ရထားအဆင့်မြှင့်တင်ရေးအစီအစဉ် ၁
Vol. 12 Ch. 168
“အိုး ဟုတ်တယ်”
ကီကီက စိတ်လှုပ်ရှားစွာ အော်ဟစ်လိုက်သည်။ “နောက်ဆုံးတော့ ရထားကို အဆင့်မြှင့်တင်တော့မယ်”
ရှုချင်း၏ အဖွဲ့သည် လင်းရှန်တွင် ယန္တရားစွမ်းရည်ရှိကြောင်း သိရှိထားသော်လည်း ရထားအဆင့်မြှင့်တင်မှုအကြောင်း သူပြောသည်ကို ကြားသောအခါ အနည်းငယ် အံ့အားသင့်သွားကြသည်။
လင်းရှန်၏ စိတ်ထဲတွင် အနည်းငယ် လှုပ်ရှားလာသည်။ ထို့နောက် သူ၏ လက်ယာလက်ကို မြှောက်လိုက်ရာ လက်ဖဝါးထဲတွင် အလင်းတန်းတစ်ခု ပေါ်ထွက်လာသည်။ ပစ္စည်းများစွာ ပျံထွက်လာပြီး စုစည်းကာ၊ ပုံသွင်းကာ၊ အလျင်အမြန်ဖုံးအုပ်ကာ တပ်ဆင်လိုက်သည်—
ချလွမ်
Howler K23 လျှပ်စစ်ဂတ်တလင်သေနတ်တစ်လက်သည် လေထဲတွင် ရုတ်တရက် ပေါ်ထွက်လာသည်၊၊
ဝုန်း...ဧရာမသေနတ်ကြီးသည် လို့ဟွာ၏ ရှေ့တွင် လေးလံစွာ ဆင်းသက်လာသည်။
“လို့ဟွာ ဒါက မင်းရဲ့ အရုပ်သစ်ပဲ”
ဤမယုံကြည်နိုင်ဖွယ်ရာ မြင်ကွင်းကို မြင်လိုက်ရသောအခါ ရှုချင်း၏ ယာဉ်တန်းမှ လူအားလုံး ထိတ်လန့်အံ့အားသင့်သွားကြသည်။ ဤအဆင့်မြင့် ဂတ်တလင်သေနတ်သည် မည်သည့်ယာဉ်တန်းအတွက်မဆို အခြေနေကိုပြောင်းလဲစေသည့် လက်နက်တစ်ခုဖြစ်ပြီး အလယ်အလတ်မှ အကြီးစားအဖွဲ့များသာ ပုံမှန်အားဖြင့် ဝယ်ယူနိုင်သော အရာဖြစ်သည်။
သို့သော် လင်းရှန်သည် ၎င်းကို လက်တစ်ချက်ဝှေ့ယမ်းရုံဖြင့် ဖန်တီးလိုက်သည် လူအားလုံးကို လုံးဝထိတ်လန့်အံ့အားသင့်စေသည်။
“ဝါး”
လို့ရှားရှားနှင့် လုရှင်းချန်တို့သည် မျက်လုံးများ ပြူးကျယ်လျက် မယုံကြည်နိုင်စွာ အံ့အားသင့်သွားကြသည်။ လို့ဟွာလည်း ထပ်တူထိတ်လန့်နေပြီး ထိုလက်နက်ကို ကောက်ယူလိုက်သည်။
လေးလံသည့် ပြောင်းဆယ့်ခြောက်ခု မျက်နှာစာသည် ပျက်စီးစေနိုင်သော အငွေ့အသက်ကို ထုတ်လွှတ်နေသည်။ လို့ဟွာ၏ တံတိုင်းတစ်ခုပမာ ကိုယ်လုံးကိုယ်ထည်နှင့် ပေါင်းစပ်လိုက်သောအခါ သူသည် ယခု မတားဆီးနိုင်သော စစ်နတ်ဘုရားတစ်ပါးအလား ထင်ရှားလာသည်။
“အကို ဒါက မယုံနိုင်စရာပဲ”
“ဟီးး”
လို့ဟွာသည် နှုတ်ခမ်းကို လျှာဖြင့် သပ်လိုက်ပြီး၊ ဧရာမလက်နက်ကို သဘောကျစွာ ကိုင်ထားသည်။ သူသည် လင်းရှန်ထံသို့ လှည့်ကာ “အစ်ကိုရှန် ကျေးဇူးပဲ”
“ဘာကို ကျေးဇူးတင်နေတာလဲ”
လင်းရှန်က အနန္တရထားဆီသို့ လက်ဟန်ပြလိုက်ပြီး “အခုဆို ငါတို့မှာ အချိန်ရှိပြီဆိုတော့ ငါတို့ရဲ့ ရထားခံစစ်ကို သေသေချာချာ အဆင့်မြှင့်တင်ရမယ်။ လိုအပ်တဲ့နေရာမှာ လက်နက်တွေ တပ်ဆင်ရမယ်၊၊ ရထားတွဲတွေကို လိုအပ်သလို ပြန်လည်ပြုပြင်ရမယ်။ လူအများကြီးနဲ့ ခရီးသွားရမှာမို့ နေထိုင်မှုအခြေအနေတွေက ထိပ်တန်းဖြစ်ရမယ်”
“ဟုတ်တယ်”
ကီကီ၏ မျက်နှာသည် စိတ်လှုပ်ရှားမှုဖြင့် တောက်ပလာသည်။
“အတွဲ ၂ လည်း အဆင့်မြှင့်ဖို့ လိုတယ်”
“ခေါင်းဆောင်လင်း”
ရှုချင်း၏ မျက်နှာထားသည် မျှော်လင့်ချက်များဖြင့် ပြည့်နှက်နေသည်။
“အမိန့်ပေးရုံပဲ၊ ငါတို့က နင့်ရဲ့ ဦးဆောင်မှုကို လိုက်နာမယ်”
လင်းရှန်က ခေါင်းညိတ်သည်။
“ဒီယာဉ်တွေထဲက အသုံးဝင်တဲ့အရာအားလုံးကို စုဆောင်းပါ၊၊ မင်းတို့ရဲ့ ထောက်ပံ့ပစ္စည်းတွေလည်း အပါအဝင်ပဲ။ ဆရာမချန်ကို အားလုံးကို စာရင်းပြုစုခိုင်းပါ”
“ဟုတ်ကဲ့၊ အခုပဲ စီစဉ်လိုက်မယ်”
လင်းရှန်သည် လုရှင်းချန်ထံသို့ လှည့်သည်။
“မီးနတ်ဘုရား၊ လက်သမားစွမ်းရည်ရှိတဲ့ လူတစ်ချို့ကို ခေါ်ပြီး အကောင်းဆုံး အပေါ်စီးနေရာတွေမှာ ကင်းစင်တွေ တည်ဆောက်ပေးပါ။ ဖုတ်ကောင်တွေ ဒါမှမဟုတ် တခြားခြိမ်းခြောက်မှုတွေကို တွေ့ရင် ချက်ချင်း ဖယ်ရှားပစ်လိုက်”
“ပြဿနာမရှိဘူး”
လုရှင်းချန်က ဂုဏ်ယူစွာ ပြုံးလိုက်သည်။
“ငါ့ကို လွှဲထားလိုက်”
“လို့ဟွာ၊ ရှားရှား မင်းတို့နှစ်ယောက်က လက်နက်တွေနဲ့ ခဲယမ်းတွေကို ကိုင်တွယ်ပါ”
လင်းရှန်က အပြင်နေရာတစ်ခုကို ညွှန်ပြသည်။
“အဲဒီမှာ ငါတို့ရဲ့ လက်နက်အင်အားကို စုစည်းပါ”
“ကောင်းပြီ အစ်ကိူရှန်”
“ဟုတ်”
လို့ရှားရှားသည် စိတ်အားထက်သန်လျက်ရှိသည်။
“ကျန်တဲ့သူအားလုံး၊ ခရီးသည်တင်ရထားတွဲတွေကို ရှင်းလင်းဖို့ ငါ့ကို ကူညီပေးပါ။ ကီကီ၊ ဆရာမချန် ရထားရဲ့ ဒီဇိုင်းကို ပြန်ပြုပြင်ကြမယ်”
“ဟုတ်ကဲ့”
ကီကီနှင့် ချန်ဆီရွှမ်တို့က တစ်ညီတစ်ညွတ်ထဲ တုံ့ပြန်သည်။
လင်းရှန်သည် အနန္တရထားကို ကြည့်လိုက်သည်။ ယခုအခါ သူ့ထံတွင် လူအင်အား၊ အချိန်နှင့် သင့်လျော်သော အလုပ်ရုံနေရာရှိပြီဖြစ်ရာ ဤရွှေရောင်အခွင့်အရေးကို သူ ဖြုန်းတီးမည်မဟုတ်ပေ။
သူ၏ အမိန့်အောက်တွင် အဖွဲ့တစ်ခုလုံးသည် လှုပ်ရှားလာသည်။
သူ၏ အစီအစဉ်မှာ ပထမဦးစွာ တိုက်ခိုက်ရေးရထားတွဲများကို တည်ဆောက်ရန် ရထားတွဲတံခါးများကို အားဖြည့်ရန်၊ မြှင့်တင်နိုင်သော ပလက်ဖောင်းများကို တပ်ဆင်ရန်နှင့် ရထားကို ပြင်ပလျှပ်စစ်ဓားသွားကာကွယ်ရေးစနစ်၊ ကင်းစနစ်နှင့် 1130CIWS (အနီးကပ်လက်နက်စနစ်) တို့ဖြင့် တပ်ဆင်ရန်ဖြစ်သည်။
အမှတ် ၂ ရထားတွဲအတွင်း၌ လင်းရှန်၊ ကီကီနှင့် ချန်ဆီရွှမ်တို့သည် ကွန်ပျူတာတစ်လုံးအနီးတွင် စုဝေးနေပြီး ရထားရဲ့ ဒီဇိုင်းကို လေ့လာနေကြသည်။
“ဝေးလ် 03E ဂတ်စ်တာဘိုင်ရထားအင်ဂျင်က ဦးဆောင်အင်ဂျင်အဖြစ် ဆက်လက်ရှိနေမယ်၊ Geimini 11R နျူကလီးယားလျှပ်စစ်ရထားအင်ဂျင်က နောက်ဆုံးအင်ဂျင်အဖြစ် ဆက်လက်ရှိနေမယ်။ အဲဒါတွေက မပြောင်းလဲဘူး”
ကီကီက မျက်နှာပြင်ပေါ်ရှိ ရထားရဲ့ အကြမ်းဖျင်း 3D မော်ဒယ်ကို ညွှန်ပြသည်။
“ဒါပေမယ့် ကျွန်မတို့မှာ ဖြေရှင်းရမယ့် အဓိကပြဿနာနှစ်ခုရှိတယ်”
သူမက မျက်နှာပြင်ကို ထိလိုက်သည်။
“ပထမအချက်က၊ နျူကလီးယားရထားအင်ဂျင်ရဲ့ ထိန်းချုပ်ရေးစနစ်ကို ကျွန်မရဲ့ အတွဲနဲ့ ချိတ်ဆက်ဖို့ လိုတယ်။ ဒီလိုဆိုရင် ရထားတစ်ခုလုံးရဲ့ လည်ပတ်မှုကို ကျွန်မက စောင့်ကြည့်နိုင်မယ်။ ကင်းစငါ်နဲ့ ရေဒါစနစ်တွေကို ရထားရဲ့ ရေ၊ လေ၊ အပူ၊ လျှပ်စစ်နှင့် ဆက်သွယ်ရေးစနစ်တွေနဲ့ ပေါင်းစည်းမယ်။ ဒါပြီးရင်— အနန္တရထားက ခေတ်မှီအဆင့်ရထားဖြစ်လာမယ်”
“ဒုတိယပြဿနာကရော”
“လက်နက်အင်အားပေါ့ သိသာတယ်လေ”
ကီကီက ပြုံးစစဖြင့် နောက်ဆုံးရထားတွဲကို ညွှန်ပြသည်။
“ရထားတွဲ ငါးတွဲထပ်တိုးလာတာနဲ့ စုစုပေါင်း ဆယ့်နှစ်တွဲရှိမယ်။ တိုက်ပွဲတွေမှာ လက်ကိုင်စကားပြောစက်တွေနဲ့ ရှေ့နောက်ပြေးနေဖို့ မတတ်နိုင်ဘူး။ ပြီးတော့ နျူကလီးယားရထားအင်ဂျင်ကို ကောင်းကောင်းကာကွယ်ထားရမယ်।၊ဒါကြောင့် အမှတ် ၁၂ ရထားတွဲကို လက်နက်စခန်းအဖြစ် ပြောင်းလဲသင့်တယ်လို့ ကျွန်မထင်တယ်။ ရှင်စီစဉ်နေတဲ့ 1130 CIWSကို အဲဒီမှာ တပ်ဆင်သင့်တယ်”
လင်းရှန်က ခေါင်းညိတ်သည်။ ကီကီ၏ အကြံသည် သူ၏ အစီအစဉ်နှင့် အပြည့်အဝ ကိုက်ညီနေသည်။
“အဲဒါက ငါ့အစီအစဉ်အတိုင်းပဲ။ လူတွေ ထပ်တိုးလာရင် နျူကလီးယားစွမ်းအားရထားတွဲကို မလိုအပ်ရင် ပိတ်ထားသင့်တယ်။ အမှတ် ၁၂ ရထားတွဲကို ကာကွယ်ရေးတွဲအဖြစ် ပြောင်းလဲလိုက်ရင် စွမ်းအားစနစ်ကို ကာကွယ်နိုင်မယ်”
“ထပ်တိုးကာကွယ်ရေးတွေ ထည့်သင့်လား၊ နဂါးတောင်အမှတ် ၁ လိုမျိုး”
ချန်ဆီရွှမ်က အကြံပြုသည်။
“မနေ့ညက အဲဒီရထားရဲ့ အပြင်အဆင်ကို ကြည့်ခဲ့တယ်—သူတို့ရဲ့ လက်နက်အင်အားနဲ့ လေကြောင်းရန်ကာကွယ်ရေးတွေက ရထားတစ်ခုလုံးတစ်လျှောက် ညီညီညာညာ ဖြန့်ကျက်ထားပြီး အားလုံးကို လွှမ်းခြုံထားတယ်”
“အင်း ကောင်းတဲ့အချက်ပဲ။ အဲဒီလိုလုပ်ကြမယ်” လင်းရှန်က သဘောတူသည်။
“အမှတ် ၅ ရထားတွဲကို ပြောင်းလွှဲနိုင်တဲ့ ကာကွယ်ရေးယူနစ်အဖြစ် သတ်မှတ်မယ်၊ အမိုးပေါ်မှာ ဂတ်တလင်သေနတ်တစ်လက်ပစ်စင်နဲ့ ကာကွယ်သူတွေအတွက် ဝင်ရောက်နိုင်တဲ့ နေရာတစ်ခု ထည့်မယ်။ လို့ဟွာနဲ့ လုရှင်းချန်က အလယ်ပိုင်းကို ထိန်းထားနိုင်တယ်”
“ခဏလေး၊ ဘယ်လို”
ကီကီ၏ မျက်လုံးများ ပြူးကျယ်လာသည်။
“ရှင်က 1130 CIWS တစ်ခုထပ်လုပ်မယ်လို့ ကျွန်မထင်ခဲ့တာ”
လင်းရှန်က သူမကို ငတုံးတစ်ယောက်လို ကြည့်လိုက်သည်။
“မင်းက ငါ့ကို လမ်းလျှောက်နေတဲ့ လက်နက်စက်ရုံလို့ ထင်နေတာလား၊၊ ဒါတစ်ခုလုပ်ဖို့တောင် ပြုပြင်ရေးဆိပ်ကမ်းရဲ့ ပစ္စည်းတွေ အကုန်လုံးကုန်သွားနိုင်တယ်။ မင်းက နှစ်ခုလိုချင်တယ်ပေါ့”
ကီကီက လျှာထုတ်ပြရင်း သူ့ကို ခိုးကြည့်သည်။
“ရှင့်မှာ ပစ္စည်းတွေ အဲဒီလောက် နည်းနေတာလား”
လင်းရှန် “….”
ဘာလို့ အဲဒီစကားက ထူးဆန်းနေတာလဲ၊၊
“စကားမစပ်”
ကီကီက ရထားရဲ့ အမိုးကို ညွှန်ပြသည်။
“ရှင်က အမှတ် ၂ ရထားတွဲကို လက်နက်တပ်ဆင်မယ်လို့ ကတိမပေးခဲ့ဘူးလား”
“အဲဒါက ငါရဲ့ အစီအစဉ်ပဲ”
လင်းရှန်က ခေါင်းညိတ်သည်။
“ရှေ့ပိုင်းမှာ G3 လျှပ်စစ်သံလိုက်အမြောက်နဲ့ ကျည်ကာသေနတ်ပစ်စင်ကို တပ်ဆင်မယ် ဒါပေမဲ့..”
“တကယ်လား”
ကီကီ၏ မျက်လုံးများ တောက်ပလာပြီး၊ သူမသည် ထိုင်ခုံပေါ်မှ ခုန်ထွက်လုနီးပါး ဖြစ်သွားသည်—သူမ၏ မျက်နှာထားသည် ရုတ်တရက် ပြောင်းလဲသွားသည်။ သူမက လင်းရှန်ကို မျက်လုံးများကို ကျဉ်းကာ ကြည့်ရင်း
“ခဏလေး…ဒါပေမယ့်ဆိုတာက ဘာလဲ”
လင်းရှန်က ပြုံးလိုက်သည်။
“ဒါပေမယ့်…”
“အခုအချိန်မှာ ကျည်ကာသေနတ်ပစ်စင်ကိုပဲ တပ်ဆင်နိုင်မယ်။ လျှပ်စစ်အမြောက်က စောင့်ရမယ်—အဲဒါက ရှားပါးတဲ့ ပစ္စည်းတွေ လိုအပ်တယ်၊ အခုတော့ ငါ့မှာ အဆင့်မြင့်ပစ္စည်းတွေ လုံလောက်မှု မရှိသေးဘူး”
ထုတ်လုပ်ရေးစင်တာရှိရင်တောင် အဆင့်မြင့်ပစ္စည်းများသည် အဓိကအတားအဆီးတစ်ခုဖြစ်နေဆဲဖြစ်သည်။ အဆင့်နိမ့်ပစ္စည်းများကို ပြောင်းလဲနိုင်သော်လည်း ထိုလုပ်ငန်းစဉ်သည် ထိရောက်မှုနည်းပြီး နှေးကွေးသည်။ လျှပ်စစ်သံလိုက်အမြောက်အတွက် လိုအပ်သမျှကို စုဆောင်းရန် အချိန်အနည်းငယ် ကြာဦးမည်ဖြစ်သည်။
“ပြီးတော့”
လင်းရှန်က ပခုံးတွန့်လိုက်သည်။
“အမှတ် ၂ ရထားတွဲမှာ လျှပ်စစ်အမြောက်ကို တပ်ဆင်လိုက်ရင် မင်းတို့ရဲ့ နေရာကို ထိခိုက်လိမ့်မယ်။ ဒီအရာက အရွယ်အစားကြီးတယ်၊၊ လုံခြုံရေးအတွက် သူ့မှာ အဖွင့်အပိတတ် ပလက်ဖောင်းတစ်ခုနဲ့ စွမ်းအားမြင့်ကာပါစီတာမော်ဂျူးတစ်ခု ထည့်သွင်းထားရမယ်။ အဲဒါက နေရာအများကြီး ယူလိမ့်မယ်”
“အဲ့ဒါ ဘာဖြစ်လဲ”
ကီကီက ထိုင်ခုံပေါ်မှ လုံးဝအေးဆေးစွာ ပြန်ဖြေသည်။
“ရှားရှားနဲ့ ငါက နှစ်ထပ်အိပ်စင်မှာ အိပ်ရုံပဲ။ ဒီရထားတွဲက အများစုက ဗလာပဲ။ တွဲတစ်တွဲချင်းစီက မီတာ ၃၀ နီးပါးရှည်တယ်—ဒီနေရာအားလုံးကို ငါတို့ မလိုအပ်ဘူး”
သူမက လင်းရှန်ကို မျက်စောင်းထိုးကြည့်သည်။ “လူတိုင်းက ရှင်တို့နှစ်ယောက်လို အမြဲတမ်း အသစ်ဆန်းတီထွင်နေတာ မဟုတ်ဘူးလေ”
ချန်ဆီရွှမ်သည် ကီကီက ရုတ်တရက် ထပြီး ထူးထူးဆန်းဆန်း ပြောလိမ့်မည်ဟု မမျှော်လင့်ထားရာ၊ ချက်ချင်း မျက်နှာနီရဲသွားသည်။
“နင် ဘာတွေပြောနေတာလဲ ငါတို့ ဒီမှာ ကိစ္စကြီးတွေကို ဆွေးနွေးနေတာ…”
လင်းရှန်က ရယ်မောလိုက်သည်။
“ကောင်းပြီ၊ ဒါဆိုရင် အမှတ် ၂ ရထားတွဲမှာ အားလုံးကို တပ်ဆင်မယ်—ဆာဗာဗဟိုဌာန၊ ဒရုန်းထိန်းချုပ်ရေး၊ ကင်းစင်စနစ်နဲ့ နျူကလီးယားရထားအင်ဂျင် စောင့်ကြည့်ရေး။ အခု ပျော်သွားပြီလား”