အခန်း (၁၄၀)

ဤအခိုက်အတန့် စတိတ်စင်အနောက်ဘက်တွင် ဖေးမင်ရွှမ်သည် ယုရို့ရင်ဘေး၌ ကျေနပ်မှုနှင့် ချစ်ခင်ကြင်နာမှုဖြင့် သူ့အားအနှောင့်အယှက်များမှကာကွယ်ပေးခဲ့သည်။ သူ နောက်ဆုံးတွင် စိတ်နှလုံးအကြွင်းမဲ့ပြုစုပျိုးထောင်နိုင်သည့် အလားအလာရှိသော အရည်အချင်းရှိသူအား တွေ့ ရှိခဲ့ပြီး သူ့အားတန်ဖိုးထားပြီးထောက်ပံ့ပေးရန်မစောင့်နိုင်တော့ပေ။

ထို့အပြင်၊ အွန်လိုင်းပေါ်ရှိအခြေအနေသည် ဖေးမင်ရွှမ်မျှော်မှန်းထားသည်ထက် ပိုကောင်းလာသည်။ ဒါတွေအားလုံးသည် ယုရို့ရင်ရဲ့အမိုက်စားသရုပ်ဆောင်မှုစွမ်းရည်ကြောင့်ဆိုတာ သူ သိသည်။

ချင်မိသားစုလည်း ရောက်လာသည်။ ကျီဖေးနှင့် ချင်ရှန့်အတူတူထိုင်နေသည်ကို မြင်တော့ သဘောကျစွာပြုံးလိုက်ကြသည်။

ချင်ကျောက်သည် နံရံကိုငြီးငွေ့ စွာမှီ၍ ချင်ရှန့်နှင့်စကား ပြောနေသည်။ တစ်ယောက်ယောက်က ချင်ရှန်းထံချဉ်း ကပ်ရမည်ဆိုတာ သူ ရိပ်မိလုနီပါးဖြစ်သွားသည်။

ချင်ရှန့်က ရိုးရိုးရှင်းရှင်းပင် "စိတ်မပူပါနဲ့။"

တစ်ချိန်တည်းတွင်၊ ကျီဖေးသည် အွန်လိုင်းပေါ်တွင် ပျံ့နှံ့နေသည့် ကောလာဟလများအကြောင်း ချင်မိသား စုမှအမျိုးသမီးများအား တိတ်တဆိတ်အတင်းပြောနေခဲ့သည်။

ထိုအချိန် စိတ်အနှောက်အယှက်ဖြစ်စေသော ဦးလေး နှင့်တူလေး အတွဲပေါ်လာသည်။

အားလုံး၏မျက်လုံးများက သူတို့ဘက်သို့ လှည့်ကာ ဒရာမာထွက်ပေါ်လာမည့် အလားအလာအတွက် စိတ်လှုပ်ရှား မှုကို ဖုံးကွယ်ထားရုံသာဖြစ်သည်။

[ သူတို့ရဲ့ အသားအရည်ကိုကြည့်လိုက်၊ လွန်ခဲ့တဲ့သုံးရက်လောက်ကတည်းက သေသွားတဲ့သူထက်တောင် ပိုပြီးဖြူလျော်နေတယ်။ ဝါရင့်မင်းသား ကျုံးချွမ်က ယုရို့ရင်ရဲ့ သရုပ်ဆောင်မှုကို ဒီလောက်ကောင်းလိမ့်မယ်လို့ မမျှော်လင့်ထားဘူးထင်တယ်။ အမှန်တော့၊ အရည်အချင်းက အဆုံးစွန်လက်နက်ပဲ။]

ချင်မိသားစု- သူတို့ တကယ်အသေကောင်လို ဖြူဖပ် ဖြူရော် ဖြစ်နေတာပဲ။

သို့ပေမယ့် ယုရို့ရင် မရောက်ခင်မှာပင် ဒါရိုက်တာနှင့် ထုတ်လုပ်သူတို့ရောက်လာကြသည်။

"မစ္စတာကျုံး၊ ငါတို့ မင်းကို လိုက်ရှာနေတာ..." ဒါရိုက်တာက စပြောလာသည်။

သူတို့နှစ်ယောက်ကိုမြင်တော့ ကျုံးချွမ်က လာမယ့်ပွဲကို သတိရပြီး "ငါ တို့စင်ပေါ်တက်ပြီး ဖျော်ဖြေနိုင်မယ်ထင်တယ်..."

သူသည် သူ၏ညှိနှိုင်းချစ်ပ်ပြားကိုဆုံးရှုံးခဲ့ပြီး ယုရို့ရင်သည် အံ့မခန်းပြန်လည်ရောက်ရှိလာခဲ့သည်။ သူနှင့် ယုရို့ရင်သည် ယခုအခါကွဲလွဲနေခဲါသည်။

တကယ်လို့ သူသာ မဖျော်ဖြေဘူးဆိုသည့် ကောလဟာလများကို နောက်ပိုင်းမှာဖြန့်လိုက်ရင် ဒုက္ခရောက်လိမ့် မည်။ သူ ဒေါသထွက်ပြီး သူ့ကိုခွဲထုတ်ချင်ပေမယ့် ဒီအချိန်မှာ တစ်ခုခုတော့လုပ်ရမည်ပင်။

သို့သော်လည်း ထုတ်လုပ်သူကပြုံးပြီး "မစ္စတာကျုံး၊ ခင်ဗျား ဖျော်ဖြေဖို့မလိုတော့ဘူး" ဟု ပြောလိုက်သည်။

ကျုံးချွမ်၏ အမူအရာရပ်တန့်သွားသည်။ " ဒါ ဘယ်လိုဖြစ်ရတာလဲ ? ဒါက ပြိုင်ပွဲတစ်ခုလေ။"

"ဒါပေမယ့် မစ္စယုကပင်ပန်းနေတဲ့ပုံပဲ ဆက်မဖျော်ဖြေနိုင်ဘူးဆိုတာ ထင်ရှားတယ်" ဟု ဒါရိုက်တာက အေးစက်သောအပြုံးဖြင့်ပြောလိုက် သည်။

"သူ.. ဖျော်ဖြေဖို့ မလိုတော့ဘူး"

ကျုံးချွမ်၏မျက်နှာသည်ပြောင်းလဲသွားကာ ဆက်ပြောမည့်အချိန်တွင် ထုတ်လုပ်သူကကြားဖြတ်ပြောလိုက်သည်။

" ပရိသတ်တွေရဲ့ မျှော်လင့်ချက်အတိုင်း အစီအစဉ်ကို ကျွန်တော်တို့ ပြင်ဆင်ထားပြီးသားပါ။ နောက်ပြီး အစပိုင်းမှာမစ္စတာကျုံးက စင်ပေါ်မတက်နိုင်ခဲ့ဘူး။ ကျွန် တော်တို့အမြဲတမ်း ခင်ဗျားရဲ့ အခြေအနေကိုလိုက်လျော ညီထွေမလုပ်ပေးနိုင်ပါဘူး"

ကြည့်ရှုသူများ ရယ်မောလုနီးပါးပင်။

[အတိအကျပဲ၊ သူတို့က ရှင့်အပေါ် ဘာအကြွေးမှ မတင်ထားဘူး။ ရှင် ဒီလိုပြောရုံနဲ့ဖျော်ဖြေရမယ်လို့ ဘယ်လိုများမျှော်လင့်နိုင်တာလဲ ? အဲ့ အပြင် ဒါရိုက်တာနဲ့ ထုတ် လုပ်သူက အရူးတွေမဟုတ်ဘူး။ ရှင် အမျိုးသမီးတွေကို ချယ်လှယ်ဖို့ ကိရိယာတစ်ခုအနေနဲ့ သူတို့ရဲ့ ရှိုးပွဲကို အသုံးပြုနေတာကို သူတို့ မမြင်ဘူးလို့ထင်နေလား?]

ကျီဖေး၏ရွဲ့စောင်းသော မှတ်ချက်များကြောင့် ချင်မိသားစုသည် ရယ်မောလိုက်ကြသည်။

ပတ်ဝန်းကျင်မှအကြည့်များ ပြင်းထန်လွန်းပြီး ကျုံးချွမ်မခံနိုင်တော့ပေ။ ထိုအခြေအနေမျိုးတွင် မျက်နှာပျက်ပြီး ဒေါသတကြီးနှင့် "ဒါ ဘာကိုဆိုလိုတာလဲ ? ဒါက ငါ့ကို နောင်တိုက်ရိုက်ထုတ်လွှင့်မှုတွေမှာပါ ပေါ်မလာရဘူးလို့ ဆိုလိုတာလား?"

ကျုံးချွမ်သည် ထုတ်လုပ်ရေးအဖွဲ့ အား ဖိအားပေးရန်အတွက် နုတ်ထွက်ရန် ခြိမ်းခြောက်မှုကို အသုံးချချင်သေးသည်။

သို့ပေမယ့် ဒါရိုက်တာနှင့် ထုတ်လုပ်သူတို့က သူ့အား ထုတ်ဖော်မပြနိုင်တဲ့ မျက်နှာများနှင့် ကြည့်လာသည်- တိုက်ရိုက်ထုတ်လွှင့်မှုမှာ အဖွဲ့ တစ်ဖွဲ့ကိုဆုံးရှုံးလိုက်ရတာက သူတို့ရဲ့ကံကြမ္မာဖြစ်ပြီး သူတို့လက်ခံထားပြီးသားပင်။

[ အဲဒါနဲ့ ခြိမ်းခြောက်တာလား ဟားဟားဟား၊ ငါ ရယ်သေတော့မယ်။ မကြာခင်မှာ သူ တကယ်ပေါ်လာဖို့ မလို အပ်တော့ဘူးဆိုတာ သူသိလာလိမ့်မယ်။ အင်တာနက်သုံးစွဲသူတွေက သူနဲ့ ယုရို့ရင်တို့ ဒီရှိုးမှာ အတူ ပါဝင်တာကိုပြတ်ပြတ်သားသား ကန့်ကွက်ဆန္ဒပြနေကြပြီ။ ငါ့အထင် ဆိုရှယ်မီဒီယာမှာ ခေတ်ရေစီးကြောင်းတွေမရောက်ခင် အချိန်အတော်ကြာမှ ဖြစ်မယ်လို့ထင်တယ်။ အမှန်တော့ အင်တာနက်သုံးစွဲသူတွေရဲ့ ရိုက်ခတ်မှုတွေကိုခံရတဲ့အခါ ဘယ်သူမှမလွတ်နိုင်ဘူး။]

ထိုစကားကိုကြားသောအခါ၊ ထိပ်တိုက်ရင်ဆိုင်မှုကို စောင့်ကြည့်နေသည့် ချင်မိသားစုသည် စူးစမ်းချင်စိတ်ဖြစ်လာသည်။ ဒါက ဘယ်လိုလုပ်ဖြစ်နိုင်မှာလဲ ?

အဆုံးတွင် ကျုံးချွမ်သည် မည်သို့ပင်စက်ဆုပ်ဖွယ်ကောင်းသည့်အရာများအား လျှို့ဝှက်လုပ်ဆောင်ခဲ့သည်ဖြစ်စေ သူသည် အတုအယောင်မျက်နှာကို ထိန်းသိမ်းထားဆဲဖြစ်သည်။ ယုရို့ရင်နှင့် သူ့အခြေအနေအား အင်တာနက်သုံးစွဲသူများ မသိသင့်သေးပေ။

သူတို့သည် စူးစမ်းချင်စိတ်ကြောင့် သေမလိုဖြစ်နေကြသော်လည်း ကျီဖေး၏အတွင်းစိတ်များသည် ဝံ့ကြွားမှုအပေါ် အာရုံစူးစိုက်ကာ အကြောင်းပြချက်အား ရှင်းပြခြင်းမရှိပေ။

လူတိုင်း ကိုယ့်လက်ထဲကဖုန်းဖြင့် ကိစ္စများကိုမြန်မြန် ဆန်ဆန်ရှာလိုက်ကြရသည်။

ရလဒ်က သူတို့အား ခေါင်းငုံ့ပြီးရယ်စေသည်။

"Ladies's Club" သည် ကြီးမားသည့် ဆုံးရှုံးမှုအားခံစားခဲ့ရသောကြောင့် ကျုံးချွမ်နှင့် မဒမ်ကျုံးတို့သည် ဒဏ်ရာကင်းမဲ့ကြောင်း သိလိုက်ရပြီး ၎င်းတို့ကို နယ်ရုပ်အဖြစ် အသုံးပြုခဲ့ကြသည်ဟု ချက်ချင်းခံစားခဲ့ရသည်။

ယုရို့ရင်ကို သပိတ်မှောက်ဖို့ စုစည်းရန် စိတ်အားထက် သန်နေသေးကြောင်း ၎င်းတို့အား မေးခွန်းထုတ်သော အခါတွင် တစ်စုံတစ်ယောက်သည် မဒမ်ကျုံးကို ၎င်းတို့နှင့်အတူဆွဲငင်ခြင်းမပြုနိုင်ပေ။

သူ၏ခင်ပွန်း ကျုံးချွမ်သည် ယုရို့ရင်အတွက် ကွာရှင်းလိုသောကြောင့် ဤတစ်ကြိမ်တွင် မဒမ်ကျုံးက အားလုံးကို လှုံ့ဆော်ခဲ့သည်ဟုကြေငြာခဲ့သည်။

ဤအဖြစ်အပျက်အားထိတွေ့ မိခြင်းမှာ သဘာဝအတိုင်းပင် ရုတ်ရုတ်သဲသဲဖြစ်ခဲ့ရသည်။ သို့သော် ယနေ့ခေတ် အင်တာနက် အသုံးပြုသူများသည် ယခင်နှင့်မတူတော့ပါ။ ၎င်းတို့သည် ယခုအခါ Netizens များသည် ပိုမိုပိုင်း ခြားသိမြင်ပြီး အစွမ်းထက်လာသည်။

ဤညတွင် များစွာသောဗျာဒိတ်တော်များဖြင့်၊ သူတို့ သည် အတွေ့ အကြုံများစွာကိုစုဆောင်းခဲ့ကြပြီး မိနစ်အနည်းငယ်အတွင်း အမှန်တရားကိုပေါင်းစပ်နိုင်ခဲ့ကြသည်။

"ကျေးဇူးပြုပြီး ငါတို့ရဲ့အလှလေးယုက မင်းရဲ့ကျုံးအိုကို လှည့်စားပြီး မင်းနဲ့ကွာရှင်းချင်အောင်လုပ်နေတာလို့မပြောပါနဲ့လား။ ငါရယ်ရလို့ သေတော့မယ်။ ငါတို့ယုရဲ့ သရုပ်ဆောင်စွမ်းရည်နဲ့ ရုပ်ရည်ကြောင့် မင်းရဲ့ ကျုံးအို ကြီးကို ဘာလို့စိတ်ဝင်စားရမှာလဲ? သူ့အသက်အရွယ် ဒါမှမဟုတ် သူ့ရဲ့ကပ်ပါးကောင်လို နေထိုင်မှုပုံစံကြောင့်လား?"

"မစ္စတာကျုံးကသာ ငါတို့ရဲ့ အလှလေးယုရဲ့ ရုပ်ရည်ကို မက်မောနေတာပဲ၊ အဲ့ဒါကြောင့် သူ လမ်းခွဲချင်နေတာမဟုတ်လား? ဒါပေမယ့် ဒါ ငါတို့ယုနဲ့ ဘာဆိုင်လို့လဲ?"

"နင့်ယောက်ျားကို နင့်ဘာသာနင်မထိန်းနိုင်ပဲ အားနည်းသူကိုအနိုင်ကျင့်ပြီး သန်မာတဲ့သူကိုကြောက်နေတာ၊ အပြစ်ကင်းတဲ့ မိန်းမတစ်ယောက်အတွက် ဒုက္ခဖြစ်စေတယ်။ အမှားအမှန်ကို မခွဲခြားတတ်တဲ့ မင်းလို အမျိုး သမီးတွေက မင်းရဲ့ "Ladies's Club" ကို ရုတ်သိမ်းသင့် တယ်!"

" ငါ့ကောင်တို့၊ အရင်က ခေတ်စားနေတဲ့ ဗီဒီယိုကို ငါ သတိရမိတယ်။ ဒီနောက်ကွယ်ကလက်မည်းက အခုကြည့်ရတာ သိသာတဲ့ပုံပဲ။"

"စဉ်းစားကြည့်၊ နင်မှန်တယ်။ တစ်စုံတစ်ယောက်က ယုရဲ့ မူရင်းတင် ဆက်မှုဇာတ်ညွှန်းဖြစ်ပုံရတဲ့ ဇာတ်ညွှန်းကို ထုတ်ပေးခဲ့တယ်။ အဲဒါကို ဗီဒီယိုနဲ့ နှိုင်းယှဉ်ကြည့်မယ်ဆိုရင် အခြေအနေက စိတ်ကူးယဉ်လို့တောင်မရဘူး။"

ဇာတ်ညွှန်းသည် အမျိုးသားရေးဇာတ်လမ်း၊ လူယုံတစ်ဦးနှင့် ဒုက္ခရောက်ချိန်၌ သူငယ်ချင်းတစ်ယောက်အတွက် သေဆုံးရသည့် ကြေကွဲဖွယ်အကြောင်းဖြစ်သည်။ ဤအသုံးအနှုန်းကို မျက်မှောက်ခေတ်တွင် ရှုတ်ချဖွယ်စကားရပ်တွင်သုံးလေ့ရှိသောကြောင့် 'အမျိုးသမီးလူယုံတော်' အယူအဆကိုသက်သေပြရန် ရည်ရွယ်ချက်ဖြင့် အမျိုးသားနှင့် အမျိုးသမီးကြား ဆက်ဆံရေးကိုကျော်လွန်ခဲ့သည်။

ယုရို့ရင်၏ရည်ရွယ်ချက်သည် ဆန့်ကျင်ဘက်အသွင် အပြင်နှင့် သရုပ်ဆောင်မှုစွမ်းရည်အား ဖန်တီးရန်ဖြစ်နိုင်ပြီး သူ့အသွင်အပြင်သည် မိန်းမဆန်သည့်အသွင်အပြင်ဖြင့်ပင် သူ့အား နားလည်ယုံကြည်သည့် ဆွေမျိုးပေါက် ဖော်စိတ်ဓာတ်နှင့် တွေ့ ဆုံနိုင်ကာ ၎င်းတို့၏ဆက်ဆံရေးသည် သိမ်မွေ့ သောစေ့ဆော်မှု သို့မဟုတ် မရှင်းလင်းမှုများကင်းစင်ကြောင်း သက်သေပြရန်ဖြစ်သည်။

အကယ်၍ သူသည် ထိုအကျိုးသက်ရောက်မှုကို ရရှိနိုင်ပါက၊ ၎င်းသည် သူ၏သရုပ်ဆောင်မှုစွမ်းရည်မှာ အခိုင်မာဆုံးသက်သေဖြစ်သည်။

မဒမ်ကျုံး ဖန်တီးထားသည့် ဗီဒီယိုသည် ယောက်ျား၏ မူရင်းဇနီးကို သိမ်သိမ်မွေ့ မွေ့ နှိမ့်ချရန် လူယုံအဖြစ် အမျိုးသမီးတစ်ဦးအဖြစ် အသုံးချကာ အမြှောင်မယား ငယ်တစ်ဦးပုံစံကိုပြသခဲ့သည်။ ယောက်ျားသည် ဝေဒနာခံစားနေရသည့် ဇနီးသည်အား လုံးလုံးလျားလျားလျစ် လျူရှုပြီး လူယုံအမျိုးသမီးနှင့် အချစ်ရေးကိုသာစိတ် ဝင်စားခဲ့သည်။ နောက်ဆုံး မူလဇနီးသည်သည် အမျိုး သမီးလူယုံ၏သဘောသဘာဝကို မဖော်ထုတ်မီ သနားစရာကောင်းသော အခြေအနေသို့တွန်းပို့ခံခဲ့ရသည်။

အသေးအဖွဲဇာတ်ကွက်အမှတ်များသည် ဇာတ်ညွှန်းနှင့် သက်ဆိုင်သောကြောင့် လူများကို နှိုင်းယှဉ်ရန်လွယ်ကူစေခဲ့သည်။

သို့သော် ယခုတော့ မဒမ်ကျုံးသည် ပူးတွဲသပိတ်မှောက်မှုတွင် အမှန်တကယ်ပါဝင်ပတ်သက်နေကြောင်း သက်သေ ပြနေသည့်အတွက် ဟာသတစ်ခုဖြစ်လာခဲ့သည်။

"အမှန်ကတော့၊ ဖျော်ဖြေရေးနယ်ပယ်ရဲ့တရားသူကြီးက အပြစ်တွေအားလုံးကို အပြစ်ပေးတယ်၊ တခြားသူတွေကိုအန္တရာယ်ပြုဖို့ နင့်ရဲ့စိတ်နှလုံးမဲမဲနဲ့ကြိုးစားမှုရဲ့ နောက်ဆက်တွဲအကျိုးဆက်တွေကို နင့် ကိုရင်ဆိုင်ခွင့်ပေးထားတယ်။"

သူအား အွန်လိုင်းပေါ်မှ အနိုင်ကျင့်မှုများကို မြင်လိုက်ရသောအခါ မဒမ်ကျုံး နောက်ဆုံးအက်ကွဲသွားရသည်။ သူ တစ်နေ့တွင် ဆိုက်ဘာအနိုင်ကျင့်ခံရခြင်းကို ရင်ဆိုင်ရမည်ဟု မထင်ထားခဲ့ပေ။ သူ တင်မက သူ့မိသားစုနောက် ခံကိုလည်းအင်တာနက်သုံးစွဲသူများက တူးဆွခဲ့ကြပြီး ဆွေမျိုးများမှ သူ့အား စစ်ဆေးရန်ခေါ်နေကြသည်။

ဘာလုပ်ရမှန်းမသိဖြစ်ကာ ဖြူဖပ်ဖြူရော်ဖြစ်သွားပြီး ခင်ပွန်းသည်ကိုခေါ်ချင်လာသည်။

သို့ပေမယ့် ကျုံးချွမ်မဖျော်ဖြေရသည့် အကြောင်းရင်းကို အင်တာနက်သုံးစွဲသူများက စတင်တွေးခေါ်ကြပြီးတစ် ယောက်ယောက်က အမြန်ဆုံးခွဲခြမ်းစိတ်ဖြာလာခဲ့သည်။

"ကွာရှင်းပြီးရင် ယုကိုလက်ထပ်ခွင့်တောင်းဖို့ စိတ်ကူးထားပေမယ့် ယုကငြင်းထားတာကြောင့် သူ့ကို သင်ခန်း စာတစ်ခုပေးဖို့ ခြိမ်းခြောက်နေတာလား? မဟုတ်ရင် ဒီညအဖြစ်အပျက်တွေက ယုတ္တိမရှိဘူး!"

"ကျောင့်တွေ၊ ငါတို့ အခုပဲ တခြားပရိသတ်တွေနဲ့အတူ တိုက်ရိုက်ထုတ်လွှင့်နေတဲ့ ခန်းမအပြင်ဘက်မှာစောင့်နေတာ၊ အစကနေ အဆုံးထိလူနာတင်ယာဉ် ဒါမှမဟုတ် ကျုံးချွမ်ထွက်လာတာကို မတွေ့ ခဲ့ရဘူး။ သူ မဖျော်ဖြေနိုင်လောက်အောင် အရမ်းနာမကျမ်းဖြစ်နေတယ်ဆိုတာ လုံးဝယုံနိုင်စရာမရှိဘူး!"

"အေး၊ အဲဒါ စက်ဆုပ်စရာပဲ။ လူအိုတွေ ခပ်ဝေးဝေးမှာ နေသင့်တယ်။"

မဒမ်ကျုံးသည် ဤ comment များအား မြင်လိုက်ရပြီး အံ့အားသင့်သွားသည်။

ထိုအချိန်တွင် ကျုံးချွမ်သည် ဒါရိုက်တာနှင့် ထုတ်လုပ်သူတို့နှင့် ငြင်းခုံရန် မိုက်မဲစွာကြိုးစားနေဆဲဖြစ်သည်။

ချင်ကျောက်သည် အွန်လိုင်းရေစီးကြောင်းများအား မြင်လိုက်ရသောအခါတွင် ပိုမိုပြဿနာတက်အောင်တွန်း ထုတ်နိုင်ခဲ့သည်-

"မစ္စတာကျုံး၊ ခင်ဗျား အွန်လိုင်းပေါ်က သဘောထားတွေကိုစစ်ကြည့်ရင် ပိုကောင်းမယ်။ ဒါရိုက်တာက ခင်ဗျားကို မဖျော်ဖြေစေချင်ဘူးဆိုတာက ခင်ဗျားကောင်းဖို့အတွက်ပဲ၊ ခင်ဗျားရဲ့နိဂုံးချုပ်တော့မယ့် နှစ်တွေမှာ ခင်ဗျားရဲ့ ဂုဏ်သိက္ခာကို ကယ်တင်ဖို့အတွက်ပဲ"

[Pfft... ဒါ တကယ်မြန်လွန်းတယ်ဟယ်။ ဒါပေမယ့် ချင်ကျောက်ရဲ့စကား... 'ဖျော်ဖြေမှု' သူ့နာမည်က ပျက်ပြီးနေပြီ!]

ကျုံးချွမ် အံ့အားသင့်သွားပြီးစစ်ဆေးရန် သူ့ဖုန်းအား ထုတ်ကာ စိုးရိမ်တကြီးကြည့်လိုက်သည်။ ကြည့်လိုက်ပြီးနောက် သူ့မျက်ဆံများသည် ထိပ်လန့်မှုကြောင့် တုန်လှုပ်သွားကြသည်။