မင်းအတွက် တရားမျှတမှု ရှာပေးမယ်

အကျဉ်းသားငါးဦးသည် သူတို့အရှေ့မှ မြင်ကွင်းကို ကြည့်၍ အေးစက်သောလေကို ရှူသွင်းလိုက်ရသည်။

ရွှီဖန်းက ကုတင်ပေါ်တွင် ကျေနပ်စွာ လှဲလျောင်းနေပြီး လှုပ်ရှားမည့်လက္ခဏာ လုံးဝမပြပေ။

အကျဉ်းသားအသစ်ကတော့ နံရံထက်တွင် ပင့်ကူမျှင်ကဲ့သို့ အက်ကွဲကြောင်းများ ဖြစ်ပေါ်

စေသည်အထိ ရိုက်မိကာ မြေပြင်ပေါ် လဲကျ၍ သွေးလတ်လတ်ဆတ်ဆတ်များ အန်ထုတ်နေ၏။

ဟွမ်းယွမ်က သူ့ဘာသာသူ ပျံထွက်သွားတာလား။ ဂြိုဟ်သားတွေပဲ ဝင်ရောက်စွက်ဖက်လိုက်တာလား။ မဖြေရှင်းနိုင်သေးတဲ့ ကမ္ဘာ့ထိပ်တန်းနက်နဲမှုဆယ်ခုလား။ 

မဟုတ်ဘူး! မဟုတ်ဘူး!

ထိုအချက်အားလုံးကို ဖယ်ရှားလိုက်လျှင် ဖြစ်နိုင်ခြေတစ်ခုတည်းသာ ကျန်တော့၏။ ၎င်းမှာ ရွှီဖန်းက သူ့လက်ချောင်းကို လှုပ်လိုက်ခြင်း သို့မဟုတ် လေပြင်းပြင်းရှုလိုက်ခြင်းကြောင့် ဖြစ်လိမ့်မည်။

ရွှီဖန်း၏ကန်ချက်က ငါးမန်းသွားကို ခြေထောက်ပြတ်စေခဲ့သည်။ သံတိုင်များကိုပင် စက်ဝိုင်းဝက်ပုံစံ ဖြစ်စေခဲ့၏။ အကျဉ်းသားငါးဦးကိုလည်း သေလောက်အောင် ကြောက်လန့်စေခဲ့သည်။

ယခု အကျဉ်းသားငါးဦးသည် ရွှီဖန်း၏အံ့သြဖွယ် ကိုယ်ခံပညာကို မြင်တွေ့ရသောအခါ ရွှီဖန်းကို ကြည့်သည့် သူတို့၏အကြည့်များက  ပို၍ပို၍ တောက်လောင်လာသည်။ သတိမထားမိဘဲ သူတို့၏ သဘောထားများကလည်း ပို၍ နှိမ့်ချလာ၏။

ရွှီဖန်းသည် သူ့ခန္ဓာကိုယ်ကို ဖြောင့်လိုက်သော်လည်း ကုတင်ပေါ်ကနေ မဆင်းပေ။ ထိုအစား ခြေချိတ်ထိုင်ကာ လက်ဝှေ့ယမ်း၍ ညွှန်ကြားလိုက်သည်။

"သူ့ကို ခေါ်လာခဲ့"

အကျဉ်းသားငါးဦးက ဟွမ်းယွမ်ရှိရာသို့ ပြေးခေါ်ရန် အပြိုင်ကြိုးစား​နေကြသည်။ သူတို့ ဟွမ်းယွမ်ကို ဖမ်းဆွဲကာ ရွှီဖန်းအရှေ့သို့ ခေါ်သွားလိုက်၏။

ရွှီဖန်းသည် ဟွမ်းယွမ်၏သွေးဖိအားအမှတ်များကို ချက်ချင်း မဖွင့်ပေးခဲ့ပေ။ ထိုအစား သူ ခြေချိတ်ထိုင်လျက် ဟွမ်းယွမ်၏ ဖြူဖျော့နေသော မျက်နှာကို တိတ်တဆိတ် စောင့်ကြည့်နေခဲ့သည်။

ဟွမ်းယွမ် အခန်းထဲ ဝင်လာစဥ်ကတည်းက ရွှီဖန်းသည် သူ့ဆီကနေ သေခြင်းတရား၏အော်ရာကို ခံစားခဲ့ရ၏။ ယခု ဟွမ်းယွမ်၏အမူအရာနှင့် ဟွမ်းယွမ်က သူ့ကို ရုတ်တရက် ထကိုက်ရန် ကြိုးစားခဲ့သည်ကို မြင်သောအခါ သူနောက်ဆုံးမှာတော့ နားလည်သွားလေပြီ။

ဒီဟွမ်းယွမ်က သေစေနိုင်သော ဗိုင်းရပ်စ်တစ်မျိုးကို ကူးစက်ခံထားရတာ ဖြစ်နိုင်သည်။

လျိုမိသားစု၏စွမ်းရည်နှင့် လျိုဟွာ၏ "စိတ်ဝိညာဥ်မွမ်းမံခြင်း" နည်းလမ်းကို ဖန်တီးနိုင်သော စွမ်းရည်အရ ဒီလိုအဆိပ်ရှိသည့် ခန္ဓာကိုယ်ပိုင်ရှင်ကို ထောင်ထဲပို့ခြင်းမှာ ခက်ခဲသောအလုပ် မဟုတ်ပေ။

ရုတ်တရက် အကိုက်ခံလိုက်သည်နှင့် ရလဒ်က စိတ်ကူးကြည့်လို့တောင် မရနိုင်ပေ။

ရွှီဖန်းက မျက်မှောင်အနည်းငယ် ကြုတ်၍ စဉ်းစားနေစဉ် သူ့အရှေ့က အကျဉ်းသားငါးဦးကတော့ ချွေးများရွှဲနေလေ၏။ ရွှီဖန်းက သတိမထားမိဘဲ ထုတ်

လွှတ်မိခဲ့သော ဖိအားက စိတ်အားငယ်နေသည့် အကျဉ်းသားငါးဦးအတွက်တော့ တောင်ငယ်လေးတစ်လုံးလို လေးလံနေခဲ့သည်။

နောက်ဆုံးမှာတော့ ရွှီဖန်းသည် သူ့လက်ကို အနည်းငယ် ဝှေ့ယမ်းလျက် ဟွမ်းယွမ်ကို လွှတ်ပေးရန် လူငါးယောက်ကို အချက်ပြလိုက်၏။ တစ်ချိန်တည်းမှာပင် ဟွမ်းယွမ်၏သွေးဖိအားအမှတ်များကိုပါ ဖွင့်ပေးလိုက်သည်။

ဟွမ်းယွမ်သည် ချက်ချင်းပင် မြေပြင်ပေါ် ဒူးထောက်ကျလာပြီး သွေးများစွာ အန်ထုတ်လာ၏။

ရွှီဖန်းက သူ၏ခွန်အားဆယ်ပုံတစ်ပုံမျှသာ တမင်သုံးခဲ့သော်လည်း ဤစာပေနှင့် အနုပညာလိုက်စားသည့် လူငယ်အတွက်မူ ခံနိုင်ရည်ရှိလိမ့်မည်မဟုတ်ပေ။

"မင်းက လျိုမိသားစုရဲ့ ခွေးလား ဒါမှမဟုတ် လီရှို့ရဲ့ ခွေးလား"

ရွှီဖန်းသည် မြေပြင်ပေါ် ဒူးထောက်နေသည့် ဟွမ်းယွမ်ကို ငုံ့ကြည့်ကာ အေးစက်နေသောအသံဖြင့် မေးလိုက်သည်။

ဟွမ်းယွမ်ကမူ မြေပြင်ပေါ်တွင် ဒူးထောက်လျက် စိတ်ပျက်အားငယ်နေသော အမူအရာဖြင့် ခေါင်းငုံ့ထား၏။ သူ့ပါးစပ်ထဲမှ သွေးများစီးကျနေပြီး သူ့ခန္ဓာကိုယ်က တုန်ယင်နေလေသည်။ သူ ကြောက်ရွံ့ပုံရသော်လည်း ရွှီဖန်း၏မေးခွန်းကိုမူ ပြန်တုံ့ပြန်ခြင်းမရှိခဲ့ပေ။

ရွှီဖန်းသည် သေလုမြောပါးလူတစ်ဦးနှင့် သဘာဝကျစွာ အငြင်းမပွားပေ။ သူ၏အေးစက်သောအသံထဲ၌ စိတ်မဝင်စားမှုများ ပြည့်နှက်နေ၏။

"တစ်မိနစ်အတွင်း ငါ့အတွက် အသုံးဝင်တဲ့အရာတစ်ခုခုကို ကြားချင်တယ်၊ မဟုတ်ရင် မင်း မသေခင်မှာ မင်းဘေးနားက လူငါးယောက်က မင်းကို အများကြီးဒုက္ခပေးလိမ့်မယ်"

အကျဉ်းသားငါးဦးသည် သူတို့၏အင်္ကျီလက်များကို ဆက်တိုက်လိပ်တင်ပြလျက် သူတို့၏ကြောက်မက်ဖွယ်ကောင်းသောဘက်ခြမ်းကို ပြသလာကြသည်။

"ဆရာရွှီ ကျွန်တော့်ကို လွှဲပေးလိုက်ပါ၊ ကျွန်တော်က ဝန်ခံချက်ဇွတ်ယူတဲ့နေရာမှာ ကျွမ်းတယ်၊ ဒါက ငါးမန်းသွားဂိုဏ်းအတွက် ကျွန်တော် လုပ်ပေးခဲ့တဲ့အရာပဲ"

"ဆရာရွှီ ကျွန်တော့်ကို အရင်လွှဲပေးပါ၊ ကျွန်တော် ဒီလို စာပေဆန်တဲ့အသားလတ်လတ်ဆတ်ဆတ်တွေကို အကြိုက်ဆုံးပဲ၊ ပုံမှန်အားဖြင့် အမြဲတွေ့နေရတဲ့ သူတို့တွေက ကျွန်တော့်ညီအစ်ကိုတွေဖြစ်ပြီး ကြီးမားပြီးထူထဲတယ်၊ ကျွန်တော် မဝါးနိုင်ဘူး"

အကျဉ်းသားငါးဦးသည် ဆူညံစွာဖြင့် ရယ်မောလာကြပြီး ဟွမ်းယွမ်အား ကြောက်စရာကောင်းသောသွားများကို လှစ်ဟပြလာကြ၏။

အလွန်ဆိုးသွမ်းသော အကျဉ်းသားငါးဦး၏အရှေ့တွင် ဟွမ်းယွမ်၏ စိတ်ပိုင်းဆိုင်ရာခုခံကာကွယ်မှုများက လုံးဝပြိုကွဲသွားခဲ့သည်။

ရွှီဖန်း လေးနက်သောအသံဖြင့် မေးလိုက်၏။

"ပြော မင်းက ဘယ်သူ့ခွေးလဲ"

ဟွမ်းယွမ်သည် ကြက်သွန်ဖြူကဲ့သို့ ခေါင်းငုံ့လျက်ရှိကာ မြေပြင်ပေါ် ဒူးထောက်နေသည်။

"ကျွန်တော်က ခွေးတစ်ကောင်မဟုတ်ပါဘူး...တက္ကသိုလ်ကျောင်းသားတစ်ယောက်ပါ၊ ဒီနှစ်က ကျွန်တော့်ရဲ့တတိယနှစ်ပါ၊ သူတို့က ဘာကြောင့်မှန်း မသိပေမယ့် ကျွန်တော့်ကိုဖမ်းပြီး ဆေးရည်တစ်မျိုးပေးခဲ့တယ် ပြီးတော့ ကျွန်တော့်ကို ဒီပို့လိုက်တယ်၊ ခင်ဗျားကို ကိုက်လိုက်ရုံနဲ့ ဖြေဆေးပေးမယ်လို့ သူတို့ ပြောတယ်"

ရွှီဖန်းက လက်တစ်ဖက်အား သူ့မေးစေ့ပေါ်သို့ ညင်သာစွာ တင်လိုက်သည်။ သူ့အမူအရာက တည်ငြိမ်နေ၏။ သို့သော် သူ့အသံကတော့ ဓားကဲ့သို့ အေးစက်နေသည်။

"နောက်ထပ် စက္ကန့်၂၀ ပဲ ကျန်တော့တယ်"

"ဆရာရွှီ အိတ်ခ်ျအိုင်ဗွီပါ! ကျွန်တော် အိတ်ခ်ျအိုင်ဗွီ ကူးစက်ခံထားရတယ်... ပြီးတော့ လူမည်းအုပ်စုတစ်စု က ကျွန်တော့်ကိုရှာတွေ့ပြီး သူတို့လက်ထဲမှာ ကျွန်တော့်ရည်းစားရှိတယ်လို့ ပြောခဲ့တယ်၊ သူတို့အတွက်တစ်ခုခုလုပ်ခိုင်းတယ်၊ ကျွန်တော် ဘာမှ မတတ်နိုင်ခဲ့ပါဘူး!"

ရွှီဖန်း မျက်ခုံးအနည်းငယ်ပင့်မိကာ ဟွမ်းယွမ်အား မေးလိုက်၏။

"မင်း ရည်းစားနဲ့ဘယ်တုန်းက တွေ့တာလဲ၊ အိတ်ခ်ျအိုင်ဗွီကိုရော ဘယ်တုန်းက ရခဲ့တာလဲ"

ဟွမ်းယွမ်၏မျက်နှာအမူအရာက အနည်းငယ် ရှက်ရွံ့နေသည်။ သို့သော် သူက ပြန်ဖြေလာ၏။

"ကျွန်တော့်ရည်းစားနဲ့ တွေ့တာ ရက်အနည်းငယ်ပဲ ရှိပါသေးတယ်၊ HIV ကူးစက်ခံထားရတာက ဒီနေ့မှ သိရတာပါ"

ရွှီဖန်း ခေါင်းခါယမ်းလိုက်ကာ သနားစိတ်အပြည့်ဖြင့် ဟွမ်းယွမ်အား ကြည့်လိုက်သည်။ ဤလူသည် လျိုဟွာ သို့မဟုတ် လီရှို့၏ ခွေးမဟုတ်တာ မှန်ပေ၏။

သို့သော် သူက ပို၍ပင် သနားစရာကောင်းနေသည်။ သူ့ကို လူတစ်ယောက်က အသုံးချလိုက်ခြင်းဖြစ်၏။

ရွှီဖန်းက ဘာမှမပြောသော်လည်း ကျန်သည့် အကျဉ်းသားငါးဦးကတော့ သူ့ကို စတင်

လှောင်ပြောင်လာကြသည်။

"ဟူး... ရက်အနည်းငယ်ပဲသိသေးတာကို HIVက ကူးစက်ခံရပြီ၊ ဒီခေတ် တက္ကသိုလ်ကျောင်းသားတွေက တကယ်ကို ပွင့်လင်းကြတာပဲ"

"ဒီကောင်လေးက ဘယ်လိုသေသွားရမှန်းတောင် မသိဘဲ မသေခင်မှာ သူများကို ပိုက်ဆံသွားပေးနေသေးတာပဲ!"

ဟွမ်းယွမ်၏မျက်နှာက ဖြူဖျော့သွားသည်။ သူ ရူးသွပ်စွာ ခေါင်းခါလိုက်၏။ သူ့မျက်လုံးထဲမှ မျက်ရည်များ စီးကျလာကာ တီးတိုးရေရွတ်လာသည်။

"မဖြစ်နိုင်ဘူး! ရှောင်ချန်က ကျွန်တော့်ကို ဒီလို လုပ်မှာမဟုတ်ဘူး!"

ရွှီဖန်းသည် ရူးသွပ်နေသော ဟွမ်းယွမ်ကို ကြည့်၍ မေးလိုက်၏။

"မင်းက တက္ကသိုလ်ကျောင်းသားဆိုတော့ HIV ပျံ့နှံ့နည်းသုံးမျိုးကို သိသင့်တယ်၊ စဉ်းစားကြည့်... မင်း ကိုယ်တိုင်က HIV ဘယ်လိုကူးစက်ခံလိုက်ရတာလဲ"

ရွှီဖန်းသည် ထိုသို့ပြောပြီးနောက် ဘာမှဆက်မပြောတော့ပေ။ သူ အကျဉ်းသားအချို့အား မီးပိတ်ရန် ညွှန်ကြားလိုက်ရာ သေးငယ်သော အကျဥ်းထောင်လှောင်အိမ်လေးသည် မှောင်မိုက်မှုနှင့်အတူ တိတ်ဆိတ်မှုဆီသို့ ပြန်လည်ရောက်ရှိသွားခဲ့သည်။ ဟွမ်းယွမ်၏ နာကျင်နေသော အော်ဟစ်သံများကသာ ထောင်ထဲတွင် ပဲ့တင်ထပ်နေ၏။

ရွှီဖန်း၏မျက်နှာက ရေခဲလိုအေးစက်နေသည်။ ထိုအော်သံက သူ့အပေါ် လုံးဝ မသက်ရောက်ပုံရ၏။

HIVရောဂါရှိသောလူများအား ကယ်တင်ရန် ရွှီဖန်းထံ၌ ယုံကြည်မှု မရှိပေ။ ထို့အပြင် သူတို့က သူစိမ်းများ ဖြစ်တာကြောင့် ထိုသနားစရာကောင်းသော သူစိမ်းအား ကူညီရန်အတွက် ရွှီဖန်းထံ၌ စိတ်အားထက်သန်မှု မရှိခဲ့ပေ။

ရွှီဖန်းသည် ကြင်နာသူတစ်ဦး မဟုတ်သလို လူကြီးလူကောင်းတစ်ဦးလည်း မဟုတ်ပေ။ သူ တစ်နိုင်ငံလုံးကို အုပ်ချုပ်နိုင်ရန်အတွက် သူ့ကိုယ်သူ ကျင့်ကြံမည်မဟုတ်သလို ကမ္ဘာကြီးကိုလည်း ကယ်တင်မည်မဟုတ်ပေ။ သူ လွတ်လွတ်လပ်လပ် နေထိုင်ချင်ရုံသာ ဖြစ်၏။

သူ ဟွမ်းယွမ်နှင့် စကားများစွာပြောခဲ့ရသည့် အကြောင်းရင်းမှာ သဘာဝကျစွာပင် လီရှို့အား ကိုင်တွယ်ဖြေရှင်းရန်ဖြစ်သည်။

လီရှို့ထံ၌ ထူးခြားသည့်အထောက်အထားရှိ၏။ သူ့အမြင်ထဲတွင် လီရှို့က သေဆုံးသင့်သည်ဟု ထင်နေသော်လည်း သူက ရဲစခန်းမှာဖြစ်ပြီး ရဲစခန်းတွင် သတ်ဖြတ်၍မရပေ။ ဟွမ်းယွမ်၏ပေါ်ထွက်လာမှုက ရွှီဖန်းအား အကြံတစ်ခုကို ပေးစွမ်းနိုင်ခဲ့သည်။

သူများတွေ သူ့ကို လုပ်သကဲ့သို့ သူ ပြန်လုပ်မည်ပင်။

ရွှီဖန်း စောင့်နေခဲ့၏။

သူ ပြောသင့်တာတွေလည်း ပြောခဲ့ပြီးလေပြီ။ ဟွမ်းယွမ်က ရူးနေတာသာ မဟုတ်လျှင် သူ အသုံးချခံရသည်ဆိုတာကို နားလည်လာလိမ့်မည်။ ဟွမ်းယွမ်သာ နည်းနည်းလေး သတ္တိရဲလျှင် လက်စားချေချင်လိမ့်မည်။ ဟွမ်းယွမ် တစ်ခုခုပြောလာမည်ကို ရွှီဖန်း စောင့်နေခဲ့သည်။

ရွှီဖန်းကို စိတ်ပျက်စေခြင်း မရှိခဲ့ပေ။ ခဏအကြာတွင် ဟွမ်းယွမ်က သူ့မျက်ရည်များကို သုတ်လာခဲ့၏။ အဆုံးမဲ့သောအမှောင်ထုထဲတွင် နက်ရှိုင်းသည့်ရန်ငြိုးများဖြင့် ပြည့်နှက်နေသောအသံက ထွက်ပေါ်လာခဲ့သည်။

"ဆရာရွှီ ကျွန်တော် မကျေနပ်ဘူး"

ရွှီဖန်း၏အမူအရာက တည်ငြိမ်နေ၏။ သူ လေးနက်သောအသံဖြင့် ပြောလိုက်သည်။

"ငါ့ကို တစ်ခုကူညီပေးရင် မင်းအတွက် တရားမျှတမှုရှာပေးမယ်"

**********************