အခန်း (၃၀၈)

"လင်း ဂရုက သူတို့ကိုကြည့်ရသလောက် မသန့်ရှင်းနိုင်ဘူး။ "လျိုစစ်ယန်က ကျီလင်းချန်ကို ပြောခဲ့သည်။ "သူတို့ရဲ့ စာရင်းတွေက ပိုလှလေလေ၊ သူတို့ကို ကြည့်ရတာ သံသယတွေ များလာလေလေပဲ "

ကျီလင်းချန် ပြောလိုက်သည်။ "ဒါတွေကို ကိုင်တွယ်ဖြေရှင်းရတာ ကျွန်တော့်အတွက် အဆင်မပြေဘူး၊ ဒါကြောင့် တချို့အရာတွေကို စုံစမ်းဖို့ ကျီဝမ်ကို black teahouse ဆီ ပို့လိုက်မယ်။ အပေါ်ယံမှာတော့ black teahouse က လင်းမိသားစုက ရင်းနှီးမြုပ်နှံထားတဲ့ လက်ဖက်ရည်ဆိုင်ဖြစ်ပေမယ့် ဘယ်သူက တာဝန်ယူထားလဲဆိုတာ ခင်များသိလား။”

လျိုစစ်ယန် ခေါင်းယမ်းလိုက်သည်။

“West” လို့ ကျီလင်းချန် ပြန်ဖြေခဲ့သည်။

သူသည် စကားတစ်ခွန်းတည်းသာ ပြောခဲ့သော်လည်း လျိုစစ်ယန် နားလည်မယ်ဆိုတာကို သူသိသည်။

ထိုအခိုက်အတန့်တွင် လူနှစ်ယောက်က ရုတ်တရက် သူတို့နှစ်ယောက်ဆီသို့ ပြေးလာခဲ့သည်။

“ယောကျ်ား!” ဖန့်ရှောင်နွမ်က ခင်ပွန်းဖြစ်သူ၏ ရင်ခွင်ထဲ ပစ်ဝင်ခဲ့သည်။ "ယောကျ်ား၊ ဘယ်လိုဖြစ်ပြီးဒီမှာရှိနေတာလဲ"

"အစ်ကို" လျိုစစ်ယွီက သူ့အစ်ကိုကို ပွေ့ဖက်ရင်း ပြောလိုက်သည်။ "ဒီနေ့ အလုပ်မရှုပ်ဘူးလား"

သူတို့နှစ်ဦး၏ အသွင်အပြင်က ရှေ့က စကားဝိုင်းကို အနှောင့်အယှက်ပေးခဲ့သည်။

ကျီလင်းချန်က သူ့ဇနီးလေးကို ပွေ့ဖက်ပြီး လျိုစစ်ယန် ကိုပြောလိုက်သည်။ "အဆက်အသွယ် လုပ်ရအောင်"

လျိုစစ်ယန် ခေါင်းညိတ်လိုက်သည်။ "ကျွန်တော် ရှောင်ယွီ အိမ်ခေါ်သွားလိုက်မယ်။ ကျွန်တော်တို့အဲဒီမှာ ရက်အနည်းငယ်လောက်နေလိုက်ဦးမယ်။"

ကျီဝမ် ကားသော့ကို အေးအေးဆေးဆေး ကစားကာ ထွက်ခွာသွားခဲ့သည်။

ကျီလင်းချန်က ပြည်တွင်းမှာ 9-valent vaccine ကို ကြိုတင်မှာဖို့ အချိန်အတော်ကြာမည်ဟု ထင်သောကြောင့် သူက ဖန့်ရှောင်နွမ်ကို နိုင်ငံခြားမှာ ကာကွယ်ဆေးထိုးဖို့ ခေါ် သွားခဲ့သည်။ ကျီရှောင်ယွီက ရက်အနည်းငယ်ကြာနေရန် လျို မိသားစု အိမ်သို့ ပြန်သွားခဲ့သည်။ ကျီဝမ်ကို အမြဲတမ်း နှိပ်စက်နေကြတဲ့သူတွေ အားလုံး ထွက်သွားကြပြီး သူအရမ်းစိတ်အခြေအနေကောင်းနေသည်။

ကျီလင်းချန်နဲ့ ဖန့်ရှောင်နွမ် မထွက်သွားခင်တစ်ညမှာ ကျီဝမ်ကို စာကြည့်ခန်းထဲ ခေါ်ခဲ့သည်။

"လက်ထောက် လျိုရဲ့ ဖုန်းနံပါတ်ကို မင်းကို ငါပေးထားတယ်"လို့ ကျီလင်းချန်ပြောလိုက်သည်။ “မင်းရဲ့ စုံစမ်းမှုကို ဆက်လုပ်လိုက်။ တရားမ၀င် လက်ဖက်ရည်ဆိုင်လိုမျိုး လင်း မိသားစုလက်အောက်က ကုမ္ပဏီအားလုံးကို စုံစမ်းထား။ သူတို့ကို ဘယ်သူက ချုပ်ကိုင်ထားတာလဲ ဆိုတာရှာထား”

"ဦးလေး လင်းမိသားစုကို စုံစမ်းခိုင်းတာက ဘာကြောင့်လဲ"

ကျီလင်းချန် ပြန်ဖြေခဲ့သည်။ “မင်းအဒေါ်ရဲ့ ပျောက်ဆုံးမှု နောက်ကွယ်က အမှန်တရားကို ရှာဖွေဖော်ထုတ်ဖို့။ ငါကိုယ်တိုင် ထုတ်ဖော်ဖို့ကျတော့ အဆင်မပြေဘူး။ ငါ ဘယ်သူ့ကိုမှ ယုံလို့မရဘူး၊ မင်းကိုပဲ အားကိုးလို့ရမှာ။ ထက်ထက်မြတ်မြတ်နဲ့ လုပ် ဒါဆို ငါ့ ခံစားချက်ပိုကောင်းလာလိမ့်မယ်။”

"ဦးလေး၊ ပြန်ပေးဆွဲတဲ့ကိစ္စကို လင်း မိသားစု စီစဉ်တာလို့ ထင်လို့လား" ကျီဝမ် သဘောပေါက်သည်။

ကျီလင်းချန် ခေါင်းခါလိုက်သည်။ “မစ္စတာ လင်းက သူရဲဘောကြောင်တယ်။ သူလုပ်ချင်ရင်တောင် လုပ်ရဲမှာမဟုတ်ဘူး။ သူ့မှာ ကျောထောက်နောက်ခံ တစ်စုံတစ်ယောက် မရှိရင်ပေါ့”

"ဒါဆို ဒါရိုက်တာရှီလား" ကျီဝမ် မေးလိုက်သည်။

“သူက အသုံးချခံသက်သက်ပဲ။ ဒါ့အပြင် လွန်ခဲ့တဲ့ ၁၅ နှစ်က သူ့မှာ အသက်မွေးဝမ်းကြောင်း အလုပ်မရှိဘူး။ သူ့အာဏာနဲ့ ရာထူးက လင်းမိသားစုကို ကျောထောက်နောက်ခံပြုတဲ့ အရာမျိုး မဖြစ်နိုင်ဘူး။”

“ဒီနောက်ကွယ်မှာ တခြားလူတွေ ရှိနေတာဖြစ်မယ်” ကျီဝမ် ပြောလိုက်သည်။

ကျီလင်းချန် ခေါင်းညိတ်ပြလိုက်သည်။ နောက်တစ်နေ့တွင် ကျီလင်းချန်သည် ၎င်း၏တူဖြစ်သူအား ညွှန်ကြားချက်အချို့ပေးပြီးနောက် ဖန့်ရှောင်နွမ်ကို နိုင်ငံရပ်ခြားသို့ ခေါ်သွားခဲ့သည်။

နိုင်ငံခြား၌ ဖန့်ရှောင်နွမ် အိပ်ယာ ထလာသည့်အချိန်တွင် သူမ ခရီးဆောင်အိတ်ကို ထုပ်ပိုးထားပြီးဖြစ်ကြောင်း သိလိုက်ရသည်။ အခန်းထဲတွင် ခင်ပွန်းဖြစ်သူ၏ အရိပ်အယောင်ကို မတွေ့ရပေ။ သူမသည် မနေ့ကမှ ကာကွယ်ဆေးထိုးခဲ့ပြီး ထိုညတွင် ခင်ပွန်းဖြစ်သူက ကျီဝမ်ဆီမှာ တစ်ခုခုဖြစ်သွားတယ်ဆိုပြီး ဖုန်းလက်ခံရရှိခဲ့ကာ နိုင်ငံခြားမှာ နှစ်ရက်တောင် မနေခဲ့ရပေ။ ညဘက်မှာ လေယာဉ်ခရီးစဉ်မရှိသဖြင့် ဒီနေ့မှသာ ထွက်ခွာနိုင်မည်ဖြစ်သည်။

ခဏအကြာတွင် ကျီလင်းချန်က ဖန့်ရှောင်နွမ်ကို ခေါ်ဖို့ ပြန်လာခဲ့ပြီး သူတို့နှစ်ဦး လေဆိပ်သို့ ဦးတည်သွားခဲ့သည်။

ဖန့်ရှောင်နွမ်က လေယာဉ်ပေါ်တွင် စိုးရိမ်တကြီးမေးလိုက်သည်။ " အချစ်၊ ရှောင်ဝမ် အရိုက်ခံလိုက်ရလို့လား။ သူက ထက်မြက်ပေမယ့် တိုက်ခိုက်တာ မကျွမ်းကျင်ဘူး”

“မဟုတ်ဘူး၊ သူ့ကို ဖမ်းထားတာ ”ကျီလင်းချန် ပြန်ဖြေလိုက်သည်။

မနေ့ညက CEOကျီက ကျီဝမ်နဲ့ပတ်သတ်ပြီး ဖုန်းဆက်လာတဲ့အချိန်မှာ ဇနီးဖြစ်သူနဲ့ ဘယ်သွားရမလဲကို ဆွေးနွေးနေတဲ့အချိန်ဖြစ်သည်။

ကျီဝမ် သူ့ဆိုင်မှာ ပြဿနာတက်နေတယ်လို့ သူစိမ်းတစ်ယောက်က ဖုန်းဆက်ခဲ့တာဖြစ်သည်။ သူက ကျီလင်းချန်ရဲ့တူလို့ အခိုင်အမာ ပြောသည်။ အဲ့တာက အတုလားလို့ သူ ဖုန်းဆက်မေးခဲ့သည်။ ဖုန်းဖြေတဲ့သူက ကျီလင်းချန် အစစ်ဆိုတာကို သူမ ကြားလိုက်တဲ့အခါမှာ သူမကိုယ်တိုင်က သူ့ကို သွားကြိုခဲ့သည်။ သူဌေးက ကျီလင်းချန်ရဲ့ အသိမိတ်ဆွေဟောင်း CEO လင်းဖြစ်တယ်လို့တောင် ပြောခဲ့ပြီး ကျီဝမ်ကို မယဉ်ကျေးဘူးလို့တောင် ခြိမ်းခြောက်ခဲ့သည်။

ထိုအချိန်မှသာလျှင် ဖန့်ရှောင်နွမ်က ကျီဝမ်သည် လင်းမိသားစုကို သူမရဲ့ခင်ပွန်းဖြစ်သူကိုယ်စား စုံစမ်းစစ်ဆေးပေးနေပြီး ယခုအခါ လင်းမိသားစုမှ ဖမ်းဆီးထိန်းသိမ်းခံထားရကြောင်း ဖန့်ရှောင်နွမ် သိရှိသွားခဲ့သည်။ သူမ ခရီးဆောင်အိတ်ကို အမြန်ထုပ်ပိုးပြီး လေယာဉ်လက်မှတ်ကို ဘွတ်ကင်လုပ်ရန် သူ့ခင်ပွန်းကို တောင်းဆိုခဲ့သည်။

လေယာဉ်သည် ကျင်းမြို့တော်သို့ လျင်မြန်စွာ ဆင်းသက်ခဲ့သည်။ ကျီလင်းချန်သည် လင်း မိသားစုအိမ်သို့ သွားစဉ် သူ့ဇနီးလေးကို အိမ်ပြန်ခွင့်ပြုဖို့ ဆန္ဒရှိသော်လည်း ဖန့်ရှောင်နွမ်က ငြင်းဆိုကာ ရှေ့ခရီးသည်ထိုင်ခုံတွင် ထိုင်နေခဲ့သည်။ “မရဘူး၊ ကျွန်မ ရှင်နဲ့ လင်း မိသားစုအိမ်ကို သွားကြည့်မယ် ဒီမစ္စတာလင်းက ဘယ်သူလဲဆိုတာကို။ ကျွန်မရဲ့တူကို သူဘယ်လိုဖမ်းရဲရတာလဲ။”

ကျီလင်းချန်သည် ဇနီးဖြစ်သူ၏ ဆန္ဒအတိုင်းသာ လိုက်ခိုင်းခဲ့ပြီး သူတို့နှစ်ဦးသည် လင်းမိသားစု၏နေအိမ်သို့ အတူတူသွားခဲ့ကြသည်။

လင်းမိသားစုရဲ့ဧည့်ခန်းထဲ၌ ကျီဝမ်ရဲ့ဖုန်းက ကော်ဖီစားပွဲပေါ်မှာရှိနေခဲ့သည်။

ဖန့်ရှောင်နွမ်က ဖုန်းကိုယူလိုက်ပြီး ကျီလင်းချန်ကို ပေးလိုက်ပေမယ့် သူက သူမကို ဖုန်းအား နေရာပြန်ချထားထားဖို့ တောင်းဆိုခဲ့သည်။ “အဲ့တာကို သူတို့ဆီ နောက်မှ ကိုယ် ကိုယ်တိုင် ပြန်ပေးလိုက်မယ်။”

ဖန့်ရှောင်နွမ် ဖုန်းကိုချလိုက်ပြီး ဆိုဖာပေါ်တွင် ခြေနှစ်ဖက်ကို ချိတ်ကာ ထိုင်နေသည်။ သူမသည် ဧည့်သည်တစ်ယောက်လို ပုံပန်းသဏ္ဍန်နည်းပါးပြီး ပြဿနာရှာဖို့ သူမ ဤနေရာတွင် ရှိနေတာနဲ့ ပိုတူသည်။

ဒီတစ်ခါတော့ မစ္စတာလင်း ရောက်လာတာ အရမ်းနောက်ကျသည်။ သူတို့ကို ဇွတ်အတင်း စောင့်ဆိုင်းထားခဲ့သည်။ မိနစ်နှစ်ဆယ်ကြာပြီးနောက် အောက်ထပ်သို့ဆင်းလာကာ နှစ်ယောက်သားအား ပြုံးပြုံးလေးပြောခဲ့သည်။ "အို၊ တောင်းပန်ပါတယ် CEO ကျီ။ ကျုပ် အခုလေးတင် စာကြည့်ခန်းထဲမှာ အလုပ်တွေ လုပ်နေလို့။ ခင်များကို စောင့်ခိုင်းမိတဲ့အတွက် ခွင့်လွှတ်ပါ"

ဖန့်ရှောင်နွမ်က သူ၏ အဓိပ္ပါယ်ကို မယုံကြည်ခဲ့ပေ။ ဒုက္ခကို နှိုးဆော်ရန် ဤနေရာ၌ ရှိနေသောကြောင့် သူမ တောင့်မခံနိုင်တော့ပေ။ “မစ္စတာ လင်း၊ ရှင့်ရဲ့ အလိမ်အညာကို ရေးဆွဲစရာ လိုလို့လား။ ရှင် လှေကားထောင့်မှာ ကျွန်မတို့ကို ခဏခဏ ချောင်းကြည့်နေတာ မဟုတ်လား"

မစ္စတာ လင်း အနည်းငယ် ရှက်သွားသည်။ သူက တိုက်ရိုက်မဖြေဘဲ မေးခဲ့သည်။ “မင်းက”

ဖန့်ရှောင်နွမ် အံ့သြချင်ယောင်ဆောင်ကာပြောလိုက်သည်။ "အာ ၊ ဒါရိုက်တာ လင်း ရှင် ကျွန်မ ကိုမသိဘူးလား။ ကျွန်မယောကျ်ားနဲ့ လက်ထပ်တုန်းက ကမ္ဘာတစ်ဝှမ်းက နာမည်ကြီးတဲ့ပုဂ္ဂိုလ်တွေကို ဖိတ်ခဲ့တယ်လေ။ မစ္စတာလင်း၊ ရှင်က သူတို့ထဲက တစ်ယောက်မဟုတ်ဘူးလား"