ဆေးပညာအစည်းအရုံးဥက္ကဠ၏ ထိတ်လန့်မှု

ယခုမှသာ လူများစွာက ပြန်မှတ်မိသွားကြသည်။

မကြာသေးမီနှစ်များအတွင်း၊ အသက်အရွယ်တူသော ဆေးပညာပါရမီရှင်နှစ်ဦးသည် မဟာဝေ့နိုင်ငံတော်တွင် ပေါ်လာခဲ့သည်။

တစ်ခုမှာ ဧကရာဇ်မြို့တော်မှ ပိုင်ရှန့်ကျုဖြစ်၍ ကျန်တစ်ဦးမှာ ခုန်းလုံမြို့ မှ ကျန်းလန်အာဖြစ်သည်။ တစ်ဦးသည် တောင်ပိုင်းမှဖြစ်၍ ကျန်တစ်ဦးသည်မူ မြောက်ဘက်မှဖြစ်သည်။ မကြာသေးမီက ၎င်းတို့သည် လူအများ၏ အာရုံစိုက်မှုကို ခံခဲ့ရသည်။

ဤလူနှစ်ဦးသည် အနာဂတ်တွင် ဆေးကျွမ်းကျင်သူများဖြစ်လာရန် အလားအလာရှိသည်ဟု ဆေးပညာကျွမ်းကျင်သူများက ထုတ်ပြောသော ကောလဟာလများပင်ရှိခဲ့သော်လည်း အချိန်များစွာကြာမည်မဟုတ်ပေ။

ဤလူနှစ်ဦး နာမည်ကြီးလာကြသည်မှာ အချိန်အတန်ကြာခဲ့ပြီဖြစ်သည်။ ၎င်းတို့နှစ်ဦးလုံးက အသက်အရွယ်ချင်းတူကြကာ နယ်ပယ်တစ်ခုတည်းတွင် ထူးချွန်ကြသောကြောင့် အချင်းချင်း ပြိုင်ဆိုင်မှုများ များလာကြသည်။

တစ်ယောက်က အငယ်တန်း ဆေးအလုပ်သင် ပထမဖြစ်လာကာ နောက်တစ်ယောက်က အလယ်အလတ် ဆေးအလုပ်သင် ပထမ ဖြစ်လာသည်။လွန်ခဲ့သည့် နှစ်အနည်းငယ်အတွင်း နယ်ပယ်အသီးသီးတွင် နှစ်ဖက်စလုံးသည် တစ်ကြိမ် သို့မဟုတ် နှစ်ကြိမ်ထက်မက ယှဉ်ပြိုင်ခဲ့ကြသည်။

ကျန်းလန်အာက သူမသည် တရားဝင် ဆေးပညာအကဲဖြတ်မှုကို ရယူလိုကြောင်း ကြေညာသောအခါ ပိုင်ရှန့်ကျူသည်လည်း တရားဝင် ဆေးပညဋအကဲဖြတ်မှုကို ရယူလိုကြောင်း ပြောခဲ့သည်။ အငယ်တန်း ဆေးပညာရှင် အကဲဖြတ်မှုကို ပြိုင်ပွဲ၏ အကြောင်းအရာအဖြစ် အသုံးပြု၍ ကျန်းလန်အာအား စိန်ခေါ်ချက်တစ်ခု ထုတ်ပြန်ခဲ့သည်။

အချိန်အတိုင်းအတာတစ်ခုအထိ နှစ်ဘက်ကြား တိုက်ပွဲသည် လူအများ၏ အာရုံစိုက်မှုကို ခံခဲ့ရသည်။ ၎င်းတို့နှစ်ဦးသည် အနာဂတ်ကို ကိုယ်စားပြုသောကြောင့် ဆေးပညာရှင်များကြားတွင် ကြီးမားသောလှိုင်းလုံးများ ဖြစ်ပေါ်ခဲ့သည်။ မကြာမီကာလတွင် ၎င်းတို့နှစ်ဦးသည် ဆေးကျွမ်းကျင်သူများ ဖြစ်လာနိုင်ဖွယ်ရှိသည်။ သူတို့၏အနာဂတ်သည် အကန့်အသတ်မရှိပေ။

ဆေးပညာအစည်းအရုံး၏ ဌာနခွဲဥက္ကဋ္ဌ၏ရုံးခန်းတွင် အသက်ခြောက်ဆယ်ကျော်အရွယ် အမျိုးသားတစ်ဦးသည် စားပွဲတစ်ခုရှေ့တွင် ထိုင်ကာ စာရွက်စာတမ်းများကို လက်မှတ်ရေးထိုးနေသည်။

ဤလူသည် ဆေးပညာအစည်းအရုံး၏ ခုန်းလုံမြို့ ဌာနခွဲဥက္ကဌ ကုန်းပုယီမှလွဲ၍ အခြားသူမဟုတ်ပေ။ ခုန်းလုံမြို့ဌာနခွဲ၏ ဥက္ကဋ္ဌအနေဖြင့်၊ သူနေ့စဥ်ဆောင်ရွက်ရမည့်အရာများသည် လူအများထင်သည်ထက် များစွာပိုမိုရှုပ်ထွေးသည်။

ယနေ့တရားဝင် ဆေးပညာရှင် အကဲဖြတ်မှုအတွက် လျှောက်ထားသူ ကျန်းလန်အာသည် ၎င်း၏တပည့်ဖြစ်ခဲ့သော်လည်း ကြည့်ရှုရန် ဆင်းမလာခဲ့ပေ။ ခုန်းလုံမြို့ကဲ့သို့ နေရာမျိုးတွင် သူသည် ဆေးလောက၏ အထွတ်အထိပ်ပုဂ္ဂိုလ်ဖြစ်သည်။ ကျန်းလန်အာ ငယ်စဉ်ကတည်းက ဂရုတစိုက် ပြုစုပျိုးထောင်ခဲ့ခြင်းကြောင့်သာမဟုတ်ပါက ငယ်ငယ်ရွယ်ရွယ်နှင့် ဤကဲ့သို့ အောင်မြင်မှုမျိုးရရှိရန် မဖြစ်နိုင်ပေ။

နှလုံးသားထဲမှ တပည့်တစ်ယောက်ရှိရသည်ကို ဂုဏ်ယူမိသည်။ တကယ်တမ်းတွင် ခုန်းလုံမြို့ရှိ ဆေးပညာနယ်မြေသည် ဧကရာဇ်မြို့တော်ထက် အဆပေါင်းများစွာ ပြင်းထန်သည်။

သို့သော်လည်း ထိုကဲ့သို့သော အခြေအနေမျိုးတွင် မြို့တော်၏ ထူးချွန်ထက်မြက်သူများနှင့် ယှဉ်ပြိုင်နိုင်သည့် တပည့်တစ်ဦးကို ပြုစုပျိုးထောင်ခဲ့သည်။ အနာဂတ်တွင် သူမသည် ဆေးပညာရှင်ဖြစ်လာရန် အခွင့်အလမ်းအလွန်မြင့်မားသည်။ ဤသည်က သူ့တစ်သက်တာလုံး ကျေနပ်သွားစေရန် လုပ်ပေးနိုင်သည်။

ဤတစ်သက်တွင် သူကိုယ်တိုင် ဆေးကျွမ်းကျင်သူဖြစ်လာရန် မျှော်လင့်ချက်မရှိသော်လည်း သူ့တပည့်သည်မူ ကိိန်းသေ ဆေးကျွမ်းကျင်သူဖြစ်လာမည်ဖြစ်သည်။

ကုန်းပုယီသည် ကျန်းလန်အာ၏ အားသာချက်များကို ရှင်းရှင်းလင်းလင်း သိသည်။ တကယ်တမ်းတွင် သူမသည် လွန်ခဲ့သောနှစ်အနည်းငယ်က အငယ်တန်း ပညာရှင်ဖြစ်လာရန် ဝင်ခွင့်အကဲဖြတ်ချက်ကို ကျော်ဖြတ်နိုင်နေပြီဖြစ်သည်။ သို့သော်လည်း သူသည် သူမကို သွန်သင်၍ သူမ၏ အခြေခံအုတ်မြစ်ကို အဆက်မပြတ် အားကောင်းစေခဲ့သည်။

သူမအတွက် ဆေးပညာရှင်တစ်ယောက်ဖြစ်လာရန်မှာ ပြဿနာမဟုတ်ပေ။ သော့ချက်က သူမ မည်ကဲ့သို့ ရလဒ်မျိုး ရလာမလဲဟူသည်သာဖြစ်သည်။ ဧကရာဇ်မြို့တော်မှ ပိုင်ရှန့်ကျူက ဉာဏ်ကြီးရှင်ဖြစ်နေလျှင်ပင် ကုန်းပုယီက စိတ်မပူပေ။

သို့သော် ဖိအားတစ်စုံတစ်ရာ မဖြစ်စေရန်အတွက် သူမအား တွန်းအားပေးရန် ဆင်းမလာခဲ့ခြင်းဖြစ်သည်။ နောက်ဆုံးတွင် ပိုင်ရှန့်ကျူ၏ ဆရာဖြစ်သူသည်လည်း ထိုနေရာတွင် ပုဂ္ဂိုလ်ရေးအရ ရှိမနေခဲ့ပေ။

အကယ်၍ သူသွား၍ ပိုင်ရှန့်ကျူသာ ရှုံးခဲ့ပါက သူသည် ဖိအားပေးနေသည်ဟု မလွဲမသွေ စွပ်စွဲခံရလိမ့်မည်။

ဤထုတ်ပြန်ချက်က ရိုးရှင်းစွာပင် အရေးမပါလှပေဟု ခံစားရသည်။ ဆေးလုံးထုတ်လုပ်သည်ြ လုပ်ငန်းစဉ်တွင် ဆေးပညာရှင်တို့ ရင်ဆိုင်ကြုံတွေ့ရမည့် ပြဿနာများသည် ရေတွက်ရန် များပြားလွန်းလှသည်။ ဤသို့ဖိအားလေးတစ်ခုကိုပင် မဖြေရှင်းနိုင်သူတစ်ယောက်သည် အနာဂတ်တွင် မည်မျှထိသွားနိုင်မည်နည်း။

သို့သော်လည်း ကောလဟာလများသည် ကြောက်မက်ဖွယ်ကောင်းနေသေးသည်။

ရုတ်တရက် အပြင်ဘက် စင်္ကြံဆီမှ ခြေသံများ ရုတ်ခြည်း ထွက်ပေါ်လာသည်။ ထို့နောက် အရပ်မြင့်မြင့် လူလတ်ပိုင်း အမျိုးသားတစ်ဦး တံခါးကို တွန်းဖွင့်ကာ ဝင်လာခဲ့သည်။

"အကြီးအကဲရွီ ဘာဖြစ်လို့လဲ" ကုန်းပုယီက ခေါင်းပင်မထောင်ကြည့်ဘဲ လာသူ၏ အမည်ကို ခန့်မှန်းခဲ့ပြီးဖြစ်သည်။ ၎င်းသည် ဆေးပညာအစည်းအရုံး၏အကြီးအကဲဖြစ်သော အကြီးအကဲရွှီဖြစ်သည်။

"ဥက္ကဌ ဒါကိုကြည့်စမ်းပါဦး” အကြီးအကဲရွီက ကုန်းပုယီထံ စာတမ်းတစ်စောင်ကို အမြန်ပေးလိုက်သည်။

"ဘာဖြစ်နေတာလဲ၊ ဘာစာရွက်စာတမ်းက ဒီလောက်အရေးကြီးနေလို့လဲ" ကုန်းပုယီက အနည်းငယ် စိတ်ရှုပ်သွားသည်။

"ဆရာ ကြည့်လိုက်တာနဲ့ နားလည်သွားလိမ့်မယ်” အကြီးအကဲရွှီက စိတ်လှုပ်ရှားစွာပြောသည်။

ကုန်းပုယီသည် အကြီးအကဲရွှီ၏ စိတ်လှုပ်ရှားမှုကို မြင်သောအခါ စူးစမ်းလိုစိတ်အပြည့်ဖြင့် စာရွက်ကို ချက်ချင်းကြည့်လိုက်သည်။ သို့သော် သူ့မျက်လုံးများ ရုတ်ချည်း တောက်ပလာသည်။

တစ်ရက်အတွင်း ချူးယွင်ဖန်းသည် အငယ်တန်း၊ အလယ်တန်းနှင့် အကြီးတန်း ဆေးအလုပ်သင် အကဲဖြတ်ချက်များကို ဆက်တိုက်အောင်မြင်ခဲ့သည်။

ကုန်းပုယီသည် ဤအပိုင်းကို ထူးခြားသည်ဟု မထင်မိပေ။ ရိုးရိုးသားသားပြောရလျှင် ကျန်းလန်အာကို အကဲဖြတ်မှုတွင် မပါဝင်ခိုင်းထားသောကြောင့်သာမဟုတ်ပါက သူမသည် အကဲဖြတ်မှုအားလုံးကို တစ်ရက်အတွင်း ပြီးမြောက်နိုင်ပေလိမ့်မည်။

ဤသည်က မည်သို့ရယ်မျှမဟုတ်ပေ။ ဤကဲ့သို့ လုပ်ရပ်မျိုးသည် ရိုးရှင်းလှသည်ဟု သူခံစားမိသည်။ ရှေးခေတ်ကတည်းက စံချိန်အမျိုးမျိုးကို ချိုးဖျက်ခဲ့သော ပါရမီရှင်များ မည်မျှအဆုံးတိုင်အောင် ပြုလုပ်နိုင်ခဲ့သနည်း။

အဆုံးထိအောင်နိုင်သူများသည် အများအားဖြင့် မြေကြီးပေါ်မှ ခြေတစ်လှမ်း လှမ်း၍ လျှောက်နေသူများ များသည်။

ကုန်းပုယီက အသက် ခြောက်ဆယ် သို့မဟုတ် ခုနစ်ဆယ်နှင့်တူသော်လည်း တကယ်တမ်းတွင် အသက် တစ်ရာကျော်နေပြီဖြစ်သည်။

သူ၏ မြင့်မြတ်သော ကျင့်ကြံရေး အခြေခံသည် သူ၏ သက်တမ်းကို များစွာ တိုးစေခဲ့သည်။

ထက်မြက်သော ဆေးပညာရှင်သည် အစွမ်းထက်သော ကျင့်ကြံသူလည်းဖြစ်သည်။ ဤသည်မှာ ထာဝရမှန်ကန်သောအချက်ဖြစ်သည်။ သူ့ဘဝတွင် ပါရမီရှင်များစွာကို တွေ့မြင်ခဲ့ရကာ ၎င်းတို့အနက်မှ မရေမတွက်နိုင်အောင် များပြားသောသူများ ကျရှုံးခဲ့ရသည်။

ဤလောကတွင် ထူးချွန်သူများကိုမဟုတ်၊ ခွန်အားကြီးသူများကို လေးစားကြသည်။ ပါရမီရှင်တစ်ဦးက သန်မာသော အဆင့်အထိ မကြီးထွားနိုင်ပါက အချိန်မရွေး သေသွားနိုင်သည်။ လေပြင်းကြောင့် တောထဲရှိ သစ်ပင်များ ပျက်ဆီးကုန်လိမ့်မည်။ ဤနိယာမသည် ရှေးခေတ်ကတည်းက ရှိခဲ့ခြင်းဖြစ်သည်။

ထို့ကြောင့် သူ့အမြင်အရ ချူးယွင်ဖန်း၏ အပြုအမူသည် ရိုးရှင်းလှသည်။ မှန်သည်။ ဤသည်က ချူးယွင်ဖန်း၏ ကိုယ်ပိုင်လုပ်ဆောင်ချက်မဟုတ်သင့်ဘဲ သူ့နောက်ကွယ်က ဆရာဖြစ်သူ၏ စီစဉ်မှူဖြစ်နိုင်သည်။

ဆေးပညာဂိုဏ်းများမှ အချို့သောသူများသည် ဤလှည့်ကွက်ကို နှစ်သက်ကြောင်း ကုန်းပုယီသိသည်။ ချူးယွင်ဖန်းမည်ကဲ့သို့ပြုလုပ်သည်ဖြစ်စေ သူ့တွင် အကဲဖြတ်မှု သုံးခုကို တစ်ရက်တည်းပြုလုပ်ရန် အင်အားကြီးဂိုဏ်းတစ်ခု၏ ပံ့ပိုးကူညီမှု ရရှိထားရမည်ဖြစ်သည်။ ပါရမီရှင်များ ထွန်းကားလာခြင်းသည် အင်အားတစ်ခု သို့မဟုတ် ကြီးမားသော စွမ်းအားကိုပင် ကိုယ်စားပြုကြောင်း သူကောင်းစွာ သိသည်။ တစ်ကိုယ်တည်း၏ ခွန်အားဖြင့် ကြီးထွားလာသော ပါရမီရှင်များ လုံးဝမရှိပေ။

သို့သော်လည်း အစီရင်ခံစာကို ဆက်လက်ဖတ်ရှုသောအခါတွင် သူ၏ အသက်ရှူသံ ရုတ်တရက် မြန်လာသည်။ ဤ ချူးယွင်ဖန်းသည် အကဲဖြတ်မှု သုံးခုကို ဆက်တိုက်ပြုလုပ်ရုံသာမက သုံးခုစလုံးတွင်လည်း အမှတ်ပြည့်ရခဲ့သည်။

‘သုံးခုလုံးအမှတ်ပြည့်လား’

ဤသည်က ကုန်းပုယီကို အနည်းငယ် အံ့အားသင့်သွားစေသည်။ သူ၏ အချစ်ဆုံးတပည့် ကျန်းလန်အာပင်လျှင် ဤသို့ မအောင်မြင်နိုင်ခဲ့ပေ။ သူမသည် ပထမအချီတွင်သာ အမှတ်ပြည့်ရခဲ့၍ ဒုတိယနှင့်တတိယအချီများတွင် ချို့ယွင်းချက်အချို့ ရှိကိုရှိခဲ့သည်။

သေးငယ်သော ချို့ယွင်းချက်များသည် စစ်မှန်သော ပြဿနာများမဟုတ်သောကြောင့် ဤသို့အမှားများကို သူဘယ်တော့မှ ဂရုမစိုက်ခဲ့ပေ။ သူသည် အနာဂတ်တွင် ၎င်းတို့ကို ဖြည်းဖြည်းချင်း တိုးတက်စေမည်ဖြစ်သည်။ သို့သော် သူကိုယ်တိုင် စာမေးပွဲ ဖြေဆိုရလျှင်ပင် သုံးကြိမ်တိုင်တိုင် ပြီးပြည့်စုံသော ရမှတ်ကို ရနိုင်မည်ဟု ပြောရန် ခက်ခဲပေလိမ့်မည်။

ချူးယွင်ဖန်း ဖြေဆိုခဲ့သည့်အချိန်ကို ကုန်းပုယီမြင်သောအခါ ချူးယွင်ဖန်းသည် လုပ်သမျှကို သူလုပ်နိုင်မည်မဟုတ်ကြောင်း ချက်ခြင်းနားလည်သွားသည်။

ဒါက ဘယ်လိုဟာသမျိုးလဲ။ စမ်းသပ်မှု သုံးခုလုံး တစ်နာရီတည်းကြာတယ်။

ဒါလုံးဝမဖြစ်နိုင်ဘူး။

သူသာဖြေပါက တစ်နာရီကို တစ်ခုဖြေလျှင်ပင် အလွန်မြန်လွန်းလှနေပြီဖြစ်သည်။

တစ်နာရီကို သုံးခုဖြေခြင်းက ဟာသတစ်ခုဖြစ်နိုင်သည်။

စမ်းသပ်တဲ့စက် ပျက်သွားတာပဲ ဖြစ်ရမယ်။