အခန်း (၁၀၄၈-၁၀၅၀)

အခန်း(၁၀၄၈) ငရဲမီးဘုရင်နှင့် ဂိုဏ်းချုပ်ဝေ့တို့၏ အထောက်အထားများ ထုတ်ဖော်ခြင်း

စိမ်းလန်းနယ်မြေသခင်၏ ဦးခေါင်းကို ဓားအလင်းက ဖြတ်တောက်ခဲ့သည်။ ဦးခေါင်းသည် ခန္ဓာကိုယ်နှင့် ကွဲကွာ၍ မြေပြင်ပေါ်သို့ လဲကျသွားသည်။ ရိုးရှင်းသော တိုက်ခိုက်မှုတစ်ခုမျှသာဖြစ်သော်လည်း ၎င်းတွင်ပါရှိသော ဓားရည်ရွယ်ချက်မှာ ကမ္ဘာပေါ်ရှိ ဓားရည်ရွယ်ချက်အားလုံး ပါဝင်နေပုံရသည်။

ထိုတိုက်ခိုက်မှုတစ်ခု၏ ခမ်းနားမှုက လူတိုင်းကို ကြောက်မက်ဖွယ်ဖိအားပေးမှုကို ခံစားစေခဲ့သည်။

ထိုဓားဖြင့်တိုက်ခိုက်ခြင်းသည် ချူးယွင်ဖန်း၏အစွမ်းသတ္တိကို အပြည့်အဝပြသနေသည်ဖြစ်၏ စွမ်းအားအရ သူသည် ထိုဂိုဏ်းချုပ်များထက်သာလွန်သည်။

သို့သော် လူတိုင်းကို ထိတ်လန့်စေသည့်အရာမှာ ချူးယွင်ဖန်း၏ ပေါ့ပေါ့ပါးပါး ဓားချက်တွင်ပါရှိသော ဓားရည်ရွယ်ချက်မှာ စိမ်းလန်းနယ်မြေသခင် ထက်ပင် သန့်ရှင်းနေခြင်းဖြစ်သည်။

သို့ပင်ငြားလည်း အခြားသုံးဂိုဏ်းတို့၏ ဂိုဏ်းခေါင်းဆောင်များသည် ချူးယွင်ဖန်း၏အသတ်ခံရသော စိမ်းလန်းနယ်မြေသခင်ကို မြင်လိုက်ရသောအခါတွင် စာနာမှုခံစားရဆဲဖြစ်သည်။

"မင်းဆီမှာ ဒီလို လှည့်စားခံရမယ်လို့ ငါမမျှော်လင့်ထားမိဘူး”

ငရဲမီးဘုရင်က သူ့ဆီသို့ လျှောက်လာနေသော ချူးယွင်ဖန်းကို စိုက်ကြည့်ရင်းဖြင့် ပါးစပ်ထဲမှ သွေးများ ထွက်လာသည်။

ချူးယွင်ဖန်းသည် အနည်းငယ်ခုန်လိုက်ရာ မီတာတစ်သောင်းကျော်အကွာအဝေးကို ဖုံးလွှမ်းသွားသည်။

ချူးယွင်ဖန်းတွင် ဤမျှ အစွမ်းထက်သော လက်နက်တစ်ခုရှိကြောင်း သူသိပါက၊ သူသည် ရိုက်နှက်ခံရလျှင်ပင် သူ့ကို တိုက်ခိုက်လိမ့်မည်မာ်မဟုတ်ပေ။ ချူးယွင်ဖန်းက ပြသလိုက်သည့် ခွန်အားက သူ့ကို စိတ်ပျက်အားငယ်စေသည်မှာ ပြောနေရန်ပင်မလိုပေ။

ယခုကဲ့သို့ အင်အားနည်းနေခြင်းကိုမဆိုနှင့် အထွတ်အထိပ်သို့ရောက်နေလျှင်ပင် ချူးယွင်ဖန်းနှင့် ယှဉ်နိုင်မည့် လူတစ်ဦးမဟုတ်ပေ။

"မင်းရဲ့ အကျိုးစီးပွားကြောင့် မင်းမျက်စိကွယ်နေတာ။ မင်းနဲ့ ညှိနှိုင်းချင်တယ်လို့ ငါပြောခဲ့တယ်၊ ဒါပေမယ့် မင်းက မလိုလားဘူး။ မင်း တကယ်အောင်မြင်မယ်လို့ ထင်နေတာလား။" ချူးယွင်ဖန်းက ရယ်မောလိုက်သည်။

"ဟားဟားဟား၊ မှန်တယ်။ ငါအရမ်း အတွေးနွံထဲ နစ်သွားမိတယ်။ ငါ ငရဲမီးဘုင် တကယ်ပဲ ဒီလိုအဆုံးသတ်ခဲ့ပြီ။ ဒါပေမယ့် ချူးယွင်ဖန်း၊ အရမ်းမောက်မာမနေပါနဲ့။ ငါသေရင်တောင် မင်းကို ငါနဲ့အတူ ဆွဲချလိုက်မယ်”

ငရဲမီးဘုရင်က ရုတ်တရက် ကြုံးဝါးလိုက်သည်။ သူသည် ရှေးဟောင်းဂါထာတစ်ခုကို ခပ်တိုးတိုး အသံဖြင့် ရွတ်ဆိုနေခဲ့ရာ မီးနှင့် ပြုလုပ်ထားသော ကြီးမားသော လူတစ်ဦး ရုတ်တရက် သူ့နောက်တွင် ပေါ်လာသည်။

ဤမီးလူသားကို ခေါ်ဆိုရန်အတွက် ငရဲဘုရင်သည် သူ၏ စွမ်းအားအားလုံးကို အသုံးပြုခဲ့ကာ သူ၏ သက်တမ်းတစ်ဝက်ကျော် ကုန်ဆုံးသွားခဲ့သည်။ လူလတ်ပိုင်း ငရဲဘုရင်သည် ချက်ချင်းပင် အသက်ကြီးလာ၏။

ရှည်လျားသော ဒဏ်ချက်သည် အနည်းဆုံး အနှစ်တစ်ရာ၏ သက်တမ်းကို ပယ်ရှားနိုင်၏။

ချူးယွင်ဖန်းနဲ့ ရင်ဆိုင်ရန် သူ့အသက်ကို အနှစ်တစ်ရာ စတေးခဲ့ခြင်းအား ကြည့်လျှင်၊ ငရဲဘုရင်က ချူးယွင်ဖန်းကို မည်မျှ မုန်းတီးနေသည်ကို တွေးကြည့်၍ရသည်။

"ဒါ ငရဲမီးဂိုဏ်းရဲ့အရင်းအမြစ်လား။ ငရဲကခေါ်လာတဲ့ မီးတစ်ခုလို့ပြောကြတာ လက်စသတ်တော့ ဒါ ဒီလို နာမည်ရခဲ့တာပဲ" လမင်းတံခွန်ဂိုဏ်းခေါင်းဆောင်က ထိတ်လန့်စွာပြောသည်။

ဤငရဲမီးသည် မည်မျှ အံ့ဩစရာ ကောင်းသည်ကို သူမ ခံစားနိုင်သည်။ ရှေးမှတ်တမ်းများတွင်သာ ဖတ်ဖူးသော်လည်း မမြင်ဖူးပေ။ ဤအတိုင်းအတာအထိ ငရဲဘုရင်ကို တွန်းအားပေးနိုင်သည့် ကမ္ဘာပေါ်တွင် လူအနည်းငယ်သာရှိသည်။

"မှန်တယ် အဲ့တာ ငရဲမီးပဲ ကံမကောင်းစွာပဲ၊ ငရဲဘုရင်က သူ့အထွတ်အထိပ်မှာရှိမနေတော့ သူခေါ်တဲ့ ငရဲမီးက အထွတ်အထိပ်ကို မရောက်ဘူး" အဆုံးမဲ့စခန်း၏ဂိုဏ်းခေါင်းဆောင်က သက်ပြင်းချလိုက်သည်။

"မှန်တယ် ဒါက သူ့ရဲ့နောက်ဆုံးတိုက်ခိုက်မှု ဖြစ်နိုင်တယ်။ ငရဲမီးကို ဆင့်ခေါ်ဖို့အတွက် သူ့အသက်ကို ပေးချေရမယ်"

ချူးယွင်ဖန်း၏ စိတ်ထဲမှ နတ်ဘုရားကျင့်စဉ်က မရေမတွက်နိုင်သော အလင်းတန်းများကို ရုတ်တရက် ထုတ်လွှတ်လိုက်ကာ မျက်လုံးများကို ရှင်းရှင်းလင်းလင်း မြင်နိုင်စေသည်။

ဤသို့ ခေါ်ယူနည်းကို သူ မရင်းနှီးပေ။ ဆေးဧကရာဇ်၏မှတ်ဉာဏ်တွင် ထိုသို့သောနည်းလမ်းများစွာရှိသော်လည်း ဤခေါ်ဆောင်ခြင်းနည်းလမ်းအများစုသည် လှည့်ပတ်အတိုင်းအတာရှိသတ္တဝါများထံမှ လုံလောက်သောစွမ်းအားကိုရရှိရန်အတွက် တန်ကြေးကိုပေးရန် လိုအပ်သည်။

ဧရာမမီးတောက်လူသားသည် ချူးယွင်ဖန်းဆီသို့ လျှပ်စီးကြောင်းအမြန်နှုန်းဖြင့် ချီတက်လာရာ ထွက်လာသည့် စွမ်းအားသည် ကမ္ဘာကြီးကို ချက်ချင်းတုန်လှုပ်သွားစေခဲ့သည်။ ၎င်းသည် ၎င်း၏ အထွတ်အထိပ်အဆင့်သို့ ပြန်လည်ရောက်ရှိသွားသည်၊ သို့မဟုတ် ထိုထက်ပို၍ပင် ကောင်းမွန်လာခဲ့သည်။

ဘမ်း

ချက်ခြင်းပင် ကြီးမားသော မီးတောက်လူသားသည် ချူးယွင်ဖန်းရှေ့သို့ ရောက်လာသည်။ ကြောက်မက်ဖွယ်ကောင်းသော အပူချိန်က သူ့ကို ပြာအဖြစ်သို့ ပြောင်းလဲသွားစေပုံရသည်။

"အသေးအဖွဲလှည့်ကွက်တွေ"

ချူးယွင်ဖန်းက လှောင်ရယ်၍ လေကို သူ့လက်ဖြင့် ဆုတ်လိုက်ရာ တစ်ခဏချင်း၌ပင် ကမ္ဘာကြီးတစ်ခုလုံး ပြိုကွဲသွားသကဲ့သို့ဖြစ်၏။

မီးတောက်နေသောလူသည် ချက်ချင်းပင် တစ်ခြမ်းကွဲသွားသည်။ ငရဲမီးဘုရင်၏နောက်ကွယ်မှလည်း ကွဲအက်သွားကာ သွေးမိုးများရွာကျလာသည်။

ငရဲမီးဘုရင်၏ မျက်နှာပေါ်တွင် မယုံကြည်နိုင်လောက်သော အကြည့်များ ရှိနေသေးသည်။ သူအားထုတ်သမျှ ဆင့်ခေါ်ခဲ့သော အဆုံးစွန်သော ဝှက်ဖဲသည် ချူးယွင်ဖန်း၏ရှေ့တွင် အလွန်အားနည်းကာ အလွယ်တကူ ဆုတ်ဖြဲခြင်းခံလိုက်ရသည်။

“အဲ့တာ ဘာမှမဟုတ်ဘူး” ချူးယွင်ဖန်း ခေါင်းယမ်းလိုက်သည်။

တစ်နေရာလုံး တိတ်ဆိတ်သွားသည်။ ချူးယွင်ဖန်း၏ တိုက်ခိုက်ရေးစွမ်းအားသည် အလွန်ကြောက်မက်ဖွယ်ကောင်းသည်ဖြစ်ရာ သာမန်အထွတ်အထိပ် နတ်အဆင့်များက သူ့ထံမှ ထိုးနှက်ချက်တစ်ခုတည်းကိုပင် မခံနိုင်ပေ။

သူသည် ကောင်းကင်ဘုံကို ဖြိုခွင်းနိုင်သည့် နတ်ဆိုးနတ်ဘုရားကဲ့သို့ပင် လုံးလုံးလျားလျား အရှုံးမဲ့သည်။

အဆုံးတွင် ချူးယွင်ဖန်းသည် ဂိုဏ်းချုပ်ဝေ့ကို လှမ်းကြည့်လိုက်သည်။

ဂိုဏ်းချုပ်ဝေ့က ထွက်မပြေးပေ၊ သို့မဟုတ် သူ့တွင် ပြေးရန် အချိန်မရှိပေ။

"တစ်ယောက်ပဲ ကျန်တော့တယ်။"

ချူးယွင်ဖန်း၏ခြေရင်းအောက်တွင် လျှပ်စီးကြောင်းပေါ်လာကာ သူ၏ရုပ်သွင်က အကြိမ်အနည်းငယ် တုန်ခါသွားကာ ဂိုဏ်းချုပ်ဝေ့ရှေ့သို့ သူရောက်လာသည်။

ချူးယွင်ဖန်းသည် ဟိုးရှေးရှေးကတည်းက ဝေ့မျိုးနွယ်ကို မျိုးဆက်သစ်များမှ ယခုအချိန်အထိ တိုက်ခိုက်ခဲ့သည်။ ဂိုဏ်းချုပ်ဝေ့ပင်လျှင် သူ့လက်၌ သေလုမျောပါးဖြစ်ခဲ့ဖူးသည်။

ဂိုဏ်းချုပ်ဝေ့သာ အနိုင်မရနိုင်ပါက နတ်ကုန်းမြေ၏ နံပါတ်တစ်မိသားစုသည် ပျက်စီးခြင်း၏ ကံကြမ္မာကို ရှောင်လွှဲနိုင်မည် မဟုတ်ပေ။

ဤအခိုက်အတန့်တွင် မျိုးနွယ်စုခေါင်းဆောင်ဝေ့သည် ရက်စက်ကြမ်းကြုတ်သောအမူအရာကို ထုတ်ပြလိုက်သည်။

"ချူးယွင်ဖန်း၊ ငါ မင်းကို ဒီနေ့ ခွင့်မပြုဘူး မင်းကို သခင်က အနိုင်ယူခွင့်မပြုဘူး”

ချူးယွင်ဖန်း၏ မျက်နှာသည် ရုတ်တရက် ရှုပ်ထွေးနေသော အကြည့်ဖြင့် တောက်ပသွားသော်လည်း ဂိုဏ်းချုပ်ဝေ့က ဆက်လက်ရှင်းပြရန် မရည်ရွယ်ပေ။ သူ၏ခန္ဓာကိုယ်ရှိ နတ်စွမ်းအင်များ တောက်လောင်စပြုလာကာ မရေမတွက်နိုင်သော ပုံရိပ်များ သူ့ခန္ဓာကိုယ်မှ ပျံထွက်သွား၍ စိတ်ကူးယဉ်ရုပ်သဏ္ဍာန်အဖြစ်သို့ ပြောင်းလဲသွားသည်။ ယင်းက သူ့ကို ချပ်ဝတ်တန်ဆာကဲ့သို့ ထုပ်ပိုးထားသည်။

သူ၏ ရောင်ဝါက အထွတ်အထိပ်သို့ ပြန်ရောက်သွားခဲ့ရာ အထွတ်အထိပ်ထက် ပို၍ ကြောက်မက်ဖွယ်ကောင်းသည်။

“ဒီခံစားချက်… မင်းက ဘယ်ဘုရားကျွန်လဲ” ချူးယွင်ဖန်း၏ မျက်လုံးများသည် တုန်လှုပ်ခြောက်ခြားဖွယ် အရိပ်အမြွက်ပြသွားကာ နောက်ဆုံးတွင် သူရင်းနှီးနေသည့် ရှင်းရှင်းလင်းလင်း အမွေဆက်ခံခဲ့သော ကျင့်ကြံနည်းကို သတိပြုမိခဲ့သည်။

“ငါက တတိယ နတ်ကျွန်ပဲ” မျိုးနွယ်စုခေါင်းဆောင်ဝေ့က ရယ်မောလိုက်သည်။ ကြီးမားသောရုပ်သွင်ကြီးက ထိတ်လန့်တကြားဖြစ်သွားကာ ချူးယွင်ဖန်းကို လက်ညှိုးထိုးလိုက်၏။

အခန်း(၁၀၄၉) နတ်ကုန်းမြေကို ဖိနှိပ်သိမ်းပိုက်ခြင်း

ဂိုဏ်းချုပ်ဝေ့သည် ချူးယွင်ဖန်းကို ထိတ်လန့်စေသည့် သူ၏အထောက်အထားကို မငြင်းဆိုခဲ့ပေ။

ဆဋ္ဌမနှင့် ခုနစ်ယောက်မြောက် နတ်ကျွန်များကို သတ်ပြီးကတည်းက နတ်ကုန်းမြေရှိ ဂိုဏ်းကြီးခြောက်ခု၏ ခေါင်းဆောင်တစ်ဦးဖြစ်သည့် ဂိုဏ်းချုပ်ဝေ့သည် တတိယနတ်ကျွန်ဖြစ်သည်။

နတ်နှင့်တူသော ခွန်အားရှိသူဟု ခေါ်သော ဤအရာသည် ချူးယွင်ဖန်း၏ မျှော်မှန်းချက်ထက် ကျော်လွန်၍ မမျှော်လင့်ထားအောင် စွမ်းအားကြီးသည်။

မျိုးနွယ်စုခေါင်းဆောင်ဝေ့သည် နတ်အဆင့် အထွတ်အထိပ်သို့ ရောက်နေသည်။ သူသည် နတ်ကုန်းမြေနှင့် ပြည်ထောင်စု၏ ထိပ်တန်းရှိသူများထဲတွင် ပါဝင်သည်။ ထိုသို့သောလူသည် အခြားသူ၏လက်အောက်ငယ်သားဖြစ်လိုစိတ်ရှိ၏။ သေသေချာချာ စဉ်းစားပါက ၎င်းတို့ပြောခဲ့သည့် "သခင်" ဆိုသည်မှာ ထူးခြားသော ဖြစ်တည်မှုဖြစ်ကြောင်း သိပေလိမ့်မည်။

အခြားသော နတ်အဆင့် ဂိုဏ်းခေါင်းဆောင်များကလည်း ထိုစကားကို ကြားနေရသည်။ ၎င်းတို့သည် ဉာဏ်ရည်ထက်မြက်၍ ထူးချွန်သူများဖြစ်ကြသည်။

အချိန်အတော်ကြာ စဉ်းစားပြီးနောက် ဤကိစ္စ၏ သော့ချက်ကို နားလည်သွားကြသည်။ ထိုသို့သောအဖွဲ့အစည်းတစ်ခုရှိ၍ ဂိုဏ်းချုပ်ဝေ့သည် ၎င်းတို့နှင့်တူညီသောအဆင့်တွင်ရှိသည့်အတွက် ဤအဖွဲ့အစည်းတွင် တတိယနတ်ကျွန်တစ်ယောက်သာဖြစ်သည်။

ဤအဖွဲ့အစည်း၏ ပူးပေါင်းကြံစည်မှုမှာ မည်မျှကြီးမားသည်ကို ရှင်းရှင်းပင် ထင်မြင်နိုင်သည်၊ ဆိုလိုသည်မှာ မျိုးနွယ်စုခေါင်းဆောင်ဝေ့နှင့် တန်းတူရည်တူ သို့မဟုတ် ပို၍ပင် စွမ်းအားကြီးသော နတ်ကျွန် အနည်းဆုံး နှစ်ဦး ရှိသည်ဟု ဆိုလိုသည်။

ဤသည်ကိုတွေးကြည့်၍ ၎င်းတို့၏ အမူအရာများက အရုပ်ဆိုးသွားသည်။ ဤသို့ ကြောက်မက်ဖွယ်ကောင်းသော အဖွဲ့အစည်းသည် ကြောင်များနှင့် ခွေးများစုဝေးထားသည့်အလား သေးငယ်သည့် အသိုက်အဝန်းတစ်ခု ဖြစ်မလာနိုင်ပေ။ နောက်ကွယ်တွက် သိသာထင်ရှားသည့် ပူးပေါင်းကြံစည်မှုတစ်ခု ရှိရမည်။

မျိုးနွယ်စုခေါင်းဆောင်ဝေ့၏ ကြောက်စရာကောင်းသော လက်ချောင်းများက ကောင်းကင်ထက်ဝက်ကို ဆုတ်ဖြဲပစ်လိုက်သည်။ လက်ချောင်းသည် ကောင်းကင်၌ ရှိသော နတ်ဘုရားထံမှ ချေးယူထားသော ကြောက်မက်ဖွယ် စွမ်းအားအပြည့်ကို ပြသနေသည်။

"အထင်ကြီးစရာပဲ" ချူးယွင်ဖန်းက အော်လိုက်သည်။

သူက လက်ငါးချောင်းကို လက်သီးဆုပ်ထားလိုက်ရာ အရပ်ရပ်သို့ ပျံ့လွင့်သွားသည့် ကြောက်မက်ဖွယ် အင်အားအဖြစ် ပြောင်းလဲသွားသည်။ သေးငယ်သောတောင်ကြီး၏ အရွယ်အစားနီးပါးရှိသော လက်ချောင်းကို သူထိုးနှက်လိုက်သည်။

ဘမ်း

လက်သီးသည် လက်ချောင်းကို ထိမှန်၍ လက်ချောင်းသည် လေထုထဲတွင် ပေါက်ကွဲကာ အရပ်ရပ်သို့ ပြန့်ကျဲနေသော အလင်းရောင်တစ်ခုအဖြစ်သို့ ပြောင်းလဲသွားသည်။ မြေကြီးကွဲအက်လုသော လက်ချောင်းများက ချူးယွင်ဖန်းကို မထိခိုက်စေနိုင်ခဲ့ပေ။

နတ်အဆင့်၏ဆဋ္ဌမအဆင့်သို့ ဝင်ရောက်ပြီးနောက် ချူးယွင်ဖန်း၏ စွမ်းရည်များသည် နားမလည်နိုင်သော အဆင့်သို့ ရောက်ရှိသွားခဲ့သည်။ ဂိုဏ်းချုပ်ဝေ့၏ အပြင်းအထန် တိုက်ခိုက်မှုကပင် သူ့ကို မည်သည့်ဒုက္ခမျှ မဖြစ်စေနိုင်ပေ။

ထွီး

မျိုးနွယ်စုခေါင်းဆောင်ဝေ့က သွေးတစ်ပွက် အန်ထုတ်ကာ ပြင်းထန်သော သက်ရောက်မှုကို ခံစားခဲ့ရသည်။ တစ်ဖက်တွင် ချူးယွင်ဖန်းသည် ဂိုဏ်းချုပ်ဝေ့ရှေ့တွင် ပေါ်လာသည်။ ချူးယွင်ဖန်းက သူ့ကို အေးစက်စွာကြည့်လိုက်၏။

"ပြောပါ ဒီအဖွဲ့အစည်းက ဘယ်လိုအဖွဲ့အစည်းလဲ၊ မင်းရဲ့သခင်က ဘယ်သူလဲ။ အမှန်အတိုင်းပြောရင် မင်းရဲ့အလောင်းကို ငါချန်ထားပေးမယ်"

"ချူးယွင်ဖန်း၊ ဒီနေ့ ငါ့ကို သတ်တာ အသုံးဝင်မယ်လို့ မင်းထင်နေတာလား။ ငါ့သခင်က မင်းကို အချိတ်အဆက်မမိပါစေနဲ့” မျိုးနွယ်စုခေါင်းဆောင်ဝေ့က ခါးသီးသော အပြုံးဖြင့် ပြောသည်။

ရုတ်တရက်၊ ဂိုဏ်းချုပ်ဝေ့ထံမှ ကြောက်မက်ဖွယ်စွမ်းအင်များ ပေါ်လာသည်။ သူ့ခန္ဓာကိုယ်ရှိ ဆဲလ်တိုင်းသည် ကြောက်မက်ဖွယ် စွမ်းအားများဖြင့် ဆူပွက်လာသည်။

"ချီးပဲ သူကိုယ်တိုင် ဖျက်တော့မယ်”

ထိုအချိန်တွင် ဂိုဏ်းခေါင်းဆောင် သုံးဦး၏ အမူအရာ ပြောင်းလဲသွားသည်။ နတ်အဆင့်နဝမအဆင့်က မိမိကိုယ်ကို ဖျက်ဆီးခြင်းသည် နူကလီးယားပေါက်ကွဲမှုနှင့် မယှဉ်နိုင်သော်လည်း စွမ်းအားပေါက်ကွဲမှုက ကြောက်ခမန်းလိလိဖြစ်နိုင်သည်။

လူတိုင်း၏အမူအရာပြောင်းလဲသွားကာ ခုခံကာကွယ်ရန် အသင့်ပြင်ထား၍ အတားအဆီးတစ်ခု ထူထောင်ကြသည်။

တစ်ချိန်တည်း၌ပင် ချူးယွင်ဖန်းသည် ဂိုဏ်းချုပ်ဝေ့ကို ဖမ်းဆုပ်လိုက်သည်။

"စည်းချိပ်" ဟူသော စကားလုံးသည် လေဟာနယ်ထဲမှ သူ့လက်ထဲတွင် ပေါ်လာသည်။

ပေါက်ကွဲတော့မည့် ဂိုဏ်းချုပ်ဝေ့၏ ခန္ဓာကိုယ်ရှိ နတ်စွမ်းအားသည် ကြီးစွာသော စွမ်းအားရှိသူက ၎င်းကို ပြန်လည် ဖိထားသကဲ့သို့ ရုတ်တရက် အေးစက်သွားသည်။

ချူးယွင်ဖန်း၏ လက်ဖဝါးသည် မျိုးနွယ်ခေါင်းဆောင်ဝေ့၏လည်ချောင်းကို ဖမ်းမိသွားသည်။ မျိုးနွယ်စုခေါင်းဆောင်ဝေ့က ရုန်းကန်သော်လည်း မလွတ်မြောက်နိုင်ပေ။ မိမိကိုယ်မိမိ ပေါက်ကွဲမှုကြောင့် သူ့ခန္ဓာကိုယ်အတွင်းရှိ မရီးဒျန်များစွာ ပျက်စီးခဲ့သည်။ ယခုအချိန်တွင် သူ့အတွင်းပိုင်း စွမ်းအင်များကို မည်သည့်အရကမှ မစုစည်းနိုင်တော့ပေ။

ချူးယွင်ဖန်းက လှောင်ရယ်လိုက်သည်။

"မင်းကို ငါခွင့်မပြုမချင်း မင်းသေလို့မရဘူးကွ"

လမင်းတံခွန်ဂိုဏ်း၏ဂိုဏ်းခေါင်းဆောင်နှင့် အခြားသူများသည် သက်ပြင်းချကာ လျှို့ဝှက်စွာ တုန်လှုပ်သွားကြသည်။ စည်းချိပ်ပိတ်နည်းက မည်သို့ဖြစ်သည်ကို လူတိုင်းက သိချင်ကြသည်။ ဂိုဏ်းချုပ်ဝေ့သည် မိမိကိုယ်ကို ဖျက်စီးတော့မည်ဖြစ်သော်လည်း ချူးယွင်ဖန်းက သူ့ကို စည်းချိပ်ပိတ်နိုင်ခဲ့သည်။

ချူးယွင်ဖန်း၏ ကျင့်ကြံမှုက မည်မျှ အစွမ်းထက်လာသည်ကို တွေးကြည့်ရုံမျှဖြင့် သိနိုင်၏။ သူသည် ဂိုဏ်းချုပ်ဝေ့၏ သွေးကြောမှတ်များနှင့် သူ၏ခန္ဓာကိုယ်တွင်းစွမ်းအင်အားလုံးကို ရှေးခေတ်ဆေးဧကရာဇ်မှတ်ဉာဏ်မှ စည်းချိပ်ပိတ်ခြင်းနည်းပညာဖြင့် စည်းချိပ်ခတ်ထားသည်။

ချူးယွင်ဖန်းက ဂိုဏ်းချုပ်ဝေ့ကို တောင်မြစ်ပန်းချီကားထဲသို့ ပစ်ချလိုက်သည်။

၎င်းသည် နတ်ကျွန်အဖွဲ့အစည်းနှင့် ပတ်သက်နေသောကြောင့် ချူးယွင်ဖန်း သတိထားရမည်ဖြစ်သည်။ အရာအားလုံးကို ကိုင်တွယ်ဖြေရှင်းပြီးနောက်တွင် သူသည် ဂိုဏ်းခေါင်းဆောင်နှင့် အနည်းငယ်မျှသော ထွက်ပြေးသွားသော အခြားသူများရှေ့တွင် သူပေါ်လာသည်။

သူမည်သည်စကားမျှမပြောခင် လင်းချန်ရှီသည် ချူးယွင်ဖန်း၏လက်များဆီသို့ ပျံသန်းလာကာ သူ့ရင်ခွင်ထဲသို့ တိုးဝင်လာသည်။

"ဆရာ အဆင်ပြေနေလို့ ကျေးဇူးပါ”

ချူးယွင်ဖန်း၏ အသက်နှင့်သေဆုံးမှု အခြေအနေများစွာကို မြင်တွေ့ပြီးနောက် လင်းချန်ရှီသည် နောက်ဆုံးတွင် လုံလောက်စွာ ငိုခဲ့သည်။

"ဘာလို့ငိုတာလဲ"

မည်ကဲ့သို့ တုံ့ပြန်ရမည်ကို မသိသော်လည်း သူ့နှလုံးသားထဲတွင် စီးဆင်းနေသော နွေးထွေးသော မျက်ရည်စီးကြောင်းကို ခံစားလိုက်ရသည်။ ချူးယွင်ဖန်းခဏတာ နှစ်သိမ့်ပေးပြီးနောက် လင်းချန်ရှီသည် နောက်ဆုံးတွင် စိတ်သက်သာရာရသွားသည်။

သူက လူအုပ်ကို တစ်ချက်ကြည့်လိုက်၏။

"ဟဲလို၊ အားလုံးပဲ၊ ဒါ ကျုပ်တို့ရဲ့ ပထမဆုံးတွေ့ဆုံမှုပဲ၊ ကျုပ်နာမည်က ချူးယွင်ဖန်း၊ လက်ရှိ ပြည်ထောင်စုရဲ့ အထူးစစ်ဆင်ရေးဌာန အကြီးအကဲ"

လူတိုင်းသည် ချူးယွင်ဖန်း၏ တည်ငြိမ်မှုကို သတိပြုမိသည်။ မျက်စိနှင့် မမြင်ရပါက အစုလိုက်အပြုံလိုက် သတ်ဖြတ်မှုကို ကြုံဖူးမည် မထင်ပေ။ သူသည် နတ်ကုန်းမြေတစ်ခုလုံးကို ၎င်းတို့၏ခြေဖဝါးဖြင့် တုန်လှုပ်သွားစေနိုင်သည့် ပစ်ခတ်မှုကြီးအပါအဝင် နတ်အဆင့် ရာပေါင်းများစွာကို သတ်ပစ်ခဲ့သည်။

"ဟယ်လို၊ ကျွန်မက လမင်းတံခွန်ဂိုဏ်းရဲ့ ဂိုဏ်းခေါင်းဆောင်”

"ကျွန်တော်က အသက်ရှည်ယုံကြည်မှု ဂိုဏ်းခေါင်းဆောင်ပါ။ တွေ့ရတာ ဝမ်းသာပါတယ်။"

"အဆုံးမဲ့စခန်းရဲ့ ဂိုဏ်းခေါင်းဆောင်က အရှင့်ကို ခစားဖို့အဆင်သင့်ပါပဲ"

ချူးယွင်ဖန်းက ၎င်းတို့ကို ဖမ်းရန် အစီအစဉ်မရှိဘူးကြောင်း သုံးယောက်သား သဘောပေါက်သွားသဖြင့် အလွန် ပျော်ရွှင်ကာ သူတို့ကိုယ်သူတို့ အမြန်မိတ်ဆက်လိုက်ကြသည်။ ပြည်ထောင်စုသို့ ခိုးဝင်ရန်ပင် မတွေးဝံ့ကြတော့ပေ။ ချူးယွင်ဖန်းက သူတို့ကို မသတ်သည်ကပင် လုံလောက်နေပြီဖြစ်သည်။

"အားလုံး ဒီရောက်နေပြီဆိုတော့ ကျုပ်က ပြည်ထောင်စုကို ကိုယ်စားပြုပြီး နတ်ကုန်းမြေက ပြောင်းရွှေ့ဖို့ ကိစ္စတွေကို ဆွေးနွေးမယ်။ ဘယ်လိုထင်လဲ" ချူးယွင်ဖန်းက ပြောသည်။

"ဟုတ် အဆင်ပြေပါတယ်” ဂိုဏ်းခေါင်းဆောင်များသည် တစ်ယောက်ကို တစ်ယောက်ကြည့်ကာ အားတက်သရော ခေါင်းညိတ်ကြသည်။

ချူးယွင်ဖန်းသည် ဂိုဏ်းသုံးဂိုဏ်း၏ အထက်ပိုင်း အရာရှိများကို ဖျက်ဆီးပစ်ခဲ့သည်။ အင်အားစုသုံးရပ် ပျက်သုဉ်းတော့မည့်အချိန်တွင် လမင်းတံခွန်ဂိုဏ်း၊ အဆုံးမဲ့စခန်းနှင့် အသက်ရှည်ယုံကြည်မှုဂိုဏ်းတို့ ပူးပေါင်းကာ နတ်ကုန်းမြေ၏ကိုယ်စား သဘောတူခဲ့ကြသည်။

"ပြီးပြည့်စုံတယ်"

ချူးယွင်ဖန်းက ကျေနပ်သော အပြုံးဖြင့် လူအုပ်ကို ကြည့်လိုက်သည်။ နတ်ကုန်းမြေသို့ သူ၏ခရီးစဉ်သည် နောက်ဆုံးတွင် အောင်မြင်စွာပြီးဆုံးသွားခဲ့သည်။

အခန်း(၁၀၅၀) သဘောတူညီချက်တစ်ခု

ချူးယွင်ဖန်းသည် မူလဂိုဏ်းသုံးခု၏ လက်ရှိသဘောထားကို အပြီးသတ်ရန် ဦးစားပေးလုပ်ဆောင်လိုခဲ့သည်။ ယခု ဂိုဏ်းသုံးခုသည် ပြည်ထောင်စုတွက် ပါဝင်ရန် ဆန္ဒရှိသောကြောင့် အထွေထွေမူများကို အပြီးသတ်ရန် လုံလောက်သည်။

ကံကောင်းထောက်မဖြင့် နျူကလီးယားပေါက်ကွဲမှုဖြစ်ပွားခဲ့သော်လည်း၊ နတ်တောင်ကုန်းရှိ အထွတ်အမြတ်နေရာက ထိုနေရာတွင်ရှိနေဆဲဖြစ်သည်။ ဤနေရာကို လူတိုင်းအသုံးပြုနိုင်ကာ တခြားသူများက ဤနေရာတွင် ပြည်ထောင်စုကို ကျူးကျော်ရန် ဆွေးနွေးရာ၌ သုံးခဲ့ကြသည်။

လူတိုင်း နေရာယူပြီးနောက် ချူးယွင်ဖန်းကပြောလိုက်သည်။

"နတ်ကုန်းမြေကို ပြည်ထောင်စုထဲ ပေါင်းစည်းဖို့ ဒီနေရာကို သုံးကြရအောင်။ ကျုပ်က ပြည်ထောင်စုကို ကိုယ်စားပြုပြီး ခင်ဗျားတို့က နတ်ကုန်းမြေကို ကိုယ်စားပြုရမယ် ကန့်ကွက်စရာအကြောင်း ရှိလား”

လူများစွာက ခေါင်းညိတ်ကြသည်။

ချူးယွင်ဖန်း၏ လက်ရှိအာဏာနှင့် သြဇာလွှမ်းမိုးမှုနှင့်အတူ အနာဂတ်တွင် သူသည် ပြည်ထောင်စု သမ္မတအဖြစ် ရွေးချယ်ခံရမည့် အခွင့်အလမ်းမြင့်မားသည်။ သူ့စကားများသည် သဘာဝအတိုင်း တန်ဖိုးရှိကာ သူ၏ကတိများက ရွှေတစ်ထောင်တန်သည်။

"လူကြီးမင်းချူး ပြည်ထောင်စုက ကျွန်တော်တို့ကို ဘယ်လိုဖြေရှင်းပေးမှာလဲ"

"ပြည်ထောင်စုက်ု အခြေခံမြို့တွေ ပတ်လည်တည်ဆောက်ထားတဲ့ စီရင်စုမြို့ အများအပြား ခွဲထားပါတယ်။ ကျုပ်ရဲ့ ကနဦးအစီအစဉ်အရ၊ နတ်ကုန်းမြေက သာမန်ပြည်သူတွေကို ဒီအခြေခံမြို့တွေ ဒါမှမဟုတ် စီရင်စုမြို့တွေမှာ နေထိုင်ဖို့ စီစဉ်ပေးမှာပါ။ ဒီနည်းနဲ့တို သူတို့ အစားအသောက် ဒါမှမဟုတ် အဝတ်အစားအတွက် စိတ်ပူစရာ မလိုပါဘူး" ချူးယွင်ဖန်းက ပြောကြားခဲ့သည်။

“နောက်ပြီး ဒီမြို့တွေကို မင်းတို့ ဂိုဏ်းတွေ မျိူးနွယ်စုတွေဆီတာဝန်ပေးပါမယ်"

အားလုံးက တွေး၍ သဘောတူလိုက်ကြသညါ။ ထို့ထက်ကား၊ ခွန်းလွန်နယ်မြေသည် ပြည်ထောင်စု၏ နယ်မြေဖြစ်သည်ကို ဤလူများက သိကြသည်။ ပြည်ထောင်စုက စည်းရုံးကာ ပုန်ကန်ခွင့်မပြုပေ။

ဤနည်းဖြင့် ပြည်ထောင်စု၏ ကျယ်ပြောလှသော နယ်မြေအဖြစ် ခွဲထွက်ကြရတော့သည်။ လူနှင့်မြေနှင့် မရင်းနှီးသောနေရာတွင် စည်းလုံးညီညွတ်ရုံသာတတ်နိုင်မည်ဖြစ်ကာ အစိုးရကို ဆန့်ကျင်ရန်မှာ သဘာဝအားဖြင့် မဖြစ်နိုင်ပေ။

ကံကောင်းထောက်မစွာဖြင့် လုံးလုံးမကွဲဘဲ ၎င်းတို့၏ ဂိုဏ်းတစ်ခုလုံးကို ပြောင်းရွှေ့ခွင့်ပြုခဲ့သည် မဟုတ်ပါက အထီးကျန်နေကြရပေလိမ့်မည်။

သို့သော် သူတို့သိထားသည်များ အရ နတ်အဆင့်များက ပြည်ထောင်စုတွင် ထိပ်တန်း လက်ရွေးစင်များအဖြစ် သတ်မှတ်ခံရသည်။ သူတို့က ဒေသတစ်ခုအား လွှမ်းမိုးထားပါက ၎င်းတို့ကို မည်သူမျှ နှိုးဆော်ဝံ့မည်မဟုတ်ပေ။

နေရာ အသီးသီး ကွဲသွားလျှင်ပင် အနိုင်ကျင့်ခံရမည်မဟုတ်ပေ။

ဤအရာက ၎င်းတို့အတွက် အကောင်းဆုံး ရွေးချယ်မှုဖြစ်သည်။ တကယ်တမ်းတွင် ပြည်ထောင်စုသည် နတ်ကုန်းမြေထက် အဆပေါင်းများစွာ အရင်းအမြစ်များနှင့် ဖွံ့ဖြိုးတိုးတက်ရေး အလားအလာများ ရှိနေသည်။

"ကျွန်တော်တို့က ပြည်ထောင်စုအစိုးရမှာ ပါနိုင်ပါ့မလားလို့ နည်းနည်း စိုးရိမ်မိတယ်"

"ဟုတ်ပါတယ် ခင်ဗျားတို့ ပါနိုင်ပါတယ်။ ပြည်ထောင်စုအစိုးရက တာဝန်ထမ်းဆောင်လိုတဲ့ သူရဲကောင်းအားလုံးကို ကြိုဆိုပါတယ်၊ အထူးသဖြင့် နတ်အဆင့်တွေကို ကြိုဆိုပါတယ်" ချူးယွင်ဖန်းက ခေါင်းညိတ်ပြီးနောက် ဆက်လက်၍ပြောသည်။ "မင်းတို့လိုမျိုး ကျွမ်းကျင်ပညာရှင်တွေက ပြည်ထောင်စုအစိုးရ ဒါမှမဟုန် ပြည်ထောင်စု တပ်မတော်မှာပါဖို့ ရွေးလို့ရပါတယ်”

“ဒါပေမဲ့ တစ်ချို့က အဆင်မပြေတာတော့ ပြောရမှာပေါ့ အစိုးရဖြစ်ဖြစ် တပ်မတော်ဖြစ်ဖြစ် ပြည်ထောင်စုက ကစားစရာ နေရာ မဟုတ်ဘူး”

"ဒါပေမယ့် မင်းတို့က ငါတို့နဲ့ ပူးပေါင်းပြီး ငါတို့ရဲ့ အကာအကွယ်နဲ့ ဖွံ့ဖြိုးတိုးတက်ရေး အကျိုးကျေးဇူးတွေကို ခံစားဖို့ ရွေးချယ်ခဲ့တာဖြစ်လို့ ပြည်ထောင်စုက ဆင့်ခေါ်တိုင်း စစ်မြေပြင်ကို သွားရမယ်။"

"မင်းတို့ရဲ့ နတ်ကုန်းမြေနဲ့ မတူဘဲ၊ ပြည်ထောင်စုက အာဏာနဲ့ တာဝန်ဝတ္တရား တန်းတူညီမျှမှုကို အာရုံစိုက်တယ်။ နတ်အဆင့်တွေလည်း ချွင်းချက်မရှိဘူး။ နတ်အဆင့်တွေက ကျန်တဲ့အရာတွေထက် သာလွန်ပေမယ့် မင်က ပြည်ထောင်စု အထက်မှာ ရှိနေတယ်လို့ မင်းထင်ရင် မင်းမှားသွားလိမ့်မယ်။ ငါ နတ်အဆင့်တွေကို ဖမ်းပြီး တရားစီရင်လိုက်လို့ရတယ်"

သူ၏ စကားများသည် နတ်အဆင့်များ၏ စိတ်နှလုံးကို လျင်မြန်စွာ တုန်လှုပ်စေခဲ့သည်။ ၎င်းတို့သည် နတ်ကုန်းမြေ၌ ကျန်သူများထက် သာလွန်၍ မည်သူကမျှ မချုပ်နှောင်နိုင်ပေ။ သို့သော်လည်း မကြာမီတွင် ၎င်းတို့သည် ပြည်ထောင်စု၏ ဥပဒေများကို သာမန်လူများကဲ့သို့ လိုက်နာရမည်ဖြစ်သည်။

မာနကြီးသည်ကို အသားကျနေသော ၎င်းတို့အတွက် ဤအရာက စိန်ခေါ်မှုကြီးပင်ဖြစ်သည်။ ရ ဒါဟာ သို့သော် ချူးယွင်ဖန်း၏ စကားများက အစစ်အမှန်ကို ဆိုလိုကြောင်းသိကြသည်။ နောက်ဆုံးတွင်မူ သူ့တွင် သူ့အကြံအစည်များကို အကောင်အထည်ဖော်ရန် ခွန်အားရှိသည်။

နတ်အဆင့်များက ပြည်ထောင်စုအစိုးရ၏ ခေါ်ယူမှုအတွက် မိမိတို့ကိုယ်ကို ပြင်ဆင်ထားပြီးဖြစ်သည်။ အဆုံးစွန်အားဖြင့် ၎င်းတို့သည် ၎င်း၏နယ်မြေတွင် ရှိနေစဉ်တွင် ပြည်ထောင်စုစနစ်မှ လုံးလုံးလျားလျား မခွဲထွက်နိုင်ပေ။

"မင်းတို့ ငါတို့ အစိုးရ ဒါမှမဟုတ် စစ်တပ်ထဲဝင်ချင်လား ပြည်ထောင်စုက မင်းတို့ ရွေးချယ်သမျှကို မျှမျှတတ ဆက်ဆံမယ်လို့ ငါအာမခံပါတယ်။ မင်းတို့ ပြည်ထောင်စုကို ပံ့ပိုးပေးသရွေ့ ရာထူးတိုးလာလိမ့်မယ်" ချူးယွင်ဖန်းက ပြောသည်။

ဤပညာရှင်များသည် ပြည်ထောင်စု၏ အနိမ့်ဆုံးအဆင့်မြင့် တိုက်ခိုက်ရေးစွမ်းအားကို တိုက်ရိုက်ဖြည့်စွက်ပေးသောကြောင့် သဘာဝကျစွာပင် ချူးယွင်ဖန်းက ၎င်းတို့ကို မနှိမ်နင်းနိုင်ပေ။ ယင်းအစား သူတို့ကို အရေးကြီးသော ရာထူးများ အပ်နှင်းထားရမည်။

သို့သော်လည်း အဆိုပါ ပညာရှင်များ ဝင်ရောက်လာမှုသည် ပြည်ထောင်စုထဲမှ ဒေသခံအာဏာရှင်များထံမှ အခွင့်အာဏာများစွာ ရယူမည်ဖြစ်သည်။ ပြည်ထောင်စု၏ နိုင်ငံသားများက ၎င်းတို့အား ငြင်းပယ်လိမ့်မည်ကိုပင် တွေးကြည့်နိုင်သည်။

သို့တိုင် ၎င်းသည် ပြည်ထောင်စု၏ အနာဂတ်ဖွံ့ဖြိုးတိုးတက်မှုနှင့် ဆက်စပ်နေသောကြောင့် ချူးယွင်ဖန်းအတွက် ကောင်းမွန်သည်။ ဆန့်ကျင်ဝံ့သူသည် နှိမ်နှင်းခြင်းခံရမည်။

ရာနှင့်ချီသော နတ်အဆင့်များ ပေါင်းထည့်ခြင်းဖြင့် ဤလူများက ပြည်ထောင်စုအတွက် အရေးပါမှု လျင်မြန်စွာ လျော့နည်းလာသည်။ ထုံးစံအတိုင်း ၎င်းတို့တွင် မော်ကြွားနေရန် အရင်းအနှီးမရှိတော့ပေ။

"အဲ့အာမခံချက်ကို ကျုပ်တို့လည်းမျှော်လင့်ပါတယ် နောက်ဆုံးတော့လည်း နတ်ကုန်းမြေက ပြည်ထောင်စုကို ပေါင်းစည်းဖို့ လိုအပ်တယ်"

"ငါ့စကားက ငါ့အာမခံချက်ပဲ" ချူးယွင်ဖန်းက ရိုးရိုးရှင်းရှင်းပြော၏။

“တချို့က မယုံနိုင်ပေမယ့် အကျိုးကျေးဇူးတွေက အကောင်းဆုံး အာမခံချက်လို့ ငါယုံကြည်တယ်။ မင်းတို့ကို နေရာတစ်ခုပေးဖို့ ပြည်ထောင်စုက လိုအပ်တယ်၊ ပြည်ထောင်စုက မင်းတို့ကို အဆင့်မြင့် တိုက်ခိုက်ရေးစွမ်းအားတွေ ပေးဖို့လိုအပ်တယ်”

"ဒါဆို မင်းတို့ ငါတို့ အောင်အောင်မြင်မြင် ပေါင်းစည်းနိုင်မယ်လို့ ငါယုံကြည်တယ်။ ငါတို့ အချင်းချင်း လိုအပ်နေတဲ့အတွက် ဒါက နှုတ်ကတိတစ်ခုပဲတော့မဟုတ်ဘူးမလား”"

သူ့စကားများကြားရသည်မှာ စိတ်မသက်မသာဖြစ်ရသော်လည်း အဓိပ္ပါယ်ရှိသည်။ ၎င်းတို့က ကလေးများမဟုတ်သဖြင့် ချူးယွင်ဖန်းသည် သာယာသောအသံဖြင့် အာမခံချက်ပေးမည့်အစား အမှန်တရားကိုပြောနေခြင်းဖြစ်သည်ကို နားလည်ခဲ့သည်။

နတ်အဆင့်ဟူသည် ပြည်ထောင်စုအတွက် အလွန်တန်ဖိုးရှိသည်။

ဤအခြေခံအုတ်မြစ်ဖြင့် ညှိနှိုင်းမှု အောင်မြင်စွာပြီးဆုံးခဲ့သည်။ ထို့အပြင် တက်ရောက်သူအားလုံးသည် ကြီးမားသောရိုက်ချက်ကြီးများ ဖြစ်သည်။

အသေးစိတ်အချက်အလက်များအတွက် ချူးယွင်ဖန်းသည် ခွန်းလွန်နယ်မြေသို့ ပြန်လည်ရောက်ရှိကာ ပြည်ထောင်စု ကိုယ်စားလှယ်အဖွဲ့ဖွဲ့စည်း၍ ဆွေးနွေးရန် အချိန်ပေးသည်အထိ စောင့်ရမည်ဖြစ်သည်။

ထိုအချိန်တွင် လူတိုင်းသည် ငရဲမီး၊ ဝေ့မျိူးနွယ်စု နှင့် အခြားဂိုဏ်းငယ်များအကြောင်း မေ့သွားကြသည်။

လောကကြီးက မည်မျှရက်စက်သနည်း။