ရှောင်စစ်က မင်းကို ဘာလုပ်ခဲ့တာလဲ

ရဲထျန်းမင်မှာ အာဖရိကသို့ သတ္တုတူးရန် သွားရန် စိတ်ပိုင်းဖြတ်ထားသည်ကို မြင်သောအခါ စုချင်းမှာ ပြောစရာစကား မရှိတော့ပေ။

ထိုအစား ရဲဖန်က ပြုံး၍ ရှေ့သို့တက်ကာ ရဲထျန်းမင်၏ ပုခုံးကို ပုတ်၍ "ရဲမိသားစုရဲ့ သားကောင်းတစ်ယောက် ပီသပါပေတယ်… သူ ကတိမဖျက်ဘူး… စိတ်မပူပါနဲ့… မင်း အာဖရိကမှာ ကပ်ရောဂါတစ်ခုခုနဲ့ ကူးစက်ခံရရင် ဒါမှမဟုတ် အကြမ်းဖက်တိုက်ခိုက်မှုတစ်ခုခုကြောင့် သေသွားရင် ငါတို့က မင်းအတွက် သေချာပေါက်… လက်စားချေပေးပြီး မင်းအလောင်းကို ပြန်သယ်ပေးမှာပါ…" ဟု ဆိုလိုက်၏။

ရဲထျန်းမင်: "…"

ရဲထျန်းမင် စကားမပြောသည်ကို မြင်သောအခါ ရဲဖန်က ဆက်ပြောလိုက်၏။

"ငါ့ကိုယ်ငါ မိတ်ဆက်ဖို့ မေ့သွားတယ်… ငါ့နာမည် ရဲဖန်… ငါက မင်းအဖေ ရဲချန်ရဲ့ ညီလေး… မင်း ငါ့ကို ဦးလေးလို့ ခေါ်လို့ရတယ်… ငါတို့ အသက် သိပ်မကွာပေမယ့်… အစဉ်အလာကိုတော့ မဖျက်ဆီးနိုင်ဘူး…"

အမှန်စင်စစ်… ရဲဖန်မှာ အမှန်တကယ်တွင် ရဲထျန်းမင်နှင့် မျိုးဆက်တူနီးပါး ဖြစ်သည်။

ရဲဖန်မှာ ယခုနှစ်တွင် အသက်နှစ်ဆယ့်ကိုးနှစ်ရှိပြီဖြစ်ပြီး ရဲထျန်းမင်မှာ အသက်နှစ်ဆယ့်ခြောက်နှစ် ရှိပြီဖြစ်သည်။

ရဲဖန်နှင့် ရဲလန်ယွဲ့တို့၏ အသက်ကွာခြားမှုမှာပင် ထိုမျှလောက် မကြီးမားပေ။ ရဲလန်ယွဲ့မှာ ယခုအချိန်တွင် အသက်နှစ်ဆယ့်နှစ်နှစ် ရှိပြီဖြစ်သည်။

ဤအချက်ကြောင့်ပင် ရဲဖန်မှာ သူ၏တူမနှင့် တူများနှင့် အလွန်အဆင်ပြေစွာ ဆော့ကစားနိုင်ခြင်း ဖြစ်သည်။ နောက်ဆုံးတွင် မျိုးဆက်ကွာဟမှုမှာ အတော်လေး နည်းပါးသည်။ ထိုအစား သူက တစ်ခါတစ်ရံ သူ၏အစ်ကိုကြီးနှင့် အဆင်ပြေရန် ခက်ခဲသည်ကို တွေ့ရှိရ၏။

…

'မင်းက… မင်းတူရဲ့အလောင်းကို သွားသယ်တော့မှာလား… ဒါက မင်းလို အကြီးအကဲတစ်ယောက် ပြောသင့်တဲ့စကားလား…’

ရဲဖန်၏စကားများကို ကြားသောအခါ ရဲထျန်းမင်မှာ စိတ်ထဲမှ အရူးအမူး မြည်တွန်တောက်တီးနေမိသည်။

အမှန်မှာ ရဲဖန်က ဤသို့ပြောခြင်းမှာ ရဲထျန်းမင်ကို ခြောက်လှန့်ရန်သာ ဖြစ်သည်။ သူက ရဲထျန်းမင် အမှန်တကယ် အာဖရိကသို့ သွားရန် စိတ်ပိုင်းဖြတ်ထားသလောဟု ကြည့်ချင်နေ၏။

မူလက ရဲဖန် ပြောချင်ခဲ့သည်မှာ ရဲထျန်းမင် သေဆုံးသွားလျှင်ပင် သူတို့က သူ့ကို ပြန်လည်အသက်သွင်းပေးမည်…။

သို့သော်လည်း သာမန်လူများအတွက် အဓိပ္ပာယ်မရှိသောစကားကဲ့သို့ ကြားရမည်ဟု တွေး၍ သူက သူ၏စကားများကို မျိုချလိုက်သည်။

…

"စိတ်မပူပါနဲ့… ကျွန်တော် အာဖရိကမှာ ကောင်းကောင်း နေမှာပါ…"

ရဲထျန်းမင်က ရဲဖန်ကို ကြည့်၍ သွားကြိတ်ကာ ပြုံးလိုက်၏။

ရဲထျန်းမင်မှာ ဤမိသားစုထဲ၌ သူ၏ဒုတိယရန်သူကို သတ်မှတ်လိုက်ပြီး ထိုသူမှာ ဤရဲဖန် ဖြစ်သည်။ ရဲရှင်းဟွေ့ကဲ့သို့ပင် ဤရဲဖန်မှာလည်း ရန်စရမည့်သူတစ်ဦး မဟုတ်ချေ။

တိတိကျကျဆိုရလျှင် ဤလူနှစ်ယောက်မှာ သေချာပေါက် လိမ်လည်သူကြီးနှစ်ဦး ဖြစ်သည်။ ဤနှစ်ယောက်နှင့် တတ်နိုင်သမျှ ဝေးဝေးနေခြင်းက ပို၍ ကောင်းသည်။

ရဲထျန်းမင်၌ ထိုသို့သော အတွေးတစ်ခုရှိနေစဉ်မှာပင် ရဲရှင်းဟွေ့က လက်မြှောက်၍ "ကျွန်တော်… ကျွန်တော်… ကျွန်တော်… ကျွန်တော် အစ်ကိုကြီးနဲ့အတူ အာဖရိကကို လိုက်ပြီး သူ့ရဲ့လုံခြုံရေးကို ကာကွယ်ပေးမယ်…" ဟု ဆိုသည်ကို ကြားလိုက်ရ၏။

ရဲထျန်းမင်: "!!!"

ရဲထျန်းမင်မှာ သူ တစ်ယောက်တည်း သွားရုံနှင့် ရပြီဖြစ်ကြောင်း ပြောချင်နေသည်။ သူက သူတို့၏ ကာကွယ်မှုကို မလိုအပ်ပေ။

သို့သော် ရဲရှင်းဟွေ့၏ စိတ်အားထက်သန်မှုနှင့် သူ၏စိတ်ပိုင်းဖြတ်ထားသော သဘောထားကို မြင်သောအခါ သူ၏ကိုယ်ပိုင် ငြင်းဆိုမှုမှာ အသုံးမဝင်တော့ပေ။

ရဲရှင်းဟွေ့က ရဲထျန်းမင်နှင့်အတူ အာဖရိကသို့ သွားချင်သည့်အတွက် အခြားသူများမှာ သဘာဝကျစွာ သဘောတူကြသည်။

သူတို့က ရဲရှင်းချန်ထံမှ ရဲရှင်းဟွေ့မှာ အမှန်တကယ် အလွန်သန်မာကြောင်း သိရှိထားသဖြင့် သူက ရဲထျန်းမင်ကို သေချာပေါက် ကာကွယ်ပေးနိုင်မည် ဖြစ်သည်။ ထို့ပြင် သူက ဝင်ပေါက်များကို အသုံးပြုနိုင်သည်။ ရဲချန် အိမ်ပြန်ရောက်သည်နှင့် ရဲရှင်းဟွေ့က ရဲထျန်းမင်ကို အချိန်မရွေး ပြန်ခေါ်လာနိုင်၏။

စုချင်းက ခဏမျှ စဉ်းစားပြီးနောက် ရဲရှင်းဟွေ့အား "ကောင်းပြီ… ဒါဆို မင်း ထျန်းမင်နဲ့အတူ သွားလိုက်… သူ့ကို သေချာ ကာကွယ်ပေး…" ဟု ဆိုသည်။

"စိတ်မပူပါနဲ့… ကျွန်တော် အလုပ်လုပ်ရင် စိတ်ချပါ…"

ရဲမိသားစုဝင်အားလုံးမှာ ရဲရှင်းဟွေ့၏စကားများကို ယုံကြည်ကြသည်။ အဘယ်ကြောင့်ဆိုသော် ရဲရှင်းဟွေ့သာ ရဲထျန်းမင်၏ ဘေးတွင် ရှိနေခဲ့လျှင် ရဲထျန်းမင်မှာ အပြင်ဘက်မှ အန္တရာယ်တစ်ခုခုနှင့် ရင်ဆိုင်ရမည် မဟုတ်သောကြောင့် ဖြစ်သည်။

ကောင်းပြီ၊ တစ်ခုတည်းသော အန္တရာယ်မှာ ရဲရှင်းဟွေ့ ကိုယ်တိုင် ဖြစ်နိုင်ပေသည်။

သို့သော်လည်း ရဲရှင်းဟွေ့ မည်မျှပင် စနောက်နေစေကာမူ သူက သူ၏မိသားစု၏ အသက်များနှင့် ဘယ်တော့မှ မနောက်ပြောင်ပေ။ ထိုအချက်က လူတိုင်းကို အလွန် စိတ်ချစေသည်။

ရဲထျန်းမင်မှာမူ… သူက လှည့်စားခံရခြင်းကို ကျင့်သားရသွားနိုင်ရုံသာ ရှိသည်။ သူက အနာဂတ်တွင် စွမ်းရည်ရှိလာသောအခါ ရဲရှင်းဟွေ့ကို ပြန်ပေးဆပ်နိုင်ပေလိမ့်မည်။

…

ရဲထျန်းမင် ရောက်ရှိလာခြင်းနှင့်အတူ ရဲမိသားစု၏ စားဖိုမှူးဖြစ်သူ ရဲရှင်းဟွေ့မှာ သဘာဝကျစွာပင် ခမ်းနားသော ညစာတစ်နပ်ကို ချက်ပြုတ်ခဲ့သည်။

၎င်းမှာ ရဲထျန်းမင် မျိုးရိုးစဉ်ဆက်ကို အသိအမှတ်ပြုရန် ရဲမိသားစုသို့ ပြန်လည်ရောက်ရှိလာခြင်းကို ဂုဏ်ပြုရန်သာမက ရဲရှင်းဟွေ့နှင့် ရဲထျန်းမင်ကို နှုတ်ဆက်ရန်လည်း ဖြစ်သည်။

ရဲရှင်းဟွေ့ ချက်ပြုတ်နေစဉ်တွင် သူက ရဲထျန်းမင်နှင့် ရှောင်စစ်ကို သူတို့၏ဆက်ဆံရေး တိုးတက်စေရန် အခန်းတစ်ခန်းထဲတွင် သော့ခတ်ထားလိုက်သည်။

ခွေးများနှင့် လူများကြား ဆက်ဆံရေးကို မည်သို့ တိုးတက်စေမည်နည်း။ သဘာဝကျစွာပင် ၎င်းကို လျက်ခြင်းဖြင့်သာ ပြုလုပ်နိုင်ပေသည်။

ဖားတဲ့‌ေကာင်‌ဟူသော အသုံးအနှုန်းမှာ ထိုသို့ ဖြစ်ပေါ်လာခြင်း မဟုတ်လား။

သင် ပို၍ လျက်လေလေ၊ သင် လျက်နေသောသူနှင့် ပို၍ ပို၍ ဝေးကွာလာသည်ကို တွေ့ရှိရလေလေ ဖြစ်သည်။

သူတို့နှစ်ယောက်မှာ ဝေးဝေးတွင်ရှိနေကြသော်လည်း ရဲထျန်းမင် အလွန်အကျွံ မပြုမူခဲ့ပေ။ နောက်ဆုံးတွင် ဤနတ်ဆိုးအိမ်မွေးတိရစ္ဆာန်မှာ သူ၏အတွက် အလွန်အားကောင်းသော တိုက်ခိုက်ရေးသမားတစ်ဦး ဖြစ်သည်။ သူ၏ အာဖရိကခရီးစဉ်အတွက် အလွန် အသုံးဝင်ပေလိမ့်မည်။

သို့ဖြစ်၍… ဒီဖားနေတဲ့ကောင် အသုံးပြုနိုင်ပေသည်။

"ရှောင်စစ် ဟုတ်တယ် မဟုတ်လား… ခုကစပြီး ငါ့စကား နားထောင်… မင်း ငါ့ကို ဖြစ်ကတတ်ဆန်း လျက်ရင် ငါ မင်းကို ကန်ပစ်မယ်…"

ရှောင်စစ်က ခေါင်းစောင်း၍ ရဲထျန်းမင်ကို ကြည့်ကာ "ကျွန်တော့်ကို ကန်မှာလား…" ဟု မေးလိုက်သည်။

"ဟုတ်တယ်…" ဟု ရှောင်စစ်ကို ပြန်ဖြေ၍ ရဲထျန်းမင်က "ဒီလိုကန်မှာ…" ဟု ဆိုကာ သူ၏တင်ပါးကို ကန်လိုက်သည်။

ရဲထျန်းမင်: "!!!"

ရှောင်စစ်မှာ ရဲထျန်းမင်ကို ရှုပ်ထွေးစွာ ကြည့်နေဆဲဖြစ်ပြီး ရဲထျန်းမင်မှာ ရှက်ရွံ့စွာ သွားကြိတ်ကာ နောက်သို့ ခြေတစ်လှမ်းခွဲ ဆုတ်လိုက်ပြီး စိတ်ထဲမှ အော်ဟစ်လိုက်သည်။ ‘အရမ်းနာတာပဲ… ဒီခွေးရဲ့ တင်ပါးက ဘာလို့ ဒီလောက် မာကျောနေရတာလဲ… ဒါက နတ်ဆိုးခွေးလား… တကယ် အစွမ်းထက်တာပဲ…’

ရဲထျန်းမင်မှာ အစပိုင်းတွင် မြည်တွန်တောက်တီးလိုက်ပြီးနောက် စိတ်ထဲမှ ချီးကျူးလိုက်ကာ အဆုံးတွင်တော့ ပျော်ရွှင်သွားသည်။

ကံကောင်းစွာပင် သူက ယနေ့ အရိုက်ခံရပြီး ခုခံမှု +၁၀ ဆုကြေး ရရှိခဲ့သည်။ သို့မဟုတ်လျှင် ခုနက ကန်ချက်မှာ သူ၏ခြေထောက် ကျိုးသွားနိုင်ပေသည်။

သို့သော်လည်း ကျိုးခြင်းမရှိခဲ့လျှင်ပင် အနည်းငယ် ရောင်ရမ်းနေသည်ဟု သူ ခံစားလိုက်ရ၏။

…

နောက်ပိုင်းတွင် အစားအသောက်များ အဆင်သင့်ဖြစ်သောအခါ ရဲရှင်းဟွေ့က ရဲထျန်းမင်နှင့် ရှောင်စစ်ကို အခန်းထဲမှ ထုတ်လွှတ်လိုက်သည်။

ရဲထျန်းမင် အခန်းထဲမှ ခြေထောက်ထော့နဲ့ထော့နဲ့ဖြင့် ထွက်လာသည်ကို မြင်သောအခါ ရဲရှင်းဟွေ့မှာလည်း အနည်းငယ် အံ့အားသင့်သွားသည်။

"သေစမ်း… ငါက မင်းတို့ကို ရင်းနှီးအောင် လုပ်ခိုင်းတာ… တကယ်ကြီး… လုပ်ခိုင်းတာ မဟုတ်ဘူးဟ…"

ရဲရှင်းဟွေ့၏အသံမှာ အခြားသူများ၏ အာရုံစိုက်မှုကိုလည်း ဆွဲဆောင်နိုင်ခဲ့သည်။

ရဲထျန်းမင်၏ မျက်နှာမှာ သူ၏ကျိန်ဆဲသံများကို ထိန်းချုပ်ထားရန် ကြိုးစားနေသဖြင့် နီရဲနေ၏။

[ တင်! ဘဝရွေးချယ်မှုများစတင်ပါပြီ…

ရွေးချယ်မှု ၁: လူယောက်ျားနှင့်ခွေးကြားက အချစ်က တကယ်တည်ရှိတယ်… ဆုလာဘ် “ခွန်အားတိုးဆေး” ကို ရယူပါ…

မှတ်ချက်: ခွေးနဲ့ မျိုးဖောက်ခံရရင် ဘာဖြစ်လဲ… ခွေးဖြစ်တော့ ဘာဖြစ်လဲ… မင်း ဘာလုပ်နိုင်မှာလဲ…

ရွေးချယ်မှု ၂: လူနဲ့ခွေးအမှုကိစ္စကို ချက်ချင်း ငြင်းဆိုပြီး ဆုလာဘ် “ကျပန်းနတ်ဆိုးအိမ်မွေးတိရစ္ဆာန်” ကို ရယူပါ…

မှတ်ချက်: တစ်ကောင်တည်းနဲ့ မင်းကို မကျေနပ်နိုင်ရင် နောက်တစ်ကောင် ယူလိုက်… ]

ဤရွေးချယ်မှုနှစ်ခုကို မြင်သောအခါ ရဲထျန်းမင်မှာ ဤစနစ်မှာ သူ၏စနစ်မဟုတ်ဘဲ ရဲရှင်းဟွေ့၏စနစ်ဖြစ်သည်ဟု ခံစားလိုက်ရသည်။

သို့မဟုတ်လျှင် ရဲရှင်းဟွေ့နှင့် စနစ်က အဘယ်ကြောင့် သူ့ကို စနောက်ရန် ပူးပေါင်းကြမည်နည်း။

ဘာကို ဆိုလိုသနည်း။ တစ်ကောင်တည်းနှင့် မကျေနပ်နိုင်လျှင် နောက်တစ်ကောင် ယူလိုက်ရမည်ဟု ဆိုလိုသလား။

ရဲထျန်းမင်က ရွေးချယ်မှုနှစ်ခုကို ကြည့်၍ အသက်ပြင်းပြင်းရှူလိုက်ပြီးနောက် တိတ်တဆိတ် ရှေ့သို့တက်ကာ သူ၏နေရာတွင် ဝင်ထိုင်လိုက်ပြီး စားသောက်ခြင်းဖြင့် သူ၏စိတ်ဓာတ်ကျနေသော စိတ်ကို ဖြေဖျောက်နိုင်မည်ဟု မျှော်လင့်လိုက်သည်။

ရဲထျန်းမင် တိတ်ဆိတ်နေသည်ကို မြင်သောအခါ ရဲရှင်းဟွေ့က ပြုံး၍ "အစ်ကိုကြီး… ကျွန်တော် ဒါကို မင်းကို ပေးမယ်…" ဟု ဆို၏။

စကားဆုံးသည်နှင့် ရဲရှင်းဟွေ့က ဆေးထိုးအပ်တစ်ချောင်းကို ပစ်ထုတ်လိုက်သည်။

ရဲထျန်းမင်မှာ ဤဆေးထိုးအပ်မှာ စနစ်မှ ဖော်ပြခဲ့သော ခွန်အားတိုးဆေးဖြစ်ရမည်ကို သိလိုက်သည်။

'ငါ ရဲရှင်းဟွေ့ဆီက ဆုလာဘ် ထပ်ရပြန်ပြီလား… ဒီရဲရှင်းဟွေ့က ဘယ်သူလဲ…’

ရဲရှင်းဟွေ့မှာ ဤထူးဆန်းသောအရာများ အားလုံးကို မည်သည့်နေရာမှ ရရှိသည်ကို ရဲထျန်းမင် အနည်းငယ် ရှုပ်ထွေးနေစဉ်မှာပင် ရဲရှင်းဟွေ့က ပြုံး၍ "ဒီဆေးက သန္ဓေတားဆေးပါ… ရှောင်စစ်က ခွေးအထီးတစ်ကောင်ဆိုပေမယ့်… သူက နတ်ဆိုးတစ်ကောင်ပဲ… သူ့မှာ အထူးစွမ်းရည်တွေ ရှိနိုင်တယ်… သတိထားတာ ပိုကောင်းတယ်…" ဟု ဆိုသည်ကို ကြားလိုက်ရ၏။

ရဲထျန်းမင်: "…"