ဆန့်ကျင်ဘက်အတားဆီးပစ္စည်း

ဘီးပ်—ဘီးပ်—ဘီးပ်

လင်းရှန်၏ ဘယ်ဘက်လက်ဖဝါးမှ အပြာရောင်အလင်းတန်း ထွက်ပေါ်လာပြီး၊ ပစ္စည်းခွဲခြမ်းစိတ်ဖြာမှု တိုးတက်မှုဘားကို ပြသလိုက်သည်။

၃၀%... ၆၀%... ၁၀၀%

【ခွဲခြမ်းစိတ်ဖြာမှု ပြီးစီးသည်: စွမ်းအားမြင့်အစိုင်အခဲလောင်စာ (၁)】

【ပြောင်းလဲမည့်ပစ္စည်းကို ရွေးချယ်ပါ】

လင်းရှန်သည် အနိမ့်ဆုံးအဆင့် ၁ သံမဏိကို ရွေးချယ်လိုက်သည်။

【ထုတ်လုပ်ရေးစက်ရုံ: သံမဏိ (၁) → စွမ်းအားမြင့်အစိုင်အခဲလောင်စာ (၁) သို့ ပြောင်းလဲခြင်း】

【ပြောင်းလဲမှုထိရောက်မှု: တစ်နာရီလျှင် သံမဏိ ၅၀ ကီလိုဂရမ် (၁) သုံးစွဲပြီး → စွမ်းအားမြင့်အစိုင်အခဲလောင်စာ ၂ ကီလိုဂရမ် (၁) ထုတ်လုပ်သည်】

‘‘တကယ်အလုပ်လုပ်တာပဲ’’

လင်းရှန်၏ မျက်ဝန်းများသည် အံ့ဩမှုဖြင့် တောက်ပလာသည်။ ယခု အစိုင်အခဲလောင်စာကို ထုတ်လုပ်နိုင်ပြီဆိုလျှင်၊ အနန္တရထားကို သေနတ်များဖြင့် တပ်ဆင်နိုင်ပြီဟု ဆိုလိုသည်၊၊

သူသည် အမြောက်ကျည်များကိုပင် ထုတ်လုပ်နိုင်မည်ဖြစ်သည်၊၊

‘‘လောင်စာ ၂ ကီလိုဂရမ်… M556 အပေါ့စားစက်သေနတ်က ၇.၆၂×၅၁ မီလီမီတာ ကျည်ဆံတွေကို သုံးတာဆိုတော့၊ ကျည်ဆံတစ်တောင့်မှာ ယမ်းမှုန့် ၂.၇၇ ဂရမ်ပါတယ်။ ဒီအသုတ်တစ်ခုတည်းနဲ့တင် ကျည်ဆံ ၇၂၂ တောင့်ထုတ်လုပ်နိုင်တယ်—လုံလောက်ပါပြီ’’

‘‘ဒါပေမယ့် 1130 CIWS အတွက် ၃၀ မီလီမီတာ တန်စတင်အူတိုင်ချပ်ကာဖောက်ကျည်တွေဆိုရင်၊ ကျည်ဆံတစ်တောင့်က လောင်စာ ၁၈-၂၀ ဂရမ်လိုတယ်။ ဆိုလိုတာက တစ်သုတ်မှာ ကျည်ဆံအတောင့် ၁၀၀ ဖန်တီးနိုင်မယ်။ တစ်နေ့မှာ အများဆုံး အတောင့်၂၄၀၀ ထုတ်လုပ်နိုင်တယ်… ဒါက ယမ်းမှုန့်အတွက်ပဲ။ တန်စတင်အူတိုင်အခွံတွေနဲ့ ထုတ်လုပ်မှုအချိန်ကို ထည့်မတွက်သေးဘူး။ ဒီလိုနှုန်းနဲ့ဆို ငါက ၁၅ စက္ကန့်ပဲ ဆက်ပစ်နိုင်မယ်’’

လင်းရှန် သဘောကျစွာ ခေါင်းညိတ်လိုက်သည်။ ဆယ့်ငါးစက္ကန့်သည် တိုတောင်းသည်ဟု ထင်ရသော်လည်း၊ ယခင်ရန်သူများဖြစ်သော အဖြူရောင်သတ္တဝါကြီး၊ အနီရောင်ကင်းခြေများ၊ သို့မဟုတ် မြေအောက်မြို့မှ အရိုးစုထိတ်လန့်ဖွယ်များကို ရင်ဆိုင်ခဲ့ရသည့်အခါ၊ ၎င်းတို့သည် မည်မျှကြာရှည်ခံနိုင်မည်နည်း၊၊

အကယ်၍ သူသည် 1130 CIWS ကို အပြည့်အဝတည်ဆောက်နိုင်ခဲ့လျှင်၊ အခြားအရာအားလုံးကို မေ့လိုက်ဦး—တင်းကျန်းရီ သတိပေးခဲ့သလို C-အဆင့်နှင့် B-အဆင့် ထိတ်လန့်ဖွယ်သတ္တဝါများပင်ဖြစ်စေ၊ သူ၏အဖွဲ့တစ်ခုလုံး ပင်ပင်ပန်းပန်း တိုက်ခိုက်ရန်မလိုပဲ ထိန်းချုပ်နိုင်မည်ဖြစ်သည်။

‘‘ဒီနောက်ပိုင်းမှာ အဆင့်မြင့်သတ္တုပစ္စည်းတွေကို ဦးစားပေးရမယ်’’

တွန့်ဆုတ်မှုမရှိဘဲ၊ လင်းရှန်သည် သူ၏ သုတေသနနှင့်ဖွံ့ဖြိုးရေးစင်တာနှင့် ထုတ်လုပ်ရေးစက်ရုံ၏ ကန့်သတ်ချက်များကို စမ်းသပ်လိုက်သည်။

အသစ်ရရှိထားသော ထိရောက်မှုဖြင့်၊ သူသည် ပစ္စည်းထုတ်လုပ်မှုကို ချောမွေ့စေခဲ့သည်။ ထုတ်လုပ်ရေးစက်ရုံသည် သံမဏိကုန်ကြမ်းများကို အစိုင်အခဲလောင်စာအဖြစ် ဆက်လက်ပြောင်းလဲပေးပြီး၊ သံမဏိသိုလှောင်မှုကို လျင်မြန်စွာ လျော့နည်းစေကာ ကျည်ဆံထောက်ပံ့မှုကို တိုးမြှင့်ပေးသည်။

ဤသည်မှာ သူယခင်ကစားခဲ့ဖူးသော စက်ရုံတည်ဆောက်ရေးဂိမ်းများနှင့် တူညီသည်ဟု ခံစားရသည်။ ထုတ်လုပ်မှုနှင့် သုတေသနတို့သည် တပြိုင်နက်လည်ပတ်နေပြီး၊ သူ၏ ယန္တရားနှလုံးသားသည် အကန့်သတ်မဲ့အလားအလာများကို ဖွင့်လှစ်လိုက်ပြီဖြစ်သည်။

ကလန် ကလန် ကလန်

မကြာမီတွင်၊ ၇.၆၂×၅၁ မီလီမီတာ စက်သေနတ်ကျည်ဆံများစွာသည် ကြမ်းပြင်ပေါ်သို့ လှိမ့်ကျလာသည်။

လင်းရှန်သည် စိတ်လှုပ်ရှားစွာဖြင့် ပြုံးလိုက်ပြီး၊ နွေးထွေးနေသော ကြေးဝါအခွံများကို လက်တစ်ဆုပ်ကောက်ယူလိုက်သည်။

‘‘ဒီလိုဆက်လုပ်ရင်၊ ငါက လက်နက်စက်ရုံတစ်ခုအဖြစ် ပြောင်းလဲသွားနိုင်တယ်—သေနတ်တွေလုပ်တာနဲ့၊ ကျည်ဆံတွေထုတ်တာက၊ ကိုယ်ပိုင်စွမ်းအင်ထုတ်လုပ်တာပဲ။ အခြေခံပစ္စည်းတွေ လုံလောက်ရင်၊ ငါက လည်ပတ်နေတဲ့ ဂတ်တလင်းသေနတ်တစ်လက်လိုဖြစ်လာမယ်’’

‘‘စူပါယန္တရားအင်ဂျင်နီယာ၊ ဒါပေါ့’’

‘‘နောက်တစ်ဆင့်က ပစ္စည်းတွေစုဆောင်းပြီး ပြောင်းလဲဖို့ပဲ။ ရထားအတွက် 1130 CIWS တည်ဆောက်ပြီးသွားရင်၊ ဧရာမပိုးကောင်တွေကနေ ထွက်ပြေးစရာမလိုတော့ဘူး’’

‘‘ပြီးရင်လည်း တစ်ကိုယ်လုံးချပ်ဝတ်တန်ဆာ၊ ကျည်ဆံတွေကို ကိုယ်တိုင်ထောက်ပံ့နိုင်ရင် ငါက Iron Man ဖြစ်လာမှာပဲ’’

‘‘သေစမ်း…’’

လင်းရှန်သည် အသက်ကို ဖြည်းညှင်းစွာ ရှူသွင်းလိုက်သည်။

အကယ်၍ သူသည် စစ်တပ်အဆင့် မီခါများနှင့် 1130 CIWS ကို သုတေသနနှင့်ဖွံ့ဖြိုးရေးစင်တာထဲသို့ ထည့်သွင်းခဲ့လျှင်၊ မည်သည့်ထိတ်လန့်ဖွယ်အရာများကို ဖန်တီးနိုင်မည်နည်း၊၊

စိတ်ကူးရုံမျှဖြင့်ပင် သူ၏လက်ချောင်းများ စိတ်လှုပ်ရှားစွာ တုန်ယင်လာသည်။

ယခုအခါ၊ သူသည် သုတေသနတိုးတက်မှုကို စစ်ဆေးလိုက်သည်—အဆင့်မြှင့်ထားသော ရေသန့်စင်စက်ပုံကြမ်းသည် ပြီးစီးလုနီးပါးဖြစ်နေပြီဖြစ်သည်။

‘‘ကောင်းပြီ၊ နောက်တစ်ခု…’’

သူ၏ ယန္တရားနိုးကြားခြင်းက ခွန်အားအချို့ကို ပြန်လည်ပြည့်ဖြည့်ပေးခဲ့သော်လည်း၊ သုတေသနနှင့်ဖွံ့ဖြိုးရေးစင်တာနှင့် ထုတ်လုပ်ရေးစက်ရုံကို တပြိုင်နက်လည်ပတ်နေခြင်းက သူ့ကို မနားမနေ ပင်ပန်းစေခဲ့သည်။ ကံကောင်းစွာဖြင့်၊ နျူကလီးယားစွမ်းအင်သုံး ရထားဖြင့်၊ သူသည် လူသားဘက်ထရီအဖြစ် ဆောင်ရွက်ရန်မလိုတော့သဖြင့်၊ အနည်းငယ်သက်သာရာရခဲ့သည်။

‘‘ငါ အနားယူသင့်တယ်… ပြီးရင် ရထားရဲ့ သံချပ်ကာတွေနဲ့ စမ်းသပ်တွဲကို အဆင့်မြှင့်မယ်’’

လင်းရှန်သည် ရထားတွဲ ၁ သို့ ဦးတည်သွားပြီး၊ နောက်ဆုံးတွင် အိပ်စက်ရန် စိတ်အားထက်သန်နေသည်—

သို့သော် သူ၏စိတ်ထဲတွင် တစ်ခုခုက ချက်ချင်းထိမှန်သွားသည်။

‘‘ခဏလေး၊ အဲ့ဒီအမှောင်ရေဒီယို ’’

သေစမ်း...သူသည် ထိုအရာကို မေ့လျော့လုနီးပါးဖြစ်သွားသည်၊၊

ထိတ်လန့်ဖွယ်တားမြစ်ပစ္စည်းတစ်ခုကို ရထားပေါ်တွင် ထားရှိထားပြီး ၎င်းကို အပြည့်အဝမဖြေရှင်းရသေးခြင်းသည် ကြီးမားသောအန္တရာယ်ဖြစ်သည်။

ယခင်က သူသည် ၎င်းကို ဝါးမျိုရန်ကြိုးစားခဲ့စဉ်က၊ သူ၏ ယန္တရားနှလုံးသားသည် ယန္တရားမဟုတ်သော စွမ်းအင်ကို တွေ့ရှိခဲ့ပြီး၊ ကိုယ်ပိုင်ကာကွယ်ရေးမုဒ်ကို အလိုအလျောက်စတင်ကာ၊ ရေဒီယိုကို ပုံစံပြောင်းကာ ချိတ်ပိတ်ခဲ့သည်၊၊

သို့သော် ယခုအခါ သူ၏ ယန္တရားနှလုံးသားသည် အဆင့် ၃ သို့ရောက်ရှိပြီဖြစ်သဖြင့်၊ ၎င်းကို အပြီးသတ်ရန် အချိန်ကျရောက်လာပြီဖြစ်သည်။

လင်းရှန်သည် အပေါ်ဘက်သိုလှောင်ခန်းမှ သတ္တုသိုလှောင်သေတ္တာတစ်လုံးကို ထုတ်ယူလိုက်သည်။

သူသည် ဤသေတ္တာကို အမှောင်ရေဒီယိုကို ထိန်းသိမ်းရန် အထူးတည်ဆောက်ထားခြင်းဖြစ်သည်—တန်စတင်-တိုက်တေနီယမ်သတ္တုစပ်ဖြင့် အားဖြည့်ထားပြီး၊ အလွှာပေါင်းများစွာ အတားအဆီးများဖြင့် အမြင့်ဆုံးထိန်းသိမ်းမှုကို သေချာစေသည်။

သူသည် သေတ္တာကို လျင်မြန်စွာ ဖျက်သိမ်းလိုက်ပြီး၊ သူ၏လက်ဖဝါးထဲတွင် ပြောင်းလဲထားသော ရေဒီယိုကုဗတုံးကို ထုတ်ဖော်ပြသလိုက်သည်။

【ယန္တရားဝါးမျိုမှု】

တွန့်ဆုတ်မှုမရှိဘဲ၊ လင်းရှန်သည် ထိုစွမ်းရည်ကို စတင်အသုံးပြုလိုက်သည်။

ဤမျှသေးငယ်သောအရာသည် သုံးမိနစ်ထက်မပိုဘဲ ဝါးမျိုရန် အချိန်ယူရမည်ဖြစ်သည်။

【ယန္တရားမဟုတ်သော စွမ်းအင်ကို တွေ့ရှိသည်။ သုတေသနနှင့်ဖွံ့ဖြိုးရေးစင်တာ၏ စကင်ဖတ်မှုကို ဖွင့်မည်လား】

ဟမ်...

လင်းရှန် မျက်မှောင်ကြုတ်သွားသည်။

နောက်ထပ် မူမမှန်တာလား....

‘‘ဒီအရာက ဘာလို့များ ဖြေရှင်းရခက်လှပြီး ဒုက္ခပေးနေရတာလဲ…”

【စကင်ဖတ်မှုကို ဖွင့်ပါ】

ဘူးးးး

ညင်သာသော အပြာရောင်အလင်းတန်းသည် ရေဒီယိုကုဗတုံးကို စကင်ဖတ်နေသည်—အတော်လေး နှေးကွေးစွာဖြင့်။

ချက်ချင်းဆိုသလို၊ လင်းရှန်သည် သူ၏ခွန်အားကို တွင်းနက်တစ်ခုက စုပ်ယူနေသလို ခံစားရသည်။ ကျောရိုးတစ်လျှောက် အေးစိမ့်သွားသည်။

‘‘ဒီရေဒီယိုက ဘာလို့များ စကင်ဖတ်ဖို့ ဒီလောက်ကြာရတာလဲ’’

【စကင်ဖတ်မှုတိုးတက်မှု: ၁၀%】

【စကင်ဖတ်မှုတိုးတက်မှု: ၂၅%】

【စကင်ဖတ်မှုတိုးတက်မှု: ၈၀%】

လင်းရှန်သည် ဆိုဖာပေါ်သို့ ပင်ပန်းနွမ်းနယ်စွာ လဲကျသွားပြီး၊ အပြာရောင်စကင်ဖတ်အလင်းတန်းသည် ရေဒီယိုပေါ်တွင် ဆက်လက်ရွေ့လျားနေသည်။

‘‘ဒီအရာကြီးက ပင့်ကူဘုရင်မထက်တောင် ဖြေရှင်းရခက်နေတယ်’’

နောက်ဆုံးတွင်—

【စကင်ဖတ်မှု ပြီးစီးသည်】

【ယန္တရားနှလုံးသား၏ တွေ့ရှိမှုရလဒ်: ထိတ်လန့်ဖွယ်အရာ အမှတ် ၀၁၊ အမည်: မသတ်မှတ်ရသေး】

【ဂုဏ်သတ္တိများ: ကြောက်ရွံ့မှုဖြစ်ပေါ်စေသော နှင့် အမှောင်စွမ်းအင်ထုတ်လွှင့်မှုများကို ပြုလုပ်နိုင်သည်။ ယန္တရားနှလုံးသားသည် ဤကိရိယာကို ပြန်လည်ဖွဲ့စည်းပြီး ကြိမ်နှုန်းပြုပြင်ပြီးဖြစ်သည်။ ယခုအခါ ၎င်းကို စတင်လျှင် သတ်မှတ်ထားသောနယ်မြေအတွင်း ကြောက်ရွံ့မှုနှင့် အမှောင်စွမ်းအင်းများကို ပျက်ပြယ်စေနိုင်သည်။】

‘‘ဘာ… ဘယ်လို’’

လင်းရှန်၏ မျက်ဝန်းများ ပြူးကျယ်သွားသည်။

‘‘ကြောက်ရွံ့မှုနဲ့ အမှောင်စွမ်းအင်ကို ပိတ်ဆို့ပေးတဲ့ အတားအဆီးပစ္စည်းတစ်ခု’’

‘‘ခဏလေး… ‘အမှောင်စွမ်းအင်’ ဆိုတာ အမှောင်ညကူးစက်မှုကို ဆိုလိုတာလား’’

ဆိုဖာပေါ်တွင် မလှုပ်မယှက်ထိုင်နေရင်း၊ လင်းရှန်သည် ရေဒီယိုကုဗတုံးကို စိုက်ကြည့်ကာ နက်ရှိုင်းစွာ တွေးတောနေသည်။

‘‘ဒါဆို… ငါ့ရဲ့ ယန္တရားနှလုံးသားက တားမြစ်ပစ္စည်းတစ်ခုကို ထိန်းသိမ်းထားတာပေါ့’’

‘‘ဆိုလိုတာက—ငါဒီမူမမှန်ခြင်းကို အသုံးပြုပြီး အနန္တရထားအတွက် အကာအကွယ်အတားအဆီးတစ်ခု ဖန်တီးနိုင်တယ်’’

‘‘အင်း၊ စမ်းကြည့်ရအောင်’’

အသက်ကို နက်ရှိုင်းစွာ ရှူသွင်းလိုက်ပြီး၊ လင်းရှန်သည် သူ၏ ယန္တရားနှလုံးသားကို အသုံးပြု၍ ရေဒီယိုကုဗတုံးကို စတင်အသုံးပြုလိုက်သည်။

【ဘီးပ်၊ ယန္တရားမဟုတ်သော စွမ်းအင်ထင်ဟပ်မှုရှာဖွေခြင်းကို စတင်လျက်ရှိသည်။】

【စကင်ဖတ်မှု ပြီးစီးသည်။ ရထားအတွင်း ကြောက်ရွံ့မှု မူမမှန်ခြင်းများ မတွေ့ရှိပါ။ အမှောင်စွမ်းအင်များ ပျက်ပြယ်သွားပြီဖြစ်သည်။】

ဝှမ်းးးး

မမြင်နိုင်သော စွမ်းအားတစ်ခုသည် ရထားတစ်စီးလုံးကို ရုတ်တရက် လွှမ်းခြုံလိုက်သည်။

ချက်ချင်းဆိုသလို၊ ရထားပေါ်ရှိ လူတိုင်းသည် ၎င်းတို့၏ရင်ဘတ်ထဲမှ အေးစိမ့်ပြီး ဖိစီးနေသော ဝန်ထုပ်ဝန်ပိုးတစ်ခု ဖယ်ရှားခံလိုက်ရသလို ခံစားရသည်။ အမှောင်ညကူးစက်မှု၏ ဖိနှိပ်မှုအော်ရာသည် လုံးလုံးလျားလျား ပျောက်ကွယ်သွားသည်။

အိပ်ပျော်နေရင်း မငြိမ်မသက်ဖြစ်နေခဲ့သော ချန်ဆီရွှမ်ပင်ဖြစ်စေ၊ ရုတ်တရက် အေးချမ်းလာပြီး၊ သူမၤ၏ မျက်မှောင်ကြုတ်နေသော မျက်ခုံးများ ပြေလျော့သွားသည်၊၊

လင်းရှန်ပင်လျှင် သူ့အပေါ်သို့ အေးချမ်းသော လှိုင်းတစ်ခု လွှမ်းခြုံလာသလို ခံစားရသည်။

‘‘အိုးး… ၃၆၀ ဒီဂရီ အမှောင်ဆန့်ကျင်ပစ္စည်း’’

အသိဉာဏ်တစ်ခုသည် သူ့ကို ကုန်တင်ရထားတစ်စီးလို တိုးဝင်လာသည်၊၊

‘‘ဒီပြောင်းလဲထားတဲ့ ရေဒီယိုကုဗတုံးနဲ့ဆိုရင်၊ 1542 ရေဒီယိုဌာနက ထုတ်လွှင့်တဲ့ ထိတ်လန့်ဖွယ်အသံလွှင့်မှုတွေနဲ့ မမြင်နိုင်တဲ့ ယိုယွင်းမှု နတ်ဆိုးတွေကို လုံးဝပိတ်ဆို့ထားနိုင်တယ်’’

‘‘ဒီအရာက မှော်စွမ်းအားနယ်မြေတစ်ခုလိုပဲ’’

သက်ပြင်းရှည်ကြီးတစ်ချက်ချလိုက်ရင်း၊ လင်းရှန်သည် သူ၏ ယန္တရားနှလုံးသားကို တိတ်တဆိတ် ကျေးဇူးတင်လိုက်သည်။

အကယ်၍ ဤသီအိုရီမှန်ကန်ပါက…

လူအများကြောက်ရွံ့ပြီး ရှောင်ဖယ်ထားသော တားမြစ်ပစ္စည်းများအားလုံး…

အထူးသဖြင့် ယန္တရားဆိုင်ရာများ…

သူ၏ ယန္တရားဝါးမျိုမှု၏ နောက်ထပ်ပစ်မှတ်များဖြစ်လာနိုင်သည်၊၊