တရားမဝင်ကလေးများ စီးရီး

သုံးဦးသား အိမ်သို့ပြန်ရောက်ကြချိန်…။

ထိုအချိန်တွင် ကျွန်းစုနိုင်ငံ၏ ကောင်းကင်မှရိုက်ကူးထားသော ရုပ်ရှင်များကို ဧည့်ခန်းထဲတွင် ပြသနေပြီး ၎င်းမှာ တရားဝင်သတင်းဖော်ပြချက်၏ အကြောင်းအရာ ဖြစ်၏။

အထွေထွေအကြောင်းအရာမှာ ကျွန်းစုနိုင်ငံ၏ နျူကလီးယားစွမ်းအင်စက်ရုံ ပေါက်ကွဲခဲ့ပြီး ပေါက်ကွဲမှုအကွာအဝေးမှာ အလွန်ကြီးမားသည်ဟူ၍ ဖြစ်၏။

"ဒါက နျူကလီးယားစွမ်းအင်စက်ရုံ ပေါက်ကွဲမှုမြင်ကွင်းလား။ အရမ်းကြောက်ဖို့ကောင်းတာပဲ။"

"ဟုတ်တယ်။ လူဘယ်နှယောက်များ သေသွားလဲ။"

"ဒါပေမဲ့ ကံကောင်းတာက ဒီမှာမဟုတ်ဘဲ ကျွန်းစုနိုင်ငံမှာဖြစ်တာ…"

စကားပြောဆိုမှုမှာ ချန်ယင်းယင်းနှင့် ယန်အန်နာတို့ကြားတွင် ဖြစ်၏။

ရဲဖန်၊ ရဲချန်နှင့် ရဲနျဉ်တို့ ကျွန်းစုနိုင်ငံမှ ကြေကွဲဖွယ်မြင်ကွင်းကိုကြည့်သောအခါ သူတို့သည် ချက်ချင်းပင် ရဲရှင်းဟွေ့နှင့် အခြားသူများကို အမှတ်ရသွားကြ၏။

"ဟေး၊ ဒါကို မောင်နှမသုံးယောက်က လုပ်ခဲ့တာတော့ မဟုတ်ဘူးမလား"

ရဲဖန်က သူ၏ဘေးမှရဲချန်ကို တိုးတိုးမေးလိုက်သည်။

"မင်းငါ့ကိုလာမေးတာ ငါကဘယ်သူ့ကိုမေးရမှာလဲ"

ရဲချန်က ပခုံးတွန့်ကာ ပြန်ဖြေလိုက်၏။

တစ်ဖက်တွင်မူ ရဲနျဉ်သည် နောက်ဆုံးတွင် သူ၏မိသားစု မည်မျှအံ့ဩဖွယ်ကောင်းသည်ကို သိရှိသွား၏။

တူနှစ်ယောက်နှင့် တူမတစ်ဦးတို့ လမ်းလျှောက်ထွက်သွားပြီး နိုင်ငံတစ်ဝက်ကို တိုက်ရိုက်ပြားသွားစေကာ ကျွန်းစုနိုင်ငံ၏ လူဦးရေတစ်ဝက်နီးပါးကို မျိုးဖြုတ်ပစ်လုနီးပါး ဖြစ်ခဲ့၏။

သူသူ၏တစ်သက်တာလုံး လူသတ်သမားတစ်ဦးဖြစ်ခဲ့လျှင်ပင် ဤကလေးသုံးဦးသတ်ခဲ့သလောက် လူများစွာကို သတ်ရန် သူအတွက်ခက်ခဲပေလိမ့်မည်။

လူတိုင်း ထိုအကြောင်းကို ပြောဆိုနေစဉ်မှာပင် တံခါးပေါက်တစ်ခုသည် ဧည့်ခန်းထဲတွင် ပေါ်ပေါက်လာ၏။

ထို့နောက် ရဲရှင်းဟွေ့သည် သူစိမ်းတစ်ဦးကို သူနှင့်အတူ ဆွဲထုတ်လာ၏။

နောက်ဆုံးတွင် ရဲရှင်းချန်သည် ရဲရှင်းဟွေ့၏ တိုက်တွန်းမှုကြောင့် ထွက်ပေါ်လာ၏။

ရဲရှင်းဟွေ့ ရဲယင်ကို တံခါးပေါက်မှ ဆွဲထုတ်လိုက်စဉ်မှာပင် ရဲချန်၊ ရဲဖန်နှင့် ရဲနျဉ်တို့အားလုံးသည် ရဲယင်အပေါ်တွင် တစ်ချိန်တည်းတွင် အာရုံစိုက်လိုက်ကြ၏။

ချက်ချင်းပင် ရဲဖန်နှင့် ရဲနျဉ်တို့သည် ရဲချန်ကို တစ်ချိန်တည်းတွင် လှမ်းကြည့်လိုက်ကြ၏။

သူ၏အိမ်သို့ ပြန်ရောက်လာသော သူ၏ညီလေးရဲနျဉ်နှင့် ကောင်းမွန်သောဆက်ဆံရေးတည်ဆောက်ဂန်အတွက် ရဲချန်သည် သူတို့၏စကားပြောဆိုမှုအတွင်း သူ၏အချစ်ရေးအတိတ်အကြောင်းကို များစွာပြောပြခဲ့၏။

ယခုအခါ ရဲမိသားစု၏သွေးပါသောသူတစ်ဦးနှင့်တူသော လူငယ်တစ်ဦးကိုမြင်သော် ရဲဖန်နှင့် ရဲနျဉ်တို့သည် သဘာဝကျကျပင် သူ့ကို သံသယဖြင့် ကြည့်လိုက်ကြ၏။

မည်သို့ပင်ဖြစ်စေ ရဲဖန်နှင့် ရဲနျဉ်နှစ်ဦးစလုံးမှာ ဤမျှကြီးမားသောသားတစ်ဦး မရှိနိုင်ပေ။

ရဲချန်သည်လည်း အနည်းငယ်ရှုပ်ထွေးနေ၏။ အထူးသဖြင့် သူ၏သားရဲရှင်းဟွေ့၏ တင်းမာသောအသွင်ကိုမြင်သောအခါတွင် ဖြစ်၏။

တစ်ဖက်တွင်မူ ချန်ယင်းယင်း၊ စုချန်နှင့် ယန်အန်နာတို့သည် ထူးခြားသောအရာတစ်စုံတစ်ရာကို မခံစားခဲ့ကြပေ။

စုချန်က ရှေ့သို့လျှောက်သွားကာ စပ်စုလိုက်သည်။

"ဒီလူငယ်က ဘယ်သူလဲ"

တစ်စုံတစ်ယောက် နောက်ဆုံးတွင် အဓိကမေးခွန်းကိုမေးသည်ကိုကြားပြီးနောက် ရဲရှင်းဟွေ့သည် ရှေ့သို့တိုးကာ အသစ်ရောက်လာသူ၏အထောက်အထားကို တည်ကြည်စွာမိတ်ဆက်ပေးရန် စီစဉ်လိုက်၏။

ရဲရှင်းဟွေ့ သူ၏အဖေကို လျှို့ဝှက်ဆန်းကြယ်သောအပြုံးတစ်ခုပြပြီး စကားပြောရန်ပြင်ဆင်နေစဉ်မှာပင်

ရဲရှင်းချန်က ရဲယင်ကို နောက်မှဖမ်းဆွဲကာ သူ၏အခန်းဆီသို့ လျှောက်သွား၏။

ဤမြင်ကွင်းကိုမြင်သော် ရဲရှင်းဟွေ့မှာ အနည်းငယ်ရှုပ်ထွေးသွား၏။

"ဟေး။ အစ်ကို၊ ဘာလုပ်နေတာလဲ။ ငါက ဗီဒီယိုစီးရီးတစ်ခုလုပ်မလို့။ ဗီဒီယိုနာမည်တွေကိုတောင် ငါစဉ်းစားပြီးပြီ။ ငါ့အဖေရဲ့တရားမဝင်ကလေးများ စီးရီး"

ထိုသို့ပြောပြီးနောက် ရဲရှင်းဟွေ့သည် ရဲယင်ကို ပြန်ဆွဲရန်စီစဉ်လိုက်သော်လည်း သူသည် ရဲရှင်းချန်၏စူးစိုက်ကြည့်ခြင်းကြောင့် ကြောက်လန့်သွားသည်။

ထိုအခြင်းအရာကိုမြင်သော် ရဲရှင်းဟွေ့သည် လက်လျှော့ရုံသာ တတ်နိုင်ခဲ့၏။

ရဲရှင်းဟွေ့သည် ရဲယင်ကို ဧည့်ခန်းထဲတွင်ကျန်ရစ်စေ၍ သူ၏အထောက်အထားကိုထုတ်ဖော်ရန် လက်လျှော့လိုက်သော်လည်း သူပြောခဲ့သောအရာကို ရှိနေသူအားလုံး ကြားလိုက်ရ၏။

"ရှင်းဟွေ့၊ မင်းပြောလိုက်တာက အဲ့ဒီလူငယ်က အာချန်ရဲ့သားလို့လား။"

ပထမဆုံးတုံ့ပြန်သူမှာ သဘာဝကျကျပင် စုချန် ဖြစ်၏။

သူ၏အမေ၏စကားကိုကြားသော် ရဲရှင်းဟွေ့က ခေါင်းညိတ်ကာ

"ဟုတ်တယ်၊ သူက ငါတို့ရဲမိသားစုရဲ့သွေးပါတယ်၊ ပြီးတော့ သူဒီလောက်အသက်ကြီးနေပြီ။ သူက ဖေဖေ့သားဖြစ်ဖို့ကလွဲရင် ဘယ်လိုရှင်းပြရမှာလဲ"

သူ၏စကားဆုံးပြီးနောက် ရဲရှင်းဟွေ့က ရဲချန်ကိုကြည့်ကာ တီဗီလေး၏အချက်ပြမှု ရောက်ရှိလာမည်ကို စောင့်ဆိုင်းနေသည်။

သို့သော် အချိန်အကြာကြီးစောင့်ဆိုင်းပြီးနောက် တီဗီလေးမှာ မပေါ်ပေါက်လာခဲ့ပေ။

‘ဘာတုန်းဟ။ ဖေဖေက ဘယ်လိုလုပ်ဒီလောက်တည်ငြိမ်နေရတာလဲ။’

ရဲရှင်းဟွေ့မှာ အနည်းငယ်ရှုပ်ထွေးသွားပြီးနောက် သူ၏အမေကိုကြည့်လိုက်ရာ သူ၏အမေမှာလည်း အလွန်တည်ငြိမ်နေသည်ကို တွေ့ရှိခဲ့၏။

အမှန်တကယ်တွင် ရဲရှင်းဟွေ့မသိသောအရာမှာ စုချန်သည် ဤကဲ့သို့သောမြင်ကွင်းမျိုးအတွက် စိတ်ပိုင်းဆိုင်ရာ ပြင်ဆင်ပြီးဖြစ်၏။

သူမအမေဇုန်တွင်ရှိစဉ်က သူမသည် လက်ရှိအမေဇုန်ထံမှ ရဲချန်လွန်ခဲ့သောနှစ်များစွာက အလွန်အကျွံသောက်သုံးခဲ့ပြီး ထိုအချိန်ကအမေဇုန်စစ်သည်တော်ခေါင်းဆောင်၏အစ်မဖြစ်သူနှင့် အိပ်ပျော်သွားကာ သူမကိုကိုယ်ဝန်ရစေခဲ့ကြောင်းကို သိရှိပြီး ဖြစ်၏။

သူမသည် ရဲချန်ကိုကြိုက်နှစ်သက်သော သူမ၏ညီမကို သစ္စာဖောက်ခဲ့သည်ဟု ခံစားမိသောကြောင့် ကိုယ်ဝန်ဆောင်စစ်သည်တော်ခေါင်းဆောင်မှာ တရုတ်ပြည်သို့ တစ်ယောက်တည်း သွားခဲ့၏။

၎င်းမှာလည်း စုချန်က အားကောင်းသောသတင်းအချက်အလက်စုဆောင်းနိုင်စွမ်းရှိသော ရဲလန်ယွဲ့ကို စုံစမ်းစစ်ဆေးရာတွင်ကူညီပေးရန် တောင်းဆိုခဲ့ခြင်းကြောင့် ဖြစ်၏။

အနည်းဆုံးတော့ ရဲချန်၏ကလေးများကို အပြင်ဘက်တွင် ချန်ထား၍မဖြစ်ပေ။

၎င်းမှာလည်း ရဲလန်ယွဲ့က ရဲရှင်းဟွေ့အား သူမထိုစဉ်က ဂရုစိုက်နေသည်ဟု ပြောခဲ့သော အရေးကြီးသော အရာဖြစ်၏။

သူ၏မိဘများ၏အပြုအမူကိုမြင်သော် ရဲရှင်းဟွေ့မှာ သိလိုက်၏။ ၎င်းမှာ ဇာတ်လိုက်၏အရှိန်အဝါက တစ်ဖန်ဒုက္ခပေးနေခြင်း ဖြစ်၏။

ရဲချန်တွင် စစ်သားဘုရင်ဇာတ်လိုက်၏အရှိန်အဝါရှိ၏။ ၎င်းမှာ သူအပြင်ဘက်တွင် အမျိုးသမီးနှင့်ကလေးများမည်မျှရှိစေကာမူ သူစုချန်ကိုချစ်နေသရွေ့ ၎င်းမှာ အရေးမကြီးဟု ဆိုလို၏။

အရမ်းမနာလိုစရာကောင်းလိုက်တာ။

ရဲရှင်းဟွေ့သည် သူ၏နှလုံးသားထဲတွင် မနာလိုမှုကိုသာ ခံစားနိုင်သည်။

ခေတ်သစ်ခေတ်သစ်တွင်မွေးဖွားခဲ့သော လူငယ်ကောင်းတစ်ဦးအနေဖြင့် သူသည် သူ၏အဖေ၏ ပင်လယ်ဘုရင်တစ်ပါးဖြစ်ရခြင်း၏ပျော်ရွှင်မှုကို နားမလည်နိုင်ပေ။

ရဲရှင်းဟွေ့သည်လည်း မောင်းမဆောင်တစ်ခုရှိလိုသော်လည်း အလှည့်အပြောင်းအမျိုးမျိုးက သူ့ကိုလက်လျှော့သွားစေ၏။

မောင်းမဆောင်တစ်ခုရှိလိုသည့်ဆန္ဒကိုစဉ်းစားရင်း ပေါင်ပေါင်း၏ပုံရိပ်သည် ရဲရှင်းဟွေ့၏စိတ်ထဲတွင် ရုတ်တရက်ပေါ်လာသည်။

ပြီးတော့ ပေါင်ပေါင်း၏အားကောင်းသောသံမဏိလက်သီးလည်း ရှိသေး၏။

‘အင်း။ စကားမစပ်… ပေါင်ပေါင်းရဲ့စွမ်းအားက တကယ်တော့ ဘယ်လောက်အားကောင်းလဲ။ ငါတို့တစ်နေ့နေ့မှာ စမ်းသပ်ကြည့်ပြီး စစ်ဆေးသင့်လား။’

ရဲရှင်းဟွေ့ ဧည့်ခန်းထဲတွင် မမျှော်လင့်သောအရာတစ်ခုကို စဉ်းစားနေစဉ်မှာပင် ရဲရှင်းချန်က ရဲယင်ကို သူ၏အခန်းသို့ ဆွဲခေါ်သွား၏။

ရဲယင်သည် သူဖော်ထုတ်ခံလိုက်ရပြီဖြစ်ကြောင်းကို သိ၏။

သူရဲရှင်းဟွေ့၏ဆွဲခေါ်ခြင်းကိုခံရစဉ် ထျန်းယင်ကျောက်တုံးကို ထုတ်ဖော်ပြသလိုက်သည့်အခိုက်တွင် သူသည် စိတ်ပိုင်းဆိုင်ရာ ပြင်ဆင်ပြီးဖြစ်၏။

"ကျွန်တော်…"

ရဲယင်စကားပြောရန်ပြင်ဆင်နေစဉ်မှာပင် ရဲရှင်းချန်က သူ၏နဖူးကို သူ၏လက်ညှိုးဖြင့် ပုတ်လိုက်၏။

ရဲယင်သည် သူဘာလုပ်တော့မည်ကိုသိပြီး ထိုအချိန်တွင် ခုခံလိုသော်လည်း ရဲယင်၏ဝိညာဉ်စွမ်းအားမှာ ရဲရှင်းချန်နှင့် မည်သို့ယှဉ်နိုင်မည်နည်း။

အဆုံးတွင် ရဲယင်၏မျက်လုံးများမှာ ဖြည်းညင်းစွာ မှိုင်းသွားပြီး ရဲရှင်းချန်သည် သူ၏မှတ်ဉာဏ်ထဲသို့ အောင်မြင်စွာ စူးစမ်းကြည့်ရှုနိုင်ခဲ့၏။

ရဲရှင်းချန်သည် ရဲယင်နှင့် မည်သို့ဆက်သွယ်ရမည်ကို အမှန်တကယ်မသိသောကြောင့် သူသည် သူ၏မှတ်ဉာဏ်ထဲသို့ တိုက်ရိုက်ကြည့်ရှုခြင်းဟူသော အရှင်းလင်းဆုံးနှင့် အကြမ်းတမ်းဆုံးနည်းလမ်းကို ရွေးချယ်ခဲ့၏။

သူသည် သူအမှန်တကယ် သူနှင့်နန်ကုန်းချင်းယွီတို့၏သားဟုတ်မဟုတ်ကိုလည်း သိလို၏။

မှတ်ဉာဏ်ထဲတွင်

ရဲယင်သည် ကျင့်ကြံသူမိသားစုဖြစ်သော နန်ကုန်းမိသားစုတွင် မွေးဖွားခဲ့၏။

နန်ကုန်းချင်းယွီမှာမူ နန်ကုန်းမိသားစု၏အကြီးအကဲ၏ မောင်းမတော်မှမွေးဖွားခဲ့သောကြောင့် နန်ကုန်းမိသားစုသည် သူမကို လုံးဝအလေးမထားခဲ့ပေ။

အထူးသဖြင့် နန်ကုန်းချင်းယွီ လက်မထပ်မီကိုယ်ဝန်ရရှိခဲ့ကြောင်းကို သိရှိပြီးနောက် သူမမှာ ပို၍ပင်မကြိုဆိုခြင်း ခံခဲ့ရ၏။

စုံစမ်းမေးမြန်းမှုများစွာပြုလုပ်ပြီးနောက် နန်ကုန်းမိသားစုသည် နန်ကုန်းချင်းယွီ၏ကလေးမှာ အသစ်ရာထူးတိုးမြှင့်ခံရသော မသေမျိုးဧကရာဇ်၊ ကြယ်ဧကရာဇ်နှင့်ရသည်မှာ အများဆုံးဖြစ်နိုင်ကြောင်းကို သိရှိခဲ့ကြ၏။

နန်ကုန်းမိသားစု၏အကြီးအကဲသည် နန်ကုန်းချင်းယွီကို ရဲရှင်းချန်ထံသို့ ခေါ်ဆောင်သွားရန် မဝံ့ရဲခဲ့ပေ။

မည်သို့ပင်ဖြစ်စေ အကယ်၍ သူတို့မှားခဲ့ပါက ရက်စက်သောကြယ်ဧကရာဇ်မှာ သူတို့၏နန်ကုန်းမိသားစုကို မျိုးဖြုတ်ပစ်နိုင်သည်။

သူသည် ကိစ္စ၏အမှန်တရားကို မသေချာသော်လည်း နန်ကုန်းမိသားစု၏အကြီးအကဲမှာမူ နန်ကုန်းချင်းယွီနှင့် ကြယ်ဧကရာဇ်တွင် ကလေးတစ်ဦးရှိသည်ဟူသောသတင်းကို လိုင်းအမျိုးမျိုးမှတစ်ဆင့် ဖြန့်ဝေနေဆဲ ဖြစ်၏။

သတင်းမှန်သည်ဖြစ်စေ၊ မှားသည်ဖြစ်စေ ဂိုဏ်းငယ်နှင့်အလတ်စားများစွာမှာ နန်ကုန်းမိသားစုကို မြှောက်ပင့်ရန် ရောက်ရှိလာကြရာ နန်ကုန်းမိသားစုတစ်ခုလုံးကို ချမ်းသာကြွယ်ဝစေခဲ့၏။

နန်ကုန်းမိသားစုမှာ ချမ်းသာကြွယ်ဝသော်လည်း သူတို့ကိုချမ်းသာကြွယ်ဝစေခဲ့သောဇာတ်လိုက်များဖြစ်သည့် ရဲယင်နှင့် နန်ကုန်းချင်းယွီတို့မှာမူ ကောင်းမွန်စွာမနေထိုင်ရသေးပေ။

ကြယ်ဧကရာဇ် ကျဆုံးသွားသည်အထိ အခြေအနေများ ပြောင်းလဲမသွားခဲ့ပေ။