ဆယ်ရက်၊ လေပြင်းများ စတင်ခြင်း

ချူးယွင်ဖန်းသည် အနည်းငယ်မျှ အလျင်စလို မဖြစ်ခဲ့ပေ။ သူသည် တင်ပျဉ်ခွေထိုင်၍ လေထုထဲရှိ ဆေးရနံ့များကို စုပ်ယူလိုက်သည်။ မကြာမီတွင် ဆေးရနံ့များကို ချူးယွင်ဖန်း စုပ်ယူပြီးသည်နှင့် သူ၏ဒဏ်ရာများ အနည်းငယ် ပြန်လည်သက်သာခဲ့သည်။ ချူးယွင်ဖန်းက သက်ပြင်းချလိုက်သည်။ ထာဝရဆေးလုံးသည် မှော်ဆန်လှသော်လည်း သူ၏ဒဏ်ရာများကို ကုသရန် မလုံလောက်ပေ၊ မည်သို့ဆိုသော် သူ၏ဒဏ်ရာသည် ဂိုဏ်းခေါင်းဆောင်ထက် ပို၍ပြင်းထန်နေသောကြောင့်ဖြစ်သည်။ သူ့ခန္ဓာကိုယ်အတွင်းရှိ နားမလည်နိုင်သော ဟင်းလင်းပြင်စွမ်းအင်သည် များပြားလွန်းသဖြင့် ၎င်းတို့ကို ဖယ်ရှားရန် မလွယ်ကူပေ။

သို့သော် မကြာမီတွင် ဖယ်ရှားနိုင်ပေလိမ့်မည်။ သူ၏စွမ်းအင်များ ပြန်လည်ရရှိရန် သိပ်မကြာလောက်တော့ပေ။ မကြာမီတွင် အရှိန်အဟုန်ပြင်းထန်သော ခြေသံများ ထပ်မံထွက်ပေါ်လာသည်။ လျောင်သဲ့ယီသည် ဆေးဖော်စပ်ခန်းထဲသို့ အလျင်အမြန် ပြန်ရောက်လာခဲ့သည်။ သူ၏ယခင်က စိတ်သောကရောက်နေပုံနှင့် မတူဘဲ သူ၏မျက်နှာတွင် ကျယ်ပြန့်သော အပြုံးတစ်ခု ပေါ်လွင်နေသည်။

"ဆေးဆရာချူး၊ ခင်ဗျားက အရမ်း အံ့ဩစရာကောင်းတာပဲ၊ ဆေးတိုက်လိုက်တာနဲ့ ခေါင်းဆောင်က ချက်ချင်း သက်သာလာတယ်"

"ထာဝရဆေးလုံးကို ဖော်စပ်ဖို့ စဉ်းစားခဲ့တယ်ဆိုတော့ ခင်ဗျား ကျွမ်းကျင်သူတစ်ယောက်ဆီကနေ လမ်းညွှန်ချက်တွေရခဲ့တာ မဟုတ်လား" ချူးယွင်ဖန်းက ပြုံး၍ ပြောလိုက်သည်။

"ဟုတ်ပါတယ်" လျောင်သဲ့ယီသည် ချူးယွင်ဖန်းကို အံ့အားသင့်စွာ ကြည့်လိုက်သည်။ ချူးယွင်ဖန်းက မည်ကဲ့သို့ မှန်းဆနိုင်ခဲ့သည်ကို သူ မသိပေ။

ချူးယွင်ဖန်းက ခပ်ဖျော့ဖျော့ ပြုံးလိုက်သည်။ဤသည်မှာ အလွန်သဘာဝကျသော အကြောင်းအရာတစ်ခုဖြစ်သည်။ ကမ္ဘာပေါ်တွင် ကုသဆေး အမျိုးအစားများစွာရှိသော်လည်း ထိုသို့သော အခြေအနေရှိ ဒဏ်ရာများကို ကုသနိုင်သော ဆေးအရေအတွက်သည် အများအပြား မရှိပေ။ ထို့ကြောင့် ချူးယွင်ဖန်းသည် လျောင်သဲ့ယီ၏နောက်ကွယ်တွင် ကျွမ်းကျင်သူတစ်ဦးရှိသည်ဟု ဆိုခဲ့ခြင်းဖြစ်သည်။

"ကောင်းပြီ၊ ခင်ဗျားတို့ခေါင်းဆောင်က အခုသက်သာသွားပြီဆိုတော့ ကျုပ် သွားတော့မယ်" ချူးယွင်ဖန်းက ပြောလိုက်သည်။

"ကောင်းပါပြီ၊ တောင်းဆိုထားတာတွေကို ကျုပ် မကြာခင် ပေးပို့လိုက်ပါ့မယ်" လျောင်သဲ့ယီက လေးစားစွာ ပြောလိုက်သည်။

“ကောင်းပြီ"

ချူးယွင်ဖန်းသည် အလျင်စလို မဖြစ်မိပေ။ လျောင်သဲ့ယီသည် ထိုအကျိုးခံစားခွင့်များကို ပြန်ရုပ်သိမ်းဝံ့မည် မဟုတ်ကြောင်း သူ ယုံကြည်သည်။ လျောင်သဲ့ယီက ထိုသို့ပြုလုပ်ဝံ့လျှင်ပင် မည်သို့ဖြစ်နိုင်မည်နည်း။ အများဆုံးလျှင် သူသည် ဤနေရာသို့ နောက်တစ်ဖန် ခရီနှင်ရခြင်းသာဖြစ်ပေလိမ့်မည်။ သို့သော် ထိုအချိန်တွင် ဆုကြေးအနည်းငယ်ဖြင့် ပြီးဆုံးသွားမည် မဟုတ်ပေ။

ချူးယွင်ဖန်းက သူ၏ဆေးဆိုင်သို့ ပြန်ရောက်လာသောအခါ ထိုနေရာတွင် ဖြစ်ပျက်ခဲ့သမျှကို ကြည့်ရှုရန်အတွက် လူအများအပြား ဝိုင်းဖွဲ့နေကြသည်။ စစ်ဝံပုလွေဂိုဏ်း၏ ကျွမ်းကျင်သူအများအပြားသည် ဆိုင်အရှေ့တွင် ဒူးထောက်နေကြသည်ဟု ၎င်းတို့ကြားသိခဲ့ရသည်။ ချူးယွင်ဖန်း ပြန်ရောက်လာကြောင်း တွေ့လိုက်ရသောအခါ အားလုံးက သူ့ကို ထိတ်လန့်စွာ ကြည့်နေကြသည်။ ချူးယွင်ဖန်းက ဂရုမစိုက်ပေ။ မည်သို့ပင်ဆိုစေကာမူ သူသည် ထိုအချိန်က သူ၏နတ်စွမ်းအင်ကို များစွာအသုံးမပြုခဲ့သောကြောင့် ထိုလူများကို ရက်အနည်းငယ်ပင် ထပ်မံဖိနှိပ်နိုင်သည်။

သူပြန်ရောက်လာပြီး မကြာမီတွင် လျောင်သဲ့ယီသည် ကတိပြုထားသော အကျိုးခံစားခွင့်များကို ပို့ဆောင်လာသည်။ အဆင့်နိမ့် ဝိညာဉ်ကျောက်တုံးငါးသန်းအပြင် အခြားသော နတ်အဆင့် မွန်းစတား၏ အတွင်းအူနှစ်ခုလည်းရှိပါသည်။ ၎င်းတို့အပြင် လျောင်သဲ့ယီသည် ချူးယွင်ဖန်းက နတ်စွမ်းအင်ဖြည့်တင်းဆေးများပြုလုပ်ရန် ဆေးဖက်ဝင်အပင်များ စုဆောင်းနေသည်ဟု တစ်နေရာမှ ကြားသိခဲ့ရသည်။ ထိုကြောင့် ဆေးဖက်ဝင်အပင်များ စုဆောင်းခိုင်းကာ နောက်တစ်နေ့တွင် ပေးပို့လာခဲ့သည်။

ချူးယွင်ဖန်းသည် အပြင်ပန်းတွင် မည်သည့်စကားမျှ မပြောသော်လည်း သူ၏စိတ်ထဲတွင် ကျေနပ်နေမိသည်။ လျောင်သဲ့ယီသည် မည်သို့ ပြုမူရမည်ကို အမှန်တကယ် သိထားသူဖြစ်သည်။ သူ၏ ကျေးဇူးကြွေးကို ပြန်ဆပ်ခြင်းအတွက်ဖြစ်ပါစေ၊ ဆေးပညာရှင်နှင့် ဆက်ဆံရေးကောင်းမွန်ရန်အတွက်ဖြစ်ပါစေ၊ ဤအကြောင်းအရာသည် ချူးယွင်ဖန်းကို အမှန်တကယ် စိတ်ကျေနပ်စေသည်။

ချူးယွင်ဖန်းသည် လျောင်သဲ့ယီ၏အကူအညီဖြင့် နတ်စွမ်းအင်ဖြည့်တင်းဆေးအတွက် ပါဝင်ပစ္စည်းများကို အလျင်အမြန် စုဆောင်းနိုင်ခဲ့သည်။ သူသည် နောက်ရက်အနည်းငယ်အတွင်း ဆေးများဖော်စပ်၍ ဒဏ်ရာများကို ကုသနေခဲ့သည်။ မျက်စိတစ်မှိတ်အတွင်းမှာပင် အချိန်များ ကုန်ဆုံးသွားခဲ့သည်။ နောက်ဆုံးတွင် စီတုမြောင်ယီ၏မွေးနေ့သို့ ရောက်ရှိလာသည်။ ဆေးရောင်းဝယ်ရေး လမ်းမတွင် ဖွင့်လှစ်ထားသည့် ရှန်ဟဲဆေးပညာရိပ်မြုံသည် ဈေးတန်းတစ်ခုကဲ့သို့ပင် စည်ကားနေသည်။

စစ်ဝံပုလွေဂိုဏ်းကို သင်ခန်းစာပေးပြီးနောက် ရှန်ဟဲဆေးပညာရိပ်မြုံသည် နေ့ချင်းညချင်း ကျော်ကြားလာခဲ့သည်။ ချူးယွင်ဖန်း၏ အင်အားကြီးမားသော စွမ်းအင်ကြောင့် ဤဆေးဆိုင်၏ အရည်အသွေးကို လူအများက ယုံကြည်လာကြသည်။ တချို့လူများသည် ချူးယွင်ဖန်းနှင့် ရင်းနှီးစေရန် ဆေးများ လာရောက်ဝယ်ယူကြသော်လည်း နောက်ပိုင်းတွင် ချူးယွင်ဖန်းက ထပ်မံမပေါ်ပေါက်လာသောကြောင့် ၎င်းတို့၏ အတွေးများ ပျက်ပြယ်သွားကြသည်။

လူတိုင်းသည် စစ်ဝံပုလွေဂိုဏ်း၏ဥပမာကြောင့် မိုက်မဲစွာ မပြုမူရဲသည့်အပြင် အထဲသို့ဇွတ်တရွတ် မဝင်ဝံ့ကြပေ။ သို့သော်လည်း မကြာမီတွင် ရှန်ဟဲဆေးပညာရိပ်မြုံတွင် ရောင်းချသော ဆေးများ၏ အရည်အသွေးသည် အခြားသော ဆေးဆိုင်များထက် အနည်းဆုံး ငါးဆယ်ရာခိုင်နှုန်းထက်သာလွန်နေကြောင်း ၎င်းတို့ ရှာတွေ့သွားကြသည်။ ဆေးအာနိသင်သည် နှစ်ဆမျှ ပိုမိုကောင်းမွန်သည့် ဖြစ်ရပ်များစွာပင်ရှိနေသည်။

ထို့အပြင် အခြားသောအလားတူ ဆေးအမျိုးမျိုးနှင့် စျေးနှုန်းများ တူညီကြသည်။ ယင်းဖြစ်စဉ်သည် သိုင်းပညာရှင်များစွာကို စိတ်လှုပ်ရှားစေသည်။ ဤသည်မှာ အသက်တစ်ခု အပိုရရှိခြင်းကြောင်း သိသာထင်ရှားသည်။ ရလဒ်အနေဖြင့် ရှန်ဟဲဆေးပညာရိပ်မြုံရှိ ဆေးများကို စင်ပေါ်သို့ တင်လိုက်သည်နှင့် ရှင်းလင်းစွာ ရောင်းထွက်သွားကြသည်။ ၎င်းတို့၏ဆေးပစ္စည်းများသည် ၀ယ်လိုအားနှင့် ပြည့်မီရန် မလုံလောက်ပေ။ ယင်းအခြေအနေကြောင့် အနီးနားရှိ ဆေးဆိုင်အများအပြားတွင် မကျေမနပ်ဖြစ်မှုများ ဖြစ်ပေါ်လာသည်။ ထိုဖြစ်စဉ်သည် ၎င်းတို့၏စီးပွားရေးကို လုယူခြင်းဖြစ်သည်။

သို့သော် ချန်ခယ့်ကို ရိုက်သတ်လိုက်သည့် ချူးယွင်ဖန်း၏ ထိတ်လန့်တုန်လှုပ်ဖွယ် အပြုအမူသည် အလွန်ထိရောက်သည်။ လူများစွာသည် ထိုအကြောင်းကို အဖန်ဖန်တွေးတောပြီးနောက် ချူးယွင်ဖန်းကို ဒုက္ခမပေးနိုင်ကြပေ။

'တကယ့်ဟာသ'

အထက်ပိုင်း နတ်အဆင့်ကျွမ်းကျင်သူသည် ရိုက်တစ်ချက်ကြောင့် သေဆုံးသွားခဲ့ရသည်။ ဤဆိုင်ပိုင်ရှင်သည် အစွမ်းထက်လွန်းသောကြောင့် လူအများက တွေးတောရုံဖြင့် တုန်လှုပ်ခြောက်ခြားလာမိသည်။ ကံကောင်းထောက်မစွာဖြင့် ချူးယွင်ဖန်းသည် ဆေးများ အဆက်မပြတ် ပြုလုပ်ရန် အချိန်မရှိခဲ့သောကြောင့် ရှန်ဟဲဆေးပညာရိပ်မြုံရှိ ဆေးပစ္စည်းများသည် အရေအတွက် အကန့်အသတ်ရှိနေသည်။ သူသည် အကောင်းဆုံး ဖောက်သည်များကို လုယူသွားခဲ့သော်လည်း အခြားဆေးဆိုင်များသည်လည်း အမြတ်မထုတ်နိုင်သည့် အတိုင်းအတာအထိ မဖြစ်ခဲ့ပေ။

ထူးဆန်းသော ဟန်ချက်သည် ထိန်းညှိနေဆဲဖြစ်သည်။ ထိုအခိုက်အတန့်၌ ချူးယွင်ဖန်းသည် ခြံနောက်ဖေးတွင် လက်နှစ်ဖက်ကို နောက်ကျောသို့ပစ်ကာ ရပ်နေသည်။ နတ်စွမ်းအင် အလွှာတစ်ခုသည် သူ၏ပတ်ဝန်းကျင်တွင် ဝေဝါးဝါး ဆူပွက်နေသည်။ လွန်ခဲ့သော ဆယ်ရက်နှင့် နှိုင်းယှဉ်ပါက၊ သူ၏ခွန်အားများ အနည်းငယ် ပြန်လည်သက်သာလာသည့်အပြင် နတ်စွမ်းအင်များကိုလည်း ပိုမိုစုဆောင်းနိုင်ခဲ့သည်။ သူသည် စွမ်းအင်အကာအကွယ်တစ်ခုကိုပင် ဖန်တီးနိုင်ပြီဖြစ်သည်။

ဝမ်ကျောက်သည် သူ့အနောက်တွင် တလေးတစား လိုက်ပါလာ၍ အနည်းငယ်မျှပင် စော်ကားမော်ကားပြုမူဝံ့ခြင်း မရှိပေ။ ဝမ်ကျောက်သည် ဤဆယ်ရက်အတွင်း ချူးယွင်ဖန်း၏ ကြောက်မက်ဖွယ် သိုင်းပညာစွမ်းအင်များမဆိုနှင့် မှော်ပညာဟုသောအရာကိုပင် အမှန်တကယ် မြင်တွေ့ခဲ့ရသည်။ ဆေးပညာနှင့် ပတ်သက်၍ပင် ဝမ်ကျောက်သည် မြေပြင်ပေါ်တွင် ဝပ်တွားနေသကဲ့သို့ ခံစားလာရသည်။ သူသည် ဆေးအိုးတစ်လုံးဖြင့် ဆေးအနည်းငယ်ကိုသာ ဖော်စပ်နိုင်ခဲ့သည်၊ ထို့အပြင် ဤသည်မှာ သူ၏ အကောင်းမွန်ဆုံး ကြိုးစားမှုဖြစ်သည်။

သို့သော် ချူးယွင်ဖန်း၏ ဆေးကျွမ်းကျင်မှုသည် သူ၏ အမြင်အာရုံများကို ပွင့်လန်းစေခဲ့သည်။ ဥပမာအားဖြင့် ချူးယွင်ဖန်းသည် ဆေးမီးဖိုတစ်ခုတွင် ရာနှင့်ချီသော ဆေးလုံးများ ပြုလုပ်ချိန်တွင်ပင် အမှားအယွင်းပြုလုပ်မိမည်ကို မကြောက်ရွံ့ခဲ့ပေ။ ဆေးများကို ဤမျှ အေးဆေးတည်ငြိမ်စွာ ဖော်စပ်နိုင်သူကို မတွေ့ခဲ့ဖူးပေ။ ချူးယွင်ဖန်းသည် ရာနှင့်ချီသော ဆေးများကို ဖော်စပ်ခြင်းသည် ဆေးလုံးအနည်းငယ်ကို ဖော်စပ်ခြင်းကဲ့သို့ လွယ်ကူနေခဲ့သည်။ ဆေးများကို အကြိမ်ပေါင်း မရေတွက်နိုင်သော ပြုလုပ်ထားသကဲ့သို့ လုံးလုံးလျားလျား အခက်အခဲ မရှိခဲ့ပေ။

ထို့အပြင် ချူးယွင်ဖန်းသည် ဆေးပညာရှင်များအတွက် ထူးခြားသော ဆေးမီးတောက်ကို အသုံးမပြုခဲ့ပေ။ ဆေးမီးတောက်ကို အသုံးမပြုဘဲ မီးဖိုတစ်ခုတည်းတွင် ရာနှင့်ချီသော ဆေးများ ပြုလုပ်နိုင်ခြင်းသည် အံ့ဩဖွယ်ကောင်းလှသည်။ ချူးယွင်ဖန်းသည် ဆေးများကို တစ်နေ့တွင် တစ်ကြိမ်သာ ဖော်စပ်ပြီးနောက် ရပ်တန့်လေ့ရှိသည်။ ဤသည်မှာ ရှန်ဟဲဆေးပညာရိပ်မြုံရှိ ကုန်ပစ္စည်းများ အမြဲပြတ်လပ်နေရသည့် အခြေခံအကြောင်းရင်းဖြစ်သည်။

ချူးယွင်ဖန်းအပြင် ဝမ်ကျောက်သည်လည်း ဆေးဖော်စပ်နည်းများ သိထားသော်လည်း ချူးယွင်ဖန်း၏ အတိုင်းအတာနှင့် နှိုင်းယှဉ်ပါက၊ မပြောပါ့လောက်ပေ။ မေးခွန်းများ မည်မျှ ဆန်းကျယ်နေပါစေ ချူးယွင်ဖန်းသည် စံနမူနာအဖြေတစ်ခုရှိသူသကဲ့သို့ အလွယ်တကူ ဖြေဆိုနိုင်ခဲ့သည်။ သူ၏အဆင့်သည် ရက်အနည်းငယ်အတွင်း ခုန်ပျံကျော်လွှား၍ တိုးတက်လာကြောင်း ဝမ်ကျောက် ခံစားလိုက်ရသည်။ သူသည် အခြေခံအုတ်မြစ် အလွန်ခိုင်မာသူဖြစ်၍ သူ့ကို လမ်းပြပေးမည့်သူတစ်ဦးသာ လိုအပ်နေသည်။

ဝမ်ကျောက်သည် ဤနှစ်များတစ်လျှောက် ဆေးပညာ၌ ကြုံတွေ့ခဲ့ရသည့် ခက်ခဲသော ပြဿနာအားလုံးကို ဖြေရှင်းနိုင်ခဲ့သည်။ ချူးယွင်ဖန်း၏စကားအရ၊ သူသည် ဂျူနီယာအဆင့် ဆေးပညာရှင် စာမေးပွဲကို ဖြေဆိုရန်ပင် ခက်ခဲမည် မဟုတ်ပေ။