အောင်မြင်စွာ ရွေးချယ်ခံရခြင်း

လုံးဝတိတ်ဆိတ်နေသော လေထုတစ်ခုဖြစ်နေခဲ့သည်။

အင်တာဗျူးသူအဖွဲ့ဝင် ငါးဦးတို့ထဲမှ တစ်ဦးမျှ စကားမပြောကြတော့ပေ။

ဘာကြောင့်လဲဆိုတော့?

အင်တာဗျူးသည့်မေးခွန်းတစ်ခုအား

ငြင်းလိုက်ပြီး အဖြေမှန်ကို အင်တာဗျူးခံရသူဘက်မှ ပြန်လည်ဖြေဆိုလိုက်သောကြောင့်ဖြစ်သည်။

ဖုန့်လင်း၏ ယုံကြည်မှုအပြည့်နှင့် ဖြေကြားလိုက်သော ပုံစံကိုမြင်ပြီးနောက် သူတို့အနေဖြင့် ဖုန့်လင်း မှားနေသည်ဟု ပြောဆိုရန် လုံးဝမဖြစ်နိုင်တော့ပေ။

တကယ်တော့ ဒါက မှန်ကန်တဲ့ ရွေးချယ်မှုတစ်ခုပါ။

"ဇိုရိုအက်စ်ထရီယန် ဘာသာရဲ့ နတ်ဘုရားဆိုတဲ့ အဖြေက မှန်ပါတယ်။ ဒါပေမယ့်... ဘာလို့ ဟူရာမတ်ဇ်ဒ် မဟုတ်ဘဲ အဟူရာမတ်ဇ်ဒါ ဖြစ်သလဲဆိုတာကို မင်းဘယ်လိုသိသလဲ?" ပဉ္စမမြောက် အင်တာဗျူးမေးသူက သူ့အမြင်ကို

မပြောင်းဘဲ သံသယဖြင့် မေးမြန်းလိုက်သည်။

ဒဏ္ဍာရီနှင့် ရှေးဟောင်းရိုးရာပုံပြင်များဆိုင်ရာ မေးခွန်း ငါးခုသာ မေးမည်ဟု ကြိုတင်သဘောတူထားသော်လည်း ယခုတွင် ဆဋ္ဌမမြောက် မေးခွန်းဖြစ်နေခဲ့ပါပြီ!

သို့သော် ဖုန့်လင်းက ရူးမိုက်သူမဟုတ်သည့်အတွက် ဤအချက်ကို ဂရုမစိုက်ဘဲ ရှင်းပြချက်ပေးလိုက်သည်-

"ကျွန်တော်က ဒဏ္ဍာရီနဲ့ ရှေးဟောင်းရိုးရာပုံပြင်တွေကို အရမ်းစိတ်ဝင်စားပါတယ်။ ရှေးခေတ်ကမ္ဘာမှာ ပါရှန်းအင်ပါယာရဲ့ ဇိုရိုအက်စ်ထရီယန် ဘာသာရဲ့ ဒဏ္ဍာရီပုံပြင်တွေကို သုတေသနလုပ်ဖူးပါတယ်။ ဇိုရိုအက်စ်ထရီယန် မှာ

အဟူရာ မတ်ဇ်ဒါ က အနန္တတန်ခိုးရှင်၊ အရာရာကိုဖန်ဆင်းနိုင်တဲ့ စကြာဝဠာရဲ့ ဖန်ဆင်းရှင်ဖြစ်ပြီး အလင်း၊ အသက်၊ ဖန်ဆင်းမှု၊ စနစ်တကျဖြစ်မှု၊ နိယာမတရားတွေကို ဖန်ဆင်းတဲ့သူပါ။ ဒဏ္ဍာရီအရ သူဟာ ရုပ်ဝတ္ထုကမ္ဘာကြီး နဲ့ မီးကိုပါ ဖန်ဆင်းခဲ့တဲ့သူဖြစ်ပြီး သူက 'အဆုံးမရှိတဲ့အလင်း'၊ မီးကိုကိုယ်စားပြုတဲ့ပုံရိပ်ပါ!"

ဖုန့်လင်း၏ အသေးစိတ်ကျသော အဖြေကိုကြားပြီးနောက် အင်တာဗျူးမေးသူသည် လုံးဝယုံကြည်သွားခဲ့သည်။ "နာမည်ကလွဲရင် ကျန်တဲ့အချက်အားလုံးက ကျွန်တော်နားလည်ထားတာနဲ့ အတိအကျကိုက်ညီနေတယ်။ ကျွန်တော်ရှာဖွေတွေ့ရှိခဲ့တဲ့ ဇိုရိုအက်စ်ထရီယန် ကျောက်စာရုပ်ကြွင်းမှာ ပျက်စီးနေတဲ့အစွန်းတွေရှိပြီး အချို့စာလုံးတွေမှုန်ဝါးနေတယ်။ ဇိုရိုအက်စ်ထရီယန် နတ်ဘုရားရဲ့နာမည်က မင်းပြောတဲ့အတိုင်းပဲဖြစ်နိုင်တယ်!"

သူ ဖုန့်လင်း၏ အမြင်ကို လက်ခံလိုက်သည်။

အင်တာဗျူးမေးသူ၏ စကားကိုကြားပြီးနောက် ဖုန့်လင်းအနေနဲ့ သူတို့က ဇိုရိုအက်စ်ထရီယန် ဆိုင်ရာ ရှေးဟောင်းပစ္စည်းတွေကနေ ဒဏ္ဍာရီများကိုရှာဖွေတွေ့ရှိခဲ့ကြပေမယ့် အပြည့်အဝနားမလည်ကြောင်း မှန်းဆရ ခက်မလိမ့်ည်မဟုတ်ချေ။

ထိုလူ၏ ချီးကျူးနေသည့် မျက်နှာအမူအရာကိုမြင်တွေ့ပြီး ဖုန့်လင်း စိတ်ထဲမှပင် တိတ်တဆိတ် ကျေနပ်စွာရယ်မောလိုက်မိသည်။

ဒါလေးနဲ့ပဲ သူ အံ့သြသွားတာလား။

ဖုန့်လင်းသည် ဇိုရိုအက်စ်ထရီယန် သမိုင်းက ခရစ်ယာန်နှင့် ဟိန္ဒူဘာသာများထက် ပိုမိုရှေးကျကြောင်း မဖော်ပြရသေးပေ။ ပါရှန်းအင်ပါယာကြီး ယုတ်လျော့ပျက်စီးလာသည်နှင့်အမျှ ဇိုရိုအက်စ်ထရီယန်ဘာသာ၏ အမွေအနှစ်များသည် ၎င်း၏ ယုံကြည်သူများနှင့်အတူ ပျောက်ကွယ်သွားခဲ့သည်။

ဖုန့်လင်း ပိုမိုထူးချွန်ကြောင်း အရည်အချင်းထုတ်ပြရန် ဆန္ဒမရှိခဲ့ပေ။ အလွန်အကျွံမျှဝေခြင်းသည် ပြဿနာများကိုသာ ဖြစ်စေလိမ့်မည်။

သူလိုအပ်သည်မှာ ဇိုရိုအက်စ်ထရီးယန်ဘာသာ ၏ နတ်ဘုရားဖြစ်ကြောင်း ရှင်းလင်းစွာ ဖော်ပြရန်သာဖြစ်သည်။ အကယ်၍ ရှည်လျားစွာ ပျောက်ကွယ်နေသော ဒဏ္ဍာရီတစ်ခုအကြောင်း အသေးစိတ်အချက်အလက်တိုင်းကို မျှဝေနိုင်ပါက လွန်စွာအံ့အားသင့်ဖွယ်ဖြစ်သွားလိမ့်မည်ဖြစ်သည်။

ဖုန့်လင်း ပန်ဒါကဲ့သို့ နိုင်ငံရတနာအဖြစ် ထိန်းသိမ်းခံရပြီး လေ့လာခံရမည်ကို မလိုလားပေ။

"ဒီလောက် မထင်ရှားတဲ့ ဒဏ္ဍာရီကိုတောင် မင်းသိတာလား!"

"အံ့သြစရာပဲ! ဒဏ္ဍာရီနှင့် ရှေးဟောင်းရိုးရာပုံပြင်တွေကို ဘယ်လောက်တောင် မင်းသိထားတာလဲ?"

"ဇိုရိုအက်စ်ထရီယန်၊ ဟိန္ဒူဘာသာ နဲ့ သမ္မာကျမ်းစာ အပြင် မင်း ဘာဒဏ္ဍာရီတွေထပ်သိသေးလဲ?"

...

နောက်ဆုံးအင်တာဗျူးသူပါ ဖုန့်လင်းရဲ့အဖြေကို လက်ခံလိုက်တာကိုမြင်တဲ့အခါ အခြားအင်တာဗျူးသူတွေက သူ့ကိုချီးကျူးလိုက်ကြသည်။ အခုဆို သူတို့မျက်လုံးတွေမှာ စိတ်အားထက်သန်မှုတွေနဲ့ ဖုန့်လင်းကိုကြည့်နေခဲ့ကြပါတယ်။

ဒဏ္ဍာရီနဲ့ ရှေးဟောင်းရိုးရာပုံပြင်တွေဆိုတာ သိရှိဖို့ အလွန်ခက်ခဲတဲ့အရာတွေလို့ လူသိများပါတယ်။ နှစ်ပေါင်း တစ်သောင်းကျော်ကာလအတွင်း အချက်အလက်အများအပြား ပျောက်ဆုံးခဲ့ရပြီး ဒီနယ်ပယ်မှာ ထူးချွန်တဲ့သူတွေက အလွန်ရှားပါတယ်။

သူတို့မေးခဲ့တဲ့မေးခွန်းတွေအားလုံးက မတူညီတဲ့လူမျိုးစုတွေရဲ့ ဒဏ္ဍာရီတွေနဲ့သက်ဆိုင်နေပါတယ်။ အစကတည်းက အင်တာဗျူးသူတွေက ဖုန့်လင်းအနေနဲ့ နှစ်ပေါင်းများစွာ ပျောက်ဆုံးနေတဲ့ဒဏ္ဍာရီတွေအကြောင်း မေးခွန်း နှစ်ခုသုံးခုလောက်ကို မှန်ကန်စွာဖြေဆိုနိုင်ရင်တောင် သူ့ကိုလက်ခံဖို့ သဘောတူထားကြတာပါ။

ဒီဖြေဆိုသူက မေးခွန်းအားလုံးကို မှန်ကန်စွာဖြေဆိုနိုင်မယ်လို့ သူတို့မျှော်လင့်မထားခဲ့ကြပါဘူး။

လူတစ်ယောက်က မတူညီတဲ့လူမျိုးစုတွေရဲ့ ဒဏ္ဍာရီပုံပြင်တွေအကြောင်း ဒီလောက်ထိ အသေးစိတ်ကျကျ ဘယ်လိုသိနိုင်မှာလဲ?

"အရမ်းကောင်းတယ်၊ တကယ်ကို ကောင်းတယ်!" အဓိကအင်တာဗျူးသူက ချီးကျူးပြီး လက်ခုပ်တီးလိုက်ကာ ဖုန့်လင်းကို အလွန်ကျေနပ်နေခဲ့သည်။ "မင်း အင်တာဗျူးအောင်ပြီဆိုတာ ငြင်းစရာမလိုဘူး! အမှတ်ပေးစနစ်သာရှိရင် ငါ မင်းကို အမှတ်အပြည့်ပေးမိမှာပဲ! အခု ဆေးဖော်စပ်မှုစမ်းသပ်ချက်ကို စတင်မယ်!"

"ဆေးဖော်စပ်မှုစမ်းသပ်ချက်လား!"

ဖုန့်လင်း အံ့အားသင့်သွားခဲ့သည်။

"မှန်တယ်! နောက်ဆုံးမှာတော့ မျိုးဗီဇသုတေသနပညာရှင်တွေရဲ့အလုပ်က ဆေးဖော်စပ်ဖို့ပဲ။ မင်းရဲ့အသိပညာနဲ့ သီအိုရီတွေက အမှတ်ပြည့်ရပြီလို့ ပြောနိုင်ပေမယ့် ဆေးဖော်စပ်နိုင်စွမ်းကိုတော့ စမ်းသပ်ဖို့လိုသေးတယ်!" အဓိကအင်တာဗျူးသူက ရှင်းပြလိုက်သည်။

"စမ်းသပ်မှုက ဘယ်လိုလဲ?" ဖုန့်လင်း မေးလိုက်သည်။

"အလွန်ရိုးရှင်းပါတယ်! မင်းကို ဆေးဖော်နည်းအသစ်တစ်ခုပေးမယ်၊ မိနစ် ၃၀ လေ့လာပြီးမှ ဆေးဖော်စပ်ရမယ်။ စိတ်မပူပါနဲ့၊ ဒါက ဗီဇသုတေသနပညာရှင်အင်တာဗျူးအတွက်ပဲဖြစ်ပြီး ဖော်စပ်ရမယ့်ဆေးကလည်း အဆင့်သတ်မှတ်ချက်မရှိတဲ့ မျိုးဗီဇဆေးဖြပါ။ ခက်ခဲမှုက သိပ်မမြင့်ပါဘူး! မင်းအချိန်ယူပြီး လေ့လာလို့ရပါတယ်။ အခွင့်အရေး သုံးကြိမ်ပေးမယ်။ တစ်ကြိမ်အောင်မြင်ရုံနဲ့ အအောင်ပေးမှာပါ!" အဓိကအင်တာဗျူးသူက ပြောပြီး လေဟာနယ်ထဲသို့ ထိလိုက်သည်။

ဖုန့်လင်းရှေ့တွင် "ဒေါသပေါက်ကွဲဆေးဝါး" ဟူသော စာသားပါသည့် သုံးဖက်မြင်ရုပ်ပုံတစ်ခု ပေါ်လာသည်။

ဤဆေးဝါးသည် အဆင့်သတ်မှတ်ချက်မရှိသော်လည်း လူတစ်ဦး၏ အာဟာရစွမ်းအင်နှင့် သွေးလည်ပတ်မှုကို အရှိန်မြှင့်တင်ပေးနိုင်သည်။ အသုံးပြုသူ၏ ခွန်အားကို ၂၀% အထိ တိုးစေပြီး အချိန်တိုအတွင်း ကြီးမားသည့် ခွန်အားတိုးတက်မှုကို ရရှိစေနိုင်သည်။ ၂၀% သာဖြစ်သော်လည်း ဤခွန်အားတိုးတက်မှုသည် ခန္ဓာကိုယ်အတွက် ကြီးမားသော အပြောင်းအလဲကို ဖြစ်စေနိုင်သည်။

ဤဆေး၏ အကျိုးသက်ရောက်မှုများသည် ဖုန့်လင်း ယခင်က မြင်ဖူးခဲ့သည့် "သွေးဆူပွက်ခြင်း အာဟာရဆေး" နှင့် အလားသဏ္ဍာန်တူပြီး ၎င်း၏ ရိုးရှင်းသော ဗားရှင်းတစ်ခုဖြစ်သည်။

ရိုးရှင်းသော ဗားရှင်းဖြစ်သော်လည်း ဆေးဖော်စပ်နည်းတစ်ခုအနေဖြင့် အလွန်တန်ဖိုးရှိပေသည်။

ဤဆေးဖော်နည်းတစ်ခုတည်းကပင် ကြယ်ဒင်္ဂါး ၄,၀၀၀ အထိ တန်ဖိုးရှိပြီး ၎င်းတို့အနေဖြင့် ဆေးဖော်နည်းကို သူ့အား ဤမျှလွယ်ကူစွာ ပေးနိုင်ခြင်းမှာ ၎င်းတို့၏ ချမ်းသာကြွယ်ဝမှုနှင့် စည်းစိမ်ကို ထင်ဟပ်စေခဲ့သည်။

ဤ ပုံရိပ်ယောင်စကြာဝဠာ သည် လက်တွေ့ကမ္ဘာနှင့် ၉၉% နီးပါးဆင်တူသော စမ်းသပ်ပုံစံတစ်ခုဖြစ်သည်။

ဤနေရာတွင် ဆေးဖော်စပ်နည်းများသည် လက်တွေ့ဘဝနှင့်အတူတူပင်ဖြစ်ပြီး စမ်းသပ်အကျိုးသက်ရောက်မှုများကလည်း အတူတူပင်။ သို့သော် ဤဆေးများ၏အကျိုးသက်ရောက်မှုများသည် ပုံရိပ်ယောင်စကြာဝဠာ အတွင်း၌သာ အလုပ်လုပ်သည်။

ယေဘုယျအားဖြင့် မျိုးဗီဇပညာရှင်အများစုသည် ပထမဆုံးအကြိမ် ဆေးဖော်စပ်သည့်အခါ ပုံရိပ်ယောင်စကြာဝဠာ များတွင် လေ့ကျင့်လေ့ရှိကြသည်။

ဖုန့်လင်းသည် သူ့ရှေ့တွင် ပေါ်နေသော သုံးဖက်မြင်ရုပ်ပုံ ကိုကြည့်လိုက်သည်။ အဖြူရောင်ဝတ်ရုံဖြင့် လူတစ်ဦးသည် ရှင်းလင်းသည့် ဆေးဖော်နည်း အဆင့်ဆင့်ဖြင့် ဆေးများကို ချက်လုပ်နေသည်။ တစ်စုံတစ်ရာ မှားယွင်းမှု

လုံးဝမရှိခဲ့ပေ။

ဤ ဒေါသပေါက်ကွဲ ဆေးသည် သွေးဆူပွက်ခြင်းအာဟာရ ဆေး၏ ရိုးရှင်းသောဗားရှင်းသာဖြစ်သောကြောင့်၊ သွေးဆူပွက်ခြင်းအာဟာရဆေးဖော်စပ်နည်းကို ပိုင်နိုင်စွာတတ်မြောက်ထားသည့် ဖန်းလင်းအတွက် မခက်ခဲလှပေ။

သူ ဆေးဖော်သည့်လုပ်ငန်းစဉ်အဆင့်ဆင့်ကို သုံးကြိမ်အထိ ဂရုတစိုက်ကြည့်ရှုပြီးနောက် အလွယ်တကူပင် အလွတ်ရသွားကာ အင်တာဗျူးအဖွဲ့ဝင်ငါးဦးထံ ခေါင်းညိတ်ပြလိုက်သည်။

အဓိကအင်တာဗျူးသူက လက်ချောင်းဖြင့် အကြိမ်ကြိမ်ထိလိုက်သည်နှင့်

ဖုန့်လင်းရှေ့ရှိ မြင်ကွင်းများ ပြောင်းလဲသွားကာ အလင်းဖောက်မြင်နိုင်သည့်

ပုံရိပ်ယောင်ကိရိယာများ၊ ဓာတ်ခွဲခန်းသုံးပစ္စည်းများဖြစ်သည့် စမ်းသပ်ပြွန်များ၊ ပုလင်းများ၊ ကတော့များနှင့် အခြားဆေးဖော်စပ်ရာတွင် လိုအပ်သော ကုန်ကြမ်းပစ္စည်းများ ပေါ်လာသည်။

စမ်းသပ်မှု တရားဝင် စတင်ခဲ့ပြီဖြစ်သည်။

ဖုန့်လင်းသည် အသက်ပြင်းပြင်း

ရှုသွင်းလိုက်ကာ စိတ်ကိုငြိမ်သက်စေပြီး စတင်လိုက်သည်။

သူ ပထမဆုံးကောက်ယူလိုက်သည်မှာ အနီရောင် အပင်တစ်မျိုးဖြစ်သော **မီးလျှံပန်းငရုတ်သီး** ဖြစ်သည်။ ၎င်းသည် သဲကန္တာရဂြိုဟ်ပေါ်တွင် ပေါက်ရောက်ပြီး သာမန်ငရုတ်သီးထက် အဆ ၁၀,၀၀၀ ပိုမိုစပ်သည်။ သာမန်လူသားတစ်ဦးအနေဖြင့် ဤမျှစပ်မှုကို မခံနိုင်ဘဲ အသက်ဆုံးရှုံးသွားနိုင်သည်။

ဖုန့်လင်း ၎င်းကို နယ်ပြီး ခပ်ပျစ်ပျစ်အရည်အဖြစ်ပြောင်းလဲကာ စစ်ထုတ်ခဲ့သည်။ အနီရောင်အရည် တစ်မီလီလီတာခန့်ကို ထုတ်ယူရရှိခဲ့ပြီး ထိုအရည်မှ ထွက်ပေါ်လာသော စပ်သည့်အနံ့သည် လူကို အသက်ရှူကျပ်စေပြီး မျက်ရည်ကျစေနိုင်သည်။

ဒီခံစားမှုတွေက တကယ့်ကို လက်တွေ့အတိုင်းပဲဟ။

ဖုန့်လင်း တိတ်တဆိတ် ကျွတ်သပ်လိုက်ပြီး ဆက်လက်လုပ်ဆောင်ခဲ့သည်။

ဤဆေးကို ပထမဆုံးအကြိမ် ဖော်စပ်နေခြင်းဖြစ်သော်လည်း ၎င်းသည် အဆင့်သတ်မှတ်ချက်မရှိသော မျိုးဗီဇဆေးဝါးတစ်ခုသာဖြစ်သည့်အတွက် အခက်အခဲမရှိလှပေ။ ထို့ကြောင့် သူစိတ်လှုပ်ရှားမှု သိပ်မရှိခဲ့ချေ။

နွေရာသီမြွေမြက် , ဒါက ဆန်းကြယ်တဲ့ ဆေးဖက်ဝင်ပါဝင်ပစ္စည်းဖြစ်ပြီး တစ်ခြမ်းကမြွေ၊ တစ်ခြမ်းကအပင်ပါ။

ရေကျောက်စိမ်းမှုန့် , ရေကဲ့သို့ ပျော့ပြောင်းသည့် ကျောက်စိမ်းတုံးမှ ကြိတ်ထားသည့်အမှုန့် .......

ဆန်းကြယ်သည့် ဤပါဝင်ပစ္စည်းအားလုံးကို အထူးနည်းလမ်းဖြင့် အစီအစဉ်တကျ ထည့်သွင်းပေါင်းစပ်ခဲ့သည်။

အင်တာဗျူးအဖွဲ့ဝင်များမှာ ဘေးမှကြည့်ရင်း လျှို့ဝှက်စွာ ခေါင်းညိတ်လိုက်ကြသည်။ ဖုန့်လင်း၏ လုပ်ဆောင်ချက်များမှာ အလွန်ကျွမ်းကျင်ပုံရပြီး ယခုအချိန်အထိ တစ်စုံတစ်ရာ မှားယွင်းခြင်း လုံးဝမရှိခဲ့ပေ။

မကြာမီ၊ စမ်းသပ်ပြွန်အတွင်းရှိ ဆေးဝါးသည် ထူးဆန်းသော အသွင်ပြောင်းလဲမှုတစ်ခုကို ကြုံတွေ့ခဲ့သည်။ ၎င်းသည် သွေးကဲ့သို့ အနီရောင်တောက်တောက်အရောင် သို့ ပြောင်းသွားပြီး တောက်ပသော ပယင်းရောင်အလင်းတန်းများ ထွက်ပေါ်လာသည်။

ဤအဆင့်တွင် အောင်မြင်မှုသည် အလွန်နီးကပ်နေပြီဖြစ်သည်။

သို့သော် ဖုန့်လင်း၏ မျက်နှာအမူအရာကမူ ပိုမိုတင်းမာလာခဲ့သည်။

အောင်မြင်မှုနှင့် ပိုမိုနီးကပ်လာသည့်အချိန်တိုင်းတွင် ကိစ္စအရပ်ရပ်ကို ပိုမိုလေးနက်စွာ လုပ်ဆောင်ရမည်ဖြစ်သည်။

မျိုးဗီဇဆေးဝါးကို ချက်လုပ်ရာတွင် ဤနောက်ဆုံးအဆင့်သည် အရေးအကြီးဆုံးဖြစ်ပြီး စိတ်ဝိဉာဉ်အာရုံခံမှု ဟုခေါ်သည်။

လူ့ခန္ဓာကိုယ်ကို အသုံးပြု၍ ဆေးဝါးအတွင်းရှိ ဝိဉာဉ်စွမ်းအင်ကို အာရုံခံကာ အကောင်းဆုံးအခြေအနေသို့ ရောက်ရှိရန် နောက်ဆုံးထိန်းညှိချက်များ ပြုလုပ်ခြင်းဖြစ်သည်။

ဉာဏ်ရည်ထက်မြက်သော လူသားမျိုးနွယ်သာလျှင် ဤကဲ့သို့ပြုလုပ်နိုင်သည်။

ဝိဉာဉ်စွမ်းအင်စီးဆင်းမှုသည် မှန်းဆ၍မရနိုင်သောကြောင့်နှင့် ဆေးတစ်ပုလင်းချင်းစီ၏ အခြေအနေများ ကကွဲပြားနိုင်သောကြောင့် လူသားများသာလျှင် ဤသိမ်မွေ့သည့်ကွဲပြားမှုများကို အာရုံခံနိုင်သည်။ ဤသည်မှာ စက်ကိရိယာများဖြင့် လုပ်ဆောင်၍မရနိုင်သော အရာဖြစ်ပြီး မျိုးဗီဇဆေးဝါးအများစုကို မျိုးဗီဇပညာရှင်များကသာ ဖော်စပ်နိုင်ပြီး စက်များဖြင့် မဖော်စပ်နိုင်ရခြင်း၏ အကြောင်းရင်းလည်း ဖြစ်သည်။

ဖုန့်လင်း ဆေးစက် တစ်စက်ကို အစက်ချဖန်ပြွန်ဖြင့် ယူပြီး ဂရုတစိုက်နှင့် သူ့ပါးစပ်ထဲသို့ ထည့်လိုက်သည်။

စပ်ပြီး ပူလောင်သော ခံစားမှုတစ်ခုက သူ့အာရုံကြောများဆီသို့ လှိုင်းလုံးသဖွယ်တက်လာကာ လျှာကိုထုံသွားစေခဲ့သည်။ သို့သော် သူ့ခန္ဓာကိုယ်တွင် တုံ့ပြန်မှုသိပ်မရှိခဲ့ပေ။

"စပ်တဲ့အဆင့်က မြင့်လွန်းနေပြီး

ဝိဉာဉ်အမှုန်ပမာဏက နည်းလွန်းနေတယ်!" ဖုန့်လင်း သွေးဝိဉာဉ်ပန်းမှ အရည်ကို ထပ်မံထုတ်ယူပြီး အနည်းငယ်ထပ်ထည့်လိုက်သည်။

တစ်စက်၊ နှစ်စက်၊ သုံးစက်...

ဘန်း! သူ့လက်ထဲရှိ စမ်းသပ်ဖန်ပြွန်ချောင်း ရုတ်တရက်ပေါက်ကွဲသွားပြီး ကျရှုံးမှုတစ်ခုဖြစ်သွားသည်။

ဘေးမှကြည့်နေသော အင်တာဗျူးအဖွဲ့ဝင်များ သက်ပြင်းချလိုက်ကြသည်။

သို့သော် ဖုန့်လင်း စိတ်မပူခဲ့ပေ။

အဘယ်ကြောင့်ဆိုသော် အောင်မြင်မှုရရန် လိုအပ်သော ခံစားချက်ကို သူရှာဖွေတွေ့ရှိပြီးဖြစ်၍ ဒုတိယအကြိမ် သူ ထပ်ကျရှုံးမည်မဟုတ်ပေ။

ပြောရရင် အရာအားလုံးက သူမျှော်လင့်ထားသည့်အတိုင်း ဖြစ်လာခဲ့သည်။

ဖုန့်လင်း အနားယူခြင်းမရှိဘဲ စနစ်တကျ ဆက်လက်ဆေးဖော်စပ်ခဲ့သည်။ သူ့နည်းစနစ်များအပေါ် ပိုမိုကျွမ်းကျင်လာမှုကို ထင်ရှားစွာတွေ့မြင်နိုင်သည်။

မကြာမီပင် သူသည် ဒေါသပေါက်ကွဲ ဆေးဝါးအသစ်တစ်ပုလင်းကို ထိရောက်စွာ ပြီးမြောက်သွားခဲ့သည်။ ဤအကြိမ်တွင် ယခင်ကြိုးစားမှုထက် အချိန်သုံးပုံတစ်ပုံသာ ကုန်ခဲ့သည်။

သူ ထပ်မံပြီး အရသာစမ်းကြည့်လိုက်သည်။ ဤအကြိမ်တွင်မူ အစပ်အဆင့်မှာ လွန်စွာနိမ့်နေပြီး လူ့ခန္ဓာကိုယ်အား ဆေးဝါး၏အာနိသင်များကို အမြန်စုပ်ယူနိုင်ရန် လှုံ့ဆော်ပေးနိုင်ခြင်း မရှိခဲ့ပေ။

ဖုန့်လင်း မီးလျှံပန်းငရုတ်သီးအရည်ကို ၂.၅ စက် ဂရုတစိုက်ထည့်လိုက်သည်။ သွေးနီရောင်ဆေးဝါးသည် အံ့သြစရာပင် အရောင်ပျောက်သွားပြီး ဖောက်ထွင်းမြင်နိုင်သောအနီရောင်ဖျော့ဖျော့သန်းလာကာ မည်သည့်အနံ့မျှမထွက်တော့ပေ။

ဤသည်မှာ ဆေးဝါး၏အာနိသင်အားလုံး ပေါင်းစပ်သွားပြီး ဖော်စပ်မှုအောင်မြင်သည့် လက္ခဏာဖြစ်သည်။

အင်တာဗျူးသူအဖွဲ့ဝင် ငါးဦးတို့ ချဉ်းကပ်လာကြသည်။

"ဂုဏ်ယူပါတယ်၊ မင်း ရသွားပြီ!"