အခန်း (၃၄၉)

ချင်ရီ၏စကားများသည် ဝမ်စစ်ထုံအား အေးခဲသွားစေကာ သူ့အား ခဏတာစကားမပြောနိုင်အောင် ဖြစ်သွားစေသည်။ ထို့ နောက် ချင်ရီဘက်မှတောင်းပန်ပြီးတာဝန်ယူခဲ့လျှင် ခွင့်လွှတ်ကြောင်းစာတစ်စောင် ရေးထိုးရန်စဉ်းစားမည်ဟု ဝမ်စစ်ထုံမှအရိပ်အမြွက်ပြောကာ ဘယ်လိုပဲဟန်ဆောင်ငိုယိုပြီးကွန်ပလိန်းတက်နေပါစေ ချင်ရီသည် ဝမ်စစ်ထုံအားလုံးဝလျစ်လျူ ရှုခဲ့သည်။

ကြည့်ရှုသူများအနေဖြင့် ဝမ်စစ်ထုံ၏အပြုအမူသည် ရယ် စရာကောင်းလောက်အောင်နည်းပါးလှသည်။

ထိုအချိန်တွင်၊ ချင်ကော်ပိုရေးရှင်း၏အဖွဲ့သည် ဝမ်စစ်ထုံ၏ မိဘများကိုယ်တိုင်ပံ့ပိုးပေးထားသည့် သူ၏အီလက်ထရွန်နစ်ကိရိယာများမှအထောက်အထားများအား အလွယ်တကူရယူနိုင်နေပြီဖြစ်သည်။

ဟုတ်ပါသည်၊ ချင်ကော်ပိုရေးရှင်းမရှိလျှင်ပင် ရဲများသည် သက်သေအထောက်အထားများအား နောက်ဆုံးတွင် ရှာတွေ့နိုင်လိမ့်မည်—၎င်းဟာ အချိန်တစ်ခုသာလိုသည်။

ဝမ်စစ်ထုံသည် သူ၏လှည့်ကွက်လေးများဖြင့် လူတိုင်းအား အလွယ်တကူလှည့်ဖြားနိုင်သည်ဟုတွေးကာ ကမ္ဘာကြီးကိုလျှော့တွက်ခဲ့သည်ဟု ပြောနိုင်သည်။

ချင်မိသားစု၏ဥပဒေအဖွဲ့မှ တင်ပြလာသည့် အထောက်အ ထားများအား လျင်မြန်စွာပြန်လည်သုံးသပ်ပြီး ရဲများပြန်‌ ရောက်လာချိန်တွင် ဝမ်စစ်ထုံ၏ကံကြမ္မာအား တံဆိပ်ခတ်ခဲ့သည်။

ထိုမြင်ကွင်းကိုမြင်ပြီး ဝမ်စစ်ထုံသည် အပြစ်ရှိသလိုမျိုး ထိတ်လန့်တုန်လှုပ်သွားကာ ချက်ချင်းအော်ပြောတော့သည်။

"သူက ကျွန်မကိုနှိပ်စက်ဖို့ ဆရာတစ်ယောက်ဆိုတဲ့ရာထူးကို သုံးခဲ့တယ်! ရှင်တို့ဘာလို့ သူ့ကိုမဖမ်းတာလဲ ? ကျွန်မ ရှင်း ရှင်းလင်းလင်းပြောပြီးပြီ။ ရှင်တို့ ဘာထပ်လိုချင်သေးလဲ? ကျွန်မသိပြီ- ရှင်တို့အားလုံးက ကြံရာပါတွေပဲ! ရှင်တို့ကို ကျွန်မတိုင်မယ်။" ဟု ဝမ်စစ်ထုံမှ ၎င်းသည် သူ၏အကြီးမြတ်ဆုံးဒိုင်းတစ်ခုဖြစ်သကဲ့သို့ ဆက်လက်ပြီး နစ်နာသူဟန်ဆောင်နေခဲ့သည်။

ရဲအရာရှိများ၏အမူအရာများ မှောင်မိုက်သွားသည်။ အပြစ်ကိုဖုံးကွယ်ရန် ကြိုးစားနေသည့် ရာဇ၀တ်ကောင်အများအပြားအား သူတို့တွေ့ဖူးကြသော်လည်း ဤလယ်ဗယ်မျှရှိသည့် ကျေးဇူးကန်းမှုနှင့် အမှန်တရားအားလိမ်လည်လှည့်မှုတို့မှာ ပထမဆုံးဖြစ်သည်။ အရာရှိတစ်ဦးက

" ဗီဒီယိုအပြည့်အစုံနဲ့ စကားပြောမှတ်တမ်းတွေကို ကျွန်တော်တို့ရထားပြီးပြီ။ အွန်လိုင်းပေါ်မှာပျံ့နှံ့နေတဲ့ တည်းဖြတ်ထားတဲ့ဗားရှင်းတွေကိုလည်း ဖျက်သိမ်းလိုက်ပြီ။ မင်းက မစ္စတာချင်ရီကို လိမ်လည်စွပ်စွဲခဲ့တယ်လို့ သက်သေပြနေပြီ၊ အခု ကျွန်တော်တို့က မင်းကို တရားဥပဒေအရအရေးယူမှာပါ။"

ဤစကားများပြောပြီးသည်နှင့် တပြိုင်နက်အခန်းထဲတွင် ညည်းညူသံများထွက်ပေါ်လာပြီး လူတိုင်း ဝမ်စစ်ထုံအား လှည့်ကြည့်ကြသည်။

သူတို့သည် စိတ်ပိုင်းဆိုင်ရာပြင်ဆင်ထားသော်လည်း ထိုကဲ့သို့ ဆိုးရွားသည့်အခြေအနေအား ရင်ဆိုင်နေရပြီး အဓိပ္ပါယ်မဲ့ ကြောက်စရာကောင်းသည့်ခံစားမှုများ ရှိနေဆဲပင်။

၎င်းဟာ အလားအလာကောင်းပြီး ထူးချွန်သည့်အဆိုတော်တစ်ယောက်၏ အပြုအမူတဲ့လား ?

ဝမ်စစ်ထုံ တခဏမျှအေးခဲသွားသော်လည်း ၎င်းသည် အမှန်မဖြစ်နိုင်ဟု သူ၏ခေါင်းမာသည့်ယုံကြည်ချက်အား အလျင်အ မြန်ဆုပ်ကိုင်ထားသည်— အရာအားလုံးအား သေချာပေါက် သူဖျက်ပစ်လိုက်သည်။

"ဒါက ဘယ်လိုဖြစ်နိုင်မှာလဲ ? နင်တို့အားလုံးက ရာဇ၀တ်ကောင်ကိုကာကွယ်ဖို့ ကျောင်းသူလေးငါ့ကို ဝိုင်းအနိုင်ကျင့်နေတာပဲ! ငါ... ငါ ငါ့ရဲ့ဖြူစင်မှုကိုသက်သေပြဖို့အတွက် သေပြရဲတယ်!" ဟု သူ၏အပြစ်ကင်းစင်မှုအား သက်သေပြရန် သူ့ကိုယ်သူ နံရံနှင့်ပစ်ဆောင့်ကာအော်ဟစ်နေခဲ့သည်။

ရဲများရှိနေခြင်းကြောင့် သဘာဝအတိုင်းပင် မအောင်မြင်ခဲ့သော်လည်း ဝန်ထမ်းများမှာ တုန်လှုပ်နေဆဲပင်။ အကျိုးဆက်များ မည်သို့ပင်ရှိစေကာမူ မိမိကိုယ်မိမိထိခိုက်စေရန် အမှန်တကယ်ရည်ရွယ်ထားသည်။ တရားခွင်မစခင်မှာ ဝမ်စစ်ထုံတစ်ခုခုဖြစ်ခဲ့ပါက ပြင်ပမီဒီယာများမှ အတင်းအကျပ်ဝန်ခံခိုင်းမှုအဖြစ် လှည့်ဖျားမှာသေချာသည်။

[ဒီမိန်းကလေးက တကယ့်ကို အထိန်းအကွပ်မရှိတာပဲ... ကောင်းပြီလေ၊ ကြည့်ရတာ သူ့အိမ်မှာ သူ့မိဘတွေက အဆက် မပြတ်ငြင်းခုန်နေပြီး သူ့အမေက သူ့အဖေအပေါ် အလားတူခြိမ်းခြောက်မှုတွေသုံးခဲ့တာကနေ ဒီလိုအတုယူခဲ့တာပဲ။]

ချင်ဒုတိယမိသားစုသည် ၎င်းတို့သမီး၏ကံကြမ္မာကို လုံးဝဂရုမစိုက်သည့် ဝမ်စစ်ထုံ၏မိဘများအားစိုက်ကြည့်နေကြသည်။ စီရင်ရခက်လှသည်ပင်။

ဝမ်စစ်ထုံသည် သူ့အား အမှန်တကယ်ဂရုစိုက်သူတစ်ဦးနှင့် ကြုံတွေ့ရပြီး ၎င်းတို့ကိုပိုင်ဆိုင်ရန် အလွန်အမင်းစိတ်အားထက်သန်လာကာ - သူသာ မအောင်မြင်ခဲ့ပါက ၎င်းတို့အားဖျက်ဆီးပစ်ရန် အလွန်အမင်းစိတ်အားထက်သန်လာခဲ့သည်။ ၎င်းက သူ့မိဘများထံမှ သင်ယူခဲ့သည့်အပြုအမူပင်။

ဝမ်စစ်ထုံမှ ဒေါသူပုန်ထနေသေးသည်ကိုမြင်ပြီး ချင်ရှန့် အခုမှရောက်လာသည့်ရှေ့နေထံလှည့်ကာ တစ်ခုခုပြောလိုက်သည်။

ရှေ့နေသည် လက်ပ်တော့တစ်လုံးအား ချက်ချင်းဆွဲထုတ်ကာ စားပွဲပေါ်တင်ပြီး လူတိုင်းကြည့်ရှုနိုင်ရန် မူရင်းဗီဒီယိုများကို စတင်ဖွင့်ပေးခဲ့သည်။

အွန်လိုင်းပေါ်ပျံ့နှံ့နေသည့် တည်းဖြတ်ထားသည့်ကလစ်ဗီဒီယိုအတိုများနှင့် မတူဘဲ၊ ဤဗီဒီယိုများတွင် မူရင်းအသံပါဝင်သည်။

သူ့ခံစားချက်များအား ဝန်ခံလိုက်သည့် ဝမ်စစ်ထုံ၏အသံသည် ဗီဒီယိုထဲမှထွက်ပေါ်လာပြီး အခန်းတစ်ခုလုံး တိတ်ဆိတ်သွားသည်။

ရဲများထံမှ ချုပ်ခံထားရသည့်ဝမ်စစ်ထုံပင် အံ့ဩသွားသည်။

မျက်မြင်သက်သေအဖြစ်လာရောက်ကြသည့် ဆရာများနှင့်ကျောင်းသားများသည် လူစိမ်းများကိုပင် ရှေ့သို့တွန်းထုတ်ကာ ဝိုင်းအုံကြည့်နေကြသည်။

နောက်ဆုံး ဝမ်စစ်ထုံသည် ရဲများမှာအချဉ်မဟုတ်ကြောင်းသိသွားသည်။ ဒေါသတကြီးဖြင့် ရှေ့သို့အပြေးအလွှားလာရန် ကြိုးစားသော်လည်း လူအုပ်ကြီးမှာထူထပ်လွန်းသဖြင့် သူ့အား ဝင်ရောက်စွက်ဖက်ရန် လမ်းကြောင်းမပေးခဲ့ပေ။ သူ ချင်ရီအားထိတ်လန့်ကာ နာကြည်းရုံသာစိုက်ကြည့်နိုင်ခဲ့သည်။

"မကြည့်နဲ့! ရပ်လိုက် ! အဲ့လို မဟုတ်ဘူး၊ မဟုတ်ဘူး!"

သို့သော် သူ့အော်သံများသည် အသံအဆုံးထိဖွင့်ထားသောဗီဒီယိုအား တိမ်မြုပ်သွားအောင်မလုပ်နိုင်ခဲ့ချေ။

ဖျော်ဖြေပွဲပြီးသွားချိန်မှာတော့ ဖျော်ဖြေပွဲနောက်ကွယ်မှဇာတ် ခုံသည် အားလုံးမြင်တွေ့နိုင်အောင် အမှန်တရားအား‌ဖော်ထုတ်ခဲ့သည်။

နောက်ဆက်တွဲမှာ ပိုလို့ပင်ပေါက်ကွဲစေသည့် ဗီဒီယိုများဖြစ် သည်၊ သို့သော် ကိုယ်ရေးကိုယ်တာများနှင့်သက်ဆိုင်သော ကြောင့်၊ မှုန်ဝါးနေသည့်ပုံများဖြစ်ပင်လျှင် ၎င်းတို့အား တရားဥပဒေဆိုင်ရာဂယက်ရိုက်မှုများမဖြစ်စေပဲ စွန့်စားပြီး လူသိရှင် ကြားပြသနိုင်မည်မဟုတ်ပေ။ သို့သော် အသံတစ်ခုတည်းကပင် လုံလောက်သည့်သက်သေအဖြစ်သက်သေပြနိုင်ခဲ့သည်။

အရာအားလုံးဖွင့်ပြပြီးသည်နှင့် သံသယများမရှိတော့ပေ။

"ငါ တည်းဖြတ်ထားတဲ့ဗားရှင်းတွေကို အွန်လိုင်း‌ပေါ်မှာမြင်ဖူးတယ်။ ဒါဆို ဒါကတကယ်လား? သူက သူ့ကိုယ်သူစ‌တေးပြီး၊ အတင်းအကြပ်ဖိအားပေးဖို့ သူ့အနာဂတ်ကိုအသုံးချပြီး သူ့ဆရာကိုခြိမ်းခြောက်ခဲ့တာလား ?"

"ဒါက လုံးဝကို ရွံရှာစရာကြီး။ အခုမှ အကျိုးအကြောင်းဆက် စပ်ပြီး အမှန်တရားကိုလိမ်ထားတယ်ဆိုတာ ဘာကိုဆိုလိုလဲ ငါနားလည်ပြီ။ ဒါက အွန်လိုင်းကနေနှောင့်ယှက်ဖို့တမင်တကာလုပ်ခဲ့တာပဲ။"

"ငါတို့ဌာနရဲ့ ပါရမီရှင်က ဒီလိုမျိုးဖြစ်နိုင်မယ်လို့ တစ်ခါမှမထင်ခဲ့မိဘူး။ ငါ... အစောကသူ့အတွက် စိတ်မကောင်းဖြစ်မိလုနီးနီးပဲ။"

"ဝမ်စစ်ထုံ၊ နင့်ဆရာက နင့်ကို ကောင်းကောင်းမွန်မွန်ဆက်ဆံတယ်။ နင်ဘာလို့ ဒီလိုလုပ်ရတာလဲ? နင် လုံးဝကို ကျေးဇူးကန်းတာပဲ။" ဟု တစ်စုံတစ်ယောက်မှမထိန်းနိုင်ဘဲ ဝမ်စစ်ထုံအား ကြိမ်းမောင်းလိုက်သည်။

"နင် ဘယ်လောက်ကံကောင်းလဲဆိုတာ သဘောပေါက်ရဲ့လား? နင့်ဆရာရဲ့လမ်းညွှန်မှုမရှိဘဲ ဒီနေ့နင်ဆိုတာဖြစ်လာမှာမဟုတ်ဘူး? ကျေးဇူးတင်ရမယ့်အစား နင်က သူ့ကိုဖျက်ဆီးဖို့ကြိုးစားခဲ့တယ်!"

သူတို့ အိပ်မက်သာမက်နိုင်သည့် အခွင့်အရေးများအား ဝမ်စစ်ထုံမှရရှိထားသောကြောင့် အခြားတစ်ယောက်ဟာ ဒေါပွသွားခဲ့သည်။

အခြားဆရာမှလည်း "ဝမ်စစ်ထုံ၊ မင်း ဒီလိုမလုပ်ခဲ့သင့်ဘူး။ ချင်ရီက မင်းကိုသင်ပြဖို့ မပျင်းမရိကြိုးစားခဲ့တာ။"

သို့သော် ထိုစွပ်စွဲသံများသည် သူ့အား အကြင်နာကင်းမဲ့စေပြီး ကျေးဇူးမတင်ကာ နားပင်းသွား‌စေသည်။ ဝမ်စစ်ထုံသည် ချင်ရီအား ကမ္ဘာ့ရန်သူတစ်ယောက်ကဲ့သို့ အဆိပ်ပြင်းသည့်အ ကြည့်ဖြင့်ကြည့်သည်။

"အထောက်အထားက ငြင်းလို့မရဘူး။ မင်းမှာ ပြောစရာရှိသေးလား?"

ချင်ဝမ်ရှန့်သည် ဝမ်စစ်ထုံမှ သူ့တိတိအား ထိုကဲ့သို့ကြည့်ဝံ့သေးသည်ကိုမြင်ပြီး ဒေါသတကြီးဖြစ်နေသည်။

"မင်းရဲ့ဆရာကို ဒီလိုမကောင်းတဲ့အကြံအစည်တွေ ကြံစည်တာ - မင်းမှာ အသိစိတ်လုံးဝမရှိဘူးလား ?"

" ငါသူ့ကို ချောင်ချခဲ့တာဆိုရင်ကော ဘာဖြစ်လဲ ? အဲ့တာသူ့အပြစ်! သူ့အပြစ်ပဲ! ငါ သူ့အတွက် သတ်သေဖို့တောင်ကြိုးစားခဲ့တာ၊ သူ့အတွက် အရာအားလုံးကို စွန့်စားလိုစိတ်ရှိခဲ့တယ်။ ငါသူ့ကို အရမ်းချစ်ပေမယ့် အေးစက်ပြီးနှလုံးသားမဲ့တဲ့သူကတော့ ငါ့ကို ငြင်းနေတုန်းပဲ။ ဘာလို့လဲ? ငါအကုန်လုပ်ပြီးပြီ၊ သူဘာလို့ ငါ့ကို ဒီလိုဆက်ဆံနေသေးတာလဲ?"

သူ့မျက်လုံးများသည် သွေးများယိုစီးနေသကဲ့သို့ နီရဲနေပြီး ဆက်လက်ကာ အော်ဟစ်ပြီးရင်းအော်ဟစ်နေခဲ့သည်။

[တချို့လူတွေရဲ့အကျင့်စာရိတ္တက ဘယ်လောက်ထိမူမမှန်နိုင်ဘူးလဲဆိုတာ တကယ့်ကိုအံ့သြစရာပဲ။ နည်းနည်းလေးစိတ်မမှန်တဲ့ဘယ်သူမဆို ဒီနားမလည်နိုင်စရာကြီးကို တွေ့လိမ့်မယ်။]

ချင်ဒုတိယမိသားစုသည် သူတို့၏အံ့သြမှုအားအပြည့်အ၀ ထုတ်ဖော်ခဲ့သည်။

အခြားသူများသည် ဝမ်စစ်ထုံ၏ ဖောက်ပြန်နေသည့်အတွေး အခေါ်ကြောင့် ဒေါသထွက်ခဲ့ကြသော်လည်း ကံကောင်းထောက်မစွာဖြင့် ချင်ဝမ်ရှန့်မှ သူ့အား ဆုံးမရန်ဝင်ရောက်လာခဲ့သည်။

ချင်ဝမ်ရှန့်သည် ခါးသီးစွာမရယ်မောပဲ မနေနိုင်ပေ။

"ဒီနှစ်တွေအများကြီးမှာ မရေမတွက်နိုင်တဲ့အမျိုးသမီးတွေက ငါ့တိတိကိုကြိုက်ခဲ့ဖူးတယ်။ သူတို့တစ်ယောက်ချင်းစီတိုင်းက မင်းလို ပြုမူခဲ့မယ်ဆိုရင် ငါ့တိတိက အားလုံးကိုတာဝန်ယူပေးရမှာလား? မင်းရဲ့လုပ်ရပ်က မင်း သောက်ကြောင်းပဲ။ တခြားတစ်ယောက်ယောက်က အကျိုးဆက်ကိုဘာလို့ခံပေးရမှာလဲ? ဘယ်အချိန်ကတည်းက အချစ်ဆိုတာ အရောင်းအဝယ်တစ်ခုဖြစ်သွားရတာလဲ ? ငါ အရှက်မရှိတဲ့လူတွေကို မြင်ဖူးပါရဲ့ ဒါပေမဲ့ မင်းကတော့ ကိတ်မုန့်ကိုယူလိုက်တယ်။ မင်း ဘယ်လို စိတ်ကူးယဉ်အိပ်မက်ထဲနေနေတာလဲ၊ မင်း ဝုန်းဒိုင်းကြဲပြယုံနဲ့ လိုချင်သမျှအားလုံးရမယ်လို့ ထင်နေတာလား ?"

ဝမ်စစ်ထုံသည် ဒေါသကြောင့်ဖြူဖျော့သွားသော်လည်း ချင်ရီအား မုန်းတီးစွာဆက်လက်စိုက်ကြည့်နေသည်။

ချင်ရီသည် သူ့အား အေးစက်စက်စိုက်ကြည့်နေသည်။

ဝမ်စစ်ထုံ ရုတ်တရက်စိတ်မကောင်းဖြစ်သွားသည်။

"ကျွန်မ ရှင့်ကိုမုန်းတယ်! ရှင် ကျွန်မကိုမချစ်နိုင်ရင် ဘာလို့ ကျွန်မအပေါ် အရမ်းကြင်နာပေးရတာလဲ? ကျွန်မကို ရှင့်အ‌ ပေါ်ချစ်မိသွားအောင်လုပ်ခဲ့တာက ရှင်ငြင်းဖို့အတွက်ပဲလား ? ဒါတွေအားလုံး ရှင့်အမှားပဲ။"