏ်းချုပ်က သူ့လက်ကို ဝှေ့ယမ်းလိုက်သည်။

 " ကလေးရယ်၊ ငါ့ကို ကျေးဇူးတင်နေစရာ မလိုပါဘူး။ ငါ တခြားသူတွေကို ထွက်သွားခိုင်းလိုက်မယ်။"

 ထို့နောက် လီလျှို့ရွှေနှင့် လီချန်းရှန် တိုက်ခိုက်ရန်အတွက် အဇူရာကြာပန်းဓားဂိုဏ်း၏ရင်ပြင်ကို ဆုတ်ခွာရန် လူတိုင်းကို ချက်ချင်း အမိန့်ပေးခဲ့သည်။

 မကြာခင်မှာပဲ လီလျှို့ရွှေလီချန်းရှန်နဲ့ ကျူးကောကျီချုံတို့ပဲ ကျန်ခဲ့တော့သည်။

 လီလျှို့ရွှေသည် ကျူးကောကျီချုံကို စိုက်ကြည့်ကာ ငြီးငွေ့သော အသံကို ထုတ်လိုက်သည် ။

 "ဘာလို့လဲ၊ မင်းကို ကူညီဖို့ တစ်ယောက်ယောက်လိုနေတာလား?"

 လီချန်းရှန် လုံးဝမရှက်ဘူး။

 "လီလျှို့ရွှေ၊ မင်းက ဓားဧကရာဇ်ပဲ၊ မင်းရဲ့မျိုးဆက်တွေထဲမှာ အကောင်းဆုံးပဲ။ မင်းရဲ့ခွန်အားက အရမ်းအစွမ်းထက်တယ်။ ငါအကူအညီမရှာရင် မင်းကို ငါဘယ်လိုတိုက်ဝံ့မလဲ။"

 လီလျှို့ရွှေသည် မျက်ခုံးပင့်တင်လိုက်သည်။

 လီချန်းရှန်သည် ကြီးမားသည့်ကိစ္စရပ်တစ်ခုကို ရင်ဆိုင်ဖြတ်သန်းခဲ့ရကြောင်း သူ ခံစားနိုင်သည်။

 အတိတ်မှာဖြစ်ခဲ့ရင် လီချန်းရှန်ဟာ ​​မာနကြီးလွန်းပြီး ဒီလိုမျိုး ဘယ်တော့မှ အဖြစ်ခံမှာမဟုတ်ဘူး။ လီချန်းရှန် ဒေါသတကြီးရောက်လာပြီး တစ်ယောက်ကိုတစ်ယောက် ရန်မတိုက်ခင်မှာ သူစကားအနည်းငယ်ပြောဖို့ပဲလိုတယ်။

 ယခုတော့ သူ့အား အရှက်ရစေရန် ပြောသော်လည်း လီချန်းရှန်က ရယ်မောနေသည်။

 ဒီကောင် ကြီးပြင်းလာပြီပဲ။

 သို့သော်လည်း ဤကောင်သည် အနည်းငယ် ဖြောင့်မတ်နေသေးသည်။ အဇူရာကြာပန်းဓားဂိုဏ်းမှ လူများစွာသည် ဤနေရာတွင် သေဆုံးမည်ကို သူသိသည်။ ထို့ကြောင့် သူသည် အဇူရာကြာပန်း ဓားဂိုဏ်းမှ လူများကို အ​ဝေးပို့ခြင်းဖြင့် ကောင်းမွန်သော ရွေးချယ်မှုတစ်ခုကို ပြုလုပ်ခဲ့သည်။

 အဇူရာကြာပန်းဓားဂိုဏ်းမှ ဤလူများ၏ ဘဝကို အရှက်ကင်းမဲ့စွာ လျစ်လျူရှုခဲ့မည်ဆိုလျှင်၊ ၎င်းသည် ခြားနားသော ဇာတ်လမ်းတစ်ပုဒ် ဖြစ်လိမ့်မည်။ လီချန်းရှန်သည် အဇူရာကြာပန်းဓားဂိုဏ်း တစ်ခုလုံးကို အတူတူ တိုက်ခိုက်ရန် လိုလားပါက လီလျှို့ရွှေသည် သူ့ကို အမှန်တကယ် အထင်​သေးလိမ့်မည်။

 တကယ်တော့ လီချန်းရှန်သည် မြင်းနက်များသည် သာမန်လူများမဟုတ်ကြောင်း ကောင်းကောင်းသိသည်။ ပြင်းထန်သောရိုက်ချက်များနှင့် ကြုံတွေ့ခဲ့ရသူ သို့မဟုတ် ၎င်းတို့နှင့်ရန်သူဖြစ်ခဲ့သူများသည် အခြေခံအားဖြင့် ကောင်းမွန်သောအဆုံးသတ်ကို ရရှိမည်မဟုတ်ပေ။

 လီချန်းရှန်သည် အဇူရာကြာပန်းဓားဂိုဏ်းကို ဝင်ရောက်စွက်ဖက်ခွင့်မပြုရသည့် အကြောင်းရင်းဖြစ်သည်။

 အရင်တုန်းကပင် အဇူရာကြာပန်းဓားဂိုဏ်းကို အများကြီး အကြွေးတင်ထားပြီးသားပင်။ သဘာဝအားဖြင့် သူသည် အဇူရာကြာပန်းဓားဂိုဏ်းကို နောက်ထပ် ဆုံးရှုံးမှုကို မခံစား​စေနိုင်တော့ပေ။

ထို့အပြင်၊ လီလျှို့ရွှေကိုကိုင်တွယ်ခြင်းသည် မူလကတည်းက သူ့ဆရာမှပေးအပ်သောတာဝန်ဖြစ်သည်။ သူဘာလို့ တခြားသူတွေကို ဆွဲချရမှာလဲ။

 အားလုံးထွက်သွားပြီးနောက် လီချန်းရှန်သည် သူ့အကြည့်ကို လီလျှို့ရွှေသို့ လှည့်ကြည့်လိုက်သည်။

 "စကြရအောင်။"

 "ကောင်းပြီလေ၊"

 လီလျှို့ရွှေက တိုးတိုးလေး အသိအမှတ်ပြုပြီး စကားတစ်ခွန်းပဲ ပြောလိုက်သည်။ သူလည်း လေကုန်မခံလိုပေ။

 သူတို့နှစ်ယောက်ဟာ နှစ်ပေါင်းများစွာ ရန်သူတွေဖြစ်ခဲ့ကြပြီး တစ်ယောက်နဲ့တစ်ယောက် နောက်ခံအကြောင်းတွေ သိထားပြီးသားဖြစ်သည်။ သူတို့အနေနှင့် ဟိုဟိုဒီဒီပြောဆိုနေဖို့လည်း မလိုတော့ပေ။

 ရိုးရိုးရှင်းရှင်း စကားစမြည်ပြောဆိုပြီးနောက်၊ သူတို့သည် ၎င်းတို့၏ သိုင်းဘုရင်အဆင့်လက်နက်များကို တိုက်ရိုက်ထုတ်ခဲ့သည်။

 ရိုးရှင်းသော စူးစမ်းမှု သို့မဟုတ် မလိုအပ်သော စကားလုံးများမပါဘဲ၊ သူတို့နှစ်ဦးကြားရှိ တိုက်ပွဲကို အထွတ်အထိပ်သို့ တိုက်ရိုက်တွန်းပို့ခဲ့သည်။

 လေထဲမှာ သူတို့ နှစ်ယောက် ချက်ခြင်း ပျောက်သွားသည်။ အဆက်မပြတ်တိုက်မိခြင်းမပြုမီ ရင်ပြင်၌ လျှပ်စီးကြောင်းနှစ်ခုသာ လျင်မြန်စွာ လင်းလက်သွားသည်ကို တစ်ယောက်မှ မြင်နိုင်သည်။

 တစ်စက္ကန့်အကြာ…

  အုန်း..

 ပေါက်ကွဲသံသည် မြေပြင်ပေါ်တွင် ရုတ်တရက် ပေါက်ကွဲသွားပြီး အဇူရာကြာပန်းဓားဂိုဏ်း၏ ရင်ပြင်တစ်ခုလုံး ပျက်စီးသွားသည်။ အောက်နှစ်မီတာနက်တဲ့ ကျောက်တုံးကြီး ပေါက်ကွဲသွားသည်။ သူတော်စင်အဆင့် ခံစစ်ဖွဲ့စည်းပုံသည်ပင်လျှင် လုံးလုံးလျားလျား မခုခံနိုင်ဘဲ ကွဲအက်သွားခဲ့သည်။

 "ဘယ်လောက်တောင် အစွမ်းထက်လဲ!"

 အဝေးမှကြည့်နေသော အဇူရာကြာပန်းဓားဂိုဏ်းမှလူများသည် ဤမြင်ကွင်းကိုမြင်လိုက်ရသောအခါ မထိန်းနိုင်ဘဲ အော်နေကြသည်။

 "ချန်းရှန် ဘယ်တုန်းက ဒီလောက် အစွမ်းထက်ခဲ့တာလဲ၊ ဒီတစ်ကြိမ်မှာ သူ ဘယ်လိုကံကောင်းတဲ့ ဆုံတွေ့မှုမျိုး ကြုံခဲ့လဲ?"

 "ချန်းရှန်က သိုင်းဘုရင်အဆင့်လက်နက်ကို ကိုင်ထားတာ မဟုတ်ဘူးလား။ သူ့မှာ သိုင်းဘုရင်အဆင့် လက်နက်တောင် ရှိတယ်။ ဒီကလေးရဲ့ ကံတရားက တကယ်ကို အထင်ကြီးစရာပဲ!"

 လီချန်းရှန် ကြီးပြင်းလာသည်ကို ကြည့်ရှုခဲ့ကြသည့် လူကြီးများအားလုံး စိတ်လှုပ်ရှားနေကြသည်။

 သို့သော်လည်း ဓားဂိုဏ်း၏ဂိုဏ်းချုပ် အပါအဝင် အဇူရာကြာပန်းဓားဂိုဏ်းတွင် အလွန်နက်နဲစွာ ကျင့်ကြံထားသော တည်ရှိမှု အနည်းငယ်သည် အလွန်တရာ လေးနက်သော အမူအရာများ ရှိသည်။

 "အရမ်းစောပြီး မပျော်ပါနဲ့ လီလျှို့ရွှေ ဘယ်လောက်ကြောက်စရာကောင်းလဲ အားလုံး မေ့သွားပြီလား?"

 "လီလျှို့ရွှေက ပိုအဆင့်မြင့်တဲ့သူတွေကို တိုက်ခိုက်နိုင်တယ်!"

 ဒီစကားကို ပြောပြီးတာနဲ့ အားလုံးက ချက်ချင်း တုန်လှုပ်သွားကြသည်။ ထိုအချိန်က လီလျှို့ရွှေ၏ ခွန်အားကို အမှတ်တမဲ့ အမှတ်ပြန်ရသွားလေသည်။

 ထိုအချိန်တွင်၊ အနှစ်သာရခိုင်မြဲခြင်းအဆင့်တွင်သာရှိသော်လည်း အဇူရာကြာပန်းဓားဂိုဏ်းတွင်ဓားတစ်ချောင်းတည်းဖြင့် ဝင်ခဲ့သည်။

 ထို့နောက် ထိုအချိန်က ဧကရာဇ်အဆင့် ကျွမ်းကျင်သူဖြစ်နေပြီဖြစ်​သော လီချန်းရှန်၏ မိဘများ- ဓားဂိုဏ်း,ဂိုဏ်းချုပ်နှင့် ဇနီးတို့ကို သတ်ပစ်ခဲ့သည်….

***

အပိုင်း ၂၀၈ ဓါးကပို​တောင်မြန်​သေးတယ်

ဓားဂိုဏ်း၏ ဂိုဏ်းချုပ်သည် စိုးရိမ်သော အမူအရာဖြင့် ပြောသည်။

 "ပိုကြောက်စရာကောင်းတာက လီလျှို့ရွှေက သိုင်းဘုရင်အဆင့် လက်နက်တစ်ခုလည်း ရှိပုံရတယ်။ ဒီလိုအချိန်တိုလေးအတွင်းမှာ သူ့ရဲ့ ကျင့်ကြံမှုဟာ ဧကရာဇ်အဆင့်ရဲ့ ပထမအဆင့်အထိမြင့်လာပြီး ချန်းရှန်ထက် အဆင့်တစ်ဆင့်ပိုမြင့်လာတယ်။ အဆင့်ကြီးတစ်ခုဆိုတာ သိပ်မကွာဘူးထင်ရပေမယ့် ဒါက တကယ်ကို သိသာတယ်။"

 အဘယ်ကြောင့်ဆိုသော် ၎င်းတို့အနက်မှ တစ်ဦးမှာ ဧကရာဇ်အဆင့် ကျွမ်းကျင်သူဖြစ်ပြီး ကျန်တစ်ဦးမှာ ဘုရင်အဆင့် ကျွမ်းကျင်သူတစ်ဦးဖြစ်သောကြောင့် ဖြစ်သည်။”

 လီချန်းရှန်ကို လူတိုင်းနီးပါး အထင်မကြီးကြပေ။

  စစ်မြေပြင်တွင်လည်း ထိုနည်း၎င်း​ကောင်းပင်ဖြစ်ပေသည်။

 သူတို့နှစ်ယောက် တိုက်တိုင်း လီလျှို့ရွှေ၏ ပြင်းထန်သော စွမ်းအားသည် သူ၏လက်နက်မှ လီချန်းရှန်သို့ ပေးပို့သွားမည်ဖြစ်သည်။

 ထိုးနှက်လိုက်တိုင်း လီချန်းရှန်၏လက်သည် ထုံကျင်လာသည်။ အတွင်းအရိုးများသည် အဆက်မပြတ် တုန်ခါနေသဖြင့် ပုံပျက်သွားစေသည်။ သူ၏ ကြွက်သားများနှင့် နှလုံး​သွေး​ကြောများမှာလည်း ပုံပျက်လာသည်။

 ကျင့်ကြံမှု ကွာခြားချက်ကြောင့် တိုက်ပွဲတွင် များစွာ ဒုက္ခရောက်ခဲ့ရသည်။

 သို့သော်လည်း လီချန်းရှန်သည် မမိုက်မဲပေ။ ထို့အပြင်၊ သူသည် လီလျှို့ရွှေကို အကြိမ်ပေါင်း မရေမတွက်နိုင်သော ရှုံးနိမ့်ခြင်း၏ နာကျင်မှုကို ကြုံတွေ့ခဲ့ရပြီးဖြစ်သည်။ ယခုတော့ သူ့နှလုံးခုန်တာ ရပ်သွားကာ လီလျှို့ရွှေနှင့် ဦးနှောက်မဲ့စွာ တိုက်တော့မည် မဟုတ်ပါ။

 ကြံ့ခိုင်မှုအရ အနိုင်ယူလို့မရတဲ့အခါ သူ့အရှိန်နှင့် တွန်းလှန်သည်။

 နတ်ဘုရားအဆင့်ဓါးဝိညာဉ်မှ ယူဆောင်လာသော ဓားတာအို၏ မြှင့်တင်မှုသည် ဓားနည်းပညာတွင် လီလျှို့ရွှေ၏ အောင်မြင်မှုများထက် မနိမ့်ကျပေ။

 လီချန်းရှန်သည် အရှိန်မြှင့်ကာ တိုက်ခိုက်မှုကို ထိန်းချုပ်လိုက်သည်။

 လီလျှို့ရွှေက မြန်ပေမယ့် သူက လီလျှို့ရွှေထက်တောင် ပိုမြန်သည်။ သူ့အရှိန်၏အကူအညီဖြင့် လီလျှို့ရွှေကို ဖိနှိပ်ခဲ့ပြီး ၎င်းအစား လီလျှို့ရွှေ၏ အကျိုးသက်ရောက်မှုကို အားနည်းစေကာ လီလျှို့ရွှေ၏ ထိခိုက်​စေနိုင်စွမ်းကို တားဆီးပေးခဲ့သည်။

 ခဏလောက်တော့ သူတို့နှစ်ယောက်လုံး တစ်ဖက်ကိုတဖက် မထိခိုက်နိုင်တော့ဘူး။

 လီလျှို့ရွှေ၏ နှုတ်ခမ်းထောင်မှာ ကွေးညွတ်သွားသည်။

 "စိတ်ဝင်စားဖို့ကောင်းတယ်။ လုရှောင်ယန်ရဲ့ တပည့်ပီသတယ်။ အရင်မင်းနဲ့ ယှဉ်ရင် မင်းဟာ ဓားရေးနည်းတွေသာမက စိတ်ပိုင်းဆိုင်ရာမှာပါ တိုးတက်လာတယ်။"

 လီလျှို့ရွှေက မအံ့သြနေပါဘူး။

 လုရှောင်ယန်ကိုအနိုင်ယူပြီးနောက် သူသည် နတ်ဘုရားအဆင့်သို့ တိုက်ရိုက်တက်နိုင်မည်ဟု ဆုကြေးသတ်မှတ်ထားလေသည်။ ဒါကပဲ လုရှောင်ယန် မည်မျှ အစွမ်းထက်ကြောင်း သက်သေပြရန် လုံလောက်ပါသည်။

 ဤကဲ့သို့ ထိပ်တန်းပညာရှင်တစ်ဦးမှ သင်ကြားပေးသော တပည့်များသည် အားနည်းပါက ထူးဆန်းပေလိမ့်မည်။

 "ဒါပေမယ့် မင်းဘယ်လောက်ပဲ အစွမ်းထက်နေပါစေ လုရှောင်ယန် မဟုတ်သေးဘူး။"

 လီချန်းရှန်ကို သူ၏ဓားဖြင့် ပြန်တိုက်ပြီးနောက်၊ သူ့အသိစိတ်သည် စနစ်နှင့် ဆက်သွယ်လာသည်နှင့်အမျှ လီလျှို့ရွှေ၏ မျက်လုံးများ တောက်ပလာသည်။

 "စနစ်၊ အစွန်းရောက်ဓားပြရည်ရွယ်ချက်ကို အသက်သွင်းပါ။"

 [ဒင်... အလွန်အမင်း အရှိန်အဟုန်ပြင်းစွာ ဓားသွားထိုးရန် ရည်ရွယ်ချက် အောင်မြင်သွားပါပြီ။  အသွင်ပြောင်းမှုသည် နှစ်စက္ကန့်အတွင်း ပြီးမြောက်မည်ဖြစ်သည်။  တိုက်ခိုက်မှုအင်အား ၁၀% လျော့သွားမှာဖြစ်ပြီး တိုက်ခိုက်မှုအရှိ ၅၀% တိုးလာမယ်။ အကျိုးသက်ရောက်မှုသည် အသက် ၁၅ ခါရှူချိန်အထိကြာရှည်လိမ့်မည်]

  လီချန်းရှန်သည် လီလျှို့ရွှေ၏ အသွင်ကူးပြောင်းမှုကို သဘာဝအတိုင်း သတိမထားမိပေ။ သို့သော် လျင်မြန်စွာ မြင့်တက်လာသော ပြင်းထန်သော ခြိမ်းခြောက်မှုကို သူ ခံစားနိုင်သည်။

 မြင်းနက်တွေက ဘယ်လောက်ထိ ကြောက်ဖို့ကောင်းလဲဆိုတာ သူနားလည်ခဲ့တာ ကြာပါပြီ။ စကားများများမပြောဘဲ လီချန်းရှန်က တိုက်ရိုက်တိုက်ခိုက်သည်။

 သူ့ခန္ဓာကိုယ်ထဲမှ ဓားဝိညာဉ် လီချန်းရှန်ကို ခွန်အားတွေ ထုတ်ပေးခဲ့သည်။ လီချန်းရှန်၏ဓားသည် ကောင်းကင်ကို ဆုတ်ဖြဲကာ မီတာတစ်သောင်းအထိ ဖြန့်ကျက်သွားခဲ့သည်။ ဓားအလင်းတန်းသည် ကောင်းကင်နှင့်မြေကြီးကို တုန်လှုပ်စေကာ ဝိညာဉ်စွမ်းအင်ကို ဖြတ်တောက်ကာ တိမ်များကို နှိုးဆော်ကာ ကောင်းကင်တွင် နေမင်းကြီးကို မှောင်မိုက်စေခဲ့သည်။

 ဤအလွန်အစွမ်းထက်သော ဓားတိုက်ခိုက်မှုသည် သေမျိုးကမ္ဘာကို ကျော်လွန်သွားခဲ့ပြီဖြစ်ပြီး နတ်ဆိုးနတ်ဘုရား၏တိုက်ခိုက်မှုနှင့် မခြားပေ။

 "ဓားနည်းပညာကောင်းလိုက်တာ!"

 အဝေးမှ အဇူရာကြာပန်းဓားဂိုဏ်းမှ ပရိသတ်များက တခဲနက် တုံ့ပြန်ကြသည်။

 အဇူရာကြာပန်းဓားဂိုဏ်းသည် ဓားသမားများကို အဓိက ပြုစုပျိုးထောင်ပေးသည်။ ယခုအချိန်တွင် လီချန်းရှန်၏တိုက်ခိုက်မှုသည် အလွန်ကြောက်စရာကောင်းကြောင်း သူတို့အားလုံး သိရှိခဲ့ကြသည်။

သို့သော်!

 ဓားအလင်းတန်းက ကောင်းကင်ကို ဖြတ်သွားတဲ့အခါ လီလျှို့ရွှေဟာ လုံးဝ ရှောင်တိမ်းခဲ့ခြင်းမရှိပေ။ အဲဒီအစား သူ့နှုတ်ခမ်းတစ်ဖက်က တွန့်ကွေးသွားသည်။

 ဓားအလင်းတန်းသည် သူ့ခေါင်းအထက် သုံးမီတာအောက်သို့ ရောက်သောအခါ၊ လီလျှို့ရွှေ၏လက်ထဲမှ သိုင်းဘုရင်အဆင့်လက်နက်သည် ရုတ်တရက် လှည့်သွားသည်။ လက်ကို မြှောက်ကာ ဓားဖြင့် ခုတ်ထစ်သည်။

 ဒီဓားရှည်ရဲ့ လှုပ်ရှားမှုက အရမ်းမြန်တာကြောင့် လူတွေ အသက်ပင်မရှူနိုင်ကြတော့ပေ။ ကျင့်ကြံမှုအားနည်းသူများဆိုလျှင်လီလျှို့ရွှေ၏တိုက်ခိုက်မှုကို မျက်စိဖြင့်မလိုက်နိုင်ကြပေ။

  ထို့နောက် ဒုတိယ၊ တတိယ၊ စတုတ္ထ ဓားတန်းများ ထွက်ပေါ်လာသည်...

 အလင်းတန်းများသည် ကောင်းကင်ယံ၌ အပြည့်ပင်။

 တခဏချင်းမှာပဲ လီလျှို့ရွှေဟာ စုစုပေါင်း ၁၀၈ ကြိမ် ဖြတ်ခုတ်ပြီးသွားပြီ။

 ဓားသွားတိုင်း၏ စွမ်းအားသည် မျှတလွန်းသဖြင့် လီချန်းရှန်၏ဓားအလင်းတန်းကို ပိတ်ဆို့ထားပြီး လီချန်းရှန်၏ဓားအလင်းတန်းများ ဆင်းသက်ခြင်း သို့မဟုတ် ပေါက်ကွဲခြင်းမှ ကာကွယ်ပေးသည်။

 ၁၀၈ ကြိမ်​မြောက် ဓားသွား၏ နောက်ဆုံးတိုက်ခိုက်မှုကို ခုတ်ထစ်လိုက်သောအခါ လီချန်းရှန်သည် ဓားအလင်းတန်းကို မ​တောင့်ခံနိုင်ဘဲ လုံးလုံးပြိုကျသွားသည်။

 လီချန်းရှန်၏ အလွန်ကြောက်စရာကောင်းသော ဓားတိုက်ခိုက်မှုကို လီလျှို့ရွှေက ဤနည်းဖြင့် အလွယ်တကူ ဖြေရှင်းနိုင်ခဲ့သည်။

 ဒီအချိန်မှာ အားလုံးတိတ်ဆိတ်သွားသည်။

 "ပြီးပြီလား။ ပြီးရင် ငါ့အလှည့်ပဲ။"

 လီလျှို့ရွှေက လျစ်လျူရှုလိုက်ပြီး သူ့ခန္ဓာကိုယ်က ချက်ချင်းဆိုသလို ပျောက်ကွယ်သွားခဲ့သည်။

 လီချန်းရှန်၏ မျက်လုံးများသည် ကျဉ်းမြောင်းလာသည်။ ကြိုတင်ပြင်ဆင်ထားခြင်းမရှိသော်လည်း၊ သူသည် ရှေ့သို့တိုးရန် သူ၏ အန္တရာယ်က်ု အလိုလိုသိစိတ်နှင့် သူ့ခန္ဓာကိုယ်ရှိ ဓားဝိညာဉ်ကို အားကိုးခဲ့သည်။

 အုန်း..

 သူသည် သူ၏ သိုင်းဘုရင်အဆင့် လက်နက်ကို ​​ဝေ့ယမ်းရုံသာ ရှိစဉ် အစွမ်းထက်ပြီး လျင်မြန်သောဓားသွားဖြင့် ထိမှန်သွားသည်။

 အုန်း...

 နောက်တစက္ကန့်မှာတော့ လီချန်းရှန်ဟာ ​​အမြောက်ကျည်တစ်ခုလို ပျံသန်းပြီး အခန်းပေါင်း ဒါဇင်ပေါင်းများစွာကို ဆက်တိုက် ကွဲအက်သွား​စေခဲ့သည်။

 "ချန်းရှန်!"

 အဇူရာကြာပန်းဓားဂိုဏ်းမှ လူများအားလုံး တညီတညွတ်တည်း အော်ဟစ်ကာ နှလုံးသားများ နာကျင်ကိုက်ခဲကုန်ကြသည်။

 ကံကောင်းထောက်မစွာ၊ နောက်တစ်စက္ကန့်တွင် လီချန်းရှန်သည် သူ့ခန္ဓာကိုယ်ကို တည်ငြိမ်စေပြီး ကောင်းကင်သို့ ပျံတက်သွားသည်။

 သို့သော်လည်း လူတိုင်း သက်ပြင်းချနိုင်မှု မပြုမီ လီလျှို့ရွှေ၏ ခန္ဓာကိုယ်သည် လီချန်းရှန်အနားသို့ တစ်ဖန်ရောက်ရှိနေပြီဖြစ်သည်။

 "အရမ်းမြန်တယ်!"

 လီချန်းရှန်သည် သူ့အမြန်နှုန်းမှာ လီလျှို့ရွှေထက် နိမ့်သည်ကို သိသည်။ သူ လုံးဝ သတိမလွတ်ဝံ့ဘဲ သူ့ခန္ဓာကိုယ်ရှိ ဝိညာဉ်စွမ်းအင်အားလုံးကို သူ့ကိုယ်ပေါ်ရှိ သိုင်းဘုရင်အဆင့်ချပ်ဝတ်တန်ဆာထဲသို့ ချက်ချင်းလောင်းထည့်လိုက်သည်။ သူသည် ခံစစ်အတားအဆီးကို ထုတ်လွှတ်ရန်အတွက် သိုင်းဘုရင်အဆင့် ချပ်ဝတ်တန်ဆာကို အသုံးပြုခဲ့သည်။

 လီလျှို့ရွှေသည် သူ့တွင် သိုင်းဘုရင်အဆင့် ချပ်ဝတ်တန်ဆာကို ပိုင်ဆိုင်ထားသောကြောင့် မအံ့သြသွားပေ။

 နောက်ဆုံးတွင်၊ ဓားသမားတစ်ဦးအနေဖြင့်၊ သူသည် အလွန်လွှမ်းမိုးချုပ်ကိုင်ထားပြီး ကောင်းကင်နှင့်မြေကြီးကိုပင် မည်သည့်အရာမဆို ဖြတ်တောက်နိုင်ခဲ့သည်။

 တစ်ဖက်လူရဲ့ ခုခံအားက ဘယ်လောက်ပဲ အစွမ်းထက်နေပါစေ သူ့ဓားနဲ့ ထိုးသတ်နိုင်မယ်လို့ သူယုံကြည်တယ်။

 အုန်း..

 ဓားသွားက ခံစစ်အတားအဆီးကို ထိသွားခဲ့သည်။  လီချန်းရှန်နှင့် ခံစစ်အတားအဆီးတစ်ခုလုံး ပြင်းထန်စွာ တုန်လှုပ်သွားသည်။

 သို့သော် ဤအရာသည် အဆုံးမဟုတ်ပေ။ အဲဒီအစား၊ အဲဒါက အစပဲ။

 ပြီးတာနဲ့ ချက်ချင်းပဲ ဒုတိယ၊ တတိယ၊ စတုတ္ထ ဓားသွားက ရွေ့သွားသည်..။

 ဒီတစ်ကြိမ်မှာတော့ လီလျှို့ရွှေရဲ့ တိုက်ခိုက်မှုအရှိန်က အရင်ကထက်တောင် ပိုမြန်လာတော့သည်။ ကောင်းကင်မှာ ပြည့်နေတဲ့ ဓားရိပ်တွေ ပျောက်ကွယ်သွားကာ လီချန်းရှန်၏ ခံစစ်အတားအဆီးကို အခိုင်အမာ ထိမှန်သောကြောင့် လေထဲတွင် ဓားအလင်းတန်းတစ်ခုသာ မြင်နိုင်သည်။

 တကယ်တော့ ဒါဟာ လီလျှို့ရွှေရဲ့ အမြန်နှုန်းက အရမ်းမြန်ပြီး တိုက်ခိုက်မှုတိုင်းဟာ တစ်နေရာတည်းမှာ ကျရောက်တာကြောင့်ပင်။  ထို့ကြောင့် လီချန်းရှန်၏ခံစစ်အတားအဆီးအထက် တစ်နေရာတည်းတွင် လီလျှို့ရွှေ၏ဓားကို ပြုပြင်ထားပုံရသည်။

 လီလျှို့ရွှေသည် လေးဆယ့်ကိုးကြိမ်တိတိ တိုက်လိုက်သောအခါ၊ လီချန်းရှန်၏ ခံစစ်အတားအဆီးသည် နောက်ဆုံးတွင် မခံနိုင်တော့ပေ။

 ခံစစ်အတားအဆီးသည် ပေါက်ကွဲသံနှင့်အတူ ကွဲကြေသွားပြီး မှန်ကွဲသွားသကဲ့သို့ ပြိုးပြိုးပြက်ပြက်ပြက်ပြလာသော အလင်းတန်းများ ထွက်ပေါ်လာသည်။

 လီလျှို့ရွှေ၏နောက်ထပ်တိုက်ခိုက်မှုက လီချန်းရှန်ကို မြေပြင်ပေါ်သို့ တိုက်ရိုက်ထိုးဆင်းသွား​စေခဲ့သည်။

 အုန်း..

 နောက်ထပ် ထိတ်လန့်တုန်လှုပ်ဖွယ် ပေါက်ကွဲသံနှင့်အတူ အဇူရာကြာပန်းဓားဂိုဏ်း၏ အထွတ်အထိပ်တစ်ခုလုံး ပြင်းထန်စွာ တုန်လှုပ်သွားခဲ့သည်။

 ဖုန်မှုန့်တွေ တိမ်တွေ တဖြည်းဖြည်း တက်လာတယ်။

 လီလျှို့ရွှေသည် အလင်းတန်းတစ်ခုအဖြစ် ပြောင်းလဲကာ ဆင်းသက်လာခဲ့သည်။ တစ်ချိန်တည်းမှာပဲ လီချန်းရှန်ဟာ ​​တွင်းထဲကနေ ချက်ချင်း လွတ်မြောက်သွားခဲ့သည်။ နောက်တစ်စက္ကန့်တွင်၊ လီလျှို့ရွှေ၏ဓားတန်းသည် မီတာတစ်ထောင်နီးပါးကျယ်သော လျှိုကြီးတစ်ခုအား ဖြတ်တောက်ပစ်လိုက်သည်။

 ဖူး....

 လီချန်းရှန်တစ်ယောက် ပါးစပ်အပြည့် သွေးတလုတ်အန်လိုက်ရသည်။ သူသည် ဤဓားသွားအလင်းတန်းကို မထိမှန်ခဲ့သော်လည်း၊ သူသည် လီလျှို့ရွှေထံမှ အပြင်းအထန်ခံခဲ့ရခဲ့သော ဓားရောင်ခြည်ကြောင့် သူ့ခန္ဓာကိုယ်အတွင်းရှိ အင်္ဂါအစိတ်အပိုင်းများ ကွဲအက်သွားခြင်းပင်ဖြစ်သည်။

 မဆိုင်းမတွဘဲ၊ သူသည် ထိပ်တန်း သူတော်စင်အဆင့် ဆေးဖက်ဝင်ဆေးကို ချက်ချင်းမျိုချလိုက်သည်။ ကျူးကောကျီချုံသည် သင့်လျော်သောအချိန်တွင် ပျံသန်းလာပြီး အဇူရာသက်ရှည်ပညာရပ်ကို အသုံးပြုခဲ့သည်။

 ကျူးကောကျီချုံ၏အနောက်ဘက်တွင် အဇူရာသက်ရှည်ပညာရပ်ကြောင့် စိမ်းမြသောအလင်းတန်းကို ဖြာထွက်လာကာ လီချန်းရှန်၏ဒဏ်ရာများကို အမြန်ပြုပြင်ပေးသည်ကို မြင်လိုက်ရသဖြင့် လီလျှို့ရွှေသည် မျက်လုံးများကို ​မှေးလိုက်သည်။

 "မင်း ဒီအမျိုးသမီးကို မင်းရဲ့ဒဏ်ရာတွေကို ကုသဖို့ ခေါ်လာပုံရတယ်။ ဒါပေမယ့် မင်းတို့နှစ်ယောက်လုံး တိုက်ပွဲမှာ ပါဝင်နေတာကြောင့် အားနည်းသူတွေကို အနိုင်ကျင့်လို့ဆိုပြီး မင်းငါ့ကို အပြစ်မတင်နိုင်ဘူး။"

 လီချန်းရှန်၏ မျက်လုံးများသည် ကျဉ်းမြောင်းလာသည်။ သူက ကျူးကောကျီချုံ ရှေ့မှာ ချက်ချင်းပိတ်ဆို့ပြီး သူ့ဓားဖြင့် ပြန်ခုတ်လိုက်သည်။

 နောက်အခိုက်အတန့်တွင် ပြင်းထန်သော ပေါက်ကွဲမှုတစ်ခု ဖြစ်ပွားခဲ့သည်။ ထိုအရာက လီလျှို့ရွှေဘက်က တိုက်ခိုက်မှုပင်။

သို့သော်လည်း နောက်စက္ကန့်တွင် လီလျှို့ရွှေသည် သူ့နောက်တွင် ဝိညာဉ်စွမ်းအင် အတက်အကျတစ်ခု ပေါ်လာသည်ကို ခံစားလိုက်ရသည်။ ချက်ခြင်းပင်၊ လီချန်းရှန်သည် သိုင်းဘုရင်အဆင့် ချပ်ဝတ်တန်ဆာ၏ ခုခံကာကွယ်မှုကို ဖယ်ရှားခဲ့ပြီး သူ၏ ခွန်အားအပြည့်ကို ဖြည့်တင်းကာ သူ၏ဘယ်ဘက်ပခုံးအားကိုအသုံးပြု၍ ဓားရှည်ကြီးကို ထိုးသွင်းလိုက်သည်။

 ဖူး...

 ခန္ဓာကိုယ်ထဲသို့ ဓားရှည်ကြီးတစ်ချောင်း ဝင်ရောက်လာသံနှင့်အတူ အေးစက်သောဓားသွားထိပ်ဖျားသည် ကျူးကောကျီချုံ၏နှာခေါင်းရှေ့တွင် ရပ်တန့်သွားသည်။

 လီလျှို့ရွှေ ငုံ့ကြည့်သည်။ သူ့ရင်ဘတ်ကို ဓားရှည်ဖြင့် ထိုးထားပြီးဖြစ်ကာ သိုင်းဘုရင်အဆင့်လက်နက်မှနေပြီး သွေးများ ယိုစီးကျနေသည်။

 ထို့နောက် လီချန်းရှန်သည် သူ့ဓားကို ဆွဲထုတ်ကာ လှည့်ပြီး လီလျှို့ရွှေကို ကန်ထုတ်လိုက်သည်။

 ပြင်းထန်သော ပေါက်ကွဲမှုအပြီးတွင် လီလျှို့ရွှေသည် နံရံတစ်ခုနှင့် တိုက်မိခဲ့သည်။

 ကျူးကောကျီချုံသည် တံ​တွေးမျိုချလိုက်ပြီး လီချန်းရှန်၏ ဒဏ်ရာများကို ချက်ချင်း ကုသပေးခဲ့သည်။

 "သူသေပြီလား?"

 "မြင်းနက်က ဘယ်လိုလွယ်လွယ်နဲ့ သေမှာလဲ? ဒါပေမယ့် ငါ့ဓားဟာ သူ့ဘဝင်ကို ထိခိုက်သွားစေပြီ။ အခုကစလို့ သေ​ရေးရှင်​ရေး တိုက်ပွဲဖြစ်လိမ့်မယ်။"

 သူမစကားပြောပြီးသည်နှင့် ကျူးကောကျီချုံသည် အလွန်ကြောက်စရာကောင်းသော အရိပ်အယောင်ကို နံရံနောက်ကွယ်မှ အဆက်မပြတ်ပျံ့နှံ့သွားသည်ကို ခံစားလိုက်ရသည်။

 [ဒင်... Host ၏ ခန္ဓာကိုယ်တွင် ဒဏ်ရာရသွားသည်ကို အာရုံခံလိုက်ခြင်းဖြင့် host ၏ ခန္ဓာကိုယ်အား ပြန်လည်ပြုပြင်ပြီးသည်အထိ စနစ်သည် တိုက်ပွဲတွင် host ၏ ခန္ဓာကိုယ်အား ကြီးကြပ်မည်ဖြစ်သည်။ ဤကာလအတွင်း host သည် နာကျင်မှုကို မခံရပါ]

[ဒင်… အရှိန်အဟုန်ဖြင့် ဓားရှည် ရည်ရွယ်ချက်ကို ဖွင့်နေသည်…]

 [ဒင်… အားကောင်းသော တိုက်ခိုက်မှုကို ဖွင့်နေသည်… ]

 [ဒင်… အသက်သွင်းပြီး ပင်ကိုယ်စွမ်းရည်ကို မြှင့်တင်… ]

 [ဒင်......]

 လီလျှို့ရွှေ၏ စိတ်ထဲတွင် စကားသံများ ဆက်တိုက်ထွက်ပေါ်လာသည်။ တစ်ချိန်တည်းမှာပင်..

 …

 နန်းမြို့တော်၌။

 အကြီးမြတ်ဆုံးအဆင့် ကိုယ်ခံပညာရှင်ငါးဦးသည် နှောင်းပိုင်းအဆင့် အကြီးမြတ်ဆုံးအဆင့် ကျွမ်းကျင်သူ သို့မဟုတ် အထွတ်အထိပ် ဆယ်အဆင့် အကြီးမြတ်ဆုံးအဆင့် ကျွမ်းကျင်သူနှင့် နှိုင်းယှဉ်နိုင်သော တိုက်ခိုက်မှုများကို ထုတ်လွှတ်ရန်အတွက် သိုင်းဘုရင်အဆင့် အစီအရင်၏ စွမ်းအားကို အားကိုးအားထားပြုနေသည်။

 ဤတိုက်ခိုက်မှုစွမ်းအားသည် လုရှောင်ယန်၏အခြေခံကျင့်ကြံရေး တိုက်ခိုက်မှုစွမ်းအားကို ကျော်လွန်နေပြီဖြစ်သည်။

 နှစ်ဘက်စလုံးတွင် သိုင်းဘုရင်အဆင့် လက်နက်များပါရှိသည့် အခြေအနေတွင်၊ အကြီးမြတ်ဆုံးအဆင့် ကျွမ်းကျင်ပညာရှင်ငါးဦးသည် ပိုမိုမြင့်မားသောအဆင့်ကို တိုက်ခိုက်နိုင်သောကြောင့် အားသာချက်များရှိသည်။ ထို့ကြောင့် လုရှောင်ယန်နှင့် နှိုင်းယှဉ်ကြည့်လျှင် တဖက်သူ၏ အင်အားသည် နိမ့်ပါးခြင်းမရှိပေ။

 ဦးဆောင်နေရာမှ အကြီးမြတ်ဆုံးအဆင့် ကိုယ်ခံပညာရှင်က တိုးတိုးလေးဟစ်အော်လိုက်သည်။ သူ့လက်ထဲတွင် စွမ်းအင်ဘောလုံးတစ်ခု စိမ့်ဝင်သွားပြီး လျှင်မြန်စွာ ကြီးမားလာခဲ့သည်။ တစ်ချိန်တည်းမှာပင် ၎င်းသည် လုရှောင်ယန်ကို တိုက်ရိုက်ဖိချလိုက်သည့် နေကြီးတစ်ခုနှင့် နှိုင်းယှဉ်နိုင်သည်။

  ခရက်~~

 စွမ်းအင်ဘောလုံးကို ဖိထားသောကြောင့် လေထုအတွင်းရှိ ​နေရာလွတ်အတားအဆီးသည် တိုက်ရိုက်ကွဲအက်သွားခဲ့သည်။

 ဒဿမအဆင့် အကြီးမြတ်ဆုံးအဆင့် ကျွမ်းကျင်သူနှင့် သိုင်းဘုရင်အဆင့်လက်နက်မှ တိုက်ခိုက်ခြင်းသည် ​နေရာလွတ် အတားအဆီးသည် အလွယ်တကူ ခံနိုင်ရည်မရှိသော အရာတစ်ခု ဖြစ်နေပါပြီ။

 ပိုကြောက်စရာကောင်းတာက ဒီတိုက်ခိုက်မှုအပြီးမှာ ဒုတိယမြောက်တိုက်ခိုက်မှု၊ တတိယမြောက်တိုက်ခိုက်မှုနဲ့ စတုတ္ထမြောက်တိုက်ခိုက်မှုတွေ ရှိခဲ့တာပဲ ဖြစ်ပါတယ်။

 အကြီးမြတ်ဆုံးအဆင့် ကျွမ်းကျင်ပညာရှင်တိုင်း၏ တိုက်ခိုက်မှုကို အစီအရင် ဖွဲ့စည်းမှုတွင် အလှည့်ကျ ထုတ်လွှတ်ခဲ့ကြသည်

 တစ်ကြိမ်ပြီးတစ်ကြိမ်၊ ဤတိုက်ခိုက်မှုများသည် လုရှောင်ယန်၏ခန္ဓာကိုယ်ကို အဆက်မပြတ် ဗုံးကြဲတိုက်ခိုက်ခဲ့သည်။ လွတ်မြောက်ဖို့ အခွင့်အရေးတောင် မပေးခဲ့ကြပေ….

***

အပိုင်း ၂၀၉ ငြိမ်းချမ်း​ရေး! ကမ္ဘာငြိမ်းချမ်းရေး!

အုန်း..အုန်း..အုန်း..

 ပေါက်ကွဲမှုများစွာသည် လုရှောင်ယန်ကို ဖုံးအုပ်ထားသည်။

 ​လေထုသည် အဆက်မပြတ် ပုံပျက်နေပြီး ကွဲအက်နေခဲ့သည်။ ကွက်လပ်ရှိ တွင်းနက်သည် ပေါက်ကွဲမှုလှိုင်းလုံးများ အပါအဝင် အရာအားလုံးကို မျိုချခဲ့သည်။

 ဤအဖျက်စွမ်းအားသည် နောက်ဆက်တွဲငလျင်များ ထပ်မံမပျံ့နှံ့သွားသော်လည်း၊ ၎င်းသည် အမှန်တကယ်ပင် ပို၍ကြောက်စရာကောင်းစေသည်။

 နန်းမြို့တော်တွင် ခေါင်းလောင်းများ တီးခတ်နေပြီဖြစ်သည်။ ကျင့်ကြံသူများသည် နန်းမြို့တော်၏ အခြားဦးတည်ရာသို့ အရူးအမူး ဆုတ်ခွာနေကြပြီး နန်းမြို့တော်၏ ခံစစ်အစီအရင် ပြိုပျက်သွားကာ တုန်လှုပ်ချောက်ချားသည့် လှိုင်းလုံးများ ဝါးမြိုသွားမည်ကို စိုးရိမ်နေကြသည်။

 နန်းမြို့တော်ရှိ တော်ဝင်မိသားစု ကျွမ်းကျင်သူများသည် ဤတိုက်ပွဲကို ကြောက်ရွံ့စွာဖြင့် ကြည့်ရှုခဲ့ကြသည်။

 "ဒါက အကြီးမြတ်ဆုံးအဆင့် ကျွမ်းကျင်သူတွေကြားက တိုက်ပွဲတစ်ခုလား? သိပ်ကြောက်စရာ ​ကောင်းတာ မဟုတ်ဘူးလား။ ဒီတိုက်ခိုက်မှုရဲ့ စွမ်းအားကို ငါတို့ ထိတွေ့ရရင် ချက်ချင်း ဖုန်မှုန့် ဖြစ်သွားလိမ့်မယ်။"

 "အကြီးအကဲလုက ဒီလောက်ပြင်းထန်တဲ့ တိုက်ခိုက်မှုကို ခံနိုင်ရည်ရှိပါ့မလား?"

 လူတိုင်း၏နှလုံးခုန်နှုန်းသည် အလွန်လျင်မြန်ပြီး သွေးများ လျင်မြန်စွာ စီးဆင်းနေပါသည်။

 ပေါက်ကွဲမှုပေါင်း တရာကျော်ပြီးနောက်၊ အကြီးမြတ်ဆုံးအဆင့် ကိုယ်ခံပညာရှင် ငါးဦးသည် တဖြည်းဖြည်း ရပ်တန့်သွားပြီး အနည်းငယ် မောဟိုက်လာခဲ့သည်။

 ဤ သိုင်းဘုရင်အဆင့် ဖွဲ့စည်းခြင်းသည် ၎င်းတို့ငါးဦး၏ ခွန်အားကို တစ်ခုတည်းအဖြစ် ပေါင်းစပ်ပြီး ၎င်းတို့ငါးဦးနှင့် ယှဉ်နိုင်သော တိုက်ပွဲတန်ဖိုးကို ထုတ်လုပ်နိုင်သော်လည်း ၎င်းသည် မပြည့်စုံသေးပါ။

 ချို့ယွင်းချက်တစ်ခုရှိခဲ့သည်။ တိုက်ခိုက်မှုတိုင်းသည် လူငါးဦး၏ ခွန်အားကို တစ်ပြိုင်နက် ဖျက်ဆီးပစ်လိုက်သည်။

 အကြီးမြတ်ဆုံးအဆင့် ကျွမ်းကျင်သူသည် စိတ်ဝိညာဉ်စွမ်းအင်ကို စုပ်ယူလိုက်သော အရှိန်မှာ ကြောက်စရာကောင်းသော်လည်း ၎င်းတို့၏ သုံးစွဲမှုသည် ပို၍ပင် ကြောက်စရာကောင်းပါသည်။ စွမ်းအားပြည့် တိုက်ခိုက်မှုပေါင်း တရာကျော်ကို အသုံးပြုပြီးနောက် အကြီးမြတ်ဆုံးအဆင့် ကျွမ်းကျင်သူပင်လျှင် အနားယူရမည်ဖြစ်သည်။

 သို့သော် သူတို့သည် တခဏအတွင်း အများအပြား သုံးစွဲခဲ့ကြသော်လည်း ၎င်းတို့ငါးဦးမှာ စိတ်လှုပ်ရှားနေသည့် အမူအရာများကို ထုတ်ဖော်ပြသမိသည်။

 တစ်ချိန်တည်းမှာ တိုက်ခိုက်နေတာ အများကြီးပဲ။ ဒီကောင်က အဲဒါကို ခုခံနိုင်မယ်လို့ မယုံဘူး။

 "ကျွန်​​တော်​တို့ သူ့ကိုမသတ်​နိုင်​ရင်​​တောင်​ အနည်းဆုံး​တော့ သူ့ကို ဒဏ်​ရာရ​​စေလောက်​ပြီမဟုတ်​လား?"

 သို့သော်!

 ​လေထုကို ဖြည်းဖြည်းချင်း ပြုပြင်လိုက်သောအခါတွင် လူတိုင်း၏အမူအရာများ ချက်ချင်းပြောင်းလဲသွားသည်။

 "ဘာလဲ!"

 "ဘယ်လို...ဒါက ဘယ်လိုဖြစ်နိုင်မှာလဲ?"

 ကျင့်ကြံဆင့်အသီးသီးမှ ပညာရှင်ငါးဦး၏ အမူအရာများသည် သိသိသာသာ ပြောင်းလဲသွားကာ သူတို့၏ မေးရိုးများသည် ကြောက်ရွံ့မှု​ကြောင့် ပြုတ်ကျလုနီးပါး ဖြစ်နေသည်။

 ယခုအချိန်တွင် လုရှောင်ယန်သည် ရွှေရောင်စွမ်းအင်ဖြင့် ဖုံးလွှမ်းနေပြီး အမှန်တကယ် ဒဏ်ရာ လုံးဝကင်းစင်​နေသည်။

 သူတို့ငါးယောက်ဟာ သူတို့ရဲ့ ကျင့်ကြံမှုကို တိုးမြှင့်ဖို့အတွက် အစီအရင်ကို အားကိုးခဲ့ကြပေမယ့် တကယ်တမ်းမှာတော့ လုရှောင်ယန်ကို ထိခိုက်မှုတစ်စုံတစ်ရာ မဖြစ်စေခဲ့ပါဘူး။ သူတို့သည် သူ၏ ခံစစ်ကိုပင် မချိုးဖျက်နိုင်ခဲ့ပေ။

 ဒါက ဘယ်လိုဟာသမျိုးလဲ?

 သူ့ရဲ့ ခံစစ်အင်အား ကန့်သတ်ချက်က ဘယ်လောက်တောင်လဲ?

 သူတော်စင်အဆင့် အထက်ကလူတွေသာ သူ့ရဲံခံစစ်ကို ဖြတ်ကျော်နိုင်တာမျိုးလား?

 ဂလု..

 အကြီးမြတ်ဆုံးအဆင့် ကိုယ်ခံပညာရှင် တစ်ယောက်က ခက်ခက်ခဲခဲ တံ​တွေးမျိုချသည်။

 "ဒီကောင်က လူမဟုတ်ဘူး။ သိုင်းဘုရင်အဆင့် လက်နက်တွေကို ငါတို့ စွန့်လွှတ်သင့်တယ်လို့ ထင်တယ်၊ မဟုတ်လား။"

 နောက်ထပ် အကြီးမြတ်ဆုံးအဆင့် ကိုယ်ခံပညာရှင်က "မှန်တယ်။ ငါတို့ ဆက်တိုက်ခိုက်ရင် ငါတို့ ဒီမှာတင် တကယ်သေသွားနိုင်တယ်။" လို့ ပြောမိသည်။

 နာလန်ဟုန်ယွီက "နုံအမနေကြနဲ့၊ ဒီကောင်က ရန်လိုတယ်။ ငါတို့ ဒီနေ့ သူ့ကိုသတ်ဖို့ လာခဲ့တာ။ ငါတို့ အခုချက်ချင်း ရပ်လိုက်ရင်တောင် သူက ငါတို့ကို လွှတ်​ပေးမယ်လို့ မင်းထင်လား? ငမိုက်သားတွေ၊ ငါတို့ သူ့ကို မသတ်ရင်၊  ငါတို့ထဲက တစ်ယောက်မှ အသက်ရှင်နိုင်မှာ မဟုတ်ဘူး။"

 "နာလန်ဟုန်ယွီ၊ မင်းက လူယုတ်မာ။ မင်း​ကြောင့်သာ မဟုတ်ရင် ငါတို့က ဒီအခြေအနေမှာ အဆုံးသတ်မလား။ ငါတို့သေရင် သရဲတစ္ဆေဖြစ်သွားရင်တောင် မင်းကို မလွှတ်​ပေးဘူး!!"

 "ကောင်းပြီ၊ ငြင်းခုံမနေကြနဲ့တော့။"

 အစီအရင်ကို တာဝန်ယူရသည့် အကြီးမြတ်ဆုံးအဆင့် ကျွမ်းကျင်ပညာရှင်က "ငါတို့ နာလန်ဟုန်ယွီကို တကယ်သတ်ချင်ရင်တောင် အခု မဟုတ်ဘူး။ ငါတို့ငါးယောက်ရဲ့ ရန်သူက ​ရှေ့က လုရှောင်ယန်ပဲ။ ငါတို့ လုရှောင်ယန် ကို အရင်သတ်ကြရအောင်။"

မြေပြင်ပေါ်တွင် လုရှောင်ယန်က သက်ပြင်းတစ်ချက်ချလိုက်သည်။

 "​သွေးပူ​လေ့ကျင့်ခန်း ပြီးသွားပြီ။ မင်းတို့ကို ဘဝတပါးကူးပြောင်းပေးဖို့အတွက် နောက်ထပ်တိုက်ကွက်သစ်သုံးရတော့မယ့် အချိန်ပဲ။"

  နောက်အခိုက်အတန့်တွင် သူ့ခန္ဓာကိုယ်ပေါ်ရှိ ရွှေစွမ်းအင်များသည် မီတာတစ်ထောင်ရှည်လျားသော ရွှေဘီလူးကြီးကို ဖြည်းညှင်းစွာ ဖြစ်ပေါ်လာသည်။

 ထို့အပြင်၊ ဤရွှေဘီလူးကြီးသည် သဏ္ဍာန်မဟုတ်တော့ဘဲ ရုပ်ခန္ဓာအခြေအနေတစ်ခုဖြစ်သည်။

 ဖုန်းထျန်းယွမ်သည် မပျက်စီးနိုင်သော ရွှေကိုယ်ထည်ကို ပြီးပြည့်စုံသော နယ်ပယ်သို့ နားလည်နေပြီဖြစ်သည်။ လုရှောင်ယန်၏ ထိတ်လန့်တုန်လှုပ်ဖွယ် ကျင့်ကြံမှုနှင့်အတူ ၎င်းကို အသုံးပြုသည့်အခါ အလွန်တုန်လှုပ်ဖွယ်ရာဖြစ်သွားခဲ့သည်။

 ဂလု..

 အကြီးမြတ်ဆုံးအဆင့် ကိုယ်ခံပညာရှင်ငါးယောက်ဟာ ခက်ခက်ခဲခဲ တံ​တွေးမျိုချလိုက်ပြီး သူတို့ရဲ့မျက်နှာတွေမှာ ထိတ်လန့်ကြောက်ရွံ့မှုတွေ ပြည့်နှက်နေပါတော့သည်။

 နာလန်ဟုန်ယွီက အံကြိတ်ပြီး "ဒါက သူ့ရဲ့ ကျင့်ကြံနည်းစနစ်ရဲ့ ပုံပန်းသဏ္ဍာန်ပဲလေ။ လူတိုင်း မကြောက်ကြနဲ့။ သူက အကြီးမြတ်ဆုံးအဆင့် ကျွမ်းကျင်သူ ဖြစ်နေတုန်းပဲ။ သူ့ရဲ့ ကျင့်ကြံမှုကလည်း မတိုးသေးဘူး။" 

 သို့သော် သူမ ပြောပြီးသည်နှင့် နောက်တစ်စက္ကန့်တွင် လုရှောင်ယန်၏ရွှေဘီလူးကြီးထံမှ နောက်ထပ်လက်များ အများအပြားဖြန့်သည်ကို သူမတွေ့လိုက်ရသည်။ လက် စုစုပေါင်း ၂၅ စုံ ရှိသည်။

 လက်တစ်ထောင် ဂေါတမ၏ ခံစားချက်ကို ပေး၏။

 လူတိုင်း ချက်ချင်း အံ့ဩသွားကြသည်။

 "ဒီကောင် ဘာလုပ်ချင်တာလဲ၊ သူက ငါတို့ကို သီးခြားတိုက်ခိုက်ချင်တာလား?"

 "ငါတို့ရဲ့ ရိုက်နှက်မှုကြောင့် သူ့စိတ်တွေ ရူးသွပ်သွားပြီလား?"

 အကြီးမြတ်ဆုံးအဆင့် ပညာရှင်ငါးဦး၏ တိုက်ခိုက်မှုများသည် ပိုမိုပြင်းထန်လာရခြင်း အကြောင်းရင်းမှာ ၎င်းတို့၏ ကျင့်ကြံမှုကို စုစည်းရန် အစီအရင်ကို အသုံးပြုခဲ့ခြင်းကြောင့်ဖြစ်ကြောင်း သိရှိထားရမည်ဖြစ်သည်။

 သူတို့ရဲ့ အားသာချက်တွေကို ပေါင်းစပ်ထားတာကြောင့် အားကောင်းခဲ့ခြင်းဖြစ်သည်။

  တစ်ဖက်တွင်၊ လုရှောင်ယန်သည် သူ၏ရွှေဘီလူးကြီးကို လက်နှစ်ဖက်ဖြင့် ခွဲထားသည်။ ၎င်းသည် သူ၏ ခွန်အားကို ခွဲဝေပေးမည်မှာ သေချာပြီး ၎င်းသည် လက်တစ်ဘက်စီ၏ တိုက်ခိုက်နိုင်စွမ်းကို လျော့နည်းစေသည်။

 ဤသည်မှာ အလွန်မိုက်မဲသည့် ဆုံးဖြတ်ချက်မျိုးပင်။

  သို့သော်၊ လူတိုင်း လုရှောင်ယန်၏ပန်းတိုင်ကို အတိအကျမသိနိုင်ခင်မှာပဲ ရွှေဧရာမလက်ဖဝါးတစ်ခုစီတွင် သိုင်းဘုရင်အဆင့် လက်နက်တစ်ခုစီကို တွေ့လိုက်ကြရလေတော့သည်။

 နာလန်ဟုန်ယွီ : "…"

 အခြား အကြီးမြတ်ဆုံးအဆင့် ကိုယ်ခံပညာရှင် လေးယောက် :"…"

 "အေး! ငါလက်လျှော့လိုက်ပြီ.."

 ဒါက ဘယ်လိုလုပ်ဖြစ်နိုင်မှာလဲ?

 လုရှောင်ယန်တွင် အမှန်တကယ်ကြီး သိုင်းဘုရင်အဆင့် လက်နက်များစွာရှိနေလေသည်။

 တိုက်ခိုက်မှုများ၏ စွမ်းအားကို လျှော့ချနိုင်သော်လည်း သိုင်းဘုရင်အဆင့်လက်နက်သည် ခွန်အားကွာခြားမှုအတွက် ဖန်တီးပေးမည်ဖြစ်သည်။

 သူသည် အကြီးမြတ်ဆုံးအဆင့်၏ သတ္တမအဆင့်ကို အပိုင်း၅၀ ပိုင်းခွဲပြီး သိုင်းဘုရင်အဆင့် လက်နက်ကို တိုးမြှင့်ထားသော်လည်း၊ သူ၏ တိုက်ခိုက်မှုအပိုင်းတစ်ခုစီသည် အနည်းဆုံး အကြီးမြတ်ဆုံးအဆင့်၏ ပထမအဆင့်သို့ ရောက်ရှိမည်ဖြစ်သည်။

 သူတို့ငါးယောက်တောင်မှ ပထမအဆင့် အကြီးမြတ်ဆုံးအဆင့် တိုက်ခိုက်မှုငါးဆယ်ရဲ့ ပေါင်းစပ်တိုက်ခိုက်မှုကို ခုခံနိုင်မှာမဟုတ်ဘူး။

 နောက်ဆုံးတွင်၊ ၎င်းတို့ငါးဦးသည် နှောင်းပိုင်းအဆင့်အမြင့်ဆုံးနယ်ပယ် ကျွမ်းကျင်သူများမဟုတ်သည့်အပြင် သာလွန်ကောင်းမွန်သော ကျင့်ကြံမှုရှိသူများကို တိုက်ခိုက်ရာတွင် အစွမ်းထက်ခြင်းမရှိပေ။ ၎င်းတို့တစ်ဦးစီသည် ပထမအဆင့် အကြီးမြတ်ဆုံးအဆင့် တိုက်ခိုက်မှုဆယ်မျိုးကို မခုခံနိုင်ကြပေ။

 ထိုအချိန်တွင် လုရှောင်ယန်၏ ရွှေရောင်ဘီလူးကြီးပေါ်ရှိ လက်အချောင်း၅၀သည် ကွဲပြားသောအရောင်များကို အရူးအမူး ထုတ်လွှတ်လိုက်သည်။

 "တိုက်ခိုက်တော့မယ်။ မြန်မြန် လူစုခွဲကြ!!"

 "ငါတို့ လူစုခွဲလို့မရဘူး။ သိုင်းဘုရင်အဆင့် အစီအရင်ကို အသက်သွင်းပြီးတာနဲ့ အသက် ၆၀ရှိုက်လောက်ကြာအောင် ဖယ်သွားလို့ရမှာ မဟုတ်ဘူး။"

 "အကြီးမြတ်ဆုံးအဆင့် ကိုယ်ခံပညာရှင်ဝူချန်၊ မင်းက လူယုတ်မာ။ ငါသာ ဒီဘေးဆိုးကြီးကနေ လွတ်မြောက်ရင် မင်းကို သေချာသတ်ပစ်မယ်!"

 သူစကားပြောပြီးသည်နှင့် လုရှောင်ယန်၏တိုက်ခိုက်မှုသည် ရောက်ရှိနေပြီဖြစ်သည်။

 ဤအရာအားလုံးသည် အချိန်ကြာမြင့်စွာ ဖြစ်ပျက်နေပုံရသော်လည်း၊ အကြီးမြတ်ဆုံးအဆင့် ပညာရှင်တစ်ဦး၏ တုံ့ပြန်မှုသည် သာမန်လူထက် များစွာမြန်သောကြောင့်သာ ဖြစ်သည်။ တကယ်တော့ အရာအားလုံးဟာ တခဏအတွင်းမှာပဲ ဖြစ်ပျက်နေခဲ့ခြင်းသာဖြစ်သည်။

 လုရှောင်ယန်သည် သူ၏တိုက်ခိုက်မှုကို ထုတ်ဖော်ရန် တစ်စက္ကန့်မျှပင် မလိုအပ်ပေ။

 နောက်အခိုက်အတန့်တွင် နန်းမြို့ရှိ ကျင့်ကြံသူအားလုံးသည် အနာဂတ်တွင် ထပ်မံမြင်နိုင်တော့မည်မဟုတ်​သော မကြုံစဖူးစက်သေနတ်ပြသမှုကို ကြည့်ရှုခဲ့ကြသည်။

 အုန်း.. အုန်း… အုန်း

 မရေမတွက်နိုင်သော အလင်းတန်းများသည် ရွှေဘီလူးကြီး၏လက်မှ လွတ်ထွက်သွားသည်။

 ကမ္ဘာကြီးသည် စူးရှသော မီးရောင်များဖြင့် ချက်ခြင်း လင်းလက်သွားသည်။

 လုရှောင်ယန်၏ တိုက်ခိုက်မှုကြောင့် ထိပ်တန်း ကျွမ်းကျင်သူငါးဦးသည် ချက်ခြင်းဝါးမြိုခံခဲ့ရသည်။

 နန်းမြို့တော်ရှိ ကျွမ်းကျင်သူများအားလုံး တုန်လှုပ်ခြောက်ခြားသွားကြသည်။ ကျင့်ကြံသူများစွာသည် ၎င်းတို့၏ ဘောင်းဘီများကိုပင် ကြောက်လန့်တကြား စိုစွတ်သွား​စေလေသည်။

 အလင်းတန်းတိုင်းတွင်ပါရှိသော စွမ်းအားသည် ပထမအဆင့် အကြီးမြတ်ဆုံးအဆင့် ကျွမ်းကျင်သူတစ်ဦး၏ စွမ်းအားပြည့်တိုက်ခိုက်ခြင်းထက် မနိမ့်ကျပေ။

 သူတို့၏ ခန္ဓာကိုယ်ပေါ်သို့ ကျရောက်လာသော အလင်းတန်းမှန်သမျှသည် ၎င်းတို့ကို ပြာအဖြစ်သို့ လျှော့ချနိုင်သည်။ အစောပိုင်းအဆင့် ဘုရင်အဆင့် ကျွမ်းကျင်သူများပင်လျှင် ချက်ခြင်း ပျက်စီးသွားလိမ့်မည်။

 ဤအချိန်တိုလေးတွင်၊ လုရှောင်ယန်၏တိုက်ခိုက်မှုသည် အကြိမ်တစ်ထောင်ထက်မနည်းခဲ့ပေ။

 ကောင်းကင်ရှိ ​နေရာလွတ်အတားအဆီးသည် တိုက်ရိုက်ပုံပျက်နေတော့သည်။

 လုရှောင်ယန်က သူတို့ငါးယောက်ကို ကောင်းကင်ယံမြင့်မြင့်ထိကို မညှာမတာ လွှင့်ပစ်လိုက်သည်။

 အကြီးမြတ်ဆုံးအဆင့် ကိုယ်ခံပညာရှင်ငါးဦးကို တိမ်တိုက်များထဲတွန်းထုတ်ပြီးနောက် လုရှောင်ယန်သည် သိုင်းဘုရင်အဆင့်ခြင်ဆီ​ဆေးကိုတိုက်ရိုက်ထုတ်ကာ ဝိညာဉ်စွမ်းအင်များ ထိုးသွင်းကာ မီးလောင်ကျွမ်း​စေပြီး ကောင်းကင်သို့ပစ်ခဲ့သည်။

 အုန်း..

  ထိတ်လန့်တုန်လှုပ်စရာကောင်းသော ပေါက်ကွဲသံနှင့်အတူ၊ အချင်း မီတာတစ်သန်းကျော်ရှိသော ​နေရာလွတ်အက်ကွဲကြောင်းတစ်ခုသည် ကောင်းကင်ယံ၌ ပွင့်သွားခဲ့သည်။

 သိုင်းဘုရင်အဆင့်ခြင်ဆီ​ဆေး၏ပေါက်ကွဲမှုသည် သိုင်းဘုရင်အဆင့် ကျွမ်းကျင်သူတစ်ဦး၏ သာမန်တိုက်ခိုက်မှုနှင့် ညီမျှနေပြီဖြစ်သည်။ ဒီလှုပ်ရှားမှုကြောင့် နန်းမြို့တစ်မြို့လုံးကို အံ့အားသင့်သွားစေခဲ့သည်။။

ယခုအချိန်တွင် မရေမတွက်နိုင်သောလူများက ဒူးထောက်ကာ ဤလှုပ်ရှားမှုကို အရိုအသေပေးကုန်ကြတော့သည်။

  မထင်မှတ်ဘဲ ဘာမှမဖြစ်ခဲ့ရင်၊ ဒီလှုပ်ရှားမှုဟာ သူတို့ရဲ့ဘဝမှာ လူအများစု  မမြင်တွေ့နိုင်တဲ့ အပြင်းထန်ဆုံး လှုပ်ရှားမှုပါပဲ။

 ဒီလှုပ်ရှားမှုရဲ့ ထိတ်လန့်တုန်လှုပ်မှုက မရေမတွက်နိုင်တဲ့ လူတွေကို အထင်ကြီးစေခဲ့တယ်။

 သို့သော် ဤတိုက်ကွက်ပြီးနောက်မှာတော့ အရာအားလုံးသည် ငြိမ်သက်သွားခဲ့သည်။

 ကမ္ဘာကြီးက ထူးထူးခြားခြား ငြိမ်သက်နေတယ်။

 အလင်းအားလုံး ပျောက်ကွယ်သွားသည်။ သို့သော်လည်း ပေါက်ကွဲမှု၏ ဧရိယာသည် ကြီးမားလွန်းသောကြောင့် ကောင်းကင်ယံရှိ တွင်းနက်သည် ယခုအချိန်တွင် အလွန်နှေးကွေးစွာ ပျောက်ကင်းသွားခဲ့သည်။

 အသစ်တည်ထောင်ထားသော ဧကရာဇ်နန်းတော်တွင်၊ ယခင်မဟာကျိုးဧကရာဇ်သည် တိတ်တိတ်ဆိတ်ဆိတ်နေပြီး "ထျန်းမင် ဒီနေ့ကစပြီး ဧကရာဇ်မိသားစုနဲ့ ထပ်ပြီး မပတ်သက်ရအောင်၊ ဒီဧကရာဇ်နန်းတော်ကို ရောင့်ရဲကြပါစို့။"

 ကျီထျန်းမင်လည်း တိတ်ဆိတ်သွားသည်။ သူပြန်မဖြေပေမယ့် သူ့အဖေရဲ့စကားကို တိတ်တဆိတ်သဘောတူပြီးသားပင်။

 ယနေ့တိုက်ပွဲက သူ့ကို အားကိုးရာမဲ့စေသည်။

  သူ့အဖေ ဧကရာဇ်အဆင့် ကျွမ်းကျင်ပညာရှင်တောင်မှ အချိန်မရွေး ပျက်စီးသွားနိုင်တဲ့ မုန်တိုင်းထဲက ဒိုက်မှော်လေးတစ်ခု ခံစားလိုက်ရတဲ့အထိပါပဲ။

  နန်းမြို့တော်အပြင်ဘက်တွင် လုရှောင်ယန်သည် သူ၏နည်းပညာအားလုံးကို ဖယ်ထုတ်လိုက်ပြီးနောက် သက်ပြင်းတစ်ချက်ချလိုက်သည်။

 "ဒီကကိစ္စကို ဖြတ်လိုက်တာပေါ့။ ထျန်းယွမ်နဲ့ တခြားသူတွေကတော့ ပြီးသွားပြီလို့ ထင်ရတယ်။ ချန်းရှန်က မပြီးသေးဘူး၊ ငါ ချန်းရှန်ကို အရင်သွားကြည့်မယ်။"

 သူသည် ၎င်းတို့ထဲမှ အနည်းငယ်တွင် ​နေရာကူး​ပြောင်းခြင်းဆိုင်ရာ အစီအရင်များကို ရေးဆွဲထားခဲ့ပြီး ၎င်းတို့၏ အဆင့်အတန်းများကို အချိန်မရွေး အမှတ်အသားပြုနိုင်သည်။ သူတို့ အဆင့်တွေ ပြောင်းသွားရင်လည်း သူ သဘောပေါက်နိုင်သည်။

 သို့သော် လုရှောင်ယန် လှည့်ထွက်သွားစဉ်တွင် အနောက်မှ အသံထွက်လာသည်။

 သူ ချက်ချင်း လှည့်ကြည့်လိုက်တော့ အနည်းငယ် အံ့သြသွားသည်။

 "မင်းမသေဘူးလား?"

 လဲကျခဲ့သူမှာ နာလန်ဟုန်ယွီမှလွဲ၍ အခြားသူမဟုတ်ပေ။

 ဒဏ်ရာ သိပ်မရဘဲ မျက်နှာက အနည်းငယ် ဖြူဖပ်ဖြူရော် ဖြစ်နေသည်။

  ယင်းကြောင့် လုရှောင်ယန်သည် စကားအတော်ပင် မပြောနိုင်ပေ။

 သူအခုပဲ သိုင်းဘုရင်အဆင့်ခြင်ဆီ​ဆေးလုံးနဲ့ ပစ်ပေါက်ခဲ့တာလေ။

 သိုင်းဘုရင်အဆင့်ခြင်ဆီ​ဆေး၏ ခွန်အားသည် သိုင်းဘုရင်အဆင့် ကျွမ်းကျင်သူနှင့် နှိုင်းယှဉ်နိုင်သည်။

 ဒီအမျိုးသမီးက သိုင်းဘုရင်အဆင့် တိုက်ခိုက်မှုကိုတောင် ခုခံနိုင်တယ်လား။  ဟာသပဲ!

 သို့သော်လည်း သူသည် သူ၏တိုက်ခိုက်မှုကို ခုခံသူမှာ နာလန်ဟုန်ယွီ မဟုတ်ကြောင်း အမြန်တွေ့ရှိခဲ့သည်။  ယင်းအစား၊ ၎င်းသည် သူမ၏ခန္ဓာကိုယ်ပေါ်ရှိ သလင်းကျောက်ဆွဲကြိုးတစ်ခုဖြစ်သည်။

 ကျောက်သလင်းလည်ဆွဲ၏ ပစ္စည်းကို အမှန်တကယ်တော့ သိုင်းဘုရင်အဆင့် ကျွမ်းကျင်သူ၏ အရိုးများမှ ထွင်းထုထားသည်။

 ၎င်းသည် မြင့်မြတ်သောလက်နက်မဟုတ်သော်လည်း၊ ၎င်းသည် သာမန် သိုင်းဘုရင်အဆင့် လက်နက်ထက် သာလွန်နေပြီဖြစ်သည်။ ၎င်းပေါ်တွင် ရေးထွင်းထားသော ထိပ်တန်း သိုင်းဘုရင်အဆင့် ခံစစ်ဖွဲ့စည်းပုံပင် ရှိသေးသည်။ ၎င်း၏ခံစစ်စွမ်းရည်သည် သိုင်းဘုရင်အဆင့် ချပ်ဝတ်တန်ဆာ၏ ခံစစ်စွမ်းရည်ကို ကျော်လွန်နေပြီဖြစ်သည်။

 သူမသည် ရှင်သန်ရန်အတွက် ထိုအရာကို အားကိုးခဲ့ခြင်းဖြစ်သည်။

 နာလန်ဟုန်ယွီက ရယ်မောလိုက်သည်။

 "လုရှောင်ယန်၊ ငါ မင်းကို မသတ်နိုင်ပေမယ့် နာလန်မိသားစုရဲ့ အမွေဆက်ခံထားတဲ့ ရတနာကို ခိုးယူပြီးသား...။ မင်းငါ့ကို သတ်ဖို့ မလွယ်ဘူး။ မင်းဟာ သိုင်းဘုရင်အဆင့် ကျွမ်းကျင်သူမဟုတ်သလိုသိုင်းဘုရင်အဆင့်လက်နက်ရဲ့ ခွန်အားကို အပြည့်အဝ မထုတ်နိုင်ဘူး။ မင်းငါ့ရဲ့ ခံစစ်ကို လုံး၀မဖြတ်နိုင်ဘူး။ မင်းမှာ သိုင်းဘုရင်အဆင့် လက်နက်တွေ ဘယ်လောက်ပဲရှိရှိ အသုံးမကျသေးပါဘူး!

 လုရှောင်ယန်သည် တောင်တန်းနှင့် မြစ် ပန်းချီမှ သတ္တုကြိမ်လုံးတစ်ခုကို ထုတ်ယူလိုက်ပြီး ခဏမျှ ငြိမ်သက်နေခဲ့သည်။

 ဒီမြင်ကွင်းကိုမြင်တော့ နာလန်ဟုန်ယွီက ထပ်ပြီး ရယ်လိုက်သည် ။

 "မင်းငါ့ကိုဘာလို့နားမလည်တာလဲ? မင်းမှာ သိုင်းဘုရင်အဆင့် လက်နက်တွေဘယ်လောက်ပဲရှိရှိ ငါ့ရဲ့ခံစစ်ကိုဖြတ်ကျော်ဖို့မဖြစ်နိုင်ဘူး!"

***

အပိုင်း ၂၁၀ ကြောက်စရာ​ကောင်း​သော လီလျှို့ရွှေ

"ငါသိတယ်။"

 "ဒါဆို မင်းဘာလို့ ထပ်ကြိုးစားနေသေးတာလဲ?"

 နာလန်ဟုန်ယွီက မ​နေနိုင်ပဲ လှောင်ပြောင်သည်။ "တကယ်တော့ ငါတို့နှစ်ယောက် တစ်ယောက်ကိုတစ်ယောက် တိုက်နေစရာ မလိုဘူး။ မင်းဆန္ဒရှိရင် ငါတို့ အတူတူ လက်တွဲလုပ်လို့ရတယ်။ ဒီနေ့ကစပြီး ငါတို့နှစ်ယောက် အတူတူ အလုပ်လုပ်လိုက်ရင် ငြီးငွေ့စရာကောင်းတဲ့ သိုင်းလေ့ကျင့်မှု လမ်းကြောင်းပေါ်မှာ မင်း ပိုပျော်မယ်လာလို့ ငါအာမခံတယ်။ 

ဒါ့အပြင် ငါ့ ကျင့်ကြံဆင့်က မဆိုးလှသလို နာလန်မိသားစု ကျောထောက်နောက်ခံလည်း ရှိတယ်။ သေချာတာကတော့ မင်းအတွက် အရမ်းအထောက်အကူဖြစ်ပါလိမ့်မယ်။ သိုင်းလောကက အလွန်အန္တရာယ်များတယ်။ ရန်သူထက်စာရင် မိတ်ဆွေတစ်ယောက်ရှိတာက ပိုကောင်းတာပေါ့။”

 ပြောပြီးသည်နှင့် သူမ၏ စကတ်ကို အနည်းငယ် ​မြှောက်လိုက်သည်။ သူမ၏ ရှည်လျားသော ခြေတံများသည် နေရောင်အောက်တွင် ဖြူဖွေးဖွေးဖွေး တောက်ပနေသည်။

 သို့သော် လုရှောင်ယန်သည် လုံးဝ မတုန်လှုပ်​ပေ။ သူက သူမကို အမှုမထားသလို ကြည့်ကာ ကြိမ်လုံးကို သုတ်လိုက်သည်။

 "ဒါက သိုင်းဘုရင်အဆင့် လက်နက်မဟုတ်ဘူး။"

 နာလန်ဟုန်ယွီ: "???"

 "ဒါဟာ နတ်ဘုရားအဆင့်လက်နက်ပဲ။"

 နာလန်ဟုန်ယွီ၏အမူအရာသည် ချက်ချင်းပြောင်းလဲသွားသည်။ ခုနက သူမ,ယုံကြည်မှုဟာ လုံးဝပျောက်ကွယ်သွားခဲ့သည်။ အကြောက်တရားတွေသာ ကျန်ခဲ့တော့သည်။

 "မင်း... မင်းမှာ နတ်လက်နက်တစ်ခုတောင် ရှိတယ်?"

 ယခုအချိန်တွင် သူမသည် ပြိုလဲလုနီးဖြစ်နေပြီဖြစ်သည်။ ရွေးချယ်ခံရသူဟာ တကယ်ပဲ အစွမ်းထက်ခဲ့တာလား။

 ဤအဆင့်နိမ့်ကမ္ဘာတွင်ပင် သူသည် နတ်ဘုရားအဆင့်လက်နက်ကိုပင် ရနိုင်သလား။

 သို့သော် ဤအကြောင်းပြောရန် အချိန်မဟုတ်ကြောင်း သူမ လျင်မြန်စွာ သဘောပေါက်လိုက်သည်။

 "အမ်... ငါမှားသွားတယ်၊ ငါ မင်းရဲ့လက်အောက်ခံဖြစ်နိုင်တယ်။ မင်းရဲ့ကျေးကျွန်ဖြစ်လိုစိတ်ရှိတယ်။ အကြီးမြတ်ဆုံးအဆင့် အစေခံတစ်ယောက်ဟာ မင်းအတွက် အသုံးတည့်သင့်တယ်မဟုတ်လား?"

 လုရှောင်ယန်က စကားမပြောဘဲ ကြိမ်လုံးကိုသာ မြှောက်လိုက်သည်။

 နာလန်ဟုန်ယွီသည် အလွန်ထိတ်လန့်သွားပြီး ​သေးထွက်ကျမတတ်ပင်။

 "ငါတို့နှစ်​ယောက်လုံးက ဝိညာဉ်ကူး​ပြောင်းသူ တွေပဲ။ ငါတို့က အသိအကျွမ်းတွေတောင် ဖြစ်နိုင်တယ်။ မင်း DG က Earthly Paradiseကို ရောက်ဖူးပြီး 1352th Princess ကို မှာဖူးလား..."

 အုန်း..

  သူမစကားမဆုံးခင် လုရှောင်ယန်က သူ့ကြိမ်လုံးကို တိုက်ရိုက်ရိုက်ချလိုက်သည်။

  သူမ၏လည်ပင်းရှိ လည်ဆွဲသည် ချက်ချင်းပင် တွန်းလှန်ခဲ့ပြီး သူမကို ကာကွယ်ပေးသည့် သန့်စင်သော အဖြူရောင်စွမ်းအင်အတားအဆီးကို ထုတ်လွှတ်လိုက်သည်။

 သို့သော်၊ နတ်လက်နက်ကို လုံးဝမခုခံနိုင်ဘဲ ချက်ချင်းပင် ကွဲကြေသွားခဲ့သည်။

 နတ်လက်နက်၏ စွမ်းအားသည် ဤလောက၏ စည်းမျဉ်းများကို ကျော်လွန်နေပြီဖြစ်သည်။ ဘယ်အရာကမှ ခံနိုင်ရည်မရှိခဲ့ပါဘူး။

 တခဏအတွင်းမှာပင်၊ ၎င်းသည် ​နေရာလွတ်အတားအဆီးကို တိုက်ရိုက်ဖြိုခွဲခဲ့ပြီး နာလန်ဟုန်ယွီ၏ ခန္ဓာကိုယ်နှင့် ဝိညာဉ်ကိုလည်း ကွဲအက်သွား​စေသည်။

 လုရှောင်ယန်က သူ့ကို ဆန့်ကျင်တဲ့ အမျိုးသမီးတွေကို လုံးဝမယုံဘူး။

 ယွဲ့ယင်း သို့မဟုတ် နာလန်ဟုန်ယွီပဲဖြစ်ပါစေ၊ ဒီအမျိုးသမီးတွေကို ဘယ်တော့မှ လွှတ်မ​ပေးပါဘူး။

 ချင်ကျီမော့ကတော့ သူ့ကို မတိုက်ခိုက်တဲ့အတွက် ခြွင်းချက်ပါ။

 လင်းရှင်းရွှယ်သည် သူ၏ လှည့်စားခြင်းခံရပြီး လက်နက်တစ်ခုအဖြစ် အသုံးပြုခံခဲ့ရသည်။ အခုလည်း သူ့လက်အောက်ခံ ဖြစ်သွားပြီ။

 လုရှောင်ယန်က သူသည် အမှန်တကယ် လူကောင်းမဟုတ်ကြောင်း ဝန်ခံသည်။ သို့သော်... သူသည် အသိစိတ်အနည်းငယ်ရှိသေးသည်။

 ၎င်းသည် လက်သည်းအရွယ်အစားလောက်ရှိပြီး သူ့နှလုံးရဲ့ ၁% ကိုသာ သိမ်းပိုက်ထားပါသည်။

 နာလန်ဟုန်ယွီကို ဖျက်ဆီးပြီးနောက် လုရှောင်ယန် သည် မြေပြင်သို့ တံတွေးနှင့် ​ထွေးသည်။

 "ငါ့ကို အ,အလို့ ထင်​နေသလား။ Earthly Paradise က မြောက်ပိုင်းမြို့တော်မှာ ရှိပြီး DG မှာ လုံးဝ မရှိပါဘူး။ နောက်ပြီး နည်း​တောင်နည်း​သေးတယ်။ မင်းကို ကျန့်ယိမဟာမိတ်အဖွဲ့လို့ခေါ်ဖို့ ဘယ်သူက ​ပြောလို့လဲ။"

 သူပြောပြီးသည်နှင့် သူ၏နတ်လက်နက်ကို သိမ်းလိုက်သည်။ ခြေလှမ်းတစ်လှမ်းဖြင့် သူသည် ​နေရာအကူးအ​ပြောင်း အစီအရင်ကို အသက်သွင်းပြီး နေရာမှ ချက်ချင်း ပျောက်ကွယ်သွားခဲ့သည်။ တစ်ချိန်တည်းမှာပင်၊ သူသည် အကြီးမြတ်ဆုံးအဆင့်  ကျွမ်းကျင်သူများကို လွတ်မြောက်ခြင်းမှတားဆီးရန်လုပ်ထားသည့် နန်းမြို့တော်ကို ချိတ်ပိတ်အစီအရင်ဖွဲ့စည်းထားခြင်းမှာလည်း ပျောက်ကွယ်သွားခဲ့သည်။

 …

 တစ်ဖက် အဇူရာကြာပန်းဓားဂိုဏ်းတွင်၊

စနစ်ဖြင့် ထိန်းချုပ်ထားသော လီလျှို့ရွှေသည် လူသတ်စက် ဖြစ်လာနေပြီဖြစ်သည်။

  နာကျင်မှုကို သူမသိဘူး။ ဒဏ်ရာရသွားရင်တောင် ဘာမှခံစားရမှာမဟုတ်ဘူး။

 ထို့အပြင် ဤအခြေအနေတွင် သူ၏ တိုက်ခိုက်ရေးစွမ်းရည်သည် ပြီးပြည့်စုံလုနီးပါးဖြစ်သောကြောင့် ဒဏ်ရာလုံးဝမရရှိပေ။

 အဘယ်ကြောင့်ဆိုသော် သူသည် လီချန်းရှန်ကို လုံးလုံးလျားလျား နှိမ်နှင်းထားပြီးဖြစ်သောကြောင့် ဖြစ်သည်။

 အဇူရာကြာပန်းဓားဂိုဏ်း၏ရင်ပြင်တွင်၊ သူတို့နှစ်ဦး အပြန်အလှန် ထိုးနှက်ကြသည်။ လီလျှို့ရွှေသည် လီချန်းရှန်ကို တစ်ချိန်လုံး ဖိနှိပ်ခဲ့သည်။

 "ချန်းရှန်!"

  "ငါ ချန်းရှန်ကို ကယ်ချင်တယ်၊ ဒီလူယုတ်မာ လီလျှို့ရွှေက ချန်းရှန်ကို ထပ်ပြီး ဒုက္ခပေးခွင့်မပြုတော့ဘူး!"

 သို့သော် ယခုအချိန်တွင် လီချန်းရှန်က "မလာနဲ့။ ရောက်လာရင် သေချာပေါက် သေလိမ့်မယ်၊ ကျွန်တော့်ကို စိတ်မပူနဲ့။ သူက ခဏလောက်နဲ့တော့ ကျွန်တော့်ကို သတ်နိုင်မှာ မဟုတ်ဘူး။"

 သူစကားပြောနေစဉ်တွင် သူ၏ သိုင်းဘုရင်အဆင့်ချပ်ဝတ်တန်ဆာကို လီလျှို့ရွှေက အကြိမ်ပေါင်းများစွာ ဖြတ်တောက်ခဲ့ပြီးဖြစ်သည်

ဓားသည် သံချပ်ကာကိုဖွင့်၍ မီးပွားများ ထွက်လာသည်။ နားကို စူးရှသောအသံကြောင့် လူတိုင်းကို ကြောက်ရွံ့စေခဲ့သည်။

  "ဘာလို့ ချန်းရှန်က ငါတို့ကို ခွင့်မပြုတာလဲ? သူက သူ့ကို ကူညီဖို့ ကောင်မလေးတစ်ယောက် ​ခေါ်လာခဲ့တာ သေချာတယ်"

 အကြီးအကဲများသည် အလွန်စိုးရိမ်ခဲ့ကြပြီး ဓားဂိုဏ်း၏ ဂိုဏ်းချုပ်က "ချန်းရှန်မှာ သူ့အကြောင်းပြချက် ရှိရမယ်။ လူတိုင်း ဒီမှာ ရပ်နေရမယ်။ ဘယ်သူမှ ကျော်သွားခွင့် မရှိဘူး" ဟု ပြောလိုက်သည်။

 တကယ်တော့ လီချန်းရှန်မှာ သူ့ကိုယ်ပိုင် ဆင်ခြင်တုံတရား ရှိသည်။

 မြင်းနက်တစ်​ယောက်အနေဖြင့် လီလျှို့ရွှေသည် အခြေခံအားဖြင့် သာမန်လူများကို တစ်ယောက်ပြီးတစ်ယောက် သတ်ဖြတ်ခဲ့သည်။ ဓားဂိုဏ်း၏ အကြီးအကဲများသည် သူ့ဆရာလုပ်ထားသည့် အထူး၀တ်စုံကို ဝတ်ထားကြခြင်းမဟုတ်ပေ

 ထိုသို့သော အရာမျိုးမရှိလျှင် သူတို့သည် မြင်းနက်ကြောင့် အလွယ်တကူ သေဆုံးသွားနိုင်သည်။

 ခုခံရန် အလွန်ခက်ခဲသော်လည်း အနည်းဆုံးတော့ သူသည် ဤမျှ အလွယ်တကူ အသတ်ခံရမည်မဟုတ်ပေ။ လီလျှို့ရွှေ၏ အစွမ်းထက်သောကံကြောင့် သူသည် ပေါ့လျော့မှုတစ်ခုဖြင့်ပင် သေဆုံးသွားလိမ့်မည်။

  ထို့အပြင်၊ သူ၏ဆရာရောက်လာသရွေ့ လီလျှို့ရွှေသည် ကျိန်းသေသေလိမ့်မည်။

 ကျူးကောကျီချုံသည် လီချန်းရှန်၏ဒဏ်ရာများကိုကုသရန်အတွက် အဇူရာသက်ရှည်ပညာရပ်ကို သူမ၏အစွမ်းရှိသမျှအသုံးပြုခဲ့သည်။

 သို့သော်လည်း လီချန်းရှန်ကို သူမ ကုသပေးသည့် အရှိန်သည် လီချန်းရှန် ဒဏ်ရာရသွားသော အရှိန်ထက် အဆပေါင်းများစွာ နိမ့်ကျသွားသည် ။

 အုန်း..

 ပြင်းထန်သောပေါက်ကွဲမှုတစ်ခုပြီးနောက် လီချန်းရှန်၏ကိုယ်ပေါ်ရှိ ပထမဆုံး သိုင်းဘုရင်အဆင့် ချပ်ဝတ်တန်ဆာကို လီလျှို့ရွှေက လုံးဝကွဲအက်​စေခဲ့သည်။

 လီလျှို့ရွှေက သူ၏ ဒုတိယမြောက် သိုင်းဘုရင်အဆင့် ချပ်ဝတ်တန်ဆာကို ဖြိုခွဲလိုက်လျှင် သူ လုံးဝ အကူအညီမဲ့ ဖြစ်လိမ့်မည်။

 လီလျှို့ရွှေသည် ကျူးကောကျီချုံကိုပင် မတိုက်ခိုက်ခဲ့ပေ။

 ယခုအချိန်တွင် သူသည် စနစ်၏ ထိန်းချုပ်မှုအောက်တွင် ရှိနေသည်။ စနစ်သည် တိကျသော လူသတ်စက်ဖြစ်သည်။ ထို့အတွက်ကြောင့် ကျူးကောကျီချုံကို လီချန်းရှန်၏ ခန္ဓာကိုယ်ကို ပြုပြင်ခြင်းမှ ရပ်တန့်ရန် မလိုအပ်ကြောင်း ဆုံးဖြတ်ရန် လုံလောက်သော ယုံကြည်မှု ရှိသည်။

 အဘယ်ကြောင့်ဆိုသော် ကျူးကောကျီချုံ၏ ပြုပြင်မှု အရှိန်သည် သူ၏ ပျက်စီးမှုနှုန်းထက် နိမ့်ကျနေသောကြောင့်ပင်။

 ကျူးကောကျီချုံကိုသတ်ပါက လက်ရှိအားသာချက်ကို ဆုံးရှုံးသွားမည်ဖြစ်သည်။

 သူသည် လီချန်းရှန်က သူ့ကို တိုက်ခိုက်စေချင်သည်။

သူသည် အခြေအနေကို ​ပြောင်းရန် သူ၏ မြန်နှုန်းအားသာချက်ကို အားကိုးနိုင်သည်မှာ အမှန်ပင်။ သို့သော်လည်း လီချန်းရှန်ကို တိုက်ခိုက်ရန်တိုက်ရိုက်လိုက်ခြင်းသည် နိမ့်ကျလွန်းလှသည်။  

နောက်ဆုံးတွင်၊ တဖက်သူကို လှည့်ပတ်လိုက်ခြင်းဖြင့်၊ သူ၏အောင်ပွဲရရန် အခွင့်အလမ်းများ ပိုမိုမြင့်မားလာပြီး သူ၏အမြန်နှုန်းသည် ပိုမိုမြန်ဆန်လာသည်။

 မျက်စိတစ်မှိတ်အတွင်းမှာပင် နောက်ထပ် ဓားတစ်ချက်သည် လီချန်းရှန်၏ ခန္ဓာကိုယ်ပေါ်သို့ ကျရောက်လာသည်။

 လီချန်းရှန်၏ဓားသည် တိုက်ခိုက်မှု ၆၀% ကိုသာ ခုခံနိုင်ခဲ့သည်။ ကျန်တိုက်ခိုက်မှု ၄၀% ကို သိုင်းဘုရင်အဆင့် သံချပ်ကာဖြင့် ပိတ်ဆို့ထားသည်။

 အကယ်၍ သူသည် နောက်ထပ် အကြိမ် ၂၀ တိုက်ခိုက်မှုကို ခံရပါက၊ ၎င်း၏ ဒုတိယမြောက် သိုင်းဘုရင်အဆင့် ချပ်ဝတ်တန်ဆာသည်လည်း ဆက်တိုက်တိုက်ခိုက်မှုများကို ခံနိုင်ရည်မရှိသောကြောင့် လုံးဝပျက်စီးသွားမည်ဖြစ်သည်။

 ထိုအချိန်တွင်၊ လီလျှို့ရွှေသည် လီချန်းရှန်ကို ခုတ်လိုက်သရွေ့ လီချန်းရှန်ကို ဖျက်စီးပစ်ရန် လုံလောက်ပေလိမ့်မည်။

 ထို့အပြင်၊ လီလျှို့ရွှေ၏လက်ရှိအရှိန်ဖြင့်၊ သူသည် ပြင်းထန်သောတိုက်ခိုက်မှု ၅၀ ကြိမ်ကို အသက်နှစ်ခါရှူချိန်အတွင်း ထုတ်လွှတ်နိုင်သည်။ လီချန်းရှန် ခုခံသည့်အကြိမ်ရေအရ သူသည် တိုက်ခိုက်မှု ၂၀ ကို သေချာပေါက် တားဆီးနိုင်မည်မဟုတ်ပေ။

 ခဏအတွင်း လီချန်းရှန်သည် သေမင်းထောင်ချောက်ထဲသို့ တွန်းပို့ခံခဲ့ရသည်။

 လီလျှို့ရွှေရဲ့ အရှိန်က အရမ်းမြန်လွန်းတော့ သူ ခံနိုင်ရည် မရှိသလောက်ပါပဲ။

 သူသည် တန်ပြန်အကဲဖြတ်ရန် သူ့တွင် စဉ်းစားရန် အချိန်လုံးဝမရှိပေ။ သူသည် အကြိမ် ၂၀ ခုတ်ထစ်ခံခဲ့ရပြီးဖြစ်သည်။ ပေါက်ကွဲသံနှင့်အတူ သိုင်းဘုရင်အဆင့်သံချပ်ကာ၏ ဒုတိယအလွှာ ကွဲအက်သွားသည်။

 လီချန်းရှန်သည် မဆိုင်းမတွဘဲ အရာအားလုံးကို လျစ်လျူရှုလိုက်ပြီး သူ့လက်ထဲမှ သိုင်းဘုရင်အဆင့်လက်နက်ကို တိုက်ရိုက် ဖောက်ခွဲပစ်လိုက်သည်။

 သူ့ဆရာကို မစောင့်နိုင်တော့ဘူး။ သူ့အသက်ကိုသာ စွန့်စားနိုင်သည်။

 သူ့တွင် သိုင်းဘုရင်အဆင့် ချပ်ဝတ်တန်ဆာ မရှိတော့သလို ဤ သိုင်းဘုရင်အဆင့် လက်နက်ကြီး၏ ပေါက်ကွဲသံကို သူ ခံနိုင်ရည် မရှိ​တော့​သော်လည်း အဆင်​ပြေသည်။

 နောက်ဆုံးတော့ သေတာက ပြဿနာမဟုတ်ဘူး။ သူ့ဆရာက သူ့ကို အသက်ပြန်ရှင်စေနိုင်ပါသည်။

 အနည်းဆုံးတော့ သူသည် လီလျှို့ရွှေကို ပြင်းထန်စွာ ဒဏ်ရာရစေပြီး သူ့ဆရာကို ခြိမ်းခြောက်မှုမဖြစ်စေရန် တားဆီးနိုင်သည်။

 အုန်း..

 ကမ္ဘာကြီးကို ဖျက်ဆီးပစ်လိုက်တဲ့ ပေါက်ကွဲသံကို ခံစားလိုက်ရတော့ အဇူရာကြာပန်းဓားဂိုဏ်းက လူတွေရဲ့ အမူအရာတွေက ချက်ချင်း ပြောင်းလဲသွားသည်။

 “မြန်မြန်၊ တပည့်တွေကို နောက်ဆုတ်ခိုင်းကြ။”

 "ဓားဂိုဏ်းရဲ့ တပည့်များအားလုံး နောက်သို့ဆုတ်သွားကြပါ။ အကြီးအကဲများအားလုံး၊ ခွန်အားရှိသမျှနှင့် တွန်းလှန်ရန် မင်းတို့ ကျင့်ကြံနည်းလမ်းကို သုံးကြ။"

 သိုင်းဘုရင်အဆင့်လက်နက်ပေါက်ကွဲခြင်း၏ စွမ်းအားသည် ရိုးရှင်းစွာအစွမ်းထက်လွန်းလှသည်။ အဇူရာကြာပန်းဓားဂိုဏ်းရှိ ဘုရင်အဆင့်နှင့် ဧကရာဇ်အဆင့်မှ အကြီးအကဲ အနည်းငယ်နှင့် အကြီးမြတ်ဆုံးအဆင့်တွင် ရှိနေသော ဂိုဏ်းချုပ်တို့သည် ခက်ခက်ခဲခဲဖြင့် ခုခံရန် အတားအဆီးကို ပြုလုပ်ခဲ့ကြသည် ။

 မှိုတိမ်တိုက်ကြီးတစ်ခုသည် တဖြည်းဖြည်း မြင့်တက်လာသည်။ လှိုင်းလုံးသည် အဇူရာကြာပန်းဓားဂိုဏ်းတစ်ခုလုံးကို တိုက်ရိုက် ဖျက်ဆီးပစ်လိုက်သည်။ အဇူရာကြာပန်းဓားဂိုဏ်း၏ ဧရာမတောင်ကြီးကိုပင် မီတာတစ်ရာနီးပါးအကွာတွင် ပေါက်ကွဲသွားခဲ့သည်။

 အလင်းက နောက်ပြန်ဆုတ်သွားပြီး ဖုန်မှုန့်တွေ တဖြည်းဖြည်း ပျောက်ကွယ်သွားတဲ့အခါမှာ တောင်ကြီးရဲ့ တုန်လှုပ်မှုက ပျောက်ကွယ်မသွားပါ။

များမကြာမီတွင်၊ မြေပြင်ပေါ်ရှိ ကျောက်တုံးများသည် ရုတ်တရက် တွန်းဖယ်ခံရကာ ကျောက်တုံးများထဲမှ လူရုပ်သွင်နှစ်ခု ပေါက်ထွက်လာသည်။

 "အဟွတ်..အဟွတ်.. စတုတ္ထ အစ်ကို၊ မင်းက နည်းနည်း လွန်လွန်းတယ်။ မင်းတကယ်ကြီး သိုင်းဘုရင်အဆင့် လက်နက်ကို ဖောက်ခွဲဖို့ သတ္တိရှိတယ်လား။"

 ကျူးကောကျီချုံက အေးစက်စွာ ရေရွတ်လိုက်သည်။

 "တောင်းပန်ပါတယ်၊ ငါ့မှာ တခြားလှုပ်ရှားမှု မရှိ​တော့လို့။ ဒါပေမယ့် အရေးကြီးတဲ့အခိုက်အတန့်မှာ ငါ့အသက်ကို ကယ်တင်ခဲ့တဲ့အတွက် ကျေးဇူးတင်ပါတယ်။"

 အရေးကြီးသောအခိုက်အတန့်တွင်၊ ကျူးကောကျီချုံသည် ရှေ့သို့ အမြန်ပြေးသွားပြီး လီချန်းရှန်ကို သိုင်းဘုရင်အဆင့် လက်နက်၏ပေါက်ကွဲခြင်းကို ကာကွယ်ရန် သူမ၏ကျောကို အသုံးပြုခဲ့သည်။

 သူမခန္ဓာကိုယ်ပေါ်တွင် သိုင်းဘုရင်အဆင့် ချပ်ဝတ်တန်ဆာ အလွှာနှစ်ထပ်ပါသေးသည်။ ဤအချိန်တွင် ထိုအရာအားလုံး အကွဲအပြဲတွေ ဖြစ်ကုန်ပြီ။

 ကံကောင်းထောက်မစွာ၊ သူတို့နှစ်ဦးအဆင်ပြေခဲ့သည်။

 သူတို့ရဲ့ဆရာက သူတို့ကို အသက်ပြန်ရှင်စေနိုင်ပေမယ့် ရှင်ပြန်ထမြောက်ဖို့ အချိန်အကြာကြီး လိုအပ်တယ်လို့လည်း သူတို့ရဲ့ဆရာက ပြောခဲ့သည်။ ပေါက်ကွဲမှုကြောင့် ၎င်းတို့၏ ခန္ဓာကိုယ်နှင့် ဝိညာဉ်များ ပျက်စီးသွားခဲ့ပါက ပြန်လည်ရှင်သန်ရန်နှင့် ကျင့်ကြံရန် အချိန်မည်မျှကြာမည်ကို မသိရသေးပေ။

 ထို့ကြောင့် အသက်ရှင်တာက အကောင်းဆုံးဖြစ်သည်။

 သို့သော် သူတို့နှစ်ဦး သက်ပြင်းမချနိုင်မီတွင် စက်သံတစ်သံသည် ဖုန်မှုန့်များကြားမှ ဖြည်းညှင်းစွာ ထွက်ပေါ်လာသည်။

 "မင်းတို့တွေကို ခွင့်မလွှတ်ဘူး။"

 ဤစကားကို ကြားရသည်နှင့် တပြိုင်နက် သူတို့၏ နှလုံးသားများ တင်းကြပ်လာသည်။ သူတို့သည် သူတို့၏အကြည့်များကို ​ပေးပို့ကာ မကူညီနိုင်ဘဲ တုန်လှုပ်သွားကြသည်။

 ထိုအချိန်တွင် လီလျှို့ရွှေ၏ ခန္ဓာကိုယ်ရှိ အသားများသည် လုံးဝပေါက်ကွဲလုနီးပါးဖြစ်ကာ သူ့အသားစများမှာ ရှုပ်ပွနေသည်။

 သူ့ရှေ့က နံရိုးတွေ တစ်နေရာရာမှာ ကွဲထွက်သွားပြီး သူ့ကိုယ်တွင်းအင်္ဂါတွေကိုလည်း ပါးပါးလှီးထားတဲ့ အသားအဖြစ် ပြောင်းလဲသွားသည်။

 သူ့မျက်နှာသည် အရိုးများနှင့် အသားများသည် ပုပ်ပွနေသည့် အရိုးစုကဲ့သို့ပင် ဖြစ်နေသည်။

 သို့သော် သူ့နှလုံးနေရာက ထူးဆန်းသော အနီရောင်အလင်းတန်း လင်းထိန်နေလေသည်။

 ဤထူးဆန်းသော အနီရောင်အလင်းရောင်သည် အရှိန်အဝါကြီးပြီး လျှို့ဝှက်ဆန်းကြယ်မှုများဖြင့် ပြည့်နှက်နေသည်။ လီချန်းရှန်၏ ခန္ဓာကိုယ်ထဲက ဓားဝိညာဉ်တောင် ဒီမီးနီကို မြင်လိုက်ရတဲ့အခါ တုန်လှုပ်သွားသည်။

 သူ ထိတ်လန့်သွားစဉ် လီလျှို့ရွှေက သူ့ညာဖက်လက်ကို မြှောက်လိုက်သည်။

 [အဇူရာဓား နှင့် အဇူရာကမ္ဘာဖျက်ခြင်းကို အသက်သွင်းလိုက်ပါပြီ။ စနစ်က အားသွင်းနေပါတယ်]

  လီချန်းရှန်နှင့် ကျူးကောကျီချုံတို့သည် ဤအသံကို မကြားနိုင်သော်လည်း တိုက်ခိုက်မှုသည် မည်မျှပြင်းထန်သည်ကို သူတို့နှစ်ဦး ခံစားသိရှိနိုင်သည်….

***