နဂါးသတ်ဖြတ်ခြင်း ပညာရပ်

ဗီဇဆေးရည်များ၏ အမွေအနှစ်သည် ရှေးဟောင်းကမ္ဘာခေတ်၏ အနောက်တိုင်းဒေသများမှ ဆင်းသက်လာပြီး သိပ္ပံနည်းပညာနှင့် ပေါင်းစပ်ထားသော စနစ်တစ်ခုဖြစ်ကာ အယ်လ်ခမီပညာနှင့် လုံးဝကွဲပြားသည့် စနစ်တစ်ခုဖြစ်သည်။

မတူညီသော လုပ်ငန်းဆိုင်ရာ အသိပညာများသည် အမှန်ပင် ကွဲပြားလှသည်။

ဗီဇဆေးရည်များသည် သိပ္ပံနည်းခွဲဝေသည့်နည်းလမ်းတစ်ခုဖြစ်ပြီး ကိရိယာများနှင့် ပစ္စည်းများကို အသုံးပြု၍ ဆေးဖက်ဝင်ပစ္စည်းများကို ရောစပ်ကာ ဝိညာဉ်အမှုန်များကို ရောစပ်စေပြီး

မယုံကြည်နိုင်လောက်သည့် အကျိုးသက်ရောက်မှုများ ဖြစ်ပေါ်စေခဲ့သည်။

သို့သော် အယ်လ်ခမီပညာမှာမူ ကွဲပြားသည်။

ရှေးဟောင်းတရုတ်ပြည်သည် လူနှင့် ကောင်းကင်တို့မှာ တစ်သားတည်းဖြစ်သည်ဟု အမြဲပြောခဲ့သည်။ မြက်ပင်များ၊ သစ်ပင်များအပါအဝင် သက်ရှိအားလုံးတွင် အသိစိတ်ရှိပြီး သူတို့အားလုံးသည် သဘာဝ၏ ဖန်တီးမှုများဖြစ်သည်။

အယ်လ်ခမီပညာသည် ဆေးဝါးသန်စင်နည်းစနစ်မှ ဆင့်ကဲပြောင်းလဲလာသော ဖန်တီးခြင်းနည်းစနစ်တစ်ခုဖြစ်ပြီး အသုံးပြုသူအား အသက်ဘဝကို ဖန်တီးနိုင်စေသည်။

ဆေးလုံးများသည် လုံးဝန်းသည့်ပုံသဏ္ဍာန်ရှိပြီး အရာအားလုံး၏ ပေါင်းစည်းမှုကို ကိုယ်စားပြုကာ အဆုံးမဲ့ ဆန်းကြယ်သော စကြ၀ဠာ၏ အမှတ်အသားဖြစ်သည်။

ပြည့်စုံလာသော ဆေးလုံးတစ်လုံးစီကို အသက်တစ်ခုအဖြစ် သတ်မှတ်သည်။

တစ်ယောက်အနေဖြင့် မှော်ဆေးလုံးများ ဖန်တီးလိုပါက

အယ်လ်ခမီပညာတွင် ကျွမ်းကျင်ရုံသာမက ဆေးလုံးဖော်စပ်သည့် မီးဖိုတစ်လုံးလည်း လိုအပ်သည်။

ဆေးလုံးဖော်စပ်သည့် မီးဖိုတွင် 'ခြေသုံးချောင်း'၊ 'နားနှစ်ဖက်' နှင့် 'အပေါက်ရှစ်ပေါက်' ပါရှိသည်။ နားနှစ်ဖက်သည် နေနှင့်လကို ကိုယ်စားပြုသည်။ ခြေသုံးချောင်းသည် ကောင်းကင်၊ မြေကြီးနှင့် လူသားကို ကိုယ်စားပြုသည်။ အပေါက်ရှစ်ပေါက်သည် ပါကွရှစ်ကွက်၏ အရပ်ရှစ်မျက်နှာကို ကိုယ်စားပြုသည်။ ဆေးလုံးဖော်စပ်သည့် မီးဖိုများသည် အထူးအယ်လ်ခမီနည်းစနစ်များနှင့် ခွဲ၍မရပေ။ ဖန်တီးထားသော ဆေးလုံးများသည် ကောင်းကင်နှင့် မြေကြီး၏ ကံကြမ္မာကို သိမ်းပိုက်နိုင်ပြီး 'အသက်ရှိသည့်' မှော်ဆေးလုံးများဖြစ်လာကာ နတ်ဘုရားများ၏ အစွမ်းသတ္တိများကို ရရှိစေနိုင်သည်။

သို့သော် ကမ္ဘာပေါ်ရှိ ရှေးဟောင်းကျင့်ကြံခြင်းခေတ်တွင်ပင် ဆေးလုံးဖော်စပ်သည့် မီးဖိုများကို ရှားပါးသော ရတနာများအဖြစ် သတ်မှတ်ခဲ့ကြသည်။ ယခုအခါ ကြယ်တာရာခေတ်သို့ ရောက်ရှိပြီဖြစ်ပြီး နှစ်ပေါင်းများစွာ ကုန်လွန်ခဲ့ပြီဖြစ်သည်။ သင့်တော်တဲ့ ဆေးလုံးဖော်စပ်တဲ့ မီးဖိုကို ဘယ်နေရာမှာ ရှာလို့ရမလဲ?

ထို့ကြောင့် ဆေးလုံးဖော်စပ်သည့် မီးဖို၏ အထောက်အပံ့မရှိပါက

ဖုန့်လင်းအနေဖြင့် အယ်လ်ခမီပညာတွင် မည်မျှပင် ကျွမ်းကျင်စေကာမူ အသုံးမဝင်ပေ။ ယင်းသည် နဂါးသတ်ဖြတ်ခြင်း ပညာရပ် (တင်စားမှု) နှင့်တူပြီး ဤခေတ်တွင် သတ်စရာ နဂါးမရှိသောကြောင့် အသုံးမဝင်တော့ပေ။

ဖုန့်​လင်းသည် ဝမ်းနည်းကြေကွဲမှုကိုသာ ခံစားခဲ့ရသည်။ သူ အယ်လ်ခမီနည်းစနစ်များကို ရိုးရှင်းအောင်ကြိုးစားကာ သူ၏အယ်လ်ခမီအသိပညာနှင့် ဗီဇဆေးရည်များကို ပေါင်းစပ်ပြီး ပုံဆောင်ခဲဖွဲ့ဆေးဝါးဖန်တီးခြင်းပညာရပ် ကို တိုးတက်အောင် လုပ်ဆောင်ခဲ့သည်။

ဤမတိုင်မီက သူ၏ကနဦးကြိုးပမ်းမှုများတွင် အောင်မြင်မှုအနည်းငယ်ရရှိခဲ့သည်။ ဤသည်မှာ ဤလမ်းကြောင်းတွင် အနာဂတ်အတွက် ကြီးမားသော အလားအလာများ ရှိကြောင်း ညွှန်ပြနေသည်။

အယ်လ်ခမီပညာကို အသုံးပြု၍ ဗီဇဆေးရည်များ သန့်စင်ခြင်းသည် နဂါးသတ်ဖြတ်ခြင်း ပညာရပ်ဖြင့် မြွေကိုသတ်ရန် ကြိုးစားခြင်း၊ အခွံမာသီးကို ခွဲရန် ကျောက်ထုသည့်တူကြီးကို အသုံးပြုခြင်းတို့နှင့် တူသည်။ သို့သော် အနည်းဆုံးအားဖြင့် သူ လုပ်ဆောင်မှုတိုင်းတွင် အောင်မြင်သင့်သည်။

ဖုန့်လင်း ဤကဲ့သို့ အလွန်အကျွံလုပ်ရန် မစဉ်းစားခဲ့ပေ။

အကယ်၍ သူသာ ပုံဆောင်ခဲဖွဲ့ဆေးဝါးဖန်တီးခြင်းနည်းစနစ်ကို အပြည့်အဝပြီးမြောက်အောင် လုပ်နိုင်ပါက သူ့အတွက် သီးသန့်ဖြစ်သော ဗီဇဆေးဝါးများ ဖန်တီးနိုင်သည့် နည်းလမ်းတစ်ခုကို ထူထောင်နိုင်မည်ဖြစ်ပြီး အနာဂတ်တွင် ဗီဇပညာရှင်များ၏ လမ်းကြောင်းပေါ် လျှောက်လှမ်းသောအခါ သူ၏အနာဂတ်မှာ အကန့်အသတ်မဲ့နေပေလိမ့်မည်။

ဖုန့်လင်း စမ်းသပ်မှုများ စတင်လုပ်ဆောင်ခဲ့ပြီး အခြားသုတေသီများသည်လည်း ပုံဆောင်ခဲဖွဲ့ဆေးဝါးဖန်တီးခြင်းနည်းစနစ် ကို သုတေသနပြုနေကြသည်။

ဤလူများသည် ဗီဇဆေးဝါးများ၏ နယ်ပယ်တွင် အထူးချွန်ဆုံးသူများဖြစ်သော်လည်း ဖုန့်လင်း လုံးဝမစိုးရိမ်ပေ။

ပုံဆောင်ခဲဖွဲ့ဆေးဝါးဖန်တီးခြင်းနည်းစနစ်၏ ဖန်တီးသူဖြစ်သည့် သူပင်လျှင် ၎င်းကို အပြည့်အဝပြီးမြောက်အောင် မလုပ်နိုင်သေးပေ။ ဒီလူတွေအနေနဲ့ ဘယ်လို အောင်မြင်နိုင်လိမ့်မလဲ?

အကယ်၍ ၎င်းတို့တွင် အစွမ်းအစများ ရှိပါက ရှေးဟောင်းနတ်ဆေး၏ လျှို့ဝှက်ချက်များကို အရင်ကတည်းက ဖော်ထုတ်နိုင်ပြီးသား ဖြစ်သင့်သည်။

သူ ဖန်တီးထားတဲ့ ပုံဆောင်ခဲဖွဲ့ဆေးဝါးဖန်တီးခြင်းနည်းစနစ်ကို သူ့နောက်ကနေ လိုက်သုတေသနပြုဖို့ ဘာလို့ လိုမှာလဲ?

ရှင်းနေသည်မှာ ၎င်းတို့တွင် အစွမ်းအစများ မရှိခြင်းပင်ဖြစ်သည်။

အယ်လ်ခမီပညာနှင့်ပတ်သက်သည့်ဗဟုသုတများကို သိရှိထားသော

ဖုန့်လင်းမှာ ပုံဆောင်ခဲဖွဲ့ဆေးဝါးဖန်တီးခြင်းနည်းစနစ် ကို အပြည့်အဝပြီးမြောက်စေမည့် နေ့ရက်သည် မဝေးတော့ကြောင်း ယုံကြည်နေခဲ့သည်။

အမှန်တရားမှာ ဤအတိုင်းပင်ဖြစ်သည်။

ပုံဆောင်ခဲဖွဲ့ဆေးဝါးဖန်တီးခြင်းနည်းစနစ်နှင့်ပတ်သက်သည့် သူ့အတွေ့အကြုံကို ပြန်လည်သုံးသပ်သောအခါ ဖုန့်လင်းမှာ အဆင့်ဆင့်တွက်ချက်ကာ အယ်လ်ခမီပညာ၏အခြေခံမူများကို တဖြည်းဖြည်း ပေါင်းစပ်ခဲ့သည်။ မည်သို့လုပ်ဆောင်ရမည်နှင့် ပတ်သက်၍ ကနဦးအကြံအစည်တစ်ခု ရှိပြီးဖြစ်ကာ ကျန်ရှိသည်မှာ စမ်းသပ်မှုများကို ဆက်လက်လုပ်ဆောင်ရင်း အတွေ့အကြုံရယူရန်သာ ဖြစ်သည်။

သို့သော် ဤကြက်ဥလူသား သုတေသီများကို ကြည့်မိသောအခါ ဖုန့်လင်းမှာ သူ၏လုပ်ဆောင်မှုများကို ဖုံးကွယ်ထားပြီး သူ၏စိတ်အားတက်ကြွမှုကို ထိန်းချုပ်ထားသည်။

အကယ်၍ သူသာ လုံးပြည့်စုံပးသော ပုံဆောင်ခဲဖွဲ့ဆေးဝါးဖန်တီးခြင်းနည်းစနစ်ကို ထုတ်ပြလိုက်ရင် သူလည်း ဒီသုတေသီတွေလိုပဲ နိမ့်ကျတဲ့ ကြက်ဥလူသားတစ်ဦး ဖြစ်လာမှာ မဟုတ်လား?

ဖုန့်လင်း ဤအရာမှာ အလွန်အန္တရာယ်များသည်ဟု ခံစားခဲ့ရသည်။ ဖြစ်နိုင်ပါက တိတ်တဆိတ်ပင် ဤနေရာမှ ထွက်ခွာလိုခဲ့သည်။

လက်ရှိအချိန်တွင် သူသည် ရှေးဟောင်းနတ်ဆေး၏ နတ်ဘုရားဆန်သည့် အယ်လ်ခမီနည်းစနစ်များကို ရရှိပြီးဖြစ်သည်။ ဤအသိပညာများကို ချေဖျက်နိုင်ပါက ဗီဇပညာရှင်တစ်ဦးဖြစ်လာရန်မှာ ပြဿနာမရှိပေ။ ပြောရရင် တကယ်တော့ ဗီဇပညာရှင်တစ်ဦးဖြစ်လာရန်ပင် လုံလောက်ပြီဖြစ်သည်။ ဧရာမဆေးဝါးကုမ္ပဏီတွင် ပါဝင်ရန်

ဖုန့်လင်း၏ ရည်မှန်းချက်မှာ အပြည့် အဝအောင်မြင်ပြီးဖြစ်ကာ အသက်အန္တရာယ်ကိုစွန့်စားကာ လျှို့ဝှက်ချက်များဖြင့် ပြည့်နှက်နေသော ဤနေရာတွင် ဆက်လက်နေထိုင်ရန် မလိုအပ်တော့ပေ။

သို့သော် ယခုအခါတွင် သူသည် ဧရာမဆေးဝါးကုမ္ပဏီ၏ အစစ်အမှန်အချက်အချာဌာနသို့ ဝင်ရောက်ပြီးဖြစ်သည်။ ထွက်ခွာလိုပါက လွယ်လင့်တကူ ဖြစ်လိမ့်မည်မဟုတ်ပေ။ဖုန့်လင်းအနေနှင့် ယခုအချိန်တွင် ဤနေရာ၌ပင် နေထိကာ အခွင့်အလမ်းကို စောင့်မည်ဟု ဆုံးဖြတ်လိုက်သည်။

မျက်စိတစ်မှိတ်အတွင်း ငါးရက်မှ ခြောက်ရက်အထိ ကုန်လွန်သွားခဲ့သည်။ ဤမြေအောက်ဓာတ်ခွဲခန်းသည် မူလကတည်းက လျှို့ဝှက်ဌာနတစ်ခုဖြစ်ပြီး ဖုန့်လင်းမှာ အဖွဲ့ခေါင်းဆောင်အသစ်ဖြစ်လာသောကြောင့် သူ၏အကျိုးခံစားခွင့်များမှာ ယခင်ကနှင့် လုံးဝကွဲပြားသွားသည်။

ဖုန့်လင်းနေထိုင်သည့်နေရာမှာ အလွန်ခေတ်မီသည်ဟု ဆိုနိုင်ပြီး အကောင်းဆုံး ကျင့်ကြံခြင်းအခန်းနှင့် အဆင့်မြင့်နည်းပညာပစ္စည်းကိရိယာများ ပြည့်စုံစွာရှိသည်။

ဖုန့်လင်းမှာ သူ၏ဒေတာများကို တိကျစွာ တိုင်းတာနိုင်ခဲ့သည်။ သူ၏ လက်သီးအားအတိုင်းအတာမှာ - ၇.၈ တန် ၊ အမြန်နှုန်းမှာ - ၁၀၀ မီတာကို ၁.၉၈ စက္ကန့် ၊ လက်သီးအား ၇.၀ တန် နှင့် ၁၀၀ မီတာ ၂.၀ စက္ကန့်အောက်ကို ကျော်ဖြတ်နိုင်ခဲ့သည်

ထို့အပြင် ဧရာမဆေးဝါးကုမ္ပဏီမှ နေ့စဉ်ထောက်ပံ့သော ကျင့်ကြံခြင်း အရင်းအမြစ်များမှာလည်း ကွဲပြားသည်။ ၎င်းတို့အနေနှင့် ပြီးပြည့်စုံအဆင့်မှ အဆင့်မြင့် အသက်ဆေးရည်များကို ပေးခဲ့သည်။

ဖုန့်လင်း သောက်လိုက်သည်နှင့်တပြိုင်နက် ခြားနားမှုကို ခံစားလိုက်ရသည်။ စွမ်းအင်ကို ချီ အဖြစ် ပြောင်းလဲသော နည်းစနစ်ကို အသုံးပြုရင်း သူ၏ဗီဇအလားအလာမှာ လျင်မြန်စွာ တိုးတက်လာခဲ့သည်။

ဝမ်းနည်းစရာကောင်းသည်မှာ ယခုအခါတွင် သူသည် ဧရာမဆေးဝါးကုမ္ပဏီ၏ အစစ်အမှန်အချက်အချာဌာနသို့ ဝင်ရောက်ပြီးဖြစ်ကာ သူ၏လှုပ်ရှားမှုအားလုံးကို စောင့်ကြည့်ခံနေရသည်။ ကြယ်များ၏စွမ်းအင်ကို စုပ်ယူ၍ ဝိညာဥ်ဗီဇ ကို နိုးထစေရန် အပြင်သို့ ထွက်ခွာနိုင်မည့် အခွင့်အလမ်း မရှိတော့ပေ။

ဖုန့်လင်း သူ၏ခန္ဓာကိုယ်ကို အားကုန်သုံး၍ မွမ်းမံခဲ့သည်။ အလျင်အမြန်ပင် သူ၏ဗီဇအလားအလာမှာ ၇၀၁% သို့ ပြန်ရောက်သွားပြီး အသက်စွမ်းအင်အညွှန်းကိန်းမှာ ၂၃.၂ သို့ရောက်လာသည်။

ဤမတိုင်မီက သူသည် ကျောက်တုံးမျောက်ဗီဇသို့ဗီဇအလားအလာ ၃၀၀% ကို ထည့်သွင်းခဲ့ပြီးဖြစ်သည်။ ယခုတွင် ဖုန့်လင်း မတွန့်မဆုတ်ဘဲ နောက်ထပ် ၇၀၀% ကို ထပ်မံထည့်သွင်းလိုက်ပြီး သူ၏ဗီဇအလားအလာမှာ ၁% သာ ကျန်ရှိတော့သည်။

သို့သော် ယခု ကွာခြားသွားသည်မှာ သူ့ကျောက်တုံးမျောက်ဗီဇ၏ အားဖြည့်မှုအဆင့်မှာ မူလ ၁ မှ ၂ သို့ တိုးတက်လာခြင်းပင်။

ဖုန့်လင်း ချက်ချင်းပင် တစ်ခုခုကွဲပြားနေသည်ကို ခံစားရလိုက်သည်။ သူ၏ခန္ဓာကိုယ်မှာ အားဖြည့်ခံလိုက်ရပြီး ရိုးတွင်းခြင်ဆီများအတွင်းမှ နွေးထွေးသောစီး​ကြောင်းများ ထွက်ပေါ်လာကာ ရေပူစမ်းတွင် စိမ်နေရသကဲ့သို့ ခံစားရပြီး ခန္ဓာကိုယ်တစ်ခုလုံးမှ အစိတ်အပိုင်းအားလုံး အရည်အသွေး မြှင့်တင်ခံနေရသည်။ ယခုအချိန်တွင် သူ့ခန္ဓာကိုယ်ကို သံမဏိချောင်းများဖြင့် ပြုလုပ်ထားသည့်အလား ခံစားနေရသည်။ အပြင်ပန်းတွင် ပိန်လှီနေပုံရ​သော်လည်း အတွင်းတွင် ပေါက်ကွဲနိုင်သည့်စွမ်းအင်များဖြင့် ပြည့်နှက်နေခဲ့သည်။

သူ၏ ချီ နှင့် သွေးများမှာ ချော်ရည်ကဲ့သို့ ဆူပွက်လျက် ရှိသည်။

ဖုန့်​လင်း သူ၏စိတ်စွမ်းအင်ကို အသုံးပြုကာ ခန္ဓာကိုယ်အတွင်းသို့ စူးစမ်းကြည့်လိုက်သည်။ သူ၏အရွတ်များနှင့် ကြွက်သားမျှင်များမှာ သံမဏိကြိုးကဲ့သို့ မာကျောပြီး မကွေးနိုင်လောက်အောင် ခိုင်ခံ့နေသည်ကို တွေ့ခဲ့ရသည်။

သူ၏အရိုးများမှာ ကျောက်စိမ်းရောင်တောက်နေပြီး သံမဏိအကြောများဖြင့် အုပ်၍ အသေးစိတ် ပုံစံဖော်ထားသည်။

ကျောက်သားခန္ဓာနှင့် သံမဏိအရိုး။ ဒါက အစစ်အမှန် ကျောက်သားခန္ဓာနဲ့ သံမဏိအရိုးတွေပါပဲ။

သူ၏အရေပြားမှာ ကျောက်စိမ်းနှင့်ကျောက်တုံးများကဲ့သို့ မာကျောသည်။ လက်ချောင်းဖြင့် လေထဲသို့ တောက်လိုက်သည်နှင့် တုန်ခါသံကို ကြားရသည်။ ဓားနှင့်လှံများ၏ တိုက်ခိုက်မှုဖြင့်လည်း သူ့ကို မထိခိုက်နိုင်ပေ။

ပို၍ထူးခြားသည်မှာ ဖုန့်လင်း သူ့ခန္ဓာကိုယ်ရှိ ဆဲလ်တိုင်းတွင် အက်ကြောင်းများမရှိကြောင်း တွေ့ရှိခဲ့ပြီး မည်သည့်နေရာတွင်မှ အားနည်းချက် လုံးဝမရှိပေ။ ခန္ဓာကိုယ်တစ်ခုလုံးမှာ အပြည့်အဝပိတ်ထားသော ကွန်တိန်နာတစ်လုံးနှင့်တူပြီး မည်သည့်စွမ်းအင်တိုက်ခိုက်မှုမျှ အတွင်းသို့ စိမ့်ဝင်နိုင်လိမ့်မည်မဟုတ်ပေ။

ကျောက်တုံးမျောက်ဗီဇ - ကျောက်သားခန္ဓာနှင့်သံမဏိအရိုးများ၊ အကန့်အသတ်မဲ့ခွန်အင်အား၊ ဓားလှံတို့ဖြင့်

မထိခိုက်ခိုင်၊ မီးနှင့်ရေတို့

မသက်ရောက်နိုင်။

သူအားဖြည့်နေသည်နှင့်အမျှ ဤစွမ်းရည်လေးမျိုးသည်လည်း သဘာဝအတိုင်း တိုးတက်လာခဲ့သည်။

သူ ခန့်မှန်းထားသည်မှာ အမှတ်များ ထပ်ပေါင်း၍ ဆက်လက်အားဖြည့်ခဲ့ပါက ဤစွမ်းရည်များသည် အမြင့်ဆုံးအဆင့်သို့ရောက်ပြီး ၎င်းတို့၏ အကန့်အသတ်များသို့ ရောက်ရှိသွားမည်ဖြစ်သည်။

ဤအချိန်တွင် ဖုန့်လင်း၏ အသက်စွမ်းအင်အညွှန်းကိန်းမှာ ၃၂.၄ အထိ ရောက်ရှိပြီး ၃၀.၀ မှတ်ကို ကျော်လွန်သွားခဲ့သည်။

ပြောင်းလဲနိုင်သည့် ရှေးဦးဗီဇဆိုသည့်အတိုင်းပင် အလွန်မြင့်မားသည့်အဆင့်တွင်ရှိနေသည်။ အမှတ်များထပ်မံပေါင်းထည့်တိုင်း အသက်စွမ်းအင်အညွှန်းကိန်းမှာ ၁၀ ဆမြင့်တက်လာခဲ့သည်။

ယခုအခါတွင် သူ၏ အသက်စွမ်းအင်တိုးတက်မှုကို ၀.၁ အစား ၁.၀ ဖြင့် တွက်ချက်ပြီး အသက်ရှုတစ်ချက်တည်းဖြင့် ၉.၂ အထိ တိုးတက်သွားခဲ့သည်။

သို့သော် ဝမ်းနည်းစရာကောင်းသည်မှာ ဗီဇအလားအလာရရှိရန် ပို၍ပို၍ ခက်ခဲလာခြင်းပင်ဖြစ်သည်။

သူ ဘာလုပ်ရမည်ဆိုသည်ကို စဉ်းစားနေစဉ်တွင် မျှော်လင့်မထားသော အဖြေတစ်ခု မြန်မြန်ဆန်ဆန်ရောက်ရှိလာခဲ့သည်။

ထိုအဖြေမှာ... လာဘ်ယူခြင်းပင်။

ယခုအခါတွင် သူသည် မြေအောက်ဓာတ်ခွဲခန်း၏ ခေါင်းဆောင်ဖြစ်လာပြီး လိုအပ်သော ဆေးဖက်ဝင်ပါဝင်ပစ္စည်းများနှင့် ဆေးရည်များကို အလျှံအပယ် ရရှိထားသည်။ သုတေသနအကြောင်းပြချက်ဖြင့် သူ လိုသလောက် ယူသုံးနိုင်ပြီး သူကိုယ်တိုင်သောက်နိုင်သည်။ ပုံဆောင်ခဲဖွဲ့ဆေးဝါးဖန်တီးခြင်းနည်းစနစ် တွင် တိုးတက်မှုအနည်းငယ်ကို အချိန်နှင့်အမျှ ပြသပါက ဤကြက်ဥလူသားအားလုံးမှာ အံ့အားသင့်ကာ သူ့အား ရိုသေလေးစားလာကြမည်ဖြစ်ပြီး သူတို့အနေနှင့် ဘာကိုမျှ သံသယဝင်မည် မဟုတ်ပေ။

ဖုန့်လင်း အသက်အားကိုတိုးစေသော ဆေးဝါးများကို အသုံးပြုကာ သူ၏ဗီဇအလားအလာကို မြင့်တက်စေခဲ့သည်။

နောက်ထပ် ၁၀ ရက်ကြာပြီးနောက်

ဖုန့်လင်းမှာ လုံလောက်သော ဗီဇအလားအလာကို စုဆောင်းမိပြီး ကျောက်တုံးမျောက်ဗီဇကို နောက်ထပ် အခမဲ့ဗီဇအမှတ် တစ်မှတ် ပေါင်းကာ သူ၏စွမ်းရည်များကို ထပ်မံအားဖြည့်ခဲ့သည်။ သူ၏ အသက်စွမ်းအင်အညွှန်းကိန်းမှာ ၄၁.၄ အထိ ရောက်ရှိသွားပြီး တိုးတက်မှုမှာ ၉.၀ သာ ရှိပြီး အနည်းငယ်လျော့နည်းသွားခဲ့သည်။

ဆေးဝါးများကို ကြာရှည်စွာသောက်သုံးပါက ခန္ဓာကိုယ်မှ ခံနိုင်ရည်ရှိလာပြီး အကျိုးသက်ရောက်မှုလည်း

မကောင်းတော့ပေ။ ဆက်လက်သောက်သုံးပါက ဆေးဝါးများ၏ အကျိုးသက်ရောက်မှု လုံးဝ ပျောက်ကွယ်သွားနိုင်သည်။

တစ်ပတ်အတွင်း ဖုန့်လင်း၏ အင်အားမှာ အနည်းဆုံးတစ်ဆခန့် မြင့်တက်သွားသော်လည်း သူ၏ အပြင်ပန်းတွင်မူ ပြောင်းလဲမှုမရှိပေ။

ဤသည်မှာ ဗီဇအားဖြည့်ခြင်း၏ ကြောက်မက်ဖွယ်ကောင်းသော အချက်ပင်ဖြစ်သည်။ သူ့တွင် ဗီဇအလားအလာ လုံလောက်နေသ၍ အကန့်အသတ်မရှိ သန်မာလာနိုင်ပြီး သူ့တွင် မည်သည့် ပိတ်ဆို့မှုမျှ မရှိနိုင်ပေ။

အချိန်များ မြန်ဆန်စွာ ကုန်လွန်ခဲ့ပြီး

ဖုန့်လင်းမှာ တိတ်တဆိတ် ဖုံးကွယ်နေခဲ့သည်။ ပုံဆောင်ခဲဖွဲ့ဆေးဝါးဖန်တီးခြင်းနည်းစနစ် တွင် တိုးတက်မှုအနည်းငယ်ကို အချိန်နှင့်အမျှ ပြသကာ စောင့်ကြည့်နေသူများအား သူ ပျင်းမနေကြောင်း ပြသခဲ့ပြီး နောက်ဆုံးတွင် သူတို့၏ စောင့်ကြည့်မှုမှာ ထုံထိုင်းသွားခဲ့သည်။

တစ်ချိန်တည်းမှာပင် သူ၏ကျင့်ကြံခြင်းအခြေခံမှာ ပိုမိုအားကောင်းလာခဲ့ပြီး သူ့ခန္ဓာကိုယ်အတွင်းရှိ ဗီဇအလားအလာမှာ ၁၀၀၀% အထိ ရောက်ရှိလာခဲ့သည်။

ယခုအခါတွင် သူသည် ဧရာမဆေးဝါးကုမ္ပဏီမှ ထွက်ခွာရန် အခွင့်အလမ်းကို တိတ်တဆိတ် စောင့်မျှော်နေသည်။

ဤနေ့တွင် ဓာတ်ခွဲခန်းအတွင်း သူ အလုပ်များဟန်ဆောင်နေစဉ် ရုတ်တရက် သူ့ဘေးပတ်လည်မှာ အလွန်အမင်း တုန်ခါသွားခဲ့သည်။

ဖုန့်လင်း တုန်ခါမှုများ၏ အရင်းအမြစ်ဘက်သို့ အံ့အားသင့်စွာ ငေးကြည့်လိုက်ရာ၊ မားစ်ဂြိုဟ်၏ ဗဟိုချက်သည် အပူလှိုင်းများဖြင့် ဖုံးလွှမ်းနေစဉ် အလျင်အမြန် လည်ပတ်နေသည်ကို တွေ့မြင်လိုက်ရသည်။ ထိုအတွင်း၌ ပိတ်ဆို့ထားသော လှောင်အိမ် ကို ဖောက်ထွက်လိုဟန်ဖြင့် လှုပ်ခတ်နေသည့် အချို့သော ထိတ်လန့်ဖွယ်အရာများ ရှိနေပုံရသည်။

တီ၊ တီိ၊ တီ!

မြေအောက်ဓာတ်ခွဲခန်းအတွင်းရှိ သတိပေးချက်သံများ ချက်ချင်း မြည်လာခဲ့သည်။

ဧရာမဆေးဝါးကုမ္ပဏီ​မှ စစ်သားအုပ်စုတစ်စုသည် မားစ်ဂြိုဟ်၏ဗဟိုချက်သို့ ဦးတည်သည့် လျှို့ဝှက်လမ်းကြောင်းတစ်ခုအတိုင်း လိုက်ပါသွားကြပြီး သူတို့၏ အရိပ်များမှာ မကြာမီ ပျောက်ကွယ်သွားခဲ့သည်။ ထိုဗဟိုချက်အတွင်း၌ အခြားသော လျှို့ဝှက်နေရာတစ်ခု အမှန်တကယ် ရှိနေခဲ့သည်!

"ဒါက ဘာလဲ?" ဖုန့်လင်း သူ့လက်ထောက်အား မေးမြန်းလိုက်သည်။

မတ်ဆုရှီတ အိုနီဂျင်အမည်ရှိ ထိုဂျပန် ကြက်ဥလူသားမှု သူ့ကို ဦးညွှတ်လိုက်သည်။ သူ၏မျက်နှာပေါ်တွင် အထက်လူကို မျက်နှာချိုသွေးလိုသည့် လက်အောက်ငယ်သားတစ်ဦး၏ အမူအရာဖြင့် ဖုန့်လင်းအား ရှင်းပြလိုက်သည်၊ "အဒီနေရာက ကျွန်တော်တို့ကုမ္ပဏီရဲ့ အကြီးဆုံး တားမြစ် နယ်မြေဖြစ်တဲ့ 'ဗဟိုချက် သမိုင်းဝင် နယ်မြေ' ပါ!"