တစ်ဝက်တစ်ပျက်အနှိုင်းမဲ့နတ်ဘုရားစွမ်းအား

“သူက တော်တော်သန်မာတာပဲ”

ဘေးကနေစောင့်ကြည့်နေသော လင်းကျန့်က သက်ပြင်းချလိုက်မိ၏။

ပုံမှန်အခြေအနေအောက်မှာဆိုလျှင် ကောင်းကင်ဘုံကပ်ဘေးကိုးခုထဲက ကိုးခုကနေ ထုတ်ဖော်လိုက်သော စွမ်းအားကပင်လျှင် အင်မော်တယ်ဘုရင်ပညာရှင်တစ်ဦးကို သက်ပြင်းချစေနိုင်မည် မဟုတ်ပေ။

သို့သော်လည်း နှစ်ဦးနှစ်ဖက်ကြားတိုက်ပွဲက အထွတ်အထိပ်တိုက်ခိုက်ရည်ခွန်အားအထိ ရောက်ရှိလာခဲ့ပြီဖြစ်ပြီး သူ့ကိုပင်လျှင် မျက်စိပွင်းနားပွင့်ဖြစ်လာစေ၏။

လူသားဧကရာဇ်လင်းကျန့်မှာ စွမ်းအားကြီးမားသော သွေးချီနှင့် ပြိုင်ဘက်ကင်း ကိုယ်ကာယရှိလေသည်။ သူသည် အနီးကပ်တိုက်ခိုက်ရည်မှာ အသန်မာဆုံးဖြစ်ခဲ့သည်။

ကျင့်ကြံမှုနယ်ပယ်တူများကြားတွင် သူ၏ အနီးကပ်တိုက်ခိုက်မှုများကို ခုခံနိုင်သော အင်မော်တယ်ဘုရင်ပညာရှင်များက လက်တစ်ဆုပ်စာသာ ရှိလေသည်။

သို့သော် ယခု သူသည် ဆူဇီမို၏ နေရာမှာ ရှိနေမည်ဆိုလျှင် သူသည် ဤမြင့်မားသော သတ္တဝါ၏ တိုက်ခိုက်မှုများကို ခံနိုင်ရည်ရှိလိမ့်မည်မဟုတ်ဟု လင်းကျန့်က ခံစားနေရသည်။

အနီးကပ်တိုက်ခိုက်ရည်မှာ ခေါင်းသုံးလုံး လက်ခြောက်ဖက်သည် လူတစ်ယောက်၏ တိုက်ခိုက်ရည်ခွန်အားကို အတိုင်းအတာတစ်ခုအထိ မြင့်တက်လာစေနိုင်သည်။

ထို့သို့ဆိုလျှင် ခေါင်းလေးလုံး လက်ရှစ်ဖက်သည် ကျင့်ကြံသူတစ်ယောက်၏ တိုက်ခိုက်ရည်ခွန်အားကို ပို၍ပင်မြင့်တက်လာစေပေလိမ့်မည်။

လင်းကျန့်က လေးနက်သောအသံဖြင့် ပြောလိုက်၏။

“အဲဒီအနှိုင်းမဲ့နတ်ဘုရားစွမ်းအားက အနီးကပ်တိုက်ခိုက်ရည်မှာ တကယ့်ကို အသန်မာဆုံး ဓမ္မတာအိုပဲ”

အင်မော်တယ်ဘုရင်မ လင်းလုံက ခေါင်းညိတ်ပြ၍ ခဏမျှရပ်တန့်ပြီးနောက် ခေါင်းခါပြလိုက်၏။

သူမ၏ ထင်မြင်ချက်အရ ဆူဇီမိုအတွက် ခေါင်းလေးလုံး လက်ရှစ်ဖက်၏ အရေးပါမှုသည် အနီးကပ်တိုက်ခိုက်ရည်ခွန်အားကို တိုးမြှင့်ပေးနိုင်သော အနှိုင်းမဲ့နတ်ဘုရားစွမ်းအားတစ်ခုမျှသာ မဟုတ်လောက်ပေ။

သမိုင်းတစ်လျှောက်မှာ အနီးကပ်တိုက်ခိုက်ရည်မှာ ကျွမ်းကျင်သော ပြိုင်စံရှားများနှင့် ပြန်ဝင်စားမွန်းစတားများ မရေမတွက်နိုင်အောင် ရှိခဲ့ကြသည်။ အဲဒါက အနီးကပ်တိုက်ခိုက်ရည်ကို မြှင့်တင်ပေးနိုင်သည့် အနှိုင်းမဲ့နတ်ဘုရားစွမ်းအားတစ်ခုသာ ဖြစ်မည်ဆိုလျှင် အဲဒါကို ယခုအချိန်အထိ အဆင့်ဆင့်လက်ဆင့်ကမ်းလာခဲ့ကြပေလိမ့်မည်။

သို့သော်လည်း ခေါင်းလေးလုံး လက်ရှစ်ဖက်က ပျောက်ကွယ်သွားခဲ့သည်မှာ အရမ်းကို ကြာညောင်းခဲ့ပြီဖြစ်လေသည်။

အစကတော့ ၎င်းသည် မဟာဧကရီ မိုးကောင်းကင်ကိုးလွှာ ဆန်းကြယ်အပျိုစင်၏ ခေတ်မှာ ပေါ်ထွက်လာခဲ့ပြီးနောက် နှစ်ပေါင်းမရေမတွက်နိုင်အောင် ဆိတ်သုန်းပျောက်ကွယ်သွားခဲ့သည်။

နောက်ဆုံးမှာ ၎င်းသည် ဒီဘက်မျိုးဆက်တွင် တစ်ဖန်ပြန်လည်ပေါ်ထွက်လာခဲ့လေပြီ။

တောင်ကြားအထက်မှာ ခေါင်းသုံးလုံး လက်ခြောက်ဖက်နှင့် နတ်ဘုရားလက်နက်လေးခုကို ကိုင်စွဲထားသည့် ဆူဇီမိုက ခေါင်းလေးလုံး လက်ရှစ်ဖက်နှင့် ဓမ္မရတနာခြောက်ခုကို ကိုင်စွဲထားသည့် မြင့်မားသောသတ္တဝါနှင့် အဆက်မပြတ် ဆန့်ကျင်တိုက်ခိုက်နေ၏။

ဆူဇီမို၏ အနီးကပ်တိုက်ခိုက်ရည်သည် အလွန်တရာသန်မာပြီး သူ၏ တိုက်ခိုက်မှုများက ပြင်းထန်ကြမ်းတမ်းလေသည်။ တစ်ခါတစ်ရံမှာ သူသည် နဂါးတစ်ကောင်နှင့်ဆင်တူပြီး တစ်ခါတစ်ရံမှာ သူသည် အနာကွန်ဒါတစ်ကောင်အဖြစ် ပြောင်းလဲသွားပုံရသည်။ တစ်ခါတစ်ရံမှာ သူသည် မျောက်ဝံတစ်ကောင်ကဲ့သို့ ပေါ့ပါးဖျတ်လတ်နေပြီး တစ်ခါတစ်ရံမှာ သူသည် ကျားတစ်ကောင်ကဲ့သို့ ကြမ်းကြုတ်ခက်ထန်နေ၏။

မဟာအရိုင်းကမ္ဘာမှာ သားရဲဘုရင် ၁၂ပါး၏ ဂမ္ဘီရကျင့်စဉ်ကနေ သူသင်ယူထားခဲ့သည့်အရာအပြင် သူ၏ အနီးကပ်တိုက်ခိုက်ရည်အတတ်များသည် မရေမတွက်နိုင်သော သေခြင်းရှင်ခြင်းအတွေ့အကြုံများနှင့် သွေးလွှမ်းတိုက်ပွဲများကနေတစ်ဆင့် မီးဆေးထားခဲ့လေပြီ။

သူတက်လှမ်းလာပြီးကတည်းက ဤအဆင့်အရောက်တွင် ယွင်ထင်ကဲ့သို့ ရှားရှားပါးပါး ပြန်ဝင်စားမွန်းစတားတစ်ဦးပင်လျှင် သူ၏ ဖိနှိမ်ခြင်းကို ခံခဲ့ရ၏။

သို့သော် ယခု ဆူဇီမိုသည် ခေါင်းလေးလုံး လက်ရှစ်ဖက်နှင့် မြင့်မားသောသတ္တဝါနှင့် ရင်ဆိုင်ရချိန်မှာ အရေးနိမ့်နေလေသည်။

အစကတော့ နှစ်ဖက်စလုံးသည် သူတို့၏ တိုက်ခိုက်မှုများကို ထိန်းထားနိုင်ကြဆဲဖြစ်၏။

အချိန်ကြာလာသည်နှင့်အမျှ ဆူဇီမို၏ တိုက်ခိုက်မှုများက လျော့ကျလာပြီး သူက နောက်ဆုံးမှာ အသည်းအသန်ခုခံရသော အခြေအနေသို့ ရောက်ရှိလာခဲ့၏။

တကယ်ဆို ဆူဇီမိုသည် နန်းတော်ကိုးဆောင် လှပသိမ်မွေ့ခြေလှမ်းများကိုပင် ထုတ်ဖော်ခဲ့ပြီး မြင့်မားသောသတ္တဝါ၏ တိုက်ခိုက်မှုများကို ဖြေရှင်းလိုလေသည်။

သို့သော်လည်း သူက ထိုခြေနင်းကွက်ကို ထုတ်ဖော်သည့်အခါ မြင့်မားသောသတ္တဝါကလည်း သူ့နောက်သို့ အရိပ်တစ်ခုပမာ လိုက်ပါလာ၏။ ထိုသူကလည်း နန်းတော်ကိုးဆောင် လှပသိမ်မွေ့ခြေလှမ်းကို ထုတ်ဖော်ပြီး ထပ်ကြပ်မကွာ လိုက်ပါလာခဲ့လေသည်။

ကောင်းကင်ဘုံကပ်ဘေးကိုးခုထဲက ကိုးခုနှင့် ရင်ဆိုင်ခဲ့ရသော ရှေးဟောင်းခေတ်ဆက်ဆက်မှ မရေမတွက်နိုင်သော ပြန်ဝင်စားမွန်းစတားများ၏ မှတ်ဉာဏ်များသည် ဤမြင့်မားသော သတ္တဝါထံမှာ စုစည်းရောက်ရှိနေလေသည်။

နန်းတော်ကိုးဆောင် လှပသိမ်မွေ့ခြေလှမ်းကို သူက ထုတ်ဖော်နိုင်သည်မှာ အံ့အားသင့်စရာ မရှိပေ။

“သူက အရမ်းကို ပြင်းထန်ကြမ်းတမ်းတာပဲ”

အင်မော်တယ်ဘုရင်မ လင်းလုံ၏ အမူအရာက တည်တံ့လာပြီး သူမ၏ မျက်လုံးထဲမှာ နက်ရှိုင်းသော စိုးရိမ်မှုတစ်ခု ရှိလာခဲ့သည်။

“ဒီသတ္တဝါရဲ့ အနီးကပ်တိုက်ခိုက်ရည်နည်းစနစ်အတော်များများကို ငါတစ်ခါမှတောင် မမြင်ဖူးခဲ့ဘူး”

လင်းကျန့်ကလည်း ခေါင်းညိတ်ပြလိုက်၏။

“နှစ်ဖက်စလုံးက ခွန်အားချင်းယှဉ်ရင် သိပ်မကွာလောက်ဘူး… ဒါပေမဲ့ ဒီသတ္တဝါက တိုက်ခိုက်ရည်အတတ်တွေမှာ ပိုပြီးတော့ သန်မာနေတယ်… နောက်ထပ် ခေါင်းတစ်လုံး လက်နှစ်ဖက်အပိုနဲ့ဆို ဇီမိုက လုံးဝအားသာချက်မရှိတော့ဘူး”

အင်မော်တယ်ဘုရင်မ လင်းလုံက ပြောလိုက်၏။

“ဇီမိုရဲ့မျိုးဆက်သွေးက ထူးခြားတယ်… သူက ဒီသတ္တဝါကို ခုခံထားပြီး အချိန်ဆက်ဆွဲထားမယ်ဆိုရင် သူက အလှည့်အပြောင်းတစ်ခုကို ဖြစ်စေနိုင်လောက်တယ်”

အစိမ်းရောင်ကြာပန်းအစစ်အမှန်ခန္ဓာ၏ သွေးချီက သန်မာအားကောင်းပြီး သက်လုံအားမှာ အထူးပြုလေသည်။

သို့သော်လည်း လင်းကျန့်က သူ၏ ခေါင်းကို ညင်သာစွာ ခါပြလိုက်၏။

“ပြောလို့မရဘူး… ဒီသတ္တဝါကို ကောင်းကင်ဘုံကိုးခုထဲက ကိုးခုရဲ့စွမ်းအားကနေ စုဖွဲ့ထားတာပဲ… ကောင်းကင်ဘုံကပ်ဘေးက မပျက်ပြယ်သရွေ့ သူ့ရဲ့ခွန်အားကလည်း လျော့ကျသွားမှာ မဟုတ်လောက်ဘူး”

“ဒီအတိုင်းသာဆက်သွားရင် ဇီမိုရဲ့မျိုးဆက်သွေးကတောင် အရင်တောင့်မခံနိုင်တာဖြစ်လိမ့်မယ်”

တကယ်တမ်းမှာ ဆူဇီမိုမှာလည်း ထို့ကဲ့သို့အတွေး ရှိခဲ့လေသည်။ သူက ဤမြင့်မားသောသက်ရှိ၏ စွမ်းအားကို တတ်နိုင်သမျှ လျော့ကျစေချင်လေသည်။

သို့သော်လည်း အတန်ကြာအောင်တိုက်ခိုက်ပြီးနောက် မြင့်မားသောသက်ရှိကနေ ထုတ်ဖော်ထားသည့် စွမ်းအားက အားနည်းလာမည့် မည်သည့်လက္ခဏာမှ မပြသပေ။

သို့သော်လည်း သူသည် ဤကဲ့သို့ ပြင်းထန်ကြမ်းတမ်းသော ခုခံတိုက်ခိုက်မှုတစ်ရပ်အောက်မှာ အားနည်းမှုကို ခံစားလာရပြီဖြစ်၏။

“ငါ ဒီအတိုင်း အချိန်ဆက်ဆွဲနေလို့ မရတော့ဘူး”

ထိုအတွေးနှင့်အတူ ဆူဇီမို၏ မျက်လုံးသုံးစုံက သိပ်သည်းစုဖွဲ့၍ ဝင်းလက်တောက်ပလာ၏။

သူ၏ အော်ရာက ဆပွားမြှင့်တက်လာခဲ့သည်။

ခေါင်းလေးလုံး လက်ရှစ်ဖက်နှင့် မြင့်မားသောသတ္တဝါကို အနှိုင်းမဲ့နတ်ဘုရားစွမ်းအားကနေ ဆင်းကဲ့ပြောင်းလဲထားခြင်းဖြစ်လေသည်။

အနှိုင်းမဲ့နတ်ဘုရားစွမ်းအားတစ်ခု၏ စွမ်းအားကသာ အခြားသော အနှိုင်းမဲ့နတ်ဘုရားစွမ်းအားတစ်ခုကို ခုခံဆန့်ကျင်နိုင်မည်ဖြစ်သည်။

ယခုအချိန်မှာ ဆူဇီမိုသည် အနှိုင်းမဲ့နတ်ဘုရားစွမ်းအားတစ်ခုကို အမှန်တကယ် ကျွမ်းကျင်တတ်မြောက်ထားခြင်း မရှိသေးပေ။ သို့သော်လည်း သူကျွမ်းကျင်တတ်မြောက်ထားသည့် လျှို့ဝှက်အတတ်များသည် အနှိုင်းမဲ့နတ်ဘုရားစွမ်းအားတစ်ခု၏ ကနဦးပုံစံနှင့် ထိတွေ့မိနေပြီဖြစ်သည်။

ဆူဇီမို၏ ခေါင်းသုံးလုံးက သူ၏ အမြုတေစိတ်ဝိညာဉ်ကို တစ်ချိန်တည်းမှာ လှည့်ပတ်ပြီး သူ၏ လက်ခြောက်ဖက်က မတူညီသော ဓမ္မပညာရပ်များကို ဆင့်ခေါ်လိုက်၏။

ဆူဇီမို၏ ရှေ့မှာ သူ၏ လက်ဟန်ချိပ်စည်းများကြားတွင် သွေးနီရောင်ဧရာမဓားတစ်လက်က ပေါ်ထွက်လာပြီး အလွန်တရာထက်ရှသော သတ်ဖြတ်လိုစိတ်ကို ထုတ်ဖော်ပေးလာခဲ့သည်။

သွေးနီရောင်ဓား၏ ထက်ရှမှုသည် အင်မော်တယ်နှင့်မိစ္ဆာတို့ကို နှိမ်နင်းကာ အရာရာတိုင်းကို ခုတ်ပိုင်းချနိုင်ပုံရသည်။

သွေးနီရောင်ဓား ပေါ်ထွက်လာပြီးနောက် မြင့်မားသောသတ္တဝါ၏ ဦးခေါင်းထက်ရှိ ကပ်ဘေးတိမ်စိုင်များကပင် ဓားချီဖြင့် ထိုးဖောက်ခံလိုက်ရပြီး ဧရာမအပေါက်တစ်ပေါက် ပေါ်ထွက်လာ၏။

“အင်မော်တယ်နှိမ်နင်းဓား”

အင်မော်တယ်ဘုရင်မ လင်းလုံ၏ မျက်လုံးက ဝင်းလက်သွား၏။

“အဲဒါ မဟာဓားပညာရပ်သုံးခုကနေ ပေါင်းစပ်ထားတဲ့ အင်မော်တယ်နှိမ်နင်းဓား၊ အနှိုင်းမဲ့နတ်ဘုရားစွမ်းအားလား”

လင်းလေက တုန်လှုပ်စွာဖြင့် မေးလိုက်၏။

သူသည် ပကတိဧကနယ်ပယ်၏ အထွတ်အထိပ်အထိ ရောက်ရှိလာခဲ့ပြီဖြစ်သော်လည်း ယခုအချိန်အထိ သူက အနှိုင်းမဲ့နတ်ဘုရားစွမ်းအားတစ်ခုကို ကျွမ်းကျင်တတ်မြောက်ခြင်း မရှိသေးပေ။

ဆူဇီမိုသည် အဆင့်-၉ ကောင်းကင်အင်မော်တယ်သာဖြစ်ပြီး သူက အနှိုင်းမဲ့နတ်ဘုရားစွမ်းအားတစ်ခုကို တကယ်ပဲ ကျွမ်းကျင်တတ်မြောက်နေပြီလား။

အင်မော်တယ်ဘုရင်မ လင်းလုံက သူမ၏ ခေါင်းကို အလျင်အမြန် ခါပြလိုက်၏။

“အဲဒါက အင်မော်တယ်နှိမ်နင်းဓားရဲ့ ကနဦးပုံစံပဲရှိသေးတယ်… အဲဒါက အနှိုင်းမဲ့နတ်ဘုရားစွမ်းအားတစ်ခုရဲ့အဆင့်ကို အမှန်တကယ် မရောက်ရှိသေးဘူး”

လင်းကျန့်က ပြောလိုက်၏။

“အဲ့လိုဆိုရင်တောင် ဒီအင်မော်တယ်နှိမ်နင်းဓားရဲ့စွမ်းအားက တခြားအန္တိမနတ်ဘုရားစွမ်းအားတွေထက် အများကြီးသာလွန်နေပြီ… အဲဒါက တစ်ဝက်တစ်ပျက်အနှိုင်းမဲ့နတ်ဘုရားစွမ်းအားတစ်ခုရဲ့အဆင့်ကို ရောက်နေပြီ”

အင်မော်တယ်နှိမ်နင်းဓားကို စုဖွဲ့လိုက်သည့်ခဏမှာပင် ဆူဇီမို၏ အခြားသော ဦးခေါင်းနှင့်လက်နှစ်ဖက်က ကျိန်းစပ်နေသော ရွှေရောင်အလင်းတစ်ခုကို ထုတ်ဖော်လိုက်၏။

ထို့နောက်ချက်ချင်းပင် မြင့်မားသောပုံရိပ်များက ဆူဇီမို၏ ဘေးမှာ ပေါ်ထွက်လာ၏။ ဗုဒ္ဓများက ပေါ်ထွက်လာပြီး ကြာပန်းများပေါ် တက်လှမ်းကာ ဓမ္မလက်နက်များကို ဆုပ်ကိုင်၍ ဗုဒ္ဓဝါဒသုတ္တန်များနှင့် ဂါထာမန္တန်များကို ရွတ်ဆိုနေ၏။

ဂါထာမန္တန်အသံများက လောကတစ်ခွင် အဆက်မပြတ် ပဲ့တင်ထပ်ထွက်ပေါ်လာ၏။

တစ်ချိန်တည်းမှာပင် နတ်တံခါးများက ဗုဒ္ဓပုံရိပ်များကို လှည့်ပတ်ပြီး နတ်ဆင်များက ကောင်းကင်ထက်သို့ ဟိန်းဟောက်လိုက်ကြ၏။

တောင်ကြားသည် သုခဘုံသန့်စင်ကုန်းမြေတစ်ခုအဖြစ် ပြောင်းလဲသွားပုံရသည်။

ကျိန်းစပ်နေသော ရွှေရောင်အလင်းတစ်ခုက ကောင်းကင်ထက်သို့ တလိပ်လိပ်ထိုးတက်ပြီး ကောင်းကင်ထက်ရှိ ကပ်ဘေးတိမ်စိုင်များကို ထိုးဖောက်ကာ ရောင်စုံအလင်းတစ်ခုဖြင့် ကောင်းကင်တစ်ခွင် ပြည့်နှက်သွားစေ၏။

“ဗုဒ္ဓနဂါးဆင်…”

လင်းလေက အံ့အားတသင့် ရေရွတ်လိုက်၏။

မိုးကောင်းကင်ကိုးလွှာတွေ့ဆုံပွဲမှာတုန်းက အန္တိမသူတော်စင် ရှစ်ဝူနန်က ဤအန္တိမနတ်ဘုရားစွမ်းအားကို ထုတ်ဖော်ခဲ့ဖူးသည်။

ဒါ့အပြင် ဗုဒ္ဓနဂါးဆင်သည် ရှစ်ဟူနန်၏ လက်ထဲမှာ အနှိုင်းမဲ့နတ်ဘုရားစွမ်းအားတစ်ခု၏ ကနဦးပုံစံနှင့် ထိတွေ့မိနေပြီဖြစ်ပြီး ၎င်း၏ စွမ်းအားက ကြီးမားစွာ မြင့်တက်လာခဲ့သည်။

ဆူဇီမို၏ လက်ထဲမှာ ထုတ်ဖော်လိုက်သော နတ်ဘုရားစွမ်းအားသည် အရင်တုန်းက ရှစ်ဝူနန်၏ ဓမ္မပညာရပ်နှင့် အတိအကျတူညီနေလိမ့်မည်ဟု လင်းလေက ထင်မှတ်မထားပေ။

သူ၏ ဗုဒ္ဓနဂါးဆင်သည် တစ်ဝက်တစ်ပျက်အနှိုင်းမဲ့နတ်ဘုရားစွမ်းအားတစ်ခု၏ အဆင့်သို့ ရောက်ရှိနေပြီဟု ဆိုလိုလေသည်။

အင်မော်တယ်နှိမ်နင်းဓားနှင့် ဗုဒ္ဓနဂါးဆင်သို့ ထွက်ပေါ်လာပြီးနောက် သူတို့သည် ကောင်းကင်ထက်ရှိ ကပ်ဘေးတိမ်စိုင်များကို ကြီးမားစွာ သက်ရောက်စေလေသည်။

ထူထဲသော ကပ်ဘေးတိမ်စိုင်များကတော့ သူတို့သည် မြင့်မားသောသတ္တဝါအတွက် စွမ်းအားတစ်ခုဖြစ်သည်။

ကပ်ဘေးတိမ်စိုင်များအပေါ် ထိတွေ့ရိုက်ခတ်မှုသည် မြင့်မားသောသတ္တဝါ၏ အော်ရာကို သိသိသာသာ အားလျော့သွားစေ၏။

ထိုစဉ်မှာပင် ဆူဇီမို၏ ကျန်ရှိနေသော လက်နှစ်ဖက်က ဓမ္မပညာရပ်တစ်ခုကို ထုတ်ဖော်လိုက်လေသည်။

ကြောက်စရာကောင်းသော အော်ရာတစ်ခုက ဖြန့်ကြက်ထွက်ပေါ်လာ၏။

ထိုအော်ရာသည် အင်မော်တယ်နှိမ်နင်းဓားနှင့် ဗုဒ္ဓနဂါးဆင်တို့ထက် သေချာပေါက်မနိမ့်ကျပေ။

ဟာ…

လင်းလေက ပင့်သက်ကို ရှိုက်လိုက်၏။

ရှစ်ဝူနန်သည် တစ်ဝက်တစ်ပျက်အနှိုင်းမဲ့နတ်ဘုရားစွမ်းအားတစ်ခုကို ထိန်းချုပ်ထားပြီး သူတော်စင်အဆင့်သတ်မှတ်ချက်၏ နံပါတ်တစ်ဖြစ်လာကာ အန္တိမသူတော်စင်ဘွဲ့ကို ခံယူနိုင်ခဲ့၏။

သို့သော်ယခု တစ်ဝက်တစ်ပျက်အနှိုင်းမဲ့နတ်ဘုရားစွမ်းအားသုံးခုက ထွက်ပေါ်လာခဲ့လေပြီ။

ဒါ့အပြင် သူတို့ကို လူတစ်ယောက်တည်းက တစ်ချိန်တည်းမှာ ထုတ်ဖော်လိုက်ခြင်းဖြစ်လေသည်။