အခန်း (၂၀၂)

ယခုအချိန်တွင် ထုတ်လွှင့်ပြသမည့်ပွဲများ၏ အမည်စာရင်းကို ထုတ်ပြန်ကြေညာခဲ့သည်။ ၎င်းတို့ထဲတွင် “နန်နန်နဲ့ T” တို့ဖြစ်သည်။

ပရိသတ်က ချက်ချင်း ဝိုင်းအော်ကြသည်။ ဒါက ကြည့်ရကျိုးနပ်တဲ့ တိုက်ပွဲဖြစ်မှာပင်။

သူတို့ သုံးယောက် ရှောခ့်ရသွားကြသော်လည်း တုံ့ပြန်ပြီးနောက် T ၏ အားနည်းချက်ကို ခွဲခြမ်းစိတ်ဖြာရန် ချက်ချင် အတူတကွ စုရုံးခဲ့ကြသည်။

သူတို့နှစ်ဦးက ဖန့်ရှောင်နွမ်နဲ့အတူပွဲများကို ငါးနှစ်ကြာကြည့်ရှုခဲ့ကြသောကြောင့် ယင်းကို နားလည်မှုအချို့ရှိခဲ့သည်။

ကျီဝမ်က သူ့ရဲ့ ထင်မြင်ချက်ကို ထုတ်ဖော်ခဲ့သည်။ “မွေထိုင်းက မြန်တယ်၊ တိကျတယ်၊ ပြင်းထန်တယ်၊ ဒါပေမယ့် Energy အများကြီးသုံးရတယ်။ မင်း သူ့ကိုအရှိန်လျှော့သွားအောင် လုပ်နိုင်လား"

ဖန့်ရှောင်နွမ် ခေါင်းခါလိုက်သည်။ “ဒါကို ငါ မလုပ်နိုင်ဘူး။ တခြားနည်းလမ်း ရှိလောက်မယ်။ မွေထိုင်းမှာ ခံစစ်ပိုင်း သိပ်အများကြီးမရှိဘူး။ အဲ့တာက တံတောင်နဲ့ ဒူးဆစ်တွေပေါ် အဓိကအားကိုးထားတာ။ သူ့ဆီက ရိုက်တာကိုမခံရသရွေ့တော့ အနိုင်ရဖို့ အခွင့်အလမ်းက ပိုများလိမ့်မယ်”

မကြာခင်မှာ ကျင်းပမယ့် ပွဲအစီအစဉ်တွေကို ကြေငြာခဲ့သည်။ ဖန့်ရှောင်နွမ်က စင်မြင့်ပေါ်သို့ ပထမဆုံးတက်ခဲ့သည်။

သူမ အသက်ပြင်းပြင်းရှူပြီး တည်ငြိမ်သွားအောင်လုပ်ခဲ့သည်။ “စောစောသွားရတာ ကောင်းပါတယ်။ ငါအိမ်ပြန်နောက်မကျချင်ဘူး။ ငါ့ယောက်ျား ထပ်ပြီး သံသယဝင်နေရင် ငါကိုယ်တိုင် ရှင်းပြလို့ ရတော့မှာမဟုတ်ဘူး။"

ကျီဝမ် စိုးရိမ်တကြီးနဲ့ ပြောလိုက်သည်။ “ဘိုးဘေးတွေကို ကျွန်တော် ဝန်ချတောင်းပန်ပါတယ်။ ကျေးဇူးပြု၍ တိုက်ပွဲကို အမြန်အဆုံးသတ်ပေးပါ ဒဏ်ရာမရရင်တော့ အကောင်းဆုံးပဲ။”

ဖန့်ရှောင်နွမ် ခေါင်းညိတ်လိုက်သည်။ သူမ စင်ပေါ်မတက်ခင်မှာ ရေနဲ့ အေးသွားအောင်လို့ လက်နှစ်ဖက်ပေါ်လောင်းလိုက်ပြီး ထရပ်လိုက်သည်။

တစ်ဖက်မှာတော့ 'T' က စကားတစ်လုံးမှ မပြောခဲ့ပေ။

ဖန့်ရှောင်နွမ် ကြိုးဝိုင်းထဲ ဝင်သွားပြီးနောက် သူမက သူ့ရဲ့ ရပ်တည်ချက်ကို မြင်ပြီး ငယ်ငယ်လေးကတည်းက မွေထိုင်း လေ့ကျင့်မှုကို ခံယူခဲ့တာပဲလို့ ခန့်မှန်းလိုက်သည်။

'T' က အလွန်ယဉ်ကျေးသည်။ သူက ပြိုင်ဘက်နှင့် ရင်ဆိုင်ရတိုင်း လက်ခုပ်တီးပြီး သူ့အား လေးစားမှုကို ပြသသည်။ ဒါပေမယ့် သူ၏ပြိုင်ဘက်တွေက အလွန်မာနကြီးသောကြောင့် တုံ့ပြန်မှုမရရှိခဲ့ပေ။

ဖန့်ရှောင်နွမ်က လက်ခုပ်တီးကာ အရိုအသေ ပြန်ပေးခဲ့သည်။

Tက သူ့ရဲ့တုံ့ပြန်မှုကို လေးစားပြီး ပထမဆုံး တုံ့ပြန်တဲ့သူက နန်နန်ဖြစ်လိမ့်မယ်လို့ သူ မထင်ထားတော့ အံ့သြဝမ်းသာသွားသည်။ သူက ဤတစ်ကြိမ်တွင် ထိုက်တန်သော ပြိုင်ဘက်ကို တွေ့ခဲ့ရသည်ဟု ခံစားမိသည်။

တိုက်ပွဲအပြင်ဘက်မှာ နှစ်ယောက်သား တစ်ယောက်ကိုတစ်ယောက် သဘောကျနေကြသည်။ စင်မြင့်ပေါ်၌ သူတို့နှစ်ဦးက ပြင်ဆင်မှုအခြေအနေသို့ ချက်ချင်ဝင်ရောက်ခဲ့သည်။

စနစ်၏ ရေတွက်ခြင်းကို စတင်ခဲ့ပြီး ပြင်းထန်သော တိုက်ပွဲတစ်ခု စတင်ခဲ့သည်။

ကျီလင်းချန် မှန်တံခါးဆီ လျှောက်သွားလိုက်သည်။ အတွင်းပိုင်းက အလွန်ကျယ်ဝန်းသော နေရာဖြစ်ပြီး အတွင်းတွင် လူရာပေါင်းများစွာ ထိုင်နေသည်။

ဤတံခါးကို ကိုယ်တိုင်ဖွင့်၍မရပေ။ သူ ဝင်ဖို့ ကတ်တစ်ခုလိုအပ်သည်။

ကျီလင်းချန်က သူ့ကတ်ကို ပွတ်ဆွဲသည့်နေရာတွင် ထပ်မံထည့်သွင်းလိုက်သည်။ တံခါးက အလိုလိုပွင့်လာပြီး သူဝင်သွားခဲ့သည်။

" ရှောင်ဝမ် ငါ သန့်စင်ခန်းသွားလိုက်ဦးမယ်။ ရှောင်ဝမ် ကို စောင့်ကြည့်ထား။ တစ်ခုခု အဆင်မပြေနေရင် မျက်နှာသုတ်ပုဝါကို ချက်ချင်း လွှင့်ပစ်လိုက်။ သူ့ကို မနှစ်ကလို အပြင်းအထန် တိုက်ခိုက်ခွင့် မပေးနဲ့” လျိုစစ်ယွီ ညွှန်ကြားလိုက်သည်။

ကျီဝမ် ခေါင်းညိတ်လိုက်သည်။ "စိတ်မပူပါနဲ့ ငါလုပ်လိုက်မယ်။ ဒီတစ်ခါ သူ ဒဏ်ရာရရင် ငါ့ဦးလေး ဒီနေရာကို ဖျက်ဆီးရုံတင်မကဘဲ ငါတို့နှစ်ယောက်ကိုလည်း ဖျက်ဆီးပစ်လိမ့်မယ်”

စင်မြင့်ပေါ်ရှိ ပွဲစဉ်က အထွတ်အထိပ်သို့ ရောက်ရှိသွားခဲ့သည်။ ဖန့်ရှောင်နွမ်က T နဲ့ ယှဉ်ပြိုင်ဖို့ စွမ်းရည်အားလုံးကို အသုံးပြုခဲ့ပြီး သူမ တတ်နိုင်သမျှ လှုပ်ရှားခဲ့သည်။ သူမ လွတ်သွားပါက သူမ ချက်ချင်းလှည့်၍ တိုက်မိခြင်းမှ ကင်းဝေးစေရန် T ဆီကနေ ထွက်ခွာသွားမည်ဖြစ်သည်။

T က မွေထိုင်းတွင် ထူးချွန်ခဲ့ပြီး အသေခံအချက်မှာ ပြင်းထန်သော ထိုးနှက်ချက်ဖြစ်သည်။ အကယ်၍ သူသာ ထိမှန်သွားပါက သူမ သံသယမရှိဘဲ ရှုံးနိမ့်သွားမည်ဖြစ်သည်။ သူ ဖန့်ရှောင်နွမ်ကို အကြိမ်အနည်းငယ်ထိဖို့ ကြိုးစားခဲ့သော်လည်း ဖန့်ရှောင်နွမ်က ငါးတစ်ကောင်လိုဖြစ်ပြီး အလွန်ချောနေသည်။ သူတိုက်တော့မည်ဆိုတိုင်း သူမက အမြန်ရှောင်ထွက်သွားသည်။

ထိုအချိန်တွင် ဖန့်ရှောင်နွမ်က T ရဲ့ နောက်သို့ရွှေ့ရန်အခွင့်အရေးကိုရယူပြီး သူ့ခြေသလုံးကြွက်သားကို ကန်ထုတ်လိုက်ရာ T သည် ကြမ်းပြင်ပေါ်သို့လဲကျသွားသည်။ ဒါပေမယ့်လည်း သူက ဖန့်ရှောင်နွမ်ရဲ့ ခြေသလုံးကြွက်သားကို ဖမ်းကိုင်လိုက်ပြီး သူမကို ကြမ်းပြင်ပေါ်သို့ ပစ်ချလိုက်သည်။

ဖန့်ရှောင်နွမ်မှာ ဆိုးရွားတဲ့ ခံစားချက်တစ်ခု ရှိသည်။ကြမ်းကြီးပေါ်မှာ လဲလျောင်းနေတာက လှီးဖြတ်ထားတဲ့ ငါးအပိုင်းနဲ့တူတယ်လို့ အဓိပ္ပါယ်ရသည်။ သူမ၏ လှုပ်ရှားမှုများကို ချက်ချင်း ကန့်သတ်လိုက်သည်။ သူမ၏ လည်ပင်းကို တွန်းချခံလိုက်ရပြီး သူမ မျက်နှာနီမြန်းသွားသည်။

စင်မြင့်ပေါ်၌ လူတိုင်း၏ အာရုံစူးစိုက်မှုကို ခံရသည်။ ဤတိုက်ပွဲက အချိန်ကြာမြင့်မည်ဖြစ်ပြီး အနိုင်ရသူကို ဆုံးဖြတ်ဖို့ ခက်ခဲမည်ဖြစ်သည်။

ဖန့်ရှောင်နွမ် လျင်မြန်စွာ တုံ့ပြန်လိုက်သည်။ အသက်မရှူနိုင်သော်လည်း ဖြစ်ပေါ်လာမည့်အန္တရာယ်ကို ရင်ဆိုင်ရန် စီရင်ချက်ချခဲ့သည်။ လွတ်မြောက်ခြင်းအတွက် သူမ စွန့်လွှတ်ခဲ့သည်။ အဲဒီအစား သူမလက်သီးကို တင်းတင်းဆုပ်ပြီး T ရဲ့နားထင်ကို အားအင်အပြည့်နဲ့ ထိုးလိုက်သည်။

T နာကျင်စွာ ညည်းညူရင်း ဖန့်ရှောင်နွမ်ကို ဖိလိုက်တဲ့ ဖိအားက အလွန်အားလျော့သွားသည်။

သူမက သူမ၏ လက်သီးတွေကို ထပ်မံ လွှဲရန် အခွင့်အရေးကို ရယူခဲ့သည်။ T ၏လည်ပင်းကိုထိုးပြီး T ၏ ခန္ဓာကိုယ်ဆီမှ လွတ်မြောက်သွားသည်။ ထို့နောက် သူမက T ဆီမှ လျင်မြန်စွာ လှိမ့်လိုက်ကာ ကြမ်းပြင်ပေါ်တွင် တစ်ဝက်ခန့် ငုတ်တုတ်ထိုင်ကာ အသက်ပြင်းပြင်းရှူပြီး နှလုံးခုန်နှုန်းကို ငြိမ်သက်စေခဲ့သည်။

အချိန်ကုန်သွားပြီ။ သူတို့နှစ်ဦး အညီအမျှ လိုက်ဖက်ညီနေပြီး နှစ်ယောက်လုံး အသာစီး မရခဲ့ကြပေ။

ထိုအချိန်တွင် လျိုစစ်ယွီ သန့်စင်ခန်းထဲမှ ထွက်လာသည်။ သူမ လက်တွေကိုဆေးကာ အင်္ကျီလက်တွေကို လှန်တင်ကာ မှန်တံခါးကိုဖြတ်၍ ကွင်းဆီသို့ လျှောက်လှမ်းရန် ပြင်ဆင်နေသည်။ ရုတ်တရက် သူမ မျက်လုံးထောင့်မှ မျက်နှာမှာဆေးမခြယ်ထားတဲ့ လူတစ်ယောက်ကို တွေ့လိုက်ရသည်။ တစ်စုံတစ်ယောက်ကို သတိပေးတော့မယ့်အချိန်မှာ ဒီလူက သူမကို လှည့်ကြည့်လာခဲ့သည်။

သူမက သူ့မိန်းမနဲ့တူတဲ့ အဝတ်အစားဝတ်ထားတာကြောင့် သူ သူမကိုသတိထားမိသည်။

သူတို့ မျက်လုံးချင်းဆုံသွားသည်။ ကျီလင်းချန်က မိန်းကလေး၏ မျက်လုံးထဲ ထိတ်လန့်တကြားဖြစ်နေသည်ကို တွေ့လိုက်ရသည်။ သူမက သူ့ကို ကြောက်နေတာလား။

ကျီလင်းချန်က သူ့မျက်လုံးတွေကို မှေးပြီး မိန်းကလေး၏ မျက်နှာအသွင်အပြင်ကို အကဲခတ်လိုက်သည်။ သူမက သူ့ရဲ့ဇနီးဖြစ်သူနှင့် ဆင်တူသော ခန္ဓာကိုယ်ပုံစံရှိပြီး တူညီသောအဝတ်အစားကိုလည်း ၀တ်ဆင်ထားသည်။ ကျီလင်းချန်က သူမက ရိုက်နှက်ခံရထိုက်သည့် သူ့ကြောင်ပေါက်လေးလားဟု မသိစိတ်က တွေးနေမိသည်။ ဒါပေမယ့် ဤမိန်းကလေးက ခြားနားပုံပေါက်သည်။ သူမရဲ့ဆံပင်က သူ့မိန်းမလောက် မပျော့ဘူး။