ယဲ့ရုန်ရှင်းရဲ့နိဂုံး
Vol. 35 Ch. 515
ယဲ့ရုန်ရှန်း ဒဏ်ရာအပြင်းအထန်ရပြီးနောက် သူ့ခွန်အားများ အလွန်နည်းသွားသည်ကို ခံစားလိုက်ရသဖြင့် လင်းဇီချန်သည် သူ့နှလုံးသားထဲတွင် ရင်ခုန်သံများ တဟုန်ထိုး တက်လာသည်ကို ခံစားလိုက်ရသည်။
တိုက်ပွဲတွင် သူ၏နောက်ထပ်လှုပ်ရှားမှုကို လျင်မြန်စွာဖြေရှင်းရန် သို့မဟုတ် တည်ငြိမ်သောတိုက်ပွဲတွင် ပါဝင်ရန်၊ အားလုံးပါဝင်ရန် အခြေအတင် ဆွေးနွေးနေချိန်တွင်၊
ဝှစ်
လေထုထဲတွင် ပေါက်ကွဲသံများ ထွက်ပေါ်လာသည်။ အသံတိတ်သွားသည့်အခိုက်တွင်၊ ယဲ့ရုန်ရှန်းသည် လင်းဇီချန်၏နောက်သို့ လျင်မြန်စွာျရာက်လာသည်။
အရမ်းမြန်လွန်းတယ်။
လင်ဇီချန်၏ အာရုံကြောများ ချက်ခြင်း တင်းမာလာကာ တုန်လှုပ်သွားသည်။ ပြင်းထန်သော ဒဏ်ရာများရှိထားသည့် ယဲ့ရုန်ရှန်းသည် ထိုကဲ့သို့ အရှိန်အဟုန်ပြင်းစွာ လှုပ်ရှားနိုင်မည်ဟု သူ မမျှော်လင့်ခဲ့ပေ။
တုန်လှုပ်သွားသော လင်းဇီချန်သည် သူ၏ သွေးစွမ်းအင်နှင့် ဝိဉာဉ်စွမ်းအင်ကို အထွတ်အထိပ်သို့ ရောက်စေကာ သူ့နောက်မှ ရုတ်တရက်ပေါ်လာသော ယဲ့ရုန်ရှန်း နှင့် အကွာအဝေးကို ဖန်တီးရန် အလျင်မြန်ဆုံး အရှိန်ဖြင့် ရှေ့သို့ သွားလိုက်သည်။
သူ အဝေးသို့ မရောက်ခင်တွင် သူ့နောက်မှ ကြောက်မက်ဖွယ် စွမ်းအင်အတက်အကျကို ခံစားလိုက်ရသည်။
စွမ်းအင်အတက်အကျရှိနေခြင်းသည် သူမျှော်လင့်ထားသည့်အရာဖြစ်သည်။
သို့သော် သူ့အား အံ့အားသင့်စေသည့်အရာမှာ အနောက်မှ ထွက်လာသော စွမ်းအင်လှိုင်းလုံးများက သူ့ဆီ ဦးတည်နေခြင်းမဟုတ်ပေ။
ထိုအချိန်တွင် သူ တစ်စုံတစ်ခုကို သဘောပေါက်သွားသည်။
ယဲ့ရုန်ရှန်း၏ ပစ်မှတ်သည် သူမဟုတ်ပေ။
သူ့နောက်မှ မြို့ခေါင်းဆောင်လေးယောက်ပင်ဖြစ်သည်။
ထို့ကြောင့် လင်းဇီချန်က ချက်ချင်း လှည့်ပြန်ကာ ယဲ့ရုန်ရှန်းကို မြို့ခေါင်းဆောင်လေးဦးနောက် မလိုက်ရန် တားရန် ဆုံးဖြတ်လိုက်သည်။
ကံမကောင်းစွာဖြင့် အချိန်က အလွန်နောက်ကျသွားခဲ့ပေသည်။
သူ လုံးဝလှည့်မကြည့်ရသေးချိန်တွင် ယဲ့ရုန်ရှန်းသည် မြို့ခေါင်းဆောင်လေးဦးအား သူ၏ရင်ဘတ်ပေါ်မှ ကွဲထွက်နေသော ဟင်းလင်းပြင်ကြီးထဲသို့ ရက်စက်စွာ ဝါးမြိုလိုက်သည်။
အစမှအဆုံး မြို့ခေါင်းဆောင်လေးဦးသည် အော်ဟစ်ရန်အခွင့်အရေးပင် မရှိခဲ့ဘဲ အသက်ရှင်လျက် ဝါးမြိုခြင်းခံလိုက်ရသည်။
ယဲ့ရုန်ရှန်းသည် မြို့ခေါင်းဆောင်လေးယောက်ကို ဝါးမြိုလိုက်ပြီးနောက် ယခင်ကကဲ့သို့ ဖြူဖျော့မနေတော့ဘဲ မျက်နှာတွင် အရောင်အနည်းငယ် ပြန်တက်လာသည်။
သို့သော် သူ၏ သွေးစွမ်းအားနှင့် ဝိညာဉ်ရေးစွမ်းအားသည် ဒဏ္ဍာရီအဆင့် အဋ္ဌမအဆင့်၌ ရှိနေဆဲဖြစ်သည်။
ဒဏ္ဍာရီအဆင့် ကျွမ်းကျင်ပညာရှင်လေးယောက်ကို ဝါးမြိုလိုက်သော်လည်း သူ့ခန္ဓာကိုယ် စွမ်းအင်ပြန်လည်ဖြည့်တင်းမှုအတွက် အသုံးမဝင်လှပေ။
သူ့ ခွန်အားကို ပြန်လည်ရရှိရန် ယင်းက မလုံလောက်ပေ။ အကောင်းဆုံးအနေဖြင့် ယင်းက သူ၏ ရုပ်ပိုင်းဆိုင်ရာ အခြေအနေကို အနည်းငယ် ပိုကောင်းလာစေရုံသာဖြစ်သည်။
"အခု ငါ့ကို အနှောက်အယှက်ပေးမယ့် ယင်ကောင်တွေ မရှိတော့ဘူး"
ယဲ့ရုန်ရှန်းက သွေးသံတရဲရဲ မျက်လုံးများကို ဖွင့်လိုက်ပြီးနောက် ခါးသက်စွာ ပြုံးလိုက်သည်။
"ဒါမှမဟုတ် မင်း သတ္တိရှိရင် မင်းကိုယ်တိုင်လည်း ဖျက်ဆီးဖို့ ရွေးချယ်နိုင်တယ်"
လင်းဇီချန်သည် မိမိကိုယ်မိမိ ဖျက်ဆီးပစ်ရန် လုံးဝမကြောက်ပေ။ ယခင်က မိမိကိုယ်ကို ဖျက်ဆီးခဲ့သော မြို့ခေါင်းဆောင်များသည် ၎င်းတို့၏ ဆင့်ကဲဖြစ်စဉ် အဆုံးတွင် ရှိနေပြီဖြစ်၏ အားလုံးနီးပါး သက်တမ်းမရှိတော့ပေ။ သို့သော် လင်းဇီချန်ကမူ မတူပေ။ အသက် ၂၀ သာရှိသေးသော ဤလူသည် ဒဏ္ဍာရီဆန်ဆန် မြင့်မားသော စွမ်းအားကို ပိုင်ဆိုင်ထားကာ ဆင့်ကဲဖြစ်စဉ် အလားအလာ အလွန်ကောင်းမွန်သဖြင့် တိုင်းတာ၍မရနိုင်ပေ။
မျှော်လင့်မထားသော ဆုတ်ယုတ်မှုများမရှိဘဲ၊ အကန့်အသတ်မရှိသော ရှေးဘိုးဘေးအဆင့်သို့ ပြောင်းလဲတိုးတက်ရန် ရာနှုန်းပြည့် အာမခံနိုင်သည်။
ထိုသို့သော အနာဂတ်အလားအလာ၊ ကမ္ဘာကို တုန်လှုပ်စေသော ဆင့်ကဲပြောင်းလဲနေသော ပါရမီရှင်တစ်ဦးသည် မိမိကိုယ်ကို ဖျက်ဆီးခြင်းဖြင့် အချည်းနှီး ပျက်သုဉ်းသွားလိုစိတ် ရှိမည်မဟုတ်ပေ။
"ဘာလို့ ကိုယ့်ကိုကိုယ် ဖျက်ဆီးရမှာလဲ"
လင်းဇီချန်သည် ပုံမှန်မဟုတ်သော အေးဆေးတည်ငြိမ်သောလေသံဖြင့် ယဲ့ရုန်ရှန်းကို လေးလေးနက်နက်ကြည့်ကာပြောလိုက်သည်။
"ခင်ဗျား အတိုက်ခိုက်မခံရခင်ကတော့ ခင်ဗျားက ကျုပ်ထက် နည်းနည်းတော့ အစွမ်းထက်နိုင်တယ်၊ ဒါပေမယ့် အခုချိန်မှာတော့ သမင်က ဘယ်သူ ကျားကဘယ်သူဆိုတာ မသေချာသေးဘူး။"
ယဲ့ရုန်ရှန်းက မရယ်ဘဲမနေနိုင်တော့ပေ။
"အို၊ သောက်ကလေးက 'အတွေ့အကြုံ' ဆိုတဲ့ စကားလုံးကို နားမလည်ဘဲ အရမ်းမာနကြီးနေတာပဲ”
"မင်းလို အသက် 20ပဲရှိသေးနဲ့ လူငယ်တစ်ယောက်ကိုကိုင်တွယ်ရတာ ငါ့ရဲ့ ခွန်အားက အခု မင်းရဲ့ အင်အားနဲ့ တူနေရင်တောင် ငါ့ရဲ့ သာလွန်ကောင်းမွန်တဲ့ တိုက်ပွဲအတွေ့အကြုံနဲ့ဆို မင်းကို အလွယ်တကူ ချေမှုန်းနိုင်မှာပဲ”
သူ့စကားအဆုံးသတ်သည့်အခိုက်တွင်၊ ယဲ့ရုန်ရှန်းသည် သူ၏ကြီးမားလှသောတောင်ပံများကို ဒေါသတကြီး ခတ်၍ ရှေ့သို့ လင်းလက်တောက်ပနေသော အလင်းတန်းတစ်ခုအဖြစ်သို့ ပြောင်းလဲသွားကာ လင်းဇီချန်ဆီသို့ ပြေးဆင်းလာခဲ့သည်။
လင်းဇီချန်သည် ယင်းအတွက် ပြင်ဆင်ထားပြီးသားဖြစ်သည်။
ယဲ့ရုန်ရှန်းသည် အရှိန်အဟုန်ဖြင့် ရှေ့သို့ အရှိန်ပြင်းပြင်း ပြေးသွာသည်။ လင်းဇီချန်၏ သွေးစွမ်းအင်များ ပေါက်ထွက်ကာ အနီရောင်တောက်တောက် အလင်းတန်းများအဖြစ်သို့ ပြောင်းလဲလျက် အရှိန်ဖြင့်လာနေသော ယဲ့ရုန်ရှန်းဆီသို့ အပြေးအလွှား ဦးတည်သွားသည်။
အလင်းတန်းနှစ်ခု အပြင်းအထန် တိုက်မိသွားသဖြင့် လေထုက ပြင်းထန်စွာ တုန်ခါသွားသည်။ ယင်းနောက် နှစ်ယောက်လုံး အနောက်သို့ လွင့်ထွက်လျက် ပြင်းထန်သော ဒဏ်ရာများ ကိုယ်စီ ရရှိခဲ့ကြသည်။
၎င်းတို့အနက်မှ လင်းဇီချန်သည် ပိုမိုကြီးမားသော သက်ရောက်မှုကို ရယူခဲ့ကာ အဝေးသို့ ပျံသန်းသွားခဲ့သည်။ မြို့ခေါင်းဆောင်တို့သည် ကိုယ့်ကိုယ်ကိုယ်ဖျက်ဆီးခြင်းနှင့် ဝါးမြိုခြင်းခံခဲ့ကြရသောကြောင့် မည်သူမျှ မကျန်ရစ်ခဲ့ပေ။ ယင်းက လင်းဇီချန်၏ သွေးမျိုးဆက်စွမ်းအား [လူမှုရေးတိရိစ္ဆာန်] ကို ထိခိုက်စေ၍ အသုံးပြုမရနိုင်သော်လည်း ကံကောင်းစွာဖြင့် အခြား စွမ်းအားများကို သုံး၍ရသေးသည်။
ယဲ့ရုန်ရှန်းသည် လင်းဇီချန်နှင့် ထိပ်တိုက်တွေ့ပြီးပြီးချင်းတွင် ဆိုးရွားသော လက္ခဏာများဖြင့် ဖုံးလွှမ်းသွားခဲ့သည်။
[အဆိပ်သင့်ခြင်း]၊
[ ပုံရိပ်မှားမြင်ခြင်း]
[ခေါင်းမူးခြင်း]၊
[ထုံကြင်ခြင်း]၊ စသည်တို့ ...
ဤဆိုးဝါးသော အခြေအနေများကြောင့် တဖြည်းဖြည်း အားနည်းလာသဖြင့် ယဲ့ရုန်ရှန်း၏ အင်အားသည် လျင်မြန်စွာ ကျဆင်းလာသည်။
သူ၏ သွေးစွမ်းအား ဝိညာဉ်စွမ်းအား နှစ်ခုစလုံးသည် ဒဏ္ဍာရီအဆင့် အဋ္ဌမအဆင့်မှ ဒဏ္ဍာရီအဆင့် သတ္တမအဆင့် အထွတ်အထိပ်သို့ ကျဆင်းသွားကာ သတ္တမအဆင့်ဆီသို့ လျင်မြန်စွာ ရောက်ရှိသွားခဲ့သည်။
"ဘာတွေဖြစ်နေတာလဲ”
"ငါ့ခန္ဓာကိုယ်က ဘာလို့ ဒီလိုဖြစ်နေတာလဲ။"
"သူ့ရဲ့တိုက်ခိုက်မှုကြောင့် ဒီလိုဖြစ်တာလား"
ယဲ့ရုန်ရှန်းသည် လင်းဇီချန်ကို အဝေးမှ စိုက်ကြည့်နေလျက် ထိတ်လန့်တကြား ခံစားချက်မျိုး ထွက်ပေါ်လာသည်။
လင်းဇီချန်၏ တိုက်ခိုက်မှုကြောင့် သူ့အပေါ် ဤသက်ရောက်မှုများ အမှန်ပင်ဖြစ်စေခဲ့လျှင် နောက်လာမည့်တိုက်ပွဲက ကိုင်တွယ်ရခက်ခဲသွားပေလိမ့်မည်။ ယခုတွင် သူ၏ မြေပြင်အင်အားက လင်းဇီချန်ထက် နည်းသွားသဖြင့် ကွာဟချက်အား တံတားထိုးရန် နှစ်ပေါင်းများစွာ အတွေ့အကြုံကို အားကိုး၍သာ ရှေ့သို့ တက်လှမ်းနိုင်သည်။
သို့သော်လည်း လင်းဇီချန်၏ တိုက်ခိုက်မှုများသည် ပစ်မှတ်အား အပျက်သဘောဆောင်သော အခြေအနေများဖြင့် ထိခိုက်စေပါက၊ အတွေ့အကြုံ အားသာချက်မှာ လင်းဇီချန်နှင့် အင်အားကွာဟချက်အတွက် ဖြည့်စွက်ရန် လုံလောက်မည်မဟုတ်ပေ။