အခန်း (၂၄)

အခန်းသို့ ပြန်ရောက်သည်နှင့် ခေါင်းထဲမှ စနစ်သည် ချက်ချင်းပင် အသံပြုလိုက်သည်။

"Host! မင်းက တကယ်ကို ဉာဏ်ကောင်းတာပဲ ရှဲ့ကျစ်ရှင်းကို ဖျော်ဖြေရေးအစီအစဉ်မှာ ပါဝင်ခိုင်းလိုက်၊ အဲလိုဆိုရင် ချီပိုင်ရဲ့ နာမည်ဖျက်တာကို ရင်ဆိုင်ရရင်တောင် ရှဲ့ကျစ်ရှင်းမှာ ပရိသတ်သန်းပေါင်းများစွာရှိတယ် သူက ကျင်ရိဖန်ဘက်က ရပ်တည်ပေးရင် ပရိသတ်တွေက သေချာပေါက် ကူညီကြမှာပဲ၊ အနည်းဆုံးတော့ လူထုထင်မြင်ချက်မှာ ငါတို့ မရှုံးဘူး”

ရှချန်းချန်းက မျက်တောင်ခတ်လိုက်ရင်း ပြောလိုက်သည်။

"ရှဲ့ကျစ်ရှင်းကို ဒီလိုမျိုးလည်း သုံးလို့ရတာလား?"

စနစ်: "???"

စနစ်: "ဒါဆို Host က ဘာလို့ ရှဲ့ကျစ်ရှင်းကို ပါဖို့ ဆွဲဆောင်ခဲ့တာလဲ"

"ဪ... မင်းက ခုနက ဖြစ်ခဲ့တာကို ပြောနေတာပဲ!"

ရှချန်းချန်းက မျက်နှာနီမြန်းသွားပြီး အနည်းငယ် ရှက်ရွံ့စွာဖြင့် ပြောလိုက်သည်။

"လိမ်ညာသူများကို ဖော်ထုတ်သူ က အတင်းအဖျင်းတွေ ထုတ်တာ ကြာပြီဆိုတော့၊ ရှဲ့ကျစ်ရှင်းနာမည်ကြီး ဖျော်ဖြေရေးအစီအစဉ်မှာ ပါဝင်မယ်ဆိုတဲ့ သတင်းကို ထုတ်ပြန်ဖို့ အခွင့်အရေးကောင်းပဲလို့ ငါတွေးလိုက်တာ၊ ဒါဆို ပရိသတ်အများကြီးကို သေချာပေါက် ဆွဲဆောင်နိုင်မှာ!”

သတင်းအတင်းအဖျင်း မရှိရင် ကိုယ်တိုင် ဖန်တီးလိုက်ရုံပင်!

ဤသည်မှာ ပါပါရာဇီ တစ်ဦးအဖြစ် သူမ ရှချန်းချန်း၏ ရှင်သန်မှု နည်းလမ်းပင်!

စနစ်: ???

မင်းက ကိုယ့်စိတ်ထဲက တရားမျှတမှုအတွက် လုပ်နေတာလို့ ငါထင်ခဲ့တာ၊ တကယ်တမ်းကျတော့ အသွားအလာအတွက် လုပ်နေတာလား။

စနစ်-"နောက် ဘာဆက်လုပ်မလဲ ရှဲ့ကျစ်ရှင်းက အစီအစဉ်မှာ ပါဝင်ရင် မင်းလည်း သွားလို့မရဘူး မဟုတ်လား၊ ဒါပေမဲ့ မင်းက အစီအစဉ်မှာ မပါဝင်ရင် ကျင်ရိဖန်နဲ့ ချီပိုင်တို့ရဲ့ ဖရဲသီးတွေကို ဘယ်လိုများ ရိုက်နိုင်မှာလဲ”

ရှချန်းချန်းက လိမ္မာပါးနပ်စွာ ပြုံးလျက် ပြောလိုက်သည်။

“ဖရဲသီးရိုက်ဖို့အတွက် အစီအစဉ်မှာ ပါဝင်မှ ဖြစ်မယ်လို့ ဘယ်သူပြောလဲ"

နောက်တစ်နေ့တွင် ရှချန်းချန်းသည် ထျန်ရှန်းဖျော်ဖြေရေးသို့ တစ်ဦးတည်း ရောက်ရှိလာသည်။

စနစ်သည် အလွန်ပင် စိတ်ရှုပ်ထွေးနေပြီး မေးလိုက်သည်။

"ဒီကို ဘာလုပ်ဖို့ လာတာလဲ”

ရှချန်းချန်းက နက်နဲသော အမူအရာဖြင့် ပြောလိုက်သည်။

"သာယာရိုးရှင်းသောဘဝ" အတွက် ပစ္စည်းတွေ ပြင်ဆင်ဖို့ပေါ့!"

သူမသည် ယနေ့တွင်လည်း အသွင်ပြောင်းလဲထားပြန်သည်။ ရှည်လျားဖြောင့်စင်းသော ဆံပင်အတုနက်ကို ဝတ်ဆင်ထားပြီး၊ မိတ်ကပ်ဖြင့် သူမ၏ မျက်နှာသွင်ပြင်များကို သာမန်နှင့် မှိုင်းညှို့စေရန် ပြောင်းလဲထားသည်။ ထို့နောက် သာမန် တီးရှပ် နှင့် ဘောင်းဘီရှည်ကို ဝတ်ဆင်ထားသည်။ ဤကဲ့သို့သော အသွင်အပြင်သည် သူမအား အလုပ်၌ ၉၉၆ နာရီ အလုပ်လုပ်ရသော လူမှုရေးစိတ်ဓာတ်မရှိသည့် တိရစ္ဆာန်တစ်ကောင်နှင့် တူစေသည်။

ရှချန်းချန်းသည် သူမ၏ အသွင်ပြောင်းလဲမှုကို အလွန်ပင် ကျေနပ်နေခဲ့သည်။

သူမသည် ဝန်ထမ်းများနှင့် ရောနှောကာ ကုမ္ပဏီထဲသို့ တိတ်တဆိတ် ဝင်ရောက်ရန် ပြင်ဆင်နေစဉ် ရုတ်တရက် နောက်မှ စိတ်ရှုပ်ထွေးသော အသံတစ်သံ ထွက်ပေါ်လာသည်။

"ရှချန်းချန်း? ဒီမှာ ဘာလုပ်နေတာလဲ"

ရှချန်းချန်း: ! ! !

စနစ်: ! ! !

ရှချန်းချန်းသည် သူမရှေ့ရှိ ဓာတ်လှေကား၏ သတ္တုတံခါးကို လျင်မြန်စွာ ကြည့်လိုက်သည်။ သတ္တုသည် သူမ၏ ပုံပန်းသဏ္ဌာန်ကို ထင်ဟပ်နေခဲ့သည်။

သူ့၏ ဟန်ဆောင်ထားတာက အထင်အရှား ကောင်းနေတာပဲ၊ သူ့နောက်က တစ်ယောက်က ဘယ်လိုလုပ်သိသွားတာလဲ?

စဉ်းစားချိန် မရလိုက်ဘဲ ရှချန်းချန်းသည် လှည့်ကြည့်လိုက်ရုံသာ တတ်နိုင်ပြီး သူမ၏ အသွင်ပြောင်းလဲမှုကို ဖော်ထုတ်ခဲ့သူမှာ လုယန်ရန်ပင်ဖြစ်သည်။

ရှချန်းချန်းသည် မှင်သက်သွားခဲ့သည်။

လုယန်ရန်သည် ဖျော်ဖြေရေးလုပ်ငန်းမှ လေးပွင့်ဆိုင် ကြယ်ပွင့်လေးများထဲမှ တစ်ဦးဖြစ်ပြီး ချမ်းသာကြွယ်ဝသော လုမိသားစု၏ တစ်ဦးတည်းသော သမီးပင်ဖြစ်သည်။

သူမနှင့် မူလပိုင်ရှင်သည် အသိုင်းအဝိုင်းတူ၊ အသက်တူများဖြစ်သဖြင့် ငယ်စဉ်ကတည်းက မိဘများက အမြဲတမ်း နှိုင်းယှဉ်ခဲ့ကြသည်။ သို့သော် ရုပ်ရည်ပိုင်းတွင်ဖြစ်စေ၊ ပညာရေးတွင်ဖြစ်စေ မူလပိုင်ရှင်သည် လုယန်ရန်ထက် သာလွန်ခဲ့သည်။

မည်သို့ပင်ဆိုစေ မူလပိုင်ရှင်၏ မျက်နှာသည် နာမည်ကျော်တစ်ဦးနှင့်ပင် မတူလှပေ။

လုယန်ရန်သည် ရှချန်းချန်းနှင့် ယှဉ်၍မရသောကြောင့် သူမကို အလွန်ပင် မကျေမနပ်ဖြစ်ခဲ့သည်။ သူတို့နှစ်ဦးသည် ချမ်းသာကြွယ်ဝသော အမျိုးသမီးငယ်များနှင့် အမျိုးသားငယ်များ အသိုင်းအဝိုင်းတွင် တစ်ဦးနှင့်တစ်ဦး မတွေ့ဆုံနိုင်သည့် နာမည်ဆိုးဖြင့် ကျော်ကြားခဲ့သည်။

လွန်ခဲ့သော နှစ်အနည်းငယ်အထိ အကြောင်းအမျိုးမျိုးကြောင့် မူလက ကောင်းကင်ဘုံ၏ အချစ်တော်ဖြစ်ခဲ့သော မူလပိုင်ရှင်သည် အမြဲတမ်း အခက်အခဲများနှင့် ကံဆိုးမှုများကို ကြုံတွေ့ခဲ့ရသည်။ မူလက နာမည်မသိသော ယဲ့ရှီဝမ်သည် သူမ၏ နာမည်ကို နင်းပြီး တဖြည်းဖြည်း နာမည်ရလာခဲ့သည်။

လုယန်ရန်သည် သူမကို ရှချန်းချန်းနှင့် မည်သူမျှ ထပ်မံ နှိုင်းယှဉ်တော့မည် မဟုတ်သောကြောင့် အလွန်ပျော်ရွှင်ခဲ့ပြီး သူမနှင့် ယဲ့ရှီဝမ်သည်လည်း သဘာဝအတိုင်း ရင်းနှီးသော သူငယ်ချင်းများ ဖြစ်လာခဲ့ကြသည်။

လွန်ခဲ့သော နှစ်အနည်းငယ်အတွင်း လူတိုင်းသည် ဖျော်ဖြေရေးလုပ်ငန်းတွင် ရှိနေကြသော်လည်း လုယန်ရန်သည် ထိပ်တန်းမင်းသမီးတစ်ဦး ဖြစ်နေပြီဖြစ်ပြီး မူလပိုင်ရှင်သည် တတိယတန်းစား မကောင်းသတင်းများရှိသော မင်းသမီးတစ်ဦးသာ ဖြစ်ကာ လုယန်ရန်နှင့် နှိုင်းယှဉ်ခံရရန်ပင် အရည်အချင်းမရှိတော့ပေ။

ယနေ့တွင် လုယန်ရန်သည် F မှ ထုတ်လုပ်သော မြင့်မားသည့် အနက်ရောင်ဝတ်စုံ၊ H မှ ထုတ်လုပ်သော ကန့်သတ်ထုတ်လုပ်သည့် မိကျောင်းသားရေအိတ်နှင့် သူမ၏ မျက်နှာအများစုကို ဖုံးအုပ်ထားသည့် အနက်ရောင် နေကာမျက်မှန်တစ်လက်ကို ဝတ်ဆင်ထားသည်။

သူမသည် သူမ၏ အလွန်မှောင်မိုက်သော နေကာမျက်မှန်ကို ဆွဲချလိုက်ပြီး ရှချန်းချန်း၏ တီရှပ် နှင့် ဂျင်းဘောင်းဘီကို မထီမဲ့မြင် ကြည့်လိုက်ကာ မျက်မှောင်ကြုတ်လိုက်သည်။

"နင် ဒီလိုဝတ်ထားတာ ဘာလို့ ဒီရက်ပိုင်း ဒီလောက်ဆိုးရွားနေတာလဲ"

သူမသည် မိမိကိုယ်ကို နှိုင်းယှဉ်ခဲ့သော ချမ်းသာသည့် အမျိုးသမီးဖြစ်ခဲ့ပြီး ထိုမျက်နှာသည် အလွန်လှပသောကြောင့် သူမ၏ သရုပ်ဆောင်စွမ်းရည် မည်မျှပင် ရှုပ်ထွေးနေပါစေ ဖျော်ဖြေရေးလုပ်ငန်းတွင် ထိပ်တန်းနေရာရသင့်သည် မဟုတ်ပါလော။

ထို့နောက် သူမသည် ရှချန်းချန်း၏ မျက်နှာကို ကြည့်ပြီး ပို၍ပင် မျက်မှောင်ကြုတ်သွားခဲ့သည်။

သူမသည် ယခုအခါ ဤမျှ ညိုမည်းဝါခြောက်နေသည်၊ သူမက အရင်တုန်းကလောက် လှပနေနိုင်ပါ့မလား။

လုယန်ရန်သည် ရှချန်းချန်း၏ မျက်နှာကို တိုက်ရိုက် သုတ်လိုက်သည်။

"နင် ဖျားနေတာလား ဘာလို့ အမည်းရောင် ပေါင်ဒါတွေ လိမ်းထားတာလဲ"

ရှချန်းချန်းသည် ထိတ်လန့်စွာဖြင့် သူမ၏ မျက်နှာကို ဖုံးအုပ်လိုက်သည်။

လာနောက်နေတာလား! ဝတ္ထုထဲမှာ သူတို့နှစ်ယောက်က ကျိန်စာသင့် ရန်သူတွေ မဟုတ်ဘူးလား။ သူမကို အသွင်ပြောင်းလဲထားတာကို မှတ်မိရုံသာမကဘဲ သူမကို ထိတောင် ထိသေးတယ်။ မူလပိုင်ရှင်နဲ့ သူမက တစ်ယောက်မျက်နှာကို တစ်ယောက်ထိလို့ရတဲ့ ဆက်ဆံရေးမျိုးလား။

"သူလား သူက ငါ့ကို စိတ်ပျက်နေပြီလေ၊ အခု ဘယ်သူက မင်းကို ဒီလောက်အခြေအနေဆိုးအောင် လုပ်ခဲ့လို့လဲ၊ မင်းက အရင်တုန်းက အမျိုးသမီးကြယ်ပွင့်တစ်ဦး၊ အခုကျတော့ အလုပ်လုပ်တဲ့ ကောင်မလေးသက်သက်ပဲ"

စနစ်က ရှချန်းချန်းကို လှောင်ပြောင်လိုက်သည်။

"မင်း လုယန်ရန်ကို လိမ်ဖို့ အကြောင်းပြချက်တစ်ခု မြန်မြန်စဉ်းစားတာ ပိုကောင်းလိမ့်မယ်၊ မဟုတ်ရင် မစ္စစ်လုရဲ့ စိတ်နေစိတ်ထားနဲ့ဆို ပြန်ရောက်တာနဲ့ မင်းရဲ့ ရှက်စရာကောင်းတဲ့ အခြေအနေကို Weibo ပေါ်မှာ သေချာပေါက် တင်လိမ့်မယ်"

"ဒါက ငါ့ရဲ့ ဇာတ်လမ်းတွဲအသစ်က ပုံစံ" ရှချန်းချန်းက အကြောင်းပြချက်တစ်ခု စဉ်းစားမိပြီး အလေးအနက်ထား ပြောလိုက်သည်။

"ငါက ဇာတ်လမ်းတွဲထဲမှာ နစ်မြုပ်ပြီး သရုပ်ဆောင်နေတာလေ ပြဿနာရှိလို့လား”

လုယန်ရန်သည် သူမကို ဦးနှောက်ပျောက်နေသည့်အလား ကြည့်လိုက်သည်။

"အာ? ဇာတ်လမ်းတွဲအသစ်က ပုံစံ၊ ကျေးလက်ဇာတ်လမ်းတွဲလား နင် ရူးနေပြီလား၊ "ရှန်းကျွယ်" မှာ ဒုတိယဇာတ်လိုက် နေရာလို ကောင်းတဲ့အခွင့်အရေးကြီးကို စွန့်လွှတ်ပြီး ဒီလိုဟာမျိုး သွားရိုက်တာလား"

ရှချန်းချန်းက သူမ၏ နှာခေါင်းကို ရှက်ရွံ့စွာ ပွတ်သပ်လိုက်သည်။ လုယန်ရန်သည် သူမ၏ အလုပ်အစီအစဉ်ကို ဘာလို့ ဂရုစိုက်နေသေးတာလဲ။

"ငါ ကြိုက်တယ်လေ၊ နင့် အပူဘာပါလို့လဲ" ရှချန်းချန်းက မာနကြီးဟန် ဆောင်ကာ သူမ၏ မေးစေ့ကို လုယန်ရန်ကို ထောက်လိုက်သည်။ "နင်ရော၊ ထျန်ရှန်းမှာ ဘာလုပ်နေတာလဲ"

ဤအချိန်တွင် လုယန်ရန်၏ မျက်နှာသည် တစ်စက္ကန့်အတွင်း ပြောင်းလဲသွားပြီး သူမ၏ မျက်နှာသည် ကျေနပ်ပျော်ရွှင်မှုများဖြင့် ပြည့်နှက်နေသည်။

"ချီပိုင်ကောက “သာယာရိုးရှင်းသောဘတ” ရဲ့ ဒုတိယရအစီအစဥ်မှာ ပါတော့မှာ၊ ငါလည်း ပါရမှာပေါ့!"

ရှချန်းချန်းသည် အနည်းငယ် ရှုပ်ထွေးသွားသည်။ လုယန်ရန်သည် ချီပိုင်နှင့် တကယ်ပင် ဆက်စပ်နေပါသလား။ ဤသည်မှာ ဝတ္ထုထဲတွင် လုံးဝ မပါဝင်သည့် ဇာတ်လမ်းတစ်ပုဒ်ပင်။

သို့သော် လုယန်ရန်သည် မူလက ဝတ္ထုထဲတွင် နာမည်ပါသည့် အလွယ်တကူ စတေးခံရသူတစ်ဦးသာ ဖြစ်သောကြောင့် အသေးစိတ်အချက်အလက်များစွာ မရှိခြင်းမှာ မထူးဆန်းပေ။

ဒါကြောင့် ရှချန်းချန်းက စပ်စုစွာ မေးလိုက်သည်။ "နင် ချီပိုင်ကို ကြိုက်တာလား"

"သေချာတာပေါ့! ချီပိုင်‌ကောက အရမ်းထူးချွန်တာ!" လုယန်ရန်သည် သူမ၏ idol ကို မမောမပန်း ထောက်ခံပြောဆိုနေခဲ့သည်။

"လွန်ခဲ့တဲ့ ငါးနှစ်က 'Chasing Dreams' သီချင်းထွက်ပြီးကတည်းက သူ့ကို စပြီး ကြိုက်ခဲ့တာ၊ ဒီနှစ်တွေထဲ သူ့ရဲ့ ဖန်တီးနိုင်စွမ်း နည်းနည်းကျဆင်းသွားပေမဲ့ 'Chasing Dreams' ကတော့ ငါ့ရဲ့ အဖြူရောင်လမင်းပဲ! ထာဝရချစ်နေနိုင်မှာ!”

ငါးနှစ်အကြာက ကျင်ရိဖန်သည် ဗိုလ်လုပွဲတွင် "A Dream of Jianghu" သီချင်းကို သီဆိုခဲ့သည်။ ဤသီချင်းသည် ချီပိုင်၏ သီချင်းအသစ် "Chasing Dreams" ကို ခိုးချသည်ဟု စွပ်စွဲခံခဲ့ရသည်။ သီချင်းစာသားရော ဂီတရော နှစ်ခုလုံးသည် အလွန်ဆင်တူသည်။

ရှချန်းချန်းက လှောင်ပြောင်လိုက်သည်။

"နင် ကြိုက်တဲ့သီချင်းက တခြားသူရဲ့ သီချင်းဖြစ်နိုင်တယ်လို့ တစ်ခါမှ မစဉ်းစားဖူးဘူးလား"

လုယန်ရန်သည် ချက်ချင်းပင် သတိထားလိုက်သည်။

"ဘာပြောတာလဲ။ နင်တို့ ချီပိုင်ခိုးချတယ်လို့ ပြောတာလား၊ မဖြစ်နိုင်ဘူး!”

"လွန်ခဲ့တဲ့ နှစ်အနည်းငယ်တုန်းက ချီပိုင်ကို လူသစ်တစ်ယောက် တစ်ယောက် ခိုးချခဲ့တယ်လို့ ကြားခဲ့တာ... အခုကျမှ သူ ပြန်ပြီး ပွဲထွက်လာလိမ့်မယ်လို့ မထင်ထားခဲ့ဘူး၊ အင်တာနက် ဆိုတာ တကယ်ကို မှတ်ဉာဏ်မရှိပါလား”

လုယန်ရန်၏ မျက်နှာသည် ဒေါသအပြည့်ဖြင့် နဖူးကြောများပင် ထွက်ပေါ်နေခဲ့သည်။

ရှချန်းချန်းက ညင်သာစွာ မေးလိုက်သည်။ "နင် ကျင်ရိဖန်ကို ပြောတာလား"

"နင်လည်း ဒီဖရဲသီးကို သိတာလား" လုယန်ရန်သည် ပို၍ပင် စိတ်လှုပ်ရှားလာခဲ့သည်။

"ငါပြောသားပဲ ခိုးချတာ ကျင်ရိဖန်၊ ထျန်ရှန်းကလည်း Hot Search ကို ဖျက်လိုက်ပြီ၊ မကြာခင်တော့ ပွဲပျက်မှာပဲ”

လုယန်ရန်သည် ကျင်ရိဖန်မည်မျှ ရွံစရာကောင်းကြောင်း ရှချန်းချန်းနှင့် ဆက်လက် ငြင်းခုံလိုသော်လည်း သူမနောက်မှ အေးဂျင့်က ကားထဲမှ ခေါ်နေပြီဖြစ်သည်။ လုယန်ရန်သည် နှုတ်ခမ်းကို မကျေမနပ် စူလိုက်ပြီး ရှချန်းချန်းအား ပြောလိုက်သည်။

"နောက်မှ ပြောကြတာပေါ့"

ထို့နောက် သူမ၏ နေကာမျက်မှန်ကို တပ်ဆင်ကာ ထျန်ရှန်းဖျော်ဖြေရေးမှ ခပ်မဆိတ်ပင် ထွက်ခွာသွားလေသည်။

လုယန်ရန်ထွက်သွားပြီးနောက် စနစ်သည်လည်း ဒေါသတကြီး ပေါ်လာသည်။

"Host! ဒီ လုယန်ရန်က အရမ်းလွန်တာပဲ သူ ရိဖန်ကို ဘာလို့ အဲလိုပြောရတာလဲ၊ ရိဖန်ကလည်း သားကောင်ပဲ သူ့ကို ခိုးချတာခံရတာ၊ အသနားဆုံးလူပဲလေ"

"ဒါပေမဲ့ လုယန်ရန် မမှားဘူး" ရှချန်းချန်းက တည်ငြိမ်စွာ ပြောလိုက်သည်။

"သီချင်းနှစ်ပုဒ်က တကယ်ကို အတူတူနီးပါးပဲ၊ ပြီးတော့ ချီပိုင်က ကျင်ရိဖန်ထက် ရက်သတ္တပတ်ဝက်စောပြီး ထုတ်ခဲ့တာဆိုတော့ ဘယ်သူမဆို ကျင်ရိဖန်ခိုးချတယ်လို့ပဲ ထင်မှာပဲ"

"ဒါပေမယ့်... ဒါပေမယ့် အမှန်တရားက ဒီလိုမဟုတ်ဘူးလေ!" စနစ်သည် နာကျင်ခံစားရသော်လည်း မည်သို့ ပြန်ပြောရမည်ကို မသိခဲ့ပေ။

"တချို့ကိစ္စတွေက ပရိသတ်တွေကို နုံတယ်လို့ အပြစ်တင်လို့မရဘူးလေ" ရှချန်းချန်းက ထွက်ခွာသွားသော လုယန်ရန်၏ ကျောပြင်ကို ကြည့်လိုက်သည်။

"လူဆိုးတွေက တကယ်ကို ဆိုးလွန်းတယ်လို့ပဲ ပြောလို့ရတာပေါ့”

ထျန်ရှန်းဖျော်ဖြေရေး “သာယာရိုးရှင်းသောဘဝ အစီအစဥ် 2" မိတ်ကပ်ခန်း။

ကျင်ရိဖန်သည် ဆိုဖာပေါ်တွင် ထိုင်၍ မိုဘိုင်းဖုန်းကို ကစားနေစဉ် အေးဂျင့်သည် ပျော်ရွှင်စွာဖြင့် ဝင်ရောက်လာသည်။

"ရိဖန်! အကောင်းဆုံး မင်းသားသစ်အတွက် နောက်ဆုံး အွန်လိုင်းမဲပေးပွဲ ရလဒ်တွေ ထွက်လာပြီ! မင်း ပထမနေရာ ရသွားပြီ!"

ဤအွန်လိုင်းမဲပေးပွဲသည် ပရော်ဖက်ရှင်နယ် မဟုတ်ဘဲ အင်တာနက်အသုံးပြုသူများက မဲပေးခြင်း ဖြစ်သည်။ သို့သော် ယေဘုယျအားဖြင့် ပထမနေရာရရှိသော အမျိုးသားသရုပ်ဆောင်များသည် နှစ်စဉ် "Flying Apsaras Award" အတွက် အနည်းဆုံး ဆန်ခါတင်စာရင်းဝင်လေ့ရှိပြီး ၎င်းသည် အလွန်ဂုဏ်သိက္ခာကြီးမားသည်။

ကျင်ရိဖန်သည် အလွန်ဝမ်းမြောက်သွားသော်လည်း အပြင်ပန်းတွင် တည်ငြိမ်နေခဲ့သည်။ "အော်၊ သိပြီ။"

"စိတ်လှုပ်ရှားလို့ မရဘူးလား ပထမနေရာ ရတာပဲလေ!" အေးဂျင့်သည် ကူကယ်ရာမဲ့စွာဖြင့်

"ဒီလောက်ငယ်ငယ်ရွယ်ရွယ်နဲ့ ဆယ်ကျော်သက်လေးလို နည်းနည်းတော့ ပုံစံရှိသင့်တာပေါ့!”

"ပထမနေရာပဲ၊ ဘာမှ ပျော်စရာမရှိတာ" ကျင်ရိဖန်က ခပ်အေးအေး ပြောလိုက်သည်။ သို့သော် သူ၏ နှုတ်ခမ်းထောင့်များက အနည်းငယ် ကော့ညွတ်နေပြီး အကြိမ်များစွာ ထိန်းချုပ်ရန် ကြိုးစားသော်လည်း မအောင်မြင်ခဲ့ပေ။

တံခါးခေါက်သံ ကြားလိုက်ရသည်။

"ဝင်ခဲ့——"

ရှဲ့ကျစ်ရှင်းသည် တံခါးကို တွန်းဖွင့်လိုက်သည်။

အေးဂျင့်သည် အနည်းငယ် အံ့အားသင့်သွားသည်။ သူသည် ရှဲ့ကျစ်ရှင်းနှင့် ကျင်ရိဖန်တို့၏ ဆက်ဆံရေးကို သိရှိထားသောကြောင့် ကျင်ရိဖန်အား

"မစ္စတာရှဲ့နဲ့ စကားပြောပြီးရင် ကျွန်တော် ကားသွားမောင်းလိုက်ဦးမယ်" ဟု ပြောပြီး မိတ်ကပ်ခန်းမှ ထွက်သွားလေသည်။

မိတ်ကပ်ခန်းထဲတွင် ရှဲ့ကျစ်ရှင်းနှင့် ကျင်ရိဖန်နှစ်ဦးသာ ကျန်ခဲ့သည်။

ရှဲ့ကျစ်ရှင်းသည် မျက်မှောင်ကြုတ်လျက် လေးနက်သော အမူအရာဖြင့် ရှိနေသည်။

ကျင်ရိဖန်သည် အနည်းငယ် စိတ်ရှုပ်ထွေးနေသည်။ ရှဲ့ကျစ်ရှင်းသည် ရှဲ့ ကုမ္ပဏီကို ပြန်လည်သိမ်းပိုက်ပြီးနောက် ဤကဲ့သို့သော အမူအရာကို ရှဲ့ကျစ်ရှင်း၏ မျက်နှာတွင် အချိန်အကြာကြီး မတွေ့ရတော့ပေ။

ဘာဖြစ်တာလဲ? ထျန်ရှန်း ဒေဝါလီခံတော့မှာလာ၊ ဒါမှမဟုတ် ရှဲ့ က ဒေဝါလီခံတော့မှာလား? မိသားစုတစ်ခုလုံးရဲ့ ဝန်ထုပ်ဝန်ပိုးက အနာဂတ်မှာ သူ့ဆီ ကျရောက်လာတော့မှာလား?

ရှဲ့ကျစ်ရှင်းသည် ထိုကဲ့သို့သော အခြေအနေမျိုးတွင် ရှိနေသည်ကို မြင်သောအခါ ကျင်ရိဖန်သည် တိတ်ဆိတ်မှုကို ဦးစွာ ဖြိုခွဲလိုက်သည်။

“မင်း ဘာဖြစ်နေတာလဲ"

ရှဲ့ကျစ်ရှင်းက နှစ်စက္ကန့်မျှ တုံ့ဆိုင်းလိုက်သည်။

"မင်း ဒီရက်ပိုင်း စိတ်မကောင်းဖြစ်နေတာလား"

ကျင်ရိဖန်: ???

သူသည် အကောင်းဆုံး မင်းသားသစ် မဲပေးပွဲတွင် ပထမနေရာရရှိခဲ့ရုံသာ ရှိသည်။ သူသည် ဖျော်ဖြေရေးလုပ်ငန်းတွင် အပျော်ဆုံး လူသစ်ဖြစ်သည် မဟုတ်ပါလော?

ရှဲ့ကျစ်ရှင်းက ထပ်မံမေးသည်။ "ဒါမှမဟုတ် စိတ်ဓာတ်ကျနေတာလား"

ကျင်ရိဖန်: ???

ဘာဖြစ်တာလဲ? သူ့ အစ်ကိုဝမ်းကွဲကို အကြမ်းဖက်အဖွဲ့အစည်းတစ်ခုက ဦးနှောက်ဆေးခဲ့တာလား? သူ ဘယ်လို စိတ်ရောဂါသည်တစ်ယောက် ဖြစ်သွားတာလဲ?

သို့သော် ကျင်ရိဖန်သည် သူသည် "သာယာရိုးရှင်းသောဘဝ အစီအစဉ် 2" အတွက် စာချုပ်လက်မှတ်ထိုးခဲ့ပြီး နှစ်ရက်တစ်ည ကျေးလက်တွင် ခက်ခဲသော ဘဝကို ဖြတ်သန်းတော့မည်ကို သတိရမိကာ ပြင်းထန်စွာ ခေါင်းညိတ်လိုက်သည်။

"ဟုတ်တယ်၊ ကျွန်တော် တော်တော်လေး စိတ်ဓာတ်ကျနေတယ် မဟုတ်ဘူး၊ အရမ်းကို စိတ်ဓာတ်ကျနေတာ”

ကျင်ရိဖန်: ကော၊ ကျွန်တော့်ရဲ့ စိတ်ရင်းမှန်နဲ့ မျက်လုံးတွေကို မြင်လား? ကျွန်တော့်ရဲ့ ရင်ထဲအောက်ခြေက စိတ်ဓာတ်ကျမှုကို ခံစားမိလား။ မြန်မြန် စာချုပ်ဖျက်သိမ်းပြီး ဒီဆိုးရွားတဲ့ ဖျော်ဖြေရေးအစီအစဉ်မှာ ထပ်မပါဝင်ခိုင်းပါနဲ့တော့!

ရှဲ့ကျစ်ရှင်းက တောင်းပန်သော အမူအရာဖြင့် ကျင်ရိဖန်၏ ပခုံးကို ပြင်းပြင်းထန်ထန် ပုတ်လိုက်သည်။

"ရိဖန်, ငါ နားလည်တယ်၊ ငါ မင်းကို ကောင်းကောင်း ဂရုစိုက်ပေးမှာပါ"

ကျင်ရိဖန်၏ မျက်လုံးများ ချက်ချင်းပင် တောက်ပလာပြီး မျှော်လင့်ချက်များဖြင့် ပြည့်နေခဲ့သည်။ သူသည် ရှဲ့ကျစ်ရှင်းအား စာချုပ်ဖျက်သိမ်းခြင်းအကြောင်း ပြောရန် ပြင်ဆင်နေစဉ် နောက်တစ်စက္ကန့်တွင် ရှဲ့ကျစ်ရှင်းသည် လှည့်၍ မိတ်ကပ်ခန်းမှ ထွက်သွားလေသည်။

ကျင်ရိဖန်: ? ? ?

ကော၊ Daming Lake နားက ခင်ဗျားရဲ့ ညီဝမ်းကွဲလေးကို မှတ်မိသေးလား? သူက အခု ဒုက္ခမျိုးစုံနဲ့ ဖျော်ဖြေရေးအစီအစဉ်မှာ ပါဝင်တော့မယ်ဆိုတာ မှတ်မိလား? ဘာလို့ ထွက်သွားနေတာလဲ!

ရှဲ့ကျစ်ရှင်းသည် မိတ်ကပ်ခန်းမှ ထွက်ခွာသွားသည်။

သူသည် ကျင်ရိဖန်နှင့် ခုနက ပြောဆိုခဲ့သည့် စကားများကို ပြန်လည်ဆင်ခြင်နေခဲ့သည်။

ရှချန်းချန်းမှန်သည်။ ကျင်ရိဖန်သည် ဖိအားများစွာ ခံစားနေရပြီး စိတ်ဓာတ်ကျနေသည်။

ယခုမူ ဖျော်ဖြေရေးအစီအစဉ်တွင် သူ စိတ်အပန်းဖြေနိုင်ရန်သာ မျှော်လင့်ရတော့မည်ဖြစ်ပြီး သူ၏ အစ်ကိုဝမ်းကွဲအနေဖြင့် ကျင်ရိဖန်ကို သေချာပေါက် အဖော်ပြုပေးမည်ဖြစ်သည်။

မိတ်ကပ်ခန်းထဲသို့ မတော်တဆ ဝင်ရောက်လာသော စနစ်: "..."

ကျွန်တော်ပြောပါရစေ၊ ကျင်ရိဖန်စိတ်ဓာတ်ကျနေတာက Host က သူ့ကို ဖျော်ဖြေရေးအစီအစဉ်မှာ ပါဝင်ခိုင်းတော့မလို့ ဖြစ်နိုင်ခြေရှိလား?

အင်တာနက်ပေါ်တွင် "သာယာရိုးရှင်းသောဘဝ" ၏ တရားဝင် Weibo မှ ဒုတိယရာသီ၏ ပရိုမိုးရှင်းဓာတ်ပုံများကို ထုတ်ပြန်ခဲ့ပြီး ပထမအပိုင်းတွင် ဧည့်သည် လေးဦးကို ဖိတ်ကြားမည်ဟု ဖော်ပြထားသော်လည်း ဧည့်သည်များ၏ မည်သူမည်ဝါဖြစ်ကြောင်းကို ထုတ်ဖော်မည် မဟုတ်ပေ။ ပရိသတ်များသည် အစီအစဉ်တွင် ပါဝင်မည့် ဧည့်သည်များကို ခန့်မှန်းနိုင်သည်။ အစီအစဉ်အဖွဲ့က မှန်ကန်စွာ ခန့်မှန်းနိုင်သည့် ပရိသတ်များထဲမှ သုံးဦးကို ကျပန်းရွေးချယ်ကာ သူတို့နှစ်သက်ရာ ဧည့်သည်များနှင့် ဓာတ်ပုံရိုက်ခွင့်ပေးပြီး အစီအစဉ်၏ ဆုလက်ဆောင်များကို ပေးအပ်မည်ဖြစ်သည်။

အချိန်အနည်းငယ်အတွင်း "သာယာရိုးရှင်းသောဘဝ" ဟူသော စကားလုံးသည် Hot Search တွင် ပါဝင်လာခဲ့သည်။

ကုမ္ပဏီအသီးသီးမှ ပရိသတ်များသည် မိမိတို့၏ အနုပညာရှင်များ အစီအစဉ်တွင် ပါဝင်မည်လားဟု ခန့်မှန်းနေကြသည်။

သို့သော် အစီအစဉ်အဖွဲ့က အလွန် တင်းကြပ်သည်။ ဧည့်သည်များကို အွန်လိုင်းတွင် Water Army နှင့် Marketing Account များ ဝယ်ယူခြင်းကို ခွင့်မပြုဘဲ၊ Station Sister သို့မဟုတ် Fan Club သို့ သတင်းများကို သီးသန့် ထုတ်ပြန်ခြင်းကိုလည်း ခွင့်မပြုပေ။ ထို့ကြောင့် ယခုအထိ အင်တာနက်တွင် ဧည့်သည်စာရင်း အတိအကျနှင့် ပတ်သက်သည့် မည်သည့်သတင်းမှ မရှိသေးပေ။

ဤအချိန်တွင် ပရိသတ်တစ်ဦးက နောက်ပြောင်သံဖြင့် ဘလော့ဂ်ပို့စ်တစ်ခု တင်လိုက်ပြီး @လိမ်ညာသူများကို ဖော်ထုတ်သူ ကို Tag တွဲကာ မေးလိုက်သည်။

"ဂျီဂျီ၊ “သာယာရိုးရှင်းသောဘဝ အစီအစဉ် 2" ရဲ့ ပထမအပိုင်းမှာ ဘယ်ဧည့်သည်တွေ ပါဝင်လဲဆိုတာ သိလား"

သူမသည် စမ်းသပ်သည့်အနေဖြင့် Tag တွဲရုံသာဖြစ်ပြီး ဤ Big V က မည်သည့် တုံ့ပြန်မှုမျိုးကိုမျှ တကယ်တမ်း မမျှော်လင့်ခဲ့ပေ။

မမျှော်လင့်ဘဲ ဆယ်မိနစ်အကြာတွင် လိမ်ညာသူများကို ဖော်ထုတ်သူ သည် သူမ၏ Weibo ကို တကယ်ပင် ပြန်လည်မျှဝေခဲ့ပြီး နာမည်လေးခုကို မှတ်ချက်ပေးခဲ့သည်။ "ချီပိုင်, လုယန်ရန်, ကျင်ရိဖန်, ရှဲ့ကျစ်ရှင်း"

ပရိသတ်လေး: ! ! !

ချီပိုင်, လုယန်ရန်, နှင့် ကျင်ရိဖန်တို့၏ ပရိသတ်များအားလုံး စိတ်လှုပ်ရှားခဲ့ကြသည်။ “သာယာရိုးရှင်းသောဘဝ" သည် ယနေ့ခေတ်တွင် ရေပန်းအစားဆုံး ဖျော်ဖြေရေးအစီအစဉ်ဖြစ်သောကြောင့် မိမိတို့၏ အနုပညာရှင်များ ပါဝင်နိုင်ခြင်းကို ပျော်ရွှင်ကြသည်မှာ သေချာသည်။

သို့သော် "ရှဲ့ကျစ်ရှင်း" ဟူသော စကားလုံး သုံးလုံးကို မြင်သောအခါ လူတိုင်းသည် နောက်တစ်ဖန် တုံ့ဆိုင်းသွားကြပြီး သတင်း၏ စစ်မှန်မှုအပေါ် သံသယဝင်လာကြသည်။

[ရိုးရိုးသားသားပြောရရင် ပထမဆုံး ထွက်ပေါ်လာတဲ့ သတင်းတွေကိုတော့ ယုံတယ်၊ ဒါပေမဲ့ ရှဲ့ကျစ်ရှင်းကတော့ မဖြစ်နိုင်ဘူး လုံးဝအတုကြီးပဲ!]

[အားလုံးသိတဲ့အတိုင်းပဲ၊ ရွှေတံဆိပ်ဆု သုံးဆုရပြီးတဲ့နောက်ပိုင်း ရှဲ့ကျစ်ရှင်းက အနားယူသလို ဖြစ်နေတာ၊ သူက နှစ်ပေါင်းများစွာ ဖျော်ဖြေရေးအစီအစဉ် တွေမှာ မပါဝင်တာကြာပြီ၊ အခုလို အစီအစဉ်မှာ ဘယ်လိုလုပ် လာပါဝင်နိုင်မှာလဲ]

[အဲဒီ ဖော်ထုတ်သူလည်း ပိုက်ဆံရှာဖို့ စလုပ်ပြီလားမသိဘူး၊ မင်း အရမ်းလိမ်တာပဲ! Unfollow, unfollow!]

[အတုဆိုတာ သိပေမဲ့ ငါ ရှဲ့ကျစ်ရှင်းကို ငါးနှစ်လောက် ကြိုက်ခဲ့တာ၊ ကောကော ဖျော်ဖြေရေးအစီအစဉ် မှာ ပါတာကို တကယ်ပဲ မြင်ချင်တယ်၊ အပြင်မှာ သူ ဘယ်လိုနေလဲဆိုတာကို တကယ်မြင်ချင်တယ်!]

အင်တာနက်ပေါ်တွင် ထိုသို့သော မှတ်ချက်များမှာ အမျိုးမျိုး ကွဲပြားလျက် ရှိသည်။ လူအများစုသည် ဤသတင်း၏ တိကျမှန်ကန်မှုကို သံသယရှိနေကြဆဲဖြစ်ပြီး၊ အချို့သောသူများကမူ "လိမ်ညာသူများကို ဖော်ထုတ်သူ" ကို ယုံကြည်ရန် ရွေးချယ်ခဲ့ကြရာ အတော်လေး ဆူပူဝရုန်းသုန်းကား ဖြစ်ပွားခဲ့၏။

ဤကဲ့သို့သော ဆူညံသံများကြားမှပင် "သာယာရိုးရှင်းသောဘဝ အစီအစဉ် 2" သည် စတင်ခဲ့လေသည်။

ထို ဖျော်ဖြေရေးအစီအစဉ် ကို ကျန်းချန်အနီးရှိ ချင်းချွမ် ကျေးရွာ ဟုခေါ်သော ရွာကလေးတစ်ရွာတွင် မှတ်တမ်းတင်ခဲ့ခြင်း ဖြစ်သည်။

ဤသည်မှာ အပြာရောင်အုတ်ကြွပ်များနှင့် အဖြူရောင်နံရံများ၊ တံတားငယ်များနှင့် စီးဆင်းနေသောရေများ၊ ကူးလူးနေသော လယ်ကွင်းများ၊ ကြက်များနှင့် ခွေးများဖြင့် ထူးခြားသော အရသာကို ပေးစွမ်းသည့် ကျန်းနမ်ရေတံခွန်ရွာလေးတစ်ခု ဖြစ်သည်။

"သာယာရိုးရှင်းသောဘဝ" Season 2 ကို Live လွှင့်ခြင်းနှင့် မှတ်တမ်းတင် ထုတ်လွှင့်ခြင်း နှစ်မျိုးလုံးဖြင့် ရိုက်ကူးခဲ့ခြင်း ဖြစ်သည်။

အင်တာနက်အသုံးပြုသူများသည် ဧည့်သည်များ ရောက်ရှိလာခြင်းကို စောစောစီးစီးပင် Live ထုတ်လွှင့်ခန်းတွင် ထိုင်စောင့်နေခဲ့ကြသည်။

ပထမဆုံးမြင်ကွင်းမှာ ချင်းချွမ်ကျေးရွာ၏ ဝင်ပေါက်ပင် ဖြစ်သည်။

ကင်မရာစဖွင့်သည်နှင့် အင်တာနက်အသုံးပြုသူများ မြင်တွေ့လိုက်ရသည်မှာ ဖုန်းကို မျက်နှာမူထားသော ကြီးမားသည့် ပန်းရောင်မျက်နှာတစ်ခုပင်။

လေးနှစ်အရွယ် ပိုင်ချိုးချိုး က ကင်မရာမှန်ဘီလူးကို လက်ညှိုးထိုးကာ အော်မေး၏။

"ပါးပါး! ဟိုကြည့်နေတဲ့သူတွေက ဒီမှန်မည်းကြီးထဲကနေ ကျွန်တော်တို့ကို တကယ်ပဲ မြင်ရတာလား"

ပိုင်ရှုချန် က ပိုင်ချိုးချိုး ကို ချီမလိုက်ပြီး ပြော၏။

"အင်တာနက်အသုံးပြုသူ အားလုံးက ပါးပါးတို့ကို မြင်ရတယ် အဲဒါကြောင့် ချိုးချိုး က လိမ်လိမ်မာမာနေရမယ်နော်၊ နားလည်လား!"

ကလေးငယ် ပိုင်ချိုးချိုး မှာ ရှုပ်ထွေးသော ပုံစံဖြင့် ကြည့်နေသော်လည်း ခေါင်းကို ခိုင်မြဲစွာ ညိတ်ပြကာ ပြောလေသည်။ "ချိုးချိုး လိမ်လိမ်မာမာနေပါ့မယ်၊ တခြားဧည့်သည်တွေအတွက် စံပြ ဖြစ်အောင် နေပါ့မယ်!"

[အားဟားဟား! ပိုင်ရှုချန် ပဲ! သူက ဒီအပိုင်းကို ပြန်တင်ဆက်နေပြီ! သူ့သားကိုပါ ခေါ်လာသေးတယ်!]

[လူသားလေးက အရမ်းချစ်ဖို့ကောင်းတယ်! သူ့ကို အာဘွား ပေးချင်လိုက်တာ!]

[ရှေ့က အဒေါ်လူထူးဆန်းတွေ ကလေးကို မကြောက်ပါနဲ့! ချိုးချိုး! လိမ်လိမ်မာမာနေပြီး အန်တီ့ရဲ့ ပန်းကန်ထဲ လာ!]

…

ပိုင်ရှုချန် သည် ကင်မရာကို မျက်နှာမူကာ အဖွင့်မိန့်ခွန်း ပြောကြား၏။ "ဒါက ‘'သာယာရိုးရှင်းသောဘဝ Season 2' ပါ။ ကျွန်တော်ကတော့ Host ပိုင်ရှုချန် ဖြစ်ပြီး ဒါကတော့ ကျွန်တော်တို့ရဲ့ သင်တန်းသား တောင်သားလေး ပိုင်ချိုးချိုး ပါ"

ပိုင်ချိုးချိုး က အသံကြားသည်နှင့် ချက်ချင်းပင် အရိုအသေပြုလိုက်၏။ ပုံစံသည် လုံးဝစံမမီသော်လည်း ချစ်စရာကောင်းပြီး အပြစ်ကင်း၏။

"ဒီနေ့ ကျွန်တော်တို့ ဧည့်သည်တော် လေးဦး ဖိတ်ခေါ်ထားပါတယ်။ သူတို့ရဲ့ အချက်အလက်တွေကိုတော့ လူသိရှင်ကြား ထုတ်ပြန်ထားခြင်း မရှိသေးပေမဲ့၊ ခင်ဗျားတို့အားလုံး ခန့်မှန်းထားတဲ့ ဧည့်သည် နာမည်တွေကို Website ရဲ့ တရားဝင် စာမျက်နှာမှာ ရေးထားပြီးလောက်ပြီလို့ ယုံကြည်ပါတယ်။ ကဲ... အခုဆိုရင် အဖြေကို ထုတ်ဖော်ပြပါမယ်၊ ခင်ဗျားတို့ရဲ့ ခန့်မှန်းချက်တွေ မှန်မမှန် ကြည့်ကြရအောင်!"

ထိုအချိန်တွင် ကားတစ်စီးသည် ရွာဝင်ပေါက်တွင် ရပ်တန့်လိုက်ရာ ကင်မရာသည် ထိုကားပေါ်သို့ ချက်ချင်းပင် အာရုံစိုက်လိုက်၏။

ဖျော်ဖြေရေးလောကမှ ထင်ရှားကျော်ကြားသော အနုပညာရှင်တို့၏ နာမည်များသည် မျက်နှာပြင်ပေါ်တွင် လျင်မြန်စွာ ပေါ်လာပြီး ဖတ်မရလောက်အောင်ပင် မြန်ဆန်လှသည်။

ကား၏ တံခါးပွင့်လာရာ အသက်သုံးဆယ်ကျော်အရွယ် Punk Jacket ဝတ်ဆင်ထားပြီး ဂစ်တာတစ်လုံးလွယ်ထားသော အမျိုးသားတစ်ဦး ကားထဲမှ ထွက်လာ၏။

သူ့မျက်နှာပေါ်တွင် နွေးထွေးသော အပြုံးတစ်ခုရှိပြီး ကင်မရာကို ချစ်ခင်စွာ လှမ်းပြုံးပြ၏။

ပိုင်ရှုချန် နှင့် ပိုင်ချိုးချိုး တို့က ဘေးမှနေ၍ ရောင်စုံအလံများကို ဝှေ့ယမ်းကာ အော်ပြော၏။

"ဒန်းဒန်းဒန်း! ကျွန်တော်တို့ရဲ့ ပထမဆုံး ဧည့်သည် - ချီပိုင် ကို ကြိုဆိုလိုက်ပါတယ်!"

[အားးးးးးး! ချီပိုင်! သူ့ကို အရမ်းချစ်တယ်!]

[သူ့ရဲ့ 'Chasing Dreams' သီချင်းကို အခါတစ်ရာ နားထောင်လည်း ဘယ်တော့မှ မရိုးဘူး!]

[ငါလည်း 'Chasing Dreams' သီချင်းနဲ့တင် သူ့ Fan ဖြစ်သွားတာ! သူ့ရဲ့ နောက်ထပ်လက်ရာတွေကို မျှော်လင့်နေပါတယ်‌~!]

[ကင်မရာမန်းရေ ရေ၊ ကျွန်မတို့ ချီပိုင် ကို ပုံလေးတွေ ပိုရိုက်ပေးပါဦးနော်!]

…

အင်တာနက်ပေါ်တွင် ချီးကျူးသံများ ဆူညံလျက်ရှိရာ ပိုင်ရှုချန် ကလည်း ချီပိုင် ကို ချီးကျူးပြောဆို၏။

"ဆရာချီ က မူရင်းသီချင်းလေးတွေရဲ့ မင်းသားလေးလို့ နာမည်ကြီးတာ! အထူးသဖြင့် "Chasing Dreams" သီချင်းပေါ့! သူက တကယ်ကို လူအများကြီးရဲ့ ရင်ထဲက အဖြူရောင်လမင်း ပဲ! ဂီတသမားတစ်ယောက်အနေနဲ့ပြောရရင် တစ်သက်လုံး ဒီလောက်ကောင်းတဲ့သီချင်းမျိုး ရေးနိုင်တော့မှာ မဟုတ်ဘူးလို့ကို ခံစားရတယ်!"

ပိုင်ချိုးချိုး က ပိုင်ရှုချန် ၏ အဝတ်စကို ဆွဲကာ ပြောလိုက်၏။

"ပါးပါး၊ မားမားက ပြောတယ် ပါးပါးရေးတဲ့ သီချင်းတွေက သစ်တုံးကို လွှနဲ့ဖြတ်နေသလိုပဲတဲ့၊ မရေးတာ ပိုကောင်းတယ်လို့ ပြောတယ်တဲ့!"

ပိုင်ရှုချန်: "......"

[ဟားဟားဟား၊ ပိုင်ချိုးချိုး ရယ်၊ ပိုင်ရှုချန် ကတော့ နံပါတ်တစ် ဖျက်ဆီးရေးသမားပဲ!]

[ပိုင်ရှုချန်: ချိုးချိုး စုတ်လေး! ငါ့မျက်နှာ ဘယ်နားသွားထားရမှာလဲ?]

[ပိုင်ရှုချန်၊ မရုန်းကန်ပါနဲ့တော့၊ မင်းက OST ရဲ့ ဘုရင်ပဲ၊ ချီပိုင် နဲ့ မတူဘူး၊ TV ဇာတ်လမ်းတွေရဲ့ အချစ်ကို ကာကွယ်ပေးဖို့ပဲ လိုတယ်၊ မူရင်းဖန်တီးဖို့ မကြိုးစားပါနဲ့တော့!]

ပိုင်ရှုချန် ၏ ချီးကျူးမှုကို ရင်ဆိုင်ရချိန်တွင် ချီပိုင် မှာ ယဉ်ကျေးစွာ ပြုံးရုံသာ ပြုံးပြသည်။

"ကျွန်တော့်သီချင်းတွေကို ကြိုက်နှစ်သက်တဲ့အတွက် မစ္စတာပိုင် ကို ကျေးဇူးတင်ပါတယ်၊ နောင်ဆိုရင် ပရိသတ်တွေကို ပြန်လည်ပေးဆပ်နိုင်ဖို့ သီချင်းအများကြီး ပိုပြီး ကြိုးစားဖန်တီးသွားပါမယ်!"

"ကောင်းပြီ၊ ပထမဆုံး ဧည့်သည် ရောက်ရှိလာပါပြီ။ Live ကြည့်နေတဲ့ မိတ်ဆွေတို့ရေ၊ ခင်ဗျားတို့ မှန်းထားတာ မှန်ရဲ့လားဗျ" ပိုင်ရှုချန် က လုပ်ငန်းစဉ်ကို ဆက်လက် ဦးဆောင်သည်။

"နောက်ထပ် ကျွန်တော်တို့ရဲ့ ဒုတိယဧည့်သည်ကို ကြိုဆိုလိုက်ပါပြီ--"

ကင်မရာသည် ရွာဝင်ပေါက်ရှိ ဒုတိယကားကို ဦးတည်လိုက်၏။ ကား၏ တံခါးသည် ဖြည်းညှင်းစွာ ပွင့်လာပြီး ပန်းရောင် တင်းနစ်စကတ်ဝတ်ထားသော မိန်းကလေးတစ်ဦး ကားထဲမှ ထွက်လာ၏။

ပိုင်ရှုချန်: "ဒါကတော့ ကျွန်တော်တို့ရဲ့ ဒုတိယဧည့်သည် - လုယန်ရန် ပါ!"

လုယန်ရန် က ပြုံးပြုံးရယ်ရယ်ဖြင့် ကင်မရာကို လက်ပြနှုတ်ဆက်ပြီး ကင်မရာကို နှလုံးသားပုံစံ နှစ်ခု လုပ်ပြ၏။

"အားလုံးပဲ မင်္ဂလာပါ! ကျွန်မ ဒီ အစီအစဉ် မှာ လာပါဝင်မယ်လို့ ရှင်တို့ မှန်းမိခဲ့ကြလားရှင့်"

[ဒီနေ့ ကောင်မလေးက အရမ်းလှတာပဲ! မားမား ဖက်ပါရစေဦး!]

[လုယန်ရန် က ချီပိုင် ရဲ့ ပရိသတ်ဆိုတာ ငါမှတ်မိတယ် အစီအစဉ် အထိတောင် idol နောက်ကို လိုက်လာတာလား!]

[ဘာတဲ့ idol နောက်လိုက်တဲ့ ဘုရင်မတဲ့လား!!]

[လုယန်ရန် ရဲ့ idol နောက်လိုက်ပုံ- idolနဲ့အတူ အစီအစဉ် မှာ တိုက်ရိုက်ရိုက်ကူးနေတယ်။

ငါ့ရဲ့ ပရိသတ်ပုံစံ- Live ထဲမှာလား? အား အား အား!]

[နှိုင်းယှဉ်စရာ မလိုဘူး၊ ကွာဟမှုလည်း မရှိဘူး!]

လုယန်ရန် သည် ချီပိုင် ကို မြင်သောအခါ ချမ်းသာသော မိန်းကလေးတစ်ဦး၏ မာနကြီးသော ဟန်ပန်များ ပျောက်ကွယ်သွားပြီး ရှက်ရွံ့စွာဖြင့် ချီပိုင် ထံ လျှောက်သွားကာ "ချီပိုင်ကော၊ ကျွန်မက ကောရဲ့ ပရိသတ်ပါ၊ ကျွန်မတို့ ဓာတ်ပုံရိုက်လို့ ရမလား"

ချီပိုင် က နူးညံ့စွာပင် ပြန်ဖြေ၏။ "ရတာပေါ့"

သူသည် လုယန်ရန် ၏ ဖုန်းကို ယူ၍ ပိုင်ရှုချန် ကို ပေးလိုက်ပြီး ပြော၏။ "ဆရာပိုင်, နော်"

ပိုင်ရှုချန် က ရယ်မောရင်း ထိုနှစ်ဦး၏ ဓာတ်ပုံကို ရိုက်ပေးပြီး ပြော၏။

"ယန်ရန် က ချီပိုင် ကို ကြိုက်တာ ကြာပြီလို့ ကြားတယ်၊ idol နောက်လိုက်တာ အစီအစဉ် ထဲအထိတောင် ရောက်လာလိမ့်မယ်လို့ မထင်ထားခဲ့ဘူး!"

လုယန်ရန် မျက်နှာ နီမြန်းသွားကာ ဆို၏။ "ကျွန်မ ချီပိုင်ကော ကို နှစ်တွေအကြာကြီး ကြိုက်ခဲ့တာ! အစပိုင်းတုန်းက သူ့ရဲ့ 'Dream Chaser' က ကျွန်မကို ဘဝရဲ့ မှောင်မိုက်တဲ့ အခြေအနေကနေ ရုန်းထွက်နိုင်ဖို့ ကူညီပေးခဲ့တာ!"

လုယန်ရန် သည် ဘေးနားရှိ ချီပိုင် ကို ထပ်မံ ကြည့်လိုက်ရာ သူမ၏ မျက်လုံးများမှာ တောက်ပနေလေသည်။

ပိုင်ရှုချန် က ဝမ်းနည်းသည့်ဟန်ဖြင့် သက်ပြင်းချဟန်ဆောင်ကာ ပြော၏။

"နှမြောစရာပဲ၊ ကျွန်တော့်သီချင်းက အစွမ်းအစ မပြည့်စုံလို့ လုယန်ရန် ကို မှောင်မိုက်တဲ့ဘဝကနေ မကယ်နိုင်ခဲ့ဘူး!"

လုယန်ရန် က ရယ်မောရင်း ပြန်ဖြေ၏။ "ဒါပေမဲ့ ဆရာပိုင် က OST တွေ အများကြီး သီဆိုခဲ့တာပဲ၊ ဆရာက လူတိုင်းရဲ့ ရင်ထဲက အချစ်ရဲ့ နတ်ဘုရားပဲ!"

ထိုသုံးဦးသား စနောက်ကြပြီးနောက် ပိုင်ရှုချန် က အကြောင်းအရာကို အစီအစဉ်၏ လုပ်ငန်းစဉ်သို့ ပြန်လည် ဆွဲခေါ်လာ၏။

"ကဲ အခု ဧည့်သည်နှစ်ယောက် ပေါ်လာပါပြီ! Live မလွှင့်ခင် ခင်ဗျားတို့ မှန်းထားတာ မှန်ခဲ့လားတော့ မသိဘူးနော်! နောက်ထပ် တတိယဧည့်သည်ကတော့... သူက အနုပညာလောကမှာ လောလောလတ်လတ် နာမည်ကြီးလာတဲ့ မျက်နှာသစ်တစ်ဦးဖြစ်ပြီး ဒီနောက်ပိုင်း နာမည်အရမ်းတက်နေတယ်ဆိုတာတော့ ပြောပြလိုက်ပါဦးမယ်!"

ကင်မရာသည် တတိယ ကားပေါ်သို့ ရောက်ရှိသွားသည်။

ခဏမျှ စောင့်ဆိုင်းပြီးနောက်၊ ကိုယ်ကျပ်သုံးစုံဝတ်စုံနှင့် ကောင်လေးတစ်ဦး ကားထဲမှ ခန့်ညားစွာ ဆင်းလာ၏။

သူသည် ရှပ်အင်္ကျီလက်များကို ပေါ့ပေါ့ပါးပါး ခေါက်တင်ထားရာ သန်မာသော လက်မောင်းရင်းများကို မြင်တွေ့ရသည်။ သူ၏ ရှည်လျားသော ခြေထောက်များဖြင့် ရွာဝင်ပေါက်သို့ နှစ်လှမ်းသုံးလှမ်းဖြင့် လျှောက်လာပြီးနောက်၊ ကင်မရာကို ခေါင်းညိတ်ပြ၏။

[အားးးးး!!!]

[ကျင်ရိဖန်! ကျင်ရိဖန် ပဲ!]

[ငါသိသားပဲ၊ ငါ့သားလိမ္မာလေး ဒီအစီအစဉ်ကို လာပါဝင်မယ်ဆိုတာ!]

[ရယ်ရတယ်၊ ကျင်ရိဖန် က လယ်အလုပ်တွေ လာလုပ်တာလား? လယ်ကွင်းတွေ လိုက်စစ်နေတဲ့ မြေပိုင်ရှင်အိမ်က လူဆိုးလေးလိုပဲ ဝတ်ထားတာ!]

[စိတ်မရှိပါနဲ့နော်၊ ကျွန်မတို့ ဖန်ဖန် က idolမာနလေးတွေ များလို့ ခွင့်လွှတ်ပေးပါနော်~]

…

"ရိဖန် ကျွန်တော်တို့ အစီအစဉ်ကို ကြိုဆိုပါတယ်!" ပိုင်ရှုချန် က သူ့ကို ကင်မရာ၏ ဗဟိုနေရာကို စိတ်အားထက်သန်စွာ ပေးလိုက်ပြီး ပြော၏။ "ဒါရိုက်တာ ယု က ခုပဲ ပြောတယ်။ မှတ်ချက်တွေ ရူးနေပြီတဲ့။ အားလုံး ရိဖန် ကို ကြိုက်ကြပုံပဲနော်~!"

ကျင်ရိဖန် မှာ တိတ်တိတ်လေး ဝမ်းသာနေပြီး သူ့နှုတ်ခမ်းထောင့်များ အလိုအလျောက် ကော့တက်လာ၏။ သူ နှစ်ကြိမ်တိုင်တိုင် ထိန်းချုပ်ရန် ကြိုးစားသော်လည်း မအောင်မြင်သဖြင့် ခပ်ဖျော့ဖျော့အပြုံးသို့ ပြောင်းလဲလိုက်၏။

"အားလုံးရဲ့ မေတ္တာအတွက် ကျေးဇူးတင်ပါတယ်!"

ပိုင်ရှုချန် က စိတ်ကို ထိမိစေသော မေးခွန်းတစ်ခုကို မေး၏။ "ရိဖန် ကျွန်တော်တို့ ဖျော်ဖြေရေးအစီအစဉ် မှာ ပါဝင်ရတာကို ကြိုက်လား"

ကျင်ရိဖန် မှာ တအံ့တဩ ဖြစ်သွား၏။ ပိုင်ရှုချန် က ဤသို့ မေးလိမ့်မည်ဟု မမျှော်လင့်ထားသော်လည်း ချက်ချင်းပင် နာမည်ကြီး အမျိုးသားစတားတစ်ဦး၏ အရည်အချင်းကို ပြသကာ ယဉ်ကျေးစွာ ပြော၏။ "ဟုတ်ကဲ့၊ ကြိုက်ပါတယ်။ ဒီအစီအစဉ်မှာ ပါဝင်ရတာ အရမ်းပျော်ပါတယ်!"

ပိုင်ရှုချန် က ထပ်မံမေး၏။ "ဒီလိုအစီအစဉ်ကို ကြိုက်ပေမဲ့ နှစ်ရက်တစ်ညပဲ ရိုက်ရတော့တာ နှမြောဖို့မကောင်းဘူးလား"

ကျင်ရိဖန် က ရင်ဘတ်ကို ထုကာ ဟန်ဆောင်ပြောဆို၏။ "ဟုတ်တာပေါ့၊ အမြဲတမ်း ရိုက်ကူးလို့မရတာက ကျွန်တော့်အတွက် နောင်တတစ်ခုပါပဲ!"

"ကိစ္စမရှိပါဘူး!" ပိုင်ရှုချန် က စိတ်လှုပ်ရှားစွာ ပြော၏။ "ကျွန်တော်တို့ အစီအစဉ်အဖွဲ့က ခုလေးတင် ဆုံးဖြတ်လိုက်တာက မင်းကို ဧည့်သည်အဖြစ်ကနေ အစီအစဉ်တင်ဆက်သူအဖြစ် ပြောင်းလိုက်မယ်၊ မင်း ကျွန်တော်တို့နဲ့အတူ နှစ်လတိတိ မှတ်တမ်းတင်ရမယ်! နောက်ဆို နေ့တိုင်း လယ်ကွင်းထဲမှာ လယ်လုပ်ငန်းတွေ အတူတူ လုပ်လို့ရပြီ! ရိဖန်, ပျော်ရဲ့လား”

ကျင်ရိဖန်: "???"

ကျင်ရိဖန် ၏ ပြုံးနေသော မျက်နှာအမူအရာသည် ချက်ချင်းပင် ပြိုလဲသွား၏။

"ဧည့်သည်အဖြစ်ကနေ ယာယီအစီအစဉ်တင်ဆက်သူအဖြစ်... ဒါ ကျွန်တော့် အေးဂျင့်နဲ့ ဆွေးနွေးပြီးပြီလား" ကျင်ရိဖန် က နောက်ဆုံးကြိုးစားအားထုတ်မှုအဖြစ် မေးမြန်း၏။

ပိုင်ရှုချန် မှာ အံ့အားသင့်သွားပြီး "မင်း မသိဘူးလား မင်းရဲ့ ကုမ္ပဏီနဲ့ ကျွန်တော်တို့ အစီအစဉ်အဖွဲ့က Host အတွက် စာချုပ်ချုပ်ထားတာ!"

ကျင်ရိဖန်: "???"

ကျင်ရိဖန် ၏ ဦးခေါင်းထဲတွင် "ဗုံးတစ်လုံး ပေါက်ကွဲသံ" ကို ကြားလိုက်ရသကဲ့သို့ ဖြစ်ပြီး သူသည် ထိတ်လန့်တုန်လှုပ်ကာ မိုက်မဲသွားလေသည်။

[ဟားဟားဟား! ကျင်ရိဖန် မျက်နှာပျက်သွားပြီ!]

[သူ အစကတည်းက လက်မခံချင်ဘူးလို့ ထင်တာပဲ။ ဒါတွေအားလုံး စီးပွားရေးသက်သက်ပဲ! အေးဂျင့်က အတင်းအကြပ် လုပ်ခိုင်းတာလား ရယ်ရလွန်းလို့ သေတော့မယ်!]

[ကျင်ရိဖန်: ငါက အထက်တန်းလွှာ သူဌေးသားလေးပါကွာ၊ ဘယ်သူက မင်းတို့နဲ့ လယ်ထဲမှာ အလုပ်လုပ်ချင်မှာလဲ!]

…

ပိုင်ရှုချန် နှင့် ကျင်ရိဖန် တို့၏ အမှားများကြောင့် အစီအစဉ်၏ ပတ်ဝန်းကျင်သည် ပိုမို၍ အသက်ဝင်လာခဲ့သည်။

သို့သော် ဘေးနားမှ လုယန်ရန် မှာ ဒေါသထွက်နေပြီး "ဆရာပိုင်, ဘာလို့ ရှင့် အစီအစဉ်အဖွဲ့က ကျင်ရိဖန် လာမယ်ဆိုတာ စောစောကတည်းက ကြိုမပြောတာလဲ၊ သိခဲ့ရင် ကျွန်မ မလာပါဘူး။ ကံဆိုးတာပဲ!"

ဤသို့ ထင်ထင်ပေါ်ပေါ် စိန်ခေါ်မှုသည် ဧည့်သည်များနှင့် ပရိသတ်များကို တုန်လှုပ်စေခဲ့သည်။

[Fuck၊ မစ္စစ်လု နဲ့ ကျင်ရိဖန် က အဆင်မပြေကြဘူးလား? ခုပဲ ထိပ်တိုက်ရင်ဆိုင်လိုက်ပြီ! သတင်းတွေ ဘာတွေများ ရှိလို့လား?]

[သူတို့ကတော့ သိပ်ပြီး မသက်ဆိုင်ပါဘူး! ဒါပေမဲ့ ကျင်ရိဖန် က ချီပိုင် နဲ့တော့ ပတ်သက်မှုတစ်ခုခု ရှိပုံရတယ်!]

[ဒီသတင်းကို ငါတွေ့ဖူးတယ်! လွန်ခဲ့တဲ့ ငါးနှစ်က 'မူရင်းသီချင်းပြိုင်ပွဲ' မှာ အဆိုတော်သစ်တစ်ဦးက ချီပိုင် ကို ခိုးချခဲ့တာ၊ အဲဒီနောက်မှ အဲ့ဒီအဆိုတော်က ကျင်ရိဖန် ဖြစ်နေတယ်ဆိုတာ ပေါ်လာတာ!]

[အဲ့ဒါ လူနှစ်ယောက်ပါကွာ! 'မူရင်းအဆိုတော်ပြိုင်ပွဲ' က နာမည်အရင်းနဲ့ ပါဝင်ရတာ! အဲ့ဒီ အဆိုတော်သစ်က ကျင်ရိဖန် မဟုတ်ဘူး! ကျင်ရိဖန် က သူ့နာမည်အရင်း!]

…

မြင်ကွင်းပေါ်ရှိ ပတ်ဝန်းကျင်မှာ တင်းမာနေသဖြင့် ပိုင်ရှုချန် က အခြေအနေကို လျှင်မြန်စွာ ပြေလျော့စေရန် ရယ်မောလိုက်ပြီး

"အစီအစဉ်အဖွဲ့ စီစဉ်တာပါ၊ ကျွန်တော်လည်း ဧည့်သည်စာရင်းကို ဒီနေ့မှ သိရတာ! ကဲ ကဲ၊ စတုတ္ထမြောက်ဧည့်သည် ရောက်တော့မှာဆိုတော့ ဧည့်သည်တွေကို မစောင့်ခိုင်းသင့်ဘူး!"

ဖျော်ဖြေရေးအစီအစဉ် များသည် ဇာတ်လမ်းကို ပိုမို ဒရာမာဆန်အောင် ဖန်တီးလိုကြသော်လည်း အတိုင်းအတာတစ်ခုကို ထိန်းချုပ်ထားရမည်။ လွန်ကျူးသွားပါက အစီအစဉ် ရပ်ဆိုင်းခံရနိုင်သည်။

ဒါရိုက်တာ ယု ကလည်း ပူးပေါင်းဆောင်ရွက်မှု အပြည့်အဝရှိပြီး ဤနေရာတွင် လုံလောက်သော ပရိသတ်စိတ်ဝင်စားမှုကို ရရှိပြီးနောက် စတုတ္ထ ကားပေါ်သို့ ကင်မရာကို ချက်ချင်း လှည့်လိုက်၏။

"ဒါဆို စတုတ္ထဧည့်သည်က ဘယ်သူလဲ" ပိုင်ရှုချန် က လျှို့ဝှက်ထားဆဲဖြစ်ပြီး "ကဲ... နောက်ဆုံး လျှို့ဝှက်ချက်ကို အတူတူ ဖော်ထုတ်ကြရအောင်!"

စတုတ္ကကားသည် ရွာဝင်ပေါက်တွင် ရပ်တန့်လိုက်သည်။

ဧည့်သည်များအားလုံး စိတ်ဝင်တစား ဟန်ဆောင်ကာ ကားကို တစ်ပြိုင်နက်တည်း ကြည့်လိုက်ကြ၏။

နောက်တစ်စက္ကန့်တွင် ကား၏ တံခါးပွင့်လာပြီး အဖြူရောင် ပေါ့ပေါ့ပါးပါး အားကစားဝတ်စုံ ဝတ်ဆင်ထားသော အမျိုးသားတစ်ဦး ကားထဲမှ ဆင်းလာ၏။

သူ့တွင် အလှဆင်ပစ္စည်းများ များစွာမရှိ၊ ရိုးရှင်းသော အားကစားဝတ်စုံနှင့် နေရောင်ခြည်ဒဏ်မှ ကာကွယ်ရန် ဘေ့စ်ဘောဦးထုပ်တစ်လုံးသာ ရှိသည်။ သို့သော် အဘယ်ကြောင့်မသိ၊ သူ ပေါ်လာသည်နှင့် တစ်ပြိုင်နက် လူတိုင်း၏ အာရုံကို ချက်ချင်း ဖမ်းစားနိုင်ခဲ့သည်။

ရွာဝင်ပေါက်တွင် တိတ်ဆိတ်ငြိမ်သက်နေပြီး အသက်ရှူသံပင် ပျောက်ကွယ်သွားသကဲ့သို့ ဖြစ်နေ၏။

မှတ်ချက်များပင် ခဏတာ တိတ်ဆိတ်သွားသည်။

ခဏအကြာတွင် လူတိုင်း နောက်ဆုံးတော့ တုံ့ပြန်နိုင်ခဲ့ကြသည် -

[Fuck!!!]

[Fuck!!!]

[Fuck!!!]

[ငါ မျက်စိများ မှားနေတာလား? ရှဲ့ကျစ်ရှင်းက ဖျော်ဖြေရေးအစီအစဉ် ကို လာပါဝင်တာလား? သူ တကယ်ကြီး လာတာလား?!]