အခန်း (၈၂၆-၈၃၀)

အခန်း ၈၂၆ ကျန်းဝမ်ဟောက် သဝန်တိုခြင်း

“ဟုတ်တယ်၊ ငါတို့နောက်ဆုံးတော့ တွဲဖြစ်သွားပြီ!” အမျိုးသားမှာ ပျော်ရွှင်စိတ်လှုပ်ရှားမှု အပြည့်ဖြင့်ပြန်ဖြေပေသည်။ သူသည် ကျန်းဝမ်မေ့ကို အလွန်သဘောကျကာ အမြဲပိုင်ဆိုင်သွားချင်ခဲ့သည်။ အခုတော့ ကျန်းဝမ်မေ့က သူ့ချစ်သူမိန်းကလေးဖြစ်ဖို့ သဘောတူလိုက်ပြီဖြစ်တာကြောင့် ယနေ့ညသည် သူ့ဘဝအတွက်အကောင်းဆုံးသောညလေးပင်။

အခြားလူများမှာ ရယ်မောလိုက်ကြပြီး ဆက်လက်စနောက်ကြသည်။

ည၁၂နာရီကျော်သည်အထိ သူတို့မပြန်ခဲ့ကြပေ။

ထိုအချိန်တွင်ပဲ ကျန်းဝမ်မေ့ဖုန်းမှ မြည်သံထွက်လာကာ ခေါ်ဆိုသူသည်တော့ ကျန်းဝမ်ဟောက်ပင်။ သူက သူမအခုဘယ်မှာလဲဟုမေးကာ လာကြိုမည့်အကြောင်းပါပြောလာသည်။

ကျန်းဝမ်မေ့တွင် ချစ်သူရှိသွားပြီဖြစ်ပေမည့် ချက်ချင်းကြီးတော့ တစ်ညတာကုန်ဆုံးပေးမည်မဟုတ်တာကြောင့် ကျန်းဝမ်ဟောက်ကို သူမရှိနေသည့်လိပ်စာအား ပြောပြလိုက်သည်။

သူမချစ်သူမှာ အနည်းငယ်စိတ်ပျက်သွားရသော်လည်း အခုချက်ချင်းကြီး သူဖြစ်ချင်တာမှန်သမျှ ကျန်းဝမ်မေ့ကို တောင်းဆိုဖို့မဖြစ်နိုင်သေးကြောင်းလဲ နားလည်ကာ ကျန်းဝမ်မေ့အပေါ် လေးစားမှုထားပေးသည်။

မိနစ်၂၀ကျော်ကြာပြီးနောက် ကျန်းဝမ်ဟောက်ရောက်လာကာ အမူးလွန်ပြီး လမ်းဖြောင့်ဖြောင့်မလျှောက်နိုင်ဖြစ်နေသည့် ကျန်းဝမ်မေ့ကို သူမချစ်သူကပဲ တွဲကာပို့ပေးသည်။

ရုတ်တရက် ထိုမြင်ကွင်းမျိုးကို မြင်လိုက်ရတော့ ကျန်းဝမ်ဟောက် မျက်မှောင်ကြုတ်သွားကာ၊ “မင်းဘာလို့ ဒီလောက်အများကြီးသောက်လာရတာလဲ? ငါသာ လာမကြိုရင် ဘယ်လိုများအိမ်ပြန်မလဲ?” ကျန်းဝမ်မေ့ကို ပြေးတွဲရင်း အပြစ်တင်လိုက်သည်။

“ငါ ဒီနေ့ အရမ်း-အရမ်းကို ပျော်နေတယ်၊ ဒါကြောင့် သောက်တာ!” နောက်တော့ ကျန်းဝမ်မေ့က သူမသူငယ်ချင်းများဘက်ကို လှည့်ကာ နှုတ်ဆက်လိုက်သေးသည်။ “ဘိုင့်-ဘိုင်၊ နောက်မှတွေ့ကြတာပေါ့။”

ကျန်းဝမ်မေ့သည် ယနေ့ပဲ သူမချစ်သူရသွားပြီဆိုသည့်အကြောင်းကို ကျန်းဝမ်ဟောက်အားမပြောပြသေးပေ။

သူမချစ်သူကလဲ နားလည်မှုရှိတာကြောင့် ထိုကိစ္စနှင့်ပတ်သတ်ပြီး အတင်းအကြပ်ဖွင့်ပြောခိုင်းခြင်းမျိုးမရှိပေ။

ကျန်းဝမ်ဟောက် ကားကိုမောင်းနေရက်ကနေပြီး ရုတ်ရက် မေးခွန်းတစ်ခုထုတ်မေးလိုက်သည်။ “အစောက တွဲပို့တဲ့တစ်ယောက်က မင်းကိုပိုးပန်းနေတယ်ဆိုတဲ့လူလား?”

“အိုး၊ ဘယ်လိုလုပ်သိတာလဲ?” ကျန်းဝမ်မေ့ သတိလက်လွတ်ပြန်မေးမိသွားသည်။

“သူကြည့်နေတဲ့အကြည့်တွေကနေ သိတာပေါ့။ မင်းရော သူ့အပေါ် ဘယ်လိုခံစားရလဲ?”

“နင်သိသွားပြီဆိုမှတော့ ဆက်ပြီးဖုံးကွယ်မနေတော့ပါဘူး။ သူအခုပဲ ငါ့ချစ်သူဖြစ်သွားပြီ!”

ထိုအဖြေကြောင့် ကျန်းဝမ်ဟောက် တုန်လှုပ်သွားကာ မနာလိုစိတ်များဖုံးလွှမ်းလာပြီး ရုတ်တရက် မကောင်းသည့်အကြံတစ်ခုက စိတ်ထဲပေါ်လာတော့သည်။

“မင်းအရမ်းမူးနေပြီ၊ အိမ်မပြန်နဲ့တော့၊ မဟုတ်ရင် မိဘတွေ ဆူနေလိမ့်မယ်။ မင်းတိုက်ခန်းဘက်ပဲသွားရင်မကောင်းဘူးလား?”

“ရတယ်လေ!” ကျန်းဝမ်မေ့လဲ အဆူမခံချင်တာကြောင့် လက်ခံလိုက်သည်။

ချမ်းသာသည့်ကလေးတစ်ယောက်ဖြစ်တာကြောင့် သူမတွင်လဲ သူမနာမည်ပေါက်နှင့်အိမ်များစွာရှိသည်။

ထို့နောက် ကျန်းဝမ်ဟောက်က သူတို့ရောက်နေသည့်နေရာနှင့်အနီးဆုံးတွင်ရှိသည့် ကျန်းဝမ်မေ့၏တိုက်ခန်းတစ်ခုသို့ ဦးတည်လိုက်သည်။

တိုက်ခန်းသို့ရောက်ပြီးနောက် ကျန်းဝမ်မေ့ ရေသွားချိုးနေချိန် ကျန်းဝမ်ဟောက် ရေတစ်ခွက်ခပ်ကာ အထဲသို့ ဆေးတစ်မျိုးထည့်လိုက်သည်။

ခဏအကြာတွင်တော့ ကျန်းဝမ်မေ့ ရေချိုးခန်းထဲမှပြန်ထွက်လာကာ ပါးလွှသည့်ညအိပ်ဝတ်စုံတစ်စုံကို ဝတ်လာခဲ့သည်။ ကျန်းဝမ်ဟောက်လဲ သူမနှင့်တစ်ခန်းထဲမှာပင်ရှိနေသေးသည်ဆိုလျှင်တောင် ထိုအရာက မသင့်တော်ဟု တွေးနိုင်ဖို့ပင် ကျန်းဝမ်မေ့၏အသိစိတ်က မကပ်နေပေ။ ဒါကြောင့်ပဲ ကျန်းဝမ်မေ့၏ ကျန်းဝမ်မေ့၏ တစ်ပိုင်းတစ်စလစ်ဟာနေသည့် အသားအရေကို ကြည့်ရင်း ကျန်းဝမ်ဟောက်၏လိုအင်ဆန္ဒများ ပိုလို့တိုးပွားလာရသည်။

“မအိပ်ခင် ရေလေးအရင်သောက်လိုက်ဦး၊ ပြီးရင် ငါအိမ်ပြန်တော့မယ်။” ကျန်းဝမ်ဟောက်က ရေခွက်ကိုကမ်းပေးလိုက်သည်။ ကျန်းဝမ်မေ့လဲ ထွေထွေထူးထူးတွေးမနေဘဲ ရေကိုသောက်လိုက်ကာ မကြာလိုက်ပဲ အလွန်အိပ်ချင်စိတ်ဖြစ်လာတာကြောင့် အိပ်ရာပေါ်သို့တက်သွားပြီး မကြာလိုက်ပါဘဲ နှစ်နှစ်ခြိုက်ခြိုက်အိပ်ပျော်သွားတော့သည်။

ကျန်းဝမ်မေ့အိပ်ပျော်သွားချိန်တွင် ကျန်းဝမ်ဟောက်သည် ပြောထားသလို ပြန်သွားခြင်းမရှိဘဲ ကျန်းဝမ်မေ့၏ ခန္ဓာကိုယ်ကောက်ကြောင်း တစ်လျှောက်ကိုသာ ဆာလောင်သည့်အကြည့်ရိုင်းများဖြင့် စိုက်ကြည့်နေပြီး အသက်ရှူသံများကလဲ ပြင်းထန်လာခဲ့သည်။

နောက်တော့ ကျန်းဝမ်ဟောက် အိပ်ရာပေါ်သို့အသာလေးတက်သွားကာ ကျန်းဝမ်မေ့ပေါ် အုပ်မိုးလိုက်ပြီး သူမကို ထိကြည့်လိုက်ပေမည့် တစ်ဖက်ကတော့ ပြန်လည်တုံ့ပြန်ခြင်းမရှိပေ။ ဆေးအရှိန်ကြောင့် ကျန်းဝမ်မေ့ လုံးဝသတိမရှိသလို အိပ်ပျော်လို့သွားပေပြီ။ အခုချိန် သူမကိုဘာလုပ်လုပ် သူမသိတော့မည်မဟုတ်ပေ။

“ဘာလို့များလဲ? ဘာလို့များ မင်းက ငါ့ညီမဖြစ်နေရတာလဲ? ဘာကြောင့်လဲ?” ကျန်းဝမ်ဟောက် ဝမ်းနည်းစွာဖြင့်ပြောလိုက်သည်။ ဒီမိန်းကလေးကို သူနှင့်သွေးတော်စပ်သည့်ညီမတစ်ယောက်အဖြစ် ဘယ်လိုမှမသတ်မှတ်နိုင်ပေ။

“မင်းသာ အဖေ့ရဲ့သမီးအရင်းမဖြစ်လာခဲ့ရင် အားလုံးအဆင်ပြေနေမှာ။”

“လူတိုင်းက မင်းကို မောက်မာ ရိုင်းစိုင်းတယ်လို့ပြောနေရင်တောင်မှ ငါလက်ခံပေးနိုင်တယ်၊ မင်းကို ဒီထက်မက အလိုလိုက်ပေးနိုင်တယ်။”

“မင်းကို သဘောကျနေတဲ့သူရှိမှန်းသိရကတည်းက ငါမပျော်ရွှင်တော့ဘူး။”

“မင်းမှာ ချစ်သူရှိသွားပြီဆိုတာ သိလိုက်ရတော့ ငါပိုပြီး သဝန်တိုလာမိတယ်။”

“မင်းရည်စားထားတာကို ငါနှစ်ကြိမ်တိတိဖြတ်ဖူးပြီးပြီ။ သူတို့ မင်းကို ထိတွေ့တာ၊ နမ်းတာတွေ၊ မင်းနဲ့အိပ်တာတွေကို ငါဘယ်လိုမှလက်မခံနိုင်ဘူး။ သူတို့ကို ဆုတ်ပြတ်သတ်သွားအောင်တောင် လုပ်ပစ်ချင်တာ!”

………..

ကျန်းဝမ်ဟောက် စကားများပြောရင်းဖြင့် ကျန်းဝမ်မေ့ကို ထိတွေ့ နမ်းရှုံ့နေခဲ့သည်။

ကျန်းဝမ်မေ့ကတော့ အိပ်ပျော်နေပြီး ဘာမှမတုံ့ပြန်နိုင်တာကြောင့် ကျန်းဝမ်ဟောက်ကသာ အရာရာတိုင်းဦးဆောင်သွားသည်။

“မင်းနိုးနေတဲ့အချိန်မှာ ငါမင်းကို မချစ်နိုင်မှတော့ မင်းအိပ်ပျော်နေတဲ့အချိန်မှာပဲ ချစ်ရမှာပေါ့။”

ကျန်းဝမ်မေ့နှင့် သူမ၏လက်ရှိရည်းစားတို့ မကြာခင်အချိန်အတွင်း အတူအိပ်ကြတော့မည့်အကြောင်း တွေးမိသွားသည်နှင့် ကျန်းဝမ်ဟောက် ပိုလို့ပင် မနာလိုဝန်တိုဖြစ်လာရကာ သူမကိုယ်ကို ပြင်းပြင်းထန်ထန် ထိတွေ့တော့သည်။ သို့ပေမည့် ကျန်းဝမ်မေ့ နိုးလာချိန်တွင် သူမခန္ဓာကိုယ်မှထူးခြားမှုကို သတိထားမိသွားမည်စိုးတာကြောင့် အချိန်သိပ်မယူဘဲ သူ့အတွက်လုံလောက်သည်ဟု ခံစားရသည်နှင့် သူမကို အဝတ်အစားများပြန်လည်ဝတ်ဆင်ပေးကာ ထွက်သွားတော့သည်။

……….

နောက်တစ်နေ့မနက်၌၊

မနက်၈နာရီလောက်တွင်ပဲ ကုနင်းထံသို့ ကျီပိုင်ယင်းဆက်သွယ်လာကာ ထန်ဖေးကလပ်တွင် ၁၀နာရီတွေ့ကြဖို့ပြောလာသည်။

ထန်းဖေးကလပ်သည် ကီရင်းဂိုဏ်းမှပိုင်သည့် အားကစားကလပ်တစ်ခုဖြစ်ကာ မြင်းစီး၊ ကားပြိုင်၊ သေနတ်ပစ် အစရှိသည့် ကစားနည်းမျိုးစုံရှိပေသည်။

ထန်းဖေးကလပ်သည် ပြိုင်ကွင်းများစွာပါသည့် နေရာကျယ်ကြီးဖြစ်တာကြောင့် မြို့ထဲနှင့် အလှမ်းဝေးဝေးတွင်တည်ရှိသည်။ ဒါကြောင့်ပဲ လမ်းမပိတ်လျှင်တောင် မြို့ထဲမှနေပြီး ထိုနေရာသို့ မိနစ်၄၀လောက် ကားမောင်းရပေသည်။ ကျီပိုင်ယင်းက ၂နာရီစောပြီး ဆက်သွယ်လာတာကြောင့် ကုနင်းအတွက် အချိန်လုံလောက်နေစဲပင်။

မနက်စာစားပြီး ၈:၄၀နာရီတွင် ကုနင်းအိမ်မှထွက်လာခဲ့သည်။ မနက်ပိုင်းရုံးသွားချိန်ဖြစ်၍ လမ်းက ပိတ်နေသေးတာကြောင့် ကုနင်းတို့အဖွဲ့ တစ်နာရီလောက်မောင်းခဲ့ရသည်။

ကျီပိုင်းယင်းကတော့ ရောက်နေနှင့်ပေပြီ။

သူတို့နှစ်ဖွဲ့ ဝင်ပေါက်တွင်ပင် စုံခဲ့ကြသည်။ ယနေ့အားကစားပြိုင်ပွဲလုပ်ကြမည်ဖြစ်၍ အားလုံး ပေါ့ပါးသည့် အားကစားဝတ်စုံများသာ ဝတ်ဆင်ထားကြတာကြောင့် ငယ်ရွယ်ကာ ကျန်းမာသန်စွမ်းလှသည့် လူငယ်များဖြစ်ကြောင်း ပိုလို့မြင်သာလှသည်။

***

အခန်း ၈၂၇ ကျီပိုင်ယင်း ထပ်ရှုံးပြန်ပြီ

ကုနင်း ဘာမိတ်ကပ်မှမလိမ်းထားပေမည့် ကျီပိုင်ယင်းကတော့ လိမ်းထားပေသည်။ ကုနင်း၏ အသားအရေ အရမ်းကောင်းမှန်း အခုမှသာ ကျီပိုင်ယင်း သတိထားမိတော့သည်။

“ဝါး၊ နင်ဘာအောက်ခံမိတ်ကပ်လိမ်းတာလဲ? နင့်ကြည့်ရတာ မိတ်ကပ်မလိမ်းထားသလိုတောင် ထင်ရတယ်။” အမျိုးသမီးတိုင်းသည် သူတို့၏အသွင်အပြင်ကို ဂရုစိုက်ကြတာကြောင့် ကျီပိုင်ယင်းလဲ ကုနင်းနှင့် အတော်အတန်မတည့်တာတောင်မှ သိချင်နေတုန်းပင်။

ကုနင်း ဂုဏ်ယူစွာဖြင့် ပြုံးလိုက်ကာ၊ “ငါဘာအောက်ခံမှမလိမ်းထားဘူးလေ။ စီရမ်ရယ်၊ မျက်နှာလိမ်းအဆီရယ်၊ တိုနာလေးရယ်ပဲသုံးထားတာ။ ဘာမိတ်ကပ်မှမလိမ်းထားဘူး။” ကျီပိုင်ယင်း ပိုစိတ်ဝင်စားလာစေရန် ကုနင်း ပိုပိုသာသာ ကြွားပြောလိုက်သည်။

“ဘာ?” ကျီပိုင်ယင်း အံ့ဩသွားတော့သည်။ “နင်လာနောက်နေတာပဲ။ ဘယ်လိုလုပ်များ ဘာမိတ်ကပ်မှမလိမ်းဘဲနဲ့ နင့်အသားအရေက ဒီလောက် ချောမွတ်နေမှာလဲ?”

“ပြောရရင်တော့ အသားအရေထိန်းပစ္စည်းတွေက အရမ်းကို အရေးကြီးတယ်လေ။”

“နင် ဘယ်တံဆိပ်ကိုသုံးလို့လဲ?”

“ခိုကျီ။”

“ခိုကျီ? ငါတစ်ခါမှမကြားဖူးဘူး။” ကျီပိုင်ယင်း မျက်မှောင်ကြုတ်သွားသည်။ သူမသည် နိုင်ငံတကာသုံးအလှကုန်အမှတ်တံဆိပ်များစွာနှင့် ရင်းနှီးမှုရှိပေမည့် ခိုကျီအကြောင်းကိုတော့ တခါမှမကြားဖူးပေ။

“အဲ့ဒါက အမှတ်တံဆိပ်အသစ်လေ။ အခုတော့ အရမ်းနာမည်မကြီးသေးဘူးဆိုပေမယ့် အာဏိသင်ကတော့ မသေးဘူး။” ကုနင်း စတင်ကာ သူမ၏ကုမ္ပဏီအကြောင်း ကြော်ငြာဝင်တော့သည်။ “ငါ့ရဲ့သက်တော်စောင့်လဲ အဲ့ဒီတံဆိပ်ပဲသုံးတာ။ သူလဲ အခုဘာမိတ်ကပ်မှမလိမ်းထားဘူး။ ဒါပေမယ့် သူသုံးတာက ရက်ပိုင်းပဲရှိသေးလို့ ငါ့အသားအရေလောက်တော့ မကောင်းသေးဘူး။”

ကုနင်း ချောင်ယပြန်လာတုန်းကပဲ ခိုကျီအသားအရေထိန်းပစ္စည်းအစုံလိုက်ပေးထားခဲ့သည်။

ချောင်ယ၏အသားအရေသည် နှစ်ပေါင်းများစွာ နေပူပြင်းပြင်းထဲ လေ့ကျင့်ရေးဆင်းခဲ့ရတာကြောင့် အနည်းငယ်ကြမ်းတမ်းနေပေမည့် ခိုကျီကိုသုံးပြီးနောက် ပိုကောင်းလာခဲ့သည်။

ထို့နောက် ကျီပိုင်ယင်းလဲ ချောင်ယကို လှမ်းကြည့်လိုက်သည်။ ချောင်ယ၏အသားအရေသည် ကုနင်းလောက် မကောင်းသော်လည်း သာမာန်လူများထက်တော့ သာနေစဲပင်။ ကျီပိုင်ယင်း၏သက်တော်စောင့် နန် ပင်လျှင် ဆွဲဆောင်ခံလိုက်ရတော့သည်။

ကျီပိုင်ယင်း ဘာမှမပြောတော့သော်လည်း တစ်နေ့တော့ ခိုကျီတံဆိပ်ကို စမ်းသုံးကြည့်ဖို့ စိတ်ထဲမှတ်ထားလိုက်သည်။

“နင်ဘာအရင်ကစားချင်လဲ?” ကျီပိုင်ယင်းက ကုနင်းကို ဦးစားပေးကာ ရွေးချယ်စေသည်။

“နင်ကြိုက်တာကစားပါ။”

“ဒါဆို မြင်းစီးပြိုင်ကြရင်ရော?”

“ရတယ်လေ။” ကုနင်း သဘောတူလိုက်တာကြောင့် အားလုံး မြင်းစီးကွင်းရှိရာသို့ ထွက်လာကြသည်။

အစကတည်းက ချီထျန်းလင်က သူတို့ကို ဝန်ဆောင်မှုပေးရန်အတွက် ဝန်ထမ်းများ ကြိုတင်စီစဉ်ပေးထားတာကြောင့် စာရင်းသွင်းဖို့ ငွေချေဖို့တွေ လုပ်နေစရာမလိုဘဲ မြင်းရွေးဖို့ တန်းသွားနိုင်သည်။

မြင်းကောင်းတစ်ကောင်ရွေးဖို့ဆိုတာ အချိန်ပေးဖို့တော့ လိုလှသည်။

မနက်ပိုင်းတွင် ဝန်ထမ်းများသည် မြင်းများအခြေအနေကောင်းမကောင်းသိရစေရန် ကွင်းထဲ၌ အကြိမ်ရေးအနည်းငယ်ပတ်စီးနေကြသည်။ ဒီလိုသာဆို နေမကောင်းသည့် အားနည်းနေသည့် မြင်းများရှိပါက ထိုနေရာတွင် တစ်ခါတည်း အစားထိုးထားနိုင်လိမ့်မည်။

ကျီပိုင်ယင်းသည် မြင်းများနှင့်အလွန်ရင်းနှီးတာကြောင့် သိပ်မကြာလိုက်ပါဘဲ သူမကို ကျေနပ်စေသည့် မြင်းတစ်ကောင်ကို ရွေးနိုင်သွားသည်။

ကုနင်းလဲပဲ မြင်း၏ခန္ဓာကိုယ်အခြေအနေကို ကြည့်ကာရွေးချယ်ခဲ့ပေမည့် ဒီတစ်ကြိမ်တော့ မှော်စွမ်းအားကို မသုံးခဲ့ပေ။

မြင်းများရွေးပြီးနောက်တွင်တော့ ပြိုင်ပွဲစတင်တော့သည်။

အစပိုင်းတွင်တော့ ပြင်ဆင်သည့်အနေဖြင့် ကုနင်းနှင့်ကျီပိုင်ယင်းတို့ သူတို့မြင်းများကို ဖြည်းဖြည်းသာ စီးနေကြသည်။

ကျီပိုင်ယင်းသည် သူမက ကျွမ်းကျင်စီးနင်းသူတစ်ယောက်ဖြစ်နေရုံနှင့် ကုနင်းကိုတော့ လျှော့မတွက်ထားပေ။ ကုနင်းသည် အတိုက်အခိုက်နှင့် လောင်းကစားတွေ ထူးချွန်ကာ သူမနှင့်ယှဉ်ပြိုင်ဖို့ကိုလဲ အလွယ်တကူသဘောတူလိုက်မှတော့ ကုနင်းတွင် သူမကိုယှဉ်နိုင်မည်ဟု ယုံကြည်ချက်ရှိရပေမည်။

ဤတစ်ကြိမ်တွင် သူမကိုယ်ပိုင်အရည်အချင်းပေါ်သာ မှီခိုမည်ဖြစ်တာကြောင့် ကုနင်းလဲပဲ အလေးအနက်ထားကာယှဉ်ပြိုင်သည်။

“ဘန်း!” သေနတ်ပစ်သံတစ်ချက်ပေါ်လာသည်နှင့် ကုနင်းနှင့်ကျီပိုင်ယင်းတို့လဲ မြင်းများကို ဒုန်းစိုင်းစီးကြတော့သည်.

အစပိုင်းတွင်တော့ နှစ်ဦးသား လက်ရည်တူနေကြပေမည့် ကျီပိုင်ယင်းက ကုနင်းကို ၁မီတာ၂မီတာလောက်ကျော်တက်သွားကာ မကြာခင်တွင်ပဲ ကုနင်းပြန်မှီသွားခဲ့သည်။ နောက်ဆက်ပြီး ထိုအတိုင်း သွားနေကြတာကြောင့် ဘယ်သူနိုင်လို့ နိုင်မည်မှန်း မခန့်မှန်းနိုင်ကြပေ။ ကျီပိုင်ယင်းတောင်မှ သူမကိုယ်သူမယုံကြည်ချက် သိပ်မရှိတော့ပေမည့် အဆုံးထိလက်မလျှော့ခဲ့ပေ။

ပန်းတိုင်က သူမတို့အနားသို့ လျင်လျင်မြန်မြန်ချဉ်းကပ်လာပေမည့် မြင်းနှစ်ကောင်ကတော့ တစ်ကောင်နှင့်တစ်ကောင် ရှေ့မရောက်နောက်မရောက် အနေအထားမှာပင် ရှိနေတုန်းဖြစ်သည်။

၁၀မီတာအလို၊ ၉မီတာအလို၊ ရုတ်တရက် ကုနင်း အဆုံးသတ်မျဉ်းနှင့် ၈မီတာအလိုမှာပဲ ကျီပိုင်ယင်းကို ကျော်တက်သွားခဲ့သည်။ အဆုံးတွင်တော့ ကုနင်းက ကျီပိုင်ယင်းကို ၂မီတာအကွာနှင့်အနိုင်ရသွားခဲ့သည်။

ကုနင်းအနိုင်ရသွားသော်လည်း သူမအကောင်းဆုံးကြိုးစားခဲ့ပြီးကာမှ ကျီပိုင်ယင်းကို လက်မတင်လေးအနိုင်ရခဲ့တာကြောင့် ကျီပိုင်ယင်း၏ မြင်းစီးအရည်အချင်းကို လေးစားမိသည်။

“ငါရှုံးသွားပြီ။” ကျီပိုင်ယင်းက ရလဒ်ကိုလိုလိုလားလား လက်ခံပေသည်။ သူမစိတ်ပျက်နေမိသော်လည်း ကုနင်းကို ပိုလို့သဘောကျလာမိသည်။ အရင်ကလဲ အရည်အချင်းရှိသူများစွာနှင့် သူမတွေ့ဆုံဖူးပေမည့် ကုနင်းကတော့ သူမကို အခုထိ အံ့ဩအောင် လုပ်ဆောင်နေစဲပင်။ ကုနင်းက ဉာဏ်ကြီးရှင်ပဲ ဖြစ်ရမယ်!

“သီသီလေး ကျော်သွားတာပဲ။” ကုနင်း နှိမ့်ချကာပြောလိုက်သော်လည်း အမှန်တရားလဲဖြစ်သည်။

ကျီပိုင်ယင်းအပေါ် ကုနင်း သဘောမကျခဲ့သော်လည်း တဖြည်းဖြည်းနှင့် အမြင်များပြောင်းလာခဲ့သည်။ ကျီပိုင်ယင်းသည် မိန်းမဆိုးလေမဟုတ်ဘဲ ကျိုးကြောင်းဆင်ခြင်တတ်ကာ သူမလုပ်ရပ်အတွက် ရလဒ်ကိုလဲ လက်ခံနိုင်သူဖြစ်သည်။

သူတို့ရဲ့ပထမဆုံးတွေ့ဆုံခြင်းက မကောင်းလှတာကြောင့်ပဲ သူတို့ချင်း ရန်ငြှိုးရှိလိုဖြစ်နေခြင်းပင်။ ရန်ငြှိုးတွေလဲ ကျန်ခဲ့ပြီဆိုမှတော့ သူတို့သူငယ်ချင်းကောင်း ဖြစ်လာနိုင်မည်ဟု ကုနင်းထင်မိသည်။ ကျီပိုင်ယင်း၏အကျင့်စရိုက်နှင့် မိသားစုနောက်ခံကြောင့် ကုနင်း သူမနှင့် ရည်ရှည်ရန်ငြှိုးဖွဲ့နေဖို့ ရည်ရွယ်ချက်မရှိပေ။

“အဲ့လောက် မနှိမ့်ချနေပါနဲ့။ နင်က နိုင်တဲ့သူပဲ၊ ရလဒ်ကိုငါလက်ခံနိုင်ပါတယ်။” ကျီပိုင်ယင်းပြောပြီးသည်နှင့် မာနလေးဖြင့် လှည့်ထွက်သွားတော့သည်။

ကုနင်း ပြုံးသာပြုံးလိုက်ပြီး သူမနောက်မှလိုက်သွားသည်။

ထို့နောက် သူမတို့ သေနတ်ပစ်ကွင်းသို့သွားခဲ့သည်။

သေနတ်များက အဆင်သင့်ဖြစ်နေပြီဖြစ်ကာ တစ်ယောက်ကို ကျည်၁၀တောင့်ပေးထားသည်။ သူတို့တစ်ပြိုင်တည်းပစ်ကြမည်မဟုတ်ဘဲ တစ်ယောက်ချင်းစီကိုမှ ကျီပိုင်ယင်းက အရင်ပစ်ပေလိမ့်မည်။

သူမသေနတ်ကို မြှောက်လိုက်ကာ ပစ်မှတ်ကိုချိန်လိုက်သည်။ အချက်ပေါင်းများစွာပစ်ပြီးနောက် အကြိမ်ရေများစွာက အနီရောင်ပစ်မှတ်ကိုထိကာ လွဲချော်သွားသည့်အချက်အနည်းငယ်လဲရှိသည်။ အဆုံးမှာတော့ ကျီပိုင်ယင်းက ၉၇မှတ်ရခဲ့သည်။ သူမက အနီမှတ်ကို၈ခေါက်၊ ၉မှတ်တစ်ခေါက်၊ ၈မှတ်ကိုတစ်ခေါက် ထိမှန်ခဲ့ခြင်းပင်။

ဒါက အရမ်းကိုကောင်းသည် ရမှတ်ဖြစ်ကာ ကျီပိုင်ယင်း၏ပုံမှန် လုပ်ဆောင်ချက်လဲဖြစ်သည်။ တခါတလေဆို သူမသည် ရနိုင်ခဲလှသည့် ၉၉မှတ်အထိရအောင် ပစ်နိုင်ပေသည်။ ကျီပိုင်ယင်းသည် သူမ၏လက်ရှိရမှတ်အပေါ် ကျေနပ်လို့နေကာ ကုနင်း သူမကိုမကျော်သွားဖို့လဲ မျှော်လင့်နေခဲ့သည်။ သူမဘဝမှာ အခုလောက် တစ်ခါမှမစိုးရိမ်ခဲ့ဖူးပေ။

ကုနင်းအလှည့်ရောက်လာခဲ့သည်။ သူမ၏သေနတ်ကိုင်ပုံအနေအထားကို ကျီပိုင်ယင်းမြင်လိုက်သည်နှင့် ကုနင်းသည် ကျွမ်းကျင်သေနတ်ပစ်သမားတစ်ယောက်ဖြစ်မှန်း သိလိုက်သည်။

အချက်ပေါင်းများစွာပစ်ခဲ့ပြီးနောက် ပစ်ချက်တိုင်းက အနီရောင်ပစ်မှတ်ကိုပဲ ထိမှတ်ခဲ့ကာ အားလုံးကို ထိတ်လန့်သွားစေခဲ့သည်။

ကုနင်းသည် ကျီပိုင်ယင်းပစ်သွားသည့်အချိန်၏ တစ်ဝက်မျှသာ သုံးခဲ့ပေမည့် အချက်တိုင်းက အနီရောင်အမှတ်ကိုထိကာ ရမှတ်၁၀၀ ရသွားသည်။

“နင်-နင်ဘယ်လိုပစ်လိုက်တာလဲ?” ကျီပိုင်ယင်း မယုံကြည်နိုင်စွာ ကြည့်နေမိတော့သည်။

***

အခန်း ၈၂၈ သူငယ်ချင်းလုပ်ကြရအောင်!

ကုနင်းဘက်မှကြည့်လျှင်တော့ အမှတ်ပြည့်ရအောင် သေနတ်ပစ်နိုင်ခြင်းမှ ကြီးမားသည့် ကိစ္စမဟုတ်တာကြောင့် သာမာန်ကာလျှံကာသာ ပြန်ဖြေလိုက်သည်။ “ဒီလိုပဲပစ်လိုက်တာလေ။” သူမလေသံအရ ကိုယ့်ကိုကိုယ် အရမ်းဂုဏ်ယူနေပုံပေါ်ကာ အနည်းငယ် စိတ်တိုချင်စရာကောင်းလှပေမည့် ကျီပိုင်ယင်းကတော့ ဒေါသထွက်ခြင်းမရှိဘဲ ကုနင်းကို သူမ၏အိုက်ဒေါအဖြစ်တောင် မှတ်ယူလိုက်တော့သည်။

“ငါတို့ သူငယ်ချင်းလုပ်ကြရအောင်! နင် ငါ့ကိုသေနတ်ပစ်နည်းသင်ပေးလေ။ ပြောပြစမ်းပါ၊ ဒီလောက် မြန်မြန်ဆန်ဆန်၊ တည်တည်ငြိမ်ငြိမ်နဲ့ တိကျအောင် ဘယ်လိုများပစ်လိုက်တာလဲ?” ရုတ်တရက်ဆိုသလို ကျီပိုင်ယင်းက ကုနင်း၏လက်မောင်းကို ဆွဲလှုပ်ရမ်းကာ စိတ်လှုပ်ရှားစွာဖြင့် ပြောလိုက်သည်။

ကျီပိုင်ယင်းသည် လက်နတ်များနှင့်အတူကြီးပြင်းလာသူဖြစ်တာကြောင့် သူမလောက်သေနတ်ကိုစိတ်ဝင်စားသူမရှိနိုင်ပေ။ အတိုက်အခိုက်၊ လောင်းကစားနှင့် မြင်းစီးခြင်းတို့ကို သူမသိပ်ဂရုမထားသော်လည်း သေနတ်ပစ်ခြင်းကတော့ သူမဘယ်လိုမှ လျစ်လျူရှုမထားနိုင်သည့်အရာဖြစ်သည်။

ကျီပိုင်ယင်း၏ စိတ်လှုပ်ရှားကာ စိတ်ရင်းဖြင့် ပြောဆိုဆက်ဆံလာပုံကို မြင်ရတော့ ကုနင်း အံ့ဩသွားပေမည့် လက်ခံပေးပေသည်။

“ငါတို့ သူငယ်ချင်းဖြစ်သွားပြီဆိုရင်တောင် ငါ့ကို ပိုက်ဆံပေးရဦးမှာနော်။”

“ဟုတ်တာပေါ့၊ ဟုတ်တာပေါ့၊ မန်တ နင့်အကောင့်ထဲကို လွှဲပေးလိမ့်မယ်။” ကျီပိုင်ယင်း ကြည်ကြည်ဖြူဖြူပင် လက်ခံလိုက်သည်။ ဒီတစ်ခေါက်လဲ သူမငွေသာဆုံးရှုံးသွားရသည့်အတွက် ဝမ်းမနည်းမိဘဲ ကုနင်းက သူမသူငယ်ချင်းဖြစ်လိုသည့်အချက်နှင့်သာ ပျော်ရွှင်ဝမ်းမြောက်နေခဲ့သည်။ ကျီပိုင်ယင်းအတွက်တော့ ယွမ်သန်း၂၀ဆိုတာကလဲ ပြောပလောက်သည့်ပမာဏတစ်ခုမဟုတ်ပေ။

ကျီမိသားစုသည် လက်နက်တင်ပို့ရုံသာမကဘဲ အခြားသောစီးပွားရေးနယ်ပယ်များတွင်လဲ ပါဝင်ထားသူများဖြစ်ကာ ရင်းနှီးငွေကတင် ယွမ်၁၀၀ဘီလီယံကျော်ရှိပေသည်။ ကျီပိုင်ယင်းကိုယ်တိုင်ပင်လျှင် ယွမ်၁ဘီလီယံကျော် ပိုင်ဆိုင်ထားသည်။

သူတို့ပထမဆုံးတွေ့ဆုံကြစဉ် အတွေ့အကြုံက မကောင်းလှသော်လည်း ကုနင်းကို ယွမ်၃သန်း မပေးချင်ဖြစ်နေခဲ့ပေမည့် အခုတော့ အခြေအနေတွေက ကွာခြားလို့သွားပေပြီ။

ထို့နောက် ကုနင်း စာရွက်တစ်ရွက်ပေါ်တွင် သူမဘဏ်အကောင့်ကိုရေးကာ ကျီပိုင်ယင်းကို ပေးလိုက်သည်။

ကျီပိုင်ယင်းလဲ လှမ်းယူလိုက်ပြီးနောက် မန်တကိုပေးကာ ငွေလွှဲပေးဖို့ ပြောလိုက်သည်။

ကျီပိုင်ယင်းထံမှ ငွေများစွာယူပြီးဖြစ်တာကြောင့် ကုနင်း သူမအတွက် တစ်ခုခုပြန်လုပ်ပေးသင့်သည်ဟု ခံစားလိုက်ရသည်။ “ဒါက မနေ့က ချီထျန်းလင် ငါ့ဆီက ဝယ်သွားတဲ့အရာပဲ။ နင်တစ်လုံးသောက်ကြည့်လိုက်၊ နင့်ခန္ဓာကိုယ်ထဲမှာ ပြောင်းလဲမှုဖြစ်လာတာကို ခံစားမိလိမ့်မယ်။” ကုနင်း စွမ်းအင်သလင်းကျောက်၁၀လုံးပါသည့် ကြွေဆေးပုလင်းငယ်လေးကို ထုတ်ယူလိုက်သည်။

ကုနင်း၏စကားကြောင့် ကျီပိုင်ယင်း ခဏတာမှင်သက်လို့သွားတော့သည်။ ချီထျန်းလင်က ကုနင်းရဲ့ဆေးအတွက် ယွမ်သန်း၂၀ပေးခဲ့ရတာလား? ဒီဆေးကအရမ်းအာဏိသင်ကောင်းလို့များလား? ဆေးပုလင်းလေးက သေးလိုက်တာ။ ဒီထဲ ဘယ်နှလုံးလောက်ပါလောက်မလဲ? ဘာလို့ ဒီလောက်တောင် ဈေးကြီးရတာလဲ?

ကျီပိုင်ယင်း စိတ်ထဲ သံသယမေးခွန်းများစွာရှိနေပေမည့် ချီထျန်းလင်ကတော့ ငွေအမြောက်အမြားပေးကာ ဝယ်ယူခဲ့တာကြောင့် ကုနင်းကိုပဲ ယုံကြည်လိုက်တော့သည်။ “ဒါတကယ်ပဲ အာဏိသင်ရှိတယ်ပေါ့? ဘာလို့ ချီထျန်းလင်က ယွမ်သန်း၂၀တောင်ပေးပြီး ဒါကိုဝယ်ရတာလဲ?” သူမသိချင်စိတ်အချို့ကိုတော့ ထုတ်မေးခဲ့သေးသည်။

“ဒါက မယုံနိုင်လောက်တဲ့ အာဏိသင်မျိုးရှိတဲ့ မှော်ဆေးပဲ။ ကင်ဆာအပါအဝင် ရောဂါအများစုကို ကုသပေးနိုင်တယ်။” ကုနင်း ရှင်းပြလိုက်သည်။ “သာမာန်ရောဂါတွေဆိုရင် လွယ်လွယ်လေးပျောက်နိုင်ပေမယ့် ရောဂါပြင်းရင်တော့ ဆေးပိုသောက်ရပြီး အချိန်လဲပိုယူရတယ်။ ရောဂါဝေဒနာတိုင်းကို ကုမပေးနိုင်ဘူးဆိုရင်တောင်မှ နင့်ရဲ့ခန္ဓာကိုယ်အခြေအနေကို ပိုကောင်းလာစေပြီး အသက်ကိုလဲဆွဲဆန့်ပေးနိုင်တယ်။”

ထိုစကားများကြောင့် ကျီပိုင်ယင်းတို့အဖွဲ့ ထိတ်လန့်အံ့အားသင့်သွားကြတော့သည်။

ကုနင်းကို ကျီပိုင်ယင်းယုံကြည်ပေမည့် သံသယလုံးဝမဖြစ်ဘဲကတော့ မနေနိုင်ပေ။ မန်တနှင့်နန်တို့သည်လဲ မယုံကြည်ကြပေ။ သူတို့က ကုနင်း ကျီပိုင်ယင်းကို လိမ်ညာလှည့်ဖြားနေသည်ဟုတောင် တွေးနေကြသည်။

ထို့နောက် ကုနင်းက ဆက်ပြီးပြောလာသည်။ “ဒီဆေးက နှလုံးရောဂါ၊ ခြေထောက်အကြောသေတာမျိုး၊ ကားတိုက်မှုကြောင့် ပြင်းထန်တဲ့ဒဏ်ရာရထားတာမျိုးနဲ့ တခြားသောကိစ္စတွေကို ကုသပေးနိုင်တယ်။ ငါ ဒီဆေးကိုသုံးပြီး ဆရာဝန်တွေကတောင်လက်လွှတ်ထားတဲ့လူတွေအများကြီးရဲ့အသက်ကို ကယ်တင်ပေးခဲ့ပြီးပြီ။”

ကျီပိုင်ယင်းတို့အဖွဲ့ ကြောင်အလို့နေကြသည်။ ဒီလောက်ထိ မယုံနိုင်စရာကောင်းသည့် အဖြစ်အပျက်မျိုး သူတို့တစ်ခါမှမကြားဖူးကြပေ။

ကျီပိုင်ယင်း ပုလင်းကိုဖွင့်လိုက်ကာ ဆေးတစ်လုံးစမ်းသောက်ကြည့်ဖို့ ပြင်လိုက်ပေမည့် မန်တနှင့်နန်တို့က တားမြစ်လိုက်ကြသည်။ “သခင်မလေးပိုင်ယင်း၊ မသောက်ပါနဲ့။” ကျီပိုင်ယင်းသည် အလွန်အာဏာရှိသည့်မိသားစုမှ အဆင့်အတန်းမြင့်မားသည့်သခင်မလေးတစ်ယောက်ဖြစ်တာကြောင့် တွေ့ကရာစမ်းသောက်ကြည့်ဖို့ မဖြစ်နိုင်ပေ။ သူမကိုထိခိုက်သွားရင်ဘယ်လိုလုပ်မလဲ?

ကုနင်းလဲ ထိုလူများ၏စိုးရိမ်စိတ်ကိုနားလည်တာကြောင့် သူတို့ကိုမေးမြန်းလိုက်သည်။ “မင်းတို့ကိုယ်ပေါ်မှာ အမာရွတ်တွေများရှိလား?”

တကယ်တော့ ကုနင်း ကျောက်စိမ်းမျက်ဝန်းဖြင့် အစောကတည်းက နန်၏ခန္ဓာကိုယ်ကို စစ်ဆေးကြည့်ကာ သူမကိုယ်ပေါ်တွင် အမာရွတ်များရှိကြောင်းတွေ့ထားတာကြောင့် ထိုဒဏ်ရာများဖြင့် စမ်းသပ်နိုင်ပေသည်။

ချောင်ယနှင့်ကောင်းယိတို့၏အမာရွတ်များမှာ ဆေးလုံးများ၏အကူအညီဖြင့် ပျောက်ကင်းသွားကြပြီဖြစ်တာကြောင့် ကုနင်းစမ်းသပ်ပြဖို့အတွက် တခြားလူတစ်ယောက်ကို လိုပေသည်။

မန်တကတော့ ယောက်ျားလေးဖြစ်တာကြောင့် သူမ မန်တကိုယ်ကို မစစ်ဆေးကြည့်ပေ။ နန်ကို စစ်ဆေးကြည့်ပြီးနောက် သူမ၏ပုခုံးထက်တွင် ကျည်ဆံကြောင့်အမာရွတ်ကျနေသည်ကို တွေ့ထားခဲ့သည်။

“ကျွန်မမှာရှိတယ်။” နန်က ရှေ့ထွက်လာသည်။ “လွန်ခဲ့တဲ့ နှစ်ဝက်က ကျွန်မပုခုံးကို သေနတ်မှန်ထားလို့ အမာရွတ်ကျန်နေခဲ့တယ်။ အခုထိလဲ သိသိသာသာမြင်နေရတုန်းပဲ။”

“ဒါဆို ရှင်စမ်းသပ်ကြည့်ချင်လား?”

“ရတာပေါ့။” ကျီပိုင်ယင်း၏ဘေးကင်းရေးအတွက် နန်က လိုလိုလားလားပင် အစမ်းသပ်ခံဖြစ်ပေးလိုသည်။

ထို့နောက် သူမပုခုံးကိုလစ်ဟာပြကာ အမာရွတ်ကိုပေါ်စေသည်။

“မန်တ၊ ရေတစ်ခွက်လောက်ခပ်ပေးပါလား။” ကုနင်း မန်တကိုပြောလိုက်သည်။ မန်တသည် ကျီပိုင်ယင်း၏သက်တော်စောင့်ဖြစ်တာကြောင့် သူကတော့ ရေထဲကိုဘာမှလုပ်ထားမည်မဟုတ်၍ သူတို့လဲ သံသယဖြစ်နေစရာမလိုတော့ပေ။

“ရပါတယ်။” ကုနင်း၏ရည်ရွယ်ချက်ကို မန်တလဲ နားလည်တာကြောင့် သူမအမိန့်ပေးသည့်အပေါ် မကျေမနပ်မဖြစ်သွားပေ။

မကြာခင်တွင်ပဲ မန်တက ကုနင်းအတွက် ရေတစ်ခွက်ခပ်လာပေးခဲ့သည်။

ကုနင်း ရေခွက်ကိုယူလိုက်ပြီး ကျီပိုင်ယင်းကို ထိုထဲသို့ ဆေးတစ်လုံးထည့်လိုက်ဖို့ရန် ပြောလိုက်သည်။

စွမ်းအင်သလင်းကျောက်သည် ရေနှင့်ထိသွားသည်နှင့် တပြိုင်နက် အရည်ပျောက်သွားကာ ကုနင်းလဲ ထိုရေကို ဂွမ်းစတစ်ခုနှင့် တို့ပြီး နန်၏ပုခုံးပေါ်မှ အမာရွတ်ကိုလိမ်းပေးလိုက်သည်။

မှော်စွမ်းအင်များ နန်၏အမာရွတ်ထဲသို့ စိမ့်ဝင်သွားသည်နှင့် အေးမြကာ သက်သောင့်သက်သာဖြစ်စေသည့် ခံစားချက်တစ်ခုကို ခံစားလိုက်ရသည်။ စက္ကန့်ပိုင်းအတွင်းမှာပဲ သူတို့အားလုံး၏မျက်စိရှေ့မှောက်၌ပင် အမာရွတ်၏သုံးပုံတစ်ပုံလောက်သည် မှိန်ဖျော့သွားတော့သည်။

ထိုအချင်းအရာကြောင့် ကျီပိုင်ယင်းတို့အဖွဲ့ လွန်စွာထိတ်လန့်အံ့အားသင့်သွားကြတော့သည်။

“အခု အာဏိသင်ကို ယုံကြည်ပြီလား?” ကုနင်းမေးလိုက်သည်။

“ဝါး၊ အရမ်းအံ့ဩဖို့ကောင်းတာပဲ!” ကျီပိုင်ယင်း ထုတ်ပြောလိုက်သလို မန်တနှင့်နန်တို့သည်လဲ ယုံကြည်သွားကြသည်။

“ပြင်ပဒဏ်ရာတွေဆို ရေဖျော်လိမ်းပေးရင် ပိုပြီးအာဏိသင်ရှိတယ်၊ အတွင်းဒဏ်ရာဆိုရင်တော့ သောက်လိုက်ရုံပဲ။ ဘာဒဏ်ရာမှမရှိဘူးဆိုလဲ နင်တို့ရဲ့ခန္ဓာကိုယ်အခြေအနေကို တိုးတက်လာစေနိုင်တယ်။”

ကျီပိုင်ယင်းတွင်က ပြင်ပဒဏ်ရာကော အတွင်းဒဏ်ရာပါမရှိတာကြောင့် ဆေးသောက်ပါက သူမကျန်းမာရေးကိုသာ ပိုကောင်းလာစေလိမ့်မည်။ ကျီပိုင်ယင်းလဲ အချိန်ဆွဲမနေတော့ဘဲ ချက်ချင်းပင် ဆေးတစ်လုံးသောက်လိုက်တော့သည်။

ဆေးလုံးသည် သူမပါးစပ်ထဲသို့ရောက်သည်နှင့် ချက်ချင်းအရည်ပျော်သွားကာ သူမခန္ဓာကိုယ်တစ်လျှောက် အေးမြသည့်စွမ်းအင်စီးကြောင်းတစ်ခုက လျှပ်စီးတစ်မျှလျှင်မြန်စွာ ဖြတ်သန်းစီးစဉ်းသွားသည်။ ထို့နောက် မကြာခင်တွင်ပဲ သူမခန္ဓာကိုယ်အတွင်းပိုင်းအင်္ဂါများ၏ လုပ်ဆောင်ချက်များတိုးမြင့်လာသလို ကျီပိုင်ယင်း ခံစားလိုက်ရသည်။

***

အခန်း ၈၂၉ ဒီဆေးဘယ်ကရလဲ?

သိပ်မကြာခင်တွင်ပဲ ကျီပိုင်ယင်း ယခင်ထက်ပင် ခွန်အားများပြည့်ဝလာသလို ခံစားလိုက်ရသည်။

“ဝါး၊ ဒီဆေးသောက်ပြီးတာနဲ့ ငါအရမ်းထူးခြားသွားသလို ခံစားရတယ်!” ကျီပိုင်ယင်း အံ့ဩတကြီးပြောဆိုလိုက်သည်။

“ကုနင်း၊ နင် ဒီဆေး ဘယ်ကနေရလာတာလဲ?”

“စိတ်မကောင်းပါဘူး၊ ဒါက လျှို့ဝှက်ချက်၊ ဒါပေမယ့် နင် ဒါကို ဓါတ်ခွဲခန်းမှာ သွားပြီးစမ်းသပ်လေ့လာနေဖို့ မလိုဘူး။ ဘာမှအကျိုးထူးမှာမဟုတ်ဘူး။ နင်လိုချင်ရင် ငါ့ဆီကနေ တိုက်ရိုက်ဝယ်လို့ရတယ်။ ငါ ချီထျန်းလင်ကို ဆေးတစ်လုံးယွမ်၁သန်းနဲ့ရောင်းတာ၊ ဒါပေမယ့် ငါတို့ကသူငယ်ချင်းတွေဆိုတော့ ၅၀ရာခိုင်နှုန်းလျှော့ပေးပါ့မယ်။ ဒီဆေးက အကန့်အသတ်နဲ့ဆိုတော့ သာမာန်ရောဂါလောက်မှာတော့ မသုံးဖို့ အကြံပေးလိုက်မယ်။ နင်ပမာဏများများလိုချင်လို့လဲ မရဘူး၊ ဒီတော့ တကယ့်ပြင်းထန်တဲ့ အခြေအနေမျိုးတွေမှာပဲ သုံးတာပိုကောင်းမယ်။ မဟုတ်ရင်လဲ အသက်အန္တရာယ်ရှိတဲ့လူတွေအတွက်မျိုးပဲ သုံးပေါ့။”

“ငါနားလည်ပြီ။” ကျီပိုင်ယင်းသည် ဆေးလုံးအတွက် ငွေများစွာပေးရမည်ဆိုလျှင်ပင် လိုလိုလားလားရှိနေစဲပင်၊ ဒီဆေးတွေက အရမ်းအာဏိသင်ကောင်းလွန်းတယ်မဟုတ်ဘူးလား။ ကုနင်းက သူမကို ဆေးတစ်လုံးလျှင် ယွမ်၅သိန်းနှင့်ရောင်းမည်ဆိုပေမည့် တစ်လုံးကို တစ်သန်းပေးရလျှင်တောင် သေချာပေါက် သူမတုံ့ဆိုင်းသွားမည်မဟုတ်ပေ။ သူမအဖေသည် အခုချိန်တွင် လူနာကုတင်ပေါ်တွင် လဲလျောင်းလို့နေရသည်။ သူ့အခြေအနေက ပိုကောင်းလာပြီဆိုသော်လည်း အပြည့်အဝတော့ ပြန်မကောင်းသေးပေ။ ဒီဆေး၏အကူအညီဖြင့်သာဆိုလျှင် သူမအဖေ၏ကျန်းမာရေး ပြန်ကောင်းလာနိုင်လိမ့်မည်ဟု ယုံကြည်မိသည်။

“ကုနင်း၊ ငါနင့်ကို နေ့လည်စာဝယ်ကျွေးမယ်။ ဘယ်မှာသွားစားချင်လဲ?” ကျီပိုင်ယင်းမေးလိုက်သည်။

“အစားအသောက်လမ်းကိုသွားကြရင်ကော?” ဘာပဲဖြစ်ဖြစ် နေ့လည်စာစားချိန်ဖြစ်နေတာကြောင့် ကုနင်းငြင်းမနေပေ။

“ကောင်းပြီလေ။” ကျီပိုင်ယင်းလဲ သဘောတူလိုက်ကာ သူတို့ကိုယ်ပိုင်ကားအသီးသီးသို့ ပြန်လာကြသည်။

ကျီပိုင်ယင်း သူမကားပေါ်ရောက်သည်နှင့် သူမအစ်ကိုထံသို့ဖုန်းဆက်တော့သည်။

“ရှောက်မင်၊ ငါအခုပဲ မှော်ဆေးတချို့ရလာတယ်၊ ဒါက ဒဏ်ရာနဲ့ရောဂါအများစုကို ကုသပေးနိုင်တယ်။ ငါအခုလေးတင် တစ်လုံးသောက်ကြည့်လိုက်တာ တကယ့်ကို မယုံနိုင်လောက်အောင် အာဏိသင်ရှိတယ်။ ဒါနဲ့ဆို အဖေ့ကိုကုပေးနိုင်လိမ့်မယ်လို့ ထင်တယ်။” တစ်ဖက်မှ ကျီရှောက်မင်ဖုန်းကိုင်လိုက်သည်နှင့် ကျီပိုင်ယင်း စိတ်လှုပ်ရှားမှုအပြည့်ဖြင့် ပြောပြတော့သည်။

ထိုစကားကြောင့် ကျီပိုင်ယင်းပြောသည့်မှော်ဆေးက လင်ရှောင်းထင် သူ့ကိုပေးခဲ့သည့် ဆေးနှင့် လွန်စွာဆင်တူနေတာကြောင့် ကျီရှောက်မင် အတွေးတစ်ခုပေါ်လာတော့သည်။

“ငါ့ကို ဓါတ်ပုံရိုက်ပို့လို့ရလား?” ကျီရှောက်မင်မေးလိုက်သည်။

“ရတာပေါ့။” ကျီပိုင်ယင်း ပြောပြီးသည်နှင့် ဖုန်းချလိုက်ကာ စွမ်းအင်သလင်းကျောက်ပုံကို ရိုက်ပြီး ကျီရှောက်မင်ထံပို့ပေးလိုက်သည်။

ကျီရှောက်မင် ဓါတ်ပုံကိုမြင်ပြီးသည်နှင့် ထိုဆေးက လင်ရှောင်းထင် သူ့ကိုပေးသည့်ဆေးနှင့်အတူတူပင်ဖြစ်ကြောင်း သေချာသွားတော့သည်။ လင်ရှောင်းထင်ကတော့ ဒီဆေးကို ရဖို့အရမ်းခက်တယ်လို့ မပြောသွားဘူးလား? ဘာလို့ ပိုင်ယင်းက ဒီလောက်အများကြီးတွေ့သွားတာလဲ?

ကျီပိုင်ယင်း ဆေးပိုင်ရှင်နှင့်တွေ့တာဖြစ်မည်ဟု ကျီရှောက်မင်တွေးမိသွားသည်။ ပိုင်ရှင်က လင်ရှောင်းထင်နှင့်သိလောက်မှန်း သိသာလှသည်။

ကျီရှောက်မင် အချိန်ဆွဲမနေဘဲ ကျီပိုင်ယင်းထံဖုန်းပြန်ဆက်လိုက်သည်။ ဆေးအစွမ်းက တကယ့်ကို မယုံနိုင်စရာကောင်းလှသည်။ ဖြစ်နိုင်မည်ဆိုလျှင် ကျီပိုင်ယင်းကို များနိုင်သမျှများများရလာစေလိုသည်။

“ပိုင်ယင်း၊ ဒီဆေးတွေ ဘယ်ကရလာတာလဲ?”

“ကောင်မလေးတစ်ယောက်ပေးတာ။” ထို့နောက် ကျီပိုင်ယင်းက ကုနင်းဟုခေါ်သည့် မိန်းကလေးနှင့် လွန်ခဲ့သည့်နှစ်ရက်က တွေ့ဆုံခဲ့သည့်အကြောင်း သူမအစ်ကို,ကိုပြောပြလိုက်သည်။ ဇာတ်လမ်းတစ်ပုဒ်လုံးကို ကြားပြီးနောက် ကျီရှောက်မင်လဲ ကုနင်းကို လေးစားမိသွားတော့သည်။ ဒီလောက်ငယ်ငယ်ရွယ်ရွယ်လေးနဲ့ အရမ်းကိုထူးချွန်တဲ့မိန်းကလေးပဲ!

“ကံကောင်းလို့၊ မင်းသူနဲ့ ရန်သူမဖြစ်သွားတာ။ ဒီလိုထူးချွန်တဲ့မိန်းကလေးမျိုးနဲ့ သူငယ်ချင်းလုပ်ထားနိုင်တာ ကောင်းတာပဲ။”

ကျီမိသားစုသည် အလွန်အာဏာကြီးသည်ဆိုသော်လည်း သာမာန်လူသားများသာဖြစ်နေသေးကာ သူတို့အသက်ကို လွန်စွာတန်ဖိုးထားကြသည်။ သူတို့မှာသာ မှော်ဆေးလုံးများရှိမည်ဆိုလျှင် သူတို့အသက်အတွက် အာမခံချက်ရှိသွားပေမည်။

“သူ့ကို နောက်ထပ်ရသေးလားမေးကြည့်ဦး၊ ငါတို့ နောင်တစ်ချိန်လိုလာနိုင်တယ်။” ကျီရှောက်မင် ဆက်ပြောလိုက်သည်။ အသက်ထက်အရေးကြီးတာ ဘာမှမရှိပေ။

“ဆေးက အကန့်အသတ်နဲ့လို့ ပြောတယ်၊ အရေးပေါ်အခြေအနေမျိုးမဟုတ်ရင် အများကြီးပေးမှာမဟုတ်ဘူး။”

“ရတယ်၊ မင်း သူနဲ့ဆက်ဆံရေးကောင်းအောင်သာ ထိန်းထား။ သူ့ကိုရန်မစမိစေနဲ့။”

“ငါနားလည်ပါတယ်။” ကျီပိုင်ယင်း ပြန်ပြောလိုက်သည်။ ကုနင်း သူမကိုဆေးများမပေးခဲ့လျှင်တောင်မှ ကုနင်းကို သူမလေးစားသဘောကျနေပြီဖြစ်တာကြောင့် ရန်စမည်မဟုတ်ပေ။

………

အန်းကွမ်းယောင် စီစဉ်စရာများစီစဉ်ပြီးနောက် ဆောက်လုပ်ရေးလုပ်ငန်းကို စတင်တော့သည်။ သူတို့က အရင်ဆုံး ကံကောင်းပြီး ငြိမ်းချမ်းစေရန်အတွက် ဆုတောင်းပွဲကိုလုပ်ကြသည်။ ဆုတောင်းပွဲသာဆိုပေမည့် လုပ်ဖို့လိုအပ်နေတုန်းပင်။ ဤမြေသည် အစကတည်းက ဂုဏ်သတင်းမကောင်းခဲ့တာကြောင့် သူတို့ရောက်လာသည်နှင့် ဤနေရာတွင် ရုံးဆောက်မည့်အကြောင်းသတင်းက ပျံ့သွားခဲ့သည်။ လူအများက ဤနေရာသည် သရဲခြောက်သည့်မြေဟု ယုံကြည်နေကြတာကြောင့် လွန်စွာအံ့အားသင့်နေကြတော့သည်။

ဒီမြေက သရဲခြောက်တဲ့မြေမှန်း သိထားပြီးတာတောင် ရှန်းဟွာအိမ်ခြံမြေလုပ်ငန်းက ဘာလို့ ဝယ်လိုက်သေးတာလဲ?

ဘယ်သူကမှ အဖြေကိုမသိကြပေ။ အရင်က ဤမြေနေရာကို ဝယ်ဖို့စိတ်ကူးနေကြသည့် မြေယာတည်ဆောက်ရေးလုပ်ငန်းတချို့ကလဲ ထိုသတင်းကိုကြားပြီးနောက် အံ့ဩနေကြသည်။

ဤမြေသည် ပုဂ္ဂလိကရော အစိုးရဘက်မှ မြေယာတည်ဆောက်သူများစွာက ဆောက်လုပ်ရေးလုပ်အတွက် သုံးခဲ့ကြသည်။ တစ်ယောက်လောက် မတော်တဆမှုဖြစ်လိုက်သည်နှင့် ထိုမြေယာတည်ဆောက်သူများအားလုံး ထွက်ပြေးကုန်ကြတာကြောင့် အခုချိန်ထိ ဘာမှမဖြစ်မြောက်ခဲ့ခြင်းပင်။ ဒါကြောင့်ပဲ သတင်းမကြားမချင်း ထိုမြေနေရာ ထပ်မံအရောင်းထွက်သွားလိမ့်မည်ဟု မထင်မှတ်ထားကြပေ။

ထိုမြေက သူတို့နှင့်ဘာမှမဆိုင်တော့ဘူးဆိုလျှင်တောင်မှ ဘယ်သူကများ ထိုမြေကိုယူရဲတာလဲဆိုတာကိုတော့ သိချင်နေကြတုန်းပင်။

မြေယာတည်ဆောက်သူများတင်မကဘဲ နယ်ပယ်တစ်ခုတည်းမှ အခြားသောသူများသည်လဲ အလားတူပင်။

မြေယာတည်ဆောက်သူများစွာသည် ထိုမြေ၏မကောင်းသောဂုဏ်သတင်းကြောင့် စွန့်ပစ်ခဲ့ကြသည်။ အခုတော့ ရှန်းဟွာအိမ်ခြံမြေလုပ်ငန်း၏စွမ်းဆောင်ရည်အကြောင်း သိချင်နေသည်။ ရှန်းဟွာအိမ်ခြံမြေလုပ်ငန်းသာ Bမြို့မှာ စီးပွားရေးလုပ်မယ်ဆိုရင် သူတို့အတွက် ပြိုင်ဖက်ကြီးဖြစ်လာမှာပဲ။ သူတို့ယှဉ်ပြိုင်ရတော့မည်ဆိုလျှင် တစ်ဖက်အကြောင်း များများသိထားလေကောင်းလေဖြစ်သည်။

ရှန်းဟွာအိမ်ခြံမြေလုပ်ငန်းသည် တတိယတန်းစားအဆင့်ဖြစ်သည့် Fမြို့တွင် ကုမ္ပဏီတည်ထောင်ခဲ့ခြင်းဖြစ်ကာ ဒေဝါလီခံတော့မလိုဖြစ်ပြီး လပိုင်းလေးအတွင်းမှာပဲ ယွမ်၂ဘီလီယံအထိ အမြတ်ရကာ အလယ်အလတ်အဆင့်လုပ်ငန်းတစ်ခုဖြစ်လာခဲ့သည်။ ၎င်း၏တိုးချဲ့နိုင်မှုသည် အိမ်ခြံမြေလုပ်ငန်းနှင့် ဆောက်လုပ်ရေးလောကမှု လူအားလုံးကို ထိတ်လန့်အံ့အားသင့်သွားစေခဲ့သည်။

***

အခန်း ၈၃၀ နောက်တစ်ယောက်နဲ့အိပ်ခဲ့တာလား?

ရှန်းဟွာအိမ်ခြံမြေလုပ်ငန်းသည် အခုထိတော့ ခြိမ်းခြောက်နိုင်စွမ်းကြီးမားသည့် အိမ်ခြံမြေလုပ်ငန်းကြီးတစ်ခုမဖြစ်သေးသော်လည်း ၎င်း၏တိုးတက်လာနှုန်းကတော့ ခြိမ်းခြောက်နိုင်ဖို့ရန် လုံလောက်နေပသည်။ ထိုသို့ဆိုလျှင်တောင်မှ ဤလုပ်ငန်းနယ်ပယထဲမှ အချို့သောမောက်မာသူများကတော့ ရှန်းဟွာအိမ်ခြံမြေလုပ်ငန်းသည် တိုးတက်မှုမြန်ဆန်တာကြောင့် အခြေမခိုင်ဘူးဟု တွေးမိကာ အထင်သေးနေကြတုန်းပင်။

ထို့ကြောင့် တစ်နေ့နေ့တစ်ချိန်ချိန်မှာ ရှန်းဟွာအိမ်ခြံမြေလုပ်ငန်း ကျရှုံးသွားမည့်အဖြစ်မျိုးကို တွေ့ရမည်အားစောင့်မျှော်နေကြသည်။ လုပ်ငန်းတူသူဆိုသည်က ပြိုင်ဘက်တွေပဲမဟုတ်လား။ အခြေမခိုင်ဘဲ ချဲ့ထွင်မှုများလွန်းသည့် ကုမ္ပဏီတစ်ခုသည် ကျရှုံးနိုင်သည်က အမှန်တရားပင်ဖြစ်ပေမည့် ပိုင်ရှင်၏အရည်အချင်းကလဲ မပြည့်ဝမှသာလျှင် ထိုသို့ဖြစ်လာမည်သာ။

ထို့အတွက်ကြောင့် ရှန်းဟွာအိမ်ခြံမြေလုပ်ငန်း ကျဆုံးခြင်းကို မြင်ချင်နေကြသူများမှာ ကုနင်း၏ သူမကုမ္ပဏီများကို ကောင်းမွန်စွာအုပ်ချုပ်နိုင်စွမ်းကြောင့် စိတ်ပျက်သွားကြရပေတော့မည်။ ကုနင်းသည် သူမ,မသေမချင်း သူမကုမ္ပဏီများကို ကျရှုံးသွားခွင့်ပေးလိမ့်မည်မဟုတ်ပေ။ ထို့အပြင် သူမတွင် မှော်စွမ်းအင်ရှိနေတာကြောင့် အလွယ်တကူသေသွားမည့်လူစားမျိုးလဲမဟုတ်ပေ။

သတင်းထောက်များစွာက သရဲခြောက်သည့်မြေနေရာကို ဝယ်သွားသည့်သတင်းကို ကြားခဲ့တာကြောင့် အန်းကွမ်းယောင်ကို အင်တာဗျူးဖို့ရန် ရောက်လာကြသည်။ အန်းကွမ်းယောင်ကလဲ ရှန်းဟွာအိမ်ခြံမြေလုပ်ငန်းအတွက် လူထုအာရုံစိုက်မှုရနိုင်မည့် အခွင့်အရေးဖြစ်မှန်း သိတာကြောင့် ငြင်းဆန်ခြင်းမပြုပေ။

သတင်းထောက် : ဥက္ကဌအန်း၊ ဒီမြေနေရာကိုမဝယ်ခင် သေချာကောလေ့လာခဲ့ပါရဲ့လား?

အန်းကွမ်းယောင် : ဒါပေါ့၊ ကျွန်တော်လေ့လာခဲ့ပါတယ်၊ ဒါပေမယ့် ကျွန်တော်က ကောလဟာလတွေကို မယုံဘူးလေ။ ဆောက်လုပ်ရေးလုပ်ငန်းခွင်ဆိုတာ အရမ်းအန္တရာယ်များပြီး မတော်တဆမှုလဲဖြစ်နိုင်တယ်ဆိုတာ လူတိုင်းနားလည်ထားတဲ့ကိစ္စပဲ၊ ဒါနဲ့ပဲ ဒီမြေက သရဲခြောက်နေပါတယ်လို့ မဆိုလိုဘူးလေ။

သတင်းထောက် : ဒီနေရာမှ မတော်တဆမှုတွေက မကြာခဏဆိုသလိုဖြစ်ပွားနေတာပါ၊ ဒီအတွက် မစိုးရိမ်မိဘူးလား?

အန်းကွမ်းယောင် : ကောလဟာလဆိုတာ ကောလဟာလပဲလေ။ ခင်ဗျားတို့အရမ်းသိချင်နေတယ်ဆိုရင် ကျွန်တော်တို့ဆောက်လုပ်ရေးလုပ်နေစဉ်အတွင်း အန္တရာယ်ကင်းလား မကင်းလားဆိုတာ ဆက်ပြီးစောင့်ကြည့်ကြပေါ့။

အန်းကွမ်းယောင်က သတင်းထောက်များကို ဆောက်လုပ်ရေးလုပ်ငန်းခွင်အား ဆက်လက်စောင့်ကြည့်ကြဖို့ ပြောလိုက်သည့်အတွက်ကြောင့် သူတို့ဘက်က ငွေမကုန်ဘဲကြော်ညာပြီးသားဖြစ်ပေလိမ့်မည်။

အင်တာဗျူးနေစဉ်တစ်လျှောက် သတင်းထောက်များမှာ သူတို့ကြားလိုသည့်အဖြေမျိုးမကြားရတာကြောင့် နောင်ဘာဆက်ဖြစ်မလဲဆိုသည်ကိုသာ စောင့်ကြည့်ရုံရှိတော့သည်။

ဤမြေက သရဲခြောက်သည့်မြေဟု ယုံကြည်ထားသူအချို့ကတော့ မကြာခင်အချိန်အတွင်း အန်းကွမ်းယောင်နောင်တရတော့မည်ဟု တွေးနေကြသည်။ တချို့လူများကတော့ ကုမ္ပဏီကို လူအာရုံစိုက်စေချင်တာကြောင့်များ ဤကဲ့သလို့လုပ်ပြနေခြင်းလားဆိုသည့် အန်းကွမ်းယောင်၏ ရည်ရွယ်ချက်အစစ်အမှန်ကို စတင်မှန်းစနေကြပေပြီ။

ဒါနဲ့ လုပ်ငန်းခွင်က ဘေးကင်းပါ့မလား?

တကယ်တော့ လူအများစုသည် သရဲတစ္ဆေများကို မယုံကြည်ကြသော်လည်း ဆိုးရွားလှသည့်ကောလဟာလများကြောင့် ကြောက်ရွံ့နေကြသည်။ ဒါတွေသာ ကောလဟာလသက်သက်မဟုတ်ရင် ဒီမြေလဲ ဟိုးအရင်ကတည်းက ရောင်းထွက်သွားရောပေါ့။

ဒါကြောင့်လူအများလဲ ဆက်လက်စောင့်ကြည့်ရုံသာရှိတော့သည်။

………

ကျန်းဝမ်မေ့သည် မနေ့ညက အရက်လဲမူးနေကာ ဆေးလဲအခပ်ခံခဲ့ရတာကြောင့် နေ့လည်ပိုင်းမှနိုးလာခဲ့သည်။

သူမနိုးလာချိန်တွင် သူမခန္ဓာကိုယ်အောက်ပိုင်းမှ နာကျင်မှုအနည်းငယ်ကိုခံစားလိုက်ရသော်လည်း ဂရုမထားခဲ့ပေ။ ညက အသောက်လွန်သွားတာကြောင့် အခုထိလဲ ခေါင်းကိုက်နေသေး၍ သိပ်ပြီးမတွေးတောနိုင်ပေ။

ထို့နောက် သူမဖုန်းကိုကြည့်လိုက်ကာ သူမချစ်သူကောင်လေးက စာများပို့ထားသလို ဖုန်းများခေါ်ထားသည်ကိုတွေ့လိုက်ရသည်။

သူမလဲ ချက်ချင်းပင် သူမချစ်သူကောင်လေးကို ဖုန်းပြန်ဆက်လိုက်ပြီး ညက အရမ်းမူးသွား၍ အခုမှနိုးသည့်အကြောင်း ပြောလိုက်သည်။

သူမချစ်သူကလဲ နားလည်တာကြောင့် လုံးဝစိတ်မဆိုးဘဲ ကျန်းဝမ်မေ့ဘာစားချင်လဲကိုပင်မေးကာ သူလာပို့ပေးမည့်အကြောင်းပြောသည်။

ကျန်းဝမ်မေ့လဲ အခု နေလို့မကောင်းတာကြောင့် တိုက်ခန်းအပြင်မထွက်ချင်၍ သူမစားချင်သည်များကိုမှာကာ လိပ်စာပို့ပေးလိုက်သည်။

ကျန်းဝမ်ဟောက်ကလဲ သူမကိုဖုန်းဆက်ထားတာကြောင့် ပြန်ခေါ်လိုက်သည်။

ကျန်းဝမ်ဟောက်ကလဲ ကျန်းဝမ်မေ့ကို သူချစ်သူလိုမျိုးတစ်ပုံစံတည်းပဲ မေးမြန်းပေမည့် ကျန်းဝမ်မေ့က သူမအဆင်ပြေကြောင်းနှင့် အပြင်မှမှာထားကြောင်းပြောလိုက်ကာ သူမချစ်သူအကြောင်းကို ထည့်မပြောခဲ့သလို ကျန်းဝမ်ဟောက်ကလဲ ထပ်မမေးပေ။

နာရီဝက်ကြာပြီးနောက် ကျန်းဝမ်မေ့၏ချစ်သူကောင်လေးရောက်လာခဲ့သည်။ ကျန်းဝမ်မေ့က သူမ၏ညအိပ်ဂါဝန်ကိုမလဲထားရသေးဘဲ သူမချစ်သူကို တန်းပြီးတံခါးဖွင့်ပေးလိုက်သည်။

တံခါးဖွင့်လိုက်ခြင်းတွင်ပဲ ပိုးသားဂါဝန်မှတစ်ဆင့်ထင်ပေါ်နေသည့် သူမ၏ခန္ဓာကိုယ်ကောက်ကြောင်းကြောင့် သူမချစ်သူ၏စိတ်က အနည်းငယ်ထကြွလာခဲ့သည်။

“ဝမ်မေ့၊ ကိုယ်မင်းကိုအတင်းချစ်ပစ်လိုက်မှာမကြောက်ဘူးလား?” သူမချစ်သူက ဟာသနှောကာစနောက်လိုက်သည်။ သူမနှင့်ဆက်နွှယ်ချင်ပေမည့် သူမကို အမှန်တကယ်ချစ်မြတ်နိုးတာကြောင့် အတင်းအကြပ်ဖိအားမပေးလိုပေ။

ကျန်းဝမ်မေ့ ရုတ်တရက်ကြောင်အသွားပြီးမှ သူမ ညအိပ်ဂါဝန်မလဲရသေးကြောင်း အမှတ်ရသွားကာ ရှက်သွေးရဲသွားတော့သည်။

သူမအရင်တုန်းကလဲ ချစ်သူများရှိခဲ့ဖူးသလို အခုလဲ သူတို့နှစ်ဦးတရားဝင်ချစ်သူများဖြစ်နေကြပြီဖြစ်တာကြောင့် စနောက်မှုအပေါ် စိတ်မခုသွားပေ။

သူတို့ချစ်သူဖြစ်လာမှတော့ တစ်ချိန်ချိန်မှာအိပ်မိမည်မှာ အသေအချာပင်။ တကယ်တော့ ကျန်းဝမ်မေ့လဲ ထိုအရာကိုမျှော်လင့်နေမိပေမည့် ထုတ်တော့မပြောပေ။

သူမချစ်သူက အခန်းထဲသို့ဝင်လာကာ အစားအသောက်များကို ကော်ဖီစားပွဲပေါ်တွင် တင်လိုက်ပြီးသည်နှင့် ကျန်းဝမ်မေ့လဲ မြန်မြန်ဆန်ဆန်စားသောက်တော့သည်။ သို့ပေမည့် သူမချစ်သူက တစ်ချိန်လုံး သူမကိုစိုက်ကြည့်နေတာကြောင့် နေရခက်နေသည်။ “ဘာလို့ တစ်ချိန်လုံးစိုက်ကြည့်နေတာတုန်း?”

“မင်းအရမ်းဆွဲဆောင်မှုရှိနေလို့လေ။” ကောင်လေးကလဲ သူ့စိတ်ခံစားချက်ကို မဖုံးကွယ်ခဲ့ပေ။

ကျန်းဝမ်မေ့သည် အမြဲလိုလို မောက်မာကာ ဒေါသကြီးပေမည့် သူမမိသားစု၊ သူငယ်ချင်းနှင့် ချစ်သူရှေ့တွင်တော့ ကြင်နာနူးညံ့တတ်သူဖြစ်သည်။

သူမစားသောက်ပြီးသည်နှင့် သူမချစ်သူက အချိန်မဆွဲနိုင်တော့ဘဲ သူမကိုဆိုဖာပေါ်တွန်းလှဲလိုက်တော့သည်။ “ဝမ်မေ့၊ ကိုယ်မစောင့်နိုင်တော့ဘူး။”

ထို့နောက် သူမကိုစတင်ထိတွေ့နမ်းရှုံ့လာကာ ကျန်းဝမ်မေ့ကလဲ အစပိုင်းတွင် ငြင်းဆန်ဟန်ပြုပေမည့် မကြာခင်မှာလဲ လက်ခံသွားတော့သည်။

သို့ပေမည့် သူမချစ်သူက သူမကိုထိတွေ့နေရင်းဖြင့် တစ်စုံတစ်ခုမှားယွင်းနေသည်ဟု ခံစားမိလာခဲ့သည်။

ဝမ်မေ့ ချစ်သူမရှိတာ နှစ်ဝက်နီးပါးရှိပြီမဟုတ်ဘူးလား? ဘာလို့ တစ်ယောက်ယောက်နဲ့ အိပ်ထားတာမကြာသေးသလို ခံစားနေရတာလဲ?

ယောက်ျားများသည် ထိုသို့သောကိစ္စမျိုးတွင် လွန်စွာသိရှိခံစားလွယ်ကြသည်။

သူမ မနေ့ညက တစ်ယောက်ယောက်နဲ့အိပ်ထားတာလား?

ဒါသာအမှန်ဆိုရင် သူဘယ်လိုများရင်ဆိုင်ရမလဲ?

***