ရှေးဟောင်းနတ်ဆေး

ဟုန်း၊ ဟုန်း၊ ဟုန်း!

လေနှင့်မိုးကြိုးအတောင်ပံများမှာ မရပ်မနားခတ်နေခဲ့ပြီး ပတ်ဝန်းကျင်တွင် လေပြင်းမုန်တိုင်းနှင့် မိုးခြိမ်းသံများ ထစ်ချုန်းလျက်ရှိသည်။

ကျဉ်းမြောင်းသော ဖန်လုံခန်းအတွင်း၌ တလိမ့်လိမ့်ဖြစ်နေသော မိုးကြိုးနှင့် လေပြင်းများကိုသာ မြင်ရပြီး လေဆင်နှာမောင်းနှင့် မိုးကြိုးများက စမ်းသပ်ခံကို ဖုံးလွှမ်းထားသည်။

"ဒီလူ နိုးထသွားပြီ! ရှေးဟောင်းနတ်ဆေးဆိုတာ အမှန်ပဲ၊ ဘယ်လိုတောင် ဆန်းကြယ်တဲ့အကျိုးသက်ရောက်မှုတွေလဲဟ!"

"ဒီဆေးကို ပြန်ပြီး ဖော်ထုတ်နိုင်ရင် ဗီဇဆေးဝါးဈေးကွက်တစ်ခုလုံးကို ပြောင်းလဲပစ်နိုင်တယ်။ ဧရာမဆေးဝါးကုမ္ပဏီက ကြီးပွားချမ်းသာလာလိမ့်မယ်!"

"မြန်မြန်လုပ်၊မင်းတို့ ဘာတွေစောင့်နေတာလဲ! ဒီစမ်းသပ်​ခံကြွက်​ဆီကနေ အချက်အလက်အသစ်တွေကို လေ့လာကြ!"

...

ဗီဒီယိုထဲရှိ R&D ဌာနမှာ ရှုပ်ထွေးနေသည်။

ဖုန့်လင်းလည်း ဤမြင်ကွင်းကိုမြင်လိုက်သည့်အခါ အံ့အားသင့်သွားသည်။

သာမန်လူတစ်ယောက်က ရှေးဟောင်းနတ်ဆေးကိုသောက်ပြီး လေနှင့်မိုးကြိုးအတောင်ပံတွေရလာပြီး ဤမြင်ကွင်းမှာ ဒဏ္ဍာရီလာ ဗီဇသီအိုရီနှင့် လုံးဝဆန့်ကျင်နေသည်။

မားစ်ဂြိုလ်တော်လှန်ရေးတပ်က လုခ်အနေနဲ့ ဘာကြောင့် ဤမျှရန်ငြိုးဖွဲ့နေသည်ဆိုသည်မှာ အံ့သြစရာမရှိပေ။ ဧရာမဆေးဝါးကုမ္ပဏီမှာ သာမန်လူများ ဗီဇဆေးဝါးသောက်သုံးနိုင်မည့် ဖြစ်နိုင်ခြေကို တွေ့ရှိထားခဲ့ပြီးဖြစ်ကာ အခုအချိန်မှာတော့ ဒီနည်းပညာကို ပြန်လည်ဖော်ထုတ်နိုင်ခြင်း မရှိသေးပါဘူး။

ဘွမ်း!

ရုတ်တရက် ဖန်များကွဲထွက်သွားသည့်အသံကို ကြားလိုက်ရသည်။

ဖု​န့်လင်း အံ့သြတကြီး ကြည့်နေခဲ့သည်။ မြင့်မားသော ထုထည်ရှိသည့် ဖန်လုံခန်းမှာ အစိတ်စိတ်အမွှာမွှာကွဲထွက်သွားပြီး ကြမ်းပြင်ပေါ်သို့ ကျဆင်းသွားသည်။

တစ်စက္ကန့်အတွင်း လေပြင်းတစ်ခုဖြတ်သန်းသွားပြီး သေးသွယ်သော လူတစ်ယောက်မှာ နေရာတွင်ရပ်နေသည်ကို မြင်နိုင်ပြီး သူ၏ပြေပြစ်သည့် ကြွက်သားအပြည့်ခန္ဓာကိုယ်အတွင်းတွင် အနိုင်မခံအရှုံးမပေးသည့်စိတ်ဓာတ်ကို သယ်ဆောင်ထားခဲ့သည်။

ထိုလူမှာ သူ၏အတောင်များကို ခေါက်ကာ သူ့ကိုယ်သူဖုံးအုပ်ထားသဖြင့် သုတေသီများအနေဖြင့် သူ၏မျက်နှာကို ရှင်းရှင်းလင်းလင်း မမြင်နိုင်ခဲ့ပေ။

"ဒါက ဆိုးတာပဲ! ဒီစမ်းသပ်ခံကြွက် ဖန်လုံ​ခန်းကနေ လွတ်သွားပြီ!"

"သူ့ရဲ့စွမ်းအင်အတက်အကျတွေ ပြင်းထန်နေတာကို ကြည့်ရင် ဗီဇကျင့်ကြံသူ ဖြစ်သွားပြီထင်တယ်!"

"သူ့ကို ဖမ်းလိုက်စမ်း! ထွက်မပြေးစေနဲ့! ဒီကောင်က ငါတို့ရဲ့အကောင်းဆုံးစမ်းသပ်ခံကြွက်ပဲ!"

...

ရုတ်တရက် အခြေအနေပြောင်းလဲမှုကြောင့် သူတို့၏ အံ့အားသင့်မှုမှာ ချက်ချင်းပင် ထိတ်လန့်မှုအဖြစ်သို့ ပြောင်းသွားခဲ့သည်။ ဒီထက်ဆိုးတာက သူတို့ပြောလိုက်တဲ့စကားတွေက စမ်းသပ်ခံကို ပိုပြီးဒေါသထွက်စေခဲ့တာပါ။

သူ၏အတောင်ပံများကိုဖြန့်ကာ

သွေးရောင် မျက်ဝန်းတစ်စုံကို ဖော်ပြရင်း သူ့လည်ချောင်းကမှ အော်ဟစ်လိုက်သည့်အသံမှာ ကွဲအက်ပြီး တိမ်ဝင်နေခဲ့သည်။ကြည့်ရသည်မှာ စမ်းသပ်ခံသည် ကြာမြင့်စွာ စကားမပြောဘဲနေခဲ့သူတစ်ယောက်၏ အသံကဲ့သို့ပင်။သူ အံကြိတ်ရင်း စကားတစ်ခွန်းကိုပြောခဲ့သည်။

"ငါ... မင်းတို့... အားလုံး... သေ... စေချင်တယ်!"

'သေ' ဆိုသည်စကားလုံးပြောလိုက်သည်နဲ့အတူ စမ်းသပ်ခံမှာ ငြိမ်နေရာမှ ရုတ်တရက် ​သူ၏အမြင့်ဆုံးအရှိန်အထိ တင်လိုက်ပြီး အရိပ်တစ်ခုအဖြစ် ပြောင်းသွားကာ လူအုပ်ထဲသို့ ခုန်ချလိုက်သည်မှာ ရက်စက်သော သားရဲတစ်ကောင်ကဲ့သို့ပင်။ သူ့အတောင်ပံများမှာ မာကျောပြီး ချွန်ထက်နေခဲ့သည်။

သူ့၏အတောင်ပံများကို တစ်ခါလွှဲယမ်းလိုက်တိုင်း တောက်ပသောအလင်းတန်းများ ထွက်ပေါ်လာပြီး ထူထဲနေသည့် အနီရောင်မြူခိုးများကို အဝေးသို့ လွင့်စင်သွားစေခဲ့သည်။

တစ်ခဏအတွင်းပင် အားနည်းသည့် သုတေသီများမှာ ပြန်လည်ခုခံနိုင်စွမ်းမရှိခဲ့သည့်အတွက် လူအများအပြား ဒဏ်ရာရသွားခဲ့သည်။

သန္ဓေပြောင်းလူသားမှ အတောင်ပံ ခတ်လိုက်သည့် အချိန်တိုင်း ပြင်းထန်သည့် လေနှင့်မိုးခြိန်းသံများ ထုတ်လွှတ်နေခဲ့သည်။

သူ၏စွမ်းအားများကို ဂုဏ်ယူစွာပြသနေရင်း R&D ဌာနတစ်ခုလုံးကို ကမောက်ကမဖြစ်အောင် လုပ်လိုက်ပြီး အော်ဟစ်သံများနှင့် ထွက်ပြေးနေသည့် လူများကိုသာ မြင်နေခဲ့ရသည်။

ဒီသန္ဓေပြောင်းလူသားက ဆက်ပြီးဖျက်ဆီးနေဦးမယ်လို့ ဖုန့်လင်း ထင်နေချိန်မှာပဲ ဗီဒီယိုထဲမှ မန်နေဂျာဖရန့် တစ်ခုခုအော်နေသည်ကို သတိထားမိလိုက်သည်။ ဒါပေမယ့် ဖရန့် ဘာပြောနေတယ်ဆိုတာ သူမကြားနိုင်ခဲ့ပါဘူး။

မှတ်တမ်းကို အထူးပြုပြင်ထားပြီး

ဒီအပိုင်းရဲ့ အသံတွေကို ဖယ်ထုတ်ထားတာပါ။

"ဘွမ်း!"

အသံကျယ်ကျယ်နှင့် ပေါက်ကွဲသံတစ်ခုကို ကြားလိုက်ရပြီး အမည်းရောင် အရိပ်တစ်ခု ရုတ်တရက်ပေါ်လာခဲ့သည်။ အရမ်းမြန်လွန်းတဲ့အတွက် ဗီဒီယိုမှာတောင် သူ့ပုံရိပ်ကို အတိအကျမဖမ်းမိခဲ့ပါဘူး။

အမည်းရောင်အရိပ်တစ်ခုက တစ္ဆေတစ်ကောင်လို သန္ဓေပြောင်းလူသားရဲ့နောက်ကွယ်မှာ ရုတ်တရက်ပေါ်လာပြီး လျင်မြန်စွာ ခတ်နေတဲ့ အတောင်ပံတွေကို ဆုပ်ကိုင်လိုက်ကာ ပြင်းထန်စွာ ဆွဲဖဲ့လိုက်သည်။

သန္ဓေပြောင်းလူသားမှာ နာကျင်မှုဖြင့် အော်ဟစ်လိုက်ပြီး နောက်ပြန်လှည့်ကြည့်လိုက်သည့်အခါတွင် လေနဲ့မိုးကြိုးအတောင်ပံများကို နောက်ကျောမှနေ ဆွဲဖဲ့ခံရသည့်အတွက် ကြောက်လန့်နေသည့် မျက်နှာ ဖြစ်နေကာ ဒဏ်ရာမှ သွေးများ မရပ်မနား ကျနေခဲ့သည်။

သို့သော်လည်း အမည်းရောင်အရိပ်မှာ သဲလွန်စမရှိဘဲ ပျောက်ကွယ်သွားခဲ့သည်။

အရိပ်ပေါ်လာတဲ့အချိန်ကနေ သန္ဓေပြောင်းလူသားကို ကိုင်တွယ်ပြီးတဲ့အချိန်အထိ တစ်မုဟုတ်ချင်းပဲဖြစ်သွားတာကြောင့် စိတ်ကူးယဉ်မှုတစ်ခုလိုပါပဲ။

တစ်ခုတည်းသော အထောက်အထားကတော့ တုန်ရီနေတဲ့ သန္ဓေပြောင်းလူသား ကြမ်းပြင်ပေါ်မှာ လဲနေတာပါပဲ။

ဖုန့်လင်း၏မျက်နှာမှာ

ရုတ်တရက် တည်ကြည်လေးနက်လာခဲ့သည်။ ဧရာမဆေးဝါးကုမ္ပဏီတွင် လျှို့ဝှက်ချက်များ များစွာရှိနေပြီး ယခုတွေ့ရသည်မှာ ဖုံးကွယ်ထားသည့် ဖြုံလောက်သည့် တည်ရှိမှုတစ်ခုပင်။

သူအနေဖြင့် အမည်းရောင်အရိပ်၏

ပုံသဏ္ဍာန်ကို ရှင်းရှင်းလင်းလင်း မမြင်နိုင်သော်လည်း အရိပ်၏အရပ်ကိုမူ ခန့်မှန်းနိုင်ခဲ့သည်၊ အမြင့်မှာ ၅ မီတာလောက်ရှိပြီး ဤအရာသည် လူသားမဟုတ်သည်မှာ သေချာလှသည်။

**အမည်းရောင်အရိပ်၏ အရပ်အမောင်းကို**

သူရှင်းရှင်းလင်းလင်း မမြင်နိုင်သော်လည်း ၅ မီတာခန့်မြင့်မားကြောင်း ခန့်မှန်းနိုင်ခဲ့သည်။ ဤအရာသည် လူသားမဟုတ်သည်မှာ သေချာပေါက်ဖြစ်သည်။

R&D ဌာနဝင်များမှာ

ထိုအမည်းရောင်အရိပ်ရှေ့တွင် သုံးနှစ်သားကလေးများနှင့် တူနေခဲ့သည်။

အဆုံးသတ်တွင် ထိမ်းမရသိမ်းမရဖြစ်နေသော သန္ဓေ​ပြောင်းလူသားမှာ ခုခံနိုင်စွမ်းလုံးဝမရှိတော့ပေ။

...

အတောင်ပံများဆွဲဖြုတ်ခံရသော

ထိုသန္ဓေပြောင်းလူသားမှာ ကြမ်းပြင်ပေါ်တွင် တွန့်လိမ်နေပြီး နောက်ကျောဒဏ်ရာမှ သွေးများပန်းထွက်နေကာ ခုခံနိုင်စွမ်း အနည်းငယ်မျှပင် မကျန်တော့ပေ။

သူ၏စွမ်းအား အကုန်လုံးမှာ

အတောင်ပံများဆွဲဖြုတ်ခံရသည့်အခါတွင် လုံးဝပျောက်ကွယ်သွားသကဲ့သို့ဖြစ်နေသည်။

သုတေသီများမှာ ထိုလူသားကို ချည်နှောင်ပြီး စမ်းသပ်မှုများကို ဆက်လက်လုပ်ဆောင်ခဲ့ကြသည်။

ဒေတာများကလည်း ဤအချက်ကို အတည်ပြုနေခဲ့သည် - သန္ဓေ​ပြောင်းလူသား၏ ဒေတာများမှာ သာမန်လူတစ်ဦး၏ ဒေတာများအဖြစ်သို့ ပြန်ရောက်သွားပြီး ထူးခြားသော ဒေတာများ လုံးဝမရှိတော့ပေ။

ဖုန့်လင်း ဆက်ကြည့်ရန် အသင့်ပြင်နေစဉ် မှတ်တမ်းဖိုင်သည် ရုတ်တရက် အဆုံးသတ်သွားခဲ့သည်။ ဤနေရာတွင် ရုတ်ခြည်း ရပ်တန့်သွားခြင်းဖြစ်သည်။

သူ နားလည်လိုက်သည်မှာ ဧရာမဆေးဝါးကုမ္ပဏီ၏ ပထမဆုံးရှာဖွေတွေ့ရှိမှုကို ဖော်ပြနေသော မှတ်တမ်းကို သူ ကြည့်မိခဲ့ခြင်းဖြစ်သည်။ ဒဏ္ဍာရီအပျက်အယွင်းများမှ ရရှိခဲ့သော ရှေးဟောင်းနတ်ဆေးကို သာမန်လူတစ်ဦးအား ကျွေးမွေးခဲ့ကြပြီး အံ့သြဖွယ်ကောင်းစွာပင် ဗီဇကျင့်ကြံသူတစ်ဦးဖြစ်လာစေနိုင်ခဲ့သည်။

ဖြစ်နိုင်ချေရှိသည်မှာ ဧရာမဆေးဝါးကုမ္ပဏီသည် သာမန်လူများ ဗီဇဆေးဝါးများသောက်သုံးခြင်းဖြင့် အထူးစွမ်းရည်များ ရရှိနိုင်သည်ကို သိရှိသွားပြီး ဤသုတေသနကို စတင်ခဲ့ခြင်းဖြစ်နိုင်သည်။

ဖုန့်လင်းမှာ မှတ်တမ်းဖိုင်ကို သုံးကြိမ်တိုင်တိုင် ပြန်လည်ကြည့်ရှုခဲ့ပြီး R&D ဌာန၏ ထိပ်ဆုံးမှအောက်ခြေအထိ အစအဆုံး အလွတ်မှတ်ခဲ့သည်။

ရှေးဟောင်းနတ်ဆေး၏ ဆန်းကြယ်

သည့် အကျိုးသက်ရောက်မှုများကို တွေ့ရှိပြီးနောက် ဧရာမဆေးဝါးကုမ္ပဏီ၏ R&D ဌာနသည် ချက်ချင်းပင် ဗီဇဆေးဝါးများဖြင့် ဤဖြစ်စဉ်ကို ပြန်လည်ဖော်ထုတ်ရန် သုတေသနစတင်ခဲ့သည်။ သို့သော် မည်သူတစ်ဦးတစ်ယောက်မျှ အောင်မြင်မှုမရှိခဲ့ပေ။

ပါရမီရှင်များစွာရှိပြီး အကြံဉာဏ်အမျိုးမျိုးကို တင်ပြခဲ့ကြသော်လည်း အောင်မြင်မှုမရှိခဲ့ပေ။

နောက်ဆုံးတွင် ဤသည်မှာ ဒဏ္ဍာရီခေတ်မှ ရှေးဟောင်းနတ်ဆေးဖြစ်ပြီး ပျောက်ဆုံးနေသော နည်းပညာတစ်ခုဖြစ်ကာ ရှေးဟောင်း နတ်ဘုရားကျင့်ကြံနည်းများ၏ လျှို့ဝှက်ချက်များပါဝင်နေသောကြောင့် ဖော်ထုတ်ရန် မလွယ်ကူပေ။

သို့သော် ဖုန့်လင်းမှာ ယခုအခါတွင် မားစ်ဂြိုလ်တော်လှန်ရေးတပ် မှ လုခ် ၏ စိုးရိမ်မှုကို နားလည်သွားခဲ့သည်။

နည်းပညာသည် ဖြစ်နိုင်ခြေရှိပြီး ဧရာမဆေးဝါးကုမ္ပဏီတွင် မူလဆေးနမူနာရှိနေသည်။ သူတို့သာ ဤရှေးဟောင်းနတ်ဆေးကို ပုံတူကူးနိုင်ခဲ့ပါက ဤရှေးဟောင်းနတ်ဆေးကို တိုးတက်အောင် လုပ်နိုင်မည်ဖြစ်သည်။

ယခုအချိန်တွင် လက်တွေ့အကောင်အထည်ဖော်ရန် ခက်ခဲနေသော်လည်း အောင်မြင်မှုရရှိလာမည့်အချိန်မှာ စောခြင်းနှင့်နောက်ကျခြင်းသာ ကွာပေလိမ့်မည်။

ဧရာမဆေးဝါးကုမ္ပဏီတွင် သူတို့၏ ကိုယ်ပိုင်ရည်မှန်းချက်များ ရှိနေပါက...

ဗီဇဆေးဝါးဖန်တီးသည့် နက်နဲလှသော နည်းပညာနှင့်အတူ သူတို့၏ ကြီးမားသော ဩဇာသက်ရောက်မှုကြောင့် သူတို့သာ မဆင်မခြင် လုပ်ချင်ပါက နေအဖွဲ့အစည်းတစ်ခုလုံးကိုပင် ကမောက်ကမဖြစ်အောင် ဖန်တီးနိုင်စွမ်းရှိသည်။

ဤအရာမှာ ဖုန့်လင်း မြင်လိုသည့်အရာမဟုတ်ပေ။ သူအနေဖြင့် ဤနေရာတွင် ဗီဇဆေးဝါးပညာရှင်တစ်ဦးဖြစ်ချင်ရုံသာဖြစ်ပြီး ပဋိပက္ခ၏ ဝဲဂယက်ထဲသို့ ဆွဲသွင်းခံရမည်ကို မလိုလားပေ။ သူသာ ခဏလေး ဂရုမစိုက်မိရင် ပြန်လည်ကာကွယ်စရာမရှိဘဲ မျိုချခံရမယ့်အရေးပါပဲ။

သူ အခု ဘာလုပ်သင့်လဲ?

ဖုန့်လင်း စဉ်းစားနေစဉ် ရုတ်တရက် အတွေးတစ်ခုမှာ သူ့စိတ်ထဲတွင် လင်းလက်လာခဲ့သည်...

သူသာ ဒီရှေးဟောင်းဆေးဖော်မြူလာကို ဦးဆောင်ရှာတွေ့ရင် R&D ဌာနရဲ့ သုတေသနလမ်းကြောင်းကို သူ့ထိန်းချုပ်မှုအောက်ကို ရောက်စေနိုင်မလား?

ဤအတွေးကြောင့် သူ အလွန်တုန်လှုပ်သွားခဲ့သည်။

သို့သော်... ဤနည်းစနစ်ကို အောင်မြင်စွာသုတေသနပြုရန် ရှေးဟောင်းနတ်ဆေးကို လေ့လာရမည်ဖြစ်ပြီး မှတ်တမ်းဖိုင်များကြည့်ရုံနှင့်

မလုံလောက်ပေ။

ဤမှတ်တမ်းများသည် ကျရှုံးသူများ၏ အတွေ့အကြုံများသာဖြစ်ပြီး အကြိမ်ပေါင်းများစွာ ကြည့်နေစေကာမူ အောင်မြင်မှုလမ်းကြောင်းကို ရှာဖွေတွေ့ရှိမည်မဟုတ်ပေ။

ဒါဆို သူ အာရုံစိုက်သင့်တာက ဘာလဲ?

နောက်တစ်နေ့တွင် R&D ဌာနသို့ရောက်သည်နှင့် ဖုန့်လင်းမှာ အဖွဲ့ခေါင်းဆောင် အိုက် ထံ သူ၏ရည်ရွယ်ချက်ကို ဖွင့်ဟလိုက်သည်။

အိုက် ကြားသည်နှင့် အံ့အားသင့်သွားသည် - "ဘာ? မင်း ရှေးဟောင်းနတ်ဆေးကို ကိုယ်တိုင် လေ့လာချင်တာလား?"

ဖုန့်လင်း၏ ဦးနှောက်ဆေးမှုကြောင့် ပိုက် ၏ သူ့အပေါ်အထင်အမြင်သည် အလွန်ကောင်းနေသော်လည်း တစ်ရက်တည်းနှင့် မှတ်တမ်းအားလုံးကြည့်ပြီး ကိုယ်တိုင်သုတေသနပြုလိုသည်ဆိုသော ဖုန့်လင်း၏စကားကို မယုံနိုင်ဖြစ်နေခဲ့သည်။

ဘယ်လောက်ပါရမီရှိတယ်ပြောပြော

လူသစ်ကတော့ လူသစ်ပဲလေ!

ဒီရှေးဟောင်းနတ်ဆေးက R&D ဌာနရဲ့ အကြီးမားဆုံးလျှို့ဝှက်ချက်ဖြစ်ပြီး ကြည့်ချင်တိုင်း ကြည့်လို့ရတဲ့အရာမဟုတ်ပါဘူး!

"ဖုန့်လင်း၊မင်းဝါးနိုင်တာထက်ပို မကိုက်သင့်ဘူးနော်၊ တစ်ကြိမ်ကို ခြေတစ်လှမ်းစပဲ လှမ်းသင့်တယ်!"

အိုက် စိတ်ဆိုးနေသော်လည်း ဖုန့်လင်းကို စိတ်ရှည်လက်ရှည် နားချနေဆဲဖြစ်သည်။

ဒီလိုကြမ်းတမ်းတတ်တဲ့သူက သူ့အပေါ် ဒီလောက်ကောင်းတဲ့သဘောထားရှိနေတာကို ဖုန့်လင်း စိတ်ထဲမှာ ရယ်မောနေမိသည်။ ဒါက ဦးနှောက်ဆေးမှုရဲ့ အံ့မခန်းစွမ်းအားပါပဲ။

သူ့စိတ်ညှို့ပညာနည်းစနစ်ကြောင့် လူတွေရဲ့အမြင်ကို တဖြည်းဖြည်း ပြောင်းလဲနိုင်ခဲ့ပြီး သက်ရောက်မှုကလည်း ထင်ရှားနေပါပြီ။

အိုက်၏ သွယ်ဝိုက်သည့် ငြင်းပယ်မှုကို ဖုန့်လင်း ခေါင်းမာစွာဖြင့် ဆက်လက်ရပ်တည်နေခဲ့သည်-

"ဟုတ်ကဲ့ဉခေါင်းဆောင်၊ ကျွန်တော် သုတေသနမှတ်တမ်းအားလုံးကို ကြည့်ပြီးသွားပါပြီ။ ဒါပေမယ့် ဒီသုတေသနခေါင်းစဉ်နဲ့ပတ်သက်ပြီး ဘယ်လိုတိုးတက်မှုမှ မရှိသေးတာကို သတိထားမိပါတယ်။ R&D ဌာနမှာ ပါရမီရှင်တွေအများကြီးရှိပေမယ့်၊ သူတို့နည်းလမ်းအတိုင်း လိုက်လုပ်ရင် ကျွန်တော်လည်း ပိုကောင်းတဲ့ရလဒ်မရနိုင်ပါဘူး! ဒါကြောင့် ရှေးဟောင်းနတ်ဆေးကနေ စတင်လေ့လာပြီး အတွေးအခေါ်သစ်တွေ ရှာဖွေချင်ပါတယ်!"

ဤစကားကို ကြားသည်နှင့်

အိုက်၏ မျက်နှာတွင် မယုံကြည်နိုင်သည့်အမူအရာပေါ်လာသည်။

သူက ဗီဇဆေးဝါးသုတေသီအဆင့်ပဲရှိသေးတယ်၊ သူ့ကိုယ်ပိုင်နည်းလမ်းတွေနဲ့ သုတေသနလုပ်ဖို့ကြိုးစားနေတာလား?ဘယ်လိုဟာသမျိုးလဲ?

အိုက်မှာ ဖုန့်လင်းကို ချက်ချင်းငြင်းပယ်လိုက်ရန် အသင့်ဖြစ်နေပြီဖြစ်သည်။

"သဘောတူလိုက်!"

ရုတ်တရက် မန်နေဂျာဖရန့် ၏ အသံကို ကြားလိုက်ရသည်။

အိုက် သူ့ခေါင်းကိုလှည့်ကြည့်လိုက်သည်နှင့် မန်နေဂျာဖရန့် လာနေသည်ကိုသတိပြုမိသွားသည်။

"မန်နေဂျာကြီး ခင်ဗျား ဆိုလိုတာက..."

သူမယုံနိုင်ဖြစ်နေသည်။

"ဖုန့်လင်းပြောတာ အလွန်အဓိပ္ပါယ်ရှိတယ်လို့ ငါထင်တယ်!"

မန်နေဂျာဖရန့် ရယ်မောလျက် ဆက်ပြောလိုက်သည်-

"သူ့ကို လျှို့ဝှက်ဓာတ်ခွဲခန်းဆီ ခေါ်သွားလိုက်!"

အိုက် တုန်လှုပ်သွားခဲ့သည်။ မန်နေဂျာဖရန့် က ဖုန့်လင်းကို ဤမျှအရေးပေးလိမ့်မည်ဟု သူမျှော်လင့်မထားခဲ့ပေ။

ဖုန့်လင်းအပေါ် သူ၏အထင်ကြီးမှုများရှိနေသော်လည်း၊ ဤအချိန်တွင်မူ အားကျမှုနှင့် မနာလိုမှုတို့ စတင်ဖြစ်ပေါ်လာခဲ့သည်။

ဒီလူသစ် တစ်ခုခုအောင်မြင်သွားရင်၊ ငါ့ရာထူးနဲ့တန်းတူ ဖြစ်သွားမှာလား? ဒါမှမဟုတ် ငါ့ထက်တောင် သာသွားမှာလား?

သူ၏မကျေနပ်မှုကို အထက်လူကြီးရှေ့တွင် မပြဘဲ ထိုအစား "အိုကေ" ဟု ခေါင်းညိတ်ပြီး ပြောလိုက်သည်။

"ငါ့ နောက်ကိုလိုက်ခဲ့!"

အိုက် တင်းမာစွာပြောကာ ရှေ့သို့လျှောက်သွားသည်။

အိုက်၏ ရုတ်တရက်အေးစက်သွားသော သဘောထားကို ဖုန့်လင်း အံ့အားသင့်မိသွားသည်။

ငါ့ဦးနှောက်ဆေးမှုက အခုချိန်မှာ အလုပ်မဖြစ်တော့ဘူးလား?

အနည်းငယ်စဉ်းစားပြီးနောက် သူနားလည်သွားသည်။ ဒါက ရာထူးနေရာအတွက် ပြိုင်ဆိုင်မှုကြောင့်ဖြစ်ပြီး သူ၏ဦးနှောက်ဆေးမှုကို ခဏတာ အားနည်းစေခဲ့ခြင်းသာဖြစ်သည်။

ဤသည်မှာလူသားတို့၏ မူလသဘာဝဆန္ဒဖြစ်ပြီး ဦးနှောက်ဆေးခြင်းဖြင့်ပင်

ပြောင်းလဲမရနိုင်သော အခြေခံသဘောတရားပင်။

ဖုန့်လင်း စိုးရိမ်စိတ်ကို ချန်ထားခဲ့ကာ အိုက် နောက်သို့ လိုက်ပါသွားခဲ့သည်။

လမ်းတစ်လျှောက်တွင် မန်နေဂျာဖရန့် က သူ့ပခုံးကို အထူးတလည် ပုတ်ကာ

"ဖုန့်လင်း၊ အကောင်းဆုံးလုပ်ပါ!

မင်းရဲ့လုပ်ဆောင်မှုကို ငါ အရမ်းမျှော်လင့်ထားတယ်!

ရှေးဟောင်းနတ်ဆေးရဲ့ လျှို့ဝှက်ချက်ကို မင်းဖော်ထုတ်နိုင်မယ်ဆိုရင်

ဧရာဆေးဝါးကုမ္ပဏီရဲ့ဆုလာဘ်က

မင်း စိတ်ကူးထားတာထက် ပိုများလိမ့်မယ်"

ဖုန့်လင်း ခေါင်းညိတ်ခဲ့သည်။

ထိုအချိန်မှာပင် အိုက် သည် R&D ဌာန၏ အနက်ရှိုင်းဆုံးထောင့်ချိုးသို့ ရောက်ရှိပြီး "AI၊ လျှို့ဝှက်ဓာတ်ခွဲခန်းကိုဖွင့်ပါ!" ဟု နက်ရှိုင်းသောလေ​သံဖြင့် ပြောလိုက်သည်။

အနီရောင်လေဆာရောင်ခြည်များ

သူ့ခန္ဓာကိုယ်ကို စစ်ဆေးပြီး စက်ပိုင်းဆိုင်ရာ ဆူညံသံများကို လေထဲတွင် ကြားနေရသည်။

"အထောက်အထားအတည်ပြုပြီး!

လျှို့ဝှက်ဓာတ်ခွဲခန်း ဖွင့်ပါတော့မည်!"

ဖုန့်လင်းမှာ သူ့ရှေ့ရှိ သတ္တုနံရံများ ဘေးနှစ်ဖက်သို့ ရွေ့လျားသွားသည်ကို မြင်လိုက်ရပြီး ကြီးမားသောနေရာလွတ်တစ်ခု ပေါ်ထွက်လာခဲ့သည်။

ဤသည်မှာ တစ်ခုလုံးကို သတ္တုဖြင့် တည်ဆောက်ထားသော ကြီးမားသည့်ဓာတ်ခွဲခန်းဖြစ်ပြီး ပိုးဟပ်တစ်ကောင်ပင် မဝင်နိုင်စေရန် လုံခြုံစွာ ပိတ်ဆို့ထားသည်။

ဖုန့်လင်းမှာ သူ၏အမြင်များ ကျယ်ပြန့်လာခဲ့သလို ခံစားရလိုက်သည်။

ဧရာမဆေးဝါးကုမ္ပဏီတွင် လျှို့ဝှက်ချက်များစွာရှိပြီး အဓိကဝန်ထမ်းမဖြစ်သရွေ့ ကုမ္ပဏီတွင် ဝှက်ဖဲမည်မျှရှိကြောင်းကို မည်သည့်အခါတွင်မှ

သိနိုင်လိမ့်မည်မဟုတ်ပေ။

ဓာတ်ခွဲခန်းအတွင်းသို့ဝင်ရောက်လာသည်နှင့် အလယ်ဗဟိုရှိ သလင်းကျောက်ပုံဆောင်ခဲ ဖန်လုံးကြီးကို ချက်ချင်း မြင်လိုက်ရသည်။ထိုအလုံးအတွင်းပိုင်းကို လေဟာနယ်ပတ်ဝန်းကျင်ဖြင့် ဖန်တီးထားပြီး အလယ်တွင် လိမ်းဆေးနှင့်တူသော ဆေးဝါးတစ်မျိုး လွတ်လပ်စွာ လွင့်မျောနေခဲ့သည်။