အခန်း (၂၀၈၃-၂၀၈၈)

အခန်း ၂၀၈၃ သူ့အဆင့်က ဘယ်လောက်မြင့်လဲ

ရွှေအမြုတေအဆင့်ရှိ ကျင့်ကြံသူတွင်ရှိ‌ေသာ မှော်သလင်းကျောက်က သုန်းဖန်းကျီယွီနှင့် ထျန်းတောက်ကျုံး၏ တပည့်များထက် အနည်းငယ်နည်းသောကြောင့် ၎င်းတို့နောက်တွင် အဆင့်သတ်မှတ်ခြင်းခံခဲ့ရသည်။

ရွှေအမြုတေအဆင့်မှ ကျင့်ကြံသူ နှစ်ဦးသည် ကျင်းယွင်ယန်ကို မကျော်လွန်နိုင်ခဲ့သည်ကို တွေ့လိုက်ရသဖြင့် ကျင်းယွင်ယန်နှင့် ကျင်းမိသားစုက အနည်းငယ် စိတ်သက်သာရာ ရသွားသည်။ အခြားကျင့်ကြံသူများသည်လည်း ကျင်းယွင်ယန်ကို မကျော်လွန်နိုင်ဟု မျှော်လင့်ခဲ့ကြသည်။

သို့သော် ရွှေအမြုတေအဆင့်ရှိ အခြားသော ကျင့်ကြံသူသည် မှော်သလင်းကျောက်ကိုးလုံးဖြင့် ၎င်းတို့အားလုံးကို ကျော်ဖြတ်ကာ တစ်ခါထဲနဲ့ ပထမအဆင့်သို့ ရောက်ရှိသွားခဲ့သည်။

သူ့တွင် ပဉ္စမအဆင့် နှစ်ခု၊ စတုတ္ထအဆင့် နှစ်ခု၊ တတိယအဆင့် နှစ်ခုနှင့် ဒုတိယအဆင့် မှော်သလင်းကျောက်သုံးခု ရှိသည်။

ချက်ခြင်းတွင် ကျင်းယွင်ယန်နှင့် ကျင်းမိသားစုသည် အလွန်စိတ်မကောင်းဖြစ်သွားရသည်။ သူတို့သည် စိတ်ပိုင်းဆိုင်ရာ ပြင်ဆင်ထားသော်လည်း လက်တွေ့ကို ရင်ဆိုင်ရသောအခါ လက်မခံနိုင်ကြသေးပေ။

ကျင်းယောင်ရုန်သည် နဂိုက ကျင်းယွင်ယန် ကို ပထမဆုနှင့် ဝိညာဉ်စုဆောင်း‌ေသာဆေးလုံး ရရှိရန် မျှော်လင့်ခဲ့သော်လည်း ယခုအခါ သူစိတ်ပျက်ကာ ဒေါသဖြစ်ခဲ့ရသည်။

သို့သော်လည်း သူဘယ်လောက်ပဲ စိတ်ပျက်ဒေါသထွက်နေပါစေ ကျင်းယွင်ယန် က တကယ်ကို ပိုဆိုးနေတာကြောင့် သူဘာမှ မလုပ်နိုင်ခဲ့ပါ။

ဤအခိုက်အတန့်တွင် ကျင်းယွင်ယန် သည် ထိပ်တန်း သုံးနေရာတွင် ရပ်တည်နိုင်ပါက ကျင်းမိသားစုကို အရှက်ရစေမည်မဟုတ်ပေ။

ကံမကောင်းစွာနဲ့ပဲ သူစိတ်ပျက်ရပါလိမ့်မည်။

ကုနင်းနှင့် လင်ရှောင်းထင်ကို တစ်ချက်ကြည့်လိုက်ပြီးနောက် ကျင်းယောင်ရုန်သည် ကုနင်းနှင့် လင်ရှောင်းထင်တို့၌ တစ်ဦးတည်းသာ ထိပ်ဆုံးသုံးနေရာသို့ မတက်ခဲ့ပါက ကျင်းယွင်ယန်အတွက် ထိပ်တန်းသုံးနေရာတွင်ရပ်တည်ရန် အလွန်ခက်ခဲမည်ဟု ခံစားခဲ့ရသည်။ ဖြစ်နိုင်ချေရှိသည်။

လင်ရှောင်းထင်သည် ပဉ္စမအဆင့်မှော်သလင်းကျောက်ကို လုယူသွားသောကြောင့် လင်ရှောင်းထင်ကို အပြစ်တင်ချင်သော်လည်း ပဉ္စမအဆင့်မှော်သလင်းကျောက်သည် လုယက်မခံရလျှင်ပင် သူအဆင်ပြေမည်မဟုတ်ပေ။

မည်သို့ပင်ဖြစ်စေ ကျင်းယွင်ယန်သည် လင်ရှောင်းထင်ကို ဒေါသထွက်နေသေးသည်။ ပဉ္စမအဆင့်မှော်သလင်းကျောက်သည် သူ့အား စာရင်းတွင် ပို၍အဆင့်မြင့်အောင် မကူညီနိုင်ခဲ့လျှင်ပင် ၎င်းသည် သူ၏ ကျင့်ကြံရေးအတွက် အလွန်အထောက်အကူဖြစ်နိုင်သည်။ ၎င်းနှင့်အတူ ရွှေအမြုတေအဆင့်၏ အလယ်အလတ်အဆင့်သို့ ရောက်ရှိနိုင်မည်ဖြစ်သည်။

ထိုအကြောင်းကို သူပိုတွေးလေ၊ ဒေါသပိုထွက်လေလေပါပဲ။ ထို့ကြောင့် ကျင်းယွင်ယန်သည် လင်ရှောင်းထင်ကို စူးစူးစိုက်စိုက်ကြည့်လိုက်ပြန်သည်။ သူသည် ပထမဆုယူသွားသူထက် လင်ရှောင်းထင်ကို ပို၍မုန်းတီးခဲ့သည်။

ကျင်းယောင်ရုန်သည် ကျင်းယွင်ယန်၏ အမူအရာကို သတိပြုမိလိုက်သည်နှင့် လင်ရှောင်းထင်ကို အေးစက်စွာ ကြည့်လိုက်သည်။ ကျင်းယွင်ယန်သည် လင်ရှောင်းထင်ကြောင့် ပထမဆုကို ဆုံးရှုံးခဲ့ရသည်ဟု သူခန့်မှန်းခဲ့သည်။ သို့ဆိုလျှင် လင်ရှောင်းထင်သည် သူ့မျက်လုံးထဲတွင် မုန်းတီးစရာကောင်းနေပေသည်။

ကျင်းယွင်ယန် စိုက်ကြည့်တာကိုခံရင်း လင်ရှောင်းထင်သည် ဘာမှ မလုပ်ဘဲ လှည့်ကြည့်လိုက်သောအခါ ခန်းမရှေ့တွင် အေးစက်သော မျက်လုံးတစ်စုံနှင့် တွေ့လိုက်ရသည်။

လင်ရှောင်းထင် လှမ်းကြည့်လိုက်တော့ ကျင်းယောင်ရုန်ရဲ့ မျက်လုံးတွေနဲ့ သူတွေ့လိုက်ရသည်။ တစ်ယောက်က စိတ်တိုနေပြီး နောက်တစ်ယောက်က အေး‌ချမ်း‌နေသည်။ တစ်ယောက်နဲ့တစ်ယောက် မျက်လုံးချင်းဆုံလိုက်တဲ့အခါ လင်ရှောင်းထင် အားပိုမကျေမနပ်ဖြစ်သွားပြီး ကျင်းယောင်ရုန်က ခေါင်းကိုလှည့်လိုက်သည်။

လင်ရှောင်းထင်ကို တစ်ချက်ကြည့်လိုက်ပြီး တစ်ယောက်နဲ့တစ်ယောက် မျက်လုံးချင်းဆုံဖို့ မမျှော်လင့်ထားတာကြောင့် ရုတ်တရက် ထိတ်လန့်သွားခဲ့သည်။

သို့သော်လည်း ကျင်းယောင်ရုန်သည် ခေါင်းကို လှည့်ပြီးနောက် စိတ်တိုသွားပြန်သည်။ လင်ရှောင်းထင်၏ မျက်လုံးများကို ရှောင်ရန်မှာ ရှက်စရာကောင်းသည်ဟု သူခံစားမိသည်။ လင်ရှောင်းထင်သည် ဂျူနီယာဖြစ်သည်။ ဘာပဲဖြစ်ဖြစ် သူ အနည်းငယ် ထိတ်လန့်သွားသောကြောင့် လင်ရှောင်းထင်ကို နောက်တစ်ကြိမ် မကြည့်တော့ပါ။

လင်ရှောင်းထင်၏အကြည့်အောက်တွင် သူသည် စိတ်ဖိစီးမှုခံစားရသည်။ ဝန်ခံရန် ဝန်လေးသော်လည်း မငြင်းနိုင်ပေ။ လင်ရှောင်းထင်၏အကြည့်သည် သူ့အပေါ် များစွာ ဖိအားများစွာ ဖြစ်စေသည်။

ရုတ်တရက် ကျင်းယောင်ရုန်တွင် အကြံတစ်ခု ပေါ်လာသည်။ သူ့ကိုသတ်ချင်သူတစ်ယောက်ဆီကနေ ဆင်းသက်လာတဲ့ မနှစ်မြို့စရာအကြည့်ဟု သူထင်ခဲ့သည်။

အဲဒါကိုတွေးရင်း ကျင်းယောင်ရုန်က မျက်‌မှောင်ကြုတ်လိုက်ပြီး အကျပ်အတည်းကို ခံစားလိုက်ရသည်။ ဖြစ်နိုင်ချေရှိသော်လည်း မသေချာပေ။ သူတို့ကြားတွင် အာဃာတတစ်စုံတစ်ရာမရှိဟု သူထင်သည်။ ထိုလူက ဘာလို့ သူ့ကိုသတ်ချင်တာလဲ။

ကျင်းကျီနဉ်ကြောင့်လား။ ကျင်းကျီနဉ်က ကျင်းယွင်ယောင်ကြောင့် သူ့ကိုသတ်ဖို့ ရည်ရွယ်ထားတာလား။ ကျင်းကျီနဉ် သည် သူ့ကို မယှဉ်နိုင်သောကြောင့် သူ့ကိုသတ်ရန် အခြားလူကို ငှားရမ်းထားတာဖြစ်နိုင်သည်။

အဲဒါကိုတွေးပြီး ကျင်းယောင်ရုန်က ဒေါသထွက်သွားပြီး မဝေးတဲ့အကွာအ‌ဝေးက ကျင်းကျီနဉ်ကို တစ်ချက်ကြည့်လိုက်သည်။

ဒါဟာ သူ့မှန်းဆချက်သာဖြစ်ပေမဲ့ သူ့စိုးရိမ်မှုတွေကို လျစ်လျူမရှုနိုင်တာကြောင့် စုံစမ်းဖို့ စိတ်ပိုငစိတ်ပိုင်းဖြတ်လိုက်သည်။ မဟုတ်လျှင် ကြောက်စရာကောင်းတာ တစ်ခုခုဖြစ်ခဲ့ပါက စိတ်ရှုပ်ရ‌လောက်မည်။

မည်သို့ပင်ဆိုစေ ကျင်းယောင်ရုန် မှန်ကန်စွာ ခန့်မှန်းခဲ့သည်။ လင်ရှောင်းထင်သည် အမှန်ပင် သူ့ကိုသတ်ချင်သော်လည်း ကျင်းကျီနဉ်အတွက်ကြောင့် မဟုတ်ပဲ ကျင်းယွင်ယောင် အတွက်ကြောင့်ဖြစ်သည်။

သူ့အဖေရဲ့ သေဆုံးခြင်းကြောင့်လည်း ဖြစ်ပေသည်။

ထိုအရာက မကြာမီဖြစ်လာ‌မည်။ ကျင်းယွင်ယောင်သည် ယခုအချိန်တွင် ခန္ဓာပြင်ပအဆင့်သို့ ရောက်ရှိနေပြီဖြစ်ပြီး သူမသည် ပြန်လည်ကောင်းမွန်လာကာ သူမ၏အဆင့်ကို တည်ငြိမ်အောင်ပြုလုပ်ပြီးနောက် ကျင့်ကြံရေးလောကသို့ ပြန်လည်ရောက်ရှိလာနိုင်မည်။

ကျင်းကျီနဉ်သည် ကျင်းယောင်ရုန်၏ အကြည့်ကို ခံစားလိုက်သည်နှင့် တပြိုင်နက် သူ လှည့်ကြည့်လိုက်သော်လည်း ကျင်းယောင်ရုန်သည် သူ့မျက်လုံးများကို ဖယ်လိုက်သည်။

ကျင်းကျီနဉ်သည် မျက်ခုံးများကို ပင့်တင်လိုက်သည်။ ကျင်းယောင်ရုန် အဘယ်ကြောင့် ထိုသို့ပြုလုပ်သည်ကို သူနားမလည်သော်လည်း မေးရန် စိတ်မဝင်စားပါ။ ယင်းအစား ၎င်းအောက်ရှိ အခြေအနေကို စောင့်ကြည့်ရန် ရင်ပြင်ကိုသာ အာရုံစိုက်ခဲ့သည်။

ကျင်းယောင်ရုန်သည် သူ့မျက်လုံးများကို အဝေးသို့ ရွေ့သွားပြီးနောက် လင်ရှောင်းထင်သည် အချိန်ကြာကြာ စိုက်ကြည့်ပါက သူ့ကိုယ်သူ ထိန်းချုပ်မှု ဆုံးရှုံးပြီး ကျင်းယောင်ရုန်ကို တိုက်ခိုက်မိမည်ကို စိုးရိမ်သောကြောင့် အကြည့်ကို ဖယ်လိုက်သည်။

သူသည် သူ့ကိုယ်သူ ကောင်းစွာ ထိန်းချုပ်နိုင်သော်လည်း သူတော်စင်မဟုတ်သောကြောင့် တစ်ခါတစ်ရံတွင် စိတ်ခံစားမှုက ပိုအားသန်လာနိုင်သည်။ သူ့ရှေ့ကလူက သာမာန်လူမဟုတ်‌ေပ။ သူ့အဖေကို သတ်ခဲ့သည့် လူသတ်သမားဖြစ်သည်။

ယခု ပထမအဆင့်ရှိ ကျင့်ကြံသူသည် စိတ်လှုပ်ရှားနေသော်လည်း သူ့မျက်နှာတွင် သူ၏ခံစားချက်အစစ်အမှန်ကို မပြခဲ့ပါ။ လင်ရှောင်းထင်သည် သူ့အတွက် ကြီးမားသော ခြိမ်းခြောက်မှုတစ်ခုဖြစ်သောကြောင့် လင်ရှောင်းထင်အား အကြည့်တစ်ချက်ပေးလိုက်သည်။

တကယ်တော့ လင်ရှောင်းထင်က သူ့ထက်သာလွန်နေရင်တောင်မှ လင်ရှောင်းထင်က သူ့ထက်အဆင့်မြင့်တဲ့အဆင့်မှာ ရှိနေတာကို သူတွေ့မြင်နိုင်လို့ ကျေကျေနပ်နပ်လက်ခံနိုင်သည်။

ကံတရားကလည်း အရေးကြီးတာမို့ လင်ရှောင်းထင်ဟာ ကံကောင်းခြင်းတွေ ရနိုင်သည်။

နောက်ဆုံးတွင် သူတို့နှင့်တစ်သင်းတည်းရှိ မော့ချီလင်သည် မှော်သလင်းကျောက်များစွာကို ရရှိခဲ့‌ေပသည်။

နံပါတ် 50 အထိပါဝင်သူများသည် ထိပ်ဆုံး သုံးဦးကို မကျော်နိုင်ပါ။ နောက်ဆုံးပါဝင်သူ ဆယ်ဦးကြားတွင် လင်ရှောင်းထင်နှင့် ကုနင်းတို့သည် များစွာအာရုံစိုက်ခံခဲ့ကြသည်။ နံပါတ် ၅၁ မှ နံပါတ် ၆၀ ကြားတွင် ပါဝင်သူ သုံးဦးသည် ကျရှုံးခဲ့ပြီး အခြားသူများမှာ အလွန်သာမာန်အဆင့်တွင် ရှိနေသည်။

လင်ရှောင်းထင် အလှည့်ရောက်သောအခါ လင်ရှောင်းထင်သည် သူ၏ မှော်သလင်းကျောက်များကို ထုတ်ယူလိုက်သောအခါ လူတိုင်းကို တုန်လှုပ်စေခဲ့သည်။

အခြားလူများက လင်ရှောင်းထင်သည် သူတို့ထက် ပို‌ေတာ်မည်မဟုတ်ဟု ထင်ခဲ့ကြသော်လည်း မထင်မှတ်ဘဲ လင်ရှောင်းထင်သည် ၎င်းတို့ထက် အများကြီးသာလွန်သည်။

လင်ရှောင်းထင်သည် သူ၏ မှော်သလင်းကျောက်များကို မှတ်တမ်းတင်ရန် အချိန်အတော်ကြာပြီး သူ့တွင် မှော်သလင်းကျောက်များ များလွန်းခြင်းလား သို့မဟုတ် အလွန်နည်းလွန်းခြင်းလားဆိုတာကို လူများက တွေးတောလာကြသည်။

သို့သော် လင်ရှောင်းထင်သည် သူ့တွင် ထူးချွန်သော စွမ်းရည်ရှိသောကြောင့် မှော်သလင်းကျောက် အနည်းငယ်သာ ရှိနိုင်သည်ဟု မည်သူမျှ မယုံကြည်ခဲ့ကြပေ။ ထိုအခြေအနေတွင် သူ့တွင် မှော်သလင်းကျောက်များ အလွန်များနေရမည်။

သူ့မှာ ဘယ်လောက်ရှိလဲ။

လင်ရှောင်းထင်တွင် သတ္တမအဆင့်တွင် တစ်ခု၊ ဆဌမအဆင့်တွင် တစ်ခု၊ ပဉ္စမအဆင့်တွင် နှစ်ခု၊ စတုတ္ထအဆင့်တွင် လေးခု၊ တတိယအဆင့်တွင် လေးခုနှင့် ဒုတိယအဆင့်တွင် ငါးခုအပါအဝင် မှော်သလင်းကျောက် 17 ခုရှိသည်ကို တွေ့ရှိရသည်။ အရေးအကြီးဆုံးမှာ ဆဌမအဆင့်နှင့် သတ္တမအဆင့်ရှိ မှော်သလင်းကျောက်များဖြစ်သည်။

သူ့ရဲ့ ရလဒ်ကို ထုတ်ပြန်ကြေညာလိုက်တာနဲ့ လူတိုင်းက အံ့အားသင့်ခဲ့ကြပြီး သူ့ကို မနာလိုဖြစ်ခဲ့ကြသည်။

“ဘုရား‌ေရ သူ့မှာ ဆဌမအဆင့်နဲ့ သတ္တမအဆင့်မှာ မှော်သလင်းကျောက်တွေရှိတယ်”

"မယုံနိုင်စရာပဲ!"

"သူ့အဆင့်က ဘယ်လောက်တောင်မြင့်တာလဲ"

***

ဖီးနစ်သွေးစက်

အခန်း ၂၀၈၄ သူတို့က ဆုတွေနဲ့ ထိုက်တန်ပါတယ်

"ကျွန်‌ေတာ်တို့ အဆင့်နိမ့်နေတော့ သူ့အဆင့်ကို မမြင်နိုင်ပေမယ့် သူ့အဆင့်က အရမ်းမြင့်နေရမယ်။ မဟုတ်ရင် ဆဋ္ဌမအဆင့်နဲ့ သတ္တမအဆင့် မှော်သလင်းကျောက်တွေကို ရနိုင်စရာအကြောင်းမရှိဘူးလေ"

“ဟုတ်တယ် သူက သုံးဆယ်ထက် ငယ်ပုံရတယ်။ ငယ်ငယ်ရွယ်ရွယ်နဲ့ ဒီလောက်မြင့်မားတဲ့အဆင့်ကို ရောက်နိုင်တယ်ဆိုတာ ငါမယုံနိုင်‌ေသးဘူး။ သူ့မှာ အရည်အချင်းရှိတယ်”

"သူက အရည်အချင်းရှိတဲ့ ကျင့်ကြံသူပဲ!"

"ကျင့်ကြံရေးလောကရဲ့ နာမည်ကြီး ပါရမီရှင် ပိုင်လီကျုံးယန်က ဒီအချိန်မှာ လူတော်တော်များများရဲ့ လွှမ်းမိုးတာကို ခံရ‌ ေတာ့မယ့်ပုံပဲ"

“ဟုတ်တယ် ဒါပေမယ့် သူက ဒီနှစ်ပွဲမှာ မပါဝင်ခဲ့ဘူးလေ။ သူသာပါရင် တခြားလူတွေထက် ပိုဆိုးမှာတော့ မဟုတ်ပါဘူး။ ဒါပေမယ့် သူက သတ္တမအဆင့် မှော်သလင်းကျောက်‌ေတွရှိတဲ့ လူထက် သာလွန်နေနိုင်မှာတော့ မဟုတ်လောက်ဘူး”

“…”

ဆွေးနွေးစဉ်တွင် ၎င်းတို့သည် ပိုင်လီကျုံးယန်ကိုဖော်ပြခဲ့သည်။ ပိုင်လီကျုံးယန်ဟာ မနှစ်က ပြိုင်ပွဲရဲ့ ချန်ပီယံသာမကဘဲ သူတို့ရဲ့ ကျင့်ကြံရေးလောကကမှာ အကျော်ကြားဆုံးနဲ့ စွမ်းရည်အရှိဆုံး ကျင့်ကြံသူလည်း ဖြစ်တာကြောင့် လူတွေက သူ့ကို တခြားပါဝင်သူတွေနဲ့ ခိုင်းနှိုင်းတာ သာမန်ပါပဲ။

ပိုင်လီကျုံးယန်သည် ကောင်းသော စိတ်ပိုင်းဆိုင်ရာ အရည်အသွေးရှိသောကြောင့် သူသည် အခြားသူများ၏ ဆွေးနွေးချက်များကို စိတ်မဆိုးပါ။ သူတို့ပြောတာမှန်တယ်လို့တောင် ဝန်ခံသည်။

သူက ချင်ဖုန်းလောက် မတော်ဘူးလို့ ဝန်ခံရမည်။ တကယ်တော့ ချင်ဖုန်းရဲ့ အဆင့်က သူ့ထက် မြင့်ပေသည်။

လူတော်တော်များများက လင်ရှောင်းထင်ရဲ့အဆင့်ကို မသိခဲ့ကြပေမယ့် ပိုင်လင်ထျန်းနဲ့ တခြားလူကြီးတွေက ဒါကို မြင်နိုင်သည်။

အတိအကျသိသောကြောင့် လင်ရှောင်းထင်သည် ဆဌမအဆင့်နှင့် သတ္တမအဆင့်တွင် မှော်သလင်းကျောက်တုံးများကို ရနိုင်သဖြင့် ပို၍အံ့သြသွားကြသည်။ ပဉ္စမအဆင့် မိစ္ဆာနတ်ဆိုးသည် ရွှေအမြုတေအဆင့်ရှိ ကျင့်ကြံသူများကဲ့သို့ အားကောင်းသည်။

ပဉ္စမအဆင့် မိစ္ဆာနတ်ဆိုးသည် ရွှေအမြုတေအဆင့်ရှိသူများကဲ့သို့ အားကောင်းသော်လည်း၊ရွှေအမြုတေအဆင့်ရှိ ကျင့်ကြံသူများနှင့် တိုက်ပွဲတစ်ခုတွင် တွေ့ဆုံပါက ကျင့်ကြံသူက အနိုင်ရရန် အလားအလာ ပိုများပါသည်။

မိစ္ဆာနတ်ဆိုးများသည် တိုက်ခိုက်ရန် ၎င်းတို့၏ ကာယခွန်အားကိုသာ အားကိုးကြပြီး ၎င်းတို့သည် လူသားများကဲ့သို့ လျင်မြန်မှုမရှိကြပဲ လူသားများသည် လှည့်ကွက်များဖြင့် တိုက်ခိုက်နိုင်သောကြောင့် လူသားများသည် အနိုင်ရရန် အလားအလာပိုများသည်။

ရလဒ်အနေနှင့် လင်ရှောင်းထင်သည် ဆဋ္ဌမအဆင့် နတ်ဆိုးကို သတ်နိုင်သောကြောင့် ဆဋ္ဌမအဆင့်မှော်ကျောက်တုံးကို ရရှိခဲ့ခြင်း ဖြစ်နိုင်သည်။

သို့သော် ၎င်းသည် သတ္တမအဆင့် နတ်ဆိုးတစ်ကောင်ဖြစ်ခဲ့ပါက သူသည် ကုနင်း၏အကူအညီနဲ့ပဲဆိုလျှင် အနည်းငယ် မယုံနိုင်စရာပင်။

ကုနင်း၏အဆင့်သည် လင်ရှောင်းထင်ထက် များစွာနိမ့်ကျသောကြောင့် ကုနင်းက သူ့ကိုကူညီခဲ့လျှင်ပင် ၎င်းတို့သည် ယခင်ကထက် ပိုမိုအားကောင်းလာမည်မဟုတ်ပေ။ အခြားလူများက ၎င်းတို့သည် သတ္တမအဆင့် နတ်ဆိုးကို အတူတကွ သတ်နိုင်ကြောင်း မယုံကြပေ။

ဒါပေမယ့် သူတို့လုပ်နိုင်ခဲ့ပြီး ဒဏ်ရာမရရှိခဲ့တာက အံ့သြစရာကောင်းပါသည်။

"စီနီယာရှန်းကွမ်း၊ မင်းရဲ့တပည့်က မယုံနိုင်လောက်အောင်ပါပဲ" ပိုင်လင်ထျန်းက ပြောလိုက်သည်။ သူလည်း မယုံနိုင်‌ေပ။

"ဟုတ်တယ် သူက ရွှေအမြုတေအဆင့်က ကျင့်ကြံသူလို့ကို မထင်ရဘူး" ယွင်ဟုန်ချင်သည် လင်ရှောင်းထင်၏အဆင့်သည် အမှန်တကယ်မြင့်မားပြီး သူ၏စွမ်းရည်များကို တွေ့မြင်ခဲ့ရသောကြောင့် လင်ရှောင်းထင်၏ အရည်အချင်းကို သံသယရှိတာမဟုတ်ပဲ ပြောလိုက်ခြင်းဖြစ်သည်။

ယွင်ဟုန်ချင်သည် လင်ရှောင်းထင်၏အဆင့်သည် ပို၍မြင့်မားနိုင်ပြီး ၎င်းကို ဖုံးကွယ်ထားနိုင်မည်ဟု ထင်ခဲ့သည်။

သို့သော် အလွန်ဖြစ်နိုင်ချေမရှိပေ။ လင်ရှောင်းထင်သည် ရှန်းကွမ်းယန်၏ တပည့်ဖြစ်ပြီး ထက်မြက်သော်လည်း သူသည် ငယ်လွန်းသည်။ မှော်အစွမ်းတွေ ပါးလွှာနေတဲ့ခေတ်မှာ စီနီယာကျင့်ကြံသူဖြစ်ဖို့ နေနေသာသာ ကျင့်ကြံဖို့ခက်ခဲသည်။

လင်ရှောင်းထင်ရဲ့အသက်နဲ့စာရင် သူ့လက်ရှိအဆင့်က အရည်အချင်းရှိတဲ့ ကျင့်ကြံသူလို့ ခေါ်နိုင်ပေသည်။

လင်ရှောင်းထင်သည် သူ့အဆင့်ကို ဖုံးကွယ်ထားတာမဟုတ်တဲ့အပြင် သူတစ်ယောက်တည်း သတ္တမအဆင့် နတ်ဆိုးကို သတ်တာလည်းမဟုတ်ပေ။ သူနှင့်အတူ ကျောင်းလုံလည်း ရှိသည်။

ကျောင်းလုံသည် သူတို့နှင့် တူညီသော်လည်း ၎င်းသည် သတ္တမအဆင့် နတ်ဆိုးကို တစ်‌ေကာင်တည်း အနိုင်မယူနိုင်ပါ။ သူသည် ယွမ်ယင်အဆင့်ရှိ ကျင့်ကြံသူများကိုပင် ကြောက်လန့်သော်လည်း ကုနင်းနှင့် လင်ရှောင်းထင်တို့ဖြင့် တွဲဖက်လုပ်ဆောင်သောအခါတွင် ၎င်းသည် အလွန်အစွမ်းထက်သည်။

တကယ်တော့ သူတို့ဟာ အဲဒီတုန်းက နတ်ဆိုး(၃)ကောင်ကို ဆန့်ကျင်တိုက်ခိုက်ခဲ့တာဖြစ်သည်။ သတ္တမအဆင့် နတ်ဆိုးတစ်ကောင်သာ ရှိလျှင် လင်ရှောင်းထင် နှင့် ကုနင်းတို့သည် ကုနင်း၏ ခန္ဓာကိုယ်ထဲတွင် ဖီးနစ်သွေးများ ပါ၀င်နေသောကြောင့် သူတို့အတူတကွ လုပ်ဆောင်ခြင်းဖြင့် ၎င်းကို သတ်နိုင်မည်ဖြစ်သည်။

ကုနင်းသာ ဖီးနစ်သွေးမပါတဲ့ ပေါင်းစည်းခြင်းအဆင့်ရှိ ကျင့်ကြံသူသာဖြစ်လျှင် လင်ရှောင်းထင်အား ကျောင်းလုံနှင့် မြေခွေးက ကူညီလျှင်ပင် ၎င်းတို့သည် အောင်နိုင်မည်မဟုတ်ပေ။

ရှန်းကွမ်းယန်က ဒါကို ကောင်းကောင်းသိတဲ့အတွက် ကုနင်းနဲ့ လင်ရှောင်းထင်တို့ဟာ ဆဌမအဆင့်နဲ့ သတ္တမအဆင့်မှော်သလင်းကျောက်‌ေတွကို ရနိုင်တာကို သူ မအံ့သြပါ။ သို့သော် သူတို့သည် သတ္တမအဆင့် မှော်သလင်း‌ေကျာက် ရနိုင်တာက သူမျှော်လင့်ထားသည်ထက် ကျော်လွန်နေသောကြောင့် အနည်းငယ် အံ့သြနေသေးသည်။ သူတို့ရနိုင်တဲ့ အမြင့်ဆုံးအဆင့်က ဆဋ္ဌမအဆင့်လို့ သူထင်ခဲ့သည်။

ဘာပဲဖြစ်ဖြစ် လင်ရှောင်းထင်ဟာ တခြားသူတွေရဲ့ ချီးကျူးမှုနဲ့ မထိုက်တန်ဘူးလို့ သူ မထင်ခဲ့မိ‌ေပ။ အဲဒီအစား သူက လင်ရှောင်းထင် အတွက် ဂုဏ်ယူသည်။

ကျင်းယောင်ရုန်၊ သုန်းဖန်းဟယ်နှင့် အခြားလူများသည် ရလဒ်အတွက် အလွန်စိတ်ပျက်ခဲ့ကြသော်လည်း ရှန်းကွမ်းယန်ကြောင့် လင်ရှောင်းထင်ကို ချီးကျူးရမည်ဖြစ်သည်။

"ဟားဟား သူအရမ်းကံကောင်းတာပါ!" ရှန်းကွမ်းယန်က တခြားသူတွေရဲ့ ချီးမွမ်းမှုတွေကြားမှာ ကျိုးနွံစွာ နေတတ်သူပင်။

လင်ရှောင်းထင်သည် မှော်သလင်းကျောက်များစွာရရှိရန် သူ၏စွမ်းရည်များကိုသာ အားကိုးသည်ဟု မထင်ထားသောကြောင့် လင်ရှောင်းထင်မှာ ကံကောင်းခြင်းရှိရမည်။ ဘာပဲဖြစ်ဖြစ် ကံတရားက အရည်အချင်းလောက်ကို အရေးကြီးသည်။

ဤအခိုက်တွင် လင်ရှောင်းထင်သည် ပထမအဆင့်တွင်ရှိပြီး အခြားလူများက လင်ရှောင်းထင်သည် ကုနင်းအား ‌ပထမဆု‌ရ‌စေရန် မှော်သလင်းကျောက်များကို ပေးလိုက်တာကလွဲ၍ ဘယ်သူမှ လင်ရှောင်းထင်ကို မကျော်နိုင်မှန်း သိလာကြသည်။ သို့ဆိုလျှင် ၎င်းတို့တွင် အလွန်အရည်အသွေးမြင့်သော မှော်သလင်းကျောက်များရှိသည်ဟု ဆိုလိုသည်။

ပိုင်လင်ထျန်းက "စီနီယာ ရှန်းကွမ်းရဲ့ အမျိုးသမီး တပည့်မှာလည်း အရည်အသွေးကောင်းတဲ့ မှော်သလင်းကျောက်တွေ အများကြီး ရှိမယ်လို့ ထင်ပါတယ်" ဟု ပိုင်လင်ထျန်းက ဆိုသည်။ ကုနင်းမှာ လင်ရှောင်းထင်ထက် ပိုဆိုးသော မှော်သလင်းကျောက်များ ရှိသည်ဟု သူမထင်ခဲ့ပေ။ သူ့ ခန့်မှန်းချက် မှန်ကန်ပါက လင်ရှောင်းထင်သည် ပထမဆု ရရှိမည်ဖြစ်ပြီး ကုနင်းက ဒုတိယဆုကို ရရှိမည်ဖြစ်သည်။

ဘာပဲဖြစ်ဖြစ် သူတို့ရဲ့ မှော်သလင်းကျောက်တွေရဲ့ အရေအတွက်နဲ့ အရည်အသွေးက တကယ့်ကို အံ့မခန်းပါပဲ။

"ငါသိတယ် ကု... ချင်းဟယ်မှာ မှော်သလင်းကျောက်နည်းနည်းလောက် တစ်ခု ဒါမှမဟုတ် နှစ်ခုလောက် ရှိမှာပေါ့" ရှန်းကွမ်းယန် သည် စိတ်လှုပ်ရှားစွာဖြင့် ကုနင်း၏ နာမည်ကို ထုတ်ပြောမိလုနီးပါပင်။

သူ့မျိုးရိုးအမည်ကို ပြောထားပြီးဖြစ်သော်လည်း သံသယမရှိသောကြောင့် ယင်းအကြောင်းကို မည်သူမျှ ထပ်မစဉ်းစားကြပေ။

"စီနီယာ ရှန်းကွမ်းရဲ့ တပည့်တွေက ဒီနှစ် ပထမနဲ့ ဒုတိယဆုတွေ ရလိမ့်မယ်ထင်တယ်" ဟု ကျင်းယောင်ရုန်က ပြောသည်။ မှားတာမဟုတ်ပေမယ့် သူ့လေသံမှာ မနာလိုစိတ်တွေ ပေါ်လွင်နေသည်။

“ဟုတ်တယ် ဒါပေမယ့် သူတို့က ဆုတွေနဲ့ ထိုက်တန်ပါတယ်” ပိုင်လီချီဖုန်းက ကျင်းယောင်ရုန်ကို လှောင်ပြောင်ရင်း ရိုးရိုးသားသား ပြောခဲ့သည်။

ကျင်းယောင်ရုန်က လက်မခံဘူးဆိုရင်တောင် ကျင်းယွင်ယန်မှာ အရည်အချင်းမရှိလို့ ဘာမှလုပ်လို့မရပါ။

ဘယ်သူမှ တုံးအတဲ့သူများမဟုတ်ကြတဲ့အတွက် လူတိုင်းက သူတို့ရဲ့စကားလုံးတွေရဲ့ အဓိပ္ပါယ်အစစ်အမှန်ကို နားလည်ကြပေမယ့် ဒါကို ဘယ်သူကမှ ထောက်ပြဖို့ စိတ်မ၀င်စားကြပါ။

သိပ်မကြာခင်မှာပဲ ကုနင်း၏အလှည့်ရောက်လာသည်။ လင်ရှောင်းထင်နှင့် ကုနင်းတို့သည် တစ်ဖွဲ့တည်းဖြစ်သောကြောင့် ကုနင်းသည်လည်း ရလဒ်ကောင်းရမည်ဟု လူတိုင်းက ယုံကြည်ခဲ့ကြသည်။

ထို့ကြောင့် ကုနင်း၏ မှော်သလင်းကျောက်များကို တွေ့လိုက်ရသောအခါ သူတို့သည် အလွန်ထိတ်လန့်ခြင်းမရှိခဲ့ကြသော်လည်း ကုနင်း၏ မှော်သလင်းကျောက်များသည် လင်ရှောင်းထင်ထက် သိပ်မဆိုးသောကြောင့် အံ့သြနေကြဆဲဖြစ်သည်။

သူတို့ဟာ တကယ့်ကို မယုံနိုင်စရာပါပဲ။

ကုနင်းတွင် ဆဋ္ဌမအဆင့်တွင် တစ်ခု၊ ပဉ္စမအဆင့်တွင် သုံးလုံး၊ စတုတ္ထအဆင့်တွင် သုံးခု၊ တတိယအဆင့်တွင် လေးခုနှင့် ဒုတိယအဆင့်တွင် လေးခုအပါအဝင် မှော်သလင်းကျောက်ဆယ့်ငါးခုပါရှိသည်။

လင်ရှောင်းထင်ကဲ့သို့ မှော်သလင်းကျောက်များ အများအပြားမရှိသော်လည်း သူမက သူ့ဘေးတွင် အဆင့်သတ်မှတ်ခံလိုက်ရသည်။ ထိုအခြေအနေမျိုးတွင် ကုနင်းသည် စာရင်းတွင် ဒုတိယနေရာတွင် ရပ်တည်နုိင်ခဲ့သည်။

ကျင်းယွင်ယန်ဟာ အခု ထိပ်တန်း သုံးယောက်ကနေ လုံးဝထွက်ခွာသွားရ၍ သူတော်တော်ဒေါသထွက်သွားရသည်။

ပြိုင်ဘက်အသစ်များမရှိလျှင် ကျင်းယွင်ယန်သည် ယခုနှစ်တွင် ပထမဆုရနိုင်သည်။ ကံမကောင်းစွာနဲ့ပဲ ဒီနှစ်မှာ အားကောင်းတဲ့ ပြိုင်ဘက်သုံးယောက် ပေါ်လာခဲ့ပါတော့သည်။

***

ဖီးနစ်သွေးစက်

အခန်း ၂၀၈၅ မင်းရော စိန်ခေါ်ရဲလား

ကုနင်းရဲ့နောက်မှာ လူအနည်းငယ်ရှိပေမယ့် သူတို့မှာ ရလဒ်မကောင်းတဲ့အတွက် လင်ရှောင်းထင် က ပထမအဆင့်၊ ကုနင်းက ဒုတိယ၊ မှော်သလင်းကျောက်ကိုးလုံးပါတဲ့ ရွှေအမြုတေကနဦးကကျင့်ကြံသူက တတိယအဆင့်၊ ကျင်းယွင်ယန် ကစတုတ္ထ၊ သုန်းဖန်းကျီယွီ နဲ့ ထျန်းတောက်ကျုံး ၏တပည့်သည် အဆင့်ငါးနေရာ၊ ရွှေအမြုတေအဆင့်ရှိ အခြားကျင့်ကြံသူက အဆင့်‌ေခြာက်‌ေနရာတွင်ရှိပြီး အခြားသော ကျင့်ကြံသူများဖြစ်တဲ့ မော့ချီလင်က အဆင့်ခုနစ်၊ ယင်ရူယန် က အဆင့်ရှစ်နှင့် ပိုင်လီကျုံးရွှယ်က အဆင့်တစ်ဆယ်ဖြစ်သည်။

အဓိက မိသားစုလေးခုမှ အဖွဲ့ဝင်အားလုံး စာရင်းတွင် ပါဝင်ခဲ့သည်။ အမှန်မှာ သူတို့သည် အသင်းဖော်များကို ၎င်းတို့၏မိသားစုများက စီစဉ်ပေးထားပြီး ၎င်းတို့ကို သစ္စာမဖောက်သောကြောင့် အကျိုးကျေးဇူးများစွာရရှိခဲ့ခြင်းဖြစ်သည်။

သို့သော် အခြားပါဝင်သူများသည် လိုအပ်ချက်ကြောင့်သာ အဖွဲ့ဖွဲ့ရသောကြောင့် ပြိုင်ပွဲပြီးဆုံးချိန်တွင် အချင်းချင်းသစ္စာဖောက်ကာ အချင်းချင်း စတင်ယှဉ်ပြိုင်ကြသည်။ ရလဒ်အနေဖြင့် ၎င်းတို့တစ်ဦးစီသည် မှော်သလင်းကျောက်ပမာဏ အနည်းငယ်မျှသာ ရနိုင်သောကြောင့် ၎င်းတို့သည် ဆုမရရှိခဲ့ကြပေ။

ဆုရရှိသူများကို ထုတ်ပြန်ပြီးနောက် သူတို့အားလုံးသည် သူတို့၏သက်ဆုိင်ရာဆုများကို ရယူကြပြီး ၎င်းတို့ရရှိသော မှော်ကျောက်တုံးများကို ၎င်းတို့ကိုယ်ပိုင်အဖြစ် ပိုင်ဆိုင်ကြသည်။

လူများစွာသည် လင်ရှောင်းထင်နှင့် ကုနင်းကို မနာလိုခဲ့ကြသော်လည်း ၎င်းတို့သည် ယင်းနှင့်ပတ်သက်၍ ဘာမှမလုပ်နိုင်ပေ။

အချို့သောသူများသည် ၎င်းတို့ထံမှ မှော်သလင်းကျောက်များကို ဝယ်ယူလိုသော‌ေကြာင့် ပေးချေရန် ဆန္ဒရှိသော်လည်း အားလုံးက ငြင်းပယ်ခံခဲ့ကြရသည်။

ဘာပဲဖြစ်ဖြစ် လင်ရှောင်းထင်ရဲ့ လက်ရှိအဆင့်အရ ပဉ္စမအဆင့်အထက် မှော်သလင်းကျောက်တွေကသာ သူ့အတွက် အသုံးဝင်တာမို့ ပဉ္စမအဆင့် အောက်ရောက်တဲ့တဲ့ မှော်သလင်းကျောက်တုံးတွေကို မလိုအပ်ပါ။

ကုနင်းသည် တတိယအဆင့်ထက် မှော်သလင်းကျောက်များ လိုအပ်သောကြောင့် သူမသည် ပထမအဆင့်နှင့် ဒုတိယအဆင့်ရှိ သလင်းကျောက်များကို မော့ချီလင်အား ပေးခဲ့သည်။

တတိယ၊ စတုတ္ထနှင့် ပဉ္စမအဆင့်တို့အနည်းငယ်ကိုလည်း ပေးခဲ့သည်။

မော့ချီလင်သည် ထိုမှော်သလင်းကျောက်များကို ယူခဲ့ပြီး‌ေနာက် ၎င်းတို့ကို မည်သို့အသုံးပြုရမည်ကို သူ့ဘာသာဆုံးဖြတ်နိုင်သည်။ သူသည် ၎င်းတို့အားလုံးကို သူ့ကိုယ်ပိုင်အဖြစ် ယူနိုင်သည် မဟုတ်ပါက ၎င်းတို့ကို ထျန်းတောက်ကျုံးရှိ အခြားအဖွဲ့ဝင်များနှင့်လည်း မျှဝေနိုင်သည်။ သူတစ်ယောက်တည်း မှော်ကျောက်တုံးတွေ အများကြီး မလိုအပ်ပါ။

ကုနင်းက သူ့ကို မှော်သလင်းကျောက်တွေ အများကြီးပေးတာကြောင့် မော့ချီလင်က သူတို့ကို ယူရမှာ အားနာသွားပေမယ့် ကုနင်းက သိပ်အများကြီး မလိုအပ်တဲ့အတွက် အသုံးမဝင်တဲ့ မှော်သလင်းကျောက်တွေကို လွှင့်ပစ်မယ်လို့ ဆိုသည်။

ကုနင်းက ဒီလိုပြောပြီးကတည်းက မော့ချီလင်ဟာ မှော်သလင်း‌ေကျာက်တွေကို ယူသွားပြီး ကုနင်းကို အရမ်းကျေးဇူးတင်မိသည်။

တခြားလူတွေက သူ့ကို မနာလိုဖြစ်ကြသည်။ ကုနင်းက အဲဒီ မှော်သလင်းကျောက်တွေကို မလိုအပ်ရင် သူတို့ ယူသွားဖို့ ဆန္ဒရှိသည်။ ကံမကောင်းစွာပဲ သူတို့က ကုနင်းနဲ့ မရင်းနှီးတဲ့အတွက် ကုနင်းက သူတို့ကို မပေးပေ။

မှော်သလင်းကျောက်များသည် ကျင့်ကြံရန်အတွက် အသုံးဝင်သော်လည်း မှော်သလင်းကျောက်များ၏ အကူအညီဖြင့် ကြီးမားသောတိုးတက်မှုကို မရရှိနိုင်ပေ။ လူတစ်ယောက်ရဲ့ အရည်အချင်းနဲ့ ကံပေါ်မှာမူတည်နေပါသေးသည်။ ဘာပဲဖြစ်ဖြစ်၊ သူတို့က အရမ်းအထောက်အကူဖြစ်သည်။

ပြိုင်ပွဲပြီးသောအခါ ပါဝင်သူများ ထွက်ခွာသွားကြသည်။ ရှန်းကွမ်းယန် နှင့် အခြား မိသားစုလေးစုမှ အဖွဲ့ဝင်များက ထျန်းတောက်ကျုံးမှ စီစဉ်သောစီစဉ်သောနေရာတွင် ညစာစားရန် နေခဲ့ကြသည်။

အခန်းဆီသို့ လျှောက်လာရင်း ကျင်းယွင်ယန်သည် လင်ရှောင်းထင်နှင့် ကုနင်းကို ပြင်းပြင်းထန်ထန် မုန်းတီးစွာ ကြည့်နေလေသည်။ ကုနင်း၏ မျက်လုံးများတွင် မကြင်နာစရာအကြည့်များ ပေါ်လာသည်။

"စီနီယာချင်း၊ ကျွန်မခဏသွားစရာရှိသေးတယ်။ မကြာခင် ပြန်လာမှာပါ” ဟု ကုနင်းက လင်ရှောင်းထင်ကို ပြောသည်။ ၎င်းတို့သည် လူမြင်ကွင်းတွင် ရှိနေသောကြောင့် သူမသည် လင်ရှောင်းထင်ကို စီနီယာချင်းဟု ခေါ်ခြင်းဖြစ်သည်။

လင်ရှောင်းထင်သည် ကုနင်း၏ မျက်လုံးများတွင် မကြင်နာမှုကို သတိပြုမိသောအခါတွင် သူမသည် မကောင်းမှုတစ်ခုခု လုပ်တော့မည်ကို သူသိသော်လည်း သူမကို မတားခဲ့ပေ။ သူမကို ခေါင်းညိမ့်ပြလိုက်ပြီး လွှတ်လိုက်သည်။

ထို့နောက် ကုနင်းသည် အပြုံးများဖြင့် ကျင်းယွင်ယန်ဆီသို့ လှမ်းကြည့်လိုက်သည်။

ကုနင်းလမ်းလျှောက်လာတာကိုမြင်တော့ ကျင်းယွင်ယန်ဟာ သူ့ရဲ့ခံစားချက်အစစ်အမှန်ကို ဖုံးကွယ်ထားပေမယ့် အေးစက်နေဆဲပါပဲ။

ဒီမိန်းမက ဘာလို့လာတာလဲ။ သူမမျက်နှာတွင် မရိုးသားသောအပြုံးတစ်ခုရှိသည်။ သတင်းကောင်းတော့ ဟုတ်ပုံမရပေ။

ဘာပဲဖြစ်ဖြစ် သူ ကုနင်းဘာလုပ်မယ်ဆိုတာကို သိချင်‌တဲ့အတွက် သူမရှောင်ပေ။

ရှောင်လိုက်ရင် တော်တော်ရှက်စရာကောင်းတဲ့အပြင် သူမကို ကြောက်နေပုံရတဲ့အတွက် ကျင်းယွင်ယန် က ဒီလိုလုပ်မှာမဟုတ်ပါ။ ထို့ကြောင့် သူသည် မာနတရားကြောင့် ကုနင်းကို ချက်ချင်းရင်ဆိုင်လိုက်သည်။

ကုနင်းက ကျင်းယွင်ယန်ဆီကို လျှောက်သွားနေတာကို သူ့ပတ်ဝန်းကျင်က လူတော်တော်များများ တွေ့လိုက်တာကြောင့် စောင့်ကြည့်ဖို့ ရပ်လိုက်ကြသည်။ ကုနင်းနှင့် လင်ရှောင်းထင်တို့အပေါ် ကျင်းယွင်ယန်၏မုန်းတီးမှုကို အများအပြားတွေ့မြင်နိုင်သောကြောင့် ကုနင်း ပြသနာရှာ‌ေတာ့မည်ထင်လိုက်ကြသည်။

"သခင်လေးကျင်း၊ မင်း ကျွန်မနဲ့ စီနီယာချင်းကို စိတ်ဆိုးနေတာလား။ ဘာလို့ ငါတို့ကို မုန်းတီးမှုတွေနဲ့ အမြဲကြည့်နေရတာလဲ" ကုနင်းက အေးအေးဆေးဆေး ပြောလိုက်သည်။ သူမ လုံးဝစိတ်မဆိုးသလို ပုံစံမျိုးပင်။

သူမ စိတ်မဆိုးသော်လည်း ကျင်းယွင်ယန်ကို စိတ်အနှောင့်အယှက်ဖြစ်အောင် တမင်တကာ လာခဲ့ခြင်းဖြစ်သည်။

အခြားလူများက ကုနင်း၏စကားကိုကြားသောအခါ၊ ချင်းဟယ် ဟုခေါ်သော ဤမိန်းကလေးသည် ကျင်းယွင်ယန်ကို အမှန်တကယ် ပြသနာရှာေတာ့မည်ကို သိရှိလိုက်ကြသည်။

"အင်း၊ မင်း အဖြေကို ရှင်းရှင်းလင်းလင်း သိမယ်လို့ထင်ပါတယ်" ကျင်းယွင်ယန်က ဟစ်အော်လိုက်သည်။ သူ့အသံက အရမ်းကျယ်သည်။

အဲဒါကို ကြားတော့ လူတွေက သိချင်လာသည်။ ကျင်းယွင်ယန်က သူတို့ကို အရမ်းမုန်းသွားတဲ့အထိ ဘာဖြစ်ခဲ့လို့လဲ။ ပထမဆုနဲ့ ဒုတိယဆုတွေ ဆွတ်ခူးနိုင်ခဲ့လို့လား။

ဖြစ်နိုင်သည်။ သို့သော် ထိုထက်မကလည်း ဖြစ်နိုင်သည်။

"တောအုပ်ထဲမှာ ဘာဖြစ်ခဲ့လို့လဲ? ပုံမှန်ပဲမဟုတ်ဘူးလား?" ကုနင်းအနည်းငယ် ရယ်မောလိုက်ပြီး သူ့ကို လှောင်ပြောင်လိုက်သည်။ "သခင်လေးကျင်း၊ အဲ့တာကြောင့် မင်းက ကျွန်မနဲ့ ကျွန်မရဲ့ စီနီယာချင်းကို အငြိုးထားနေတာလား"

ကျင်းယွင်ယန်သည် စကားတစ်ခွန်းမှ မပြောဘဲ ကုနင်းကို အေးစက်စွာ စိုက်ကြည့်နေသည်။

"သခင်လေးကျင်း၊ မင်း လက်မခံနိုင်ရင် ကျွန်မရဲ့ စီနီယာချင်းကို စိန်ခေါ်လို့ရတယ်။ မင်းအနိုင်ရရင် ကျွန်မတို့က ပဉ္စမအဆင့် မှော်ကျောက်တုံးကို မင်းကို ပြန်ပေးပါမယ်။ ဘယ်လိုလဲ?" ကုနင်းက ပြောသည်။ ပဉ္စမအဆင့် မှော်သလင်းကျောက်ကို သူတို့ ကျင်းယွင်ယန်ဆီမှ လုယက်ထားတယ်ဆိုတဲ့ အချက်ကို သူမ ဖုံးကွယ်ထားဖို့ ရည်ရွယ်ချက်မရှိပါ။

အခြားသူများဆီမှ မှော်သလင်းကျောက်များ လုယက်ရန် ခွင့်ပြုခဲ့သော်လည်း ကျင်းယွင်ယန်သည် သူ၏ မှော်ကျောက်သလင်းကို ကာကွယ်ရန် ပျက်ကွက်ခဲ့ပြီး လင်ရှောင်းထင်၏ လုယက်ခံရခြင်းမှာ အရှက်ရစေပါသည်။

ကုနင်းက ကျင်းယွင်ယန်ကို စိန်ခေါ်လိုက်သည်။ အကြောင်းမှာ ကျင်းယွင်ယန်သည် လင်ရှောင်းထင်နှင့် မယှဉ်နိုင်သောကြောင့်ဖြစ်သည်။ လင်ရှောင်းထင်ကို စိန်ခေါ်လိုက်လျှင် သူ့အရှက်သူခွဲမိလိမ့်မည်။

ကျင်းယွင်ယန်ဟာ ကျင်းယွင်ယောင် ခံစားခဲ့ရတာတွေနဲ့ ဘာမှမပတ်သတ်ပေမယ့် သူက ကျင်းယောင်ရုန်ရဲ့သားဖြစ်တဲ့အတွက် သူ့ကိုအရမ်းမုန်းတီးမိသည်။

“မင်း…”

ကျင်းယွင်ယန်သည် မှော်သလင်းကျောက်ကို လုယက်ခံရသော်လည်း ၎င်းကို ထုတ်ပြောရန် ရည်ရွယ်ချက်မရှိပေ။ သို့သော် ယခုကုနင်းက ပြောလာသောကြောင့် ကျင်းယွင်ယန်သည် အလွန်ဒေါသထွက်သွားသည်။

ထို့အပြင် ကုနင်းသည် လင်ရှောင်းထင်ကို စိန်ခေါ်ရန် တိုက်တွန်းခြင်းဖြင့် သူ့ကို လူသိရှင်ကြား အရှက်ရစေပြန်သည်။ သူသည် လင်ရှောင်းထင်နဲ့ မယှဉ်နိုင်ပါ။

ကျင်းယွင်ယန်သည် ရှန်းကွမ်းယန်၏ တပည့်များက သူ၏ ပဉ္စမအဆင့် မှော်သလင်းကျောက်ကို လုယက်သွားသောကြောင့် ရှန်းကွမ်းယန်၏တပည့်များကို လွန်စွာမုန်းတီး‌ေနကြောင်း အနီးရှိ အခြားလူများက ချက်ခြင်းသိလိုက်ရသည်။

မှော်သလင်းကျောက်များ လုယက်ခံရလျှင် လူတိုင်းစိတ်တိုကြလိမ့်မည်။ သို့သော် ကျင်းယွင်ယန် သူတို့ကို အနိုင်မယူနိုင်ခဲ့သည်မှာ အမှန်ပင် ရှက်စရာကောင်‌းပေသည်။

ကျင်းယွင်ယန်သည် ရုတ်တရက် လှောင်ပြောင်လိုက်သည်။ "အိုး ငါ့ထက်အဆင့်မြင့်တဲ့ ကျင့်ကြံသူတစ်ယောက်ကို စိန်ခေါ်ခိုင်းပြီး ငါ့ကို အနိုင်ကျင့်ချင်နေတာလား။ မင်း‌ေရာ ငါနဲ့ ပြိုင်ရဲလား"

"ဘာလို့မပြိုင်ရဲရမှာလဲ?" ကုနင်းက မကြောက်မရွံ့ ပြန်ပြောပြီး စိန်ခေါ်လိုက်သည်။ "ရှင့်ရဲ့အဆင့်က ကျွန်မထက်မြင့်နေတယ်ဆိုတဲ့အချက်ကို ဂရုမစိုက်ပါဘူး၊ ရှင်ကျွန်မကိုအနိုင်ကျင့်နေတယ်လို့ တခြားသူတွေပြောမှာကို ရှင်မကြိုက်မှာပဲ ဆိုးရတယ်"

ကုနင်းစကားကိုကြားတော့ လူတိုင်းက သူမဟာ ကျင်းယွင်ယန်နဲ့ယှဉ်ရင် မသန်မာ၍ သူမကို မာနကြီးတယ်လို့ ခံစားရသည်။

သို့သော် ကုနင်းပြောပြီးသွားသောအခါတွင် သူမသည် ကျင်းယွင်ယန်နှင့် အမှန်တကယ်ယှဉ်ပြိုင်မည်မဟုတ်ဟု သူတို့ထင်ခဲ့ကြသည်။ ကျင်းယွင်ယန်သည် သူ့ထက်နိမ့်ကျသော အဆင့်ရှိ ကျင့်ကြံသူကို အနိုင်ကျင့်မည်မဟုတ်ကြောင်းကို သူမ,သေချာသောကြောင့်သာ ထိုသို့ပြောရဲခြင်းဖြစ်သည်။

***

ဖီးနစ်သွေးစက်

အခန်း ၂၀၈၆ မိန်းကလေးတွေကို အနိုင်မကျင့်ဘူး

ဒါပေမယ့် ကုနင်းက ထိုအရာကို ပြောရုံေပြာတာမဟုတ်‌ေပ။ ကျင်းယွင်ယန်သာ ပြိုင်ရဲရင် သူမ သူ့ကို ယှဉ်ပြိုင်ဖို့ အဆင်သင့်ဖြစ်နေပါပြီ။

ကျင်းယွင်ယန်ကို ကိုင်တွယ်ရန် အနည်းငယ် ခက်ခဲနိုင်သော်လည်း သူမ အနိုင်ရမည်ဟု ယုံကြည်ပါသည်။ ကျင်းယွင်ယန်သည် သူမနှင့် တိုက်ခိုက်ရဲသရွေ့ သူမ သူ့ကို လူရှေ့သူရှေ့တွင် ပို၍ အရှက်ရစေမည်ဖြစ်သည်။

“မင်း…” ကျင်းယွင်ယန်သည် တစ်စက္ကန့်မျှ အံသြသွားပြီး ဘာပြန်ပြောရမှန်းမသိ။ သူက ကုနင်းကို သင်ခန်းစာတစ်ခု ပေးချင်ပေမယ့် ကုနင်းကို အနိုင်ကျင့်နေတယ်လို့ တခြားလူတွေက ပြောမှာကို ကြောက်သည်။ နောက်ဆုံးတော့ သူ့အဆင့်က သူမထက် အများကြီး ပိုမြင့်သည်။

"ငါမိန်းက‌ေလးတွေကို အနိုင်မကျင့်ဘူး"

ကျင်းယွင်ယန်သည် စိတ်ဆိုးသော်လည်း အနိုင်ကျင့်သူအဖြစ် မခံယူလိုသောကြောင့် ကုနင်းကို တိုက်ရိုက်လျစ်လျူရှုပြီး ထွက်ခွာသွားခဲ့သည်။

အံ့သြစရာမဟုတ်ပါ၊ ထို့ကြောင့် ကုနင်းက သူ့ကို မတားခဲ့ပါ။

ကျင်းယွင်ယန် ထွက်သွားသည်နှင့် အနီးနားတွင် ရပ်နေသော ပိုင်လီကျုံးရွှယ်က ကုနင်းကို ညင်သာစွာ မေးသည်။ "ကျင်းယွင်ယန်ကို အရမ်းမုန်းနေတာလား"

ကုနင်းသည် ကျင်းယွင်ယန်ကိုမုန်းတီး‌ေနတာဖြစ်ရမည်။ မမုန်းပဲနဲ့ သူမသည် မှော်သလင်းကျောက်ကို လုယူမည်မဟုတ်သည်မှာ ထင်ရှားသည်။ ကုနင်းသည် ပိုင်လီကျုံးရွှယ်ကို မိစ္ဆာနတ်ဆိုးများကိုသတ်ရန် ကူညီပေးခဲ့ပြီး သူမ၏ မှော်သလင်းကျောက်များကို မလိုချင်သောကြောင့် ကုနင်းသည် အခြားသူများကို ကျပန်းလုယက်မည့်သူမျိုးမဟုတ်ကြောင်း သူမ ယုံကြည်သည်။ ကုနင်းသည် ထိုလူကို လွန်စွာ မုန်းတီးနေမှသာ ဖြစ်နိုင်သည်။

"ဟုတ်တယ်" ကုနင်းက ပြောပြီး ပါးစပ်ကို ပိတ်လိုက်သည်။ ပိုင်လီကျုံးရွှယ်လည်း ထိုအကြောင်းကို မပြောတော့ပေ။

ကြည့်ရန်ဒရာမာမရှိသောကြောင့် ကြည့်ရှုသူများ အနည်းငယ်စိတ်ပျက်မိသော်လည်း ဤကား ထျန်းတောက်ကျုံး ဖြစ်သောကြောင့် မည်သူမျှ ဇာတ်ကွက်မရိုက်ရဲကြ‌ေတာ့ပေ။

ညစာစားပွဲတွင် ရှန်းကွမ်းယန်နှင့် အခြားသူများသည် အစားအသောက်ကို နှစ်သက်ကြသော်လည်း သုန်းဖန်းမိသားစုနှင့် ကျင်းမိသားစု အထူးသဖြင့် ကျင်းယွင်ယန်သည် စားချင်စိတ်မရှိပေ။ ထိပ်တန်းသုံးယောက်တွင် ဆုမရခဲ့သောကြောင့် သူတို့သည် အလွန်စိတ်မကောင်းဖြစ်‌ေနကြသည်။ သို့သော် အခြားသူများကို အပြစ်မတင်နိုင်ပေ။ တခြားသူတွေထက် ကျွမ်းကျင်မှုနည်းတဲ့အတွက် သူတို့ကိုယ်သူတို့ပဲ အပြစ်တင်ရမည်။

ညစာစားပြီးနောက် ရှန်းကွမ်းယန်နှင့် အခြားသူများ ထွက်ခွာသွားကြသည်။ ပိုင်လင်ထျန်းက သူတို့ကို ဆက်နေစေချင်ပေမယ့် ရှန်းကွမ်းယန်က ငြင်းဆိုခဲ့သည်။ သူက တခြားကိစ္စတွေနဲ့ ဖြေရှင်းဖို့ လိုအပ်ပြီး ဒီည ထွက်သွားရမယ်လို့ ပြောလိုက်သည်။

လင်ရှောင်းထင်ကို သူ့အသွင်အပြင်ကို ပြောင်းလဲဖို့ ကူညီပေးတဲ့ မှော်ဆေးပြားက တစ်ရက်သာ ထိရောက်ပြီး ရက်ဝက်ကြာသွားတဲ့အတွက် သူတို့ ဆက်နေမယ်ဆိုရင် မနက်ဖြန်မနက်မှာ ဖော်ထုတ်သွားလိမ့်မည်။ အဲဒါက သူတို့ရဲ့လျှို့ဝှက်ချက်ဖြစ်သည်။

ပိုင်လင်ထျန်းက ထပ်မံမတောင်းဆိုပေမယ့် သူက ရှန်းကွမ်းယန်နဲ့ သူ့တပည့်တွေကို ကျင့်ကြံရလောကကို အချိန်မရွေး လာရောက်လည်ပတ်ဖို့ ကြိုဆိုလိုက်သည်။

ဖြစ်နိုင်လျှင် ကျင့်ကြံရေးလောကတွင် ရှန်းကွမ်းယန်အတွက် အိမ်တစ်လုံးပင် ဆောက်‌ေပးနိုင်သည်၊ သို့မှသာ ရှန်းကွမ်းယန်သည် သူအားလပ်သည်နှင့် ကျင့်ကြံရေးလောကတွင် နေထိုင်နိုင်သည်။

တကယ်တော့ ကုနင်းနဲ့ တခြားသူတွေက ထိုအရာကို စီစဉ်ပြီးသွားပြီဖြစ်သည်။ သူတို့သည် ကျင့်ကြံသူများဖြစ်သောကြောင့် သေမျိုးလောကတွင် တစ်ချိန်လုံးရှိနေရန် အဆင်မပြေပေ။ ခွန်းလွန်ဂိုဏ်းကို ရောက်သွားရင် သူတို့ဘေးနားမှာ တခြားလူမရှိ၍ အထီးကျန်သလို ခံစားရသည်။

ရလဒ်အနေဖြင့် ခွန်းလွန်ဂိုဏ်း၏နေရာနှင့် ကျင့်ကြံရလောကတွင် နေချင်သည့်နေရာမှာ ရွေးချယ်ပြီး‌နေနိုင်လျှင် ကောင်းသောအရာဖြစ်သည်။

ကုနင်းနှင့် လင်ရှောင်းထင်တို့က ကျင်းကျီနဉ်ကို ကိုင်တွယ်ရန် တောင်းဆိုထားပြီးဖြစ်သောကြောင့် ပိုင်လင်ထျန်း လုပ်ပေးရန် မလိုအပ်ပါ။

ကျင်းကျီနဉ်သည် ကျင်းမိသားစုထံ ပြန်သွားသရွေ့ ကျင်းမိသားစု၏ နေရာတွင် နေနိုင်သော်လည်း ၎င်းတို့သည် ထိုသို့ မလုပ်လိုသောကြောင့် ၎င်းတို့၏ ကိုယ်ပိုင်အိမ်ကိုသာ ဆောက်ကြမည်။

“ဟားဟား ကျင့်ကြံရေးလောကက တကယ်ရှိတယ်ဆိုတာ သိလိုက်ရတော့ နောက်ဒီကို မကြာခဏ လာပါမယ်။ ခေါင်းဆောင်ပိုင်၊ မင်းရဲ့ကြင်နာမှုအတွက် ကျေးဇူးအများကြီးတင်ပါတယ်။ ကျီနဉ်က ငါတို့အတွက် အိမ်ကို တာ၀န်ယူထားလိမ့်မယ်။ အိမ်ဆောက်ပြီးတာနဲ့ ဒီမှာ ပိုနေမှာပါ” ဟု ရှန်းကွမ်းယန်က ပြောသည်။

"မိုက်လိုက်တာ!"

အဲဒါကို သိလိုက်ရတော့ ပိုင်လင်ထျန်း စိတ်လှုပ်ရှားသွားသည်။ ရှန်းကွမ်းယန်က သူ့ကို အိမ်ဆောက်ဖို့ မလိုအပ်ဘူးလို့‌ေပြာတာကြောင့် ပျော်သွားတာမဟုတ်ပဲ ရှန်းကွမ်းယန်ဟာ အနာဂတ်မှာ ကျင့်ကြံ‌ေရးလောကကို မကြာခဏ လာရောက်လည်ပတ်မယ်လို့ ပြောတာကြောင့် ပျော်သွားခြင်းဖြစ်သည်။

နောက်ဆုံးတွင် စီနီယာကျင့်ကြံသူများသည် ကျင့်ကြံရေးလောကတွင် အလွန်ရှားပါးသောကြောင့် ရှန်းကွမ်းယန်ကို ကျင့်ကြံရေးလောကတွင် ဆက်လက်နေထိုင်နိုင်မည်ဟု မျှော်လင့်ခဲ့ကြသည်။ သို့သော် ရှန်းကွမ်းယန်သည် သူ၏အခြားအရာများကို မလုပ်ဘဲ ရပ်တန့်နေမည်မဟုတ်ပေ။ သူဒီမှာ ပိုနေမယ်ဆိုတာနဲ့တင် စိတ်လှုပ်ရှားစရာကောင်းတဲ့ သတင်းပါပဲ။

ပြိုင်ပွဲကြောင့် လူများစွာသည် လင်ရှောင်းထင်နှင့် ကုနင်းတို့ကို မကောင်းမြင်ခဲ့ကြသော်လည်း ရှန်းကွမ်းယန်ကို ကျင့်ကြံရေးလောကတွင် မနေအောင် မတားကြပေ။

ထို့နောက် ရှန်းကွမ်းယန်သည် လင်ရှောင်းထင် နှင့် ကုနင်းတို့နှင့်အတူ ထွက်ခွာသွားခဲ့သည်။ နဂိုက ပိုင်လင်ထျန်းက ရှီပိုင်ချွမ်းနဲ့ သူ့တပည့်တွေကို ကျင့်ကြံ‌ေရးလောကရဲ့ ၀င်ပေါက်ကို ပို့ပေးဖို့ စီစဉ်ခဲ့ပေမယ့် ရှန်းကွမ်းယန်က ကျင်းကျီနဉ်နဲ့ အတူရှိနေတာကြောင့် သူတို့ကို ငြင်းပယ်ခဲ့သည်။

ပိုင်လင်ထျန်းက အတင်းမတောင်းဆိုပါ။ အကယ်၍ သူသာ အခိုင်အမာဆိုပါက ၎င်းတို့ကို သူလျှိုလုပ်နေပုံရသည်။

အဆုံးမှာတော့ သူတို့နှစ်ယောက် ထျန်းတောက်ကျုံးထဲကနေ အတူတူ ထွက်သွားကြသည်။

ကျင်းယောင်ရုန်သည် ကျင်းကျီနဉ်ကို တစ်ခုခုမေးရန် လိုအပ်သော်လည်း မမျှော်လင့်ဘဲ ကျင်းကျီနဉ်သည် ရှန်းကွမ်းယန်နှင့်အတူ ထွက်ခွာသွားခဲ့သည်။ ဒါကြောင့် သူ့ကို မမေးနိုင်တော့ပေ။

ရှန်းကွမ်းယန် နှင့် အခြားသူများ ထွက်သွားပြီးနောက် မော့ချီလင်သည် သူ၏ မှော်သလင်းကျောက်များကို သူ့ဆရာအား ပေးခဲ့သည်။

မော့ချီလင်သည် မှော်သလင်းကျောက်များအားလုံးကို မလိုအပ်သောကြောင့် ယွင်ဟုန်ချင်သည် မော့ချီလင်အတွက် အသုံးဝင်သော အချို့ကို သိမ်းဆည်းကာ ကျန်တာကို အခြားတပည့်များအား မျှဝေခဲ့သည်။

မော့ချီလင်သည် ယွင်ဟုန်ချင်၏ တပည့်ဖြစ်သော်လည်း ယွင်ဟုန်ချင်တွင်လည်း အခြားတပည့်များရှိသည်။

မော့ချီလင်သည် မှော်သလင်းကျောက်များကို မလိုအပ်ပါက ၎င်းတို့ကို အခြားသူများနှင့် မဝေမျှပါက အမှိုက်ဖြစ်လိမ့်မည်။

…

ကျင်းမိသားစုရဲ့နေအိမ်မှာဖြစ်သည်။

ကျင်းယောင်ရုန်နှင့် ကျင်းယွင်ယန် အိမ်ပြန်ရောက်သည်နှင့် စာဖတ်ခန်းထဲသို့ ၀င်သွားကြသည်။ ကျင်းယောင်ရုန်က "မင်းနဲ့ ရှန်းကွမ်းယန်ရဲ့ တပည့်တွေ တောအုပ်ထဲမှာ တစ်ခုခုဖြစ်ခဲ့တာလား"

ကျင်းယောင်ရုန်က သူတို့တစ်ခုခုဖြစ်လာတယ်ဆိုတာ သေချာသည်။ မဟုတ်ရင် ကျင်းယွင်ယန်က လင်ရှောင်းထင်ကို သိပ်မုန်း‌ေနမှာမဟုတ်‌ေပ။ သို့သော် သူတို့ ဘာဖြစ်ခဲ့သည်ကို သူအတိအကျမသိပေ။ ပြီးတော့ ကုနင်းနဲ့ ကျင်းယွင်ယန် စကားပြောခဲ့တာကို သူ မသိပါ။

“ဟုတ်” ကျင်းယွင်ယန်သည် အချိန်အတော်ကြာ သည်းခံခဲ့သည်။ ကျင်းယောင်ရုန်က သူ့အကြောင်းမေးတဲ့အခါ သူ့မျက်နှာမှာ ထိန်းမနိုင်သိမ်းမရ ဒေါသတွေ ပေါ်လာသည်။ "သူက ကျွန်တော်ဆီက ပဉ္စမအဆင့် မှော်သလင်း‌ေကျာက်တစ်လုံးကို လုယူသွားတယ်"

အဲဒါကိုကြားတော့ ကျင်းယောင်ရုန်က ချက်ချင်း မျက်မှောင်ကြုတ်လိုက်သည်။ သူလည်း အရမ်းစိတ်တိုပေမဲ့ စည်းမျဉ်းတွေအရ ခွင့်ပြုထားတဲ့အတွက် ကျင်းယွင်ယန်လောက် ဒေါသမထွက်ပေ။ ထို့ကြောင့် မည်မျှပင် မပျော်မရွှင် ဖြစ်နေပါစေ လက်ခံရမည်။

ခဏတိတ်ဆိတ်သွားပြီးနောက် ကျင်းယောင်ရုန်က မ‌ေပျာ်ရွှင်တဲ့လေသံနဲ့ပြောသည်။ "အင်း မင်း အဲဒါကို အခုမေ့လိုက်တော့။ စည်းကမ်းအရ ခွင့်ပြုထားတယ်။ မင်းရဲ့ ကျင့်ကြံရေးကိုပဲအာရုံစိုက်ပါ။ မင်းအသက်က နှစ်ဆယ့်ခြောက်ပဲရှိသေးတယ်။ နောက်တစ်ကြိမ် ပြိုင်ပွဲမှာ ထပ်ပြိုင်ဖို့ အခွင့်အရေး ရှိပါသေးတယ်”

ကျင်းယောင်ရုန်သည် အဓိပ္ပါယ်မရှိသောကြောင့် လင်ရှောင်းထင်ကို လက်တုံ့ပြန်ရန်ရည်ရွယ်ချက်မရှိပေ။ လင်ရှောင်းထင်သည် ကျင်းယွင်ယန်အား လုပ်ခဲ့သည့် လုပ်ရပ်က စည်းကမ်းဘောင်ထဲမှဖြစ်သည်။ လင်ရှောင်းထင်ကို အပြစ်ပေးရန် ကြံစည်ပါက ၎င်းသည်သာ အရှုံးသမား ဖြစ်ပေလိမ့်မည်။

သူက တကယ်လည်း အရှုံးသမားဖြစ်‌ေပသည်။ ၎င်းတို့အားလုံး အနိုင်ရရန် ရည်မှန်းထားသော်လည်း ယင်းသတင်းကြီးဖြစ်လာပါက အရှက်ရရလိမ့်မည်ဖြစ်သည်။

“အဖေ ကျွန်တော် အရှက်ကွဲလာလို့ အဆင်မပြေဘူး” ကျင်းယွင်ယန်သည် အလွန်ဒေါသထွက်နေပုံရသည်။ လင်ရှောင်းထင် အကြောင်းတွေးပြီး မုန်းတီးမှုတွေ ပြည့်နှက်နေသည်။

လင်ရှောင်းထင်သည် မှော်သလင်းကျောက်ကို လုယူရုံသာမက သူ့ကို လုံးလုံးလျားလျား အနိုင်ယူပြီး သူ့ကို အရှက်ရစေခဲ့သည်။

ကုနင်းသည် စောစောကပင် သူ့ကို နှိုးဆော်ရန် လာခဲ့သည်။ သူ့ပုံရိပ်ကိုသာ ဂရုမစိုက်ရင် သူမကို ရိုက်ခဲ့မိလိမ့်မည်။

"ဒါဆို? မင်းဘာလုပ်နိုင်လဲ။ မင်းသူ့ကိုအနိုင်ယူနိုင်လို့လား။ မင်းသာ အနိုင်ယူနိုင်ရင် မှော်သလင်းကျောက်ကို လုယက်ခံရမှာ မဟုတ်ဘူး‌ေလ။ သူက စည်းကမ်းဖောက်တာမဟုတ်ဘူး။ အဲ့ဒါကြောင့် မင်းသူ့ကိုလက်တုံ့ပြန်ချင်ရင် မင်းကိုယ်တိုင်နဲ့ ကျင်းမိသားစုကို အရှက်ရစေလိမ့်မယ်။ ဒါ့အပြင် မင်းလည်း တခြားလူတွေဆီက မှော်သလင်းကျောက်တွေကို လုယက်ခဲ့တယ် မဟုတ်ဘူးလား" ကျင်းယောင်ရုန်သည် ကျင်းယွင်ယန်အပေါ် ပိုမျှော်လင့်ထားသောကြောင့် ကျင်းယွင်ယန်က အဖြစ်မှန်ကို ရှင်းရှင်းလင်းလင်း နားမလည်သောအခါ သူ့ကိုဒေါသတကြီး ဝေဖန်ခဲ့သည်။

“ကျွန်တော်…” ကျင်းယွင်ယန်သည် ဘာမှမပြောနိုင်‌ေတာ့ဘဲ ကျင်းယောင်ရုန် ပြောစကားများ မှန်နေသောကြောင့် ပါးစပ်ကို ပိတ်လိုက်ရသည်။

***

ဖီးနစ်သွေးစက်

အခန်း ၂၀၈၇ ကျင်းမိသားစု၏ မကောင်းသတင်း

"ကောင်းပြီ မင်းအခုသွားလို့ရပြီ။ ကိုယ့်ဘာသာ ဘာမှ မလုပ်ပါနဲ့။ မင်း ရှန်းကွမ်းယန်ကို စော်ကားမိရင် ငါတို့မိသားစုအတွက် ဘာမှကောင်းမှာ မဟုတ်ဘူး” ကျင်းယောင်ရုန်က သတိပေးသည်။ ကျင်းယွင်ယန်၏ စရိုက်အရ သူသာ သူ့ကိုသတိမပေးပါက ရှန်းကွမ်းယန်နှင့် မယှဉ်နိုင်သော်လည်း မိုက်မဲသည့်အရာတစ်ခုခု လုပ်လိမ့်မည်။

ရှန်းကွမ်းယန် စိတ်တိုသွားမယ်ဆိုလျှင် ထျန်းတောက်ကျုံးလည်း ဒုက္ခရောက်လိမ့်မည်။

“သိပါပြီ…” ကျင်းယွင်ယန်သည် ကျင်းယောင်ရုန်ကို ဆန့်ကျင်ဝံ့ခြင်းမရှိသဖြင့် သဘောတူလိုက်သည်။

သူ လက်မခံချင်ပေမယ့် ရှန်းကွမ်းယန်ကို စော်ကားမိရင် ကျင်းမိသားစုကို ကောင်းကျိုးမရှိဘူးဆိုတာ သူသိတာမို့ သူ့ကိုယ်သူ ထိန်းထားရပါမည်။ ထို့အပြင် သူသည် လင်ရှောင်းထင် နဲ့ မယှဉ်နိုင်ပါ။

ကျင်းယွင်ယန် ထွက်သွားပြီးနောက် ကျင်းယောင်ရုန်သည် ယနေ့ ဖြစ်ပျက်ခဲ့သော အဖြစ်အပျက်များကို စတင်စဉ်းစားခဲ့သည်။ ကျင်းကျီနဉ်က သူ့ကို သတ်ချင်နေပြီး အကူအညီပေးတဲ့သူတွေ ရှိနေပြီဟု သူ ခံစားမိသေးသည်။

သူပဲ အတွေးလွန်တာလား ဒါမှမဟုတ် သူမှန်းဆတာ မှန်သလားလို့ သိချင်နေသည်။

သူသည် အဆုံးအထိ ဆင်းသွားမည် မဟုတ်သော်လည်း သူစိုးရိမ်နေမိသည်။ ကြည့်ရတာ သူ မကောင်းမှုများစွာကို ပြုလုပ်ခဲ့တဲ့အတွက် ယခုအချိန်တွင် အပြစ်ရှိသလို ခံစားရတာဖြစ်နိုင်သည်။

သူ့တွင် သံသယသာရှိ‌ေနတာဖြစ်သဖြင့် ထိုအကြောင်းကို ကျင်းယန်ဟွာအား မပြောခဲ့သလို ကျင်းယန်ဟွာအား ကျင်းကျီနဉ်ကို တားရန် ပြောမည်လည်းမဟုတ်ပေ။ သေချာပြီးတဲ့နောက်မှသာ သူသည် ကျင်းယန်ဟွာကို ပြောရမည်။

မည်သို့ပင်ဆိုစေကာမူ ကျင်းယန်ဟွာကို ယုံကြည်ရန် ဆန္ဒရှိပြီး ကျင်းယန်ဟွာကို သူကောင်းစွာသိသည်။ ကျင်းယန်ဟွာသည် ကျင်းမိသားစုကို ကာကွယ်ရန် သူ့ထက် မနည်းကြိုးစားအားထုတ်ခဲ့သည်။ ကျင်းကျီနဉ်က သူ့ကို တကယ်သတ်ချင်ရင် ကျင်းယန်ဟွာ ခွင့်မပြုနိုင်‌ေပ။ သူသည် ယခုအချိန်တွင် ကျင်းမိသားစု၏ တစ်ခုတည်းသော အဓိက ခေါင်းဆောင်ဖြစ်သည်။ သူသေဆုံးသွားပါက ကျင်းမိသားစုသည် ၎င်း၏‌နေရာနှင့် အာဏာဆုံးရှုံးသွားမည်ဖြစ်သည်။

ကျင်းယန်ဟွာသည် ကျင်းကျီနဉ်၏ဖခင်ဖြစ်သောကြောင့် ကျင်းကျီနဉ်သည် ကျင်းယွင်ယောင်ကို လက်စားချေလိုသော်လည်း ၎င်းကို သေချာစွာစဉ်းစားရပါမည်။ အဲဒါကိုတွေးရင်း ကျင်းယောင်ရုန်က ကျင်းကျီနဉ်မှာ ဒါကိုလုပ်နိုင်တဲ့အထိ စိတ်မမာဘူးလို့ ခံစားရသည်။

ကျင်းကျီနဉ်သည် အမှန်တကယ်ပင် ထိုသို့ပြုလုပ်ရန်အထိ စိတ်မာကြောခြင်းမရှိပေ။ သူ့သာ လုပ်ရက်ပါက စောစောကတည်းက လုပ်ခဲ့လိမ့်မည်။ သူ့အဖေကို ဂရုစိုက်တဲ့အတွက် သူ့ရဲ့ပြင်းပြင်းထန်ထန် မုန်းတီးစိတ်ကို နှစ်ပေါင်းများစွာကြာတဲ့အထိ ထိန်းထားရသည်။ ထို့ကြောင့် သူသည် ကျင့်ကြံရေးလောကနှင့် ကျင်းမိသားစုအိမ်သို့ ပြန်လာခဲ‌ေပသည်။

သို့သော် သူမလုပ်နိုင်ခဲ့သော်ငြားလည်း အခြားသူက လုပ်နိုင်သည်။

ကျင်းယွင်ယောင်နှင့် လင်ရှောင်းထင်တို့သည် လက်စားချေရန် ဆုံးဖြတ်ခဲ့ကြသည်။ ကျင်းကျီနဉ်သည် သူတို့ကိုယ်တိုင် လုပ်ဆောင်ရန် လိုအပ်သောကြောင့် ၎င်းတို့နှင့် မပူးပေါင်းပါ။

ကျင်းယောင်ရုန်သည် ထိုအကြောင်းကို ဘာမှမသိသေးပေ။

…

ပိုင်လီမိသားစု နေအိမ်~

“ရှန်းကွမ်းယန်ရဲ့ တပည့်က ပဉ္စမအဆင့် မှော်ကျောက်တုံးကို ကျင်းယွင်ယန်ဆီက လုယက်သွားတာ ကြားလိုက်ရတယ်။ စည်းမျဉ်းအရ ခွင့်ပြုထား‌ေပမယ့်လည်း ဒါကောင်းတဲ့အကျင့် မဟုတ်ဘူး။ တခြားပါဝင်သူတွေဆီကနေ မှော်သလင်းကျောက်ဘယ်နှစ်လုံး ခိုးယူသွား‌ေသးတာလဲဆိုတာ ငါသိချင်တယ်” အိမ်ပြန်ရောက်ပြီးနောက် ပိုင်လီချီဖုန်းက ပြောသည်။ သူ သည် ရုတ်တရက် ရှန်းကွမ်းယန်၏ တပည့်များအပေါ် ဆိုးရွားသော အထင်အမြင်ရှိလာသည်။

ပိုင်လီကျုံးယန်သည်လည်း ပိုင်လီချီဖုန်းနှင့် တူညီသော အတွေးအမြင်ရှိသည်။

အဲဒါကိုကြားတော့ ပိုင်လီကျုံးရွှယ်က လင်ရှောင်းထင်နဲ့ ကုနင်းတို့ကို နားလည်မှုလွဲသွားတာကို သိလိုက်ရတော့ သူမက ချက်ချင်းရှင်းပြလိုက်သည်။ "အဘိုး သူတို့က ကျင်းယွင်ယန်ရဲ့မှော်သလင်းကျောက်ကို ခိုးယူခဲ့ပေမယ့် ကျင်းယွင်ယန်ကို မုန်းနေလို့ လုပ်ခဲ့တာပါ။ တကယ်တော့ စီနီယာရှန်းကွမ်းရဲ့ တပည့်နှစ်ယောက်ရဲ့အကူအညီနဲ့ ကျွန်မ စတုတ္ထအဆင့် မှော်သလင်းကျောက်ကို ရခဲ့တယ်။ သူတို့က ကျွန်မကို မိစ္ဆာနတ်ဆိုးတွေကို သတ်ဖို့ ကူညီပေးခဲ့တယ်"

“အဲ့တုန်းက မိစ္ဆာနတ်ဆိုးလေးကောင် တစ်ချိန်တည်းပေါ်လာတာကြောင့် ကျွန်မတို့ တိုက်ပွဲမှာ အထိနာခဲ့ရတယ်။ အကယ်၍ သူတို့ကြောင့်သာမဟုတ်ရင် ကျွန်မတို့က မိစ္ဆာနတ်ဆိုးလေးကောင်ကို အောင်မြင်စွာသတ်နိုင်မှာ မဟုတ်ဘူး။ သတ်နိုင်ခဲ့ရင်တောင် ဒဏ်ရာပြင်းပြင်းထန်ထန် ရသွားလိမ့်မယ်။ သူတို့က မိစ္ဆာနတ်ဆိုးတွေကို သတ်ခဲ့ကြပေမယ့် ကျွန်မတို့ရဲ့ မှော်သလင်းကျောက်ကို လုယူတာမဟုတ်တဲ့အတွက် သူတို့က လူဆိုးတွေမဟုတ်ဘူးလို့ ကျွန်မယုံကြည်တယ်”

“အင်း…”

အဲဒါကိုကြားတော့ ပိုင်လီချီဖုန်းနဲ့ ပိုင်လီကျုံးယန် နှစ်ယောက်စလုံး အံ့သြသွားပြီး ကုနင်းနဲ့ လင်ရှောင်းထင်အပေါ် သူတို့ရဲ့ မကောင်းတဲ့ အထင်အမြင်ကို စွန့်လွှတ်လိုက်ကြသည်။

“ဒါဆိုရင် သူတို့ရဲ့ ပုဂ္ဂိုလ်ရေး အာဃာတကြောင့် လုပ်တာ‌ေပါ့။ အဲ့လိုဆိုရင် နားလည်နိုင်ပါတယ်” ဟု ပိုင်လီချီဖုန်းက ပြောသည်။

"ကျင်းမိသားစုက နာမည်ဆိုးနဲ့ ကျော်ကြားပြီး ရန်သူတွေ အများကြီးရှိတယ်" ဟု ပိုင်လီကျုံးယန်က ကျင်းမိသားစုကို သိသာထင်ရှားစွာ မကြိုက်သည့် သဘောထားဖြင့် ပြောသည်။ ကျင်းကျီနဉ်က ခြွင်းချက်ဖြစ်သည်။

ထိုနှစ်တွင် ကျင်းယွင်ယောင်၌ဖြစ်ပျက်ခဲ့သမျှကို လူတိုင်းသိခဲ့ကြသော်လည်း ယခုအချိန်တွင် မည်သူမျှ မပြောကြပေ။

ပိုင်လီမိသားစုမှာသာ ထိုကိစ္စမျိုး ဖြစ်ခဲ့လျှင်သူတို့လည်း စိတ်တိုကြမှာဖြစ်သလို စည်းကမ်းဖောက်ဖျက်တဲ့ အဖွဲ့ဝင်ကို အပြစ်ပေးဖို့ တွန့်ဆုတ်နေမှာ မဟုတ်ပေ။ ဒါပေမယ့် ပြစ်ဒဏ်‌ေပးအပြီးမှာ ရပ်လိုက်ကြမည်။ သူတို့သည် အပြစ်သားကို ကျင့်ကြံရေးလောကမှ နှင်ထုတ်နိုင်ပြီး ပြန်မလာစေရန် တားဆီးနိုင်သည်။ သို့သော်လည်း ကျင်းမိသားစုသည် ကျင်းယွင်ယောင်ကို လိုက်ဖမ်းပြီး သူမကို သတ်ရန် ကြိုးစားခဲ့သည်။

ကျင်းယွင်ယောင်သည် ကျင်းယောင်ရုန်၏ သမီးအရင်းဖြစ်သည်။ သူမကို သတ်ဖို့ ဘာကြောင့် ဆုံးဖြတ်ခဲ့တာလဲ။ သမီးရဲ့ဂုဏ်သိက္ခာထက် သူ့ဂုဏ်သိက္ခာက ပိုအရေးကြီးတာလား။

ကျင်းကျီနဉ်သည် ကျင်းယွင်ယောင်နှင့် ရင်းနှီးသော ဆက်ဆံရေးရှိသောကြောင့် ကျင်းကျီနဉ်သည် ထိုအဖြစ်ဆိုးကြီး ဖြစ်ပွားပြီးနောက် ကျင်းယောင်ရုန်ကို စတင်မုန်းတီးခဲ့သည်ကို သူတို့သိသည်။

အဲဒါကိုတွေးရင်း ပိုင်လီချီဖုန်းက ရှန်းကွမ်းယန်ရဲ့ တပည့်တွေက ကျင်းယွင်ယန်ကို ဘာလို့ခက်ခဲအောင် လုပ်ရသလဲ ဆိုတာကို သိလိုက်ရသည်။ "ငါထင်တာမှန်ရင် ရှန်းကွမ်းယန်ရဲ့တပည့်တွေက ကျင်းကျီနဉ်ကြောင့် ကျင်းယွင်ယန်ကို တမင်ဒုက္ခပေးခဲ့တာ"

"အဘိုး ကျင်းကျီနဉ်က ကျင်းယွင်ယောင်ကြောင့် ကျင်းမိသားစုအပေါ် အငြိုးထားထားတယ်လို့ ဆိုလိုတာလား။ ရှန်းကွမ်းယန်နဲ့ သူ့တပည့်တွေက ဒါကို သိနေလို့ ကျင်းယွင်ယန်ကို တမင်ခက်ခဲအောင် ရည်ရွယ်ချက်ရှိရှိ လုပ်ခဲ့ကြတာ” ပိုင်လီကျုံးယန်သည် သူ့အဖိုး၏ စကားကို ချက်ချင်း နားလည်ပြီး ဖြစ်နိုင်ခြေ မြင့်မားသည်ဟု ထင်ခဲ့သည်။

"ကျင်းယွင်ယန်က ချန်ပီယံဆုရနိုင်‌ေချရှိတာကို သိလို့ သူတို့ တမင်တကာ ပြိုင်ပွဲမှာ ပါဝင်လာခဲ့ကြတာလည်း ဖြစ်နိုင်တယ်။ သူတို့က ကျင်းယွင်ယန်ကို ထိပ်တန်းသုံးယောက်ထဲက‌နေ ရည်ရွယ်ချက်ရှိရှိ ထုတ်ခဲ့တာ" ဟု ပိုင်လီချီဖုန်းက ၎င်းကို တွေးတောပြီးနောက် ပြောကြားခဲ့သည်။

ခန့်မှန်းချက်တစ်ခုမျှသာဖြစ်သော်လည်း ဖြစ်နိုင်ခြေရှိသည်ဟု သူခံစားမိသည်။

ကျင်းကျီနဉ်သည် ကျင်းယွင်ယောင်ကြောင့် ကျင်းမိသားစုနှင့် သူ၏ဆက်ဆံရေးကို ဖြတ်တောက်မည်မဟုတ်သော်လည်း ကျင်းမိသားစုကို ဒုက္ခ‌ေရာက်‌ေစရန်အတွက် တစ်စုံတစ်ခုပြုလုပ်နိုင်သည်။

“အိုး အဖိုး ချင်းဟယ်လို့ခေါ်တဲ့ မိန်းကလေးနဲ့ ရင်းနှီးတယ်လို့ ခံစားမိပေမယ့် အရင်က တွေ့ဖူးလားတော့ မမှတ်မိတော့ဘူး။ ကျွန်မတို့နှစ်ယောက် ဟိုးအရင်က သိခဲ့ကြပေမယ့် တစ်ယောက်နဲ့တစ်ယောက် မေ့သွားတာထင်တယ်” လို့ ပိုင်လီကျုံးရွှယ်က ပြောလာသည်။

အဲဒါကိုကြားတော့ ပိုင်လီချီဖုန်းနဲ့ ပိုင်လီကျုံးယန်က အနည်းငယ် မျက်ခုံးပင့်လိုက်သည်။ ဖြစ်နိုင်သည်ဟု သဘောတူခဲ့ကြသည်။

“ဘာပဲဖြစ်ဖြစ်၊ သူက မင်းကို နှစ်ခါတောင် ကူညီတဲ့အတွက်၊ သူက မင်းကို မမုန်းဘူးလို့ ဆိုလိုတာပဲ။ ဖြစ်နိုင်ရင် သူနဲ့ သူငယ်ချင်းဖွဲ့လို့ရတယ်။ ပိုင်လီမိသားစုအ‌ေပါ် မကောင်းစရာမရှိဘူး” ဟု ပိုင်လီချီဖုန်းက ဆိုသည်။ ကုနင်းကို အသုံးချဖို့ သူ ကြိုးစားတာမဟုတ်ဘဲ ထူးချွန်တဲ့ ကျင့်ကြံသူတွေနဲ့ ဆက်ဆံရေးဖွဲ့တာကက မဆိုးဘူးလို့ ခံစားရသည်။

“ဟုတ်ပါတယ်” ပိုင်လီကျုံးရွှယ်က ပြောသည်။ သူမသည်လည်း ချင်းဟယ်အပေါ် အလွန်ကောင်းမွန်သော အထင်အမြင်ရှိသည်။

…

သုန်းဖန်းမိသားစု၏နေအိမ်~

သုန်းဖန်းကျီယွီသည် ထိပ်တန်းသုံးနေရာမှ ယခုနှစ်တွင် အဆင့်ငါးအထိမှ ကျဆင်းသွားသောကြောင့် သုန်းဖန်းဟယ်သည် အလွန်အမင်း အရှက်ရနေသည်။

သုန်းဖန်းကျီယွီသည် လွန်ခဲ့သော သုံးနှစ်က ယခုအကြိမ်ထက် ပိုမိုများပြားသော မှော်ကျောက်တုံးများ ရရှိခဲ့သော်လည်း သူမ၏ အဆင့်သည် မြင့်မားခဲ့သည်။

"အဘိုး စိတ်ပျက်‌ေစမိလို့ တောင်းပန်ပါတယ်" သုန်းဖန်းကျီယွီက သုန်းဖန်းဟယ်ကို တောင်းပန်ခဲ့သည်။

“ဒါ မင်းအပြစ်မဟုတ်ဘူး။ ဒီနှစ်မှာ စီနီယာ ကျင့်ကြံသူတွေအများကြီးရှိတယ်။ ဘာဖြစ်မလဲဆိုတာ ဘယ်သူမှ မသိနိုင်ဘူး” သုန်းဖန်းဟယ် သူစိတ်မကောင်းဖြစ်ပြီး အနည်းငယ်စိတ်ပျက်နေသော်လည်း သုန်းဖန်းကျီယွီ အပြစ်မဟုတ်သောကြောင့် သူမအ‌ေပါ်အပြစ်မတင်ခဲ့ပါ။ သူ့မျက်နှာကို အဖတ်ဆယ်ရန်အတွက် အခြားသူများအပေါ်တွင် ဒေါသဖြေမည်မဟုတ်ပါ။

***

ဖီးနစ်သွေးစက်

အခန်း ၂၀၈၈ လင်ရှောင်းထင်ကို ဂရုစိုက်ခြင်း

ယင်မိသားစုက သိပ်မခံစားရ‌ပေ။ သူတို့မှာ ယင်ရူယန်အတွက် မြင့်မားတဲ့ မျှော်လင့်ချက်တွေ မရှိခဲ့သလို ယင်ရူယန် ကိုယ်တိုင်လည်း အရမ်းစိတ်ပျက်မနေပါ။

ဘာပဲဖြစ်ဖြစ် သုန်းဖန်းကျီယွီဟာ ထိပ်တန်းသုံးယောက်ထဲကို မတက်နိုင်ခဲ့တာကို သိလိုက်ရလို့ ယင်ရူယန်က အရမ်းပျော်နေခဲ့သည်။ သို့သော် ၎င်းတို့အား သိလိုစိတ်များနှင့် ပြည့်နှက်နေရသည့် ယင်ရှီရွှမ်းကို သတ်ခဲ့သည့် လူသတ်သမားကို ၎င်းတို့ မတွေ့ရှိရသေးပေ။

သို့သော်လည်း သူတို့သည် ကျင်းကျီနဉ်ကို သိပ်သံသယမရှိခဲ့ကြ‌ေတာ့ပေ။ စီနီယာကျင့်ကြံသူအသစ်များသည် မနေ့ညက သူ့ဘေးတွင် ပေါ်လာကြောင်းသိပြီးနောက် ယင်မိသားစုက သတိရှိနေကြသော်လည်း စီနီယာကျင့်ကြံသူက မည်သူမည်ဝါဖြစ်သည်ကို သိပြီးနောက် သံသယမ၀င်တော့ပေ။ ထို့ကြောင့် သူတို့သည် ကျင်းကျီနဉ်ကို စူးစမ်းရန် လူများကို အထူးစေလွှတ်ခြင်း မပြုတော့ပေ။

ယင်ရှီရွှမ်းသည် အခြားနိုင်ငံမှ အထူးကျွမ်းကျင်သူများ၏ သတ်ဖြတ်ခြင်းကို ခံခဲ့ရတာ ဖြစ်နိုင်သည်။

…

ကုနင်းနှင့် အခြားသူများသည် စစ်ဟယ်ယွမ်သို့ ပြန်‌ေရာက်သောအခါ ၁၁ နာရီထိုးနေပြီဖြစ်သည်။

သူတို့ ကျင့်ကြံရေးလောကကို ရောက်သွားကတည်းက ကျင်းယွင်ယောင်က စိုးရိမ်နေခဲ့သည်။ သူတို့အဆင်ပြေမယ်ဆိုတာ သူမသိပေမယ့် သူမကတော့ သူတို့အတွက် စိုးရိမ်နေတုန်းပါပဲ။ ရလဒ်ကတော့ သူတို့ပြန်မရောက်မချင်း သူမ လုံးလုံးစိတ်မဖြောင့်နိုင်ပေ။

"ဘယ်လိုနေလဲ? အဆင်ပြေသွားပြီလား?" ကျင်းယွင်ယောင်က မေးသည်။

"ဟုတ်ကဲ့ အားလုံးအဆင်ပြေသွားပါပြီ။ ရှောင်းထင်က ပထမဆု ရခဲ့တယ်။ ကျွန်မက ဒုတိယရခဲ့တယ်။ အခြားသူတစ်ဦးက တတိယဆု ရခဲ့တယ်။ ကျင်းယွင်ယန်က အဆင့်‌လေးပါ” ကုနင်းက ကျင်းယွင်ယောင်ရဲ့ လက်မောင်းကို ကိုင်လိုက်ပြီး "ရှောင်းထင်နဲ့ ကျွန်မ ကျင်းယွင်ယန်ရဲ့ ပဉ္စမအဆင့် မှော်ကျောက်တုံးကို လုယက်ခဲ့တယ်။ သူ့ကိုလည်း ပြင်းပြင်းထန်ထန် ရိုက်ခဲ့တယ်။ ကျင်းယွင်ယန်က ကျွန်မတို့ကို အရမ်းစိတ်ဆိုးသွားတယ်‌ေလ။ ပြီးတော့ သူ ထိပ်တန်း သုံးယောက်ထဲ မ၀င်နိုင်ခဲ့တဲ့အတွက် ကျင်းမိသားစုက ဒီနေ့ တော်တော်စိတ်မကောင်းဖြစ်‌ေနပုံရတယ်”

ကုနင်းရဲ့ စကားကိုကြားတော့ ကျင်းယွင်ယောင် ကျေနပ်သွားသည်။ တကယ်တော့ ကျင်းယွင်ယန်က သူမကျင့်ကြံရေးလောကမှထွက်ခွာပြီးမှ မွေးလာသောကြောင့် ကျင်းယွင်ယန်ကို သူသူမတကယ်မမုန်းတီးပါ။ သို့သော် ကျင်းယောင်ရုန် မကျေမနပ်ဖြစ်နေ၍ သူမပျော်ရွှင်ရတာဖြစ်သည်။

သို့သော်လည်း သူမသည် လက်စားချေခြင်းမပြုသေးသောကြောင့် စိတ်ကောင်းမရှိ‌ေသး‌ေပ။ လက်စားချေခြင်းမလုပ်ရ‌ေသးခင်အထိ ဒေါသကို ရုတ်သိမ်းနိုင်မည်မဟုတ်ပါ။

ထိုအချိန်တွင် လင်ရှောင်းထင်သည် သတ္တမအဆင့် မှော်သလင်းကျောက်ကို ထုတ်ပြီး ကျင်းယွင်ယောင်အား ပေးလိုက်သည်။ “အမေ့ရဲ့ ကျင့်ကြံရေး အဆင့်ကို မြှင့်တင်ဖို့ ဒါကို သုံးပါ”

"ဟင်?" ကျင်းယွင်ယောင်သည် သတ္တမအဆင့် မှော်ကျောက်သလင်းကို တွေ့လိုက်ရသောအခါ အလွန်အံ့သြသွားသည်။ လင်ရှောင်းထင်သည် သတ္တမအဆင့် မှော်သလင်းကျောက်ကို ရနိုင်ခဲ့သည်။ သူ့ရဲ့ လက်ရှိအဆင့်အရ ဒီလိုလုပ်ဖို့က သူ့အတွက် အရမ်းခက်ခဲနိုင်သည်။

ရုတ်တရက် ကျင်းယွင်ယောင်သည် လင်ရှောင်းထင်၏လက်များကို ဆုပ်ကိုင်လိုက်သည်။ သူ့ခန္ဓာကိုယ်ကို ဦးခေါင်းမှ ခြေဖျားအထိ စစ်ဆေးပြီးနောက် “ရှောင်းထင်၊ ဒဏ်ရာ ရခဲ့‌ေသးလား” ဟု စိုးရိမ်တကြီး မေးသည်။

လင်ရှောင်းထင်သည် သူ၏ ကျင့်ကြံရေးအဆင့်ကြောင့် သတ္တမအဆင့် မှော်ကျောက်တုံးကို ရယူရန် ပြင်းထန်သော တိုက်ပွဲကို ခံနိုင်ရည်ရှိရမည်ဖြစ်သောကြောင့် ကျင်းယွင်ယောင်သည် လင်ရှောင်းထင် ဒဏ်ရာ ရရှိမည်ကို စိုးရိမ်နေသည်။

သူ့အမေဆီက ချစ်ခြင်းမေတ္တာကို ခံစားရင်း လင်ရှောင်းထင် က နွေးထွေးမှုကို ခံစားလိုက်ရသည်။ သူက ပြုံးပြီး နှစ်သိမ့်ပေးရင်း ကျင်းယွင်ယောင် အား"မရပါဘူး အကုန်အဆင်ပြေပါတယ်။ နင်းနင်းက ကျွန်တော့်ကို ကူညီခဲ့ပြီး ကျွန်တော်တို့မှာ တခြားအကူအညီတွေ ရှိတယ်လေ"

အခြားအကူအညီ? လင်ရှောင်းထင်က ကျောင်းလုံအကြောင်းပြောနေတာကို ကျင်းယွင်ယောင် ချက်ချင်းနားလည်ခဲ့ပေမယ့် ကျင်းကျီနဉ်ရှိနေ၍ အသံထွက်ပြီး မပြောနိုင်ခဲ့ပါ။ ကျင်းယွင်ယောင်သည် လင်ရှောင်းထင်၏ ခန္ဓာကိုယ်တွင် ဒဏ်ရာတစ်စုံတစ်ရာမျှ မတွေ့ခဲ့ရသောကြောင့် သူမ စိတ်လျှော့လိုက်သည်။ သူဒဏ်ရာမရခဲ့ရင်ပဲ တော်ပါသေးသည်။

"ဒါကိုယူလိုက်ပါ" လင်ရှောင်းထင်က မှော်သလင်းကျောက်ကို ကျင်းယွင်ယောင်ဆီသို့ ပေးလိုက်သည်။

မှော်သလင်း‌ေကျာက်ကိုကြည့်ရင်း ကျင်းယွင်ယောင်က ထိတ်လန့်သွားသော်လည်း သူမသည် ၎င်းကို ငြင်းပယ်လိုက်သည်။ “ဒီမှော်သလင်းကျောက်ကို အမေ မလိုဘူး။ ခဏလောက် ကျင့်ကြံရင်းနဲ့ ကိုယ့်ကိုယ်ကိုယ် တိုးတက်အောင် လုပ်လို့ရပါတယ်။ မင်းအတွက်ပဲသိမ်းထားပါ။ မကြာခင် မင်းလိုလာလိမ့်မယ်"

သူမသည် လင်ရှောင်းထင်ကို ဂရုစိုက်သည်။

"ယူလိုက်ပါ ကျေးဇူးပြုပြီး! ကျွန်တော်အခု မလိုအပ်ပါဘူး။ နောက်ကျလည်း မလိုတာလည်း ဖြစ်နိုင်တာပဲ” လင်ရှောင်းထင်သည် ကျင်းယွင်ယောင်၏လက်ထဲသို့ တိုက်ရိုက်ထည့်လိုက်သည်။ ကျင်းယွင်ယောင်သည် လက်ရှိတွင် ၎င်းကိုအသုံးပြုနိုင်သော်လည်း သူ၏အဆင့်သည် လုံလုံလောက်လောက်မမြင့်မားပါ။

"ယွင်ယောင် ယူလိုက်ပါ။ ရှောင်းထင်က ပိုမြင့်တဲ့အဆင့်ကိုရောက်ရင် ပိုရနိုင်တာပဲ။ ဘာပဲဖြစ်ဖြစ် ဒါဟာ ရှောင်းထင်ရဲ့ စေတနာပါ။ ငြင်းရင် သူ့ခံစားချက်ကို ထိခိုက်စေလိမ့်မယ်” ရှန်းကွမ်းယန်သည် လင်ရှောင်းထင်ကိုကူညီရန် ၀င်ပြောလိုက်သည်။

"ဟုတ်တယ် အမေ ယူပါ" ကုနင်းလည်း ပြောလိုက်သည်။

"ကောင်းပြီ ကောင်းပြီ!" လူတိုင်းက သူမကို ယူစေချင်နေပြီး လင်ရှောင်းထင် နာကျင်တာကို မမြင်ချင်တာကြောင့် သူမ မငြင်းတော့ပေ။

အပြန်ခရီးတွင် ကုနင်းက ကျင်းကျီနဉ်ကိုလည်း မှော်သလင်းကျောက်အနည်းငယ်ကိုလည်း ပေးခဲ့သည်။

ကျင်းကျီနဉ်သည် သူတို့၏မျိုးဆက်တွင် လူသိများသော အရည်အချင်းရှိသော ကျင့်ကြံသူဖြစ်ခဲ့ဖူးသော်လည်း ကျင်းယွင်ယောင်ဆီမှာ ဆိုးရွားသောမတော်တဆမှုဖြစ်ပြီးနောက် သူထွက်ခွာသွားခဲ့သည်။ ထို့ကြောင့် နှစ်‌ေပါင်းများစွာကြာပြီးနောက် အနည်းငယ်မျှသာ တိုးတက်ခဲ့သည်။

ကျင်းမိသားစု၏ အနာဂတ် ဘိုးဘေးတစ်ဦးအနေဖြင့် ကျင်းကျီနဉ်သည် အခြားလူများကို သူ့စကားကို နားထောင်ရန် ဆွဲဆောင်နိုင်ရမည်ဖြစ်သောကြောင့် ခွန်အားရှိရမည်ဖြစ်သည်။

ကျင်းယွင်ယောင်နှင့် လင်ရှောင်းထင်တို့ကြောင့် ကျင်းကျီနဉ် ကို မည်သူမျှ အလေးမထားရဲပဲ နေကြမည်မဟုတ်သော်လည်း အခြားလူများက သူ့ကို အပေါ်ယံတွင်သာ လေးစားကြလိမ့်မည်။ တခြားလူတွေကို အရှုံးပေးစေချင်ရင် သူ့မှာ အရည်အချင်းရှိရမည်။

ထို့အပြင် ကျင်းယွင်ယောင်နှင့် လင်ရှောင်းထင်က သူ့ကို အချိန်တိုင်း မကူညီနိုင်ပါ။ လူတိုင်းမှာ ကိုင်တွယ်ဖြေရှင်းရမယ့် အရာတွေ ရှိကြသည်။

ကျင်းကျီနဉ်သည် စစ်ဟယ်ယွမ်တွင် အကြာကြီးနေခဲ့ပြီး လင်ရှောင်းထင်က သူ့အတွက်စီစဉ်‌ေပးထားသော တိုက်ခန်းသို့ ထွက်ခွာသွားခဲ့သည်။

ကုနင်းနှင့် လင်ရှောင်းထင်တို့သည် ယနေ့ညတွင် စစ်ဟယ်ယွမ်တွင် ရှိနေမည်ဖြစ်သည်။

ဤညတွင် ကျင်းယွင်ယောင်သည် သတ္တမအဆင့် မှော်သလင်းကျောက်၏အကူအညီဖြင့် ကျင့်ကြံခဲ့သည်။ ၎င်း၏စွမ်းအင်ကို စုပ်ယူပြီးနောက် ၎င်းကို သူ၏ကိုယ်ပိုင်စွမ်းအင်အဖြစ် ပြောင်းလဲခဲ့သည်။ တစ်ညပြီးသောအခါတွင် သူမ၏နောက်ဆုံးစမ်းသပ်မှုမှ ရရှိသော ဒဏ်ရာများသည် ပျောက်ကင်းသွားကာ သူမ၏စွမ်းရည်များ တည်ငြိမ်သွားခဲ့သည်။ ထို့နောက်တွင် သူမ၏ အရည်အချင်းကို လေ့ကျင့်ရန် လိုအပ်သည်။

ခန္ဓာကိုယ်ပြင်ပ အဆင့်တွင် အရာဝတ္ထုများကို စောင့်ကြည့်ရန် သို့မဟုတ် ထိန်းချုပ်ရန် ခန္ဓာကိုယ်ကို ချန်ထားခဲ့နိုင်သည် သို့မဟုတ် အောက်အဆင့်ရှ် အခြားသော ကျင့်ကြံသူများ၏ ကျင့်ကြံရေးကိုပင် ထိခိုက်‌ေအာင်ပြုလုပ်နိုင်သည်။ ဤအဆင့်တွင် အရာဝတ္ထုများကို ပိုမိုကောင်းမွန်စွာ ထိန်းချုပ်နိုင်မည်ဖြစ်သည်။ သူမ၏ ဝိညာဉ်သည်လည်း ခန္ဓာကိုယ်ကို စွန့်၍ ကမ္ဘာပေါ်တွင် ခရီးဆက်နိုင်သည်။

သို့သော် လေ့ကျင့်ရန် လိုအပ်သည်။ ကျင့်ကြံသူများသည် လင်းဟွမ်အဆင့်သို့ရောက်ပြီးနောက် ယင်းစွမ်းရည်ကို သဘာဝအလျောက် မရရှိနိုင်ကြပေ။

လက်ရှိအခြေအနေအရ ကျွမ်းကျင်မှုတစ်ဝက်လောက်ကို သင်ယူဖို့ဆိုတာ မလွယ်ပါ။

မနက်ရောက်တော့ ကုနင်းက သူ့ကုမ္ပဏီကို သွားသည်။ ဤနေ့ရက်များအတွင်း ရှန်းနဉ်အဖွဲ့အစည်းသည် အရောင်းအသွက်ဆုံးနှင့် အဆုံးမဲ့ကန်ထရိုက်များဖြင့် လူတိုင်း၏အာရုံစူးစိုက်မှုကို ခံရသောကြောင့် ရှန်းနဉ် အဖွဲ့အစည်းမှဝန်ထမ်းများသည် မကြာသေးမီအချိန်အတွင်း အလုပ်များစွာလုပ်ခဲ့ကြရသည်။

သို့သော်လည်း သူတို့လုပ်စရာတွေ ပိုရလာတဲ့အခါ လစာပိုရနိုင်၍ သဘောကျကြသည်။ ရှန်းနဉအဖွဲ့အစည်းက သူတို့ကို လစာမြင့်မြင့်ပေးတဲ့အတွက် သူတို့ အရမ်းကြိုးစားကြသည်။

ကုနင်းသည် မွန်းတည့်ချိန်တွင် စစ်ဟယ်ယွမ် တွင် အခြားသူများနှင့် ထမင်းမစားမီ သူမ၏ ကုမ္ပဏီတွင် နံနက်ခင်းကို ကုန်ဆုံးခဲ့သည်။

နေ့ခင်းဘက်တွင် လင်ရှောင်းထင်သည် စစ်အခြေစိုက်စခန်းသို့ပြန်သွားကာ ကျင်းယွင်ယောင်အား တောင်မြစ်ကမ်းဥယျာဉ်သို့ လမ်းကြုံပို့ပေးခဲ့သည်။ ကုနင်းက သူ့ကျောင်းကို ပြန်သွားသည်။ ကျောင်းပျက်တာ အတော်ကြာနေပြီ။

ကျင်းယွင်ယောင်၏အဆင့်အရ သူမကို မည်သူမျှ ရှာဖွေတွေ့ရှိနိုင်ခြင်းမရှိသောကြောင့် သူမသည် စစ်ဟယ်ယွမ်တွင် တစ်ချိန်လုံးရှိနေရန် မလိုအပ်ပေ။

ကုနင်းက သူတို့ကျောင်းပြန်ရောက်တော့ ညနေစာသင်ချိန်ရောက်ပြီမို့ သူမ စာသင်ခန်းဆီကို တိုက်ရိုက်သွားခဲ့သည်။

ကုနင်းသည် ကျောင်းဝင်းထဲသို့ ဝင်ရောက်လာချိန်တွင် ကျောင်းနေဖက် 70% နီးပါးက သူမအား စိတ်လှုပ်ရှားစွာ လှည့်ကြည့်ကြသည်။

“ကြည့်အုံး! သူက ကုနင်းပဲ။ ရှန်းနဉ် အဖွဲ့အစည်းရဲ့ ဥက္ကဌ"