အခန်း (၆၁၇-၆၂၀)

အခန်း ၆၁၇ ဖျက်ဆီးမရသောနတ်ဘုရား သားရဲ

ကြီးမားပြီး သွယ်လျသော အရိပ်တစ်ခုသည် သမုဒ္ဒရာနက်ထဲမှ ထွက်ပေါ်လာပြီး ကျွန်း၏တောင်တစ်ဝိုက်တွင် သူ့ဘာသာသူ ရစ်ပတ်ကာ သူတော်စင်မအား တိတ်တဆိတ် စိုက်ကြည့်လိုက်သည်။ ထို့နောက် တောင်ထိပ်တွင် ခေါင်းကို ချပြီး တောင်ထိပ်တွင် လှဲနေလိုက်သည်။

သူတော်စင်မသည် တောင်ထိပ်အစွန်းသို့ လျှောက်သွားပြီး သတ္တဝါ၏လည်ပင်းပေါ်ရှိ အမွေးအမှင်ကို ပွတ်သပ်လိုက်သည်။

“ဘယ်သူ့ကိုမှ အနှောက်အယှက် မပေးပါနဲ့” ဟု သူမက ညင်သာစွာ ပြောလိုက်သည်။

“ရုန်းရင်းဆန်ခတ်ဖြစ်တာကို ကြည့်ပြီး နောက်ဆုံးတော့ သူတော်စင်အဆင့်ကို ရောက်သွားတာက မြေခွဲသူပဲလို့ ကျွန်တော်ထင်နေတာ” ဟု သတ္တဝါက ပြောပြီး ၎င်း၏ ပုံသဏ္ဌန်သည် ည၏ အမှောင်နှင့် လုံးလုံးလျားလျား ပေါင်းစပ်သွားသည်။ သူကတော့ တောင်ကြီးထက်တောင် ပိုမြင့်တဲ့ နဂါးနက်တစ်ကောင်ဖြစ်သည်။

မြေခွဲသူနဂါးမျောက်ဝသည် ခေါင်းယမ်းလိုက်သည်။ “ကျွန်တော်က သူတော်စင်အဆင့်နဲ့ဝေးနေပါသေးတယ်”

“စိတ်မပူပါနဲ့.. ငါက ကူညီပေးမှာပါ” လို့ အနက်ရောင်နဂါးကြီးက ပါးစပ်ဖြဲနဲ့ ချွန်ထက်တဲ့ အဖြူရောင် အစွယ်တွေကို ထုတ်ပြပြီး ပြောလိုက်သည်။

နဂါးထံမှ အလင်းရောင် လှုပ်ရှားမှုနှင့်အတူ သမုဒ္ဒရာမှ ကောင်းကင်ထိမြင့်တဲ့ ရေတိုင်လုံး လေးတိုင် ပေါ်ထွက်လာပြီး စကားတစ်လုံးမှ မပြောသော်လည်း အဓိပ္ပါယ်မှာ ရှင်းရှင်းလင်းလင်း ရှိနေသည်။

ကျွန်းနှင့် အလွန်နီးကပ်စွာ ပျံသန်းနေသော သားရဲ စုံတွဲတစ်တွဲသည် ရေတိုင်များမှ လျင်မြန်စွာ လှည့်ထွက်သွားကြသည်။

ဂိုဒီသည် ယခုအခါ မြေပြင်မှ ပေ ၃၀ အကွာတွင် လွင့်မျောနေပြီး ၎င်း၏ ခန္ဓာကိုယ်ကို ရွှေရောင်အလင်းတန်းများဖြင့် ဝန်းရံ ထားသည်။ ပတ်ပတ်လည်တွင် လှည့်ပတ်နေသော အလင်းတန်းများသည် အတွင်းဘက်သို့ တဖြည်းဖြည်း ကျုံ့ဝင်သွားသည်။ ဂိုဒီ၏ အရေပြားကို ထိလိုက်သောအခါ နတ်ဘုရားအလင်း တစ်ခု လင်းလက်လာပြီး ဂိုဒီ၏ ခန္ဓာကိုယ်ပေါ်တွင် အလွှာတစ်ခု ထွက်ပေါ် လာသည်။ မကြာမီတွင် ဂိုဒီ၏ကိုယ်ထည်တစ်လျှောက်တွင် အထပ်လိုက်များကို ချပ်ဝတ်တန်ဆာဝတ်စုံ၏ ကောက်ကြောင်းပုံစံ အဖြစ် မကြာမီတွင် မြင်တွေ့နိုင်မည်ဖြစ်သည်။

မှောင်မိုက်နေသော ကောင်းကင်ကြီးသည် ဂိုဒီနှင့် ၎င်း၏ခန္ဓာကိုယ်ကို ဖုံးလွှမ်းနေသော ရွှေရောင် အခိုးအငွေ့များဖြင့် လင်းလက် နေသည်။ သူ့မျက်လုံးများမှ ရွှေရောင်အလင်းတန်းနှစ်စင်း ထွက်ပေါ်လာပြီး မြင့်မားသောကောင်းကင်သို့ ပြေးတက်သွားသည်။ ရွှေအခိုးအငွေ့များက တိမ်များကို ရွှေပင်လယ်အဖြစ်သို့ ပြောင်းလဲစေလိုက်သည်။

ဂိုဒီ၏ တင်းမာသောလက်များ ဖြန့်လာသည်။ ၎င်း၏ ခန္ဓာကိုယ်သည် ယခုအခါ ရွှေရောင်မီးတောက်များဖြင့် တောက်လောင် လျက်ရှိသည်။ ဂိုဒီသည် ၎င်း၏ ကြီးထွားမှုကို တစ်ချိန်လုံး ဟန့်တားနေသော မမြင်နိုင်သော ခြေချင်းချိတ်များကို ဖြိုခွဲလိုက်သလိုပင်။

ကောင်းကင်က ရွှေရောင်အလင်းတန်းက ဂိုဒီရဲ့ ခန္ဓာကိုယ်ထဲကို ပြန်ကျသွားပြီး နဂါးကျွန်းစုသည် တစ်ဖန် တိတ်ဆိတ်သွားသည်။ ကောင်းကင်ယံ၌ နဂါးအတောင်ပံခတ်သံကို ကောင်းကင်မှ ကြားနိုင်သည်။

ဂိုဒီသည် မျက်လုံးများကို မှိတ်ထားပြီး အသက်ရှု တည်ငြိမ်နေပြီဖြစ်သည်။ ည၏ တိတ်ဆိတ်မှုသည် အချိန်အတော်ကြာအောင် မပြိုကွဲသေးပေ။ ထို့နောက် ဂိုဒီသည် မျက်လုံးဖွင့်လိုက်သည်။

[သားရဲ အမည်] - ဖျက်ဆီးမရသောနတ်ဘုရား ကြမ်းကြုတ်သော ဘဲ

[သားရဲ အဆင့်] - အဆင့် ၈၀ (အရှင်သခင်အဆင့်)

[သားရဲ စွမ်းရည်ဆင့်] - ဒဏ္ဍာရီလာ/ဒဏ္ဍာရီလာ

[သားရဲ အမျိုးအစား] - သတ္တု

[သားရဲ စွမ်းအင်] - နတ်ဘုရားခန္ဓာကိုယ်အဆင့် ၇၊ ပေါက်ကွဲနိုင်သောစွမ်းအားအဆင့် ၆

[အထူး သွင်ပြင်လက္ခဏာ] - ရှားပါနတ်ဘုရားစွမ်းအား

အကျိုးသက်ရောက်မှု ၁ - ၎င်းသည် စစ်မှန်သော ပျက်စီးဆုံးရှုံးမှုကို လက်ခံရရှိသည့်အခါတိုင်း ဤအကျိုးသက်ရောက်မှုသည် တစ်ကြိမ်ဖြစ်ပေါ်မည်ဖြစ်သည်။ ၎င်း၏ရုပ်ပိုင်းဆိုင်ရာဖွဲ့စည်းပုံသည် နှစ်ဆတိုးလာမည်ဖြစ်သည်။ သို့သော် ၎င်း၏အရွယ်အစားမှာ မပြောင်းလဲပါ။

လျှို့ဝှက်နတ်ဘုရားစွမ်းအား အကျိုးသက်ရောက်မှု ၁ - ဒြပ်စင်အားလုံးကို ခုခံနိုင်စွမ်း တိုးလာသည်။ စတင်အသုံးပြုပါက ၎င်းသည် သူ့ပတ်ဝန်းကျင်တွင် ဒြပ်စင်လေဟာနယ်တစ်ခုအဖြစ် ဖန်တီးနိုင်သည်။)

ဖျက်ဆီးမရသော နတ်ဘုရား ကိုယ်ခန္ဓာ (နှစ်ပေါင်းများစွာ လေ့ကျင့်မှုဖြင့် တိုးတက်ခဲ့သည့် ၎င်း၏ နတ်ဘုရား ခန္ဓာကိုယ်သည် ယခုအခါ ထူးကဲသော ခွန်အားနှင့် ပြည့်စုံနေပြီ ဖြစ်သည်။)

အကျိုးသက်ရောက်မှု ၁ - ၎င်း၏ခံနိုင်ရည်သည် အလွန်တိုးလာသည်။

အကျိုးသက်ရောက်မှု ၂ - ၎င်း၏ကိုယ်တွင်းအင်္ဂါများနှင့် မျက်လုံးများအပါအဝင်တွင် တူညီသောကာကွယ်ရေးအဆင့်ရှိသည်။

အကျိုးသက်ရောက်မှု ၃ - ၎င်း၏ စိတ်အားထက်သန်မှု မြင့်မားလာပြီး စိတ်ညှို့မှု နှင့် အသိဉာဏ်ထိန်းချုပ်မှု အမျိုးအစား စွမ်းရည်များကို ခံနိုင်ရည်ရှိလာစေသည်။

[သားရဲ အားနည်းချက်] - ၎င်းတွင် တာဝေးထိုးစစ်စွမ်းရည် သို့မဟုတ် သိမ်မွေ့သောစိတ်ထိန်းချုပ်မှုအား ဆန့်ကျင်သည့် တန်ပြန်အရေးယူမှုများ မရှိပေ။ စိတ်ဝိဉာဏ်တိုက်ခိုက်မှုတွေကို ခုခံကာကွယ်ပြီး လိုအင်ဆန္ဒများရှိခဲသည်။

[သားရဲ ဖော်ပြချက်] - ဘဲပုံသဏ္ဍာန်နတ်ဘုရား အက်ဒမန်တိုင်းသားရဲဖြစ်သည်။ အတောင်ပံတစ်စုံပါရှိသော်လည်း ၎င်း၏ပျံသန်းမှုအမြန်နှုန်းနှင့် လျင်မြန်မှုတို့မှာ အားနည်းနေဆဲဖြစ်သည်။ ၎င်းသည် မဆင်မခြင်ရှိသူဖြစ်ပြီး ၎င်း၏ ကြောက်မက်ဖွယ်ကောင်းသော ခွန်အားနှင့် ခုခံမှုများကြောင့် ထိုသို့ဖြစ်ရန် အခွင့်အရေးရှိသည်။

[ထာဝရအဆင့်သို့ မြှင့်တင်ခြင်း] - ဖျက်ဆီးမရသော နတ်ဘုရား အကြီးအကဲ

ကောင်းဖန်က သူဖတ်လိုက်သည့် အကြောင်းအရာကို စတင်တွေးတောနေသည်။ ၎င်း၏ ခုခံနိုင်စွမ်းများ ယခု တိုးများလာသဖြင့် ၎င်းသည် အသတ်ခံရမည်ကို စိုးရိမ်စရာ မလိုတော့ပေ။

ဂိုဒီသည် စိတ်ညှို့အမျိုးအစား စွမ်းရည်များကို ခုခံနိုင်စွမ်းလည်း တိုးလာသည်။ သို့သော် ကောင်းဖန်သည် ၎င်း၏ စိတ်ပိုင်းဆိုင်ရာ ခံနိင်ရည်အားထက် ၎င်း၏ စိတ်အားထက်သန်မှုကိုသာ မြှင့်တင်ပေးနိုင်သည် ဟူသောအချက်ကြောင့် အနည်းငယ် စိတ်လျှော့သွားသည်။ ၎င်း၏ ရှားပါးသောစွမ်းအားသည်

၎င်း၏ရုပ်ပိုင်းဆိုင်ရာဖွဲ့စည်းပုံကိုသာ တိုးမြှင့်နိုင်သည်။ ၎င်း၏ စိတ်ပိုင်းဆိုင်ရာ ခံနိုင်ရေအား မပါဝင်ပေ။

ထို့အပြင် ဂိုဒီသည် ဝေဟင်တိုက်ပွဲအတွက် လုံးဝ လိုက်လျောညီထွေ မဖြစ်သေးပေ။ အခု ပျံသန်းနိုင်ပြီဖြစ်ပေမယ့် ပျံသန်းမှုဟာ သူ့ရဲ့ သန်မာတဲ့ လက်နက် မဟုတ်ပေ။ သားရဲဖော်ပြချက်သည် ဂိုဒီ၏ အားနည်းချက်များကို အထူးဖော်ပြထားပြီး ၎င်း၏ လုံလောက်အောင် အရည်အချင်းမမှီသေးသော နယ်ပယ်များဖြစ်သည်။

ကောင်းဖန်သည် သူ ဂိုဒီအား ပေးခဲ့သော အသီးအနှံစွမ်းရည်များသည် ၎င်း၏ နတ်ဘုရားခန္ဓာကိုယ်မှ ပျောက်ကွယ်သွားသည်ကို သတိပြုမိလိုက်သည်။ ၎င်းသည် ပြင်ပစွမ်းအင်များအပေါ် ပြင်းပြင်းထန်ထန် ပျောက်ကွယ်သွားစေပုံရသည်။

“ဒါက ဒဏ္ဍာရီလာစွမ်းရည်ဆင့်ကို ရောက်တာဖြစ်မယ်” နဂါးနက်က ဂိုဒီကို မျက်လုံးမှေးကြည့်ကာ ပြောလိုက်သည်။

“သူတော်စင်အဆင့်ကိုရောက်တာနဲ့ ငါသူနဲ့ လေ့ကျင့်ချင်တယ်” ဟု မြေခွဲသူကပြောလိုက်သည်။ သူ့ရဲ့ တိုက်ခိုက်ရေး စိတ်ဓာတ်က အခုမှ တောက်လောင်နေသည်။

သူတော်စင်မသည် ကမ်းခြေပေါ်တွင် ရပ်နေဆဲဖြစ်သော ကောင်းဖန်နှင့် ဂိုဒီကို စိုက်ကြည့်နေသည်။ ထို့နောက် သက်ပြင်း တစ်ချက်ချကာ သူ့ကိုယ်သူ ရုတ်တရက် အသက်ကြီးသွားသလို ခံစားလိုက်ရသည်။

သားရဲ ဒဏ္ဍာရီလာစွမ်းရည်ဆင့်သို့ ရောက်အောင်ကူညီရန်မှာ ကံကောင်းခြင်းထက် ပိုလိုအပ်သည်။ မဟုတ်ပါက ၎င်းကို ဒဏ္ဍာရီလာစွမ်းရည်ဆင့်ဟု ခေါ်ဆိုမည်မဟုတ်ပေ။

ကျွန်းကိုအဝေးကကြည့်နေတဲ့ လူတွေက ကမ်းခြေမှာ လူနဲ့တူတဲ့ရုပ်ပုံနှစ်ခုကို မြင်နိုင်ကြသည်။ သူတို့ထဲက တစ်ယောက်ယောက်ကတော့ မြေခွဲသူနဲ့မတူဘူးလို့ သူတို့ပြောနိုင်သည်။ အများစုမှာ ထိုညတွင် အိပ်ရေးပျက်ခဲ့ကြရသည်။ သူတော်စင်မ၏ ကျွန်းပေါ်၌ သူတို့မမြင်ဖူးသည့်အရာများနှင့် ပြည့်နှက်နေသည်။

ဂိုဒီသည် ၎င်း၏အဆင့်မြှင့်တင်ခြင်းကို အောင်မြင်စွာ ပြီးဆုံးသွားသောအခါတွင် နဂါးနက်သည် သမုဒ္ဒရာနက်ထဲသို့ တိတ်တဆိတ် ပြန်သွားသည်။

နောက်တစ်နေ့တွင် ကောင်းဖန်သည် ဂိုဒီကို သူတော်စင်မထံ ခေါ်ဆောင်သွားလိုက်သည်။

“ကျွန်တော်တို့အားလုံးကို ကျွန်းနဲ့ဝေးဝေးမှာ ကူညီပေးတဲ့အတွက် ကျေးဇူးတင်ပါတယ်... သူတော်စင်မ” ဟု ကောင်းဖန်က လေးလေးနက်နက် ဦးညွှတ်ပြီးပြောလိုက်သည်။

သူတော်စင်မသည် ကြက်စာလက်တစ်ဆုပ်စာကို မြေကြီးပေါ်တွင် ဖြန့်ကြဲလိုက်သည်။ ဖီးနစ်အမြီးရှိ ကြက်နှစ်ကောင်သည် ၎င်းကို စားရန် ပြေးလွှားနေသည်။ သူ့လက်ကို သန့်သွားအောင်ခါရင်း သူတော်စင်မက ခေါင်းညိတ်လိုက်သည်။ “နဂါးဖြူမျိုးနွယ်စုက ငါတို့ရဲ့ မိတ်ဆွေများကို အမြဲတမ်းမှန်မှန်ကန်ကန် ဆက်ဆံပါတယ်... တချို့တွေက မင်းရဲ့ သားရဲ အဆင့်မြှင့်တင်တာကို အနှောင့်အယှက်ဖြစ်မှာကိုတော့ ငါကြောက်တယ်”

ထို့နောက် ကောင်းဖန်၏နောက်တွင် ရပ်နေသော ဂိုဒီကို သူမကြည့်လိုက်သည်။ “ဒါက မနေ့ညက သားရဲ ဖြစ်ရမယ်.. မဆိုးပါဘူး”

“မနေ့ညက မင်းလုပ်ခဲ့တဲ့ ရုန်းရင်းဆန်ခတ်မှုက တစ်နွယ်လုံးကို တုန်လှုပ်စေခဲ့တယ်.. မျိုးနွယ်စုအကြီးအကဲက မင်းကို သူ့နေရာဆီ ခေါ်လာဖို့ အခုပဲ လူကို စေလွှတ်လိုက်တယ်.. ဒါပေမယ့် ငါ မင်းကို မနှိုးချင်လို့ စောင့်နေဖို့ ပြောခဲ့တယ်”

“ကျေးဇူးတင်ပါတယ်.. သူတော်စင်မ” ကောင်းဖန်က သူတတ်နိုင်သလောက် ကျေးဇူးတင်ကြောင်းကို သေချာအောင်ပြောလိုက်သည်။ သူမ၏ ကြင်နာတတ်သော အသွင်အပြင်ကို မြင်လိုက်သောအခါတွင်တော့ သူ့အမူအရာ အနည်းငယ် ပြောင်းလဲသွားသည်။ “ကျွန်တော်တို့ တစ်ယောက်နဲ့တစ်ယောက် သိနေတာကြာပြီ..ဒါပေမယ့် နာမည်ဘယ်လိုခေါ်လဲ မသိသေးဘူး”

“ငါ..ငါ့နာမည်က ပိုင်ယာ ပါ” ဟု သူတော်စင်မက တိုးတိုးလေးပြောလိုက်သည်။

ကောင်းဖန် မျက်မှောင်ကြုတ်လိုက်သည်။ ပိုင်ယာမှ ယာသည် မည်သည့် တရုတ်အက္ခရာဖြစ်သည်ကို သူ မသိနိုင်ပေ။

“ယာက ယာဇီကပါ” ဟု သူတော်စင်မက သူ့နာမည်နဲ့ ရောထွေးနေတဲ့လူတွေကို ကျင့်သားရနေဟန်တူသည်။

ယာဇီ... ကောင်းဖန်ရဲ့ နှလုံးခုန်သံက ပိုမြန်လာသည်။ ယာဇီသည် နဂါးဘုရင်၏ ဒုတိယသားတော်ဖြစ်သည်။ ၎င်းတွင် ရန်လိုသော စိတ်ထားနှင့် သွေးနှင့် တိုက်ပွဲကို အလွန်အမင်း ဆာလောင်တက်သည်။ ကြင်နာပြီး နူးညံ့သိမ်မွေ့တဲ့ မိန်းမမျိုးက ဒီလောက် ကြမ်းတမ်းတဲ့ နာမည်ရလိမ့်မယ်လို့ သူ ဘယ်တုန်းကမှ မထင်ခဲ့မိပေ။

“မဆိုးပါဘူး.. မဆိုးပါဘူး” ဟု သူတော်စင်မက ဂိုဒီရဲ့ ခန္ဓာကိုယ်ကို ဂရုတစိုက် စောင့်ကြည့်နေသည်။ သူ့မျက်နှာပေါ်တွင် ကျေနပ်မှုတစ်ခု ပေါ်လာသည်။

“ငါတစ်သက်လုံး ယနေ့အချိန်အထိ ဒဏ္ဍာရီလာစွမ်းရည်ဆင့်ရှိတဲ့ သားရဲ ဒါမှမဟုတ် ကိုယ်ပိုင်သားရဲကို မတွေ့ဘူးသေးဘူး.. ဒါကို ငါတော်တော်လေး ကျေနပ်ပါတယ်” ဟု လေးနက်စွာ ပြောလိုက်သည်။ ထို့နောက် သူမသည် ကောင်းဖန်ကိုကြေးနီပြားတစ်ပြားကို ပေးလိုက်သည်။ “ကမ္ဘာမြေကို လည်ပတ်ရတဲ့ ငါ့ရဲ့ ကနဦးအကြောင်းရင်းက မင်းအဘိုးနဲ့တွေ့ဖို့ပါပဲ.. ဒါက ရှက်စရာပါပဲ သူက…”

ပိုင်ယာက သက်ပြင်းမချခင် ခဏရပ်လိုက်သည်။ “ဒါက မင်းအတွက် ငါ့ရဲ့ အခွင့်အာဏာရဲ့ သင်္ကေတပဲ.. မင်းက အရည်အချင်းရှိတဲ့ ကလေးပါ.. မင်းရဲ့ သက်တမ်းမပြည့်ခင် မင်းငယ်ငယ်ရွယ်ရွယ်နဲ့ သေရတာကို မြင်ရမှာ ငါမုန်းတယ်.. နောက်ပိုင်းမှာ မျိုးနွယ်စု အကြီးအကဲနဲ့ တွေ့ဆုံတဲ့အခါ မျိုးနွယ်စုရဲ့ ဂိုဒေါင်သို့ဝင်ရောက်ခွင့်ရရှိဖို့နဲ့ မင်းလိုချင်တဲ့ပစ္စည်းကိုရွေးချယ်ဖို့ ဒီကြေးနီတက်ပြားကို သူတို့ကို ပြလိုက်.. မင်း အခု သွားလို့ရပြီ”

***

သားရဲလေ့ကျင့်သူ

အခန်း ၆၁၈ နဂါးမောက်သီးအစစ်

နဂါးဖြူမျိုးနွယ်စုအကြီးအကဲ၏နေရာသည် သူတော်စင်မ၏ကျွန်းမှ ကျောက်တုံးတစ်ပစ်စာသာဝေးသည်။ ကောင်းဖန်သည် ဂိုဒီ၏ ပခုံးကိုစီးပြီး ပျံသန်းသွားလိုက်သည်။

အဆင့်အသစ်မြှင့်ထားသော ဂိုဒီသည် အသွင်အပြင်နှင့် ပတ်သက်၍ သိသိသာသာ ပြောင်းလဲသွားသည်။ ပထမဆုံးသတိပြုမိရမည့် အချက်မှာ ၎င်း၏ အရွယ်အစား သိသိသာသာ သေးသွားခြင်းဖြစ်သည်။ သူသည် သုံးပေကျုံ့သွားကာ ယခုအခါတွင် အရပ် ၁၆ ပေသာ ရှိတော့သည်။

ဂိုဒီက ဒါကို သိပ်စိတ်မချမ်းသာပေ။ ယခုအခါတွင် ၎င်းသည် အရပ် ၁၉ ပေမြင့်သော ဖလိန်မီထက် ခေါင်းတလုံးစာနိမ့်သွားသည်။ ဒါက ယောက်ျားလေးတစ်ယောက်ရဲ မာနကို အကြီးအကျယ်ထိသွားစေသည်။

အရွယ်အစား ကျုံ့သွားခြင်းမှလွဲ၍ ဂိုဒီ၏နောက်ကျောရှိ အတောင်ပံတစ်စုံ၏ ကြွက်သားများကတော့ ပိုမိုကြီးထွားလာသည်။ ယခုအခါ ၎င်းတို့သည် ပိုးမွှားများ၏ အတောင်များနှင့် ဆင်တူပြီး ၎င်း၏ နောက်ကျောနှင့် ခြေချင်းဝတ်အားလုံးကို ဖုံးအုပ်ထားသည်။ တစ်ချိန်က အသားနဲ့တူတဲ့ ဂိုဒီ၏အတောင်များသည် ယခုအခါ သတ္တုရောင်အဆင်းရှိလာသည်။ သူတို့ရဲ့ အနားသတ်တွေက ပိုတိကျလာသည်။ အခွံခွာသောအခါတွင် ၎င်းတို့သည် သတ္တုပြားအလွှာတစ်ခုလိုဖြစ်သည်။ ဂိုဒီ၏ ကြွက်သားများ ခန္ဓာကိုယ်မှ အလင်းရောင်သည် ယခု ဖြာထွက်နေသည်။

ဂိုဒီသည် ၎င်း၏လက်သီးများကို ဆုပ်ကိုင်လိုက်တိုင်း သို့မဟုတ် အနည်းငယ်မျှ အားစိုက်ထုတ်လိုက်တိုင်း ၎င်း၏ ချပ်ဝတ်တန်ဆာ အသစ်ရှိ ကွက်လပ်များသည် အနီရောင် ချော်ရည်ကဲ့သို့ တောက်ပလာမည်ဖြစ်သည်။

ဂိုဒီ၏ အသွင်အပြင်အသစ်တွင် တစ်ခုတည်းသော ချို့ယွင်းချက်မှာ ထိပ်ပြောင်နေဆဲ ဦးရေပြားဖြစ်သည်။ ဂိုဒီသည် ၎င်း၏ဦးခေါင်းကို ထိလိုက်သည်။ ထိပ်က ယခင်ကထက် ပိုမိုတောက်ပလာသည်။ ၎င်း၏အတောင်များကဲ့သို့ပင် ၎င်း၏ဦးခေါင်းသည်လည်း ယခုအခါ သတ္တုအလင်းရောင်ဖြင့် တောက်ပနေသည်။

“ကောင်းဖန်.. ငါက ဘာလို့ ပြောင်နေသေးတာလဲ” ဆံပင်မရှိနေခြင်းအတွက် စိတ်မကောင်းဖြစ်မိတာကြောင့် ဂိုဒီကမေးလိုက်သည်။

“မင်းက အရင်ကလိုပဲ ငါသိတဲ့ ကျောက်ခေါင်း ဘဲတစ်ကောင်ဖြစ်လို့ပေါ့” ဟု ဦးခေါင်းခွံကို ပွတ်ရင်း ကောင်းဖန်က ပြောလိုက်သည်။ ဒါကအသားကဲ့သို့ ခံစားရဆဲဖြစ်သည်။

“အဲဒါ ငါ့ခေါင်းပြောင်တာနဲ့ ဘာဆိုင်လို့လဲ” ဟု ဂိုဒီက မေးလိုက်သည်။

“မင်းရဲ့ ကျောက်လိုမာကျောတဲ့ ဦးခေါင်းက မင်းရဲ့ဆံပင်မွေးညင်းတွေကို အဟန့်အတားဖြစ်စေလို့” ဟု ကောင်းဖန်က လေးနက်သော လေသံဖြင့် ရှင်းပြလိုက်သည်။

ဂိုဒီက အော်ဟစ်လိုက်သည်။ ကောင်းဖန်၏ ရှင်းလင်းချက်သည် ကျိုးကြောင်းဆီလျော်ပုံပေါက်သည်။ ခေါင်းဆောင်၏ကျွန်းသည် သူတော်စင်မ ကျွန်းနှင့် မတူသည့် တစ်ခုတည်းသောအချက်မှာ ယခင်က နဂါးဖြူ၏ မျိုးနွယ်များ အများအပြားရှိခဲ့ပြီး ဤကျွန်းပေါ်တွင် လူတစ်သောင်းခန့်သာ နေထိုင်ကြခြင်း ဖြစ်သည်။

“အကြီးအကဲနဲ့တွေ့တဲ့အခါ စကားမပြောရဘူး.. အဘိုးကြီးရဲ့ စကားကိုသာ နားထောင်ပါ.. သူကတော်တော် ဒေါသကြီးပြီး သူစကားပြောတဲ့အခါ သူများတွေနှောက်ယှက်တာကို မကြိုက်ဘူး” ဟု ကောင်းဖန်ကို အကြီးအကဲရဲ့ နေအိမ်ကို ခေါ်သွားတဲ့အခါ အကြီးအကဲရဲ့ မြေးဖြစ်သူက ပြောလိုက်သည်။ သူက အမှန်ပင် အကြီးအကဲ၏ မြေးဖြစ်သောကြောင့် သူ့စကားကိုသာ ကောင်းဖန် လက်ခံလိုက်သည်။ ကောင်းဖန် ခေါင်းညိတ်ပြလိုက်သည်။

နာရီဝက်အကြာတွင် ကောင်းဖန်သည် သူ့နေရာသို့ ရောက်ရှိသွားသည်။ အဲဒါက တောင်လှိုဏ်ဂူကြီးဖြစ်ပြီး ခြံစည်းရိုးခတ်ထားသည်။ အမည်မသိ တိရစ္ဆာန်အရေခွံအလွှာများသည် မြေပြင်အနှံ့ ပျံ့နှံ့နေသည်။ ကောင်းဖန်က သူတို့ပေါ် ခြေချလိုက်တာနဲ့ သူ့ကိုယ်သူ နစ်မြုပ်သွားသလို ခံစားလိုက်ရသည်။

ဂူနံရံနှစ်ဖက်စလုံးတွင်အဖြူရောင် ဆီမီးများ တန်းစီထားသည်။ ဖယောင်းတိုင်မီးတွေ လောင်ကျွမ်းနေချိန်မှာ အနံ့က လေကို ပြည့်လျှံစေသည်။

လှိုဏ်ဂူ၏ အနက်ရှိုင်းဆုံး နေရာတွင် အဖြူရောင် ၀တ်စုံ ၀တ်ထားသော အဘိုးအို တစ်ဦး ထိုင်နေသည်။ သူ၏ ၀တ်ရုံချည်သားသည် မြေပြင်ပေါ်တွင် ဖြန့်ထားသည်။ သူ့မုတ်ဆိတ်မွေးက သူ့ရင်ဘတ်ကိုထိနေပြီး သူ့မျက်ခုံးဖြူတွေက နက်နဲပြီး ဟောင်းလောင်း ပေါက် မျက်လုံးတွေပေါ်မှာ တွဲလောင်းကျနေတဲ့ ရေတံခွန်တစ်တွဲလိုဖြစ်နေသည်။ ကောင်ဖန် သူ့အား အနီးကပ်ကြည့်လိုက်တဲ့အခါမှာတော့ အဘိုးကြီး တစ်ရေးတစ်မော အိပ်နေမှန်း သိလိုက်ရသည်။

ကောင်းဖန်နီးကပ်လာသောအခါ အဘိုးအိုက သူ့ကို လှမ်းကြည့်သည်။ သူ့မျက်နှာကို နားမလည်နိုင်စွာ စိုက်ကြည့်နေရင်း အနောက်မှာ ရပ်နေတဲ့ ဂိုဒီနဲ့ ကောင်းဖန်ကို ကောင်းကောင်းကြီး စိုက်ကြည့်နေသည်။ ထို့နောက် သူ့နှာခေါင်းမှ နှာမှုတ်သံကို ထုတ်လွှတ်လိုက်သည်။ ငေးကြည့်ရင်း မောပန်းနေသကဲ့သို့ သူသည် ကြီးမားစွာ သမ်းဝေလိုက်ကာ ကောင်းဖန်ကို ဝှေ့ယမ်းပြလိုက်သည်။

ကောင်းဖန်က မျက်လုံးပြူးသွားသည်။ ဒါ ငါတို့ရဲ့ အဆုံးသတ်ပဲလား.. အဘိုးအိုက စကားပြောတဲ့အခါ အနှောက်အယှက် မပေးရဘူးလို့ ပြောဖူးတယ်လေ.. ဒါပေမယ့် ငါတို့စကားတောင် မပြောမိပါဘူး..

ကောင်းဖန်က ဒါကို ဘာလုပ်ရမှန်းမသိတော့ချေ။ မျက်မှောင်ကြုတ်ရင်း ကောင်းဖန်သည် အကြီးအကဲ၏ ဂုဏ်ရည်များကို ချောင်းကြည့်လိုက်သည်။

[မျိုးစိတ်] - လူသား

[အခြေအနေ] - ကျန်းမာ (သက်သာလာပြီဖြစ်)

ကောင်းဖန်က သက်ပြင်းချလိုက်သည်။ သူလုပ်လိုက်တဲ့ တခြားသူတွေရဲ့ စိတ်ခံစားချက်တွေကို ချောင်းကြည့်တာ မမှန်ဘူးလို့ ခံစားရပေမယ့် အဲဒီထဲက ထွက်လာတဲ့ အရာက သူ့ကို နည်းနည်းလေး ပိုအဆင်ပြေစေသည်။

ခဏအကြာတွင် ကောင်းဖန်သည် အဖိုးအို၏ အခြေအနေ ပြောင်းလဲသွားသည်ကို သတိပြုမိလိုက်သည်။

[အခြေအနေ] - ကျန်းမာ (စိုးရိမ်နေ)

ကောင်းဖန်က ဂူထဲက မထွက်ခင် အကြီးအကဲကို အရိုအသေပေးလိုက်သည်။ ပိုင်ယင်ကို အကြီးအကဲ၏သားဖြစ်မယ်လို့ အစပိုင်းက သူထင်ခဲ့သည်။ အကြီးအကဲသည် အသက်အရွယ် ကြီးရင့်နေသော်လည်း သန်မာပုံရသည်။

ကောင်းဖန်လှိုဏ်ဂူထဲက ထွက်လာတဲ့အခါ အပြင်မှာ စောင့်နေတဲ့ ပိုင်ယင်က သူ့ကို ကြိုဆိုလိုက်သည်။ “သားရဲ အဆင့် မြှင့်တင်မှုအတွက် ခင်ဗျားကို ဂုဏ်မပြုရသေးဘူး” ပိုင်ယင်က သူ့ရင်ဘတ်ရှေ့မှာ လက်နှစ်ဖက်ကို ဆုပ်ကိုင်ထားပြီး တရုတ်ရိုးရာ ထုံးစံအတိုင်း နှုတ်ဆက်စကား ပြောလိုက်သည်။

“မင်း အဖေ့ကို ငါတွေ့ဖူးတယ်” ပိုင်ယင်က ကောင်းဖန်ရဲ့ နောက်က လှိုဏ်ဂူကို အရိပ်တကြည့်ကြည့်နဲ့ ကြည့်ပြီး ကောင်းဖန်ကို သူ့နောက်ကို လိုက်ဖို့ လက်ဟန်ပြလိုက်သည်။

သူတို့သည် ဂူနဲ့ အတန် ကွာဝေးသေားနေရာသို့ ရောက်သောအခါ ပိုင်ယင်က သက်ပြင်းတစ်ချက်ချလိုက်ပြီး “ခင်ဗျားက သတ္တိရှိသားပဲ..ကျုပ်အဖေနဲ့စကားပြောတုန်းက စိတ်မပူဘူးလား.. သူ ဒေါသအရမ်းကြီးတာ ခင်ဗျားသိလား”

ကောင်းဖန်သည် ပိုင်ယင်ကို မျက်ခုံးပင့်ကြည့်လိုက်သည်။ စိတ်ဆိုးနေတာလား.. မင်းတို့အားလုံး လှည့်စားခံနေရတယ်လို့ ငါဘာလို့ ခံစားမိတာလဲ.. စကားအနည်းငယ်သာ ပြောတတ်သူဖြစ်လင့်ကစား ကောင်းဖန်သည် အဘိုးအို၏ဒေါသသည် လူတိုင်း ပြောနေသကဲ့သို့ ကြမ်းတမ်းခြင်းမရှိဟု ခံစားနေရသည်။

“သူတော်စင်မက ကြေးပြားတစ်ပြားကို ပေးလိုက်တယ်... ငါရွေးချယ်တဲ့ပစ္စည်းကို ယူနိုင်တယ်တဲ့.. မင်းတို့ရဲ့ ဂိုဒေါင်ကို ဝင်ခွင့်ပေးမယ်လို့ သူမကပြောတယ်…” ဟု ကောင်းဖန်က ပြောလိုက်သည်။

ပိုင်ယင်က ပြုံးပြီးပြောလိုက်သည်။ “သူတော်စင်မက မင်းကို တကယ်သဘောကျပုံပဲ.. အဲဒါ သူတော်စင်မရဲ့ သင်္ကေတပဲ.. ဒါက နဂါးဖြူမျိုးနွယ်နဲ့ ကောင်းမွန်သောဆက်ဆံရေးရဲ့ သင်္ကေတလည်းဖြစ်တယ်.. သူတော်စင်မထံက ချီးမြှောက်ခြင်းခံရတဲ့ လူက အနည်းငယ်ပဲ ရှိတယ်...” ပိုင်ယင်သည် ကောင်းဖန် သူတော်စင်မ၏ သင်္ကေတကို ယူလာခြင်းကြောင့် အံ့သြပုံမပေါ်ပေ။

ထို့နောက် ကောင်းဖန်ကို အနောက်ဖက်ကျွန်းသို့ ခေါ်သွားသည်။ ဤကျွန်းသည် အကြီးအမှူးနှင့် သူတော်စင်မ၏ ကျွန်းများမှ ကျောက်တုံးတစ်ပစ်စာ အကွာအဝေးတွင်ရှိသည်။ ၎င်းသည် နဂါးကျွန်းစု၏ အလယ်ဗဟိုရှိ ကျွန်းသုံးကျွန်းအနက်မှ တစ်ခုဖြစ်သည်။ ကျွန်းပေါ်တွင် အသီးအရွက် အနည်းငယ်မျှ မရှိပဲ မျက်နှာပြင် အများစုကို ကျောက်တုံးများဖြင့် ဖုံးအုပ်ထားသည်။

ပိုင်ယင်က ကောင်းဖန်ကို ချိုင့်ဝှမ်းတစ်ခုရဲ့ အဝင်ဝကို ခေါ်သွားသည်။ အဲဒီမှာသူက ရပ်သွားသည်။ “ကျုပ်မဝင်နိုင်ဘူး.. ချိုင့်ပေါ်မှာ စောင့်နေတဲ့ အစောင့်တစ်ယောက်ရှိတယ်.. ခင်ဗျားမြင်ရင် သင်္ကေတကို ပြလိုက်ပါ”

ချိုင့်ဝှမ်းသည် ဗလာဖြစ်နေပုံရသည်။ သူတို့ရှေ့တွင် ရွှေသဲသောင်တန်းလမ်းကလေးသည် ချိုင့်ဝှမ်းနက်ရှိုင်းသောဒေသများဆီသို့ ဦးတည်နေသည်။

ကောင်းဖန်သည် တခဏမျှ တုံ့ဆိုင်းသွားပြီး ချိုင့်ထဲသို့ ဝင်သွားလိုက်သည် ။ ခဏအကြာတွင် ခြိမ်းခြောက်မှုတစ်ခု ခံစားလာရသည်။ ရုတ်တရက် တုန်ခါမှုက ချိုင့်ဝှမ်းကို လှုပ်ခါသွားသည်။ ထိုအချိန်တွင် ကြီးမားသော အရိပ်တစ်ခုက ကောင်းဖန်အပေါ်သို့ ကျရောက်လာသည်။

အရိပ်ကြီးက နေကို လုံးဝနီးပါး ပိတ်ဆို့ထားသည်။ ကောင်းဖန်သည် သူ့မျက်လုံးများကို ဘယ်လက်ဖြင့် ကာထားလိုက်သည်။ မျှော်ကြည့်လိုက်အခါတွင် ကြီးမားသော နဂါးခေါင်းကြီးသည် ကောင်းကင်မှ သူ့ကို တည့်တည့်စိုက်ကြည့်နေသည်ကို တွေ့လိုက်ရသည်။

[သားရဲ အမည်] - လက်သည်းငါးချောင်း နဂါးဖြူ

[သားရဲ အဆင့်] - အဆင့် ၈၇ (သူတော်စင်အဆင့်)

[သားရဲ စွမ်းရည်ဆင့်] - ဒဏ္ဍာရီ/ ဒဏ္ဍာရီ

ကောင်းဖန်က ကြေးပြားကို ထုတ်ပြီး နဂါးကို ပြလိုက်သည်။ သင်္ကေတကိုမြင်သောအခါ စကားတစ်ခွန်းမှမပြောဘဲ ၎င်း၏ခေါင်းကို ကောင်းကင်သို့ပြန်ဆွဲထုတ်လိုက်သည်။ ထို့နောက် ချိုင့်ဝှမ်းနက်နက်ရှိ ကျောက်တံခါးကြီးသည် ဖြည်းညှင်းစွာ မြင့်လာသည်နှင့်အမျှ မိုးခြိမ်းသံတစ်ခုထွက်ပေါ်လာသည်။

ကောင်းဖန် မျက်မှောင်ကြုတ်လိုက်သည်။ အသိဉာဏ်ရှိတဲ့ နဂါးတစ်ကောင်ပဲ..

ကောင်းဖန်သည် ချိုင့်ဝှမ်းရှိ လှိုဏ်ဂူအနီးသို့ ရောက်သောအခါ အသံမထွက်ဘဲ ကျောက်တံခါးကို ဆွဲတင်ကာ ပတ်ပတ်လည် ချိုင့်၏ အရောင်အသွေးနှင့် လိုက်ဖက်သော ကျောက်တုံးကြီးကြီးကို တွေ့လိုက်ရသည်။ ကောင်းဖန် ဂူထဲသို့ဝင်ပြီးနောက် ကျောက်တုံးကြီးသည် ပြန်ကျသွားသည်။

ကောင်းဖန်အထဲကို ရောက်တာနဲ့ မျက်နှာကျက်ကနေ တွဲလောင်းကျနေတဲ့ ပိုးကောင်နဲ့တူတဲ့ သတ္တဝါတွေက အတောင်ပံတွေဖြန့်လိုက်တာကြောင့် အပြာနုရောင်အလင်းတန်းတွေ ဝမ်းဗိုက်ထိပ်ကနေ လင်းလက်တောက်ပလာပြီး မှောင်နေတဲ့ လှိုဏ်ဂူကြီးဟာ ချက်ချင်းပဲ လင်းလာသည်။ ကောင်းဖန် ဂူအဝင်ဝမှ ထွက်သွားသောအခါ ပိုးကောင်များသည် ၎င်း၏အတောင်ပံများကို ပိတ်လိုက်ပြီး အမှောင်ထဲသို့ ပြန်ကျသွားသည်။

နဂါးဖြူမျိုးနွယ်စု၏ သိုလှောင်ရုံသည် ကောင်းဖန် ထင်ထားသည်ထက် များစွာသေးငယ်သည်။

သို့သော် ၎င်းတွင်ရှိသော ပစ္စည်းတိုင်းသည် အလွန်တန်ဖိုးရှိပုံရသည်။ ကောင်းဖန်သည် အပြာရောင် သေတ္တာငယ်လေးထဲတွင် ထည့်ထားသော နဂါးမောက်သီးအစစ်ကိုပင် ရှာတွေ့လိုက်သည်။ ၎င်းသည် မည်သည့်နဂါးအမျိုးအစား၏သွေးကိုမဆို သန့်စင်ပေးနိုင်သော သူတော်စင်အဆင့် အရာဝတ္ထုတစ်ခုဖြစ်သည်။ ဒဏ္ဍာရီစွမ်းရည်ဆင့်အထက် နဂါးအမျိုးစားများတွင် အသုံးပြုနိုင်သည်။

အသုံးပြုပြီးနောက် ၎င်းသည် သားရဲတစ်ကောင်၏ သွေးသန့်စင်မှုနှင့် ၎င်း၏အဆင့်ကို မြှင့်တင်နိုင်မှာသေချာသည်။

အခြားပါဝင်ပစ္စည်းများနှင့် ဖြည့်စွက်ခြင်းဖြင့် ကောင်းဖန်သည် ၎င်း၏ အောင်မြင်မှုနှုန်းကို ၁၀၀ ရာခိုင်နှုန်းအထိ တိုးမြှင့်နိုင်မည် ဖြစ်သည်။ အခြားသော နဂါးမောက်သီးများကို တွေ့ရန် အခွင့်ကောင်းရှိသော်လည်း ကောင်းဖန်သည် ဒီ နဂါးမောက်သီးကို ယူသွားရန် ဆုံးဖြတ်လိုက်သည်။

ဒါနဲ့ဆိုရင် သူ့အဖိုး၏ နဂါးဖြူကို ဒဏ္ဍာရီစွမ်းရည်ဆင့်သို့ ရောက်အောင် ကူညီပေးနိုင်သည်။

***

သားရဲလေ့ကျင့်သူ

အခန်း ၆၁၉ လူမျိုးစု တွေ့ဆုံခြင်း

နဂါးမောက်သီးအစစ်ကို ယူပြီးနောက် ကောင်းဖန်သည် အပြင်ထွက်ရန် အလျင်စလိုမလုပ်ခဲ့ပေ။ သူသည် ဂိုဒေါင်တစ်ဝိုက်သို့ အနည်းငယ်လှည့်ပတ်သွားခဲ့သည်။ သူသည် သက်ပြင်ရှည်ကြီးကို ချလိုက်သည်။ နဂါးဖြူမျိုးနွယ်စုသည် နှစ်များတစ်လျှောက် သူတို့အတွက် အဖိုးတန်ပစ္စည်းများကို စုဆောင်းခဲ့ကြသည်။

သူ့သားရဲအများစုသည် ဒဏ္ဍာရီအဆင့်သို့ရောက်နေပြီဖြစ်သောကြောင့် ဤအရာအချို့အတွက် များစွာအသုံးမပြုရခြင်းမှာ နှမြောစရာပင်။ ပင်လယ်ဝတုတ်သည် ဒဏ္ဍာရီအဆင့်သို့ ပြန်လည်ရောက်ရှိခဲ့သည်။

တာ့ဇီ၊ ဒန်ဘီနှင့် ဂိုဒီ တို့သည် ဒဏ္ဍာရီလာစွမ်းရည်ဆင့်သို့ ရောက်ရှိခဲ့ပြီး ဖလိန်မီ၊ အစင်းလေး၊ ခြင်္သေ့ဖြူ၊ စာရွက်ဖြူ နှင့် ဆီလီ တို့သည် ဒဏ္ဍာရီစွမ်းရည်ဆင့်သို့ ရောက်ရှိနေကြပြီဖြစ်သည်။ တစ်ဖက်တွင် အလင်းလှိုင်းနှင့် ကလေးခုနစ်ယောက်တို့သည် မော်ကွန်းတင် စွမ်းရည်ဆင့်တွင်ဖြစ်သည်။

ဒဏ္ဍာရီပြီးရင် နောက်တစ်ဆင့်က ဒဏ္ဍာရီလာ ဖြစ်သည်။ ကောင်းဖန်သည် ဂိုဒေါင်ထဲတွင် သူ့သားရဲများ၏ အဆင့်ကို မြှင့်တင်ပေးနိုင်သော ပါဝင်ပစ္စည်းအချို့ကို တွေ့ရှိခဲ့သည်။ သို့သော် ၎င်းတို့တွင် အများအပြားမရှိပေ။ အများစုမှာ သူ၏သားရဲများနှင့် မကိုက်ညီပေ။

သဟဇာတ မဖြစ်သော သားရဲပစ္စည်းများကို အသုံးပြုခြင်းသည် ဆိုးရွားသောရလဒ်များကို ဖြစ်ပေါ်စေနိုင်သည်။ အဆိုးဆုံး အခြေအနေတွင် ၎င်းသည် သားရဲများကို အဆင့်တစ်ခုသို့ ကျဆင်းသွားစေနိုင်သည်။

ကောင်းဖန်သည် အလင်းလှိုင်းအတွက် အဆင့်မြှင့်တင်ဖို့ လိုအပ်သော ပါဝင်ပစ္စည်းများအားလုံးကို မှတ်သားထားသည်။ ကြွက် အတွက်ကတော့ ၎င်းသည် ထူးခြားသောအမျိုးအစားဖြစ်သောကြောင့် ဒဏ္ဍာရီအဆင့်သို့ မြှင့်တင်ရန်အတွက် ပါဝင်ပစ္စည်းများသည် ရှာဖွေရန်ခက်ခဲသည်။ ကောင်းဖန်သည် ကြွက်အတွက် အသုံးတည့်နိုင်သည့် ပစ္စည်းကို နဂါးဖြူမျိုးနွယ်စု၏ဂိုဒေါင်တွင် ရှာမတွေ့ချေ။

ကလေးခုနစ်ယောက်အတွက်… ကောင်းဖန်သည် ၎င်းတို့၏ ဆင့်ကဲဖြစ်စဉ်ပစ္စည်းများကို ရယူရန်တော့ သူ့ကိုယ်ပိုင် အစီအစဉ်များ ရှိသည်။

သူတော်စင်မ၏ကျွန်းသို့ပြန်ရောက်သောအခါ ကောင်းဖန်သည် သူ အသစ်ရရှိလာသောပစ္စည်းများကို စုပေါင်းအသုံးပြု၍ ချက်လိုက်သည်။ ပြီးသွားသောအခါတွင် ပိုင်ယင်ကို ၎င်း၏အချိတ်မဆက်များမှတစ်ဆင့် တောင်ပိုင်းကောင်းကင်အဖွဲအစည်းသို့ အထုတ်ကို ပေးပို့ရန် တောင်းဆိုလိုက်သည်။

ထို့နောက် ကျွန်းပေါ်တွင် ရက်အနည်းငယ် အနားယူလိုက်သည်။ ထိုအချိန်တွင် ပိုင်ယင်သည် ကောင်းဖန်ထံသို့ သွားရောက် လည်ပတ်ခဲ့သည်။ တခါတရံတွင် သူသည် နဂါးဖြူမျိုးနွယ်မှ ထူးချွန်သော လူငယ်အချို့ကို တွေ့ဆုံရန်ပင် ကောင်းဖန်ကို ခေါ်သွားတတ်သည်။

ကောင်းဖန်သည် အခြားသူများနှင့် ပေါင်းသင်းဆက်ဆံခြင်းကို မကြိုက်သော်လည်း အခြားသူများနှင့် ပေါင်းသင်းဆက်ဆံ ရမည့် အချိန်များရှိသင့်ကို သူသိသည်။ နဂါးဖြူမျိုးနွယ်စုများကြားတွင် သူသည် အချိန် အတော်ကြာအောင် ရှိနေပြီးနောက် ဤထိပ်တန်း မျိုးနွယ်စုများ၏ အဆင့်သည် သူစဥ်းစားထားသည်ထက် ပိုမိုမြင့်မားကြောင်း ကောင်းဖန်သဘောပေါက်လာသည်။

ထိုညတွင် သူတော်စင်မအနားတွင် ပေါ်လာသော အနက်ရောင်နဂါးသည် အတုအယောင်-ဒဏ္ဍာရီအဆောက်အအုံမှဖြစ်သည်။ ၎င်းမှလွဲ၍ ကောင်းဖန်သည် ယခုအချိန်အထိ အနည်းဆုံး သူတော်စင်အဆင့် သားရဲငါးကောင်ကိုသာ မြင်တွေ့ခဲ့ရသည်။

၎င်းသည် နဂါးဖြူမျိုးနွယ်၏ အပေါ်ယံတွင်သယးာ ပြသထားသည့် စွမ်းအားအဆင့်မျှသာ ဖြစ်သည်။ အထူးသဖြင့် နဂါးဖြူအနွယ်ကဲ့သို့ ထိပ်တန်းအနွယ်ဖြစ်တဲ့သူတွေက လူတိုင်းကို ၎င်း၏စွမ်းအားကို အပြည့်အ၀ ဖော်ပြလိုတဲ့ အဖွဲ့အစည်းများ မဟုတ်ပေ။

“အစ်ကိုကောင်း ခင်ဗျားအဘိုးဆီက ခင်ဗျားအတွက် စာတစ်စောင်ရောက်နေတယ်” ပိုင်ယင်က ကောင်းဖန်ကို မန်မိုရီကတ်တစ်ခု ပေးလိုက်သည်။

ကောင်းဖန်သည် ပိုင်ယင်ထံမှ မန်မိုရီကတ်ကို ယူကာ ၎င်း၏ တက်ဘလက်ကွန်ပြူတာတွင် ပလပ်ထိုးလိုက်သည်။ ပိုင်ယင် လှည့်ကြည့်လိုက်တော့ ကောင်းဖန်ကို သူ့စာကို အေးအေးဆေးဆေး ဖတ်ခွင့်ပေးလိုက်သည်။ စခရင်ပေါ်ရှိ သတင်းစကားသည် ကောင်းဖန်၏ အဘိုးထံမှဖြစ်သည်။

“နဂါးဖြူကို ဒဏ္ဍာရီအဆင့်အထိ တိုးမြှင့်ထားတယ်.. မင်း အခု အေးအေးဆေးဆေး အနားယူပါ... ဒါ့အပြင် ပြောင်းရွှေ့ပြင်ဆင်မှု တွေလည်း လုပ်နေတယ်.. ယခု ငါတို့ ဟွားရှားဒေသက လူများကို အနက်ရောင်မြူခိုးကမ္ဘာကို ပြောင်းရွှေ့ဖို့အတွက် အစိုးရနဲ့ လက်တွဲလုပ်ဆောင်နေတယ်” ဒါက သူ့အဖိုးရဲ့ သတင်းစကားဖြစ်ပြီး ရိုးရှင်းပြီး တိုတိုလေးဖြစ်သည်။

သူ့အဖိုးဘက်က အလုပ်စလုပ်နေပြီဆိုတော့ သူလုပ်စရာရှိတာက သူတို့ကို အချိန်ပိုပေးဖို့ဖြစ်သည်။ ရုတ်တရက် ကောင်းဖန်သည် စာရွက်၏ ညာဘက်အောက်ခြေထောင့်တွင် “၁/၁၂,၀၀၀” ကို ပြသထားသည်ကို သတိပြုမိသည်။ သူ မျက်မှောင်ကြုတ်လိုက်သည်။

တခဏမျှ တုံ့ဆိုင်းနေပြီး ပိုင်ယင်ကို ပြန်ကြည့်လိုက်တော့ သူ့ကို ကျောခိုင်းထားဆဲဖြစ်သည်။ ထို့နောက် ကောင်းဖန်သည် သူ၏လက်ချောင်းများကို စခရင်ပေါ်မှ ဘယ်ဘက်သို့ ပွတ်ဆွဲလိုက်သည်။

ပုံစံတူစာတိုကို နောက်စာမျက်နှာတွင် ရေးသားထားသည်- “နဂါးဖြူကို ဒဏ္ဍာရီအဆင့်အထိ တိုးမြှင့်ထားတယ်.. မင်း အခု အေးအေးဆေးဆေး အနားယူပါ... ဒါ့အပြင် ပြောင်းရွှေ့ပြင်ဆင်မှု တွေလည်း လုပ်နေတယ်.. ယခု ငါတို့ ဟွားရှားဒေသက လူများကို အနက်ရောင်မြူခိုးကမ္ဘာကို ပြောင်းရွှေ့ဖို့အတွက် အစိုးရနဲ့ လက်တွဲလုပ်ဆောင်နေတယ်”

ကောင်းဖန်သည် တစ်စုံတစ်ခုကို ရုတ်တရက် တွေးလိုက်သည်။ သူသည် တူညီတဲ့ စာတိုကို ထပ်ခါထပ်ခါ ပြသသည့် စာမျက်နှာများကို လှန်လှောကြည့်နေသည်။

အတွေးတစ်ခုရပြီးနောက် ကောင်းဖန်သည် ရှာဖွေရေးဘားကို နှိပ်လိုက်ပြီး စာမျက်နှာနံပါတ် ၁၂၀၀၀ ကို ကြည့်လိုက်သည်။ စာကြောင်းတစ်ကြောင်းတည်းရေးထားသည့် နောက်ဆုံးစာမျက်နှာကို မဖော်ပြမီတွင် မျက်နှာပြင်သည် တုန်ခါသွားသည်။ “မင်းရဲ့ စကားနဲ့ လုပ်ရပ်တွေကို သတိထားပါ”

ကောင်းဖန်သည် ထိုနောက်ဆုံးစာကြောင်းကို ဖတ်လိုက်သောအခါ စာမျက်နှာတစ်ခုလုံးသည် ကိုယ်ကိုယ်တိုင် ဖျက်ဆီးခြင်း လုပ်ငန်းစဉ်ကို စတင်လိုက်သောကြောင့် စာရွက်တစ်ခုလုံး မှုန်ဝါးလာသည်။ ဖန်သားပြင်ပေါ်ရှိ ဖိုင်အလွတ်ကို မြင်လိုက် ရသောအခါတွင် ကောင်းဖန်သည် သူဖတ်ဖူးလိုက်ရသည့် အရာများကို စတင်ခံစားလိုက်ရသည်။

…

ယနေ့တွင် ရှေးခေတ်လူမျိုးစုများတွေ့ဆုံပွဲကို အပြာရောင်မြစ်လွင်ပြင် တွင်ကျင်းပမည်ဖြစ်သည်။ အပြာရောင်မြစ်လွင်ပြင်သည် နဂါးဖြူမျိုးနွယ်စုမှ မိုင် ၄၅၀ ခန့် ကွာဝေးသောကြောင့် ၎င်းတို့ထံ ရောက်ရှိရန် မျိုးနွယ်စုကနေ အချိန်ကြာကြာယူရမည်မဟုတ်ချေ။

လွင်ပြင်တွင် အလယ်အလတ်တန်းစား မျိုးနွယ်စုဖြစ်တဲ့ အပြာရောင်မြစ်မျိုးနွယ်စုရှိသည်။ မူလမျိုးနွယ်စုသည် အပြာရောင်မြစ် ကမ်းနားတွင် အခြေချနေထိုင်ခဲ့ကြသည်။ သူတို့ရွာကိုဖြတ်ပြီး အပြာရောင်မြစ်ကိုဖြတ်သွားတဲ့ ကျယ်ပြန့်သောလွင်ပြင်ပေါ်တွင် ၎င်းတို့၏ အဖြူအပြာ အဆောက်အဦများကို တည်ဆောက်ထားကြသည်။

အပြာရောင်မြစ်မျိုးနွယ်စု၏ အုပ်ထိန်းသူနှင့် သားရဲ အုပ်ထိန်းသူမှာ အရှင်သခင်အဆင့်၊ ဒဏ္ဍာရီစွမ်းရည်ဆင့် လက်ရှစ်ဖက် ဟိန်းဟောက်နေတဲ့ စက်ဆုပ်ဖွယ်ကောင်းသော နှင်းလူသားဖြစ်သည်။

သာမာန်အဆင့်မှ ဒဏ္ဍာရီစွမ်းရည်ဆင့်အထိ လက်ရှစ်ဖက် ဟိန်းဟောက်နေတဲ့ စက်ဆုပ်ဖွယ်ကောင်းသော နှင်းလူသား များအဖြစ် ၎င်းတို့၏သားရဲများကို မျိုးနွယ်စုတွင် လေ့ကျင့်ပေးသူအများအပြားရှိသည်။

မျိုးနွယ်စုကို တစ်နည်းတစ်ဖုံ ပံ့ပိုးပေးခြင်းဖြင့် တစ်ဦး၏ သားရဲကို တစ်ဦးက အဆင့်မြှင့်တင်နိုင်လျှင် ဆုချကြသည်။ အရှင်သခင်အဆင့် လက်ရှစ်ဖက် ဟိန်းဟောက်နေတဲ့ စက်ဆုပ်ဖွယ်ကောင်းသော နှင်းလူသားသည် ဒဏ္ဍာရီအဆင့် သားရဲဖြစ်သည်။

မျိုးနွယ်စု အုပ်ထိန်းသူ၏ သားရဲအဆင့်သည် မျိုးနွယ်စုတစ်ခုလုံး၏ ခွန်အားကို ဆုံးဖြတ်ပေးလိမ့်မည်။ အပြာရောင်မြစ်မျိုးနွယ်စုသည် တန်ခိုးအာဏာအရ ဘုရင်ခုနစ်မျိုးနွယ်စုတွင် ဒုတိယသာရှိခဲ့သည်။ ၎င်း၏အုပ်ထိန်းသူနှင့် သားရဲသည် အခြားသူများကို ကြောက်ရွံလောက်သော အဆင့်တွင်ရှိပြီး အစည်းအဝေးအတွင်း စည်းမျဥ်းစည်းကမ်းကို ထိန်းသိမ်းနိုင်စွမ်းမရှိလောက်အောင်တော့ မနိမ့်ကျပေ။

ထိပ်တန်း မျိုးနွယ်စု သုံးခုစလုံးတွင် ၎င်းတို့၏ ကိုယ်ပိုင် နတ်ဘုရားတစ်ပိုင်းများ ရှိသည်။ သို့ရာတွင် မည်သူကမျှ ၎င်းတို့၏ သက်ဆိုင်ရာ မျိုးနွယ်စုများတွင် ခွင့်ပြုချက်မရှိဘဲ ၎င်းတို့၏ ရာထူးများကို ချန်ထားခဲ့၍ မရပေ။ အမှန်မှာ ဤအယောင်ဆောင်-နတ်ဘုရားသားရဲများသည် အဟန့်အတားများထက် မပိုဘဲ ၎င်းတို့အတွက် အမှန်တကယ်လုပ်ဆောင်ရန် လိုအပ်ခြင်းမရှိပါက အရေးယူဆောင်ရွက်မည်မဟုတ်ပေ။

၎င်းတို့ကို အစုလိုက်အပြုံလိုက် ဖျက်ဆီးပစ်သည့် လက်နက်များအဖြစ် တွေးခြင်းသည် အကောင်းဆုံးဖြစ်သည်။ နိုင်ငံတစ်ရာ စည်းဝေးပွဲမှ အဖွဲ့ဝင်တစ်ဦးတစ်ယောက်မှ စိတ်ကောင်းနှလုံးကောင်းဖြင့် နူကလီးယားထိပ်ဖူးများကို မျိုးနွယ်စု အစည်းအဝေးသို့ ယူဆောင်လာမည်မဟုတ်သလို သဘောဖြစ်သည်။

***

သားရဲလေ့ကျင့်သူ

အခန်း ၆၂၀ ဖေးလျန်

“ဒီနှစ် မျိုးနွယ်စုအစည်းအဝေးမှာ အဖေက ကျွန်တော့်ကို ပါဝင်စေချင်တာက ကျွန်တော့်ကို မကြာခင်မှာ အကြီးအကဲ ဖြစ်စေချင်လို့ပါ” ပိုင်ကျဲ့က သူ့မျက်နှာပေါ်က ခံစားချက်အရိပ်အမြွက်ကို နည်းနည်းလေးမှ မဖော်ပြဘဲ ‘နဂါးဖြူမျိုးနွယ်စုက ဘာလုပ်နိုင်တယ် ဆိုတာကို တခြားလူတိုင်းကို ငါပြရမယ်” ဟု စိတ်ထဲမှ ကြိမ်းဝါးနေလေသည်။ သူသည် နဂါးဖြူမျိုးနွယ်၏ ကိုယ်စားလှယ်အဖြစ်နှင့် ဘိုးဘေးများ၏ တစ်စိတ်တစ်ပိုင်းအဖြစ် မည်သို့ပင်ဖြစ်စေ တည်ငြိမ်သော အသွင်အပြင်ကို ထိန်းသိမ်း ထားရမည်ဖြစ်သည်။

“ဒီလမ်းပါ.. ကျွန်တော်တို့ရဲ့ နဂါးဖြူမျိုးနွယ်စုက အလေးစားဆုံး ဧည့်သည်ကြီး ကျေးဇူးပြုပြီး ဒီကိုကြွပါ” ကောင်းဖန်နှင့် အခြားလူများက အပြာရောင်မြစ်မျိုးနွယ်စုဆီသို့ ရောက်သောအခါ ကြိုဆိုသူက ပြောလိုက်သည်။

“လမ်းပြပါ” ပိုင်ကျဲ့က ပြတ်ပြတ်သားသားပြောလိုက်သည်။

သူတို့ကို နှုတ်ဆက်တဲ့ အဘိုးအိုက သူ့ရှေ့က လူငယ်အုပ်စုကို ငေးကြည့်နေသည်။ “ရွာမှာ လွတ်လွတ်လပ်လပ် လျှောက်သွားလို့ ရပါတယ်.. ဒီမှာရှိစဉ်မှာသာ ဘာပြဿနာမှ မဖြစ်ပါစေနဲ့”

ဒီလူငယ်တွေဟာ တက်ကြွတဲ့အဖွဲ့ဖြစ်ပြီး အဓိကပွဲမစခင် ပွဲတော်တွေမှာ ပါဝင်ချင်ကြမယ်ဆိုတာ သူသိသည်။ တစ်ချိန်က သူကလည်း လူငယ်ဖြစ်ခဲ့တဲအတွက် ဒီလူငယ်တွေ ဘာတွေတွေးနေမှန်း သူသိသည်။

ကောင်းဖန်က ခဏလောက် အနားယူပြီး ပွဲမှာ မပါဝင်ဖို့ နည်းလမ်းကို တွေးကြည့်လိုက်သည်။ ကံမကောင်းစွာပဲ သူ့ကို ပိုင်ယင် နဲ့ တခြားသူတွေက ဆက်လက်ကျင်းပနေတဲ့ ပွဲတော်တွေမှာ စိတ်လှုပ်ရှားစွာ ပါဝင်ဖို့ ဆွဲခေါ်သွားတာကို ခံလိုက်ရသည်။

“သွားကြရအောင်.. တစ်ရက် နှစ်ရက်အတွင်း ဘာမှဖြစ်ဦးမှာ မဟုတ်ပါဘူး.. ငါတို့ အပြင်ထွက်နေတုန်း အကြီးအကဲတွေကို သူတို့ရဲ့လုပ်ငန်းကို စီမံခွင့်ပေးလိုက်ပါ” ဟု ပိုင်ရှိက ပြောလိုက်သည်။

ပိုင်ရှိသည် နဂါးဖြူမျိုးနွယ်စုတွင် ထူးချွန်သော သူများထဲမှ တစ်ဦးဖြစ်သည်။ ငယ်ငယ်ရွယ်ရွယ်ဖြင့် အရှင်သခင်အဆင့် သားရဲနဲ့ စာချုပ်ချုပ်ပြီးကတည်းက နာမည်ကောင်းရထားသူဖြစ်သည်။

“ပဲ့ချင်းယန်” လမ်းမများပေါ်တွင် ကောင်းဖန်က ဒီနေရာတွင် မတွေ့လိုသော တစ်စုံတစ်ယောက်ကို တွေ့လိုက်ရသည်။

“ကောင်း..”ပဲ့ကျင်းယန်က ကောင်းဖန်ကို ဒီနေရာတွင်တွေ့ရန် မမျှော်လင့်ထားတာကြောင့် အံ့သြသွားသည်။ သို့သော် သူ့နာမည်ကို အဆုံးမသတ်မီ သူမ ရပ်တန့်သွားသည်။ ပဲ့ကျင်းယန်က သူ့ကို စိုက်ကြည့်ရင်း အသက်ပြင်းပြင်းရှူရင်း မျက်လုံးပြူးသွားသည် ။ ဤနေရာတွင် သူ့ကို တွေ့ရလိမ့်မည်ဟု သူမဘယ်တုန်းကမှ မထင်ထားပေ။

ယိုဟူမျိုးနွယ်စုကို သတ်လိုက်ခြင်းသည် ရှေးမျိုးနွယ်စုရှိ လူအများစု၏ မကောင်းသော အမြင်ကို ရရှိစေခဲ့သည်။ ယိုဟူမျိုးနွယ်စုက လူတွေလုပ်ခဲ့တာတွေက ခွင့်မလွှတ်နိုင်စရာဆိုတာ သူမ သိပေမယ့် သူတို့က ရှေးမျိုးနွယ်စုရဲ့ တစ်စိတ်တစ်ပိုင်း အဖြစ် ကျန်နေသေးသည်။ ကောင်းဖန်၏ လုပ်ဆောင်ချက်များသည် သူ့ကို ကျန်မျိုးနွယ်စုများ၏ ဘုံရန်သူဖြစ်သွားစေခဲ့သည်။

သူမသည် မြောက်ပိုင်းရေခဲမျိုးနွယ်သို့ ပြန်လည်ရောက်ရှိပြီးကတည်းက ကောင်းဖန်ကို မကျေနပ်ကြောင်း ဖော်ပြသည့် အသံများကို ကြားခဲ့ရသည်။ တောင်ပိုင်းကောင်းကင်အဖွဲ့အစည်းနဲ့ မဟာမိတ်ဖွဲ့ခဲ့တဲ့အတွက် သူမကို မုန်းတီးသူတွေတောင် ရှိသည်။ ထို့ကြောင့် မြောက်ပိုင်းရေခဲမျိုးနွယ်စုသည် အခြားသော ဘုရင်အဆင့်မျိုးနွယ်စုများထံမှ ကဲ့ရဲ့ခြင်းနှင့် လှောင်ပြောင်ခြင်း များကို ခံလာရသည်။

“ဒါ မင်းသူငယ်ချင်းလား” ပဲ့ကျင်းယန်၏အလှကြောင့် အသက်ရှုမှားသွားပုံရသော ပိုင်ရှိက ပြောလိုက်သည်။

“ဟုတ်တယ် သူငယ်ချင်းဟောင်းပါ” ကောင်းဖန်က ခေါင်းညိတ်လိုက်သည်။

“ကျင်းယန်.. ဒါဘယ်သူလဲ” ပဲ့ကျင်းယန်အနားတွင် ရပ်နေသော လူတစ်ယောက်က ပြောလိုက်သည်။ သူသည် ကောင်းဖန်ကိုမြင်ရတာ အရမ်းပျော်ပုံ မပေါ်ပေ။

“စကားမစပ် ငါက မင်းအဖွားထက် အသက်ကြီးတယ်.. မင်းငါ့ကို ကျင်းယန် လို့ ခေါ်လို့မရဘူး.. မင်းငါ့ကို ‘မြင့်မြတ်တဲ့ ဘိုးဘွား’ လို့ ခေါ်သင့်တယ်..

ပိုင်ရှိနှင့်ပိုင်ယင်တို့သည် ထိုလူ၏မျက်နှာပေါ်တွင် ထုံထိုင်းသောအကြည့်ကိုမြင်လိုက်သောအခါ လျင်မြန်စွာ ရယ်မောမိသွားသည်။

ပေစုယန်၏ မျက်နှာပေါ်တွင် နာကျင်နေသည့်အကြည့်ကို မြင်လိုက်ရသောအခါ ပေချင်းယန်က “ ငါပြောတာဘာများမှားလို့လဲ.. မင်းထက်အသက်ကြီးသူတွေကို ဘယ်လို ဆက်ဆံဖို့ မင်းအဖေက မင်းကိုမသင်ပေးထားဘူးလား.. သူတို့တွေက မင်းရဲ့ ရွယ်တူတွေလား” ဟု ပြောလိုက်သည်။

“မြင့်မြတ်… မြင့်မြတ်တဲ့ ဘိုးဘွား” ဟု စကားထစ်နေတဲ့ ပေစုယန်က ပြောလိုက်သည်။ ပဲ့ကျင်းယန်ဆီကအရှက်ခွဲတာခံလိုက်ရပြီး သူသည် လျှင်မြန်စွာ လှည့်ကာ ထွက်သွားတော့သည်။

ပဲ့ကျင်းယန်က ကောင်းဖန်နဲ့ တခြားသူတွေကို “သူ့ရဲ့ ရိုင်းပြမှုအတွက် ခွင့်လွှတ်ပါ” ဟု ပြောလိုက်သည်။

ပေစုယန်က သူ့ခြေလှမ်းတွေကို အရှိန်မြှင့်လိုက်သည်။ သူ အရင်က ဒီလောက် အရှက်ရတာမျိုး မခံစားဖူးပေ။

ပဲ့ကျင်းယန် အနားမှာ ရပ်နေဆဲ ကျန်နှစ်ယောက်က ပေစုယန်နဲ့ လိုက်သွားချင်နေပုံရပြီး ပဲ့ကျင်းယန်ရဲ့ အမျက်ဒေါသကို ခံရမှာကို စိုးရိမ်နေပုံပင်။ သူတို့ရဲ့

ကွဲလွဲနေတဲ့အကြည့်တွေကို သတိထားမိတော့ ပဲ့ကျင်းယန်က သူတို့ကို လက်ပြနှုတ်ဆက်လိုက်သည်။

“ဒါတွေက နဂါးဖြူမျိုးနွယ်စုတွေပါ.. မင်းတို့နှစ်ယောက် ငါ့မြေးနဲ့ သွားလို့ရပြီ” ဟု ပဲ့ကျင်းယန်က ခပ်တိုးတိုး လေသံနဲ့ ပြောလိုက်သည်။

“ကျေးဇူးအများကြီးတင်ပါတယ် မြင့်မြတ်တဲ့ ဘိုးဘွား” ဟု တခြားနှစ်ယောက်က ပေစုယန်ကို အမီလိုက်ဖို့ လှည့်ပြီး ပြောလိုက်သည်။

ပေစုယန်သည် လမ်းများပေါ်တွင် ဖြတ်ကျော်ဝင်ရောက်လာစဉ် သူ့အား ရယ်မောနေသကဲ့သို့ ခံစားရသည်။ ဒေါသကြောင့် သူ့ပါးပြင်များ နီမြန်းလာသည်။ သူ့နောက်က ရင်းနှီးတဲ့ ခြေသံနှစ်ခုကို ကြားလိုက်တဲ့အခါ ပေစုယန်က ဒေါသတကြီးနဲ့ “အဲဒီလူတွေက ဘယ်သူလဲဆိုတာ မင်းသိလား” ဟု မေးလိုက်သည်။

သူတို့ထဲက တစ်ယောက်က “သူတို့က နဂါးဖြူမျိုးနွယ်စု” ဟု ချီတုံချတုံနဲ့ ပြောလိုက်သည်။

နဂါးဖြူမျိုးနွယ်စု.. ပေစုယန်၏ မျက်နှာသည် ဖြူဖျော့သွားသည်။ ထိုစကားသုံးလုံးသည် ခေါင်းလောင်းသံကဲ့သို့ ပဲ့တင်ထပ်သွားသည်။ ထိုအချိန်တွင် သူ့၌ ဒေါသအားလုံး ပြေပျောက်သွားသည်။ အဲဒါက သူမ ဒေါသမထွက်နိုင်တဲ့ မျိုးနွယ်စုတစ်ခုဖြစ်သည်။

“မင်းတို့ အချင်းချင်း စကားပြောချင်ပြောကြ.. ငါတို့ရှေ့ဆက်သွားလိုက်မယ်” ဟု ကောင်းဖန်နဲ့ ပဲ့ကျင်းယန်တို့က သီးသန့်စကားပြောစရာရှိနိုင်တာကြောင့် ပိုင်ယင်က ပိုင်ရှိကိုဆွဲခေါ်သွားသည်။

“ရှင်ဘာလို့ဒီကိုရောက်နေတာလဲ” ပေချင်းယန်က ခေါင်းခါရင်း ပြောလိုက်သည်။ “ရှင်က အခု အရှင်သခင်အဆင့် သားရဲလေ့ကျင့်သူ ဖြစ်နေပြီ... ဒါပေမယ့် ရှေးခေတ် မျိုးနွယ်စုမှာ ရှင့်လို အစွမ်းထက်တဲ့ သားရဲလေ့ကျင့်သူတွေ အများကြီး ရှိတယ်.. ယိုဟူမျိုးနွယ်စု အပေါ် ရှင့်ရဲ့ လုပ်ရပ်ကို မေ့သွားပြီလား”

“စိတ်မပူပါနဲ့.. ကျုပ်ပြင်ဆင်ထားပြီးပြီ” ဟု ကောင်းဖန်က ရိုးရိုးရှင်းရှင်းပြောလိုက်သည်။

ပဲ့ကျင်းယန်က သက်ပြင်းတစ်ချက်ချလိုက်သည်။ ကောင်းဖန်၏ဆုံးဖြတ်ချက်က တည်ကြည်ကြောင်း တွေ့မြင်ပြီးနောက်တွင် သူမသည် ဘာမှမပြောတော့ရန် ဆုံးဖြတ်လိုက်သည်။ သူမ ဆက်မပြောခင် ခဏလောက် မျက်တောင်ခတ်လိုက်ပြီး “ရှင်ဒီမှာရှိတာက....” ဟု မေးလိုက်သည်။

“ကမ္ဘာမြေကြီးဆီ စစ်ပွဲတစ်ခုရောက်လာတော့မယ်ဆိုတာ ကျုပ်ကြားမိတယ်.. ဒါကြောင့် ရှောင်လွှဲလို့မရတဲ့အရာကို နှောင့်နှေးဖို့ နည်းလမ်းရှာရမယ်လို့ ထင်တယ်” ဟု ကောင်းဖန်က သက်ပြင်းချပြီး ပြန်ဖြေလိုက်သည်။ စစ်ပွဲရပ်ဖို့ အစွမ်းအစက သူမှာ ရှိတယ်လို့တော့ မထင်မိပေ။ သို့တိုင်အောင် ကမ္ဘာမြေကြီးသည် စစ်မြေပြင်မဖြစ်မီ ကမ္ဘာမြေကြီးအား ခိုလှုံရန် အချိန်အနည်းငယ် ပေးသင့်သည်ဟု သူထင်သည်။

“ဟုတ်လား” ပဲ့ကျင်းယန် မျက်နှာပျက်သွားသည်။ ခဏအကြာတွင် သူမ၏ အေးစက်တဲ့တည်ငြိမ်မှုကို လျင်မြန်စွာ ပြန်လည်ရရှိသွားသည်။ “ဒီစစ်ပွဲက ဘယ်မျိုးနွယ်စုကိုမှ အရင်ဆုံး လှုပ်ရှားစေမှာ မဟုတ်ဘူး.. ဒါပေမယ့် ကမ္ဘာမြေပေါ်က အတားအဆီး ပျောက်ကွယ် သွားတဲ့အခါမှာတော့ ရှေးမျိုးနွယ်စုများက တိုက်ပွဲခေါ်ဖို့ မလုပ်ဆောင်ကြရင်တောင် သ‌န္ဓေပြောင်း မျိုးနွယ်လူများက ကမ္ဘာမြေကို စစ်ပွဲကို ခေါ်လာလိမ့်မယ်”

ခဏလောက်ရပ်ပြီး ပဲ့ကျင်းယန်က ဆက်ပြောလိုက်သည်။ “ရှင်တို့ ကမ္ဘာမြေလူသားတွေတင်မကဘူး.. ကျွန်မတို့မှာ ဘယ်သူမှ စစ်ဘေးက လွတ်မှာမဟုတ်ဘူး”

“တစ်စုံတစ်ယောက်ပြောခဲ့တဲ့ ‘သန္ဓေပြောင်း မျိုးနွယ်လူများ’ ဆိုတဲ့ နာမည်ကို ကျုပ်ကြားရတာ ဒါ ပထမဆုံးအကြိမ်တော့ မဟုတ်ပါဘူး.. ဒါပေမယ့် ဒီလူတွေက အတိအကျ..ဘယ်သူတွေလဲ”

ကောင်းကင်မှာ ကျယ်လောင်တဲ့ ပေါက်ကွဲသံက ကောင်းဖန်ကို အနှောင့်အယှက်ပေးလိုက်သည်။ လျှပ်စီးကြောင်းကဲ့သို့ ကောင်းကင်၌ အနက်ရောင်အကွဲကြောင်းတစ်ခု ပေါ်လာသည်။

သွယ်လျသော အနက်ရောင် ခြေသည်းနှစ်ချောင်း အက်ကွဲကြောင်းမှ ထွက်ပေါ်လာပြီး အဖွင့်၏ နှစ်ဖက်စလုံးကို ဆုပ်ကိုင်ထားသည်။ သွေးနီဥရောင် အလင်းတန်းများ အက်ကွဲကြောင်းနောက်ကွယ်မှ ပြည့်လျှံနေသည်။ နောက်အခိုက်အတန့်မှာတော့ ကောင်းကင်မှာ နီညိုရောင် နေမင်းကြီးက ထွက်ပေါ်လာပြီး သူ့ရဲ့ အပူရှိန်က သူ့ပတ်ဝန်းကျင်က နေရာတွေကို သိသိသာသာ ကွဲပြားသွားစေသည်။

“ဒီ နတ်ဘုရားတစ်ပိုင်က ဘယ်မျိုးနွယ်လဲ” ကောင်းဖန်က မေးလိုက်သည်။

“အဓိက မျိုးနွယ်စုသုံးစုမှာ နတ်ဘုရားတပိုင်းအဖြစ် ဖေးလျန်းကို မကြားဖူးပါဘူး.. ဒါက ကျွန်အတို့ထဲက တစ်ခုလို့တော့ မထင်ဘူး” ဟု ပဲ့ကျင်းယန်က စိတ်ရှုပ်စွာ ပြောလိုက်သည်။

[သားရဲ အမည်] - သွေးစွန်းနေသော ဖေးလျန်

[သားရဲ အဆင့်] - အဆင့် ၉၆ (နတ်ဘုရားတစ်ပိုင်း)

[သားရဲ စွမ်းရည်ဆင့်] - ဒဏ္ဍာရီ/ ဒဏ္ဍာရီ

[သားရဲ အမျိုးအစား] - မီး/ သွေး

[သားရဲ စွမ်းရည်] - သွေးနေ မီးမုန်တိုင်း အဆင့် ၈၊ ပိုမိုကောင်းမွန်သော ပြန်လည်ထုတ်လုပ်ခြင်း အဆင့် ၉ ၊ ထက်မြတ်သောလက်မ အဆင့် ၇ ၊ ဘေးကပ်ဆိုး မကောင်းမှုပြုလုပ်ခြင်း အဆင့် ၈

[သားရဲ နယ်မြေ] - အန္တရာယ်ကြီးမားသော နယ်ပယ်

[ကိုးကွယ်မှု အပိုင်း] - ရှေ့ခြေလက်အင်္ဂါများ၊ နှလုံး၊ အတောင်များ

[အထူးလက္ခဏာများ] - သွေးထွက်သံယိုနေရောင်ခြည် (ဖေးလျန်၏ခန္ဓာကိုယ်အတွင်း သွေးထွက်သံယို အသက်စွမ်းအားမှ ဖြစ်ပေါ်လာသော နေရောင်)

အကျိုးသက်ရောက်မှု ၁ - သွေးထွက်သံယိုနေရောင်ခြည်ကို အားကောင်းစေရန် သွေးစိမ်းများကို စုပ်ယူသည်။

အကျိုးသက်ရောက်မှု ၂ - ၎င်းသည် သွေးထွက်သံယိုနေရောင်ခြည်ကို အလိုအလျောက် အသက်သွင်းနိုင်ပြီး ၎င်း၏လမ်းကြောင်းရှိ အရာအားလုံးကို ဖျက်ဆီးရန် ၎င်း၏ အဖျက်စွမ်းအားများကို အသုံးချနိုင်သည်။

အန္တရာယ် ( ဖေးလျန်း ၊ ကံဆိုးခြင်း၏ သင်္ကေတ ၊ သွေးစွန်းသော အလင်းရောင် သည် ၎င်း၏ လမ်းကြောင်း တွင် စွန်းထင်းနေသည်။)

အကျိုးသက်ရောက်မှု ၁ - ၎င်း၏သားကောင်များ၏ အသက်စွမ်းအားကို သူ့အတွက် အားကောင်းစေရန် အသုံးပြုနိုင်သည်။

အကျိုးသက်ရောက်မှု ၂ - တိုက်ပွဲအတွင်း ၎င်း၏ပြိုင်ဘက်များသည် ၎င်းတို့၏ကံကြမ္မာကို ဖြည်းညှင်းစွာ ဆုံးရှုံးသွားမည်ဖြစ်သည်။

[သားရဲ အားနည်းချက်] - ၁။ ၎င်း၏ ဝမ်းဗိုက်တစ်ဝိုက်ရှိ ခုခံအားများသည် အလွန်အားနည်းသည်။ ၂။ ထျန်ယင်း ကြယ်ပွင့်ကို နှောင့်ယှက်ခြင်းဖြင့် ၎င်း၏ ပြန်လည်ရှင်သန်နိုင်စွမ်းကို အားနည်းသွားစေနိုင်သည်။

[ဖော်ပြချက်] - ဖေးလျန်သည် အထီးကျန်ခြင်းနှင့် ပျက်စီးခြင်းတို့ကို ကိုယ်စားပြုသော ရှေးခေတ်၏ မကောင်းသော လွှမ်းမိုးမှု များထဲမှ တစ်ခုဖြစ်သည်။ ၎င်း၏ပုံသဏ္ဍာန်သည် ပိုးဟပ်တစ်ကောင်ဖြစ်ပြီး ၎င်း၏သဘောသဘာဝမှာ ရက်စက်ကြမ်းကြုတ်ပြီး သွေးဆာနေတတ်သည်။ မွေးဖွားလာပြီးနောက် ဖေးလျန်သည် ၎င်း၏ညီအကိုမောင်နှမများအားလုံးကို သူတစ်ကောင်ထဲကျန်သည် အထိ စားသောက်ခဲ့သည်။

ဖေးလျန်၏ ကြောက်စရာကောင်းသော အသံသည် ကောင်းကင်နှင့် မြေကြီးကို တုန်လှုပ်သွားစေသည်။ “မင်းတို့ ကြိုက်သလို ပြေးကြ.. ဒါပေမယ့် မင်းတို့လိုပိုးကောင်တွေက ငါ့ဆီကနေ ပြေးစရာ မရှိဘူး ဆိုတာ အခု သိသင့်တယ်”