ကုန်းထျန်းဟောက်၏ တိုက်ခိုက်မှု

"မင်း ဘာပြောလိုက်တာ?" ချင်ကျွင်းဖန်က သူ့လက်အောက်ငယ်သားရဲ့ အစီရင်ခံစာကို ကြားတော့ သူနားကြားမှားသည်ဟုပင် ထင်လိုက်မိသည်။ "ထပ်ပြောစမ်း?"

သူ့လက်အောက်ငယ်သားက အစီရင်ခံလေသည်၊ "သခင်လေး၊ မမလေးရဲ့ ဓာတ်ပုံတွေအကြောင်း သတင်းရထားပါတယ်။ သူတို့ပြောတာက... သခင်လေးကုန်းက နောက်ကွယ်ကနေ လုပ်နေတာတဲ့။"

"ကုန်းထျန်းဟောက်?" ချင်ကျွင်းဖန်က မျက်မှောင်ကြုတ်ပြီး သံသယတွေနဲ့ ပြည့်နေသည်။

မြို့တော်မှာ သခင်လေးကုန်းဆိုလို့ တစ်ယောက်ပဲရှိပြီး အဲဒါက ကုန်းထျန်းဟောက်ပဲ။ ဒါပေမဲ့ ဒါကပဲ ချင်ကျွင်းဖန်ကို နားမလည်နိုင်ဖြစ်စေလေသည်။ သူက ဘာလို့ သူ့ညီမကို တိုက်ခိုက်ရမှာလဲ?

"ငါတို့ရတဲ့ သတင်းအချက်အလက်က တိကျရဲ့လား?" ချင်ကျွင်းဖန်က မျက်ခုံးတွန့်ပြီး မေးလိုက်သည်။

သူ့လက်အောက်ငယ်သားက အမှန်အတိုင်း အစီရင်ခံလေသည်၊ "သခင်လေး၊ ဒါကို သခင်လေးကုန်းနဲ့ နီးစပ်တဲ့လူတစ်ယောက်က သတင်းပေးပို့တာပါ!"

ဒီအချိန်မှာ လက်အောက်ငယ်သားက ခဏရပ်ပြီး "အကြီးဆုံးသခင်လေး၊ ဘာလို့ သခင်လေးကုန်းနဲ့ အတည်ပြုမကြည့်တာလဲ?" ဟု ပြောလိုက်သည်။

နောက်ဆုံးတော့ ကုန်းထျန်းဟောက်က ချင်ယန်ကို တိုက်ခိုက်မှုနောက်ကွယ်က လူအမှန်ဆိုရင် သူတို့လုပ်နိုင်တာ ဘာမှမရှိတော့ပေ။

ချင်ကျွင်းဖန်က နဖူးကို ပွတ်ပြီး "ကောင်းပြီ၊ ငါသိပြီ။ မင်းသွားလို့ရပြီ"‌ေ

လက်အောက်ငယ်သား ထွက်သွားပြီးနောက် ချင်ကျွင်းဖန်က သူ့ဖုန်းကို ထုတ်ပြီး ဖုန်းခေါ်လိုက်သည်။

ကုန်းထျန်းဟောက်နဲ့ ရှောင်မိသားစုက မင်္ဂလာပွဲအကြောင်း ဆွေးနွေးနေကြလေသည်။ ဖုန်းမြည်သံကြားပြီး ခေါ်ဆိုသူ ID ကို မြင်တော့ သူက အပြင်ထွက်လိုက်သည်။

"သခင်လေးကုန်း၊ ကျွန်တော်က ချင်ကျွင်းဖန်ပါ!" ချင်ကျွင်းဖန်က သူ့ကိုယ်သူ မိတ်ဆက်လိုက်သည်။

"အင်း!" ကုန်းထျန်းဟောက်က တည်ငြိမ်စွာ ပြန်ဖြေတယ်။ ပြီးတော့ သူ ဘာမှမပြောဘဲ တစ်ဖက်က စကားပြောဖို့ စောင့်နေလိုက်သည်။

ချင်ကျွင်းဖန်က တိုက်ရိုက်မေးသည်၊ "သခင်လေးကုန်း၊ ကျွန်တော့်ညီမနာမည်ပျက်အောင် လုပ်တာ ခင်ဗျားရဲ့အစီအစဉ်လို့ ကျွန်တော်သတင်းရထားတယ်။"

ကုန်းထျန်းဟောက်က တိုက်ရိုက်ဝန်ခံလိုက်သည်၊ "အမှန်ပဲ!"

"ဘာလို့လဲ?" ချင်ကျွင်းဖန်က မျက်မှောင်ကြုတ်ပြီး နားမလည်စွာမေးလိုက်သည်၊ "ကျွန်တော်တို့ ယန်အာက ခင်ဗျားကို စော်ကားခဲ့မိလို့လား?"

ယုတ္တိနည်းအရ ပြောရရင် သူ့ညီမက ကုန်းထျန်းဟောက်ကို စော်ကားခဲ့ရင်တောင် ကုန်းထျန်းဟောက်က မိန်းကလေးတစ်ယောက်ကို ဆက်ဆံဖို့ ဒီလို အောက်တန်းကျတဲ့ နည်းလမ်းကို သုံးမယ့်လူစားမျိုး မဟုတ်ပေ။

ကုန်းထျန်းဟောက်က သူ့ကို မဖြေဘဲ တိုက်ရိုက်ပင်ပြောလိုက်သည်၊ "သခင်လေးချင်၊ ဘာကြောင့်လဲဆိုတာ သိချင်ရင် ခင်ဗျားရဲ့ညီမကောင်းကိုပဲ သွားမေးလိုက်ပါ။ ဒီတစ်ခါတော့ ချင်မိသားစုကို မျက်နှာသာပေးတဲ့အနေနဲ့ သူ့ကို သင်ခန်းစာလေးတစ်ခုပဲ ပေးလိုက်တာ။ နောက်တစ်ခါရှိရင် ဒီထက်ပိုဆိုးလိမ့်မယ်။" သူက ချင်ကျွင်းဖန်ရဲ့ တုံ့ပြန်မှုကို မစောင့်ဘဲ ဖုန်းချလိုက်လေသည်။

ချင်ကျွင်းဖန်ရဲ့ မျက်နှာက အေးစက်နေပြီး သူ့မျက်ခုံးတွေက တင်းတင်းကျပ်ကျပ် တွန့်နေလေသည်။ တရားခံက တကယ်ကို ကုန်းထျန်းဟောက်ပဲ!

ချင်ကျွင်းဖန်ရဲ့ စိတ်ခံစားချက်တွေက အလွန်ရှုပ်ထွေးနေလေသည်။ သူ့ညီမက တစ်ခုခုကို ဖုံးကွယ်ထားတယ်ဆိုတာ သူ အရမ်းသေချာနေသည်။

ခဏစဉ်းစားပြီးနောက် သူက သူ့ညီမကို သွားရှာပြီး အဲဒီအကြောင်း မေးဖို့ စီစဉ်လိုက်သည်။ သူက ချင်ယန်ရဲ့ အခန်းကို ရောက်သွားပြီး မဒမ်ချင်က အဲဒီမှာ ရှိနေတုန်းပင်။

ချင်ယန်ရဲ့ စိတ်ခံစားချက်တွေက အဲဒီနေ့မှာ အများကြီးအတက်အကျဖြစ်ခဲ့ရသည်။ မဒမ်ချင်ကလည်း အရမ်းစိုးရိမ်နေတဲ့အတွက် သူ့သမီးနဲ့အတူ ရှိနေခဲ့သည်။

သူမရဲ့ သားကို မြင်တာနဲ့ မဒမ်ချင်က မေးလိုက်သည်၊ "ဖန်အာ၊ ဘယ်လိုလဲ? အဲဒီဓာတ်ပုံတွေကို ဖြုတ်ချပြီးပြီလား? ပြီးရင် ကောလာဟလတွေကို ဖြေရှင်းပြီး ယန်အာရဲ့ ဂုဏ်သတင်းကို ပြန်လည်ထူထောင်ဖို့ ပြည်သူ့ဆက်ဆံရေးကို ခိုင်းရမယ်။"

ချင်ယန်ရဲ့ သတင်းကက ချင်ယန်ရဲ့ ဂုဏ်သတင်းကိုသာမက ချင်မိသားစုရဲ့ ဂုဏ်သတင်းကိုပါ ညစ်ညမ်းစေခဲ့သည်။ အရင်က ချင်ယန်ရဲ့ နတ်သမီးလေးဆိုသည့် ပုံရိပ် ပျောက်ဆုံးသွားပြီးနောက် သူမရဲ့ ဂုဏ်သတင်းက ထိုးကျသွားပြီး ချင်မိသားစုရဲ့ ဂုဏ်သတင်းလည်း ကျဆင်းခဲ့ရသည်။ မိသားစုဦးဆောင်သူအနေနဲ့ ချင်ရှင်းပေါင်က ဒေါသထွက်လွန်းလို့ ဒေါသတကြီးဖြစ်ခဲ့သည်။ သူက သူ့ရဲ့ ချစ်လှစွာသော သမီးကိုတောင် မိသားစုဥပဒေနဲ့ အပြစ်ပေးခဲ့လေသည်။

ချင်ရှင်းပေါင်အတွက် မိသားစုရဲ့ ဂုဏ်သတင်းက သူ့သမီးရဲ့ ဂုဏ်သတင်းထက် အများကြီးပိုအရေးကြီးတယ်ဆိုတာ အသိသာကြီးပင်။

ဒီလောက်ကြီးမားတဲ့ အရှုပ်တော်ပုံနဲ့ဆိုရင် ချင်ကျွင်းဖန်က သတင်းကို ကြားဖြတ်မတားခဲ့ရင် ချင်ရှင်းပေါင်က ချင်ယန်ကို သတ်ပစ်လောက်သည်။ ဒါပေမဲ့ ချင်ရှင်းပေါင်က မကြာခင် ဒါမှမဟုတ် နောက်ကျ သိသွားမှာပဲ။ ဒါကြောင့် ချင်ရှင်းပေါင် မသိခင်မှာ ဒီကိစ္စကို ဖြေရှင်းဖို့ လိုလေသည်။

မဒမ်ချင်က သူ့သမီးကို အရမ်းဂရုစိုက်တဲ့အတွက် အရမ်းစိုးရိမ်နေခဲ့သည်။

ချင်ကျွင်းဖန်က မဒမ်ချင်ကို တစ်ချက်ကြည့်လိုက်ပြီး သူ့ရဲ့ စူးရှတဲ့ မျက်လုံးတွေက ချင်ယန်ကို ကြည့်ပြီး "ညီမလေး၊ အစ်ကို့ကို တစ်ခုခု ဖုံးကွယ်ထားတာရှိလား?" ဟု မေးလိုက်သည်။

ချင်ယန်က ထိတ်လန့်သွားပြီး သူ့အစ်ကိုကို နားမလည်စွာ ကြည့်လိုက်ကာ "ကိုကို၊ ဘာကိုဆိုလိုတာလဲ?"

ချင်ကျွင်းဖန်က သူမကို မဖြေဘဲ သူ့မျက်လုံးတွေက ပိုပြီး စူးရှလာသည်။

မဒမ်ချင်က ဒါကို မြင်တော့ သူမရဲ့ နှလုံးသားက ခုန်သွားကာ သူမက စမ်းသပ်သလို မေးလိုက်သည်၊ "ဖန်အာ၊ ဘာကိုဆိုလိုတာလဲ? ဓာတ်ပုံတွေနဲ့ သတင်းတွေကို ဖြုတ်ချလို့မရဘူးလား?"

ချင်ကျွင်းဖန်က ခေါင်းညိတ်လိုက်သည် "ဟုတ်တယ်။ ချင်မိသားစုရဲ့ အာဏာအားလုံးကို သုံးရင်တောင် ဖြုတ်ချလို့မရဘူး။"

မဒမ်ချင်က ထိတ်လန့်သွားပြီး မယုံကြည်နိုင်စွာဖြင့်၊ "ဒါဘယ်လိုဖြစ်နိုင်မှာလဲ? အဲဒီ လန်ဆိုတဲ့ ကောင်စုတ်က ဒီလောက်အားကောင်းတာလား? သူ့ရဲ့ နောက်ခံက ဘာလဲ?"

ချင်ကျွင်းဖန်က ခေါင်းခါပြီး "အမေ၊ အဲဒီလူအကြောင်း ကျွန်တော်မသိဘူး၊ ဒါပေမဲ့ ကုန်းထျန်းဟောက်ရဲ့ နောက်ခံက အရမ်းအားကောင်းတယ်ဆိုတာတော့ ကျွန်တော်သိတယ်!"

"ဘာ!"

ကုန်းထျန်းဟောက်ရဲ့ နာမည်ကို ကြားတော့ မဒမ်ချင်နဲ့ သူ့သမီးက မယုံကြည်နိုင်စွာ မျက်လုံးပြူးသွားကြတယ်၊ အထူးသဖြင့် ချင်ယန်ပင်။

"မဟုတ်ဘူး၊ ဒါ မဖြစ်နိုင်ဘူး။ ဒါ မဖြစ်နိုင်ဘူး။ ထျန်းဟောက်၊ သူ... သူ ကျွန်မကို ဒီလိုဆက်ဆံမှာ မဟုတ်ဘူး။" ချင်ယန်က ချုံးပွဲချငိုပြန်လေသည်။

ပြီးနောက် သူမက ချင်ကျွင်းဖန်ရဲ့ လက်စကို ဆွဲပြီး "ကိုကို၊ ကိုကို မှားနေတာပဲဖြစ်ရမယ်။ ဘယ်လိုလုပ် ထျန်းဟောက်ဖြစ်နိုင်မှာလဲ? ညီမလေးတို့က ငယ်ငယ်ကတည်းက အတူကြီးပြင်းလာကြတာ။ သူ ညီမကို ဒီလောက် ရက်စက်ပြီး ကရုဏာမဲ့တဲ့ပုံစံနဲ့ ဆက်ဆံမှာ မဟုတ်ဘူး"

မဒမ်ချင်က အစပိုင်းမှာ ထိတ်လန့်သွားပြီးနောက် တည်ငြိမ်သွားခဲ့သည်။

"ဖန်အာ၊ သတင်းက အတည်ပြုပြီးပြီလား?" မဒမ်ချင်က စိုးရိမ်စွာမေးလိုက်သည်။ အစောပိုင်းက သူမက ယန်အာကို ကုန်းထျန်းဟောက်နဲ့ ဘယ်လိုလက်ထပ်ပေးရမလဲဆိုတာ စဉ်းစားနေတုန်းပဲ။ ဒါပေမဲ့ ကုန်းထျန်းဟောက်က သူ့သမီးရဲ့ ကျောကို ဓားနဲ့ထိုးလိုက်သည်။ ဒါ အရမ်းဆိုးတာပဲ။

ချင်ကျွင်းဖန်က ခေါင်းညိတ်ပြီး "အမေ၊ ကျွန်တော် ဒီအကြောင်းကို ကုန်းထျန်းဟောက်နဲ့ အတည်ပြုပြီးပါပြီ။ သူကိုယ်တိုင် ဝန်ခံခဲ့တာ"

မဒမ်ချင်က ဒီစကားကို ကြားတော့ မူးဝေပြီး နောက်ပြန်ယိုင်သွားကာ သူမက မယုံကြည်နိုင်စွာဖြင့် ပြောလိုက်သည်၊ "ဘယ်လိုလုပ်...? ဘာလို့လဲ?"

တရားခံက ကုန်းထျန်းဟောက်မဟုတ်ဘဲ တခြားတစ်ယောက်ယောက်ဆိုရင် ချင်မိသားစုက သူတို့ကို လွယ်လွယ်ကူကူ အနိုင်ကျင့်နိုင်သည်။

ချင်ကျွင်းဖန်က နှုတ်ခမ်းကို တင်းတင်းစေ့ထားပြီး သူ့ရဲ့ စူးရှတဲ့ အကြည့်က ချင်ယန်ဆီကို လှည့်သွားသညါ။ သူ့နှလုံးသားက ပိုပြီး ရှုပ်ထွေးလာလေသည်။

သူ့ညီမက ကုန်းထျန်းဟောက်ကို ဒေါသထွက်စေမယ့် တစ်ခုခုကို လုပ်ခဲ့တယ်ဆိုတာ သူ အရမ်းသေချာနေသည်။ ဒါကြောင့် ကုန်းထျန်းဟောက်က ဒီလိုပြန်လုပ်ခဲ့တာပဲ။

ချင်ကျွင်းဖန်ကလည်း ဒေါသထွက်နေသည်။ ကုန်းထျန်းဟောက်က အရမ်းလွန်လွန်းတယ်။ သူက ချင်မိသားစုကို လုံးဝမျက်နှာသာမပေးဘဲ ဘယ်လိုနေနိုင်မှာလဲ? သူက ချင်မိသားစုကို လွယ်လွယ်ကူကူ အနိုင်ကျင့်လို့ရတယ်လို့ ထင်နေတာလား?

မဒမ်ချင်က သတိပြန်ဝင်လာပြီး ထပ်မေးလိုက်သည်၊ "ဖန်အာ၊ ဘာတွေဖြစ်နေတာလဲ? ကုန်းထျန်းဟောက်က ဘာလို့ ဒီလို အောက်တန်းကျတဲ့ အလုပ်ကိုလုပ်ပြီး ရုတ်တရက် ငါတို့ ယန်အာကို ပစ်မှတ်ထားရတာလဲ?"

ချင်ကျွင်းဖန်ရဲ့ မျက်နှာက အရမ်းလေးနက်နေပြီး သူက "အမေ၊ ကုန်းထျန်းဟောက်က ကျွန်တော့်ကို ညီမလေးကို ဒီအကြောင်း ကိုယ်တိုင်မေးလိုက်လို့ ပြောတယ်"

ဒီစကားကို ကြားတော့ ချင်ယန်တင်မကဘဲ မဒမ်ချင်ရဲ့ မျက်နှာပါ ဖြူဖျော့သွားလေသည်။

ကုန်းထျန်းဟောက် ဘာကိုဆိုလိုတယ်ဆိုတာ သူမ ချက်ချင်းနားလည်သွားတယ်။ တစ်ချိန်တည်းမှာပဲ သူမက ကျန်းထောင်ရဲ့ စကားကိုလည်း စဉ်းစားမိသည်။ 'ချင်ယန်က ဒါကို မဖြေရင် ကျွန်တော် ထျန်းဟောက်ကို မဖြေနိုင်တော့ဘူး။ ဒါဆို သူ လှုပ်ရှားလာလိမ့်မယ်။'

အဲဒီအချိန်က သူတို့က ဒါ တကယ်ဖြစ်လာမယ်လို့ မထင်ခဲ့ကြပေ။ အဲဒီကောင်မစုတ်က ကုန်းထျန်းဟောက်အတွက် ဒီလောက်အရေးကြီးပြီး ယန်အာကို ကလဲ့စားချေဖို့ ချင်မိသားစုကို စော်ကားလိမ့်မယ်လို့ မမျှော်လင့်ခဲ့ပေ။

မဒမ်ချင်က ဒီအကြောင်းကို စဉ်းစားမိတော့ အံကြိတ်လိုက်ပြီး "ကုန်းထျန်းဟောက်က အရမ်းလွန်လွန်းတယ်။ သူက ဘယ်ကမှန်းမသိဘဲ ထွက်လာတဲ့ အဲဒီကောင်မစုတ်အတွက် ယန်အာကို ဒီလိုဆက်ဆံတာလား? သူက ချင်မိသားစုကို လေးစားသေးရဲ့လား? သူက ဒီလိုလုပ်ပြီး လွတ်မြောက်သွားနိုင်မယ်လို့ ထင်နေတာလား?"

ချင်ယန်က ခေါင်းခါပြီး ငိုနေတုန်းပဲ။ သူမက အမှန်တရားကို လက်မခံချင်ပေ။

သူမက ကုန်းထျန်းဟောက်ကို ဒီလောက်ကြိုက်ပြီး ဒီလောက်ချစ်ခဲ့တာ။ သူက သူမကို ဘယ်လိုလုပ် ဒီလိုဆက်ဆံနိုင်မှာလဲ?

သူက သူမရဲ့ ဂုဏ်သတင်းကို ဖျက်ဆီးရန်လုပ်ခဲ့သည်။ သူ ဘယ်လိုလုပ် ဒီလောက်ရက်စက်နိုင်မှာလဲ?

မဟုတ်ဘူး၊ သူမရဲ့ ထျန်းဟောက်က သူမကို ဒီလိုဆက်ဆံမှာ မဟုတ်ဘူး။ အဲဒါ အဲဒီမိန်းမရဲ့ အမှားဖြစ်ရမယ်။

ဟုတ်တယ်၊ အဲ့မိန်းမအမှားပဲ။

အဲဒီမိန်းမသာ မပေါ်လာခဲ့ရင် ကုန်းထျန်းဟောက်က သူမကို သေချာပေါက် ကြိုက်ပြီး ချစ်ပြီး လက်ထပ်မှာပဲ။ ဒါဆို သူက သူမကို ဒီလိုဆက်ဆံမှာ မဟုတ်ဘူး။

အဲဒါ သူမဆီက အရာအားလုံးကို ခိုးယူသွားတဲ့ အဲဒီမိန်းမပဲ။

အရာအားလုံးက အဲဒီမိန်းမရဲ့ အမှားပဲ။

ဒီအချိန်မှာ ချင်ယန်က သူမရဲ့ မုန်းတီးမှုအားလုံးကို သူမ ဘယ်တုန်းကမှ မမြင်ဖူးတဲ့ မိန်းကလေးတစ်ယောက်အပေါ် ပုံချလိုက်တော့သည်။။

ချင်ယန်က ကုတင်ပေါ်မှာ ထိုင်ပြီး သူမရဲ့ အမေရဲ့ ခါးကို ဖက်တွယ်ကာ "အမေ၊ ထျန်းဟောက်က သမီးကို ဒီလိုလုပ်မှာ မဟုတ်ဘူး။ အဲဒါ အဲဒီမိန်းမဖြစ်ရမယ်။ အဲဒီမိန်းမက သူ့ကို ဒီလိုလုပ်ဖို့ သွေးထိုးလှုံ့ဆော်ခဲ့တာဖြစ်မယ်။ သမီး အဲဒီမိန်းမကို မုန်းတယ်။ အမေ၊ အမေ သမီးအတွက် လက်စားချေပေးရမယ်!"

ဘေးမှာရပ်နေတဲ့ ချင်ကျွင်းဖန်က သူ့ညီမရဲ့ စကားကို ကြားတော့ မျက်မှောင်ကြုတ်လိုက်သည်။

"မိန်းမ? ဘယ်မိန်းမလဲ?" ချင်ကျွင်းဖန်က တင်းမာစွာမေးလိုက်သည်။ သူ့ရဲ့ပင်ကိုအသိက ကုန်းထျန်းဟောက်က ဒီအရာအားလုံးကို လုပ်ခဲ့တဲ့ အကြောင်းရင်းက ဒီမိန်းမနဲ့ ပတ်သတ်တယ်လို့ ပြောနေသည်။

ချင်ယန်က သူ့အစ်ကိုရဲ့ မေးခွန်းကို မကြားသလိုဘဲ ငိုနေတုန်းပင်၊ "သမီး ထျန်းဟောက်ကို ဒီလောက်ကြိုက်တာ။ သူ တခြားမိန်းမတစ်ယောက်ကို ဘယ်လိုကြိုက်နိုင်မှာလဲ? အဲဒီမိန်းမက ဘာကောင်းလို့လဲ? သမီး သူ့ထက် ဘယ်မှာများ နိမ့်ကျနေလို့လဲ?"

မဒမ်ချင်က သူ့သမီးကို ချက်ချင်းနှစ်သိမ့်ပေးသည်။ "ယန်အာ၊ သမီးက ကမ္ဘာပေါ်မှာ အကောင်းဆုံးမိန်းကလေးပဲ။ ဘယ်သူမှ သမီးနဲ့မယှဉ်နိုင်ဘူး။ ကုန်းထျန်းဟောက်၊ အဲဒီကောင်စုတ် သမီးကိုမကြိုက်တာ မျက်စိကန်းနေလို့ပဲ။ ယန်အာ၊ မငိုနဲ့။ အမေက သမီးကို ကူညီမယ်။"

ဒီအချိန်မှာ ချင်ကျွင်းဖန်က နားလည်သွားပြီး သူ့မျက်လုံးထဲမှာ မယုံကြည်နိုင်တဲ့ အရိပ်အယောင်တစ်ခု ဖြတ်ပြေးသွားလေသည်။ သူက "ညီမလေး၊ မင်းက ကုန်းထျန်းဟောက်ကို ကြိုက်တာလား?" ဟု မေးလိုက်သည်။

ဒီသတင်းက သူ့အတွက် အရမ်းမမျှော်လင့်စရာကောင်းသည်။ သူ့ညီမက ကုန်းထျန်းဟောက်ကို ကြိုက်ပြီး သူ့ညီမက ကုန်းထျန်းဟောက် တကယ်ကြိုက်တဲ့ တခြားမိန်းမအကြောင်း သိသွားသည်။ အဲဒီနောက် သူ့ညီမက အဲဒီမိန်းမကို တစ်ခုခုလုပ်ခဲ့ပြီး အဲဒါက ကုန်းထျန်းဟောက်ကို ဒေါသထွက်စေခဲ့သည်။

ဒါကြောင့် ကုန်းထျန်းဟောက်က သူ့ညီမကို ဒီလိုလုပ်ခဲ့တာပဲ။

တစ်ချိန်တည်းမှာပဲ ဒီသင်ခန်းစာက ချင်မိသားစုအတွက် ပြင်းထန်တဲ့ သတိပေးချက်တစ်ခုလည်း ဖြစ်သည်။

ချင်ကျွင်းဖန်ရဲ့ မျက်နှာက မည်းမှောင်သွားပြီး သူက ပုံမှန်မဟုတ်တဲ့ လေးနက်တဲ့ အသံနဲ့ "ချင်ယန်၊ မင်းကိုကယ်ဖို့ဆိုရင် ကိစ္စတစ်ခုလုံး ရှင်းပြမှဖြစ်မယ်။ မဟုတ်ရင် ချင်မိသားစုတစ်ခုလုံး မင်းကြောင့် ဒုက္ခရောက်လိမ့်မယ်"

***