ဒီလိုနဲ့ပဲ… ပုံမှန်ပြန်ဖြစ်သွားတာလား။)

"အတန်းဖော်ရဲပေါင်ပေါင်း၊ ဒါမင်းရဲ့ခွေးလား။ အရမ်းချစ်စရာကောင်းတာပဲ။"

ရှေ့တွင်လျှောက်နေသော အမျိုးသမီးအတန်းဖော်တစ်ဦးက ရဲရှင်းဟွေ့ကိုကြည့်ရင်း ပြောလိုက်၏။

ပေါင်ပေါင်းမှာ မပြန်ဖြေဘဲ အမျိုးသမီးအတန်းဖော်များမှာလည်း ဤအခြင်းအရာကိုမြင်သော် ဘာမှမပြောခဲ့ကြပေ။ သူတို့အားလုံး ပေါင်ပေါင်း၏စရိုက်ကို သိကြသည်။

အမျိုးသမီးကောလိပ်ကျောင်းသူသုံးဦး ပေါင်ပေါင်းကိုနှုတ်ဆက်ပြီးနောက် သူတို့သည် ရဲရှင်းဟွေ့ထံသို့ လျှောက်သွားကြ၏။

ဤမြင်ကွင်းကိုမြင်သော် ရဲရှင်းဟွေ့သည် ချစ်စရာကောင်းသောအမူအရာတစ်ခု ပြသလိုက်၏။

သူသည် ဤအမူအရာကို ရှောင်ဟာ့ထံမှ သင်ယူခဲ့သည်။

ရှောင်ဟာ့မှာ မိုက်မဲသောခွေးတစ်ကောင်ဖြစ်သော်လည်း အသွင်အပြင်တစ်ခုတည်းအရဆိုလျှင် သူသည် အမှန်တကယ်တွင် အတော်ပင်ချစ်စရာကောင်းသည်။

"အရမ်းချစ်စရာကောင်းတာပဲ။"

"မင်းနာမည်ဘယ်လိုခေါ်လဲ။"

"စားချင်လား။"

အမျိုးသမီးကောလိပ်ကျောင်းသူသုံးဦးမှာ အစပိုင်းတွင် ရဲရှင်းဟွေ့ကိုသာ ကြည့်နေကြသည်။ ပေါင်ပေါင်းမှာ တုံ့ပြန်မှုမရှိသည်ကိုမြင်သော် သူတို့သည် အရေးယူစပြုကြသည်။

ရဲရှင်းဟွေ့မှာ စိတ်ဖိစီးမှုတုံ့ပြန်မှုမရှိသည်ကိုမြင်သော် သူတို့သည် ဓာတ်ပုံရိုက်ရန် သူတို့၏ဖုန်းများကိုထုတ်ယူခြင်း သို့မဟုတ် သူတို့၏နူးညံ့သောရင်သားများကိုအသုံးပြု၍ ရဲရှင်းဟွေ့၏မျက်နှာကို ဆေးကြောခြင်းတို့ကို စတင်ပြုလုပ်ကြသည်။

၎င်းမှာလည်း ရဲရှင်းဟွေ့ ဤကဲ့သို့သောမျက်နှာသစ်ဆေးရည်ကို ပထမဆုံးအကြိမ် တွေ့ကြုံခံစားဖူးခြင်းဖြစ်သည်။

ကောလိပ်ကျောင်းသူမိန်းကလေးသုံးဦးထဲမှနှစ်ဦးမှာ သိပ်မဖွံ့ဖြိုးသေးသော်လည်း အလယ်မှဦးဆောင်နေသောတစ်ဦးမှာ အမှန်တကယ်ကြီးမားသည်။

နောက်တွင်ရပ်နေပြီး အရာအားလုံးကိုမြင်နေသော ဝက်ဝံကန်းသည် ဤမြင်ကွင်းကိုမြင်ပြီး သူ၏နှလုံးသားထဲတွင် အလွန်မနာလိုဖြစ်နေသည်။

သူမနာလိုဖြစ်နေသော်လည်း သူဘာမှမပြောဝံ့ခဲ့ပေ။ မည်သို့ပင်ဖြစ်စေ သူ၏ချစ်သူမှာ ဤအရာအားလုံးကို သူ၏ကိုယ်ထဲတွင် ကြည့်ရှုနေသည်။

မျက်နှာသစ်ဆေးရည်များ၏ ဖျက်ဆီးမှုကိုတွေ့ကြုံခံစားပြီးနောက် ရဲရှင်းဟွေ့မှာ ပိုမိုဉာဏ်အလင်းပွင့်သွားသည်။

"ဟေး။ ခွေးတစ်ကောင်ဖြစ်ရတာ တော်တော်ကောင်းတာပဲ။ ကြည့်ရတာ ငါမကြာခင် ဒီမိန်းကလေးတွေကို အဆောင်တွေ ဒါမှမဟုတ် ရေချိုးခန်းကို စောင့်ရှောက်ပေးတဲ့အောင်မြင်မှုတွေကို ဖွင့်နိုင်တော့မယ်နဲ့တူတယ်။"

ရဲရှင်းဟွေ့ ဤအတွေးရှိစဉ်မှာပင် သူသူ၏လည်ပင်းတွင်ဆွဲထားသော အရုပ်မှာ အဖြူရောင်အလင်းတန်းတစ်ခု ထုတ်လွှတ်လိုက်၏။

အဖြူရောင်အလင်းမှာ အလွန်မျက်စိကျိန်းစေရာ ရဲရှင်းဟွေ့အတွက် မျက်နှာသန့်စင်မှုပြုလုပ်နေသော မိန်းကလေးများမှာ သူတို့၏မျက်လုံးများကို သူတို့၏လက်များဖြင့် ဖုံးအုပ်လိုက်ကြသည်။

အလင်းပျောက်ကွယ်သွားသောအခါ သူတို့သည် သူတို့၏လက်များကို ချလိုက်ကြ၏။

သူတို့ချလိုက်သောလက်မှာ ရဲရှင်းဟွေ့၏ခွေးခေါင်းကို ဆက်လက်ထိတွေ့လိုသည်။

"ဟမ်။ မဟုတ်ဘူး၊ ဒီခံစားချက်…"

အနည်းငယ်ရှုပ်ထွေးနေသောမိန်းကလေးက အောက်သို့ငုံ့ကြည့်လိုက်ရာ နုပျိုချောမောသောမျက်နှာတစ်ခုကို တွေ့လိုက်ရပြီး သူမ၏လက်များကို ရှုပ်ထွေးစွာကြည့်ရင်း သူ့ဘာသာသူ တီးတိုးရေရွတ်နေသည်။

"သေစမ်း၊ ဘယ်လိုလုပ်ပြန်ပြောင်းသွားတာလဲ။”

"အား… လူယုတ်မာ…တဏှာရူး။"

မိန်းကလေးက ရဲရှင်းဟွေ့ကို တွန်းဖယ်လိုက်ပြီး သူ၏မျက်နှာကို ပါးရိုက်လိုက်၏။

ရဲရှင်းဟွေ့၏အစွမ်းဖြင့် သူသည် အမျိုးသမီးကောလိပ်ကျောင်းသူတစ်ဦးထံမှ ပါးရိုက်ချက်ကို လွယ်လွယ်ကူကူ ရှောင်တိမ်းနိုင်သည်။

အမျိုးသမီးကောလိပ်ကျောင်းသူသုံးဦးကိုကြည့်ရင်း ရဲရှင်းဟွေ့သည်လည်း ရှက်ရွံ့နေသည်။

ရဲရှင်းဟွေ့၏တုံ့ပြန်မှုမှာလည်း လျင်မြန်သည်။ သူခေါင်းမော့လိုက်သောအခါ သူသည် သူ၏မျက်နှာပုံသဏ္ဌာန်ကိုပြောင်းလဲရန် သက်သွင်းဖန်တီးခြင်းကို အသုံးပြုလိုက်၏။

သူသည် အနာဂတ်တွင် မြို့တော်တက္ကသိုလ်တွင် လှည့်ပတ်သွားလာရဖွယ်ရှိသည်။ သူသည် ဖောက်ပြန်သောလူယုတ်မာတစ်ဦးဖြစ်သည်ဟု ကောလာဟလထွက်လျှင် မကောင်းပေ။

ပြီးတော့ စောစောကအလင်းမှာ အလွန်မျက်စိကျိန်းစေသောကြောင့် ဤကောလိပ်ကျောင်းသူများမှာ ရဲရှင်းဟွေ့ ဟက်စကီးခွေးတစ်ကောင်မှ လူသားအဖြစ်သို့ မည်သို့အသွင်ပြောင်းသွားသည်ကို မမြင်ခဲ့ကြပေ။

ထို့ကြောင့်ပင် သူတို့၏အမြင်တွင် ရဲရှင်းဟွေ့မှာ သူတို့ကိုအခွင့်ကောင်းယူရန် flash bomb ပစ်ပေါက်သော ဖောက်ပြန်သူတစ်ဦးဖြစ်သည်။

ရဲရှင်းဟွေ့သည်လည်း မိန်းကလေးသုံးဦး ဤမျှမကျေမနပ်ဖြစ်နေသည်ကိုမြင်သော် အနည်းငယ်ရှက်ရွံ့သွား၏။

"ကိုနီချီဝါ၊ ကျွန်တော်က ကျွန်းစုနိုင်ငံကဖြစ်ပြီး ဒီမှာနိုင်ငံတကာကျောင်းသားတစ်ယောက်ပါ။ ဒီလောက်ရဲတင်းမိတဲ့အတွက် တောင်းပန်ပါတယ်။"

ရဲရှင်းဟွေ့က သူ၏သရုပ်ဆောင်စွမ်းရည်ကိုပြသကာ မိန်းကလေးသုံးဦးကို တောင့်တင်းသောတရုတ်စကားဖြင့် နှုတ်ဆက်လိုက်သည်။

ထိုသို့ပြောပြီးနောက် ရဲရှင်းဟွေ့က လှည့်ကာ ထွက်ပြေးသွား၏။

ရဲရှင်းဟွေ့၏စကားကိုကြားသော် မိန်းကလေးသုံးဦးမှာ တစ်ယောက်ကိုတစ်ယောက်ကြည့်လိုက်ကြပြီးနောက် သူတို့အားလုံး ကျိန်ဆဲလိုက်ကြသည်။

“ကျွန်းစုနိုင်ငံတွေကလူတွေက လူကောင်းတွေမဟုတ်ဘူး"

ထိုအချိန်တွင် သူတို့သုံးဦးသည် သူတို့ပွတ်သပ်ခဲ့သောခွေးမှာ ပျောက်ဆုံးသွားသည်ကို အမှတ်ရသွားကြ၏။

"အတန်းဖော်ရဲပေါင်ပေါင်း၊ မင်းရဲ့ခွေးဘယ်မှာလဲ။"

အဆုံးတွင် သူတို့သုံးဦးမှာ ပေါင်ပေါင်းကိုသာ ကြည့်နိုင်တော့သည်။

ပေါင်ပေါင်းက ရဲရှင်းဟွေ့ထွက်ပြေးသွားသောလားရာကိုညွှန်ပြကာ "ပြေးသွားပြီ" ဟု တည်ငြိမ်စွာပြောလိုက်သည်။

ခွေးထွက်ပြေးသွားသည်ကိုကြားသော် မိန်းကလေးသုံးဦးလုံး အနည်းငယ်နှမြောသွားကြ၏။

သူတို့ပေါင်ပေါင်းနှင့် စကားစမြည်ပြောဆိုရန် မအောင်မြင်သောကြောင့်သာမက ခွေးမှာ အမှန်တကယ်ချစ်စရာကောင်းပြီး သူတို့၎င်းနှင့် ဓာတ်ပုံအနည်းငယ်ပင် မရိုက်ရသေးသောကြောင့်လည်း ဖြစ်သည်။

အမျိုးသမီးကောလိပ်ကျောင်းသူသုံးဦး ထွက်ခွာသွားပြီးနောက် ပေါင်ပေါင်းနှင့် ဝက်ဝံကန်းတို့သည်လည်း တက္ကသိုလ်အဆောက်အအုံဆီသို့ လျှောက်သွားကြ၏။

စောစောက ပေါင်ပေါင်းနှင့် ဝက်ဝံကန်းတို့သည် ရဲရှင်းဟွေ့မှာ အမှန်တကယ် လူသားအဖြစ်သို့ ပြန်ပြောင်းသွားသည်ကို တွေ့မြင်ခဲ့ကြသည်။

"မင်းပြန်ပြောင်းနည်းမသိဘူးလို့ မပြောခဲ့ဘူးလား။ ဘာလို့ရုတ်တရက် ပြန်ပြောင်းသွားတာလဲ"

ဝက်ဝံကန်းက သူ့ဘာသာသူ တီးတိုးရေရွတ်လိုက်သည်။

ထိုအချိန်တွင် မြို့တော်တက္ကသိုလ်ကျောင်းဝင်းပေါ်တွင် လျှောက်သွားနေသော ရဲရှင်းဟွေ့တွင်လည်း ထိုကဲ့သို့သောသံသယများ ရှိနေ၏။

သို့သော် သူသည် မကြာမီ ဘာဖြစ်နေသည်ကို နားလည်သွားသည်။

"ငါခန့်မှန်းတာတော့… ငါလူသားအဖြစ်ပြန်ပြောင်းသွားရတဲ့အကြောင်းက ငါခွေးတစ်ကောင်ဖြစ်ရတာ တော်တော်ကောင်းတယ်လို့ တွေးထင်လိုက်လို့ပဲ။ သေစမ်း… မင်းတကယ်တော်တာပဲ၊ ကျိန်စာသင့် ရှမိတ်။"

ရဲရှင်းဟွေ့က သူ၏စိတ်ထဲတွင် ထိုအရှက်မရှိသောရှမိတ်ကို ကျိန်ဆဲရင်း ကျောင်းဝင်းပေါ်တွင် လျှောက်သွားနေ၏။

ကျောင်းဝင်းမှာ လူငယ်တို့၏အငွေ့အသက်ဖြင့် ပြည့်နှက်နေသည်။

သို့သော် ရဲရှင်းဟွေ့ကို အရှုပ်ထွေးဆုံးဖြစ်စေသောအရာမှာ… ကျောင်းဝင်းပေါ်တွင် လိင်ပြောင်းဝတ်ဆင်သူများစွာ ရှိနေခြင်းပင်ဖြစ်သည်။

သိသာထင်ရှားစွာအမျိုးသားကျောင်းသားများစွာမှာ ရှင်းလင်းစွာအမျိုးသမီးအဝတ်အစားများဖြစ်သော အဝတ်အစားများကို ဝတ်ဆင်ထားကြ၏။

သူတို့ဘေးမှအတန်းဖော်များမှာ သူတို့ကိုထူးဆန်းစွာမကြည့်ကြဘဲ အရာအားလုံးပုံမှန်ဖြစ်နေသကဲ့သို့ပင်။

"ဘာတုန်းဟ။ တစ်နှစ်ပဲကြာသေးတာ။ trend က ဒီလောက်ပြောင်းသွားပြီလား။"

ရဲရှင်းဟွေ့က အနည်းငယ်ရှုပ်ထွေးစွာဖြင့် သူ့ဘာသာသူ တီးတိုးရေရွတ်လိုက်ပြီးနောက် ရုတ်တရက်တစ်ခုခုကို သိရှိသွား၏။

"အံ့ဩစရာမရှိပါဘူး… အံ့ဩစရာမရှိပါဘူး ညီလေးရဲယင်က ငါသူ့ကိုအမျိုးသမီးအဝတ်အစားတွေဝတ်ဆင်ခိုင်းတဲ့အခါ ဒီလောက်ပြတ်ပြတ်သားသားဖြစ်နေတာ။ ကြည့်ရတာ သူက ဒီလိုအမျိုးသမီးအဝတ်အစားတွေဝတ်ဆင်ထားတဲ့ ယောက်ျားကြီးတွေကို လမ်းတွေပေါ်မှာလှည့်လည်သွားလာနေတာကို မကြာခဏမြင်တွေ့နေပုံပဲ။ ကြည့်ရတာ ငါက ခေတ်နောက်ကျနေပြီပဲ။"

ရဲရှင်းဟွေ့ သက်ပြင်းချနေစဉ်မှာပင် သူ၏ဘေးမှဖြတ်သန်းသွားသော ကျောင်းသားနှစ်ဦးကြားမှစကားပြောဆိုမှုမှာ ရဲရှင်းဟွေ့၏စိတ်ဝင်စားမှုကို နှိုးဆွလိုက်၏

"မင်းကြားပြီးပြီလား။ ကြည့်ရတာ ငါတို့အစ်ကိုမုန်က တရားဝင်ပွဲဦးထွက်တော့မယ်နဲ့တူတယ်။"

"သေစမ်း။ တကယ်လား။ ငါ အင်တာနက်အနုပညာရှင်တွေ ပွဲဦးထွက်နိုင်လိမ့်မယ်လို့ မထင်ထားခဲ့ဘူး။"

"မဟုတ်ဘူး၊ အစ်ကိုမုန်ရဲ့ကျော်ကြားမှုက အခု ဒုတိယတန်းစားကြယ်ပွင့်တချို့ထက်တောင် ကြီးနေပြီ။"

အစ်ကိုမုန်ဟူသောအမည်ကိုကြားသော် ရဲရှင်းဟွေ့သည် ချက်ချင်းလူတစ်ယောက်ကို အမှတ်ရသွား၏။

မုန်ကျစ်ယွီ။

မုန်ကျစ်ယွီကိုစဉ်းစားရင်း ရဲရှင်းဟွေ့သည် ချက်ချင်းကောလိပ်ကျောင်းသားတစ်ဦးကို ဖမ်းဆွဲလိုက်ပြီး

"ညီလေး၊ မင်းတို့ပြောနေတဲ့ အစ်ကိုမုန်က မုန်ကျစ်ယွီလား"

"အစ်ကိုမုန်က သဘာဝကျကျပဲ စီနီယာမုန်ကျစ်ယွီပေါ့။ မင်းငါတို့ကျောင်းက မဟုတ်ဘူးမလား။ မင်းအစ်ကိုမုန်လို နာမည်ကြီး အနုပညာရှင်တစ်ယောက်အကြောင်းကို မသိဘူး။"

"အစ်ကိုမုန် ဟုတ်လား။ အနုပညာရှင်ဟုတ်လား။"

ရဲရှင်းဟွေ့သည် မုန်ကျစ်ယွီ ယခုအခါ ဤမျှကောင်းမွန်နေလိမ့်မည်ဟု မမျှော်လင့်ထားခဲ့ပေ။

လူငယ်ကိုလွှတ်ပေးပြီးနောက် ရဲရှင်းဟွေ့က လူသူကင်းမဲ့သောထောင့်တစ်နေရာကိုရှာဖွေကာ သူ၏ဖုန်းကိုထုတ်ယူပြီး

"ဟေး။ ဂျားဗစ်၊ အခုမုန်ကျစ်ယွီနဲ့ ဘာဖြစ်နေတာလဲ"

"သခင်… ခင်ဗျားပျောက်သွားကတည်းက ကျွန်တော်လည်း system က ပြုပြင်ထိန်းသိမ်းမှုတွေ နဲ့ upgrade တွေလိုအပ်တယ်ဆိုတဲ့အကြောင်းပြချက်နဲ့ offline ဖြစ်သွားခဲ့ပါတယ်။ မုန်ကျစ်ယွီရဲ့လက်ရှိအခြေအနေအတွက်မူ ဒါက သူရဲ့ကိုယ်ပိုင်ကြိုးစားအားထုတ်မှုကြောင့်သာ ဖြစ်ပါတယ်။"

"မုန်ကျစ်ယွီက ခင်ဗျားပေးခဲ့တဲ့ ဂျင်ဆင်းမျိုးစေ့တွေကို လက်ခံရရှိခဲ့ပြီး သူရဲ့အရိုက်ခံနိုင်စွမ်းက ပိုအားကောင်းလာခဲ့တယ်။ ဒီတစ်နှစ်အတွင်းမှာ ကျွန်တော်သူ့ကို လူမှုရေးအရသေဆုံးစေမဲ့ ဘာတာဝန်မှ မပေးအပ်ခဲ့ပေမဲ့… သူက လူမှုရေးအရသေဆုံးစေတဲ့ တာဝန်တွေကို အဆက်မပြတ်လုပ်ဆောင်နေဆဲပဲ။"

"ဒါတင်မကဘူး၊ သူက သေခြင်းကိုရှာဖွေတဲ့ live broadcast series၊ ကြယ်တွေကိုလိုက်တဲ့ live broadcast series၊ ရိုက်နှက်တဲ့ live broadcast series၊ သန့်ရှင်းသပ်ရပ်တဲ့ series… စသဖြင့် live broadcast routine တွေစီးရီးတစ်ခုကိုလည်း ဖန်တီးခဲ့တယ်။"

"သူ့ရဲ့ပြည်တွင်းပြည်ပကပရိသတ်တွေက စုစုပေါင်း သန်း ၈၀ ကျော်ရှိတယ်။"

ဂျားဗစ်၏ဇာတ်ကြောင်းပြန်ခြင်းကိုနားထောင်ပြီးနောက် ရဲရှင်းဟွေ့သည် တစ်ဖန်ထပ်မံမှင်သက်သွား၏။

"သေစမ်း။ တစ်နှစ်ပဲကြာသေးတာ၊ မုန်ကျစ်ယွီက ဒီလောက်ကြီးအောင်မြင်သွားပြီလား။"

T/N- မြန်မာလိုပြောင်းလိုက်ရင် ဖတ်ရအဆင်မပြေတဲ့စကားလုံးအကုန် English လိုပဲပြန်သုံးပေးထားတယ်။