အခန်း (၆၀၁-၆၀၄)

အခန်း ၆၀၁ ထိုင်ပြီး လုယက်မှုကိုခွဲခြင်း

ကောင်းဖန်သည် ဝတုတ် ရွှံ့သခင်ရဲ့ ဦးနှောက်ထဲကို စိမ့်ဝင်နေတဲ့ ပင်လယ်ဝတုတ်ကို ကြည့်ပြီး သည်းမခံနိုင်တော့ပေ။ ဒါက မျောက်တစ်ကောင်ကို အမှတ်ရစေသည်။

“ဒီကောင်မှာ လျှို့ဝှက်ချက်ရှိမရှိ ကြည့်ချင်တယ်” ဟု ပင်လယ်ဝတုတ်က ပြောလိုက်သည်။

ဝတုတ်ရွှံ့လူကြီးသခင်ရဲ့ ကွဲအက်နေတဲ့ မှတ်ဉာဏ်တွေထဲမှာ သူသည် နှစ်မြုပ်နေသည်။ သို့သော် ပင်လယ်ဝတုတ်သည် ခဏမျှ ရှာဖွေပြီးနောက် တစ်ခုခုမှားနေပြီဟု ခံစားလိုက်ရပြီး မျက်မှောင်ကြုတ်လိုက်သည်။ “ဒီမှတ်ဉာဏ်တွေက ပြန့်ကျဲလွန်းနေတယ်”

၎င်း၏မှတ်ဉာဏ်သည် မပြည့်စုံပေ။ အရေးကြီးဆုံးအချက်က သူ့မှာ ငါနဲ့ ပတ်သက်တဲ့ မှတ်ဉာဏ်တွေ အများကြီး မရှိဘူး.. သူက ငါ့ရဲ့တစ်သက်တာရန်သူပဲ..

ပင်လယ်ဝတုတ်သည် မရပ်မနား ညည်းညူနေလေသည်။

သူက ငါ့အကြောင်းထက် နတ်ဘုရားပစ္စည်းတွေအကြောင်း ပိုမှတ်မိတယ်..

ပင်လယ်ဝတုတ်က “ဒီကောင်ရဲ့ မှတ်ဉာဏ်က မပြည့်စုံဘူး.. တကယ်ပဲ ရှင်သန်ထမြောက်နိုင်တယ်ဆိုရင်တောင် သူ့ရဲ့မူလ အစစ်အမှန် ဖြစ်မလာတော့ဘူး” ဟု ပြောလိုက်သည်။

၎င်း၏နတ်ဘုရားသဏ္ဍာန်သည် ပြိုပျက်သွားပြီး ၎င်း၏နတ်ဘုရားဝိညာဉ်သည် ကွဲအက်သွားခဲ့သည်။ ဝတုတ်ရွှံလူကြီးသခင်ရဲ့ ဦးခေါင်းခွံက တကယ်တော့ အလောင်းကနေ ပေါက်ဖွားလာတဲ့ အသိစိတ်တစ်ခုပင်ဖြစ်သည်။ ၎င်းသည်

ဝတုတ်ရွှံလူကြီးသခင်နှင့်သက်ဆိုင်သော်လည်း ဝတုတ်ရွှံလူကြီးသခင် မဟုတ်တော့ပေ။

“သူ့ရဲ့ဦးနှောက်က ဗလာဖြစ်နိုင်တယ်” ဟု ပင်လယ်ဝတုတ်က ဆိုလိုက်သည်။

ဒီလောက်အကြာကြီး လှည့်ပတ်နေတာတောင် ဦးနှောက်ထဲမှာ ဘာလို့ ဘာမှ ရှာမတွေ့ရတာလဲ.. သူ့ဦးနှောက်က ဗလာဖြစ်နေလို့ ဖြစ်ရမယ်..

ပင်လယ်ဝတုတ်က သူ့ခန္ဓာကိုယ်ကို လှုပ်ခါရင်း ကြောက်စရာကောင်းတဲ့ အမူအရာ ထွက်လာသည်။ ၎င်းသည် ပုံမှန်ထက် ၁၀ ဆ အရွယ်အစား ကြီးလာသည်။ ရုတ်တရက် သူက ကြောက်မက်ဖွယ်ကောင်းတဲ့ ရေနက်သားရဲကြီး တစ်ကောင်အဖြစ်သို့ ပြောင်းလဲသွားကာ ဝတုတ်ရွှံလူကြီး သခင်၏ စိတ်ထဲတွင် အပြန်ပြန် အလှန်လှန် လှုပ်ရှားသွားလာနေတော့သည်။

အဖြူရောင် မှိုတိမ်တိုက်နှင့်တူသော အရာဝတ္ထုတစ်ခုကို တွေ့ဖို့ရန် အချိန်အများကြီး မကြာလိုက်ပေ။ ပင်လယ်ဝတုတ်ကို ခြိမ်းခြောက်ရန် ကြိုးပမ်းနေသည့် အရာမှာ ပိုးကောင်နှင့်တူသည့် အရာဝတ္ထုပေါ်မှ မြူခိုးများဖြစ်သည်။

ပင်လယ်ဝတုတ်သည် ဂရုမစိုက်နိုင်ပေ။ သူ့ပါးစပ်ကြီးကိုဖွင့်ပြီး ကိုက်လိုက်သည်။ ဝတုတ်ရွှံလူကြီး သခင်၏ ဦးခေါင်းခွံသည် ဒန်ဘီကို တိုက်ထုတ်ရင်း ရုတ်တရက် တုန်ခါသွားပြီး ရူးသွပ်သွားသလိုမျိုး ခေါင်းကို ရန်လိုစွာ ပြင်းပြင်းထန်ထန် ခါလိုက်သည်။

ဒဏ်ရာကို သံပြားနှင့်ထိုးထားသကဲ့သို့ ဝတုတ်ရွှံလူကြီး သခင်၏ ကျိုးနေသောနှာခေါင်း ရှေ့သို့ အပြေးအလွှားသွားကာ ဒန်ဘီသည် သူ့လက်ဖဝါးပေါ်မှ လျှို့ဝှက်မီးတောက်ဖြင့် ရိုက်ချလိုက်သည်။ ဝတုတ်ရွှံလူကြီး သခင်၏ ဦးခေါင်းခွံသည် ရုန်းကန်နေပြီး ကြောက်စရာကောင်းလောက်အောင် ဟစ်အော်နေသည်။

ဦးခေါင်းခွံသည် ဘောလုံးကဲ့သို့ ဝင်္ကဘာတစ်လျှောက် ခုန်ပေါက်နေချိန်တွင် ဒန်ဘီသည် နောက်သို့ ပစ်ချခံလိုက်ရသည်။ တိုက်မိရာမှ မရေမတွက်နိုင်သော နံရံများ ပြိုကျကာ အုတ်ခဲများနှင့် ကျောက်တုံးများ အမှုန့်အဖြစ်သို့ ပြောင်းလဲသွားသည်။ နောက်ဆုံးတွင် မငြိမ်မသက်ဖြစ်မှုများ ရပ်တန့်ရန် နာရီဝက်ခန့်ကြာသွားခဲ့သည်။

ဝတုတ်ရွှံလူကြီးသခင်၏ ဦးခေါင်းခွံ ရုန်းကန်မှုရပ်တန့်သွားသည်ကို ခံစားသိရှိပြီးနောက် အဆုံးမဲ့လူဝင်စားခြင်းဝင်္ကဘာသည် ပင်လယ်ဧကရာဇ်၏ ဖျက်ဆီးဝါးမျိုတက်သော သွားများနှင့် တိုက်ခိုက်နေရာမှ မဆိုင်းမတွဘဲ ချက်ချင်းထွက်ပြေးလိုက်သည်။

“ထွက်သွားဖို့ အိပ်မက်တောင် မမက်နဲ့” ကောင်းစွာပြင်ဆင်ထာတဲ့ ကောင်းဖန်က သူ့သားကောင်များကို လွတ်မြောက်ခွင့်ပြုမည် မဟုတ်ပေ။

သူက လက်ဖျောက်တစ်ချက်တီးကာ ဆီလီကို ဆင့်ခေါ်လိုက်သည်။

“နေရာလွတ်အုံကြွမှု “ ဒန်ဘီသည် သူ့ ခွန်အားအပြည့်ဖြင့် နေရာလွတ်ကို ပုံသွင်းလိုက်သည်။

၎င်း၏အရှေ့ဘက်ရှိ နေရာလွတ်သည် ကြောက်မက်ဖွယ်ကောင်းသော ပုံစံဖြင့် စတင်ပြောင်းလဲလာပြီး ပြင်းထန်စွာ တုန်ခါသွားသည်။ ထပ်နေသောနေရာလွတ်သည် တွန့်လိမ်နေသည်။

အဆုံးမဲ့ လူဝင်စားခြင်း ဝင်္ကဘာသည် ရွှေရောင်အလင်းတန်းများ လင်းလက်နေပြီး လေထဲတွင် တဖြည်းဖြည်း မှေးမှိန်သွားကာ ပျောက်ကွယ်သွားတော့မည် ဖြစ်သည်။ လှိုင်းထနေသော လှိုင်းလုံးများနောက်တွင် နေရာလွတ်သည် လှိုင်းလုံးကြီးများဖြင့် ပြန့်ကျဲနေသည်။

ပျောက်ကွယ်တော့မည့် အဆုံးမဲ့ လူဝင်စားခြင်း ဝင်္ကဘာသည် အားကောင်းသော နေရာလွတ်လှိုင်းများဖြင့် နောက်သို့ တွန်းပို့လိုက်သည်။ ပြန်တွန်းလိုက်တဲ့အခါမှာတော့ အဆီဦးခေါင်းနဲ့ ငါးတစ်ကောင်ရဲ့အရိုးစုကို ဝိုင်းရံထားတဲ့ တြိဂံပုံအထိန်းကို တွေ့လိုက်ရသည်။

အဆုံးမဲ့ လူဝင်စားခြင်း ဝင်္ကဘာသည် လုံးဝကို အကြံအိုက်နေသည်။

“ထွက်ပြေးတာလား..မင်းဘယ်သွားလို့ရမယ်ထင်လဲ” ပင်လယ်ဝတုတ်က ရက်စက်စွာ ရယ်မောလိုက်သည်။

ဒီတိုက်ပွဲက နောက်ဆုံးတော့ ပြီးသွားခဲ့သည်။ ဝတုတ်ရွှံလူကြီးသခင်၏ ဦးခေါင်းခွံသည် အောက်ဘက်သို့ မျက်နှာမူကာ မလှုပ်မယှက်ဖြစ်နေသည်။

၀င်္ကဘာကို တင်းတင်းကြပ်ကြပ် ချုပ်နှောင်ထားသည်။ အောက်ဘက်မှာ အပျက်အစီးတွေနဲ့ ပြည့်နှက် နေသည်။ အဆက်မပြတ် ဖရိုဖရဲ ဒြပ်စင်များသည် အဝေးမှ ထွက်ပေါ်လာသည်။

အစပိုင်းတွင် ၎င်းတို့အားလုံးသည် အဆုံးမဲ့ လူဝင်စားခြင်း ဝင်္ကဘာမှ စုပ်ယူထားသော ဒြပ်စင်များမှ ဖန်တီးထားသော ထောင်ချောက်များဖြစ်သည်။ ယခုအခါတွင် ထောင်ချောက်များအားလုံး ပျက်စီးသွားသဖြင့် ဒြပ်စင်များ၏ အထိန်းအကွပ်မဲ့ စွမ်းအားများသည် လေထဲတွင် လွတ်လပ်စွာ သွားလာနေသည်။ ဤဒြပ်စွမ်းအားများသည် သဟဇာတမဖြစ်သောကြောင့် ၎င်းတို့သည် လေထဲတွင် လုံးဝပျောက်ကွယ်သွားသည်အထိ ပြင်းထန်စွာ တုံ့ပြန်ကြသည်။

အဝေးမှ သားရဲများသည် တဖြေးဖြေး အော်ဟစ်နေကြဆဲပင်။ သို့သော် ဖြစ်ပျက်နေသော တိုက်ပွဲကို သတိပြုမိသဖြင့် အော်ဟစ်သံများသည် တဖြည်းဖြည်း မှိန်ဖျော့သွားကာ ရည်ရွယ်ချက်ရှိရှိ ရှောင်ရှားနေကြသည်။

“ဒါကို အဆုံးစီရင်ခြင်းလို့ မှတ်လို့ရလား” ကောင်းဖန် ကတော့ စိတ်ကျေနပ်နေသည်။

ပင်လယ်ဝတုတ်၊ ဒန်ဘီနှင့် နတ်ဘုရားပစ္စည်းတစ်ခုဖြင့် သူတို့ အဆုံးစီရင်ခဲ့တာလားတော့ မသိနိုင်ပေ။

ပင်လယ်ဝတုတ်သည် သည်းမခံနိုင်အောင် ရယ်လိုက်သည်။ “ကောင်းဖန် မင်းက အရမ်းတွေးနေတာပဲ..ဒါကို နတ်ဘုရားအဖြစ် မှတ်ယူမယ်ဆို နတ်ဘုရားက အရမ်းတန်ဖိုးမဲ့လွန်းတယ်... ဒီမှာ နတ်ဘုရားဝိဉာဉ်မရှိဘူး... ဒီနတ်ဘုရားခန္ဓာကိုယ်က မပြည့်စုံဘဲ ပြင်းပြင်းထန်ထန် ပျက်စီးနေပြီး ဘယ်နတ်ဘုရားသဏ္ဍာန်မှ မရှိဘူး... အများစုကတော့ နတ်ဘုရားရဲ့ သက်ရှိသတ္တဝါတွေပဲ”

“နတ်ဘုရားရဲ့ သက်ရှိသတ္တဝါလား” ကောင်းဖန်က ညီးညူလိုက်သည်။

“ဟုတ်တယ်... နတ်ဘုရားရဲ့ သက်ရှိသတ္တဝါတစ်ကောင်က ဝိညာဉ်ရေးအသိကို မွေးဖွားပေးပြီး သားရဲတစ်ကောင်ဖြစ်လာတဲ့ ပုံပျက်နေတဲ့ နတ်ဘုရားရုပ်အလောင်းကို ရည်ညွှန်းတယ်” ဟု ပင်လယ်ဝတုတ်က ဆိုလိုက်သည်။ “နတ်ဘုရားရဲ့ သက်ရှိသတ္တဝါရဲ့ ခွန်အားက ကွဲပြားနိုင်တယ်... အားနည်းတဲ့သူတွေက အရှင်သခင်အဆင့်မှာ ရှိနေပေမဲ့ သန်မာသူတွေကတော့ နတ်ဘုရားနဲ့တောင် နှိုင်းယှဉ်နိုင်တယ်... နတ်ဘုရားရဲ့ သက်ရှိသတ္တဝါရဲ့ အစွမ်းသတ္တိက သူအသက်ရှင်နေစဥ်အချိန်နဲ့ ပုံပျက်နေတဲ့ ရုပ်အလောင်းရဲ့ အခြေအနေတို့နဲ့ ဆက်စပ်နေတယ်..”

“ဒီတစ်ခါတော့ လုယက်တာကို မျှမျှတတခွဲဝေရမှာပေါ့” ဟု ကောင်းဖန်က လုယက်မှုများကို စတင်ဝေငှရင်း ပြောလိုက်သည်။ “ငါတို့ရဲ့ လုယက်မှုမှာ ဝတုတ်ရွှံလူကြီး သခင်ရဲ့ ပုံပျက်နေတဲ့ ခန္ဓာကိုယ်နဲ့ အဆုံးမဲ့ လူဝင်စားခြင်း ဝင်္ကဘာတို့ ပါတယ်”

“ကောင်းပြီ.. ဒန်ဘီ မင်းအရင်ရွေးရမှာပေါ့” ပင်လယ်ဝတုတ်က ရက်ရက်ရောရောပြောလိုက်သည်။

ဒန်ဘီက ခဏတာ တုံ့ဆိုင်းသွားသော်လည်း နောက်ဆုံးတွင် ဝတုတ်ရွှံလူကြီး သခင်၏ အကြွင်းအကျန်များကို ရွေးချယ်လိုက်သည်။ နတ်ဘုရားပစ္စည်းသည် ၎င်း၏အာရုံကို မဆွဲဆောင်နိုင်ပေ။ ထိုနတ်ဘုရား ပစ္စည်းများကိုလည်း စိတ်ကူးမယဉ်ပေ။ တံစဉ် သို့မဟုတ် ဓားရှည်ဖြစ်လျှင်တော့ အထင်ကြီးနိုင်ပေမဲ့ ဝင်္ကပါကိုတော့... စိတ်ကူးပင်မရှိပေ။

“မင်းက မျက်လုံးကောင်းတယ်.. ဒီမှာ တန်ဖိုးအရှိဆုံး ရတနာကို မင်းရွေးလိုက်တယ်” ပင်လယ်ဝတုတ်က သက်ပြင်းချလိုက်ပြီး မနာလိုသောလေသံဖြင့် မှတ်ချက်ပေးလိုက်သည်။

ပင်လယ်ဝတုတ်သည် မည်သူမျှ သတိမပြုအောင် အဆုံးမဲ့ လူဝင်စားခြင်း ဝင်္ကဘာကို ၎င်း၏ ဆူးတောင်ဖြင့် ခိုးယူရန် ကြိုးစားလိုက်သည်။ ရုတ်တရက် ထူထဲကျယ်ပြန့်တဲ့ လက်ဖဝါးကြီးက သူ့ ဆူးတောင်ပေါ် ကျရောက်လာသည်။ သူက ခေါင်းကို မော့လိုက်သောအခါ ကောင်းဖန်ရဲ့ ရိုးသားမှု၊ နူးညံ့မှု၊ ကြင်နာမှု၊ ရိုးသားတဲ့ အကြည့်တွေကို မြင်လိုက်ရသည်။

“မင်းဘာလုပ်နေတာလဲ” ပင်လယ်ဝတုတ်က မေးလိုက်သည်။

“ဒန်ဘီက ပြီးသွားပြီ” ဟု ကောင်းဖန်ကဆိုလိုက်သည်။ “ကျန်တာ ငါ့ဥစ္စာပဲ”

ပင်လယ်ဝတုတ် က “မင်းဘာလုပ်လိုက်တာလဲ…” လို့ ပြောပြီး ခဏလောက် ငြိမ်သက်နေသည်။

“ငါက ဒန်ဘီနဲ့ ပေါင်းစပ်လိုက်တဲ့အတွက် တိုက်ပွဲမှာ ငါလည်း ပါတယ်လေ” ဟု ကောင်းဖန်က ပြောလိုက်သည်။

“မင်း…” ပင်လယ်ဝတုတ်သည် ကောင်းဖန်၏ အရှက်မဲ့မှုကြောင့် ထိတ်လန့်သွားသည်။

ဒီလို အရှက်မဲ့တဲ့လူ ဘယ်လိုလုပ်ဖြစ်ရတာလဲ..

“စိတ်လျှော့ပါ... မင်းပိုင်တဲ့အရာကို ငါဘယ်တော့မှ ယူမှာမဟုတ်ဘူး” ဟု ကောင်းဖန်ကပြောလိုက်သည်။

“အဲဒါဘာလဲ” ပင်လယ်ဝတုတ်က အကြံအိုက်နေသည်။

“အောင်မြင်တဲ့ လက်စားချေမှုကနေ မင်းရဲ့ကျေနပ်မှုနဲ့ ပျော်ရွှင်မှုတွေနဲ့ မင်းရဲ့ရန်သူကို လက်ဗလာနဲ့ အဆုံးသက်ဖို့လုပ်နိုင်တာက မင်းရဲ့စိတ်က သက်သာရာရစေတယ်မလား” ဟု ကောင်းဖန်က ပြန်ပြောလိုက်သည်။

ပင်လယ်ဝတုတ်သည် ပြောစရာမဲ့နေသည်။

ငါ အခု မတည်မငြိမ်ဖြစ်နေပြီမို့ မင်းကို အသေကိုက်ပစ်လိုက်ချင်တယ် ကောင်းဖန်... မင်းက ငါ့ရဲ့နတ်ဆိုးပဲ..

ကောင်းဖန်သည် အဆုံးမဲ့ လူဝင်စားခြင်း ဝင်္ကဘာကို ကောက်ယူလိုက်သည်။ ရွှေရောင် ဝင်္ကပါက ကြီးကြီးမားမား မဟုတ်ပေ။ ၎င်းသည် ကုဗတုန်းအရွယ်အစားခန့်သာရှိသည်။ ၎င်းသည် အလေးချိန်မရှိလုနီးပါးဖြစ်ပြီး ထူးခြားပြီး ကြမ်းတမ်းတဲ့ သတ္တုအမှုန့်ဖြင့် ပြုလုပ်ထားသည်။

“ပင်လယ်ကြီး.. ဒီနတ်ဘုရားပစ္စည်းက သူ့ရဲ့သခင်ကို ဘယ်လိုမှတ်မိတာလဲ” ကောင်းဖန်သည် ၎င်းနှင့်အတူ ကစားနေသော်လည်း အဖြေရှာမရပေ။

ပင်လယ်ဝတုတ်က ရယ်မောလိုက်သည်။

ကောင်းဖန်က ခဏလောက်စဉ်းစားပြီး ယဇ်ပလ္လင်ဖြတ်စက်ကြီးကို ထုတ်လိုက်သည်။ သူက လူမည်းကလေးကိုမေးလိုက်သည်။ “ဒီနတ်ဘုရားပစ္စည်းက သူ့ရဲ့သခင်ကို ဘယ်လိုလုပ်မှတ်မိတာလဲ”

ကောင်းဖန်ရဲ့လက်ထဲက နတ်ဘုရားပစ္စည်းကို တွေ့လိုက်တဲ့အခါ လူမည်းကလေးရဲ့ မျက်လုံးတွေ တောက်ပသွားသည်။ “ငါ့ကို ဖြိုခွင်းခွင့်ပြုလေ.. ငါပြောပြမယ်”

“ဘယ်လောက်တောင် အားကိုးလို့မရတဲ့ကောင်လဲ” ကောင်းဖန် သက်ပြင်းချလိုက်သည်။

***

သားရဲလေ့ကျင့်သူ

အခန်း ၆၀၂ ဝင်္ကဘာ၏ ပညတ်ချက်

“မင်းမှာ ဒြပ်စင်စွမ်းအားမရှိလို့ နတ်ဘုရားပစ္စည်းကို မင်းမထိန်းချုပ်နိုင်ဘူးမလား” ပင်လယ်ဝတုတ်က မောက်မာစွာပြောလိုက်သည်။ “နတ်ဘုရား ပစ္စည်းကို ထိန်းချုပ်ဖို့ ပညတ်ချက်ရှိရမယ်လို့ ငါအရင်က ပြောဖူးတယ်လေ.. မင်းက သားရဲတစ်ကောင် မဟုတ်တော့ မင်းပစ္စည်းကို ဘယ်လိုထိန်းချုပ်နိုင်မှာလဲ..”

“ဒြပ်စင်စွမ်းအား” ကောင်းဖန်က မှောင်ကြုတ်လိုက်သည်။ ထိုအကြောင်းကို သူဘာမှမသိပေ။

“တကယ်လို့ မင်း ဒီပစ္စည်းကို တကယ်သုံးချင်တယ်ဆိုရင် နောင်အနာဂတ်မှာ ငါတို့ ပေါင်းစပ်တဲ့အခါ သုံးခွင့်ပေးမယ်” ဟု ပင်လယ်ဝတုတ်က မကျေမနပ်နဲ့ ပြောလိုက်သည်။

ကောင်းဖန်သည် ဝင်္ကပါ၏ အရည်အချင်းများကို စစ်ဆေးရန် ငုံ့ကြည့်လိုက်သည်။

[ပစ္စည်းအမည်]- အဆုံးမဲ့ လူဝင်စားခြင်း ဝင်္ကဘာ (နတ်ဘုရားပစ္စည်း)

[ပညတ်ချက် အကြောင်းအရာ]- ဝင်္ကဘာ ပညတ်ချက် ၇ ရာခိုင်နှုန်း

အတန်ကြာစဉ်းစားပြီးနောက် ကောင်းဖန်သည် ပင်လယ်ဝတုတ်ရှေ့ကို အဆုံးမဲ့ လူဝင်စားခြင်း ဝင်္ကဘာကို ပစ်ချလိုက်သည်။

ပင်လယ်ဝတုတ်က ၎င်းကိုယူသွားပြီး “တကယ်တော့ ဒီ အဆုံးမဲ့ လူဝင်စားခြင်း ဝင်္ကဘာရဲ့ အခြားအသုံးပြုမှုတစ်ခုက သားရဲတွေကို ပြုစုပျိုးထောင်ဖို့ပဲ.. အရင်အချိန်က ဒီသူငယ်ချင်းရဲ့ အဆုံးမဲ့ လူဝင်စားခြင်း ဝင်္ကဘာက သူ့လက်အောက်ငယ်သားများကို ပြုစုပျိုးထောင်ရန်အတွက် သုံးခဲ့တဲ့ သော့ပဲ” ဟုပြောလိုက်သည်။

“သားရဲတွေကို ပြုစုပျိုးထောင်ဖို့… ဒါဆို ကိုယ်ပိုင်သားရဲတွေကိုလည်း ပြုစုပျိုးထောင်ဖို့ ဖြစ်နိုင်တာပဲ” ကောင်းဖန်က ရေရွတ်လိုက်သည်။ “ဒါကို မင်းဘယ်လိုလုပ်တာလဲ”

“ငါမသိဘူး” ပင်လယ်ဝတုတ်က ခေါင်းယမ်းပြီး ပြောလိုက်သည်။ “ဒီပစ္စည်းကို ရတာ ဒါပထမဆုံးအကြိမ်ပဲ.. ဒါပေမယ့် သူ့ကို ဒီလိုနည်းနဲ့ သုံးတာ မြင်ဖူးတယ်”

ကောင်းဖန်က ခေါင်းညိတ်လိုက်သည်။ “ကောင်းပြီ.. ဒီတော့ ဒီရက်အနည်းငယ်အတွင်း မင်းအားလပ်ချိန်မှာ သူ့ရဲ့အသုံးပြုမှုကို ပြန်စဉ်းစားထားပါ”

လူမည်းကလေး၏ မျက်နှာပေါ်တွင် နာကြည်းဖွယ်အကြည့်များ ရှိနေသည်။ မင်းက ငါ့ကို နတ်ဘုရားရဲ့အလောင်းကို ဖြိုခွင်းခွင့်မပြုသလို ပစ္စည်းကိုလည်း ဖြိုခွင်းခွင့်မပြုဘူး.. ဒီလို ဆက်လုပ်နေရင် မင်းငါ့ကို ဆုံးရှုံးရလိမ့်မယ်..

တစ်ဖက်တွင် ဒန်ဘီသည် သူ့ထက်ကြီးတဲ့ ဝတုတ်ရွှံလူကြီး သခင်၏ ဦးခေါင်းခွံရှေ့သို့ လျှောက်သွားလိုက်သည်။ ၎င်းသည် ကြီးမားလှသော ဘိုးလင်းဘောလုံးတစ်လုံးကဲ့သို့ မြေပြင်ပေါ်တွင် လဲလျောင်းနေပြီး ၎င်း၏သေခြင်းကို ဆန့်ကျင်သည့်အနေဖြင့် မျက်လုံးဖွင့်ကာ စိုက်ကြည့်နေသည်။

ဒန်ဘီသည် ကြမ်းပြင်ပေါ်ရှိ သွေးစွန်းကွက်များအားလုံးကို စုစည်းလိုက်သည်။ ဦးခေါင်းခွံရှိ မရဏလေကို စုပ်ယူရန် အဆင်သင့်ဖြစ်အောင် ခဏလောက် တုံ့ဆိုင်းနေသည်။ ဦးခေါင်းခွံရဲ့ မျက်နှာပြင်ပေါ် ကို လက်ချောင်းတွေကို တင်လိုက်တဲ့အခါ စပ်ဖျင်းဖျင်း ခံစားချက်ကို ခံစားလိုက်ရသည်။

၎င်းသည် ဦးခေါင်းပေါက်အတွင်းရှိ သမုဒ္ဒရာတစ်ခုနှင့်တူသည်။ သေခြင်းတရားသည် နေရာတိုင်းသို့ ပျံ့နှံ့သွားသည်။ တုန်လှုပ်နေသော မရဏလေသည် ကြီးမားသော လှိုင်းလုံးကြီးအဖြစ်သို့ ပြောင်းလဲသွားပြီး အလင်းဝင်ပေါက် ခုနစ်ပေါက်မှ အပြင်သို့ ပျံ့နှံ့သွားပြီး အရပ်ရပ်သို့ ချက်ချင်း ပျံ့လွင့်သွားသည်။ မရဏလေဖြင့် ပွတ်တိုက်မိသော ကျောက်တုံးများသည် မီးခိုးရောင်၊ အမာရွတ်နှင့် စုတ်ပြတ်သတ်လာသည်။

ဒန်ဘီ၏ အမူအရာ အနည်းငယ် ပြောင်းလဲသွားသည်။ သူ့နောက်ကျောမှာ အမြစ်တွယ်နေတဲ့ ပုံသဏ္ဌာန်မဲ့ ငရဲသစ်ပင်ကို ဖယ်ရှားလိုက်သည်။ ခဏလောက်စဉ်းစားပြီးနောက် သူသည် ပုံသဏ္ဌာန်မဲ့ ငရဲသစ်ပင်ကို ကိုင်ဆောင်ကာ ဝတုတ်ရွှံလူကြီးသခင်၏ ဦးခေါင်းခွံ ထိပ်သို့တက်သွားသည်။ သူသည် သစ်ပင်ကို ပွေ့ဖက်ကာ ဦးခေါင်းခွံထိပ်ပိုင်းရှိ ကွက်လပ်ထဲသို့ ခုန်ဆင်းသွားသည်။

သူက ရေကန်ကြီးထဲကို ခုန်ချလိုက်သည့် လူနဲ့တူသည်။ သို့သော် ဒါက လူသားမဟုတ်ခဲ့ပေ။ ဒါက အရိုးစုဖြစ်သည်။ ကုန်သေတ္တာ ဆိုတာကလည်း ရေတိုင်ကီမဟုတ်ပေ။ အဲဒါ နတ်ဘုရားရဲ့ ဦးခေါင်းခွံပဲဖြစ်သည်။

အလင်းဝင်ပေါက် ခုနစ်ပေါက်မှ မီးခိုးရောင် မြူခိုးများ ထွက်ကျလာပြီး ဦးခေါင်းခွံတစ်ခုလုံးကို ဖုံးလွှမ်းသွားသည်။ ဦးခေါင်းခွံက မြင်ကွင်းကနေ ပျောက်ကွယ်ဖို့ အချိန်ခဏလေးပဲ ကြာသည်။ မီးခိုးရောင် မြူခိုးတွေ ဝေ့ဝဲနေတဲ့ ဘောလုံးကိုသာ မြင်နိုင်မှာဖြစ်သည်။

တိုက်ပွဲတွင် ပိရမစ်ပုံရှိတဲ့ ယဇ်ပလ္လင် ထက်ဝက်ကျော် ပျက်စီးသွားသည်။ အဲဒီပေါ်မှာ မှောက်ထားတဲ့ ခေါင်းတလားရှိသည်။

“ဒီအခေါင်းကို နတ်ဘုရားရဲ့ အလောင်းကို သိမ်းဆည်းဖို့ သုံးနိုင်တယ်.. ဒါကြောင့် ဒါဟာ ထူးဆန်းတာဖြစ်ရမယ်” ဟု ကောင်းဖန်က ခေါင်းတလားကို ခေါက်ကာ ရေရွတ်လိုက်သည်။

“ဒီအခေါင်းကို မင်းပြောတာလား” ပင်လယ်ဝတုတ်သည် အဆုံးမဲ့ လူဝင်စားခြင်း ဝင်္ကဘာနဲ့ အချိန်ကုန်ခံ ဆော့ပြီး သူ့ခေါင်းကို လှည့်လိုက်သည်။ “ဒီရုပ်အခေါင်းကို ငါ အကြိမ်ပေါင်းများစွာ မြင်ဖူးတယ်.. သူငယ်ချင်းဟောင်းတစ်ဦး ကွယ်လွန်ပြီးနောက်မှာ ဒီအခေါင်းထဲမှာ ထားထားတာ.. အဲဒါပြီးနောက်မှာ အထဲမှာ ထိန်းသိမ်းထားတဲ့ တခြားနတ်ဘုရားတွေလည်း ရှိသေးတယ်”

“ဒီအခေါင်းကလည်း ရတနာတစ်ခုပါပဲ” ဟု ကောင်းဖန်က ပြောလိုက်သည်။

“ဘာရတနာလဲ... ဒါက တစ်ခုတည်း မဟုတ်ဘူး.. နောက်ထပ် ခေါင်းတလားတွေ အများကြီးရှိသေးတယ်” ဟု ပင်လယ်ဝတုတ်က ပေါ့ပေါ့ပါးပါး ပြောလိုက်သည်။ “ဘယ်လိုလုပ်ထားလဲတော့ မသိဘူး.. ဒါပေမယ့် အရည်အသွေးက ကောင်းပြီး ထိန်းသိမ်းမှုကတော့ တော်တော်ကောင်းတယ်.. ဒါ့အပြင် သူ့ရဲ့ပါဝင်တဲ့အရာတွေက ဘယ်လောက်ကြာကြာ ပြိုကွဲပျက်စီးသွားမှာ မဟုတ်ဘူး”

ကောင်းဖန်က အခြားသားရဲများကိုလည်း လွှတ်ပေးလိုက်သည်။ ၎င်းတို့အုပ်စုတစ်စုက ဝင်္ကဘာ အပျက်အစီးများတွင် ခေတ္တ နေထိုင်နိုင်သည်။ ဤဒေသရှိ ဒြပ်စင်များ၏ပြင်းအားမှာ အလွန်မြင့်မားသောကြောင့် ၎င်းအတွင်း နေထိုင်ဖို့ရန် အလွန် အဆင်ပြေသည်။

ထိုအတောအတွင်း ပင်လယ်ဝတုတ်သည် နောက်ဆုံးတွင် အဆုံးမဲ့ လူဝင်စားခြင်း ဝင်္ကဘာကို အသုံးချဖို့ရန်အတွက် အကြမ်းဖျင်း အကြံဥာဏ်တစ်ခုရလိုက်သည်။

“ဒီရှေးဟောင်းပစ္စည်းရဲ့ အဓိကလုပ်ဆောင်ချက်က ရန်သူကို ထောင်ချောက်ဆင်ဖို့ဖြစ်ပြီး ရန်သူတွေကို သတ်တာက နောက်ထက် လုပ်ဆောင်မှုတစ်ခုပဲ” ဟု ၎င်းက ဆိုသည်။ “ဝတုတ်ရွှံလူကြီးသခင်နဲ့ ငါတို့ တစ်ယောက်ကို တစ်ယောက် ဆန့်ကျင်ဘက်တွေလုပ်နေတဲ့ နေ့ရက်တွေတုန်းက သူက ငါ့ကို ဒီဝင်္ကဘာကိုသုံးပြီး ထောင်ချောက်ဆင်တယ်.. ပြီးတော့ ဒီထဲမှာ ငါနဲ့ တိုက်ရတာကို ကြိုက်တယ်.. ဒါပေမဲ့ ဒီဝင်္ကဘာကိုသုံးပြီး ရန်သူကို ထောင်ချောက်ဆင်ဖို့အတွက် ပညတ်ချက်ရှိရမယ်... ပစ္စည်းအားလုံးအတွက် အတူတူပါပဲ.. ပညတ်ချက်ကို အသုံးချခြင်းကသာ သူတို့ရဲ့ စွမ်းအားတွေကို အမြင့်ဆုံးရောက်အောင် မြှင့်တင်နိုင်မှာ”

“မင်းရဲ့နတ်ဘုရားတွေက ဒီပစ္စည်းတွေကို သုံးဖို့ ပညတ်ချက်စွမ်းအားရှိတယ်.. ဘာလို့ ဒီလောက်ခက်ခဲအောင် လုပ်တာလဲ.. ဒါကို ငါတို့က ဒြပ်စင်စွမ်းအားနဲ့ ဘာလို့ မခြယ်လှယ်နိုင်ရတာလဲ.. အဲဒါက ပိုလွယ်ပြီး ပိုအဆင်ပြေတယ်လေ” ကောင်းဖန်သည် အနည်းငယ် စိတ်ဓာတ်ကျသွားသည်။

ပစ္စည်းနှစ်ခုစလုံးက ပင်လယ်ဝတုတ်ရဲ့ လက်ထဲတွင်ရှိနေသော်လည်း ပင်လယ်ဝတုတ်က သူ့သားရဲဖြစ်သည်။ နည်းလမ်းကျကျစဉ်းစားရင် သူတို့ကိုသူပိုင်သည်။ သူ့တွင် ပညတ်ချက်နှင့် စပ်ဆက်တဲ့ သားရဲမရှိတာကြောင့် နတ်ဘုရားပစ္စည်း နှစ်ခုလုံးရဲ့ စွမ်းရည် ၉၀ ရာခိုင်နှုန်း ကျော်ကို ထိန်းထားနိုင်သည်။

“တကယ်တော့ ငါတို့က ငါတို့ရဲ့ခွန်အားကို မြှင့်တင်ဖို့ နတ်ဘုရားပစ္စည်းတွေကို အတုလုပ်တာပါ” ဟု သူကပြောသည်။” ငါတို့တွေက နတ်ဘုရားမဖြစ်မီမှာ ထူးကဲတဲ့ စွမ်းရည်အမျိုးမျိုးကို အသုံးပြုကြပေမဲ့ နတ်ဘုရားဖြစ်လာပြီး နောက်မှာတော့ တိုက်ခိုက်ဖို့ရန် ပညတ်ချက်များကို အသုံးပြုခဲ့ကြတယ်... အချို့နတ်ဘုရားတွေက အကြောင်းတစ်ခုခုကြောင့် ပညတ်ချက်တစ်ခုတည်းကိုသာ အထူးပြုနိုင်ပြီး အချို့နတ်ဘုရားများမှာ ချို့ယွင်းချက် အားနည်းချက်တွေ ရှိကြတယ်... အဲဒါကြောင့် ငါတို့က ဖန်တီးဖို့ ပစ္စည်းတွေ လိုအပ်တာ”

ပစ္စည်းတစ်ခုချင်းစီတိုင်းတွင် ပညတ်ချက်များရှိကြသည်။

“ပစ္စည်းတွေရဲ့ ပညတ်ချက်တွေက လွတ်လပ်တဲ့အတွက်ကြောင့် ပဋိပက္ခတွေ အများကြီးကို လျော့ပါးစေနိုင်တယ်…” ပင်လယ်ဝတုတ် က သက်ပြင်းချလိုက်သည်။ “အဲဒီတုန်းက ပင်လယ်ဧကရာဇ်ရဲ့ ဖျက်ဆီးဝါးမျိုတက်သော သွားများကို ဖန်တီးတုန်က ဖျက်ဆီးဝါမျိုတက်ခြင်းဆိုတဲ့ ပညတ်ချက်ကို နားလည်ဖို့ ငါလုပ်ခဲ့ရတယ်... ဖျက်ဆီးဝါးမျိုတက်ခြင်းဆိုတဲ့ နိယာမကို မသုံးနိုင်တဲ့အတွက် တိုးတက်ဖို့က အရမ်းခက်ခဲ့တယ်.. ဒါ့ကြောင့် ငါက ကြေးဝါသားရဲကိုသတ်ပြီး ကြေးဝါသားရဲနဲ့ အခြားနတ်ဘုရားအချို့ကို အသုံးပြုပြီး ဖျက်ဆီးဝါးမျိုခြင်းဆိုင်ရာ ပညတ်ချက်ကို အတုလုပ်ခဲ့တယ်... နတ်ဘုရားပစ္စည်းကို ပစ်ချလိုက်ပြီး မကြာခင်မှာဘဲ တိုက်ခိုက်ခံရလိမ့်မယ်လို့တော့ ငါ မမျှော်လင့်ထားဘူး”

ပင်လယ်ဝတုတ်က “ဒီ ဝင်္ကဘာရဲ့စည်းမျဉ်းက အတော်လေး ရှုပ်ထွေးတယ်.. ဒါက ပေါင်းစည်းတဲ့ ပညတ်တစ်မျိုးပါပဲ” ဟု ပြောလိုက်သည်။

ကောင်းဖန်က ခေါင်းညိတ်လိုက်သည်။

ပင်လယ်ဧကရာဇ်၏ဖျက်စီးဝါးမျိုတက်သောသွားများတွက် ၂ ရာခိုင်နှုန်း စည်းမျဥ်းသာ ပါရှိသည်မှာ အံ့သြစရာ မဟုတ်ပေ။

“အရေးကြီးဆုံးကတော့ ပစ္စည်းတွေကို အတုလုပ်တာက ငါတို့ကိုယ်တိုင်အတွက်ပဲ” ဟု ပင်လယ်ဝတုတ်က ဆိုသည်။ “တခြား သားရဲတွေ ဘယ်လိုသုံးမယ်ဆိုတာကို ငါတို့က ထည့်မတွက်ထားဘူး.. ဒါပေမယ့် သုံးလို့ရသေးတဲ့ အခြေခံအချက်အချို့လည်း ရှိပါသေးတယ်.. ဒါကြောင့် မြန်မြန်ဆန်ဆန် ကျွမ်းကျင်အောင် လုပ်နိုင်တာ‌ပေါ့”

“အဆုံးမဲ့ လူဝင်စားခြင်းဝင်္ကဘာက သူ့ပုံစံကို ထုတ်လွှတ်နိုင်ပြီး အလွန်ကြီးမားတဲ့ ဝင်္ကပါအဖြစ်ကို ပြောင်းလဲနိုင်တယ်.. ဟုတ်တယ်.. ဝင်္ကပါရဲ့ အရွယ်အစားက ငါ့စိတ်အခြေနေအရ ကွဲပြားတယ်..” ဝင်္ကဘာကို ထုတ်လွှတ်တဲ့အခါ လေထဲတွင် ဒြပ်စင်အမျိုးမျိုးကို စုပ်ယူနိုင်ပြီး ဝင်္ကပါအတွင်း အမျိုးမျိုးသော ပတ်ဝန်းကျင်နှင့် ထောင်ချောက်များကို ဖန်တီးနိုင်မှာ ဖြစ်သည်။

“ဒါပေမဲ့ ငါတို့က ဝင်္ကဘာအတွင်းရှိတဲ့ ဒြပ်စင်အမျိုးမျိုးရဲ့ ပြင်းထန်မှုကို ကောင်းကောင်းကိုင်တွယ်နိုင်ပြီး သားရဲများ့ရဲကြီးထွားနှုန်းကို အရှိန်မြှင့်ဖို့ ဒါမှမဟုတ် ဝိညာဉ်ရေးအပင်များကို ပြုစုပျိုးထောင်ဖို့ သူကို အသုံးပြုနိုင်တယ်.. ဒါတွေက ငါသိတဲ့ လှည့်ကွက်တွေပဲ”

ကောင်းဖန်က ခေါင်းညိတ်ပြီး “သူတို့ကို စမ်းကြည့်ရအောင်” ဟု ပြောလိုက်သည်။

ပင်လယ်ဝတုတ်က အဆုံးမဲ့ လူဝင်စားခြင်း ဝင်္ကဘာကို အန်ထုတ်လိုက်သည်။ ရွှေရောင် ဝင်္ကပါငယ်၏ အရွယ်အစားသည် ချက်ချင်း အဆမတန် ကြီးထွားလာသည်။ မျက်စိတစ်မှိတ်အတွင်း အစတစ်သန်းလောက် ကြီးလာသည်။

ကုန်းမြေပြင်ပေါ်တွင် ရွှေရောင်လိုင်းများဖြင့် ဖွဲ့စည်းထားသော ဧရာမဝင်္ကပါကြီးတစ်ခု ပေါ်လာသည်။ မြေပြင်က တုန်လှုပ်သွားသည်။ မြေဆီလွှာသည် မြေပြင်မှထွက်လာပြီး ရွှေလိုင်းများကြားရှိ နေရာလွတ်များကို ဖြည့်နေသည်။ အမွှေးတိုင်တစ်တိုင်စာ အချိန်ကုန်သွားပြီးနောက် ကျယ်ပြ့န်ပြီး ကြီးမားတဲ့ ဝင်္ကပါကြီးတစ်ခု သူတို့ရှေ့တွင် ပေါ်လာသည်။

ခြေတစ်လှမ်းချလိုက်တာနဲ့ ဝင်္ကပါက ကောင်းကင်နှင့်မြေကြီးမှ ဒြပ်စင်အမျိုးမျိုးကို အရူးအမူးစုပ်ယူသွားသည်။ တစ်ခုပြီးတစ်ခု ဒြပ်စင်မုန်တိုင်းများ ဝင်္ကဘာအတွင်းမှာ ပေါ်လာသည်။ အပင်များ၊ သဲကန္တာရ၊ ရွှံ့နွံများနှင့် ပတ်ဝန်းကျင် အမျိုးမျိုးတို့သည် ဝင်္ကဘာတွင် လေဖိအားနည်းရပ်ဝန်းမှ ထွက်ပေါ်လာသည်။

“ဒါ…” ကောင်းဖန်က သူ့နဖူးကို ပုတ်လိုက်သည်။

ဤဝင်္ကဘာသည် အခြေခံအားဖြင့် ဖွံဖြိုးတိုးတက်ဖို့ရန်အတွက် ရွှေ့ပြောင်းနိုင်တဲ့ ထိပ်တန်းဇိမ်ခံအိမ်ကြီး တစ်ခုဖြစ်သည်။

***

သားရဲလေ့ကျင့်သူ

အခန်း ၆၀၃ သီးသန့်ဖြစ်ခြင်း အဆုံးသတ်

ကောင်းဖန်မှာ ကိုယ်ပိုင်သားရဲတွေပိုများလာသောအခါ ၎င်းတို့အတွက် နေရာရှာရန်မှာ ကြီးမားသော ပြဿနာဖြစ်လာသည်။ အဘယ်ကြောင့်ဆိုသော် ကောင်းဖန်မှာ သားရဲ အများအပြားရှိသောကြောင့်ဖြစ်ပြီး အခြေခံအားဖြင့် အမျိုးအစားနှင့် အရည်အချင်းများကို ဖုံးကွယ်ထားသည်။

သူတို့အားလုံးကို တစ်နေရာတည်းမှာ တစ်ချိန်တည်းမှာ ထည့်သွင်းစဉ်းစားဖို့က အရမ်းခက်ခဲသည်။ သို့သော် ဤဝင်္ကဘာကတော့ ခက်ခဲတဲ့ ပြဿနာမဟုတ်တော့ဟု သူယုံကြည်သည်။

ဂိုဒီသည် သတ္တုဒြပ်စင်မုန်တိုင်း၏ အလယ်ဗဟိုတွင် ရပ်နေကာ မျက်လုံးများကို မှိတ်ထားပြီး ၎င်း၏ခန္ဓာကိုယ်ကို သတ္တုဒြပ်စင်များ အပြည့်အဝ ထိမှန်သွားသည်ဟု ခံစားနေရသည်။

ဖလိန်မီသည် မီးဒြပ်စင်များကို စုပ်ယူရန်နှင့် လွှတ်ထုတ်ရန် မီးဒြပ်စင်တစ်ခု၏ အလယ်ဗဟိုကိုတွေ့ရှိလိုက်သည်။ အစင်းလေးနှင့် ခြင်္သေ့ဖြူတို့သည် ဖွံဖြိုးတိုးတက်ဖို့ရန်အတွက် ဒြပ်စင်များကို ထုတ်ယူရန်နှင့် ၎င်းတို့အတွက် သင့်လျော်သော ဒြပ်စင်များကို ရှာဖွေတွေ့ရှိလိုက်ကြသည်။

လေထုထဲမှာ ဒြပ်စင်တွေက ပုံမှန်ဆို ဘယ်တော့မှ မကြွယ်ဝပါပေ။ အခုတော့ အသက်ရှုတိုင်း အဆုတ်ထဲကို ဒြပ်စင်တွေကို ရှူသွင်းလိုက်သလိုပင်။ ဒီလို တိုက်ရိုက်အတွေ့အကြုံက အလွန်ရှားပါသည်။ ဒီ သားရဲအဖွဲ့က ပထမဆုံးအကြိမ်အဖြစ် ဆန်းကြယ်တဲ့ ဒြပ်စင်တွေကို သူတို့ အသက် ရှူလိုက်တိုင်း ခံစားနေရသည်။ အရသာခံဖို့ မစဉ်းစားဘဲနဲ့တောင် မနေနိုင်ပေ။

ဒြပ်စင်များ ကြွယ်ဝသော ဒေသတွင် သားရဲများ၏ တိုးတက်နှုန်း အရှိန်မြှင့်မယ်ဆိုတာကို ရှောင်လွှဲလို့မရပေ။ ဒါကြောင့် ကောင်းဖန်က သူတို့ထက်ပင် ပိုပျော်နေသည်။ ဒန်ဘီ ဘယ်တော့ နိုးထလာမည့်ဆိုတာကိုတော့ သူ မသိပေ။

ကောင်းဖန်သည် စိတ်ထဲတွင် သက်ပြင်းတစ်ချက်ချကာ တစ်ဖက်ခြမ်းရှိ ဝတုတ်ရွှံလူကြီး သခင်၏ တိတ်ဆိတ်နေသော ဦးခေါင်းခွံကို ကြည့်လိုက်သည်။ ဦးခေါင်းခွံအတွင်း အထီးကျန်စွာ ဖွံဖြိုးတိုးတက်ဖို့ရန်အတွက် နှစ်နှစ်ခြိုက်ခြိုက် အိပ်ပျော်သွားကတည်းက ဒန်ဘီ ထံမှ ဘာမှမကြားခဲ့ရပေ။ သို့သော် ဤအခြေအနေအောက်တွင် နှစ်နှစ်ခြိုက်ခြိုက် အိပ်ပျော်သွားခြင်းသည် ကောင်းမွန်သော အရာဖြစ်သည်။ ယေဘူယျအားဖြင့် ပြောရလျှင် အပြုသဘောဆောင်သော လွှမ်းမိုးမှုအောက်တွင် သူသည် နှစ်နှစ်ခြိုက်ခြိုက် အိပ်ပျော်သွားခြင်းသာ ဖြစ်သည်။

အဝေးမှ ပြတ်သားတဲ့ အော်ဟစ်သံတစ်ခု ထွက်ပေါ်လာသည်။ အသံလာရာကို သုံးသပ်ကြည့်လျှင် တစ်နေရာတည်းမှ ထွက်ပေါ်လာခြင်း မဟုတ်ပေ။

ဘာတွေဖြစ်နေတာလဲ ဆိုတာကို ကြည့်ဖို့ တာ့ဇီကို ကောင်းဖန်လွတ်လိုက်သည်။

တာ့ဇီက အချိန်အတော်ကြာ စူးစမ်းလေ့လာပြီးနောက် သတင်းပို့ရန် ပြန်လာသည်။ “ကောင်းဖန် ဝင်္ကပါအပြင်ဘက်မှာ ဖောက်ဝင်ချင်နေတဲ့ သားရဲတွေအများကြီးရှိတယ်”

“အများကြီး.. အတိအကျ ဘယ်လောက်လဲ” ကောင်းဖန်က သက်ပြင်းချလိုက်သည်။ ဒီလိုအခြေအနေမျိုးမှာ တိကျသေချာတဲ့ အချက်အလက်တွေကိုသာ လိုချင်ပြီး မရေရာတဲ့ အဖြေတစ်ခုတော့ မလိုချင်ပေ။

ထို့ကြောင့် သူနဲ့ မဝေးသောနေရာမှ ခြင်္သေ့ဖြူဆီသို့ လှည့်ကာ “ ခြင်္သေ့ဖြူ..အခြေအနေကို သွားကြည့်ပြီး ဒီဆူညံသံက ဘာလဲဆိုတာ ရှာခဲ့” ဟုဆိုလိုက်သည်။

နှင်းခဲဒြပ်စင်များကို စုပ်ယူနေတဲ့ ခြင်္သေ့ဖြူသည် အဖိုးတန်နီလာများကဲ့သို့ အပြာရောင်မျက်လုံးများကို ဖွင့်လိုက်သည်။ “ဟုတ်ကဲ့”

သူသည် ဝင်္ကဘာရဲ့ နံရံပေါ်ကနေ လွယ်လွယ်ကူကူ ခုန်ဆင်းပြီး ၁၀ မိနစ်လောက်အကြာမှာ ပြန်ပြေးလာသည်။ နှုတ်ခမ်းတောင့်က နည်းနည်းလေး အပေါ်ကိုတက်လာသည်။

“အခြေအနေ ဘယ်လိုလဲ” ကောင်းဖန်က မေးသည်။

“သခင်... ဝင်္ကပါအပြင်ဘက်ကို ဦးတည်လာတဲ့ သားရဲအုပ်စုတွေရှိတယ်” ခြင်္သေ့ဖြူ က လေးနက်တဲ့အသံဖြင့်ပြောလိုက်သည်။ “သူတို့က နံရံတွေကို ဖောက်ထွင်းဝင်ရောက်ဖို့ ကြိုးစားနေကြတယ်.. အရှေ့ဘက်မှာ မီးအရှင်သခင်အဆင့် သားရဲရှိတယ်..

အရှေ့တောင်ဘက်မှာ အရှင်သခင်အဆင့် ဆီးနှင်းခဲ ဝက်ဝံနှစ်ကောင်ရှိတယ်... သားရဲ ၂၃ ကောင်တွေ့တယ်”

ကောင်းဖန်က ခေါင်းညိတ်လိုက်သည်။ “တော်တယ်”

တာ့ဇီက ခေါင်းကုတ်လိုက်သည်။

“အခု သတင်းဘယ်လိုပို့ရမယ်ဆိုတာ မင်းသိသင့်တယ်” ဟု တာ့ဇီကို စိုက်ကြည့်ရင်း ကောင်းဖန်က ပြောလိုက်သည်။

တာ့ဇီက သူ့ခေါင်းကို အထပ်ထပ်အခါခါ ညိမ့်လိုက်သည်။

ကောင်းဖန်က သူ့သားရဲတွေအားလုံးကို “ဒါဆို မင်းတို့တစ်ယောက်စီက တိုက်ခိုက်ဖို့အတွက် သားရဲတစ်ကောင် ဒါမှမဟုတ် နှစ်ကောင်ကို ရွေးလိုက်.. ဒန်ဘီက အဆင့်မြှင့်နေသေးတယ်.. ဒါကြောင့် တခြားသားရဲတွေ ဝင်လာပြီး သူ့ရဲ့ ဆင့်ကဲဖြစ်စဉ်ကို မနှောင့်ယှက်စေနဲ့... သွားကြ” ဟုပြောလိုက်သည်။

အပြင်မှာ ရှိတဲ့ သားရဲတွေကို ဝင်္ကပါထဲက ပေါများတဲ့ ဒြပ်စင်တွေကြောင့် ဆွဲဆောင်နိုင်တာဖြစ်နိုင်ပေမယ့် လာမယ့် ရက်သတ္တပတ် အနည်းငယ်အတွင်းထိ အဲဒီနေရာကို ရံဖန်ရံခါ ဆွဲဆောင်နိုင်တဲ့ သားရဲတွေ ရှိလိမ့်မည်။ သူတို့က ဝင်္ကဘာတွင်းရှိ ဒြပ်စင် ကြွယ်ဝတဲ့ ရေပူစမ်းများကို အလွန်စိတ်ဝင်စားနေသည်။

ကောင်းဖန်ရဲ့ သားရဲတွေအလုပ်များလာသည်။ နေ့တိုင်း သူတို့က ဒြပ်စင်စွမ်းအားကို ယူဆောင်ပြီး လွှတ်လိုက်တာ ဒါမှမဟုတ် တခြား သားရဲတွေ ကျူးကျော်ဝင်ရောက်တာကို တားဆီးနေတာ လုပ်နေရသည်။ အသုံးပြုသည့် နည်းလမ်းများတွင် ရုပ်ပိုင်းဆိုင်ရာ ဆွဲဆောင်မှုနှင့် ဒြပ်စင် ဆွဲဆောင်မှုတို့ ပါဝင်သည်။

သို့သော် ဆုလာဘ်များမှာလည်း အကျိုးများသည်။ သားရဲများ၏ အလောင်းများကို ယဇ်ပလ္လင်ဖြတ်စက်ကို အသုံးပြုပြီး လုပ်ဆောင်ခဲ့သည်။ ထို့ကြောင့် သားရဲများသည် ပိုမိုလျင်မြန်စွာ တိုးတက်ပြောင်းလဲလာနိုင်သည်။

တစ်လကြာပြီးနောက်တွင် မလှုပ်မယှက်ကျန်ရစ်နေတဲ့ ဝတုတ်ရွှံလူကြီးသခင်၏ဦးခေါင်းခွံသည် အနည်းငယ်ရွေ့လျားလာသည်။ ထို့နောက် ပတ်ဝန်းကျင်ရှိ မီးခိုးရောင် မြူခိုးများ အားလုံးကို စုပ်ယူထားလိုက်သည်။ လေထဲတွင် ထိတွေ့နေသော အစိတ်အပိုင်းအားလုံးသည် ခြောက်သွေ့နေတဲ့ အလောင်းတစ်ခုကဲ့သို့ လုံးဝ ရှုံ့သွားသည်။ နက်မှောင်သော မျက်လုံးစွပ်များကဗလာဖြစ်နေသည်။ ကွဲအက်နေတဲ့ အသွေးနဲ့ အသားထဲမှာ နတ်ဘုရားအငွေ့အသက် လုံးဝမရှိပေ။ သာမန်အရာဝတ္ထုတစ်ခုသာ ဖြစ်လာသည်။

ဦးခေါင်းခွံအတွင်းပိုင်းမှ စူးရှသောအသံတစ်ခုထွက်ပေါ်လာသည်။ ရုတ်တရက်ပဲ ဦးခေါင်းခွံက လုံးဝကွဲထွက်သွားသည်။ ဒန်ဘီသည် တောက်ပပြီး ထွန်းတောက်တဲ့ ပုံစံဖြင့် ရပ်နေသည်။

အရိုးစု၏မူလရွှေအိုရောင်က မပြောင်းလဲသေးသော်လည်း အပြင်ဘက်အပိုင်းကို ရောင်စုံလွှာဖြင့် ဖုံးအုပ်ထားသည်။ ဒန်ဘီက လက်ရာမြောက်တဲ့ အနုပညာပန်းပုရုပ်နဲ့တူသည်။ မရဏလေ အားလုံးကို သူ့ခန္ဓာကိုယ်ထဲတွင် သိမ်းဆည်းထားသည်။

ဒန်ဘီ၏ ညာလက်တွင် ချည်နှောင်ထားသော သစ်ပင်အို၏ အမြစ်များသည် သူ၏ညာလက်မောင်းကို လက်မောင်းစွပ်ကဲ့သို့ ဖုံးအုပ်ထားသည်။ လက်မောင်းစွပ်သည် ငရဲမှ နတ်ဆိုးလက်ကဲ့သို့ လွှမ်းခြုံပြီး စွမ်းအားပြည့်နေပုံရသည်။ ပခုံးပေါ်ရှိ အမြစ်များ၏ ပုံစံသည် လုံးဝပြောင်းလဲသွားသည်။ ပင်စည်များနှင့် သစ်ပင်ထိပ်ဖူးများအားလုံး ပျောက်ကွယ်သွားသည်။ ပခုံးပေါ်မှ မီးတောက်များ ကဲ့သို့ ကြက်သွေးရောင် ရောင်ခြည်များသာ ကျန်ရှိတော့သည်။

ညာလက်၏လက်ငါးချောင်းကို ညင်သာစွာ ဆုပ်ကိုင်ထားပြီး ဒန်ဘီ၏ခြေဖဝါးအောက်ရှိ ရောင်စုံအလွှာများ၏ အငွေ့အသက် များသည် သူ့ခြေဖဝါးအောက်ကို ဗဟိုပြုကာ လျင်မြန်စွာ ကျယ်ပြန့်လာပြီး အရပ်ရပ်သို့ ပျံ့နှံ့သွားသည်။

ရောင်ဝါ ခုနှစ်မျိုးထွက်လာသည်။ ပြင်းထန်ရောင်ဝါ၊ သွေးရောင်ဝါ၊ ကြောက်မက်ဖွယ် ရောင်ဝါ၊ သေခြင်း ရောင်ဝါ၊ နမိတ်ဆိုး ရောင်ဝါ၊ မျှော်လင့်ချက်မဲ့ ရောင်ဝါနှင့် ဖျက်ဆီးခြင်း ရောင်ဝါ တို့ဖြစ်သည်။ သူ၏အဆင့်သည် ၈၅ သို့ခုန်တက်သွားပြီး အဆင့်လေးဆင့်လုံးကို တိုက်ရိုက် ကျော်သွားသည်။

ဒန်ဘီက သူ၏ညာလက်ကို မြှောက်လိုက်သည်။ ညာဖက်လက်ဖဝါးကိုဖုံးအုပ်ထားသည့် ပုံသဏ္ဌာန်မဲ့ငရဲသစ်ပင် လက်မောင်းစွပ်၏ အမြစ်များသည် ဒီရေလှိုင်းကဲ့သို့ မှိန်ဖျော့သွားကာ အတွင်းဘက်မှ ရွှေအိုရောင်အရိုး လက်ချောင်းငါးချောင်းကို ပေါ်လွင်စေသည်။ အနက်ရောင် လက်ချောင်းငါးချောင်းမှ နတ်ဘုရားအလင်းရောင် ဖျတ်ခနဲ ထွက်ပေါ်လာသည်။

“မင်းလက်ချောင်းတွေကို တကယ်ကိုးကွယ်လိုက်တာလား” ပင်လယ်ဝတုတ်သည် အပြင်မှ ပြန်ရောက်နေပြီဖြစ်သည်။ သူ့မျက်လုံးတွေက ခေါင်းထဲက ထွက်ကျလုနီးပါးပင်။ “မင်းကိုးကွယ်ထားတဲ့ လက်ချောင်းတွေက သန့်စင်မွန်မြတ်သော အဆင့်မှာပဲ“

“ဟုတ်တယ်” ဒန်ဘီကခေါင်းညိတ်လိုက်သည်။

အမြစ်များသည် သူ၏လက်ငါးချောင်းကို ဒီရေလှိုင်းလုံးကြီးကဲ့သို့ သူ့လက်ဖဝါးကို တစ်ဖန်ဖုံးအုပ်ထားလိုက်သည်။ ယခုတော့ ဤအရိုးစုလက်ငါးချောင်းသည် သူ၏ဝှက်ဖဲဖြစ်သည်။ တိုက်ပွဲ၏ အရေးကြီးသော အခိုက်အတန့်တွင် ဤမသေနိုင်သော လက်ချောင်းများကို အသုံးပြုနိုင်သည်။

နောက်ထပ် ကြီးမားတဲ့ ပြောင်းလဲမှုတစ်ခုကတော့ ဒန်ဘီရဲ့ ညာလက်မောင်းမှာ ချိတ်ထားတဲ့ ပုံသဏ္ဌာန်မဲ့ငရဲသစ်ပင်က သတ္တမမြောက် ရောင်ဝါဖြစ်တဲ့ ဖျက်ဆီးခြင်း ရောင်ဝါကို အောင်မြင်စွာ ပေါင်းစပ် ထုတ်လုပ်နိုင်ပြီ ဖြစ်သည်။ အသိအမှတ်ပြုထားသော ရောင်ဝါနယ်မြေအတွင်းရှိ မဟာမိတ်များအားလုံးသည် ရန်သူများကို တိုက်ခိုက်သောအခါတွင် ကြီးမားတဲ့ ထိခိုက်မှု ဖြစ်စေနိုင်သည်။ ရန်သူများ၏ ချပ်ဝတ်တန်ဆာများကို ထိုးဖောက်ဝင်ရောက်ရန် ပိုမိုလွယ်ကူမည်ဖြစ်သည်။ တိကျတဲ့ အကျိုးသက်ရောက်မှု တွေကတော့ တိုက်ပွဲအခြေအနေပေါ် မူတည်သည်။

[သားရဲ အမည်]- ပုံသဏ္ဌာန်မဲ့ငရဲသစ်ပင်

[သားရဲ အဆင့်]- အဆင့် ၈၁ (သူတော်စင် အဆင့်)

[သားရဲ စွမ်းရည်ဆင့်]- ဒဏ္ဍာရီစွမ်းရည်ဆင့်/ဒဏ္ဍာရီစွမ်းရည်ဆင့်

[သားရဲ အရည်အချင်း]- ပြင်းထန်ရောင်ဝါ အဆင့် ၇ ၊ သွေးရောင်ဝါ အဆင့် ၇ ၊ ကြောက်မက်ဖွယ် ရောင်ဝါ အဆင့် ၇ ၊ ဖျက်ဆီးခြင်း ရောင်ဝါ အဆင့် ၇

[သားရဲ နယ်ပယ်]- ပုံသဏ္ဌာန်မဲ့ ငရဲဒေသ

[အထူးလက္ခဏာများ]- ပုံသဏ္ဌာန်မဲ့ ငရဲ

[နတ်ဆိုးအရိပ် ပုံရိပ်ရောင်]- လူ့ကမ္ဘာမှ စုပ်ယူထားသော အပျက်သဘောဆောင်သည့် စိတ်ခံစားမှုများသည် ၎င်း၏ တံခါးပေါက် အဆင့်သို့ ရောက်ရှိသွားသောအခါ ၎င်းသည် အရာဝတ္ထုအခြေအနေကို လုံးဝဖြတ်ကျော်ကာ တစ်ဝက်တစ် ပျက်ပုံရိပ်ရောင်အသွင်သို့ ပြောင်းလဲသွားမည်ဖြစ်သည်။

[အကျိုးသက်ရောက်မှု ၁]- ပုံသဏ္ဌာန်မဲ့ ငရဲသစ်ပင်သည် သန့်စင်သောပုံစံတွင် ရှိတော့မည်မဟုတ်ပေ။ တိုက်ခိုက်မှုအားလုံးသည် ၎င်း၏ ရုပ်သဏ္ဍာန်ကို အားပျော့သွားစေမည်ဖြစ်သည်။

[အကျိုးသက်ရောက်မှု ၂]- ပုံသဏ္ဌာန်မဲ့ငရဲသစ်ပင်သည် တစ်ဝက်တစ်ပျက်ပုံရိပ်ရောင်ဖြစ်သောကြောင့် သားရဲများနှင့် ဒြပ်စင် သတ္တဝါများ၏ ဝိညာဉ်များကို တိုက်ခိုက်နိုင်သည်။

***

သားရဲလေ့ကျင့်သူ

အခန်း ၆၀၄ အဘိုးက မြို့တော်ဝန်ဖြစ်လာတဲ့အခါ

“ဟေ့ အစ်ကို..ဒီနေ့ မင်းတော်တော် တော်တယ်” အစိမ်းရောင်တိုက်ပွဲဝင်ဝတ်စုံဝတ်ထားတဲ့ လူအုပ်စုနှစ်စုက တစ်ယောက်နဲ့တစ်ယောက် ဖြတ်သွားတဲ့အခါ ပင်ပန်းနွမ်းနယ်နေတဲ့ အရပ်ရှည်ရှည်နဲ့ အစိမ်းရောင်နဲ့ အမျိုးသားတစ်ဦးက နှုတ်ဆက်လိုက်သည်။

“မဆိုးပါဘူး.. ငါတို့ ကံကောင်းပြီး ခြေသည်းခြောက်ချောင်းဖားပြုတ်ကိုတော့ ရလာတယ်” ဟု ၎င်း၏အဖွဲ့ခေါင်းဆောင်လည်းဖြစ်သည့် အရပ် ၈ ပေရှိတဲ့ ပေရေနေတဲ့ အမျိုးသားတစ်ဦးက ပြန်ဖြေလိုက်သည်။

အရပ်ရှည်သောလူက “အစ်ကို.. ငါ့အတွက် ဒီနေရာက အသစ်ဖြစ်ပြီး အနီးနားပတ်ဝန်းကျင်နဲ့ သိပ်မရင်းနှီးဘူး.. ဒီအခြေခံလမ်းညွန် စာအုပ်ကို ယူခဲ့ပေမယ့် အသုံးတည့်သလား မသေချာဘူး” ဟု ပြောလိုက်သည်။

အိတ်ကို ဟေးအိုကြီးထံသို့မလွှင့်ပေးလိုက်မီ သူ့လက်ထဲမှ အနက်ရောင်အဖုံးနဲ့ စာအုပ်ကို လှုပ်ယမ်းလိုက်သည်။

ဟေးက အိတ်ကို ဖမ်းပြီး အထဲကို ချောင်းကြည့်လိုက်သည်။ အနည်းဆုံး‌တော့ တစ်စုံတစ်ခုနှင့်ထိုက်တန်တဲ့ ကွန်မန်ဒါ သားရဲ အမြုတေ နှစ်ခုရှိ‌သည်။ သူက ပြုံးပြီး အိတ်ကို သူ့နောက်က သေတ္တာထဲသို့ လွှင့်ပစ်လိုက်သည်။

“ဒါဆို မင်းက လူသစ်ပဲ” ဟု ပြောလိုက်သည်။ “ကျွန်တော် ဒီကိုရောက်တာ တစ်နှစ်လောက်ရှိပြီမို့ ဒေသခံတွေနဲ့ တော်တော် ရင်းနှီးတယ်.. စမ်းချောင်း တစ်ထောင်ရဲ့ မြေကိုသွားပါလို့ အကြံပြုပါတယ်”

“စမ်းချောင်း တစ်ထောင်မြေ” အရပ်ရှည်သောလူက ဒီနာမည်ကို လမ်းပြမြေပုံပေါ်တွင် မြင်ဖူးသည်။

“စမ်းချောင်း တစ်ထောင်မြေမှာ သားရဲတွေ အများကြီးရှိကောင်းရှိနိုင်ပေမယ့် အဲဒီမှာ အဆင့်အတန်းမြင့်တဲ့ကောင်တွေ တစ်ခါမှ မတွေ့ဖူးဘူး” ဟု ဟေးအိုကြီးက ဆိုသည်။ “အဲဒီမှာ သားရဲတွေ အများကြီးတွေ့မှာ မဟုတ်ဘူး.. ဒါကြောင့် ပိုလုံခြုံတယ်.. ဆုကြေးတွေက နည်းနည်းတော့ နည်းပေမယ့် ရေရှည်အတွက် ပိုလုံခြုံပြီး ဆုလာဘ်တွေ ပိုများတယ်”

ဤအချက်အလက်သည် ပတ်ဝန်းကျင်တစ်ဝိုက်မှာ သူငယ်ချင်းအချို့ လုပ်ပြီးလျှင် အများအားဖြင့် သိရှိနိုင်သောအရာဖြစ်သည်။ ထို့ကြောင့် မဖုံးကွယ်ရန် ဆုံးဖြတ်လိုက်သည်။

“ကျေးဇူးတင်ပါတယ်။” အရပ်မြင့်မြင့်နှင့်လူက ကျေးဇူးတင်ကြောင်း ခေါင်းညိတ်ပြလိုက်သည်။

လူသူကင်းမဲ့တဲ့လွင်ပြင်ကိုဖြတ်၍ မြောက်ဘက်သို့ဆက်သွားပြီးရင် စမ်းချောင်း တစ်ထောင်မြေ သို့ရောက်ရှိမည်ဖြစ်သည်။ ထိုနေရာက အထီးကျန်ဝင်္ကဘာမှ မိုင်ဝက်ခန့်ဝေးသည်။ သားရဲလေ့ကျင့်သူတစ်ယောက်အတွက်တောင် အဲဒီကိုရောက်ဖို့ တစ်နေကုန် ခရီးထွက်ရသည်။ လမ်းခရီးတွင် သားရဲများနှင့် မကြုံတွေ့ရလျှင်တော့ ခရီးက ပိုတိုလိမ့်မည်။

စမ်းချောင်း တစ်ရာမြေ နှင့် လူသူကင်းမဲ့တဲ့လွင်ပြင်များကြား နယ်စပ်တွင် စျေးငယ်လေးတစ်ခုရှိသည်။ ဈေးသည် လူများနှင့် သားရဲများဖြင့် စည်ကားနေသည်။

အစပိုင်းမှာတော့ စိတ်အားထက်သန်တဲ့ လုပ်ငန်းရှင်တချို့ လာပြီး ဆိုင်ဖွင့်ကြသည်။ နောက်တော့ လူအိမ်တွေရှိလာပြီး လူဦးရေ တိုးလာသည်။ နောက်ပိုင်းတွင် စုဝေးတဲ့နေရာဖြစ်လာသည်။

စိမ့်မြေများ၊ မြစ်များနှင့် လွင်ပြင်များကဲ့သို့ အထူးနယ်မြေမြောက်မြားစွာပါရှိတဲ့ စမ်းချောင်း တစ်ထောင်မြေကဲ့သို့ ကျယ်ပြန့်သော ဧရိယာသည် သားရဲအရေအတွက်က ပိုများသင့်သည်။ သို့သော် လျှို့ဝှက်ဆန်းကြယ်စွာပင် လူတွေက အနည်းအကျဉ်းမျှသာဖြစ်ပြီး အဆင့်နိမ့်သားရဲများကိုသာ တွေ့ရှိရသည်။

အရပ်မြင့်မြင့်နှင့် သူအဖွဲ့သည် စမ်းချောင်း တစ်ထောင်မြေ ပတ်၀န်းကျင်တွင် နှစ်ရက်ကြာ အမဲလိုက်ကြသည်။ ပတ်ဝန်းကျင်ရှိ တစ်ခုတည်းသော သားရဲများသည် အဆင့်နိမ့်ပြီး ပြန့်ကျဲနေသောကြောင့် အမဲလိုက်နေစဉ် တိုက်ခိုက်ခံရမည်ကို စိုးရိမ်စရာ သိပ်မရှိပေ။

“ဒီမှာ သားရဲတွေ အများကြီး မရှိတာ ထူးဆန်းတယ်” ဟု အရပ်ရှည်တဲ့ အမျိုးသားက ပြောလိုက်သည်။

“ဒါက အထက်ကောင်းကင်က ကောင်းချီးတစ်ခု ဖြစ်နိုင်တယ်” ဟု ၎င်း၏ အသင်းဖော်တစ်ဦးမှ ပြန်ပြောလိုက်သည်။

“ဖြစ်နိုင်တယ်” ဟု အရပ်ရှည်တဲ့လူက ပြောသည်။

ထိုစဉ် အောက်မြေပြင်သည် အနည်းငယ်တုန်ခါသွားသည်။

“မင်းတို့ ခံစားလိုက်ရလား” အသင်းဖော်တစ်ယောက်က မေးသည်။

“မခံစားရဘူး.. ဘာဖြစ်လို့လဲ” ဟု အရပ်ရှည်တဲ့လူက မေးလိုက်သည်။

“အဲဒါ မင်းရဲ့ စိတ်ကူးပဲ ဖြစ်ရမယ်” ဟု အခြား အသင်းဖော် တစ်ဦးက ပြောလိုက်သည်။

ထိုတုန်လှုပ်မှုသည် လျင်မြန်စွာ ပျောက်ကွယ်သွားသည်။

“စမ်းချောင်း တစ်ထောင်မြေက စုဝေးတဲ့နေရာက ဘယ်လိုနေလဲ” ငွေရောင်မျက်မှန်တပ်ထားသည့် ရှုချင်းကျီက အထီးကျန်ဝင်္ကပါရှိ ယာယီအခန်းတွင် စာရွက်စာတမ်းအချို့ကို ကိုင်ဆောင်နေရင်းမေးလိုက်သည်။

လွန်ခဲ့သော ခြောက်လက ယွိကျိုးအခြေဆိုက် မြို့တော်ဝန်၏ ရှစ်နှစ်သက်တမ်း ကုန်ဆုံးချိန်တွင် တောင်ပိုင်းကောင်းကင် အဖွဲ့အစည်း၏ ခေါင်းဆောင်ဖြစ်သူ ကျီဟန့်ဝူကို မြို့တော်ဝန်အသစ်အဖြစ် မဲပေးရွေးချယ်ခဲ့ကြသည်။ သို့သော် အစပိုင်းတွင် သူက ဝန်လေးနေသေးသည်။ ရွေးကောက်ပွဲ မတိုင်မီ လူထုမိန့်ခွန်းတွင် သူက “မြို့တော်ဝန်က တာဝန်ယူမှုရှိပြီး၊ လက်တွေ့ လုပ်ဆောင်နိုင်မှု၊ တာဝန်ခံမှုရှိဖို့ လိုအပ်ပါတယ်.. မြို့တော်ဝန်အနေနဲ့ ဒီလိုမျှော်လင့်ချက်တွေနဲ့ လိုက်လျောညီထွေအောင် ငါ မနေနိုင်ဘူးလို့ ခံစားနေရတယ်” ဟု ပြောခဲ့သည်။

ကျီဟန့်ဝူမှာ ငြင်းဖို့ အကြောင်းပြချက်ကောင်းကောင်းရှိသည်။ တောင်ပိုင်းကောင်းကင် အဖွဲ့အစည်းတွင် အနည်းဆုံး ဝန်ထမ်း တစ်သိန်း ရှိသည်။ ရှာဖွေဖော်ထုတ်သူများအဖွဲ့စည်း၏ ဥက္ကဌရာထူးကို ထည့်စဉ်းစားရင်တောင် သူ့လက်အောက်မှာ အလုပ်လုပ်နေတဲ့ လူသန်းပေါင်းများစွာရှိသည်။ ဒါက အချို့သော အခြေဆိုက်မြို့ငယ်များက လူဦးရေထက်ပိုများပြီး သူ၏အာဏာမှာ ဗဟိုချုပ်ကိုင်မှု ပိုရှိသည်။

သူက အငြိမ်းစားတစ်ဝက်ယူခဲ့ပြီးဖြစ်သည်။ အခု သူ့မြေးက နာမည်ရလာတဲ့အတွက် အဖွဲ့ထဲမှာ သူ့အာဏာအများစုကို စွန့်လွှတ်လိုက်ခဲ့သည်။ ထို့အပြင် သူက မြို့တော်ဝန်ရာထူးကို မည်သည့်အခါမှ မျက်စိကျခြင်းမရှိခဲ့ပေ။

သို့ပေမဲ့ ကျီဟန့်ဝူက မဲ ၉၅ ရာခိုင်နှုန်းနဲ့ အနိုင်ရသွားသည်။ ရွေးချယ်စရာ မရှိတော့တဲ့အတွက် နောက်ဆုံးမှာတော့ မြို့တော်ဝန်လုပ်ဖို့ သဘောတူလိုက်ရသည်။ “လူတိုင်းက ကျွန်တော့်ကို ရွေးချယ်ဖို့ ဆုံးဖြတ်လိုက်ပြီဆိုတော့ ကျွန်တော် ကြိုးစားပါ့မယ် ဒါပေမယ့် ကတိတွေတော့ မပေးနိုင်ပါဘူး”

ကျီဟန့်ဝူက လူတွေလိုချင်တာကို အတိအကျကိုသိသည်။ သူသည် သူတို့ရဲ့သေးငယ်တဲ့ နိုင်ငံရေးကစားကွက်တွေမှာ မပါ၀င်ဘူးလို့ ဆုံးဖြတ်ပြီး အာဏာကို စေ့စေ့စပ်စပ် အပြောင်းအလဲတွေလုပ်ခဲ့သည်။ တောင်ပိုင်းကောင်းကင်အဖွဲ့အစည်းနှင့် သက်ဆိုင်သည်ဖြစ်စေ မသက်ဆိုင်သည်ဖြစ်စေ အရည်အချင်း ရှိသော သူများကိုသာ ရာထူးတိုးခြင်းကို လုပ်ခဲ့သည်။ အရည်အချင်းမရှိတဲ့လူတွေက အောက်ခြေအထိ ရာထူးချခံရသည်။

ထို့‌နောက် ရှုချင်းကျီကို ရှာဖွေဖော်ထုတ်သူများ အဖွဲ့အစည်းရဲ့ဒေသဆိုင်ရာမန်နေဂျာအဖြစ် အနက်ရောင် မြူခိုးကမ္ဘာသို့ စေလွှတ်လိုက်သည်။

“စမ်းချောင်း တစ်ထောင်မြေရှိ စုဝေးရာနေရာက ကြီးထွားလာပေမဲ့လည်း အမြဲတမ်းလူဦးရေက နည်းပါးနေတယ်” ဟု ကျီဟန့်ဝူ က ပြောခဲ့သည်။ “ဒါပေမယ့် တချို့ကုမ္ပဏီတွေက သူတို့အလုပ်သမားတွေကို အဲဒီနေရာကို ရေရှည်ပို့ထားတယ်”

ရှုချင်းကျီက ခေါင်းညိတ်လိုက်သည်။ အထီးကျန် ဝင်္ကပါအတွင်းမှလွဲ၍ အခြားသူများကို အခွင့်အရေးပေးရန်အတွက် တောင်ပိုင်းကောင်းကင် အဖွဲ့အစည်းတွင် အခြားရုံးခွဲ မရှိပေ။ စုဝေးရာနေရာရှိ ဆိုင်များအားလုံးသည် ငှားရမ်းခကို လစဉ် ပေးဆောင်ရန် လိုအပ်သည်။

“ဒါပေမယ့် လွန်ခဲ့တဲ့သုံးရက်လောက်က အနက်ရောင်ဇာမဏီတောင်တန်းမှာ လူတွေက လှုပ်ရှားမှုတွေ ပိုများလာတာကို တွေ့ရတယ်” ဟု ကျီဟန့်ဝူက ပြောသည်။ “အဲဒီမှာရှိနေတဲ့ သားရဲတွေက စမ်းချောင်း တစ်ထောင်မြေဆီကို ခဏခဏ ရွေ့ပြောင်းနေဖို့ သိနေတယ်”

အနက်ရောင် ဇာမဏီတောင်တန်း... ထိုအမည်ကိုဖော်ပြလိုက်ခြင်းကြောင့် ရှုချင်းကျီက မျက်မှောင်ကြုတ်သွားသည်။ ၎င်းသည် စမ်းချောင်း တစ်ထောင်မြေနဲ့ လူသူကင်းမဲတဲ့လွင်ပြင်နှစ်ခုလုံး၏ အရွယ်အစားထက် ငါးဆပိုကြီးသည်။ ထိုနေရာတွင် ဧကရာဇ်အဆင့် သားရဲများလည်း ပေါများသည်။ ထိုနေရာတွင် ပုန်းအောင်းနေသည့် အရှင်သခင်အဆင့်သားရဲများ ရှိကြောင်း ကောလဟာလများလည်း ရှိသည်။

“နောက်ထပ် ဒရုန်းများကို ပစ်လွှတ်ပြီး သတိရှိရှိနေပါ” ဟု ရှုချင်းကျီက ပြောလိုက်သည်။

ညအချိန် လူသူကင်းမဲ့တဲ့လွင်ပြင်နှင့် စမ်းချောင်း တစ်ထောင်မြေများကြား စုဝေးရာနေရာတွင်...

အမြင့် ၆၅ ပေရှိ အညိုရောင်အစင်းရှိတဲ့ ကမ္ဘာမြေဝက်ဝံက တောင်ကုန်းလေး တစ်ခုလို စုဝေးရာနေရာသို့ ဖြည်းညှင်းစွာ ချဉ်းကပ်လာသည်။ နီးကပ်လာသည်နှင့်အမျှ ၎င်း၏ထုထည်သည် အမှောင်ထဲတွင်ပင် သိသာထင်ရှားလာသည်။

သူသည် ဧကရာဇ်အဆင့် တည်ရှိမှုကို ဖုံးကွယ်ထားခြင်းမရှိပေ။ အချို့သော သားရဲများသည် ခုခံရန်ပင်မတက်နိုင်ကြဘဲ မြေပြင်ပေါ်သို့ လဲကျသွားသည်။ တခြားသူတွေက သူတို့ကိုယ်သူတို့ မြေဖို့ဖို့လုပ်ကြသည်။

“အဲဒါက ဧကရာဇ်အဆင့် သားရဲကောင်ပဲ” တစ်စုံတစ်ယောက်က ထိတ်လန့်တကြား ထအော်သည်။ “ပြေး ငါတို့က သူ့ ပြိုင်ဘက်မဟုတ်ဘူး.. ပြေးကြ”

တစ်ချိန်တည်းမှာပင် အထီးကျန်ဝင်္ကပါ၏ လုံခြုံရေးမျာသည် ၎င်းတို့၏ ဒရုန်းများမှ အချက်အလက်များကို ရရှိခဲ့ကြသည်။

“သတိပေးချက်... ကြယ်ခုနစ်ပွင့် သတိပေးချက်။”

ဥသြသံများက ဝင်္ကဘာအထက်တွင် မြည်လာသည်။