ဆင့်ကဲဖြစ်စဉ်လမ်းကြောင်း

ဗီဇများတွင် 0,1,2,3 စသည်ဖြင့် အဆင့်ဆင့်သတ်မှတ်ထားသော ဂဏန်းအဆင့်များ ရှိသည်။

ကြယ်တာရာကျင့်ကြံသူ၏ လမ်းကြောင်းသည်လည်း ဗီဇဆင့်ကဲပြောင်းလဲမှု၏ လမ်းကြောင်းပင်ဖြစ်ပြီး ဗီဇများ အဆင့်တက်လာသည်နှင့်အမျှ ၎င်းတို့၏အသက်စွမ်းအင်မှာ ဒဏ္ဍာရီဆန်သော ဖြစ်တည်မှုများ၏ အဆင့်သို့ နီးကပ်လာမည်ဖြစ်သည်။

ရှေးခေတ်ကမ္ဘာမြေတွင်၊ ရှေးဦးသက်ရှိ တစ်မျိုးချင်းစီသည် အစာကွင်းဆက်၏ အထွတ်အထိပ်ရှိ အုပ်စိုးသူများဖြစ်ကြသည် - ဒိုင်နိုဆောများ၊ ဧရာမမျောက်ဝံများ၊ ကြောက်မက်ဖွယ်ကောင်းသော မိကျောင်းများ...

အဆင့်-၁ ဗီဇကို နိုးထထားသည့် အဓိပ္ပါယ်မှာ ထိုရှေးဦးသက်ရှိများနှင့် ရင်ပေါင်တန်းနိုင်သော စွမ်းအားကို ရရှိစေနိုင်ပြီး အစာကွင်းဆက်၏ အထွတ်အထိပ်တွင် ရပ်တည်နိုင်မည်ဖြစ်သည်။

ထို့ကြောင့် အဆင့်-၀ ဗီဇသည် ဗီဇဆင့်ကဲပြောင်းလဲမှု၏ အခြေခံဖြစ်ပြီး အခြေခံဗီဇများဟု ခေါ်ဆိုပါက၊ အဆင့်-၁ ဗီဇမှာ ရှေးဦးဗီဇများ ဖြစ်သည်။

သို့သော်လည်း၊ ဤအရာကို အထွတ်အထိပ်အဆင့်ဟု မသတ်မှတ်နိုင်သေးပေ။

ဘယ်အရာကို အထွတ်အထိပ်အဆင့်လို့ သတ်မှတ်နိုင်မလဲ။

သာမန်လူသားတစ်ဦးထက် ကျော်လွန်သော စွမ်းအားနှင့် သက်တမ်း!

စွမ်းအားတစ်ခုတည်းနှင့် မလုံလောက်နိုင်ပေ။ အကယ်၍ ၎င်းတို့၏ သက်တမ်းမတိုးလာပါက၊ ၎င်းတို့၏အသက်စွမ်းအင်အဆင့်သည်လည်း ခုန်တက်လာမည် မဟုတ်ဘဲ တစ်စုံတစ်ဦးအနေဖြင့် ဂြိုလ်တစ်ခုလုံးကို လက်သီးတစ်ချက်ဖြင့် ချေမှုန်းနိုင်သည့်တိုင်၊ နှစ်ပေါင်း တစ်ရာကြာပြီးနောက်တွင်မူ အရေးမပါနိုင်တော့ပေ။

စွမ်းအားဆိုသည်မှာ ထွင်လုံးတစ်ခုထက် မပိုချေ။

ရှေးဟောင်းကျင့်ကြံခြင်းတွင် ဆိုရိုးစကားတစ်ခုရှိသည် - ကျင့်ကြံမှုလုပ်လိုလျှင် အကောင်းမြင်တတ်သော စိတ်ထား နှင့် သင့်လျော်သောရည်ရွယ်ချက်ရှိရမည်ဖြစ်ပြီး မဟုတ်ပါက၊ ၎င်းကိုယ်တိုင်သည် ရောဂါတစ်ခုသာ ဖြစ်ပေလိမ့်မည်။

အရည်အချင်းပြည့်ဝသော ကြယ်တာရာကျင့်ကြံသူတစ်ဦးအနေဖြင့်၊ ကိုယ်ကျင့်စရိုက်နှင့် ရုပ်ပိုင်းဆိုင်ရာ ကျန်းမာမှုနှစ်ခုလုံး မရှိမဖြစ် လိုအပ်သည်။ စွမ်းအားနှင့် သက်တမ်းနှစ်ခုလုံးကို အားဖြည့်ခြင်းမှာ ဘဝ၏အနှစ်သာရသို့ ရောက်ရှိနိုင်သော စစ်မှန်သည့် ကျင့်ကြံနည်း ဖြစ်သည်။

အကယ်၍ အဆင့်-၁ ဗီဇသည် ရှေးဦးသက်ရှိများအား အုပ်စိုးသူဖြစ်လာရန် အစဖြစ်ပါက၊ အဆင့်-၂ မှာ အထွတ်အထိပ်လမ်းကြောင်းဆီသို့ ပထမဆုံးခြေလှမ်းပင် ဖြစ်သည်။

အဆင့်-၂ ဗီဇသို့ ရောက်ရှိပါက၊ ၎င်းတို့၏သက်တမ်းမှာ အနည်းဆုံး နှစ်ပေါင်း ၃၀၀ အထိ တိုးတက်လာမည်ဖြစ်ပြီး၊ မူလသက်တမ်း၏ သုံးဆဖြစ်လာမည်ဖြစ်ပြီး ဤအဆင့်သို့ ရောက်ရှိမှသာ တစ်ယောက်ကို အထွတ်အထိပ်အဆင့်ဟု သတ်မှတ်နိုင်သည်။

ဤသည်မှာ အဆင့်-၂ ဗီဇကို အထွတ်အထိပ်ဗီဇများဟု အဘယ်ကြောင့် သိထားကြသလဲဆိုသည့် အချက်ပင်။

သံသယဖြစ်စရာမလိုဘဲ၊ စွန်းဝူခုန်း၏ လမ်းကြောင်းသည် ဖုန့်လင်းရှိနေသော ဒဏ္ဍာရီလာ လမ်းကြောင်းပင်ဖြစ်သည်။

ဒဏ္ဍာရီလာ လမ်းကြောင်း၏ အဆင့်တိုင်းတွင် ၎င်းတို့၏ သက်ဆိုင်ရာ ဗီဇများရှိကြသည်။ ကျောက်တုံးမျောက်ဗီဇသည် ၎င်း၏ပထမအဆင့်ဖြစ်ပါက၊ ဒုတိယအဆင့်မှာ အဘယ်နည်း။

သူ၏ကျင့်ကြံမှုကို နောက်တစ်ဆင့်သို့ ဆက်လက်လှမ်းနိုင်ရန်၊ သူ ဤအရာကို ပထမဦးစွာ ရှာဖွေရမည်ဖြစ်သည်။

ဤဒဏ္ဍာရီလာလမ်းကြောင်းတစ်လျှောက် ခရီးဆက်ရာတွင် ဒဏ္ဍာရီဇာတ်လမ်းများကို ဆန်းစစ်ရမည်ဖြစ်ပြီး၊ ဒဏ္ဍာရီလာဇာတ်ကောင်တစ်ဦးချင်းစီ၏ ကြီးထွားဖွံ့ဖြိုးမှုနှင့် အတွေ့အကြုံတစ်ခုချင်းစီမှ အဖြေထုတ်ရမည်ဖြစ်သည်။

ဤဇာတ်လမ်းများသည် ကျင့်ကြံမှု လမ်းကြောင်းကို ဖော်ပြသော်လည်း၊ ၎င်းကို ဖော်ထုတ်ရန် ဗီဇအလားအလာ လိုအပ်သည်။

ဥပမာအားဖြင့်၊ ဖုန့်လင်းသိထားသည်မှာ တရုတ်ဒဏ္ဍာရီ၏ ဖန်ဆင်းခြင်း နတ်ဘုရား ပန်ကူး၏ဒဏ္ဍာရီလမ်းကြောင်းသည် အလွန်အားကောင်းမည်ဖြစ်သော်လည်း၊ ၎င်း၏ဗီဇဆင့်ကဲပြောင်းလဲမှုလမ်းကြောင်းအတွက် အလွန်များပြားသော ဗီဇအလားအလာများ လိုအပ်မည်ဖြစ်သည်။

ဤလမ်းကြောင်း၏ အထွတ်အထိပ်မှာ ပန်ကူးဗီဇဖြစ်သော်လည်း၊ ၎င်း၏ဗီဇသစ်ပင် သို့မဟုတ် အဆင့်တိုင်းရှိ ဗီဇများနှင့် ပေါင်းစပ်မှုများအကြောင်း သူ့တွင် မည်သည့်သဲလွန်စမှ မရှိပေ။

တစ်ဆင့်ချင်းဖြင့်၊ အထက်မှအောက်သို့ ဗီဇတစ်ခုချင်းစီကို အဖြေထုတ်ရ

လိမ့်မည်ဖြစ်ပြီး ထို့နောက်တွင် ၎င်းတို့ကို ပေါင်းစပ်ရမည်။ ရိုးရှင်းစွာပင် သုံးစွဲရမည့် ဗီဇအလားအလာမှာ သူ့အတွက် အလွန်များပြားလှ၏။

မျောက်ဗီဇနှင့် ကျောက်ဖြစ်ဗီဇကို နိုးထပြီးချိန်မှစ၍၊ ဖုန့်လင်းအနေနှင့်

စွန်းဝူခုန်း၏လမ်းကြောင်းသည်သာ သူရွေးချယ်နိုင်သည့် အကောင်းဆုံးနှင့် တစ်ခုတည်းသောလမ်းကြောင်းဖြစ်သည်ဟု ယုံကြည်ခဲ့သည်။

သို့မဟုတ်၊ သူ၏အသက်စွမ်းအင်ပြန်လည်အားကောင်းလာသည့်အခါတွင် စွန်းဝူခုန်း၏ လမ်းကြောင်းမှ ကန့်သတ်ချက်များကို စွန့်ပစ်ကာ အဆုံးမရှိသော အလားအလာများနှင့် လွတ်လပ်မှုတို့ဖြင့် ပြည့်နှက်နေသော အခြားလမ်းကြောင်းတစ်ခုကို ရွေးချယ်နိုင်သည်။

သို့သော်၊ ဤအရာမှာ ဝေးကွာသည့်အနာဂတ်တစ်ခုပင်ဖြစ်ပြီး လက်ထဲရှိနေသည့်အရာမှာ ပိုမိုအရေးကြီးသည်။ သူရှေ့တွင်ရှိသော အလုပ်ကိုပြီးမြောက်ပြီး၊ တစ်လှမ်းပြီးတစ်လှမ်း အချိန်ယူကာ သူကံကြမ္မာ၏ချုပ်နှောင်မှုမှ လွတ်မြောက်နိုင်မှသာ၊ သူ၏ လွတ်လပ်မှုကို ရရှိနိုင်မည်ဖြစ်သည်။

မဟုတ်ပါက၊ ဤအရာအားလုံးမှာ စိတ်ကူးယဉ်မှုသာဖြစ်လာလိမ့်မည်။

ဒဏ္ဍာရီပုံပြင်များတွင်၊ နတ်ဘုရားများနှင့် သူတော်စင်များ၏ စွမ်းအားမှာ ၎င်းတို့၏အတွေ့အကြုံများနှင့်အတူ တိုးတက်လာခဲ့သည်။ အမွေဆက်ခံထားသော ဗီဇသည်လည်း တစ်ဆင့်ချင်း ပိုမိုအားကောင်းလာမည်ဖြစ်သည်။

ဖုန့်လင်းတွင် လိုသလို သုံးနိုင်သည့် ဗီဇအမှတ်များ လုံလောက်စွာ ရှိပြီး မည်သည့်အချိန်တွင်မဆို ဖြည့်စွက်နိုင်သော်လည်း မိမိကိုယ်တိုင်၏ဆင့်ကဲပြောင်းလဲမှု လမ်းကြောင်းကို နားမလည်ဘဲ အမှတ်များ မဆင်မခြင် ထည့်မိပါက ကိုယ့်ကိုယ်ကိုပင် ဒုက္ခရောက်စေမည်ဖြစ်သည်။

အဆုံး၌ ဗီဇပညာရပ်တွင် နောင်တမရှိဘဲ အားဖြည့်ခြင်း ဆိုသည့် စည်းမျဉ်းရှိသည်။ တစ်ခဏစိတ်မရှည်မှုကြောင့် မိမိ၏ကျင့်ကြံမှု အဆုံးသတ်သွားမည့်အဖြစ်မျိုး သူ မဖြစ်လိုခဲ့ပေ။

ဖုန့်လင်း သူ၏ ဗီဇဆင့်ကဲပြောင်းလဲခြင်း ရှေ့ဆက်လှမ်းနိုင်ရန်အတွက် ရှာဖွေမှုကို စတင်ခဲ့သည်။

သာမန်လူတစ်ဦးအတွက် အခြားသူ၏ ညွှန်မှုမပါဘဲ မိမိလမ်းကြောင်းကို ရှာဖွေရန် ခက်ခဲလှသည်။

သို့သော် ဗီဇအားဖြည့်ခြင်းလမ်းစဉ်သည် ဒဏ္ဍာရီလာ နည်းလမ်း၏ နောက်ခံပင်။

ဖုန့်လင်းတွင် ရှေးဟောင်းကမ္ဘာမြေ၏ ဒဏ္ဍာရီဆိုင်ရာ အသိပညာများ ရှိနေပြီး ယင်းကို လမ်းညွှန်အဖြစ် အသုံးပြုကာ လမ်းလွဲမည့်ဘေးမှ ကင်းဝေးနိုင်သည်။

ဒဏ္ဍာရီများအပေါ် သူ၏ဗဟုသုတကို အသုံးပြု၍ သူ၏ လမ်းကြောင်းကိုရွေးချယ်ပြီး ဗီဇညီမျှခြင်းဖြင့် အလားအလာများကို အဖြေထုတ်နိုင်သည့်အတွက် ဤနည်းလမ်းနှစ်ရပ်သည် တစ်ခုနှင့်တစ်ခု ပြည့်စုံစေသည်ဟု ပြောနိုင်သည်။ ဖုန့်လင်း သူ့စွမ်းရည်ကို ဉာဏ်ရှိစွာ အသုံးချပါက လမ်းမှားသို့ လုံးဝမရောက်နိုင်ဟု သေချာစွာ ပြောနိုင်သည်။ သူ၏ကျင့်ကြံမှုလမ်းကြောင်းသည် မယှဥ်နိုင်အောင် တောက်ပနေခဲ့သည်။

"ကျောက်ဖြစ်ဗီဇ" ပြီးရင်

စွန်းဝူခုန်း၏ လမ်းကြောင်းပေါ်က နောက်ထပ် ဘယ်ဗီဇဖြစ်လိမ့်မလဲ?

ဖုန့်လင်း အစက "ဝိညာဥ်ကျောက်တုံးမျောက်ဗီဇ" ဖြစ်မည်ဟု ယူဆခဲ့သော်လည်း ယင်းနှင့် "ကျောက်တုံးမျောက်ဗီဇ" တို့ကြားတွင် မည်သည့် ကွာခြားချက်ရှိကြောင်း အတိအကျ

မသိခဲ့ပေ။

သူအနေနှင့် ဒဏ္ဍာရီများကို ကောင်းစွာနားလည်သော်လည်း၊ ယင်းသည် ရှေးဟောင်းမှတ်တမ်းများအပေါ် အခြေခံထားခြင်းသာဖြစ်ကာ အချိန်ကြာလာသည်နှင့်အမျှ အမှန်တရားထဲမှ အသေးစိတ်အချက်များ တဖြည်းဖြည်း ပျောက်ကွယ်သွားပြီး ခြေလှမ်းတစ်ခုချင်းစီကို စူးစမ်းရန် လိုအပ်ပေလိမ့်မည်။

အဆုံး၌ သူသည် စွန်းဝူခုန်းအစစ် မဟုတ်ပေ။ ထို့ကြောင့် ဒဏ္ဍာရီလာ ပုံပြင်အစစ် တစ်ခုလုံး၏ အသေးစိတ်အချက်အလက်တိုင်းကို မသိနိုင်ပေ။

ဖုန့်လင်း သိထားသည်မှာ စွန်းဝူခုန်း၏ ဒဏ္ဍာရီလာလမ်းကြောင်းတွင်

"စွန်းဝူခုန်းဗီဇ" အဆင့်ပါရှိမည်ဖြစ်ပြီး ၎င်း၏ အဆင့်-0 ဗီဇသည် "မျောက်ဗီဇ" နှင့် "ကျောက်ဖြစ်ဗီဇ" တို့ဖြင့် ဖွဲ့စည်းထားသည်။ အဆင့်-1 တွင် "ကျောက်တုံးမျောက်ဗီဇ" ပါဝင်သော်လည်း ကျန်သည့်အရာများနှင့်ပတ်သက်၍ သူ မသိပေ။

ထိုအရာသည် ဤအားဖြည့်မှုလမ်းကြောင်း၏ အဆင့်-2 ဗီဇသည်

"စွန်းဝူခုန်းဗီဇ" ဖြစ်လိမ့်မည်ဖြစ်ပြီး "ကျောက်တုံးမျောက်ဗီဇ" ကို ပြောင်းလဲနိုင်သည့်ဗီဇဖြစ်နိုင်သည်ဟူသော သူ၏ ပထမ ယူဆချက်ဖြစ်သည်။ ၎င်းကို အဗီဇညီမျှခြင်းအား အသုံးပြုကာ ဖြေရှင်းရန် ကြိုးစားခဲ့သည်။

သို့သော် သူ၏ဗီဇညီမျှခြင်းတွင် အပြောင်းအလဲမရှိခဲ့ကာ ဗီဇအလားအလာသည်လည်း လျော့နည်းသွားခြင်းမရှိဘဲ ရပ်တန့်နေခဲ့သည်။

ဘာလို့လဲ?။

ဗီဇညီမျှခြင်း အသက်ဝင်လာရင် ဗီဇအလားအလာ လျော့နသွားသင့်တယ် မဟုတ်လား။

ဖုန့်လင်း စိတ်ရှုပ်သွားခဲ့သည်။ ဗီဇညီမျှခြင်း၏ ပထမဆုံးအကြိမ် ကျရှုံးမှု ဖြစ်သည်။

သို့သော် စိတ်ငြိမ်ငြိမ်ထားပြီးနောက် သူစဉ်းစားကြည့်လိုက်သည်။ ဗီဇညီမျှခြင်းသည် ယခင်က အမြဲအသုံးဝင်ခဲ့ပြီး ယခုအချိန်တွင် ကျရှုံးရန် မဖြစ်နိုင်ခြေ။

ဒါက အဓိပ္ပါယ်မရှိဘူး။

သူ ခန့်မှန်းကြည့်လိုက်သည်။

"စွန်းဝူခုန်းဗီဇ" သည် အဆင့်-2 ၏ အထွတ်အထိပ်ဗီဇမဟုတ်ဘဲ ပို၍မြင့်မားသော အဆင့်တစ်ခုမှ ဗီဇဖြစ်ပုံပေါ်သည်။

၎င်းတို့၏ ဗီဇအဆင့်များကြားမှ ကွာဟချက်မှာ အလွန်ကြီးမားပြီး တိုက်ရိုက်ပေါင်းစည်း၍မရနိုင်ပေ။ ဤသည်မှာ အဘယ့်ကြောင့် ဗီဇညီမျှခြင်း အလုပ်မဖြစ်ဆိုသည့် အကြောင်းပင်ဖြစ်လိမ့်မည်။

"စွန်းဝူခုန်းဗီဇ" ၏ အစွမ်းသတ္တိများနှင့်ပတ်သက်၍ အနာဂတ်တွင် ထပ်မံစူးစမ်းရှာဖွေရန် လိုအပ်ဦးမည်ဖြစ်သည်။

ဒဏ္ဍာရီနှင့် ရှေးဟောင်းပုံပြင်တိုင်းသည် နတ်ဘုရားအဖြစ်သို့ လမ်းကြောင်းတစ်ခုပင်။

ဤဒဏ္ဍာရီများသည် ကျင့်ကြံခြင်းလမ်းကြောင်းကို ရှာဖွေရန် စမှတ်နေရာများ ဖြစ်သည်။

စွန်းဝူခုန်း၏ ဇာတ်လမ်းသည် သူ၏ကြီးထွားမှုနှင့် အတွေ့အကြုံများကို အခြေခံထားပြီး ဒဏ္ဍာရီအတွင်းတွင် သူ၏စွမ်းအားသည် အဆက်မပြတ် အားကောင်းလာခဲ့သည်။

ဖုန့်လင်းမှာ စွန်းဝူခုန်း၏ အတိတ်ကို ပြန်တွေးမိလိုက်ပြီး ဆရာသခင်

သုဘူတိ ထံမှ အမည်နာမရခင်၊ သူသည် ပန်းမာလာတောင်မှ "ချောမောခန့်ညားသော မျောက်ဘုရင်" အဖြစ် လူသိများကြောင်း သတိရမိလိုက်သည်။

"ချောမောခန့်ညားသော မျောက်ဘုရင်" အဖြစ် သူ၏ထူးခြားသော လက္ခဏာရပ်များသည် ဗီဇအမွေဆက်ခံမှုတွင် ပါကောင်းပါနိုင်လိမ့်မည်ဖြစ်သည်။

သူရဲ့ အဆင့်-2 ဗီဇက "မျောက်ဘုရင်ဗီဇ" ဖြစ်နိုင်မလား။

ဤတစ်ကြိမ်တွင် ဖုန့်လင်းသည် "မျောက်ဘုရင်ဗီဇ" ကို စွန်းဝူခုန်း လမ်းစဥ်၏ အဆင့်-2 ဗီဇအဖြစ် ယူဆပြီး "ကျောက်တုံးမျောက်ဗီဇ" ကို အသိမှတ်ပြုထားသော အချက်အဖြစ် ထပ်မံအသုံးပြုကာ ရလဒ်ကို ရှာဖွေခဲ့သည်။

သို့သော် ဗီဇညီမျှခြင်းသည် ယခင်ကဲ့သို့ပင် လှုပ်ရှားမှုမရှိခဲ့ပေ။

ဤဆိုလိုသည်မှာ ဤဗီဇဆင့်ကဲပြောင်းလဲမှုလမ်းကြောင်းတွင် အဆင့်အတန်းကွာဟမှုများ ရှိနေသေးပြီး တိုက်ရိုက်ပေါင်းစည်း၍မရသေးခြင်း ဖြစ်သည်။

ဤကိစ္စတွင် "မျောက်ဘုရင်ဗီဇ"သည် အဆင့်-2 ထက် ပိုမိုမြင့်မားပြီး ယင်း၏အောက်တွင် ပိုမိုနိမ့်သော ဗီဇအဆင့်များ ရှိနေသေးသည်။

ဖုန့်လင်း စွန်းဝူခုန်၏ ဒဏ္ဍာရီကို အစမှနေ၍ ပြန်လည်ဆန်းစစ်ခဲ့သည်။

"ဝိညာဥ်ကျောက်တုံးမျောက်"အဖြစ် မွေးဖွားလာသော စွန်းဝူခုန်းသည် အခြားမျောက်များထက် ပိုမိုလျင်မြန်ပြီး ကြီးကျယ်ခမ်းနားသည်။ သူ မွေးဖွားစဉ်က ရွှေရောင်အလင်းတန်းများ လေးဘက်လေးတန်သို့ ဖြာထွက်ခဲ့ပြီး မျောက်တိုင်းပြည်ကို သိမ်းပိုက်ကာ "ချောမောခန့်ညားသောမျောက်ဘုရင်"ဖြစ်လာခဲ့သည်။ ထို့နောက် ဆရာသခင် သုဘူတိထံမှ "စွန်းဝူခုန်း" ဟူသောအမည်ကို ရရှိခဲ့ပြီး နောက်ဆုံးတွင် ကောင်းကင်နန်းတော်ကို ဖျက်ဆီးကာ မိမိကိုယ်ကို "ကောင်းကင်ဘုံနှင့် ညီမျှသော မဟာသူတော်စင်"ဟု ကြေညာခဲ့သည်။

ဖုန့်လင်း ဤဇာတ်လမ်းကို အဆက်မပြတ် ပြန်လည်သုံးသပ်နေရင်း သူ၏စိတ်မှာ ရုတ်တရက် ကြည်လင်သွားသကဲ့သို့ ခံစားခဲ့ရလေ၏။

သူ့နားလည်မှုအရ "မျောက်ဘုရင်ဗီဇ"သည် အဆင့်-3 ဗီဇဖြစ်နိုင်ပြီး

"စွန်းဝူခုန်းဗီဇ"သည် အဆင့်-4 သို့မဟုတ် အဆင့်-5 ဗီဇဖြစ်နိုင်သည်။

ထို့ကြောင့် အဆင့်-2 ဗီဇအတွက် တစ်ခုတည်းသောဖြစ်နိုင်ခြေမှာ "ဝိညာဥ်ကျောက်တုံးမျောက်ဗီဇ"သာ ကျန်တော့သည်။

အစကတည်းက သူ ဘာလို့ ဒီလိုမစမ်းကြည့်ခဲ့မိတာလဲ?

သူ့စိတ်ထဲမှာတော့ အသံတစ်ခုက "ကျောက်တုံးမျောက်နှင့် ဝိညာဥ်ကျောက်တုံးမျောက်က တူတယ်မဟုတ်လာယ"ဟု အော်နေခဲ့သည်။

ဖုန့်လင်းအနေနှင့် ယင်းတို့သည် အမည်ခေါ်ပုံချင်းသာ ကွဲပြားပြီး အတူတူပင်ဖြစ်သည်ဟု ယူဆခဲ့မိသည်။

သို့သော် ထိုယူဆချက်မှာ မှန်ကန်ပုံမပေါ်ချေ။

ဒဏ္ဍာရီများသည် လမ်းကြောင်းတစ်ခုလုံး၏ အကျဉ်းချုပ်သာဖြစ်ပြီး ယင်းအတွင်းတွင် မသိရသေးသော လျှို့ဝှက်ချက်များ အများအပြားရှိနေခဲ့သည်။

ဤရှေးဟောင်းပုံပြင်များကို ကျွမ်းကျင်စွာနားလည်ခြင်းသည်

ဖုန့်လင်းအား အခြေခံတည်ဆောက်နိုင်ရန် ခွင့်ပြုထားသော်လည်း လမ်းကြောင်းအပေါ် နားလည်မှုမှာ ရှင်းလင်းနေသည့်တိုင် အတွင်းရှိ အသေးစိတ်အချက်များကို နက်နက်နဲနဲ ဆန်းစစ်လေ့လာရန် လိုအပ်နေဆဲပင်။

ဖုန့်လင်း ဤသို့ ကောက်ချက်ချလိုက်ရင်း "ဝိညာဥ်ကျောက်တုံးမျောက်ဗီဇ"ကို ပစ်မှတ်ထားခဲ့ပြီး "ကျောက်တုံးမျောက်ဗီဇ"ကို ပြောင်းလဲနိုင်သည့် ကိန်းရှင် အဖြစ် အသုံးပြုလိုက်သည်။

နီဗျူလာစွမ်းအင်များသည် ဗီဇမြေပုံထဲသို့ စတင်စီးဝင်လာခဲ့၏။

မျှော်လင့်ထားသည့်အတိုင်း လှုပ်ရှားမှုတစ်ခု ဖြစ်ပေါ်လာခဲ့သည်။

ဖုန့်လင်း ပေါက်ကွဲထွက်လာသကဲ့သို့ ဝမ်းသာအားရဖြစ်မှုကို ခံစားလိုက်ရသည်။ ဗီဇအလားအလာ လျော့နည်းသွားခြင်းသည် "ဝိညာဥ်ကျောက်တုံးမျောက်ဗီဇ"သည် "ကျောက်တုံးမျောက်ဗီဇ"၏ ဆင့်ကဲပြောင်းလဲမှု အမှန်ပင်ကြောင်း သက်သေပြနေသည်။

ဗီဇအလားအလာ -၂၀%၊ -၂၀%၊ -၂၀%...

မိုးသည်းထန်စွာ ရွာသွန်းလိုက်သကဲ့သို့ သူ၏ဗီဇအလားအလာမှာ ၁၈၀% အထိ လျင်မြန်စွာ လျော့နည်းသွားခဲ့သည်။

ဤကုန်ကျမှုမှုသည် ဖုန့်လင်းကို ပြင်းထန်စွာ ထိုးနှက်ခဲ့သည်။ အဆင့်

မြှင့်တင်မှုတိုင်းတွင် ဆင့်ကဲပြောင်းလဲမှုဖော်မြူလာသည် ပို၍ရှုပ်ထွေးလာပြီး ယခင်ကထက် ပိုမိုများပြားသော အလားအလာများ လိုအပ်နေသည်ဟု တွေးလိုက်မိသည်။

မဝေးတော့သည့် အနာဂတ်တွင် ဗီဇအလားအလာများ ပိုမိုရရှိရန် လိုအပ်လာမည့်ပုံပင်။

နောက်ဆုံးတွင် သူ၏ဗီဇအလားအလာ ၃၂၀% လျော့နည်းသွားပြီးနောက်

နီဗျူလာသုံးခု ကွဲအက်သွားခဲ့သည်။

ရှင်းလင်းသည့် ဗီဇပေါင်းစပ်မှုလမ်းကြောင်းတစ်ခုမှာ သူ့မျက်စိရှေ့တွင် ပေါ်လာခဲ့တော့၏။

ထိုနေရာတွင် ဗီဇပုံသေနည်းတစ်ခုတည်းသာ ရှိနေခဲ့လေသည်။

ဖုန့်လင်း အံ့သြတကြီး ကြည့်ရှုပြီးနောက်တွင် သူ၏မျက်နှာအမူအရာမှာ ထူးဆန်းသွားခဲ့လေတော့သည်။

ကျောက်တုံးမျောက်ဗီဇ x ၁၀ + ဝိညာဉ်ဗီဇ x ၁၀ = ဝိညာဥ်ကျောက်တုံးမျောက်ဗီဇ???