အပြောနှင့်သတ်

"ဒါပေမဲ့ ကျွန်တော့်ဘေးမှာရပ်နေတဲ့သူက ကိုယ်ခံပညာလောကမှာ ဒဏ္ဍာရီလာပုဂ္ဂိုလ်ဖြစ်တဲ့ ဝူရှန်းပါ၊ မစ္စတာရွှီကလည်း လေ့ကျင့်ရေးသင်တန်းဖွင့်ထားတယ်လို့ ကြားမိတယ်၊ မစ္စတာဝူရှန်းက မစ္စတာရွှီနဲ့ ယှဉ်ပြိုင်ချင်ပါတယ်တဲ့၊ ကိုယ်ခံပညာဆိုင်ရာ အတွေးအမြင်တွေကို ဖလှယ်ရင်းနဲ့ ကျွန်တော်တို့ရဲ့ ဆက်ဆံရေးကိုလည်း တိုးတက်စေတာပေါ့၊ မစ္စတာရွှီဘက်က မစ္စတာဝူနဲ့အတူ စင်ပေါ်တက်ပြီး ကိုယ်ခံပညာဖလှယ်ဖို့ စိတ်ဝင်စားလားဆိုတာ သိချင်ပါတယ်"

လျိုဟွား စကားပြောနေတုန်းမှာ သူ့အနောက်ကနေ လိုက်လာသော အနက်ရောင်ဝတ်ရုံဝတ်ထားသည့် သက်လတ်ပိုင်းအရွယ်လူက ထွက်လာပြီး ရွှီဖန်းအား အရည်အသွေးပြည့်မီသော စစ်သည်တော်တစ်ဦးကဲ့သို့ နှုတ်ဆက်လာ၏။

လျိုဟွားသည် စကားအကုန်ပြောပြီးနောက်မှာ သူ ဝူရှန်း နှင့်အတူ ရပ်နေလျက် မျက်နှာပေါ်တွင် အပြုံးတစ်ခုတင်ထားကာ ရွှီဖန်းကို ကြည့်နေသည်။

လျိုဟွား၏လျိုမိသားစုကို စော်ကားရဲသည့် သူ့ကံကြမ္မာက သဘာဝကျစွာပင် နှိုင်းယှဉ်၍မရနိုင်

အောင် ဆိုးရွားပေလိမ့်မည်။

လျိုဟွားက သည်းခံတတ်လူ မဟုတ်ပေ။ လက်စားချေရန် ဆယ်နှစ်စောင့်ရသည့်ပုံပြင်များက လျိုဟွား၏မျက်လုံးထဲမှာတော့ အဓိပ္ပာယ်မရှိသောကိစ္စပင်။ တစ်စုံတစ်ယောက်က သူ့ကို ရန်စရဲလျှင် ထိုမျက်နှာကို တိုက်ရိုက်ရိုက်ချပစ်ရုံပင်။ ဘယ်လိုလုပ် ၁၀ နှစ်တောင် ကြာရမည်နည်း။ 

ထိုအချိန်မှာ ရွှီဖန်းကလည်း လျိုဟွား၏ဘေးမှာ ရပ်နေသောအနက်ရောင်ဝတ်ရုံဝတ် သက်လတ်ပိုင်းအရွယ်လူကို ကြည့်နေ၏။

ရွှီဖန်း ပြုံးကာ ပါးစပ်ကိုဖွင့်၍ မေးလိုက်သည်။

"လျိုမိသားစုသခင်လေးက ကျွန်တော့်ရဲ့လေ့ကျင့်ရေးသင်တန်းအကြောင်း ဘယ်လိုသိတာလဲ၊ အင်း...ဒါက ခက်ခဲတဲ့ကိစ္စပဲ၊ ဒါပေမဲ့ ဘယ်လိုမျိုး ကိုယ်ခံပညာဖလှယ်မှာလဲ... လျိုမိသားစုသခင်လေးက ကျွန်တော့်ကို အသေးစိတ် ရှင်းပြပေးနိုင်မလား"

ရွှီဖန်း၏လှောင်ပြောင်မှုကို ကြားသော်လည်း လျိုဟွားက ဂရုစိုက်ပုံမပေါ်ပေ။

"ကျွန်တော် လျိုဟွားက မစ္စတာရွှီကို အချိန်အတော်ကြာ လေးစားခဲ့တာပါ၊ လေ့ကျင့်ရေးသင်တန်းကို ဖွင့်ထားတာတင်မကဘဲ မစ္စတာရွှီကိုယ်တိုင်တောင် မသိနိုင်တဲ့ အရာတွေအများကြီးကိုလည်း သိထားပါတယ်၊ မစ္စတာဝူ...မစ္စတာရွှီကို ပြောပြလိုက်ပါ... မစ္စတာရွှီနဲ့ ဘယ်လိုဖလှယ်ချင်လဲ"

လျိုဟွား၏စကားများကို ကြားတော့ အနက်ရောင်ဝတ်စုံဝတ်ထားသူက ရှေ့တစ်လှမ်းတိုးလာပြီး သူ့လက်များကို ဆုပ်ကာ မကောင်းဆိုးဝါးဆန်ဆန် ရယ်မောလာ၏။

"မစ္စတာရွှီ ခင်ဗျားကလည်း ကိုယ်ခံပညာမှာ ဆရာကြီးတစ်ယောက်ဖြစ်တယ်လို့ ကျုပ်ကြားမိတယ်၊ ကျုပ်တို့က ကိုယ်ခံပညာတတ်မြောက်ထားတဲ့သူတွေဖြစ်တဲ့အတွက် အပြန်အလှန်ယှဉ်ပြိုင်ဖို့၊ အချင်းချင်းသင်ယူဖို့နဲ့ အချင်းချင်းတိုးတက်ဖို့အတွက် နည်းလမ်းတစ်ခုရှိပါတယ်၊ လက်နက် ၁၈ မျိုးထဲကနေ မစ္စတာရွှီက ရွေးချယ်ရမှာပါ...မစ္စတာရွှီ ယှဉ်ပြိုင်ချင်တာက ဘာများလဲ"

သူတို့နှစ်ယောက်စလုံးဟာ နွေဦးစုံတွဲလိုမျိုး ကစားနေခဲ့၏။ တစ်ယောက်က ခြိမ်းခြောက်ကာ နောက်တစ်ယောက်က ရွှီဖန်း၏ထွက်ပြေးလမ်းကို ပိတ်ဆို့လိုက်သည်။

လက်ရှိအချိန်မှာ သူတို့နှစ်ယောက်က တိတ်ဆိတ်စွာ ရပ်နေပြီး သူတို့၏မျက်နှာပေါ်မှာ အပြုံးကိုယ်စီဖြင့် ရွှီဖန်းအား ကြည့်နေကြ၏။

ဝူထျန်းနှင့်တခြားသူများသည် နောက်ဆုံးမှာတော့ မခံမရပ်နိုင်ဖြစ်ကာ စားပွဲကို ရိုက်၍ မတ်တပ်ရပ်လျက် လျိုဟွားကို ဆဲဆိုကြိမ်းမောင်းမိကြသည်။ 

"လျိုမိသားစုခွေးလေး၊ အရမ်းမလွန်လာနဲ့!"

"အကြီးအကဲက ဒီမှာ ထိုင်နေတုန်းပဲနော် မင်းက ကတိကို ဖျက်တော့မလို့လား"

လျိုဟွားက အလွန်အမင်း အံ့အားသင့်စွာဖြင့် ဝူထျန်းကို လှည့်ကြည့်လာ၏။ သူ့မျက်နှာပေါ်မှာတော့ ရယ်ချင်နေသည့် အပြုံးရှိနေကာ ပြောလာသည်။

"အကြီးအကဲရှိသည်ဖြစ်စေ၊ မရှိသည်ဖြစ်စေ ကျွန်တော်လျိုဟွားက ကတိကို မဖျက်ပါဘူး၊ မစ္စတာရွှီနဲ့ ကျွန်တော်က တစ်ယောက်နဲ့တစ်ယောက် နောက်ကျမှ တွေ့ခဲ့မိတာကိုပဲ မချင့်ရဲကြလို့ အပြန်အလှန် စကားပြောချင်နေကြတာပါ၊ ဒါက ဘယ်လိုလုပ်ပြီး အရမ်းလွန်တယ် ဖြစ်သွားရတာလဲ"

ကောက်ကျစ်မှုက လျိုဟွား၏ကျွမ်းကျင်သောလက်နက်တစ်ခု ဖြစ်၏။ လက်ရှိအချိန်မှာတော့ ဝူထျန်းနှင့်တခြားသူများကို ရင်ဆိုင်ရန် ထိုအရာက တကယ်ကို လုံလောက်တာထက် ပိုနေခဲ့သည်။

ဒါဟာ ဝမ်ကောချန်က ဒီမှာ ထိုင်နေတာကြောင့် လျိုဟွားဘက်မှ ဝမ်ကောချန်ကို ရည်ရွယ်ချက်ရှိရှိ မျက်နှာပေးခဲ့သောရလဒ်ပင်။ ဝမ်ကောချန်သာ ဒီမှာ မရှိလျှင် လျိုဟွားက ရွှီဖန်းကို နေရာမှာတင် သတ်ပစ်နိုင်၏။

လျိုဟွားက ဝမ်ကောချန်၏စစ်သားများကို ဘာမှလုပ်လို့မရတာတော့ အမှန်ပင်။ သို့သော် ဝမ်ကောချန်ကလည်း လျိုဟွားကို ဘာမှလုပ်လို့မရပေ။ လျိုဟွားက ကြီးလေးသောအမှားတစ်ခုကို ကျူးလွန်ခဲ့လျှင်တောင် အပြစ်ပေးတာက လျိုမိသားစု၏ကိစ္စသာ ဖြစ်လိမ့်မည်။

မူးယစ်နေသောအခြေအနေကနေ သက်သာလာပြီး ဒီကိုပြန်လာသည့်လမ်းမှာ လျိုဟွားသည် ဤပွဲ၏ရည်ရွယ်ချက်ကို ရှင်းရှင်းလင်းလင်း မြင်နိုင်ခဲ့သည်။ ဝမ်ကောချန်က ရွှီဖန်းအတွက် လာခဲ့တာကြောင့် သူက ဝမ်ကောချန်ကို အလွန်မျက်နှာပေးရန် မလိုအပ်ပေ။

ဝမ်ကောချန်က သူ့လက်ကို ဝှေ့ယမ်းလာပြီး ဝူထျန်းအား တိတ်ဆိတ်စွာနေရန် အချက်ပြခဲ့၏။ ထို့နောက် သူက လျိုဟွားကို တည်ငြိမ်သော အမူအရာဖြင့် ဆက်ကြည့်နေခဲ့သည်။

"ရှောင်ဟွားက မစ္စတာရွှီနဲ့ သိကျွမ်းချင်တယ်ဆိုရင် မစ္စတာရွှီရဲ့သဘောထားကို အရင်မေးသင့်တယ်၊ သူ့ကို မနှောင့်ယှက်ပါနဲ့"

သူက သာမန်ဘေးအိမ်က အဘိုးအိုတစ်ယောက်ကဲ့သို့ပင်။ လက်ရှိအချိန်မှာ ဝမ်ကောချန်သည် သူ၏အော်ရာအားလုံးကို ပြန်ရုပ်သိမ်းပြီး တောင်တစ်လုံးလိုမျိုး မလှုပ်မယှက် ထိုင်နေလေ၏။

လူတိုင်း၏မျက်လုံးများက ရွှီဖန်း၏မျက်နှာပေါ်မှာ ရှိနေပြီး သူ့ဆုံးဖြတ်ချက်ကို တိတ်ဆိတ်စွာ စောင့်ဆိုင်းနေကြသည်။

ရွှီဖန်း သဘောတူသည်ဖြစ်စေ၊ မတူသည်ဖြစ်စေ လျိုဟွား၏လက်ကနေ လွတ်မြောက်ရန် မဖြစ်နိုင်ဘူးဆိုတာကို လူတိုင်းက ရှင်းရှင်းလင်းလင်း သိထားကြ၏။

ဝမ်ကောချန်ကလည်း ရွှီဖန်းကို အတင်းအကျပ် ကာကွယ်ပေးချင်ပုံ မပေါ်ပေ။ ဒီညမှာတော့ ရွှီဖန်းဆိုသည့်လူငယ်လေး သေသွားသောအခါ မြေမြှုပ်စရာ နေရာတောင် ရှိမှာမဟုတ်ပေ။

ရွှီဖန်း အသာပြုံးကာ သူ၏တည်ငြိမ်သောမျက်နှာကို ထိန်းထားရင်း ပြောလိုက်သည်။

"တကယ်တော့ ဘယ်လိုလက်နက်မျိုးသုံးရမလဲဆိုတာကို ကျွန်တော် ဂရုမစိုက်ဘူး၊ ကျွန်တော် ဂရုစိုက်တဲ့ အရာတစ်ခုပဲ ရှိတယ်... အဲ့ဒါက ဘာကို အလောင်းအစားလုပ်ချင်ကြလဲဆိုတာပဲ"

လျိုဟွားက သူ၏ကြည့်ကောင်းသောမျက်ခုံးများကို အနည်းငယ် မြှောက်၍ ရွှီဖန်းကို ပြုံးပြလာ၏။

"မစ္စတာရွှီက အရမ်းကိုအမြော်အမြင်ရှိတာပဲ၊ ဒါပေါ့...ဒီလိုမျိုးအရာတွေက လောင်းကြေးမရှိရင် တကယ်ပဲ ပျော်စရာကောင်းမှာမဟုတ်ဘူး၊ မစ္စတာရွှီက ဘာကို လောင်းကြေးထပ်ချင်လဲ"

"ကျွန်တော်လိုချင်တဲ့အရာက တကယ်တော့ အရမ်းရိုးရှင်းပါတယ်၊ ကိုယ်ခံပညာစွမ်းရည် ဖလှယ်တာဖြစ်တာကြောင့် ရှုံးနိမ့်သူရဲ့နာမည်ကို စိတ်ထဲမှာ ထွင်းမှတ်ထားပြီး ဘယ်သူရှုံးသည်ဖြစ်စေ မြေကြီးပေါ်မှာ ဒူးထောက်ပြီး မျက်နှာကို ဆယ်ချက် ရိုက်ခံရမယ်...ဘယ်လိုလဲ"

ရွှီဖန်းသည် လျိုဟွား၏ရှည်လျားကာ ကျဉ်းမြောင်းသော မျက်လုံးများကို ကြည့်ရင်း တစ်လုံးချင်း ပြောလိုက်သည်။

လျိုဟွားမှ ပါးစပ်မဖွင့်ရသေးခင် ဘေးမှ ဝူရှန်းက ဒေါသတကြီးဖြင့် ဖြတ်ပြောလာ၏။

"မစ္စတာရွှီ ကျုပ် မင်းနဲ့ လောင်းကြေးထပ်မယ်!" 

သို့သော်ငြား ရွှီဖန်းက ဝူရှန်းကို မထီမဲ့မြင် တစ်ချက်ကြည့်၍ ပြောလိုက်သည်။

"မင်းကိုယ်မင်း ဘယ်သူလို့ ထင်နေတာလဲ၊ မင်းရဲ့သခင်နဲ့ ငါ့မှာ ဆွေးနွေးစရာတစ်ခု ရှိတယ်၊ ဘာလို့ ခွေးတစ်ကောင်က ထွက်လာပြီး ဟောင်နေရတာလဲ"

"မင်း!" 

ဝူရှန်းမှာ ထိုစကားကို ကြားရသောအခါ ဒေါသကြောင့် တုန်ယင်သွားရ၏။ သူ့မျက်လုံးများက နီရဲလာပြီး ရွှီဖန်းအား သေလူတစ်ယောက်လိုမျိုး ကြည့်လာသည်။

လျိုဟွားကလည်း သူ့လက်သီးများကို ကျစ်ကျစ်ပါအောင် ဆုပ်လိုက်မိပြီး တိတ်တဆိတ်ပင် ပြန်

လွှတ်လိုက်၏။ ထို့နောက် ကျယ်လောင်စွာ ရယ်မော၍ ပြောလိုက်သည်။

"ဒီလိုလောင်းကြေးက တကယ်ကို အသစ်အဆန်းဖြစ်ပြီး စိတ်ဝင်စားဖို့ကောင်းတယ်၊ ဒါဆိုရင် ငါတို့ မင်းနဲ့ ဒီလောင်းကြေးထပ်မယ်!"

လူအုပ်ကြီးက အုတ်အော်သောင်းနင်း ဖြစ်သွားလေ၏။

ဒီရွှီဖန်းက တကယ်ကို ရဲတင်းလွန်းသည်။

ထို့အပြင် သူက သူ့ကိုယ်သူတောင် ထိုအသစ်အဆန်း လောင်းကြေးထံသို့ တွန်းပို့လိုက်သေး၏။ သူ့ကိုယ်သူ မြန်မြန်လေး သေစေချင်နေသကဲ့သို့ပင်။

လျိုမိသားစုသခင်လေးက မင်းအပေါ် အထင်အမြင်မကောင်းဘူးလေ၊ မင်းက မြေကြီးပေါ်မှာ ဒူးထောက်ပြီး ခွင့်လွှတ်တောင်းပန်တာမျိုး မလုပ်ဘဲ ကောင်းကောင်းမွန်မွန်နေပါ့မယ်လို့ ပြောနေရင်တောင် အဲ့ဒီမှာ ရပ်ပြီး သူ့ဆီကနေ အရိုက်ခံရဦးမှာ...

ဒါ...ဒါက သေဖို့ တောင်းဆိုနေတာပင်!

လျိုမိသားစုသခင်လေးကလည်း အရှက်ရခြင်းကို ခံနိုင်ရည်ရှိသော လူကောင်းတစ်ယောက်ပင်။ တခြားစိတ်မရှည်သည့်လူတစ်ယောက်သာဆိုလျှင် ဝမ်ကောချန်က ဒီမှာထိုင်နေလျှင်တောင် ရွှီဖန်းက သူ့ကို ဒီလိုနည်းနှင့် စော်ကားလာပါက သူ့သေနတ်ကို ထုတ်၍ ရွှီဖန်းကို နေရာမှာတင် သတ်ပစ်နိုင်သည်။

ရွှီဖန်းက ငယ်သေးကာ အရူးတစ်ယောက်လိုပုံစံလည်း လုံးဝမပေါ်ပေ။ ဘာကြောင့်များ ဒီတစ်ခေါက် အရမ်းတွေ စိတ်ဆတ်ပြီး အကျိုးဆက်များကို လျစ်လျူရှုနေရသနည်း။

အုတ်အော်သောင်းနင်းဖြစ်နေသည့်ကြားက လျိုဟွားသည် ဆရာသခင်တစ်ဦးလိုမျိုး စင်မြင့်ပေါ်သို့ လျှောက်သွားကာ ပြောလိုက်၏။

"တိတ်ဆိတ်ပေးကြပါ"

အုတ်အော်သောင်းနင်းဖြစ်နေသည့်နေရာက လျင်မြန်စွာ တိတ်ဆိတ်သွားခဲ့ပြီး လူတိုင်းက ရွှီဖန်းအား သနားသောမျက်လုံးများဖြင့် ကြည့်နေကြသည်။ သူတို့အားလုံးက လျိုမိသားစုသခင်လေးကိုသာ အာရုံစိုက်ထားကြပြီး ရွှီဖန်းအား သေဒဏ်ပေးမည်ကို နားစွင့်နေကြ၏။

"ဒီနေ့ ကျွန်တော် ဒီပွဲကို တက်ရောက်နိုင်ပြီး အကြီးအကဲဝမ်နဲ့မစ္စတာရွှီကို တွေ့ဆုံနိုင်ခဲ့တဲ့အတွက် ကျွန်တော်လျိုဟွားက အရမ်းဂုဏ်ယူမိပါတယ်၊ ဒါ့အပြင် ကျွန်တော် လျိုဟွားနဲ့ မစ္စတာရွှီက ပထမဆုံးအကြည့်မှာတင် တစ်ယောက်နဲ့တစ်ယောက် အကြာကြီးသိနေကြသလို ခံစားခဲ့ကြရတယ်၊ ကျွန်တော်တို့ရဲ့ ဆက်ဆံရေးကို ပိုပြီးနက်ရှိုင်းစေဖို့အတွက် ကျွန်တော်တို့ လောင်းကြေးတစ်ခုကို အကြံပြုထားပါတယ်၊ ဒီအရာကို ပြသနိုင်ဖို့ မျှော်လင့်နေပါပြီ"

*************************