အရည်အချင်းမပြည့်မီဘူး

ကျုံးရှင်မြို့ဝန်ပြန်ရောက်သည့်နေ့သည် သုံးရက်မြောက်နေ့ဖြစ်နေပြီဖြစ်သည်။

ချူးယွင်ဖန်း၏ တိုက်ခိုက်ရေးစွမ်းအားသည် ရွှေအမတေ ထက်ဝက်အဆင့်သို့ပင် ပြန်လည်ရောက်ရှိသွားခဲ့သည်။ နေအိမ်ခြံဝင်းအတွင်း အသက် ၅၀ မှ ၆၀ ဝန်းကျင်ရှိ ဇိမ်ခံဝတ်စုံဝတ် အမျိုးသားတစ်ဦးသည် စာဖတ်ခန်းတွင် ထိုင်ကာ စာရွက်စာတမ်းများကို ကိုင်ဆောင်ထားသည်။

ဤလူသည် မဟာဝေ့ပြည်ထောင်မှ ကျုံးရှင်မြို့ဝန်ဖြစ်သူ ချူးယောင်ဝေ့မှတပါး အခြားသူမဟုတ်ပေ။ သူ့နောက်တွင် အသက်လေးဆယ်ကျော်အရွယ်ရှိပုံရသော စတုရန်းပုံစံမျက်နှာမျိုးရှိသည့် အမျိုးသားတစ်ဦးရှိနေသည်။ ချူးယောင်ဝေ့၏ နော်တွင် သူသည် သစ်သားတုံးကဲသို့ မလှုပ်ဘဲ ရပ်နေ၏။ ရုတ်တရက် အပြင်ဘက်မှ ခြေသံများထွက်လာသည်။

"ချူးယွင်ဖန်းက တွေ့ဖို့တောင်းဆိုပါတယ်”

"အထဲဝင်ပါ။" ချူးယောင်ဝေ့က ခေါင်းကို မော့လိုက်သည်။

အရပ်ရှည်ရှည်သွယ်သွယ်နှင့် အနက်ရောင်ကို ၀တ်ဆင်ထားသော လူသည် ဖြည်းညှင်းစွာ ဝင်လာသည်။ ၎င်းသည်ကား ချူးယွင်ဖန်းပင်ဖြစ်သည်။

“မင်္ဂလာပါ ကျုံးရှင်မြို့ဝန်” ချူးယွင်ဖန်းက မျက်နှာတည်ဖြင့် ဦးညွတ်လိုက်သည်။

“ထိုင်” ချူးယောင်ဝေ့က ပြော၏။

ချူးယွင်ဖန်းက မငြင်းဘဲ ထိုင်လိုက်သည်။ သူသည် ချူးယောင်ဝေ့၏ မျက်လုံးများကို လှမ်းကြည့်ကာ မည်သည့်အမူအရာမျှမပြပေ။

“ချူးယွင်ဖန်း ဒီအချိန်အတွင်း မင်းအများကြီးလုပ်ခဲ့တာပဲ” ချူးယောင်ဝေ့က ချူးယွင်ဖန်းကို ပြုံး၍ ပြောလိုက်သည်။

သို့သော်လည်း သူသည် ချူးယွင်ဖန်းကို လျှော့တွက်နေဆဲဖြစ်သည်။ ချူးယွင်ဖန်းသည် သူနှင့်ရင်ဆိုင်ရသောအခါ အနည်းငယ်မျှ ကြောက်ရွံ့ခြင်းမရှိပေ။ ချူးယွင်ဖန်းက ယဉ်ယဉ်ကျေးကျေး ပြုမူရသည့် အကြောင်းရင်းမှာ နေအိမ်မှ သူ့ကို ခေါ်ဆောင်လာသည့်အတွက် ကျေးဇူးတင်ရှိခြင်းကြောင့် ဖြစ်သည်။

"ခင်ဗျား ဘာကိုဆိုလိုချင်တာလဲ ကျွန်တော်သိလို့ရမလား” ချူးယွင်ဖန်းက မေးသည်။

"ချူးရှို့ကျဲက ချူးဟုန်ချိုင်ကို ရှုံးနိမ့်ခဲ့တာကို ငါကြားတယ်" ချူးယောင်ဝေ့က တည်ငြိမ်စွာပြောသည်။

ကိုယ်စားလှယ်လောင်းတွေကြားက ဖွဲ့ထားသော ဂိုဏ်းများအကြောင်း သူ လုံးဝမသိပေ။ တကယ်တမ်းတွင် သူသည် ဤအရာကို မြင်ကာ ပို၍ပင် ဝမ်းသာ၍ တစ်ဖက်မှ ထောက်ပံ့ပေးခဲ့သည်။ ၎င်းသည် နေထိုင်ရာ မိသားစုစီးပွားရေးကို အမွေဆက်ခံရန် ဤလူများကြားတွင် အသန်မာဆုံးသူကို ရွေးချယ်ကာ ကပ်ပါးတစ်ကောင်ကို မွေးမြူခြင်းနှင့် တူသည်။

ယုတ်မာသော လှုပ်ရှားမှုတစ်ခုဖြစ်သော်လည်း အခြားနည်းလမ်းမရှိပေ။

"ဟုတ်တယ်" ချူးယွင်ဖန်းက တည်ငြိမ်စွာပြောသည်။

"မင်းက ချူးဟုန်ချိုင်ကို လေ့ကျင့်ပေးတဲ့သူတစ်ယောက်ဆိုတာလည်း ငါကြားတယ်။" ချူးယောင်ဝေ့က ဆက်မေးသည်။

"ဒါက သူ့အလုပ်ကြိုးစားမှုပါ” ချူးယွင်ဖန်းက မခန့်လေးစားလုပ်ခြင်း သို့မဟုတ် အလွန်ဖားလျားခြင်း အစရှိသည့် အမူအရာများမပါသော မျက်နှာဖြင့်ပြောသည်။

“ကျွန်တော် သူ့ကို လမ်းညွှန်ချက်နည်းနည်းပေးရုံပါ”

ချူးယောင်ဝေ့၏ မျက်နှာကြွက်သားများ လှုပ်ယမ်းသွားသည်။ သူသည် စားပွဲကို လှန်ပစ်ချင်စိတ်ပင်ပေါက်နေသည်။ မွေးဖွားခြင်းနယ်မြေအဆင့် ကျွမ်းကျင်သူတစ်ဦးအား တစ်လအတွင်း နတ်အဆင့်သို့ ဖြတ်ကျော်နိုင်စေရန်၊ ၎င်းသည် ပေါ့ပေါ့ပါးပါး လမ်းညွှန်တစ်ခုသာ ဖြစ်ပါက၊ သူ၌ရှိသမျှကို ပေးကမ်းခြင်း၏ အဓိပ္ပါယ်မှာ အဘယ်နည်း။

သို့သော် ချူးယောင်ဝေ့သည် သူ့အမူအရာကို လျင်မြန်စွာ ထိန်းချုပ်လိုက်သည်။ သူသည် ချူးယွင်ဖန်း၏ သဘောထားကို အသားကျနေပြီဖြစ်သည်။ တကယ်တမ်းတွင် ချူးယွင်ဖန်းက ဤသို့လုပ်ရုပ်မျိုးလုပ်သည်မှာ ပထမဆုံးအကြိမ်မဟုတ်ပေ။ အချိန်တိုင်း ဤသို့ပင်ဖြစ်သည်။ သူသည် ချူးယောင်ဝေ့ကိုယ်တိုင်နှင့် တန်းတူညီမျှ ရပ်တည်နိုင်သကဲ့သို့ နှိမ့်ချမှု၊ သည်းမခံနိုင်မှုလည်း မရှိပေ။ သူ့တွင် ချွန်ထက်သော အစွန်းများ ရှိသော်လည်း ၎င်းကို ထုတ်ဖော်ပြောဆိုခြင်း မရှိပေ။

ချူးယောင်ဝေ့သည် ကောင်လေးနှင့် ငြင်းခုံခြင်းသည် အဓိပ္ပါယ်မရှိဟု ယူဆသောကြောင့် ချူးယွင်ဖန်းနှင့် ငြင်းခုံရန် မလိုလားပေ။ ထို့အပြင် မိခင်ဖြစ်သူက သိရှိပါက ပြစ်တင်ရှုတ်ချခြင်းခံရမည်ဖြစ်သည်။

ထို့အပြင် ကွယ်လွန်သူ၏အစ်ကိုနှင့် အလွန်ဆင်တူသော ဤလူကို သူအနည်းငယ် သည်းခံခဲ့သည်။

သို့သော် ချူးယွင်ဖန်းကို သူဘယ်သောအခါကမျှ နားမလည်ကြောင်း သဘောပေါက်သွားရသည်။

ချူးဟုန်ချိုင်သည် ညွှန်ပြချက်အနည်းငယ်မျှဖြင့် ခုန်ပျံကျော်လွှားသွားခဲ့သည်။ ချူးယွင်ဖန်း၌ ဤကဲ့သို့ အားသာချက်များရှိလိမ့်မည်ဟု သူ ဘယ်သောအခါကမျှ မယုံကြည်ခဲ့သော်လည်း တကယ်တမ်းတွင် သူ ထိုသို့လုပ်နိုင်ခဲ့သည်။ အချိန်တိုင်း ယင်းကို ဖုံးကွယ်ထားခဲ့ခြင်းမျှသာဖြစ်ခဲ့၏။

ချူးယွင်ဖန်းသည် အမွေဆက်ခံရန် အမှန်တကယ် စိတ်မဝင်စားခဲ့ပေ။

"မင်းက ချူးဟုန်ချိုင်က အမွေဆက်ခံသူ ရာထူးကို ထွက်လာဖို့ လမ်းညွှန်ခဲ့တာပဲ မဟုတ်လား၊ ဘာလို့လဲ၊ မင်း လုံးဝ စိတ်မဝင်စားဘူးလား" ချူးယောင်ဝေ့က မေးသည်။

ချူးဟုန်ချိုင်က ရာထူးအတွက် တိုက်ပွဲဝင်ရန်အတွက် တွေးခြင်းမှာ တစ်စုံတစ်ရာ အမှားအယွင်းမရှိဟု သူမထင်ခဲ့ပေ။ ယောက်ျားတစ်ယောက်အတွက် ရည်မှန်းချက်ရှိရန်မှာ ကြောက်မက်ဖွယ်မကောင်းပေ။ ကြောက်မက်ဖွယ်ကောင်းသည်မှာ ၎င်းတို့၏ အရည်အချင်းနှင့်ရည်မှန်းချက်က မတူညီသောအချိန်တွင်သာဖြစ်သည်။

အကယ်၍ ချူးဟုန်ချိုင်သည် မွေးဖွားခြင်းနယ်မြေသတ္တမအဆင့်တွင်သာ ချူးယောင်ဝေ့သည် သူ့ကို နောက်ဆုတ်ရန် အော်ဟစ်နေပေလိမ့်မည်။ သို့သော်၊ သူသည် နတ်အဆင့်သို့ တက်လှမ်းနေပြီဖြစ်သောကြောင့်၊ ၎င်းသည် ကွဲပြားသည်။

"ကျွန်တော်က အရည်အချင်းမရှိသလို အတွေ့အကြုံမရှိသူပါ။ ကျုံးရှင်မြို့ဝန်နေရာအတွက် ယှဉ်ပြိုင်ဖို့ အရည်အချင်းမရှိမှာကို စိုးတယ်” ချူးယွင်ဖန်းကပြောသည်။

“ဒါက မမှန်ဘူး” ချူးယောင်ဝေ့က သေချာစွာပြောသည်။

ချူးယွင်ဖန်းသည် သူ့တွင် အရည်အချင်းနှင့် အသိပညာနည်းပါးသည်ဟု ထင်သောကြောင့် ယှဉ်ပြိုင်ရန် ထွက်လာခြင်းမဟုတ်ကြောင်း သူပြောနိုင်သည်။ ဤကဲ့သို့ အေးဆေးတည်ငြိမ်သော ယုံကြည်မှုမျိုးသည် ကိုယ့်ကိုယ်ကိုယ် ယုံကြည်မှု လွန်ကဲသူများသာ ရရှိနိုင်သည့်အရာဖြစ်သည်။

ယုံကြည်ချက်ရှိသော်လည်း ထက်မြက်မှုမရှိခြင်းသည် လူများစွာ မလုပ်နိုင်သော အရာဖြစ်သည်။

အထူးသဖြင့် ချူးယွင်ဖန်းကဲ့သို့သော လူငယ်များအတွက် ဤသည်မှာ မှန်သည်။ ၎င်းတို့သည် ယုံကြည်မှုမရှိ၊ သို့မဟုတ် ယုံကြည်မှုရှိလျှင် မာနထောင်လွှားကြလိမ့်မည်။ အချို့သောအတိုင်းအတာအထိ၊ မာနကြီးခြင်းသည် ငယ်ရွယ်သောစိတ်အားထက်သန်မှုဖြင့် လူလတ်ပိုင်းနှင့် သက်ကြီးရွယ်အိုများ မလုပ်ဆောင်နိုင်သော အရာများစွာကို မကြာခဏပြုလုပ်နိုင်သောကြောင့် မောက်မာခြင်းသည် မကောင်းသောအရာမဟုတ်ပေ။

သို့သော်၊ ဤအရာက ချူးယွင်ဖန်းကဲ့သို့ တစ်စုံတစ်ယောက်အတွက် မည်မျှ ရှားပါးကြောင်းကို ပို၍ပင် ထင်ရှားလာစေသည်။

ချူးယွင်ဖန်းသည် ချူးယောင်ဝေ့က မည်သို့တွေးနေသည်ကိုမသိပေ။ သူသိခဲ့လျှင်ပင် အလေးအနက်မထားပေ။ သူသည် မုန်တိုင်းများစွာကိုမြင်တွေ့ခဲ့ရကာ ကမ္ဘာ့ထိပ်တွင် ရပ်တည်နေခဲ့သည်။ အမွေဆက်ခံသူ ရာထူးက သူ့ကို ကြီးကြီးကျယ်ကျယ် စိတ်ရှုပ်စေမည်မဟုတ်ပေ။

သို့သော် ချူးယောင်ဝေ့က ထိုကဲ့သို့ပြောပြီးနောက် ချူးယွင်ဖန်းသည် ၎င်းကို မဖုံးကွယ်တော့ဘဲ ပြောလိုက်သည်။

"အမွေဆက်ခံသူဖြစ်လာတာက ကျွန်တော့်အတွက် ကန့်သတ်ချက်တစ်ခုပဲ။ ကျွန်တော့် ရည်မှန်းချက်က သိုင်းပညာရဲ့ အထွတ်အထိပ်ကိုရောက်ဖို့ပဲ”

"မင်းဘယ်လိုသတ္တိရှိလဲ" ချူးယောင်ဝေ့က အော်ပြောလိုက်သည်။

သူ့မျက်လုံးများသည် နားမလည်နိုင်သော အလင်းရောင်များဖြင့် တလက်လက်တောက်ပနေသည်။

လူအမြောက်အမြားက ယှဥ်ပြိုင်ချင်သော်လည်း အရည်အချင်းမပြည့်မီသည်ကို သိထားသင့်သည်။

ယှဉ်ပြိုင်ရန် အရည်အချင်းပြည့်မီသူများသည်လည်း ခေါင်းများသွေးထွက်သည်အထိ တိုက်ပွဲဝင်ခဲ့ကြသည်။ တစ်ဖက်တွင်မူ ချူးယွင်ဖန်းက ၎င်းအား ကန့်သတ်မှုတစ်မျိုးအဖြစ် မှတ်ယူခဲ့သည်။

သူ့ရှေ့တွင် မည်သူမျှ ဤမျှ မပြောရဲပေ။

"ကျွန်တော် အမှန်တိုင်းပြောနေတာ။ ခင်ဗျားတို့က အာဏာက အရာရာလို့ ထင်ကြပေမယ့် ခွန်အားက အရာအားလုံးလို့ ကျွန်တော် ထင်တယ် ကျွန်တော့် ခွန်အားနဲ့ မြို့စားနေရာကို ရဖို့ မခက်ပါဘူး”

ချူးယွင်ဖန်းက တိုက်ရိုက်ပြောခဲ့သည်။

"သခင်၊ သူက အရမ်းယုံကြည်မှု ရှိတယ်။ ဘာလို့သူ့စကားနားမထောင်ကြည့်တာလဲ"

ထိုအချိန်တွင် ချူးယောင်ဝေ့၏ နောက်ကွယ်မှ လူလတ်ပိုင်းအရွယ် အမျိုးသားသည် မတ်တပ်ထရပ်ကာ စကားစလိုက်သည်။

"မဟာဝေ့ပြည်ထောင်ရဲ့ မြို့စားဖြစ်လာဖို့ မလွယ်ဘူး"

"ကောင်းပြီ ဝမ်ကျန်းရှီ ဆက်ပြောပါ" ချူးယောင်ဝေ့ကပြောသည။

မူလက ချူးယွင်ဖန်းသည် သူ့အစီအစဉ်တွင်မရှိခဲ့သည့်အပြင် ကိုယ်စားလှယ်လောင်းများစာရင်းတွင်မပါခဲ့ပေ။ ယခုမူ ချူးယွင်ဖန်းသည် သူ၏ အလားအလာကို ပြသခဲ့သဖြင့် ချူးယောင်ဝေ့က ထိုသို့ စွန့်လွှတ်ရန် အနည်းငယ် တွန့်ဆုတ်နေခဲ့သည်။

သူ့အမြင်အရ ချူးယွင်ဖန်း၏ တွေးခေါ်ပုံမှာ ကလေးဆန်လွန်းသည်။ ငယ်စဥ်က လူတိုင်းက ကမ္ဘာကြီးကို ပြောင်းလဲပစ်နိုင်သည်ဟု ထင်ခဲ့ကြသော်လည်း ကိုယ့်ကိုယ်ကိုယ်ပင် မပြောင်းလဲနိုင်ကြပေ။

လူလတ်ပိုင်းအရွယ် ဝမ်ကျန့်ရှီသည် ရှေ့သို့ ခြေတစ်လှမ်းတိုးလိုက်သည်။ နတ်အဆင့်များအတွက် ထူးခြားသောဖိအားတစ်ခု ထွက်ပေါ်လာသော်လည်း ဝမ်ကျန့်ရှီက ၎င်းကို ကောင်းစွာထိန်းချုပ်ကာ ချူးယွင်ဖန်းဆီသို့ အားလုံးကို ချေမှုန်းပစ်လိုက်သည်။

ဝမ်ကျန့်ရှီသည် စင်စစ်အားဖြင့် အဋ္ဌမအဆင့် နတ်အဆင့်ဖြစ်သည်။ ထို့ကြောင့် နဝမအဆင့်သို့ရောက်ရန် ခြေတစ်လှမ်းသာဝေးသည်။ ထိုသို့သောလူသည် မဟာဝေ့ပြည်ထောင်၌ ရှားရှားပါးပါး ကျွမ်းကျင်သူဖြစ်သည်။

ချူးယွင်ဖန်းက ပြုံး၍ပြောလိုက်၏။

“ခင်ဗျားက ကျုပ်ကို အယုံသွင်းချင်တာလား။ အရည်အချင်းမပြည့်မီဘူး”