အခန်း (၁၅၅)

Vol. 11 Ch. 155

ကျီလင်းချန် သူ့ဇနီးလေးကို ရုံးခန်းထဲမှာ မြင်လိုက်ရသောအခါ မှင်သက်သွားသည်။ "ရှောင်နွမ်၊ ဒီနေ့ မင်းဒိတ်လုပ်မယ့်သူက ကိုယ်လား"

ဖန့်ရှောင်နွမ် ညင်ညင်သာသာနဲ့ပြောလိုက်သည်။ "ဟမ့် ရှင့်မျက်လုံးတွေကို အရင်မှိတ်!"

ကျီလင်းချန် ဖုန်း ချလိုက်သည်။ သူ့မျက်နှာပေါ်ရှိ အမူအရာက ချက်ချင်း အလိုလိုက်သလို ပြောင်းလဲသွားသည်။ ထို့နောက် သူ နာခံစွာ မျက်လုံးမှိတ်လိုက်သည်။

ဖန့်ရှောင်နွမ် သူမရှေ့မှာ နှင်းဆီပန်းစည်းကို ဂရုတစိုက်ထုတ်ခဲ့သည်။ ထို့နောက် သူမက ရှေ့သို့ ခြေတစ်လှမ်းတိုးကာ ခြေဖျားထောက်ပြီး ကျီလင်းချန်ရဲ့ ပါးကို ညင်သာစွာ နမ်းလိုက်သည်။ ဒီအနမ်းက ရေထဲမှာ ပျံနေတဲ့ ပုစဉ်းတစ်ကောင်လိုပင်။ ပေါ့ပါးပြီး လျင်မြန်သော်လည်း၊ ရေထဲတွင် မရေမတွက်နိုင်သော လှိုင်းဂယက်များ လှုပ်ခတ်နေဆဲပင်။ ကျီလင်းချန်ရဲ့နှလုံးက လျင်မြန်စွာခုန်သွားသည်။

သူ့မျက်လုံးတွေကို ဖြည်းညှင်းစွာ ဖွင့်လိုက်သည်။ သူပထမဆုံးမြင်လိုက်ရတာက နှင်းဆီပန်းတစ်စည်းပင်။ နှင်းဆီပန်းတွေရဲ့ နောက်မှာ သူ့ရဲ့ အဖိုးတန် ဇနီးလေးကပုန်းနေသည်။ သူ့မိန်းမရဲ့အပြုံးက နှင်းဆီပန်းတွေထက်တောင် ပိုလှနေသည်။ သူ အံ့ဩသွားသည်။

သူ ရုန်းကန်မှုများစွာကို တွေ့ကြုံခဲ့ရသောကြောင့် အကြပ်အတည်းတစ်ခုတွင် အလွန်ကောင်းမွန်ခဲ့သည်။ ဒါပေမယ့် အိမ်ထောင်ပြုပြီးနောက်တွင် သူ့ထိန်းချုပ်မှုမရှိတော့သည့်အရာတွေက အမြဲရှိနေကြောင်း သူသဘောပေါက်ခဲ့သည်။ ဤအရာက ခြွင်းချက်မဟုတ်ပေ။ ဒါတွေအားလုံးက သူ့ကြောင်ပေါက်လေးကြောင့်ပင်။

သူမက သူ့အတွက် သူ့ကို ပထမဆုံး နှင်းဆီပန်းစည်း ပေးခဲ့တဲ့သူဖြစ်သည်။

“ယောကျ်ား၊ ရှင်အရင်က ပန်းတွေ မရဖူးလို့ ကျွန်မထင်တယ်။ ဒီမှာ ဒါက ရှင့်မိန်းမဆီက!" ဖန့်ရှောင်နွမ်က ယောက်ျားဖြစ်သူကို ပန်းတွေပေးရင်း ပြုံးနေခဲ့သည်။

ကျီလင်းချန် နှင်းဆီပန်းတွေကို လက်ခံလိုက်သောအခါ သူ့ရင်တွင်း၌ နွေးထွေးမှုတွေ ပွက်ပွက်ထလာသည်ကို ခံစားလိုက်ရသည်။ အချိန်အတော်ကြာပြီးနောက် သူက ဇနီးလေးထံမှ နှင်းဆီပန်းတွေကို ရရှိနိုင်တဲ့သူတစ်ဦး ဖြစ်လာခဲ့သည်။ ဒီပန်းတွေက သူမရဲ့ အချစ်ကို ကိုယ်စားပြုသည်။

သူ ပန်းစည်းကို လက်တစ်ဖက်တွင် ကိုင်ထားပြီး ကျန်လက်တစ်ဖက်ဖြင့် ဇနီးဖြစ်သူ၏ ခါးသွယ်လေးကို ဖက်ထားသည်။ အဲဒီနောက် သူက အနီးကပ် ငုံ့ပြီး မေးလိုက်သည်။ "ဒါဆို မင်းဒီနေ့ နေ့လည်မှာ ရိုမန့်တစ်ဆန်တဲ့ဒိတ်လုပ်မယ်လို့ ကိုယ့်ကိုပြောခဲ့တယ်။ ဒါပေမယ့် မင်း ကိုယ်နဲ့ အပြင်ထွက်ဖို့ စီစဉ်ထားတာလား"

“ဟီးဟီး၊ ဟုတ်တယ်။ ယောကျ်ား ရှင် အံ့သြသွားလား" ဖန့်ရှောင်နွမ် သူမခင်ပွန်း၏ လည်ပင်းကို သိုင်းဖက်ကာ စကားပြောနေစဉ်တွင် သူမ၏မျက်လုံးတွေက ကျောက်မျက်ရတနာများကဲ့သို့ တောက်ပနေသည်။

ကျီလင်းချန် ပြောလိုက်သည်။ " မျက်လုံးမှိတ်လိုက် "

ဖန့်ရှောင်နွမ် သူမ၏ မျက်လုံးတွေကို နာခံစွာမှိတ်လိုက်ပြီးနောက် သူမ၏နှုတ်ခမ်းပေါ်မှာ နွေးထွေးတဲ့ခံစားချက်ကို ခံစားလိုက်ရသည်။

လက်ထောက် လျိုက စီအီးအိုဆီ အစီရင်ခံစာတင်ပြချင်သော်လည်း ကံကောင်းထောက်မစွာဖြင့် အတွင်းရေးမှူး စုန့်က သူ့ကို သတိပေးပြီး သူ့အသက်ကို ကယ်တင်ခဲ့သည်။

အတွင်းရေးမှူး စုန့်က ပြောလိုက်သည်။ “မဒမ် CEO ဆီကို နှင်းဆီပန်းတွေ ယူလာတယ်။ ရှင့်အသက်ကို တန်ဖိုးမထားရင် အထဲဝင်ပြီး သူတို့ကို နှောင့်ယှက်ပေါ့ "

CEO ရုံးခန်းမှ ဝန်ထမ်းတွေက လှပတဲ့ နှင်းဆီပန်းစည်းကြောင့် စိတ်ပျံ့လွင့်သွားကြသည်။ လက်ထောက် လျိုက အတင်းအဖျင်းစကားမှာ ပါဝင်ခဲ့သည်။

"ဘာဖြစ်တာလဲ ကျွန်တော်ကို မြန်မြန်ပြောပြပါဦး! ဒီလို စိတ်လှုပ်ရှားစရာကောင်းတဲ့ အဖြစ်အပျက်ကို ကျွန်တော် တကယ်ပဲ လွဲချော်သွားတယ်။ CEO ပန်းတွေလက်ခံတာ ဒါပထမဆုံးအကြိမ်ပဲ ဖြစ်ရမယ်။” လက်ထောက် လျိုက စိတ်ဝင်တစား ပြောလိုက်သည်။

“မှန်တယ်။ ကျွန်မ ကျီ ကော်ပိုရေးရှင်းထဲဝင်ကတည်းက CEO ရုံးခန်းမှာ နှင်းဆီနီတွေ မပြောနဲ့ အနီရောင်ကို တစ်ခါမှမမြင်ဖူးဘူး!"

“မဒမ်က သိပ်ကို ရိုမန်တစ်ဆန်တယ်။ ဒီအကြံကို သူမ ဘယ်လိုရလာတာလဲ။”

ယုတ္တိဗေဒအရ ပြောရလျှက် အမျိုးသမီးတွေကို ပန်းတွေပေးတဲ့သူက အမြဲတမ်း အမျိုးသားတွေပင်။ ဤသည်မှာ စည်းမျဥ်းစည်းကမ်းတစ်ခု ဖြစ်လာပုံရသည်။ ဖန့်ရှောင်နွမ်က ရုတ်တရက် စည်းကမ်းဖောက်ဖျက်လိုက်သောအခါတွင် ၎င်းသည် ခြေပုန်းခုတ်သူဖြစ်လာသည်။

အတွင်းရေးမှုး စုန့် ပြောလိုက်သည်။ “CEO သူမကို သဘောကျတယ်ဆိုတာက သူမက တခြားအမျိုးသမီးတွေနဲ့ မတူတာကြောင့်ပဲ ဖြစ်ရမယ်”

“အတွင်းရေးမှူးခေါင်းဆောင် သူမက တခြားသူတွေနဲ့ မတူဘူးဆိုရင်တောင် မလုံလောက်သေးဘူးလို့ ကျွန်တော်ထင်တယ်။ မီးပွားရှိဖို့ လိုအပ်သေးတယ်။ အရင်တုန်းက မစ္စလင်း ကျွန်တော်တို့ရဲ့ CEO အပေါ်မှာ ခံစားချက်တွေရှိခဲ့တာ မဟုတ်ဘူးလား။ ဒါပေမယ့် သူမ ကုမ္ပဏီကို ရောက်လာတိုင်း CEO က အရေးကြီးတာတစ်ခုအတွက် သူမဒီရောက်လာတာ မဟုတ်ဘူးဆိုရင် သူမကိုတွေ့မှာမဟုတ်ဘူး။”

“မဒမ်ကတော့ မတူဘူး။ သူမ ကုမ္ပဏီကို ပထမဆုံးအကြိမ် လာလည်တဲ့ အချိန်မှာ သူမကို တားခဲ့လိုက်ပြီးတဲ့နောက် သူမကို ဘယ်သူမှ ထပ်မတားရဲတော့ဘူး။ သူမက ကုမ္ပဏီကို လွတ်လွတ်လပ်လပ် ဝင်ထွက်သွားလာခဲ့ပြီး CEO ရဲ့ ကိုယ်ပိုင်ဓာတ်လှေကားကိုတောင် စီးခဲ့တယ်။”

အတွင်းရေးမှူးစုန့် သက်ပြင်းချလိုက်သည်။ "ဒါဆို ကံတရားပေါ်မှာ မူတည်နေသေးတယ်" စီအီးအိုက သူ့မိန်းမကို စွဲလန်းနေပြီး အဲဒီကံကြမ္မာကြောင့် သူ့ကို ဘယ်သူမှ တားလို့မရပေ။

CEO ရုံးခန်းမှာ ပြင်းပြစွာ နမ်းပြီးနောက် ဖန့်ရှောင်နွမ်က ခင်ပွန်းဖြစ်သူ၏ လက်ကို ကိုင်ကာ မေးဖို့ လှည့်လိုက်သည်။ "ယောကျ်ား၊ ဒီနေ့ ကျွန်မ မတူနေတာကို သတိထားမိလား"

"မင်း လက်ထပ်လက်စွပ် ဝတ်ထားတယ်" ကျီလင်းချန် ရယ်ပြီး ပြောလိုက်သည်။

"အဲဒါက ထင်ရှားနေတာလား။ ယောကျ်ား၊ ရှင်ဘယ်လိုလုပ် ဒီလောက် မြန်မြန်သိသွားတာလဲ။" ဖန့်ရှောင်နွမ် ခင်ပွန်းဖြစ်သူ၏ ရင်ခွင်ထဲ ကိုယ့်ကိုယ်ကိုပစ်ဝင်ရင်း အံ့သြစွာ မေးလိုက်သည်။ မင်္ဂလာဆောင်သည့်နေ့မှလွဲ၍ သူမက လက်ထပ် လက်စွပ်ကို မဝတ်ခဲ့ပေ။ မင်္ဂလာဆောင်ပြီးကတည်းက ဘူးထဲမှာ ထည့်ထားခဲ့တာ။

ဒီမနက် မိတ်ကပ်လိမ်းတော့ လက်စွပ်ဘူးကို ချက်ချင်းတွေ့လိုက်သည်။ သူမ ၎င်းကိုဖွင့်၍ တောက်ပနေသည့် လက်စွပ်ကို ခဏတာ စိုက်ကြည့်ရင်း နောက်ဆုံးမှာ သူမ လက်သူကြွယ်ပေါ် စွပ်ခဲ့သည်။

ဒီနေ့ ကျောင်းသွားတုန်းက တစ်ခုခုရေးတိုင်း လက်ချောင်းပေါ်မှာ ပြောင်လက်နေတဲ့ လက်စွပ်ကို တွေ့ရသည်။ သူမ၏ အချစ်ဆုံးသူငယ်ချင်းနှစ်ယောက်ကို မေးခဲ့သည်။ "ဒီနေ့ ငါ့ဆီမှာ မတူတာကို နင်တို့ သတိထားမိလား"

"ဒါပေါ့၊ နင့်ရဲ့ဂုဏ်ပဲ မှန်လား၊ ကျောင်းအုပ်ဖန့်"ကျီဝမ်နဲ့ လျိုစစ်ယွီတို့က သဘောတူခဲ့ကြသည်။