ရဲမိသားစုအသင်း

စွပ်ဖားခွေး သုံးကောင်ကို ကျင့်စဉ်များပေးပြီး ဝိညာဉ်စာချုပ်ချုပ်ဆိုပြီးနောက် ရဲရှင်းဟွေ့သည် တောင်တန်းနှင့်မြစ်ချောင်းများမြေပုံထဲမှ ထွက်ခွာလာခဲ့သည်။ ပင်လယ်ရေမျက်နှာပြင်သို့ ပြန်ရောက်သောအခါ သူသည် နေရာတွင်ပင် မီးလျှံဝင်ပေါက်တစ်ခုကို ရေးဆွဲကာ အိမ်သို့ပြန်လာခဲ့၏။

ရဲရှင်းဟွေ့ အစိမ်းရောင်မီးခိုးများ အဆက်မပြတ်ထုတ်လွှတ်နေသော ဆေးလိပ်တစ်လိပ်နှင့်အတူ ဧည့်ခန်းသို့ပြန်ရောက်သောအခါ သူသည် ထီဖွင့်ပွဲကြည့်ရန် channel ပြောင်းရန်ပြင်ဆင်နေသော ဇီးကွက်ကို လန့်သွားစေ၏။ အဓိကအကြောင်းရင်းမှာ အစိမ်းရောင်မီးခိုးမှာ အလွန်ထူထဲပြီး ၎င်းအများစုမှာ ရဲရှင်းဟွေ့၏ခေါင်းအထက်တွင် ပေါလောပေါ်နေရာ သူ့ဦးထုပ်စိမ်းတစ်လုံး ဆောင်းထားသကဲ့သို့ ဖြစ်နေသောကြောင့်ဖြစ်သည်။

ဇီးကွက် သူ့ကိုထူးဆန်းစွာကြည့်နေသည်ကိုမြင်သော် ရဲရှင်းဟွေ့က ဆေးလိပ်တစ်လိပ်ကိုထုတ်ယူကာ

"တစ်လိပ်လောက် သောက်မလား။"

ဇီးကွက်က ဆေးလိပ်ကို သင်္ကာမကင်းစွာ ယူလိုက်ပြီးနောက် ရဲရှင်းဟွေ့၏ခေါင်းပေါ်မှအစိမ်းရောင်မီးခိုးကို ကြည့်လိုက်ပြီးနောက် ငြင်းဆိုရန် ခေါင်းခါရန်စီစဉ်လိုက်သော်လည်း မှိန်ဖျော့နေသောအစိမ်းရောင်မီးခိုး သူ၏ဆီသို့ လွင့်မျောလာသောအခါ ဇီးကွက်မှာ လုံးဝထိတ်လန့်သွားသည်။

ချစ်သူများစွာထားခြင်းဖြင့် အားအင်ကုန်ခန်းနေသော သူ၏ခန္ဓာကိုယ်သည် ရုတ်တရက် အသက်စွမ်းအင်ကို ပြန်လည်ရရှိသွား၏။

"ဘာတုန်းဟ။ ဒါက ဘာကြီးလဲ။"

ဇီးကွက်၏ထိတ်လန့်သောအသွင်ကိုမြင်သော် ရဲရှင်းဟွေ့က ဂုဏ်ယူစွာပြုံးလိုက်သည်။

"ဒါကို စူပါအရှုံးမရှိအစိမ်းရောင်စီးကရက်လို့ခေါ်တယ်။ တစ်ဖွာဖွာလိုက်ရင် မင်းစိတ်ကိုလန်းဆန်းစေမယ်၊ နှစ်ဖွာဆိုရင် မင်းမပင်ပန်းတော့ဘူး၊ သုံးဖွာဆိုရင် မင်းမသေမျိုးဖြစ်သွားလိမ့်မယ်။"

ဇီးကွက် ဆေးလိပ်ကိုယူပြီးနောက် "ဒါကို ခေါင်းစိမ်းစီးကရက်လို့ခေါ်သင့်တယ်။" ဟု သူ့ဘာသာသူ တီးတိုးရေရွတ်လိုက်၏။

ရဲရှင်းဟွေ့ ဇီးကွက်ပြောသည်ကိုကြားသော်လည်း သူအဓိပ္ပာယ်ကို နားမလည်ခဲ့ပေ။

ထိုအခိုက်တွင် ရဲရှင်းဟွေ့၏နောက်မှတီဗီသည်လည်း ယနေ့၏ နှစ်ရောင်ခြယ်ဘောလုံးထီ ထီဖွင့်ပွဲကို စတင်ထုတ်လွှင့်နေ၏။ ဇီးကွက်က ရဲရှင်းဟွေ့ကို တွန်းဖယ်လိုက်ပြီးနောက် ဖုန်းကို လက်တစ်ဖက်တွင်ကိုင်ကာ အခြားတစ်ဖက်ဖြင့် အနိုင်ရနံပါတ်များကို ညွှန်ပြလိုက်သည်။

"ငါး… ဆယ်… တစ်ဆယ့်ခြောက်… နှစ်ဆယ့်ခြောက်… နှစ်ဆယ့်ခုနစ်… သုံးဆယ့်သုံး၊ အပြာရောင်ဘောလုံးက… တစ်။"

အဆုံးအထိစစ်ဆေးပြီးနောက် ဇီးကွက်သည် နေရာတွင်ပင် ခုန်ပေါက်လိုက်၏။

"ဟားဟားဟား။ ငါနိုင်ပြီ။ ငါနိုင်ပြီ။ ပထမဆုပဲ။"

ယခုအခါ ဇီးကွက်သည် သူ၏ဘဝအထွတ်အထိပ်သို့ ရောက်ရှိသွားသည်ဟု ခံစားမိသည်။ ဇီးကွက်သည် သူ၏ခေါင်းကို အစိမ်းရောင်လင်းစေသော ခေါင်းစိမ်းစီးကရက်တစ်လိပ်ကို သောက်နေရင်း သူဝယ်ခဲ့သော အီလက်ထရောနစ်ထီလက်မှတ်ကို ကြည့်လိုက်ခြင်းသာဖြစ်၏။

ထိုအချိန်တွင် ဇီးကွက်သည် အလွန်ပျော်ရွှင်နေ၏။

ခေါင်းစိမ်းစီးကရက်များက သူ၏ရုပ်ပိုင်းဆိုင်ရာပြဿနာများကို ဖြေရှင်းပေးခဲ့ရာ သူသည် တစ်နေ့လျှင် အကြိမ်ပေါင်းများစွာ ချိန်းတွေ့နိုင်ပြီး ပြဿနာမရှိတော့ပေ။ ထီ၏ပထမဆုသည်လည်း သူ့ကို အကြိမ်များစွာ ချိန်းတွေ့ရာတွင် ငွေသုံးစွဲရန် အရင်းအနှီးပေးခဲ့သည်။

ဇီးကွက်၏စိတ်လှုပ်ရှားသောအသွင်ကိုမြင်သော် ရဲရှင်းဟွေ့က သူ့ကိုလျစ်လျူရှုကာ ခေါင်းစိမ်းစီးကရက်အနည်းငယ်ကို စားပွဲပေါ်တွင်တင်ထားပြီး ဂိမ်းခန်းဆီသို့ လျှောက်သွားသည်။ သူအိမ်သို့ပြန်ရောက်သည်နှင့် ဂိမ်းခန်းထဲတွင် လှုပ်ရှားမှုများစွာ ကြားလိုက်ရပြီး ဧည့်ခန်းထဲတွင် အခြားမည်သူ့ကိုမျှမတွေ့သောကြောင့် သူသည် သူတို့အားလုံး ဂိမ်းခန်းထဲတွင်ရှိနေသည်ဟု သံသယဝင်သွား၏။

"ဟားဟား။ ဒီ kill က ငါ့အတွက်ပဲ။"

"ဦးလေး၊ ဒီလိုမျိုး kill လုတာက နည်းနည်းတော့ မတရားဘူး။"

"kill လုခွင့်မရှိဘူးလို့ ဘယ်သူမှမပြောဘူး။ မင်းလည်း လုလို့ရတယ်။ ငါတို့က kill အရေအတွက်အတွက် ယှဉ်ပြိုင်နေကြတာ။"

"ရှင်းချန်၊ ဦးလေးရဲ့ kill တွေကို အတူတူလုပေး။"

"လင်အာ၊ ဒီဂိမ်းက ပျော်စရာကောင်းလား။"

"ပျော်စရာကောင်းတယ်၊ မေမေ။"

သူတို့၏အသံများကို နားထောင်ရုံဖြင့် ရဲရှင်းဟွေ့သည် ဂိမ်းခန်းထဲတွင် ဘာဖြစ်နေသည်ကို ခန့်မှန်းနိုင်သည်။ အခန်းထဲသို့ဝင်ပြီးနောက် သူသည်လည်း ဘာဖြစ်နေသည်ကို တွေ့မြင်လိုက်ရ၏။

ရဲရှင်းချန်၊ ရဲလန်ယွဲ့၊ ရဲဖန်၊ လင်အာနှင့် ရဲနျဉ်တို့သည် အတူတကွ ဂိမ်းကစားနေကြသည်။ ချန်ယင်းယင်းနှင့် ယန်အန်နာတို့သည် နောက်မှကြည့်နေကြပြီး ပေါင်ပေါင်းနှင့် ဝက်ဝံကန်းတို့သည် duo ကစားနေကြကာ နှစ်ဦးစလုံးသည် ယခုနှစ်၏ ကန့်သတ်ထုတ် skin များကို အသုံးပြုနေကြရာ သူတို့၏ဂိမ်းထဲမှလူများကို မနာလိုဖြစ်စေသည်။

ရဲရှင်းဟွေ့သည် သူ၏အစ်ကို၏ကွန်ပျူတာထံသို့လာကာ kill အဆင့်သတ်မှတ်ချက်ကို ကြည့်လိုက်သည်။ ရဲမိသားစုအသင်းတွင် kill ငါးဆယ့်ငါးခုရှိပြီး တစ်ဖက်တွင်မူ ဆယ်ခုသာရှိ၏။ ဤသည်မှာ မည်သို့သော ဖိနှိပ်ကစားပွဲမျိုးဖြစ်သည်ကို စိတ်ကူးကြည့်ရန် လွယ်ကူသည်။ အရေးအကြီးဆုံးအချက်မှာ ရဲရှင်းချန်နှင့် အခြားသူများသည် မျှော်စင်များကိုတွန်းရန် ဘယ်တော့မှ အာရုံမစိုက်ဘဲ kill အရေအတွက်ကိုသာ အာရုံစိုက်ကြ၏။

ဤရမှတ်ဖြင့် အကယ်၍ ရဲရှင်းဟွေ့သာ မထင်မရှားသူစိမ်းများကို ဦးဆောင်တိုက်ခိုက်ခဲ့ပါက သူသည် ရန်သူကို သူတို့၏စမ်းရေတွင်းမှ မထွက်နိုင်အောင် ပြုလုပ်ခဲ့ပေလိမ့်မည်။

ရဲရှင်းဟွေ့က ရဲမိသားစုအသင်း၏ kill များကို တစ်ဖန်ပြန်ကြည့်လိုက်၏။ သူသည် မူလက ရဲရှင်းချန်မှာ kill အများဆုံးရသူဖြစ်နိုင်သည်ဟု တွေးထင်ခဲ့သည်။ အစွမ်းအစအရဆိုလျှင် ရဲရှင်းချန်သည် ဤနေရာမှလူများကြားတွင် သေချာပေါက် အကောင်းဆုံးဖြစ်၏။ သူ၏ကိုယ်ပိုင်စုံလင်သောအစွမ်းဖြင့် သူသည် ဂိမ်းကစားသည့်အခါ အားနည်းမည်မဟုတ်ပေ။

သို့သော် ရဲရှင်းဟွေ့ မမျှော်လင့်ထားခဲ့သည်မှာ kill အများဆုံးရသူမှာ သူ၏ညီမငယ်ဝမ်းကွဲ လင်အာ ဖြစ်နေခြင်းပင်။ ၎င်းမှာ ရဲရှင်းဟွေ့ နားမလည်နိုင်သောအရာဖြစ်ပြီး အဓိကအားဖြင့် လင်အာ၏ကစားပုံမှာ အမှန်တကယ် သူမကို လူသစ်ဟုပင် မခေါ်ဆိုနိုင်။ သူမသည် ကစားနည်းကို ရှင်းလင်းစွာပင် မသိပေ။

ထိုအခိုက်တွင် အဖွဲ့လိုက်တိုက်ပွဲ တစ်ခု ဖြစ်ပွားလုနီးပါးဖြစ်နေ၏။ ရဲရှင်းချန်၊ ရဲနျဉ်၊ ရဲဖန်နှင့် ရဲလန်ယွဲ့တို့အားလုံး ကောင်းစွာပြင်ဆင်ထားကြသည်။ သူတို့၏လက်ရှိအဆင့်များနှင့် ပစ္စည်းကိရိယာများအတွက် အဖွဲ့လိုက်တိုက်ပွဲ မှာ kill များစုဆောင်းခြင်းကိုသာ ဆိုလို၏။ ညီမလေးလင်အာအတွက်မူ သူမသည် Malphite ကိုအသုံးပြု၍ ကြက်ကလေးလေးကောင်ကို farm နေသည်။

အဖွဲ့လိုက်တိုက်ပွဲ စတင်ခဲ့သော်လည်း ကွာဟချက်မှာ အလွန်ကြီးမားသောကြောင့် ပြိုင်ဘက်များတွင် မာကျောသောစိတ်ဓာတ် လုံးဝမရှိပေ။

ထို့ကြောင့် သူတို့သည် ရဲမိသားစုအသင်း၏ တိုက်စစ်တစ်လှိုင်းတည်းဖြင့် နောက်ဆုတ်သွားကြပြီး သူတို့တစ်ဦးစီတွင် သူတို့၏အသက် အနည်းငယ်သာ ကျန်ရှိနေသေး၏။ ပြီးတော့ သူတို့နောက်ဆုတ်သွားသောလမ်းကြောင်းမှာ လင်အာရှိနေသောနေရာဖြစ်သည်။

ပြိုင်ဘက်ဇာတ်ကောင်တစ်ဦးက ကြက်များ၏တည်နေရာသို့ dash ကိုအသုံးပြု၍ ရောက်ရှိသွားပြီး လင်အာက Ground Slam skill (E) ကို ခုလေးတင် အသုံးပြုလိုက်သည်။ ဤ AOE skill ကြောင့်ပင် ပြိုင်ဘက်ကို မတော်တဆ သတ်မိသွားခြင်းဖြစ်၏။

လင်အာသည် သူမတစ်ဖန်လူသတ်မိသည်ကိုမြင်သော် နားမလည်နိုင်ဖြစ်ကာ စိုးရိမ်သွားသည်။ သူမ၏စိုးရိမ်မှုကြောင့် သူမ မောက်စ် ကိုင်ထားသောလက်မှာ ရှုပ်ထွေးသွားပြီး သူမ၏အခြားလက်က R ခလုတ် ကို မတော်တဆနှိပ်မိသွား၏။ R မှာ ဇာတ်ကောင်အားလုံး၏ ultimate skill ဖြစ်ပြီး လင်အာက သူမ၏ မောက်စ် ကို မြူခိုးထဲတွင် နေရာချထားစဉ် ၎င်းကို အသက်သွင်းမိရာ ဖြတ်သန်းသွားသော သက်တမ်းနိမ့်ဇာတ်ကောင်လေးဦးကို သတ်ဖြတ်မိသွားသည်။ စောစောက မတော်တဆသတ်မိခဲ့သောသူနှင့်အတူ သူမသည် pentakill အောင်မြင်မှုတစ်ခုကို ရရှိသွား၏။

ရဲရှင်းဟွေ့: "???။"

"ဘာတုန်းဟ။ ဘာဖြစ်သွားတာလဲ။ သူဒီလိုပဲ pentakill ရသွားတာလား။ ဒီဂိမ်းက အခုဒီလောက်လွယ်နေပြီလား။"

ရဲရှင်းဟွေ့မသိသောအရာမှာ စောစောကကဲ့သို့သော တိုက်ဆိုင်မှုမျိုးမှာ ယနေ့တွင် တစ်ကြိမ်ထက်မက ဖြစ်ပွားခဲ့ခြင်းဖြစ်သည်။ နောက်ဆုံးတွင် ဂိမ်းမှာ ပြိုင်ဘက်လက်နက်ချခြင်းဖြင့် အဆုံးသတ်သွား၏။

"အာ။ ညီမလေးလင်အာ ထပ်နိုင်ပြန်ပြီ။"

ရဲဖန်က ကူကယ်ရာမဲ့စွာပြောလိုက်သည်။

သူတို့ဂိမ်းအနည်းငယ်သာ ကစားခဲ့သော်လည်း သူသည် ဂိမ်းကို အဆုံးထိ နားလည်ပြီးဖြစ်၏။ သို့သော် သူသည် kill အများဆုံးရသူတိုက်ပွဲတွင် ရှုံးနိမ့်ခဲ့သည်။ ထို့အပြင် သူသည် လုံးဝကံကောင်းမှုကြောင့် ရှုံးနိမ့်ခဲ့၏။

အစပိုင်းတွင် သူတို့ငါးဦးသည် ဂိမ်းကို ပျော်စရာသက်သက်အတွက်သာ ကစားခဲ့ကြသည်။ နောက်ပိုင်းတွင် ဂိမ်းနှစ်ပွဲဆက်တိုက်နိုင်ပြီးနောက် ရဲရှင်းချန်နှင့် အခြားသူများသည် ဤအဆင့်မှသူတို့၏ပြိုင်ဘက်များမှာ အလွန်လွယ်ကူကြောင်းကို တွေ့ရှိခဲ့ကြ၏။ သို့ဖြစ်၍ ပြိုင်ဆိုင်မှုကို kill အများဆုံးရသူသို့ ပြောင်းလဲခဲ့သည်။

မူလသာမန်ဂိမ်းတွင် ထိုကဲ့သို့သောပြိုင်ဆိုင်မှုထပ်ပေါင်းလိုက်သောအခါ ၎င်းမှာ အရသာပြောင်းသွား၏။ ရဲဖန်မှာ အရှက်အနည်းဆုံးဖြစ်သည်။ သူသည် jungle ကိုရွေးချယ်ပြီးနောက် နေရာတိုင်းတွင် kill များ လှည့်လည်ခိုးယူခဲ့၏။ ရဲနျဉ်နှင့် လင်အာတို့သည် သူတို့ထံမှ kill များခိုးယူခံရသောအခါ ဘာမှမပြောခဲ့ပေ။ ရဲနျဉ်စကားပြောလိုသည့်အခါတိုင်း ရဲဖန်က

"မင်းအစ်ကိုကို kill တစ်ခုလောက်ပေးလိုက်တော့ ဘာဖြစ်လဲ။ ဘာဖြစ်လဲ။"

သို့ဖြစ်၍ ရဲနျဉ်စကားမပြောတော့ပေ။

ရဲရှင်းချန်နှင့် ရဲလန်ယွဲ့တို့ထံမှ kill များခိုးယူသည့်အခါ သူသည် အကြီးအကဲတစ်ဦးအနေဖြင့် မည်သည့်မာနနှင့် မိမိကိုယ်ကိုလေးစားမှုကိုမျှမပြဘဲ နောက်ဆုံးတစ်ချက်ခုတ်ရန် အရာအားလုံးကို လုံးဝပြုလုပ်ခဲ့၏။ ဤသို့ဖြင့် ဂိမ်းမှာ ပို၍ပို၍ ပေါက်ကွဲထွက်လာသော်လည်း ကံကောင်းစွာပင် လင်အာ အဆုံးတွင် နိုင်ခဲ့သည်။ သို့မဟုတ်လျှင် ရဲဖန် အရိုက်ခံရတော့မည်ဖြစ်သည်။ သူ၏ "ချစ်စရာကောင်းသော" တူမနှင့်တူတို့၏ အရိုက်ကိုခံရခြင်းဖြစ်၏။

T/N - ဘာသာပြန်သူက ဂိမ်းမဆော့တာကြောင့် ဂိမ်းနဲ့ပတ်သက်တာတွေအရမ်းမသိပါဘူး ဒါကြောင့် အဆင်ပြေအောင်တော့ ရေးထားပေးပါတယ်နော်။

×××××